By Admin 
හිටපු බුද්ධි ප්රධානී සුරේෂ් සලේ මහතාගේ නීති උපදේශක අසිත් සිරිවර්ධන මහතා විසින් අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර වෙත ලිපියක් යොමු කර තිබේ.අදාළ ලිපිය මගින් නීතිඥවරයා සඳහන් කර ඇත්තේ සුරේෂ් සලේ මහතා ශාරිරික සහ මානසික තත්ත්වය බරපතළ ලෙස පිරිහී ඇති බැවින් වහාම වෛද්ය ප්රතිකාර ලබා දීම සඳහා රෝහලකට ඇතුළත් කිරීම අවශ්ය වන බවය.
සුරේෂ් සලේ මහතාට සුදුසුකම් ලත් ස්වාධීන වෛද්ය වෘත්තිකයින් විසින් වහාම වෛද්ය ප්රතිකාර ලබා දිය යුතු බවත් සම්පූර්ණ පරීක්ෂාවක් සහ ප්රතිකාර ලබා දිය හැකි සුදුසු රෝහලකට හදිසි මාරුවක් අවශ්ය බවද නීතිඥවරයා අදාළ ලිපිය මගින් අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර මහතා වෙත දන්වා තිබේ.
එමෙන්ම සුරේෂ් සලේ මහතා විසින් තම අවසන් කැමති පත්රය සහ ඊට අදාළ නිතිමය ලේඛණ සකස් කිරීම සඳහා තම නීතිඥවරයා හමුවීමට අවස්ථාව ලබා දෙන ලෙසත් ඉල්ලා ඇති බවද අදාළ ලිපියේ සඳහන් වේ.
උපුටා ගැන්ම
සලේ මහතාගේ ශාරීරික තත්ත්වය භයානක හා අසාධ්ය මට්ටමකට පිරිහී ඇති බව පවුලේ අය නිරීක්ෂණය කළහ. නිලධාරීන් දෙදෙනෙකුගේ ශාරීරික සහාය නොමැතිව ඔහුට මෙම සංචාරයට සහභාගී වීමට නොහැකි වූ බව වාර්තා වේ. සංචාරය අතරතුර, ඔහු තම පවුලේ අයට දැනුම් දුන්නේ ඖෂධ, සේලයින්, ආහාර සහ ජලය ප්රතික්ෂේප කළ බවයි. ඔහුගේ මරණය ආසන්න බවට ඔහු තවදුරටත් විශ්වාසය පළ කළ අතර ඔහුගේ ඇස් පරිත්යාග කිරීමට කටයුතු කරන ලෙස ඉල්ලා සිටියේය. ඔහුගේ අවසන් කැමැත්ත සහ අනෙකුත් අදාළ නීතිමය ලියකියවිලි ක්රියාත්මක කිරීම සඳහා ඔහු තම නීතිඥවරයාගෙන් වහාම පැමිණෙන ලෙසද ඉල්ලා සිටියේය.
සුරේෂ් සලේ මහතාගේ මෙම ප්රකාශ සහ තත්ත්වයන් ඔහුගේ ශාරීරික හා මානසික තත්ත්වය බරපතළ ලෙස පිරීහි ඇති බව පැහැදිළිව පෙන්වන බවත් ඔහුගේ යහපැවැත්ම, සෞඛ්ය සහ ජීවිතය සම්බන්ධයෙන් තාර්කික තීරණ ගැනීමට ඔහුට තවදුරටත් හැකියාවක් නොමැති බව පෙන්වා දෙන නීතිඥවරයා දැනට ඔහු රඳවා තබා ගෙන සිටින තත්ත්වයන් අවම වශයෙන් හෝ ඔහුගේ ජිවිතයට බරපතළ සහ ක්ෂණික අවධානමක් නිර්මාණය කරන බවද පෙන්වා දී තිබේ.
මේ හේතුවෙන් ප්රධාන කරුණු කිහිපයක් යටතේ අපරාධ පරීක්ෂණ දෙපාර්තමේන්තුවේ අධ්යක්ෂවරයා වෙත ඉල්ලීමක් යවමින් නීතිඥවරයා සඳහන් කර ඇත්තේ මෙම කරුණු පිළිබඳව සලකා බලා තවදුරටත් ක්රියාමාර්ග නොගන්නේ නම් සිය සේවාදාකයාට සිදුවන හානි සම්බන්ධයෙන් අනාගතයේදී ගොනු කළ හැකි අධිකරණ, අපරාධ, ආණ්ඩුක්රම ව්යවස්ථාමය හෝ ජාත්යන්තර නඩු කටයුතුවලදී පදනමක් ලෙස භාවිත කරන බවත් අදාළ ලිපිය මගින් අපරාධ පරීක්ෂණ දෙපාර්තමේන්තුවේ අධ්යක්ෂවරයාට දන්වා තිබේ.
එම ප්රධාන කරුණු වන්නේ …
1. සලේ මහතා වහාම හදිසි වෛද්ය ප්රතිකාර ලබා දීමට පහසුකම් ඇති රජයේ හෝ පෞද්ගලික රෝහලකට මාරු කළ යුතුය;
2. අවශ්ය නම් මනෝචිකිත්සක වෘත්තිකයන් ඇතුළු ස්වාධීන වෛද්ය විශේෂඥයින් විසින් ඔහුව වහාම පරීක්ෂා කළ යුතුය;
ඔහුගේ නීති නියෝජිතයින්ට සහ පවුලේ අයට ඔහු වෙත සාධාරණ ප්රවේශයක් ලබා දිය යුතුය;
3. ඔහුගේ වෛද්ය තත්ත්වය සහ ඔහුගේ ආරක්ෂාව සඳහා ගෙන ඇති ක්රියාමාර්ග පිළිබඳව ලිඛිත යාවත්කාලීන කිරීමක් ප්රමාදයකින් තොරව ලබා දිය යුතුය.
එම සම්පූර්ණ ලිපිය පහතින්,