මෑතක සිට ශ්‍රී ලංකා ටෙලිකොම් ආයතනය ඔවුන්ගේ වෙළඳ ප්‍රචාරණ හා ප්‍රවර්ධන කටයුත්තක් ලෙස ක්‍රියාත්මක වන SLT SPEEDUP JOURNEY වැඩසටහන මෛත්‍රීපාල සිරිසේනගේ බාල සහෝදරයා වන සභාපති කුමාරසිංහ සිරිසේන හදිසියේම ආයතනයේ බැහැර මෛත්‍රීපාල සිරිසේනගේ දියණියට අයත් ආයතනයක් වන Red Cherry Adverting Pvt Ltd වෙත පවරා තිබේ.
මෙහි පළමු ප්‍රචාරණ හා ප්‍රවර්ධන වැඩසටහන මීගමුව නගරය කේන්ද්‍රගත කරගනිමින් සංවිධානය කරන ලද්දේ ශ්‍රී ලංකා ටෙලිකොම් ආයතනයට අනුබද්දිත ශ්‍රී ලංකා ටෙලෙකොම් Rainbow Pages ඉසව් කළමනාකරණ ආයතනය විසිනි. මෙම වැඩසටහන ශ්‍රී ලංකා ටෙලෙකොම් ආයතනය වසර 20ට පසු සංවිධානය කල ඇති සාර්ථක වැඩසටහනකි.
මෙම වැඩසටහනේ දෙවන අදියර කොළඹ නගරය කේන්ද්‍රගත කරගනිමින් සංවිධානය කරන්නට කටයුතු සුදානම් කෙරෙන අවස්ථාවේ එක්වරම මෙම වැඩසටහන ශ්‍රී ලංකා ටෙලෙකොම් rainbow pages ඉසව් කළමනාකරණ ආයතනයෙන් ඉවත්කොට ඉහල නියෝගයක් මත වෙනත් පෞද්ගලික ආයතනයකට භාර දෙන ලෙස පහල නිලධාරීන්ට උපදෙස් ලැබුණි.
Red Cherry Adverting Pvt Ltd නමින් හඳුන්වන මෙම ආයතනය මෛත්‍රීපාල සිරිසේනගේ දියණියට අයත් ආයතනයක් ලෙස තොරතුරු වාර්තාවේ. අංක 18, සුලෙඉමන් ටෙරස් හි මෙම ආයතනය පවත්වාගෙන යයි. මෛත්‍රීපාල සිරිසේනගේ ඡන්ද ව්‍යාපාරයට අදාලව සකසන ලද ගීතයේ රූප රචනාව කල ජනක නම් කැමරා ශිල්පියා මෙම ආයතනය ජනාධිපතිතුමන්ගේ දියණිය වෙනුවෙන් මෙහයවයි. ජනක උපරිම බලය යොදාගනිමින් සියලුම රාජ්‍ය ආයතනවල වෙළඳ ප්‍රචාරණ හා ප්‍රවර්ධන කටයුතු වලට අත ගසමින් සිටින බව වාර්තා වේ.
මෙම Red Cherry Adverting Pvt Ltd ආයතනය කෙලින්ම තම ව්‍යාපාර කටයුතු කරනු වෙනුවට උපක්‍රමිකව Media Gang Pvt Ltd නමින් තවත් ආයතනයක් හරහා තම ව්‍යාපාර මෙහෙයවයි. මෙම ආයතනය ද ඉහත ලිපිනයේම පිහිටුවා තිබේ. මෙම ආයතනය ද මෛත්‍රීපාල සිරිසේනගේ දියණියට අයත් ආයතනයක් ලෙස තොරතුරු වාර්තාවේ
ශ්‍රී ලංකා ටෙලිකොම් ආයතනයේ උක්ත වැඩසටහන වෙනුවෙන් ජනක නම් පුද්ගලයා මෙම ආයතන හරහා ඉහල මිලගණන් ඉදිරිපත් කර ඇති අතර ටෙලිකොම් නිලධාරීන්ට එම මිලගණන් අනුමත කරන්නට සිදුවී ඇත. අනෙක් කරුණ නම් එතෙක් ඇති සාර්ථකව ශ්‍රී ලංකා ටෙලෙකොම් Rainbow Pages ඉසව් කළමනාකරණ ආයතනය විසින් කරන ලද මෙම ප්‍රවර්ධන වැඩසටහන සම්පුර්ණයෙන්ම අසාර්ථක වීමයි.
එයට හේතුව වී ඇත්තේ මින් පෙර මෙම Red Cherry Adverting Pvt Ltd හා Media Gang Pvt Ltd ආයතන වලට මෙම ක්ෂත්‍රයේ පළපුරුද්දක් නොමැති කමයි. එම හේතුව නිසා විශාල ප්‍රමාණයේ මුදල් නාස්තියක් සිදුවෙමින් පවතී.
ශ්‍රී ලංකා ටෙලෙකොම් rainbow pages ඉසව් කළමනාකරණ ආයතනය විසින් ලක්ෂ 90ක මුදලක් මෙම වැඩසටහන සඳහා මිල ගණන් ඉදිරිපත් කර තිබු අතර ජනක නම් පුද්ගලයා මෙහෙයවන, මෛත්‍රීපාල සිරිසේන ජනාධිපතිතුමන්ගේ දියණියට අයත් ආයතනය ඉදිරිපත් කර තිබු මිල ලක්ෂ 160 ආසන්නය. එම මුදල ශ්‍රී ලංකා ටෙලිකොම් සභාපතිවරයා අනුමත කර තිබීමද විශේෂත්වයකි. ටෙලෙකොම් නිලධාරින් මෙම ප්‍රශ්නය නිසා දැඩි අසීරුතාවයකට පත්ව ඇත.
දිගින් දිගටම අසාර්ථක වන මෙම වැඩසටහන කෙතරම් අසාර්ථක වුවත් තෙවන අදියරත් ඉහල මිල ගණන් යටතේ අදාළ ආයතනයටම ලබා දී තිබේ. එය අරඹ කල පළමු දිනයේම මෙය අසාර්ථක වී තිබේ. තෙවන අදියර මාතර නගරය කේන්ද්‍ර කරගනිමින් පවත්වනු ලබයි.
ජනක නම් පුද්ගලයා තම බලය යොදාගනිමින් ජාතික ලොතරි මණ්ඩලයේද ප්‍රචාරණ කටයුතු වලට විනිවිද භාවයෙන් තොරව අතගසා ඇති අතර රජයට අනුබද්දිත ආයතනවලට සේවා සැපයීමේදී ටෙන්ඩර් පටිපාටිය ක්‍රියාත්මක කිරීම අනිවාර්ය වුවත් නාධිපතිතුමන්ගේ දියණියට අයත් ආයතනවලට නම් ය අදාළ නොවන බව වාර්තාවේ . ශ්‍රී ලංකා ටෙලිකොම් ආයතනයට අනුබද්දිත ශ්‍රී ලංකා ටෙලෙකොම් Rainbow Pages ඉසව් කළමනාකරණ ආයතනය පවා තම සේවා සපයා එත්තේ ටෙන්ඩර් පටිපාටිය අනුව බව වාර්තාවේ.
රවුම්කර ඇත්තේ ජනක නැමැත්තාය
