Apr 29, 2019 – මරාගෙන මැරෙන ත්‍රස්තවාදී ප්‍රහාර සැලසුම් පිළිබඳ ජාතික බුද්ධි අංශ තොරතුරු තමා දන්නේ නැති බව ජනාධිපතිවරයා ප්‍රකාශ කළද ජාතික බුද්ධි අංශය ඍජුවම වගකියන්නේ ජනාධිපතිවරයාට බැවින් හා ආරක්ෂක අමාත්‍යාංශයේ ලේකම්වරයා එම තොරතුරු දැන සිටි බව පිළිගැනීම මගින් ජනාධිපතිවරයාද එම තොරතුරු දැනගෙන සිටි බව තහවුරු වේ.
විදෙස් බුද්ධි තොරතුරු වාර්තාවකට අනුව මෙම බෝම්බ ප්‍රහාරය පිළිබඳව අනතුරු ඇඟවීම් වාර්තාව ජාතික බුද්ධි ප්‍රධානියා වන සිසිර මෙන්ඩිස් අප්‍රේල් 4 වෙනිදා ජනාධිපතිවරයා සහ ආරක්ෂක අමාත්‍යාංශ ලේකම්වරයා වෙත වාර්තා කර ඇතත් අප්‍රේල් 6 වෙනිදා පැවති ආරක්ෂක මණ්ඩල රැස්වීමට එම වාර්තාව යොමුකර නැත.
ප්‍රහාරයට ලක්වූ කොච්චිකඬේ දේවස්ථානය නිරීක්ෂණය කිරීමෙන් පසු විදෙස් මාධ්‍යවේදියෙකු නැගූ ප්‍රශ්නවලට පිළිතුරු ලබාදෙමින් ආරක්ෂක අමාත්‍යාංශ ලේකම් හේමසිරි ප්‍රනාන්දු මරාගෙන මැරෙන බෝම්බ ප්‍රහාරය පිළිබඳ දැන සිටි බව පිළිගත්තේය.
බුද්ධි තොරතුරු වශයෙන් ලැබෙන වාර්තා සමාලෝචනය කිරීම, ඇතිවිය හැකි අනතුරේ ප්‍රමාණය තක්සේරු කිරීම හා එම අනතුර වැළැක්වීම සඳහා අනුගමනය කළ යුතු පියවර සඳහන් කිරීමද මෙවැනි බුද්ධි වාර්තාවකින් පසු සිදුකළ යුත්තක් වුවද මෙහිදී ඒ කිසිවක් සිදුවී නොමැත.
සාමාන්‍යයෙන් මෙවැනි බරපතළ ආකාරයේ බුද්ධි තොරතුරක් ලැබීමෙන් පසු එය ආරක්ෂක මණ්ඩලයට යොමුකර සාකච්ඡා කර ඉදිරි පියවර ගැන ත්‍රිවිධ හමුදාවට, පොලීසියට හා අදාල අනෙකුත් පාර්ශ්වයන්ට නියෝග ලබාදීම සේනාධිනායකවරයා වශයෙනුත්, ආරක්ෂක අමාත්‍යවරයා වශයෙනුත්, පොලීසිය භාර අමාත්‍යවරයා වශයෙනුත් ජනාධිපතිවරයා කළ යුතුය. ඒ අනුව ජනාධිපතිවරයා රටේ ආරක්ෂාව පිළිබඳ ඔහුගේ වගකීම පැහැර හැරීම මෙම අවාසනාවන්ත සිදුවීමේදී නිරීක්ෂණය කළ හැකි බව ආරක්ෂාවට සහ බුද්ධි අංශවලට සම්බන්ධ හිටපු නිලධාරීන් බොහෝ දෙනෙකුගේ මතය වී තිබේ.
සිසිර මෙන්ඩිස් මෙම වාර්තාව අප්‍රේල් 9 වෙනිදා පොලිස්පති පූජිත් ජයසුන්දර වෙත යොමුකර ඇති අතර ඒ අනුව ඔහු නියෝජ්‍ය පොලිස්පතිවරුන් 4 දෙනෙකු වෙත එම වාර්තාවේ කරුණු අනුව අදාළ දැනුවත් කිරීම සිදුකර ඇත.
ජාතික බුද්ධි අංශයේ ප්‍රධානියා ලෙස කටයුතු කරන්නේ හිටපු නියෝජ්‍ය පොලිස්පතිවරයෙකු වූ සිසිර මෙන්ඩිස් මහතා වන අතර ඔහු පොලිස් දෙපාර්තමේන්තුවේ සේවකයෙක් නොවේ. ඔහු ආරක්ෂක අමාත්‍යාංශය යටතේ සේවය කරන්නෙකි. සිසිර මෙන්ඩිස් මහතා අපරාධ පරීක්ෂණ දෙපාර්තමේන්තුව බාර හිටපු නියෝජ්‍ය පොලිස්පතිවරයෙකු මෙන්ම එහි අධ්‍යක්ෂවරයෙකු වශයෙන්ද කටයුතු කර තිබේ.
බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති නන්දන මුණසිංහ, විශේෂ කාර්ය බලකාය භාර ජ්‍යෙෂ්ඨ නියෝජ්‍ය පොලිස්පති ලතීෆ්, විශේෂ ආරක්ෂක දිසාව භාර ජ්‍යෙෂ්ඨ නියෝජ්‍ය පොලිස්පති ප්‍රියලාල් දසනායක, සහ ත්‍රස්තවාදී විමර්ශන කොට්ඨාසයේ අධ්‍යක්ෂවරයා වෙත පොලිස්පතිවරයා විසින් අදාළ දැනුවත් කිරීම සිදුකර ඇත. එහෙත් හදිසි අවශ්‍යතාවක් සේ සලකා ක්‍රියාකරන්නැයි එහිදී උපදෙස් පොලිස්පතිවරයා විසින් ලබා දී නැත. ඔහු තමන් යැවූ ලිපියට අදාළ පසුවිපරම් ද කර නැති බව වාර්තා වේ. මෙම දැනුම් දීමට අදාළව ක්‍රියාත්මක වී ඇත්තේ නියෝජ්‍ය පොලිස්පති ප්‍රියලාල් දසනායක පමණි. ඔහුද තමන්ගේ පහළ නිලයන් වෙත ලබාදුන් උපදෙස් ක්‍රියාත්මක වන්නේ දැයි පසුවිපරම් කර නැත.
අප්‍රේල් 24 දින පාර්ලිමේන්තුවේදී ෆීල්ඞ් මාර්ෂල් සරත් ෆොන්සේකාද පැවසුවේ ජාතික බුද්ධි අංශ ප්‍රධානියා ඍජුවම වගකියන්නේ ජනාධිපතිවරයාට හා ඔහු යටතේ සිටින ආරක්ෂක අමාත්‍යාංශ ලේකම්වරයාට බවය. ජාතික බුද්ධි අංශ ප්‍රධානියා සකස් කරන බුද්ධි වාර්තා ජනාධිපතිවරයාට හා ආරක්ෂක අමාත්‍යාංශ ලේකම්වරයාටත්, ඊට අමතරව පොලිස්පතිවරයාටත් යොමුකරන බව සරත් ෆොන්සේකා මහතා පැවසීය.
මීට අමතරව එස්අයියූ යනුවෙන් හඳුන්වන රාජ්‍ය බුද්ධි සේවයද ජනාධිපතිවරයාට හා ආරක්ෂක අමාත්‍යාංශ ලේකම්වරයාට ඍජුව වගකියන ආයතනයක් වන අතර එම ඒකකය එක්රැස් කරන තොරතුරුද ආරක්ෂක අමාත්‍යාංශයට යොමුකෙරේ.
පසුගිය වසරේ ඔක්තෝබර් මස ක්‍රියාත්මක කළ ආණ්ඩු පෙරළීමේ කුමන්ත්‍රණය පරාජය කිරීමෙන් පසු පැවති ආරක්ෂක මණ්ඩල රැස්වීම්වලට තමා නොකැඳවූ බව අගමැති රනිල් වික්‍රමසිංහ ප්‍රකාශ කළ අතර නියෝජ්‍ය ආරක්ෂක අමාත්‍ය රුවන් විජේවර්ධනටද ඊට ආරාධනා කර නැති බව පැවසේ.
එසේ වුවද ඒ සම්බන්ධයෙන් අදහස් දක්වමින් ෆීල්ඞ් මාර්ෂල් සරත් ෆොන්සේකා පාර්ලිමේන්තුවේදී ප්‍රකාශ කර තිබුණේ එම නොකැඳවීම් පිළිබඳ අගමැතිවරයා හා ආරක්ෂක නියෝජ්‍ය අමාත්‍යවරයා පාර්ලිමේන්තුව දැනුවත් කළ යුතුව තිබුණු බවත් එසේ නොකිරීම වරදක් බවත්ය.
සාමාන්‍ය වශයෙන් ආරක්ෂක මණ්ඩල රැස්වීමට ජනාධිපතිවරයා, අග්‍රාමාත්‍යවරයා, නියෝජ්‍ය ආරක්ෂක අමාත්‍යවරයා, ආරක්ෂක හා පොලීසිය යන අමාත්‍යාංශවල ලේකම්වරුන්, ආරක්ෂක මාණ්ඩලික ප්‍රධානී, ත්‍රිවිධ හමුදාපතිවරුන්, පොලිස්පති, ජාතික හා රාජ්‍ය බුද්ධි අංශ ප්‍රධානීන් හා අවශ්‍ය නම් ත්‍රිවිධ හමුදා බුද්ධි අංශ ප්‍රධානීන් කැඳවීම සිදු කළ යුතු වේ. එහෙත් පසුගිය ආරක්ෂක මණ්ඩල රැස්වීම්වලට විපක්ෂයේ මන්ත්‍රීවරුන් එක් කරගත් බවට ජනාධිපතිට චෝදනා එල්ල වී තිබේ.
Apr 27, 2019 – සමාජ මාධ්‍ය ජාලා හා වෙබ් අඩවි එක්ක බද්ධ වෛරයෙන් පසුවන ජනාධිපති සිරිසේනගේ සහෝදරයා වන කුමාරසිරි සිරිසේන සභාපතිත්වය දරන ශ්‍රි ලංකා ටෙලිකොම් හා මොබිටෙල් වෙබ් අඩවි වාරණයක නිරතව සිටිනවා.
මාධ්‍ය වෙත නිවේදනයක් නිකුත් කරමින් පාරිභෝගික අයිතින් සුරැකීමේ ජාතික ව්‍යාපාරය සඳහන් කරන්නේ ශ්‍රී ලංකා ටෙලිකොම් සමාගමේ අබලි කේබල් විකිණිම සදහා ටෙන්ඩරයක් පිට පාරෙන් ත්‍රස්ත ප්‍රහාරයේ සැකකරුගේ තඔ කම්හලට ලබා දී ඇති බවට එම ව්‍යාපාරය විසින් කළ චෝදනාව ප්‍රචාරය කළ වෙබ් අඩවි කිහිපයකට ප්‍රවේශ වීම ඊයේ දහවල සිට ශ්‍රි ලංකා ටෙලිකොම් හා මොබිටෙල් හරහා අවහිර කොට ඇති බවයි.
එසේම එම පුවත් වාර්තා කළ වෙබ් අඩවි වල සංස්කාරකවරුන්ට බලපෑම් කරමින් එකි පුවත එම වෙබ් අඩවි වලින් ඉවත් කිරීමටද ජනපති සහෝදරයා ක්‍රියා කළ බවටත් එම ව්‍යාපාරය චෝදනා කරනවා.
සිදු වූ ත්‍රස්ත ප්‍රහාරයේ සාමුහික වගකීම රටේ ආරක්ෂක අමාත්‍යවරයා ලෙස බාර නොගෙන ආරක්ෂක ලේකම්වරයාට, පොලිස්පතිවරයාට බෝලේ පාස් කරමින් අනාගත ජනපති සිහින දකින ජනාධිපතිවරයාට සිය සහෝදරයාගේ හා තමාගේ ඇසේ ඇති පොල් පරාලය නොපෙනනු ඇති.
ඊයේ පැවති මාධ්‍ය ප්‍රධානීන් හමුවේදි ජනාධිපතිවරයා පවසා සිටියේ තම ඉන්දියාවේ ගියේ අප්‍රේල් 16 වෙනිදා බවත් ඒ වන විට ත්‍රස්ත ප්‍රහාරය සම්බන්ධ බුද්ධි තොරතුරු නොදන්නා බැවින් ආරක්ෂක අමාත්‍යධූරයේ වැඩ බැලීමට කෙනෙකු පත් කිරීමට තමාට කල්පනා නොවු බවත් ය.
ත්‍රස්තවාදය හා මත්ද්‍රව්‍ය අතර ඇත්තේ සමීප සම්බන්ධයක් බැවින් තමා ගෙනියන මත්ද්‍රව්‍ය විරෝධි සටන නිසා මේ ත්‍රස්ත ප්‍රහාරය සිදු වූවා දැයි තමාට සිතෙන බවත් පවසා සිඟිති ආතල් එකක් තමාටම ගැනීමටත් ජනාධිපති සිරිසේන මෙහිදි අමතක නොකළේ ය.
පාරිභෝගික අයිතින් සුරැකීමේ ජාතික ව්‍යාපාරය නිකුත් කළ මාධ්‍ය නිවේදනය පහත දක්වා ඇත.
ශ්‍රී ලංකා ටෙලිකොම් සමාගමේ අබලි කේබල් විකිණිම සදහා ටෙන්ඩරයක් පිට පාරෙන් ත්‍රස්ත ප්‍රහාරයේ සැකකරුගේ තඔ කම්හලට ලබා දී ඇති බවට අප සංවිධානය විසින් කරන ලද හෙළිදරව්ව මෙරට ප්‍රධාන වෙබ් අඩවි කිහිපයක් ඊයේ දිනයේදී වාර්තා කර තිබියදී විනාඩි කිහිපයකින් මොබිටෙල් හා ටෙලිකොම් සම්බන්ධතාවලින් එම වෙම් අඩවි වෙත පිවිසීම අවහිර කිරීමට ශ්‍රී ලංකා ටෙලිකොම් සභාපති කුමාරසිරි සිරිසේන ඇතුලු නඩය කටයුතු කර ඇති බව අපට පෙනී ගියේය.
එම පුවත nethgossip.lk/article/33755 උක්ත වෙබ් අඩවිය වාර්තා කර තිබූ අතර ඊට විනාඩි කිහිපයකට පසු එම වෙබ් අඩවිය අවහිර කර තිබුණි. පැය කිහිපයකට පසු නැවත එම වෙබ් අඩවියට පිවිසිමේදී එම පුවත ඉවත්කර ඇති බව දැක ගැනීමට හැකි විය. අප විසින් එල්ල කර ඇති චෝදනාව වැරදි නම් ඒ පිළිබදව ප්‍රකාශයක් කිරීමට ඇති අයිතියට අප ගරු කරන අතර එසේ නොකොට වෙබ් අඩවි මර්ධනය කිරීමටයාම අප තරයේ හෙළා දකිමු.
මාධ්‍ය සදහා සම්මාන උත්සව සංවිධානය කරන මේ රටේ ජනාධිපතිවරයාගේ මාධ්‍ය නිදහස මෙයදැයි අප ප්‍රශ්ණ කරන අතර මාධ්‍ය සදහා සම්මාන උත්සව සංවිධානය කරන්නේ තමන්ට එරෙහිව පුවත් පළකරන වෙබ් අඩවි හා මාධ්‍ය වේදීන් නිහඩ කරන්න යැයි අපි චෝදනා කරමු.
ශ්‍රී ලංකා ටෙලිකොම් ආයතනය හෝ මොබිටෙල් ආයතනය කුමාරසිරි සිරිසේනගේ බූදලයක් නොවන බව අප ඔහුට මතක් කර සිටින අතර ඉතිහාසයේ මෙරට මාධ්‍ය මර්ධනය කල පුද්ගලයින්ට අත්වුනු ඉරණම කනගාටුදායක බවද මතක්කර සිටිමු.
ආදරණිය මාධ්‍යවේදී මහත්ම මහත්මියනි ඔබලා කරනු ලබන මෙහෙයට ජනතා සම්මාන ඔබට නිතැතින්ම පිරිණැමෙන අතර ඔබට පිරිනැමුණු ජනාධිපති සම්මානයට ඔබ සත්‍ය වසන්කරන්නේ නම් අපි ඒ පිළිබදව කණගාටුවෙමු.
මෙයට, විශ්වාසි
රංජිත් විතානගේ – සභාපති
පාරිභෝගික අයිතීන් සුරැකීමේ ජාතික ව්‍යාපාරය
Published on: Apr 27, 2019 – පසුගිය ඉරිදා එල්ල වු මරාගෙන මැරෙන අන්තවාදි ප්‍රහාරය සම්බන්ධයෙන් ජනාධිපතිවරයා, අගමැතිවරයා මෙන්ම අවශ්‍ය නිළධාරීන් දැනුවත් කිරිමට ආරක්ෂක ලේකම් කටයුතු කර නැත්තේ ගෝඨාභය රාජපක්ෂ සමග ඇතිකරගත් එකඟතාවක් මත බව මේ වනවිට අනාවරණය වි තිබේ.
ජනපතිගේ නියෝගයෙන් මේ වනවිට සිය ධුරයෙන් ඉවත්ව සිටින ආරක්ෂක ලේකම් හේමසිරි ප්‍රනාන්දු ඉල්ලා අස්වු අතර පොලිස්පති පුජිත් ජයසුන්දර මේ දක්වා ඉල්ලා අස්වි නෑ.ඊයේ පොලිස්පතිවරයා ජනපති රැස්කල කමිටුව ඉදිරියේ පෙනී සිටි අතර එහිදි ඔහු සදහන් කර ඇත්තේ බුද්ධි අංශ ලබාදුන් තොරතුරු ජනපතිට,අගමැතිට මෙන්ම අවශ්‍ය නිලධාරින්ට ලබානොදිමට කටයුතු කලේ ආරක්ෂක ලේකම්ගේ දැඩි ඉල්ලිම මත බවයි.
අවස්ථා කිහිපයකදිම තමන් මේ සම්බන්ධයෙන් ජනපතිට මෙන්ම අගමැතිට කියන්නට උත්සහ කල නමුත් එය දිගින් දිගටම ආරක්ෂක ලේකම්වරයා වැලැක්වු බවයි පොලිස්පතිවරයා පවසා ඇත්තේ.එක් අවස්ථාවක තමන් ජනපති හමුවි මෙම තොරතුරු සම්බන්ධයෙන් සාකච්ඡා කිරිමට යමින් සිටියදි තමන්ට ආරක්ෂක ලේකම්වරයා දුරකතනයෙන් අමතා තමන් (හේමසිරි) අදාල ප්‍රහාරයට සම්බන්ධ වාර්තා පිළිබඳව ජනපති දැනුවත් කල බවත් එය එතරම් සැලකිල්ලට ගතයුතු කරුණක් නොවන බවට තමන්ට ජනපති පැවසු බවයි.
අදාළ ප්‍රහාරය සුළු ප්‍රහාරයක් විය හැකි බවත් ඒ හරහා දේශපාලන වාසියක් ගෝඨාභයට හිමිකර ගැනිමත් ඒ මතින් නොවැම්බරයේදි එන ජනාධිපතිවරණයට පිවිසිම අරමුණ වි තිබේ.ඒ අනුව ඉදිරි පැය 24ක කාලය තුල ගෝඨාභයගේ sජනාධිපතිවරණ සටන ආරම්භ කිරිමට නියමිතව ඇති අතර ඒ සදහා ප්‍රවේශය පසුගියදා ජෝඩු දමා ඇමරිකාවේ සංචාරය කල මාධ්‍ය මාෆියා කරුවෙකු වන දිලිත්ගේ දෙරණ 360න් පටන් ගැනිම්ට නියමිතයි.
කතාව අවසන් නැත……
බලාපොරොත්තු වන්න
http://lankanewsnetwork.org/archives/19134
Apr 25, 2019 – මරාගෙන මැරෙන ප්‍රහාරයන් හයක් සිදුව තිබියදීත් සිංගප්පුරුව බලාගොස් සිටි ජනාධිපති, ආරක්ෂක හා නිතිය හා සාමය පිළිබද ඇමති මෛත්‍රිපාල සිරිසේන මහතා කඩිනමින් මෙරටට නොපැමිණියේ මන්දැයි ආණ්ඩුවේ පසු පෙළ මන්ත්‍රීවරු ජනාධිපතිවරයා හමුවී කරුණු පැහැදිලි කර ගැනීමට තිරණය කර තිබේන බව අප දේශපාලන වාර්තාකරු අනාවරණය කළා.
සුනාමි ව්‍යසනය අවස්ථාවේ ජනාධිපති චන්ද්‍රිකා කුමාරතුංග මහත්මිය එන්ගලන්තයේ සිට පළමු ගුවන් යානයෙන්ම ශ්‍රී ලංකාවට පැමිණි බව පෙන්වා දෙන පසුපෙළ මන්ත්‍රීවරු ජනාධිපතිවරයා ලංකාවට පැමිණියේ එදින මෙරටට පැමිණෙන ගුවන් යානා තුනෙන් අවසන් ගුවන් යානයෙන්නි.
කතෝලික දේවස්ථාන ඇතුළු සංචාරක හෝටල්වලට මරාගෙන මැරෙන ප්‍රහාර එල්ල කරන බවට අප්‍රේල් මස 04 වන දින තොරතුරු ලැබීමෙන් පසුව එය පොලිස් දෙපාර්තමේන්තුව ඉහළම නිලධාරින්ගේ සිට ඊළග නිලධාරියා දක්වා යොමු කිරීම හැර කිසිදු ක්‍රියාමාර්ගයක් ගෙන නැතැයි රජයට ඉදිරිපත් කළ රහස්‍ය වාර්තාවක සඳහන් වන බව අප ආරක්ෂක තොරතුරු වාර්තාකරු අනාවරණය කළා.
මරාගෙන මැරෙන ප්‍රහාරය සම්බන්ධයෙන් තානාපති ප්‍රජාව හරහා ලැබුණු බුද්ධි තොරතුරු පොලිස්පතිවරයා විසින් ජ්‍යෙෂ්ඨ නියෝජ්‍ය පොලිස්පති, නියෝජ්‍ය පොලිස්පති ආදි ලෙස තනතුරු වෙත යොමු කිරිම පමණක් සිදුව තිබෙතැයි ඉහත වාර්තාවේ වැඩිදුරටත් සදහන්වේ.
රටේ ආරක්ෂාව සම්බන්ධයෙන් දිනපතාම ජාතික ආරක්ෂක, නීතිය සාමය හා අභ්‍යන්තර කටයුතු අමාත්‍යාංශයට කරුණු වාර්තා කිරීම ජාතික බුද්ධි තොරතුරු කාර්යාංශය ඒ සම්බන්ධයෙන් දින 16 ක් ගතවන තෙක් ගත් පැහැදිලි ක්‍රියාමාර්ගයක් පෙන්නුම් නොකරතැයි අදාළ වාර්තාව වැඩිදුරටත් විස්තර කර සිටියි.
රජයට ඉදිරිපත් කළ රහස්‍ය වාර්තාව ජනාධිපති මෛත්‍රිපාල සිරිසේන හා අග්‍රාමාත්‍ය රනිල් වික්‍රමසිංහ යන මහත්වරුන්ට ද බාරදීමට නියමිතය.
Published on: Apr 22, 2019 – ආරක්ෂක සහ නීතිය සාමය අමාත්‍යංශවල වැඩ බැලීම සඳහා වත් අමාත්‍යවරයෙක් පත් කර නෑ..
බුද්ධි අංශ තොරතුරු වාර්තා කර තිබුණද අනතුරු අඟවා තිබුණ ද එය අග්‍රාමාත්‍යවරයාටවත් දැනුම් දී නෑ..
මිලේච්ඡ අනතුර පිළිබද රාජ්‍ය බුද්ධි අංශ වාර්තා කලේ පසුගිය අප්‍රේල් 11 වැනිදාය. එතෙක් ආරක්ෂාව භාර පාලකයින් කුමක් කලේද ?
ආරක්ෂක අමාත්‍යාංශය අමාත්‍යාංශය නීති හා සාමය අමාත්‍යාංශය දෙකම තමා යටතේ තියාගත් ජනාධිපති සිරිසේන මේ වන විට සිටින්නේ ශ්‍රී ලංකාවෙන් පිටත යි.සාමාන්‍යයෙන් තමා රටින් බැහැරව යන විට තම අමාත්‍යාංශයේ වෙනත් අමාත්‍යාවරයෙකු හෝ නියෝජ්‍ය අමාත්‍යවරයා වෙත පවරා පිටව යාම පිළිගත් ක්‍රමවේදය වුවද සිරිසේන ජනාධිපතිවරයා රටින් පිටව ගොස් ඇත්තේ මේ කිසිවක් සිදුකර නොවේ.
බුද්ධි අංශ විසින් මෙම ප්‍රහාරය පිළිබඳ ලද තොරතුරු සහිතව සිටිය ද ඒ සම්බන්ධයෙන් ක්‍රියාමාර්ග ගැනීමට අදාල විෂයභාර අමාත්‍යවරයා නොමැතිවීම හේතුවෙන් බව වාර්තා වනවා.එමෙන්ම මෙම බුද්ධි තොරතුරු පිළිබඳව අග්‍රාමාත්‍යවරයා පවා දැනුවත් කිරීමට පියවර ගෙන තිබුණේ නැහැ.
ඇතැම් අවස්ථාවාදි විපක්ෂ දේශපාලඥයින් මාධ්‍ය සංදර්ශන පවත්වමින් සිටින මොහොතක අගමැතිවරයා රටේ ආරක්ෂාව සම්බන්ධයෙන් තම නිල බලය යොදාගනිමින් ගත හැකි උපරිම ක්‍රියාමාර්ග ගැනීම සඳහා කටයුතු කරමින් සිටිනවා .
ශ්‍රී ලංකාවේ සිටින අප දේශපාලන වාර්තාකරු සදහන් කළෙ අද රාත්‍රී 12.15ට පමණ සිංගප්පූරුවේ සැගවි සිටි සිරිසේන ජනාධිපතිවරයා යලි දිවයිනට පැමිණ ඇති අතර ඔහු කටුනායක සිට ජනාධිපති මන්දිරය දක්වා ගමන් කරන තුරු මාර්ගයේ ගමන් කල වාහන සියල්ලම නතර කර ගැනිම්ට ජනාධිපති ආරක්ෂකයන් කටයුතු කර ඇති බවයි. විශේෂ රාජකාරි සදහා යමින් සිටි සහ රාජකාරි අවසන් කර පැමිණෙමින් සිටි පුද්ගලයන් මේ හේතුවෙන් දැඩි අර්බුදයකටද මුහුණ දි තිබේ.
Published on: Apr 20, 2019- ජනාධිපති මෛත්‍රිපාල සිරිසේන සිය පෞද්ගලික ඉන්දියානු සංචාරය නිමවා ලංකාවට පැමිණි පසු එළඹෙන සතිය තුළ ඉක්මණ ජනාධිපතිවරණයක් කැඳවීම සඳහා උනන්දුවකින් පසුවන්නේ යැයි ඔහුට සමීප ආරංචි මාර්ගවලින් දැන ගන්නට ලැබි ඇත.
නියමිත කාලයට අනුව ජනාධිපතිවරණයක් කැඳවන්නේ නම් මේ වසරේ නොවැම්බර් මාසයේදී එය පැවැත්විය යුතු වෙයි. එහෙත් ව්‍යවස්ථා ප්‍රතිපාදන අනුව ධූරකාලයෙන් අවුරුදු 4ක් ඉක්ම ගිය පසු එනම් පසුගිය ජනවාරි 9වැනිදායින් පසුව ඕනෑම අවස්ථාවක ජනාධිපතිවරණයක් කැඳවීමේ බලය ජනාධිපතිවරයා සතුවේ.
මෙම තත්ත්වය ප්‍රයෝජනයට ගෙන ගෝඨාභය රාජපක්ෂ මහතා අමෙරිකානු පුරවැසිභාවය පිළිබඳ ගැටළුව විසඳා ගැනීමට පෙර සහ එක්සත් ජාතික පක්ෂය තුළ අර්බුද ගණනාවක් මතුවී ඇති පසුබිම මත එමගින් තමාට වාසි අත්කරගැනීමේ අරමුණින් මෙම තීරණය ගන්නට බොහෝ දුරට ඉඩ ඇති බව විශ්වාස කටයුතු ආරංචි මාර්ග කියයි.
අප්‍රේල් 16 වෙනිදා ජනාධිපතිවරයා සහ ඔහුගේ පවුලේ සමීපතමයන් පුද්ගලික සංචාරයක් බව පවසමින් ඉන්දියාවට ගිය අතර අප්‍රේල් 17 වෙනිදා ඔහු ඉන්දියාවේ ආන්ද්‍රා ප්‍රදේශයේ තිරුපති කෝවිල වන්දනා කර ආශිර්වාද ලබාගන්නට ගොස් තිබේ. මෙම සංචාරය නිමාකර ලංකාවට පැමිණි විගස ජනාධිපතිවරණයක් කැඳවීමට බොහෝ දුරට නියමිතව ඇතැයි දැනගන්නට ලැබේ.
ජනාධිපති මෛත්‍රිපාල සිරිසේන හදිසි ජනාධිපතිවරණයක් කැදවන්නේ දැයි අනිද්දා කළ විමසීමකදි ශ්‍රිලංනිප ජාතික සංවිධායක දුමින්ද දිසානායක මෙසේ කීය.
“ජනාධිපතිතුමාට නිතියෙන් බාධාවක් නැහැනේ. ජනාධිපතිවරණය ඉදිරියේදි ඕනෑ මොහොතක කැඳවන්න පුළුවන්. එහෙත් ජනාධිපතිතුමා මේ වෙන තෙක් අප සමඟ ඒ ගැන කතාකරලා නැහැ. ජනාධිපතිතුමා නැවත ජනාධිපතිවරණයට ඉදිරිපත් වෙන්නට අපේක්ෂා කරන බව නිල වශයෙන් කියා නැතත් එතුමා නැවත ඉල්ලන බව එතුමාගේ ක්‍රියාකාරකම් වලින් සාමාන්‍ය දැනුමක් තියන ඕනෑම කෙනෙකුට තේරෙනවා. විශේෂයෙන් නිවේදනය කරන්න දෙයක් නෑ. ජනාධිපතිතුමා මේ වෙනකොට ජනාධිපතිවරණයට සූදානම් වෙනවා. 2021 වෙනකොට මත්ද්‍රව්‍ය අවසන් කරන බව එතුමා කිව්වේ 2021 වෙනකම් බලයේ ඉන්න බලාපොරොත්තු වන නිසා.”
~~ අනිද්දා~~
Published on: Apr 12, 2019- 2014 වසරේ සිට කිසිදු විදුලිබලාගාරයක් මෙරට ඉදිකිරීමට කටයුතු නොකල නිසා හා වෙනත් බල ශක්ති මගින් විදුලිය උත්පාදනය කිරීමට විදුලිබල අමාත්‍යාංශයෙන්ම බාධා කල නිසා සති තුනක කාලයක සිට පැය දිනකට පැය ගණනක් අදුරේ සිටීමට අප රටේ ජනතාවට සිදුවිය.
විදුලි බල අමාත්‍යාංශයේ ලේකම්වරයාගේ අදූරදර්ශී කියාකලාපය නිසා ඇති වූ එම විදුලි අර්බුදය විසදා ගැනීමට යැයි කියා විවිධ උපාය අනුගමනය කිරීමට යන නිසා කලදුටු කලවල ඉහගැනීමට කටයුතු කරමින් සිටින මෙරට ව්‍යාපාරිකයින් හා දේශපාලකයින් රාශියකි.
ඉන් එකක් වන්නේ මීට මාස ගණනකට පෙර කොරියානු රජයේ සමාගමක් බව පවසමින් මෙරට ස්භාවික විදුලිබලාගාරයක් ඉදිකිරීමට අවසර ඉල්ලා විදුලිබල අමාත්‍යාංශයේ ලේකම්වරයා විසින් කැබිනට් මණ්ඩලයට ඉදිරිපත් කර ඇති කැබිනට් පතයක් අනුව එම විදුලි බලාගාරය ඉදිකිරීම සදහා උක්ත සමාගමට අවසර ලබාදීමට කටයුතු කරමින් සිටීමයි.
එම සමාගම කොරියානු සමාගමක් බවට කොරියානු තානාපතා කාර්යාලය විසින් සහතික කලද එම සමාගම කොරියානු රජයේ සමාගමක් බවට සහතිකයක් නිකුත් කොට නැත. ඒ අනුව අදාල කැබිනට් පතිකාව මගින් විදුලිබල අමාත්‍යාංශයේ ලේකම්වරයාවන සූරසේන බටගල කැබිනට් මණ්ඩලයම නොමගයවා ඇත තවද උක්ත සමාගම කිසිදු පළපුරැද්දක් නොමැති සමාගක් බව අප කල විමර්ශණයකදී හෙළිවී ඇත.
එම සමාගමට මෙම බලාගාරය ඉදිකිරීම සදහා අවසර ලබා දීමට කටයුතු කිරීම පිටුපස එක දවසට එක බොරැවක් කියන බවට ජනතාව අතර පසිද්ධියක් උසුලන පබල දේශපාලකයාද සීටී. මැයි මස විවාහ වීමට සිටින මෙම දේශපාලකයාගේ පුතාගේ අතිනත ගනු ලබන්නේ මෙම කොරියානු සමාගමේ නිල නොවන දේශීය නියෝජිතයා වන ලංකාවේ රෝලර් ගේට්ටු නිෂ්පාදනයේ යෙදෙන පමුඛම සමාගමක හිමිකරැගේ දියණියයි. ඒ අනුව මෙම නව යුවලට දෑවැද්ද ලෙස දෙනු ලැබීමට නියමිතය ඇත්තේ මෙම බලාගාරයයි.
Published on: Apr 7, 2019 – බලලෝභිත්වය නිසාම බලය අත්පත් කර ගැනීමට ඕනෑම දෙයක් කරන රාජපක්ෂ පවුලේ බැසිල් රාජපක්ෂ හා ගෝඨාභය රාජපක්ෂ මෙන්ම ඔවුන් පිරිවරා සිටින කල්ලි අතර හටගෙන තිබෙන අභ්‍යන්තර ගැටුම් මේ වන විට කරලියට පැමිණ තිබෙනවා.
එම ගැටුමේ උග්‍ර අවස්ථාවක් පසුගිය දා පුපුරා ගිය අතර එය නිර්මාණය වූයේ රාජපක්ෂවරුන්ගේ මස්සිනා කෙනෙකු වන නිරූපමා රාජපක්ෂගේ සැමියා වන තිරුකුමාර් නඩේසන්, පැලවත්ත අකුරේගොඩ ඉදිකරන ආරක්ෂක හමුදා සංකිර්ණයේ ඉදිකිරීම් වලට අදාළ ගණුදෙනු වල වාර්තා තොරතුරු දැන ගැනීමේ පනත යටතේ දැන ගැනීමත් සමඟ ය.
මෙම තොරතුරු දැන ගැනීමේ අවශ්‍යතාවය පිළිබඳව අදහස් දක්වමින් තිරුකුමාර් නඩේසන් ප්‍රකාශ කළේ බිලියන ගණනක දූෂණයක් හෙලි කිරීමට තමාට අවශ්‍ය වූ බවයි. මෙම බිලියන ගණනක් වටිනා ඉදිකිරීම් කොන්ත්‍රාත්තුව අත්දැකීමෙන් ඉතාම අඩු පුද්ගලයෙකුට ලබා දෙමින් සිදුකර ඇති මහ පරිමාණ දූෂණය පිළිබඳව පලවී ඇති තොරතුරු නිලවශයෙන් දැන ගැනීම තම අභිප්‍රාය වූ බවත් ඔහු පවසා සිටියා.
අකුරේගොඩ යුධ හමුදා සංකීර්ණය ආරක්ෂක අමාත්‍යාංශයේ හිටපු ලේකම් ගෝඨාභය රාජපක්ෂ මහතාගේ සංකල්පයක් මත ගොඩ නැගුණු අතර එහි කොන්ත්‍රාත්තුව මුදිත ජයකොඩි ඇසෝසියේට් සමාගම වෙත ලබා දීමට කටයුතු කර තිබුණි.
මුදිත ජයකොඩි යනු දැන බැසිල් රාජපක්ෂට එරෙහිව විභාග වෙමින් පවතින මල්වාන මන්දිරයේ පැමිණිකරු වේ. මුදිත ජයකොඩි එම මන්දිරයේ ඉදිකිරීම් කොන්ත්‍රාත්කරු වන අතර බැසිල් රාජපක්ෂ මහතා තමාට එම කොන්ත්‍රාත් ගාස්තු නොගෙවූ බවට ඔහු මීට පෙර පැමිණිලි කර තිබුණි. තිරුකුමාර් නඩේසන්ද එම නඩුවේ විත්තිකරුවෙකු වේ. ඒ මල්වාන මන්දිරය ඉදිකළ ඉඩම තිරුකුමාර් නඩේසන්ගේ නමින් මීට පෙර මිලයට ගෙන තිබුණු බැවිනි.
පසුව එම ඉඩමේ අයිතිය නඩේසන් විසින් මුදිත ජයකොඩි වෙත පවරා දුන් අතර මල්වාන මන්දිර නඩුවේදි මුදිත ජයකොඩි පවසා සිටියේ එම පැවරීම තමා නොදැන් සිදු කළ එකක් බවත් තමා එම ඉඩමේ අයිතිය භුක්ති නොවිදින බවයි.
අකුරුගොඩ හමුදා සංකීර්ණයේ ඉදිකිරීම් වෙනුවෙන් මුදිත ජයකොඩි සමාගමට සිදු කළ ගෙවීම් පිළිබදව නඩේසන් මහතා අමාත්‍ය මණ්ඩලයෙන් තොරතුරු ඉල්ලු විට එය ප්‍රතිකේෂ්ප වී ඇත. පසුව අභියාචනයේදි තොරතුරු කොමිසම එම තොරතුරු ලබා දෙන ලෙස නියෝග කර ඇත. එම නියෝගය මත අදාළ තොරතුරු දීම අමාත්‍ය මණ්ඩලය විසින් අනුමත කර තිබේ. නඩේසන් මහතාට එම තොරතුරු ලබා දි ඇත්තේ හමුදා සංකීර්ණය පිළිබඳව විමර්ශනය කළ විතානගේ කමිටු වාර්තාවේ පිටපතක් ලබා දීම මගින් ය.
Published on: Apr 6, 2019- මීට සති කිහිපයකට පෙර පැවැති ජිනීවා මානව හිමිකම් කොමිසමේ 40 වැනි සභාවාරයට එක්සත් ජාතීන්ගේ මානව හිමිකම් කොමසාරිස් මිෂෙල් බැෂලර් මහත්මිය විසින් ශ්‍රී ලංකාව සම්බන්ධයෙන් වාර්තාවක් ඉදිරිපත් කර තිබිණි.
එම ජිනීවා සැසිවාරයට සහභාගී වූ ශ්‍රී ලංකා නියෝජිත පිරිසේ ඇතැම්සාමාජිකයින් ඉදිරිපත් කළ විකෘති, සාවද්‍ය තොරතුරුමෙන්ම ඔවුන්ගේ ස්වයං ප්‍රමෝදය උපුටා දැක්වූ ප්‍රවෘත්ති වාර්තා දෙස පසුගිය දින කිහිපයේ මා උනන්දුවෙන් බලාසිටියෙමි. කෙසේ නමුත් 2015ඔක්තෝබර් මස මානව හිමිකම් කොමිසමේ සැසිවාරයේදී සම්මත කරගත් 30/1 නමැති යෝජනාව ඉදිරිපත් කළ අවස්ථාවේ හිටපු විදේශ කටයුතු ඇමැතිවරයා වශයෙන් මෙකී ද්වේශ සහගත තර්කමෙන්ම සාවද්‍ය ප්‍රකාශ සම්බන්ධයෙන් ප්‍රතිචාර දැක්වීම මාගේ වගකීමක් කොට සලකමි.
මාදුටුඇතැම් මාධ්‍ය ප්‍රකාශ තුළ මානව හිමිකම් කොමිසමේ 40 වැනි සැසියට නම් කළ නියෝජිත පිරිස පසුව වෙනස් කළ බව වාර්තා විය. එය හුදෙක් මහජනතාව නොමග යැවීමේ උත්සාහයක් සේම සාවද්‍ය ප්‍රකාශයකි. එසේම මේ ප්‍රකාශ හරහා මහත් කැපවීමෙන් රාජකාරි කටයුතු කරන රජයේ නිලධාරීන්ට විරුද්ධව ඕපාදූප මෙන්ම අභූත චෝදනා රාශියක් ද එල්ල කරතිබිණි.
සත්‍යවශයෙන්ම 40 වැනි මානව හිමිකම් සැසිවාරයට කොළඹින් නියෝජිත පිරිසක් යැවීමේ කිසිම අදහසක්නොතිබුණි. ඊට මූලික හේතුව වූයේ කාර්යක්ෂම, පළපුරුදුකාගෙත්ගෞරවයට පාත්‍ර වූ තානාපතිවරයෙකු ජිනීවාහි සේවය කිරීමයි. එතුමා එක්සත් ජාතීන්ගේ ක්‍රියාපටිපාටීන් සහ සාකච්ඡාමයකරුණු සම්බන්ධයෙන් මනා අවබෝධයක් සහිත ප්‍රවීණයෙකු පමණක් නොව ලැබී තිබෙන උපදෙස් අනුව ඒ කටයුතු වෘත්තීමය ආකාරයට උසස් තත්වයෙන් කළමනාකරණය කළ හැකි බව භාවිතාවෙන් පෙන්වා දී ඇති රාජ්‍ය තාන්ත්‍රිකයෙකි. එපමණක් නොව එතුමා ඇතැමුන් මෙන් තමන් ගැන පුරාජේරු නොකියන්නෙකි.එසේම හිටපු සමහර තානාපතිවරුන් මෙන් සඟවාගත් න්‍යාය පත්‍රවල වැඩ කරනවා වෙනුවට අදේශපාලනිකව කටයුතු කරමින් රටේ පවතින ආණ්ඩුව ජාත්‍යන්තරය තුළ අපහසුතාවයට පත්නොවන සේ ක්‍රියා කරන්නෙකි.
මා බලාපොරොත්තු වූයේ මානව හිමිකම් කොමිසමේ හතළිස් වැනි සැසියේ දී ශ්‍රී ලංකාවේරාජ්‍යතාන්ත්‍රික පරිණතභාවය, දක්ෂතාවය වගේම ජාත්‍යන්තර තලයේදී තාර්කිකව ප්‍රශ්න විසඳා ගැනීමේහැකියාව රටක් විදිහට ප්‍රදර්ශනය කරනු ඇති බවයි. මන්ද ජාත්‍යන්තරයේදී ශ්‍රී ලංකාව ඇති කරගෙන තිබෙන යහපත් තත්ත්වය මෙන්ම ස්වාධීන විශ්වාසවන්ත හවුල් කාරයෙක් ලෙස ජාත්‍යන්තරය අපිව හඳුනාගෙන ඇති ආකාරය සියලු දෙනාටම වැදගත් කාරණාවක් බැවිනි.
තවත් ආකාරයකින් බැලුවොත් කෲර අභ්‍යන්තර යුධ ගැටුම් අවසන් වී දශකයක් පමණ ගෙවුණු තැන අද දිනයේ අපටවඩා වැදගත් වනුයේ කුමක් ද යන්න මෙහි දී විමසා බැලීම වටී. එසේම පසුගිය ඔක්තෝබර් 26 මේ රට ඒකාධිපතිවාදයට ඇද දැමීමට ඇතැමුන් සූදානම් වූ අවස්ථාවේ මේ රටේ මහජනතාවත්, පාර්ලිමේන්තුවත්, අධිකරණයත් එකාවන්ව ඒ උත්සාහය පරාජය කිරීමෙන් පසුව ප්‍රජාතන්ත්‍රවාදී ශ්‍රී ලංකාවේ විභවතාවය මුළු ලෝකෙටමපෙන්වාදීමට මෙම සැසිය හොද අවස්ථාවක් කරගැනීමට ඉඩ නොතිබුණේ ද?
මානව හිමිකම් කොමිසමේ 40 වැනි සැසියේ දී මුළුමහත් ලෝකයටම ශ්‍රී ලංකාව කොතෙක් දුෂ්කර වුවද නොනවත්වා ප්‍රජාතන්ත්‍රවාදය ශක්තිමත් කිරීම, සංහිඳියාව අත්කර ගැනීම, කල්පවත්නා සාමය මෙන්ම සමානාත්මතාවය පෙරදැරි කරගත් ආර්ථික සංවර්ධනය අත්පත්කර ගැනීමටත්, රටේ සියලු දෙනාගේ ජීවිත සෞභාග්‍යමත් කරලීමටත් ගන්නා උත්සාහය තුළ ලබා ඇති ජයග්‍රහණ පෙන්වා දීමට මෙය අවස්ථාවක් කරගැනීමට තිබුණු බව සිහිපත් කළ යුතුය.
එසේම සැබෑ සංහිඳියාව අත්කර ගැනීමේ බරපතළ මෙන්ම දයාවෙන් පිරිපුළුල්, දැනුවත්, සාකච්ඡාවක්දැකීමට මා බලාපොරොත්තු වූයෙමි. එහෙත් අප අත්දුටු ඇත්ත යථාර්ථය වූයේ එවැනි සබුද්ධික තර්කානුකූල ප්‍රවේශයක් වෙනුවට හුදු වාගාලාප පමණි. ජිනීවා හිදී ලංකාව ජාත්‍යන්තර සබඳතා පිළිබඳ කුසලතා, විශිෂ්ටත්වය, නිවුණු බව මෙන්මපරිණත බව වෙනුවට ඉස්මතුව ආවේ හුදු ප්‍රදර්ශනාත්මක සංදර්ශනයකි. මෙහි සත්‍ය යතාර්ථය නම් ස්වයං පුරාජේරු තුළින් ජනතා හැඟීම් කුපිතකරවා ජාතිකවාදී ප්‍රචාරණය ඉස්මතු කොට එකිනෙකා කෙරේ සැක බිය අවුළුවා, අවිනීතිය සමාජ ගතකර හෝ ඊළඟ මැතිවරණයේ දී වැඩි ඡන්ද ප්‍රමාණයක් ලබාගැනීමේ රැවටිලිකාර නිර්ලජ්ජිත සාහසික උත්සාහයකි.
රටේ සුවිශේෂී දේශපාලන තානාන්තර හොබවන නායකයින් පවා එකිනෙකාට පරස්පර මෙන්ම, අතිශයෝක්තියට නගන ලද මතිමතාන්තරකරළියට ගෙන එමින් සිටිති. එවැනි වාගාලාප අතරින් වඩාත්ම පදනම් විරහිත රට නින්දාවට පත් කරන කතාබහ ඉදිරිපත් කරන්නේ කුමන අයෙක්දැයි සිතුවහොත් ඒ වෙනුවෙන් මේ අය එකිනෙකා අතර නොනිමෙන තරඟයක් තිබෙන බව පෙනී යයි. මෙයින් සමහරු ලෝකයේ ඇති වැදගත්ම මානව හිමිකම් සමුළුවට සහභාගිවීමපිළිබඳවස්වයං අභිමානය ඕපාදූප, සුරංගනා කතාවල දවටා රවටා ඉදිරිපත් කරමින් සිටිති.
ඇතැමුන් තමන්ගේ වීරවික්‍රම ක්‍රියාවන් හරහා ගෞරවනීය තනතුරක් වූ චිලීයේ හිටපු ජනාධිපතිනිය ද, ආරක්ෂක අමාත්‍යවරියදවූ, තවදකලක් එක්සත් ජාතීන්ගේ කාන්තාවන් පිළිබඳ සංවිධානයේ ප්‍රධානියාද වූ වර්තමාන එකසත් ජාතීන්ගේ මානව හිමිකම් කොමසාරිස්වරිය වන මිෂෙල් බැෂලර් මහකොමසාරිස්වරියට රාජකාරි කිරීමට ඉගැන්වූ බව ද පැවසූහ.
ශ්‍රී ලංකාවේ සත්‍ය මිතුරියක මෙන්ම ගෝලීය දකුණේ දියුණු වන රටවල හිතවාදිනියක ද වන තම රටේ භීෂණයෙන් දිවිගලවාගත් තැනැත්තියක් වූ මිෂෙල් බැෂලර් මහකොමසාරිස්තුමියගෙන් අප සමාව ගතයුතුය. එබැවින් සාමය හා සංහිඳියාව ඇති කරගැනීමටත් සහෝදර ජනතාවගේ වේදනා බර තුවාල සුව විය යුතු බවටත්, නැවත කිසිදා යුධ ගැටුම් ඇති නොවීමටත්, රට තුළ සමෘද්ධිය උදාකර ගැනීමටත් ප්‍රාර්ථනා කරන තර්කානුකූල ශිෂ්ඨ අව්‍යාජ මෙන්ම කරුණාවෙන් යුතුව, බැරූරුම්ව සිතන, අවංක එළැඹි සිහියෙන් සිතන පතන සියලු ශ්‍රී ලාංකික ජනතාව වෙනුවෙන් ඇයගෙන් සමාව ඉල්ලීමට කැමැත්තෙමි. මහකොමසාරිස්තුමියනි, ඔබගේ ප්‍රකාශය පිළිබඳව ව්‍යාජ අර්ථ නිරූපණහිමිවීම ඔබ වැනි අයෙකුට තරම් නොවේ.
නමුත් එම සියළු නරුමවාදී ප්‍රකාශනයන් අතර නරකම ඒවා මොනවාදැයි අප හඳුනාගත යුතුය.එහිදී රටට විරුද්ධව චෝදනා ඇති බවටකතිකාවක් ඇතිකර ගැනීමේ ස්වයං අර්ථකථනය විමසා බැලීම වටී. එය ජිනීවා මානව හිමිකම් රැස්වීමට සහභාගි වූ ලංකා නියෝජිත කණ්ඩායම විසින් පබැඳුම්කර බෙදා හැරි මතයකි. ස්වයං නිර්මිත අපරාධ පාරා වළල්ලක් පිළිබඳ ප්‍රබන්ධයක් ගොඩනඟන අතරතුර සිය නොහැකියාව සඟවා ගනිමින් ජිනීවා හිදී ලෝකයට විරුද්ධව මහා සටනක් දිනාගත් වීරයන් ලෙස පුරාජේරු දොඩවන මහත්වරුන්ගෙන් ඇසිය යුතු ප්‍රශ්නයක් ඇත. එනම්, මේ සියළු සංදර්ශන මැද ශ්‍රී ලංකාවේ පූර්ණ සම සහභාගිත්වයෙන් හා සම්මුතියෙන්මෙවර ජිනීවා යෝජනා සම්මත වූයේ කෙසේද යන්නයි. එමෙන්ම යෝජනා සම්මත වූයේ කවර පදනමකින් ද යන්නයි. තවද යෝජනාව සම්මතවීමෙන් පසු මහජන මුදලින් ලංකාවේ නියෝජිත පිරිස ප්‍රීති සම්භාෂණයක් පැවැත්වූයේ ඇයි දැයි ඔවුන් කිවයුතුය.තවතවත් ව්‍යාජ පුවත් මැවීම දැන් අවසන් කළ යුතු බව ඔවුන්ට කිව යුතුය.ජිනීවා මානව හිමිකම් කොමිසමේ 40 වන සැසියේ දී සත්‍ය ලෙසම සිදුවූයේ කුමක්ද? මෙවර අංක40/1 යටතේ “ශ්‍රී ලංකාවේ සංහිඳියාව, වගවීම හා මානව හිමිකම් ප්‍රවර්ධනය කිරීම” යනුවෙන් සම්මත වූ යෝජනාව කුමක්ද?
සරලව කිවහොත් රටවල් 47 ක සාමාජිකත්වය සහිත මානව හිමිකම් කොමිසම ලංකාවේ සහ අපගේ අසල්වැසි මාලදිවයිනද ඇතුළු රටවල් 46ක සම සහභාගිත්වයෙන් ඒකමතිකව යෝජනාවක් සම්මත කර ගන්නා ලද්දේ 2015 වසරේ 30/1 සහ 2017 වසරේ34/1 යෝජනාවන් තවදුරටත් කටයුතු සඳහා දීර්ඝ කරමිනි.
2017 දීත් එවැනිම සම සහභාගිත්වයක් ඇති යෝජනාවක් මගින් කාලය ලබා ගැනීම සිදුකළ අතර එකල යෝජනාවට අත්සන් කළේ හිටපු ජිනීවා නිත්‍ය නියෝජිත මෙන්මමෙවර සැසිවාරයේදී ශ්‍රී ලංකාව නියෝජනය කළ වර්තමාන විදේශ ලේකම්වරයාමය. ඔහු විසින් 2015 සහ 2017 ජිනීවා යෝජනා අත්සන් කරන විට වර්තමාන තානාපතිවරයාට දැන් සිදුවනවාක් මෙන් රට සහ ආරක්ෂක හමුදා පාවාදීමේ අවලාද හා චෝදනා මතු නොවීය.
මෙවර 40 වන සැසිය පැවැත්වීමට පෙර මේ වසරේ දී ජිනීවා යෝජනා සඳහා තාක්ෂණික හා ක්‍රියාපටිපාටිමයදිගුවක් ලබා ගැනීමේ තීන්දුව ගනු ලැබූයේ පෙබරවාරි මාසයේදී අතිගරු ජනාධිපතිතුමාව සහ ගරු අග්‍රාමාත්‍යතුමාව දැනුවත් කිරීමෙන් පසුවය.
ගරු අග්‍රාමාත්‍යවරයාගේ කාර්යාලය යටතේ එන සංහිඳියා සම්බන්ධීකරණ ලේකම් කාර්යාලයේ මහ ලේකම් වන මනෝ තිත්තවැල්ල මහතා ජිනීවා යෝජනාවට සම අනුග්‍රහය දැක්වීමේ උපදෙස් ජිනීවා නිත්‍ය නියෝජිත ඒ.එල්.ඒ.අසීස් තානාපතිවරයා වෙත දැනුම් දෙන ලදී. සංහිඳියා මහලේකම් කාර්යාලය 2016 වසරේ දී අමාත්‍ය මණ්ඩල අනුමැතිය සහිතව පිහිටුවන ලද්දේ ජිනීවා යෝජනා 30/ 1 ක්‍රියාත්මක කිරීම ඇතුළු සමස්ත සම්බන්ධීකරණ හා සංහිඳියා කටයුතු සඳහාය.තානාපති අසීස් මහතා වෙත මෙම උපදෙස් ලබාදීම විදේශ අමාත්‍ය තිලක් මාරපන මහතා විසින්ද සිදු කළ බැවින් අමාත්‍යතුමා ඒ පිළිබඳව හොඳින් දනී. එසේම මාරපන විදේශ අමාත්‍යවරයා අදාළයෝජනාව සම්බන්ධයෙන් සම්බන්ධීකරණ කටයුතු තිත්තවැල්ල මහතා සමඟ සාකච්ඡා කොට ක්‍රියාත්මක කරන මෙන් අසීස් තානාපතිවරයා වෙත උපදෙස් ලබා දී ඇත. එමෙන්ම ඒ පිළිබඳ විදේශ අමාත්‍යාංශ ලේකම් රවිනාථ ආරියසිංහ මහතාවද දැනුවත් කර තිබේ.
එවැනි පසුබිමක කාලය දීර්ඝ කිරීම සහ පටිපාටික කල්තබාගැනීමේ අදහසේ තේරුම කුමක් දැයි සොයා බලනු වටී.එහි තේරුම නම් 2015 ජනවාරි මාසයට පෙර බොහෝ අවස්ථාවල සිදු වූ පරිදි මානව හිමිකම් උල්ලංඝණයන් සහ අපරාධ මුක්තියට එරෙහිව ශ්‍රී ලංකාව දෝෂ දර්ශනයට ලක් කරනවා වෙනුවට ශ්‍රී ලංකාව සංහිඳියාව අත්කරගැනීමේ සාර්ථක ගමනක යෙදෙන රටක් ලෙස හඳුනාගනිමින් ඒ පිළිබඳ ජාත්‍යන්තරයේ විශ්වාසය නැවත තහවුරු කිරීමකි. ඒ හරහාශ්‍රී ලාංකිකයෝ වගකීම් හඳුනන, මුහුකුරා ගිය, ගෞරවනීය ජනතාවක් බවත් ඔවුන් ඉතා සංකීර්ණ පශ්චාත් ගැටුම් දුක්ගැනවිලි සඳහා සත්‍යය යුක්තිය මෙන්ම හානිපූර්ණය ලබාදෙමින් යුද්ධයේ කැළැල් සුව කිරීමට සූදානම් බව ජාත්‍යන්තර විසින් පිළිගෙන තිබේ. එසේම ශ්‍රී ලාංකික ජනතාව රටේ සියළු දෙනාගේ අයිතිවාසිකම් තහවුරු කරමින් නීතියේ ආධිපත්‍ය පිහිටුවා නැවත ගැටුම් ඇති නොවන ලෙස කටයුතු කර දිගුකාලීන ආර්ථික අභිවෘද්ධිය, සංවර්ධනය සහ සමෘද්ධිය අත්කර ගැනීමට අවශ්‍යය ස්ථාවරත්වය ඇතිකර ගැනීමටසූදානම් බව හඳුනාගෙන තිබේ.
ජිනීවා යෝජනා 40/1 මෙසේ සඳහන් වේ. “තම රට තුළ සමස්ත ජනතාවගේ සියළු මානව හිමිකම් සහ මූලික නිදහස තහවුරු කිරීමට සෑම රාජ්‍යයක්ම බැඳී සිටී” සත්‍ය ලෙසම එය අපගේ වගකීමක් වන අතර ලංකාවේ සමහරුන් මෑතක දී කියා සිටිපරිදි ලෝකයේ වෙනත් පිටස්තර කිසිවෙකුට එම වගකීම් නොපැවරේ.
යෝජනා ක්‍රියාත්මක කිරීමට කාල දිගුවක් ලබාදීම යනු කිසියම් හෝ ආකාරයකට රටට එරෙහි ආර්ථික හෝ දේශපාලන සම්බාධකපැණවීම නොවේ. 2015 ඔක්තෝබර් මස පළමු දින සම්මත කරගත් 30/1 මුල් ජිනීවා යෝජනාවේ කිසියම් හෝ තැනක සම්බාධක පිළිබඳ සඳහන් වන්නේ දැයි පෙන්වන ලෙස මෙවර ජිනීවා ගිය නියෝජිත පිරිසේ ඕනෑම අයෙකුට මා අභියෝග කිරීමට කැමැත්තෙමි.
දින 100 වැඩසටහනක් ක්‍රියාත්මක කිරීමට ඡන්ද දායකයින් ජනාධිපති සිරිසේන වෙත ලබා දුන් ජනවරමින් පසු 30/1 යෝජනාවට 2015 දීශ්‍රී ලංකාවේ සම අනුග්‍රහය ලබා දුන්නේරටේඅභ්‍යන්තරික ප්‍රශ්න ජනතාවගේ ස්වෛරී අයිතිය මත පදනම්ව ඓතිහාසිකව අපට පැවරී ඇති කල් පවත්නා සාමය සහ සංහිඳියාව ළඟාකර ගැනීමේ වගකීමට නොමඳව උර දෙමිනි.දැන් දැන් ඇසෙන විවිධ ආකාරයේ නන් දෙඩවිලි පසෙකලා බැලුවහොත් 30/1 යෝජනාව පදනම්ව ඇත්තේ ශ්‍රී ලාංකික අපේම සත්‍යය සෙවීම, යුක්තිය, හානි පූර්ණය සහ නැවත ගැටුම් ඇති නොවීම යන අරමුණු කැටිකොට මා විසින් විදේශ ඇමතිවරයා ලෙස ආණ්ඩුව වෙනුවෙන් 2015 සැප්තැම්බර් 14 දින මානව හිමිකම් කොමිසමට ඉදිරිපත් කළ මූලික අදහස් බව පැහැදිලිය.
2015 අගෝස්තු 14 දින පැවැත්වූ පාර්ලිමේන්තු මැතිවරණයෙන් පසු අමාත්‍යවරුන් ලෙස දිවුරුම් දීමෙන් අනතුරුව පැවැත්වූ රැස්වීම්වලදී මගේසැප්තැම්බර් ජිනීවාප්‍රකාශයේඅන්තර්ගත වියයුතු කරුණු අතිගරු ජනාධිපතිතුමා හා ගරුඅගමැතිතුමා විසින් අනුමත කරන ලදී.30/1 යෝජනාව 2015 දී සම්මත වීම හේතුවෙන් ජනාධිපති රාජපක්ෂගේ ආණ්ඩුව කාලයේ සම්මත වූ 2014 මාර්තු 25/1 යෝජනාව මගින් හඳුන්වා දුන් ශ්‍රී ලංකාව පිළිබඳ යුද අපරාධ විමර්ශන කාර්යාලය ඇති කිරීමද සාර්ථකව අහෝසි විය.මෙහිදී සියලු පාර්ශව වෙත නැවත නැවතත් මතක් කළ යුතු කරුණක් නම් අප වගකිවයුතු ස්වෛරී රටක් ලෙස ක්‍රියාත්මකවීමට අපොහොසත් වුවහොත් පුරවැසි ජීවිත භයානක උපද්‍රවකාරී තැනකට තල්ලු වන බවත් එතුළින් ලෝකයා වෙත රටක් ලෙස අපගේ නොහැකියාවේ පණිවිඩය ලබා දෙන බවත්ය.
අපගේ ප්‍රශ්න සම්බන්ධයෙන් රට තුළ විසඳුම් සොයා ගත නොහැකි වන්නේ නම් නිසැකවම පිටස්තරයන් පැමිණෙනු ඇත. එවිට ජාත්‍යන්තර මැදිහත්වීම් මෙන්ම විශ්වීය නීතිය පිළිබඳ සංකල්පය අදාළ කරගනු ඇත.
ජිනීවා 30/1 යෝජනාව 2015 දී සම්මත වීමෙන් පසු අතිගරු ජනාධිපතිතුමා විසින්සංහිඳියාව ලඟාකරගැනීමේ අරමුණ ඇතිව යෝජනා ක්‍රියාත්මක කිරීම සඳහා සර්ව පාක්ෂික සමුළුවාර දෙකක්කැඳවන ලද අතර එකල ද එතුමා විදෙස් විනිසුරුවන් පිළිබඳ අදහසට තම විරුද්ධත්වය ප්‍රකාශ කළේය. එතුමා ජිනීවා යෝජනා ක්‍රියාත්මක කිරීමේ පුළුල් පදනමක් ඇති කර ගැනීමේ අටියෙන් සර්ව පාක්ෂික සමුළුවකට සහභාගි වූ සියලු දේශපාලන පක්ෂවල අදහස් විමසා සිටියේය. එහෙත් ඒකාබද්ධ විපක්ෂය ද ඇතුළු රට ගිනි තබමින් ව්‍යාජ චෝදනා නගමින් යන සමහර දේශපාලන පක්ෂ තම ලිඛිත නිරීක්ෂණ හෝ යෝජනා කිසිවක් සර්ව පාක්ෂික සමුළුවට ලබා නොදුනි.
ජිනීවා යෝජනාව 30/1 අඩංගු කරුණු පිළිබඳ ප්‍රවේශමෙන් අධ්‍යයනය කළහොත් එහි සංහිඳියා න්‍යාය පත්‍රය යටතේ සංහිඳියාව, නීතියේ ආධිපත්‍යය, ආරක්ෂාව සහ ජනතාව අතර විශ්වාසය ගොඩනැගීමේ ක්‍රියාමාර්ග රාශියක් අඩංගු වී ඇති බව පෙනේ.
මේ සියලු කරුණු 2015 ජනාධිපති ජනාධිපතිවරණයේ දී අප විසින් ශ්‍රී ලාංකික ජනතාව වෙත ලබා දුන් පොරොන්දු හා සෘජුව බැඳී පවතී. අප වෛරය ද අත්තනෝමතිකභාවය ද අවසන් කරන බවටත්, භිෂණය නැති කරන බවටත් පොරොන්දු වූයේ ඒ හරහා ශ්‍රී ලංකාව දිගුකාලීන සංවර්ධන මාවතකට අවතීර්ණ වන බැවිනි. මෙයින් බොහෝ දේවල් දැනටත් ක්‍රියාත්මක කොට ඇති අතර අනෙක් සමහර දේ අඩු ප්‍රගතියක් අත්කර ගත්තද තවමත් සක්‍රීයව ප්‍රතිඵල අත්කර ගනිමින් තිබේ. අත්තනෝමතික අදහසක එල්බ නොගත් ඕනෑම පුරවැසියකු රට තුළ සිදුවී ඇති සැළකිය යුතු වෙනස්කම් හෘදයාංගමව පිළිගනු ඇත. ඒ අතරින් සියලු වින්දිතයන්ගේ අයිතිවාසිකම් සුරකින ආයතන පද්ධතිය මෙන්ම සියලු පුරවැසියන්ගේ අනාගත ආරක්ෂාව සහ යහපැවැත්ම ද සුරක්ෂිතතාවය ද තහවුරු කෙරෙන ආණ්ඩුක්‍රම ව්‍යවස්ථා සංශෝධන වැදගත් වේ. අපට ස්වයං අභිමානයෙන් ජීවත් වීමටත් රැකියා කිරීමටත්එකාවන්ව අභිවෘද්ධිය ලඟා කර ගැනීමට අවශ්‍ය වාතාවරණය එතුළින් සකස් විය. එසේම අද වන විට සියළුම දෙනාට සාමයෙන් ජීවත් වීමට හැකි වාතාවරණයක් රටතුළ ගොඩ නැඟී තිබේ.
ජිනීවා 30/1 යෝජනාවෙන්ඉදිරිපත් වූ ප්‍රධාන ක්‍රියාකාරකම් කිහිපයක් පහත දැක්වේ.
අතුරුදහන්වූවන් පිළිබඳ කාර්යාලය:
අතුරුදහන්වූවන් පිළිබඳ කාර්යාලය පිහිටවූයේ මානුෂවාදී මෙන්ම දයාවෙන් පිරි අරමුණු පෙරදැරිව අතීතයේදී මෙරට ඇතිවූ ගැටුම් සහ අර්බුදකාරී කාලයන්හි අතුරුදහන් වූවන්ට සිදු වූ දේ කුමක්දැයි සොයා බැලීමටය. සරලව කිවහොත් අතුරුදන්වූවන් පිළිබඳ කාර්යාලය ක්‍රියාත්මක වන්නේ ආගම් ජාති හෝ භාෂා භේදයකින් තොරව ලංකාවේ සියලුම පවුල්වලට තම ආදරණීය ඥාතීන් අතුරුදහන් වූ හේතු සොයා බැලීමටත් ඒ තුළින් ශ්‍රී ලාංකික ජාතියේ හෘද සාක්ෂිය විමසා නැවත කිසිදා රට තුළ අතුරුදහන් වීම් ඇති නොවීමටත්ය.
ලංකාවේ අතුරුදහන් වූ සිය දහස් ගණනක් පුද්ගලයන් අතර හමුදා සොල්දාදුවන් මෙන්ම පොලිස් නිලධාරීහු දසිටිති. සිහිකල්පනාව ඇති කිසිම පුද්ගලයෙකු මෙවැනි මූලික අයිති අයිතිවාසිකම් තම සහෝදර පුරවැසියන් විසින් භුක්ති විඳීම ගැන විරුද්ධවීම අදහාගත නොහැක.බුද්ධ වචනයේ ඇති මෛත්‍රිය යනු මෙයම නොවේද?
හානිපූර්ණ කාර්යාලය:
හානිපූර්ණ කාර්යාලයක් පිහිටුවීම පාර්ලිමේන්තුව විසින්ද ව්‍යවස්ථානුකූලව අනුමත කර ඇති අතර එමගින් යුද්ධයෙන් හානි වූ සියලුම ජනතාවට තම ජීවිත නැවත ගොඩනගා ගැනීමටත් හානි පුර්ණය කර ගැනීමටත් පූර්ණ මනුෂ්‍යයෙක් ලෙසගෞරවනීය ජීවිත ගත කිරීමට ඇති අයිතිය තහවුරු කරනු ඇත. ස්ථිර ආයතනයක් ලෙස පිහිටවනු ලබන හානිපූර්ණ කාර්යාලය අනාගතයේ දී හෝ රට තුළ අගතිගාමී තත්ත්වයක් ඇතිවුවහොත් සියලුපුරවැසියන්ට උදව් ලබා දීමේ ප්‍රතිපත්ති සකස් කරනු ඇත. පීඩාවට පත්වූ ජනතාවට තම ජීවිත නැවත ගොඩනගා ගැනීමට උදව් කිරීමෙන් රටට හෝ සමාජයට කිසිදු තර්ජනයක් පැන නොගනී.එසේම සියලු අවශ්‍යතා ඇති පුරවැසියන්ට තම ජීවිත හා ජීවනමඟස්ථාපනය කරගැනීමට ඉඩ සැලසීම රාජ්‍යයේ වගකීමක් නොවන්නේද?
සත්‍ය සහ සංහිඳියා කොමිසමක් පිහිටුවීම:
සත්‍ය සහ සංහිඳියා කොමිසමක් පිහිටුවීම සඳහා දැනටමත් අමාත්‍ය මණ්ඩලය වෙත සංකල්ප පත්‍රිකාවක් ඉදිරිපත් කර තිබේ. ඒ තුළින් යුද ගැටුම් කාලයේ සිදුවීම් සම්පූර්ණයෙන් නිරාවරණය කර ගැනීමට හැකිවනු ඇත. එසේම මතභේදයට තුඩු දී ඇති විවාදාත්මක සිද්ධීන් පිළිබඳ ඇති රහස් මෙන්ම කටකතා නිරාවරණය කිරීම තුළින් සියලුම වින්දිතයන්ගේ ද, ජීවිත ගලවාගත් අයගේ දසත්‍ය තොරතුරු අනාවරණයය වනු ඇත.එතුළින් සෑම සියලු දෙනාටම තම අත්දැකීම් කියාපෑමට ඉඩ ලැබෙනු ඇත. එය ත්‍රිවිධ හමුදා වලටද අදාළය. සමාජයේ සියලු තරාතිරම්වලට අයත් රටේ සතර දිග්බාගයේ සිටින සහෝදර ජනතාවට විවෘතවකතා කිරීමටත්, සත්‍ය ගවේෂණයටත් ඒ තුළින් සුවපත්වීමටත් ඉඩදීම තුළින් නැවත අපේ මව්බිම තුළ එවැනි අභාග්‍යය සම්පන්න තත්ත්වයක් ඇති නොවීමට කටයුතු කළ යුතුය.
අධිකරණ යාන්ත්‍රණයක් පිහිටුවීම:
බුදුන්ගේ ඉගෙනුම්, වේදාන්ත අධ්‍යාපනය සහ මහමත්තුමාගේ, ජේසුතුමාගේආභාෂය ලත් ශ්‍රී ලාංකික ජනතාවටසත්‍ය යනු පරදේසක්කාර සංකල්පයක් බව කිව හැකිද? අපේ ජාතික නීති පද්ධතිය තුළම“මානව හිමිකම් අපහරණය හා ජාත්‍යන්තර මානව නීති උල්ලංඝනය කිරීම් පිළිබඳ විශේෂ නීති උපදේශකයෙකු සහිත අධිකරණයාන්ත්‍රණයක් පිහිටුවීමට” 30/1 යටතේයෝජනා වී තිබේ.එම යාන්ත්‍රණය පිළිබඳව ජිනීවා යෝජනාවල පැහැදිලිව කියවෙන්නේ එය“ශ්‍රී ලාංකික අධිකරණ යාන්ත්‍රණයක් විනා ජාත්‍යන්තර යාන්ත්‍රණයක් නොවන බැවින් එහි කටයුතු විදේශ නීතිවේදීන්ගේ සහභාගිත්වයට පමණක් සීමා වනු ඇත”.සංහිඳියාව සහ අතීත තුවාල සුවවීම් කඩාකප්පල් කරන්නන් හට මෙකී කාරණය භීෂණයත් අසහනයත් වපුරන්නට විශේෂ මාතෘකාවක් වී තිබේ. එබැවින් අවංක වුවමනාවෙන් අධිකරණ යාන්ත්‍රණය පිළිබඳ තේරුම් ගැනීමට තැත් කරනවුන් සඳහා ඒ පිළිබඳව අවබෝධ කරදීමේ උත්සාහයක් ගත යුතුය.
අධිකරණයේ යාන්ත්‍රණය යනු ලංකාවෙන් පිටත විදේශ භූමියක පිහිටි විදේශීය ආයතනයක් නොවේ. මෙරට තුළම පිහිටුවනු ලබන ශ්‍රී ලාංකික යාන්ත්‍රණයකි. ලංකාව තුළ විදේශ නීතිවේදීන් නඩු කටයුතුවලට සම්බන්ධවීම නවමු හෝ පෙර නොඇසූ දෙයක් නොවේ. හිටපු ජනාධිපති මහින්ද රාජපක්ෂජාත්‍යන්තර ස්වාධීන පිළිගත් පුද්ගලයන්ගේ කණ්ඩායම 2005 දී පත්කරන ලදී. එහි සභාපතිත්වය දැරුවේ ඉන්දියාවේ 17 වන අග්‍රවිනිශ්චයකාර භගවතී මහතාය.තවත් අතකින් ලංකාවේ නීතිවේදීන් බොහෝ දෙනෙක් විදෙස් රටවල විනිසුරුවරුන් සහ විමර්ශකයන් ලෙස අවස්ථා ගණනාවක දී කටයුතු කර තිබේ. මෙරට සිටින නීතිපති දෙපාර්තමේන්තුවේ සමහර නිලධාරීන් මෙන්ම විනිසුරුවරුන්ද ෆීජී රාජ්‍යයේ අධිකරණ කටයුතුවල නියැලී තිබේ.
ආණ්ඩුක්‍රම ව්‍යවස්ථාවේ කොතැනකවත් ලංකාවේ සේවය කරන විනිසුරුවරුන් අනිවාර්යයෙන් මෙරට පුරවැසියකු විය යුතු බව දක්වා නැත. යම් කෙනෙකුට එය ව්‍යවස්ථාවේ පැහැදිලිව සඳහන් විය යුතු බවට තර්ක කළ හැකිය.එහෙත් හුදු වචනවල එල්ලී වාද විවාද කරමින් රටේ සංහිඳියාව විනාශ කර ගන්නවාද යන්න අප හොඳින් සිතා බැලිය යුතුය.ජිනීවා යෝජනාවේ දැක්වෙන්නේ ශ්‍රී ලාංකික අධිකරණ ක්‍රමය හරහා බරපතළ මානව හිමිකම් උල්ලංඝනය කිරීමේ චෝදනා විමර්ශනය කොට තීන්දු ලබා දිය යුතු බවයි. ඊට විරුද්ධ විය හැක්කේ කාටද? පසුගිය මස ජිනීවා නුවරට ගිය මෙරට නියෝජිතවරුකියා ඇත්තේ ද එයමය. එකී මූලික එකඟතාවය මත පදනම්ව මෙවර ජිනීවා යෝජනාවට නියෝජිත පිරිසවිරුද්ධ නොවුණු බව උපකල්පනය කළ හැක. එහෙත් අපට එරෙහිව නැඟී ඇති චෝදනා විමර්ශනය නොකොට සම්පූර්ණයෙන්ම බැහැර කළ හැකිද? නීතියෙන් ලබාදී ඇති පුරවැසියාගේ සමාන ආරක්ෂාව තහවුරු කිරීමට ආණ්ඩුක්‍රම ව්‍යවස්ථාවප්‍රකාරව අප බැඳී නොසිටිමුද?
එබැවින් නැඟී ඇති චෝදනා විමර්ශනය කොට සාධාරණත්වය ඉෂ්ඨ කිරීම අපගේ ආරක්ෂක හමුදා සාමාජිකයින් ඇතුළු සියලු පුරවැසියන් වෙනුවෙන් සිදු කළ යුතුය. නැතහොත් අපරාධ පිළිබඳ වගකිවයුතු අය ලෙස නම් කොට ඇති පුද්ගලයන්ට පවා තම ජීවිත කාලයපුරාඑම චෝදනාවල පීඩාව සිත තුළ දරාගෙන ජීවත්වීමට සිදු වේ. නැඟී ඇති චෝදනා විභාග නොකර සිටියහොත් අපගේ ආරක්ෂක හමුදාසාමාජිකයන්ට විරුද්ධව ජාත්‍යන්තර අධිකරණ ක්‍රියාමාර්ග ගැනීමේ අවධානමක් තිබේ.එබැවින් කිසිවක් නොකර සිටීමයනු ත්‍රිවිධ හමුදාවලට සහ පොලීසියට මෙන්ම පීඩාවට පත්වූ යැයි සැලකෙන පුරවැසියන්ටද එකලෙසම යුක්තිය ඉටුකර දීමේ අයිතිය උල්ලංඝනය කිරීමක් නොවේ ද? එබැවින්අධිකරණ ක්‍රියාමාර්ග ගැනීම ආණ්ඩුක්‍රම ව්‍යවස්ථාවට ඉඳුරාම අනුකූලපියවරකි.
මානව හිමිකම් කොමිසම යනු අධිකරණයක් නොවේ. එය මියගිය අයගේ හෝ අතුරුදහන් වූවන්ගේ සංඛ්‍යාලේඛනසම්බන්ධයෙන් වාද විවාද කරන මණ්ඩපයක් ද නොවේ. ඉදිරිපත්ව ඇති සියලු කරුණු මෙන්ම නේස්බි සාමිවරයා විසින්ඉදිරිපත් කළ සංඛ්‍යාලේඛන ද ශ්‍රී ලාංකික අධිකරණ ක්‍රමවේදයක් හරහාදේශීයඅධිකරණ පද්ධතියක් තුළ සලකා බැලිය යුතු වේ.
අපගේම ජාතික ක්‍රමවේදයක් තුළ අප රජය විසින් තීරණය කරනු ලබන සීමාවන්ට යටත්ව විදේශ ප්‍රවීණයන්ගේ විමර්ශන සහභාගිත්වය ලබාගැනීම නවමු හෝ විවාදාත්මක දෙයක් නොවේ. එය අතීතයේ දී ද අප කර ඇත්තෙමු. “ඔව්” හෝ “නැත”යන අන්තගාමී සාකච්ඡාවකට සීමා නොකොට ප්‍රායෝගික කතිකාවක් තුළින් ඉතා බැරෑරුම් මානව හිමිකම් චෝදනා සම්බන්ධයෙන් යුක්තිය ඉටු කරන්නේ කෙසේද පිළිබඳව රට අභ්‍යන්තරයේ සාකච්ඡා කළ යුතුය.ඒ සඳහා ලෝකයේ සිටින හොඳම සහ ස්වාධීන නීතිවේදීන්ගේ සහාය ලබාගත හැකිය.
මහින්ද රාජපක්ෂ මහතාට මෑතකදී ප්‍රතිචාර දක්වමින් මා ඇසූයේ ගෝලීය දකුණේ රටක් ලෙස අනිකුත් දියුණුවෙමින් පවතින සහෝදර රටවල ප්‍රවීණත්වය අපි ලබා නොගන්නේ මන්ද යන්නයි. තම රටෙහි සහ ලෝකය පුරා අතුරුදහන්වූවන් පිළිබඳ සාර්ථක පරීක්ෂණ පැවැත්වූ ආජන්ටීනියානු ප්‍රවීණයන්ගේ සහයෝගය අප ඉල්ලා නොසිටින්නේමන්ද? තම රටේ සිටි ඒකාධිපති පාලකයන්ගේ දූෂිත ගනුදෙනු හා මානව හිමිකම් උල්ලංඝනය කිරීම් පිළිබඳ පරීක්ෂණ පැවැත්වූ ටියුනීසියානුවන්ගේඋපකාර අප නොගෙන සිටින්නේ මන්ද? වර්ගවාදී බිහිසුණු සමය පිළිබඳ තවමත් සොයා බලමින් සිටින දකුණු අප්‍රිකානු නීතීඥයන්ට මෙරටට උදව් උපකාර කිරීමේදොරවසන්නේ ඇයි? වසර ගණනක ගැටුම්වලින් පසු සාමය සහ යුක්තිය දිනාගත් කොලොම්බියානු විශේෂඥයන්ගේ දැනුම අපට ලබාගත නොහැකිද? වධ බන්ධනවල වින්දිතයකුව සිට චිලීයේ ආරක්ෂක ඇමැතිවරියද, ජනාධිපතිනිය ද වූ වර්තමාන මානව හිමිකම් මහකොමසාරිස් මිෂෙල් බැෂලර් මහත්මියගේ ස්වයං අත්දැකීම් අප සමඟ බෙදා හදා ගැනීමට අප ඉල්ලා නොසිටින්නේ ඇයි?
ලොව පුරා අධිකරණවල සක්‍රීයව සේවය කළ ශ්‍රී ලාංකික විශේෂඥයෝ ගණනාවක්ම සිටිති. උගත් පාඩම් හා සංහිදියා කොමිසමට ජනතාව දුන් සාක්ෂි ද යුක්තිය උදෙසා උපදේශක කාර්ය සාධක බළකාය මගින් රජයට ලබාදුන් නිර්දේශ දඅප සතුව තිබේ.එසේම තම මතය සහ ප්‍රවීණත්වය අප සමඟ බෙදා ගැනීමට ඉදිරිපත් වන නීති විශාරදයෝ ලොව පුරා වෙසෙති.
බලහත්කාරයෙන් අතුරුදහන් කිරීම් පිළිබඳ ජිනීවා යෝජනා:
ජිනීවා යෝජනාවේ අඩංගු වන තවතවත් කරුණු තිබේ. බලහත්කාරයෙන් අතුරුදහන් කිරීම්වැළැක්වීමේ වඩා හොඳ නීති පද්ධතියක් මෙන්ම වෙනත් නූතන නීතිරීති හඳුන්වාදීම හරහාඅතීතයේ දී සිදුවූ අමිහිරි දෑ නැවත සිදු නොසිදුවීමට අපඇපකැප විය යුතු නොවේද?රට තුළ පවත්නා අනෙක් සියලූ නීතිරීති මෙන්මමෙවැනි අළුත් නීති ද අතීතයට බලපාන ඒවා නොවේ.එවැනි අනාගත අපරාධ පිටුදැකීමේ කටයුතු වලට එරෙහි වන්නෝ කවුරුන්ද? එසේම අනාගතයේ දීසිදුවීමට ඉඩ ඇති අතුරුදහන් කිරීම් වැළැක්වීමට අප කටයුතු කරද්දී ඒවාට එරෙහිව කටයුතු කරන්නෝ කවුද? එවැනි පුද්ගලයන්ට අවශ්‍යව ඇත්තේ තවදුරටත් අපරාධ කිරීමේනිදහස් වරමක් ද? එම ඝණයට වැටෙන්නේ නැවත වතාවක් රටට සුදු වෑන් සංස්කෘතිය ගෙනැවිත් දී රට තුළ භීෂණය පතුරවන්නටමාන බලන පුද්ගලයන්ට විනා වෙන කිසිවකුටත්නො වේ.
ඉඩම් හිමිකම සහ ජනතාවට ජීවන මාර්ග සලසාදීම:
ඉඩම් අයිතිය ඒවායේ සිවිල් හිමිකරුවන්ට ලබාදීමට ජිනීවා යෝජනාවෙන් දිරි ගැන්වෙයි.මෙය බැලූ බැල්මටම අප රටට අදාළය. මක්නිසාද ආරක්ෂිත අවශ්‍යතාවයන් නොමැති කල පසු සිවිල් ඉඩම් භාවිතයේ අවශ්‍යතාවයක් හමුදාවලට නැත.අප නීතියේ ආධිපත්‍යයෙන් පාලනය වන රටක් බැවින් කෙනෙකුගේ පවුල් පසුබිම හෝ ජීවන තත්ත්වය දියුණු කරගෙන දේපල හිමිකර ගැනීමටත් ජීවන මාර්ගයක් පාදා ගැනීමටත් සියලු පුරවැසියන්ට සමාන අයිතීන් තිබේ. මහකොමසාරිස්වරිය සිය වාර්තාවෙන් පෙන්වාදෙන පරිදි මෙම අංශයෙන් ලංකාව සුවිශාල ප්‍රගතියක් පෙන්වා තිබේ. කෙනෙකු තමන්ට හිමි නිවසේ පදිංචිවීමට, සිය ඉඩම දියුණු කිරීමට,වෙරළාසන්න මත්ස්‍ය කර්මාන්තයේ යෙදීමටඉඩ ලබාදීම ගැන කිසිවෙකු විරුද්ධ විය යුතු ද? පවුලක් ගොඩනඟාගැනීමට, වෙහෙස මහන්සියෙන් වැඩ කිරීමට මෙන්ම යහපත් අනාගතයක් පිළිබඳ සිහින දැකීමේ සියුම් සතුටකාහටත් හිමිවිය යුතුය.
ආරක්ෂක හමුදාවල වෘත්තීය තත්ත්වය උසස් කිරීම:
ජිනීවා යෝජනාවලින් ආරක්ෂක අංශවල සැලකිය යුතුප්‍රතිසංස්කරණ කිරීමට ශ්‍රී ලංකා රජය දිරිමත් කර සිටින්නේ සංක්‍රාන්තික යුක්තිය පසිඳලීමේ ක්‍රියාදාමය පහසු වන පිණිසය. ඒ තුළින් හමුදාවල හොඳ නම සහ වෘත්තිය තත්ත්වය වර්ධනය වනු ඇත.සිය හොඳනම සහ වෘත්තිය තත්ත්වය ඉහළ නංවා ගැනීමට හමුදාවලට ඇති අවස්ථාව ඉවත දමන්නේ කාගේ වුවමනාවටද? තමන් පමණක් ජාතිමාමකයන් බවට පුරසාරම් දොඩවන සමහරු ලොව වටා සාමසාධක හමුදාවල සේවය කිරීමේ අනගි අවස්ථාව අපේ හමුදාවලට අහිමි නොකරන්නේද? ජිනීවා යෝජනාව හොඳින් තේරුම් ගෙන එහි අඩංගු වී ඇතික්‍රියාකාරකම් සැලකීමේදී ඒවායේ තර්කානුකූල පදනමටපහර ගසන පුද්ගලයින් කුමන මානසිකත්වයක ජීවත් වන්නේ දැයි අසන්නට සිතේ. මක්නිසාද සැබෑ ලෙසම රටට ආදරය කරන කිසිවෙකුටත් මෙම යෝජනාවලට විරුද්ධ විය නොහැකි බැවිනි.
යුද්ධය හමාර වීමෙන් දශකයක් සහ දකුණේ තරුණ නැගිටීම්වලින් පසු දශක තුනක් වසරක් ගත වුවද තවමත් අප ජීවත්වන්නේ සහෝදර පුරවැසියන් කෙරෙහි හදවත දයාව, කරුණාව පුරවාගන්නවා වෙනුවට ඔවුන් ගැන වෛරයෙන් සහ ක්‍රෝධයෙන් බව පෙනේ. රට නැවත ගොඩනැගීම,ප්‍රතිසංස්කරණ සහ සංහිඳියාව අත්කරගැනීම වෙනුවට අප සිටින්නේ ඒ සියලු දේ ප්‍රතික්ෂේප කරන අගතිගාමී මානසිකත්වයක බව පෙනේ.සියලු පුද්ගලයන්ට මනුෂ්‍යයන් ලෙස උපතින් උරුම වී ඇති අභිමානයෙන් යුතු ජීවිතයක් ගතකිරීම වෙනුවට අප එකිනෙකා දෙස බලන්නට පුරුදුව ඇත්තේ භාෂාව ආගම සහ අනන්‍යතාවය වැනි පටු සීමාවන් තුළිනි.
තමන්මහා බෞද්ධයන් බව කියමින් මෙසේ ක්‍රියා කරන්නෝ සමාජයේ සුලබය. එබැවින් කිසිදු දර්ශනවාදයක් හෝ ආගමික ඉගැන්වීමක් පිළිගන්නවුන් කෲරත්වය සහ අසත්‍යපැතිරවීමනොකළ යුතුය.නමුත් දුක්ඛිත යථාර්ථය නම්රට තුළ වගවීම සහ සංහිඳියාව ළඟාකර ගැනීමේ කිසිදු පියවරකට ආශක්ත නොවන පිරිසක් සිටින බවය. මක්නිසාද ඔවුන්ට යුක්තිය අවැසි නොවේ.ඔවුන්ට අවශ්‍යව ඇත්තේජයග්‍රාහකයාගේ යුක්තිය පමණකි.ජීවත්වන්නන්ගේ සාමය අරුචිවන ඔවුනට අවැසි වන්නේ සොහොන් කොත්වල මිහිදන් කළ සාමයයි.
සහජයෙන්මිනිසුන් තුළ පවතින තිරිසන් ගතිවලට අමතා චිරස්ථීන හැඟීම් සහ භීතිය, වෛරය වපුරා බලය ඩැහැගැනීම සමහරුන්ගේ අරමුණයි. ඔවුන් වැරදි බව මගේ හැඟිමයි.
ලාංකික ජනතාව අන් අයගේ දුක් කන්දරා තේරුම් ගන්නා බව මා විශ්වාස කරන අතර අප සතුව උදාර අදහස් මෙන්ම යහපත් ගතිගුණ, කරුණාව, මෛත්‍රිය, අනුකම්පාව, යුක්තිය සහ අභිමානය ද නොමඳව පවතී. සිතෙහි ඇති මුළාවෙන් එපිට තිබෙන යථාර්තය සත්‍යවාදීව දැකීමට අපගේ රටවැසියන්ට හැකි බව මාතරයේ විශ්වාස කරමි.එබැවින් විශ්ව විද්‍යාල ආචාර්ය මහාචාර්යවරුන්, ප්‍රජා නායකයන් හමුදා නිලධාරීන් සහ ආගමික නායකයින් එකට එක්වී සිය අදහස් බෙදා හදා ගනිමින් සංහිඳියාව පිළිබඳ සාකච්ඡා කරන මෙන්ද දේශපාලනඥයන් වන අප විසින්සහ ප්‍රවෘත්ති මාධ්‍ය හරහා එළිදැක්වෙන දේ පමණක් විශ්වාසයට නොගන්නා ලෙසද ඉල්ලා සිටිමි.
එසේම මා ඉහතින් විස්තර කළ කරුණු ඇතුළත් ක්‍රියාත්මක කිරීමට තවදුරටත් කාලය ලැබී ඇති ජිනීවා යෝජනාව දුරාවබෝධයෙන් සහ මැදහත් සිතින් කියවා තේරුම්ගන්නා ලෙස මා මේ රටේ සියලු පුරවැසියන් ගෙන් ඉල්ලා සිටිමි.එසේම එක්සත් ජාතීන්ගේ සංවිධානය හා මානව හිමිකම් කොමිසම ක්‍රියාත්මක වන ආකාරය තේරුම් ගෙන අවබෝධ කරගන්නා ලෙසත් බොරුකාරයන්ගේ හා භීතිය වපුරන්නන්ගේ කූඨ උපක්‍රමවලට නොරැවටෙන ලෙසත් ජනතාවගෙන් ඉල්ලා සිටිමි.
2014 වන විට ජාත්‍යන්තරයෙහි සියලු දෙනා සතුරන් ලෙස සිතා ක්‍රියා කොට ජාත්‍යන්තර වේදිකාවේ මුල්ලකට කොන් වී සිටි අප රට 2015න් පසුව ලෝකයේ සුජාත රටක් ලෙස ඉදිරියට ඒමට පටන් ගත්තේය. වගවීමසහ සංහිඳියාව පිළිබඳ න්‍යාය පත්‍රය අප රජයේ අභ්‍යන්තර පාලනයට නතු කොට ගත් අතර ජාත්‍යන්තරය එහි සාක්ෂිකරුවා විය. වගකිවයුතු ස්වෛරී රටක් ලෙස බාහිර ලෝකයත් සමඟ උරෙනුර ගැටී ක්‍රියාකිරීමේ අභිමානවත් තත්ත්වය නැවත අපිට ලැබුණි. අප තුළම සත්‍ය තේරුම් ගනිමින් දයාවෙන් පිරි අභිමානවත් බහුවිධත්වය අගයනජාතියක් ලෙස හිස සෘජුව ඔසවාගෙන බලාපොරොත්තු සහගත ඉදිරි ගමනකට මුල පිරීමේ ශක්තිය අප තුළ ඇති කර ගතයුත්තෙමු.
අවසානයේදී අසත්‍ය හාරැවටිලිකාර මවා පෙන්වීම් යටපත් වී ඉස්මතු වනු ඇත්තේ අපගේ මාතෘ භූමියත්, නිදහසත්, බහුවිධ අනන්‍යතාවයන් ඇති ජනතා අභිලාෂයත් අපගේ කැපවීමත්, සංහිඳියාව ළඟාකර ගැනීමේ හැකියාවත්, එකාවන්ව ජීවත්වීමට වැඩ කිරීමට ඇති අසාමාන්‍ය ආධ්‍යාශයත්ය. ඒ සියළු සුජාත හැඟුම් පෙරටු කොටගෙන රටට සංවර්ධනය උදාකර නැවත කිසිදා ගැටුම්මතු නොවන තත්ත්වයක් අත්කර ගැනීමට අප විසින් අදිටන් කරගත යුත්තෙමු.
මුදල් අමාත්‍ය මංගල සමරවීර විසිනි.
Published on: Apr 6, 2019- ශ්‍රී ලංකා රජයේ බලසේනා විසින් යුද්ධයෙන් අල්ලාගන්නා ලද උතුරු නැගෙනහිර ඉඩම් වලින් සියයට අනූවක් ආපසු දෙනලද බවට ජනාධිපතිවරයා ප්‍රමුඛ ආණ්ඩුව කරන ප්‍රකාශ කිසිදු සත්‍යයක් නැති බවට එම් ඒ සුමන්දිරන් මන්ත්‍රීවරයාගේ දැඩි ප්‍රහාරයට ලක්විය.
වාඩිලාගත් ඉඩම් සියල්ල මුදා හරින බවට ජනාධිපතිවරයා 2015 දී ලිඛිතව පොරොන්දු වූ බව පාර්ලිමේන්තුව හමුවේ හෙළි කර සිටි දෙමළ ජාතික සන්ධාන මන්ත්‍රීවරයා ප්‍රකාශ කළේ එකක් කියා තව එකක් කරමින් ඉන්නා ජනාධිපතිවරයා කෙරේ දෙමළ ජනතාව තැබූ විශ්වාසය අද වනවිට ගිලිහී ගොස් ඇති බවයි.
ඒ අවස්ථාවේ ජනාධිපති මෛත්‍රිපාල සිරිසේන ද පාර්ලිමේන්තුවේ අසුන් ගෙන සිටියේය.
උතුරු නැගෙනහිර පළාත්වල ආරක්ෂක අංශ වාඩිලා සිටි රජයේ ඉඩම්වලින් 81 % ක් ද පෞද්ගලික හිමිකාරත්වය සහිත ඉඩම්වලින් 90්‍%ක් ද මේ වනවිට නිදහස් කර අවසන්ව ඇතැයි, උතුරු නැගෙනහිර පළාත් සංවර්ධනය සඳහා වූ විශේෂ ජනාධිපති කාර්ය සාධන බලකාය හයවැනි වතාවට රැස්වූ අප්‍රේල් 3 දා ජනාධිපතිවරයා විසින් ප්‍රකාශයට පත් කර තිබුනි.
එහි කිසි සත්‍යයක් නැති බව එයින් දිනකට පසු ප්‍රකාශ කළ එම් ඒ සුමන්දිරන් මන්ත්‍රීවරයා ජනාධිපතිවරයා යටතේ ඇති ආරක්ෂක, පාරිසරික සහ මහවැලි අමාත්‍යාංශ වැය ශීර්ෂය පිලිබඳ විවාදයට සහභාගි වෙමින් කියා සිටියේ යුද, නාවික හා ගුවන් හමුදා මෙන්ම පොලිසියත් උතුරු නැගෙනහිර ජනතාව සතු ඉඩම් බලහත්කාරයෙන් අල්ලා ගෙන ඉන්නා බවයි.
“පුද්ගලික අයිතිකරුවන්ට 90% ක් ඉඩම් ආපසු පවරා දී ඇති බව ඔවුන් කීවත් එහි කිසි ඇත්තක් නෑ,” යි දෙමළ ජාතික සන්ධාන මන්ත්‍රීවරයා ප්‍රකාශ කළේය.
“අපි මේ විස්තර ඉල්ලා තිබුනත් අපිට තවමත් ඒ විස්තර ලැබී නෑ. ඒ වාගේම ඉඩම් වර්ගීකරණය ගැන සෑහීමකට පත් වෙන්න බෑ. ජනතාව විවිධාකාරයේ ඉඩම් වල ජීවත් වුනා. ඒවා තාක්ෂණිකව රජයේ ඉඩම් වෙන්න පුළුවන්. ඒත් ඒවායේ ජීවත් වුනේ පර්මිට් වලට. ඒ බලපත්‍ර අලුත්වැඩියා කරන්න ලැබිලා නෑ. එහෙම නැතිනම් ඒ ඉඩම් වල ජීවත් උනේ වෙන පදනමකින්.”
එම ඉඩම් පුද්ගලයන් සතු බවට බලධාරීන් විසින් වර්ගීකරණය කර නැති හෙයින් මුල් පදිංචි කරුවන්ට ආපසු යා නොහැකි තත්වයක් උදා වී ඇති බව එම් ඒ සුමන්දිරන් වැඩිදුරටත් කියා සිටියේය.
වාඩිලාගෙන සිටින ඉඩම් ආපසු බාර දීමේ ක්‍රමවේදය සම්බන්ධයෙන් මෙවර ජිනීවා මානව හිමිකම් සමුළුවේදී නොසතුට පලකළ මිචෙල් බැෂලේ මහකොමසාරිස් වරිය එහි පාරදෘශ්‍ය භාවය සහතික කරනු සඳහා ස්වාධීන යාන්ත්‍රණයක් පිහිටුවන ලෙස ආණ්ඩුවට නිර්දේශ කර තිබුනි.
එම නිර්දේශය ජනාධිපති මෛත්‍රිපාල සිරිසේන විසින් දැඩි ලෙස ප්‍රතික්ෂේප කරන ලදී.
“අපි ස්වාධීන කොමිෂන් සභා කිසිවක් පත් කරන්නේ නැහැ. කොහෙන්වත් කියන ඒවාට අපේ ආණ්ඩුක්‍රම ව්‍යවස්ථාව තුළ ඉඩක් නැහැ. ආණ්ඩුක්‍රම ව්‍යවස්ථාවෙන් පිට කිසිම දෙයක් කරන්න අපි ලෑස්ති නැහැ,” යි ජනාධිපතිවරයා කියා තිබුනි.
ලොකුම වැරදිකාරයා
ආරක්ෂක අංශ වලට අමතරව ජනාධිපතිවරයා යටතේ ඇති මහවැලි අධිකාරිය ඇතුළු රජයේ වෙනත් ආයතනද අදත් උතුරු නැගෙනහිර ජනතා ඉඩම් අත්පත් කරගනිමින් සිටින බව දෙමළ ජාතික සන්ධාන මන්ත්‍රීවරයා හෙළි කර සිටියේය. ඒ අතරින් “ලොකුම වැරදිකාරයා” ලෙස ඔහු විසින් හඳුන්වන ලද්දේ වනසංරක්ෂණ දෙපාර්තමේන්තුවයි.
“ජනතාව පරම්පරා ගණනාවක් ජීවත් වෙලා ඉඳලා, යුද්ධය නිසා උන්හිටිතැන් අහිමිවෙච්ච ඔවුන්ගේ ඉඩම්, දැන් කැලෑ ඉඩම් හැටියට ප්‍රකාශයට පත් කරගෙන යනවා. මේ සමහර ඉඩම් වල අයිතිය ලබාගන්න මහවැලි අධිකාරිය වීරිය දරනවා. දැන් පුරාවිද්‍යා දෙපාර්තමේන්තුවට හිටි අඩියේ පුරාවස්තු හම්බවෙනවා. ඊට පස්සේ ඒවා පුරා විද්‍යා ස්මාරක හැටියට ප්‍රකාශයට පත් කරනවා. මේ අපේ ජනතාවගේ ඉඩම් කොල්ල කන තවත් විදියක්. මේකේ ලොකුම වැරදි කාරයා වනසංරක්ෂණ දෙපාර්තමේන්තුව. මොකද, අවුරුදු විස්සක තිහක යුද කාලය තුල ද්විතීයික වන වගාවක් ඇතිවුනා. ගුගල් සිතියම් මාර්ගයෙන් මේවා අපේ ඉඩම් කියලා හොයාගන්න පුළුවන්.”
වන සංරක්ෂණ දෙපාර්තමේන්තුව සන්තකයට ගන්නට වෙර දරන භුමියේ පාසල්, කෝවිල් සහ දේවස්ථාන පවා ඇතැයි ඔප්පු කර පෙන්වා ඇතත් බලධාරීන් විසින් ඒ ගැන කිසිදු සාධනීය පියවරක් නොගැනීම හේතුවෙන් මුල් පදිංචි කරුවන් සිය ගම් බිම් බලා ආපසු යා නොහැකිව සිටින බව මන්ත්‍රීවරයා කියා සිටියේය.
“හොර රහසේ” වැඩ
දෙමළ ජනතාවගේ පාරම්පරික වාසභූමි වල වෙනත් පළාත් වලින් මිනිස්සු ගෙනැවිත් පදිංචි කරවීමත්, යුද්ධයෙන් උන්හිටිතැන් අහිමි වුවන්ට මුල් ගම් බලා යාමට නොහැකි වීමට තවත් එක හේතුවක් ලෙස ඔහු විසින් සඳහන් කරන ලදී. ඊට උදාහරණයක් ලෙසින් වව්නියාව දිස්ත්‍රික්කයේ ගම්මානයක විස්තර ගෙනහැර දැක්වූ ඔහු මේතාක් පැවති ආණ්ඩු සේම, වර්තමාන පාලකයන්ද දෙමළ පළාත් වල ජන අනුපාතය වෙනස් කරන්නට “හොර රහසේ” කටයුතු කරමින් සිටින බවට චෝදනා කළේය.
“කච්චල්සමනන්කුලම් කියා වවුනියා දිස්ත්‍රික්කයේ ගම්මානයක් තියෙනවා. මන් ගාව ඡායාරූප සාක්ෂිත් තියෙනවා, වවුනියාවේ නිලධාරීන් මුකුත් දන්නේ නැතිව අනුරාධපුරේ නිලධාරීන් ගිහිල්ලා, වැවක් අලුත්වැඩියා කරලා, පිට පළාත් වලින් මිනිස්සු ගිහිල්ලා පදිංචි කරවනවා. පැවතුනු හැම ආණ්ඩුවක්ම පළාතේ ජන අනුපාතය වෙනස් කරමින් ඉන්නවාය කියන එක දශක ගණනාවක් තිස්සේ ලැබුනු පැමිණිල්ලක්. මේක අදත් හොර රහසේ සිද්ධ වෙනවා. ඒක එළිපිට සිද්ධ වෙන දෙයක් නෙවෙයි. මේක උදාහරණ ගණනාවකින් එකක්.”
රටේ සංහිඳියාව සම්බන්ධයෙන් බරපතල ලෙස සලකන්නේ නම් ආකල්ප වෙනස් කරගන්නා ලෙස එම් ඒ සුමන්දිරන් මන්ත්‍රීවරයා සභාගර්භයේ සිටි ජනාධිපතිවරයාගෙන් ඉල්ලා සිටියේය.
ස්වකීය අමාත්‍යාංශ වැය ශීර්ෂ පිළිබඳ විවාදයට එක්වෙමින් ජනාධිපතිවරයා කියා සිටියේ දේශපාලන නායකයන් කුමන අන්දමේ විග්‍රහ සිදු කළ ද උතුරු නැගෙනහිර ජනතාව ත්‍රිවිධ හමුදාව සමඟ “ඉතා සමීපව, ඉතාමත් හිතවත්ව, ඉතාමත් හිතෛෂීව” කටයුතු කරන බවයි.
Published on: Mar 28, 2019- කුරුණෑගල දිස්ත්‍රික්කය වගේම විශේෂයෙන් කුරුණෑගල ආසනය ශ්‍රී ලංකා පොදුජන පෙරමුණේ හෙවත් පොහොට්ටුවේ බල ඇතුන් ජීවත්වෙන ප්‍රදේශයකි. නමුත්ඉදිරියට එන වයඹ මහ ඇමති සටන සහ තම තමන්ගේ බලය ස්ථාපිත කරගැනීමේදී මේ පොහොට්ටු බලධාරීන් හීනමානය උලුප්පාගෙන වැඩකරන බව ආරංචි මාර්ග පවසයි.
විශේෂයෙන් ජොන්ස්ටන් ප්‍රනාන්දු, ජයරත්න හේරත් , සාලින්ද දිසානායක නැමැති ජ්‍යෙෂ්ඨයින්ගේ පාලනයට ලක්වූ කුරුණෑගල දිසාව පොහොට්ටුව විනාසය කරා ගෙනියන වැඩසටහනක සිටිනබව දැනගන්නට ලැබී තිබේ.මේ දිනවල ශ්‍රී ලංකා පොදුජන පෙරමුණේ ගම සමග පිළිසඳරක් වැඩසටහන කුරුනෑගල දිස්ත්‍රික්කයේ ක්‍රියාත්මක වෙමින් පැවතුනද නෙලුම් මාවතේ සාකච්ඡාවෙන කිසිම දෙයක් නිකවැරටිය ප්‍රදේශයේ ක්‍රියාත්මක නොවන බව ආරංචි මාර්ග පවසයි. එයට හේතුව වී ඇත්තේ ජොන්ස්ටන් ප්‍රනාන්දු මන්ත්‍රීවරයාගේ කාර්යමණ්ඩලයේ ක්‍රියාකලාපය බව වැඩිදුර ආරංචි මාර්ග පවසයි. කුරුණෑගල මාවතගම පොල්ගහවෙල ගල්ගමුව ප්‍රදේශවල මේ ගම සමග පිළිසඳරක් වැඩසටහන ක්‍රියාත්මක කිරීමට කටයුතු යොදා තිබුනද නිකවැරටියට කිසිදු ක්‍රියාත්මක කිරීමක් අද වෙනකන් නොකර ඇතිබව දැනගන්නට ලැබී තිබේ.
නෙලුම් මාවතෙන් අසරණ වූ නිකවැරටියට එසේ වෙද්දී ජොන්ස්ටන් මන්ත්‍රීවරයාගේ කාර්ය මණ්ඩලය තවත් හපන්කමක් පෙන්වා ඇතිබව වැඩිදුරටත් දැනගන්නට ලැබී ඇත. එනම් කුරුණෑගල මාස්පොත පන්සලේ නායක හාමුදුරුවන්ගේ අපවත් වීම සම්බන්ධවයි. හාමුදුරුවන්ගේ දේහය අධාහනය කරන දිනයේදී මාස්පොත පංසලට පක්ෂ විපක්ෂ සියළුම මැතිඇමතිවරුන් පැමිණ සිට ඇත. එහිදී ඒ මේ අත දුවමින් පොහොට්ටුවේ මන්ත්‍රීවරුන් උස්සා පෙන්වීමට ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලය උත්සහ කරමින් සිට ඇතැයි ආරංචි මාර්ග පවසයි. කෙසේ හෝ අධාහන උත්සවයේදී විපක්ෂ නායක මහින්ද රාජපක්ෂ මහතාගේ පණිවිඩය කියවීමට නියමිතව තිබුනේ පොදුජන පෙරමුණේ කුරුණෑගල ආසන සංවිධායක ජයරත්න හේරත් මහතාටය. නමුත් එතන කසුකුසුවක් පටන්ගත් ජොන්ස්ටන් ගේ කාර්ය මණ්ඩලයේ පිරිස මෙම අවස්ථාවද කඩාකප්පල් කිරීමේ මුවාවෙන් එහෙම බෑනේ ජයරත්න ලොක්ක මේකෙන් තවත් උඩ යනවා, ඩී බී ට දෙමු. මොනවා වුනත් ඩී. බී අපේ ලොක්කගේ ගෙදර වැඩක් තිබ්බත් ඇවිත් කරලා දීලා යන මනුස්සයනේ යනුවෙන් කතාබහ කර ඇතිබව දැනගන්නට තිබේ. එසේ කතාකරගත් ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලය ඩී. බී හේරත් එතෙන්ට කැඳවා හේරත් මහත්තයා ඔයා හිටපු ජනාධිපතිතුමාගේ කතාව කියවන්න ඔයා තමයි සුදුසු යැයි පවසා ඇත. එහිදී ඩී. බී හේරත් අනේ මට බෑ මල්ලි අවුල් හදාගන්න. මම දැන් වෙනදෙයක් බලාගෙන දෙන දෙයක් කාලා ඉන්නේ මේක වෙන කාටහරි දෙන්න යනුවෙන් පවසා ඇත.
ඉන් නොනැවතුණු ජොන්ස්ටන්ගේ කාර්ය මණ්ඩලයේ මල්ලිලා ටික ඒ පණිවිඩය කුරුණෑගල නගරාධිපති තුෂාර සංජීවට පැටවීය. එයින් මහත් සන්තෝසයට පත් තුෂාර සංජීව මහින්ද රාජපක්ෂ මහතාගේ පණිවිඩය ව්‍යාකරණ වෙනස්කරමින් කියවා ඇති අතර ජයරත්න හේරත් මහතා මේ කිසිත් නොදැන සිනහමුසු මුහුණින් මේ කතාවට සවන්දී ඇතැයි වැඩිදුර ආරංචි මාර්ග පවසයි. නමුත් අධාහනය අවසානයේ සියළුම පොහොට්ටු මන්ත්‍රීවරුන් මෙන්ම අනෙකුත් පක්ෂවල මැති ඇමතිවරුන් ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලයේ නූගත් ක්‍රියාකලාපයන් විවේචනය කරන්නට විය.මුන්ට රැස්වීමක් තියලා සීයක් ගෙනල්ලා පෙන්නන්න බෑ. ඇත්තමයි ජොනී මේ වගේ වැස්සකටවත් ඉස්කෝලේ ගිහින් නැති බුරුවො ටිකක් තියාගෙන මොනවා කරනවද මන්දා. මේකෙන් කෙලවෙන්නේ අපිටමයි. මී හරක් ටිකක්නේ ජොනී වටේ ඉන්නේ. උන් තමයි ඔක්කොම පක්ෂයේ තීන්දු තීරණ දැන් ගන්නේ. එහෙම කීවේ හිරියාලයේ පොහොට්ටු සිංහයාය. ඒ අස්සේ මුන් නගර සභාවේ උඩතට්ටුවේ මීටින් එක තිබ්බේ, පනහක් ඇවිත් හිටියේ නෑනේ යැයි ඩී. බී හේරත් නැවතත් කියා ඇතැයි දැනගන්නට තිබේ.
මේ සිද්ධිය සිදුවීමෙන් පසු ජයරත්න හේරත්ට තමන්ගේ කාර්ය මණ්ඩලය අඩුපාඩුවක් කර ඇතැයි ජොන්ස්ටන් ප්‍රනාන්දු මන්ත්‍රීවරයාට දැනගන්නට ලැබී ඇත. හදිසියේම පසුවදා තමන්ගේ කාර්ය මණ්ඩලයට තමන්ගේ ඉතිහාස භාෂාවෙන් ඇමතු ජොනී, යකෝ මම දේශපාලඥයෙක් සිල්ලර කඩකාරයෙක් නෙමෙයි. දේශපාලනේ කරන්න උඹල දන්නේ නෑ හැමදාමත් උඹල කරන්නේ නාන එක එහෙම නාලා හිතවත්කමෙන් වැඩ කරගෙන යන මිනිස්සුන්වත් මාත් එක්ක තරහ කරවනවා. දැන් ඔය ඇතිකරපු ප්‍රශ්නේ උඹලම මට ලිහලා දීපල්ලා යනුවෙන් දැඩි කෝපයෙන් පවසා ඇතැයි දැනගන්නට ලැබී තිබේ. කෙසේ නමුත් මේ සිද්ධිය සමතයකට පත්කිරීම වෙනුවෙන් ජොන්ස්ටන් ප්‍රනාන්දුගේ ෆේස් බුක් නිලධාරී දක්ෂිත ලංකාතිලක ජොන්ස්ටන් ප්‍රනාන්දු සහ ජයරත්න හේරත් අතට අත දීගෙන ඉන්නා පින්තූරයක් බුකියට අප්ලෝඩ් කළේය. එසේ කලනමුදු තමුන් ඇතුළු කාර්ය මණ්ඩලය කුරුනෑගල තුළ පොහොට්ටුවේ විනාශය වෙනුවෙන් කරගෙන යන වැඩපිළිවෙල ඔවුන්ටද අවබෝදවී නොමැති බව මේ සිද්දිය අපට පැවසු රත්කරව්වේ ආරියදාස වැඩිදුරටත් කියා සිටියේය.
කේබල් ඇද වැඩි විදුලිය ඉන්දියාවට විකිණීමට රජය මැවූ සිහින සිහිනයක් කරමින් “මාස තුනක් ගෙවල් වල බල්බ් 2ක් නිවීමට” සැරසෙන රජයේ අලුත්ම වැඩපිළිවෙල මෙන්න
Published on: Mar 28, 2019- විදුලි බලය අරපරිස්සමෙන් භාවිතා කිරීමට නමින් ඉදිරි මාස තුනක කාලය සදහා සියලුම නිවෙස්වල විදිලි පහන් දෙකක් නිවා දැවීම, සාමාන්‍ය දිනවල විදි පහන් නිවීම සිදුකරන වෙලාවට පැයකට පමණ පෙර නිවා දැමීම, රාජ්‍ය ආයතන වල විදුලි පරිභෝජනය අඩුකිරීමට ක්‍රියාකිරීම වැනි ක්‍රියාමාර්ග ඇතුලත් යෝජාවක් අමාත්‍ය රවී කරුණානානායක විසින් ඉදිපත් කල යෝජනාවට කැබිනට් අනුමැතිය ලැබී ඇතැයි ජනමාධ්‍ය හරහා දැනගන්නට ලැබේ.
වර්තමාන තත්වය එසේ වුවත් මීට වසර තුනකට පමණ පෙර විදුලිබල නියෝජ්‍ය අමාත්‍ය අජිත් පි පෙරේරා ප්‍රසිද්ධ රූපවාහිනී නාලිකාවක වැඩසටහනකට සහභාගී වෙමින් පවසා සිටියේ වත්මන් රජය ගල් අගුරු විදුලිය අවශ්‍ය නෑ කියා සාම්පුර් ගල් අගරු විදුලි බලාගාරයේ වැඩකටයුතු නවතා දැමීමට ජනපති හා අගමැති කටයුතු කල බවත් ඉදිරියේදී විදුලිබල අර්බුධයක් ඇතිවීමට ඉඩ නොදෙන බවත් කේබල් මාර්ගයෙන් ඉන්දියාවට අතිරික්ත විදුලිය විකිණීමට කටයුතු කර ඉන් මුදල් උපයාගැනීමට හැකිවන පරිදි කටයුතු කරන බවත්ය.
මේ දිනවල දිගින් දිගටම සිදුකරන විදුලි කප්පාදුව නිසා ජනතාවගේ එදිනෙදා වැඩකටයුතු කඩාකප්පල් වී ඇති අතර රටේ සමස්ත ආර්ථිකයටම විදුලි කප්පාදුව නිසා සිදුවන අනෙකුත් සේවා බිදවැටුම් බලපා තිබේ.එහෙත් මේ පිලිබදව ස්ථිර විසදුමක් ලබාදිමට කිසිදු බලධාරියෙකු අපොහොසත්ව ඇති අතර අදාල බලධාරීන් හා ඇමතිවරුන් විදුලි බිදවැටුම් පිලිබදව ජනතාවගෙන් සමාජ මාධ්‍ය හරහා සමාව අයැද සිටීම පසෙකලා ඉදිරියේදී ඇතිවිය හැකි විදුලි ඉල්ලුමට සරිලන සැපයුමක් ලබාදීමට අවශ්‍ය ක්‍රියාමාර්ග “නිවෙස් වල බල්බ් 2ක් නිවීම” වැනි තාවකාලික පැලැස්තර වලින් තොරව ලබාගත යුතු ඇතැයි ශ්‍රී ලංකා පරිවර්තන සමුහය ලෙස අප අදාළ බලධාරීන්ට අවධාරණය කර සිටීමු.
ශ්‍රී ලංකා පරිවර්තන සමුහය
