Published on: Jan 13, 2020- අතුරුදහන් කිරීම්වලට ලක්වූ දෙමළ ජනයාගේ පවුල් දින 1,055 කට වැඩි කාලයක් උතුරු හා නැගෙනහිර දිගින් දිගටම පවත්වාගෙන යන අඛණ්ඩ විරෝධතාව නතර කිරිම සදහා ආරක්ෂක අමාත්‍යාංශය යටතේ විශේෂ මෙහෙයුමක් දියත් වෙමින් තිබේන බව උතුරේ අප දේශපාලන වාර්තාකරු සදහන් කළා.
මේ වනවිටත් රජයේ ආරක්ෂක කණ්ඩායම් සමග එක්ව උතුරේ රාජපක්ෂ කදවුරේ අමාත්‍ය ඩග්ලස් දේවානන්ද මේ වනවිටත් අඛණ්ඩ විරෝධතා නතර කිරිම සදහා එම කණ්ඩායම් බියවැද්දීමට කටයුතු කරමින් සිටි.
මේ අතර වවුනියාව නගරයේ අඛණ්ඩ උද්ඝෝෂණය සම්බන්ධිකරණ කරන ජෙයවානිතා කසිපිල්ලෙයි( Jeyavanitha Kasippillai) පොලිස් ත්‍රස්ත විමර්ශන අංශය (TID) විසින් කුප්‍රකට ත්‍රස්තවාදය වැළැක්වීමේ පනතට අනුව අද (13) හදිසියේ කැදවා ඇති අතර හදිසි පරික්ෂණයක් සදහා ඇය කැදවු බවද පොලිසිය සදහන් කර තිබේ. තමන්ගේ ස්වාමිපුරුෂයාද එම පරික්ෂණ සදහා කැදවාගෙන එන ලෙස ඇයට දැනුම් දි තිබේ.
ත්‍රස්තවාදය වැළැක්වීමේ පනත වෙනුවට ආදේශ කිරීමට නියමිතව තිබූ යෝජිත ත්‍රස්ත විරෝධී පනත ගෝඨාභය රාජපක්ෂගේ කැබිනට් මණ්ඩලය විසින් ප්‍රතික්ෂේප කල අතර උතුරේ ද්‍රවිඩයන් සහ දෙමළ කතා කරන මුස්ලිම්වරුන් සම්බන්ධයෙන් නරක ආකාරයට ක්‍රියාත්මක කරන බවයි උතුරේ ආරංචි මාර්ග සදහන් කළේ.පාස්කු ප්‍රහාරයෙන් පසුව දිවයිනේ දෙමළ කතා කරන මුස්ලිම්වරුන් ඉලක්ක කර දරුණු අකාරයට එය ක්‍රියාත්මක වන බවද වාර්තා වේ.
ත්‍රස්තවාදය වැළැක්වීමේ පනත එපා….
මේ අතර ත්‍රස්තවාදය වැළැක්වීමේ පනත (PTA ) වෙනුවට ජාත්‍යන්තර මානව හිමිකම් බැඳීම්වලට ගරු කරන නීති සම්පාදනය කිරීමට ශ්‍රී ලංකා රජය කටයුතු කළ යුතු බව හියුමන් රයිට්ස් වොච් සංවිධානය (HRW) පවසයි.
ජනාධිපති ගෝඨාභය රාජපක්ෂ ආණ්ඩුව පසුගිය ජනවාරි 4 දා නිවේදනයක් නිකුත් කරමින් ප්‍රති ත්‍රස්ත පනත ඉල්ලා
අස්කර ගන්නා බව පැවසීම එක්සත් ජාතීන්ගේ මානව හිමිකම් කවුන්සිලයට සහ යුරෝපා සංගමයට දුන් පොරොන්දු
ප්‍රතික්ෂේප කිරීමක් බව එම සංවිධානය පෙන්වා දෙයි.
හියුමන් රයිට්ස් වොච් සංවිධානය පවසන්නේ ශ්‍රී ලංකාවේ මානව හිමිකම් සුරැකීමට තර්ජනයක් වන වෙනත් පියවර
ද ජනාධිපති රාජපක්ෂ විසින් ගෙන ඇති බවයි.
ලංකාවේ යුද්ධයේදී සිදුකළ මානව හිමිකම් කඩකිරීම් සම්බන්ධයෙන් චෝදනා ලබා සිටින හමුදා නිලධාරීන් ආරක්ෂක
ලේකම්වරයා ලෙස සහ ඇතැම් රජයේ තනතුරු සඳහා පත්කරන ලද බවත් පොලිසිය සහ අනෙකුත් සිවිල් ආයතන
ආරක්ෂක අමාත්‍යාංශය යටතේ තබාගෙන ඇති බවත් එම සංවිධානය පෙන්වා දෙයි .
2019 පෙබරවාරි මාසයේ යුරෝපා සංගමය සහ ලංකා රජය අතර පැවති සාකච්ඡාවලදී ත්‍රස්තවාදය වැළක්වීමේ
පනත අහෝසි කර ජාත්‍යන්තර ප්‍රමිතීන්වලට අනුකූල නව ත්‍රස්තවාදයට එරෙහි නීති හඳුන්වා දිය යුතු බව යුරෝපා
සංගමය පෙන්වා දුන් බව හියුමන් රයිට්ස් වොච් පවසයි.
එම සංවිධානය පවසන්නේ එම නිසා නව රාජපක්ෂ රජය ඉතාම මර්දනකාරී ලෙස යොදා ගත හැකි ලෙස
පෙනෙන්නට තිබෙන ත්‍රස්තවාදය වැළක්වීමේ පනත අහෝසි කොට නව නීති හඳුන්වා දිය යුතු බවයි.
Published on: Jan 12, 2020 – භාරතගේ ඝාතකයා වි සිටින දුමින්ද සිල්වා ඉක්මනින්ම නිදහස් කර ගැනිම සදහා හිරූ හිමිකරු රේනෝ සිල්වා සහ රන්ජන් රාමනායක එක්ව කුමන්ත්‍රණයක් දියත් කර ඇති බව ජනාධිපති ගෝඨාභය රාජපක්ෂ මහතා සදහන් කර තිබේ.ජනාධිපතිවරයාගෙ ප්‍රධානත්වයෙන්, ආරක්ෂක ලේකම්වරයා,බුද්ධි අංශ ප්‍රධානියා ඇතුලු ආරක්ෂක ප්‍රධානින් හමුවි ඇති අතර එහිදි ගෝඨාභය ජනාධිපතිවරයා මෙම අනාවරණය කර තිබේ.
පසුගියදා රංජන් රාමනායක සහ විනිසුරුවරුන් සහ නීතිඥවරුන් ඇතුලු විවිධ පාර්ශවයන් සමග සිදුකල සංවාද රැසක් මේ වනවිට මාධ්‍යයට මුදාහැර ඇති අතර එම හඩපට මාධ්‍යයට ලැබිම සම්බන්ධයෙන් රංජන් විසින් සිදුකරන ප්‍රකාශ සම්පූර්ණයෙන්ම අසත්‍ය බවත් ඒය කුමන්ත්‍රණයක් බවත් ජනාධිපතිවරයා එහිදි පෙන්වා දුන් බව ආරක්ෂක ප්‍රධානියෙකු අප ආරක්ෂක වාර්තාකරු සමග පවසා තිබේ.
පොලීසිය හදිසියේම රංජන්ගේ නිවස වැටලීම සම්බන්ධයෙන් මේ දක්වා නිශ්චිත හේතුවක් දක්වා නොමැති බවත් ඔනෑකමින්ම පොලිසිය නිවසට ගෙන්වා ගනිමින් හඩපට සමාජ ගත කිරිම සදහ කුමන්ත්‍රණයක් සිදුකර ඇති බව දැනට බුද්ධි අංශ විසින් සිදුකල පරික්ෂණ වලදි අනාවරණය කරගෙන තිබේ.
දුමින්ද සිල්වාට ලබාදුන් අධිකරණ තින්දුව සම්බන්ධයෙන් මේ වනවිට සමාජය තුල වැරදි මතයක් නිර්මාණය කර ඇති බවත් ඒ හරහා දුමින්දට ජනාධිපති සමාව ලබාදිමට තමාව පොළඹවාලීම ඔහුන්ගේ කුමන්ත්‍රණය බවයි ගෝඨාභය ජනාධිපතිවරයා එහිදි පෙන්වා දි ඇත්තේ.
තමන් දුමින්දව නිදහස් කිරිමට කිසිවිටෙකත් පැකිලෙන්නේ නැති බව ගෝඨාභය එහිදි සදහන් කර ඇති අතර මාර්තු මාසයේ පැවැත්වෙන් එක්සත් ජාතීන්ගේ සංවිධානයේ සැසි වාරයෙන් පසු තමන් දුමින්ද නිදහස් කරන බවද රේනෝ සිල්වාට පොරොන්දු වු බවද ගෝඨාභය එහිදි සදහන් කර තිබේ.
රැට …රැට දුමින්ද ගේදර යයි….
මේ අතර මරණ දඬුවම් නියමව සිටින දුමින්ද සිල්වා බන්ධනාගාරයේ ගිලන් රථයකින් සිය නිවසට රාත්‍රීයේ රහසේම යන බව මේ වනවිට අනාවාරණය වි තිබේ. ගෝඨාභය රාජපක්ෂ මහතා ජනාධිපති විමෙන් පසුව අවස්ථා ගණනාවකදි දුමින්ද සිය සහෝදරයාගේ නිවසට ගොස් ඇති අතර රාත්‍රීය එහි ගත කර අලුයම යලිත් බන්ධනාගාරයට පැමිණෙන බව තහවුරු වි තිබේ.
ගෝඨාභය සහ දුමින්ද සබඳතාවය…..
එවකට ආරක්ෂක ලේකම්වරයා ලෙස කටයුතු කල ගෝඨාභය රාජපක්ෂගේ සමිපතමයෙකු ලෙස කටයුතු කල දුමින්ද ආරක්ෂක අධික්ෂණ මන්ත්‍රීවරයෙකු ලෙසද කටයුතු කල අයෙකි.කොලොන්නාවේ මත්ද්‍රව්‍ය බෙදා හැරීම සම්බන්ධයෙන් ද එවකට දුමින්දට එරෙහිව දැඩිව චෝදනා එල්ල වු තිබු අතර ගෝඨාභයගේ බලය භාවිතා කරමින් සිය මත්ද්‍රව්‍ය ජාවාරම රිසිසේ සිදුකිරිමට දුමින්ද කටයුතු කල බවද නොරහසකී. වෙඩි වැදිමත් සමග ගෝඨාභය දුමින්ද බැලිම සදහා රෝහලට පැමිණියේ සෙරෙප්පු දෙකක් වත් නොමැතිව බව නොරහසකි.රජයේ සියලු වරප්‍රසාද සහිතව දුමින්දව විශේෂ යානයකින් සිංගප්පූරුව බලා රැගෙන යාමට කටයුතු කිරිමටද ගෝඨාභය එවකට කටයුතු කලහ.
භාරත ඝාතක දුමින්දට දුන් තීන්දුව…
2011 වසරේ ඔක්තෝබර් 08 වැනිදා පළාත් පාලන මැතිවරණයේ ඡන්දය ප්‍රකාශ කර පැය දෙකක් ගතවිමට පෙර හිටපු පාර්ලිමේන්තු මන්ත්‍රීවරයෙකු මෙන්ම මහින්ද රාජපක්ෂගේ උපදේශකයෙකු වූ භාරත ලක්‍ෂමන් ප්‍රේමචන්ද්‍ර ඇතුළු සිව් දෙනෙකුට වෙඩි තබා ඝාතනය කළ බවට දුමින්ද සිල්වා ඇතුළු ඔහුගේ ආධාරකරුවන් පිරිසකට චෝදනා එල්ල වු අතර අදාළ චෝදනාවලට වැරදිකරුවන් වූ ඔහු ඇතුළු පස්දෙනෙකුට මරණීය දණ්ඩණය නියම කෙරුණේ, 2016 වසරේ සැප්තැම්බර් මස 8 වෙනිදාය.
තීන්දුව ලබා දුන් ත්‍රිපුද්ගල මහාධිකරණ විනිසුරු මඩුල්ලේ සාමාජිකයන් අතර සිටි පද්මිණි රණවක මහත්මිය සමග දුරකතනයෙන් රංජන් සවාදයක යේදි තිබුනු අතර ඒය භාවිතා කරමින් දුමින්ද වෙනුවෙන් ලබාදුන් තින්දුව නිවැරැදි බව දුමින්දගේ සහෝදරයාගේ හිරූ මාධ්‍ය ජාලය හරහා දිගින් දිගටම පහරදුන් අතර ඒ සදහා ප්‍රසිද්ධ හිමිවරුන් මෙන්ම දේශපාලකයින්ද යොදා ගැනිමින් සිටි.
නව සිංහල රාවය සහ නව සිංහලේ ජාතික රාවය යන සංවිධාන පසුගියදා අධිකරණ කොමිෂන් සේවා සභාව වෙත පැමිණිලි ඉදිරිපත් කරමින් ඉල්ලා තිබුණේ දුමින්ද සිල්වා වරදකරු කරමින් ඉහත කී විනිසුරුවරිය ඇතුළු විනිසුරු මඩුල්ලක් විසින් ලබා දෙන ලද නඩු තීන්දුව ශුන්‍ය කරන ලෙසයි.
පසුව දුමින්දගේ පාර්ශවය තින්දුවට එරෙහිව පෙත්සමක් ඉදිරිපත් කල අතර2018 ඔක්තෝම්බර් 11භාරත ලක්‍ෂමන් ප්‍රේමචන්ද්‍ර ඇතුළු සිව් දෙනෙකුට වෙඩි තබා ඝාතනය කළ බවට වැරදිකරු වූ හිටපු පාර්ලිමේන්තු මන්ත්‍රී දුමින්ද සිල්වාට පනවා තිබූ මරණීය දණ්ඩනය ශ්‍රේෂ්ඨාධිකරණයේ පංච පුද්ගල විනිසුරු මඩුල්ලක් හමුවේ යළි තහවුරු කළේය.
Published on: Jan 11, 2020 –ආණ්ඩුක්‍රම ව්‍යවස්ථාව වෙනස් කිරීම සඳහා එළඹෙන මහ මැතිවරණයේදී තුනෙන් දෙකක බහුතරයක් ලබා ගැනිම සම්බන්ධයෙන් මේ වනවිට මහින්ද පිළ සහ ගෝඨා පිළ අතර අර්බුද රැසක් මතුව තිබේන බව අප දේශපාලන වාර්තාකරු සදහන් කළා.මහා මැතිවරණයේදි 2/3 ක කෙසේවෙතත් මන්ත්‍රීධුර 120ක් දිනා ගැනිම තමන්ගේ එකම ඉලක්කය බව අග්‍රාමාත්‍ය මහින්ද රාජපක්ෂ පෙරේදා මහින්ද පිළ සමග පැවැති සාකච්ඡාවකදි අනාවරණය කර තිබේ.
1988 දී සමානුපාතික නියෝජන ක්‍රමය ක්‍රමය හඳුන්වා දුන් දින සිට මහ මැතිවරණ හතක් පැවති නමුත් ජයග්‍රාහී පක්ෂය අති බහුතරයක් රැස්කර ගත්තේ දෙවරක් පමණක් බව මතක් කල මහින්ද ඉන් එකක් 1989 දී ජනාධිපති රණසිංහ ප්‍රේමදාස යටතේ පැවති අතර අනෙක් අවස්ථාව වූයේ තමන් යුද්ධය අවසන් වූ විගස 2010 දී පැවැත්වු මැතිවරණය බවද පෙන්වා දි තිබේ.
නමුත් එම මැතිවරණ දෙකහිදිම ජනාධිපතිවරයා සහ ආණ්ඩුව බලය අසීමාන්තික භාවිතා කල බව පෙන්වා දුන් මහින්ද 2015දි සිරිසේන ජනාධිපති වි පසුව එජාපයද අමාරුවේ දමමින් නිදහස් සහ සාධාරණ මැතිවරණයක් පැවැත්විමට කටයුතු කිරිම නිසා එජාපයට අත්වුයේ සෙලවෙන බහුතරයක් බවද පෙන්වා දි තිබේ.2015 සහ 2020 තත්ත්වය අතර විශාල වෙනසක් නොමැති බව පෙන්වා දුන් මහින්ද විශේෂයෙන්ම සුළු පක්ෂ සම්පූර්ණයෙන්ම ප්‍රතිකේෂ්ප කිරිම මහා මැතිවරණයකදි දැඩි ලෙස බලපෑම් එල්ල කල හැකි බවද සදහන් කර තිබේ.
ගෝඨාභය රාජපක්ෂගේ කල්ලියේ මිළින්ද රාජපක්ෂ විසින් ගෙනයන අලුතින් 100ක් පාර්ලිමේන්තුවට යන වැඩසටහන සහ තවත් සිවිල් ක්‍රියාකාරින් පිරිසක් ගෙනයන අලුතින් 100ක් පාර්ලිමේන්තුවට යන් වැඩසටහන් සම්බන්ධයෙන්ද එහිදි අදහස් පලවි ඇති අතර 2020 මහා මැතිවරණයකදි අනිවාර්යයෙන්ම ගෝඨාභය රාජපක්ෂගේ මැදිහත් විමෙන් අලුතින් 100 දෙනෙකු කෙසේවෙතත් 70ක්වත් පාර්ලිමේන්තුව නියෝජනය කරනු ඇති බවත් ඒ අනුව ඉතිරි මන්ත්‍රීධුර කිහිපය පමණක් ඉතුරු සියලු දෙනා අතර බෙදියනු ඇති බව එහිදි මහින්ද පිලේ ප්‍රබලයන් පෙන්වා දි තිබේ.
“කොළඹ අපට ගන්න පුලුවන් 11 වගේ සර්ගේ(ගෝඨාභය) 5 දෙනෙක් කොළඹට ඉල්ලනවලු…එහෙම උනොත් ගොඩක් අය ගෙදර තමා…” “විජේදාස බලන්නේ ලැයිස්තුවේ උඩටම එන්න එකයි එයා සර්(ගෝඨාභය) වෙනුවෙන් කියලා ව්‍යවස්ථා සංශෝධන ගෙනාවේ…. විමල් දැන් වැඩිය සර්ගේ (මහින්දගේ ) වැඩවලට එන්නේ නෑ.. එයා බලන්නෙත් සර්ගේ(ගෝඨාභය) පහනෙන් එලිය බලලා ගොඩ යන්න.” මහින්ද පිලේ අමාත්‍යවරයෙකු දිගටම කියාගෙන ගොස් තිබේ.(නම අනාවරණය නොකරන ලෙස ඉල්ලිමක් කර තිබේ.)
තමන් 2020 මහා මැතිවරණයේදි කොළඹ දිස්ත්‍රිකයෙන් තරග කිරිමට සාකච්ඡා කල නමුත් ගෝඨාභය
ජනාධිපතිවරයා ඒ සම්බන්ධයෙන් වැඩි කැමත්තක් නොදැක්වු බවත් ඒ හේතුවෙන් තමන් මෙවර ගම්පහ
දිස්ත්‍රික්කයෙන් තරග කිරිමට තිරණය කල බවත් මහින්ද එහිදි සදහන් කර තිබේ.
දීර්ඝ කාලයක් හම්බන්තොට දිස්ත්‍රික්කය නියෝජනය කළ මහින්ද 2015 මහමැතිවරණය සඳහා ඉදිරිපත් වූයේ කුරුණෑගල දිස්ත්‍රික්කයෙනි.
Published on: Jan 11, 2020 – ඛනිජ තෙල් නීතිගත සංස්ථාවේ දෙමටගොඩ මුලස්ථානයේ සේවය කරමින් සිටියදි සිදුකල මුල්‍ය අක්‍රමිකතා හේතුවෙන් වැඩ තහනමට ලක්කර සිටි ඒකාබද්ධ විපක්ෂයේ වෘත්තීය සමිති නායකයෙකු ලෙස පෙනී සිටිමින් ‘ඛනිජතෙල් අර්බුදය’ ඇතිකිරිමට කටයුතු කල උග්‍ර මහින්ද වාදියෙකු වන බන්දුල සමන් කුමාර නැමත්තා කිසිදු පරික්ෂණයකින් තොරවම යලි සේවයේ පිහිටුවිමට කටයුතු කර තිබේ.
බන්දුල සමන් රාජපක්ෂගේ දින 52ක නීත්‍යානුකූල නොවු අගමැති ලෙස බලහත්කාරයෙන් පත්වි දෙවන දිනයේ කුලතිස්ස ගීගනගේ නැමති නාගරික මන්ත්‍රීවරයද සමග එක්ව ඛනිජ තෙල් නීතිගත සංස්ථාවේ දෙමටගොඩ මුලස්ථානයට කඩාවැදි ඛනිජ තෙල් සංවර්ධන හිටපු ඇමැති අර්ජුන රණතුංග ඝාතනය කිරිමට උත්සහ කල පුද්ගයාද වන අතර එය CCTV දර්ශන හරහා මෙන්ම අධිකරණය හමුවේ හෙලි වු ඇතැම් කරුණු මතද තහවුරු වුවකි.
2019 ඔක්තෝබර් 28 වැනිදා වැඩ තහනමට ලක්ව සිටියදි අර්ජුන ඝාතනය කිරීම සදහා ආණ්ඩුවේ කුලී මැර හමුදාව සමග පැමිණි බන්දුල සමන් එහිදි සිදුකල ගැටුම අතරතුර සිදුවු වෙඩි තැබිමෙන් සේවකයෙකු ජිවිතක්ෂයට පත්ව ආරක්ෂකයෙකුද තුවාල ලැබුවා.
එම මැර කුළී හමුදාවට සහ බන්දුලට ඇතුලට එමට උදවු කල ආරක්ෂක හා විමර්ශන කළමනාකරු ලෙස් එවකට කටයුතු කල MRST සමරසිංහද යලි සේවයේ පිහිටුවා ඇත්තේ කිසිදු විමර්ශනයකින් තොරවය.අර්ජුන රණතුංග මහතා ඝාතනය කිරිමට මැර කුළී හමුදාවට ඇතුලට එමට අවස්ථාව ලබාදිම හේතුවෙන් ඔහුගේද සේවය තහනමට ලක්කර තිබුනා.
විදුලිබල හා බලශක්ති අමාත්‍ය මහින්ද අමරවීර මහතාට ජනාධිපතිවරයාගෙන් ලැබුන නියෝගයකට අනුව ඔහුන් දෙදෙනා යලි සේවයේ පිහිටුවා ඇති බව අමාත්‍යංශ ලේකම්වරියගෙන් අප විශේෂ වාර්තාකරු කල විමසිමකදි සදහන් කර තිබේ.
බන්දුල සමන් කුමාර ඇතුලු ආණ්ඩුවේ කුලී මැර හමුදාව අර්ජුන ඝාතනය කිරිමට ගත් උත්සහය
රාජපක්ෂගේ කුලී මැර හමුදාව ගැන අර්ජුන කල අනාවරණය ….
Published on: Jan 11, 2020 – Millennium Challenge Corporation හෙවත් MCC ගිවිසුම ඉක්මනින්ම අත්සන් කිරිම පිලිබදව ජනාධිපති ගෝඨාභය සාකච්ඡා කිරිම සදහා ට්‍රම්ප් පාලනයේ දකුණු හා මධ්‍යම ආසියානු කටයුතු පිළිබඳ නියෝජිතවරියක වන වන වන ඇලිස් ජි.වෙල්ස් (Alice G Wells) මහත්මිය මෙරට නිල සංචාරයක නිරතවිමට නියමිත බව ඇමරිකානු මාධ්‍ය වාර්තා කරනවා.
ඇය ශ්‍රී ලංකාවට අමතරව ඉන්දීයාවේ සහ පාකිස්ථානයේ ද සංචාරය කිරිමට සැලසුම් කර ඇති අතර ඒ අනුව සිය දකුණු ආසියානු නිල සංචාරය අතරතුර ලබන 13 සහ 14 යන දෙදින තුළ ශ්‍රී ලංකාවට පැමිණිමට නියමිතයි.
MCC ගිවිසුමට අමතරව ශ්‍රී ලංකාව සමග අත්සන් කර ඇති ආරක්ෂක ගිවිසුම් සම්බන්ධයෙන්ද මෙහිදි සාකච්ඡා කිරිමට නියමිතයි.
ජනාධිපති සමග පවත්වන සාකච්ඡාවට අමතරව ශ්‍රී ලංකා රජයේ ඉහළ පෙලේ නියෝජිතයින් මෙන්ම
දේශපාලනඥයින්, සිවිල් සංවිධාන නියෝජිතයින් ඇතුළු පාර්ශව සමග ද සාකච්ඡා පැවැත්විමට අමෙරිකානු නියෝජිතවරිය සැලසුම් කර තිබේ.
MCC ගිවිසුම ජනවාරි 25 වැනිදාට පෙර අත්සන් කර අවසන් කලයුතු බව මේ වනවිටත් ඇමරිකාව දැනුම් දි ඇති අතර ඒ සම්බන්ධයෙන් අවශ්‍ය කටයුතු සියල්ලම මෙම් සංචාරය අතරතුර සිදුකිරිමට නියමිත බවයි වාර්තා වන්නේ.
එම්.සී.සී හෙවත් අමෙරිකානු මිලේනියම් චැලේන්ජ් කෝපරේෂන් ගිවිසුම අත්සන් කිරීමට නිශ්චිත දිනයක් හෝ කාලසීමාවක් නැති බව මෙරට අමෙරිකානු තානාපති කාර්යාලය මිට සති 3කට පමණ පෙර සදහන් කල නමුත් වත්මන් රජයේ ඉල්ලිම මත ගිවිසුම අත්සන් කිරිම ඉක්මන් කිරිමට කටයුතු කරමින් සිටින බවයි අමරිකානු වෙබ් අධවි අනාවරණය කර ඇත්තේ.
මිලේනියම් චැලෙන්ජ් කෝපරේෂන් (MCC) ගිවිසුම අත්සන් කිරීමෙන් පසු පාර්ලිමේන්තුවට ඉදිරිපත් කිරිමට මේ වනවිට රජයෙ ඉහල පෙලේ සාකච්ඡාවකදි තින්දුකර තිබේන බවද මේ වනවිට අනාවරණය වි තිබේ.
Published on: Jan 9, 2020 – විභජ්ජවාද මහා ධර්ම සම්භාෂණය හා යුගයේ මහා ත්‍රිපිටක පුජා වැඩමුළුව නමින් රාජපක්ෂ රස්තියාදු සිවුරු කල්ලියේ කුප්‍රකට හොරකමේ වැඩසටහන පසුගිය (04) කොළඹ සුගතදාස ගෘහස්ත ක්‍රිඩාංගණයේදී මහින්ද සහ ගෝඨාගේ ප්‍රධානත්වයෙන් පැවැත්වු අතර එම කුප්‍රකට හොරකට එරෙහිව සටන් කල ආරණ්‍යවාසි හිමිනමක් එම අවස්ථාවට පැමිණි අවස්ථාවේ උන්වහන්සේට එලවා එලවා පහර දෙන විඩියෝව අද සමාජ ජාල වෙත මුදා හැර තිබේ.
නිර්මල බුද්ධ භාෂිතය මතු පරපුර උදෙසා සුරක්ෂිත කිරීම සදහා යැයි කියමින් පන්දහසක් වූ මහා සංඝරත්නය උදෙසා ඩිජිටල් ත්‍රිපිටකය ටැබ් යන්ත්‍ර ලබාදිම සදහා කටයුතු කල අතර ඒ සදහා https://www.paramaththa.com/donate-now/ ඔස්සේ සහ අනුරාධපුර මහජන බැංකුවේ ත්‍රිපිටක පූජා 008-2-001-2-0085271 ගිණුම හරහා මුදල් ලබාගෙන තිබේ. නමුත් ගෝඨාභය රාජපක්ෂ හමුවු මෙම සංඝ කල්ලිය ජනාධිපතිවරණ සමයේ ඔහුවද ගොනාට අන්දවා ආරණ්‍යවාසී ස්වමින් වහන්සේලාගේ ඡන්ද ගෝඨාට ලබාදිමේ පොරොන්දුව මත එම ටැබ් යන්ත්‍ර චිනයෙන් රජයේ ජනතා මුදල් වියදම් කරමින් ගෙන්වා ගෙන තිබේ.
Wifi හෝ අන්තර්ජාල පහසුකම් අඩංගු නැති,සිම් පතක් ඇතුළත් කළ නොහැකි,දත්ත ඇතුළත් කිරීම හෝ ඉවත් කිරීම කළ නොහැකි එම ටැබ් යන්ත්‍ර සදහා වියදම සුලු මුදලක් වුවත් ප්‍රධාන පෙලේ ව්‍යාපාරිකයන් අල්ල ගනිමින් ඔහුන්ගෙන් අති විශාල මුදල් ප්‍රමාණයක් ලබා ගැනිමට මෙම සංඝ කණ්ඩායම කටයුතු කර තිබේන අතර ඒ සදහා ප්‍රධානත්වය ගෙන කටයුතු කර ඇත්තේ ලබුනෝරුව කන්ද ආරණ්‍ය සේනාසනයයි.
මුදල් එකතු කිරිම සම්බන්ධයෙන් අවස්ථා ගණනාවකදි කණ්ඩායම් අතර අර්බුද හටගෙන් තිබේන අතර එහි ප්‍රතිපලයක් ලෙස මෙම ප්‍රහාරය එල්ල වි ඇති බවයි දැනට වාර්තා වි ඇත්තේ.
Published on: Jan 5, 2020 –හිටපු නියෝජ්‍ය අමාත්‍ය රංජන් රාමනායක මහතාගේ නිවස ඊයේ (4 ) පැය ගණනක් සොදිසි කර පසුව බලපත්‍ර නැති පිස්තෝලයක් තබාගත් වරදට අත්තඩංගුවට ගත්තද එම සොදිසියෙ අරමුණ ගෝඨාභය රාජපක්ෂ ජනාධිපතිගේ පුත් මනොජ් රාජපක්ෂගේ මුල්‍ය වංචාවකට අදාල ලිපි ලේඛන මන්ත්‍රීවරයා සතුව ඇති බවට ලැබුනු තොරතුරකට අනුව සිදුකරන ලද්දක් බව මේ වනවිට අනාවරණය වි ඇති බව අප දේශපාලන වාර්තාකරු සදහන් කළා.
බයියන්ට අනුව ගෝඨාභය විරයෙකු වුවද ඇත්තටම ගෝඨා යනු සරමටත් බයවන බියගුල්ලෙකු බව මේ වනවිට ඔප්පුකරමින් සිටින අතර මනොජ් රාජපක්ෂගේ මෙන්ම රාජපක්ෂ පරම්පරාවේ හොරකම්,මැරකම්,දුෂණ,ඩීල් සම්බන්ධයෙන් වැදගත් තොරතුරු අඩංගු ෆ්යිල් මෙම සෝදිසියෙන් පසුව රැගෙන ගොස් ඇති අතර එම ලේඛන රටේ ආරක්ෂාවට තර්ජනයක් යැයි මතයක් සමාජය තුල මවාපාමින් ඒ තොරතුරු සියල්ල විනාශ කර දැමීම ඔවුන්ගේ අරමුණ වි ඇති බවයි වාර්තා වන්නේ.
රජය අපහසුතාවයට පත්වන අන්දමේ ප්‍රකාශ, දුරකතන සංවාද හා ඡායාරූප ඇතුළත් දෘඩ තැටියක් (Hard Disk) හමුවීමේ සිද්ධියක් සම්බන්ධයෙන් මෙම සෝදිසි කිරීම සදහා රැගෙන ගොස් තිබේ.
2012 ජුලි සිට 2014 අගෝස්තු ජනපති පුත් කල මුල්‍ය වංචාව ……
2015 දී යහපාලනාය රජය පිහිටුවා රනිල් -මෛත්‍රී සුසංයෝගය ආරම්භ කල රාජපක්ෂ දඩයම් මන්දිරය හේවත් FCIDය(පොලිසිය මූල්‍ය අපරාධ විමර්ශන අංශය) ටික කලක රාජපක්ෂ යුගයේ දූෂණ හා මූල්‍ය අපරාධ පිළිබඳ විමර්ශනය කිරීමේ ක්‍රියාවලිය මහජනයාට පෙන්වා පසුව එය තමන්ගේ පැවැත්ම වෙනුවෙන් භාවිතා කල බව නොරහසකි.
පොලිසිය මූල්‍ය අපරාධ විමර්ශන අංශය (FCID) අපරාධ පසුපස යෑමට ජාත්‍යන්තර ආධාර ඉල්ලා සිටි අවස්ථාවේ 2012 ජුලි සිට 2014 අගෝස්තු දක්වා කාලය තුළ ගෝඨාභය රාජපක්ෂගේ දමින්ද මනෝජ් රාජපක්ෂ අවස්ථා කිහිපයකදීම, ශ්‍රී ලංකාවේ සිට එක්සත් ජනපදයට ගොස්, ඇමරිකානු ඩොලර් සියයක බිල්වලින් හරියටම ඇමරිකානු ඩොලර් 20,000 ක මුදලක් ඔහු සමඟ ගෙන ආ බව ඇමරිකනු රහස් ඔත්තු සේවා රජයේ මැදිහත් විම මත අනාවරණය කර තිබේ.
සංචාර හයකදි රාජපක්ෂ පුතු විසින් ඇමරිකානු ඩොලර් 120,000 ක් එනම් රු. මිලියන 15.6 ක් ශ්‍රී ලංකාවෙන් සහ ඔහුගේ මව් රට වන ඇමරිකාවට රැගෙන ගොස් තිබෙන බව ඩොලර් 10,000 කට වඩා වැඩි මුදලකින් යමෙකු ඇමරිකාවට මුදල් ගෙන එන විට ප්‍රකාශ කිරීම සඳහා මෙම මුදල්, ජාත්‍යන්තර මුදල් හෝ මූල්‍ය උපකරණ ප්‍රවාහනය පිළිබඳ වාර්තා (CMIR)හරහා තහවුරු කර තිබේ.
මූල්‍ය ගනුදෙනු වාර්තා කිරීමේ පනතේ 27 වන වගන්තියෙන් ඩොලර් 10,000 ට වැඩි මුදල් හෝ ඒ හා සමාන උපකරණ සහිත ශ්‍රී ලංකාවට ඇතුළු වන හෝ පිටවන ඕනෑම පුද්ගලයෙකුට රේගු නිලධාරියෙකුට මුදල් ප්‍රකාශ කිරීම අවශ්‍ය වේ. සෑම අවස්ථාවකම ප්‍රකාශ කිරීමට හෝ අසත්‍ය ප්‍රකාශයක් කිරීමට අපොහොසත් වීමෙන් වසරක සිර දඩුවමක් නියම වේ. මුදල් විශුද්ධිකරණය කළේ නම්, එම සිර ද දඩුවමද වසර විස්සක් දක්වා ඉහළ යා හැකිය.
මනෝජ් රාජපක්ෂ ශ්‍රී ලංකාවේ රේගු ප්‍රකාශ නිකුත් කර තිබේද නැද්ද යන්න පරීක්ෂා කිරීම සඳහා ඇමරිකානුවන් යෝජනා කළ අතර ඉන් අනතුරුව එෆ්.සී.අයි.ඩී. හෝ මහ බැංකු මූල්‍ය බුද්ධි අංශය එම තොරතුරු ශ්‍රී ලංකාවේ අරමුදල් ප්‍රභවය විමර්ශනය කිරීමට යොදා ගනී. කෙසේවෙතත් අදාළ සාක්ෂි සහිත ලිපිගොනුව අද දක්වාම පරික්ෂණ සදහා භාජනය නොවු අතර රාජපක්ෂ පුත්‍රයාට එරෙහිව මුදල් විශුද්ධිකරණය යටතේ මේ දක්වා පරික්ෂණ සිදුකර නෑ.තත්ත්වයමෙසේ තිබියදි අදාළ ලිපි ලේඛන සියල්ලම දුෂණයට එරෙහිව නිරන්තරයෙන් හඩනගන රංජන් රාමනයකගේ අතට පත්කර ඇති අතර ඔහු ඉදිරි දිනකිහිපය තුලදි ඒ සම්බන්ධයෙන් මාධ්‍යයට අනාවරණයක් කිරිමට සුදානමින් සිටි බවයි වාර්තා වන්නේ.
ගෝඨාගේ පොලිසියට අභියෝගයක්!
තාක්ෂණ හා නවෝත්පාදන රාජ්‍ය අමාත්‍ය තිලංග සුමතිපාලගේ නීති විරෝධී සූදුව වහාම අල්ලනු… මෙන්න තොරතුරු…
අංක: 267, ගාලුපාර, කොළඔ 03 යන ලිපිනයේ මුලස්ථානය පිහිටි Sporting Times ආයතනය සහ මෙරට අමාත්‍යවරයෙකුගේ පවුලකට අයත් Sporting star ආයතනය හා Leisure Sport ආයතන සතුව රටපුරා සුදු මධ්‍යස්ථාන 412 කට අධික සංඛ්‍යාවක් දිවයින පුරා පවත්වාගෙන යනු ලබයි. 1930 අංක 9, 1930 අංක 29 හා 1943 අංක 55 දරණ සූදු ආඥාපනත අනුව සජීවි අශ්වරේස් සදහා ඔට්ටු ලබා ගැනීමට මෙම මධ්‍යස්ථානවලට බලය ලැබී තිබුනද වර්තමානයේ මෙම සමාගම මෙම සූදු මධ්‍යස්ථානවලදී ක්‍රිකට් ක්‍රීඩාව පාපන්දු ක්‍රීඩාව සහ වෙනත් ක්‍රීඩා සදහා ඔට්ටු ලබා ගැනීම සිදු කරනු ලබන අතර පරිගණක මෘදුකාංගයක් මගින් සාදන ලද (Animation) සජීවී නොවන අශ්ව සහ සුනඛ රේස් සදහාද ඔට්ටු ලබා ගැනීම සිදුකරනු ලබයි(TRUCK SIDE) එසේ ඔට්ටු ලබා ගැනීම නීතිවිරෝධීවේ ඉහතතින් අප පෙන්වා දුන් මධ්‍යස්ථාන පොලීසිය විසින් වටලන තෙක් අප සංවිධානය
දෑස් දල්වා බලා සිටිමු.
ස්තුතියි,
මෙයට විශ්වාසී,
රංජිත් විතානගේ- සභාපති – පාරිභෝගික අයිතීන් සුරකීමේ ජාතික ව්‍යාපාරය
ෂර්මි කුමාරි සමග සැතපෙන්න ගියේ කවුද?
එජාප මන්ත්‍රී රන්ජන් රාමනායකගේ මාදිවෙල පිහිටි මන්ත්‍රී නිල නිවස පරික්ෂා කිරීමේදී පොලිසිය විසින් අත්අඩංගුවට ගෙන ඇති අසභ්‍ය යයි කියවෙන DVD පට අතර අන්තර්ජාලය ඔස්සේ ආන්දෝලනාත්මක වීඩියෝමුදාහරිමින් සිටි ෂර්මි කුමාරි නම් කාන්තාව විසින් ලබාදී ඇතැයි සැක කෙරෙන DVD පට කිහිපයක් ද තිබුන බවට සැලවීමත් සමග විවිධ ක්ෂේත්‍රවල ප්‍රබලයින් රැසක් බලවත් සේ කලබලයට පත්ව සිටින බව ඉතා විශ්වාසවන්ත කටයුතු ආරංචිමාර්ග වලින් වාර්තා වන බව theleader.lk වෙබ් අඩවිය වාර්තාකර තිබේ.
වත්මන් ආණ්ඩුවේ ප්‍රබල දේශපාලඥයෙකු එවකට විපක්ෂයේ සිටියදි ෂර්මි කුමාරි සමග ලිංගික ක්‍රියාකාරම් කිරිමට මුදල් දි ලබාගෙන ඇති නමුත් ඔහුගේ අස්වාභාවික ලිංගික ක්‍රියාකාරකම් වලට විරෝධය දක්වමින් අවසන් මොහොතේ ඇය දේශපාලඥයව ප්‍රතික්ෂ්ප කර තිබේ. පසුව ආණ්ඩුව පත්වු වහාම දෙසැම්බර් 02 වැනිදා ඇය අත්තඩංගුවට ගැනිමට පොලිසියට බලකර තිබේන බව මේ වනවිට අනාවරණය වි තිබේ.(තොරතුරු බලාපොරොත්තු වන්න )
Published on: Jan 4, 2020- ඇමෙරිකානු හමුදා සිකුරාදා එල්ල කළ මිසයිල ප්‍රහාරයකින් ඉරාන හමුදා නායක ජෙනරාල් කසීම් සුලෙයිමානී (Guards commander Qasem Soleimani) මරුමුවට පත්විමත් සමග ඇමරිකානු හිතවාදී රාජ්‍යයන් ඉලක්ක කර පහරදිමට ඉරානය තීන්දුවක් ගෙන තිබෙන බව අප ජාත්‍යන්තර දේශපාලන වාර්තාකරු අනාවරණය කරනවා. මිසයිල ප්‍රහාරය ජෙනරාල් ඝාතනය කිරිම ඉලක්ක කර එල්ල කර ඇති බව මේ වනවිට ඉරාන ආරක්ෂ අංශ තහවුරු කර තිබේ.
ඉරාන උත්තරීතර නායක අයතුල්ලා කමේනි(Ali Khamenei ) ජෙනරාල්වරයාට “ප්‍රාණ පරිත්‍යාගිකයෙකු” ලෙස උපහාර දැක්වූ අතර ඝාතනයට එරෙහිව “දැඩි පළිගැනීමක්” සිදුකරන බවට ප්‍රතිඥාවක්ද ලබාදි තිබේ.
සොලෙයිමනීට ගෞරව දැක්වීම සඳහා ඔහු දින තුනක් ජාතික ශෝකය ප්‍රකාශ කිරිමටද මේ වනවිට කටයුතු කර තිබේ.
එක්සත් ජනපදය දශක ගණනාවක් තිස්සේ ජෙනරාල්වරය පසුපස ලුහුබැඳ ඇති බවත් 2003 සිට ඉරාකය තුළ ඔහු කළ මෙහෙයුම් හේතුවෙන් ඇමරිකානු සාමාජිකයින් 600 කට වැඩි පිරිසක් මිය ගොස් තිබේන බවද වාර්තා වල සදහන් වේ.
ඇමෙරිකාවේ බලාපොරොත්තු සුන්වීම..
ඇමෙරිකාව කළ අපරාධයට ඉරානය සහතික වශයෙන් ම පලිගන්නා බව ඉරාන ජනපති හසන් රූනි(Hassan Rouhani) ඊයේ මාධ්‍ය හමුවේද අනාවරණය කර තිබු අතර ඉරාන ආණ්ඩුවේ නිල වෙබ් අඩවිය සදහන් කර තිබුනේ
“අපරාධකරුවකු වන ඇමෙරිකාව සිය හමුදා ප්‍රධානියා ඝාතනය කිරීමෙන්, ඉරානයේ හදවත කම්පාවට පත් කළ බවද ජනපති සඳහන් කරයි.
එසේම එම ප්‍රහාරය, ඇමෙරිකාවේ දාමරිකත්වයට එරෙහිව නැගී සිටීමට සහ ඉස්ලාම් වටිනාකම් ආරක්ෂා
කරගැනීමට ඉරානය ගෙන තිබූ අධිෂ්ඨානය දෙගුණයකින් වර්ධනය කළා.
මේ නීච සහ බියසුලු නාටකය, ඇමෙරිකාවේ බලාපොරොත්තු සුන්වීම ගැනත් එම කලාපයේ දුර්වලතාව ගැනත් තවත් නිදසුනක් පමණී.” යනුවෙනි. Will Take “Revenge” Against US For Commander’s Killing: Iran President…
කලාපීය විශ්ලේෂකයින්ට අනුව උත්තරීතර නායක අයතුල්ලා අලි කමේනිට පසුව සොලෙයිමනී ඉරානයේ දෙවන බලවත්ම නායකයා ලෙස සැලකේ.
ඉරාක අගමැති කාර්යාලය විසින් නිකුත් කරන ලද මෙම ඡායාරූපය 2020 ජනවාරි 3 වන සිකුරාදා පාන්දර ඉරාකයේ බැග්ඩෑඩ් හි ගුවන් ප්‍රහාරයකින් පසු බැග්ඩෑඩ් ජාත්‍යන්තර ගුවන්තොටුපලේ දැවෙන වාහනයක් පෙන්වයි. නමුත් පෙන්ටගනය බ්‍රහස්පතින්දා කියා සිටියේ එක්සත් ජනපද හමුදාව ජෙනරාල් කසෙම් සොලෙයිමනී ඝාතනය කළ බවයි.
ඊශ්‍රායලයට මර බිය….
මේ අතර ඇමෙරිකානු ප්‍රහාරයකින් ඉරාන හමුදා නායකයකු මරුමුවට පත්වීමත් සමඟ ග්‍රීසියේ සංචාරයක යෙදෙමින් සිටි ඊශ්‍රායල අගමැති බෙන්ජමින් නෙදන්යාහු එම සංචාරය අතර මඟ නවතා දමා නැවත සිය රට වෙත පැමිණ තිබේ.
ඉරාන හමුදා නායකයා මිය යෑමේ සිදුවීමත් සමඟ යුදෙව් රාජ්‍යයක් වගේම ඇමෙරිකා එක්සත් ජනපදයේ සමීපතම මිතුරෙකු වන ඊශ්‍රායලයට ප්‍රහාර එල්ල වීමේ අවදානමක් මතු වී තිබේන බවත් ඒ සම්බන්ධයෙන් ඊශ්‍රායලයේ ආරක්ෂක ප්‍රධානීන් සහ කැබිනට් මණ්ඩලය ඊයේ රාත්‍රීයේ විශේෂ සාකච්ඡාවක්ද පවත්වා තිබේ.
රුසියාවත් බය වෙයි….
මේ අතර ඝාතනය සම්බන්ධයෙන් නිවේදනයක් නිකුත් කරන රූසියාව සදහන් කර ඇත්තේ එක්සත් ජනපදය සොලෙයිමනී ඝාතනය කිරීම මැද පෙරදිග පුරා ආතතීන් වැඩි කරන බවයි.
“සොලෙයිමනී ඝාතනය කලාපය පුරා ආතතීන් වැඩි කරන වික්‍රමාන්විත පියවරක්” යැයි ප්‍රවෘත්ති ඒජන්සි RIA Novosti සහ TASS උපුටා දක්වමින් විදේශ අමාත්‍යාංශය පවසයි.
“ඉරානයේ ජාතික අවශ්‍යතා භක්තියෙන් ආරක්ෂා කිරීම සඳහා සොලෙයිමානි සේවය කළේය. ඉරාන ජනතාවට අපගේ අවංක ශෝකය ප්‍රකාශ කරමු.” යනුවෙන්ද එහි සදහන් වේ.
http://lankanewsnetwork.org/archives/22177
Published on: Jan 3, 2020- චන්ද්‍රිකා කුමාරතුංග සහ මහින්ද රාජපක්ෂ යන මහත්වරුන්ගේ පාලන සමයේදී යාපනයේ සිදු වූ පැහැරගැනීම් සදහා සaජුවම අමාත්‍ය ඩග්ලස් දේවානන්ද ඊපීඩීපී පක්ෂය වගකිව යුතු බවත් මේ වනවිට යලිත් රාජපක්ෂලාගේ සුරතලෙකු වි සිටින දේවානන්ද ආයුධ සන්නද්ධ කණ්ඩායම් සමග ජනතාව භීතියට පත්කිරිමට කටයුතු කරමින් සිටින බවටද චොදනා එල්ල වෙනවා.දේවානන්දගේ පැරාමිලිටරි කණ්ඩායම මෙහෙයවනු ලබන්නේ සිංහල හමුදාව විසින් බවටද චොදනා එල්ල වුනා.
බලහත්කාරයෙන් අතුරුදහන් වීම් වලට ලක්වූ පුද්ගලයින්ගේ පවුල් පසුගියදා කිලිනොච්චි සහ වවුනියා වලදි උද්ඝෝෂණ ව්‍යාපාරවල නියැලුන අතර තමන්ගේ අඛණ්ඩ විරෝධතා නතර කිරිමට අමාත්‍ය ඩග්ලස් දේවානන්ද කටයුතු කරමින් සිටින බවත් ඒ සදහා අතුරුදහන් වු දරුවන්ගේ දෙමාපියන් බියවැද්දීමට කටයුතු කරන බවද ඔහුන් අනාවරණය කර තිබේ.
ශ්‍රී ලංකා හමුදාවේ රහසිගත රැඳවුම් කඳවුරුවල අතුරුදහන් වූවන් සිටින බව තමන් විශ්වාසය කරන බවත් එම පැහැර ගැනිම් සියල්ලම පසුපස වත්මන් ගෝඨාභය රාජපක්ෂ සිටින බවයි ඔහු පෙන්ව දෙන්නේ.
එල්ටීටීඊයේ හිටපු සාමාජිකයින් සිය ගණනක් පවුල් විසින් ශ්‍රී ලංකා හමුදාවට භාර දුන්නද ඔවුන් නැවත පැමිණියේ නැති බවයි ඔහුන් පෙන්වා දෙන්නේ. විරෝධතාව අතරතුර අමාත්‍ය ඩග්ලස් දේවානන්ද ඡායාරූපයකට කාන්තාවන් විසින් ඉදල් පහරවල් එල්ල කලේ මේ අයුරින්…
දෙමළ ජනතා විරෝධි ගෝඨාගේ ආණ්ඩුවේ ශ්‍රී ලංකා ධීවර හා ජලජ සම්පත් අමාත්‍ය EPDP නායක ඩග්ලස් දේවානන්ද නීති විරෝධී වැලි කැණීම සියතට ගෙන ඇති අතර මේ දක්වා උතුරේ ප්‍රදේශ කිහිපයක වැලි කැණීමේ ව්‍යාපාරය කරගෙන ගිය ව්‍යාපාරිකයින් බියවද්දා ඔහුන්ගේ දේපළ වලටද අලාභහානි කර තිබේන බව අප උතුරේ දේශපාලන වාර්තාකරු පසුගියදා අනාවරණය කළා.
http://lankanewsnetwork.org/archives/22024
Published on: Jan 3, 2020 – එක්සත් ජාතික පක්ෂ පාර්ලමේන්තු මන්ත්‍රී සජිත් ප්‍රේමදාස විපක්ෂ නායකවරයා ලෙස පත් කරන බව කතානායක කරූ ජයසූරිය මහතා අද (03) දැනුම් දුන්නා.
දහවල් 1 ට රැස්වූ පාර්ලිමේන්තු සැසියේදී කතානායකවරයා මෙම පත්කිරීම සිදු කල බවයි එහි සිටින අප විශේෂ වාර්තාකරු සදහන් කළේ.
ජනාධිපති ගෝඨාභය රාජපක්ෂ 2020 ජනවාරි 3 වන දින රාජාසන කතාවෙන් පසුව පාර්ලිමේන්තුව යලි කල් තැබීමේ සූදානම මේ වනවිට හකුලාගෙන ඇති බව අප දේශපාලන වාර්තාකරු පසුගිය දෙසැම්බර් 24 වන් දින අනාවරණය කළා.
http://lankanewsnetwork.org/archives/22140
සජිත් ප්‍රේමදාස එජාප නායකත්වයට පත් කිරීම වැළැක්වීමට එජාප නායක රනිල් වික්‍රමසිංහ,කථානායක කරු ජයසූරිය එක්ව අලුත් කුමන්ත්‍රණයක් දියත් කරමින් සිටින බව අප දේශපාලන වාර්තාකරු අනාවරණය කළ අතර එම කුමන්ත්‍රණයට අනුව එජාප කෘත්‍යාධිකාරි මණ්ඩලයේ සජිත්වාදින් සුද්ධ කිරිම සදහා මෙහෙයුමක් දියත් කර තිබේන බවද අප අනාවරණය කළා.
http://lankanewsnetwork.org/archives/22101
Published on: Jan 3, 2020- ජනතාවට දැරිය නොහැකි මට්ටමකින් ඉහළ යමින් පවතින එළවලු මිල පාලනය කිරීම සඳහා ආණ්ඩුවට කිසිදු හැකියාවක් ලැබී නොමැති බව එක්සත් ජාතික පක්ෂ පාර්ලිමේන්තු මන්ත්‍රී වජිර අබේවර්ධන මහතා පවසනවා.මාධ්‍ය හමුවකට් එක්වෙමින් මන්ත්‍රීවරයා සදහන් කළේ වත්මන් ආණ්ඩුවේ දුෂණ-වංචා ඉහල යමින් තිබේන බවත් ඒ හේතුවෙන් වෙසක් උත්සව සමය වනවිට පෙට්‍රල් රුපියල් 40කින්,ඩීසල් රුපියල් 50කින්, භූමිතෙල් රුපියල් 80කින් පමණ ඉහල යනු ඇති බවයි.
මහමැතිවරණය ඉලක්කර කරගනිමින් මේ ආණ්ඩුව ගෙන යන රැවටිලිකාරී ප්‍රතිපත්තිය හේතුවෙන් මැයි මාසය පමණ වනවිට ඉන්ධන මිල ද විශාල වශයෙන් ඉහළ යා හැකි බවටයි ඒ මහතා අනතුරු හඟවා සිටියේ.
“අද දවසේ නාරාහේන්පිට පොළේ බොංචි රුපියල් 480යි, කැරට් 480යි, ලීක්ස් 480යි, බීට් 480යි, අමුමිරිස් රුපියල් 500යි, වැටකොළු රුපියල් 300යි, බණ්ඩක්කා 300යි, පිපිඤ්ඤා රුපියල් 180යි, පතෝල රුපියල් 300යි. මං හිතන්නෙ පතෝල 300ට ගිය යුගයක් මේක ! දඹල රුපියල් 240යි. මොකද දැන් සමහර ඒවා ගණන් නම් පතෝල කන්න කියනවානෙ. දැන් පතෝල කන්න පුළුවන්.
එතකොට මහජනතාව විශාල අසීරුවකට මුහුණදිය යුතුව තියෙනවා ඉදිරි මාස කිහිපය තුළ. දැන් ඉතිරි වංචාව සම්පූර්ණ කිරීම සඳහා රජය සැරසෙනවා අපට පේනවා. ඒක තමයි පාර්ලිමේන්තු නිසි බලයක් නොමැති නිසා මේ ටික කරගත නොහැකි බැවින් නිසි බලයක් ලබාදෙන්න කියන ඉල්ලීම ඉල්ලමින් මාස දෙකක් ජනතාව රවට්ටලා ඉවර වෙලා නියත වශයෙන්ම වෙසක් කාලේ වෙනකොට පෙට්‍රල් රුපියල් 40කින් විතර වැඩි කරන්න තිබෙනවා. ඩීසල් රුපියල් 50කින් විතර වැඩි කරන්න තිබෙනවා. භූමිතෙල් රුපියල් 80කින් විතර වැඩි කරන්න තිබෙනවා. ඊටත් වැඩිවෙයි.මේක තමයි මහජනතාවට උරුම කරන්න යන භයානක ආර්ථික ව්‍යාපාරය”
Published on: Jan 3, 2020- සක්‍යතා අධ්‍යනයන් නොසලකා හරිමින්, නිසි ප්‍රමිතියකින් තොරව ඉදිකිකල මොරගහකන්ද ජලාශයේ ප්‍රධාන වේල්ලේ ඉහළින් දින කිහිපයක සිට ජල කාන්දුවක් හටගෙන තිබේන අතර යම් හෙයෙකින් ප්‍රධාන වේල්ල පුපුරා ගියහොත් රට මැද සුනාමි තත්වයක් අතිවීමේ අවධානමක් ඇති වන බවත් සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා පවසයි.
ඊයේ (02) පවැති මාධ්‍යහමුවකදී නාමල් කරුණාරත්න අවධාරණය කළේ මොරගහකන්ද ජලාශයේ ඉදිකිරීම් පිළිබඳව අතීතයේ සිටම විවිධ ප්‍රශ්න සහ ගැටළු සහගත ස්ථාන පැවති බවය.මේ වනවිට විශාල ජල කඳක් ජලාශයේ පවතින බවත් මෙම ජලාශය පරාක්‍රම සමුද්‍රය මෙන් පස්ගුණයක් පිරී තිබේ.
ජල කාන්දුව සිරස් අතට පැවතීම ඉතාමත්ම අනතුරුදායක තත්ත්වයක් බවද ඇතැම් විට මෙම පැල්ම මහ පොළොවේ සිට පවතිනවා දැයි සැකයක් පවතින බව නාමල් කරුණාරත්න මහතා මෙහිදි පෙන්වා දුන්නා.
මෙම සිද්ධිය සුළුකොට නොතකා වහාම කෙටි හා දීර්ඝ කාලීන සැලසුම් යෙදවීම ආණ්ඩුවේ වගකීමක් යැයි ද නාමල් කරුණාරත්න මහතා සඳහන් කළේය.
හිටපු ජනාධිපති මෛත්‍රීපාල සිරිසේන මහතා ඉතා හදිස්සියෙන් මෙම ජලාශය වැඩ නිම කරවා ඔහු විශ්‍රාම යෑමට පෙර විවෘත කිරීමේ හදිස්සියක් පැවති අතර එහි ප්‍රතිඵල මෙයාකාරයෙන් භුක්ති විඳීමට සිදු වෙන නිසා ඔවුන් මේ වගකීම භාරගත යුතු බවද කියා සිටියේය.
මොරගහකන්ද ජලාශයේ ප්‍රධාන වේල්ලේ ඉහළින් දින කිහිපයක සිට ජල කාන්දුවක් පවතීන අතර් උපරිම ජල ධාරිතාව ලැබීමත් සමඟ ජලාශයේ ප්‍රධාන වේල්ලේ ඉහළ කෙළවරක ජල කාන්දුවක් හටගෙන තිබුණු බව සේවකයෝ හා ආරක්ෂක නිලධාරින් පාලක කාර්යාලයට දැනුම් දීමෙන් පසු පරීක්ෂණ ආරම්භ කර තිබේ.
මොරගහකන්ද ජලාශය ඉදිකිරීම් කටයුතු ආරම්භයේම භූ විද්‍යාඥයින් සහ විශේෂඥ දැනුම ඇති අය මෙම මහපොළොවේ හුණුගල්ස්තරයක් තිබෙන බවට ප්‍රකාශ කර තිබුණු අතර ජනාධිපති මෛත්‍රීපාල සිරිසේනගේ ධුර කාලය අවසන් විමට පෙර මෙම ඉදිකිරීම් කඩිනම් කර ගැනීමට අවශ්‍ය වු නිසා එම ප්‍රකාශයක් ඉවත දැමිමට කටයුතු කර තිබුනා.
දින කිහිපයක සිට මේ දක්වාම ජල කාන්දුව නොනවත්වා සිදුවන අතර ප්‍රධාන වේල්ල බාරව සිටින චීන ජාතික ඉංජිනේරුවරයා මෙම ජල කාන්දුව පිටතට නොපෙනෙන ආකාරයට කොළ පැහැති දැල් ආවරණයක් යොදා වසා දැමීමට කටයුතු කර තිබේ.
2016 ජුලි 30 වන දින මොරගහකන්දේ නිදන් තැන්පත් කල නැකැතින් සිරිසේනට කෙලවේ -නිදන් හාරා යලී වලදමයි යනුවෙන් අප අනාවරණයක් සිදුකල අතර ඒ අනුවද මෙම ව්‍යාපෘතිය අසාර්ථක එකක් බව තහවුරු වේ…..
2016 ජුලි 25 වැනිදා උදැසන 10.59 ට අදාළ නැකැත යෙදි තිබුණු අතර අදාළ නැකැත් පත්‍රය සෑදිමේ කටයුත්ත සදහා සිරිසේන ජනාධිපතිවරයාගේ පෞද්ගලික ජ්‍යොතිෂය පිනවන්නිය වන බැංකු ණයෙන් ගැලවිම සදහා ජංගි ඇද මධ්‍යම පළාත් ආණ්ඩුකාර ධුරයට වගකී සට්ටැබිගේ දොන් නීල් ශ්‍රීයාරත්න හෙවත් වෛද්‍යවරුන් පවා පිරිමියෙකු ලෙස තහවුරු කර තිබියදි ගවුම් සහ සාරි අදින නිලුකා ඒකනායක සම්බන්ධ කරගෙන නැති අතර මොරගහකන්ද- කළුගඟ සංවර්ධන ව්‍යාපෘතියේ සම්බන්ධීකාරක කමිටුව අදාළ නැකැත් සාදා තිබේ.
පසුව නිලුකා ඒකනායක අදාළ නැකැත සම්බන්ධයෙන් පුලුල් විශ්ලේෂණයක් කර ඇති අතර ඈය සදහන් කර ඇත්තේ එම නැකැත ජනාධිපතිවරයාට අන්තිම අසුභ බවත් ඒ අනුව භූමියට අධිපති භූතයන් ජනාධිපතිවරයාට හානී කිරිමට කටයුතු කරනු ඇති බවත් ය. ඒ අනුව අදාළ නිදන් ගලවා ආපසු පස්වලට යටකිරිමට කටයුතු කර අදාළ නැකැත් වෙලාව මගහැරිමට කටයුතු කල යුතු බවටද ඇය නියෝග කර තිබේ.
පසුව පසුගිය 28 වැනිදා රාත්‍රීයේම අදාළ නිදන් හාරා ගලවා එම නිදන් ඊට නුදුරෙන් වෙනත් ස්ථානයක වලදමා තිබේ.
මේ සම්බන්ධයෙන් මාධ්‍යයටද වාර්තා ලැබි ඇති අතර මාධ්‍යවේදීන් කිහිප දෙනෙකු එම ස්ථානයට ගොස් ඇති අතර ලග්ගල පොලිසියේ පොලිස් නිළධාරි කිහිප දෙනෙකුද එම ස්ථානයට පැමිණ ඇති අතර ඔහුන්ට දැන ගැනිමට ලැබි ඇත්තේ නිදහන් වස්තු මංජුසාව සොරා ගැනීමට කිසියම් පිරිසක් උත්සහ දරා ඇති බවට එහී සේවකයෙකු දැනුම් දුන් බවයි.
පසුව මාධ්‍යවේදීන් කිහිප දෙනෙකු අදාළ ස්ථානයට පැමිණ ඇති අතර පොලිසියේ සහය ඇතිව එම ස්ථානය පරික්ෂා කිරිමට යෑමට උත්සහ දැරිමේදි පොලිස් ස්ථානාධිපතිවරයා පැමිණ එය වලක්වා ඇති අතර වේල්ල තැලීම සිදු කරද්දී චීන ජාතිකයෙකු අතින් බැකෝ යන්ත්‍රයේ කුල්ල නිධන් මංජුසාවේ වැදිලා අත්වැරදීමකින් හානි වි ඇති බවත් දැන් එම නිදන් නිසී පරිදි පස් දමා යලි වසා දමා ඇති බවද එම පොලිස් ස්ථානාධිපතිවරයා දැනුම් දි සියලු දෙනාව ඉවත් කිරිමට කටයුතු කර තිබේ.
සිරිසේන මොරගහකන්ද ව්‍යාපෘතියෙනුත් මාටියා ගහලා -සාක්ෂී අගමැති අතට යනුවෙන් අප වෙබ් අධවිය එදා කල අනාවරණයන් කියවන්න…
http://lankanewsnetwork.org/archives/12866
http://lankanewsnetwork.org/archives/12857
http://lankanewsnetwork.org/archives/12818
