Published-20/11/2017 ජාතිවාදයේ පියා ලෙස විරුදාවලීය ලබා සිටින බොදුබල සේනා සංවිධානයේ ගලගොඩඅත්තේ ඥානසාර හිමියන් ඊයේ (19) දහවල් නාරම්මල මැදගොඩදී ‘දි අයිලන්ඩ්’ පුවත්පතේ ජේ‍යෂ්ඨ පුවත්පත්කලාවේදී සී. ඒ. චන්ද්‍රප්‍රේම මහතාට කන පැළෙන්නට ගසන බව කියමින් තර්ජනය කර තිබේ.
ඥානසාර හිමියන් මෙම තර්ජනය කර ඇත්තේ පැපිලියාන සුනේත්‍රාදේවි පරිවේණාධිපති මහාචාර්ය මැදගොඩ අභයතිස්ස හිමියන්ගේ අභාවප්‍රාප්ත මෑණියන්ගේ දේහයට අවසන් ගෞරව දක්වන්නට චන්ද්‍රප්‍රේම මහතා එහි ගොස් සිටි අවස්ථාවේදීය.
“තමුසෙද චන්ද්‍රප්‍රේම කියන්නේ? මම තමුසෙගෙ කන පැළෙන්න ගහනවා….” යැයි කියමින් මැදගොඩ අවමඟුල් නිවෙස් භූමියේදී ඥානසාර හිමියන් තමන්ට තර්ජනය කළ බව කර ඇති අතර “හාමුදුරුවනේ මේක මළ ගෙදරක්. ප්‍රශ්නයක් තිබෙනවා නම් මෙතනින් එළියට ගිහින් කතා කරමු” යැයි තමන් ඥානසාර හිමියන්ට කීවද උන්වහන්සේ තවදුරටත් තමන්ට තර්ජනය කළ බවද චන්ද්‍රප්‍රේම මහතා සඳහන් කර තිබේ.
“මම තමුසෙගෙ කොළපාට සමාජය ගැනත් දන්නවා. කන පැළෙන්නට ගහනවා…” යැයි නැවතත් ඥානසාර හිමියන් තමන්ට එහිදී තර්ජනය කළ බවද චන්ද්‍රප්‍රේම මහතා තවදුරටත් පැවැසීය.
මේ අවස්ථාවේදී එතැනට රැස්වූ භික්ෂූන්වහන්සේලා හා අනෙකුත් පිරිස් ඥානසාර හිමියන්ට දෝස් පවරා තිබේ.ඔබ වහන්සේගේ ඔය හැසිරීම නිසා තමයි මේ රට අද මේ තත්ත්වයට පත්වෙලා තිබෙන්නේ” යැයි කියමින් භික්ෂූන්වහන්සේ සහ ගිහියන් ඥානසාර හිමියන්ට එහිදී දෝෂාරෝපණය කර තිබේ.
Published-19/11/2017 ජනමාධ්‍ය ද, ෆෙස් බුක් ද, කොතරම් සැගවීම උත්සහ දැරූව ද, සත්‍යය නම් “අලුත්ගම” වැනිම වූ “සිදුවීමක්” ගිංතොට ද සිදුව ඇත. සැගවීම තුල සංහිදියාවක් ඇති කර ගත නොහැකි අතර සත්‍යය හෙළි කළ යුතුව ඇත.
රෝද දෙකේ බයිසිකලය “තනි රෝදයෙන්” පදින්නට ගොස් මුස්ලිම් තරණයෙකු අනතුරට පත්වීම හා එය සිංහල – මුස්ලිම් තරුණයින් අතර ගැටුමක් බවට පත්වීම අරුමයක් නොවේ. එම සිදුවීම කලබැගෑනියක් බවට පත් කොට ඇත්තේ “බුදුන්ගේ ධාතුවක්” ඇතැයි කියන අනුරාධපුර පන්සලක නමින් ඇති පන්සලකට රැස්වු “තංගල්ල හා අම්බලන්ගොඩ” නම් ඇති දෙදෙනෙකු විසිනි. මුස්ලිම් ජනයා බහුලව සිටින පෙදෙසේ පිහිටි “සෝමාරාමය හා ගංගාතිලකය” යන පන්සල් මෙයට සම්බන්ධ නැත.
සිංහල ජනතාව බහුලව සිටින ප්‍රදේශයේ පිහිටි උක්වත්ත චන්දිම හිමියන් බෝපේ පොද්දල ප්‍රාදේශීය සභාවේ හිටපු සභිකයෙකි. නෙළුම් පොහොට්ටුවෙන් ඡන්දය ඉල්ලන්නට සුදානම් ය.
මෙවර මැතිවරණයේ එජාපය නියෝජනය කරමින් සභාපති ධූරය ලබාගන්නට නියාස් හා අමිල නුවන් ලොකු තරගයක සිටී. සැබෑ ලෙසම ගැටුමට එක් හේතුවක් වන්නේ එජාප ලැයිස්තුවේ ඇති මේ හබය යි.
ඊයේ මුල් සිදුවීමෙන් පසුව පොලිස් විශේෂ කාර්ය බලකාය ප්‍රදේශය වෙත යොමු කර තිබුණි. ගාල්ලේ දේශපාලනඥයෙකු විසින් රාත්‍රීයේ එම සෙබළුන් ඉවත් කිරීමට උපදෙස් දී ඇත. රාත්‍රී 08.30 ට පමණ ගැටුම් ඇති වී ඇත්තේ පොලීසිය ඉවත් කිරීමෙන් පසුවය.
ගැටුම් හේතුවෙන් නිවාස හා වෙළෙද ස්ථාන 66 ක්, වාහන 14 කට කුමන හෝ ආකාරයක අලාභයක් සිදුවී ඇත. එයින් බහුතරය මුස්ලිම් ජාතිකයින් සතු දේපල වුව ද, සිංහල ජනතාව ගේ දේපල ද මේ අතර වේ. ගිණි තැබීම් හේතුවෙන් හානි වූ නිවාස ද ජාතීන් දෙකටම අයත් පිරිසගේ ය.
අද ගැටුමෙන් පසුව සාම කමිටුවේ සභාපති ලෙස පත් කොට ඇත්තේ ‘ගැටුමට සම්බන්ධව ජනතාව එක් වූ පන්සලක හිමිනමකි. ගැටුමේ පාර්ශයක් යැයි චෝදනා එල්ල වූ තැනක උදවිය ‘සාම කමිටුවක‘ ප්‍ර‍ධානීත්වයට පත් වන්නේ “ගැටුම් නිරාකරණයේ” කුමන නිර්ණායක යටතේ ද යන්න ඇමති වජිර අබේවර්ධන හා ගාල්ලේ දිසාපතිගෙන් ඇසිය යුතුව ඇත.
ගැටුමක් ඇතිවිය හැකි තැනක, රාත්‍රීයේ පොලීසිය ඉවත් කිරීම, හා ඉන් පසුව ප්‍ර‍හාර එල්ල කිරීම අලුත්ගම, දර්ගා නගරයේ ද ප්‍ර‍හාරයේ ස්වභාවය විය. ගිංතොට ද සිදුව ඇත්තේ එයම ය. මෙය සිංහල – මුස්ලිම් ගැටුමකට වඩා පළාත් පාලන ඡන්දය ඉලක්කකොට ගත් “ඉඩ කඩ ලබාදීමෙන් පසුව සිදුවූ ගැටුමකි”.
~~රජිත් කීර්ති තෙන්නකෝන් විසිනි~~
Published-19/11/2017 සෞඛ්‍ය අමාත්‍යංශයට අයත් සෞඛ්‍ය ඇමතිවරයාට අනුයුක්ත කැබ් රථයකින් තරුණයෙකු යටකර ගොස් යහපාලන නීති නැමිල්ලෙන් එම අනතුර යටකර දැමිම සදහා මෙහෙයුමක් දියත් කරමින් සිටින බව අප විශේෂ වාර්තාකරු අනාවරණය කළා.
සෞඛ්‍ය අමාත්‍යංශයට අයත් සෞඛ්‍ය ඇමතිවරයාට අනුයුක්ත කර ඇති WP PG – 1412 දරණ කැබ් රථයෙන් පසුගිය නොවැම්බර් 17 වන දින රත්මලාන ගොලුමඩම හන්දියේදී WP BFT – 4857 දරණ යතුරු පැදිය අනතුරකට ලක් කර එම තරුණයාට බරපතල ලෙස තුවාල කර ඇති අතර මේ වනවිටත් දින ගණනක් වැල්ලවත්ත ප්‍රදේශයේ ඇති ROYAL HOSPITAL නැමති පෞද්ගලික රෝහලේ ප්‍රතිකාර ලබන අතර එම අනතුරට සම්බන්ධ රාජිතගේ මැර රියදුරන් නීතියට කොකා පෙන්වමින් සිටින බවයි අනාවරණය වි ඇත්තේ.
රාජිතගේ මැර රියදුරන් අනතුරට ලක්කර ඇත්තේ M. සුජීවන් නැමති අංක 165/21/A, කිරුල පාර, නාරාහේන්පිට පදිංචි තරුණයෙකු බවද මේ වනවිට අනාවරණය වි ඇති අතර සිදුවු අනතුර හේතුවෙන් එම තරුණයාගේ මතකයටද දැඩි ලෙස හානී සිදුව තිබේ.
අදාළ තරුණයා රත්මලාන ගොලුමඩම හන්දිය හරහා යතුරු පැදියෙන් ගමන් කරමින් සිටියදි රාජිතගේ ආරක්ෂක එම යතුරු පැදියේ වැරදි පසින් පැමිණ යටකර ඇති අතර ඒ සමගම් පලායැමට එම කැබ් රථය උත්සහ ගත් අවස්ථාවේ එම ආසන්නයේ සිටි පිරිස් විසින් කැබ් රථ්ය නතරකරගෙන ඇති අතර අනතුරට ලක්වු තරුණයා එම පිරිස් විසින් රෝහල් ගතකිරිමට කටයුතු කර තිබේ.
පසුව අනතුර සිදුවු ස්ථානයට ගල්කිස්ස පොලිසිය පැමිණ ඇති අතර පොලිසියට අදාළ රියදුරු වෙනුවට වෙනත් කෙනෙකු ඉදිරිපත් විමට උත්සහ කිරිමත් ඔහුන් දැඩි ලෙස මත් පැන් පානය කර සිටි බව දැනගත් එම පීරිස විරෝධය දැක්විමත් සමග අදාල රාජිතගේ මැර රියදුරු පොලිසියට සහ වටේ සිටි පිරිසට කෑ ගසමින් තර්ජනය කර තිබේ.
මෙම අනතුර සිදු කරන අවස්ථාවේ රිය පදවා ඇත්තේ පො.කො. 37491 I.M.A. සම්පත් නැමති සෞඛ්‍ය ඇමති රාජිත සේනාරත්නගේ ආරක්ෂක අංශයේ ඇමති බිරිඳට අනුයුක්ත කර ඇති නිළධාරියෙකු වන අතර එම අනතුර සිදුවන අවස්ථාවේ ඇමති ආරක්ෂක අංශයේ පොලිස් නිලධාරීයක් වන පො.කො. 14582 W. රන්ජන නැමැත්තෙක්ද සිට ඇති අතර මොවුන් දැඩි ලෙස බීමත්ව සිට ඇති අතර එම අනතුර සිදු වූ අවස්ථාවේ මොවුන් ඇමතිවරයාසේ නම දහන් කරමින් පරීක්ෂණය කිරීමට පැමිණි පොලිස් නිළධාරින්ට හ අනතුරට ලක් වූ පුද්ගලයාට මෙන්ම අවට රැස්ව සිටි පුද්ගලයන්ට පරුෂ වචනයෙන් බැන වැදී තිබේ.
“අඩෝ…..අපි ඇමති රාජිතගේ ආරක්ෂකයෝ …ඔබලට අපිට අතවත් තියන්න බෑ…පලයල්ලා …..”කෑ ගසමින් පොලිසියටද තර්ජනය කර තිබේ.
පසුව කැබ් රථය සහ අදාළ මැර ආරක්ෂකයන් දෙදෙනා පොලිස් ස්ථානයට රැගෙන ගොස් කණේ වැලි ගැවෙන තරමට නීතිය නමා තිබේ.
අනතුර සිදු කල පුද්ගලයන් එම අවස්ථාවේ බීමත් සිටිම හේතුවෙන් වෛද්‍ය වාර්තාවක් ලබා ගැනීමට අවශය වූවත් පරීක්ෂණය සිදු කල පොලිස් නිළධාරිට බලපෑම් සිදු කර වෛද්‍ය වාර්තාව ලබාදිම ප්‍රතික්ෂේප කර ඇති අතර
අනතුරට ලක් වූ වාහනයද ගල්කිස්ස පොලීසිය බාරයට ගෙන ඇති නමුත් අනතුරට ලක් වූ තරුණයා අද වනවිටත් රෝහලේ දැඩි සත්කාර එකකයේ ප්‍රතිකාර ලබමින් සිටියදිත් අනතුර සිදු කල ඇමති ආරක්ෂක නිළධාරියා එදිනම (17) දින ඇප ලබා නිදහස්ව ගොස් තිබේ.
මෙම අනතුර සිදු කල ඇමති ආරක්ෂක නිළධාරින්ට පොලිසිය රථවාහන නීතිය අනුව නීතිය ක්‍රියාත්මක කලේ නම් …
01. බීමතින් රිය පැදවීම
02. අනතුරක් වලක්වා ගැනිමට කටයුතු නොකරිම
03. අපරික්ෂාකාරී රිය ධාවනය.
04. වලංගු රියදුරු බලපත්‍රයක් නොමැතිව රිය ධාවනය
යටතේ නඩු පැවරිය යුතු වුවත් අපට ලැබුණු තොරතුරු අනුව 02, 04 චෝදනා පමණක් ලකුණු කර ගල්කිස අධිකරණසේ නඩුවක් ගොනුකර තිබේ.
දන්නා පරිදි ඇමති ආරක්ෂක අංශයට සුදුසු කම් ලැබීමට වලංගු රියදුරු බලපත්‍රයක් තිබීම අනිවාර්‍යය. එයද පුදුමයට කරුණකි. තවත් කරුණක් වනුයේ මේම ඇමති ආරක්ෂක නිළධාරින්ට ගල්කිස්ස සපොලීසිසේම මීට පෙරද මේවැනි චෝදනාවකට වරදකරු වී තිබිමයි.
පවතින නීතිය අනුව අමාත්‍යංශයට අයත් වාහනයක් අමාත්‍යංශ රියදුරක්ට හැර පැදවිය හැකිද ?
අනතුර සිදු කරන ලද්දේ පො.කො. 37491 I.M.A. සම්පත් නැමති ඇමති ආරක්ෂක නිළධාරියා වුවත් (මොහුට කිසිම රියදුරු බලපත්‍රයක් සනොමැත්.) ඉදිරිපත් කර ඇත්තේ පො.කො. 14582 W. රන්ජන ඇමති ආරක්ෂක නිළධාරියාය. නමුත් ඔහුගේ රියදුරු බලපත්‍රයද කල් ඉකුත් වී ඇති බව අනාවරණය වි තිබේ.මේ වනවිත් ඇමති ආරක්ෂකයන් පොලීසියට බලපෑම් කර නඩුව වැසීමට කටයුතු කරමින් සිටින බවද නොරහසකි.
පසුගිය සඳුදා අනුරාධපුරයේ සල්ගාදු ක්‍රීඩාංගණයට දිවයිනේ නන් දෙසින් අතිවිශාල සෙනගක් ඒකරාශී වී සිටියහ. හිටපු ජනාධිපති මහින්ද රාජපක්ෂ ඇතුළු ශ්‍රී ලංකා නිදහස් පක්ෂයේ රාජපක්ෂ පිලේ දේශපාලනඥයෝ විශාල පිරිසක්ද ඊට සහභාගි වූහ. ඒ අනුව තමන් ළඟ එන පළාත් පාලන මැතිවරණයට සූදානම් බව ශ්‍රී ලංකා පොදු ජන පෙරමුණේ නායකයෝ රටටම පණිවිඩයක් දුන්හ.
ජනාධිපති මෛත්රීපාල සිරිසේන මහතා ශ්‍රී ලංකා නිදහස් පක්ෂයේ සභාපති ධුරයට පත් වූ දා සිටම හිටපු ජනාධිපතිවරයා වරින් වර තැනින් තැන මහජන රැස්වීම් පවත්වයි; ඒ සෑම රැස්වීමකටම දිවයිනේ නන් දෙසින් අතිවිශාල සෙනගක් ගෙන්වා ගනියි. 2015 ඔහුගේ පරාජයේ උණුසුම පහව යන්නට ප්‍රථම නුගේගොඩ නගරයට අතිවිශාල සෙනගක් ඒකාරාශී කරවීය. එතැනින් ආරම්භ වූ සෙනග ඒකාරාශි කිරීමේ දේශපාලනයේ කූටප්‍රාප්තිය වූයේ පසුගිය ‘මැයි දිනය’ දා විශාල සෙනගකින් කොළඹ ගාලු මුවදොර පිටිය පුරවාලීමෙනි.
හිටපු ජනාධිපති මහින්ද රාජපක්ෂ මේ සෑම අවස්ථාවකම සෙනග ඒකාරාශි කරමින් කියන්නට තැත් කළේ තමන්ට සම්මුතික ආණ්ඩුව පෙරළීමේ ශක්‍යතාවක් ඇති බවයි. ඒ අනුව හෙට අනිද්දාම සම්මුතික ආණ්ඩුව පෙරළන බව රටට හා ලෝකයාට හැඟවීමයි. ඒ සඳහා ඔහුත් ඔහුගේ සහෝදරයනුත් දේශපාලනව දරන මහන්සිය අපමණය. වියදම් කරන සල්ලිය විශාලය. බැසිල් රාජපක්ෂ තවත් එවැනිම අයකු වන මහාචාර්ය ජීඇල් පීරිස් සමග එකතු වී ශ්‍රී ලංකා පොදු ජන පෙරමුණ පිහිටුවා ගත්තේද දේශපාලන පක්ෂයක වරප්‍රසාදවලට මුවහ වෙමින් සෙනග ගෙන්වා සම්මුතික ආණ්ඩුව බිය වැද්දීමේ අරමුණෙනි.
බැසිල් රාජපක්ෂ විසින් ‘ශ්‍රී ලංකා පොදු ජන පෙරමුණ’ පිහිටුවූ අලුත හිටපු ජනාධිපතිවරයා කීවේ තමන් වෙනත් කිසිම පක්ෂයකට නොයන බවත්, තමන්ගේ එකම පක්ෂය ශ්‍රී ලංකා නිදහස් පක්ෂය බවත්ය. එහෙව් කියූ ඔහු මේ වන විට ශ්‍රී ලංකා පොදු ජන පෙරමුණේ රැස්වීම් ඇමතීමට තරම් චණ්ඩියෙක් වී සිටී. සමහර විට ඒ සඳහා ඔහු දැන් කියනවා ඇත්තේ ‘එක්සත් ජාතික පක්ෂයට පාවා දී ඇති’ ශ්‍රී ලංකා නිදහස් පක්ෂය බේරාගැනීම සඳහා තමා ශ්‍රී ලංකා පොදු ජන පෙරමුණට සම්බන්ධ වූ බවයි. එසේ නම් හිටපු ජනාධිපති මහින්ද රාජපක්ෂගෙන් කාරුණිකව විමසිය යුත්තේ කාරණා දෙකක් පමණි.
එක් කාරණාවක් වන්නේ: ‘ඔබගේ පාලන කාලයේදී එක්සත් ජාතික පක්ෂය සමග සහයෝගිතා ගිවිසුමක් අස්සන් කළේ කුමක් සඳහාද?’ යන්නයි; ‘ඒ ගිවිසුම අමතක කරමින් එජාපයේ කොටසක් ආණ්ඩුවට එක් කරගනිමින් ඔවුන්ට ආණ්ඩුවේ බලසම්පන්නම අමාත්‍ය ධුර පිරිනැමුවේ කුමක් සඳහාද?’ යන්නයි.
එසේම දෙවැනි කාරණාව වන්නේ: ‘එක්සත් ජාතික පක්ෂය හා සම්මුතික ආණ්ඩුවක් පිහිටුවීමට ජනාධිපති ධුරයට මෛත්රීපාල සිරිසේන මහතා පත් වූ සැණින් ඔහුට ශ්‍රී ලංකා නිදහස් පක්ෂයේ සභාපති ධුරය සිය කැමැත්තෙන්ම පිරිනැමුවේ ඇයිද?’ යන්නයි.හිටපු ජනාධිපති මහින්ද රාජපක්ෂගේ පාලන කාලයේදී ජාතික මට්ටමෙන් පමණක් නොව, ග්‍රාමීයවද එක්සත් ජාතික පාක්ෂික දේශපාලකයන්ට ලැබුණේ මහගු වරමකි. ඔහුගේ දෑත් ශක්තිමත් කිරීමේ දේශපාලනය තෝරාගත් සැණින් ශ්‍රී ලංකා නිදහස් පාක්ෂිකයන් කපා-හරිමින් එක්සත් ජාතික පක්ෂයේ ත්‍රාඩ පිරිසට ශක්තිමත් බලතල ලබාදුනි. ඒ අනුව එවකට ජනාධිපතිවරයා වූ මහින්ද රාජපක්ෂ ඝාතනය කිරීම සඳහා කොටි සංවිධානය සමඟ කුමන්ත්රණය කළායැයි චෝදනා එල්ල කරමින් මහාධිකරණයේ නඩු පැවරූ එක්සත් ජාතික පක්ෂයේ ප්‍රබල මන්ත්‍රීවරයකුට ප්‍රබල අමාත්‍ය ධුරයක් පිරිනැමුණේ මහාධිකරණයේ නඩුවද ඉල්ලා අස් කරගනිමිනි.රාජපක්ෂගේ දස වසරක පාලන කාලය තුළ එක්සත් ජාතික පක්ෂයට ශ්‍රී ලංකා නිදහස් පාක්ෂිකයන් පාවා දෙමින් තම පවුල් සංස්ථාව රැකගත්තේ එලෙසිනි.
සම්මුතික ආණ්ඩුව පරාජය කරන්නට අවශ්‍ය නම් මහින්ද රාජපක්ෂ පළමුව කළ යුත්තේ තමන්ගේ දස වසරක පාලනය ගැන ස්වයං විවේචනයක් කිරීමය. මෙතෙක් පහළ වූ සියලු ආණ්ඩුවලට වඩා ශක්තිමත්ම ආණ්ඩුව වූ ඔහුගේ ආණ්ඩුවද අවසානයේ බිඳ-දැමීමට ලක් වූයේ ඇයිද යන්න විචාරශීලීව විමසා බැලීමය. අනතුරුව ඒ වැරදි මින් මත්තට නොවන්නට නම් කළ යුත්තේ කුමක්ද යන්න අධ්‍යයනය කිරීමත්, එවැනි ශක්තිමත් අධ්‍යයනයකින් පසු රටට හා ලෝකයාට තමන්ගේ දේශපාලන අදහස ප්රකාශ කිරීමත්ය. තමාගේ ආණ්ඩුවේ අටඅනූවක් වැරදි වචනයක විවේචනයකින් තොරව අමතක කරන හිටපු ජනාධිපතිවරයා සම්මුතික ආණ්ඩුවේ වැරදි ගැන මහත් සේ කනගාටුවෙන් විවේචනය කරන විට ඇති වන්නේ හාස්‍යයකි. ඒ නිසා සිදු වන වැරදි යළි ඇති නොවන්නටත් වත්මන් ආණ්ඩුවේ වැරදි කරන දේශපාලකයන්ට දඬුවම් කරන ක්‍රමවේදයත් ඔහු විසින් පැහැදිලි කිරීම අවශ්‍යයෙන්ම කළ යුත්තකි.
2004-2005 සමය තුළ ශ්‍රී ලංකාවේ ආණ්ඩු බිඳ-වැටී අලුත් ආණ්ඩු පිහිටුවූ ක්‍රියාදාමයත්, 2015දී අලුත් ආණ්ඩුවක් පිහිටුවූ ක්‍රියාදාමයත් අන්තර්ජාතික දේශපාලනයේදී අතිශය වැදගත්ය. මේ අවස්ථා දෙකේදීම පැවති ආණ්ඩු පරාජය කර අලුත් ආණ්ඩුවක් බලයට පත් කරගැනීම සඳහා වූ මහජන අභිලාශයක් තිබිණි. ඒ සඳහා මනෝමූල මෙන්ම විෂයමූල දේශපාලන සාධක කැටි වී තිබිණි. එහෙත් ඒ ආණ්ඩු දෙකම බිඳවැටුණේ ඒ සඳහා වූ මහජන අභිලාශය පමණක් නිසාම නොවේ.
කොටි සංවිධානය මොන ක්‍රමයකින් හෝ යුදමය වශයෙන් පරාජය කළ යුතුයැයි ඇමෙරිකා එක්සත් ජනපදය තීරණය කර තිබුණේ බොහෝ කලකට පෙරය. ඔවුන් ඒ සඳහා වූ තීන්දුවක් ගත්තේ කොටි සංවිධානය තවදුරටත් පැවතිය හොත් එය ප්‍රාග්ධනයේ ගෝලීය ප්‍රසාරණයට බාධා වන හෙයිනි. එනිසා පළමුව කොටි සංවිධානය දේශපාලනිකව අවලංගු කිරීම සඳහා ශක්තිමත් වැඩපිළිවෙළකට සහාය දැක්වීය; ඒ සඳහා උපරිම පහසුකම් සැලසීය. එහෙත් ඒ කාලයේත් කොටි සංවිධානයේ යුද ශක්තිය එක්සත් ජනපදය විසින් අමතක කර නොතිබිණි.
2003 වර්ෂය අවසන් වන විට කොටි සංවිධානය දේශපාලනිකව අවලංගු කිරීමේ සමස්ත වැඩපිළිවෙළ අසාර්ථක වී ඇති බව තේරුම් ගත් ඇමෙරිකා එක්සත් ජනපදය ඊළඟට තෝරාගත්තේ වෙනත් වැඩපිළිවෙළකි. එනම්: කොටි සංවිධානය යුදමය වශයෙන් පරාජය කිරීමේ යෝධ වැඩපිළිවෙළකට යෑමය. එක්සත් ජනපදයේ මේ භූ-දේශපාලනික අභිලාශයන් දෙකම ක්‍රියාත්මක කිරීම සඳහා ඔවුහු ජාතික දේශපාලනයේ ධ්‍රැවීකරණයන් සැලකිල්ලට ගත්හ. ඒ අනුව 2002 වන විට ඔවුන් සහාය දැක්වූයේ අගමැති රනිල් වික්රමසිංහ මහතාගේ ආණ්ඩුවටය. 2004 වන විට සහාය දැක්වූයේ චන්ද්‍රිකා බණ්ඩාරනායක මහත්මියගේ හා මහින්ද රාජපක්ෂ මහතාගේ ආණ්ඩුවලටය.
ඒ අන්දමින්ම තම භූ-දේශපාලන අවශ්‍යතා තෘප්ත කිරීම සඳහා 2015දීත් එක්සත් ජනපදය කටයුතු කළ බව සත්‍යයකි. ඔවුන්ගේ අවශ්‍යතාව පරිදි ඔවුන්ගේ සම්පූර්ණ යුද සහාය මැද කොටි සංවිධානය පරාජය කිරීමට කටයුතු කළ මහින්ද රාජපක්ෂ අවසන් සටනේ තීරණාත්මක මොහොතකදී අත්තනෝමතික හා උද්දච්ච ස්වරයකින් කටයුතු කරන්නට පටන් ගත්තේය. කොටි සංවිධානය යුදමය වශයෙන් පරාජය කිරීම ශ්‍රී ලංකා රාජ්‍යයේ මෙන්ම එක්සත් ජනපද රාජ්‍යයේද අවශ්‍යතාව වුවත් ශ්‍රී ලංකා රාජ්ය තම අභිලාශයන් ඉක්මවා යන මොහොතක ඒ ක්‍රියාවලියෙන් තීරණාත්මකව වෙන් වීමට එක්සත් ජනපදයට අවශ්‍ය විය. ඒ අනුව අවසන් ගැටුමේදී මහින්ද රාජපක්ෂගේ හැසිරීමට ඔවුහු එකඟ නොවූහ.
ද්විපාර්ශ්විකව සිදු වූ ඒ ගැටීම දිගින් දිගටම සබඳතා අතර පුළුල් පැල්මක් දක්වා වර්ධනය වුවත් උද්දච්ච රාජපක්ෂවරු එය තේරුම් නොගත්හ. අවසානයේ අන්තර්ජාතිකව අතිවිශාල අවුල් ජාලයකට තල්ලු වූ රාජපක්ෂ ආණ්ඩුවට එරෙහි විකල්පයක් සඳහා එක්සත් ජනපදය මෙන්ම බටහිර ඇලිය යොමු විය. ඒ වන විටත් මහින්ද රාජපක්ෂ ආණ්ඩුව පෙරළා දමා අලුත් ආණ්ඩුවක් සඳහා කල්යල් බලමින් සිටි ජාතික අභිලාශයන් හා ඒකමිතික වීම එක්සත් ජනපදයේ කැමැත්ත විය. ලොව ඕනෑම කුඩා රාජ්‍යයක දේශපාලනය තීරණය වීම ජාතික අවශ්‍යතා මත පමණක් සිදු නොවේ. ඒ සරල සිද්ධාන්තය ශ්‍රී ලංකාවටද අදාළ විය. ඒ අනුව කිව හැක්කේ ආණ්ඩු පෙරළීම සඳහා ජාතික දේශපාලනයේ ධ්‍රැවීකරණය වීම් පමණක් අදාළ නොවන බවයි.
ඒ අනුව බලන විට සම්මුතික ආණ්ඩුව පරාජය කිරීම සඳහා වූ ජාතික අවශ්‍යතාවක් තවම මෝදු වී නැත. එසේම ඒ සඳහා වූ භූ-දේශපාලනික අවශ්‍යතාවක්ද ධ්‍රැවීකරණය වී නැත. ඒ සඳහා හොඳම උදාහරණය වන්නේ පසුගිය බ්‍රහස්පතින්දා අය-වැය දෙවැනි වර කියවීම තුනෙන් දෙකක බහුතර ඡන්දයෙන් සම්මත වීමය. එවන් වටපිටාවක ශ්‍රී ලංකා නිදහස් පක්ෂය රැකගැනීමටයැයි කියමින් සෙනග එක් රැස් කරමින් මහින්ද රාජපක්ෂ කරන්නට තැත් කරන දේශපාලනය පවතින ජාතික දේශපාලන තත්ත්වය මත මෙන්ම භූ-දේශපාලන වටපිටාව තුළද අන්තිම අසාර්ථක වූවකි.
හරිහම්බ කරගත් දේශපාලන වටපිටාව අවලංගු වීම නිසා ඇති වූ ආවේගයන් දේශපාලන පරිවර්තනයන් සඳහා ශක්තිමත් අවකාශයන් නිර්මාණය කරන්නේ නැති බව ශ්‍රී ලංකා පොදුජන පෙරමුණේ දේශපාලකයන් තේරුම් ගත යුතුය.
කේ.ජී. පිලිප් ශාන්ත
Shan.info1978@gmail.com
Published-19/11/2017 ලංකා ඊ නිව්ස් (Lankaenews) වාරණය කිරීම සම්බන්ධයෙන් ජනාධිපති සිරිසේන වෙත ලිපිියක් යවන පොද්දල ජයන්ත තමන්ට විරුද්ධ වූවන් රාජපක්ෂලා සුදුවෑන් වලින් පැහැර ගෙන වගකීමක් බාර නොගත්තා සේ මේ වාරණය ගැනද කිසිවෙකු වගකීමක් ගන්නේ ද නැත. එබැවින් මේ සිදුවීම රටේ ජනමාධ්‍ය නිදහසෙහි ලා බරපතල යැයි අවධාරණය කරයි.
“ජනමාධ්‍ය යනු හතරවැනි රාජ්‍යයයි. ඒ විධායකයේත්, ව්‍යවස්ථාදායකයේත්, අධිකරණයේත් සිදුවන අකටයුතු කම් රටේ මහජනතාවට දැනුම් දීමට තිබෙන එකම මග ජනමාධ්‍ය වන බැවිනි. ඊට නිදහසේ ක්‍රියාත්මක වීමට ඉඩ තිබිය යුතුය. අපට තිබෙන ගැටළුව නම් මහින්ද රාජපක්ෂලාගේ දුර්දාන්ත පාලන කාලයේ තිබූ ජනමාධ්‍ය මර්දනය නවතා රටේ සමස්ත ජනයාගේ තොරතුරු දැන ගැනීමේ අයිතිය ස්ථාපිත කිරීමට පැමිණි ඔබ වසර දෙක ඉක්ම යනවාත් සමග මර්දනයේ මුගුර අතට ගැනීමේ ගැටළුවයි. එයද මහින්ද රාජපක්ෂ කළාටත් වඩා දරුණු ලෙසය. රාජපක්ෂ වෙබ් අඩවි වාරණය කෙළේ අධිකරණ නියෝගයක් ලබාගෙන වුවද අද ඔබ ලංකා ඊ නිව්ස් වාරණය කර ඇත්තේ කිසිදු අධිකරණ නියෝගයක් නොමැතිවය. දැන ගන්නට ඇති අන්දමට රාජපක්ෂලා වෙබ් වාරණය කෙළේ නමින් පමණි. අයි.පී අංකයන්ගෙන් පිවිසීමට හැකියාව තිබිණ. අද ඔබ වාරණය කර ඇත්තේ අයිපී අංකයද වාරණය කරමිනි. තමන්ට විරුද්ධ වූවන් රාජපක්ෂලා සුදුවෑන් වලින් පැහැර ගෙන වගකීමක් බාර නොගත්තා සේ මේ වාරණය ගැනද කිසිවෙකු වගකීමක් ගන්නේ ද නැත. එබැවින් මේ සිදුවීම රටේ ජනමාධ්‍ය නිදහසෙහි ලා බරපතල ය.”
ජනාධිපතිවරයා වෙත යවන ලද සම්පූර්ණ ලිපිය පහත දැක්වේ.
පෝද්දල ජයන්ත
Poddalaj@gmail.com
12 – 11- 2017
ශ්‍රී ලංකා ජනාධිපති
මෛත්රීපාල සිරිසේන මහතා
ජනාධිපති කාර්යාලය
කොළඹ
ශ්‍රී ලංකාව
මහත්මයාණෙනි.,
අකෘතඥභාවයේද සීමාවක් තිබිය යුතුය.
මහින්ද රාජපක්ෂ ඒකාධිපති පාලන සමයේ එහි නිත්‍ය කොටස් කරුවෙකුව සිට ඔබ ඉන් පිටතට පැමිණියේ, එහි වූ දුර්දාන්ත පාලනය, මනුෂ්‍ය ඝාතන, පැහැරගෙන යෑම්, මහා පරිමාණ වංචා දූෂණ, ජනමාධ්‍ය මර්දනය ඇතුළු දහසකුත් එකක් අපරාධ ඉවසා දරා සිටීමට නොහැකිම තැන යයි පළමු ජනමාධ්‍ය හමුවේදීම රටට කියා සිටියේ ය.
රාජපක්ෂ රෙජීමයේ ඒකාධිපති පාලනයට එරෙහිව සටනට පිවිසෙමින් රටේ ජනතාවට අහිමිකර තිබූ ප්‍රජාතන්ත්‍රවාදී සියලු අයිතීන් වහාම ස්ථාපිත කරන බවටද ඔබ සහතික විය.
රටක ප්‍රජාතන්ත්‍රවාදය ආරක්ෂාවීමට නම් එහි ජනමාධ්‍ය නිදහස සුරැකිව තිබිය යුතු බවත්, පසුගිය සමයේ ජනමාධ්‍ය වේදීන්ට සහ ජනමාධ්‍ය ආයතන වලට සිදුකළ අපරාධ ගැන වහා පරීක්ෂා කොට අපරාධ කරුවන්ට එරෙහිව නීතිය ක්‍රියාවේ යොදවන බවටද ඔබ නොයෙක් තන්හි ප්‍රතිඥා දුන්නේ ය.
ඔබගේ ප්‍රතිඥා විශ්වාසයට ගත් සිවිල් සංවිධාන, සමාජා ජාල ජනමාධ්‍ය, යුක්ති ගරුක මිනිසුන් දස දහස් ගණනින් ඔබ වෙත රොක් වූහ. ජනාධිපතිවරණයේ අවසන් ප්‍රතිඵලයට අනුව, එකී පිරිස හැට දෙලක්ෂයක් පමණ විය. මේ පිරිස ඔබ වෙත රොක් වූයේ, ඔබ ශ්‍රී ලංකා නිදහස් පක්ෂයේ මහ ලේකම් වූ නිසාවෙන් හෝ, මහින්ද රාජපක්ෂ පාලන සමයේ දී සිගරැට් පැකැට්ටුවේ සියයට අසූවක රූපමය අවවාද දක්වන්නැයි කළ යෝජනාව නිසා හෝ නොව, මහින්ද රාජපක්ෂ දුර්දාන්ත පාලනය රටෙන් ඉවත් කිරීමට පොදු නායකයෙකු අවශ්‍ය වූ නිසා ය.
ජනාධිපති මෛත්රීපාල සිරිසේන මහතාණෙනි,
ඔබ ජනාධිපති ධූරයට පත්ව දැන් තුන් අවුරුද්දකට ආසන්න වෙමින් තිබුනද, ඉහත අපරාධ එකක් දෙකක් හැර අන් ඒවා පිළිබඳ හරි හමන් සොයා බැලීමක් හෝ සිදුකර නැත. සිදුවූ අපරාධ ඔහේ වැළලෙන්නට ඉඩ හැර තිබෙනවා පමණක් නොව, එකී අපරාධ වල මූලාරම්භයට සමාන වෙඩි මුර ඔබේ නායකත්වයෙන්ම පත්තු වෙන්නට දැන් දැන් පටන් ගෙන තිබේ.
මේ විවෘත ලිපිය ඔබ වෙත යොමු කරන්නේ ඒ සම්බන්ධයෙන් මතක් කර දීමට ය. ලිපිය ලිවීමේ හදිසි අවශ්‍යතාවය මතු වූයේ නොබෝදා ඔබේ ඍජු නියෝගයෙන් (ඔබ ඍජු නියෝගයක් දුන් බව එක්තරා ඇමැතිවරයෙකු සමග ඔබ පවසා තිබූ බව මම දනිමි) ‘ලංකා ඊ නිව්ස්‘ වෙබ් අඩවියට පිවිසීම ශ්‍රී ලංකාව තුළ අවහිර කිරීමට අදාලව ය. මේ පළමු මර්දනය ‘ලංකා ඊ නිව්ස්‘ වලට පමණක් සීමා නොවන වග අප අත් දැකීමෙන් දන්නා නිසා ය.
මාධ්‍ය නිදහස සඳහා සටන් කරමු! ජනමාධ්‍ය මර්දනය විකිණීම
ඔබ ජනාධිපති පුටුවේ හිඳ ගැනීම පිණිස රටතුළ සිදුවූ අනෙකුත් අපරාධ මෙන්ම ජනමාධ්‍යයට වූ අපරාධ ද විකුණනු ලැබීය. ජනමාධ්‍යයට වූ අපරාධ විකුණනු ලබන විට මේ ලියුම්කරු ඇතුළු අපරාධ වලට ගොදුරු වූ අනෙකුත් මාධ්‍යවේදීන් ද විකුණනු ලැබීය. එම විකිණීම සිදුකරන්නේ රටේ වැළලී ගිය ප්‍රජාතන්ත්‍රවාදය යලි ස්ථාපිත කිරීමට නොවේදැයි සිතා අපි නිහඬව සිටියෙමු. විකිණීම සිදුකෙළේ කෙසේද යන්න පැහැදිලි කරනවා නම්, ඔබේ ජනාධිපතිවරණ වේදිකාවක්, වේදිකාවක්, පාසා රාජපක්ෂලාගේ මාධ්‍ය මර්දනය ගැන බෙරිහන් දෙමින් ලසන්ත වික්‍රමතුංග ඝාතනය, ප්‍රගීත් එක්නැලිගොඩ අතුරුදහන් කිරීම, කීත් නොයාර් හා මා පැහැර ගැනීමට ලක් කිරීම, වධ හිංසා වලට ලක්කිරීම, උපාලි තෙන්නකෝන්ට එල්ල කළ ප්‍රහාරය සහ ඊ නිව්ස් ඇතුළු මාධ්‍ය ආයතන ගිනි බත් කිරීම්, බෝම්බ ගැසීම් ද ගෙන හැර පෑවෝය.
එපමණක් නොව, ජනාධිපතිවරණයේ ඔබේ ජයග්‍රහණය වෙනුවෙන් රූපවාහිනී සංවාද වලට එක් වූ පිරිස් රාජපක්ෂලාගේ මාධ්‍ය මර්දනය මන්තරයක් වෙන් ජප කෙළෝය. එපමණක් ද නොව, ඔබේ ජයග්‍රහණය වෙනුවෙන් පළ කළ විද්‍යුත් හා මුද්‍රිත මාධ්‍ය ප්‍රචාරක දැන්වීම් වල මේ ලියුම්කරුගේ ඇතුළු මර්දනයට වධ හිංසා වලට, පැහැර ගැනීම් වලට ලක් වූ බොහෝ ජනමාධ්‍ය වේදීන්ගේ ඡායාරූප සහිතව අදාල සිද්ධි පළ කෙළේය. ඔබගේ ජනාධිපතිවරණ ප්‍රචාරණයට අප රිසි සේ විකිණූ බව පෙර සඳහන් කෙළේ මේ නිසාවෙනි. හුදෙක් මේ ලිපිය ඔබ වෙත යොමු කරන්නේ ද එකී විකිණීමට භාජනය වූ පුද්ගලයෙක් වශයෙනි.
ජනාධිපති මෛත්රීපාල සිරිසේන මහතාණෙනි,
අකෘතඥ කමක මහත
ඔබේ ජනාධිපතිවරණ ප්‍රචාරක කටයුතු වලදී සිය දහස් වාරයක් පට්ට ගැසූ නාමයක් වූ ප්‍රගීත් එක්නැලිගොඩ අතුරුදහන් කළ නඩුව සම්බන්ධව ජනාධිපති ධූරයට පත්ව වසරක් ඉකුත් වීමට පෙර ඔබ ප්‍රසිද්ධියේ කියා සිටියේ කුමක්ද?
“කවුරුත් දන්නා නඩුව, මාස අටක් තිස්සේ රණවිරුවෝ හිරකරගෙන ඉන්නවා“ යනුවෙනි. ඔබ බොහෝ වේදනාවට පත්ව සිටියේ සැකකාර හමුදා නිලධාරීන්ගේ බිරින්දෑ වරුන්ගේ කඳුළු ගැන පමණය. වසර 7 ක් තිස්සේ ප්‍රගීත්ගේ ඡායාරූපය ලය මත තබාගෙන දරු දෙදෙනා සමග කහ රෙදි පොරවා ගත් නරුමයන්ගේ කුණුහරුප ද අසමින් උසාවියක් උසාවියක් ගානේ ඇවිද යන සන්ධ්‍යා එක්නැලිගොඩ ගේ සහ දරුවන් දෙදෙනාගේ කඳුළු ඔබට අමතක විය.
ඔබේ ජනාධිපතිවරණය වෙනුවෙන් ඔවුන්ගේ කඳුළු විකුණාගෙන ජනාධිපතිධූරයට පත්ව, ඔවුනට පස්ස හැරවීම තරම් තවත් අකෘතඥකමක් මෙලොව තිබේද?
සමාජ ජාල ජනමාධ්‍යයට ගැරහීම
මහින්ද රාජපක්ෂ ඇතුළු නඩය අදත් ප්‍රසිද්ධියේ කියා සිටින්නේ තමන්ගේ පරාජයට සමාජ ජාල ජනමාධ්‍ය බෙහෙවින් බලපෑම් කළ බවයි. ඔබේ ජයග්‍රහණයට සුවිශාල උරදීමක් කළ එකී ජනමාධ්‍ය අද ඔබගේ වෛරයට පාත්‍ර වී තිබේ. ඔබ හැම විටම මේ ජනමාධ්‍ය ගැරහීමට ලක් කරන අතර වරෙක ප්රකාශ කෙළේ “මගේ ගෙදර අයටත් මම කියලා තියෙන්නේ ඔය එක එක වෙබ් සයිට් බලන්න එපා කියලයි“ යනුවෙනි.
මේ අකෘතඥකම හැර අන් කවරක් ද ?
රටේ සහ ඉන් පිටත සිට ක්‍රියාත්මක ජනමාධ්‍ය සියල්ල ඇත්ත සහ නිවැරදිම දේ ප්‍රකාශයට පත් කරනවා යයි මේ ලියුම්කරු කිසිසේත්ම පිළි ගන්නේ නැත. නමුත් සියයට සියයක් බොරු කියනවා කියා පිළිගන්නේ ද නැත. තමන්ට එරෙහිව වැරදි පුවතක් පළවූවා නම්, ඒ පිලිබඳ නිවැරදි කිරීමක් එවීම යුතු කමකි. එකී නිවැරදි කිරීම පල නොකරන්නේ නම්, ඊට එරෙහිව රටේ පවතින සිවිල් නීතිය යටතේ අපහාස නඩු පැවරීමේ හැකියාව තිබේ. එසේ නොකොට අදාල මාධ්‍ය අවහිර කිරීම, තහනම් කිරීම මුළුමනින්ම ජනමාධ්‍ය මර්දනයකි. තමන්ගේ වරද වසා ගැනීමට කරන නිර්ලජ්ජිත උත්සාහයකි.
පෝද්දල ජයන්ත
ජනාධිපති මෛත්රීපාල සිරිසේන මහතාණෙනි.,
යලි යලිත් පෙන්වන අකෘතඥකම
ඔබ ජනාධිපති පදවියේ දිව්රුම් දුන් අවස්ථාවෙහි රටට කියා සිටියේ කුමක්ද? විධායක ජනාධිපති ධූරය වහා අහෝසි කරන බවයි. ඔබ ජනාධිපති කරවීමට ජීවිතට පරදුවට තබා ක්‍රියා කළ මාදුළුවාවේ සෝභිත හිමියන්ගේ දෙණ ඉදිරියේ දී ද ශපථ කෙළේ විධායක ජනාධිපති ධූරය අවසන් කරන බවයි. නමුත් දැන් තත්ත්වය කෙබඳු ද? ඔබේ නායකත්වයෙන් යුතු ශ්‍රී ලංකා නිදහස් පක්ෂය නව ආණ්ඩුක්‍රම ව්‍යවස්ථා යෝජනාවට විධායක ජනාධිපති ධූරය තබා ගත යුතු යැයි යෝජනා ඉදිරිපත් කෙළේ ඔබේ අනුදැනුම මත නොවේද? මේ පැනය ඔබගෙන් ඇසූ විට ඔබ අදාල ජනමාධ්‍යයට තහංචි දමන්නට ලක ලැහැස්ති වන්නේ නම්, ඔබට ඡන්දය දුන් ලක්ෂ 62 ක් ජනතාව නිහඬව සිටිනු ඇතැයි ඔබ සිතනවා නම් එය මුලාවකි.
අද ඔබට අමතකව තිබුණ ද ජනාධිපතිවරණයේ දී ලැබූ ඡන්ද හැට දෙලක්ෂයෙන්, ශ්‍රී ලංකා නිදහස් පක්ෂ ඡන්ද ලක්ෂ 10 ක් වත් නොතිබූ බව තිත්ත ඇත්තයි. එක්සත් ජාතික පක්ෂයට කවර තත්ත්වයක් යටතේ වුවද ලක්ෂ 45 ක් පමණ ස්ථිර ඡන්ද පදනමක් රට තුළ පවතී. ජනාධිපතිවරණයේ දී ද්‍රවිඩ සන්ධානය, ජනතා විමුක්ති පෙරමුණ, මුස්ලිම් කොන්ග්‍රසය සෙසු දේශපාලන පක්ෂ වල ඡන්ද එකතුව ගණනය කළ විට ශ්‍රී ලංකා නිදහස් පක්ෂයෙන් ලැබුනු කෙං ගෙඩියක් නැති තරම් ය. එහෙත් අද ඔබගේ කතා විලාසයත්, ජනවාරි 07 වැනිදාත් මහින්ද රාජපක්ෂ වෙනුවෙන් බෑඟිරි ගා අද අමාත්‍ය තනතුරු ලබා ගත් පිරිසගේ කතා විලාසයෙනුත් පෙන්නුම් කරන්නේ ඔබ ලැබූ ඡන්ද හැට දෙලක්ෂයම ශ්‍රී ලංකා නිදහස් පක්ෂයේ ඡන්ද හැටියට ය. අකෘතඥතාවයක මහත යැයි මා යළි යළිත් කියා සිටින්නේ ඒ නිසාය.
ජනාධිපති මෛත්රීපාල සිරිසේන මහතාණෙනි.,
ඊ නිව්ස් තහනම සහ යුද නැව
රුසියාවෙන් මිල දී ගැනීමට වළිකනවා යැයි කියන යුද නැව පිලිබඳ ඊ නිව්ස් ප්‍රවෘත්තිය අසත්‍ය නම් එය වහා නිවැරදි කිරීමට ඊමේලයක් එවීම එතරම් ලොකු වැඩක් නොවේ. ඔබගේ ආරක්ෂක අමාත්‍යාංශයේ මාධ්‍ය ලේකම් ලෙස විජේදාසගේ පුත්‍රයා තබාගෙන ඉන්නේ මෙවැනි දේට පිළිතුරු දීමට නොවේ නම් ඔහුගෙන් කෝපි හදා ගෙන බොන්නද? අඩුම වශයෙන් එවැනි නිවැරදි කිරීමක් හෝ නොඑවා, මෙවැනි ගැටළු පිළිබඳව වේදිකාවේ පිළිතුරු දෙනවා සේ ඊට නිසි පිළිතුරක් නොදී අදාල වෙබ් අඩවිය ශ්‍රී ලංකාවේ තහනම් කිරීම තුළින්ම එකී ප්‍රවෘත්තියේ සත්‍යයක් ඇතැයි සිතීමට අප පොළඹවා ඇත. ලංකාවේ සිදුවූ බැඳුම්කර ගණුදෙනුවෙන් පර්පෙචුවල් ට්‍රෙෂරීස් සමාගම අධික ලාභයක් උපයා ගෙන තිබේ නම්, එය දූෂනයක් යයි ඔබ කියන්නේ නම් නාවික හමුදාව එපා කියද්දීත් රුසියාවෙන් නුසුදුසු යුද නැවක් අධික මිලකට මිලදී ගැනීමට යාමත්, දියණිය ගේ දැන්වීම් සමාගමට ලැබෙන රාජ්ය අනුග්‍රාහකත්වය ගැනත් සොයා බැලිය යුතු නොවේද?
ඉහත සිද්ධි ගැන ප්‍රවෘත්ති පල වීම, තම ජනමාධ්‍ය වාරණයට ලක් කර ගැනීමකැයි අනෙකුත් ජනමාධ්‍ය ආයතන දැන් ‘කල්පනා‘ කරනු ඇත. තොරතුරු දැනගැනීමේ පනත ගෙන ආවාට සැබෑ ලෙසම තොරතුරු දැන ගැනීමට එරෙහි වැට බැඳෙන්නේ ඉහත ‘කල්පනාවන්‘ හෙවත් ‘ස්වයං වාරණය‘ තුලය.
ජනාධිපති මෛත්රීපාල සිරිසේන මහතාණෙනි.,
වාරණයේ දී ඔබ රාජපක්ෂලාටත් වඩා දරුණුය
ඔබ සමගවත් ඔබගේ දියණිය ව්‍යාපාර ගැනවත් අපට පෞද්ගලික ආරෝවක් නැත. ජනාධිපති මහින්ද රාජපක්ෂ සමගවත් ගෝඨාභය රාජපක්ෂ සමගවත් අපිට කිසිදු පෞද්ගලික ආරෝවක් නොපැවතුනි. අපට තිබුනේ රටේ ප්‍රජාතන්ත්‍රවාදය ආරක්ෂා වීමත් බදු ගෙවන ජනතාවට තොරතුරු දැන ගැනීමේ අයිතියට අවහිර නොකිරීමත් පමණි.
ජනමාධ්‍ය යනු හතරවැනි රාජ්‍යයයි. ඒ විධායකයේත්, ව්‍යවස්ථාදායකයේත්, අධිකරණයේත් සිදුවන අකටයුතු කම් රටේ මහජනතාවට දැනුම් දීමට තිබෙන එකම මග ජනමාධ්‍ය වන බැවිනි. ඊට නිදහසේ ක්‍රියාත්මක වීමට ඉඩ තිබිය යුතුය. අපට තිබෙන ගැටළුව නම් මහින්ද රාජපක්ෂලාගේ දුර්දාන්ත පාලන කාලයේ තිබූ ජනමාධ්‍ය මර්දනය නවතා රටේ සමස්ත ජනයාගේ තොරතුරු දැන ගැනීමේ අයිතිය ස්ථාපිත කිරීමට පැමිණි ඔබ වසර දෙක ඉක්ම යනවාත් සමග මර්දනයේ මුගුර අතට ගැනීමේ ගැටළුවයි. එයද මහින්ද රාජපක්ෂ කළාටත් වඩා දරුණු ලෙසය. රාජපක්ෂ වෙබ් අඩවි වාරණය කෙළේ අධිකරණ නියෝගයක් ලබාගෙන වුවද අද ඔබ ලංකා ඊ නිව්ස් වාරණය කර ඇත්තේ කිසිදු අධිකරණ නියෝගයක් නොමැතිවය. දැන ගන්නට ඇති අන්දමට රාජපක්ෂලා වෙබ් වාරණය කෙළේ නමින් පමණි. අයි.පී අංකයන්ගෙන් පිවිසීමට හැකියාව තිබිණ. අද ඔබ වාරණය කර ඇත්තේ අයිපී අංකයද වාරණය කරමිනි. තමන්ට විරුද්ධ වූවන් රාජපක්ෂලා සුදුවෑන් වලින් පැහැර ගෙන වගකීමක් බාර නොගත්තා සේ මේ වාරණය ගැනද කිසිවෙකු වගකීමක් ගන්නේ ද නැත. එබැවින් මේ සිදුවීම රටේ ජනමාධ්‍ය නිදහසෙහි ලා බරපතල ය.
ස්වාධීන ජනමාධ්‍ය නියාමනයක් රටතුළ ස්ථාපිත කොට ප්‍රජාතන්ත්‍රවාදයේ මුර දේවතාවාට යහතින් දිවි ගෙවීමට ඉඩ දෙන මෙන් අවසන් වශයෙන් ඉල්ලා සිටිමි
ස්තූතියි
මෙයට
විශ්වාසී
පෝද්දල ජයන්ත
Published-18/11/2017 – ශ්‍රී ලංකා මහ බැංකුවේ බැඳුම්කර නිකුතුව ගැන සොයාබලන ජනාධිපති කොමිසම හමුවට අගමැතිවරයා කැඳවීමට වාතාවරණයක් උදා කිරීමත් කෝප් කමිටුවේ ඇතැම් සාමාජිකයන් බැඳුම්කර ගනුදෙනුවට සම්බන්ධ අය සමඟ දුරකතන සංවාද පවත්වා තිබෙන බවට කොමිසම හමුවේ තොරතුරු අනාවරණය වීමත් සමඟ යහපාලන ආණ්ඩුවේ දැඩි මතභේදයක් මෙන්ම අර්බුදකාරී තත්ත්වයක් ප්‍රබල ලෙසම මතුව තිබෙන බව එජාප – ශ්‍රී ලනිප දෙපාර්ශ්වයේම ආරංචි මාර්ග කියයි.
ජනපති කොමිසම මඟින් එජාපය දේශපාලන වශයෙන් විනාශ කිරීමේ සැලසුමක් ක්‍රියාත්මක වන බවට එජාපයේ ජේ‍යෂ්ඨයන් කිහිපදෙනකු පෙරේදා රැස්වී දීර්ඝ සාකච්ඡාවක් කළ බවද වාර්තා වේ.ලබන සතියේ එජාප පාර්ලිමේන්තු මන්ත්‍රි කණ්ඩායම රැස්කර මේ පිළිබඳව සාකච්ඡා කළ යුතු බවට එජාප පසුපෙළ මන්ත්‍රින් පිරිසක් නායකත්වයෙන් ඉල්ලීමක් කිරීමටද සූදානම් වෙන්.
අර්ජුන් ඇලෝසියස් මහතා සමඟ දුරකතන සංවාද පැවැත්වූ බවට කොමිසමේදී නම් හෙළිවුණු එක්සත් ජාතික පක්ෂයේ මන්ත්‍රිවරුන් කිහිපදෙනකුම අගමැති රනිල් වික්රමසිංහ මහතා හමුවී ප්රකාශ කර තිබෙන්නේ කිසිදු පදනමක් නොමැතිව මෙම තොරතුරු මාධ්‍ය මඟින් ප්‍රචාරයට පත්වීම නිසා තමන් දැඩි අපහසුතාවකට පත්ව සිටින බවයි.
මේ අතර කෝප් කමිටුව නියෝජනය කරන ක්‍රීඩා අමාත්‍ය දයාසිරි ජයසේකර මහතා සඳහන් කළේ මේ දුරකතන සංවාදවල හඬපට අපරාධ පරීක්ෂණ දෙපාර්තමේන්තුව මඟින් බැඳුම්කර කොමිසමට ලබාදිය යුතු බවයි. එවිට නියම සත්‍ය සොයාගත හැකි බවද ජයසේකර අමාත්‍යවරයා පවසයි.
බැඳුම්කර කොමිසමෙන් දැනට හෙළිවෙමින් පවතින තොරතුරු හා ඉදිරියේදී තවදුරටත් හෙළිවීමට නියමිත තොරතුරු අනුව එක්සත් ජාතික පක්ෂය හා ශ්‍රී ලංකා නිදහස් සාපක්ෂය අතර ප්‍රබල මතභේද ඇතිවීමට ඉඩ තිබෙන බවත් එයින් සම්මුතිවාදී ජාතික ආණ්ඩුවට යම් අනතුරුදායක තත්ත්වයක් ඇතිවීමට ඉඩ තිබෙන බවත් දේශපාලන ආරංචි මාර්ගවලින් වැඩිදුරටත් වාර්තා වෙයි.
මේ අතර කෝප් කමිටුවේ සාමාජිකයන් කිහිපදෙනකුට අර්ජුන් ඇලෝසියස් දුරකතනයෙන් කතාකර උදවු උපකාර ඉල්ලා සිටියේ නම් ඒ මන්ත්‍රිවරුන් ඒ අවස්ථාවේදීම කෝප් කමිටුව දැනුවත් නොකළේ මන්දැයි නීති අංශවලින් ප්රශ්න කරන්නට පටන්ගෙන තිබේ. එම මන්ත්‍රිවරුන්ට මේ සම්බන්ධයෙන් බලපෑමක් කළේ නම් එය පාර්ලිමේන්තු වරප්‍රසාද බරපතළ ලෙස උල්ලංඝනය වීමක් බැවින් එය දඬුවම් ලැබිය යුතු වරදක් බව පාර්ලිමේන්තු මන්ත්‍රිවරු කිහිපදෙනෙක්ම අවධාරණය කර තිබේ. එවැනි තත්ත්වයක් තිබියදී එම මන්ත්‍රිවරුන් නිහඬව සිටීමද සැකයට තුඩු දෙන්නක් බවද ඔවුහු පවසති.
මේ අතර ඒකාබද්ධ විපක්ෂය ජනාධිපතිවරයාට බලකර සිටින්නේ මහ බැංකු බැඳුම්කර වංචාවට සම්බන්ධ වී තිබෙන බවට අවශ්‍ය ප්‍රමාණයටත් වඩා සාක්කි කොමිසම ඉදිරියේ දිවුරුම් දී කරන ප්‍රකාශවලින් තහවුරු වී තිබෙන බැවින් යහපාලන ආණ්ඩුවෙන් ඉවත් වී ශ්‍රී ලනිපය ප්‍රමුඛව රටට හිතවත් ප්‍රගතිශීලී ආණ්ඩුවක් පිහිටුවීමට කටයුතු කළ යුතු බවයි.
කොමිසමෙන් අනාවරණය වී තිබෙන තොරතුරු අනුව බැඳුම්කර මගඩියට සම්බන්ධ සියලු දෙනා ඉවත්කොට අලුත් ආණ්ඩුවක් පිහිටුවන ලෙසට ඒකාබද්ධ විපක්ෂය ජනාධිපතිවරයාට බල කරන බවද ඉදිරි සතියේදී මේ පිළිබඳව ආණ්ඩුවට එරෙහිව උද්ඝෝෂණ ව්‍යාපාර පවත්වමින් ජනතාව දැනුවත් කිරීමට ක්‍රියා කරන බවද ඒකාබද්ධ විපක්ෂයේ මුල්පෙළ නායකයෝ කිහිපදෙනෙක්ම “ඉරිදා මව්බිම”ට පැවැසූහ.
මේ අතර භාණ්ඩාගාර බැඳුම්කර නිකුතුව සම්බන්ධව කෝප් කමිටුව පරීක්ෂණ සිදුකරන අතරතුර එහි සාමාජික පාර්ලිමේන්තු මන්ත්‍රිවරුන් පස්දෙනකු පර්පචුවල් ට්‍රෙෂරීස් සමාගමේ හිටපු අධ්‍යක්ෂ අර්ජුන් ඇලෝසියස් සමඟ දුරකතන සංවාද පැවැත්වීම ගැන පරීක්ෂණයක් කිරීම කෙරෙහි කතානායක කරු ජයසූරියගේ අවධානය යොමු වෙයි.
ඒකාබද්ධ විපක්ෂය වෙනුවෙන් සී.බී. රත්නායක මන්ත්‍රිවරයා පෙරේදා (17දා) පාර්ලිමේන්තුවේදී වරප්‍රසාද ප්‍රශ්නයක් යොමු කරමින් කෝප් කමිටු සාමාජික මන්ත්‍රිවරුන් පස්දෙනාගේ දුරකතන ගනුදෙනු සිදුකිරීම ගැන වෙනම පරීක්ෂණයක් පවත්වනවාදැයි ප්රශ්න කළ අවස්ථාවේ කතානායකවරයා ඒ ගැන අවධානය යොමු කරන බව පැවැසීය.
~~මවුබිම ~~
Published-18/11/2017- විධායක ජනාධිපතිධූරය අහෝසි කරන බවට පොරොන්දු දෙමින් බලයට පැමිණි මෛත්‍රිපාල සිරිසේන ජනාධිපතිවරයා මෙතෙක් ඉටු නොකිරිම සහ යහපාලනය වෙනුවෙන් වූ පොරොන්දුව ගණනාවක් කඩ කිරිම යන කරුණු පදනම් කරගෙන ඔහුට එරෙහිව දෝෂාභියෝගයක් ගෙන ඒමේ සූදානමක් පවතින බවට තොරතුරු වාර්තා වේ.
මේ පිළිබඳව රනිල් මහින්ද අතර නිල එකඟතාවයක් ඇති වී තිබෙන අතර දෝෂාභියෝගය ගෙන ඒමට අදාළ රහස් සාකච්ඡාවක් රනිල් මහින්ද කණ්ඩායම් විසින් පසුගිය දිනකදි කොළඹ දි පවත්වා තිබේ. ඒ සඳහා එජාප හිතවාදි දේශපාලන පක්ෂ කිහිපයක නියෝජිතයන් කිහිප දෙනෙකු ද ඒකාබද්ධ විපක්ෂයේ නියෝජිතයන් පිරිසක් සහ තවත් සිවිල් ක්‍රියාකාරින් පිරිසක් ද සහභාගි වී ඇති බව විශ්වාස කටයුතු ආරංචි මාර්ග වාර්තා කරයි.
එහි පළමු පියවර ලෙස ශ්‍රි ලනිප ප්‍රබලයන් කිහිපදෙනෙකු ආණ්ඩුවෙන් ගලවා මෛත්‍රීට එරෙහිව ප්‍රකාශයක් කිරීමටත් සමාජ ජාලා වෙබ් අඩවි හරහා පුවත් නිර්මාණය කිරීමටත් මේ වන විට කටයුතු කරමින් ඇත. ජනාධිපතිවරයා පසුගියද ප්‍රඨ්හම වරට බැඳුම්කර මගඩිය පිළිබඳව පලමුවරට ප්‍රසිද්ධියේ කතා කිරීම හරහා රනිල් ප්‍රමුඛ එජාප ප්‍රබලයන් මෛත්‍රීට එරෙහිව ක්‍රියා කිරීමට පටන් ගෙන ඇති අතර ඒ අනුව එජාප හිතවාදි වෙබ් අඩවි හරහා ජනාධිපතිවරයාටත්,පවුලේ සාමාජිකයන්ටත්, එරෙහිව විවිධ පුවත් නිර්මාණය කිරීමටත් සැළසුම් කර ඇත. හිටපු ජනාධිපති මහින්ද රාජපක්ෂ ප්‍රමුඛ කණ්ඩායමදම් එ වන විට මෛත්‍රීට එරෙහිව ප්‍රහාරයන් දැඩි කර ඇති අතර එය මේ සැළසුමේම තවත් කොටසකි.
අහිමි වී ඇති ශ්‍රිලනීප බලය නැවත යළි ලබා ගැනීම සඳහා රාජපක්ෂ කණ්ඩායම කටයුතු කරමින් ඇති බවත් එම බලය ලබා ගැනීමට නම් මෛත්‍රි ජනාධිපතිධූරයෙන් ඉවත් කළ යුතු බවත් එජාපයේ මෛත්‍රි විරෝධය පාවිච්ච් කර සුදුසු අවස්ථාවේදි දෝෂාභියෝගයක් ගෙන ඒමටත් සැළසුම් කොට තිබේ.
Published-18/11/2017 – මහ බැංකු බැඳුම්කර වංචාව පිළිබඳව විමර්ශනය පැවැත්වෙමින් තිබෙන අතරතුර එජාපයේ රනිල් පිළේ කොප්කමිටු සාමාජිකයින් පස්දෙනෙකු අර්ජුන් ඇලෝසියස් සමග දුරකතන සංවාද පවත්වා ඇතැයි අනාවරණයවිමත් ලබන 20 වැනිදා අග්‍රාමාත්‍ය රනිල් වික්රමසිංහ මහතා බැදුම්කර ජනාධිපති කොමිසම හමුවේ පෙනී සිටිමත් සමගම ඇතිව තිබේන දේශපාලන ව්‍යාකූල තාව සහ ජනතා අප්‍රසාදය මගහැරිම සදහා අර්ජුන් ඇලෝසියස් අත්තඩංගුවට ගැනිමට සුදානමක් ඇති බව අප ආරක්ෂක තොරතුරු වාර්තාකරු අනාවරණය කළා.
දයාසිරි ජයසේකර, සුජීව සේනසිංහ, නියෝජ්‍ය අමාත්‍ය අජිත් පී පෙරේරා, සහ පාර්ලිමේන්තු මන්ත්‍රිවරුන් වන හෙක්ටර් අප්පුහාමි සහ හර්ෂණ රාජකරුණා සමග පවත්වා ඇති අදාළ දුරකතන සංවාද ලේඛනයක් අපරාධ පරීක්ෂණ දෙපාර්තමේන්තුව විසින් ඉදිරිපත් කරන ලද විශ්ලේෂණ වාර්තාවක් මගින් බැඳුම්කර කොමිසමට වාර්තා කර අවසන් කර ඇති අතර මේ සියළු කරුණු පරික්ෂා කිරීමෙන් අන්තුරුව අර්ජුන් ඇලෝසියස් ඉදිරි සතිය ඇතුලදි අත්තඩංගුවට ගැනීමට බොහෝ දුරට ඉඩකඩ ඇතැයි අප ආරක්ෂක තොරතුරු වාර්තාකරු අනාවරණය කළේ.
අපරාධ පරීක්ෂණ දෙපාර්තමේන්තුව විසින් ඊයේ බැඳුම්කර වංචාව පිළිබඳ විශේෂ හෙලිදරව්වක් කළා. ඒ කෝප් කමිටු සාමාජික ආණ්ඩුවේ මැති ඇමතිවරුන් පස්දෙනෙකුට කෝප් කමිටුව බැඳුම්කර වංචාව පිළිබඳ විමර්ශනය කරන කාල වකවානුව තුල අර්ජුන් ඇලෝසියස් නොහොත් බැඳුම්කර බෑනා විසින් දුරකතන සාකච්ඡා පවත්වා ඇති බවයි.
එහි දී අඩුම දුරකතන සාකච්ඡා ගණන වන දෙකක් පවත්වා ඇත්තේ දයාසිරි ජයසේකර ඇමතිතුමා සමගයි. “මට අර්ජුන් ඇලෝසියස් දුරකතනයෙන් කතා කරලා, තමන්ව බේරා ගන්න උදව් ඉල්ලුවා මම ඒක ප්‍රතික්ෂේප කළා“ කියලා එතුමා කියනවා. දයාසිරි ඇමතිතුමාට කතා කලේ උදව් ඉල්ලන්න නම් අනිත් කෝප් කමිටු සාමාජිකයින්ට වෙන දෙයකට කතා කළා වෙන්න බෑනේ.
දයාසිරි ඇමතිතුමා උදව් කිරීම ප්‍රතික්ෂේප කළ නිසා එතුමාට ලැබුණු දුරකතන ඇමතුම් ගණන දෙකකට සීමා වුණා. අනිත් අයට වැඩි වැඩියෙන් දුරකතන ඇමතුම් ලැබුණේ උදව් කරන්න එකඟ වුණු නිසා කියලා අපට සාධාරණ නිගමනයකට එන්න පුළුවන්.
දැන් මේ මන්ත්‍රිවරුන් මාධ්‍ය ඉදිරියට ඇවිත් සුරංගනා කතා කියාවි. අර්ජුන් අපේ බාප්පාගේ පුතා. මොන්ටිසෝරි යාළුවා. අපේ නංගිගේ පෙම්වතා යනාදි වශයෙන්. තමන්ට කුමන හෝ සම්බන්ධයක් තිබුණා නම් එය කෝප් විමර්ශනයට බාධාවක්. අපි මේකට කියන්නේ බැඳියාවන් අතර ගැටුම හෙවත් conflict of interest කියලා. එසේ නම් තමන්ට තිබෙන සම්බන්ධය හෙලි කරලා කෝප් විමර්ශනයෙන් ඉවත් විය යුතුව තිබුණා. නමුත් කිසිවෙක් එහෙම කලේ නෑ. උදව්කිරීමේ වංක චේතනාව තිබුනු නිසා තමයිමේ කිසිම මන්ත්‍රීවරයෙක් කෝප් විමර්ශනය ආරම්භවන අවස්ථාවේ අපේ මෙහෙම මිත්‍රකමක් තියෙනවා අපිටනම් වාඩිවෙන්න බෑ කියලා කිව්වේ නැත්තේ. අපි දකිනවා ශ්‍රේෂ්ඨාධිකරණ අභියාචනාධිකරණ විනිසුරුවරුන් තමන් දන්න කෙනෙක්ගේ ඥාතියෙක්ගේ නඩුවක් ආවහම තමන් අතර ඇති සම්බන්ධය හෙළි කරලා මට මේ නඩුව අහන්න බෑ කියලා වෙනත් තැනකට යොමුකරන්න කියන දේ කියනවා. මේ මන්ත්‍රීවරුන් එහෙම නොකලේ අර්ජුන් ඇලෝසියස්ට සහය දීෑ කියලා මේ වංක චේතනාවෙන් කියන සාධාරණ නිගමනයට අපිට බහින්න වෙනවා.
සරත් ෆොන්සේකා මහතා හිරේ වැටුණේ තමන්ගේ බෑණාගේ සමාගමක් වන හයිකෝප් සමාගමේ ටෙන්ඩර් තීරණය කළ කමිටුවක වාඩි වුණු නිසා. ඒ කමිටුවේ වාඩි වීමත් කෝප් කමිටුවේ වාඩි වීමත් දෙකම එකයි. ඒ නිසා පැහැදිලිවම මේක සිර දඬුවම් ලබා දිය හැකි දූෂණයක්.
කෝප් කමිටුවේ ස්වාධීනත්වය සහ විශ්වාසනීයත්වය රැක ගැනීමට නම් කතානායකතුමා වහාම මෙම මන්ත්‍රිවරුන්ට කෝප් කමිටු සාමාජිකත්වය අත්හිටුවා විමර්ශනයක් ඇරඹිය යුතුයි. මේ පිලිබදව කෝප්කමිටු සාමාජික මහින්දානන්ද අළුත්ගමගේ මන්ත්‍රීතුමන් කතානායක තුමන්ගෙන් ලිඛිත ඉල්ලීමක් කර තිබෙනවා. ඊට අමතරව අල්ලස් කොමිසම මේ දූෂිත මන්ත්‍රිවරුන්ට එරෙහිව නඩු පැවරිය යුතුයි. යහපාලනය වර්ණනා කල පසුගිය රජයේ දූෂණ ගැන හයියෙන්ම කතා කල යහපාලනයේ පෙර ගමන්කරුවන් ලෙස පෙනී සිටි මන්ත්‍රිවරුන්තමයි මේ චෝදනාවලට ලක්වෙලා ඉන්නේ. පෙරගමන් කරුවන්ගේ තත්වය මෙසේ නම් යහපාලනය කෙසේ ද කියා රටටම දැන් මැන ගන්න පුළුවන්.
ඒ වගේම අපි යෝජනා කරනවා කෝප්කමිටුවෙන් කරපු බැදුම්කර වංචාව ගැන විමර්ෂණය යලි පැවැත්විය යුතුයි. මොකද මේ සිද්ධිය හරියට හොරාගේ අම්මගෙන් නෙවෙයි හොරාගේ මිත්‍රයන්ගෙන් පේන ඇසීමක් හා සමානයි. අපේ පැරණි ජාතක පොතේමේ වගේ අයට තමයි චෞර මිත්‍ර කියන්නේ. හොරුන් සමග මිත්‍රවෙලා හොරුන් රකිනවා.
1953 අංක 2 දරණ පාර්ලිමේන්තු බලතල සහ වරප්‍රසාද පනතේ උප ලේඛනයේ ආ කොටසේ පලවෙනි ඡේදයේ සදහන් වෙන විධිවිධාන අනුව පාර්ලිමේන්තු කාරක සභාවක කටයුතු පිළිබඳ මන්ත්‍රීවරයෙකුට අයුතු බලපෑම් කිරීම ශ්‍රේෂ්ඨාධිකරණයේ නඩු විමසා අවුරුදු දෙකක සිර දඬුවමක් ලබා දිය හැකි වරදක්. ඒ වගේම එහි නවවන ඡේදයට අනුව පාර්ලිමේන්තු මන්ත්‍රීවරයෙක් තමන් කාරක සභාවකදී ගනු ලබන තීන්දුවක් ගැනීම සම්බන්දයෙන් යම් ත්‍යාගයක් සිහිවටනයක් අල්ලසක් ලබාගන්නවනම් එයත් දෙවසරක් දක්වා සිර දඩුවම් ලැබිය හැකි වරදක්.
ඒ නිසා මේ පිළිබද නීතිය ක්‍රියාත්මක වුනොත් අර්ජුන් ඇලෝසියත් හිරේ අර්ජුන් ඇලොසියස්ගේ චෞර මිත්‍රයොත් හිරේ කියන එක තමයි අපිට රටට කියන්න වෙන්නේ.
“බැදුම්කර හොරු වහා අත් අඩංගුවට ගනු” මැයෙන් අද දින පැවැති ඒකාබද්ධ විපක්ෂයේ මාධ්‍ය හමුවේදී පිවිතුරු හෙළ උරුමයේ නායක නීතිඥ උදය ගම්මන්පිල මහතා දැක්වූ අදහස් 2017.11.17
Published-2017/11/17- හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් ඇතුළු රාජපක්ෂ පාලනයේ ඉහළ පෙළේ සාමාජිකයින්ට එරෙහිව දූෂණ චෝදනා විමර්ශන කඩිනම් කිරිමට වහාම උපදේස් දෙන ලෙස අග්‍රාමාත්‍යවරයා ජනාධිපති මෛත්රීපාල සිරිසේන මහතාගෙන් ඉල්ලිමක් කර තිබේන බව අප දේශපාලන වාර්තාකරු අනාවරණය කළා.
පසුගිය සදුදා උදෑසන ජනාධිපතිවරයා මුණ ගැසුණු අගමැතිවරයා තහවුරු කර සිටියේ ගාමිණී සෙනරත් මහතා ඇතුළු රාජපක්ෂ පවුලේ සාමාජිකයින් පිළිබඳ පොලිස් පරීක්ෂණය අවහිර කිරීමට තමන් මෙන්ම නීතිය හා සාමය පිළිබඳ ඇමතිවරයා වන අගමැතිගේ සමිපතම මිතුරා වන සාගල රත්නායක කිසිදු විටක කටයුතු කර නැති බවයි.
හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් සහ නීතිය හා සාමය පිළිබඳ අමාත්‍යවරයා අතර දෙනියාය නිවසේ කිසිදු සාකච්ඡාවක් සිදු නොවු බව අවස්ථා ගණනාවකදි තහවුරු කල අගමැතිවරයා එම ප්‍රකාශය තවදුරටත් තහවුරු කරමින් ජනාධිපතිවරයාට පවසා ඇත්තේ….
“සාගල මට නොකියා කිසිම දෙයක් කරන්නේ නෑ,….” යනුවෙනි.
පසුගිය දින කිහිපය පුරාම ගාමිණී සේනරත් ආරක්ෂා කිරිම පසුපස සාගල රත්නායක අමාත්‍යවරයා සිටින බව රාජ්ය බුද්ධි අංශ ජනාධිපතිවරයාට දුන් වාර්තාව අසත්‍ය එකක් බවත් තමන් ඒ සම්බන්ධයෙන් රාජ්ය බුද්ධි අංශ සමඟ පෞද්ගලිකව පරීක්ෂා කර බැලු බවද අගමැති තහවුරු කර තිබේ.
මේ අතර එම හමුවේදි හිටපු අමාත්‍ය ශ්‍රිලංකා පොදුජන පෙරමුණේ අභ්‍යන්තර නායක බැසිල් සම්බන්ධයෙන්ද ජනාධිපතිවරයා විමසා ඇති අතර එයටද පිළිතුරු දුන් අගමැතිවරයා මින් ඉදිරියට තමන් කිසිවෙකුත් ආරක්ෂා කිරිම වෙනුවෙන් පෙනී නොසිටින බව දැඩි ලෙස අවධාරණය කර තිබේ.
මේ වනවිට බැසිල් රාජපක්ෂ සම්බන්ධයෙන් ඇති අධිකරණ ක්‍රියාමාර්ග වෙගත් කිරිමට නීතිපතිවරයා උපදෙස් ලබාදි ඇති අතර ඉදිරි දින කිහිපය තුල පසුගිය ජනාධිපතිවරණ සමයේ ලිත් මුද්‍රණය කිරිම හරහා බලය අනිසි ලෙස යොදා ගනිමින් රාජ්ය මුදල් අවභාවිතා කිරිම සම්බන්ධයෙන් දැඩි තින්දුවක් ලබාදිමට සුදානමක් පවතින බවද වාර්තා වේ.
පසුගියදා බැසිල්ගේ නඩුව ගිහාන් කුලතුංග විනිසුරුවරයා ඉදිරියියේ කොළඹ මහ අධිකරණය හමුවේ විභාගයට ගත් අවස්ථාවේ නඩුව විභාග කරමින් සිටින අතරතුර විනිසුරුවරයා ආසනයේ සිටියදිම සිය දුරකතනයට ලැබුනු ඇමතුමකට සම්බන්ධ වු අතර පසුව් අවසාන තප්පර කිහිපය තුලදි නඩුවට අදාල නව ලිපිගොනු රැසක් එකතු කිරිමටද කටයුතු කර තිබේ.
Published-2017/11/16 -ශ්‍රී ලංකා නිදහස් පක්ෂය නියෝජනය කරන ප්‍රබල ඇමැතිවරයකු සහ නියෝජ්‍ය ඇමතිවරුන් තිදෙනකු එම ධූරවලින් පහ කිරීමට ජනාධිපති මෛත්රීපාල සිරිසේන මහතා තිරණය කර තිබේන බව වාර්තා වේ.අදාළ ඉවත් කිරිම අය වැය තෙවන වර ඡන්ද විමසීමට පෙර සිදුකිරිමට නියමිත අතර ශ්‍රිලනිපයේ මෛත්‍රී පිළේ ජ්‍යෙෂ්ඨයන් කිහිප දෙනෙකුගේ ගතු කිම හේතුවෙන් මෙම ඉවත් කිරිම සිදුකිරිමට නියමිත බවයි වාර්තා වන්නේ.
ඒ අනුව කම්කරු අමාත්‍ය ජෝන් සෙනවිරත්න,රාජ්ය පරිපාලන නියෝජ්‍ය අමාත්‍ය සුසන්ත පුංචිනිලමේ,ඉඩම් නියෝජ්‍ය අමාත්‍ය ටී බී ඒකනායක, සහ වැවිලි කර්මාන්ත නියෝජ්‍ය අමාත්‍ය ලක්ෂ්මන් වසන්ත පෙරේරා යන අය බොහෝවිට ඉවත් කිරිමට නියමිත අතර ඉවත් කිරිමට පෙර අවසන් තින්දුව ගැනිමට ඉදිරි දින දෙක තුල ශ්‍රිලනිප ජ්‍යෙෂ්ඨයන් සමග සාකච්ඡා කිරිමට නියමිත බවද දැනගන්නට ලැබේ.
අය වැයට විරුද්ධව ඡන්දය දී ඒකාබද්ධ විපක්ෂයට එක්වී ජනාධිපතිවරයා සහ රජය අපහසුතාවයට පත් කිරීමට සැලසුම් කරමින් සිටින බවට තොරතුරු හෙළි විම මෙම ඉවත් කිරිමට තින්දු කිරිමේ ආසන්නමතම හේතුව බවයි වාර්තා වන්නේ.
මේ අතර කම්කරු අමාත්‍ය ජෝන් සෙනෙවිරත්න මහතාගේ පවුලේ ආරංචි මාර්ග පවසන්නේ පළාත් පාලන මැතිවරණයට ශ්‍රී ලංකා නිදහස් පක්ෂය නාම යෝජනා ලබාදීම ආරම්භ කළ වහාම ඔහු ඒකාබද්ධ විපක්ෂය සමග එක් වනු ඇති බවය.
ජෝන් සෙනවිරත්න මහතා මෙසේ ඒකාබද්ධ විපක්ෂය සමග එකතු වනු ඇත්තේ ඔහුගේ බිරිය අතුලු පවුලේ සමීපතමයින්ගේ බල කිරීම මත බව දන ගන්නට තිබේ
ගරු කථානායකතුමනි,
සිරිසේන/වික්‍ර‍මසිංහහවුල් ආණ්ඩුව අවුරුදු තුනක පමණ කාලයක් තිස්සේ, තමන් ස්ථාපනය කරනවායයි කියූ ආර්ථිකයකයේ සිව්වැනි අයවැය, ගරු මංගල සමරවීර මුදල් ඇමතිතුමාගේ මංගල අයවැය ලෙස පසුගියදා ඉදිරිපත් වූනා.එම අය-වැයආශ්‍රිතව මාගේ අදහස් යොමු කිරීමට මට අවස්ථාවක් ලබාදීම ගැන මා මුලින්ම ඔබතුමාට ස්තූතිවන්ත වෙනවා.
මෙවර, අයවැයේ මුදල් ඇමතිගේ ආර්ථික සමාලෝචනයක්නැහැ
සාමාන්‍යයෙන්,මුදල් ඇමතිවරයෙක් තම අයවැය කතාවෙහි සමස්ත ආර්ථිකය පිළිබදව විග්‍ර‍හයක්ද,තම රජයෙන් ජනතාවට මීට පෙර ලබා දුන්වාසීන්, සහන, දිරිගැන්වීම් සහ ජයග්‍ර‍ණ ගැන සමාලෝචනයක්ද කිරීම ස්භාවිකය. වසර 9 ක් තිස්සේ, ශ්‍රී ලංකාවේ මුදල් ඇමති වශයෙන් මා වගකීම දැරූ කාලය තුළදී, අපගේ රජය වෙනුවෙන් මා එසේ කල ආකාරය ඔබ සියලු දෙනාටම මතක ඇතැයි මා විශ්වාස කරනවා. මට පෙර මෙම තනතුරේ සේවය කල අනිකුත් මුදල් ඇමතිවරුන්ද එසේම කළා. එහෙත්, මා සිතන ආකාරයට මේ හවුල්රජය, මෙවර අය-වැයේදී එවැනි චාරිත්‍ර‍යක් අනුගමන
නොකරන්නට හේතුව නම්එවැනි ජයග්‍ර‍හණ හෝ වාසීන් කිසිවක් අප ආර්ථිකයට හෝ රටවැසියන්ට ලැබී නැතිනිසා,ඔවුන්ට කියන්නට යමක් නැති වීමය.
ඒඇයි? රැකියා දුන්නායි කියලා කියන්නද? වෙළදාම සරු කළායයි කියන්නද? අධ්‍යාපනය සහ සෞඛ්‍ය ක්ෂේත්‍ර‍ය වර්ධනය කලා යයි කියන්නද? ගොවීන්ට සහන දුන්නායි කියන්නද? විදේශ ආයෝජකයින් ආවායි කියන්නද? රුපියල ශක්තිමත් කළා යයි කියන්නද? අඩුම තරමින් පෙට්ට්‍ර‍ල් ටිකවත්වෙලාවට දුන්නායයි කියන්නද? එහෙම කිසිවක් කියන්නට අපොහොසත් වන විට,නිහඩව සිටිම වඩා හොඳයයි සිතනවාට, මුදල් ඇමතිට දොස් කියන්නපුලුවන්ද?
බදු දැනටමත් දෙගුණ කරලා : ඉදිරියේදි බදු තවත් ඉහලට: ජාත්‍යන්තර මූල්‍ය අරමුදල සතුටට…
ජනතාවගේ ආර්ථික හෝ වෙනත් ජයග්‍ර‍හණ ගැන කිසිවක් කියන්නට මංගල සමරවීර ඇමැතිතුමා අපොහොසත් වුවත්, මෙම හවුල් රජයේ එක් විශාල දස්කමක්ගැන නම් ඔහු මහත් ආඩම්බරයෙන් කථා කලා. එනම් රජයේ ආදායම, දළ දේශීය නිශ්පාදිතයේ ප්‍ර‍තිශතයක් වශයෙන්, 2014 දී පැවති 11.5% සිට, 2016 දී 14.2% දක්වා වැඩිකර ගැනීමට මේ හවුල් රජය සමත්වූ බවය. එම බදු මුදල, රුපියල් වලින් 41% ක වැඩිවීමක් කියාද මුදල් ඇමති මහත් උජාරුවෙන්පැවසුවා.
එපමණක් නොව, 2017 දී රජයේ ආදායම, දළ දේශීය නිශ්පාදිතයන් 15% ට කිට්ටු වන අගයකට ලඟා කරගන්නටත්, එම ඉලක්කයට ගමන් කරන විට තවත් 13% කින් රජයේ ආදායම රුපියල් වලින් වැඩි කර ගැනිමටත්, තම හවුල් රජය බලාපොරොත්තු වන බවත්, ඔහුආඩම්බරයෙන් මතක්කර දුන්නා.
එපමණක් නොව, ආදායම් බදු, භාණ්ඩ සහ සේවා බදු, රේගු බදු, සුරාබදු, දඩ මුදල්, රාජ්ය ගාස්තු යනාදි සියල්ලම තව දුරටත් වැඩි කරමින්, මධ්‍යමකාලීනව රජයේ ආදායම දළ දේශීය නිශ්පාදිතයෙන් 20% කදැවැන්ත අගයකට පත් කරගන්නා බවද, මුදල් ඇමති මහත් ගාම්භීරව පැවසුවා.
මා සිතන ආකාරයට, ඔහු මෙසේ පවසන විට, අප රටේ ජනතාව පටි තදකරගෙන, බලාපොරොත්තු සුන්‍යව, එළඹෙන බදු පීඩනය දෙස මහත් චකිතයෙන් බලා සිටින්නට ඇත. එහෙත්, ඒ වෙලාවේම ජාත්‍යන්තර මූල්‍ය අරමුදලේ නිලධාරීන් වොෂිංටන් නගරයේ සිට,ඔවුන් දැන් ශ්‍රී ලංකා රජය තම ආයතනයේ කීකරු ගෝලයෙක් බවට පත්කරගන්නට හැකිවීම ගැනසන්තෝෂයෙන් ජය පැන් පානයේ යෙදෙන්නට ඇතැයි මා සිතමි.
රාජ්ය ආදායම වැඩිකරගන්නවායයි කියන්නේ කුමක්ද?
ගරු කථානායකතුමනි, රජය මෙලෙස රජයේ ආදායම වැඩිකරගන්නවායයි යන කියමනෙන් අදහස් වන්නේ කුමක්ද? රජයේ ආදායම වැඩි වන්නේ කෙසේද? කවුද රජයට මේ මුදල් දෙන්නේ? මෙම ප්රශ්න වලට පිළිතුරු සහ යථාර්තය අවබෝධ කරගැනීමට රජයේ ආදායම සහ වියදම පෙන්වා දෙන අය-වැය සාරාංශය දෙස අපි සිත් යොමු කරමු.
එසේ කරද්දී, අපට පෙනෙන්නේ ජනතාවගෙන් සහ ව්‍යාපාරවලින් එකතු කෙරෙන බදු ප්රමාණය, 2014 සිට 2018 දක්වා, දෙගුණ වීමට නියමිත බවයි. රුපියල් බිලියන වලින්, ආදායම් බදු- 198 සිට 375 දක්වාද, භාණ්ඩ සහ සේවා බදු- 616 සිට 1239 දක්වාද,විදේශ වෙළඳාම බදු- 236 සිට 420 දක්වාද,මුළු බදු- 1050 සිට 2034 දක්වාද, වැඩි කර ඇති බව එම සාරාංශය පෙන්වා දෙනවා. එයින් පෙනී යන්නේ, අප රටේ මහජනතාව සහ ව්‍යාපාරිකයින්,2014 දී අපේ රජයට ගෙවූ සමස්ත බදු හා සන්සන්දනය කරන විට, 2018 දී, මේ හවුල් රජයට ඒ වගේ දෙගුණයක් බදු ගෙවීමට නියමිත බවය.
ගරු කථානායකතුමනි, ජනතාව මත බදු සහ දඩ පනවමින් සියලු රාජ්ය සේවාවන් සදහා ගාස්තු වැඩිකරමින්, ජනතාවගේ සාක්කු වලින් මුදල් සූරාගෙන රජයේ ආදායම වැඩි කර ගැනීම, මේ හවුල දකින්නේ මහත් හපන්කමක් ලෙසය. ගරු අගමැතිතුමා සහ ඔහුගේ කීකරු සගයින් සෑම විටම රටේආර්ථික ප්‍ර‍ගතිය ගැන කතා කරද්දී පවසන්නේ, මේ බදු ආදායම වැඩිකර ගැනීම මහත් ජයග්‍ර‍හණයක් බවය. ඇත්තෙන්ම, මේ ජනතා සල්ලි සීමාවක් නැතිව සූරාකන හපන්කමේ කැඩපතකුමක්ද? එහි කැඩපත වන්නේ
අප රටේ අහිංසක ජනතාව දහඩිය මහන්සියෙන් වැඩකොට උපයා ගන්නා මුදල්වැඩි වැඩියෙන් මේ හවුල් ආණ්ඩුව හූරා කන එක නොවේද?
වැඩිකරගත් බදු වලින් මේ හවුල් රජය මොකද්ද කළේ?
ගරු කථානායකතුමනි, මෙලෙස අසීමිත ලෙස, ජනතාවගෙන් සූරා ගන්නාමේ මුදල් වලින්,මේ නාස්තිකාර, වාංචනික හවුල් රජය කර ඇති සංවර්ධන වැඩ මොනවාද? එක විදුලි බලාගාරයක් හැදුවද? එක වරායක් වැඩි දියුණු කළාද? එක ගුවන්තොටුපොළක් අලුත්වැඩියා කලාද? එක අධිවේගි මාර්ගයක් තැනුවද? එක නව පාලමක් ඉඳිකලාද? එක නව වෙළද කළාපයක් ව්‍යාපාරිකයන්ට ලබා දුන්නාද? එක කුණු ගොඩක් අයින් කළාද? එක අලුත් රස්සාවක් බිහි කළාද? මා මේ අසන ප්රශ්න සියල්ලටම පිළිතුරු මේ හවුලෙන් බලාපොරොත්තු වන්නේ නෑ. එහෙත්. ඒවාට උත්තර,අප රට වැසියන් දන්නවා.
ජනතාවට යහපතක් ගෙනෙන කිසිවක්නොකලාට, ජනාධිපති සහ ඇමතීන් සිය ගණනින් නව වාහන නම් ගත්තා. යුද්ධයක් නොමැතිවත්, මත්තල ගුවන්තොටුපොළ විකිණීමට නියමිත මුදලට සමාන මුදලකට,පරණ යුධ නැවක් ගත්තා. රුපියල් බිලියන 145 ක පමණ වැඩිපුර පොලියක් රජයට ගෙවන්නට සිදුවුනත්, ශ්‍රී ලංකා ඉතිහාසයේම දැවැන්තම මගඩිය වන මහ බැංකුවේ බැදුම්කර මගඩිය කලා. ශ්‍රී ලංකන් ගුවන් සේවයේ අහස් යානා ඇණවුම් අත්හිටුවීම නිසාරුපියල් බිලියන 15 ක විශාල වන්දියක් ගෙව්වා. “පොර්ට් සිටි” ව්‍යාපෘතිය අත්තනෝමතික ලෙස නැවැත්වීමෙන්රුපියල් බිලියන 21 ක වන්දියක් ගෙවීමට සිදු වූ නිසා, ඒ වෙනුවට, අලුතින් ගොඩකරන ඉඩම් අක්කර 5 ක ඉඩම් කොටසක් චීන සමාගමට ලබා දුන්නා. අනුවණ ආර්ථික සහ මූල්‍ය කළමණාකාරිත්වය ඔස්සේ, ශ්‍රී ලංකා රුපියලේ දැවැන්ත අවප්‍ර‍මාණය නිසා, 2015 දී සහ 2016 දී රුපියල් බිලියන 426 ක් රටේ ණය තොගයට එකතු කර ගත්තා.
මෙවැනි මහා පරිමාණයේ දූෂණ, අක්‍ර‍මිකතා සහ නාස්ති ඔස්සේ, අද වන විට අප රටේ ආර්ථිකය දැවැන්ත අර්බුදයකට ගොදුරුවී තිබෙනවා. එයින් ගොඩවීමේ කිසිදු උපාය මාර්ගයක් මෙම අය-වැයේ හෝ ජනාධිපතිවරයා සහ අගමැතිවරයා මේ වන විට පස්
වතාවක් රටට ඉදිරිපත් කොට ඇති රජයේ“දැක්ම සහ සැලසුම්” හරහා හෝ ඉදිරිපත් වී නැත. ඒ නිසා, මුලු රටම අර්බුදයෙන් අර්බුදයට ගමන් කරනවා. සෑම ක්ෂේත්‍ර‍යකම සේවය කරන අප රටේ පුද්ගලයන්, වෘත්තිකයන්, ශ්‍ර‍මිකයන් අද මහ පාරේ තමන්ගේ දුක කියනවා. විසදුම් ඉල්ලනවා.උද්ඝෝෂණ කරනවා. එහෙත් ඒවට ඇහුම්කන් දෙන්න නායකයෙක් නැහැ. රටේ නායකයින් එකින් එකාට ගැටලු හුවමාරු කරගන්නවා. එකිනෙකාට දොස් කියා ගන්නවා. මට සහ පසුගිය රජයට චෝදනා එල්ල කරනවා. එහෙත්, ඒවා කිරීමෙන් ජනතාවගේ ප්රශ්න විසදෙන්නේ නැහැ. ඒ බව අප රටේ සියලුම ජනයා දැන් අවබෝධ කරගෙන හමාරයි.
ගරු කථානායකතුමනි, ජනතාවගේ ප්රශ්න විසදන්න බැරි උනාට, ප්රශ්න ඉදිරිපත් කරන සහ ඉල්ලීම් කරනසියලු දෙනාටම පහර දෙන්නට සහ හිරේ දාන්නට, මේ රජය අති දක්ෂයි. මේ වන විට, මේ යහපාලන රජය සෑම ජනකොටසක්ම පාහේ මහ පාරට ඇද දමලා,පහර දීලා, හිරේ දාලාතියෙනවා. ගරු ජනාධිපතිතුමාගේ සහ අගමැතිතුමාගේ දර්ශනයට අනුකූලවබෞද්ධ භික්ෂූන්වහන්සේලාඇතුලු ජන කණ්ඩායම් රාශියක්ම පොලිස් බැට්න් පොලු පාරවල්, කදුලු ගෑස් ප්‍ර‍හාර සහ අධි පීඩන ජල ප්‍ර‍හාර වලින් සංග්‍ර‍හ ලබා තියෙනවා. දහස් ගණනක්හිර බත් කාලා තියනවා.ශ්‍රීමත් එස්.ඩබ්.ආර්.ඩී බණ්ඩාරණායක මැතිදුන් ස්ථාපනය කළශ්‍රී ලංකා නිදහස් පක්ෂයේ සභාපතිවරයෙකු යටතේ පිහිටුවා ඇති රජයක,“සඟ, වෙද, ගුරු, ගොවි, කම්කරු”යන පංච මහා බලවේගයට ලබා දෙන මේ සැලකීම ඇත්තෙන්ම පුදුම සහගත නොවේද?
රටේ සම්පත් කුණු කොල්ලයට විකිණීම
ගරු කථානායකතුමනි, මේ හවුල් රජය තවත්ක්‍රියාවලියකට ඉතාදක්ෂ බවද කිව යුතුය. එනම්, මේ රටේ සම්පත් කුණුකොල්ලයට විකිණීමය.
මේ රටේ තිබෙන සීමිත ඉඩම් විදේශිකයන්ටකිසිදු බාධාවකින් තොරවමිලදී ගැනීමටමේ අය-වැයෙන් අවසර ලබාදී තිබෙනවා. මෙලෙස ඕනෑම විදේශිකයන්ට ඉඩම් ගැනීමේ අයිතිය ඔස්ට්‍රේලියාවේ සහ නවසීලන්තයේද ලබාදී තිබූ නිසා, ඒ රටවල තරුණ තරුණියන්ට මේ වන විට ඉඩම් ගැනීමට ඇති අවකාශය සම්පූර්ණයෙන්ම පාහේ ඇහිරී
තිබෙන බව වාර්තා වෙනවා. ඒ ආකාරයටම,තව ටික කලකින් අප රටේ තරුණ තරුණියන්ටත් සාධාරණ මිලකට ඉඩමක් මිලදි ගන්නට බැරි වෙනවා නියතයි.
එපමණක් නොව, අප රටේ ජනතාවට සහ මතු පරම්පරා වලට අයිති උපායමාර්ගික සම්පත් වන වරායන්, ගුවන් තොටුපොළ, සන්නිවේදන සංඛ්‍යාත, විදුලිබලාගාර, වෙරළ තීරු, අහස් අවකාශය, මහා පරිමාණයේ ඉඩම්, රාජ්ය සංස්ථා සහ රාජ්ය බැංකු,කුණු කොල්ලයට විකිණීමේ ප්‍ර‍තිපත්තිය දියත් කර ඇති බව අපට පෙනෙනවා. සමහර විකිණීම් දැනටමත් හොර රහසේ කරලා ඉවරයි. අනිත් ඒවාට දැන් පිඹුරු පත් සකස් කරලා. ජනතා විරෝධතා තුට්ටුවකටවත් ගණන් නොගෙන මේ කටයුතු වල මේ රජයේ නායකයින් නිරත වෙනවා. ඒ අයගේ මෙම හිතුවක්කාර ක්‍රියාවන් කරගෙන යාමට රජයට හිතැති පොලීසියේ සමහර ලොක්කන්ද, මේ දේශපාලන නායකයන්ගේ මර්ධනකාරී කටයුතු වලට සම්බන්ධ වී,සෑම නීති විරෝධී සහයෝගයක්ම දෙනවා. ඔවුන් සියල්ලන්ගේම මෙම කටයුතු පිළිබද සටහන් අප අතැතිව තිබෙන බැවින්,මා ඒ සියලු දෙනාටම මෙහිදී කරුණාවෙන් කියා සිටින්නේ, මේ සාපරාධී ක්‍රියාමාර්ගය නවත්වන්න කියාය.
ගරු කථානායකතුමනි, අප රටේ, උපායමාර්ගිකසම්පත් වල නිත්‍ය උරුමක්කාරයන් අප රටේ සමස්ත ජනතාව, ඔවුන්ගේ දරුවන් සහ එම දරුවන්ගේත් දරුවන්ය. කලින් කලට පත්වන රජයන්, එම ජාතික සම්පත් වල භාරකරුවන් පමණි. භාරකරුවන්ට, තම භාරය යටතේ ඇති සම්පත් විකිණීමට හෝ අන්සතු කිරීමට අයිතියක් නොමැත.එහෙයින්, අවුරුදු පහකට පත්වෙන රජයකට,කිසිදු ජනතා අනුමැතියක් නොමැතිව,මේ ආකාරයට ජනතා සම්පත් අන්සතු කිරීමට බලයක් නැති බව සියලු දෙනාම මතක තබා ගත යුතුයි.
මා තව දුරටත් අවධාරණය කරන්නේ ජනතාවගේ අනුමැතියක් නොමැතිව,මෙලෙස විකුණන හෝ කුණු කොල්ලයට බදු දෙන හෝ ශ්‍රී ලංකාවේ සමස්ත ආර්ථික ක්‍රියාවලියට සහ ස්වෛරීභාවයට බාධාකෙරෙන කිසිදු “විකිණීමක්” හෝ “වෙන්දේසියක්” හෝ “බදුදීමක්” කරන ලද්දේ නම්, අනාගත දිනයකදී, අප රටේ ජනතාව ඒවා නැවත ජනතා අයිතියට හැරවීමට කටයුතු කරනු ඇති බවය. එහෙයින්,
වර්තමානයේදී එවැනි ක්‍රියාමාර්ග වලට සම්බන්ධ වන විදේශ ව්‍යාපාරද මෙම අවදානම හොදින් මතක තබා ගත යුතු යයිද,අප මතක්කර දීමට කැමතිය.
ආර්ථික සමාලෝචනයක් අපෙන්
ගරු කථානායකතුමනි, මුදල් ඇමතිවරයෙකු සාමාන්‍යයෙන්අයවැයකථාවආරම්භකරන්නේආර්ථිකයපිළිබඳවසමාලෝචනයක්කරමින් බව මා දැනටමත් කීවා.එම කටයුත්ත මේ හවුල් රජයේ මුදල්ඇමතිනොකල බවද මා කීවා. සමහර විට එතුමා එසේ නොකරන්නට හේතුවද,මා පැහිදිළි කලා. ඇත්තවශයෙන්ම, අද අප රටේ ආර්ථිකය ඇද වැටී ඇති අන්ත අසරණ තත්ත්වය දෙස බලන විට එතුමා එවැනි විග්‍ර‍හයක් කිරීමට මැලිවීම පුදුමයට කරුණක් නොවේ.
එසේ වුවද, එවැනිපුලුල්සමාලෝචනයක් අය-වැය විවාදයකදී කල යුතුම නිසා,ඒඅඩුපාඩුවපිරිමැසීමට, විපක්ෂයටවත් සිදුවන්නේය. ඒඅනුව, පසුගියවසරතුනකට ආසන්න කාලය තුළදීඅප ආර්ථිකයේමූලිකසාර්වආර්ථිකසාධකපිළිබඳවකෙටි විග්‍ර‍හයක්කිරීමට මා දැන් බලාපොරොත්තු වෙනවා.
අප රටේ ණය උගුල ඇති කළේ කවුද?
ගරු කථානායකතුමනි, මේ විග්‍ර‍හය මා ආරම්භ කරන්නට බලාපොරොත්තු වන්නේ, රටේ ණයබරතාවය පිළිබදවයි. මා එසේ කරන්නට අදහස් කළේ, අගමැති රනිල් වික්රමසිංහ මැතිතුමා කථා කරන සෑම අවස්ථාවකම පුන පුනා කියන්නේ, තමන්ගේ ඉතා යහපත්, අවංක යහපාලන රජය ඉසිලිය නොහැකි තරම් ණය කන්දක් අපෙන් භාරගත්තා කියාය. එතුමා ඊට පසුව කියන්නේ, එම ණය, තම රජය මනාව කළමණාකරණය කරමින්, තිබූ දුෂ්කර තත්ත්වය යහපත් අතට හරවා ගැනීමට හැකිවූවා යැයි කියාය. මෙම කියමන් දෙකම, වොක්ස්වැගන් කථාව වගේම සත්‍යක් බව, කරුණු සහ දත්ත ආශ්‍රිතව මා අද ඔප්පු කරන්නට බලාපොරොත්තු වෙනවා.
නවීන ලෝකයේ ණය නොගන්නා කිසිම රටක්වත්, ව්‍යාපාරයක්වත්, ආයතනයක්වත්, නොමැති තරම්ය. ඒ අනුව බලන කළ, වඩාත් වැදගත් වන්නේ ලබා ගන්නා ණය ප්රමාණය නොව, අදාල රටෙහි හෝ ආයතනයේ ණය ගෙවීමේ හැකියාවය. පුද්ගලයෙකු ණයක් ලබා ගන්නට බැංකුවට යන විට, ඒ පුද්ගලයාගේ ආදායම් තොරතුරු පිළිබද බැංකුව විග්‍ර‍හයක් කරන්නේඒ නිසාය. පුද්ගලයෙකුගේ ණය ගෙවීමේ ශක්තිය මනින්නේ එම පුද්ගලයාගේ ආදායමට සාපේක්ෂ වන සේම, රටක ණය ගෙවීමේ හැකියාව මනින්නේ රටේ දළ දේශීය නිෂ්පාදිතයට සාපේක්ෂවය.
2006.01.01 දින, මම රජය භාර ගන්නා විට, රාජ්ය ණය ප්රමාණය රුපියල් බිලියන 2,222 වුනි. එවිට, දළ දේශීය නිශ්පාදනයට සාපේක්ෂව, ණයබරතාවය 91% ක ඉතා ඉහල අගයක් විය. 2009 අවසානයවන විට, ශ්‍රී ලංකාවේ රාජ්ය ණය රුපියල් බිලියන 4161 දක්වා, රුපියල් බිලියන 1,939 කින් ඉහල ගොස් තිබිණ. එලෙස වැඩිවූ ණය ප්රමාණයෙන් සැළකිය යුතු කොටසක් වැය වී තිබුනේ යුද්ධය සාර්ථකව නිම කිරීමටය.
ඉන් පසුව, 2009 වසානයේ සිට 2014 අවසානය දක්වා අවුරුදු පහක කාලය තුළදී රාජ්ය ණය රුපියල් බිලියන 3,230 කින් වැඩිවී 2014 අවසන් වන විට, රාජ්ය ණය රුපියල් බිලියන 7,391 බවට පත් විය.ඒ අතරම, එම මුදලට සාපේක්ෂව දැවැන්ත සංවර්ධන ව්‍යාපෘති ක්‍රියාත්මක වූ බව අපි සියලු දෙනාම දන්නවා. අලුත් ගුවන් තොටුපොළ, වරායෙන්, ජල සම්පාදන ව්‍යාපෘති, අධිවේගී මාර්ග, පලාත් සහ ග්‍රාමීය පාරවල්, රෝහල්, පාසල් සහ රජයේ ගොඩනැගිලි ඒ අතර විය. යුද්ධයෙන් පසුව උතුරේ සහ නැගෙනහිර පලාත් වල කරන ලද විශාල රාජ්ය ආයෝජනය හරහා, දැවැන්ත යටිතල පහසුකම් සංවර්ධනයක්ද සිදුවුනි. රටපුරා දැවැන්තමාර්ග සංවර්ධන සදහා රුපියල් බිලියන 750 ක් පමණ වැය කොට තිබුණා. මේ ආයෝජන අප රටේ ප්‍රායෝගික ශේෂ පත්‍රයේ සහ මහජනතාවගේ ඇස් ඉදිරියේ පැහැදිලි වත්කම් ලෙස දිස් වුණා.
සමස්තයක් වශයෙන්, 2006 සිට 2014 වසර 9 ක අපගේ රජයේ පාලන කාලය තුළ, ශ්‍රී ලංකාවේ රුපියල් බිලියන 5,169 කින් වැඩිවිය. එමෙන්ම, එම කාලය තුළදී, අප රටේ දළ දේශීය නිශ්පාදිතය ඇමරිකානු ඩොලර් බිලියන 24 සිට 79 දක්වා සීග්රලෙස වර්ධනය
කර ගැනිමටද අපට හැකිවුනා. ඒ නිසා, එම රාජ්ය ණය ප්රමාණය දළ දේශීය නිශ්පාදිතයට සාපේක්ෂව, 2005 අවසානයේදි තිබූ 91% සිට 2014 අවසානය වන විට 71% දක්වා සැළකිය යුතු ප්‍ර‍මාණයකින් අඩු කරගන්නට අපට හැනිවුනා. මෙයින් සනාථ වන්නේ ශ්‍රී ලංකාවේ ණය ගෙවීමේ හැකියාව සැළකියයුතු ප්‍ර‍මාණයකින් යහපත් අතට පරිවර්තනය වූවාමිසක, රට ණය උගුලක හිරවීමක් නොවේ!
ඒ සමගම, රටේ පවතින පොලී අනුපාතයද, ක්‍ර‍මයෙන් අඩු කර ගැනීමට අප සමත්වූ නිසා, කිසිදු අපහසුතාවයකින් තොරව අප රටේ ණය කළමණාකරණය කර ගැනීමට අපට හැකි වුනා.
| ශ්‍රී ලංකාවේ මුලු ණය | රුපියල් බිලියන | ණය/ ද.දේ.නි |
| 2006.01.01 | 2,222 | 91% |
| 2014.12.31 | 7,391 | 71% |
| වසර 9 ක රාජපක්ෂ පාලන කාලය තුළ වැඩිවීම | 5,169 |
ගරු කථානායකතුමනි, 2015.01.01 සිට 2017.06.30 දක්වා සිරිසේන/වික්රමසිංහ වසර 2 ½පාලන කාලය තුළදී,ශ්‍රී ලංකාවේ රාජ්ය ණය රුපියල් බිලියන 7,391 සිට රුපියල් බිලියන 10,164 දක්වා රුපියල් බිලියන 2,773 කින් වැඩිවී ඇති බව මහ බැංකු වාර්තා හෙළි කරයි.
මෙම වැඩිවීම පිළිබදව, මුදල් ඇමතිගේ දැන්වීම් වල කියන්නට මැලි වුවත්, එසේ වන විට, වඩාත්ම භයානකම සිදුවීම වූයේ, එම කාලය තුළදී, දළ දේශීය නිශ්පාදිතයට සාපේක්ෂව, රාජ්ය ණය ප්රමාණය71% සිට 85% පමණ දක්වා ඉතා සීග්‍ර‍යෙන් වැඩිවීමයි. මෙම ප්‍ර‍තිශතය වැඩිවීම තුළින් සනාථ වන්නේ, ශ්‍රී ලංකාවේ ණයබරතාවය මේ වන විට, භයානක අදියරකට පත්වී, අප දැන් ඇත්ත වශයෙන්ම ණය උගුලකට හිරවී ඇති බවය. එසේ නම්, අප රට ණය උගුලක හිරකලේ සිරිසේන/වික්රමසිංහ රජය බව දැන් සියලු දෙනාටම පැහැදිළි වනු ඇත.
ගරු කථානායකතුමනි, මෙලෙස අවුරුදු 9ක් ඔස්සේ අප රජය විසින් මනාව කළමණාකරණය කර තිබු මේ රාජ්ය ණය, ඉතා කෙටි කාලයකින් ආපස්සට හරවා ගන්නට මේ රජය කළ විනාශය, ඇත්තවශයෙන්ම මහත් අපරාධයකි.
මෙහිදී ඔවුන් කල මූලික වරද වූයේ, දේශපාලන වාසීන් ගැනීමට, රාජ්ය වියදම ඉසිලිය නොහැකි ආකාරයට විහින් ඉහල දමා ගැනීමයි.
ඊට පසු, ඔවුන් භාණ්ඩාගාර බිල්පත් සහ බැදුම්කර සදහා ගෙවන පොලී අනුපාත සියල්ලම බැදුම්කර මගඩිය හරහා අනවශ්‍ය ලෙසද, වංක ලෙසද ඉහළ දමා ගත්තා.
මෙම ක්‍රියා දෙක හරහා, රටේ ණය කළමණාකරණයට දැවැන්ත පහරක් එල්ලවී, ක්‍ර‍මයෙන් මෙම රජය මුලු රටම ණය උගුලකට ගොදුරු කරනු අපේ ඇස් පනාපිට සිදුවුනා.
2015.01.01 සිට 2017.06.30 දක්වා, වත්මන් රජය යටතේ වැඩිවූ ණය, මෙතෙක් අප රටේ ඉතිහාසය පුරාවටම වසර දෙක හමාරක් තුළ වැඩි වූ උපරිම ණය ප්රමාණය වන්නේය. එම ණය ප්රමාණය වන රුපියල් බිලියන 2,773,අපගේ රජය 2009 අවසානයේසිට 2014 අවසානය දක්වා, දැවැන්ත වැඩ කොටසක් ඉටු කළ, අවුරුදු 5 ට ලබා ගත් ණය ප්රමාණයෙන් 86%කි.
| ශ්‍රී ලංකාවේ මුලු ණය | රුපියල් බිලියන | ණය/ ද.දේ.නි |
| 2014.12.31 | 7,391 | 71% |
| 2017.06.30 | 10,164 | 85% |
| වසර 2 ½ කසිරිසේන/වික්රමසිංහ පාලන කාලයතුළවැඩිවීම | 2,773 |
එහෙත්, අද අප රටේ සියලු දෙනා දන්නා පරිදි, මෙපමණ විශාල ණය ප්‍රමාණයක් මෙම රජය ගෙන තිබුණද, මහ ජනතාවට පෙනෙන, දැනෙන කිසිදු යටිතල පහසුකමක්ඉදිකර නැත. මහා පරිමාණයේ සංවර්ධන කටයුතු පමණක් නොව, පියවි ඇසට පෙනෙන ග්‍රාමීය මට්ටමේ හෝ සංවර්ධනයක් වුව ද පෙනෙන්නට නැත.
රනිල් වික්රමසිංහ මැතිතුමා සහ එතුමාගේ ගෝලයන් අපට චෝදනා කළේ, අපි රුපියල් බිලියන ගනනක් ණයට අරගෙන, හම්බන්තොට වරාය, නොරොච්චෝලේ ගල් අඟුරැ බලාගාරය, සහ මත්තල ගුවන්තොටුපොළ ඉදිකලා යයිය. එහෙත්, අඩු තරමින් ඔහුට විශාල ගණන් වලට විකුණන්නට හෝ ඒවා අද මහ පොළවේ පෙනෙන්නට තියනවා. එහෙත්,සිරිසේන/වික්‍ර‍මසිංහහවුල ගත් මහ විශාල ණය හරහා මහ පොලවේ පුංචි පිහිනුම්තටාකයක්වත්, පොඩි ජෙනරේටයක්වත්, අඩිපාරක්වත් හදලා තියනවද? එහෙනම්, අපට දැන් අහන්න තියෙන්නේ, මේණයට ගත් සල්ලි වලට මොකද වුනේ? බැදුම්කර මගඩියේ මුදල් ගිල්ලා වගේ, කවුරු හරි ඒ මුදල් ගිලගත්තද?
එහෙනම්, මෙම දූෂිත, වැඩබැරි සිරිසේන/වික්රමසිංහ ආණුඩුවට මා සෘජුවම කියනවා: ශ්‍රී ලංකාවේ ණයබරතාවය භයානක උගුලකට ඇද දමා ඇත්තේ ඔබයි. ඔබ රජයේ සමහර නායකයින්ගේ පෞද්ගලික වාසිය සදහා, අප රටේ සමස්ත පොලී අනුපාතය වැඩි කළේ ඔබයි. රුපියලේ අගය අවප්‍ර‍මාණය කරමින් ණයබරතාවයසීග්‍ර ලෙස වැඩි කළේ ඔබයි. ඔබ අනුගමනය කල ප්‍ර‍තිපත්ති හරහා අප රට ණයඋගුලක හිර කළේද ඔබයි.
නව බැංකු බද්දේ යටි අරමුණ
ගරු කථානායකතුමනි, මෙම ණය උගුලෙන් ගොඩ ඒම සදහා යයි පවසමින්, අප රටේ බැංකු මත සෑම රුපියල් 10,000 කම ගණුදෙණු සදහා රුපියල් 2 කනව බද්ධක් මුදල් ඇමති මේ අය-වැයෙන් හදුන්වා දුන්නා. අප රටේ බැංකු කේෂ්ත්‍ර‍යේ ප්‍ර‍වීනයන්ට අනුව,මෙම බද්ධ හරහා සියලුම රාජ්ය බැංකු දුර්වල වනු ඇතැයිද, එම දුර්වලවීම ඉස්මතු කරමින්, බැංකු පුද්ගලීකරණයට යොමු කරන්නට රජයේ යටි අදහසක් ඇති බවද සාධාරණ සැකය දැන් මතුවී ඇත.
එලෙස සැක කරන්නට මූලික හේතුව වන්නේ, මෙම නව බද්ධෙන් අපේක්ෂිත මුදල හරහා, මුදල් ඇමති පවසා ඇති අරමුණ වන ණය ආපසු ගෙවීම කිසිවිටෙක ඉෂ්ට කර ගැනීමට නොහැකි වීමය. ඒ මන්ද කිවහොත්, මේ හවුල් රජයේ පාලනය කාලයේදී දැනට රැගෙන ඇති ණය ප්රමාණය වනරුපියල් බිලියන 2,773 පමණක් ආපසු ගෙවීමට
පවා,එම බද්දෙන් වසරකට එකතු කරන්නට බලාපොරොත්තු වන රුපියල් බිලියන 20 මුලුමනින් වෙන් කලත්, එම ණය පමණක් ගෙවීමටඅවුරුදු 139 ක් ගත වෙන නිසයි!
ගරු කථානායකතුමනි, මේ විහිලු කථා වලින් මේ රජය මුලා කරන්න වෑයම් කරන්නේ කවරෙක්ද? ඔවුන්ගේ යටි අරමුණ කුමක්ද?
ආර්ථික වර්ධනය දරුණු ලෙස පිරිහිලා : ඒක පුද්ගල ආදායම එක තැනට
2010 සිට 2014 දක්වා, අපගේ රජය කාලයේදී සාමාන්‍ය ආර්ථික වර්ධන වේගය වසරකට 6.8% ක් වශයෙන් අපට පවත්වාගෙන යන්නට හැකිවූ බව 2016 මහ බැංකු වාර්තාවෙන් පෙනී යනවා.
ඊට සාපේක්ෂව, පසුගිය වසර දෙකේදී, වර්ධනය වසරකට සාමාන්‍ය ලෙස 4.6% දක්වා 33% පමණ කඩා වැටිලා. තවද, පසුගිය වසරේදී වර්ධනය 4.4% ක් ලෙස වාර්තා කළද, එය ව්‍යාජ ආකාරයට ගණනය කර ඇති නිසා, 2016 දී සත්‍ය වේගය 2.2% ක් පමණ බවත් විශේෂඥයින් චෝදනා කරනවා. ගරු කථානායකතුමනි, අපි දැන් ආර්ථික වර්ධනය දෙසත් අපගේ සිත් යොමු කරමු. මේ කරුණු වලින් අපට පෙනී යන්නේ, 2015 සහ 2016 තුළදී, රටේ වර්ධන වේගය දැවැන්ත ලෙස පහල වැටී ඇති බවයි.
එමෙන්ම, 2005 දි ශ්‍රී ලංකාවේ දළ දේශීය නිශ්පාදිතය ඇමරිකානු ඩොලර් බිලියන 24ක් ලෙස වාර්තා වුනා. ඒ අතරම, ඒක පුද්ගල ආදායම ඇමරිකානු ඩොලර් 1,242 ක් වුනා. 2006 සිට 2014 දක්වා වසර 9 තුළදී,රට තුළ සිදුවූ සීග්‍ර වර්ධනය නිසා, රටේ දළ දේශීය නිශ්පාදිතයඇමරිකානු ඩොලර් බිලියන 79 දක්වා වර්ධනය වුනා. එමෙන්ම, ඒක පුද්ගල ආදායම සාමාන්‍ය වශයෙන් වසරකට ඇමරිකානු ඩොලර් 287 කින් පමණ වැඩිවී, ඇමරිකානු ඩොලර් 3,821 දක්වා ඇමරිකානු ඩොලර් 2,581 කින් වැඩිවුනා.
මෙම තත්ත්වයට හාත්පසින්ව වෙනස්ව, 2015 දී සහ 2016 දී ඒක පුද්ගල ආදායම එකතැනම පල්වෙමින්, වසරකට ඇමරිකානු ඩොලර් 7 කින් පමණක් සාමාන්‍ය ලෙස වැඩිවෙමින්, වසර 2 ක් තුළදී ඇමරිකානු ඩොලර් 14 කින් පමණක් වැඩිවුණි. ඒ අනුව,
2016 අවසානයේදී අප රටේ ඒක පුද්ගල ආදායම ඇමරිකානු ඩොලර් 3,835 ක් ලෙස සදහන් වුනා.
මෙයින් ඔප්පු වන්නේ රටේ ජනතාවගේ සාමාන්‍ය ආදායමේ කිසිදු වෙනසක් ඇති කිරීමට මෙම හවුල් රජයට නොහැකිවීඇති බවය.
මේ ආකාරයට මේ හවුල් රජයේ අදූරදර්ශි ආර්ථික ප්‍ර‍තිපත්ති ක්‍රියාත්මක කරගෙන යෑම නිසා, අද ආයෝජකයන් බිය ගැන්විලා; ව්‍යාපාරික විශ්වාසය කඩා වැටිලා; FCID වැනි දේශපාලඥයින් විසින් හසුරුවනු ලබන පොලිස් ඒකක වල නීති විරෝධී ක්‍රියාකාරිත්වය නිසා රාජ්ය සේවකයින් අකර්මන්‍ය වෙලා; බැදුම්කර මගඩිය හරහා ඉතා සීග්රලෙස සහ අනවශ්‍ය ලෙස පොලී අනුපාතය වැඩිවෙලා; මේවා සහ තවත් විවිධ කරුණු නිසා, ඉදිරි කාලයේදිවත් වර්ධන වේගයේ වෙනසක් වනු අපට පෙනෙන්නේ නැහැ.
උද්ධමනය සහ ජීවන වියදම නැවත අහස උසට
ගරු කථානායකතුමනි, 2014 අවසානය වන විට, වසර 6 කටත් අධික කාලයක් ඔස්සේ ශ්‍රී ලංකාවේ උද්ධමනය අඛණ්ඩව තනි ඉලක්කමක පවත්වා ගැනීමට අපගේ රජය සමත්වුනා. එයින් පෙනී ගියේ,ලෝකයේ දැවැන්ත කම්පා තිබුණද, අප රජයේ සාර්ථක සාර්ව ආර්ථික පාලනය නිසා, ශ්‍රී ලංකාවේ භාණ්ඩ සහ සේවාවන් වල මිල ගණන්ද, පොලී අනුපාතක්‍ර‍මක්‍ර‍මයෙන් අඩුවෙන ප්‍ර‍වේශයකට යොමු කර ගැනීමටද,අප රජයට හැකි වූ බවය.
ඒ අනුව, පොලි අනුපාතයන් ස්ථාවරව පවත්වා ගනිමින්, මාස තුනේ භාණ්ඩාගාර බිල්පත් සිට අවුරුදු තිහේභාණ්ඩාගාර බැදුම්කර දක්වා, සියලු රාජ්ය සුරැකුම්පත් වල පොලී අනුපාතයන් තනි ඉලක්කම් අගයන්හි පැවතුනා. එමගින්, ආර්ථිකයේ වර්ධනයට විශාල රුකුලක් සහ ශක්තියක් ලැබුනු අතර, ආර්ථිකය කෙරෙහි දේශිය සහ විදේශීය ආයෝජකයන්ගේ විශ්වාසයද වර්ධනය වුණා.
එහෙත්, තමන් ආර්ථික ඔස්තාර්ලා යයි කියාගත් හවුල් රජයේ පාලනය ආරම්භවූ පසු, ඔවුන් මෙම ස්ථාවර තත්ත්වය විහින්ම උඩුයටිකුරු කරගත්තා. රජය භාරගන්නා විට, ඔවුන්ට තිබූ විශාල වාසියක්වූලෝක වෙළදපොළේ සීග්‍ර ලෙස ඉන්ධන මිල අඩුවීමෙන් ලැබුණු වාසියවත් නිසි ලෙස ප්‍ර‍යෝජනයට ගෙන ආර්ථිකය තවදුරටත් ශක්තිමත් කරගන්නට ඔවුන්ට නොහැකි වුනා. ඒ ගෝලීය වාසිය හරහා,2015 දී උද්ධමනය 3.3% සිට 0.9% දක්වා ඉබේමඅඩුවූවද, එම අඩුවීම නිසා සිදුවිය යුතුව තිබූ පොලී අනුපාත අඩු වීම, අවාසනාවන්ත ලෙස ඔවුන් නැති කර ගත්තා. එසේ වූයේ, 2015 පෙබරවාරි මස 27 දින මේ දූෂිත රජය විසින්මමහ දවල් ක්‍රියාත්මක කල මෙගා බැදුම්කර මගඩිය හරහාය.
2016 වසරේදි උද්ධමනය නැවත වරක් ක්‍ර‍මයෙන් ඉහල යමින්, ජීවන වියදමේ සැළකිය යුතු පීඩනයක්ද මුලු රටටම දැනෙන්නට පටන් ගත්තා. එම උද්ධමනය වැඩිවීමේ ප්‍ර‍වණතාවය තව දුරටත් ක්‍රියාත්මක වෙමින්, 2017 දි සීග්රලෙස ඉහල යන ප්‍ර‍වණතාවයක් දැන් අපට පෙනෙනවා. 2017 ඔක්තෝම්බර් මාසයේදී, උද්ධමනය 8.6% ක් දක්වා වැඩි වීමෙන් පෙනී යන්නේ, තව නොබෝ දිනයකින් ශ්‍රී ලංකාවේ උද්ධමනය 10% ඉක්මවා යන බවය. එසේ නම්, 2017 අවසානය වන විට, මේ හවුල් ආණ්ඩුව විසින් දියත් කරන ලද හානිකාරී ආර්ථික ප්‍ර‍තිපත්ති ඔස්සේ රටේ උද්ධමනය තුන්ගුණයකටත් වඩා වැඩි වෙමින්, ජනතාවගේ ජන ජීවිතය මත භයානක පීඩනයක් පැටවෙනු නොඅනුමානයි.
මේ වන විට, බැදුම්කර මගඩිය මුලු රටම වෙලාගෙන හමාරයි
ගරු කථානායකතුමනි, ශ්‍රී ලංකා ඉතිහාසයේ සිදුවු විශාලතම මගඩිය පිළිබදව කථා කිරීමට මුදල් ඇමති පැකිලීමක් දැක්වුවද, ඒ බව අප කථා කළ යුතු යයි මා සිතනවා. අද වන විට, සියලු දෙනාම පිළිගෙන ඇති ආකාරයට මෙම මගඩිය නිසා,රටේ පොලී අනුපාත සියල්ලම කෘතිම ලෙසත්, වංචාකාරී ලෙසත්, දැවැන්ත ලෙසත් වැඩිවී තිබෙනවා. බැදුම්කර කොමිසමේදීත් මේ බව,විශේෂඥශාක්ෂි දෙන ලද බව සැමොම දන්නෙවා.
අද වන විට, එම මගඩිය නිසා රජයට සහ ජනතාවට සෘජු සහ වක්‍ර‍ලෙස සිදුව ඇතිසමස්ත පාඩුව රුපියල් බිලියන 1,000 ක් ඉක්මවා ඇති බවමේ හවුල්රජයේම හිටපු රාජ්ය මුදල් ඇමති ගරු ලක්ෂ්මන් යාපා අබේවර්ධන ප්රකාශ කොට තියනවා. එපමණක් නොව, මෙම මගඩියේ අයහපත් ප්‍ර‍තිවිපාක අද වන විට, අනිකුත් සියලු සාර්ව ආර්ථික සාධක වලටත් බලපා ඇති බවත් අපට දැන් පැහැදිළි වෙනවා.
ගරු කථානායකතුමනි, 2014 දී සමස්ත බදු හරහා මාගේ රජයජනතාවගෙන් අයකරගත්තේ රුපියල් බිලියන 1,050 ක් පමණ බව අප දන්නවා. අපි එම මුදලින් කළ සංවර්ධන කටයුතු ගැන මා අලුතින් කියන්න අවශ්‍ය නැහැ. 2018, දී මේ හවුල් ආණ්ඩුව එම මුදලට සමාන මුදලකට අමතරව,තවත් රුපියල් බිලියන 984 ක්, එනම් දෙගුණයකින් පමණ වැඩි මුදලක් වන රුපියල් බිලියන 2,034 ක්, අප ජනතාවගෙන් අයකරගන්නට බලාපොරොත්තු වෙනවා.
එසේ නම්, ජනතාව මත දැඩි පීඩන හෙලමින් ජනතාවගෙන් ඉදිරි වසරේදී උදුරා ගන්නට බලාපොරොත්තු වන මේ නව දැවැන්ත බදු මුදලටත් වඩා වැඩි පාඩුවක්, මෙම බැදුම්කර මගඩියෙන් ශ්‍රී ලාංකිකයන්ට සහ රජයට සිදුවී ඇති බව, මේ යහපාලන රජයේ පාර්ශවකරුවන්ම දැනටමත් පිළි අරගෙන අවසානය.
රැකියා බිහිවෙනවා වෙනුවට, අප රටේ ජනතාවගේ රැකියා නැති වෙලා
ගරු කථානායකතුමනි, ඕනෑම ආර්ථිකයක වැදගත්ම ලක්ෂණයක් වන්නේ, එම ආර්ථිකයේ සේවා නියුක්තිය සහ රැකියා බිහිකිරීමේ ශක්තියයි. මහ බැංකුවේ දත්ත අනුවමෙම කරුණ සලකා බලන විට, අපට පෙනී යන්නේ, 2014 අවසානයේදි සේවා නියුක්තිය වාර්තා වී ඇත්තේඅසූ හතර ලක්ෂ විසිහතරදාහක් (8,424,000)ලෙසය. එමෙන්ම, 2016 අවසානය වන විට එම සංඛ්‍යාවහැත්තෑ නව ලක්ෂ හතලිස් අට දාහක් (7,948,000)ලෙස වාර්තා වුනා. ඒ අනුව, එම වසර 2 තුළදී, අප රටේ සේවා නියුක්තිය හාර ලක්ෂ හැත්තෑ හය දහස (476,000) කින් අඩු වී ඇති බව පැහැදිළිය. අප රටේ ආර්ථිකයේ සෙසු පසුබෑම්ද ඔස්සේ,මෙලෙස සේවා වියුක්තිය අඩුවීම,සාමාන්‍ය ජනතාව විශාල අර්බුධයකට ඇද දැමීමක් ලෙස මා දකිනවා.
යථාර්තය මෙසේ තිබියදීත්, මේ හවුල් රජයේ,එක පාර්ශවයක් නව රැකියා 400,000 ක් බිහිකළායයි පුවත්පත් පුරා දැන්වීම් පලකිරීම ඇත්තටම ලැජ්ඡාසහගතය.
රටේ බාහිර ගෙවුම් ශේෂය: ධන සිට සෘණ දක්වා
ගරු කථානායකතුමනි, රටක සාර්ව ආර්ථික සාධක වල තවත් ඉතා වැදගත් අංගයක් වන්නේ එම රටේ විදේශ ගෙවුම් ශේෂයයි. අපගේ රජය සමයේදී, මෙම සාර්ව ආර්ථික සාධකය මනාව කළමණාකරණය කරමින්, 2014 වසරේදීද, ඊට පෙර වසර වලදීද, සැළකිය යුතු ප්‍ර‍ගතියක් ලබා ගත්තා.
2014 වසරේදී,එම ශේෂය ඇමරිකානු ඩොලර් මිලියන 1,369 ක සුභවාදී අතිරික්තයක් බවට පත් කර ගැනීමට අපිසමත් වුනා. එමෙන්ම,2014 දී සහ ඊට පෙර කාලයේදී, ඛණිජ තෙල් බැරලයක මිල ඇමරිකානු ඩොලර් 80 සිට 140 අතර විචල්‍ය වුවද, මෙම බාහිර වෙළද ශේෂය මනා ලෙස පාලනය කරමින්, විදේශ ගෙවුම් ශේෂය අතිරික්තයක් බවට පත් කර ගැනීමට,අපි සමත්වුනා.
එහෙත්,2015 සහ 2016 යන වසර දෙකේදීම,මේ හවුල් රජයේ අදූරදර්ශී ප්‍ර‍තිපත්ති නිසා විදේශ ආයෝජන කඩා වැටුනා. අපනයන ආදායම පිරිහුනා. මැදපෙරදිග ප්‍රේශණ අඩුවුනා. තවද, 2015 සහ 2016 වසර වලදී තෙල් බැරලයක මිල ඇමරිකානු ඩොලර් 28 සිට 60 අතර විචල්‍ය වුවද, මේ හවුල් රජයට ජාත්‍යන්තර වෙළද පරතරය අඩු කර ගැනීමටත්බැරිවුනා. එපමණක් නොව, එම පරතරය දැවැන්ත ලෙස වැඩි කරගත්තා. ඒ නිසා, එම වසර දෙක තුළදී,ඉතා ඉහල පොලි අනුපාතයන් ගෙවාජාත්‍යන්තර සෛරී බැදුම්කර නිකුත් කළද, විදේශ ගෙවුම් ශේෂය, ඇමරිකානු ඩොලර් බිලියන 2 කපමණ හිගයක් වාර්තා කලා.
මෙම තත්ත්වය නිසා,ශ්‍රී ලංකා රුපියලේ අගයද සෑහෙන පීඩනයකට යටත්වූවා. ඒ අතර, අපනයනයන් තව දුරටත් වැඩි කරගන්නට විශාල උත්සාහයක් දරන්නට සිදුවූ නිසා, අප රටට දිගුකාලීනව ඉතා අවාසිදායක වන කොන්දේසි 27 කට යටත්ව, යුරෝපා සංගමය සමග GSP+ප්‍ර‍ශ්නකාරී ගිවිසුමකට එළඹෙන්නටද රජයටසිදු වුනා.
එහි අයහපත් ප්‍ර‍තිවිපාක අප සියලු දෙනාටම නොබෝ කාලකින් විදින්නට සිදු වන අතර, ඒ පිළිබද පුලුල් කථිකාවක් ආරම්භ කිරීමට දැන් කාලය එළඹී ඇතැයිද මා සිතනවා.
එනවයි කියූ විදේශ ආයෝජකයින් කෝ ?
ගරු කථානායකතුමනි, 2006 සිට 2014 කාලය තුළදී,රටට ගලා එන සෘජු විදේශ ආයෝජනය ක්‍ර‍මයෙන් වැඩිකරගනිමින්, 2014 වන විට, එම අගය ඇමරිකානු ඩොලර් මිලියන 1,635 දක්වා ඉහල නංවා ගැනීමට අප රජය සමත් වුනා.
එහෙත්, එම ආයෝජන ඉතා සුලු යයි පවසමින්, ඊට වඩා දහගුණයකින් පමණ නව විදේශ ආයෝජනඅප රටට ගෙන එනවා යයි, මේ හවුල් ආණ්ඩුවේ නායකයින් පවසනවා අපට මතකයි. ඔවුන් තව දුරටත් එදාකියා සිටියේ, ඔවුන් රජය භාරගත් විගසම විදේශ ආයෝජන ඇමරිකාවෙන්, ඉන්දියාවෙන්, යුරෝපයෙන් මෙරටට ගලා ඒම නවත්වන්නට බැරිවන බවයි. ආයෝජන විශාල ලෙස ගලා එන බව ඔවුන් පැවසුවා.
තවද, චීනය ආර්ථික ඝාතකයෙකු යයි කියමින්, චීන ආයෝජන නවත්වනවායයිදඔවුන් කිව්වා. හම්බන්තොට වරාය පිහිනුම් තටාකයක්ද, නොරොච්චෝලේ ගල් අගුරු බලාගාරය හැම විටම කඩා වැටෙන සුදු අලියෙක්ද කිව්වා. අධිවේගී මාර්ග කන්නද කියලා ඇහුවා.ඒ ආකාරයට, අප රජය කාලයේදී මෙරටට යොමුවූ සියලුම ආයෝජන වලට අපහාස කළා. එපමණක් නොව,හවුල් රජය බලයට පත්වු වහාම, චීන ජනාධිපති ශි ජින් පිං මැතිතුමා සහ මා අතින් ආරම්භ කළ ඇමරිකානු ඩොලර් බිලියන 1.4 ක “පොර්ට් සිටි” ව්‍යාපෘතිය,විවිධ චෝදනා එල්ල කරමින් නතර කලා. මත්තල ගුවන්තොටුපොළේ වී ගබඩා කළා. එහි තිබූ පුටු මේස ගලවා විසී කලා. අප රජය ආරම්භ කොට තිබූ ව්‍යාපෘති රාශියක්ඕනෑකමින්ම අඩපණ කලා. විවිධ දේශීය සහ විදේශිය ආයෝජකයන්ට සහ ව්‍යාපාරිකයින්ට චෝදනා එල්ල කලා. ඔවුන්ට දිගින් දිගටම බැණ වැදුනා. සමහර ආයෝජකයින් FCID ට දක්කගෙන ගියා. එහිදී පැය ගණන් ඔවුන් ප්රශ්න කළා. පාර්ලිමේන්තුවේ ඔවුන්ගේ නම් කියාඔවුන්ට අපහාස කලා. ඔවුන්ගේ පවුලේ අයවත්භය කලා.
මේ වගේ ක්‍රියාවලි හරහා, රටේ පවතින ආයෝජන වාතාවරණය මේ හවුල් නායකයින් දැඩි ලෙස අර්බුධයට ලක් කළා. ඒ හේතුව නිසා, රටට ගලා එමින් තිබූ සෘජු විදේශ ආයෝජන දැවැන්ත ලෙස කඩා වැටුනා.
අද, ජනාධිපතිවරයාද, අගමැතිවරයාද, ඇමතිවරුන්ද, තම දරුවන් සහ මිත්‍ර‍යින් සිය ගණන් පිරිවරාගෙන, විදේශ ආයෝජන සොයමින් ලෝකය වටේම සංචාරය කරනවා. එහෙත්, අපගේ රජය කාලයේදී ආරම්භකොට තිබූ ආයෝජන වලට අමතරව, වෙනත් කිසිදු ආයෝජනයක් තවමත් මෙරටට ගෙනෙන්නට ඔවුන් සමත්වී නැත.
ඒ අතරම, මේ හවුල් රජයේ නායකයින් කියූ බොරුත් දැන් අතේ පත්තු වෙනවා. උදාහරණයක් වශයෙන්, ජර්මනියේ වොක්ස්වැගන් සමාගම දැවැන්ත ආයෝජනයක් අප රටට ගෙනාවයි කියලා ඔවුන් දිනපතාම කිව්වා. එම වර්ගයේ මෝටර් රථ නිෂ්පාදනය කරන්නට විශාල කර්මාන්ත ශාලාවක් කුලියාපිටියේ ඉදිකරනවා යයි කිව්වා. ඒ හරහා 25,000 කට රැකියා ලබා දෙනවායි කිව්වා. ඒ සදහා තරුණ තරුණියන්ගෙන් අයදුම්පත්ද ලබා ගත්තා. ඒ කියපු සියල්ලම සම්පූර්ණ අසත්‍යයක්බව අද වන විට මුලු රටටම ඔප්පු වෙලා ඉවරයි. වෙනත් දේ පිළිබදව අසත්‍ය ප්රකාශ කළා වගේම, මේ වොක්ස්වැගන් ආයෝජනයපිළිබදවත් ප්රකාශ කර ඇත්තේ මහත් බොරුවක් බව අප රටේ මුලාවූ තරුණ තරුණියන්ට දැන් පැහැදිළි වෙලා තියනවා.ඒ අතරම, බොරුවෙන් දිගටම ආර්ථිකයක් කළමණාකරණය කළ නොහැකි බවද අද ජනතාවට හොදටම වැටහී තියෙනවා.
විදේශ සංචිත භයානක ලෙස අඩුවෙලා
ගරු කථානායකතුමනි, ඕනෑම රටක, ජාත්‍යන්තර ආර්ථික සහ මූල්‍ය කම්පා සහ අර්බුධ වලට මුහුණදීමේ ශක්තිය පිලිඹිබු වන්නේ, එම රටෙහි විදේශ සංචිත වල ප්රමාණය මතය. ඒ අනුව,අප රජය, 2005 දී ශ්‍රී ලංකාවට තිබූ විදේශීය සංචිත ඇමරිකානු ඩොලර් බිලියන 2.7ක්වූ අඩු අගය,ක්‍ර‍මයෙන් වර්ධනය කර ගනිමින්, 2014 අවසානය වන විට ඇමරිකානු ඩොලර් බිලියන 8.2 දක්වා ඉහල නංවාලීමටසමත්වුනා. එම සංචිත
ප්රමාණය මාස 5.1 ක ආනයනයන්ට සමාන අගයක් වීමද බොහෝ දෙනාගේ විශ්වාසය දිනා ගන්නට තුඩු දුන් කරුණක් වුනා.
එහෙත්, හවුල් රජයේ ආර්ථික කළමණාකරුවන් මෙම වැදගත් සාර්ව ආර්ථික විචල්‍යය අදක්ෂ ලෙස පාලනය කළ නිසා, අප රටේ විදේශ සංචිත සීග්‍ර‍යෙන්කඩා වැටුනා. එසේ වීමෙන්, 2015 අවසානය වන විට ඇමරිකානු ඩොලර් බිලියන 7.3 ක් දක්වාද, 2016 අවසානය වන විටඇමරිකානු ඩොලර් බිලියන 6.0 දක්වාද,අප සංචිත කඩා වැටුන බව මහ බැංකු දත්ත පෙන්වා දෙනවා. තවද, 2017 වසරේදීද, රටේ විදේශ සංචිත පවතින්නේ ඇමරිකානු ඩොලර් බිලියන 7.0 ක පමණ අඩු අගයක බවත් වාර්තා වෙනවා. ඒ අනුව, ශ්‍රී ලංකාවේ ජාත්‍යන්තර ශක්තිය සැළකිය යුතු මට්ටමකට අඩපණ වී ඇති අතර, නුදුරු අනාගතයේදී එම අසීරු තත්ත්වයෙන් මිදෙන බවක් නොපෙනේ.
මේ සංචිත ආශ්‍රිත කථාවේ විශේෂත්වය නම්, මේ රජයේ 2020 දී විදේශ සංචිත ඉලක්කය, 2014 දී අප වාර්තා කර තිබූ සංචිත අගය වීමයි! එයින් පෙනී යන්නේ, අවුරුදු 6 කට පසු, මේ හවුල් රජයේ ඔස්තාර්ලාගේ බලාපොරොත්තුව වන්නේ අප රජය කාලයේදී තිබූ සංචිත අගය වෙතට නැවත ළගාවීමයි!
රුපියල මස්ත බාල්දුවට ලක් වෙයි
ගරු කථානායකතුමනි, 2006 සිට 2014 දක්වා ඇමරිකානු ඩොලරයට සාපේක්ෂව ශ්‍රී ලංකා රුපියල අවප්‍ර‍මාණය වූයේ සාමාන්‍යයෙන් වසරකට 3.3% පමණකි. මෙම අවප්‍ර‍මාණය, 1977 දී අප රටේ ආර්ථිකය විවෘත කලායින් පසුව, ශ්‍රී ලංකා ඉතිහාසයේම වසර 9 ක කාලයකදී වාර්තා වූ අඩුම අවප්‍ර‍මාණයි. ඒ අතරම, 2014 වසරේදී, රුපියලේ අවප්‍ර‍මාණය 1% කටත් වඩා අඩු ප්‍ර‍මාණයකට සිමා වී තිබුණි. මෙයින්ද පෙනී යන්නේ 2014 අවසානය වන විට,ශ්‍රී ලංකා රුපියල ස්ථාවර මට්ටමක රුදී තිබූබවය.
එහෙත්, මෙම තත්ත්වයට හාත්පසින්ම වෙනස් තත්ත්වයක් මෙම හවුල් රජය යටතේ වාර්තා වී තිබෙනවා. එනම්, 2015.01.01 සිට 2017.11.10 දක්වාවසර 3 කට වඩා අඩු කාලයකදී,රුපියලේ අගය 17% කින් පමණ දැවැන්ත ලෙස අවප්‍ර‍මාණය වීමයි. මේ
හේතුවෙන්, ශ්‍රී ලංකාවේ රාජ්ය ණයභරතාවයද සීග්රලෙස වැඩිවෙමින්, 2015 දී පමණක් රුපියලේ අවප්‍ර‍මාණය නිසා, රාජ්ය ණය රුපියල් බිලියන 286 කින්ද, 2016 දී රුපියල් බිලියන 141 කින්ද, වැඩිවී ඇතැයි මහ බැංකුව වාර්තා කොට තියනවා.
මෙම භයානක තත්ත්වය මේ ආකාරයටම පැවතුනහොත්, ශ්‍රී ලංකාවදැන් ගොදුරු වී තිබෙන දැවැන්ත ණය අර්බුදයෙන් අප රටට ගොඩ එන්නට ඉතා අපහසු වෙනවා නොඅනුමානයි. එමෙන්ම එළඹෙනවිදේශ විනිමය හිගයට මුහුණ දෙන්නට ඉතා අසීරු වෙනවා. සීග්‍ර ලෙස වැඩිවෙන පොලී අනුපාත පාලනය කරන්නටත් නොහැකි වෙනවා.
බාහිර කම්පා/අර්බුධ වලට මුහුණ පෑමට දැන් ශක්තියක් නැහැ: ජාත්‍යන්තර ණය ශ්‍රේණි වලින් පහලට
ගරු කථානායකතුමනි, 2014 වසරෙන් අවසන් වන අවුරුදු 9 කාලය තුළදී ශ්‍රී ලංකාව දැවැන්ත ජාත්‍යන්තර සහ දේශීය ආර්ථික අභියෝග වලට මුහුණ දුන්නා. එම කාලය තුළදී ලෝකයේ භයානකම ආහාර අර්බුධයද, ලෝකයේ උග්‍ර‍තම තෙල් අර්බුධයද, ලෝකයේ දරුණුමආර්ථික අර්බුධයද, ලෝකයේ තියුණුමබැංකු අර්බුධයද, ලෝකයේ දැවැන්තම ණය අර්බුධදයද, වාර්තා වුනා. එම අර්බුධ ඉදිරියේ බොහෝ රටවල් විනාශ වුනා. පසුබෑමට ලක්වුනා. අප රටටත් මේ සියලු අර්බුධ වල පීඩා දැනුනා. බලපෑවා. එහෙත් ඒවාටමුහුණ දෙන්නට අපට හැකිවුනා. ඒවායේ අයහපත් විපාක අප ජනතාවට ගලා යෑමඅපි වලක්වා ගත්තා. අප ඒවාට අවශ්‍ය උපායමාර්ග හදුනාගෙන, ඒවා ක්‍රියාත්මක කළා.
ඒ අතරම,දේශීය මට්ටමෙන්ද දැවැන්ත ආර්ථික අභියෝග වලට, අපි මුහුණ දුන්නා.වසර 30 ක යුද්ධයක් කරද්දීද, එය අවසන් කරද්දිද, යුද්ධය තිබු පලාත් නැවත ප්‍ර‍තිසංස්කරණය කරද්දීද, මතුවූ ප්රශ්න වලට අපි මුහුණදී විසදුම් ක්‍රියාත්මක කලා. ඒ කාලයේදී, අපි රටට අවශ්‍ය ජාත්‍යන්තර ණයක් ලබා ගන්නට වෑයම් කරද්දී, සමහර නායකයින් ජාත්‍යන්තර බැංකු වැටලුවා. ඒ නායකයින් බලයට ආවහොත්, එසේ ලබා ගන්නා ණය, ආපසුගෙවන්නේ නැතැයිද පැවසුවා. අපි ඒ අභියෝග වලටත් මුහුණ දුන්නා. ඒවත් ජය ගත්තා. ඒ සමගම, අපි රට සහ ආර්ථිකය ස්ථාවර කලා.
ඒ කාලයේදී, අපට ණය ගෙවන්න බැහැ යයි කියමින් අපි හඩා වැලපුනේ නැහැ. ජාත්‍යන්තර ආයතන වල පද වලට නැටුවේ නැහැ. වෙළඳ වාසි ලබා ගන්නට රට පාවා දුන්නේ නැහැ. එහෙත් රට සංවර්ධනය කරන්නට අපේ මුලු ශක්තියම යෙදුවා. එමගින් අපි ජාත්‍යන්තර ආර්ථික කේෂ්ත්‍ර වල පුලුල් විශ්වාසය දිනා ගත්තා. එසේ කරමින්, ඒ සියලුම අභියෝග මධ්‍යයේ අප රට ආර්ථිකයේ කිසිදු කම්පාවක් නොදැනෙන ලෙසද, ජනතාවට කිසිදු ගෝලීය පීඩනයක් කාන්දු නොවන ලෙසද, ජනතාවට හිමි සහනාධාර කප්පාදු නොකරමින්ද, රටේ සාර්ව ආර්ථික විචල්‍යන් රැකගනිමින්ද, අප රටේ ආර්ථිකය ඉදිරියට ගෙන ගියා. එම තත්ත්වය සනාථ කරමින්, ජාත්‍යන්තර ණය ශ්‍රේණිගත සමාගම් සියල්ලන්ම ශ්‍රී ලංකාව ධනාත්මක හෝ ස්ථාවර දැක්මක් සහිත,ක්‍ර‍මයෙන් ඉහල මට්ටමකට යොමු වන ණය ශ්‍රේණියක වාර්තා වර්ගීකරණය කළා.
එහෙත්, අප රටේ අවාසනාවට, මේ හවුල් රජය යටතේ, කිසිදු ගෝලීය අභියෝගයක් නොමැතිවද, ලෝක තෙල් මිල වසර 20 කින් පමණ අඩුම අගයක පැවතියද, රටේ ණය ශ්‍රේණිය තිබූ මට්ටමේවත් පවත්වා ගෙන යන්නට අසමත් වී තිබෙනවා. ඒ අනුව, මේ වන විට, ශ්‍රී ලංකාවේ ණය ශ්‍රේණිය, සියලුම ශ්‍රේණිගත කරන සමාගම් විසින් පහල හෙලා දමා තිබෙනවා. ඒ අතර, ශ්‍රී ලංකාව පිළිබදව ඔවුන් සියල්ලන්ගේම දැක්ම “සෘණ”යයිද, ඔවුන් වාර්තා කර තියෙනවා. මෙයින් සනාථ වන්නේ ශ්‍රී ලංකාවේ ආර්ථිකය පිරිහීම ජාත්‍යන්තරවද පිළිගෙන හමාර බවය.
අය-වැය පරතරය ඉහලට: රාජ්ය ගිණුම් පිළිගත නොහැකි යැයි විගණකාධිපතිවරයාගෙන් චෝදනා
ගරු කථානායකතුමනි, 2009 දී වසර 30 ක යුද්ධය අවසන් කළ පසු, 2010 සිට ශ්‍රී ලංකාවේ අය-වැය පරතරය ක්‍ර‍මක්‍ර‍මයෙන් අඩුකර ගැනීමටඅපගේ රජය සමත්වුවා. ඒ අනුව, 2014 දී අයවැය පරතරය දළ දේශීය නිශ්පාදිතයේ ප්‍ර‍තිශතයක් වශයෙන් 5.7% ක අගයකට අඩුකර ගැනීමට අපට හැකි වුනා.
එහෙත්, 2015 දී, එම ප්‍ර‍වණතාවය ආපසු හැරුනා. රජයේ ලේඛන වලට අනුව, අයවැය පරතරය 7.4% ලෙස වාර්තා වුවද, විගණකාධිපතිගේ වාර්තාව අනුව, එම පරතරය
10.5% ක් බව ඔහු ප්රකාශ කලා. එපමණක් නොව, අප ඉතිහාසයේ පළමු වරට, 2016 ශ්‍රී ලංකා රජයේ ගිණුම් පිළිබදව, තමාට අදහසක්වත් පළ කරන්නට නොහැකියයි විගණකාධිපතිතුමා වාර්තා කලා. මෙය අතිශයින් බරපතල චෝදනාවක් වුවත්, යහපාලනය ස්ථාපනය කරන්නේ යයි පවසා බලයට ආමේ හවුල් රජය, ඒ පිළිබදව තවමත් කිසිවක් කියලත් නැත; කරලත් නැත.
ශ්‍රී ලංකාව: ජාත්‍යන්තර වර්ගීකරණ වලින් දැවැන්ත පසුබෑමක්
ගරු කථානායකතුමනි, තවත් ඉතා කණගාටුදායක කරුණක් මට ඉදිරිපත් කරන්නට සිදු වෙනවා. එනම්, විවිධ ජාත්‍යන්තර වර්ගීකරණයන්ට අනුව, පසුගිය වසර 2 ½ තුළදි ශ්‍රී ලංකාවේ තත්ත්වය/මට්ටම, දැවැන්ත ලෙස කඩා වැටීමක් සිදුවී ඇති තොරතුරුයි.
විවිධ ජාත්‍යන්තර ආයතන, විවිධ කේෂ්ත්‍ර හරහා රටවල් වර්ගීකරණය කරමින්, එක් එක් වසරකදී, ඒ ඒ රටවල් පවතින මට්ටම වාර්තා කරන බව අපි දන්නවා. ඒවා ආශ්‍රිතව, ශ්‍රී ලංකාව, 2014 දී පැවති සහ 2017 දී පවතින මට්ටම පිළිබදව, යම් සැලකිල්ලක් යොමු කිරීම යෝග්‍ය යයි මා සිතනවා.
එසේ කරද්දී, අපට පෙනෙන තොරතුරු මෙසේය.
නීතියේ ආධිපත්‍ය – 2014 දී ශ්‍රී ලංකාව ලෝකයේ 48 වන ස්ථානයේ පසු වුවද, මේ වන විට, 68 වැනි ස්ථානයට කඩා වැටී ඇත.
ආර්ථික නිදහස– 90 සිට 112 දක්වා පහලට:
ව්‍යාපාර කිරීමේ පහසුතාවය– 89 සිට 111 දක්වා පසුබෑමට:
ජාත්‍යන්තර තරගකාරිත්වය– 68 සිට 85 දක්වා පිරිහීමකට:
දූෂණ ප්‍ර‍ත්‍යක්ෂය– 2014 දී දූෂිත යයි කියූ අප රජය යටතේ 85 වැනි ශ්‍රේණියේ:
2017 දීයහපාලනය මෙරටට ගෙනෙන්නේ යයි මොර හඩින් කෑ ගැසූ මෙම හවුල් රජය යටතේ 95 වැනි ස්ථානයට බිඳ හෙලීමකට:
මිනිස් සංවර්ධනය අතින් පමණක්, ශ්‍රී ලංකාව 2017 දී, 2014 දී පැවති 73 වන ශ්‍රේණියේම රැදී සිටීමට සමත් වුනි.
එපමණක් නොව, ඉහත කී බොහෝ වර්ගීකරණයන්ට අනුව, දකුණු ආසියාවේ රටවල් අතරින් පවා, 2014 දී ශ්‍රී ලංකාව පළමු හෝ දෙවැනි ස්ථානයෙහි පසු වුවද, 2017 වන විට, දකුණු ආසියාවේද, ශ්‍රී ලංකාව තුන්වැනි හෝ හතරවැනි තැනට ඇද වැටී ඇත.
ශ්‍රී ලංකාව : කොයිබටද?
ගරු කතානායකතුමනි, මා මෙතෙක් කළ විග්‍රහයන් හරහා අපට පැහැදිලි වන්නේ ශ්‍රී ලංකාවේ ආර්ථිකය අද වනවිට ඉතා භයානක සහ අර්බුදකාරී තත්ත්වයකට පත්වී ඇති බවය.
මෙම තත්ත්වය අපට සමාන කළ හැක්කේ ඉතා දැවැන්ත කුණාටුවකට ගොදුරුවී ඇති කුඩා නැවක් කිසිදු පාලනයකින් තොරව මහ මුහුදේ නිදැල්ලේ පාවෙන හා සමාන තත්ත්වයකටය. එපමණක් නොව, මේ නැව හසුරවන්නේ වෛරයෙන් සහ ක්‍රෝධයෙන් පෙළෙන, එකිනෙකාට යටින් කුමන්ත්රණය කරන හිතුවක්කාර කපිතාන්වරු දෙදෙනක්ය. එසේනම්, මෙම නැවේ ගමන් කරන මගීන්ගේ ඉරණම ගැන බලාපොරොත්තු තියා ගන්නට අතිශයින් අපහසු බව ඕනෑම කෙනෙකුට වැටහෙනවා ඇත.
ගරු කතානායකතුමනි, මා මෙතෙක් පෙන්වා දුන් අප රටේ සියලුම සාර්ව ආර්ථික සාධක පාහේ ගමන් කරන්නේ නියමිත දිසාවට නොව ඊට ප්‍රතිවිරුද්ධ දිසාවට බව ඕනෑම කෙනෙකුට දැන් පැහැදිලිය.එමෙන්ම, අද අප රට ඉතා හානිකර පුනාවර්තන හේතු-ඵල චක්‍රයකට (vicious cycle) ගොදුරු වී ඇති බවත් පෙනේ. එයින් ගැලවෙන්නට නම්, අපගේසාර්ව ආර්ථික විචල්‍යයන් යහපත් දිසාවකට යොමු කර ගත යුතු වන්නේය.
අද මේ රටේ ආර්ථිකය පාලනය කරන කණ්ඩායමට නම් එසේ කිරීමට දැක්මක් හෝ ශක්තියක් හෝ නොමැති බව ඉතා පැහැදිලිය. ඒ අය දිනෙන් දිනම අප රටේ ආර්ථිකයද දේශපාලනික ව්‍යුහයද අගාධයටම ඇදගෙන යන බව පැහැදිලිය. වැඩි කලක් යන්නට මත්තෙන් මෙම චක්‍රයෙන් අප රට ගලවා නොගතහොත්, කිසිදාක රට ගලවාගත නොහැකි භයානක තැනකට යොමුවෙනවාද අනුමානය.
එසේනම් මේ දූෂිත සහ අදක්ෂ පාලකයන් ඉතා ඉක්මනින්ම ගෙදර යැවිය යුතුමය. එම කාර්යභාරය සතුව තිබෙන්නේ අප රටේ ජනතාවට ය. අප රටේ ජනතාව එම කාර්යභාර්ය ඉෂ්ට කිරීමට මහත් උනන්දුවකින් සිටින බවත් අපට දැන් පැහැදිලිය. අවුරුදු දෙකහමාරකකාලයක් තිස්සේ, මේ රජය පලාත් පාලන මැතිවරණය කල් දමමින් සිටියේ ඔවුන් ජනතාවගේ මතය හොඳින් තේරුම්ගෙන ඇති නිසාය. තවද, මේ රජය 2017 සැප්තැම්බර් මාසයේදී කල තවත් උප්පරවැට්ටියක් හරහා, පළාත් සභා මැතිවරණද කල් දැමීමට ගත් උත්සාහය මුලු රටම අද පිළිකුල් කරනවා. මෙවැනි උප්පරවැට්ටි හරහා ජනතාවගේ අභිලාශයන් යම් ආකාරයකට තාවකාලිකව කල් දැමීමට මේ කපටි නායකයන්ට හැකි වුවත්, එළඹෙන ජනතා බලවේගය මේ හවුල් රජයට මැඩපවත්වන්නට පුලුවන් කමක් නැත. ඒ නිසා, නොබෝ දිනකින්, මැතිවරණයක් පවත්නා කුමන දිනයක හෝ මේ ජනතා අභිලාශය ඉස්මතු වෙන බව මා මේ හවුල් රජයට මතක්කර දෙන්නට ඕනේ. එවිට ජනතාවගේ සාමුහික මතය නැවත වරක් කරලියට එනු ඇත.
එසේ වූවායින් පසුව, අප රටේ දේශපාලන ප්‍රශ්ණ වලට පමණක් නොව, රටේ ආර්ථිකය නංවාලීමටනව කණ්ඩායමකට අවස්ථාවක් උදාවනු ඇත. ඒ තාක්කල් අප රටට ආදරය කරන සියලු දෙනාම මෙම රජය ගෙදර යැවීමේ උත්සාහයට අපගේ මහඟු සහයෝගය ලබා දෙන ලෙස මා ඉල්ලමි.
එමෙන්ම, දැඩි පීඩන සහ මර්ධන ඉදිරියේදීද විශාල කැපවීමකින් අප රටට ආදරය කරන බොහෝ දෙනෙක් අපට නොමසුරුව සහයෝගය ලබා දෙන බව මා මතක් කර දෙන්නටත් ඕන. ඒ සියළු දෙනාටම මාගේ හෘදයාංගම ස්තුතිය සහ ගෞරවය පළ කරන්නටද මා කැමතියි.
අපේ රට විවිධ අභියෝග වලට මුහුණ දෙන සෑම අවස්ථාවකදීම අප රටට ත්‍රිවිධ රත්නයේ ආශිර්වාදය සහ සියලු දෙවියන්ගේ පිහිට තුලින් අපට දිගින් දිගටම ඉදිරියට යන්නට හැකි වී තිබෙනවා. එම ආශිර්වාදය ඉදිරියේදීත් ලබාගෙන, අපේ මාතෘ භූමියඇද වැටී තිබෙන අගාධයෙන් නැවත ගොඩ ගැනීමට අප සියලු දෙනාටම ආශිර්වාදය ලැබේවා කියා ද මා ප්‍රාර්ථනා කරනවා.
ගරු කථානායකතුමනි, මා හට ලබා දුන් මේ අවස්ථාවට ඔබතුමාට මාගේ අවංක ස්තූතිය පලකරන්නටද කැමැත්තෙමි.
