Published on: Nov 28, 2018 – චීනය ශ්‍රී ලංකාවට සිදු කළ දේ පිලිපීනයට සිදු කළ නොහැකි බව ෆෝබ්ස් සඟරාව වාර්තා කර තිබේ. ලෝකයේ ප්‍රධාන මුහුදු බලකොටු අල්ලා ගැනීමේ “ණය උගුල“ ට පිලිපීනය යොදා ගැනීමට නොහැකි වන්නේ පිලිපීන ආර්ථිකය ශ්‍රී ලංකා ආර්ථිකය හා කිසිසේත් සමපාත නොවන බැවින් බව එම පුවත් සේවයේ මාධ්‍යවේදි Panos Mourdoukoutas සිය ලිපියේ සඳහන් කරයි.
චීනයේ මෙම ණය උගුල් ඇටවීම ශ්‍රී ලංකාවේ වරාය මධ්‍යස්ථානයන් වැඩි දියුණු කිරිම සඳහා අවශ්‍ය අරමුදල් සැපයීමට චීන ඉදිකිරීම් සමාගම් සඳහා චීන රජය විසින් ණය ලබා දීමත් සමඟ ආරම්භ විය. මෙහිදි චීනයට එම ණය පියවීමට නොහැකි වන විට චීනය එම වරාය මධ්‍යස්ථානයන්හි සමාන අයිතිය ඉල්ලනු ලැබීය. එය ශ්‍රී ලංකාවේ ප්‍රධාන වරායන් දෙකක අයිතිය සහ පාලනය චීනයට ලැබීමට පිටිවහලක් වූ බව එම ලිපියේ සඳහන් කර තිබේ.
පිලිපීනයේ යටිතල පහසුකම් සංවර්ධනය කිරීම සම්න්ධයෙන් මූල්‍ය ණය ආධාර ලබා දිමට චීනය හා පිලිපීනය අතර ව්‍යාපෘති ගිවිසුම් කිහිපයක් සඳහා අත්සන් තැබුණි. නමුත් චීනය ශ්‍රී ලංකාව සම්බන්ධයෙන් භාවිත කළ ක්‍රමෝපායයන් පිලිපීනය මත ක්‍රියාත්මක කිරීමට අසීරු වන හේතු වන කාරණා දෙකක් තිබේ.
පළමුවැන්න ශ්‍රී ලංකාවට සමඟ බලන විට පිලිපිනයේ විදෙස් ණය කළමනාකරණය ඉතා ඉහළ මට්ටමක පැවතිමයි. පිලිපීනයේ නාවික සබඳතා හා සමුද්‍රීය නීතිය පිළිබඳ අධ්‍යයන අංශයේ අධ්‍යක්ෂ ජෙයි බටොන්ග්බාකල් පවසන්නේ “පිලිපීනය ණය කළමනාකරණය සම්බන්ධයෙන් ඉතා ඉහළ හා අත්දැකීම් බහුල රටක්“ වන බවයි. ඉන් අදහස් වන්නේ පිලිපීනය වෙළෙඳපොල ආර්ථිකයන්හි දක්නට ලැබෙන ක්ෂණික ණය අර්බුදයන් වැළැක්වීමට පිලිපීනයට ඇති හැකියාව බව එම පුවත් සේවය සඳහන් කර තිබේ.
දෙවැනි කරුණ වන්නේ පිලීපීනය සතු විශාල ආර්ථික පසුබිමයි. පිලිපීනයේ දළ දේශීය නිෂ්පාදිතය ශ්‍රී ලංකාවේ මෙන් සිව් ගුණයක් බව එම පුවත් සේවය තවදුරටත් සඳහන් කර සිටිනවා.
අදාළ ලිපිය සදහා පහත LINK එක හරහා පිවිසෙන්න
China Cannot Turn The Philippines Into Another Sri Lanka
Published on: Nov 27, 2018 – ශ්‍රි ලංකා නිදහස් පක්ෂයේ මෛත්‍රී පිල නියෝජනය කරන ප්‍රබලයන් 5 දෙනෙකු පාර්ලිමේන්තුවේ ස්වාධීනව කටයුතු කිරිමට සුදානමක් ඇති බවට අනාවරණය විමත් සමග මෛත්‍රී- මහින්ද පිළ අතර නැවතත් උණුසුම් තත්ත්වයක් හටගෙන තිබේන බව අප දේශපාලන වාර්තාකරු අනාවරණය කළා.
අද සවස එක්වරම පසුගියදා මෛත්‍රී- මහින්ද ව්‍යාජ්‍ය ආණ්ඩුවට සහය දක්වමින් සිටි එක්සත් ජාතික පක්ෂ මන්ත්‍රී වසන්ත සේනානායක යලිත් එක්සත් ජාතික පක්ෂය සමග එක්විමත් මෛත්‍රී-මහින්ද පිළේ ශ්‍රිලනීප මන්ත්‍රී 5 දෙනෙකු ස්වාධීන විමට ඇති සුදානමත් හේතුවෙන් එම පිළ අතර උණුසුම් තත්ත්වයක් හටගෙන තිබේන බවයි අප දේශපාලන වාර්තාකරු සදහන් කළේ.
ජනාධිපති මෛත්රීපාල සිරිසේනගේ ප‍්‍රධානත්වයෙන් ජනාධිපති නිල නිවසේ අද (26) රාත‍්‍රී පැවැති පක්ෂයේ මධ්‍යම කාරක සභා රැස්වීම අතරතුරද මේ සම්බන්ධයෙන් විවිධ අවස්ථාවල එකිනෙකා අතර චොදනා කරගෙන තිබේන අතර එහිදි ස්වාධීන විමට සුදානමක් ඇති බවට නම් සදහන් වි ඇත්තේ දිගින් දිගටම පාර්ලිමේන්තුව මගහැරි දුමින්ද දිසානායක,ලසන්ත අලගියවන්න සහ විජිත් විජයමුණී ද සොයියා වන අතර ඊට අමතරව තවත් ජ්‍යෙෂ්ඨයන් දෙදෙනෙකු සම්බන්ධයෙන් ඉඟි පලවි තිබේ.
මිට දින දෙකකට පෙර නිදහස් පක්ෂ කාර්යාලයේ සිදුවු රහසිගත සාකච්ඡාවක් සම්බන්ධයෙන් තොරතුරු අනාවරණය කර ඇති අතර එම සාකච්ඡාවට ශ්‍රිලනීප මන්ත්‍රීවරු 8 දෙනෙකු සහභාගි වි ඇති බවත් ඔහුන් ඊට දින දෙකකට පෙර චන්ද්‍රිකා කුමාරතුංග මහත්මිය සමගද සාකච්ඡා කර තිබේන බව එස්.බි දිසානායක මන්ත්‍රීවරයා මෛත්‍රීට කේළාමක් කියා තිබේ.
කෙසේවෙතත් ශ්‍රි ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය නියෝජනය කරන මන්ත්‍රීවරුන් කිහිප දෙනෙකුම මෛත්‍රී පෞද්ගලිකව හමුවි ඇති අතර එහිදි ඔහුන් පෙන්වා දි ඇත්තේ මහින්ද ඇතුලු කණ්ඩායම් සමග එක්ව ආණ්ඩුවක් සැදිමට කටයුතුඅ නමුත් බහුතරය පෙන්විමට මහින්ද,බැසිල් ඇතුලු කණ්ඩායම අසමත් වි ඇති බැවින් තවදුරටත් ආණ්ඩුව පවත්වාගෙන යැම නුවණට හුරු නොවන බවයි. ඒ හේතුවෙන් යලිත් ජාතික ආණ්ඩුවක් සැදිම සම්බන්ධයෙන් අවධානය යොමුකරන ලෙසද අදාළ මන්ත්‍රීවරු ජනාධිපතිවරයාගෙන් ඉල්ලිමක්ද කර තිබේන බව අප දේශපාලන වාර්තාකරු අනාවරණය කළා.
Published on: Nov 26, 2018- ව්‍යවස්ථා විරෝධී ලෙස කටයුතු කරමින් රටම අනාථ කල ජනාධිපති මෛත්රීපාල සිරිසේන විදෙස් මාධ්‍යවේදීන් හමුවේ කිබුල් කදුලු හෙලන්නට ගොස් අද තවත් වරක් කද හරහා ඇණගෙන තිබේ.සිරිසේන ඇණගත් තරම කොතෙක්ද යන්න සිරිසේන ජනාධිපතිගේ මාධ්‍ය අංශය නිකුත් කර ඇති නිවේදනයේ විදෙස් මාධ්‍ය ආයතන නියෝජනය කළ මාධ්‍යවේදීන් ජනාධිපතිවරයාගෙන් විමසූ කරුණු සම්බන්ධ කිසිවක් සදහන් නොවිම හරහා තහවුරු වි තිබේ.
යහපාලන ආණ්ඩුවේ අගමැති රනිල් වික්රමසිංහ ඇතුළු පාර්ශවය 2015 ආණ්ඩුව පිහිටුවා මාස තුනක් වැනි කෙටි කාලයක් තුළ ඉතාම දුෂිත ගනුදෙනු රැසක් ආරම්භ කළ බවත් තමන් ඔහුව අග්රාමාත්ය ධුරයෙන් ඉවත්කරන අවස්ථාව වන විට දුෂණය ඉවහාගොස් පැවති බවට ජනාධිපති සිරිසේන සිදුකල ප්‍රකාශය සම්බන්ධවය.
“ජනාධිපති සිරිසේන තමන්ට විශ්වාස කළහැකි කිසිවෙකු නොමැතිව මේ වනවිට බරපතල මානසික පීඩනයකට ලක්ව සිටින අතර මනෝ වෛද්‍ය විශේෂඥ ජයන් මෙන්ඩිස් මහතා ඇතුලු වෛද්‍ය විශේෂඥ කණ්ඩායමක් විසින් ඔහු වෙත fluanxol ඖෂධය ලබා දී ප්‍රතිකාර කිරිමේ අවස්ථා ගණනාවක් අප වාර්තා කළා.”
මහින්ද රාජපක්ෂ මහතාගේ ආණ්ඩු සමයේ කළැයි කියන දූෂණ අක්‍රමිකතා සහ අපරාධවලට එරෙහිව නීතිය ක්‍රියාත්මක නොවීම ගැන විමසද්දී ජනාධිපතිවරයා මෙසේ කීවේය. ‘‘ ඒවට වග කියන්න ඕනා රනිල් වික්රමසිංහ මහත්තයා. අධිකරණය, සීඅයිඩිය, පොලිසිය ඔක්කොම තිබ්බේ එක්සත් ජාතික පක්ෂය යටතේ. ජනාධිපතිවරයා වුවත් සම්මුතිය අනුව අනිත් ඒවට ඇඟිලි නොගැසීමේ එකඟතාවක් තිබුණා.
‘‘ එම චෝදනාව එජාපයෙන් කරන්නේ ජනාධිපතිවරයාට බව කී විට ජනාධිපතිවරයා මෙසේ කීවේය. ‘‘එහෙනම් ඒ කාලේ ඔප්පු කරන්න තිබ්බානේ. ඒකට එයාලට කොන්ද පන තිබ්බේ නැද්ද? ඒ සියල්ලට රනිල් වික්රමසිංහ මහතා සහ සාගල රත්නායක මහතා වගකිව යුතුයි.”
එහිදී විදෙස් මාධ්‍යවේදියකු විමසා ඇත්තේ එවකට අගමැති රනිල් ඇතුළු අමාත්‍ය මණ්ඩලය එතරම් දුෂිත ආකාරයට කටයුතු කළා නම් එය පාලනය කිරීමට බලයක් ජනාධිපති ලෙස සිරිසේනට නොතිබුණාද යන්නය. එහිදී ජනාධිපතිට වඩා බලයක් අගමැතිට තිබේද ? අගමැති ඇතුළු අමාත්‍ය මණ්ඩල සාමාජිකයන් සිදුකළ දුෂණ නැවත්වීමට තරම් හැකියාවක් ජනාධිපතිට නැතිද ? කියාය.
එහෙත් ඒ ප්‍රශ්නයට ජනාධිපති සිරිසේනට පිළිතුරු දීමට නොහැකිව ඇති අතර ඒ ගැන කිසිඳු සඳහනක් නොකර සිරිසේන ජනාධිපති පවසා ඇත්තේ 2015-2018 සමයේ සිදුවූ දුෂණ සම්බන්ධව තමන් ජනාධිපති කොමිසමක් පත්කරන බවය.
Published on: Nov 24, 2018 – අනුරාධපුර, නොච්චියාගම, අන්දරවැව රක්ෂිතය පුරාවිද්‍යාත්මක වටිනාකමකින් යුතුවූත්, ජෛව විවිධත්වයෙන් අනූන වූත් ප්‍රදේශයකි. මහවැලියට අයත් මෙහි සීරම්බාගම වැවෙහි රක්ෂිත ප්‍රදේශයද පිහිටා තිබේ. එසේම විල්පත්තු ජාතික වනෝද්‍යානයේ සිට කලා වැව රක්ෂිත ප්‍රදේශය දක්වා වන අලින්ගේ ප්‍රවේශ මාර්ගය පිහිටා තිබෙන්නේද මේ කියන අන්දරවැව රක්ෂිත ප්‍රදේශය හරහාය. මෙවන් වටිනාකමක් සහිත අන්දරවැව රක්ෂිතයෙන් අක්කර හතළිස් නමයයි දශම පහයි හතක ප්‍රදේශයක් දෙදහස් නමය වසරේ හෝටල් ව්‍යාපෘතියක් සඳහා ලබා දීමට කටයුතු කරන්නේ එහි භාරකාරත්වය දරන මහවැලි අධිකාරිය විසින්මය. වැව් රක්ෂිතයක මෙවැනි ඉදි කිරීමක් සඳහා අවසර ලබා දීම සිදු කළේ කෙසේද යන්න මෙහි ඇති පළමු ගැටලුවයි. වරණීය බදු පදනම යටතේ යම් පුද්ගලයෙකුට ඉඩමක් ලබා දීමට නම්, සුවිශේෂී හේතු තිබිය යුතුය. එහෙත්, මෙම ව්‍යාපෘතිය සඳහා එවැනි සුවිශේෂී හේතු කිසිවක් නොමැත. එහෙත්, පළමු පියවරේදීම ‘ගොයම් කා ඇත්තේ වැටත්, නියරත්’ නිසා සාක්කි දෙන්නට කිසිවෙකුත් නැත. රුපියල් එක් ලක්ෂ හතළිස් අට දහසක වාර්ෂික බදු මුදලකට ලබා දෙන මේ අක්කර හතළිස් නමයක භූමියේ ‘ෆොරස්ට් ෂොප් ගාර්ඞ්න්’ නමින් පෞද්ගලික හෝටල් සංකීර්ණයක් ඉදි වන්නේ ඒ නිසාය.
එසේ වැව් රක්ෂිතයේ භූමි ප්‍රදේශයක් ඉදිකිරීමක් සඳහා ලබා දීමෙන් මහවැලිය විසින් සිදු කළ අමනෝඥ ක්‍රියාව නිසා හෝටල් ව්‍යාපෘතිය ඉදි කිරීමෙන් පසු වර්ෂා කාලවලදී වැව් පිරී යාමෙන් අනතුරුව හෝටල් භූමිය අවට ප්‍රදේශයද ජලයෙන් යට වීම සාමාන්‍ය දෙයක් බවට පත්විය. තමන් ගත් අමන තීරණය නිසා ඇති වී තිබෙන තත්ත්වයෙන් ඇඟ බේරා ගැනීමට හෝටල් ව්‍යාපෘතියේ හිමිකරු සහ මහවැලියේ නිලධාරීන් ඉන් පසු කරන්නේ වැව් බැම්ම කඩා දැමීමට කටයුතු කිරීමයි.
මෙවැනි තත්ත්වයක් තිබියදී එම රක්ෂිත ප්‍රදේශයේම තවත් අක්කර විසිනමයක ප්‍රදේශයක් වන වගා ව්‍යාපෘතියකට ලියවිල්ලක් මගින් පවරා දීමට මහවැලි බලධාරීන් කටයුතු කරන්නේ දෙදහස් දහහතර වසරේදීය. වනාන්තරය තුළ ‘වන වගා’ ව්‍යාපෘතියක් ආරම්භ කිරීම එක්තරා ආකාරයක හාස්‍යජනක කටයුත්තක් වුවද, එය එසේ සිදු වන්නේ නව ව්‍යාපෘතිය සිදුකරන හෝටල් ව්‍යාපෘතියේ හිමිකරු වන බී. චන්ද්‍රසිරි යන අය වෙත කොන්දේසි විසිතුනක් ඉදිරිපත් කරමිනි. එහි එක් කොන්දේසියක් වන්නේ මහවැලිය විසින් ඉදිරිපත් කර ඇති කොන්දේසි කඩ කරන ඕනෑම මොහොතක නැවත මෙම ව්‍යාපෘතිය මහවැලිය වෙත පවරා ගන්නා බවට වන කොන්දේසියයි.
එසේ ඉදිරිපත් කර ඇති කොන්දේසි, කඩදාසියක වූ සටහන් පමණක් බව පෙන්වමින්, දෙදහස් දහසය වසරේ ව්‍යාපෘතිය ආරම්භ කරන්නේ මුල සිටම පැවති වනාන්තරය එළිපෙහෙළි කරමින් සහ බැකෝ යන්ත්‍ර යොදා ගනිමින් එහි යටි වියන සම්පූර්ණයෙන්ම විනාශ කර දමමිනි. මෙසේ සිදු කරගෙන යන විනාශය හමුවේ ප්‍රදේශයේ ගොවි සංවිධාන විසින් ඒ පිළිබඳව මහවැලිය වෙත පැමිණිලි කරමින් ඒ බව දැනුම් දෙන අතර, මහවැලි බලධාරීන් ඒ ගැන නිරීක්ෂණය සඳහා පැමිණෙන්නේ ඒ අනුවය. එසේ පැමිණි නිලධාරීන් විසින් ලබා දුන් වාර්තාවේ සඳහන් වන්නේ අදාළ ව්‍යාපෘතියේ හිමිකරු විසින් වනාන්තරයට හානි වන අයුරින් එළිපෙහෙළි කිරීම් සිදු කර ඇති බවත්, ඒ නිසා ගිවිසුම් කොන්දේසි කඩ කර ඇති බවත්ය. දේශපාලන අධිකාරියේ පූර්ණ ආශිර්වාදය ලබමින් ක්‍රියාත්මක වන මේ ව්‍යාපෘති සම්බන්ධයෙන් මහවැලියටද වාර්තා සකස් කිරීම සහ නියෝග නිකුත් කිරීමෙන් ඔබ්බට කළ හැකි කිසිවක් නොමැති බව පෙනී යන්නේ මතු වී ඇති තත්ත්වය සම්බන්ධයෙන් මහවැලිය සහ මධ්‍යම පරිසර අධිකාරිය විසින් නිකුත් කළ නියෝගද තඹේකට මායිම් නොකර ව්‍යාපෘතියේ කටයුතු දිගටම කරගෙන යාමට තරම් ව්‍යාපෘති හිමිකරු බලවත් වී සිටීම නිසාය.
මේ වන විනාශය නිසා වන අලින් ගම්වදින්නට පටන් ගත්තේ ගම්වැසියන්ගේ ජන ජීවිතවලටද බලපෑම් එල්ල කරමිනි. මේ නිසා ගම්වාසීන්ගෙන් මෙන්ම ගොවි සංවිධානවලින්ද මීට එල්ල වූයේ දැඩි විරෝධයකි. එහෙත්, සියලු විරෝධතා ගැන අබ මල් රේණුවක් තරම් හෝ තැකීමක් නොකර ව්‍යාපෘතියේ කටයුතු ඉදිරියටම සිදු වූ අතර, මේ ව්‍යාපෘතිය මගින් සිදු කර ඇති පරිසර විනාශය සම්බන්ධයෙන් මධ්‍යම පරිසර අධිකාරිය විසින් අනුරාධපුර මහේස්ත්‍රාත් අධිකරණයේ නඩුවක් ගොනු කරනු ලබන්නේ මේ අතරතුරය. එය මේ වන විටත් විභාග වෙමින් පවතියි. එසේම ගොවි සංවිධාන විසින් ශ්‍රේෂ්ඨාධිකරණයේද මේ සම්බන්ධයෙන් නඩුවක් පවරා තිබේ. එහිදී හෙළි වී තිබෙන්නේ වැවේ අධි ගංවතුර මට්ටමේ සිට මීටර් සියයක් ඇතුළත මෙම ඉදිකිරීම් සිදු කර ඇති බවත්, එවැනි ඉදි කිරීමකට අනුමැතිය ලබා දීම මගින් මහවැලිය වරදක් කර ඇති බවත්ය. ඒ බව පරිසර අධිකාරියත් මේ වන විට පිළිගෙන තිබේ.
එම නඩු පැවරීම් සමඟ ව්‍යාපෘතියේ කටයුතු යම් තරමක් මන්දගාමී වී දෙදහස් දහසයේ අගෝස්තු පමණ වන විට සම්පූර්ණයෙන්ම නතර වන තත්ත්වයකට පත් වී ඇත. එහෙත්, නැවතත් දෙදහස් දහහතේ අගෝස්තු වන විට ‘වන වගා ව්‍යාපෘතිය’ වෙනුවට ‘අපේ ගම’ ව්‍යාපෘතිය ලෙස එහි නම වෙනස් කර නැවතත් කඩිමුඩියේ වැඩකටයුතු ආරම්භ කරනු ලබයි. වන වගා ව්‍යාපෘතිය, අපේ ගම ලෙස වෙනස් වන විට එහි තිබූ වටිනා ගහකොළ විශාල ප්‍රමාණයක් දැව සඳහා කපා ඉවත් කරගෙන අවසන්ය.
එහෙත් ‘අපේ ගම’ නමින් ව්‍යාපෘතියක් දැනටත් බත්තරමුල්ල ප්‍රදේශයේ ක්‍රියාත්මක වන බැවින්, අපේ ගම, පුරාණ ගම බවට පත් වන්නේ ඉබේමය. ඒ අනුව වන වගා ව්‍යාපෘතිය අවසානයේ ‘පුරාණ ගම’ බවට පත් වී තිබේ.
මෙම නඩු විභාග වෙමින් පවතින අතරතුර දෙදහස් දහ අට වසරේ ජුනි විසිපස් වන දින ‘පුරාණ ගම’ ව්‍යාපෘතිය විවෘත කිරීමට සූදානම් කෙරෙන්නේ ජනාධිපතිවරයාගේ සහ අගමැතිවරයාගේ ප්‍රධානත්වයෙනි. මධ්‍යම පරිසර අධිකාරිය පවතින්නේ ජනාධිපතිවරයා යටතේය. එමගින් නඩු පවරා ඇති තත්ත්වයක් තුළ එසේ නඩු පැවරූ ව්‍යාපෘතියක් විවෘත කිරීමට ජනාධිපතිවරයා පැමිණීම අපබ්‍රංශයකි. ඒ වෙනුවෙන් අනුරාධපුර ඇතුළු ප්‍රදේශය පුරාම පෝස්ටර් අලවා, කටවුට් ගසා ප්‍රසිද්ධ කර තිබිණි. කෙසේ හෝ ඒ සම්බන්ධයෙන් ඇති වන විරෝධතා හමුවේ ජනාධිපතිවරයා හා අගමැතිවරයා මෙම විවෘත කිරීමට සහභාගි නොවූවද, ජනාධිපතිවරයාගේ නියෝජිතයෙකු වශයෙන් දුමින්ද දිසානායක ඇමතිවරයාගේ සහ අගමැතිවරයාගේ නියෝජිතයෙකු වශයෙන් රවී කරුණානායකගේ සහභාගීත්වයෙන් මේ ‘පුරාණ ගම’ නම් ව්‍යාපෘතිය විවෘත වන්නේ අධිකරණයේ විභාග වන නඩු සම්බන්ධයෙන් ආණ්ඩුවේද කිසිම තැකීමක් නැති බව පැහැදිලිවම ප්‍රදර්ශනය කරමිනි.
එසේ විවෘත කරන විටත් ඉදි කිරීම් සම්පූර්ණ කර නොතිබී ඇති අතර, විවෘත කිරීමෙන් මාසයකට පමණ පසුව ජූලි තිස්එක් වන දින ගොවි සංවිධාන විසින් ශ්‍රේෂ්ඨාධිකරණයේ පැවරූ නඩුවෙන් ඉල්ලා තිබූ මෙම ව්‍යාපෘතිය තහනම් නියෝගය ශ්‍රේෂ්ඨාධිකරණය විසින් නිකුත් කරනු ලබයි. ඒ අනුව දැන් ව්‍යාපෘතියේ කටයුතු නතර කිරීම සඳහා අධිකරණ නියෝගයක්ද තිබේ. එහෙත්, ගැටලුව වන්නේ මේ වන විට අධිකරණ නියෝගද නොතකමින්, ව්‍යාපෘතියේ කටයුතු ඉදිරියට යමින් තිබීමයි. ඊට හේතුව දේශපාලන අධිකාරියේ ඇති බලපුළුවන්කාරකම බව ඉතාම පැහැදිලිය.
ඒ නිසා මේ මහා ජාතික අපරාධයට වගකිවයුත්තා ව්‍යාපෘති යෝජක බී. චන්ද්‍රසිරි පමණක් නොවේ. ඔහුට සිය සිතැඟි රිසි අයුරින් ක්‍රියාත්මක කිරීම සඳහා ඉඩම් ලබා දෙන මහවැලි අධිකාරියත්, තම ව්‍යවස්ථාපිත වගකීම් මගහැර යන සෙසු රාජ්‍ය ආයතනත් එම රාජ්‍ය ආයතනයන්ට හා නිලධාරීන්ට බලපෑම් කරන දේශපාලන බල අධිකාරියත් එක සේ වගකිව යුතුය.
තම අධිකාරියේ පාලනය යටතට පවරා ගන්නා ලද ඉඩම් සම්බන්ධයෙන්, එම ඉඩම් කෙරෙහි තමන් සතු නීතිමය වගකීම හා කාර්යභාරය සම්බන්ධයෙන් මෙන්ම ඉඩම්වල පවත්නා මහජන උපයෝගීතාවය හා ශක්‍යතාවන් සම්බන්ධයෙන් හරියාකාර දැනීමක්, අවබෝධයක් මෙන්ම ප්‍රායෝගික සැලැස්මක් නොමැති මහවැලි සංවර්ධන අධිකාරිය සහ එහි පෙර සිටි මෙන්ම අද සිටින අදූරදර්ශී, මුදලට සහ බලයට යට වුණු ඉහළ සිට පහළ දක්වාම නිලධාරීන් මේ සඳහා ප්‍රථම කොට වගකිව යුතුය. වන රක්ෂිත භූමියක් මේ ආකාරයට වරණීය බදු පදනම මත එක් පුද්ගලයකුට, පෞද්ගලික සමාගමකට ලබා දෙන්නට හැකියාවක් පවතින්නේද යන්න මෙන්ම එවැනි ලබා දීමක් සිදු කළ යුත්තේ කවර නීති විධිවිධාන යටතේද යන්න පිළිබඳ මූලික දැනීමවත් මහවැලි සංවර්ධන අධිකාරියට නැත. ඔවුන් සිතන්නේ තමන් යටතේ පවත්නා ඉඩම් ඔවුන්ට රිසි සේ හැසිරවිය හැකි බව හා ඊට අධ්‍යක්ෂ මණ්ඩල තීරණයක් ප්‍රමාණවත් වන බව පමණි. පවත්නා ඇතැම් නීති තත්ත්වයන් සංශෝධනය කිරීමේ අවශ්‍යතාව මේ වන විට දැඩි ලෙසම දැනී ඇති බැවින්, ඒ සඳහා පුළුල් නීතිමය කතිකාවතක් ඇති කළ යුතුය. ඒ තුළින් බලධාරීන්ගේ දෑස් විවර කළ යුතුය. එසේ නොවුවහොත් අන්දරවැව රක්ෂිතය පමණක් නොව ලංකාවේ ඉතිරි වී ඇති සෙසු වන රක්ෂිතවලටද අත්වන ඉරණම මීට වෙනස් විය නොහැක.
විශේෂයෙන්ම මෙම විනාශය ආරම්භ කළ දිනයේ සිටම මහජනයා විසින් උද්ඝෝෂණ සිදු කළද, කෙතරම් දැනුම්වත් කිරීම් සිදු කළද, ලියාපදිංචි තැපෑලෙන් කෙතරම් ලිපි ලිව්වද ඒ කිසිදු දෙයකට, ලිපියකට එක වචනයකින් හෝ පිළිතුරක් ලබා නොදෙන්නට තරම් මහවැලියට ලැබුණු හයිය කුමක්ද යන්න පිළිබඳව මහජනතාව දැනුම්වත් විය යුතුය.
යම් ව්‍යාපෘතියක් අධිකරණවල නඩු පවරා තිබියදී පමණක් නොව එම නඩු සඳහා ලබා දුන් තීන්දුද තිබියදී එකී ව්‍යාපෘතිවල නම් වෙනස් කරමින් ඉදිරිපත් කරනු ලබන ඉල්ලීම් භාර ගැනීම සහ එම ඉල්ලීම් සඳහා නිර්දේශයන් හා අනුමැතීන් ලබා දීම් සඳහා අදාළ බලධාරීන් විසින් ක්‍රියාත්මක වීම හා ඉදිකිරීම් දිගින් දිගටම කරගෙන යාමට ඉඩහැරීම මගින් ඔවුන් විසින් අධිකරණයට සිදුකරන අපහාසය හා හෑල්ලුව සුළුපටු නොවන්නේය.
චතුර දිසානායක
ජනාධිපති මෛත්රීපාල සිරිසේන ඇතුලු කල්ලිය නිර්මාණය කල ජනාධිපතිවරයා සහ හිටපු ආරක්ෂක අමාත්‍යාංශයේ ලේකම්වරයා ඝාතනය කිරීමේ කුමන්ත්‍රණය රහසේම හකුලා ගැනිම සදහා මෙහෙයුමක් දියත් වෙමින් තිබේන බව වාර්තා වේ.
අදාළ ඝාතන කුමන්ත්‍රණය සම්බන්ධයෙන් පොලිස්පතිවරයා රහස් පොලීසියට ප්‍රකාශයක් ලබානොදීමට කටයුතු කර ඇති අතර ඒ සම්බන්ධයෙන් රහස් පොලිසිය අවස්ථා ගණනාවකදිම කල විමසිමක්දි පොලිස්පතිවරයා එය මගහැර ගො ඇති අතර ඊට ප්‍රධානම් හේතුව වි ඇත්තේ ජනාධිපති අදාළා ඝාතන කුමන්ත්‍රණය අත්හැර දමන ලෙස පොලිස්පතිවරයාට කර තිබේන නියෝගයක් බවද අනාවරණය වි තිබේ.
මේ වනවිට අදාළ ඝාතන කුමන්ත්‍රණ පරීක්ෂණ කටයුතු අඩාල වී ඇති අතර මෙම පරීක්ෂණ ඉදිරියට ගෙනයාමට නම් පොලිස්පතිවරයාගෙන් ප්‍රකාශයක් ලබාගත යුතු බව රහස් පොලීසියේ පරීක්ෂණ පවත්වන නිලධාරීන් පොලිස්පතිවරයාට ලිඛිතවද දැනුම්දී තිබේ.
ශ්‍රි ලංකා හා ඉන්දිය සම්බන්ධතා උඩු යටිකුරු කරමින් ඉන්දියා RAW සංවිධානය තමා ඝාතනය කිරීමට උත්සහ කළ බවට ආන්දෝලනාත්මක ප්‍රකාශයක් මෛත්‍රිපාල සිරිසේන ජනාධිපතිවරයා විසින් සිදුකල අතර පසුව රහසේම මහින්ද රාජපක්ෂවද විනාශ කරමින් බහුතරයක් නැති බහුබුත ආණ්ඩුවක් අටවාගත් අතර මේ වනවිට අප කලින් අනාවරණය කල පරිදිම ජනපති සහ ගෝඨා ඝාතන කුමන්ත්‍රණය සම්පූර්ණයෙන්ම පුස්සක් වි ඇති අතර කුමන්ත්‍රණය සාර්ථක කිරිමට යොදාගත් ඉන්දිය ජාතිකයා පිස්සේකු බවත් නාමල් කුමාර නැමැත්තා පොහොට්ටුවේ හුරතෙලුකු බවද තහවුරු වි හමාරය.
අප පසුගිය ඔක්තෝබර් 17 වැනිදා කල සම්පූර්ණ අනාවරණය පහලින් කියවන්න
http://198.211.112.164/archives/19576
Published on: Nov 23, 2018 – මේ වන විට කිසිදු ක්‍රියාමාර්ගයක් තෝරාගත නොහැකි තත්වයකට තම කණ්ඩායම පත්වී තිබෙන බවත්, ආණ්ඩුව ඉදිරියට ගෙන යෑම පිළිබඳව බරපතල අවිනිශ්චිතතාවයක් උද්ගත වී තිබෙන බවත් අනිද්දා සමග අහස් දැක්වූ මහින්ද රාජපක්ෂ කණ්ඩායමේ නීතිවිරෝධී අමාත්‍යවරයෙක් අනිද්දා කළ විමසීමකදී පවසා තිබේ.
තම කණ්ඩායමට මේ වන විට 113 ක බලයක් නොමැති බවත්, 113 ක් ලබාගැනීම සඳහා අවශ්‍ය මෛත්‍රී කණ්ඩායම සම්පූර්ණ කර ගැනීම අවිනිශ්චිත බවත් අනිද්දා සමග අදහස් දක්වමින් එම නීතිවිරෝධී අමාත්‍යවරයා කීය. 113 ක බහුතර බලයක් ලැබාගැනීම හෝ ශ්‍රේෂ්ඨාධිකරණය තමන්ට වාසි සහගත තීන්දුවක් ලබා දීම යන දෙකෙන් එකක් සිදු නොවුණහොත් තම කණ්ඩායමට ආණ්ඩුව පවත්වාගෙන යා නොහැකි වනු ඇතැයි ද ඔහු පැවසීය. එහෙත් එම අවස්ථා දෙකම සිදු නොවීමේ වැඩි සම්භාවිතාවක් ඇතැයි ඔහු ප්‍රකාශ කළේය.
නීති විරෝධී කැබිනට් මණ්ඩලය විසින් අතුරු සම්මත ගිණුමකට අනුමැතිය ලබාගෙන තිබුණද, එයට පාර්ලිමේන්තුවේ අනුමැතිය ලබාගත නොහැකිව සිටින බව ඔහු පැවසීය.
ඉන් පසුව කුමක් කළ යුතු දැයි මේ වන විට තීරණයකට පැමිණ නොමැති බවත්, ඉතිරි වී ඇති තෝරා ගැනීම් දෙක වන ජනාධිපතිවරණය සහ ජනමත විචාරණය යන සෘජු ජනමතය විමසීමේ අවස්ථා දෙකෙන්ම තම කණ්ඩායම පරාජය වීමේ වැඩි ඉඩක් ඇති බවත් ඔහු කීය. එම මැතිවරණ දෙකම ජයගැනීමට නම් ජනගහනයෙන් 50% කට වඩා තම කණ්ඩායමට වාසි සහගත ලෙස ඡන්දය ලබා දිය යුතු බව එම නීති විරෝධී අමාත්‍යවරයා පෙන්වා දුන්නේය. පාර්ලිමේන්තුවේ බහුතරයක් නොමැතිව දීර්ඝකාලීන කටයුතු කළ නොහැක්කක් බවත්, පාර්ලිමේන්තුවේ බහුතරය නොමැතිව පළාත් සභා මැතිවරණයකට යෑමද කළ නොහැක්කක් බවත් ඔහු පෙන්වා දුන්නේය. ඒ නිසා මේ වන විට තම කණ්ඩායම තොරාගැනීම් නොමැති තත්වයකට පත්ව ඇතැයි ඔහු වැඩි දුරටත් අවධාරණය කළේය.
Published on: Nov 20, 2018- පසුගිය මස 26 වන දින ජනාධිපතිවරයා විසින් නව අගමැතිවරයා වශයෙන් මහින්ද රාජපක්ෂ පත් කිරීමට කටයුතු කිරීමත්, කැබිනට් මණ්ඩලය බල රහිත කිරීමත් සමඟ රට තුළ ඇති වූයේ බරපතළ ව්‍යාකූල තත්ත්වයකි. එතෙක් තිරය පිටුපස සිදුවෙමින් තිබුණු නිරුවත් ජවනිකා වේදිකාව මතු පිටම රඟදෙන්නට පටන් ගෙන තිබේ. අගමැතිවරයාට කිසිත් නොදන්වා ඔහුව එම තනතුරින් ඉවත් කොට ඒ පිළිබඳ ගැසට් නිවේදනයක් නිකුත් කරන වෙනත් රටක් තවත් කොතැනක හෝ තිබිය නොහැක.
2015දී 19 වැනි ව්‍යවස්ථා සංශෝධනය හඳුන්වා දීමේ අරමුණ වුණේ, අගමැතිවරයාව හිතුමතේ වෙනස් කිරීමට ජනාධිපතිවරයාට තිබූ අත්තනෝමතික විධායක බලය කප්පාදු කිරීමයි. මේ සංශෝධනය යටතේ අගමැතිවරයාගේ ධුරය අහිමි වනු ඇත්තේ, ඔහුගේ මරණයේදී, ඔහුගේ ඉල්ලා අස්වීමේදී හෝ ඔහුගේ මන්ත්‍රී ධුරය අහිමි වීමේදී හෝ පමණි. එසේ නැතහොත්, පාර්ලිමේන්තුවේ විශ්වාසය ආණ්ඩුවට නැති වුවහොත්ය. ආණ්ඩුව කෙරෙහි පාර්ලිමේන්තුවේ විශ්වාසය නැතිවීම සිදු වන්නේ, ආණ්ඩුවේ අය-වැය පරාජය වීමේදී හෝ ආණ්ඩුවට එරෙහි විශ්වාස භංගයක් සම්මත වීමේදීය. එහෙත්, ඒ කිසිවක් මේ මොහොතේ සිදු වී නැත.
අලුත් අගමැතිවරයෙකු පත් කිරීමට ජනාධිපතිවරයාට බලය ඇතත්, එම බලය ඔහුට පාවිච්චි කළ හැක්කේ දැනට බලයේ සිටින අගමැතිවරයාගේ ධුරය ඉහත කී යම් ක්‍රමයකින් හිස්ව ඇති අවස්ථාවකදී පමණි. “ජනාධිපතිවරයාගේ මතය අනුව පාර්ලිමේන්තුවේ විශ්වාසය උපරිම වශයෙන් ඇති පාර්ලිමේන්තු මන්ත්‍රීවරයා ජනාධිපතිවරයා විසින් අගමැතිවරයා වශයෙන් පත් කරනු ලැබිය යුත්තේ ය” යනුවෙන් 19 වැනි ව්‍යවස්ථා සංශෝධනයේ 42.4 වගන්තිය දක්වයි. මේ වගන්තියේ නිවැරදි අරුත වන්නේ පාර්ලිමේන්තුවේ වැඩිම මන්ත්‍රීන් සංඛ්‍යාවක් සිටින්නේ කාටද යන්නයි. පාර්ලිමේන්තුවේ 225 දෙනා අතුරින් අඩු වශයෙන් 113 දෙනෙකුගේ සහාය ඔහුට තිබිය යුතුය. එහෙත් වික්‍රමසිංහව ඉවත් කිරීමේදී සහ රාජපක්ෂව පත් කිරීමේදී මේ මූලික අංකගණිතමය කාරණය ජනාධිපතිවරයා පැත්තකට දමා ඇති බවක් පෙනෙන්නට තිබේ.
එස්.බී. – කීර්ති නාටකය
මෙසේ රටේ මුල් පුටුව දරන්නා විසින්ම නීතිය අමු අමුවේ උල්ලංඝනය කරද්දී එතනින් පහළට නීතියක් තිබිය හැකි යැයි සිතිය නොහැකිය. ඒ නිසා මේ සිදුවීම පසුපස නොපෙනුණ සිදුවීම්වලත්, දැන් එළිපිටම තිබෙන සිදුවීම්වලත් ඇත්තේ, නීතිය වෙනුවට අවනීතියයි. මතුපිටට පැමිණ ඇත්තේ සදාචාරය වෙනුවට ම්ලේච්ඡත්වයයි. ව්‍යවස්ථා විරෝධී බලය පැහැර ගැනීමෙන් පසුව මන්ත්‍රීවරුන් බිලිබාගෙන බහුතරය සකසා ගැනීමේ කුමන්ත්‍රණ ඒ සඳහා හොඳම උදාහරණ සපයයි. රුපියල් කෝටි පනහක පමණ මුදලකට සහ ඇමතිකම්වලට ලංසු තැබූ මන්ත්‍රී ධුර විකිණෙන ආකාරය එස්.බී. දිසානායක විසින් සහ මැතිවරණ නිරීක්ෂණ සංවිධානයක ‘කීර්ති’මත් අයෙකු විසින් සිදු කළ සාකච්ඡා පිළිබඳ තොරතුරු කරළියට පැමිණීමත් සමඟ වඩාත් හොඳින් පැහැදිලි විය. මේ කියන කීර්ති මන්ත්‍රීකම් බිලිබෑමට පෙර සිදු කළ මැදිහත්වීම ගැන පසුගිය ‘ලංකා’ පුවත් පතෙන් හෙළි කරනු ලැබීය.
එක්සත් ජාතික පක්ෂයේ පාර්ලිමේන්තු මන්ත්‍රී පාලිත රංගේ බණ්ඩාරට රුපියල් කෝටි 50ක් සහ කැබිනට් අමාත්‍ය ධුරයක් ලබා දීමට මහින්ද රාජපක්ෂ පාර්ශ්වය දැඩි උත්සාහයක් ගත් බව හා ඊට අදාළ දුරකථන සංවාද මන්ත්‍රීවරයා විසින් ඊයේ පැවති විශේෂ මාධ්‍ය හමුවේදී සමාජයට මුදාහැරියේය. කීර්ති නමැත්තෙකු රංගේ බණ්ඩාරට අල්ලස් දීමට උත්සාහ කළ බවත්, ඔහු සමාජ ජාල වෙබ් අඩවිවල මෙන්ම සමාජය තුළ ද ක්‍රියාකාරී සංවිධානයක දන්නා හඳුනන පුද්ගලයෙකු බව ද මන්ත්‍රීවරයා පැවසීය. ඒ කීර්තිත්, රංගේ බණ්ඩාර එය හෙළි කිරීමට පෙර ‘ලංකා’ පුවත් පත පැවසූ කීර්තිත් දෙදෙනෙකු නොව, එක් අයෙකි.
මුරලිදරන්ගේ කරුණාව
මහින්ද රාජපක්ෂගේ ආණ්ඩුවට එක් වීම සඳහා ඩයස්පෝරාවේද සහාය ඇතිව දෙමළ ජාතික සන්ධානයේ පාර්ලිමේන්තු මන්ත්‍රීවරුන් කිහිප දෙනකු සමඟ මේ වන විටත් සාකච්ඡා පැවැත්වෙන බව එල්.ටී.ටී.ඊ. සංවිධානයේ නැගෙනහිර සන්නද්ධ නායකයා ලෙස කටයුතු කළ හිටපු අමාත්‍ය විනයාගමූර්ති මුරලිදරන් ‘ට්විටර්’ පණිවුඩයක් නිකුත් කරමින් සඳහන් කර ඇත. මෙම ට්විටර් පණිවුඩය සම්බන්ධයෙන් මාධ්‍යවේදීන් සිදුකළ විමසීමේදී විනයාගමූර්ති මුරලිදරන් ප්‍රකාශ කර ඇත්තේ, දෙමළ ජාතික සන්ධානයේ මන්ත්‍රීවරුන් මහින්ද රාජපක්ෂ මහතාගේ ආණ්ඩුවට එක්වීම ප්‍රතික්ෂේප කළ නමුත්, ඔවුන් සමග තවමත් සාකච්ඡා පැවැත්වෙන බවයි. විනයාගමූර්ති මුරලිදරන්ගේ මේ මැදිහත් වීමෙන් දෙමළ ජාතික සන්ධානයේ එක් මන්ත්‍රීවරයෙක් මේ වන විටත් මහින්ද රාජපක්ෂ කණ්ඩායමට සහාය දීමට කැමැත්ත පළ කර ඇති අතර, ඒ වෙනුවෙන් ඔහුට නැඟෙනහිර සංවර්ධන නියෝජ්‍ය අමාත්‍ය ධුරය ලබාදී තිබේ.
එහෙත්, මේ වන විට දෙමළ ජාතික සන්ධානය පවසන්නේ, වෙනත් කිසිදු මන්ත්‍රීවරයෙකු තම කණ්ඩායමේ තීරණයෙන් වෙනස් නොවන බවත්, විනයාගමූර්ති මුරලිදරන් සමඟ තමන් කිසිදු නිල සාකච්ඡාවක් නොපැවැත් වූ බවත්ය.විනයාගමූර්ති මුරලිදරන් හෙවත් කරුණා අම්මාන්ගේ මෙහෙයුම අසාර්ථක වූ නිසා තවත් මෙහෙයුමක් ක්‍රියාත්මක කර ඇති අතර, ඒ සඳහා නාමල් රාජපක්ෂ සහ සුමන්තිරන් අතර සාකච්ඡාවක්ද සිදු වී තිබේ. එහි සැලසුම වී ඇත්තේ, දැනට සිරගතව සිටින දෙමළ කොටි සාමාජිකයන් මුදාහැරීම සම්බන්ධයෙන් ජනපති සිරිසේන හා මහින්ද රාජපක්ෂගේ අවධානය යොමු වී ඇති බව පවසා මහින්ද රාජපක්ෂට සහාය පළ කරන්නේ නම්, සිරගතව සිටින දෙමළ කොටි සාමාජිකයන් මුදාහැරීමට කටයුතු කරන බවට පොරොන්දු වීමත්ය.
තවත් ඩීල් සහ බියවැද්දීම්
මේ අතර එක්සත් ජාතික පෙරමුණ නියෝජනය කරන රිෂාඞ් බදියුදීන්ගේ සමස්ත ලංකා මහජන කොන්ග්‍රසයේ මන්ත්‍රීවරුන් දෙදෙනෙකුගේ සහාය මහින්ද රාජපක්ෂට ලබා ගැනීමට බැසිල් රාජපක්ෂ සහ රටේ නම ගිය සිවිල් සංවිධාන නියෝජිතයෙකු මැදිහත් වී සාකච්ඡාවක් සිදුකර තිබේ. මුලදී මහින්ද රාජපක්ෂට සහාය දීමට ඔවුන් එකඟතාවය පළ කර ඇතත්, තවමත් එය ස්ථිර වී නොමැත. මීට අමතරව හකීම්ගේ මුස්ලිම් කොන්ග්‍රසයේ මන්ත්‍රීවරයෙකු සමඟද මොවුන් සාකච්ඡා කර තිබේ. ඉතාමත් රහසිගත ලෙස සිදු කෙරුණු මේ සාකච්ඡාවන් තවමත් එකඟතාවයක් දක්වා පැමිණ නැත. කෙසේ වෙතත්, මෙම මන්ත්‍රීවරුන් සඳහා රුපියල් කෝටි 35කට අධික මිලක් නියම වී ඇති බව වාර්තා වේ.
එසේම බියවද්දා මන්ත්‍රීවරුන් බිලිබා ගැනීමේ සැලැස්මක්ද ක්‍රියාත්මක වේ. ඒ අනුව රවී කරුණානායක මුදල් ඇමතිව සිටියදී තීරු බදු රහිතව වාහන 200ක් මුදාහැරීමේ සිද්ධිය පාදක කරගෙන ඔහුව අත්අඩංගුවට ගැනීමට සූදානම් කර ඇත. මෙම සිද්ධිය සම්බන්ධයෙන් 2016 ඔක්තෝබර් 06 වැනිදා සිය විමර්ශන ක්‍ඍී/24/2016 යටතේ මූල්‍ය අපරාධ කොට්ඨාසය නීතිපතිවරයාගෙන් උපදෙස් පැතීම සඳහා යොමු කර තිබූ අතර, ඒ අනුව මූල්‍ය අපරාධ කොට්ඨාසය 2720/16 යටතේ නඩුවක් ගොනු කර තිබේ. මෙම පසුබිමට යටත්ව නීතිපතිවරයාගේ උපදෙස් මත රවී කරුණානායකව අත්අඩංගුවට ගැනීමට කටයුතු යොදා ඇත. ඊට අමතරව අත්අඩංගුවට ගැනීමට අවශ්‍ය එජාප ප්‍රබලයන්ගේ නම් ලැයිස්තුවක් පොලිස් ප්‍රධානීන් හට දැනටමත් ලබාදී ඇති බවද අනාවරණය වී තිබේ. රාජිත, චම්පික, රවී, මංගල, මුජිබර්, අජිත් පෙරේරා මෙම ලැයිස්තුවේ සිටින අතර, මේ වන විටත් අපරාධ විමර්ශන කොට්ඨාසයට සහ අල්ලස් කොමිසමට යොමු කළ පිරිස් ඔවුන්ට ඇති පැමිණිලි පිළිබඳව සොයා බලමින් සිටියි.
මෙම සැලැස්මේ පළමු කොටස වූ බියවැද්දීමෙන් තම පාර්ශ්වය වෙත එකඟතාවය ලබා ගැනීම අසාර්ථක වුවහොත්, ක්‍රියාත්මක කරන දෙවන සැලැස්මක් පිළිබඳවද අප වෙත තොරතුරු ලැබී ඇත. ඒ ඇප ලබා ගැනීමට නොහැකි වන පරිදි සිකුරාදා හෝ සෙනසුරාදා දිනවල ඔවුන් අත්අඩංගුවට ගැනීමයි.
සැලසුම් එසේ ක්‍රියාත්මක වෙද්දී, ජනාධිපතිවරයා යටතේ පවතින ජාතික මාධ්‍ය මධ්‍යස්ථානය (විසුම්පාය) වෙත පැමිණි පාර්ලිමේන්තු මන්ත්‍රීවරුන් වන අරුන්දික ප්‍රනාන්දු, නිරෝෂන් ප්‍රේමරත්න මෙන්ම සුදර්මන් රදලියගොඩ නැමැත්තා පසුගිය 03වන දින එහි තිබූ පරිගණක යන්ත්‍ර, ලියකියවිලි ආදිය පැහැර ගන්නට උත්සාහ දරා ඇත. අගමැති රාජපක්ෂගේ පාර්ශ්වයෙන් බව කියමින් ඔවුන් මෙසේ එම ආයතනය වෙත කඩාවැදී ඇති අතර, එහිදී සේවයේ නියුතු වූවන් සඳහන් කර ඇත්තේ, ජාතික මාධ්‍ය මධ්‍යස්ථානය මේ වන විට ජනාධිපතිවරයා යටතට ගෙන ඇති බවත්, එහි භාරකාරත්වය සඳහා ජනාධිපති මාධ්‍ය අධ්‍යක්ෂ ධර්ම ශ්‍රී ඒකනායක පත් කර ඇති බවත්, එබැවින් ඔහු දැනුම්වත් කර අවශ්‍ය දෙයක් කර ගන්නා ලෙසය. එහෙත්, ඒ කිසිවක් නොතකා ඇති මේ තිදෙනා ඇතුළු පිරිස පසුගිය කාලය පුරාවට මහින්දට මඩ ගැසුවේ මෙතනින් බවත්, මෛත්‍රී නෙමෙයි දැන් කොයි ලොක්කත් අදාළ නැති බවත් කියමින් එහි තිබු බඩුබාහිරාදිය විසිකරමින් ‘චණ්ඩි පාර්ට්’ දමා ඇත.
අවසාන සැලසුම
යහපාලන ආණ්ඩුව පිහිට වූ අවස්ථාවේ පටන්ම රාජපක්ෂ පවුලේ පරම සතුරා වූයේ අගමැති රනිල් වික්රමසිංහ නොව ජනාධිපති මෛත්රීපාල සිරිසේනය. තමන්ගේම කඳවුරේ සිට රහසිගතව කුමන්ත්‍රණය කොට තමන් පරාජය කිරීම ගැන වෛරයෙන් පුපුරමින් සිටි රාජපක්ෂ කඳවුර ඔහුගෙන් පළිගැනීම පිණිස කල් යල් බලමින් සිටියේය. සිය ‘පරම සතුරා’ වන ජනාධිපති සිරිසේනට දේශපාලන වශයෙන් සමීප වීමට උත්සාහ දරමින් සිටි ඔවුන්ට මුලින්ම අවස්ථාව සැලසුණේ පසුගිය පළාත් පාලන මැතිවරණයට පෙරාතුව සිරිසේන, බැසිල් රාජපක්ෂ හා සම්බන්ධ වීමට උත්සාහ දැරූ අවස්ථාවේ ය. ඒ සඳහා මඟ පාදා දෙනු ලැබුවේ ගෝඨාභය රාජපක්ෂගේ සමීපතම උපදේශකයෙකු වන මැදගොඩ අභයතිස්ස හිමියන්ය. එහෙත් ඒ විශ්වාසය ඉක්මනින්ම පළුදු වූ අතර, මෛත්‍රී සහ බැසිල් අතර විරසකයක් නැවත ඇති විය. ඉහත කී කීර්තිමත් මැතිවරණ නිරීක්ෂකයා විසින් කපුකම කරන්නේ ඒ විරසකය සමහන් කිරීම සඳහාය.
සිරිසේන නොදන්නා රාජපක්ෂලාගේ රහසිගත සැලසුම!
රාජපක්ෂලාගේ වෛරය කෙතරම්ද යත්, තමන් යළි බලයට පත්වුවහොත්, සිරිසේන ඉතුරු නොකරන බවට ඔවුහු වහසිබස් දොඩමින් සිටියහ. සිය පණිවුඩකරුවන් මාර්ගයෙන් සිරිසේනට වරින්වර එම පණිවුඩය යැවීමට කටයුතු කළ ඔවුහු කිසිවෙකු තමන් ඝාතනය කරනු ඇතැයි සිරිසේන තුළ තිබූ ‘මර බිය’ ගැනද හොඳින් දැන සිටියහ. පසෙකින් සිරිසේන සමඟ සන්ධානගත වීමේ සැලසුමක් දියත් වෙද්දී ‘ජනාධිපති සහ ගෝඨාභය ඝාතන කුමන්ත්‍රණ’ නාට්‍යයක්ද සැලසුම් කෙරිණ.
ජනාධිපති සිරිසේන පසුගිය සතියේ අගමැති රනිල් වික්රමසිංහ පදවියෙන් පහ කරනු ලබන්නේ රාජපක්ෂලාගේ එම සූක්ෂ්ම සැලසුමේ ප්‍රතිඵලයක් ලෙසිනි. ඉන් අනතුරුව කළ යුත්තේ කුමක්ද යන්නද රාජපක්ෂලා සැලසුම් කර තිබේ. එහි ඉහත කී ඩීල් සහ කුමන්ත්‍රණවලින් බහුතරය ලබා ගත නොහැකි වුවහොත්, ඊට විකල්පයක්ද ඔවුන් සතුව ඇත. මේ වන විටත් එවැනි තත්ත්වයක් ඇති වුවහොත්, ආණ්ඩුව විසුරුවා හරින මෙන් මහින්ද රාජපක්ෂ විසින් ජනාධිපතිගෙන් ඉල්ලා තිබේ. ව්‍යවස්ථාව උල්ලංඝනය කරමින්, මහින්ද රාජපක්ෂ අගමැති ලෙසින් පත් කළ ආකාරයටම ජනාධිපති සිරිසේන එවිට පාර්ලිමේන්තුව විසුරුවා හරිනු ඇත. ඒ සඳහා රාජපක්ෂ පවුල සිරිසේනට ලබාදී ඇති ‘ඇම’ මීළඟ ජනාධිපතිවරණයේදී ජනපති අපේක්ෂකයා ලෙසින් ඔහු ඉදිරිපත් කරන බවය. එහෙත්, ඒ වෙනුවට රාජපක්ෂලා වෙනත් රහසිගත සැලසුමක් දියත් කර ඇති බව සිරිසේන නොදනී. එනම්, මහ මැතිවරණය ජය ගැනීමෙන් අනතුරුව ව්‍යවස්ථාව සංශෝධනය කිරීමය. එහිදී රුසියාවේ ජනාධිපති පුටින්ට යළිත් ජනපති පදවියට පත් වීමට අවස්ථාව ලැබුණු ආකාරයේ ව්‍යවස්ථා සංශෝධනයක් ඔවුන් සැලසුම් කර තිබේ. ඒ අනුව ව්‍යවස්ථා සංශෝධනයෙන් අනතුරුව රාජපක්ෂලාගේ ජනපති අපේක්ෂකයා මහින්ද විනා සිරිසේන නොවනු ඇත.
~~චතුර දිසානායක~~
Published on: Nov 17, 2018- මහින්ද විනාශ කිරිමේ මෙහෙයුම මේ වනවිට සැහෙන්න දුරකට සාර්ථක කර ගන්නට සිරිසේන ජනාධිපතිවරයා සමත්වි අවසන් අතර ඒ වටා සම්පූර්ණයෙන්ම කුමන්ත්‍රණයක් දියත් වෙමින් තිබේන බව අප අවස්ථා ගණනාවකදි අනාවරණය කල පරිදිම තහවුරු වෙමින් තිබේ.
දින දෙකකදි බහුතරයකින් මහින්ද පාර්ලිමේන්තුවේ පරාජය කිරිමට එජාපය ප්‍රමුඛ කණ්ඩායම සමත්වි අවසන්. එලියේ ඇවිත් මොනවා කිවත් මහින්දට දැන් තිබුනු ජන ප්‍රසාදයෙන් සැලකිය යුතු ප්‍රමාණයක් අහිමි වි අවසන් ය.අනිත් අතට මහින්දගේ නමට හානී කරන්නට මෛත්‍රී සහ විවිධ් කණ්ඩායම් වලින් වරප්‍රසාද ගත් ඇම්බැට්ට මන්ත්‍රීවරුන් කල කී දෑ මේ දවස් කිහිපය තුල දැක අවසන්.
අප මුලසිටම කී පරිදි සිරිසේනට රාජපක්ෂලා සම්බන්ධයෙන් ඇරියස් කිහිපයක්ම තිබේන බව නොරහසකි. එය හොදින්ම තහවුරු වන්නේ ශ්‍රිලනිපයේ ජ්‍යෙෂ්ඨ මන්ත්‍රීවරුන් කිහිප දෙනෙකු සමග ඊයේ පැවැති සාකච්ඡාවකදි මෛත්‍රී දුන් පොර ටොක් එකකිනී. එහිදි මෛත්‍රී පවසා ඇත්තේ “බැසිල් කියන්නේ දැන් වැඩ කාරයෙක් නොවේ කියලා ඔප්පු වෙලා ඉවරයි “යනුවෙනි. තව දින කිහිපයක් ගතවනවිට මහින්ද පාර්ශවයෙන්ම එම චොදනාව බැසිල්ට එල්ල වන බව තමන්ට් විශ්වාස බවද එහිදි මෛත්‍රී පවසා තිබේන බවයි අප දේශපාලන වාර්තාකරු සදහන් කලේ.
ශ්‍රි ලංකා නිදහස් පක්ෂයේ 14 දෙනෙකු හිටපු ජනාධිපතිනි සමග කල සාකච්ඡාවක් සම්බන්ධයෙන් මෙහිදි දිර්ඝ ව්ශයෙන් සාකච්ඡා කර ඇති අතර එම සාකච්ඡාවට සහභාගි වු මන්ත්‍රී කණ්ඩායම සම්බන්ධයෙන් මේ වනවිට සොයා බැලිම සදහා කිහිප දෙනෙකු යෙදවිමටද කටයුතු කර තිබේ.
බැසිල් මෛත්‍රී ගැටුම
2012 අගෝස්තු මාසයේ ආර්ථික කටයුතු සංවර්ධන අමාත්‍යාංශයට අදාළ ප්‍රගති සමාලෝචන රැස්වීමක් මුදල් අමාත්‍යාංශ ශ්‍රවණාගාරයේ දී පැවැත්විණි. ඊට මහින්ද රාජපක්ෂ ජනාධිපතිතුමා සහභාගී නොවීය. කෙසේ වෙතත් මෙම රැස්වීම අතරතුරදී මැති ඇමැතිවරු බොහෝ පිරිසක් ඒ වන විට ක්‍රියාත්මක කර තිබූ මහාමාර්ග අමාත්‍යාංශයට අදාළ ව්‍යාපෘති විවේචනය කිරීමට වූහ. එය එපමණය. පසුදින පෙරවරුවේ අරලියගහ මැදුරට පැමිණෙන ලෙස මෛත්‍රී ඇමතිතුමාට පණිවුඩයකි. ඊට අනුව එහි ගියවිට ජනාධිපතිතුමා ආරම්භයේ සිටම ඉතා කේන්තියෙන් බැණවැදීම ඇරඹීය.
පක්ෂයේ ලේකම් ආණ්ඩුවේ දූෂණ සොයනවා යනුවෙන් කියමින් තවදුරටත් දෝෂාරෝපණය කරන්නට විය. ඒ අසල සිටි පී. බී. ජයසුන්දර සමගද කියමින් මෙම බැණවැදීම සිදුකළේය. සැබවින්ම එදින එලෙස ජනාධිපතිතුමා මෛත්‍රී ඇමතිතුමාට බැණවැදීම එතුමාගේ මනසින් ඉවත් කළ නොහැකි කටුක සිදුවීමක් බඳුය. එපරිදිම තවත් අවස්ථාවක ශ්‍රීලනිපයේ නව ප්‍රතිසංවිධාන වැඩපිළිවෙළකට අදාළ සවිස්තරාත්මක යෝජනාවලියක් ජනාධිපතිවරයා වෙත ඉදිරිපත් කිරීම සඳහා මෛත්‍රී ඇමතිතුමා අරලියගහ මැදුරට ගියේය. තමා පක්ෂ ප්‍රතිසංවිධාන යෝජනාවලියක් සකසා ඇති බව කියූ විට එය ඇසූ ජනාධිපතිතුමා ‘මට ඕව වැඩක් නෑ. අපි හදනව වෙනම අලුත් එකක්’ යනුවෙන් පැවසීය. පක්ෂයේ ලේකම්වරයා වශයෙන් ඉතා වේදනාවට පත්ව මෛත්‍රී ඇමතුමා යළි සිය නිවසට පැමිණියේය.
දෙවන අවස්ථාව…..
තවත් වරක් අනුරුද්ධ රත්වත්ත මහතා මියයාමෙන් පසුව හිටපු ශ්‍රීලනිප ජාතික සංවිධායක ධුරයට බැසිල් රාජපක්ෂ මහතා පත්කළ යුතුයැයි කියා සිටි මහින්ද රාජපක්ෂ මහතා ඒ සඳහා වන යෝජනාව මධ්‍යම කාරක සභාවට ඉදිරිපත් කළ යුත්තේ මෛත්‍රී ඇමතිතුමාම බවද කියා සිටියේය. ශ්‍රීලනිප ජාතික සංවිධායක ධුරයේ වැඩ බාරගත් දිනයේ සිට බැසිල් රාජපක්ෂ මහතා ශ්‍රීලනිපයේ තනි අයිතිකරු වූවා සේ. ඔහුගේ එකම හා පරම අභිප්‍රාය වූයේ ශ්‍රීලනිප මහ ලේකම්වරයා නාමික ලේකම්වරයෙකු බවට පත්කිරීමය. ජාතික සංවිධායකවරයා ලෙස බැසිල් රාජපක්ෂ මහතා ඩාර්ලි පාරේ ශ්‍රීලනිප පැරණි ගොඩනැගිල්ලට ඇතුළු වූයේම නැත. ශ්‍රීලනිප ශාඛා සමිති ලියාපදිංචි කිරීමේ කාර්යයේ සිට ඉහළට සියලු වගකීම් ස්වේච්ඡාවෙන්ම ඔහු බාරගත්තා වැනිය. පක්ෂයේ ලේකම්වරයා වශයෙන් මෛත්‍රී ඇමතුමාට තම නිල මුද්‍රාව පමණක් ඉතිරිවන තත්ත්වයක් උදාවෙමින් පැවතුණි. මේ අතර දින කිහිපයකට වරක් මහින්ද රාජපක්ෂ ජනාධිපතිතුමා මෛත්‍රී ඇමතිතුමා කරනු ලබන ප්‍රකාශ පුවත්පත් හා වෙනත් මාධ්‍ය තුළින් අසා දුරකථනය මගින් එතුමාට බැණවදී.
තෙවන අවස්ථාව…
‘අපි වවමු – රට නගමු’ වැඩසටහන 2006 දී කෘෂිකර්ම ඇමතිවරයා ලෙස මෛත්රීපාල ඇමැතිතුමා ඇරඹූ සාර්ථක වැඩසටහනක්. එමගින් කෘෂිකර්මාන්තය හා දේශීය ගොවිතැන පිළිබඳ නව ප්‍රබෝධයක් රට තුළ ඉතා ශීඝ්‍රයෙන් වර්ධනය විය. එම වැඩසටහනේ සාර්ථකත්වය දුටු බැසිල් රාජපක්ෂ මහතා එයද තමා සන්තක කරගත්තේය. පසුකාලීනව ‘දිවි නැගුම’ ඇට වර්ග බෙදාදීම ලෙස කරළියට පැමිණෙන්නේ එයයි. මහාචාර්ය සේනක බිබිලේ ජීවිතයෙන් වන්දි ගෙවා නිමකිරීමට නොහැකි වූ ඖෂධ ප්‍රතිපත්තිය මෛත්‍රී ඇමැතිතුමාගේ අප්‍රතිහත ධෛර්යය මතින් යථාර්ථයක් වන සේයාව දුටුවිට බැසිල් රාජපක්ෂ මහතා හා අරලිය ගහ මැදුර ඖෂධ සමාගම් වෙනුවෙන් පෙනී සිටියේය. සිගරට් පැකට්ටුවේ රූපමය අවවාදයෙහි ප්‍රමාණය පිළිබඳ ප්‍රශ්නයේදී සෞඛ්‍ය ඇමැතිවරයා ලෙස මෛත්රීපාල ඇමැතිතුමා අලුත්කඬේ අධිකරණයේ බංකු මත හිඳ සිටියදී බැසිල් රාජපක්ෂ මහතා ප්‍රමුඛ අරලියගහ මැදුර දුම්කොළ සමාගම වෙනුවෙන් පෙනී සිටියේය. සෞඛ්‍ය අමාත්‍යාංශයේ ලේකම් නිහාල් රංජිත් ජයතිලක මහතා සෑම දිනකම සවස 4 වනතුරු සෞඛ්‍ය අමාත්‍යාංශය තුළ සිට මෛත්‍රී ඇමැතිතුමාගේ දෛනික වැඩකටයුතු සඳහා බාධා පමුණුවමින් කාලය ගතකර සවස 4.00 සිට රාත්‍රිය වනතුරු බැසිල් රාජපක්ෂ මහතාගේ ආර්ථික කටයුතු සංවර්ධන අමාත්‍යාංශයට වී මෛත්රීපාල ඇමැතිතුමාට උසුළු විසුළු කළේය. සෞඛ්‍ය අමාත්‍යවරයා අසාර්ථක හා අකාර්යක්ෂම ඇමතිවරයකු බව රටට පෙන්වීම උදෙසා පිළිකා රෝහලේ සිට ග්‍රාමීය රෝහල් දක්වා ඖෂධ හිඟයක් මවා පෙන්වීය.
සිව්වන අවස්ථාව
මේ අතර 2014 වර්ෂය සඳහා ඉදිරිපත් කළ අයවැය තුළ දිස්ත්‍රික් සංවර්ධනය වෙනුවෙන් ශ්‍රී ලංකාවේ එතෙක් මෙතෙක් පැවති සියලු රජයයන් වෙන් කළ දැවැන්ත සංවර්ධන මුදල වෙන් කළේය. ඒ අනුව ඒ ඒ දිස්ත්‍රික්කවලට අදාළ මුදල් සංකේතාත්මකව බාරදීම වෙනුවෙන් ආර්ථික කටයුතු සංවර්ධන අමාත්‍යාංශය යටතේ දිස්ත්‍රික් මට්ටමින් නිල උත්සවයක් සංවිධානය විය. මෙම නිල උත්සවයේ සංවිධාන කටයුතු සිදු කරන්නේ ආර්ථික කටයුතු සංවර්ධන අමාත්‍යාංශයේ උපදෙස් පරිදි අදාළ දිස්ත්‍රික් ලේකම්වරයා විසිනි. ඊට අනුව න්‍යාය පත්‍රය මේ සඳහා දිස්ත්‍රික් රාජ්‍ය නිලධාරීන් කැඳවීම, රැස්වීම පැවැත්වෙන විශාල ප්‍රමාණයේ මඩුව සංග්‍රහ කටයුතු යන සියල්ල සිදුකරන්නේ කොළඹ මූලික කරගත් ආර්ථික කටයුතු සංවර්ධන අමාත්‍යාංශයයි. මෙහි සහභාගිකයන් වන්නේ සමස්ත දිස්ත්‍රික් සංවර්ධන අමාත්‍යාංශයයි. රැස්වීමේ න්‍යායපත්‍රයට අනුව සම්පූර්ණ උත්සවය සභාවටම ඇත්තේ කථා දෙකකි. ඒ අනුව දිස්ත්‍රික් ලේකම්වරයා පිළිගැනීමේ කථාව සිදුකරන අතර ඉන් අනතුරුව නැගී සිටින බැසිල් රාජපක්ෂ ඇමතිතුමා සංවර්ධන ඉලක්කයන් පිළිබඳව පැයක දෙසුමක් පවත්වයි. එතැනින් උත්සව සභාව නිම වේ. මේ සෑම අවස්ථාවකදීම අදාළ දිස්ත්‍රික්කයේ ජ්‍යෙෂ්ඨ කැබිනට් අමාත්‍ය හා දිස්ත්‍රික් නායකයන් හුදු සහභාගිකයන් පමණි.
කෙසේ වෙතත් මීට අදාළ පොළොන්නරුවේ උත්සවයට මෛත්‍රී ඇමැතිතුමා සහභාගිකයකු ලෙස එහි ගොස් සිටියද බදුල්ලේදී නිමල් සිරිපාල ද සිල්වා රත්නපුරේදී ජෝන් සෙනෙවිරත්න හා මාතලේ දී ජනක බණ්ඩාර තෙන්නකෝන් යන දිස්ත්‍රික් නායකයෝ මෙම උත්සවය වර්ජනය කළහ.
මේ පිළිබඳ මෛත්‍රී ඇමතිතුමාගේ මතය වූයේ ඉන් ඉදිරියට පැවැත්වෙන මැතිවරණ ශ්‍රීලනිපයේ හෝ එජනිස යාන්ත්‍රණයකින් පරිබාහිරව රාජ්‍ය නිලධාරීන් පමණක් මෙහෙයවා සිදුකිරීම පිළිබඳ පළමු පෙරහුරු වැඩ සටහන වශයෙන් මෙය සැලකිය හැකි බවයි.
කෙසේ වෙතත් 2010 වසරෙන් පසු අරලියගහ මැදුර හා ආර්ථික කටයුතු සංවර්ධන අමාත්‍යාංශය එක්ව දෛනිකව මෛත්‍රී ඇමතිතුමාට එරෙහිව නිර්මාණය කළ ප්රශ්න බාධා කිරීම් හා කඩාකප්පල්කාරී ක්‍රියා මතින් එතුමා අඛණ්ඩව වසර 4ක් පමණ දැඩි මානසික වේදනාවකින් හා චිත්ත පීඩාවකින් කල් ගෙවීය. එතරම් විනෝදකාමී ජීවිතයකට අකමැති එතුමා ඉතා සරල හා අල්පේච්ඡ ජීවිතයක් ගෙවන අතරතුර මෙම ප්‍රහාරය අරලිය ගහ මැදුර හා ආර්ථික කටයුතු සංවර්ධන අමාත්‍යාංශය ඒකාබද්ධව දියත් කිරීම හමුවේ ඇමැතිතුමා පමණක් නොව සමස්ත පවුලම අර්බුදයක සිටියේය. මෛත්‍රී ඇමතිතුමා අමාත්‍යාංශයේ සිට පැමිණියද පක්ෂ කාර්යාලයේ සිට නිවසට පැමිණියද ඒ සැමවිට එකක් පරයා තවෙකෙක් ලෙසට සිත් රිදවීම්ය. සිය නිදියහනේ වැතිර ඒ පිළිබඳ කල්පනාවේ යෙදෙන කල එතුමාගේ බිරිඳ සහ දරුවන් ඒ තුළින් දැඩි මානසික කම්පනයකට ලක්වෙයි.
Published on: Nov 14, 2018- ව්‍යවස්ථා කුමන්ත්‍රණය අසාර්ථක විමත් සමග ජාතික මෙන්ම, ජාත්‍යන්තරව කුජිත වි සිටින ජනාධිපති මෛත්රීපාල සිරිසේන සහ ව්‍යවස්ථා විරෝධි ලෙස ජනපති විසින් බලහත්කාරයෙන් පත්කර විශ්වාසය භංගයෙන් පලවා හැරි අගමැති මහින්ද රාජපක්ෂ ලවා කෙසේ හෝ බලය අල්ල ගැනිම සදහා කුමන්ත්‍රණයක් දියත් කර තිබේන බව අප දේශපාලන වාර්තාකරු අනාවරණය කළා.
පාර්ලිමේන්තුවේ බහුතරයකගේ අකමැත්ත අග්‍රාමාත්‍යවරයා සහ කැබිනට් මණ්ඩලයට එල්ල වු අතර ව්‍යවස්ථා විරෝධී බවට, මන්ත්‍රීවරු 122 දෙනෙකුගේ අත්සන් ලේඛනයක් සහිත ලිපියක් ඉදිරි ක්‍රියාමාර්ග සඳහා ජනාධිපතිවරයා වෙත යොමු කිරිමටද කතානායකවරයා කටයුතු කල අතර සවස් වනතුරු නිහඩව සිටි සිරිසේන ජනාධිපතිවරය සිය ඇම්බැට්ටයෙකු වන සුසිල් ප්‍රේමජයන්ත හරහා විවිධ ප්‍රකාශ නිකුත් කරමින් තමන් (ජනාධිපති) කතානායකගේ ලිපිය පිළිනොගත් බවට ප්‍රකාශයක් නිකුත් කර තිබේ.
මේ අතර හෙට දිනයේ තමන් පාර්ලිමේන්තුව හමුවේ විශේෂ ප්‍රකාශයක් කරමින් ජනාධිපතිවරයා ප්‍රදානය කල අගමැති ධුරයෙන් ඉවත් විමට කටයුතු කරන බව මහින්ද රාජපක්ෂ සදහන් කර තිබේන බව දේශපාලන ආරංචි මාර්ග සදහන් කරනවා.
තවදුරටත් බලය අල්ලාගෙන සිටිමට උත්සහ දැරිමෙන් රට දේශපාලනිකව අරාජීක වන බව සදහන් කර ඇති මහින්ද තමන් ඡන්ද විමසිමට පෙර පාර්ලිමේන්තුවේන් ඉවත් වුයේද ඒ නිසා බව පවසා තිබේ. නමුත් කිසිම හේතුවක් නිසා අගමැතිකම අත් නොහරින් ලෙස මහින්දට ජනාධිපතිවරයා දැඩි ලෙස බලපෑම් කරමින් සිටින බැවින් මහින්දට සaජු තින්දුවක් ගැනිමට නොහැකි තත්ත්වයකට පත්ව සිටින බවයි මහින්ද පාර්ශවයේ ජ්‍යෙෂ්ඨ මන්ත්‍රීවරයෙකු සදහන් කර ඇත්තේ.
කෙසේවෙතත් ජනාධිපතිවරයා මේ වනවිටත් රනිල්ට අගමැතිකම දිම තරයේම ප්‍රතිකේෂ්ප කර ඇති අතර අද සවස සජිත් ප්‍රේමදාසට දුරකතනයෙන් අමතා අගමැතිකම භාර ගන්නා ලෙසට ඉල්ලිමක් කර ඇති නමුත් සජිත් එය එකහෙළාම ප්‍රතිකේෂ්ප කර තිබේන බවද දේශපාලන ආරංචි මාර්ග සදහන් කළා.මේ වනවිට ජනාධිපති මෛත්රීපාල සිරිසේන එක්සත් ජාතික පෙරමුණේ ප්‍රබලයන් වන රාජිත සේනාරත්න,පාඨ්ළී චම්පික රණවක,රවුෆ් හකීම්,බදුයුදීන් ඇතුලු කණ්ඩායමට කත කරමින් බලපෑම් කරමින් සිටින බවද දැනගන්නට තිබේ.
Published on: Nov 14, 2018 – කුමන්ත්‍රණයක් හරහා මහින්ද රාජපක්ෂ වටා ගොනුවි තිබු දේශපාලන බලය බිදදැමු මෛත්රීපාල සිරිසේන ජනාධිපතිවරයා නැවැත්ත ලැජ්ජාවක් නැතිව එක්සත් ජාතික පක්ෂයේ නී.නායක සජිත් ප්‍රේමදාසට අගමැති ධුරය භාරගන්න ලෙස දුරකතනය ඔස්සේ ඉල්ලිමක් කර තිබේ.
පාර්ලිමේන්තුවේ බහුතරය එක්සත් ජාතික පෙරමුණ සමග ඇති බවත් තවදුරටත් ශ්‍රිලනිප මන්ත්‍රී කණ්ඩායම සමග ජාතික ආණ්ඩුව පවත්වාගෙන යැම සදහා නව අගමැතිවරයා ලෙස සජිත් ප්‍රේමදාසට ඉදිරිපත් වන ලේසයි මෛත්‍රී ජනපති ඉල්ලා ඇත්තේ.
එහිදි සජිත් ප්‍රේමදාස පිළිතුරු දෙමින් සදහන් කර ඇත්තේ යම් දිනයක පක්ෂය මෙන්ම පක්ෂ නායකත්වය තමන්ට අගමැතිවරයා ලෙස ඉදිරිපත් විමට අවස්ථාවක් උදාකර දෙනු ඇති බවත් එදිනට මැතිවරණයකට ඉදිරිපත් වි ජනතා ඡන්දයෙන් තමන් අගමැතිවරයා ලෙස පත්වෙනවා මිසක් වෙනත් කිසිම ආකාරයකින් එම තනතුර භාර නොගන්නා බවයි.
කරු, සජිත් බෑ කිව්වා. රනිල් පෙරළගෙන වුණත් යන්න පුළුවන් මහින්දට දුන්නා’ – ජනපති
මේක මීට දින 4කට කලින් කථානායක කරු ජයසූරිය මහතා මට කතා කළා. ඔහුට මම පැයක් කථාකළා මේ වෙනස කරන්න හේතුව. මේ ප‍්‍රශ්නය හවසට එවසට ආණ්ඩුවට සහය දෙන්න එන එජාප අයගෙනුත් අහනවා. මහින්ද රාජපක්ෂ මහතා පත්කිරීම විනා වෙනත් විකල්පයක් ඔබට තිබ්බේ නැද්ද කියලා. කථානායකවරයා පැයක් මගේ කතාව අහලා මේ ප‍්‍රශ්නෙ ඇහුවම මම ඇහුවා මීට මාස 8කට පෙර එ් විකල්පය ගැන කිවුවා. මතක කියලා. මම කරුට කිව්වා අගමැති පුටුව භාරගන්න කියලා. කරු ජයසූරිය මහත්තයට මම වැන්දේ නැති ටික විතරයි. අන්තිමට කරු මට කිව්වා ජනාධිපතිතුමාගේ ඉල්ලීමටට මම එ`කග වෙන්නම් හෙට හම්බවෙන්න එන්න පුළුවන් ද. මාව හම්බවෙන්න තනියම එනවා කිිව්වා කරු මහත්තයා පහුවදා එනවා රනිල් වික්රමසිංහ මහහත්තයත් එක්ක.
ඇවිත් තොල් පටවල් වෙව්ල වෙව්ල කිව්වා මට රනිල් අගමැතිතුමාට විරුද්ධ වෙන්න බෑ කියලා. මේ කතාව අහගෙන ඉන්න එජාප පාක්ෂකයිනි. මම එදා එ්ක අතහැරියේ නෑ. මම මාස 6කට කලිින් සජිත්ට කිව්වා සජිත් රනිල් අයින් කරමු ඔබ අගමැතිකම භාරගන්න කියලා. මම සජිත්ව හවසට හවසට ගෙන්නගෙන මම කිව්වා එන ප්රශ්න මමම විසඳන්නම් මේක භාරගන්න කියලා. සජිත් කිව්වා නායකතුමා එක්ක නම් මට හැප්පෙන්න බෑ කියලා. මම කල්පනා කෙරුවා රටට ගැළපෙන නායකයෙක් හොයන්න. රනිල් එක්ක හැප්පෙන්න නෙවෙයි රනිල් පෙරළගෙන යන්න පුළුවන් මිනිහෙක් විදියටයි මම මහින්ද රාජපක්ෂ මැතිතුමා පත්කළේ.”
Published on: Nov 14, 2018- ඉදිරි මහ මැතිවරණය සඳහා පුළුල් පෙරමුණකින් සහ නව ලකුණක් යටතේ තරග කිරීමට ශ්‍රි ලංකා නිදහස් පක්ෂය සහ එක්සත් ජනතා නිදහස් සන්ධානය සමග ශ්‍රි ලංකා පොදුජන පෙරමුණ ආරම්භ කර තිබු සාකච්ඡා වහාම නතර කිරිමට එම පක්ෂය නිළ වශයෙන් තින්දුවක් ගෙන තිබේන බව අප දේශපාලන වාර්තාකරු සදහන් කළා.
ජනාධිපති මෛත්රීපාල සිරිසේන මහතා සහ අග්රාමාත්ය මහින්ද රාජපක්ෂ මහතාගේ ප‍්‍රධානත්වයෙන් පසුගියදා ජනාධිපති ලේකම් කාර්යාලයේදි පැවති සාකච්ඡාවක ශ්‍රි ලංකා නිදහස් පොදුජන පෙරමුණ යටතේ මෙවර මහ මැතිවරණයේදී තරග වැදීමට එකගතාවකට පැමිණී අතර එම එකඟතාව අනුව මහින්ද රාජපක්ෂ ප්‍රමුඛ මන්ත්‍රීවරුන් 50ක් පමන ශ්‍රි ලංකා පොදුජන පෙරමුණේ සාමාජිකත්වයද ලබාගත්තා.
කෙසේවෙතත් අද දිනයේ පාර්ලිමේන්තුවේ ඇතිවු තත්ත්වය සහ එහිදි ශ්‍රි ලංකා නිදහස් පක්ෂයේ බහුතර මන්ත්‍රීවරුන් පිරිසක් අලස මෙන්ම වගකිම් විරහිතව ආකාරයට කටයුතු කිරිමත් තවත් කිහිප දෙනෙකු සභාව තුලදිම එක්සත් ජාතික පක්ෂය සමග එක්විමත් හේතුවෙන් තවදුරටත් එකඟතාවයක් තුල සිටිමින් කටයුතු කිරිමට හැකියාවක් නැති බවයි ශ්‍රි ලංකා පොදුජන පෙරමුණේ සභාපතිවරයා ඇතුලු ජ්‍යෙෂ්ඨයන්ගේ මතය වි ඇත්තේ.
මේ අතර පොළොන්නරුව දිස්ත්‍රික්කය නියෝජනය කරමින් නව සංධානයෙන් ජනාධිපතිගේ දියණිය වන චතුරීකා සිරිසේනට නාමයොජන ලබාදිමට කටයුතු කිරිම හේතුවෙන් පොළොන්නරුවේ මහින්ද වෙනුවෙන් මැරිගෙන් වැඩ කල පාර්ලිමේන්තු මන්ත්‍රි රොෂාන් රණසිංහ දැඩි ලෙස සිය විරුද්ධත්වය ප්‍රකාශ කල අතර පොළොන්නරුවෙ කණ්ඩායම් දෙක අතර සිතල යුද්ධයක්ද ආරම්භ වි තිබුනා.
පසුගියදා පන්සලකදි මාධ්‍ය ඇමතු මන්ත්‍රි රොෂාන් රණසිංහ
“දිඹුලාගල ප්‍රාදේශීය සභා හිටපු සභාපති ජගත් සමරවික්‍රම මහතා ඇතුළු මෙහි පැමිණ සිටින මන්ත්‍රිවරු මමත් මහින්ද රාජපක්ෂ මහතාත් අමතක නොකර රාජ්‍ය බලය ඉදිරියේ දණගහන්නේ නැතිව මා සමඟ එකට සිටිය බව මම දන්නවා. ඒක මට කවදාවත් අමතක වෙන්නේ නෑ. ජපානෙට ගිය අවස්ථාවේ නාමල් රාජපක්ෂ හා මහින්ද රාජපක්ෂ මැතිතුමා මගේ බිරියට කතා කරලා රොෂාන් මට සම්බන්ධ කරලා දෙන්න කීවාම මම කාටවත් කතා කළේ නැහැ.”
Published on: Nov 14, 2018- මහින්ද රාජපක්ෂ විනාශ කිරිම සදහා වත්මන් ජනාධිපතිවරයා සමග විමල් විරවංශ සහ උදය ගම්මන්පිල මන්ත්‍රීවරුන් ඇතුලු තවත් තවත් මන්ත්‍රීවරුන් කිහිප දෙනෙකු එක්ව කුමන්ත්‍රණය කල බවත් වහාම ඒකාබද්ධ විපක්ෂය ප්‍රමුඛ ශ්‍රි ලංකා පොදුජන පෙරමුණෙන් ඔහුන් දෙදෙනා ඉවත් කිරිමට කටයුතු කලයුතු බව ශ්‍රි ලංකා පොදුජන පෙරමුණේ මන්ත්‍රීවරුන් කිහිප දෙනෙකු හිටපු ජනාධිපති මෙන්ම ව්‍යවස්ථා විරෝධිව පත්ව අද සිය ධුරය අවසන් වු මහින්ද රාජපක්ෂ මහතාට යෝජනාවක් බාර දිමට කටයුතු කරන බව වාර්තා වේ.
ඉදිරි පැය කිහිපය තුල ශ්‍රි ලංකා පොදුජන පෙරමුණට නායකත්වය දෙන බැසිල් රාජපක්ෂ හමුවිමටද තින්දුකර ඇති අතර පසුගිය කාලසිමාවේ මහත් ආන්දෝලනයකට තුඩුදුන් ප්‍රකාශයන් රැසක් කල කුමාර වෙල්ගම මන්ත්‍රීවරයා සමගද සාකච්ඡා අදාළ මන්ත්‍රීවරුන් සාකච්ඡාකර තිබේන අතර ඒ අනුව අද සවස එම කණ්ඩායම් මහින්ද රාජපක්ෂ සහ බැසිල් රාජපක්ෂ හමුවිමටද කටයුතු කරමින් සිටි.
