රතු මුහුද තරණය කරමින් පොරොන්දු දේශය කරා මෝසස් මෙහෙයවූ ක්‍රියාන්විතය අප කියවා ඇත. මෙම ක්‍රියාදාමය එදා මෙදා තුර ඉතිහාසය උඩු යටිකුරු කල කල බව නොරහසකි. එදා ඊස්ශ්‍රායෙලියන්ගේ රතු මුහුදු තරනයට හේතු වූයේ පාරාවුන්ගේ වහල් භාවයෙන් මිදී පලා යාමය. එයින් වසර 3000 ක් ගතවෙත්ම ඊශ්‍රායෙලියන් යලිත් වරක් රතුමුහුද තරණයට සැරසී ඇත. නමුත් මෙදා ඔවුන් රතුමුහුද තරණය කරනුයේ මුසොල්මානුවන්ගේ මුදුන්මල්කඩ ආක්රමනය සදහාය. සවුද්ගේ අරාබිය ආරාජික කොට පොරොන්දු දේශය පූරනය කිරීම සදහාය.
ඉතිහාස කථාවට අනුව අවුරුදු ගණනාවක් ඊජිප්තුවේ ජීවත් වූ ඊස්ශ්රායෙලියන් බොහෝ ධන සම්පත් රැස් කරගත්හ. ඔවුන් දෙවියන් අමතක නොකල බවත් දෙවියන්ද ඔවුන් අමතක නොකල බව කියවෙයි . ඔවුන්ගේ බල පරාක්‍රමය දිනෙන් දින වැඩිවිය .මේ අතර ක්‍රි:පූ: 1301-1235 අතර කාලයේ මිසරයේ පාලකයා වශයෙන් දෙවන රමිසස් පත්විය මෙම රජ පෙළපත බයිබලයේ “පාරාවෝ” යනුවෙන් හදුන්වන අතර අල්කුර්ආනයේ “ෆිර්අව්න්” ලෙස හදුන්වයි.
කෲර ස්වෝත්තමවාදියෙකු ලෙස ගැනෙන රමිඉසස්, ඊස්ශ්රායෙලියන් පිලිබදව තැති ගත් බව සදහන් වෙයි. ඒ අනුව ඔවුන්ගේ ධන ධාන්ය රාජසන්තක කොට වහල් භාවයට පමුනුවා ලීය. ඊශ්‍රායෙල්වරුන්ට ඉපදෙන සෑම පිරිමි දරුවෙකුවම නයිල් ගඟේ ගිල්ලවා මරා දමන ලෙස ලෙස අණ කලේය.
මේ අතර එක් ඊස්ශ්‍රායෙලි මවක් තම පුතාව කූඩයක දමා නයිල් ගගේ පා කර හැරියේය. ගගේ පාවූ දරුවා ඇස ගැ‍ටුනේ පාරාවෝ රජ දියනියකටය. ඇය දරුවා හදා වඩා ගත්තාය. ඔහුට මෝසෙස් යන නම තැබූ අතර රජ පවුලේම කෙනෙකු ලෙස හැදී වැඩුනි. මෝසස් වයසින් මුහුකුරා ගියේය. දිනක් ඊජිප්තු රාජ පුරුශයෙකු අතින් පීඩා විඳිමින් සිටි වහලෙකු බේරාගැනීමට ගොස් මෝසෙස් කරදරයක වැටුනි. ඒ සිදුවීම නිසා ඔහු ඊජිප්තුවෙන් පලා යන ඔහු ඈත දේශයක ජීවත් විය. අවුරුදු ගණනාවක් ගෙවී ගිය පසු යෙහෝවා දෙවි මෝසෙස්ව නැවත ඊජිප්තුවට යැවීය. ඒ ඊශ්‍රායෙල්වරුන්ව නිදහස් කර ගැනීම උදෙසාය.
මෝසස්, පාරාවෝ රජ හමුවී ඊශ්‍රායෙලි වහලුන් නිදහස් කරන ලෙසට ඉල්ලීය. නමුත් පාරාවෝ මෝසෙස්ගේ ඉල්ලීම ප්‍රතික්ෂේප කලහ. ඒ අනුව දේව උදහසට ලක්වූ පාරාවෝ වසංගත ඇතුලු භයංකර විපත් 10 කට ලක්වූ බව කියවෙයි. දහවෙනි විපතින් රජුගේ කුලුඳුල් පුත්‍රයාද මිය ගියේය. මෙම සිදුවීමෙන් පසුව මෝසෙස් ඇතුලු ඊස්ශ්‍රායෙලියන්ට ඊජිප්තුවෙන් පිටව යාමට අවසර ලැබුනි. නමුත් පසුව, ඊස්ශ්‍රායෙලියන්ට නිරුපද්‍රිතව යන්න හැරීම මෝඩකමක් කියා සිතූ රජ, තමාගේ මුළු හමුදාව හා අශ්ව රථ සමඟ ඔවුන් පසුපස ලුහු බැදීය. ඊශ්‍රායෙල් සෙනඟ එක් පැත්තකින් රතු මුහුදත් අනික් පැත්තෙන් ඊජිප්තු සේනාවත් අතර කොටු විය. නමුත් දෙව්තෙමේ රතු මුහුද දෙබෑ කර ඊශ්‍රායෙලියන් ඉන් එතෙර කරවූ බව කියවෙයි.
මෝසස් මුහුද රතුමුහුද තරණය ස්ථානය ටිරාන් සමුද්ර සන්ධිය බව අද තහවුරු වී ඇත. එතෙර වූ ඊශ්‍රායෙලියන් පොරොන්දුදේශයට ඇතුල්වන තෙක් වාසය කලේ සීනායි කන්ද ආශ්‍රිතවය. සීනායි කන්ද අද සෞදිඅරාබියට අයත් භූමියකි. බයිබලයේ කියවෙන පරිදි දේව මහිමයෙන් පර්වතයක් දෙබෑ වී ජලය මතුවූ ස්ථානය, ඇතුලු සංධිස්ථාන ගනනාවක් සීනායි කන්ද ආශ්‍රිතව වෙයි. (පින්තූරය බලන්න )
සෞදි අරාබිය විසින් නියොම් නම් වූ සිහින පුරවරයක් ඉදිකිරීම ආරම්භ කලේ පසුගිය නොවැම්බර් මාසයෙදිය. මෙය එදා මෙදා තුර ඉතිහාසයේ වැඩිම ආයෝජනයක් සහිත ව්‍යපෘතිය ලෙසින් ඉතිහාසගත වෙයි . මෙහි දැකිය හැකි අතිවිශේෂ කරුනු දෙකකි, එකක් නම් එදා මෝසස් රතු මුහුද තරණය ස්ථානයේ ඊජිප්තුව සහ සෞදි අරාබිය යා කරමින් පාලමක් ඉදි වීමය, අනෙක නම් මෝසස්ගේ නැවතුම්පොල වූ සීනායි කන්ද අශ්‍රිතව වර්ග කි.මී 26500 ප්‍රදේශයක පුරවරයක් ඉදි වීමය. තවද එය ශරියා නීතිය අතික්රමනය කරන රාජ්‍යක් බව බලධාරීන් විසින් පිලිගෙන ඇත. මෙකී කරුනු අද කිසිවෙකුට රහසක් නොවේ , ඒවා පුවත්පත්වල සහ අන්තර්ජාලයේ සිරස්තල ලෙසින් විකාශනය වී ඇත.
නියොම් පුරවරය පිලිබද අප දන්නා කරුනු එසේ වුවද කෙස් කෙලින් කරවන කරුනු 5ක් ජනතාවගෙන් සගවා ඇත
1. නියොම් ව්පෘයිතියේ ප්රධාන විධායක නිලධාරී කාලොස් ක්ලෙන්ෆිල්ඩ් Dr. Klaus Kleinfeld- ප්රධාන ආයෝජක දුරන්ධර ස්ටෙෆන්. එ ස්වොර්මන් Stephen A.Schwarzman සහ රොබෝ තාක්ෂන ප්රධානී මාර්ක් රිබර්ට් Marc Raibert යුදෙව් ජාතිකයන්ය.
2. පුරවරයේ ඉදිකරන නිෂ්චල දේපල වල සින්නක්කර අයිතිය ආයෝජකයන් සතුවෙයි.
3. නියොම් දේශයේ නෛතික ආර්ථික දේශපාලන සහ අරක්ෂක විධිවිධාන මෙහෙයවනුයේ ආයෝජකයන්ට බහුතර බලයක් හිමි මණ්ඩලයකිනි.
4. නියොම් ව්‍යාපෘතිය ජොර්දානයේ ඇකබා, ඊජිප්තුවේ තාබා සහ ඊශ්‍රායෙලයේ එයිලට් වරාය නගර හා එකට සම්බන්ද වූවකි.
5. යම් හෙයකින් ව්‍යපෘතිය නැවතුනහොත් මෙහි පාර්ශවකරුවන් වන යුදෙව්වන්ට ඩොලර් බිලියන ගනනක වන්දියක් ගෙවිය යුතු වෙයි.
ලෝකයේ දේශපාලන සහ ආර්ථික බල කේන්ද්රය පාලනය කරන ගුප්ත පැලන්තිය පිලිබදව ලියුම්කරුගේ පෙර ලිපිවල සදහන් කොට ඇත. ට්‍රම්ප්ලා, මෝදිලා , සෞද්ලා උන්ගේ ඉත්තන්ය .මොසාඩ් සී.අයි.ඒ, මී5 කුලී හේවායින්ය. නේටෝව සහ යූ.එන් උන්ගේ බත් බැලයින්ය. බයිබලය ඇදිවතය. මුදල් දෙවියන්ය – ගෝඩ්ෆාදර් රොත්ස්චයිල්ඩ්ය . නියොම් මෙහෙයුමෙ දුරන්ධරයන්, ආයෝජකයන් රොත්ස්චයිල්ඩ්ගේ රූකඩය . එදා බ්‍රිතාන්‍යයන් අල්ලේ නටවමින් ඊශ්‍රායෙලය බිහිකලේ යම්සේද ඔහු නියොම් දිගුව මෙහෙයවනු ලබයි
විශේෂ ලියුම්කරු කීර්ති රත්නායක
Published on: Dec 02, 2017 – ඒකාබද්ධ විපක්ෂයේ කොළඹ දිස්ත්‍රික් පාර්ලිමේන්තු මන්ත්‍රී බන්දුල ගුණවර්ධන මහතා හදිසි සාකච්ඡාවක් සදහා හිටපු ජනාධිපති ඒකාබද්ධ විපක්ෂයේ ප්රධානී මහින්ද රාජපක්ෂ මහතා සාකච්ඡාවක් සදහා කැදවා ඇති බව අප දේශපාලන වාර්තාකරු අනවරණය කළා.
ඒකාබද්ධ විපක්ෂයෙන් මෛත්‍රී ජනපතිගේ නායකත්වයෙන් යුත් ශ්‍රි ලංකා නිදහස් පක්ෂයට එක්විම සදහා පසුගිය දින කිහිපයේ සාකච්ඡාවක යෙදි සිටි බන්දුල ගුණවර්ධන ශ්‍රි ලංකා නිදහස් පක්ෂයේ මෛත්‍රී පිළ සමග එක්විමේ සුදානමක් ඇති බවට වාර්තා විමත් සමග මෙම හදිසි හමුව කැදවා තිබේ.අදාළ සාකච්ඡාව සදහා තවත් ඒකාබද්ධයේ ජ්‍යෙෂ්ඨයන් කිහිප දෙනෙකුට ආරාධානා කර තිබුනද ඔහුන් එම අවස්ථාවට එක්ව නෑ.
මෙහිදි දෙදෙනා අතර පැය ගණනක සාකච්ඡාවක් සිදුව ඇති අතර එම සාකච්ඡා සදහා ඒකාබද්ධයේ තවත්න් ප්‍රබලයන් කිහිප දෙනෙකුද සම්බන්ධ වි තිබේන බවයි අප දේශපාලන වාර්තාකරු අනවරණය කළේ.
ඒකාබද්ධ විපක්ෂය සහ ශ්‍රී ලංකා නිදහස් පක්ෂය අතර පැවැති සාකච්ඡා බිඳවැටීමත් සමගම ඒකාබද්ධය නියෝජනය කරන ප්‍රබලයන් ශ්‍රිලනිපය සමග එකතු විම සදහා විවිධ සාකච්ඡා සිදුකරමින් පවතින අතර මේ වනවිට ජාතික නිදහස් පෙරමුණේ කිහිප දෙනෙකුම ශ්‍රිලනිප මෛත්‍රී පිළ සමග එකතු වෙමින් සිටින අතර ඒකාබද්ධ නියෝජනය කරන ශ්‍රිලනිප 5 දෙනෙකු ද ඉදිරි සතිය තුලදි මෛත්‍රී සමග එකතු විමට සුදානමි සිටි.
Published on: Dec 02, 2017 – ලබන සතියේ මුල් දින කිහිපය තුල ජාතික නිදහස් පෙරමුණේ පාර්ලිමේන්තු මන්ත්‍රී වීරකුමාර දිසානායක මහතා මෛත්‍රීපාල සිරිසේනගේ නායකත්වයෙන් යුත් ශ්‍රි ලංකා නිදහස් පක්ෂය සමග එකතු විමට සුදානමින් සිටින බව අප ආරක්ෂක තොරතුරු වාර්තාකරු අනාවරණය කළා.
ඒ අනුව වීරකුමාර දිසානායක මහතාට නීතිය හා සාමය පිළිබඳව නියෝජ්‍ය අමාත්‍ය ධුරය ලබාදීමට ජනාධිපති මෛත්‍රීපාල සිරිසේන මහතා එකඟත්වය පළකර ඇති බවද අප ආරක්ෂක තොරතුරු වාර්තාකරු අනාවරණය කළා.
ජාතික නිදහස් පෙරමුණේ පාර්ලිමේන්තු මන්ත්‍රී වීරකුමාර දිසානායක මහතා ජාතික නිදහස් පෙරමුණ සමග සම්බන්ධ වි මහින්ද සුලග නිර්මාණය කිරිමේ විමල් පිලේ ප්‍රබලයෙකු ලෙස කටයුතු කල අතර මහින්ද රාජපක්ෂගේ ඒකාබද්ධ විපක්ෂය සහ ශ්‍රී ලංකා නිදහස් පක්ෂය අතර සංහිඳියාව වෙනුවෙන්ද බර කරට ගෙන කටයුතු කල අයෙකු වනවා.
පළාත් පාලන මැතිවරණය සදහා මහින්දගේ ඒකාබද්ධ විපක්ෂය සහ මෛත්‍රීපාල සිරිසේනගේ ශ්‍රී ලංකා නිදහස් පක්ෂය එකට එකතු කර ඒකාබද්ධ ශ්‍රී ලංකා පොදුජන පෙරමුණක් ලෙස තරග වැදිම සදහා එකඟතාව ඇති කිරිමට උත්සහ කලද ඇතැම් අන්තවාදීන් එම එකඟතාව කඩා බිදදමා තනිවම විවිධ පෙරමුණු ඔස්සේ තරග කර ශ්‍රිලනිපය දුර්වල කර 2020දි රනිල් වික්‍රමසිංහ ජනාධිපති කරවිමට කටයුතු කරමින් සිටිම පක්ෂය සහ ඒකාබද්ධය අතහැර යැමට ප්‍රධානම හේතුව වි තිබේ.
ප්‍රභාකරන්ගේ උපන් දිනය නිමිත්තෙන් පැවැත්වූ උත්සවයක දී උතුරු පළාතේ අධ්‍යාපන ඇමති ජාතික කොඩිය එසවීම ප්‍රතික්‍ෂෙප කිරීම ගැන කතා කෙරුණා. රුවන් විජේවර්ධන ඇමතිවරයා කියා තිබුණා ඒ පිළිබඳ සොයා බලන බවත් ජාතික කොඩිය එසවීම ප්‍රතික්‍ෂෙප කිරීම ගැන දඬුවම් කළ යුතු බවත්. ඒ ගැන දැන් කෙරෙන්නේ කුමක් ද කියා රුවන් විජේවර්ධන අපට කියනවා ද?
ජනමාධ්‍යට ප්‍රශ්න ගැන දිගින් දිගට කතා කරන්න බැහැ. දිනපතා විවිධ මාතෘකා එකතු වෙනවා. එවිට පැරණි මාතෘකා යට යනවා. තද වැස්ස, දළ පූට්ටුවා, පළාත් පාලන මැතිවරණ කතා, නඩු දැමීම්, නඩු අස්කර ගැනීම්, එක දිනක මැතිවරණය පැවැත්වෙනවා ද නැද්ද ආදී වශයෙන් මාතෘකා රාශියක් දැන් තියෙනවා. ඒ මදිවාට එක් කසිකබල් වෙබ් අඩවියකට අනුව ඔවුන්ගේ සුරතලුන් කරන පාර්ලිමේන්තුව දෙදරවන කතා ආදියට තැන ලැබෙනවා. ජාතික කොඩිය එසවීම ප්‍රතික්‍ෂෙප කිරීම ක්‍රමයෙන් මතකයෙන් ඈත් වෙනවා.
එහෙත් විග්නේෂ්වරන් එය නැවත මතක් කර තිබෙනවා. ඔහු එය මතක් කර ඇත්තේ ආණ්ඩුවට කරන අභියෝගයක් ලෙස. දෙමළ ජාතිවාදීන් මේ නිවට ආණ්ඩුවට බය නැහැ. නිවට ආණ්ඩුව පිහිටුවා ගනු ලැබුවේ දෙමළ ජාතිවාදය වෙනුවෙන් බටහිරයන් හා ඉන්දියානුවන් විසින්. යුග පෙරළි කාරයන් ජ වි පෙ ආදීන් ඒ ක්‍රියාවලියට හුරේ කිව්වා පමණයි. ජ වි පෙ අද එ ජා ප සමග. යුග පෙරළි කාරයන් මෛත්‍රීපාල කල්ලිය හා ඒකාබද්ධ විපක්ෂය ඉදිරි පාර්ලිමේන්තු මැතිවරණයක් සඳහා එකතු කරන්න හදනවා.
විග්නේෂ්වරන් කියා තිබුණේ ඔය ඇමතිවරුන් කියන කතා ගණන් ගන්නේ නැති බව. ඇමතිවරුන් ජනතාව සඳහා විවිධ කතා කිව්වත් ඒවා කරන්නේ නැති බවත් ඔහු කියනවා. එයටත් වඩා ඔහු කියන වැදගත් කරුණ නම් අදාළ රැස්වීමට ආණ්ඩුවේ අනුමැතිය ලැබුණු බව. එය ඇත්ත නම් භයානකයි. එහෙත් පුදුම වෙන්න දෙයක් නැහැ. රැස්වීමට ආණ්ඩුව අවසර දුන්නා ද නැද්ද යන්න දැන ගැනීමට නොහැකි වෙන්නත් පුළුවන්.
ආණ්ඩුව කියන එකක් නැහැ රැස්වීමට අවසර දුන් බවක්. අවසර දුන් බව කිව්වත් ආණ්ඩුවට කියන්න පුළුවන් ජාතික කොඩිය එසවීම ප්‍රතික්‍ෂෙප කිරීමට අවසරයක් නොතිබූ බව. අපට ඇත්ත දැනගන්න විධියක් නැහැ. උසාවියට ගියත් ඇත්ත දැන ගන්න බැහැ. විග්නේෂ්වරන් ඒ බව දන්නවා ඇති. උසාවියේ දී තීරණය වන්නේ ඇත්ත නොව පවත්නා නීතිය අනුව දක්‍ෂ ලෙස තර්ක කරන්නේ කවුද යන්නයි. කොමාවකින්, ඇලපිල්ලකින් තර්ක වෙනස් කරන්න පුළුවන්.
එහෙත් මුලික වශයෙන් යම් ආකාරයක රාජ්‍ය අනුග්‍රහය ලැබු උත්සවයක දී ජාතික කොඩිය එසවීම පළාත් සභා ඇමතිවරයකු ප්‍රතික්‍ෂෙප කර තිබෙන බව පැහැදිලියි. එසේ ම ඔහුට විරුද්ධ ව කිසිවක් නොකරන බව පැහැදිලියි. එ ජා පක්ෂයට (පෙරමුණට) ඔහුට විරුද්ධව කිසිවක් කරන්න බැහැ. එ ජා පෙ, දෙමළ ජාතික සංධානය, එංගලන්තය හා ඉන්දියාව අතර ඇති එකඟත්වය මත රනිල්ගෙ ආණ්ඩුව කිසිවක් කරන්නෙ නැහැ. විග්නේෂ්වරන් ඒ බව දන්නවා. ඔහු පවතින්නේ ම එංගලන්ත අවශ්‍යතාව උඩ. ඔවුන් අද දෙමළ ජාතික සංධානයට ඊනියා මැද තැනකට ඒමට විග්නේෂ්වරන් යොදා ගැනෙනවා.
මේ සම්බන්ධයෙන් මෛත්‍රිපාල කියන්නේ කුමක් ද? මෛත්‍රිපාල අද පළාත් පාලන ආයතන මැතිවරණයෙන් ජාම බේරා ගැනීමේ සටනක යෙදී ඉන්නවා. ඔහුට ඒකාබද්ධ විපක්ෂයේ ඇතැමුන් සමග මැතිවරණය සඳහා එකතු වීමට අවශ්‍යයි. ඒකාබද්ධ විපක්ෂයේ ඇතැමුන්ටත් මෛත්‍රිපාල සමග එකතු වෙන්න ඕන. ඇතැම් පක්ෂ දැන් තමයි තේරුම් ගනිමින් සිටින්නේ අලුත් මැතිවරණ ක්‍රමය තමන්ට අවාසි සහගත බව. ඔවුන්ට පැරණි සමානුපාතික ක්‍රමය වඩා හොඳයි.
මෛත්‍රිපාල කල්ලිය ආණ්ඩුවෙන් එළියට (පිටතට මෙන් ම සංවිධානයට) බහිවී කියා හිතන්න බැහැ. ඒකාබද්ධ විපක්ෂය ඔවුන්ට කළ නොහැකි කොන්දේසියක් දාලා. මෛත්‍රිපාල ජනාධිපති ලෙස තබාගෙන ඇමතිවරුන් පමණක් ආණ්ඩුවෙන් එළියට බැහීම නොකෙරෙන්නක්. මේ මැතිවරණ එකඟතා එකක්වත් ජාතිය මත පදනම් වෙලා කෙරෙන ඒවා නො වෙයි. මෛත්‍රිපාල කණ්ඩායමට කියන්න පුළුවන් ද තමන් අතින් වැරදි සිදු වී ඇති බවත්, ජාතික ගීය දෙමළෙන් ගැයීම වැරදි බවත්, ජාතික කොඩිය එසවීම ප්‍රතික්‍ෂෙප කළ ඇමතිවරයාට නිසි දඬුවම් දෙන බවත්, රණවිරුවන් ආරක්ෂා කරන බවත් දැනට අත් අඩංගුවට ගෙන ඇති රණවිරුවන් නිදහස් කරන බවත්, රාජ්‍ය දේපොළ විදේශිකයන්ට නොවිකුණන බවත්, බැඳුම්කර මගඩිය අවසානය දක්වා ගෙන යන බවත්, නව ව්‍යවස්ථාව ප්‍රතික්‍ෂෙප කර ඒ සමස්ත ක්‍රියාවලිය ම අහෝසි කරන බවත්, ඒ කරුණු සඳහා ඒකාබද්ධ විපක්ෂය සමග ගිවිසුමකට එළඹීමට තමන් සූදානම් බවත්. එය ජාතික වැඩ පිළිවෙළක් මත ඇති කරන එකඟතාවක් මිස හුදෙක් මැතිවරණ ඉලක්ක කරගෙන ඇති කරන ගිවිසුමක් නොවන බවත් ප්‍රකාශ කරන්න පුළුවන් ද?
එසේ කරන්නේ නම් එයට ඒකාබද්ධ විපක්ෂය කිනම් ප්‍රතිචාරයක් දක්වාවි ද? මේ කිසිදාක සිදු නොවන දෙයක් ද? හුදෙක් මැතිවරණ සඳහා ඇති කරන ගිවිසුම් එකඟතාවලින් රටට කිසිම පළක් නැහැ. ඒ ගිවිසුම්වලින් සිදුවන්නේ සිංහලයන් පරාජය වීම පමණයි.
________________________
වෙබ් අඩවියේ සංස්කාරකවරු
2017-12-01
සෞඛ්‍ය පෝෂණ හා දේශීය වෛද්‍ය අමාත්‍යාංශය මඟින් නොමිලේ ලබාදෙන ත්‍රීපෝෂ නිෂ්පාදනයේදී යොදාගනු ලබන ප්රධාන අමුද්‍රව්‍යයක් වන සම්පූර්ණ යොදය සහිත කිරි පිටි මෙට්‍රික් ටොන් 600 ක් රාජ්‍ය සමාගමක් වන මිල්කෝ සමාගම මඟින් රුපියල් මිලියන 486 කට මිලදී ගැනීම සඳහා කැබිනට් අනුමැතිය හිමිව තිබේ.
2018 වර්ෂයට අදාළ මිලදී ගැනීම් සඳහා මෙම අනුමැතිය හිමිව ඇති අතර මෙම ගනුදෙනුව හරහා අවම වශයෙන් රුපියල් මිලියන 45 ක මූල්‍ය වංචාවක් සිදුවීමට ඉඩ සැලසී ඇති බව මේ පිළිබඳව සැලකිලිමත් වන පිරිසගේ අදහස වී තිබේ.
දේශීය කිරි ගොවියාගේ ආර්ථීකය නඟා සිටුවීමට ලබාදිය හැකි දායකත්වය සහ අතරමැදියන්ගෙන් තොරව ඍජුවම මිල්කෝ සමාගමෙන් ලබාගත හැකිවීමේ වාසිය තකා මෙම ගනුදෙනුව සිදුකිරීමට නියමිත බව සඳහන් වුවද මිලදී ගැනීමට නියමිත කිරි පිටි ප්‍රමාණය හා යෙදවීමට නියමිත මුදල සැලකූ කල, එක් කිරිපිටි කිලෝවක් සඳහා ආසන්න වශයෙන් රුපියල් 810/- ක මිලක් නියම වී තිබේ.
වත්මන් සාමාන්‍ය වෙළඳපොළෙහි මිල්කෝ නිෂ්පාදනයක් වන හයිලන්ඩ් කිරිපිටි කිලෝවක් අලෙවි වන උපරිම සිල්ලර මිල වනුයේ රුපියල් 735/- ක් වන අතර ආයතනයෙන් තොග වශයෙන් මිලදී ගැනීමේදී එම මිලටද වඩා බෙහෙවින් අඩු මුදලකට ලබාගත හැකිව ඇතත් සාමාන්‍ය සිල්ලර මිලද ඉක්මවා එක් කිලෝවක් වෙනුවෙන් රුපියල් 75/- ක් අමතරව ගෙවීම මූල්‍ය වංචාවක් අරමුණු කරගනිමින් සිදුකරන්නක් බව තතු දත් අය පවසති.
~ඉරිදා ලංකා ~
ජාතික නිදහස් පෙරමුණේ මෙන්ම ඒකාබද්ධ විපක්ෂයේ අර්බුදය තීව්‍ර කරමින් ජාතික නිදහස් පෙරමුණේ දේශපාලන මණ්ඩල සභික, හිටපු ත්‍රිකුණාමල දිස්ත්‍රික් පාර්ලිමේන්තු මන්ත්‍රී ජයන්ත විජේසේකර මහතා අද (01දා) පස්වරුවේ ජනාධිපති මෛත්‍රීපාල සිරිසේන මහතා හමුවී ශ්‍රී ලංකා නිදහස් පක්ෂය හා එක් වුනා.
ශ්‍රී ලංකා නිදහස් පක්ෂයේ ත්‍රිකුණාමල දිස්ත්‍රික් සංවිධායකවරයෙකු ලෙස ඒ මහතා පත් කිරීමට ද ජනාධිපතිවරයා කටයුතු කර තිබේ.
2004 මහා මැතිවරණයේදී එක්සත් ජනතා නිදහස් සන්ධානයෙන් (UPFA-SLFP), මනාප ඡන්ද 19,983ක් ලබා ගනිමින් උතුරු -නැගෙනහිරට පත්වු එකම සිංහල මන්ත්‍රිවරයා වු ජයන්ත පසුව ජනතා විමුක්ති පෙරමුණෙන් විමල් සමග ඉවත්ව ජාතික නිදහස් පෙරමුණ සාදා ගත්තද අවසානයේ මහින්දගේ පිහිටෙන් ජයන්තට ඉතුරු වුයේ පළාත් සභා මන්ත්‍රී කම පමණී.
ත‍්‍රිකුණාමලයට තනිව තරග වැද ආසනයක් දිනාගත්ත ද එහි එ්තරම් උඩදැමීමට දෙයක් නැත. මන්ද එසේ ජයග‍්‍රහණය කළ ජයන්ත විජේසේකර කොයි පක්ෂයෙන් ආවත් දිනන අස්සයෙක්මය. ජනිපෙ ඇතත් නැතත් නගර සභාවේ කුණු ට‍්‍රැක්ටරයේ සිට එල්ටීටීයයට එරෙහිව සිංහ දජය එසවීම දක්වා ත‍්‍රීකුණාමල ජනතාවගේ ආකර්ෂණය ඔහුට නොඅඩුව හිමිව ඇත. එ්නිසා ත‍්‍රීකුණාමලයේ ජයග‍්‍රහණය සම්පූර්ණ පංගුව හිමිවන්නේ ජයන්තටය.
පසුව මහින්දගේ පරාජයෙන් පසුව මහින්දගේ, විමල්ගේ ත්‍රිකුණාමලය සවිය වු ජයන්ත විජේසේකර ඒකාබද්ධ විපක්ෂය සමග එක්ව ක්‍රියාකාරී දේශපාලනයේ නිරත වු අයෙකි.
විමල්- ජනිපෙ අර්බුදය…..
විමල්ගේ දේශපාලන ව්‍යාපාරයට අනාගතයක් නොමැති බව ජවිපෙන් ඉවත් වි ජනිපෙ නිර්මාණය කිරිමෙන් පසුව මුහුණ දුන් මැතිවරණය හරහා මනාව තහවුරු වු අතර ජනිපෙ නන්නත්තාරවීම විමල්ට අදාළ නොවු අතර කට නිසා දිනා ගත හැකි ඡන්ද වාසනාවක් ඔහුට උරුම වු බැවින් 2004, 2010 මහමැතිවරණවලින් ඔහු කොළඹින් එකට ආවද එකවිමේ වාසනාව උරගා බලන අස්සේ පක්ෂය දියාරු වි යන ආකරය විමල්ට දකින්නට නොහැකි වු බව නොරහසකි.
මහින්ද සුලගින් ගසාගෙන ගිය විමල්ගේ දෙවන ඉනිම
මහින්දගේ පරාජයෙන් පසුව විමල් මහින්ද අතහැර නොගිය විමල් මහින්ද සුලග නිර්මාණය කිරිමේ බර කරට ගෙන අවසානයේ එය බැසිල්ට දේශපාලන පක්ෂයක් ලෙස අකැමැත්තෙන් වුවද තැගි කරන්නට විය. එන්න එන්නම බලය අතේ ඇතිවිට කරන ලද විවිධ අක්‍රමිකතා අනාවරණය විමත් සමග විමල් කුජීත විමේ සමය ඇරඹුණු අතර ජාතික නිදහස් පෙරමුණේ ප්රධාන ලේකම්, ප්‍රියන්ජිත් විතාරණ මහතා එම ධුරයෙන් බලහත්කාරයෙන් ඉවත් කිරිම,එම පක්ෂයේ ප්‍රධානියකු වන පියසිරි විජේනායක ඉවත් කිරිම හරහාය.
ජනිපේ දෙදරවිමට මුලික හේතු කාරකය වු ජාතික නිදහස් පෙරමුණු දේශපාලන බල මණ්ඩලය එම පක්ෂයේ කුරුණෑගල දිස්ත්‍රික් සංවිධායකවරයා ලෙස කටයුතු කරන කැලුම් ජයසුමන නැමත්තාගේ පාවාදිම් වු අතර අවසානයේ ඔහුටද පක්ෂයේ තනතුරු සියල්ලම අහිමි වි තිබේ.
ජාතික නිදහස් පෙරමුණේ නායක විමල් වීරවංශ මහතා එජාපයේ ප්‍රබලයෙක් හා එජාප නායකයාගේ කිට්ටුවන්තයකු සමඟ නිදහස් චතුරස්‍රය ආසන්නයේ මෝටර් රථයක් තුළ රහස් සාකච්ඡාවක් සිදුකර ඇති බවට මාධ්‍ය හරහා හෙළිදරව් වීම ද එම පක්ෂයේ අභ්‍යන්තර ගැටුමට ප්රධාන කාරණයක් වී තිබේ.
මේ සියල්ලම පසුපස තවත් මොළකරුවෙකු සිටින බව විමල් මේ වනවිට දනී.නමුත් ප්‍රශ්ණ වි ඇත්තේ බලය අත ඇති සමයේ විමල් කල කී දෑ හේතුවෙන් අද විමට ඔහු පරයා යැමට නොහැකි විමය.
Published on: Dec 01, 2017 – පළාත් පාලන මැතිවරණය සදහා මහින්දගේ ඒකාබද්ධ විපක්ෂය සහ මෛත්‍රීපාල සිරිසේනගේ ශ්‍රී ලංකා නිදහස් පක්ෂය එකට එකතු කර නව පෙරමුණක් ලෙස තරග කිරිමට ගත් උත්සහයන් සියල්ලම ඇතැම් කඩාකප්පල්කාරින් විසින් විනාශ කිරිමට කටයුතු කරමින් සිටින බවට ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂයෙ ජ්‍යෙෂ්ඨයන් චොදනා කරනවා.
පක්ෂය දෙකඩ කරමින් පළාත් පාලන මැතිවරණයට නායකත්වය දිමට ඒකාබද්ධයේ ශ්‍රිලනීප නායකයන් කටයුතු කරන්නේ නම් ඒකාබද්ධයෙන් ඉවත් වි මෛත්‍රී ජනාධිපතිගේ නායකත්වයෙන් යුත් ශ්‍රී ලංකා නිදහස් පක්ෂය සමග එකතු විමට මේ වනවිට සාකච්ඡා කරමින් සිටින බව ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂයෙ ජ්‍යෙෂ්ඨයන් කිහිප දෙනෙකු අප විශේෂ වාර්තාකරු සමග අනාවරණය කර තිබේ.
ශ්‍රී ලංකා නිදහස් පක්ෂයේ අර්බුදය විසඳීම සඳහා පත්කරන ලද කමිටු නියෝජිතයන් ඉතාම රහසිගතව සිදුකරන සාකච්ඡා ඒකාබද්ධ ශ්‍රී ලංකා පොදුජන පෙරමුණක් ලෙස තරග වැදිම සදහා යම් එකඟතාවක් ඇති වි තිබේන නමුත් එම එකඟතාවන් වලට ශ්‍රිලනිපයේ නොවන ඇතැම් ඒකාබද්ධ නියෝජිතයන් විවිධ කරුණු සහ අනවශ්‍ය ලෙස ජනාධිපතිවරයාට ඉල්ලිම් ඉදිරිපත් කරමින් එම එකඟතාවන් බිද දැමිමට කටයුතු කරන බවයි ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂයෙ ජ්‍යෙෂ්ඨයන් සදහන් කර ඇත්තේ.
මෙහිදි හිටපු ජනාධිපති මහින්ද රාජපක්ෂ මහතා පක්ෂය දෙකඩ නොකර කටයුතු කිරිම සදහා අවශ්‍ය සහය ලබාදිමට කටයුතු කලද ශ්‍රිලනිපයේ ගමනක අවසානය දැකිමට ආසාවෙන් පෙලෙන ඇතැම් අන්තවාදි දේශපාලන කණ්ඩායම් හිටපු ජනාධිපතිවරයාටද බලපෑම් කරන බවද එම ජ්‍යෙෂ්ඨයන් සදහන් කර තිබේ.
ඉදිරිදින කිහිපය තුලදි එම එකඟතා ඇති කර ගැනිමට හැකියාවක් නොලැබි යන්නේ නම් ශ්‍රී ලංකා නිදහස් පක්ෂය ආරක්ෂා කර ගැනිම සදහා ඒකාබද්ධයෙන් ඉවත්ව ශ්‍රී ලංකා නිදහස් පක්ෂය සමග එක්ව පළාත් පාලන මැතිවරණයට සහය දිමට ශ්‍රිලනිප ජ්‍යෙෂ්ඨයන් කණ්ඩායම තින්දුවක් ගෙන ඇති අතර කොරියාවේ සංචාරයක නිරත ජනාධිපති මෛත්‍රීපාල සිරිසේන මහතා සමගද ඔහුන් දුරකතනය ඔස්සේ සාකච්ඡා වල නිරත වි ඇති බවයි අප විශේෂ වාර්තාකරු අනාවරණය කළේ.
Published on: Dec 01, 2017 – වස විස නැති රටක් හදන්න ගොස් ජනතාව ඉදිරියේ කුජිතව ගොස් චම්පිකගේ අගමැති සිහිනය වෙනුවෙන් වැඩ කරන්නට ගොස් පාඨ්ළී චම්පිකගේ රාජ්‍ය උදහසට ලක්ව අනාථ වි සිටින යහපාලන ස්වාධීන රතන හිමියන් බැසිල් රාජපක්ෂගේ පොහොට්ටු පක්ෂය වටේ කැරකැවෙමින් සිටින බව අප දේශපාලන වාර්තාකරු අනාවරණය කළා.
ජාතික හෙළ උරුමය එජාපයට විකුණමින් චම්පික රණවක රනිල් සමග දිග යැමත් සමග හෙළ උරුමයේ අංගවිකල ඇම්බැට්ටයන් කිහිපදෙනකු එකතු කර ගනිමින් වෙනත් පක්ෂයක් අටවා ගැනිමට රහසේම කටයුතු කරමින් සිටින රතන එම පක්ෂය පොහොට්ටු පක්ෂය විසින් පළාත් පාලන මැතිවරණයට තරග වැදිමට සිටින ශ්‍රි ලංකා ඒකාබද්ධ පොදුජන පෙරමුණ සමග එකට එක්වි තරග කිරිමට එකතු කර ගන්නා ලෙස ඉල්ලා තිබේ.
පොහොට්ටුවේ නායකයින් රහසේම හමුවු රතන හිමි චම්පික අමාත්‍යවරයා,අගමැතිවරයා දැඩි ලෙස විවේචනයට ලක්කර ඇති අතර 2020දි රනිල් ජනපති කර චම්පික අගමැති විමට සිහින දකින බවත් තමන් මහින්ද යලි ජනාධිපති වුනත් රනිල්ට කිසිම දිනක මේ රටේ ජනාධිපති විමට ඉඩ නොදේන බවටද පොර ටොක් දි ඇති රතන ආණ්ඩුවේ ගමනක අවසානය ඔහුන් අතින් ලියාගෙන ඇති බවත් ආණ්ඩුව බේරා ගැනිමට තමන් මහත් කැපකිරිමක් කල බවටද පුරසාරම් දොඩවා ඇති බවයි වාර්තා වන්නේ.
ජාතික හෙළ උරුමයට පළාත් පාළන ආයතන වලට තරග කිරිමට් එක්සත් ජාතික පක්ෂ ලැයිස්තුවේන් ඉදිරිපත් විමට කර ඇති ඉල්ලිමට මේ වනවිට දැඩි විරෝධය එල්ල වි තිබේන අතර එම හේතුවෙන් ජාතික හෙළ උරුමයේ ඇම්බැට්ටයන්ට නාමයෝජනා නොලැබි යැමේ තත්ත්වයක් උදාවි තිබෙන බවයි වාර්තා වන්නේ.
දෙමළ ජාතිවාදීන් ප්‍රභාකරන් ඇතුළු මිනීමරුවන් සමරලා. ප්‍රභාකරන් වෙනුවෙන් කේක් කෑමට වවුනියා මණ්ඩපයේ සිංහල සිසුන්ට බල කරලා. යාපනය සරසවියේ ප්‍රභාකරන් සැමරීමට ගුරුවරු සිසුන් සමග එක් වෙලා. ප්‍රභාකරන්ගේ පින්තූර යාපනයේ ප්‍රදර්ශනය කරලා. රුවන් විජේවර්ධන කියනවා චෙන්නායිහි පමණක් ප්‍රභාකරන්ගේ විශාල රූප ප්‍රදර්ශනය කරලා තිබුණා කියලා. එයින් කියන්නෙ දෙමළ ජාතිවාදය ලංකාවට විරුද්ධ ව තමිල්නාඩුවේත් තියෙන බව. එහෙත් ප්‍රභාකරන් සැමරීමට විරුද්ධ ව ජ වි පෙ වචනයක්වත් කියන්නෙ නැහැ. ආණ්ඩුවත් බොරුවට හරි ප්‍රභාකරන් සැමරුවන්ට විරුද්ධව නීතිය ක්‍රියාත්මක කරනවයි කියද්දි ජ වි පෙ ඒ ගැන කතාකරන්නෙ නැහැ. ආණ්ඩුව අද නීතිය ක්‍රියාත්මක කිරීමක් ගැන කියන්නේ පළාත් පාලන මැතිවරණ ළඟ නිසා. එහෙත් නීතිය ක්‍රියාත්මක කිරීමට පෙර නීතිය නවාවි. ඊට පෙර පළාත් පාලන මැතිවරණ තියේවි.
මේ ඊනියා ජාතික ආණ්ඩුව එ ජා පෙරමුණ හා ශ්‍රී ල නි ප අතර ඇති නීත්‍යානුකූල නොවූ ආණ්ඩුවක්. ඒ ශ්‍රී ල නි ප පාර්ලිමේන්තුවේ නියෝජනය නොවන නිසා. ඒ අතර ජ වි පෙ හා දෙමළ ජාතික සංධානයත් ආණ්ඩුවේ කොටස් කාරයන්. විපක්‍ෂ නායක සම්බන්ධන්. විපක්‍ෂ ප්රධාන සංවිධායක අනුර දිසානායක. කෝප් සභාපති හඳුන්නෙත්ති. ඔවුන් ඇතැම් විට බොරු රඟපෑම් කළත් ආණ්ඩුවේ කොටස්කාරයො. පළාත් පාලන ආයතන ඡන්ද කල්දැමීමට ඔවුන් සියලු දෙනා ම එකතු වුණා. අද ජ වි පෙ බොරුවට මැතිවරණ කල්දැමීම ගැන කතා කරනවා. මේ අය අද එක් දිනයක පළාත් පාලන ආයතන මැතිවරණ පැවැත්වීමට කතා කරනවා. සමහරවිට පැරණි ක්‍රමයට ම මැතිවරණ පවත්වන්න ඉඩ තියෙනවා.
ජ වි පෙ හා දෙමළ ජාතිවාදීන් අතර වෙනස කුමක් ද? විජේවීර මෙන් ම ප්‍රභාකරන් ද මිනිමරුවන්. අදාළ පාක්‍ෂිකයන් හිතවතුන් අනුගාමිකයන් අහිංසක ජනතාව මරා දැම්මා. දෙගොල්ලන් ම භික්‍ෂූන් වහන්සේ ඝාතනය කළා. ජ වි පෙ මැතිවරණවල දි ඡන්දය දුන් අයත් මරා දැම්මා. අද බොරුවට මැතිවරණ ගැන කතා කරනවා. මා මේ බව කලින් කී විටෙක ඕස්ත්‍රේලියාවේ පර්ත් නුවර වාසය කරන ජ වි පෙ හිතවතකු/අනුගාමිකයකු/සාමාජිකයකු අසා තිබුණා මා කලක් (1983ට පෙර) ඊළාම් අයිතිය ගැන කතා නොකළේ ද කියා. මෙය මේ රටේ දේශපාලන සංස්කෘතියයි. කිසිවකු යමකුගේ වරදක් පෙන්වූ විට දෙවැන්නා ඒ වරද ගැන කතා කරනවා වෙනුවට ප්‍රශ්නය ඇසූ අයගේ වරදක් ගැන කියනවා. එහෙත් ජ වි පෙ හිතවතුන් නොදන්නවාට මා මාක්ස්වාදයෙන් සම්පූර්ණයෙන් ම කැඩී වෙන්වීමේ දී මාක්ස්වාදියකු ලෙස මා කළ කී දෙයින් ද වෙන්වුණා. ඉන්පසු ඒ මතවාදවලට විරුද්ධව ක්‍රියා කළා. එහෙත් ජ වි පෙ තම මිනීමැරුම්වලින් වෙන් වුණා ද? ඒ මිනීමැරුම්වලට විරුද්ධ වුණා ද?
ජ වි පෙ ඉල්මහා විරුවන් සැමරීම යනුවෙන් කරන්නේ මිනීමරුවන් සැමරීමක්. දෙමළ ජාතික සංධානය ද අද කරන්නේ මිනීමරුවන් සැමරීමක්. එසේ නම් ඔවුන් අතර ඇති වෙනස කුමක් ද? සිංහලයන් ජ වි පෙ මිනීමරුවන් සැමරීමේ දී විරුද්ධ නොවන්නේත් දෙමළ ජාතිවාදීන් මිනීමරුවන් සැමරීමේ දී විරුද්ධ වන්නේත් ජ වි පෙ මූලික ව සිංහලයන්ට විරුද්ධ නොවූ බැවින් හා දෙමළ ජාතිවාදීන් සිංහලයන්ට විරුද්ධ වූ බැවින්. එමෙන් ම දෙමළ ජාතිවාදීන් රට කැඩීමට කටයුතු කරන බැවින්. දෙමළ ජාතිවාදීන් අදත් කියන්නේ සිංහලයන් සමග ජීවත් වීමට බැරි බව. නාගනාදන් හතළිස් හතේ දී කීවේ දෙමළ ජනයා සිංහලයන්ගෙන් නිදහස් විය යුතු බව. ජාතික කොඩියට හා ජාතික ගීයට දෙමළ ජාතිවාදීන් විරුද්ධයි. මේ නිවට ආණ්ඩුවත් ජාතික ගීයට විරුද්ධයි. නිවට ආණ්ඩුව තම නිදහසට මොනවා කිව්වත් ජාතික ගීය සිංහලෙන් පමණක් ගැයීමට විරුද්ධයි.
දෙමළ ජාතිවාදීන් සටන් කරන්නේ සිංහලයන්ට විරුද්ධ ව. ඔවුන් ආයුධ අතට ගත්තේ ඔවුන් (හා පඬියන්) කියන විධියට සිංහල ආණ්ඩුවට විරුද්ධ ව. ජ වි පෙ සටන් කෙළේ සිංහලයන්ට විරුද්ධව නො වෙයි. ඔවුන්ගේ බොරු පංති විග්‍රහයට අනුව ඊනියා නිර්ධන පංතියේ විමුක්තිය වෙනුවෙන්. එහි දී මියගියේ වැඩි වශයෙන් ම සිංහලයන්. එහෙත් මිනීමැරුවේ සිංහලයන්ට විරුද්ධ ව නො වෙයි. ප්‍රභාකරන් මිනීමැරවේ ම සිංහලයන්ට විරුද්ධ ව.
කොටි සංවිධානය නීති විරෝධී බවත් ජ වි පෙ නීති විරෝධි නැති බවත් ඇත්ත. කොටි සංවිධානය තහනම් සංවිධානයක්. නීතිය පැත්තෙන් බැලූ විට මේ වෙනස තියෙනවා. නට්සින්ට විරුද්ධවත් එවැනි නීතිමය තත්වයක් තියෙනවා. නට්සින්ටත් අද හිට්ලර් සමරන්න බැහැ. එහෙත් නට්සිවාදීන් නැතුවා නො වෙයි. අද දෙමළ ජාතිවාදීන් ප්‍රභාකරන් සමරන්නේත් එදා රාජපක්ෂ ආණ්ඩුව යටතේ සැමරුවේ නැත්තෙත් මේ ආණ්ඩුවේ නිවටකම නිසා.
මේ ආණ්ඩුව බලයට පත් වූයේ දෙමළ ජාතිවාදීන් සමග ඇති කර ගත් එකඟතාවක ප්‍රතිඵලයක් ලෙස. එහි දී බටහිරයන් එකඟතාව පසුපස සිටියා. බටහිරයන් නොවන්නට අද දෙමළ ජාතිවාදයක්වත් මේ නිවට ආණ්ඩුවවත් නැහැ. රුවන් විජේවර්ධන නීතිය නවා ක්‍රියාත්මක කරන විට මැතිවරණ පහු වේවි. ඉන් පසු නීතිය ක්‍රියාත්මක කිරීම අමතක කරාවි. අද බටහිරයන් ප්‍රභාකරන් සැමරීම ගැන කියන්නේ කුමක් ද? එය රටේ අභ්‍යන්තර ප්‍රශ්නයක් පමණක් යැයි ඔවුන් කියනවා ද? බටහිරයන් රටේ අභ්‍යන්තර ප්‍රශ්නවලින් සම්පුර්ණයෙන් ම ඉවත් නොවන්නේ ඇයි?
මෛත්‍රිපාල රනිල් ජාත්‍යන්තරය දිනා ගැනීම ගැන පුරසාරම් කියනවා. මේ පුරසාරම්වලින් දිනාගෙන ඇත්තේ මොනවා ද? ප්‍රභාකරන් සැමරීම නම් දිනා ගෙන තියෙනවා. සිංහල සිසුන්ට ප්‍රභාකරන්ගේ උපන් දිනයට කේක් කන්න වෙලා තියෙනවා. මෛත්‍රිපාල අත්වැසුම් නැතිව එලිසබෙත්ට අතට අත දෙනවා. දකුණු කොරියාවේ ජනාධිපති මෛත්‍රිපාල හමුවීමට එනවා. ඒවා මොන තරම් වැඩ ද?මෛත්‍රිපාල මොන තරම් ඉහළ රාජ්‍යතන්ත්‍රිකයෙක් ද? ඒ කොහොම වුණත් මෛත්‍රිපාල හා ඔහුගේ කල්ලිය කොටි මිනීමරුවන් සැමරීම ගැන කියන්නේ කුමක් ද?
___________________________________
වෙබ් අඩවියේ සංස්කාරකවරු
2017-11-29
Published on: Nov 29, 2017 – පළාත් පාලන මැතිවරණය සදහා මහින්දගේ ඒකාබද්ධ විපක්ෂය සහ මෛත්‍රීපාල සිරිසේනගේ ශ්‍රී ලංකා නිදහස් පක්ෂය එකට එකතු කර ඒකාබද්ධ ශ්‍රී ලංකා පොදුජන පෙරමුණක් ලෙස තරග වැදිම සදහා කටයුතු කරන්නේ නම් ජනාධිපති මෛත්‍රීපාල සිරිසේන මහතාට එදා දුන් මැතිවරණ පොරොන්දුව ඉටු කරමින් නිර්පාක්ෂික ජනාධිපතිවරයා ලෙස කටයුතු කලයුතු බවට යෝජනාවක් ශ්‍රිලනිප ජ්‍යෙෂ්ඨයන් ගෙන් ඉදිරිපත් වි ඇති බව අප දේශපාලන වාර්තාකරු අනාවරණය කළා.
ශ්‍රි ලංකා නිදහස් පක්ෂයේ උපදේශිකාවක වන හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ඇතුලු ශ්‍රිලනිප ජ්‍යෙෂ්ඨයන් අදාල ඒකාබද්ධ පෙරමුණ් සම්බන්ධයෙන් සාකච්ඡා කර තිබේන අතර කවර ආකරයේ පෙරමුණක් ගොඩනැගුවද ඒ හරහ ජාතික ආණ්ඩුවට හානි විය නොහැකි බව ඔහුන්ගේ මතය වි තිබේ.
නව පෙරමුණ සම්බන්ධයෙන් චන්ද්‍රිකා මුලදි දැඩි විරෝධයක් පෙන්නුවද චන්ද්‍රිකා-රනිල් හමුවකින් පසුව ඒ සම්බන්ධයෙන් දැරු දැඩි ප්‍රතිපත්තිය වෙනස් කරගෙන ඇති අතර ඊට අසන්නමතම හේතුව වි ඇත්තේ ඒකාබද්ධ විපක්ෂය වෙනම පක්ෂයකින් පළාත් පාලන මැතිවරණයකට ඉදිරිපත් විම හරහා නව පක්ෂය පහසුවෙන් සමාජ ගත විමට මගක් ඇති වන බවත් ඒ හරහ ජාතික තලයේ මැතිවරණයකදි එය ප්රධාන පක්ෂ වලට දැඩි බලපැමක් එල්ල කල හැකි බවට රනිල් පෙන්වා දිම හරහා බවයි අප දේශපාලන වාර්තාකරු අනාවරණය කර සිටියේ.
ඒ හේතුවෙන් මහින්දගේ ඒකාබද්ධ විපක්ෂය සහ මෛත්‍රීපාල සිරිසේනගේ ශ්‍රී ලංකා නිදහස් පක්ෂය එකට එකතු කර ඒකාබද්ධ ශ්‍රී ලංකා පොදුජන පෙරමුණක් ලෙස තරග වැදිම සම්බන්ධයෙන් චන්ද්‍රිකා මුලදි දැරු ස්ථාවරය වෙනස් කර පෙරමුණක් ලෙස තරග වදින්නේ නම් ජනාධිපතිවරයා නිර්පාක්ෂික අයෙකු විය යුතු බවත් ඒ අනුව ශ්‍රී ලංකා නිදහස් පක්ෂයේ සභාපති ධුරයට වෙනත් අයෙකු පත්කිරිමට සිදුවන බවද පෙන්වා දී තිබේ.
Published on: Nov 29, 2017 – පසුගියදා අමාත්‍ය දොස්තර රාජිත සේනාරත්න මහතා දුන් ලණුවක් කෑ නාරාහේන්පිට අභයාරාමාධිපති මව්බිම සුරකීමේ ජාතික සංවිධානයේ සභාපති මුරුත්තෙට්ටුවේ ආනන්ද හිමියෝ මහින්ද රාජපක්ෂ ප්‍රමුඛ ඒකාබද්ධ විපක්ෂය සන්ධාන ගතව මැතිවරණයට ඉදිරිපත් විමට දරණ උත්සහයට එරෙහිව ප්‍රකාශ නිකුත් කරමින් සිටින බව අප විශේෂ වාර්තාකරු අනාවරණය කළා.
හෙද හෙදියන් 1629 ක්, හෙද උපාධිධාරීන් 76 ක්, මහජන සෞඛ්‍ය පරීක්ෂකවරු 168 ක්, ඇතුලු තවත් ක්ෂේත්‍ර සඳහා 2145 දෙනෙකුට පත්වීම් ලිපි ප්‍රදානය කිරීමේ උත්සවයට එක්ව සිටි රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමි සහ සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න අතර ශ්‍රිලනිප මෛත්‍රී පිළ සහ මහින්ද පිළ අතර සංහිදියාව පිළිබඳව විමසා ඇති අතර එහිදි අමාත්‍යවරයා ආනන්ද හිමිට පවසා ඇත්තේ…..
“අන්තිමට ඒ අය එකට එකතු වෙයි… හාමුදුරුවන්ට යන එන මං නැති වෙයි…..මට අහන්න තියේන්නේ හාමුදුරුවනේ…. ආනන්ද සර්පයා දුටුවේද? කියලා විතරයි හාමුදුරුවනේ …..” යනුවෙන් රාජිත පවසා තිබේ.
පසුව ආනන්ද හිමියන් මෛත්‍රී පිළ සහ මහින්ද පිළ අතර සංහිදියාව පිළි ඒකාබද්ධයේ ජ්‍යෙෂ්ඨයන් කිහිපදෙනෙකු සමග සාකච්ඡාකර ඇති අතර පසුව ඔහුන් සමග මෛත්‍රී පිළ සහ මහින්ද පිළ අතර එකතුවට එරෙහිව ප්‍රකාශ නිකුත් කර තිබේ.
තනතුරු රැකගැනීමට බලා සිටින ඒකාබද්ධ විපක්ෂයේ මන්ත්‍රීවරුන් කිහිපදෙනෙකු ශ්‍රීලනිප ඇමතිවරුන් හා එක්විය යුතු බව පැවසුවද හිටපු ජනාධිපති මහින්ද රාජපක්ෂ මහතා ඇතුළු ඒකාබද්ධ විපක්ෂය ශ්‍රීලනිප හා එක්වුව හොත් රාජපක්ෂ මහතාට මහා සංඝරත්නයේ ආශීර්වාදය සහ සහාය නොලැබෙනු ඇති බවටයි මුරුත්තෙට්ටුවේ ආනන්ද හිමියෝ තර්ජනය කර ඇත්තේ.
Published on: Nov 28, 2017- ගෝඨාභය රාජපක්ෂ මහතා අත්අඩංගුවට ගැනීම සඳහා වන සැලසුම රනිල්ගෙන්. හැබැයි රනිල් එම සැලසුම නිර්මාණය කළේ සිරිසේනගේ ඉල්ලීම පරිදි රනිල් යටතේ පාලනය වෙන FCID හරහා. අවශ්‍යතාව වුනේ, යම් මොහොතක මේ හරහා ගෝඨාභය මහතා බ්ලැක්මේල් කොට ඔහු හරහා මහින්ද ව ශ්‍රිලනිපයට හේත්තු කිරීම. මේ චෝදනාව සපුරා දේශපාලන පළිගැනීමක්. මිලියන 33කට ඇස්තමේන්තු කරල ඉන් කොටසකුත් ගෙව්වට පස්සේ, වර්තමාන ආණ්ඩුව ආපු ගමන් කොහොම ද මේ ඇස්තමේන්තුව තුන් ගුණයකින් වැඩි වෙන්නෙ? අනික මේක සිවිල් නඩුවක්. අපරාධ නඩුවක් බවට පත් කරල තියෙන්නෙ.
දුර යන්න කලින් කියන්න ඕන. මීට පෙරත් කියල තියෙන විදියට බැඳුම්කර කොමිසම සිරිසේනගෙ නෙමෙයි. ඒක විජේදාසගේ. සිරිසේනගේ පෑන් පාර ගත්ත විතරයි. විජේදාස පස්සේ ඇමතිකමෙන් ඊට වන්දිය ගෙව්වා.සිරිසේන මෙහි ක්‍රෙටිට් එක ගන්න හදන්නෙ පෙරළුණු පැත්ත හොඳයි කියල ඒක තමන් හා සිරිසේන අතර ව්‍යාජ ගැටුමක් කොට පෙන්වීමට.එතකොට මහින්ද බලවේගය නමන්න ලේසියි. බලන්න හොරා කාලා කොමිසමට ගිය රනිල් ඒ ගිය එකත් යහපාලන ලක්‍ෂණයක් විදියට මාර්කට් කළා.
ඒ කතාවත් එක්ක, බලමු මහින්ද බලවේගය සිරිසේනට හේත්තු කරන්න මේ තරම් වළිකන්නේ ඇයි කියල. මෙසේ වීම ආණ්ඩුවේ මාස්ටර් ප්ලෑන් එකට විශාල ශක්තියක්. ඒ හරහා රනිල් සිරිසේන ව ශක්තිමත් කරගන්නවා. එහි ප්‍රතිඵලයක් ලෙස රාජපක්ෂ සාධකය නිරායාසයෙන් ම සිරිසේනට යටවෙනවා. රාජපක්ෂ දේශපාලනයට ඉන්පසු ඉදිරි ගමනක් නැහැ. රනිල්ගේ 2020 සතුරා රාජපක්ෂ කෙනෙක් මිසක් වෙන කවුරුවත් නෙමෙයි. කොටින් ම මෙහි දී සිරිසේන රාජපක්ෂ බලවේගයෙන් තම ආවරණය ලබා ගන්නා අතර ම එම බලවේගය පෙරළා විනාශ කිරීමේ සැලසුමත් එකට ක්‍රියාත්මක කරනවා. ඇත්තට ම මේක පරණ සැලසුමක්. ඒකාබද්ධ විපක්ෂය නව දේශපාලන පක්ෂයක් බවට පත්වීමක් පොතේ තිබුනෙ නැහැ. තිබුණේ මහින්ද නැමැති පූජා වටිටිය කරගහගෙන ගිහිල්ල කට උත්තර නැතිවෙන තැනක දී ඒක සිරිසේනගේ දෙපාමුල තැබීම. මේ ගේම බැසිල් වෙනස් නොකරන්න අපට එහෙම නොවෙන්න තියෙන ඉඩ මොකක් ද? ඇමරිකා ගිය බැසිල් ආපහු එයි කියල මහින්ද හා ඔහුගේ සමීපතමයින් ඇරෙන්න කවුරුවත් දැනගෙන හිටියෙ නැහැ. මම මේ ගැන කවදහරි පොතක් ලියනවා.
මේ වත්මන් එකතු වීම එන්නෙ ඒ සැලසුම ව්‍යර්ථ වුන හින්දා. 2020 වෙනකොට එය ඉටු කර ගැනීමයි මොවුන්ගේ ඉලක්කය. ඔවුන්ගේ තාවකාලික අපේක්‍ෂාව තමා, “දැන් මුළු රටේ ම ජනවරම ආණ්ඩුවට” කියල මතයක් ගොඩ නැගීම. විපක්‍ෂයක් කියල එකක් නැත්තට ම නැති වෙනවා. ආණ්ඩුවත් විපක්‍ෂත් දෙකම එකක් බවට පත් වෙනවා. නියම “ජාතික ආණ්ඩුව” බිහි වෙනවා. ඒ හරහා ව්‍යවස්ථා සංශෝධනය කිසිම ගැටළුවක් නැතු ඉදිරියට ගේන්න පුළුවන්. කවුද විරුද්ධ වෙන්නෙ? මහින්ද බෙලහීන වෙලා ඉවරයි එතකොට. අනික ඔහු රැවටෙන දුබල නායකයෙකු ලෙසත් සමාජගත වෙනවා. තුන්වැනි එක තමා, රනිල් දන්නවා, මහින්ද සිරිසේන සමග එකට ඡන්දයකට ගියොත් විශාල පිරිසක් ඡන්දය නොදී ගෙදර ඉන්නවා කියල. ඊට එක හේතුවක් තමා, ශ්‍රිලනිප ඡන්ද පදනම සිරිසේනව පිළිකුල් කිරීම. අනික තමා ආණ්ඩු විරෝධී පිරිසට තෝරගන්න පක්ෂයක් නැති වෙනවා. ඒ අයත් ගෙදර ඉන්නවා. එජාපයට මෙය වාසිසහගයි. එක ගලයි කුරුල්ලෝ රැනයි.
මේ සියළු සැලසුම් ව්‍යර්ථ කරන එකම බලවේගය ජනතා බලවේගය. දැන් එය සූදානම් !
ජ්‍යෙෂ්ඨ කථිකාචාර්ය
මහින්ද පතිරණ
