මහින්ද රාජපක්ෂ මන්ත්‍රීවරයා මෙයට සති දෙකකට පෙර සිදු කළ ඉන්දියානු සංචාරය පිළිබඳ රහසිගත තොරතුරු රැසක් හෙළි වීමෙන් මෙරට බුද්ධි අංශ කැළඹීමට පත්ව සිටින බවට තොරතුරු අනාවරණය වේ.
හිටපු ආරක්ෂක ලේකම් ගෝඨාභය රාජපක්ෂ හදිසියේම අත් අඩංගුවට ගැනිමේ මෙහෙයුම දියත් විමට ආසන්නතම හේතුව වි ඇත්තේ රාජපක්ෂල ඉන්දියාව් සමග ඇති කරගෙන තිබේන සමීප සබඳතාවයක් බව රජයේ අභ්‍යන්තර ආරංචි මාර්ග අනාවරණය කරනවා.මහින්ද,ගෝඨාභය ඉන්දිය අග්‍රාමාත්‍යවරයා සමග ඇතිකරගෙන තිබේන මෙම සමීප සබඳතාවය පිළිබඳව බුද්ධි අංශ අගමැති රනිල් වික්‍රමසිංහට අනාවරණය කර තිබේන අතර ඔහුද ඒ සම්බන්ධයෙන් දැඩි කැළඹීමකට ලක්ව ඇති බවයි වාර්තා වෙන්නේ.
මහාරාෂ්ට්‍ර ප්‍රාන්තයේ මහ ඇමති දේවේන්ද්‍ර ෆර්ඩිනැන්ඩුගේ නිල නිවසේ දී මහින්ද රාජපක්ෂ මන්ත්‍රීවරයා ඉන්දියානු ආරක්ෂක ඇමතිනී, නිර්මලා සීතාරාම් හමු වී අතිශය රහසිගත සාකච්ඡා පවත්වන ලද බව හෙළි වේ. පසුගිය මැයි මාසයේ ඉන්දියානු අගමැති නරේන්ද්‍ර මෝදි මෙරටට පැමිණි අවස්ථාවේදී මහින්ද රාජපක්ෂ සහ ගෝඨාභය රාජපක්ෂ මෙරට ඉන්දියානු මහ කොමසාරිස් කාර්යාලයට ගොස් මෝදි හමු වී රහසිගත සාකච්ඡා පැවැත්වීමෙන් මාස පහකට පසුව ඉන්දියානු ආරක්ෂක ඇමතිවරිය හමු වී රහසිගත සාකච්ඡා පැවැත්වීම සුවිශේෂී වී ඇත.
ඉන්දියානු ආරක්ෂක ඇමතිවරිය සමඟ පැවැත් වූ රහසිගත සාකච්ඡා පිළිබඳව තොරතුරු කිසිවක් හෝ හෙළි වී නැත. එම සංචාරයේදී මහින්ද රාජපක්ෂ ‘ටාජ්’ සහ මහාරාෂ්ට්‍ර ‘ක්‍රවුන්’ යන හෝටල්වල නැවතී සිට ඇති අතර, ඒ සියලු ස්ථානවලදී සුවිශේෂී ආරක්ෂාවක් සලසා තිබේ. ඉන්දියානු මධ්‍යම ආණ්ඩුව විසින් මහින්ද රාජපක්ෂට ‘බ්ලැක් කැට්’ නම් සුවිශේෂී ප්‍රභූ ආරක්ෂක ඒකකයේ භටයන් සහිතව ආරක්ෂක රථ 18ක් සහ ගිලන් රථ දෙකක් ද සමඟ සුවිශේෂී ආරක්ෂක බළකායක් යොදවා ආරක්ෂාව සැලසීමට කි්‍රයා කර ඇත.
මහින්ද මෙම සාකච්ඡා පවත්වා යළි පැමිණි පසු මෙරට ඉන්දියා මහ කොමසාරිස්වරයාගේ නිල නිවසට දෙමළ මාධ්‍ය ප්‍රධානීන් කැඳවා කිසියම් සාකච්ඡාවක නිරත වූ බවද හෙළි වේ. ඉන්දියා අගමැති මෝදි මෙරට ආණ්ඩුක්‍රම ව්‍යවස්ථාව ගොඩනැගීම සම්බන්ධ ක්‍රියාවලිය ඉතා සංවේදීව අධ්‍යයනය කරමින් සිටින බව මාධ්‍ය ප්‍රධානීන්ට මහ කොමසාරිස්වරයා ප්‍රකාශ කර ඇත.
පසුගිය මැයි මස මහින්ද රාජපක්ෂ සහ ගෝඨාභය රාජපක්ෂ දෙදෙනා ඉන්දියා අගමැතිවරයා සමඟ රහසිගත සාකච්ඡා පැවැත්වීමෙන් පසුව හම්බන්තොට වරාය සහ එම කලාපය චීන ආයෝජකයන්ට දීම පිළිබඳව බලවත් විරෝධයක් දැක්වීය. එහෙත්, මත්තල ගුවන් තොටුපළ ඉන්දියාවට දීමේ ආණ්ඩුවේ සූදානම සහ ත්‍රීකුණාමලයේ තෙල් ටැංකි සංකීර්ණය ඉන්දියා ඔයිල් සමාගමට පවරා දීම සම්බන්ධයෙන් මේ දක්වා රාජපක්ෂ පිල සෘජුව එවැනි කිසිදු විරෝධයක් පළ කර නැති වීම විශේෂ තත්ත්වයක්ය.
ඇමෙරිකාව ‘ආසියාවට හැරීම’ යන ප්‍රතිපත්තිය ක්රියාත්මක කරමින් සිටින අතර ඉන්දියාව එහි ප්‍රබලතම හවුල්කරු කරගෙන සිටියි. මහින්ද ඉන්දියාව සමඟ අතිශය රහසිගත සාකච්ඡා පවත්වන්නේ මෙවැනි පසුබිමක් තුළ අනාගත දේශපාලන ඉලක්ක සහිතවය.
මේ අතර ගෝඨාභය රාජපක්ෂ අත්අඩංගුවට ගැනීම සම්බන්ධයෙන් පවතින තත්ත්වය පිළිබඳව ජනාධිපති මෛත්‍රීපාල සිරිසේන පොලිස්පතිවරයා හරහා වාර්තාවක් කැදවා ඇති බවද වාර්තා වේ.
මෛත්‍රීපාල සිරිසේන ජනාධිපතිවරයා මැතිවරණයට තනිවම තරග කිරිමට දැඩි ලෙස බියකින් සිටින බැවින් ඉදහිට මාධ්‍යයට කරන ප්‍රකාශයන් පිළිබඳව සැලකිලිමත් නොවන ලෙස හිටපු ජනාධිපති මහින්ද රාජපක්ෂ මහතා හමුවු ශ්රී ලංකා නිදහස් පක්ෂයේ කැබිනට් අමාත්‍යවරුන් දෙදෙනෙකු ඉල්ලිමක් කර තිබේන බව අප දේශපාලන වාර්තාකරු අනාවරණය කළා.
විද්‍යා තාක්ෂණ පර්යේෂණ අමාත්‍ය සුසිල් ප්‍රේමජයන්ත සහ කම්කරු හා වෘත්තීය සමිති සබඳතා අමාත්‍ය ඩබ්ලිව්.ඩී.ජේ. සෙනෙවිරත්න ඊයේ (22)කොළඹ 07, විජේරාම මාවතේ පිහිටි හිටපු ජනාධිපතිවරයාගේ නිල නිවෙසේදී හමුවි ඇති අතර ඉදිරි පළාත් පාලන මැතිවරණය සඳහා ශ්රී ලංකා නිදහස් පක්ෂය හා එක්ව ඒකාබද්ධ විපක්ෂයට තරග කිරීම සඳහා ශ්රී ලංකා නිදහස් පක්ෂයෙන් ඉදිරිපත් කර තිබෙන ලිඛිත යෝජනාවලිය අමාත්‍යවරුන් දෙදෙනා විසින් මෙහිදී මහින්ද රාජපක්ෂ මහතාට භාර දි තිබේ.
එහිදි හිටපු ජනාධිපතිවරයා සිනාසේමින් අමාත්‍යවරුන් දෙදෙනාගෙන් පසුගියදා ජනාධිපතිවරයා එජාප ජ්‍යෙෂ්ඨයන් සමග කර ඇති ප්‍රකාශය සම්බන්ධයෙන් විමසා ඇති අතර එයට පිළිතුරු දෙමින් සුසිල් පවසා ඇත්තේ “ජනාධිපති මාධ්‍යයට විවිධ කතා කිව්වාට මැතිවරණයට තනියම එන්න බයයි…” “බය නැති අගමැති හිටියට ….බය නැති ජනපති නෑ” යනුවෙන්ද පවසා තිබේ.
මේ අතර හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් ඊයේ පාර්ලිමේන්තු සංකීර්ණයේදී රැස්වූ ඒකාබද්ධ විපක්ෂයේ පාර්ලිමේන්තු මන්ත්‍රි කණ්ඩායම් විශේෂ රැස්වීමේදී 50ට 50 අපේක්ෂකයන් යොදාගෙන නාම යෝජනා සකස් කිරීම ඇතුළු ශ්රී ලංකා නිදහස් පක්ෂයෙන් ලිඛිතව ඉදිරිපත් කර තිබෙන කරුණු කිහිපයක් පිළිබඳව මෙහිදී දීර්ඝ වශයෙන් සාකච්ඡා කර තිබේ.
වත්මන් ජාතික ආණ්ඩුවේ කොටස්කාරයන් ලෙස එක්සත් ජාතික පක්ෂය සමඟ කටයුතු කරන තුරු කිසිදු කරුණක් පදනම් කරගෙන ශ්රී ලංකා නිදහස් පක්ෂය සමඟ සාකච්ඡා නොකිරීමටද මෙහිදී තීරණය කළ බවයි ශ්‍රිලනීප ජ්‍යෙෂ්ඨයෙකු සදහන් කළේ.
පලාත් පාලන මැතිවරණය කිසිදු හේතුවක් නිසා ක්ල් නොදැමිමට කටයුතු කල යුතු බවට වු යෝජනාවක් එක්සත් ජාතික පක්ෂ නායක අගමැති රනිල් වික්‍රමසිංහ මහතාට එම පක්ෂයේ ජ්‍යෙෂ්ඨයන් සහ පසුපෙල මන්ත්‍රීවරුන් විසින් ඉදිරිපත් කර තිබේන බව වාර්තා වේ.
ශ්‍රි ලංකා නිදහස් පක්ෂයේ මෛත්‍රී පිල සහ මහින්දගේ ඒකාබද්ධය එකට එකතු කර ගන්නා තුරු විවිධ් උපක්‍රම හරහා පළාත් පාලන මැතිවරණය කල් දමා ගැනිමට උත්සහ දරණ බවත් ඊට කිසිදු අවස්ථාවක ඉඩ ලබා නොදිය යුතු බවත් එම කණ්ඩායමේ මතය වි තිබේ.
විශේෂයෙන්ම බැදුම්කර කොමිසම හරහා අගමැතිවරයා මෙන්ම එජාප මන්ත්‍රීවරුන් කිහිප දෙනෙකු කූජිත කිරිම හේතුවෙන් මෛත්‍රී ජනපති මෙන්ම ශ්‍රීලනිපයේ මෛත්‍රී පිළ සමග විරසකයක සිටින මෙම කණ්ඩායමේ මතය වි ඇත්තෙ කවර නීතිමය කරුණක් පැන නැගුනද මැතිවරණය ඉතා ඉක්මනින්ම පැවැත්විමට කටයුතු සුදානම් කලයුතු බවයි.මීට අමතරව බැදුම්කර කොමිසම හරහා එජාපය අමාරුවේ දැමිම පසුපස ශ්‍රීලනීප කණ්ඩායමට අමතරව එජාපයේ කිහිප දෙනෙකු සිටින බවත් ඔහුන්ට එරෙහිව ක්‍රියාමාර්ග ගැනිමට කටයුතු කලයුතු බවත් එම කණ්ඩායම අගමැතිවරයාට පෙන්වා දි තිබේ.
ඒ අනුව අගමැතිවරයාගේ ඉන්දිය සංචාරයෙන් අනතුරුව ඒ සම්බන්ධයෙන් ක්‍රියා කිරිමට එකඟතාව පලවි තිබේ.
පලාත් පාලන ආයතන සීමා නිර්ණය කිරීමේ 2017 නොවැම්බර් 2 බ්‍රහස්පතින්දා අංක 2043/ 56 දරන අතිවිශේෂ ගැසට් නිවේදනය දෙසැම්බර් 4දා දක්වා බලරහිත කිරීමේ අභියාචනාධිකරණ තීන්දුවත් සමඟ ඉදිරි මැතිවරණය තවත් කල් යාමට ඉඩ ඇතැයි දේශපාලන නිරීක්ෂකයෝ මත පළ කර සිටින අතර එම අභියාචනාධිකරණ තීන්දුව සම්බන්ධයෙන් මැදිහත් විමට එජාපයේ ජ්‍යෙෂ්ඨ නීතිඥවරුන් පිරිසක් මේ වනවිටත් සුදානම් වෙමින් සිටින බවද අප වාර්තාකරු අනාවරණය කළේ.
අද (22) දහවල් අදාල තින්දුව ප්‍රකාශ විමත් සමග මැතිවරණය කළ් යැමේ අවධානමක් ඇති බවට මත පලවිමත් සමග එජාප දිස්ත්‍රික් සහ පලාත් නායකයින්ට පක්ෂය හරහා දැනුම් දි ඇත්තේ මැතිවරණය කල් දැමිමට ඉඩ නොදෙන බැවින් මේ දක්වා කරගේන ආ සංවිධාන කටයුතු ඉදිරියටම කරගෙන යන ලෙසයි.
පලාත් පාලන ආයතන සීමා නිර්ණය කිරීමේ 2017 නොවැම්බර් 2 බ්‍රහස්පතින්දා අංක 2043/ 56 දරන අතිවිශේෂ ගැසට් නිවේදනය දෙසැම්බර් 4දා දක්වා බලරහිත කිරීමේ අභියාචනාධිකරණ තීන්දු කල අතර එම ගැසට් පත්‍රයේ සඳහන් නිර්දේශ සංශෝධනය කිරීමේදී විෂයභාර අමාත්‍ය ෆයිසර් මුස්තාපා මහතා තම බල සීමාව ඉක්මවා කටයුතු කර ඇත්දැයි විමසා බැලීම සඳහා දෙසැම්බර් මස 4 වෙනි දින විභාගයක් පැවැත්වීමට අභියාචනාධිකරණය තීරණය කර ඇති අතර ඒතාක් ගැසට් පත්‍රය සම්බන්ධයෙන් වාරණ නියෝගයක් පනවා තිබේ.
මෛත්‍රිපාලගේ ආප්ප රාත්‍රියට අවුරුදු තුනක් ගෙවිලා. පොළොන්නරුවේ ශ්රී ල නි ප සංවිධායක වීමේ සිට ජනාධිපති වීම දක්වා ඉතිහාසය එක්තරා විධියකින් ඉතිහාස ගතවන්නක්. ඒ යහපත් දේශපාලනය සම්බන්ධයෙන් නම් නො වෙයි. රනිල් නොකියා කියන්නේ ඉංගිරිසි නැතිව ජනාධිපතිකම කරන්න බැරි බව. ඒ රනිල්ගේ පඬි කතාවක්. ජනාධිපතිකමට මූලික සුදුසුකම ඉංගිරිසි දැන ගැනීම නොව රටට ඇති ඇල්ම. මේ නිවට ආණ්ඩුවේ කිසිවකුටවත් ඒ සුදුසුකම තියෙනවා ද?
මේ නිවට ආණ්ඩුව බලයට පත් කෙරුවෙ බටහිරයන් හා ඉන්දියාව. අර යුග පෙරළි කාරයන් එහෙම නො වෙයි. යුග පෙරළි කාරයන් කෙළේ රෝ ඔත්තු සේවයේ පදයට නැටීම පමණයි. බටහිරයන්ට හා ඉන්දියාවට අවශ්‍ය වූයේ රාජපක්ෂ රෙජිමය රාජපක්ෂ සහෝදර සමාගම ආදී වශයෙන් හැඳින්වුණු දේශපාලනය බිඳ දමා, රණවිරුවන් දඩයම් කිරීම හා සිංහල බෞද්ධ විරෝධී දෙමළ ජාතිවාදී සහසන්ධීය රාජ්‍යයක් පිහිටුවීමයි. ඔවුන් පළමුවැන්න ඉටුකර ගත්තා. දෙවැන්නත් ඉටුකර ගෙන යනවා, මෛත්රිපාල මොන බයිලා කිව්වත් අද රණවීිරුවන් කිහිප දෙනකු හිරේ. ඔවුන්ගෙ දරුපවුල් අද තම සැමියා පියා මාමා රට බේරා ගැනීම වෙනුවෙන් කළ මෙහෙය වෙනුවෙන් දුක් විඳිනවා. නැන්දම්මලා සිය දිවි නසා ගන්නවා. සිංහල බෞද්ධ විරෝධී ව්‍යවස්ථාව අයවැයෙන් පසු කොයි මොහොතක හරි ඉදිරිපත් කර ඉක්මණින් සම්මත කර ගන්න ක්‍රියා කරාවි. මේ සියල්ල සිදුවන්නේ රනිල්ගෙ විතරක් නොවෙයි මෛත්‍රිපාලගෙත් කැමැත්තෙන්.
මෛත්රිපාල කියන්න පුළුවන් දඬුවම් කරන්නෙ රණවිරුවන්ට නොවෙයි අපරාධ කරුවන්ට කියලා. මොනවද මේ කරලා තියෙන අපරාධ. අපට එකක් කියන්න පුළුවන්. බටහිරයන්ගෙ හා දෙමළ ජාතික සංධානයේ හා ඔවුන්ගේ පූර්වගාමී පක්‍ෂවල ආධාරය හා අනුග්‍රහය ලැබු දෙමළ ත්‍රස්තවාදීන් සටන් කෙළේ සම්මත ක්‍රියා මාර්ග අනුව නො වෙයි. මෛත්‍රිපාලට ඒ බව පොළොන්නරුවේ ජනතාවගෙන් ම දැනගත හැකියි. බටහිරයන් අවසන් මොහොතෙදීත් ප්‍රභාකරන් බේරා ගැනීමට කටයුතු කළ බව නොදන්නෙකු වේ නම් ඔහු මුග්ධයකු විය යුතුයි. එංගලන්තයේ හා ප්‍රංශයේ විදේශ ඇමතිවරුන් මහින්ද හමුවීමට පැමිණියේ, නම්බියාර් නැවක් ගෙන්වීමට උත්සාහ කෙළේ ප්‍රභාකරන් බේරා ගැනීමට බව මුග්ධයන් නොදන්නේ ද? කෙසේ වෙතත් ත්‍රස්තවාදී සංවිධානයක් පරාජය කිරීමට සම්මතයෙන් යම් තරමකට බැහැර වූවා නම් එය වරදක් විය නො හැකියි.
කල් දැමූ පළාත් පාලන මැතිවරණ තවදුරටත් කල් දැමීම අමාරු වෙලා. එහෙත් විවිධ නීති ප්‍රශ්න ගෙනැවිත් ඡන්ද කල්දැමීමට තාමත් උත්සාහ කරනවා. විවිධ පක්ෂ ඡන්දය වෙනුවෙන් සූදානම් වෙනවා. ඒකාබද්ධ විපක්‍ෂයෙත් ඒ සඳහා විවිධ කණ්ඩායම්වලින් ඉල්ලීම් ඉදිරිපත් වෙනවා. මට කිසි දිනෙක අමතක වන්නේ නැහැ රාජපක්ෂ ආණ්ඩුව පෙරළීම සඳහා විදේශීය ඔත්තු සේවා සෝභිත හාමුදුරුවන් යොදා ගන්නා අවධියේ දී මුලින් ම චම්පකටත් කලින් සෝභිත හාමුදුරුවන් මුණ ගැසීමට ගියේ විමල් බව. ඔහු ඉන් පසු ඌව පළාත් සභා මැතිවරණයේ දී සංධානයෙන් වෙන් වී බදුල්ල දිස්ත්‍රික්කයට වෙන ම තරග කළා. අද ඔහු පළාත් පාලන මැතිවරණ සඳහා තම පක්ෂයට සංධානයෙන් අපේක්‍ෂක ධුර සිය ගණනක් අපේක්‍ෂා කරනවා. ඒ වගේම ගල් ලෙන බින්ද වීරයා ගැනත් මට අමතක වන්නේ නැහැ. මා කියන දේට බොහෝ ඊනියා ජාතිකවාදීන් අකමැති වන්න පුළුවන්. මට බනින්න පුළුවන් මා සමගිය කඩා දමන්න සූදානම් වෙනවා කියා. ඒත් එදා මා කී දේ ප්‍රතික්‍ෂෙප කර චම්පකට ආධාර කළ අය අද කියන්නේ කුමක් ද? අද මේ ඇතැමුන් පළාත් පාලන මැතිවරණයේ දී තම පක්‍ෂවලට අපේක්ෂකයන් සිය ගණනක් දිය යුතු යැයි කියන්නේ ජාතිකත්වය මත පදනම් වී ද? නැත්නම් චම්පක මෙන් ම ජාතිකත්වය ගසාකෑමට ද?
අද මෛත්රිපාල දන්නවා පළාත් පාලන මැතිවරණයෙන් ඔහුගේ නිවට අපේක්‍ෂකයන්ට අත්වන්නේ තුන්වැනි නැත්නම් හතරවැනි තැන් බව. ඔහු ඒකාබද්ධ විපක්ෂයේ ඇතැමුන් සමග සාකච්ඡා කරන්නේ ඒ පරාජයෙන් ගැලවීමටයි. ඉහත සඳහන් අයට අමතර ව ඩලස්, දයාන් ජයතිලක ආදීන්ගේ නම් ද එහි දී කියැවෙනවා. මේ අයගෙන් කී දෙනෙක් දෙමළ ත්‍රූස්තවාදය පැරදවීමේ දී මහින්ද හා ගෝඨාභය සමග හිටියා ද? ඔවුන් කීවේ ප්‍රභාකරන් පරාජය කළ නොහැකි බවයි. අදත් ඔවුන් මහින්ද සමගවත් ගෝඨාභය සමගවත් නැහැ. ඔවුන් තමයි මහින්දටත් 13+ ආදී ලණු දුන්නේ. ඔවුන් විශ්වාස කරන්න බැහැ. ඒත් මහින්ද උපදෙස් ගන්නේ ඔවුන්ගෙන්.
අප රනිල් අගමැති කමෙන් ඉවත් කරන ලෙස මෛත්‍රිපාලට කියන්නේ අද ඊයේ නො වෙයි. එහෙත් ඔහු එයට සවන් දුන්නේ නැහැ. අදත් සවන් දෙන්නේ නැහැ. ඔහුට අවශ්‍ය රනිල් අගමැති කමෙන් ඉවත් කිරීමවත් සිංහල බෞද්ධ විරෝධී ව්‍යවස්ථාව ප්‍රතික්‍ෂෙප කිරීමවත් නොව පළාත් පාලන මැතිවරණයේ දී තම ජාම බේරා ගැනීම. මෛත්‍රිපාලට රට ජාතිය ආගම අවශ්‍ය නම් කළ යුත්තේ මැතිවරණයට අපේක්‍ෂක ධුර සිය ගණන් දී එක් එක් අය බිලි බා ගැනීම නොව ව්‍යවස්ථාව ප්‍රතික්‍ෂෙප කිරීම හා රනිල් අගමැති කමෙන් ඉවත් කිරීමයි. එසේ නොකරනතාක් ඔහු ගැන අපේ කිසිම විශ්වාසයක් නැහැ.
අප කළ යුත්තේ රාජපක්ෂ සමාගම යැයි රනිල්ලා අවඥාවෙන් සැලකූ සහෝදරයන් සමග මැතිවරණයට පමණක් නොව ව්‍යවස්ථාව ප්‍රතික්‍ෂෙප කිරීමටත් රනිල් අගමැති කමෙන් ඉවත් කිරීමටත් කළ හැකි දෙයක් කිරීමයි. මෛත්‍රිපාලට විධායක ජනාධිපති ලෙස රනිල් වෙනුවට වෙනත් පිළිගත හැකි අයකු අගමැති ලෙස පත් කරන්න පුළුවන්. ඔහු ඒ කරන්නේ නැත්නම් අපට ඔහු වෙනුවෙන් කළ හැකි දෙයක් නැහැ. අපට ඔහුගේ පව්වලට කරගහන්න වුවමනාවක් නැහැ. අද ශ්රී ල නි ප මරා දමා ඇති පක්‍ෂයක්. එය මැරුවේ මෛත්‍රිපාලයි. අප ඒ බව එදා ම කිව්වා. මහින්දගේ කණ්ඩායම පාර්ලිමේන්තු මැතිවරණයේ දී වෙන ම තරග කළ යුතු බව අප ජී එල්, ඩලස්, විමල් ආදීන් හමු වී කිව්වා. ඔවුන්වත් බැසිල්වත් එයට සවන් දුන්නේ නැහැ. ඔවුන්ට වැදගත් වන්නට ඇත්තේ බටහිරයන්ගේ අවවාද විය හැකියි. අද ජී එල් හා මහින්ද රැ වැටුණු වළේ දවල් නොවැටෙන බව කියනවා. ඒක හොඳයි. ඒත් අප දුන් හුළුඅත්ත ගත්තා නම් රෑත් නොවැටී ඉන්න තිබුණා. අඩුම තරමෙන් මහින්ද විපක්‍ෂ නායක වෙන්න තිබුණා.
මෛත්‍රී සමග මැතිවරණ ගිවිසුම් අවශ්‍ය නැහැ. අද සුසිල් ප්‍රේමජයන්තලා වළෙන් ගොඩ එන්න හදනවා. ඔවුන් වළේ ම සිටිම රටට යහපත්. අප නැවතත් කියනවා. මෛත්රිපාල නව ව්‍යවස්ථාව ප්‍රතික්‍ෂෙප කර රනිල් අගමැති කමෙන් ඉවත් කළ යුතුයි. ඔහු රනිල්ට අගමැති කමෙන් ඉවත් වන්න කීම ව්‍යාජයක්. අප රැවටීමක්.
______________________
වෙබ් අඩවියේ සංස්කාරකවරු
නීතිය අනුව ජනාධිපතිවරයා විසින් පත්කරනු ලැබු කොමිසමක ක්‍රියාකාරිත්වයට තර්ජන එල්ල වන්නේ නම් රටේ තත්ත්වය භයානක තැනකට පත්වෙමින් තිබේන බව නිසැක බව ඒකාබද්ධ විපක්ෂයේ පාර්ලිමේන්තු මන්ත්‍රී වාසුදේව නානායක්කාර මහතා මාධ්‍ය නිවේදනයක් හරහා පෙන්වා දෙනවා.
බැදුම්කර කොමිසම හමුවේ ප්‍රකාශයක් කල භය නැති අගමැති පසුදා පාන්දරම ඉන්දියාවේ උඩුපී දිස්ත්‍රික්කයේ කොල්ලූර් නගරයේ කෝවිලක විශේෂ සදුන් දර පුජාවක් පවත්වනු ලැබුවා.අගමැතිකම් මෙන්ම පක්ෂ නායක කම රැක දෙන ලෙස ඉල්ලා මෙම විශේෂ සදුන්දර පුජාව කල බවයි ඉන්දිය මාධ්‍ය වාර්තා කළේ.
ජනාධිපති මෛත්රිපාල සිරිසේන මහතා සම්බන්ධයෙන් තමන් දැඩි කළකිරීමකින් පසුවන බව රාජ්‍ය අමාත්‍ය සුජීව සේනසිංහ මහතා පවසයි.පිටකෝට්ටේ පිහිටි සිරිකොත එක්සත් ජාතික පක්ෂ මූලස්ථානයේ දී අද(21) පැවති මාධ්‍ය හමුවකට එක්වෙමින් ඒ මහතා මේ බව කියා සිටියා.
“මම ඇත්තටම ජනාධිපතිතුමන් ගැන ඉන්නේ විශාල කළකිරීමක. අපි එතුමන්ව පත්කළේ ජීවිතය කැප කරලා. එතුමන්ට දීලා තියෙනවා රාජපක්ෂලත් විනාශ කරලා එක්සත් ජාතික පක්ෂයකත් විනාශ කරලා එතුමන් 2020 විශාල බලයක් එයි කියලා එක ආයතනයක්. මම එතුමන්ට කතා කරලා කිවුවා මාසයකට කලින්. මේ කොමිසම දික් කරලා මොකක්ද කළේ. දික් කරගෙන දික් කරගෙන අපිට මඩ ගහනවා.
මිග් ගණුදෙනුවට කෝ ජනාධිපති කොමිසමක්. කෝ නැවු ගනුදෙනු වලට ජනාධිපති කොමිසම් කෝ අඞ්වර්ටයිසින් කොම්පැනිවලට කෝ ජනාධිපති කොමිසම කො….
ජනාධිපතිතුමාට මම කියනවා එතුමගේ දරුවො වයසේ තමයි අපිත්. එතමා දරුවෝ ආරක්ෂා කරනවනම් එතුමට ඊ නිව්ස් එකෙන් ගහනවනම් අපිට ගහන එකත් හොද නැහැ යම් මාධ්‍යයක්.
පොදු අපේක්ෂකයා විදියට එතුමා විසි දෙනෙක් අරන් එනවා කියලා 04ක් අරන් එනකොට කට්ටිය කිව්වා දෙන්න එපා කියලා. එතනදි රෝසි සේනානායක මහත්මියත් මමත් කිව්වා එතුමා තීන්දුවක් අරන් ආවා කීයක් එක්ක ආවත් මේ සටන පටන් ගමු කියලා. වරදක් තියෙනවනම් නීතිය ක්රියාත්මක කරන්න. එතුමා ජනාධිපතිතුමා එතකොට අපිට ඇගිලි දික්කරන්න බැහැ හොරු අල්ලන්නේ නැහැ කියලා. එතුමන්ට පුළුවන් නම් බැදුම්කර කොමිසම දාලා ඒ සම්බන්ධයෙන් නීතිය ක්රියාත්මක කරන්න ඇයි අනිත් ඒවට බැරි.
මම ජනාධිපතිතුමාට කියන්නේ. ජනාධිපතිතුමා හිතා මතාම 2008 ඉදන් හොයන්නේ නැතුව 2015 ඉදන් පටන් ගත්තා. ගහක පැළ වුණ තැන හොයන්න බැහැ මුල නැතුව. ඉතා ලේසියෙන් කරන්න තිබුණා 2008 ඉදලා මේ බැදුම්කර කොහොමද ඇතිවුනේ කියලා හොයලා බලන්න කියලා. ඇයි මේක කරන්න බැරි අපි මේ ගැන එතුමන්ගෙන් ඉල්ලූව. මෙතන තිබුණේ දේශපාලන වශයෙන් එක්සත් ජාතික පක්ෂය එරෙහි කුමන්ත‍්‍රණයයි. මම එක්සත් ජාතික පක්ෂයේ ඉන්නකම් ඒ පක්ෂය ආරක්ෂා කරන්න මම බැඳිලා ඉන්නවා.
එමෙන්ම හදුන්නෙත්ති මහත්තයට සදාචාරාත්මකව ඉදගන්න අයිතියක් නැහැ ඔය කෝප් කමිටුවේ. මොකද පළමුවෙන්ම බැදුම්කරයට එරෙහිව කථා කරේ එතුමන්. .මන් යම් දෙයක් සම්බන්ධයෙන් අදහසක් දරනවනම් ඒකේ සභාපති වෙන්න එතුමන්ට සදාචාරාත්මක අයිතියක් නැහැ. අපිට පුළුවන් මතයක් දරලා සාමාජිකයකු ලෙස ඉඳගන්න. අපි අර්ජුන් ඇලෝෂියස්වත් රත්වත්තේවත් කවුරුත් ආරක්ෂා කරන්නේ නැහැ“ යැයි ඒ මහතා පැවසීය.
හිටපු අමාත්‍ය ඒකාබද්ධ විපක්ෂයේ පාර්ලිමේන්තු මන්ත්‍රී විමල් වීරවංශ මහතාගේ බිරියගේ ජාතික හැඳුනුම්පත නිකුත් කිරීමට අදාළව ඇතැම් ලිපි ලේඛන පසුව ලබාදෙන පදනම මත හැඳුනුම්පත නිකුත් කරන ලෙසට හිටපු කොමසාරිස් ජනරාල්වරයා නියෝග කළ බව පුද්ගලයන් ලියාපදිංචි කිරීමේ දෙපාර්තුමෙන්තුවේ බලාත්මක නිළධාරිවරයා සාක්ෂි ලබා දෙමින් අනාවරණය කළා.
කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා ඉදිරියේ පැවති නඩු විභාගයේදි මෙලෙස සාක්ෂි ලබා දෙනු ලැබුවේ පුද්ගලයන් ලියාපදිංචි කිරීමේ දෙපාර්තුමෙන්තුවේ බලාත්මක නිළධාරී පැලැද ලියනගේ ප්‍රභාත් රාජේන්ද්‍ර පෙරේරා මහතාය.
ශෂී වීරවංශ මහත්මියට එරෙහි නඩුවේ හරස් ප්‍රශ්න සඳහා නඩුව ලබන දෙසැම්බර් මස 04 වැනිදා තෙක් කල් තැබිණි.
ඒකාබද්ධ විපක්ෂය මේ වන විට වෙනම පෙරමුණක්‌ බවට පත් වෙමින් පොහොට්‌ටුව ලකුණින් ශ්රී ලංකා පොදුජන පෙරමුණ නමින් එළිදැක්‌වී සිටී. ශ්රී ලංකාවේ පස්‌ වෙනි ජනාධිපති මහින්ද රාජපක්ෂ මහතා එහි නිල නොවන නායකයා ලෙස රට හඳුනාගෙන තිබේ. පසුගිය සති අන්තයේ අනුරාධපුර නගරයේ පවත්වන ලද ජන රැලිය ශ්රී ලංකා පොදුජන පෙරමුණේ රැලියක්‌ සේ බොහෝ දෙනා දුටහ. මේ සියලු කාරණා අතුරෙන් ඉදිරියට ඇදෙමින් තිබෙන්නේ, එළඹෙන පළාත් පාලන මැතිවරණයේ දී මහින්ද රාජපක්ෂ මහතා නායකත්වය දෙන බලවේගය තරග කරන්නේ කෙසේද යන්නය. අත සමග පොහොට්‌ටුව එකතු වෙනවාද…? නැතිනම් තනිවම තරග කරනවාද…? මේ ප්‍රධාන ප්‍රශ්න දෙක සහ වර්තමාන දේශපාලනයේ කරුණු කාරණා සම්බන්ධයෙන් හිටපු ජනාධිපති මහින්ද රාජපක්ෂ මහතා සමග ‘දිවයින ඉරිදා සංග්‍රහය’ කරන ලද සාකච්ඡාව මතු දැක්‌වේ.
ප්‍රශ්නය – අයවැය වාර්තාව ඉදිරිපත් කරන අවස්‌ථාවේ පාර්ලිමේන්තුවට බයිසිකලයෙන් පැමිණිය නිසා, ඔබ බයිසිකලයට වැටිලා කියලා සමහර ප්‍රතිවාදීන් චෝදනා කරන්න පටන් අරගෙන තිබුණා… ඒ නිසා ඔබගෙන් අපි මුලින්ම දැනගන්න කැමතියි, ඔබගේ දේශපාලන බලවේගය පිළිබඳව ඔබට තිබෙන තක්‌සේරුව…
පිළිතුර – තව ටික දවසක්‌ ගියා නම් මුළු රටටම යන්න වෙන්නේ බයිසිකලයෙන් හරි, කරත්තෙන් හරි, පයින් හරි, තමයි. රටට තෙල් ටික ගෙන්න ගන්න සැලසුමක්‌ නැති ආණ්‌ඩුවක ඉඳන් අපි බයිසිකලයට වැටිලා කියලා කියන පිරිසකුත් ඉන්න එක ගැන තමයි මට තියෙන පුදුමේ… මේ ආණ්ඩුව මේ රට වට්‌ටපු තැන ගැන රටේ ජනතාව දන්නවා… අපිට හොරු කියලා කියපු අය කරපු හොරකම් අද එළියට ඇවිල්ලා තියෙනවා. මේ සියල්ල දෙස ජනතාව බලාගෙන හිටියා. ඒ නිසා තමයි, අද වෙනකොට වෙනස වෙනස් කරමු කියන සටන් පාඨය මේ රටේ ජනතාව අතට අරගෙන තියෙන්නේ… අද ගොඩනැඟිලා තියෙන ආණ්‌ඩු විරෝධය මේ රටේ ජනතාව විසින් ඇති කරපු එකක්… එදා ජනවාරි අට වෙනිදා අපිව පරාජයට පත් කළේ, ජනතා විරෝධයකින් නෙමෙයි. කුමන්ත්‍රණයකින්… නමුත් අද ගොඩනැගිලා තියෙන්නේ ජනතා විරෝධයක්… අපි ඒකට නායකත්වය දෙනවා… ඒ සඳහා සංවිධානත්මකභාවයක්‌ ලබා දෙනවා. එදා රාජපක්‌ෂලා ඉවරයි කිය කියා ගියපු අයට අපි පිටිපස්‌සෙන් එන්න වෙලා තියෙන්නේ, ඒකෙන්ම පේනවා, අපි ඉන්නේ කොතැනද කියලා. දේශපාලනයේදී කවදාවත් හිතන්න නරකයි, සතුරාව සදාකාලිකව පරාජය කරලා හෝ යටපත් කරලා තියන්න පුළුවන් කියලා… ජනතා බලවේගය කියන එක නැගිටපු දාට ආණ්‌ඩු බලයට හෝ වෙන යම් බලයකට ඒක පරාජය කරලා යන්න බැහැ. පනස්‌ හයේ මහජන එක්සත් පෙරමුණ දිනපුවහම, එදා හිටපු නායකයෝ කිව්වේ, එජාප මිනි පෙට්‌ටියට ඇන ගහලා, වළ දැම්මා කියලයි. එදා ආසන අටක්‌ අරන් පරාජය වෙච්ච එජාපය, හැත්ත හතේදී ශ්‍රීලනිපය ආසන අටට වැට්‌ටුවා. එදා එජාපය හිතුවා, දැන් අපි තමයි දිගටම ආණ්‌ඩු කරන්නේ, ශ්‍රීලනිපය ඉවරයි කියලා. එහෙම තිබ්බ ශ්‍රීලනිපය අනු හතරේදී බලයට ගෙනාවේ අපි. එදා අපි පාද යාත්‍රා ගියා. ජනඝෝෂා කළා. අත්වැල් ඇල්ලුවා… එහෙම කරන කොට එදා ආණ්ඩුවේ හිටපු අය අපෙන් ඇහැව්වේ ‘මෙහෙමද ආණ්‌ඩු පෙරළන්නේ…’ කියලයි. අනූහතරේදී අපි ආණ්ඩුව පෙරලුවේ නැද්ද…? අපි අද බයිසිකලයට වැටිලද කියලා අහන අයට මම ඒක මතක්‌ කරන්න කැමතියි…
ප්‍රශ්නය – බයිසිකලයෙන් ආවාට අයවැය පරද්දන්න හෝ ආණ්‌ඩුවට දැනෙන දෙයක් කරන්න පුළුවන්ද කියන එකයි ප්‍රශ්නය…?
පිළිතුර – විපක්‌ෂයක්‌ විදිහට නායකකම් නැතිවුණාට, සංවිධායකකම් නැතිවුණාට, මේ රටේ ප්‍රධාන විපක්ෂය අපි බව ලෝකයම දන්නවා. ඒ නිසා තමයි දේශපාලන ශබ්ද කෝෂයට ඒකාබද්ධ විපක්ෂය කියලා වචනයක්‌ ආවේ… එකේ ඇත්ත තේරුම තමයි සැබෑ විපක්ෂය කියන එක… එහෙම නැතුව ජනවාරි අට වෙනිදා වෙනකම් හිටපු හංස කණ්ඩායම ආණ්‌ඩුවක්‌ විදිහට කොටසකුත්, විපක්ෂය විදිහට තව කොටසකුත් අසුන් ගැනීම විපක්ෂයේ භූමිකාව නෙමෙයි. ඒ තරමට මේ අය අධිතක්‌සේරුවකයි හිටියේ… අද මොකද වෙලා තියෙන්නේ… අද මේ සියලු දෙනාම දවල් රෑ නැතුව කල්පනා කරන්නේ ඒකාබද්ධයේ බලවේගය පරාජය කරන්නේ කොහොමද කියලයි. ඒ කියන්නේ අපේ තරම මේ අයට හොඳට දැනිලා කියන එකනේ… හිරගෙවල් වල දාලා, තව තවම දඩ ගහලා අපිට රිද්දන්න හදන්නේ… අපිට බය නැත්නම්, අපි බලවේගයක්‌ නෙමෙයි නම් ඡන්දය තියන්න කියන්නකෝ… කොහොම හරි ඇදලා, ඇදලා පළාත්වල සීමා නිර්ණය ගැසට් කළා. එහෙම කරලා මොකද කළේ, දැන් මේ අයම තමන්ගේ හෙන්චයියලා දමලා ඡන්දය කල් දාන්න කියලා අධිකරණයට පෙත්සම් දානවා. ඔහොම බය තිබ්බාම මදැයි…
ප්‍රශ්නය – අනුරාධපුරේ රැලියේදී ඔබ ප්‍රකාශ කළේ ‘මම කා එක්‌කවත් ඩීල් දාන්නේ නැහැ. මගේ ඩීල් එක තියෙන්නේ ජනතාවත් එක්ක විතරයි’ කියලා. එහෙම කිව්වට දැන් කතා පැතිරෙන්නේ, ඔබ සහ ශ්‍රීලනිපය අතර ඩීල් එකක් තියෙනවා කියලයි. පළාත් පාලන මැතිවරණයට ඉදිරිපත් වීම සඳහා අත සහ පොහොට්‌ටුව අතර සන්ධානයක්‌ ඇතිවෙන්න යනවාද…?
පිළිතුර – ඒවා කියන්නේ ඒ අයනේ… මම රනිල් එක්ක ඩීල් දානවා කියලා කිව්වේ, ඔය අයමනේ… මම එයාලත් එක්ක ඩීල් දානවා කියලා දැන් කියනවා. ඔය දේශපාලනයේ හැටි… ඔහොම කටකතා යනවා. අපි ඉටු කරන්නේ ජනතාවගේ වුවමනාව… මම කලින් කිව්වා වගේ ඒකාබද්ධ විපක්ෂය කියන්නේ ජනතාවගේ බලවේගයක්‌… ඒක හැදුවේ ජනතාව. මම පරාජය වුණහම නුගේගොඩට එක් රැස්‌ වෙලා නිර්මාණය වෙච්ච් බලවේගය තමයි, අද ඔය ඒකාබද්ධ විපක්ෂය කියලා නැත්නම් ශ්රී ලංකා පොදුජන පෙරමුණ කියලා තියෙන්නේ… එකේ තීන්දු තීරණ ගන්නෙත් ඒ බලවේගය හදපු ජනතාවමයි.
ප්‍රශ්නය – ඒ කියන්නේ ඔබගේ නායකත්වය තුළින් මැතිවරණයට ඉදිරිපත් වෙන්නේ පොහොට්‌ටුවෙන් කියලද…?
පිළිතුර – වෙනම ඉල්ලනවා නම් ඉල්ලන්න වෙන්නේ පොහොට්‌ටුවෙන් තමයි. වෙන තැනක්‌ නැහැනේ. රටේ දේශපාලන තත්ත්වය අනුව මට පේන්නේ පොහොට්‌ටුවෙන් ඉල්ලන පාටත් තියෙනවා… දිනන පාටත් තියෙනවා. අපි ඉන්න තැනට ජනතාව ඇදගෙන එන්න බැහැ… ජනතාව ඉන්න තැනට අපි යන්න ඕනේ…
ප්‍රශ්නය – මෙතැනදී මත දෙකක් තිබෙනවා. මහ මැතිවරණයේදී වගේ ආයෙත් ඔබ රැවටෙනවා ද කියලා, සමහරු අහනවා. ශ්‍රීලනිපය දෙකට කඩනවා ද කියලා.
පිළිතුර – පක්ෂය දෙකට කඩන්නේත් නැහැ…
රැවටෙන්නෙත් නැහැ.
ප්‍රශ්නය – මේ දෙකම එකට කරන්න බැහැනේ…
පිළිතුර – පක්ෂය කියන්නේ මොකක්ද…? පක්ෂය කියන්නේ නමක්‌වත්, පාටක්‌වත් ලකුණක්‌වත් නෙමෙයිනේ… ඔයාට කඩයක්‌ තියෙනවා කියලා හිතමුකෝ… එකේ බෝඩ් එක හොරෙක්‌ අරගෙන ගියොත්, කඩේ අයිති වෙන්නේ හොරාට ද…? බෝඩ් එක නැති වුණ නිසා අපි අලුත් බෝඩ් එකක් ගහගත්හම ඒ කියන්නේ වෙන කඩයක්‌ කියන එක නෙමෙයිනේ… අලුත් බෝඩ් එකක් කියන එක විතරනේ… මෙතැනත් වෙලා තියෙන්නේ එකමනේ… දැන් පක්ෂය අරගෙන ඉන්නේ වෙන කට්‌ටියක්‌නේ… ඒගොල්ලෝ කියනවා නම්, පක්ෂය ඒගොල්ලන්ගේ කියලා, ඒ අය දැනගන්න ඕනේ පක්ෂය රැකගන්න. මම පක්ෂයේ නායකත්වය දරපු කාලේ පක්ෂය රැක ගත්තේ මමනේ… මේ අය මාව පක්ෂ නායක කමෙන් අයින් කරවලා, දැන් කියනවා මම පක්ෂය කඩනවා කියලා. මම පක්ෂය කඩනවා කියන්නේ පක්ෂයේ මතය තියෙන්නේ මමත් එක්ක කියන එකනේ. ඒ කියන්නේ ශ්‍රීලනිපය තියෙන්නේ අපි වටා බව ඒ අයත් පිළිගන්නවා. අපි එජාපයත් එක්ක ආණ්‌ඩු හදලා පක්ෂය පාවලා දුන්නේ නැහැ. අපි තමයි ශ්‍රීලනිපය රැක ගත්තේ… අද පක්ෂයේ අයිතිකාරයෝ කියලා කියන උදවිය පක්ෂයට කරපු දේ ජනතාව දන්නවා.
පක්ෂය ඒගොල්ලොන්ගේ නම් ඒක රැක ගන්න ඕනෙත් ඒ අය. මම ඒකට මහන්සි වෙන්න ඕනේ නැහැනේ…
ප්‍රශ්නය – ඔබ මේ කියන දෙයින් පැහැදිලි වෙන්නේ ශ්රී ලංකා පොදුජන පෙරමුණ වෙනම ඉල්ලනවා කියන එකනේ…
පිළිතුර – මෙතැනදී තේරුම් ගන්න ඕනේ එක දෙයයි… ආණ්ඩුවේ ඉන්න ශ්‍රීලනිපයේ පිරිස, පසුගිය ජනාධිපතිවරණයේදී ඡන්දය දුන්නේ මට. ඒ අය විවිධ හේතු නිසා වෙන තැන්වලට ගිහිල්ලා හිටියාට එයින් බොහෝ දෙනෙක් ඉන්නේ මා එක්ක… ඔය සමහර මැති ඇමතිවරු ගත්තත් එහෙමයි. මට මේ අය පාර්ලිමේන්තුවේදී හම්බුවෙනව නේ… ඒ සියලු දෙනා අපේ අය ලෙසයි අපි හඳුනා ගන්නේ. එජාපයත් එක්ක ආණ්‌ඩු හැදුවාට මෙයින් බහුතරයක්‌ විරුද්ධයි. ඒ අය වෙනුවෙනුත් අපි පෙනී සිටින්න ඕනේ… පක්ෂයේ තියෙන එකමුතුව අපි කඩාගන්න ඕනේ නැහැ. නමුත් ශ්‍රීලනිපයේ ප්‍රතිපත්තිය අද පක්ෂය තුළ නැහැ. ඒ වෙනුවට පක්ෂය තුළ ක්රියාත්මක වෙන්නේ එජාපයේ සහ බෙදුම්වාදයේ ප්‍රතිපත්ති. මෙහෙම් රාජ්‍ය ආයතන විකුණන කොට ශ්රී ලංකාකාරයන්ට ආණ්ඩුව ඇතුළේ ඉන්න පුළුවන්ද…? මේ ප්‍රතිපත්තිය රැක ගන්නත්, සම්මුති ආණ්‌ඩු ගහන්න ගිහිල්ලා ශ්‍රීලනිපය විනාශ වීම වළකා ගැනීම සඳහාත් එකාබද්ධයේ හිටියා කියලා හරි, ආණ්ඩුවේ හිටියා කියලා හරි වෙනසක්‌ නැතුව අපි එකතුවෙන්න ඕනේ. පක්ෂ ප්‍රතිපත්තිය තමයි අපේ එකමුතුව තියෙන තැන… අද ශ්‍රීලනිප ප්‍රතිපත්තිය තියෙන්නේ පොදුජන පෙරමුණේ… ඒක නිසා තමයි පොහොට්‌ටුව වටා ශ්‍රීලනිපයේ අති බහුතරය එකතුවෙලා තියෙන්නේ… මේක ඇත්තටම ශ්‍රීලනිපය බේරා ගැන්මේ සටනක්‌ කියන්නත් පුලුවන්. ඒ වගේම රට බේරා ගැනීමේ සටනත් මේක… අද රටේ කළමනාකරණය බිමටම වැටිලා ඉවරයි. මහ බැංකු කොල්ලය නිසා රටට වෙච්ච පාඩුව තවම ගණන් හදලා ඉවර කරගන්න බැහැ. රටේ කිසිම දෙයකට අවසාන වගකිව යුත්තෙක්‌ නැහැ. එකිනෙකාට වරද පටවා, පටවා ඒ අය ඉන්නවා.
ප්‍රශ්නය – රටට නිසි කළමනාකරණයක්‌ නැති බව ඔබ කියනවා… ඒ සඳහා බලපාලා තියෙන හේතුව ඔබ බවයි ආණ්ඩුවේ සමහරු සඳහන් කරන්නේ. රාජ්‍යයේ සමහර ක්‍රියාවන්හි අදිසි හස්‌තය ඔබ කියලා බොහෝ තැන්වලදී චෝදනා එල්ල වෙනවා. තෙල් ප්‍රශ්නයේදී පවා ඔබට චෝදනා එල්ල වුණේ මේ පදනමින්…
පිළිතුර – මට එහෙම බලයක් තියෙනවා කියලා, ඒ අයම කියනවා. තව තැනකදී මට බලයක් නැහැ කියලා කියන්නෙත් ඒ අයමයි. අද ආණ්‌ඩුවට කළමනාකරණයක්‌ නැති වීමට මූලික හේතුව, මේ පළිගැනීම් ක්‍රියාවලිය. ආණ්ඩුවේ සියලු වැඩ නවත්වලා, සංවර්ධන කටයුතු නවත්වලා, වෙන කිසි දෙයක් කරන්නේ නැතුව අවුරුදු තුනක් පමණ කරගෙන ගියේ පළිගැනීම විතරයි. හම්බන්තොට අපි වරායක්‌ හැදුවා, ගුවන්තොටුපළක්‌ හැදුවා… ඒවා හැදුවේ රටේ සංවර්ධන ඉලක්ක සදහා. ඒක සමස්‌ත වැඩපිළිවෙළක්‌… ඒ සියල්ල අද විකුණලා දාලා ඉවරයි. මේ අයට එහෙම දැක්‌මක්‌ නැහැ. මේ අය කරන්නේ පළිගැනීමේ වැඩපිළිවෙළ දියත් කරන එක විතරයි. මම චන්ද්‍රිකාගේ ආණ්ඩුව ගැන කතා කර කර හිටියා නම් යුද්ධය ඉවර කරන්න පුළුවන්ද…? රට සංවර්ධනය කරන්න පුළුවන්ද…?
මේ අයට වෙලා තියෙන්නේ ඒකයි. හැම දර්ශකයකින්ම පේන්නේ මොකක්ද…? රටේ කඩා වැටීම.
ප්‍රශ්නය – ආණ්ඩුවේ චෝදනාව තමයි ඔබගේ ආණ්ඩුව රටට පටවලා ගිය ණය ප්‍රශ්නය ආණ්‌ඩුවට විසඳීමට සිදුවීම නිසා, මෙවැනි තත්ත්වයකට මුහුණ දෙන්න සිදුවී තිබෙන බව.
පිළිතුර – මගේ අයවැය කතාවේදී මම ඒ ගැන කිව්වා. අවුරුදු 9 ක් තිස්‌සේ අපේ ආණ්ඩුව විසින් මනාව කළමනාකරණය කර තිබු රාජ්‍ය ණය, ඉතා කෙටි කාලයකින් ආපස්‌සට හරවා ගන්නට මේ රජය කළ විනාශය, ඇත්ත වශයෙන්ම අපරාධයක්‌. මෙහිදී ඔවුන් කළ මූලික වරද වූයේ, දේශපාලන වාසීන් ගැනීමට, රාජ්‍ය වියදම ඉසිලිය නොහැකි ආකාරයට විහින් ඉහළ දමා ගත්තා. ඊට පස්‌සේ භාණ්‌ඩාගාර බිල්පත් සහ බැඳුම්කර සදහා ගෙවන පොලී අනුපාත සියල්ලම බැඳුම්කර මගඩිය හරහා අනවශ්‍ය සහ වංක ලෙසද ඉහළ දමා ගත්තා. මෙම ක්‍රියා දෙක හරහා, රටේ ණය කළමනාකරණයට දැවැන්ත පහරක්‌ එල්ලවී, මෙම රජය, මුළු රටම ණය උගුලකට ගොදුරු කළා.
2015.01.01 සිට 2017.06.30 දක්වා, වත්මන් රජය යටතේ වැඩිවූ ණය, මෙතෙක්‌ අප රටේ ඉතිහාසය පුරාවටම වසර දෙක හමාරක්‌ තුළ වැඩි වූ උපරිම ණය ප්‍රමාණය වුණා. එම ණය ප්‍රමාණය වන රුපියල් බිලියන 2,773, අපගේ රජය 2009 අවසානයේ සිට 2014 අවසානය දක්වා, දැවැන්ත වැඩ කොටසක්‌ ඉටු කළ, අවුරුදු 5 ට ලබා ගත් ණය ප්‍රමාණයෙන් 86%යයි.
අද අප රටේ සියලු දෙනා දන්නා පරිදි, මෙපමණ විශාල ණය ප්‍රමාණයක්‌ මෙම රජය අරගෙන තිබ්බත් , මහ ජනතාවට පෙනෙන, දැනෙන කිසිදු යටිතල පහසුකමක්‌ රටේ නැහැ. මහා පරිමාණයේ සංවර්ධන කටයුතු පමණක් නෙමේ, පියවි ඇසට පෙනෙන ග්‍රාමීය මට්‌ටමේ හෝ සංවර්ධනයක්‌වත් රටේ නැහැ.
රනිල් වික්‍රමසිංහ අගමැතිතුමා සහ එයාගේ ගෝලයන් අපට චෝදනා කළේ, අපි රුපියල් බිලියන ගණනක් ණයට අරගෙන, හම්බන්තොට වරාය, නොරොච්චෝලේ ගල් අඟුරු බලාගාරය, සහ මත්තල ගුවන්තොටුපළ ඉදිකළා කියලයි. මේ අයට ලොකු ගණන්වලට විකුණන්නට හෝ ඒවා අද මහ පොළවේ පෙනෙන්නට තියනවා. මේ ආණ්ඩුව ගත්ත ණය කන්දෙන් මහ පොළවේ පුංචි පිහිනුම් තටාකයක්‌වත්, පොඩි ජෙනරේටරයක්‌වත්, අඩි පාරක්‌වත් හදලා තියනවද? එහෙනම්, අපට දැන් අහන්න තියෙන්නේ, මේ ණයට ගත් සල්ලිවලට මොකද වුණේ? බැඳුම්කර මගඩියේ මුදල් ගිල්ලා වගේ, කවුරු හරි ඒ මුදල් ගිලගත්තද?
මේ දූෂිත, වැඩ බැරි ආණ්ඩුව ශ්රී ලංකාවේ ණයබරතාවය භයානක උගුලකට ඇද දමලා ඉවරයි. රජයේ සමහර නායකයන්ගේ පෞද්ගලික වාසිය සඳහා, අප රටේ සමස්‌ත පොලී අනුපාතය වැඩි කළා. රුපියලේ අගය අවප්‍රකාර කරමින් ණයබරතාවය සීග්‍ර ලෙස වැඩි කළේ මේ ආණ්‌ඩුවයි. මේ ණය උගුලෙන් ගොඩ ඒම සදහා කියමින් , රටේ බැංකු මත සෑම රුපියල් 10,000 කම ගනුදෙනු සඳහා රුපියල් 2 ක නව බද්දක්‌ මුදල් ඇමති මේ අයවැයෙන් හඳුන්වා දුන්නා. අප රටේ බැංකු ක්‍ෂේත්‍ර ප්‍රවීණයන්ට අනුව, මෙම බද්ද හරහා සියලුම රාජ්‍ය බැංකු දුර්වල වනු ඇතැයිද, එම දුර්වලවීම ඉස්‌මතු කරමින්, බැංකු පුද්ගලීකරණයට යොමු කරන්නට රජයේ යටි අදහසක් තියෙනවා ද කියන සැකය දැන් අපිට තියෙනවා. එම බද්දෙන් වසරකට එකතු කරන්නට බලාපොරොත්තු වන රුපියල් බිලියන 20 මුළුමනින් වෙන් කළත්, එම ණය පමණක් ගෙවීමට අවුරුදු 139 ක් ගත වෙනවා. ඒ නිසයි අපිට මේ සැකය ඇතිවෙන්නේ.
ප්‍රශ්නය – ආණ්ඩුව දේශපාලන පළිගැනීම් කරනවා කියලා ඔබ කිව්වත්, තම ආණ්ඩුව යටතේ සිදුවූ බැඳුම්කර සිද්ධිය පිළිsබදව පරීක්‌ෂණ පවත්වන්නේත් මේ ආණ්‌ඩුවමයි.
පිළිතුර – මේවා මුලින්ම යට ගහන්න තමයි කවුරු කවුරුත් බැලුවේ… අපේ විරෝධය සහ හෙළිකිරීම් නිසා ඒවා යට ගහගන්න බැරිවුණා. අද වන කොට, සියලු දෙනාම පිළිගෙන ඇති ආකාරයට මෙම මගඩිය නිසා, රටේ පොලී අනුපාත සියල්ලම කෘතිම ලෙසත්, වංචාකාරී ලෙසත්, දැවැන්ත ලෙසත් වැඩිවෙලා තිබෙනවා.
මේ මගඩිය නිසා රජයට සහ ජනතාවට සෘජු සහ වක්‍ර ලෙස සිදුව ඇති සමස්‌ත පාඩුව රුපියල් බිලියන 1,000 ක් ඉක්මවා ඇති බව හිටපු රාජ්‍ය මුදල් ඇමති ලක්‌ෂ්මන් යාපා අබේවර්ධනම කිව්වනේ. අපේ ආණ්ඩුව 2014 දී සමස්‌ත බදු හරහා ජනතාවගෙන් අය කරගත්තේ රුපියල් බිලියන 1,050 ක් විතරයි. ඒ මුදල් වලින් අපි කරපු සංවර්ධනය මම ආයේ ආයේ කියන්න ඕනේ නැහැනේ. 2018, දී මේ ආණ්ඩුව එම මුදලට සමාන මුදලකට අමතරව, තවත් රුපියල් බිලියන 984 ක්, එනම් දෙගුණයකින් පමණ වැඩි මුදලක්‌ වන රුපියල් බිලියන 2,034 ක්, ජනතාවගෙන් අයකරගන්න බලාපොරොත්තු වෙන බව අය වැයේ සඳහන් වුණා. ඒ කියන්නේ ඒ දැවැන්ත බදු මුදලටත් වැඩි මුදලක්‌ මේ ආණ්ඩුව බැඳුම්කරෙන් හොරා කාලා කියන එකනේ.
සාකච්ඡා කළේ – මනෝඡ් අබයදීර
තමන්ට පර්පෙචුවල් ට්‍රෙෂරීස්‌ සමාගමේ හිමිකරු අර්ජුන් ඇලෝසියස්‌ දුරකතන්යෙන් කතා කලබවත් තමන්ට මාධ්‍ය හරහා ඉහල ප්‍රසිද්ධියක් ලබාදිමට කටයුතු කල හැකි බවත් ඒ සදහා ස්වාධින රූපවාහිනියේ මහේෂ් සේනානායක නැමති අය සමග සම්බන්ධ වන් ලෙස තමන්ට පැවසු බව නී.අමාත්‍ය රංජන් රාමනායක අද අනාවරණය කළා.
අධිකරණයට අපහාස කළ බවට එල්ලවන චොදනා සම්බන්ධයෙන් නියෝජ්‍ය අමාත්‍ය රන්ජන් රාමනායකට එරෙහිව ගොනු කර ඇති නඩුව අද (21) යළි ශ්‍රේෂ්ඨාධිකරණයේදී විභාගයට ගත් අතර එම් අවස්ථාවට එක්විමෙන් පසුව මාධ්‍ය අමතමින් රංජන් රාමනායක මේ බව සදහන් කලා.
Published 2017/11/21 –එක්සත් ජාතික පක්ෂය මෙන්ම ශ්රී ලංකා නිදහස් පක්ෂය ඒකාබද්ධව ඇතිකරගත් ජාතික ආණ්ඩුව 2025 දක්වා ගමන් කරන බව ජනාධිපති මෛත්‍රීපාල සිරිසේන ශ්‍රිලනිප ජ්‍යෙෂ්ඨයන් හමුවේ අවධාරණය කර තිබේ.මහා බැංකු බැදුම්කර වංචාව සහ රටේ ආර්ථික සමාජිය,දේශපාලන අර්බුද හමුවේ ජාතික ආණ්ඩුවේ පැවැත්ම පිළිබඳව විවිධ මත පලවිම හේතුවෙන් ශ්‍රීලනිප ජ්‍යෙෂ්ඨයන් ජනාධිපතිවරයාගෙන් කල විමසිමකදි මෙම පිළිතුර ලබාදි ඇති බවයි අප දේශපාලන වාර්තාකරු අනාවරණය කළේ.
ඉදිරි පළාත් පාලන මැතිවරණය සඳහා ශ්රී ලංකා නිදහස් පක්ෂය සහ ඒකාබද්ධ විපක්ෂය වෙන් වෙන්ව තරඟ කළහොත් එමගින් ලැබෙන ප්‍රතිඵලය දෙපාර්ශ්වයටම දැඩි ලෙස බලපාන බවත් කෙසේවෙතත් තමන්ට එය බරපතල ගැටලුවක් නොවන් බවද ජනපති පෙන්වා දි තිබේ. පළාත් පාලන ආයතන පවත්වා ගෙන යැමට නම් අනිවාර්යයෙන් බලය සහිත ප්‍රධාන පක්ෂ දෙකේහි එකතුවක් අවශ්‍ය වන බවද ජනපති පෙන්වා දි තිබේ.
මේ අතර එක්සත් ජාතික පක්ෂයේ මහ ලේකම් ඇමති කබීර් හෂීම් හා ඇමති මලික් සමරවික‍්‍රම සමගින් පසුගියදා ජනාධිපතිවරයා හමුවි පළාත් පාලන මැතිවරණයේදී ශ්රී ලංකා නිදහස් පක්ෂය මහින්ද පිළ සමග එක්ව තරග වදින බවට පලවන වාර්තා පිළිබඳව විමසා ඇති අතර එයට පිළිතුර දෙමින් මෛත්‍රී ජනාධිපතිවරයා ඇදසිටි සරම පෙන්වා ‘මේ සරම ඇදගෙන ඒක කරන්න පුළුවන්ද’ යයි අසා තිබේ.
2020 ජනාධිපතිවරණයක් පැවැත්විම සම්බන්ධයෙන් හෝ අපේක්ෂකයෙකු ඉදිරිපත් කිරිම සම්බන්ධයෙන්ද ශ්රී ලනිපයේ ඇතැම් කණ්ඩායම් දක්වන අදහස් සම්බන්ධයෙන්ද ජනපති සිය අප්‍රසාදය පලකර තිබේ.
මේ අතර ශ්රී ලංකා නිදහස් පක්ෂයේ මෛත්‍රී පිල සමග එක්ව තරග කිරිමට විවිධ කොන්දේසි ඉදිරිපත් කරමින් සිටි මහින්ද් පිළ එම කොන්දේසි ඒකින් එක ලිහිල් කිරිමේ මෙහෙයුමක යෙදි සිටින බව අප දේශපාලන වාර්තාකරු අනාවරණය කළා.ඒ අනුව එක්ව තරග කිරිමට මෛත්‍රී පිළ ආණ්ඩුවෙන් ඉවත් විය යුතු බවට කලින් ඉදිරිපත් කර තිබු කොන්දේසිය මේ වනවිට එළඹෙන පළාත් පාලන මැතිවරණයෙන් අනතුරුව ඉන් ඉවත්වීම දක්වා වෙනස් වී තිබේන බවයි අප වාර්තාකරු අනාවරණය කලේ.
Published-20/11/2017 පාර්ලිමේන්තු මන්ත්‍රී පලිත රංගේ බන්ඩාර පුත්තලමේ සිමෙන්ති සමාගමේ සේවකයන් පිරිසකට පරුෂ වචනයෙන් බැණ වදිමින් පහරදිමේ සිද්ධියක් වාර්තා වේ.
බහු ජාතික සමාගම් වල උවමනාවකට තමන් ඒ අකාරයට පහර දෙන බවද එම විඩියෝවේ ඉතාම පැහැදිලි ලෙස දකින්නට තිබේ.
යහපාලනය අවසානය පෙනී පෙනී මරු විකල් වි සිටින ඒජාප අම්බරු සුනඛයන් වහාම බැද දැමිය යුතුය.සේවකයන්ට පහරදුන් රංගේ බණ්ධාරට එරෙහිව යහපාලන පොලිසියේ නීතිය ක්රියාත්මක කිරිමට කූජිත පොලිස්පතිවරයාට හැකියාවක් තිබේද?
මෙහි ඇති හාස්‍යජනක සිද්ධිය වන්නේ ගෙදර ගෑණීට විනයක් ඇතිව සලක්කන් නොදන්නා රංගේ විරෝධාතා වල යෙදි සිටින අහිංසක කම්කරුවන්ට විනයක් නෑ කියමින් පහරදිමය….
ඔබගේ අවධානයට.- විඩියෝ පටයේ අසභ්‍ය වචන අඩංගු බැවින් තනිවම නරබන ලෙස ඉල්ලා සිටිමු.
