Published on: Nov 29, 2019- ගෝඨා ජනාධිපති වි හමාරය නමුත් ඔහු වටේ සිටින පුන්නක්කු කන්නන් තවමත් ගෝඨා බේරා ගැනීමේ සටනේ යෙදී සිටි. ගෝඨාගෙන් පවුලෙන් පිට එකෙකුට තනතුරු ලබාගැනීම ටිකක් අමාරුය ඒ නිසා, දිනපතා ගෝඨාට වන්දීභට්ටකම් කරන බව පෙන්විමට විවිධ අය ගන්නා උත්සහයන් එමටය.
නාමල් පන්නයේ නීතිඥ කොට්බෑය සතු නීතීඥ ප්‍රේමනාත් සී.දොලවත්ත නැමත්තා විසින් අටවාගත් සත්‍ය ගවේෂකයෝ සංවිධානය අද කොළඹ මාධ්‍ය හමුවකට කැදවාගෙන ආ නාරාහේන්පිට පොලිසියේ හිටපු පොලිස් අපරාධ අංශයේ ස්ථානාධිපති සුමිත් පෙරේරා මාර කතා ටිකක් කියාගෙන ගොස් තිබේ.
වසීම් තාජුඩීන් මරණයට පත්වීමේ සිදුවීම් සම්බන්ධයෙන් පරීක්ෂණ සිදුකරනු සුමිත් පෙරේරා සදහන් කළේ අදාළ අනතුර සිදු වූ ස්ථානයට තමන් එම මොහොතේම ගොස් පරීක්ෂණ ආරම්භ කළ බවත් එය බීමතින් සිදු වූ රිය අනතුරක් බවත්ය.අනතුර සිදුවන්නට ඉතා ආසන්න මොහොතක දී තජුඩින් තවත් යහළුවකු සමග මත්පැන් බෝතල දෙකක් පමණ පානය කර ඇති බවද ඔහු හෙළි කළේය.මේ සම්බන්ධයෙන් සියලු වාර්තා සහ සහතික නඩු භාණ්ඩ තමයි අධිකරණයට ඉදිරිපත් කළ ද ඔහු කියා සිටියේය.
කෙසේ වෙතත් මෙම මරණය සම්බන්ධයෙන් ගෝඨාභය රාජපක්ෂ සහ නාමල් රාජපක්ෂ සම්බන්ධය යයි පවසන ලෙසට රහස් පොලිසියේ හිටපු අධ්‍යක්ෂ ශානි අබේසේකර තමාට බලපෑම් කළ බවද ඔහු පැවසීය.නමුත් තමන්ගේ ඊට එකඟ නොවූ හෙයින් වසරක කාලයක් බන්ධනාගාර සිටීමට තමන්ට සිදු වූ බවත් හෙතෙම සදහන් කලේය.
(හිටපු රගර් ක්‍රීඩක වසීම් තාජුඩීන්ගේ ඝාතනයේ තොරතුරු වසන් කළැයි සැකපිට නාරාහේන්පිට පොලිසියේ අපරාධ අංශයේ හිටපු ස්ථානාධිපති සුමිත් චම්පික පෙරේරා සැකපිට අත්අඩංගුවට ගත් බව රහස් පොලිසිය සදහන් කළා.)
ගෝඨාගෙන් මොනවා හෝ ලබා ගැනිම සදහා ප්‍රශස්ථී ගායනා කල සුමිත් චම්පික ඔබ මේ දේවල් දන්නවාද?
තාජුදීන් මරණයට පත්වීමට පෙර පහර දීමකට ලක්ව ඉල ඇට බිඳී හිංසාවට ලක්ව ඇති බව පරීක්ෂණ වලදී අනාවරණ වී ඇති බව පවසන රහස් පොලිසිය මෙය මිනීමැරුමක් බවට විශ්වාස කල හැකි සාධක හමුව ඇති බව අධිකරණය හමුවේ කියා සිටියේය.
තාජුදීන්ගේ මළ සිරුරේ තුවාල ලැබූ, පරීක්ෂණ සඳහා වැදගත් අස්ථි කොටස් කිහිපයක්ම අතුරුදන්ව තිබූ බව සිරුර ගොඩගෙන පරීක්ෂණ සිදු කළ අවස්ථාවේ හෙළි වූ බව රජයේ නීතිවේදියා අධිකරණය හමුවේ සදහන් කළා.මෙය සැකකටයුතු තත්වයක් බව පෙන්වාදුන් ඔහු, මෙය සාක්ෂි වසන් කළ නඩුවක් බැවින් ඒ සම්බන්ධයෙන්ද පරීක්ෂණ පැවැත්වෙන බව අධිකරණයට දැනුම් දුන්නේය.
ඝාතනයට ලක්වූ වසීම් තාජුදින්ගේ අස්ථි කොටස් අතුරුදන් කිරීම සම්බන්ධයෙන් චෝදනා එල්ල වී තිබෙන කොළඹ හිටපු අධිකරණ වෛද්‍ය ප්‍රධානි මහාචාර්ය ආනන්ද සමරසේකර විසිනි.
තජුදින් ඝාතනය වූ දිනයේ ජනාධිපති මන්දිරයෙන් පිටත්ව ගිය වාහනවල තොරතුරු අඩංගු ලේඛනයේ පිටු ගලවා තිබීම ගැන රහස් පොලිසිය පරීක්ෂණ පැවැත්වු බවත් ඒ සම්බන්ධයෙන් මහේස්ත්‍රාත් අධිකරණයට වාර්තාකර ඇති බවත්.
ජනාධිපති මන්දිරයේ ප්‍රභූ පුද්ගලයින්ගේ වාහන ගමනාගමනය පිළිබඳව ලේඛනයක් පවත්වාගෙන ගොස් ඇති බවත් වසීම් තාජුදින් ඝාතනය වූ දිනයට අදාළ තොරතුරු සටහන්කර තිබූ පිටු එම ලේඛනයෙන් ගලවා ඉවත්කර තිබූ බව පරීක්ෂණවලදී අනාවරණයවී ඇති බවත් කොළඹ අපරාධ පරීක්ෂණ දෙපාර්තමේන්තුව වෙනුවෙන් පෙනීසිටි රජයේ නීතිවේදියා කියා සිටියා.
වසීම් පසුපස ලුහුබැඳ ගිය අය කවුද?
රගර් ක්‍රීඩක මොහොමඩ් වසීම් තාජුඩීන්ගේ වාහනය ලුහුබැඳ ගිය වාහනය තුළ පුද්ගලයකු සිටි බවත්, ඔහු කවුද යන්න අනාවරණය කැරගැනීම සඳහා පුළුල් විමර්ශනයක් ආරම්භ කැර ඇති බවට රජයේ අධිනීතිඥ ඩිලාන් රත්නායක මහතා කොළඹ අතිරේක මහේස්ත්‍රාත් ජේ. ටොස්කි මහතා දැනුම් දුන්නේය.
තාජුඩීන්ගේ වාහනය ලුහුබැඳි වාහනය පිළිබඳ විමර්ශන පැවැත්වීමේදී මෙම කරුණු අනාවරණය වූ බවට හෙතෙම තවදුරටත් පැවසීය.
මීට අමතරව චමින්ද ජයප්‍රකාශ් නැමැති අය තමන්ගේ ලැප්ටොප් එක ගෙන දෙමටගොඩ අපරාධ කොට්ඨාසය වෙත ගිය බවත්, එහිදී පොලිස් නිලධාරීන් ලබා දුන් පෙන්ඩ්‍රයිව් එකේ දර්ශන නරඹා ඉන් පිටපතක් රහස් පොලිසියට ලබා දුන් බවට ප්‍රකාශයක් ලබා දී ඇතැයි රහස් පොලිසිය අධිකරණයට කරුණු වාර්තා කැර තිබිණි.
ඝාතනය කරන ලද වසීම් තාජුඩීන් ගමන් කළ කාර් රථය පිටුපස ලුහුබැඳ ගිය බවට සැක කරන කාර් රථ 4164 තොරතුරු මෝටර් රථ ප්‍රවාහන කොමසාරිස්වරයා විමර්ශන නිලධාරීන් වෙත ලබා දී තිබේ.
මීට අමතරව 2012/5/11 වැනි දින කටුනායක ජාත්‍යන්තර ගුවන් තොටුපොළෙන් DXB බලා පිටත්වූ (EK 349) ගුවන් යානයේ ගමන් කළ සියලුම මඟීන්ගේ තොරතුරු ලබාගෙන විමර්ශන පවත්වන බවට ද රහස් පොලිසිය අධිකරණය වෙත දන්වා තිබිණ.
මේ අනුව සී. සී. ටී. වී. දර්ශනය වූ සැකකටයුතු වාහනය කිනම් වර්ගයේ කුමන වර්ගයකට අයත් රථයක් ද යන්න පරීක්ෂණ කිරීමට සී. ඩී. තැටිය වත්තල පිහිටි ටොයෝටා ලංකා පුද්ගලික සමාගම වෙත යොමුකැර ඇති බවට අධිකරණයෙන් කරුණු අනාවරණය විය.
සුමිත් චම්පික මේ ටිකත් කියවලා යන්න …. දවසක තමන්ගේ පුතාටත් මෙහෙම දවසක් උදා උනොත්…!
යසාරා අබේනායක වත්මන් ජනාදිපති මහින්ද රාජපක්ෂගේ පුත් යෝෂිත රාජපක්ෂගේ පෙම්වති බව නොදන්නෙක් නොමැත. රාජපක්ෂ පවුලේ රුපවාහිනී නාලීකා ව්‍යාපාරය පවත්වාගෙන යාමට පබයා වශයෙන් භාවීත කිරීමට ලැබීම තුල ශිරන්ති රාජපක්ෂගේ ආශීර්වාදය ලබාගෙන තිබු මෙම සම්බන්දයට පෙර යාසාරා අබේනායක සත්‍ය ප්‍රේමයෙන් වෙලිසිටියේ අභිරහස් ලෙස මරණයට පත් වූ වසීම් තාජුදින් සමගය. මෙම දෙදෙනාගේ සම්බන්ධයට ආත්මාර්තකාමී ආනන්ද අබේනායක මුල සිටම විරුද්ධ වී ඇත්තේ මුස්ලිම් සිංහල ගැටළු නිසාය. ආනන්ද අබේනායක මහින්ද රාජපක්ෂව ඇසුරු කිරීම දිවයන්නේ නොමියෙන මිනිසුන් කාලයටය. තම දුව අනාගත ජනදිපතිගේ ලේලිය වනු දැකීම සිහිනය වූ බැවින් ඇයව තාරුණ්‍යයට හෙටක් සංවිධානයේ වැඩවලට රැයක් දවාලක් නොමැතිව යැවීමට අබේනායක මහතා සමත්වීය. නිවසට කුලුපගුව පැමිණෙන යෝෂිත තම දියණියට කැමැත්තක් ඇති බව දැන ගත් විට යාසාරා, වසීම් තාජුදින් සමග ප්‍රේමයෙන් වේලි ගැබ්ගෙන පවා සිට ඇත. අබේනායක නාමයට රාජපක්ෂ නාමය එක්කර ගැනීම සිහිනය වන බවීන් අබේනායක යාකා නායක වී දියණිය දරුගබේ බරින් නිදහස් කොට නිවාස අඩස්සියේ තැබීමටත් යෝෂිත රාජපක්ෂ පැමිණෙන්නේනම් නිවසින් වැඩ සදහා කියමින් පිටව යාමට තරම් ඉදිරිපත් වීඇත.
නිවසට වී කල් මැරීම සුදුසු නොවන බව පැවසු යෝෂිත යාසාරාව ජාතික රුපවාහිනියේ eye නාලීකාවේ විදායක නිෂ්පාදිකාවක් ලෙස පත්වීමක් ලබා දෙනවා. පියාගේ ඉල්ලීමට ඉඩ දෙමින් අකමැත්තෙන් උන් තරුණිය ටිකෙන් ටික මුදල් වලත් බලයේත් රසය දැනී යෝශිතව තමන් වෙත බැද තබා ගැනීමට සියලු දේ සිදුකරනවා. වයසෙන් වැඩි වුවද යසරාගේ සුවුශේෂී දක්ෂතා හදුනාගන්නා යෝෂිත තමන්ට ලැබුණු සුවීශේෂී තිළිණයක් ලෙස යාසාරා අබේනායක ආරක්ෂා කරමින් ඇයව Carlton රුපවාහිනී නාලීකාවේ ප්‍රධාන තනතුරට පත්කරමින් යෝෂිත වෙනුවෙන් වගකීම් දරන්නට ලබා දෙනවා .
යෝෂිත රාජපක්ෂ නිධන් නාමල් සමග ලංකාවේ රගර් ක්‍රීඩාව මාෆියා කරණය කිරීමත් සමග යෝෂිතට එරෙහිව ශ්‍රී ලාංකික එඩිතර රගර් ක්‍රීඩකයකු අභීත හඩක් නගනවා ඔහු වසීම් තාජුදින් මුස්ලිම් සහෝදරයකු වුවද ඔහු නිරන්තරයෙන් අසාධාරණයට එරෙහිව පාසල් සමයේ සිට හඩ නැගුවෙක් විය. යෝෂිත රාජපක්ෂලාගේ රගර් මාෆියාවට එරෙහිව සහ ක්‍රීඩාපිටිය තුල දේශපාලන බලයෙන් ක්‍රීඩකයන් බිය වද්දා ක්‍රීඩා කිරීම වචන හුවමාරුවලදී වැනි රගර් ක්‍රීඩාවට සාමාන්‍ය කටයුතු වලදී මරණිය තර්ජන කිරීම් වලට එරෙහිව හඩ නැගු වසීම් තාජුදින් නිරන්තර නැගීසිටීම යෝෂිත රාජපක්ෂ දුටුවේ යාසාරාගේ පරණ පෙම්වතා ලෙස ඊර්ශියාකාර කටයුත්තක් ලෙස පමණි. නමුත් වසීම් තාජුදින් යනු යාසාරා අබේනායක වෙනුවෙන් සැදී පැහැදී ආලය කල යාසාරා ගැබ්ගත් අවස්ථාවේ ඇයව විවාහ කරගැනීමට පවා සුදානම් වූවෙකි. නමුත් ආත්මාර්ථකාමී අබේනායක මහතා සහ දියණිය වසීම් තාජුදින්ව කුණු කැල්ලක් සේ ඉවත දමා අමතක කිරීමට සමත් විය.
ජනාධිපතිවරයාගේ පුතාගේ බිරිද වීමට නිරන්තරයෙන් බාධාවක් වූ වසීම් තාජුදින් අබේනායක මහතාගේද එදිරිවාදියෙක් විය. අළුයට වැළලුනු ඉතිහාසය වසීම් කිසිදිනෙක ඇද නොතිබුණද ඔහු අබේනායක පවුලට තර්ජනයක් විය. එම නිසාම අබේනායක මහතා යෝශිතට නිතර තාජුදින් තම දියණියට තර්ජන සහ කරදර කරන බව බොරුගොතමින් කියා ඇත. මෙය තුලින් තාජුදින් ලංකාවෙන් හෝ ලොවින් තුරන් කිරීම ඒකායන අරමුණ වූ බව අද වන විට වසීම් තජුදින්ගේ මරණයෙන් පැහැදිලි වේ, වසීම් සහ යෝෂිත අතර ආසන්නම වචන හුවමාරුව සිදුවී ඇත්තේ flower drum අවන්හලේදී බව ප්‍රසිද්ධ රහසකි මෙහිදී වසීම් යාසාරාගේ ශරීරයෙහි උපන් ලපයක් පිළිබද සදහන් කිරීම යෝශිතගේ සාහසිකම් වලට ඉක්මන් වී ඇත. දස්කොන්ට වූ ඉරණම වසීම්ටද සිදුවිය. පැහැරගෙන ගොස් පොලිතින් මල්ලක ඔලුව සිරකර වාතය නැතිකර හුස්ම ගැනීමට බැරිකොට පසුව ඝාතනය කොට වාහනය සමග ගිනි තැබූ බව යෝශිතගේ මිතුරන්නම් බිමත් වූ පසුව මෙම දිනවල නිතර දොඩවයී නමුත් ලංකාවේ පොලිසියට අනුව මෙය රිය අනතුරකි. යෝෂිත රාජපක්ෂට විපක්ෂ ආණ්ඩුවකින් හැර කිසිදිනෙක දඩුවම් කල නොහැකි බවීන් සියලුදෙනා නිහඩය. යෝශිතගේ මිනීමරු හමුදාව තවමත් නිදැල්ලේ.?
Published on: Nov 28, 2019 – නාරාහේන්පිට ප්‍රදේශයේ දි හමුවු මියගිය තරුණයෙකුගේ මල සිරුර සම්බන්ධයෙන් මේ වනවිට විවිධ තොරතුරු වාර්තා වෙන බව අප කොළඹ විශේෂ වාර්තාකරු සදහන් කලා.එම තරුණයාගේ අන්‍යතාව පිළිබඳව මේ වන තෙක් නිල වශයෙන් ප්‍රකාශ නොවූවද විවිධ වද හිංසා වලට ලක් කොට ඝාතනය කර තිබේන බවක් දක්නට ඇති බවයි සිරුර ඇසින් දුටුවන් පවසා ඇත්තේ.
සිද්ධිය සම්බන්ධයෙන් පොලිසිස් පරික්ෂන ආරම්භ කර තිබේන අතර මල සිරුර පශ්චාත් මරණ පරික්ෂන සදහා යොමුකර තිබේ. (තවත් තොරතුරු බලාපොරොත්තු වන්න)
පොලිස් මාධ්‍ය ප්‍රකාශක කාර්යාලය වසා දැමිම…
මේ අතර ඊයේ උදෑසන සිට පොලිස් මාධ්‍ය ප්‍රකාශක කාර්යාලය වසා දැමිම හේතුවෙන් මේ වනවිට මාධ්‍ය ආයතන සහ මාධ්‍යවේදීන් දැඩි අසීරුතාවයකට පත්ව සිටි.ඝාතනය සම්බන්ධයෙන් කිසිදු තොරතුරක් ලබා ගැනිමට ඔහුන්ට හැකියාව නොලැබිම ඊට හේතුවයි.මාධ්‍ය ආයතනයකට අපරාධයක් පිළිබඳව තොරතුරු පොලිස් මාධ්‍ය ප්‍රකාශක කාර්යාලය විසින් නිල වශයෙන් මාධ්‍ය වෙත ලබා දිම සමාන්‍ය සම්ප්‍රදායයි.
රටේ සිදුවන ඝාතනයන් ජනතාවගෙන් සගවා තැබිම සදහා පොලිස් මාධ්‍ය ප්‍රකාශක කාර්යාලය වසා දැමීමට ආරක්ෂක අමාත්‍යංශය කටයුතු කර ඇති බව මෙම ඝාතන හරහා පැහැදිලි වේ.මාධ්‍ය ප්‍රකාශක කාර්යාලය වසා දමා තවම ගෙවි ඇත්තේ පැය 24ක පමණ කාලයකි.
සාක්ෂිකරුවන් ඝාතනය කිරිම
රාජපක්ෂ රේජිමය ක්‍රියාත්මක වු 2005-2015 වසර 10ක කාලය තුල නඩු කටයුතු සම්බන්ධයෙන් අධිකරණය හමුවේ සාක්ෂි ලබාදුන් අයට අත්වු ඉරණම රටේ ජනතාවට අමතුවෙන් මතක් කර දිය යුතු නොවේ.
2008 – 2009 කාල වකවානුව තුළ පාසල් සිසුන් ඇතුළු තරුණයන් 11 දෙනෙකු පැහැරගෙන ගොස් විවිධ වධහිංසනයට ලක්කර පසුව නිදහස් නොකරම ඝාතනය කර දැමුවේ ඔහුන් අධිකරණය හමුවේ සාක්ෂී ලබාදෙන බව දන්නා නිසා.
එපමණක් නොව මාධ්‍යවේදි කීත් නොයාර් පැහැර ගැනීම, ලසන්ත වික්‍රමතුංග ඝාතනය,ප්‍රගීත් අතුරුදහන් කිරිම ඇතුලු සමස්ථ ඛේදවාචකයන් රැසකට හේතු වුයේ රාජපක්ෂලාට එරෙහිව සාක්ෂිය.
නාරාහේන්පිට ප්‍රදේශයේ දි හමුවු මියගිය තරුණයෙකුගේ මල සිරුර…
.
Published on: Nov 28, 2019 – යාපනයේ විශ්ව විද්‍යාලයේ මහවිරු සැමරුමට තහනම් කර තිබියදි දෙමළ ශිෂ්‍ය ප්‍රජාව බලහත්කාරයෙන් යාපනය විශ්ව විද්‍යාලයේ ගේට්ටුව විවෘත කර දෙමළ ඊලම් වීරයන් සඳහා අනුස්මරණ භූමියට ඇතුල් වි මහවිරු සැමරුම් උත්සවය පවත්වා තිබේනවා. සිසුන් තුන්සියයකට වැඩි පිරිසක් පරිශ්‍රයට ඇතුළු වී මියගිය දෙමළ ඊලාම් වීරයන්ට උපහාර දැක්වූ බවයි උතුරේ අප දේශපාලන වාර්තාකරු අනාවරණය කළේ.
සිවිල් ඇඳුමින් සැරසුණු ශ්‍රී ලංකා හමුදා බුද්ධි නිළධාරීන් අංශ විශ්ව විද්‍යාලයට පැමිණි සහභාගී වූවන්ගේ ඡායාරූප ගැනීමට කටයුතු කර තිබේ.
මේ අතර, උතුරු පළාත් සභාවේ හිටපු මන්ත්‍රී සහ හිටපු ටීඑන්ඒ පාර්ලිමේන්තු මන්ත්‍රී එම්.කේ.ශිවජිලිංගම් යාපනයේ තෙන්මරාඩ්චි හි කොඩිකාමාම් හි දෙමළ ඊලාම් වීරයන්ගේ සුසාන භූමියට පිවිසෙන ස්ථානයේ දී ශ්‍රී ලංකා හමුදා නිලධාරීන් විසින් නතර කිරිමට උත්සහ කර තිබුනද ඉහලින් ලැබුන නියෝග හමුවේ හමුදාව එම ස්ථානයෙන් ඉවත්ව ගොස් තිබේ.
Published on: Nov 28, 2019- දැනට ස්විස්ටර්ලන්තය බලා ගොස් ඇති අපරාධ පරීක්ෂණ දෙපාර්තමේන්තුවේ නියෝජ්‍ය අධ්‍යක්ෂවරයා ලෙස කටයුතු කළ නිශාන්ත සිල්වා ට විසා ලබා දීම පිළිබඳව තොරතුරු ලබා ගැනීම සඳහා ලංකාවේ ස්විස්ටර්ලන්ත තනාපති කාර්යාලයේ සේවය කරන විසා නිලධාරිනියක පෙරේදා (26) රාත්‍රියේ සුදු වෑන් රියකින් පැහැරගෙන රදවා තබා ගනිමින් පැය ගණනාවක් ප්‍රශ්න කොට තිබෙනවා.අප ඒ සම්බන්ධයෙන් ඊයේ අනාවරණය කළා.එම සිද්ධිය සම්බන්ධයෙන් ස්ව්ස්ටර්ලන්ත ෆෙඩරල් රජය නිවේදනයක් නිකුත් කර තිබේ.
උපුටා ගැනිම තානාපති කාර්යාලය නිවේදනයෙන්
සිය තානාපති කාර්යාලයේ සේවය කළ ශ්‍රි ලාංකික කාන්තා නිලධාරිණියක් ඇයගේ කැමැත්ත නොමැතිව රඳවා තබා ගෙන ඇති බව ස්ව්ස්ටර්ලන්ත ෆෙඩරල් රජය නිවේදනය කළා.
ස්විස්ටර්ලන්ත ෆෙඩරල් රජය විසින් මේ පිළිබඳව සඳහන් කරමින් නිල නිවේදනයක් ඊයේ (27) රාත්‍රියේ නිකුත් කළ අතර අදාළ තනාපති නිලධාරිනිය රඳවා ගත් හදුනා නොගත් පුද්ගලයන් විසින් තනාපති කාර්යාලයට අදාළ තොරතුරු ලබා දෙන ලෙසට ඇයට තර්ජනය කොට ඇති බව එමගින් දක්වා තිබෙනවා.
මෙම සිදුවීම සිය රාජ තාන්ත්‍රික නියෝජිතයන්ට හා තනාපති නිලධාරින්ට එරෙහිව සිදුවූ බරපලතල හා කිසිසේත්ම අනුමත කළ නොහැකි ක්‍රියාවක් ලෙසට මෙම බලහත්කාරි රදවා ගැනීම තම රජය සලකන බව එම නිවේදනය සඳහන් කරනවා.
එසේම මෙම සිදුවීම පිළිබඳව විධිමත් හා කඩිනම් පරීක්ෂණයක් සිදු කරන ලෙසද තම රාජත්‍රාන්තික නිලධාරින්ගේ ආරක්ෂාව වෙනුවෙන් කටයුතු කරන ලෙසද ස්විස් රජය ලංකාවේ බලධාරීන්ගෙන් ඉල්ලා සිටි බව ද එම නිවේදනය වැඩි දුරටත් සඳහන් කළා.
තානාපති කාර්යාලය නිවේදනය අවසන්….
ජනපති-අගමැති තානාපති හමුවිම මගහරි ….
මේ අතර අදාළ පැහැර ගැනිම සම්බන්ධයෙන් සාකච්ඡා කිරිමට අග්‍රාමාත්‍ය මහින්ද රාජපක්ෂ හමුවිමට ස්ව්ස්ටර්ලන්ත තානාපතිවරයා කල ඉල්ලිමට අද දවස පුරාම ප්‍රතිචාර ලබා දි නොමැති බව අප කොළඹ දේශපාලන වාර්තාකරු අනාවරණය කළා.තානාපති කාර්යාලයේ නිළ නිවේදකයෙකු අප වාර්තාකරු සමග පවසා ඇත්තේ විදේශ කටයුතු අමාත්‍යංශය හරහා අගමැතිවරයා හමුවිමට ගත් උත්සහයන් සියල්ලම් ව්‍යාර්ථ වි ඇති බවයි.
පසුව ජනාධිපති ගෝඨාභය රාජපක්ෂ හමුවිමට වේලාවක් වෙන්කර ගැනිම සදහා තානාපති කාර්යාලය උත්සහ කලද එයද සාර්ථක වි නෑ.
පැහැර ගැනිම පසුපස ආරක්ෂක ලේකම්
මේ අතර ස්ව්ස්ටර්ලන්ත තානාපති කාර්යාලයේ සේවය කල වීසා අංශයේ කාන්තාවක පැහැර ගෙන යෑම සම්බන්ධයෙන් ආරක්ෂක ලේකම් කමල් ගුණරතන වගකිවයුතු බව මේ වනවිට අනාවාරණය වි තිබේ. බුද්ධි අංශයේ ප්‍රබලයෙකු කල අනාවරණයකට අනුව නිශාන්ත සිල්වා විදේශගත විමත් සමග කලබලයට පත්වු ආරක්ෂක ලේකම්වරයා මේ අකාරයට කටයුතු කර ඇති බවත් ඒයට ආසන්නතම හේතුව වි ඇත්තේ ගෝඨාභය රාජපක්ෂ ඇතුලු ඔහුගේ මැර හමුදා කණ්ඩායක් සම්බන්ධයෙන් පරික්ෂණ කරන ලද වාර්තා රැසක්ද නිශාන්ත විසින් රැගෙන යැමයි.
Published on: Nov 28, 2019- ගෝඨාභය රාජපක්ෂ බලයට ගෙන ඒම සදහා සක්‍රීය දායකත්වයක් දැක්වු වියත්මග සහ එළිය සංවිධානයේ ප්‍රබලයන් කිහිප දෙනෙකු ඊයේ රාත්‍රීයේ හමුවි සාකච්ඡාවක් පවත්වා ඇති බව කොළඹ අප දේශපාල වාර්තාකරු සදහන් කළා.මහාචාර්ය නලින්ද සිල්වාගේ ආරාධනයකට අනුව මෙම හමුව් පවත්වා ඇති අතර චන්න ජයසුමන,සීතා අරබේපොල,කමල් ගුණරත්න,ගෙවිදු කුමාරතුංග යන අය එම අවස්ථවට එක්ව තිබේ.කෙසේවෙතත් එළිය සංවිධානයේ නිර්මාතෘ පූජ්‍ය මහාචාර්ය මැදගොඩ අභයතිස්ස හිමියන් මෙම අවස්ථාවට කැදව සිටියේ නෑ.
පාදධ සිංහල ව්‍යාපාර අතුගා දැමිය යුතුයි….
ගෝඨාභය රාජපක්ෂ පාලය ආරක්ෂා කිරිමට ඇති බරපතලම බාධකය මේ වනවිට ගෝඨාභය වටා සිටින මහින්ද රාජපක්ෂ පසුගිය වසර 10ක කාලය තුල කරලියට ගෙන ආ පාදධ සිංහල ව්‍යාපාර බව පෙන්වා දි ඇති නලින්ද සිල්වා ඒ හේතුවෙන් පසුගිය සමයේ සක්‍රියව රටේ විවිධ අකාරයෙන් ක්‍රියාත්මක වු පාදධ සිංහල ව්‍යාපාර සහ එවා පසුපස සිටින පුද්ගලයන් වහාම අකර්මණ්‍ය කලයුතු බවද සදහන් කර තිබේ.
ගෝඨාභය රාජපක්ෂ ආරක්ෂා කර ගැනිම සදහා මහින්ද රාජපක්ෂගෙන් මෙන්ම බැසිල් රාජපක්ෂගෙන් වෙන්කර තැබිම අතිශයෙන් වැදගත් වන බව පෙන්වා දුන් නලින්ද සිල්වා ගෝඨාභය බැසිල්ගෙන් ආරක්ෂා කර ගැනිම සදහා දිර්ඝ වශයෙන් කරුනු දක්වා තිබේ.
ගෝඨාභය බැසිල්ගෙන් ආරක්ෂා කර ගැනිම
“බැසිල් ගෝඨාභයගෙ ජනාධිපතිධුර අපේක්‍ෂකත්වයට විරුද්ධ ව හිටියෙ. ඒත් පස්සෙ කපන්න බැරි අත ඉම්බා. ඒ සඳහා ප්‍රකාශත් කළා. දිනන්න නම් ශ්‍රී ල නි ප සමග එකතු වෙන්න ඕන කියලත් කිව්ව. ඒ ප්‍රකාශය හොඳයි. හිතන්න එපා ගෝඨාභයට 52.25%ක් ලැබුණෙ පොහොට්ටුව හින්ද කියල. මා මුල ඉඳන් කිවුවෙ ගෝඨාභය වෙනින් ලකුණකින්, වෙනින් පක්‍ෂයකින් ඉදිරිපත් වුනා නම් හොඳය කියල. පස්සෙ සියල්ලන් ම තීරණය කළා පොහොට්ටුවෙන් තරග කරන්න. ඒත් හිතන්න එපා මා ඡන්දය දුන්නෙ පොහොට්ටූවට කියා. මා ඡන්දය දුන්නෙ ගෝඨාභයට මිස පොහොට්ටුවකට නොවෙයි. මා හිතන්නෙ එලෙස ඡන්දය දීපු අය තවත් ඉන්නව කියා. ”
“අද කියන්න තියෙන්නෙ එක දෙයයි ඒ ගෝඨාභය බැසිල්ගෙන් ආරක්ෂා කර ගමු කියලා. මේක කිව්ව ගමන් පොහොට්ටුවෙ අනුගාමිකයන් විරුද්ධ වේවි. මට එය ප්‍රශ්නයක් නොවෙයි. මා බැසිල්ගෙන්වත් ගෝඨාභයගෙන්වත් කිසිවක් බලාපොරෙත්තු වන්නෙ නැහැ. මට අවශ්‍ය මේ අවස්ථාවෙ ගෝඨාභය හා ආණ්ඩුව ආරක්ෂා කිරීම පමණයි ”
මහින්ද රාජපක්ෂ සහ ගෝඨාභය රාජපක්ෂ හරියටම දෙකට බෙදිය යුතු බව පෙන්වා දි ඇති මහාචාර්ය නලින්, මහින්ද -රනිල් අතර තිබේන ඩිල් සම්බන්ධයෙන් දිර්ඝ වශයෙන් අදහස් දක්වා තිබේ. රනිල් යනු කපටියෙකු බවත් උපක්‍රමශීලීව බලය ලබා ගැනිම සදහා මහින්දව රවටා ගැනිමට රනිල් සමත්ව ඇති බවයි නලින් එහිදි පෙන්වා දි ඇත්තේ.
19 ට එරෙහිව දැවැන්ත ව්‍යාපාරයක්!
19 වන ව්‍යවස්ථා සංශෝධනය වහාම අහෝසි කිරිමට කටයුතු කල යුතු බවත් ඒ හරහා ගෝඨාභය අතට විධායක බලතල ලබාදියතු බව පෙන්වා දුන් මහාචාර්යවරයා ඊට විරුද්ධව එක්සත් ජාතික පක්ෂය මෙන්ම මහින්ද පිළද සිටින බව පෙන්වා දි තිබේ.
ඒ අනුව 19 වන ව්‍යවස්ථා සංශෝධනය වහාම අහෝසි කරන ලෙස ඉල්ලා සමාජයෙ මතයක් ගොඩනැගිමට වියත්මග සහ එළිය එක්ව රටපුරා සම්මන්ත්‍රණ මාලාවක් පැවැත්විමටද එහිදි සාකච්ඡා කර තිබේ.
ආරක්ෂක ලේකම් කමල් ගුණරතනද එහිදි අදහස් දක්වා ඇති අතර ඔහු සදහන් කර ඇත්තේ තමන් ආරක්ෂක ලේකම්වරයා ලෙස සිටියද අංශ ප්‍රධානි කපිල හෙන්දා විතාරණ සියලු කටයුතු මෙහෙයවනු ලබන බවයි.සජිත් පිළ මේ වනවිට ආණ්ඩුවට එරෙහිව සහ HEට එරෙහිව දැවැන්ත ප්‍රහාරයක් දියත් කර තිබේන බවත් පෙන්වා දි ඇති කමල් ඒ සම්බන්ධයෙන් සොයා බැලිමට වෙනම කණ්ඩායමක් මෙ වනවිට කටයුතු කරන බවද සදහන් කර තිබේ.
Published on: Nov 27, 2019- දිගින් දිගටම අප අනාවරණය කල පරිදීම රනිල්-ගෝඨා-කරු ඩීල් කරණය මගින් යලිත් පාර්ලිමේන්තුවේ විපක්ෂ නායක ලෙස රනිල් වික්‍රමසිංහ පත්කර ගැනිමට කථානායක කරු ජයසූරිය අද තිරණය කර තිබේ.කථානායක කරු ජයසූරිය අද (නොවැ. 27 දින) ට්විටර් පණිවිඩයක් නිකුත් කරමින් කියා සිටියි. තමා එම තීරණයට එළැඹුණේ පාර්ලිමේන්තු සම්ප්‍රදායන් අනුව බවයි.
පාර්ලිමේන්තුවේ බහුතර කැමත්තේන් අග්‍රාමාත්‍යවරයා පත්කර ගන්නා සේම විපක්ෂ නාකවරයාද පත්කර ගන්නේ බහුතරයේ කැමතෙන් බව අප නාකී කරූට කියා දිය යුතුයැයි නොසිතමි. 2015 පත්වු පාර්ලිමේන්තුවේ කතානායක ධුරය ද්‍රවිධ ජාතික සන්ධානයට ලබාදුන්නේ ආණ්ඩුවේ බහුතර මන්ත්‍රීන් ඒ සදහා කැමත්ත පලකල නිසාය.දින 52ක කුමන්ත්‍රණයෙන් පසුව මහින්ද විපක්ෂ නායකත්වයට පත්වුයේද විපක්ෂයේ බහුතරයකගේ කැමත්ත මත බවද කරූට අප මතක් කර දිය යුතුය.
එක්සත් ජාතික පක්ෂයේ මන්ත්‍රීවරුන් 50කට වැඩි පිරිසකගේ අත්සන් සහිත ලිපියක් කථානායකවරයා වෙත යොමු කෙරුණු අතර, එමගින් ඉල්ලා තිබුණේ එම පක්ෂයේ ජනාධිපතිවරණ අපේක්ෂක සහ නියෝජ්‍ය නායක සජිත් ප්‍රේමදාස විපක්ෂ නායක ධුරයට පත් කරන ලෙසය.එ අනුව එම ඉල්ලිමට කරූ එකග නොවන්නේ මන්ද?
වාසුගේ ගමන නතර කල රනිල්-මහින්ද ඩීල්
කතානායක ධූරය සඳහා පාර්ලිමේන්තු මන්ත්‍රි වාසුදේව නානයක්කාර පත් කිරීමට සූදානමක් පවතින බව වාර්තා වු අතර කතානායක ධුරයේ වගකීම් තමන් වෙත භාර කරන්නේ නම් කෙටිකාලීනව එම වගකීම් දැරීමට සූදානම් බව පාර්ලිමේන්තු මන්ත්‍රී වාසුදේව නානායක්කාර කොළඹ පැවති මාධ්‍ය හමුවකදී සදහන් කර සිටියා.
නමුත් අද(27) එක්වරම වාසුදේව නානයක්කාර ජල සම්පාදන පහසුකම් රාජ්‍ය ඇමැති ලෙස පත්කිරිම හරහා වාසුගේ කතානායක සිහිනයටද තිත තබා තිබේ.ඒ හරහා අප පසුගියදා අනාවරණය කල පරිදිම කතානායක ධුරයේ ඉදිරිකාලයෙත් රැදි සිටිමට කරූට වාසනාව පැදෙනු ඇත.
කූප්‍රකට දිනේෂ් වීරක්කොඩිගේ නිවසේ රනිල්-මහින්ද-ගෝඨා හමුව!
පක්ෂනායකත්වය ආරක්ෂා කර ගැනිම සදහා විපක්ෂ නායකත්වය ආරක්ෂා කර ගැනිම වැදගත් බව දන්නා රනිල් ඇතුලු කල්ලිය මේ වනවිට ගෝඨාභය සහ මහින්දලා සමග ඩිල් දමමින් සිටින්නේ කිසිදු හිරිකිතයකින් තොරවය.
රනිල් වික්‍රමසිංහගේ නායකත්වයෙන් මන්ත්‍රීවරුන් 5 දෙනෙකු පමණක් සිටියද පාර්ලිමේන්තුවේ විපක්ෂ නායකත්වය ලබාදීමට කටයුතු කරන බව වත්මන් නව අග්‍රාමාත්‍ය මහින්ද රාජපක්ෂ රනිල් වික්‍රමසිංහට පොරොන්දුවක් ලබාදි තිබේන බව අප දේශපාලන වාර්තාකරු අනාවරණය කළා.(නොවැ 22 කල අනාවරණය පහතින් කියවන්න.)
සජිත් පිළ මර්දණයට රාජපක්ෂලාගෙන් උදවු
මේ වනවිට පක්ෂ නායකත්වය සහ විපක්ෂ නායකත්වය සජිත් ප්‍රේමදාස හට ලබා ගනිමින් පක්ෂය ශක්තිමත්ව ඉදිරියට ගෙන යෑමට සජිත් පිළ ගන්න උත්සහය මර්දනය කිරිම සදහා මේ වනවිට වික්‍රමසිංහලා රාජපක්ෂලාගෙන් උදවු ඉල්ලා තිබේ.ඒ අනුව ඉදිරියේදි සජිත් වෙනුවෙන් කැපවි කටයුතු කරන හදුනාගත් කිහිප දෙනෙකුට එරෙහිව විවිධ නීතිමය හෝ වෙනත් වක්‍ර අකාරයෙන් භීය වැද්දිම හරහා එම මෙහෙයුම්වලින් ඉවත් කිරිමට උත්සහ ගනු ඇති බවද වාර්තා වේ.
හොරකම් වහගන්න පක්ෂය පාවාදෙන නවීන්
එක්සත් ජාතික පක්ෂයේ නායකත්වය රනිල් වික්‍රමසිංහටම අත්පත් කර දිම සදහා රනිල්ගේ මුර බල්ලෙක් ලෙස කටයුතු කිරිමට නවීන් දිසානායක පටන් ගෙන තිබේන බව අප පසුගියදා අනාවරණය කළා.
සජිත්ගෙ දේශපාලන ගමන නතර කර දමා රනිල්ගේ නැට්ටේ එල්ලි යන්නට නවීන් පොරකන්නෙ පසුගිය වසර 4 1/2 ක කාලයක් තුල වැවිලි කර්මාන්ත අමාත්‍යාංශය තුල සිදුකල දුෂණ ,අක්‍රමිකතා වසා ගැනිමට බව අමතුවෙන් කිවයුතු නැත.
ජනාධිපතිවරණයේ සජිත්ගේ ජයග්‍රහණය වෙනුවෙන් නොව පරාජය වෙනුවෙන් නවීන් කටයුතු කලඅකාරය පහත විඩියෝවෙන් මැනගත හැක.
http://lankanewsnetwork.org/archives/21644
Published on: Nov 27, 2019- මාධ්‍යවේදි කීත් නොයාර් පැහැර ගැනීම, ලසන්ත වික්‍රමතුංග ඝාතනය වැනි මතභේදාත්මක විමර්ශන රැසක මූලිකත්වය ගෙන කටයුතු කළ අපරාධ පරීක්ෂණ දොපර්තමේන්තුවේ සමූහ මංකොල්ල විමර්ශන අංශයේ ස්ථානාධිපති පොලිස් පරීක්ෂක නිශාන්ත සිල්වා ස්විට්සර්ලන්තට යැමට වීසා ලබාදීමට කටයුතු කිරිම සම්බන්ධයෙන් තොරතුරු දැන ගැනිම සදහා ශ්‍රි ලංකාවේ ස්විට්සර්ලන්ත තානාපති කාර්යාලයේ වීසා අංශයේ සේවිකාවක් ගෝඨාභය රාජපක්ෂගේ සුදු වෑන් කල්ලිය විසින් පැහැරගෙන ගොස් තිබේ.
පෙරේදා සවස ඇය තානාපති කාර්යාලයේ සිට නිවස බලා ගොස් ඇති අතර පසුපසින් පැමිණි ආයුධ සන්නද්ධ පුද්ගලයන් සහිත සුදු වැන් රථයක් ඇයගේ නිවස ආසන්නයේදි පැහැරගෙන තිබේ.පැය 3කට ආසන්න කාලයක් ඇය වෑන් රථය තුලදිම ප්‍රශ්ණ කිරිමට ලක්ව ඇති අතර එම කාලය තුල වෑන් රථය නොනවත්වාම ගමන් කර තිබේ.ඇයගේ ජංගම දුරකතනද ඔහු විසින් ලබාගෙන ඇති අතර එහි දත්ත පිටපත් කිරිමක් සිදුකර තිබේන බවද පසුව අනාවරණය වි තිබේ.
මෙම සිදුවීම සම්බන්ධයෙන් ස්විට්සර්ලන්ත තනාපති කාර්යාලය අපරාධ පරීක්ෂණ දෙපර්තමෙන්තුවට පැමිණිල්ලක්ද කර ඇති අතර රාජ්‍යතාන්ත්‍රික මට්ටමින් සියලු රටවල් දැනුවත් කිරිමටද කටයුතු කර තිබේනවා.
මේ අතර අදාළ පැහැර ගැනිම සම්බන්ධයෙන් සාකච්ජා කිරීම සඳහා මෙරට ස්විස්ටර්ලන්තයේ තානාපතිවරයා හෙට (27) අග්‍රාමාත්‍ය මහින්ද රාජපක්ෂ හමුවීමට නියමිතයි.සාකච්ඡාවලින් පසුව ශ්‍රි ලංකාවේ ස්විට්සර්ලන්ත තානාපති කාර්යාලය ඉවත් කර ගැනිම සදහා කටයුතු කිරිමට සුදානමක් පවතින බවයි අප දේශපාලන වාර්තාකරු සදහන් කළේ.
2005-2015 දක්වා පැවැති රාජපක්ෂලාගේ කලු දශකයේදිවත් තානාපති කාර්යාලය වලට මෙ අකාරයේ බලපෑම් එල්ල වි තිබුනෙ නෑ.
http://lankanewsnetwork.org/archives/21692
Published on: Nov 27, 2019 – නොවැම්බර් 26 වන දින දෙමළ ඊලම් ජාතික නායක වේලුපිල්ලෙයි ප්‍රභාකරන්ගේ 65 වන උපන්දිනය සැමරීමට මහාවිරු (Tamil Eelam Heroes Day)වැඩසටහන් 91ක් උතුරේ සංවිධානය තිබේන බව උතුරේ අප දේශපාලන වාර්තාකරු සදහන් කළා.
දකුණේ පාලකයන් ලෙස රාජපක්ෂ සහෝදර සමාගම නැවත පැමිණීම හේතුවෙන් අවිනිශ්චිත අනාගතයකට මුහුණ දී සිටින දිවයිනේ උතුරු හා නැගෙනහිර වාඩිලාගෙන සිටින දෙමළ ඊලාම්හි ජනතාව මේ වසරේ ද නොසැලෙන අධිෂ්ඨානයෙන් යුතුව දෙමළ ඊලාම් වීරයන්ගේ දිනය සැමරීමට කටයුතු කරන බවයි උතුරේ දෙමල නායකයන් සදහන් කර ඇත්තේ.
ඒ අනුව මුල්ලි-වයික්කල්හි,නැගෙනහිර ත්‍රිකුණාමලයේ සහ කිලිනොච්චි සහ මුල්ලෙයිතිව්, කොපායි, උඩුප්පිඩිහි එලන්ග්-කුලාම් සහ කොඩිකාමම් යන ප්‍රදේශ ඉලක්කර මහාවිරු වැඩසටහන් 91 ක්‍රියාත්මක විමට නියමිතයි.
ගෝඨාභය රාජපක්ෂ ඇතුලු ඔහුගේ කණ්ඩායමේ විමල්,ගම්මන්පිල වැනි අන්තවාදී ඇම්බැට්ටයන් ගෝඨාභය බලයට ආ සැනින් මහවිරු සැමරුම් සියල්ලම් නතරකරන බවට වේදිකාවල ජනතාව ගොනාට අන්දවා ඇති බව පැහැදිලිය. රනිල් -මෛත්‍රී ආණ්ඩුව සමයේ මහවිරු සැමරුම් උත්සහ පවත්වා ඇත්තේ 51ක් වන අතර ඉතිහාසයේ වැඩිම මහවිරු සැමරුම මේ වසරේ සිදුවෙමින් තිබේ.
කිලිනොච්චි සහ මුල්ලෙයිතිව් දිස්ත්‍රික්කවල පැවති විවිධ උත්සවවලදී දෙමළ වීරයන්ගේ දෙමාපියන්ට ගෞරව කල අකාරය….
Published on: Nov 25, 2019- රජයේ ආයතනවල සභාපති අධ්‍යක්ෂ මණ්ඩල තනතුරු සඳහා සුදුස්සන් නිර්දේශ කිරීම සදහා ගෝඨාභය රාජපක්ෂ විසින් නම්කල සිව් පුද්ගල කමිටුව පිළිබඳව ශ්‍රි ලංකා පොදුජන පෙරමුණේ බහුතරයක් මේ වනවිට කලකිරීමට ලක්ව සිටින බව බත්තරමුල්ල නෙලුම් මාවතේ පිහිටි පොහොට්ටු කාර්යාලයේ ප්‍රබලයෙකු අප දේශපාලන වාර්තාකරු සමග පවසා තිබේ.
රාජපක්ෂ පත්කල කමිටුවේ සාමාජිකයන් ලෙස හිටපු ජනාධිපති ලේකම් ලලිත් වීරතුංග, සුරැකුම්පත් හා විනිමය කොමිසමේ හිටපු සභාපති ආචාර්ය නාලක ගොඩහේවා, ජෝන් කීල්ස් සමූහයේ හිටපු සභාපති සුසන්ත රත්නායක, මාස් හෝල්ඩින් සමූහයේ හිටපු සභාපති ඩයන් ගෝමස් යන පත් කර තිබේ.
සුසන්ත රත්නායක සහ ඩයන් ගෝමස් දෙදෙනාම එක්සත් ජාතික පක්ෂයේ රනිල් පිළේ ප්‍රබලයන් දෙදෙනෙකු විම මෙම කලකිටිමට මුලික හේතුව වි තිබේ. ඊට අමතරව ගෝඨාභය ජනපති විමට පෙර ජනාධිපති ලේකම් සේ තැන තැන පෙනී සිටි නාලක ගොඩහේවා සම්පූර්ණයෙන්ම තමන්ට කැමති අය පමණක් තොරා ගැනිමේ පදනමක සිටින බවයි පොහොට්ටු ප්‍රබලයා සදහන් කර ඇත්තේ.
ශ්‍රිලනීප අර්බුදය…
මේ අතර ශ්‍රි ලංකා නිදහස් පක්ෂය මේ වනවිට බරපතල අර්බුදයකට මුහුණ දි සිටින බව වාර්තා වේ.මේ සම්බන්ධයෙන් විශේෂ සාකච්ඡාවක් මෛත්‍රීපාල සිරිසේනගේ ප්‍රධානත්වයෙන් ඊයෙ සවස පවත්වා තිබේ.
අපේක්ෂිත බලයක් අලුත් ආණ්ඩුව තුල නොලැබිම සහ ජනාධිපතිවරණයට පෙර දුන් ප්‍රබලම පොරොන්දුව වු හිටපු ජනාධිපති මෛත්‍රීපාල සිරිසේන පාර්ලිමේන්තු මන්ත්‍රීවරයෙකු ලෙස පත් කිරිමත් ඔහුට උචිත අමාත්‍යංශයක් ලබාදිමද සම්බන්ධයෙන් මේ වනවිට කිසිදු සාකච්ඡාවක් රාජපක්ෂලාගෙන් සිදු නොවිම පිළිබඳව මෙහිදි පුලුල්ව සාකච්ඡා කර තිබේ.
ගෝඨාභය රාජපක්ෂ ජනාධිපතිවිම සදහා ශ්‍රි ලංකා නිදහස් පක්ෂයෙ ඡන්ද පදනම බලපැ බව මේ වනවිට පිළිනොගන්නා තත්වයකට පත්ව ඇති බව මෙහිදි මහින්ද අමරවිර පෙන්වා දි තිබේ.
“මම මේ ප්‍රශ්ණ ගැන කතා කළා නමුත් වැඩක් උනේ නෑ…. දැන් එයාලා කියන්නෙ කොහොමත් ගෝඨාභය දිනනවා … එකට අනිත් පක්ෂ වල ලෝකු බලපෑමක් තිබුනේ නෑ කියන කතාවයි…..” යනුවෙන් මහින්ද අමරවිර පවසා තිබේ.
මාස 4කින් පමණ මහ මැතිවරණයකට මුහුණ දිමට සිදුවන බැවින් තවදුරටත් ඉවසිමෙන් යුතුව කටයුතු කලයුතු බව මෛත්‍රීපාල සිරිසේන මෙහිදි පෙන්වා දි තිබේ.
Published on: Nov 25, 2019- ලසන්ත වික්‍රමතුංග ඝාතනය, ප්‍රදීප් එක්නැලිගොඩ අතුරුදහන් කිරීම, කීත් නොයාර් හා උපාලි තෙන්නකෝන් යන කතෘවරුන්ට පහර දීම ළමුන් 11 දෙනෙකු පැහැරගෙන ගොස් කප්පන් ගෙන ඝාතනය කිරීම යන අපරාධ සම්බන්ධයෙන් පරීක්ෂණ කල ශානි අබේසේකර හා නිශාන්ත සිල්වා යන නිලධාරීන් පිලිබද ජනාධිපති ගෝඨාභය රාජපක්ෂ මෙන්ම ඔහුගේ බත් බැලයෙකු වන ගාමිණි ලෝකුගේ වැනි අය ප්‍රසිද්ධියේ කරන චොදනා සහ අපහස කරන ආකාරයට අනුව ආපසු කිසිදිනක මේ රටේ රාජපක්ෂලා හෝ ඔහුගේ බත් බැලයන්ට එරෙහිව නීතිය ක්‍රියාත්මක නොවන බව පැහදිලිය.
ඊයේ බෙල්ලන්විල පන්සලට ගිය අවස්ථාවේ ජනාධිපතිකම වැඩක් නැති බවත් තමන්ට එම තනතුරෙන් කිසිවක් කරන්න නොහැකි බවත් පවසන ගෝඨාභය 19 අහොසී කර සුපුරුදු හිට්ලර් පන්නයේ විධායක බලය ඉල්ලා සිටින්නේ ඒ නිසාම වන්නට ඇත.
වහල් නොවි පහත විඩියෝව බලන්න… දිලිත් ජයවිරගේ දෙරණ නාලිකාවේ ප්‍රවෘත්ති විකාශයෙන් උපුටා ගන්නා ලදී!
Published on: Nov 24, 2019 – සෙසු ජාතින් කෙරෙහි වෛරය පතුරුවමින් ලබාගත් ජයග්‍රහණයෙන් පසුව තැන තැන දමිළ භාෂාවෙන් තිබු මාර්ග නාම පුවරු විනාශ කරමින් රාජ්‍ය අන්තවාදය පතුරුවමින් සිටින කණ්ඩායම් අද හිටපු අමාත්‍ය රිෂාඩ් බදුයුදින් ඉලක්ක කර ප්‍රහාරයක් එල්ල කර තිබේන බව අප විශේෂ වාර්තාකරු සදහන් කළා.
හිටපු අමාත්‍ය රිෂාඩ් බදුර්දීන් ගමන් කළ රථ පෙළකට මදුරන්කුලිය,කදයාමට්ටේ ප්‍රදේශයේදි සවස 5.45ට පමණ ගල් ප්‍රහාරයක් එල්ලවී ඇති අතර ගල් ප්‍රහාරයෙන් හිටපු අමාත්‍ය රිෂාඩ් බදුර්දීන් ගමන් කළ කාර් රථයට හානි සිදුව ඇති අතර ඊට අමතරව රිෂාඩ්ගේ සමස්ත ලංකා ජනතා කොංග්‍රසයේ තරුණ කණ්ඩායම් නායකයාගේ වාහනයටද හානී සිදුව තිබේ.
මෙම ගල් ප්‍රහාරය කවුරුන් විසින් එල්ල කලාද යන්න සම්බන්ධයෙන් මෙතෙක් අනාවරණය වී නොමැති අතර මුන්දලම පොලිසිය වැඩිදුර විමර්ශන සිදුකරයි
Published on: Nov 24, 2019- මාධ්‍යවේදි කීත් නොයාර් පැහැර ගැනීම, ලසන්ත වික්‍රමතුංග ඝාතනය වැනි මතභේදාත්මක විමර්ශන රැසක මූලිකත්වය ගෙන කටයුතු කළ අපරාධ පරීක්ෂණ දොපර්තමේන්තුවේ සමූහ මංකොල්ල විමර්ශන අංශයේ ස්ථානාධිපති පොලිස් පරීක්ෂක නිශාන්ත සිල්වා ගෝඨාභය ජනාධිපතිවරයාගෙන් එල්ල වන තර්ජන හමුවේ අද සිය පවුලේ සාමාජිකයින් ද සමඟ ස්විට්සර්ලන්තය බලා පිටත්ව තිබේ.
අප දේශපාලන වාර්තාකරු අනාවරණය කළේ අද දහවල් 01.00ට පමණ ස්විස් ගුවන් සේවයට අයත් W.K 0065 දරණ ගුවන් යානයෙන් නිශාන්ත සිල්වා සිය පවුලේ සාමාජිකයින් ද සමඟ ස්විට්සර්ලන්තය බලා පිටත්ව ගිය බවයි.
මෛත්‍රීපාල සිරිසේන ජනාධිපතිවරයා ඒකාධිපති වියරුවෙන් පෙලේමින් සිටි සමයේ නිශාන්ත සිල්වාට ස්ථාන මාරුවක් දුන් අතර ඊට හේතුව වුයේද ලසන්ත ඝාතනය සම්බන්ධයෙන් ගෝඨාභය රාජපක්ෂට තිබුන සමීප සබඳතාවයන් සිය විමර්ශනවලදි සාක්ෂි සහිතව අනාවරණය කර ගැනිමයි.
නීතිය සහ සාමය පිළිබඳව අමාත්‍යංශය බලහත්කාරයෙන් පවරාගෙන සිටින සිරිසේන සිය විධායක බලතල භාවිතාකරමින් අදාළ මාරුව සිදුකර ඇති අතර පසුව ජනාපති දුන් තින්දුවකට අනුව පොලිස්පතිවරයා ලබා දුන් ස්ථාන මාරුව පොලිස් කොමිසම විසින් පසුව අවලංගු කරනු ලැබුවා.
සම්පූර්ණ ලිපිය පහටහින් .කියවන්න..
පොලිස් පරීක්ෂක නිශාන්ත සිල්වාට එල්ටීටීඊ සංවිධානයට සම්බන්ධ නිසා ඔහු වහාම රහස් පොලිසියෙන් ඉවත් කරන ලෙස 2018 නොවැම්බර් 13 වැනි දා සහ නොවැම්බර් 16 වැනි දා උසස් පොලිස් නිලධාරියකුට ඉහළින් ලැබුණු උපදෙස් මත මෙම ස්ථාන මාරුව සිදු කර ඇති බව පසුව කොමිසම හමුවේ අනාවරණය වුනා.නමුත් සිදුකල සියලුම පරික්ෂණ වලදි එවකට සිටි පොලිස්පති,මේ වනවිට වැඩ තහනමකට ලක්ව සිටින පුජිත් ජයසුන්දර සහ ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න විසින් නිශාන්තට එරෙහිව එම අසත්‍ය වාර්තා ඉදිරිපත් කර තිබේන බවද අනාවරණය වුනා.
අද්මිරාල් රවීන්ද්‍ර විජේගුණරත්නට, නිශාන්ත සිල්වා සමග ඇති තරහා…
කොළඹ දී පුද්ගලයන් 11 දෙනකු පැහැරගෙන ගොස් කප්පම් ලබා ගැනීම සහ ඔවුන් ඝාතනය කිරීම සම්බන්ධයෙන් නාවික හමුදාවේ 10 දෙනකු අත්අඩංගුවට ගැනීම, මාධ්‍යවේදී ලසන්ත වික්‍රමතුංග මහතා ඝාතනය කිරීම, මාධ්‍යවේදී කීත් නොයාර්, උපාලි තෙන්නකෝන් සහ නාමල් පෙරේරාට වධහිංසා සිදු කිරීම යන සිදුවීම් විමර්ශනය කර සැකකරුවන් අත්අඩංගුවට ගත්තේ ද නිශාන්ත සිල්වා විසින් වන අතර එම විමර්ශන තවමත් අවසන් නැත.
ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න අත්අඩංගුවට ගැනීමට ප්‍රමාණවත් සාක්කි ඇති බැවින් ඔහු අත්අඩංගුවට ගැනීමට කටයුතු කරන බවට අධිකරණයට දැනුම් දී ඇත්තේ ද නිශාන්ත සිල්වා විසිනි.
අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නියෝජ්‍ය පොලිස්පති ඩී.ඩබ්ලිව්.ආර්.බී.සෙනෙවිරත්න විසින් තම පහළ නිලධාරියාගේ ස්ථාන මාරුව සම්බන්ධයෙන් පොලිස්පතිවරයා වෙත වැදගත් ලිපියක් යවා තිබු අතර S/DIG/CID/IGP/3303/1 අංක දරන මේ ලිපිය මගින් අපරාධ පරීක්ෂණ දෙපාර්තමේන්තුව ආරක්ෂක මාණ්ඩලික ප්‍රධානියාගේ රෙදි ගලවා තිබේ.
‘ඔබගේ වාර්තාවේ සඳහන් පරිදි වර්තමාන ආරක්ෂක මාණ්ඩලික ප්‍රධානී අද්මිරාල් ආර්.සී.විජේගුණරත්න මහතා විසින් පොලිස් පරීක්ෂක නිශාන්ත සිල්වා එල්ටීටීඊ සංවිධානයට සම්බන්ධ බවට සිදු කර ඇති චෝදනාව, සම්පූර්ණ අසත්‍ය, පදනම් විරහිත හා ද්වේෂ සහගත චෝදනාවක් බව ඉතා පැහැදිලිව පෙනී යයි. මේ චෝදනාව කිසිදු විමර්ශන අංශයකින් හෝ බුද්ධි අංශයකින් ඉසව්ගත නිලධාරියාට එරෙහිව මේ වන තුරු ඉදිරිපත් නොවී තිබීමෙන්ම මාගේ ස්ථාවරය මනාව තහවුරු වන බව දන්වා සිටිමි.
තවද වත්මන් ආරක්ෂක මාණ්ඩලික ප්‍රධානී පුද්ගල පැහැරගැනීම් හා ඝාතනය කිරීම් සම්බන්ධයෙන් අත්අඩංගුවට ගැනීමට අවශ්‍ය කරනු ලබන සැකකරුවෙකි.’
ගෝඨාභය දිවුරුම් දුන් දිනයේ පසුපසින් සිටිනේ අද්මිරාල් රවීන්ද්‍ර විජේගුණරත්නය.
පොලිස්පතිවරයා ලබා දුන් ස්ථාන මාරුව පොලිස් කොමිසම විසින් පසුව අවලංගු කල ලිපිය
