ශ්‍රී ලංකා නිදහස් පක්ෂය ආයෙත් තමන් බාර නොගන්නා බවත් තමන් ශ්‍රී ලංකා පොදුජන පෙරමුණ සමග දේශපාලන කටයුතු කිරීම ජනතාව පසුගිය පළාත් පාලන මැතිවරණයේදී අනුමත කර ඇති බවත් හිටපු ජනාධිපති මහින්ද රාජපක්ෂ මහතා සඳහන් කරයි.
එසේ වුවද ශ්‍රීලනිප විනාශවීමට ඉඩනොදී රැකගැනීම වත්මන් ශ්‍රීලනිප නායකයින්ගේ වගකීම හා යුතුකම බවද රාජපක්ෂ මහතා පෙන්වා දී ඇත. අගමැතිවරයාට එරෙහිව විශ්වාසභංගයේදී ඡන්දය ප්‍රකාශ කළ පස්දෙනකු මහින්ද රාජපක්ෂ මහතා හමුු වූ අවස්ථාවේදී රාජපක්ෂ මහතා මේ බව සඳහන් කර ඇත.
මම ශ්‍රීලනිපයත් එහි ප්‍රතිපත්තිත් රැකගෙන රටත් සංවර්ධනය කළා. නමුත් ඒ හැමදේම අමතක කරලා මේ වත්මන් නායකයෝ මම ශ්‍රීලනිපය විනාශ කර රටේ හොරකම් කරපු කෙනෙක් විදිහට හඳුන්වන්න උත්සාහ කළා. තවමත් මේ උත්සහය අතහැර නෑ. අපිත් තවම ශ්‍රීලනිපයේ ඉන්නේ. අපි කැමැතියි ඔයාලා එකතුවෙලා.
ශ්‍රීලනිප රැකගන්න කාලෝචිත වැඩපිළිවෙළක් ක්‍රියාත්මක කරනවාට. ඒ සඳහා අවශ්‍ය සහයක් දෙන්න අපිත් සූදානම් යැයිද රාජපක්ෂ මහතා ප්‍රකාශ කර ඇත.
Published on: Apr 16, 2018- ශ්‍රී ලංකාවේ උතුරු හා නැගෙනහිර පළාත්වල ජිවත් වන දෙමල ජනතාවට අවශ්‍ය වන්නේ එක රටක ජීවත් වීමටද නැතහොත් වෙන්ව යාමටදැයි තීරණය කිරීමට ජනමත විචාරණයක් ඉල්ලමින් ජනමතවිචාරණයක් පවත්වන්නට සූදානම්ක ඇතිබව www.lankacnews.com වෙබ් අඩ්විය මගින් “එක්ව සිටිනවාද.. වෙන්ව යනවාද.. උතුරට-නැගෙනහිරට ජනමත විචාරණයක් ඉල්ලයි…” මැයෙන් 2018.04.16 දින පුවතක් පළකර තිබුණි.
එකී පුවතට අනුව උතුරු නැගෙනහිර පළාත්වල පවත්වන ජනමතවිචාරණයක නීතිමය වලංගුතාවය සහ එකී ජනමතවිචාරණයකට හිමිවන පරමාධිපත්‍යය බලය සම්බන්ධව සාකච්ඡා කිරීමට මේ ලිපියෙන් අදහස් කරයි.
පළාත් සභා මැතිවරණ 4(ඉ) ව්‍යවස්ථාවට ඇතුලත් කර ගැනීමට ඇතැම් නීති විශාරදයින් නීති තර්ක ඉදිරිපත් කරන අවස්ථාවල එහි බරෑරුම් බව ඒ අවස්ථවේ වැටහී ගියේ නැත. ඒ නීති තර්ක ගෙන එන ලද්දේ දෙමළ ඩයස්ෆෝරාවේ බලපෑමටද? යන්න විමසීමට මෙය අවස්ථාව නොවුණද, ඒ සම්බන්ධව මතුවන සාධාරණ සැකය ඉදිරියේ දී බුද්ධියෙන් විසදා ගත යුතුය.
පළාත් සභා මැතිවරණ වලට 13වන ආණ්ඩුක්‍රම ව්‍යවස්ථා සංශෝධනය ගෙන එන ලද 1988 පවා එම මැතිවරණවලට පරමාධිපත්‍යය බලය ලබා දී නො තිබූණු බව ජනතාව අවබෝධ කරගත යුතුය.
එනම් 13 වන ආණ්ඩුක්‍රම ව්‍යවස්ථා සංශෝධනය ජනමතවිචාරණයක් මගින් සම්මත නොවූ හෙයින් 83 ව්‍යවස්ථාවේ කිසිම ව්‍යවස්ථාවක් එමගින් සංශෝධනය වී නැත. ජනතාවගේ පරමාධිපත්‍යය , ඒකීය බව ඇතුලු ලංකාවට අදාල ඉතා වැදගත් ව්‍යවස්ථා 12ක් ආරක්ෂා කිරීමට 83 ව්‍යවස්ථාව මගින් කටයුතු කර ඇත. 13 වන ආණ්ඩුක්‍රම ව්‍යවස්ථා සංශෝධනය මගින් 4(ඉ) ව්‍යවස්ථාවට පළාත් සභා මැතිවරණ ඇතුල්කර නො තිබුණ අතර ඒ අනුව පළාත් සභා ව්‍යුහය සහ පළාත් සභා මැතිවරණ මගින් ජනතාවගේ පරමාධිපත්‍යය ට කිසිම බලපෑමක් සිදු නොකරන හෙයින් ( 1,2,3,6,7,8,9,10,11,30.3,62.2 සහ 83 ව්‍යවස්ථාවලට බලපෑමක් නොවූ හෙයින්)එකී 13 වන ව්‍යවස්ථා සංශෝධනය ජනමතවිචාරණයක් මගින් නීතිගත නොවී 2/3 පාර්ලිමේන්තු මන්ත්‍රීවරුන් ගේ චන්දයෙන් පමණක් සම්මත විය.(13 වන ආණ්ඩුක්‍රම ව්‍යවස්ථා සංශෝධනය ට අදාල ශ්‍රේෂ්ඨාධිකරණ බහුතර තීරණය )
නමුත් 2000 ජී ඇල් පීරිස් ඇමතිවරයා චන්ද්‍රිකා බණ්ඩාරනායක ආණ්ඩුව යටතේ ගෙන එනු ලැබූ “පැකේජ්” ව්‍යවස්ථාවේ 2(ඉ) ව්‍යවස්ථාව මගින් පළාත් සභා මැතිවරණවලට පරමාධිපත්‍යය බලය හිමිකර දීමට උත්සාහ කර තිබුණ අතර එකී ව්‍යවස්ථාව මගින් “ලංකාවේ ඒකීය” බවද ඉවත් කර තිබුණි. නමුත් “පැකේජය” සම්මත කරගැනීමට නොහැකි වූ නිසාවෙන් පළාත් සභාවලටවත් පළාත්සභා මැතිවරණ වලටවත් පරමාධිපත්‍යය හිමි වුණේ නැත.
තත්ත්වය එසේ වුවත් මේ වනවිට ශ්‍රෙෂ්ඨාධිකරණ තීරණ කිහිපයක් මගින් පළාත් සභා මැතිවරණ වලට පරමාධිපත්‍යය හිමිකර දී ආණ්ඩුක්‍රම ව්‍යවස්තාවේ 4(ඉ) ව්‍යවස්ථාවට පළාත් සභා මැතිවරණ ඇතුලත් කර දී තිබෙනවා පමණක් නොව ෆෙඩරල් ක්‍රමය ආණ්ඩුක්‍රම ව්‍යවස්ථාවේ ඒකීය බවට අනුකූල බවටද තීරණය කර ඇති බව බහුතර ජනතාව නොදන්නවා විය හැකිය. මේ වනවිට මූලික අයිතිවාසිකම් සහ චන්ද බලය යන කඩතුරාවට මුවා වී පළාත් සභා මැතිවරණ සදහා ජනතාවගේ පරමාධිපත්‍යය හිමිකරගෙන ඇති අතර පළාත් සභා මැතිවරණ 4(ඉ) ව්‍යවස්ථාවට ඇතුල්කරගෙන 3 ව්‍යවස්ථාව සමග සම්බන්ධ කරමින් 83 ව්‍යවස්ථාව සමග කියවිය යුතු තත්ත්වයට පත්කරගෙන ඇත.
මේ අනුව මේ වනවිට පළාත් සභා මැතිවරණ සදහා ශ්‍රෙෂ්ඨාධිකරණය හරහා පරමාධිපත්‍යය නියෝජනය හිමිකරගෙන 4(ඉ) ව්‍යවස්ථාවට ඇතුලත් කරගෙන ඇති හෙයින් යම් පළාත් සභාවකට ඒ පළාත තුල ජනමතවිචාරණයක් පවත්වා එමගින් ජනවරමක් ලබාගෙන වෙනම රටක් බිහිකර ගැනීමේ නීතිමය බලය සහ අධිකාරය පළාත් සභා විසින් ලබාගෙන ඇති බව පෙනී යයි.
ඒ අනුව යම් පළාත් සභාවක් හෝ කිහිපයක් එහි වෙසෙන චන්දදායකයින් මගින් ජනමතවිචාරණයක් පැවැත්වීමට එනම් පරමාධිපත්‍යය චන්ද බලය හිමි “පළාත් සභා ජනමතවිචාරණයක්” පැවත්වීමට කිසිම භාධාවක් පවතින නීතිය යටතේ නැත. ජනමතවිචාරණවලට අදාල නීතිය අර්ථනිරූපණය කළ යුත්තේ 4(ඉ) ව්‍යවස්ථාවට පළාත් සභා මැතිවරණ ඇතුල් කර පරමාධිපත්‍යය පලාත්වලට ලබා දී ඇති තත්ත්වයට අනුකූල වන ආකාරයට මිස එයට පටහැනිවන තත්ත්වයට නොවේ.
ශ්‍රී ලංකාවේ උතුරු හා නැගෙනහිර පළාත්වල ජිවත් වන දෙමල ජනතාවට අවශ්‍ය වන්නේ එක රටක ජීවත් වීමටද නැතහොත් වෙන්ව යාමටදැයි තීරණය කිරීමට ජනමත විචාරණයක් ඉල්ලමින් ජනමතවිචාරණයක් පැවැත්වීම පවතින නීතියට අනුකූල වන්නේ 4(ඉ) ව්‍යවස්ථාව සහ 3 ව්‍යවස්ථාව මගින් ලැබෙන නීතිමය ආරක්ෂාව මේ වනවිටත් පළාත් සභා විසින් නඩු තීරණ හරහා ලබාගෙන ඇති හෙයිනි.
ඒ අනුව ශ්‍රී ලංකාවේ උතුරු හා නැගෙනහිර පළාත්වල ජිවත් වන දෙමල ජනතාවට අවශ්‍ය වන්නේ එක රටක ජීවත් වීමටද නැතහොත් වෙන්ව යාමටදැයි තීරණය කිරීමට ජනමත විචාරණයක් පැවැත්වීමේ අධිකාරය පවා පළාතේ ජනතාව අත්කරගෙන ඇත.
අශ්වයා ගිය පසු ස්තාලය වසා දැමීමෙන් වැඩක් නැති බව ලාංකිකයන් මේ වන තෙක් වටහා ගෙන නැත.
[මේ සම්බන්ධව වැඩිදුර දැනගැනීම සදහා මෙම ලියුම්කරු විසින් ලියා ඇති “4(ඉ) ව්‍යවස්ථාවට පළාත් සභා මැතිවරණ ඇතුල් කිරීමෙන් රටේ ඒකීය බව බිද වැටෙයිද? කෘතිය සහ නීතීඥවරයෙකුගේ භූමිකාව කෘතිය කියවන්න.]
නීතිඥ අරුණ ලක්සිරි උණවටුන
2018.04.16
සම්බන්ධිත තවත් ලිපි …
http://198.211.112.164/archives/17735
http://198.211.112.164/archives/15700
http://198.211.112.164/archives/9930
http://198.211.112.164/archives/5799
Published on: Apr 16, 2018 @ 11:33- ජනාධිපති තනතුරේ ආයු කාලය 19 වන ව්‍යවස්ථා සංශෝධනය අනුව අවුරුදු 5 කි. ඒ බව එම සංශෝධනයේ සඳහන් වන්නේ මෙලෙසය. (2) ” The President of the Republic shall be elected by the People and shall hold office for a term of five years.”.
මෛත්‍රිපාල සිරිසේන මහතා ජනාධිපති තනතුරේ වැඩ භාර ගනු ලැබුවේ 2015 ජනවාරි 9 වන දින බැවින් ඔහුට ජනාධිපති පුටුවේ සිටිය හැක්කේ 2020 ජනවාරි 8 වෙනදා රාත්‍රී 12 දක්වා පමණය . එය ශ්‍රේෂ්ඨාධිකරණයේ තීන්දුවකින්ද තහවුරු කර තිබේ. එබැවින් ඉන් ඉදිරියට ජනාධිපති සතු වගකීම සහ බලතල ක්‍රියාත්මක කිරීම සඳහා මී ළඟ ජනාධිපතිවරණයෙන් ජයගත් පුද්ගලයා ජනධිපති පුටුවේ වාඩි විය යුතුය .
ඊ ළඟ ජනාධිපතිවරණය ලබන වසරේ (2019 ) දෙසැම්බර් මස අගදී හෝ 2020 ජනවාරි මස මුලදී පැවැත්වෙනු ඇත.
මී ළඟ ජනාධිපති අපේක්ෂකයන් කවුරුන් වෙනු ඇත්ද ?
තමා යලිත් ජනාධිපති තනතුරට යලි නොඉල්ලන බව මෛත්‍රිපාල සිරිසේන මහතා ජනාධිපති වූ අලුත කිව් නමුත් එම අදහස ඔහු වෙනස් කරගෙන තිබෙන බව පසු ගිය කාළයේ ඔහු කළ කි දෑ තහවුරු කර තිබේ .විධායක ජනාධිපති තනතුර අහෝසි කිරීම ඇතුලත් නව ආණ්ඩු ක්‍රම ව්‍යවස්ථාවක් ගෙන ඒමට ඔහුට මුල් කාලයේ දැඩි උවමනාවක් තිබුණු නමුත් ඒ පිළිබඳව දැන් ඔහු කතා කිරීම නවතා දමා තිබේ. සිරස මාධ්‍ය ජාලය සිරිසේන මාධ්‍ය ජාලයක් බවට පත්වී තිබෙන්නේ ඉබේ නොවේ. අඩු මුදලකට සිරසට සංඛායත විකිණීම ගැන චෝදනාවක්ද ජනාධිපතිවරයාට එල්ල වූ අතර සිරසේ පක්ෂපාති හැසිරීම එය සත්‍යයක්විය හැකි බවට ඒත්තු ගන්වයි . ඒ අතර ජනාධිපතිවරයා සහ ගෝඨාභය අතර විශේෂ සම්බන්ධතාවයක් තිබෙන බවත් මී ළඟ ජනාධිපතිවරණයේදී ගෝටා ගේ සහය ලබාගෙන මෛත්‍රිපාල මහතා යලිත් වරක් ජනාධිපතිවරණයට ඉදිරිපත් වීමට සැලසුම් සකස් කරමින් සිටින බවට ආරංචි පැතිරෙමින් පවතී .
කෙසේ වෙතත් සිරිසේන මහතා ගොණාට අන්දවා අවසාන මොහොතේදී ජනධිපති අපේක්ෂකයෙකු ලෙස ගෝඨාභය මහතා ඉදිරිපත් වීමටද ඉඩ තිබේ.එහෙත් එයට තිබෙන ප්‍රධාන බාධාව වන්නේ ඔහුගේ ඇමරිකානු පුරවැසි භාවයයි . ඒ කෙසේ වුවත් ඒකාබද්ධ විපක්ෂයේ ඒකමතික සහයෝගය ඔහුට ලැබෙන්නේ නම් ජනධිපති අපේක්ෂකයෙකු ලෙස ඉදිරිපත් වීමට ඔහු සුදානම් බව වරක් ප්‍රකාශ කර තිබුණි . එතෙක් ඇමරිකානු පුරවැසි භාවය අත හැරීමට ඔහු සුදානම් නැති බව පැහැදිලිය .
එක්සත් ජාතික පක්ෂයේ ජනධිපති අපේක්ෂකයා කවුදැයි කීමට තවම කල් වැඩිය .රනිල් වික්‍රමසිංහ මහතා ඒ සඳහා ඉදිරිපත් විය යුතුයැයි ඇතැම් එක්සත් ජාතික පාක්ෂිකයන් විශ්වාස කරන බව පෙනේ. එහෙත් ඔහුට හොඳ තරග කාරයෙකු වීමට නම් තව යායුතු දුර බොහෝය . තමන්ගේ පාක්ෂිකයන් සමග වුවද ළඟ සුහතාවයක් ඇති කර ගැනීමට නොවෙහෙසෙන , ආරංචි වෙන වෙන ,මඟුල් ගෙවල් , මරණ ගෙවල් , බණ ගෙවල් , ගෙවල් වලට යාමට වැඩි උනන්දුවක් නැති , පන්සල් වන්දනාවේ යාමට එතරම් ආසාවක් නැති , බොරු දරු හුරතල් පෙන්වීමට වෙහෙස නොවෙන ඔහුට චන්දදායකයන් අතර ජනප්‍රිය වීමට පහසු නැත . ලංකාවේ මිනිසුන් වැඩි කැමැත්තක් දක්වන්නේ එවැනි ව්‍යාජ නායකයන්ටය.
ෆීල්ඩ් මාෂල් සරත් ෆොන්සේකා මහතාද මී ළඟ ජනාධිපතිවරණයට ඉදිරිපත් වන බව පසු ගිය දිනක කියා තිබුණි .ඔහු එක්සත් ජාතික පක්ෂයේ සාමාජිකයෙකු බැවින් ඔහුට ඒ සඳහා පක්ෂයේ අනුමැතිය ලැබිය යුතුය .ඔහුට අපේක්ෂකත්වය ලබා ගැනීමට නම් රනිල් වික්‍රමසිංහ මහතාට වඩා වේගයෙන් දුව ගොස් මහජනයා අතර ජනප්‍රිය ලබා ගැනීමට සිදුවේ . එවැනි හැකියාවක් ඔහුට තිබේදැයි සැක සහිතය . රනිල් කලබලයකින් තොරව පරිණත ලෙස හැසිරෙන නමුත් සරත් ෆොන්සේකා මහතා තවමත් කටයුතු කරන්නේ හැඟුම් බරවය .ඔහුගේ දිව පාලනයකින් තොර බැවින් තවමත් ඔහු නැති සතුරන් හදා ගනී .කෙසේ වෙතත් හිතා මතා අදහස් ප්‍රකාශ කිරීමට ඔහු දැන් පුහුණු වෙමින් සිටින බව පෙනේ .
ජනතා විමුක්ති පෙරමුණේ නායක අනුර කුමාර දිසානායක මහතා මී ළඟ ජනධිපතිවරණයේදී අපේක්ෂකයෙකු ලෙස ඉදිරපත් වෙන බවක් කියා නැතත් ඔහුගේ පක්ෂය ඔහු ජනාධිපතිවරණයට ඉදිරිපත් කිරීමට ඉඩ නැතැයි කිව නොහැක .එහෙත් එවැන්නක් සිදුවිය හැක්කේ ඔහුගේ පක්ෂය බොහෝ දුරට සාකච්චා කිරීමෙන් පසුවය .කෙසේ වෙතත් අනුර කුමාර මහතා ජනාධිපතිවරයා වුවහොත් රටට දැනෙන වෙනසක් කරන බවට සැකයක් නැත . ධනපති ක්‍රමය තුළ මහජනයා වෙනුවෙන් කළ හැකි උපරිමය කිරීමට ඔහු උත්සාහ කරනු ඇත .එහෙත් ප්‍රශ්නය වන්නේ මහජනයා අතර ජවිපෙ ජනප්‍රිය නොවීමය. 1987-90 සමයේ ජවිපෙ ක්‍රියා කලාපය නිසා මහජන ප්‍රසාදය ලබා ගැනීම ඔවුන්ට ඉතාමත් අසීරු වී තිබේ . කෙසේ වෙතත් ජවිපෙ අපේක්ෂයකයෙකු ඉදිරිපත් වීමෙන් රාජපක්ෂ පවුලේ අපේක්ෂකයෙකුට වාසියක් සිදුවීමට ඉඩ තිබුන හොත් ජවිපෙ තම පක්ෂයෙන් අපේක්ෂකයෙකු ඉදිරිපත් කිරීමට තිබෙන ඉඩකඩ ඉතා අඩුය.
ඇතැමෙකුට අනුව පාඨලී චම්පික රණවක මහතාද මී ළඟ ජනාධිපතිවරණයට ඉදිරිපත්වීමට දොළ දුකෙන් පසු වේ. ඔහු නියෝජනය කරන ජාතික හෙළ උරුමය කුඩා පක්ෂයක් වන බැවින් ඔහුගේ සිහිනය මස්තකප්‍රාප්ත කර ගැනීම පහසු නැත . එක්සත් ජාතික පෙරමුණේ සිටියද එහි සහය ලබාගැනීම අතිශයින් දුෂ්කරය .පොදු අපේක්ෂකයා ලෙස ඉදිරිපත් වීමට ඔහු අපේක්ෂා කරනවා වීමටද පුළුවන.එහෙත් එය ලෙහෙසි පහසු සෙල්ලමක් නොවේ.පොදු අපේක්ෂක කම නමැති වික්‍රමය ජය ගත්තද දෙමල සිංහල චන්ද ලබා ගැනීමට ඔහු සුදුසුකම් සපුරා නොමැත . ඔහුගේ මතවාදය සිංහල ප්‍රේමය බැවිනි.
අයුක්තියට එරෙහිව තනිවම සටනකට බැස සිටින නීතිඥ නාගානන්ද කොඩි තුවක්කු මහතා මී ළඟ ජනාධිපතිවරණයට ඉදිරිපත් වෙන බව කියා තිබේ .ඔහුගේ අපේක්ෂාව ජයග්‍රහණය නොව අයුක්තියට එරෙහිව ජනාධිපතිවරණ අපේක්ෂකත්වය යොදාගනිමින් තම සටන වඩාත් ප්‍රබලව ගෙන යාම විය හැක .
ජනාධිපතිවරණයේදී කවුරු ජයග්‍රහණය කරනු ඇත්දැයි කීමට තවම කල් වැඩිය. නිවැරදි අනාවැකියක් කිව හැක්කේ ජනාධිපතිවරණය පැවැත්වෙන දිනට ආසන්නයේදී පමණි .කෙසේ වෙතත් සිංහල චන්ද දායකයන්ගේ චන්ද වලින් පමණක් ජනාධිපති වීමට කිසිවෙකුට නොහැක .එවැනි අවස්ථාවක් තිබුනේ 2010 දී පමණි . එයට හේතුව මහින්දගේ ආණ්ඩුව යුද්ධයෙන් ජයගත් බැවින් ඔහු එකල අතිශයින් ජනප්‍රිය වී සිටින නිසාය .අනෙත් කාරණාව වුයේ ඔහු සමග තරඟ කළ සරත් ෆොන්සේකා මහතාගේ විස පොවන ලද කතා චන්ද දායකයන් තුල ඔහු කෙරෙහි අප්‍රසාදයක් ඇති කිරීමය.
මී ළඟ ජනාධිපතිවරණයෙන් ජය ගත හැක්කේ සිංහල ජනයා අතර මෙන්ම දෙමල සහ මුස්ලිම් ජනයා අතරද ජනප්‍රිය පළමු පෙලේ අපේක්ෂකයෙකුට පමණි එබැවින් ගෝඨාභය රාජපක්ෂ අපේක්ෂකයෙකු ලෙස ඉදිරිපත් වුවහොත් අපේක්ෂා කල හැක්කේ ඔහුගේ ජයග්‍රහණය නොව පරාජයයි . දෙමළ ජනයා තුළ පමණක් නොව මුස්ලිම් ජනයා තුලද ගෝඨාභය රාජපක්ෂ මහතා කෙරෙහි ඇත්තේ කැමැත්තක් නොව අප්‍රසාදයකි .
ප්‍රේමලාල් රණවීරගේ
Published on: Apr 13, 2018 @ 22:38- මෛත්‍රීගේ පිං අවතාර විපක්ෂයට යැවිම හරහා ඒකාබද්ධ විපක්ෂයේ සමාජ කාර්යය භාරය හැල්ලුවට ලක්කර විපක්ෂය අන්ද මන්ද කිරිම සදහා කුමන්ත්‍රණයක් දියත් වෙමින් තිබේන බව අප දේශපාලන වාර්තාකරු අනාවරණය කලා.2016 දෙසැම්බර් 17දා අප කල අනාවරණය කල අකාරයටම වැඩබැරි සිරිසේන මේ ක්‍රියාත්මක කරමින් සිටින්නේ ඒකාබද්ධය කඩන ප්ලැන් A ක්‍රියාත්මක කිරිමය.
එදා 2015 අගෝස්තු මාසයේ මහින්ද මහතාගේ නම විකුණගෙන චන්දය ලබාගෙන පාර්ලිමේන්තුවට රිංගා ගත් මේ සෙට් එක අවුරුදු තුනක් සිරිසේනගේ සරමේ එල්ලී සිටි ආකාරය රටම දනී.
අගමැති රනිල් වික්‍රමසිංහ මහතාට එරෙහි විශ්වාස භයංගයට සහාය දුන් ශ්‍රී ලංකා නිදහස් පක්ෂයේ කැබිනට් ඇමැතිවරුන්, රාජ්‍ය ඇමැතිවරුන් සහ නියෝජ්‍ය ඇමැතිවරුන් සහ නියෝජ්‍ය කතානායකවරයා එම තනතුරුවලින් ඉල්ලා අස්වී මේ වනවිට විපක්ෂ නායක බලය අල්ලා ගැනිම සදහා නටන නාඩගම දෙස විමසිල්ලෙන් බැලිමේදි එය සිරිසේන ජුන්ටාවේ කුමන්ත්‍රණය ඉතාවම පැහැදිලිය.
මේ වනවිට පිං ඇමතියෙකු ලෙස ජනතාවගේ මුදල් ගසා කා තමන්ගේ වැරදි සියල්ලම සිරිසේනගේ ජනපති කමින් වසාගත් එස්.බි දිසානායක විපක්ෂ නායකත්වය ශ්රි ලංකා නිදහස් පක්ෂයට ලබා ගැනිමටත් විපක්ෂ නායකයා ලෙස තමන් පත්විමටත් කුමන්ත්‍රණය කරමින් සිටින අතර ඊට නොදෙවෙනි අකාරයට බාල තෙල් ගෙන එමේ පුරෝගාමීයා වන 2020දි ජනපති අපේක්ෂයෙකු විමේ සිහින බලමින් සිටින අමාත්‍ය සුසිල් ප්‍රේමජයන්ත විපක්ෂ නායකත්වය ගැනිම සදහා මෙහෙයුමක් දියත් කර ඇති අතර ඒ සදහා මහින්දගේ සහයද ලබා ගැනිමට කටයුතු කරමින් සිටි.
දුර දැක්ක lankanewsweb.today 2016 දෙසැම්බර් 17දා අප කල අනාවරණය තවමත් වලංගුය….
Published on: Dec 17, 2016 – ඉතා ඉක්මනින්ම එජාප-ශ්‍රීලංකා ජාතික ආණ්ඩුව බිඳදැමිමට තමන් කටයුතු කරන බවත් ඒ සමගම විපක්ෂයේ බලය ශ්‍රී ලංකා නිදහස් පක්ෂයේ තමන්ගේ කණ්ඩායමට විපක්ෂ නායකත්වය ලබාදිමට තමන් කටයුතු කරන බව නිල වශයෙන් මෛත්‍රීපාල සිරිසේන ජනාධිපතිවරයා සිය ශ්‍රීලංනිප කණ්ඩායමට නිළ වශයෙන් දැනුම් දි තිබේ.
රාජපක්ෂලා මර්දණය කිරිම සදහා තමන් ක්‍රියාත්මක කිරිමට ඉතුරුකරගෙන සිටි ප්ලැන් A මෙය බවත් ශ්‍රිලංකා නිදහස් පක්ෂය තමන්ගේ නායකත්වය යටතේ විපක්ෂය ලෙස පාර්ලිමේන්තුවේ පෙනී සිටිමත් ඒ අනුව විපක්ෂ නායක බලය තම කණ්ඩායමට ලැබිමත් හේතුවෙන් ඒකාබද්ධ විපක්ෂය අනිවාර්යයෙන් දියවි යනු ඇති බවයි සිරිසේන ජනාධිපතිවරයා පෙන්වා දි ඇත්තේ.
දැනට විපක්ෂ නායකත්වය දරන ද්‍රවිධ ජාතික සන්ධානය සමගද තමන් සාකච්ඡා කල බවත් රාජපක්ෂලා දේශපාලන භූමියෙන් ඉවත් කර දැමිම සදහා ඔහුන් විපක්ෂ නායක කම අතහැරිමට සුදානම් බව තමන්ට දැනුම් දුන් බවද සිරිසේන සිය ශ්‍රීලංනිප කණ්ඩායමට පවසා තිබේ.
තමන් මේ සම්බන්ධයෙන් අග්‍රාමාත්‍ය රනිල් වික්‍රමසිංහ මහතා සමගද සාකච්ඡා කල බවත් ඒ අනුව ජාතික ආණ්ඩුවෙන් ශ්‍රී ලංකා නිදහස් පක්ෂයේ තමන්ගේ කණ්ඩායම තාවකාලිකව ඉවත් වි එජාප ආණ්ඩුවකට ඉඩදෙන බවත් ද්‍රවිධ ජාතික සන්ධානයේ මන්ත්‍රීවරුන් කිහිප දෙනෙකුද එම ආණ්ඩුවේ ඇමතිකම් දරණු ඇති බවද සිරිසේන පෙන්වා දි තිබේ.
මේ අතර එජාප ආණ්ඩුව සමග එකතු විමට කැමති ශ්‍රීලංනිපයේ තමන්ගේ කණ්ඩායමේ ඔනෑම අයෙකුට අවස්ථාව ඇති බවත් ඒකාබද්ධ විපක්ෂය විනාශ කිරිමෙන් පසුව විපක්ෂයක් අවශ්‍ය නැති බවද සිරිසේන ජනාධිතිවරයා සදහන් කර තිබේ. නව විපක්ෂයේ විපක්ෂ නායක කම තවමත් විවෘතව ඇති බවත් ඒ සදහා ශ්‍රී ලංකා නිදහස් පක්ෂය තුල තරගයක් ඇති කිරිම තමන්ගේ එකම බලාපොරොත්තුව බවද සිරිසේන ජනාධිපතිවරයා සිය කණ්ඩායමට දැනුම් දි තිබේ.
රනිල් එලවා ආණ්ඩුවේ බලය හා එජාප බලය ඇල්ලිමේ කුමන්ත්‍රණය
අයවැය සම්මත විමෙන් පසුව නව ආණ්ඩුක්‍රම ව්‍යවස්ථාව සංශෝධන ක්‍රියාවලිය අස්සේම ජාතික ආණ්ඩුව වෙනුවට රනිල් වික්‍රමසිංහ මහත නායකත්වය යටතේ එජාප ආණ්ඩුවක් සෑදිමට අවශ්‍ය තල්ලුව ජනාධිපති මෛත්‍රීපාල සිරිසේන සහ ශ්‍රීලනීප මෛත්‍රී පිළේ කණ්ඩායම් හරහා සිදුකිරිමට අවශ්‍ය මෙහෙයුම මේ වනවිටත් ක්‍රියාත්මක වෙමින් තිබේන අතර ඒ පසුපස එජාපයේ සජිත් පිළ නියෝජනය කරන නී අමාත්‍යවරුන් මෙන්ම රාජ්‍ය අමාත්‍යවරුන් වන අජිත් පී පෙරේරා,රංජන් රාමනායක සහ එජාපයේ නායකත්ව සිහිනය අභියස සිට පසුව වික්‍රමසිංහ මහතාගේ ගල් කොල්ලන් කපා දැමු ආරක්ෂක රාජ්‍ය අමාත්‍ය රුවන් විජයවර්ධනද සිටින අතර සජිත් පිළේ න්‍යාචාරවයාව සිට දැන් සිරිසේනගේ න්‍යාචාරවරයා ලෙස කටයුතු කරන ශිරාල් ලක්තිලක මෙම මෙහෙයුම පිටුපස සිටින බවද අප දේශපාලන වාර්තාකරු අනාවරණය කළා.
http://198.211.112.164/archives/14724
අම්පාර ප්‍රදේශයේ දිගා කල්ලිය නමින් සිංහල මැර කණ්ඩායමක් ක්‍රියාත්මක වන බවට දියත්වී ඇති ප්‍රචාරය රියර් අද්මිරාල් සරත් වීරසේකර මහතා ඊයේ (11) මුළුමනින්ම ප්රතික්ෂේප කර සිටි බව කීර්ති වර්ණකුලසූරිය වාර්තා කරනවා.
මෙම සාවද්‍ය ප්‍රචාරය කැනඩාවේ සිට දියත් වී ඇති බවත් එය ප්‍රචාරය කළ තැනැත්තා හිටපු කොටි හිතවාදියකු බව හෙළිවී තිබේ.
දිගා කල්ලිය නමින් සිංහල බෞද්ධ මැර කණ්ඩායමක් අම්පාර සිදුවීම් පසුපස සිටින බවට එම ප්‍රචාරය දියත්වී ඇති අතර මෙම අභූත ප්‍රචාරයේ අරමුණ එම බොරු තොරතුරු ජිනීවා මානව හිමිකම් කවුන්සිලයට යොමු කිරීම වේ.
දිගා කල්ලිය නමින් කණ්ඩායමක් අම්පාරේ නැති බව පොලිසියද ප්‍රචාරය කර ඇත.
උතුරු පළාත් සභා මන්ත්‍රිනී ආනන්දි සෂිදරන්ද ජිනීවා මානව හිමිකම් කවුන්සිලයට සිංහල මැර කණ්ඩායම් සිටින බවට බොරු ප්‍රචාර දියත් කර තිබේ.
මේ අතර ලසන්ත වික්‍රමතුංග ඝාතන සිද්ධිය සම්බන්ධව අණ දීමේ චෝදනාව යටතේ හිටපු යුද හමුදා මාණ්‌ඩලික ප්‍රධානි අමල් කරුණාසේකර මහතා අත්අඩංගුවට ගත්තා නම්, එම චෝදනාව යටතේම ෆිල්ඩ් මාර්ෂල් සරත් ෆොන්සේකා මහතා ද අත්අඩංගුවට ගත යුතු බව රියර් අද්මිරාල් සරත් වීරසේකර මහතා පැවසීය.
පසුගිය (10 ) එළිය සංවිධානය මගින් ජාතික පුස්‌තකාල හා ප්‍රලේඛන සේවා ශ්‍රවණාගාරයේදී පැවැත්වූ මාධ්‍ය හමුවට එක්වෙමින් රියර් අද්මිරාල් වීරසේකර සදහන් කළේ මාධ්‍යවේදී ලසන්ත වික්‍රමතුංග ඝාතනය ඇතුළු සිදුවීම් සඳහා සරත් ෆොන්සේකා මහතා වගකිව යුතු බවට රනිල් වික්‍රමසිංහ මහතා ද චෝදනා කර ඇති බව පැවසූ වීරසේකර මහතා පාර්ලිමේන්තුවේ හැන්සාඩ් වාර්තාවේ එය සඳහන් වී ඇති බැවින් එම චෝදනා සම්බන්ධයෙන් අණ දීමේ චෝදනාව යටතේ සරත් ෆෝසේකා ද අත්අඩංගුවට ගත යුතු බවයි.
සිරිකොතේ පිළිකන්නට වී රනිල්ගේ ඇමැති කටු ලොවමින් සිටින ඇමැතිවරුන් විශ්වාසභංගයට ඡන්දය නොදී ඇඳන් යට රිංගා සැඟවී සිටීම එතරම් පුදුම වන්නට දෙයක් නොව බව ඒකාබද්ධ විපක්ෂයේ කැඳවුම්කරු, ගම්පහ දිස්ත්‍රික් පාර්ලිමේන්තු මන්ත්‍රී ප්‍රසන්න රණතුංග මහතා ප්‍රකාශ කළේය.
විශ්වාසභංගයට පක්ෂව ඡන්දය ප්‍රකාශ කළහොත් රනිල්ගේ උදහසට ලක්වෙතැයි බියෙන් මොවුන් ඇඳන් යට රිංගා සැඟවුණු බව පැවසූ රණතුංග මහතා රනිල්ගේ උදහසට ලක් නොවී මීළඟ වතාවේ එක්සත් ජාතික පක්ෂයෙන් හෝ පාර්ලිමේන්තුවට රිංගා ගැනීම එම පිරිසේ එකම අරමුණ බවත් පැවසීය.
ප්‍රසන්න රණතුංග මහතා මෙසේ ප්‍රකාශ කළේ මිනුවන්ගොඩ ආසනයේ පක්ෂ ක්‍රියාකාරීන් දැනුවත් කිරීම සඳහා උඩුගම්පොළ රෙජී රණතුංග සමරු සම්මන්ත්‍රණ ශාලාවේ දී ඊයේ (10) පැවැති ජනහමුවකට සහභාගී වෙමිනි. මන්ත්‍රීවරයා එහිදී වැඩිදුරටත් මෙසේ ද පැවසීය.
සමහරු අපෙන් අහනවා විශ්වාසභංග යෝජනාවක් ගෙනාවේ ඇයි කියලා. අපි මේ විශ්වාසභංග යෝජනාව ගෙනාවේ පරදින්න නෙමෙයි. මේක දිනන්න තිබුණු විශ්වාෂභංගයක්. බුලත් කොළෙන් පාර්ලිමේන්තු ආපු මන්ත්‍රිවරුන් 96 දෙනා එකට හිටියා නම් එක්සත් ජාතික පක්ෂයේ මන්ත්‍රීවරුන් කිහිපදෙනකුගේ සහයෝගයත් අරගෙන මේ විශ්වාසභංග යොජනාව දිනන්න අපට පුළුවන්කම තිබුණා.
හැබැයි ඒකාබද්ධ විපක්ෂය මේ විශ්වාසභංග යෝජනාව ජයග්‍රහණය කරනවාට නිදහස් පක්ෂයේම සමහර පිරිස් කැමැති වුණේ නැහැ. සිරිකොතේ ලැ‍ගගෙන රනිල්ගේ කටු ලෙවකන ඒ පිරිස අන්තිම මොහොතෙදි රනිල්ව ආරක්ෂා කරන්න ඉදිරිපත් වුණා. එතැනින් කොන්ද පණ තිබුණු ඇමැතිවරුන් 16 දෙනෙක් අපිත් එක්ක විශ්වාසභංගයට පක්ෂව ඡන්දය ප්‍රකාශ කරා.
හැබැයි තමන්ගේ කැමැත්ත අකමැත්ත ප්‍රසිද්ධියේ කියන්නවත් කොන්දක් නැති නිවටයෝ රැලක් කාගෙද ගෙදර හැංගිලා ඡන්දෙ ඉවරවෙනකම් හිටියා. දැන් විරයෝ වගේ කියනවා විශ්වාසභංගයට ඡන්දය දුන්නේ නැත්තේ වැඩක් නැහැ කියලා දන්න නිසාලු. ඒක නෙමේ ඇත්ත. මේ අය ඡන්දය නොදුන්නේ රනිල් පරදිනවාට තියන බයටයි. මේ අයගේ අනාගතය රැඳිලා තියෙන්නේ රනිල්ගේ අතෙයි.
විශ්වාසභංගයට පක්ෂව ඡන්දය නොදුන් සියලුම මන්ත්‍රීවරුන්ගේ අරමුණ එක්සත් ජාතික පක්ෂයෙන් මහ මැතිවරණයට ටිකට් එක ඉල්ලා ගැනීමයි. ඒ අය හොඳාකාරවම දන්නවා ඊළඟ පාර මහ මැතිවරණයේ දී පොහොට්ටුව එක්ක හැරෙන්නවත් නිදහස් පක්ෂයට බැරි බව. ඒ වගෙම පොහොට්ටුවට කතිරය ගහන කවුරුත් රනිල්ගේ බත්බැලයන්ට ඡන්දය නොදෙන බවත් ඒ අය දන්නවා.
ඒ හින්දා දැන් හදන්නේ රනිල්ගේ නැට්ටේ එල්ලිලා කොහොම හරි පාර්ලිමේන්තුවට රිංග ගන්නයි. එතැනදි එක්සත් ජාතික පක්ෂයේ මන්ත්‍රීවරුන්ට වගේම පාක්ෂිකයන්ටත් මොළයක් තියෙනවා නම් මේ උන්දලාට ඉලපත් පාර දීලා එලවා ගන්නවාට කිසිම සැකයක් නැහැ. දුමින්දලාගේ, අමරවීරලාගේ බබා දේශපාලනය මේ පාර්ලිමේන්තුවෙන් පස්සේ අවසානයි කියලා ලියලා තියා ගන්න.
දුමින්ද දිසානායක මහත්තයා කියනවා නිදහස් පක්ෂය විනාශ කළේ මහින්ද මහත්තයලු. 2015 ජනවාරි මාසේ අට වෙනි දා වෙනකොටත් නිදහස් පක්ෂයට පාර්ලිමේන්තුවෙන් තුනෙන් දෙකක ආණ්ඩුවක් තිබුණා. පළාත් සභා සවයෙන් අටක් තිබුණා. පළාත් පාලන ආයතන බහුතරයක් තිබුණා. ඒ සියල්ල විනාශ කළේ කවුද කියලා දුමින්ද නොදන්නවාට මුළු රටම දන්නවා.
නිදහස් පක්ෂය විනාශ කරලා වැලේ වැල් නැතුව හිටපු රනිල් බලයට ගෙනාවේ සිරිසේන ජනාධිපතිතුමා කියලා අමුතුවෙන් කියන්න දෙයක් නැහැ. 2015 මහ මැතිවරණයේ දී නිදහස් පක්සයට ලැබෙන්න තිබුණු ජයග්‍රහණයත් උදුරා ගත්තේ සිරිසේන මහත්තයයි. පළාත් පාලන මැතිවරණයෙදිත් ඒ ගේමම ගහන්න හැදුවත් අපි පොහොට්ටුවෙන් ඉල්ලපු නිසා සිරිසේන මහත්තයලාගේ කුමන්ත්‍රණය හරි ගියේ නැහැ.
පක්ෂය විනාශ වුණේ දුමින්දලාගේ අමරවීරලාගේ බබා දේශපාලනය නිසා කියන එක දැන් නිදහස් පාක්ෂිකයන්ට රහසක් නෙමෙයි. ඒ නිසයි සියලු නිදහස් පාක්ෂිකයන් මහින්ද මහත්තයත් එක්ක අත්වැල් බැඳගෙන පොහොට්ටුව වටේ එක්රැස් වෙලා ඉන්නේ. දැන් ඒ ගමන ආපහු හරවන්න බැහැ. ඊළඟ දුමින්දලාට පාර්ලිමේන්තු තියා තිරප්පනේ ප්‍රාදේශීය සභාවටවත් පත් වෙන්න බැහැ.
මහින්ද මහත්තයාගේ නායකත්වයෙන් අපි දැන් ගමේ බලය අල්ලලා ඉවරයි. දැන් තියෙන්නේ රටේ බලය අල්ලන්න පමණයි. අපේ බස් එක දැන් නිවැරැදි මාර්ගයේ ඉදිරියටම යනවා. යන්න කැමැති කෙනෙක් ඉන්නවා නම් මේ උදාවෙලා තියෙන්නේ අන්තිම මොහොතයි. අපි විශ්වාස කරනවා විශ්වාසභංගයට පක්ෂව ඡන්දය දුන්න ඇමැතිවරුන් 16 දෙනාත් නිවැරැදි තීන්දුවක් ගනියි කියලා.
එහෙම නොවුණහොත් ඒ අයටත් දේශපාලනයට ආයුබෝවන් කියලා කුඹුරක් කොටගෙන ඉන්න පුළුවන්. ශ්‍රී ලාංකේය දේශපාලනය දැන් තීරණාත්මක මංසන්ධියකට ඇවිත් තියෙනවා. ඉදිරියේ දී උදාවෙන්නේ මහින්ද රාජපක්ෂ මහතාගේ නායකත්වයෙන් යුත් නව යුගයක්. එහි කොටස්කරුවන් වන්නට ලැබීම අපටත් ලොකු සතුටක්.
මම දැක්කා අමරවීර මහත්තයා කියලා තියෙනවා පොහොට්ටුවෙන් දිනපු පළාත් පාලන ආයතනවලට පාරවල් හදන්න මුදල් වෙන් කරන්නේ නැහැ කියලා. අමරවීර මහත්තයෝ ඕවා තමුන්නැහෙගේ ගෙදරින් ගෙනාපු සල්ලි නෙමෙයි. ඕවා ජනතා මුදල්. ජනතාව කැමැති පොහොට්ටුවට නම් අමරවීර මහත්තයාගේ කැමැත්තෙන් අකමැත්තෙන් පලක් නැහැ.
කොහොම වුණත් අමරවීර මහත්තයලාගේ ඇමැති පට්ටම් තියෙන්නේ තව දවස් කිහිපයයි. රනිල්ගේ පිහිට ආරක්ෂාව නැත්නම් උන්නැහේ දැනටමත් නිකම් නිකම් මන්ත්‍රී කෙනෙක් විතරයි. ඒ හින්දා ජනතා කැමැත්තට උසුළු විසුළු කරන්නේ නැතුව ඇමැති කටුව සූප්පගෙන ඉන්න කියලා අපි බොහොම ගෞරවයෙන් ඉල්ලා සිටිනවා. ජනතාව ඊළඟ පාර තමුන්නැහේ ගැන තීන්දුව ගනියි.
ශ්‍රී ලංකා යුද හමුදාව රණ විරුවන් බවට පත් වූයේ පසුගිය එල්.ටී.ටී.ඊ සංවිධානය පරාජයට පත් කිරීමත් සමගය. යුද්ධයෙන් පසු හමුදාව තුළ සිදු වන යම් අක්‍රමිකතාවයක් හෝ යුද සමයේ සිදු වූ විෂමාචාරයක් පිළිබඳ හෝ පරීක්ෂණයක් ආරම්භ කළහොත් රණ විරුවන් පාවා දෙන්නේ යයි අම්ම මුත්තා නැතිව කෑ කෝ ගසන පිරිසක්ද ඒ සමඟ නිර්මාණය විය. එහෙත් හමුදා සෙබළුන් වෙනුවෙන් මේ කෑ කෝ ගසන්නෝ හෙළන්නේ කිඹුල් කඳුළු බව කාටත් හොඳින්ම පැහැදිලිය. ඒ ඇත්තටම හමුදා සෙබළුන් විකුණාගෙන කන්නවුන් දකින විට මේ ඊනියා රණ විරු ආරක්ෂක වළල්ල කිසිදු හැල හොල්මනක් නැතිව සිටින නිසාය.
මේ කියන්නේද හමුදාව වෙනුවෙන් කිඹුල් කඳුළු හෙළන හුදී ජනයා නෑසූ කන් ඇතිව සිටියදී ආරක්ෂක අමාත්‍යාංශයේද මැදිහත්වීමෙන් සිදු වෙමින් තිබෙන තවත් වංචාවක් පිළිබඳවය. පසුගියදා ආරක්ෂක අමාත්‍යාංශය විසින් හමුදා සෙබළුන් සඳහා බූට්ස් හයිලෙග් 75000ක් සැපයීම සඳහා කැඳවූ ටෙන්ඩරයේදී මේ කියන වංචාව සිදු වී තිබේ.
මේ මහා පරිමාණ වංචාවට පෙළ සැකසෙන්නේ මෙසේය.
ශ්‍රී ලංකා යුද හමුදාවට ඉහත කී සපත්තු තොගය ලබා ගැනීම සඳහා 2017 ජනවාරි 08 වන දින ආරක්ෂක අමාත්‍යාංශය විසින් ටෙන්ඩර් කැඳවීම සඳහා පුවත්පත්වල දැන්වීමක් පල කරනු ලබයි. එම දැන්වීමට අනුව ලංසු ඉදිරිපත් කළ හැකි වන්නේ අවම වශයෙන් අවුරුදු පහක් හයිලෙක් බූට්ස් නිර්මාණය කරන්නන්ට පමණි.
සාමාන්‍යයෙන් ටෙන්ඩර් පටිපාටියේ සම්ප්‍රදාය වන්නේ ටෙන්ඩර් දියත් කළ පසු එහි කොන්දේසි වෙනස් නොකිරීමයි. එහෙත් 2017 ජනවාරි 08 වන දින ටෙන්ඩර් කැඳවීම ප්‍රසිද්ධ කළ දිනට පසුව ඉරෝෂා ඉන්ටර්නැෂනල් නම් සමාගමක ඉල්ලීම පරිදි ඔවුන්ට ලංසු ඉදිරිපත් කළ හැකි වන පරිදි ප්‍රධාන ගණකාධිකාරීවරිය වන ඩී.එන්.කේ. හෙට්ටිආරච්චි විසින් 2017 ජනවාරි 17 වන දින ලංසු ලේඛනයෙහි සුදුසුකම් ලැබීමේ උපමාන වගන්ති ලිහිල් කරමින් සංශෝධනය කරන ලද ලිපියක් නිකුත් කර තිබේ.
ටෙන්ඩර් කොන්දේසි අනුව තත්ත්ව පරීක්ෂණ ගාස්තු ගෙවිය යුත්තේ ආරක්ෂක අමාත්‍යාංශයේ ප්‍රධාන ගණකාධිකාරී වෙතටය. මෙය පැහැදිලිව පුවත්පත් දැන්වීමෙහිද සඳහන් කර තිබේ. නමුත් ඉරෝෂා ඉන්ටර්නැෂනල් ආයතනය තත්ත්ව පරීක්ෂණ ගාස්තු ගෙවා ඇත්තේ යුද හමුදාවේ ප්‍රධාන ගණකාධිකාරී වෙතටය. ටෙන්ඩර් කොන්දේසි වලට අනුව එම නිසා ඉරෝෂා ඉන්ටර්නැෂනල් ආයතනය ටෙන්ඩරයට ඉදිරිපත් නොවූ ආයතනයක් වශයෙන් සැලකිය යුතුය. එහෙත් එය වසන් කරමින් ප්‍රධාන ගණකාධිකාරීවරිය විසින් ඉරෝෂා ඉන්ටර්නැෂනල් සමාගමේ ටෙන්ඩරය පිළිගෙන තිබේ.
ටෙන්ඩරය විවෘත වී මසකට පසු ප්‍රධාන ගණකාධිකාරීවරිය විසින් 2017 පෙබරවාරි 27 වන දින තවත් සාම්පලයක් හා තත්ත්ව පරීක්ෂණ ගාස්තු රුපියල් 15,000/-ක් ලබා දෙන ලෙස ලංසුකරුවන්ට දන්වා තිබේ. තවත් සාම්පලයක් ලබා දීමට සිලෝන් ලෙදර් ප්‍රොඩක්ට්ස් ආයතනය විරෝධය දැක්වීම නිසා මුදල් පමණක් ගෙවන ලෙස දන්වා 2017 මාර්තු 01 වන දින නැවත ලිපියක් යවා ඇත.
කලින් ලබා දුන් නියැදි පරීක්ෂාව සඳහා යවා තිබුණේ ශ්‍රී ලංකා ප්‍රමිති ආයතනයට සහ ඉන්ඩස්ට්‍රියල් ටෙක්නොලොජි ඉන්ස්ටිටියුට් යන පිළිගත් ආයතන දෙක වෙත වන අතර ඒ වන විට ඉහත කී ආයතන දෙකෙහිම පරීක්ෂණයන් පැවතී ඇත්තේද අවසන් අදියරේය. එහිදී ඉරෝෂා ඉන්ටනැෂනල් පුද්ගලික සමාගම ඉහත කී ආයතන දෙකෙහිදීම මූලික පරීක්ෂණ වලදී අසමත් වී ඇති බව ගණකාධිකාරීවරියට දැනගන්නට ලැබී තිබේ. ඒ නිසා ඇයගේ සෘජු මැදිහත්වීමෙන් නැවත සාම්පල් කැඳවා රත්මලානේ පිහිටි ශ්‍රී ලංකා ඉන්ස්ටිටියුට් ඔෆ් ටෙක්ස්ටයිල් ඇන්ඩ් ඇපරල් ආයතනයට ඒ සාම්පල් යොමු කරන්නේ 2017 මාර්තු 06 වන දිනයේය. සිලෝන් ලෙදර් ප්‍රොඩක්ට්ස් ආයතනය සාම්පල් ලබා දීම ප්රතික්ෂේප කරන්නේ මේ කරන්නට යන වංචාව කල් තියාම දැනගත් නිසාය.
ටෙන්ඩර් කොන්දේසි වලට අනුව කුමන හෝ ආයතනයකින් තත්ත්ව පරීක්ෂාවේ Criteria Parameter හතරෙන් එකක් හෝ අසමත්නම් එම ටෙන්ඩරය පිළිගත නොහැකි බව සඳහන් වේ. එයEvaluation Criteria ITB 35.4d හි සඳහන් කර තිබේ. ඒ අනුව ඉරෝෂා ඉන්ටනැෂනල් පුද්ගලික සමාගමේ ලංසුව පිළිගත නොහැකි ලංසුවක් බවට පත් වී තිබේ.
එහෙත් තාක්ෂණික ඇගයීම් කමිටුවේ ටෙන්ඩර්කරුවන් වර්ගීකරණය කිරීමේදී ඉතාමත් අසාධාරණ ලෙස කටයුතු කරමින් ඉරෝෂා ඉන්ටර්නැෂනල් පුද්ගලික සමාගමට වැඩි වාසි අත්පත් වන අයුරින් කටයුතු කර ඇත. එහෙත් අමාත්‍ය මණ්ඩලය විසින් සිලෝන් ලෙදර් ප්‍රොඩක්ට්ස් ආයතනය සාර්ථක ලංසුකරු ලෙස අනුමත කර ඇති අතර ඒ අනුව ඉරෝෂා ඉන්ටර්නැෂනල් පුද්ගලික සමාගම අසාර්ථක ලංසුකරුවෙකු ලෙසට දැනුම්දීමට කටයුතු යොදා තිබේ.
ඉරෝෂා ඉන්ටනැෂනල් පුද්ගලික සමාගම ප්‍රසම්පාද අභියාචනා මණ්ඩලයට අභියාචනයක් ඉදිරිපත් කරන්නේ ඒ අනුවය. මෙසේ අභියාචනයක් ඉදිරිපත් වූ විට එම තීරණයට බලපාන සියලුම ලංසුකරුවන් කැඳවිය යුතුව ඇත. මෙය පෙර සිටම පැවති සම්ප්‍රදායයි. එහෙත් මෙහිදී සාර්ථක ලංසුකරු ලෙස නම් කරනු ලැබූ සිලෝන් ලෙදර් ප්‍රොඩක්ට්ස් ආයතනයට හෝ කැඳවීමක් සිදු කර නොමැතිව බ්‍රිගේඩියර් එච්.ආර්. වික්‍රමසිංහ ඇතුළු හය දෙනෙකුගෙන් යුතු අභියාචනා මණ්ඩලයක් විසින් ඒක පාර්ශ්වීය තීරණයක් ගනිමින් අඩුම ලංසුව පමණක් සැලකිල්ලට ගෙන අදාළ ටෙන්ඩරය ඉරෝෂා ඉන්ටනැෂනල් පුද්ගලික සමාගමට ලබා දීමට කටයුතු කර තිබේ.
මෙහිදී ඉරෝෂා ඉන්ටනැෂනල් පුද්ගලික සමාගම මෙම පරීක්ෂණයේදී ප්‍රකාශ කර ඇත්තේ ශ්‍රී ලංකා ප්‍රමිති ආයතනයට පරීක්ෂණ කටයුතු සඳහා සම්පූර්ණ සුදුසුකම් නොමති බවයි. මෙහිදී ප්‍රසම්පාදන අභියාචනා මණ්ඩලය මෙම චෝදනා පිළිබඳ ශ්‍රී ලංකා ප්‍රමිති ආයතනයෙන් කිසිදු විමසීමක් නොකර ඔවුන් සාම්පල් පරීක්ෂා කරන්නේ කෙසේද, ඔවුන්ට සාම්පල් පරීක්ෂා කිරීමට ශ්‍රී ලංකා ප්‍රමිති ආයතනයේ පහසුකම් ඇත්ද යන්න නොවිමසා සාර්ථක ටෙන්ඩර්කරු ලෙසට සිලෝන් ලෙදර් ප්‍රොඩක්ට් ආයතනයට කිසිදු කැඳවීමක් කර නොමැතිව ඉරෝෂා ඉන්ටර්නැෂනල් පුද්ගලික සමාගමට මෙම ටෙන්ඩරය ප්‍රදානය කිරීමට නියෝග කර ඇත. ඔවුන්ගේ මේ තීරණයට පාදක වී ඇත්තේ ඉරෝෂා ඉන්ටනැෂනල් පුද්ගලික සමාගමේ මිල පමණකි. සිලෝන් ලෙදර් ප්‍රොඩක්ට්ස් ආයතනයට වඩා බූට්ස් යුගල 75,000ම සඳහා රුපියල් මිලියන 16ක් අඩු වීම මතම මෙම තීරණය ගෙන ඇති අතර ගුණාත්මකභාවය පිළිබඳව කිසිදු තැකීමක් කර නොමැත.
සුදුසුකමින් අඩු නිසි පිළිවිතර වලට නොමැති සපත්තු අඩු මිලට සැපයිය හැකි බව පැහැදිලි කරුණකි. ඉරෝෂා ආයතනය මෙම හයිලෙග් බූට්ස් සඳහා ලබා දී ඇත්තේ වසරක වගකීම් කාලයක් පමණි. නමුත් සිලෝන් ලෙදර් ප්‍රොඩක්ට්ස් ආයතනය වසර දෙකක වගකීම් කාලයක් ලබා දී ඇත. මේ පිළිබඳවද කිසිදු සැලකිල්ලක් දක්වා නැත.
ටෙන්ඩර් කොන්දේසි වලට සම්බන්ධ රජයේ ප්‍රසම්පාද මාර්ගෝපදේශන සංග්‍රහය 2006 යොමුව 7.8 වගන්තියෙහි පැහැදිලිවම සඳහන් කර ඇත්තේ මිල මතම නොව ඕනෑම භාණ්ඩයක ගුණාත්මක බව ප්‍රධාන බවයි. ඒ අනුව කිසිම ටෙන්ඩරයක් මිල මත පදනම් කර තීරණය නොකළ යුතු බව පැහැදිලිව සඳහන් කර ඇත.
ප්‍රසම්පාදන අභියාචනා මණ්ඩලයේ තීරණයට අනුව ඩී.එන්.කේ. හෙට්ටිආරච්චි ප්‍රධාන ගණකාධිකාරීවරිය විවිධ කරුණු වසන් කර කැබිනට් පත්‍රිකාවක් සකස් කර මෙම ටෙන්ඩරය ඉරෝෂා ඉන්ටනැෂනල් පුද්ගලික සමාගමට ප්‍රදානය කිරීමට කැබිනට් අනුමැතිය ලබාගෙන ඇත. ප්‍රධාන ගණකාධිකාරීවරිය ආරක්ෂක අමාත්‍යාංශයේ පමණක් නොව ඉහළ නිලධාරීන්ද පාලනය කරන ප්‍රබල චරිතයකි. මීට මාස හයකට පමණ පෙර ඇයව රාජ්‍ය පරිපාලන හා කළමනාකරණ අමාත්‍යාංශයේ සංචිතයට මාරු කර යවා ඇතත් ඉන් පසුව ඇය ආරක්ෂක අමාත්‍යාංශයට පැමිණ හයිලෙග් බූට්ස් ටෙන්ඩරය ඉරෝෂා ඉන්ටනැෂනල් පුද්ගලික සමාගමට ප්‍රදානය කළ බවට ශ්‍රී ලංකා යුද හමුදාවට ලිපියක් යවා තිබේ.
ජවනිකාව අවසන් වන්නේ ඒ අයුරිනි. දැන් යුද හමුදාවට ලැඛෙන්නේ ප්‍රමිතියෙන් බාල බූට්ස්ය. ඒ වෙනුවෙන් වංචාවට මැදිහත් වූවන්ට අත යට දීමනා ඇති තරම් ලැඛෙන්නට ඇත. ඒවා ප්‍රසිද්ධියේ කියවෙන්නේ නැත. එහෙත් වංචාව සිදු වූ බවට ප්‍රසිද්ධ සාක්ෂි ඕනෑ තරම් තිබේ. අත යට ගනුදෙනු කෙසේ වුවත් එළිපිට සිදු වූ දේ ගැන පරීක්ෂණයක් සිදු කළ හැකිය. එය ආරක්ෂක ඇමතිවරයා වශයෙන් ජනාධිපතිවරයාගේත් ආරක්ෂක නියෝජ්‍ය ඇමති සහ ආරක්ෂක ලේකම් ප්‍රමුඛ ආරක්ෂක අමාත්‍යාංශයේත් වගකීමක් බව අමුතුවෙන් කිව යුතු නොවේ.
චතුර දිසානායක
Published on: Apr 10, 2018 – රිවිර කර්තෘ උපාලි තෙන්නකෝන් මහතාට සහ ද නේෂන් පුවත්පතේ සම කර්තෘ කීත් නොයාර් මහතාට පහර දුන්නේ සරත් ෆොන්සේකා මහතාගේ උපදෙස් පිට ඔහු ළඟ සිටි කණ්ඩායමක් බව මව්බිම උදෙසා රණවිරුවෝ සංවිධානයේ කැඳවුම්කරු විශ්‍රාමික මේජර් නීතිඥ අජිත් ප්‍රසන්න මහතා කොළඹදී ඊයේ (08) පැවැති මාධ්‍ය හමුවකදී චෝදනා කර සිටියේය.
මෙහිදී වැඩිදුරටත් අදහස් දැක්වූ අජිත් ප්‍රසන්න..
2008 ජෙනරාල් අමල් කරුණාසේකර, යුද හමුදා බුද්ධි අධ්‍යක්ෂ විදිහට වැඩ කළා. එවිට යුද හමුදාපතිව සිටියේ ජෙනරාල් සරත් ෆොන්සේකා.
සරත් ෆොන්සේකාගේ අල්මාරිය විවෘත කලාම ලසන්තගේ ඇටසැකිල්ලක් තියෙනවා. කීත් නොයාර්ගේ දෑත් බැඳපු නයිලෝන් ලණුවත් ඒ අල්මාරියේ තියෙනවා. රිවිර කර්තෘ උපාලි තෙන්නකෝන්ට ගහන්න භාවිත කළ උපකරණ තියෙන්නෙත් එම අල්මාරියේමයි. ඒ නිසා ෆොන්සේකාට අද අගමැති කියන විදිහට කතා කරන්න වෙලා.
රිවිර කර්තෘ උපාලි තෙන්නකෝන් මහතාට හා කීත් නොයාර් මහතාට පහර දුන්නේ සරත් ෆොන්සේකා මහතාගේ උපදෙස් පිට ඔහු ළඟ හිටපු කණ්ඩායමක් බව මම පැහැදිලිවම කියනවා.සරත් ෆොන්සේකා මහතාගේ නීති නිලධාරියා ලෙස මම කටයුතු කර තිබෙනවා ඔහුගේ ෆයිල් මා ගාව තියෙනවා. මාධ්‍යවේදීන්ට පහර දුන්නේ කවුදැයි සැබෑ ලෙසම සොයා බලන්න මේ රජයට සැබෑ වුවමනාවක් නැහැ.
Published on: Apr 8, 2018 @ 09:54- එක්සත් ජාතික පක්ෂ ප්‍රතිසංවිධාන වැඩ සටහන යටතේ නියෝජ්‍ය නායකකම් දෙකක් හෝ ඊට වැඩි ගණනක් ඇති කරනවාට එම පක්ෂයේ වත්මන් නියෝජ්‍ය නායක, නිවාස සහ ඉදිකිරීම් අමාත්‍ය සජිත් ප්‍රේමදාස මහතා සිය බලවත් විරෝධය පළ කර තිබේන අතර තත්ත්වය සමනය කිරිමට පක්ෂ නායකත්වය සමත් නොවන්නේ නම් එජාපයේ තනතුරු සියල්ලෙම ඉවත් මට තමන් සුදානම් බව සජිත් පවසා ඇති බව අප දේශපාලන වාර්තාකරු අනාවරණය කළා.
එසේ කළහොත් නියෝජ්‍ය නායක ධූරයෙන් තමා ඉල්ලා අස්වන බවද අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් අරලියගහ මන්දිරයේදී ඊයේ (07) පැවති එක්සත් ජාතික පක්ෂයේ කෘත්‍යාධිකාරී මණ්ඩලයේ සහ පාර්ලිමේන්තු කණ්ඩායමේ ඒකාබද්ධ රැස්වීමේදී දැනුම් දී ඇති බවයි අප දේශපාලන වාර්තාකරු සදහන් කළේ.
කෙසේවෙතත් ප්‍රතිසංවිධාන වැඩ සටහන යටතේ එක්සත් ජාතික පක්ෂ උප නායකකම්ද දෙකක් හෝ ඊට වැඩි ගණනක් ඇති කිරීම සම්බන්ධයෙන් යෝජනා වි ඇති අතර ඒ සදහා සරත් ෆොන්සේකා, රංජිත් මද්දුම බණ්ඩාර, ලක්ෂ්මන් කිරිඇල්ල,නවින් දිසානායක, වජිර අබේවර්ධන,මංගල සමරවීර, තලතා අතුකෝරාල,සහ සාගල රත්නායක සදහා අවස්ථාව ලබාදිමට බවයි එජාපය පෙන්වා දි ඇත්තේ.
එක්සත් ජාතික පක්ෂයේ ප්‍රතිසංවිධාන වැඩ පිළිවෙළ යටතේ මේ ජාතික දේශපාලන මණ්ඩලය පත් කෙරුණේ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් අද (07) අරලිය ගහ මන්දිරයේ පැවති පක්ෂයේ කෘත්‍යාධිකාරී මණ්ඩලයේ සහ පාර්ලිමේන්තු කණ්ඩායමේ ඒකාබද්ධ රැස්වීමේදීය.
මේ අතර එක්සත් ජාතික පක්ෂ උප නායකකම්ද දෙකක් හෝ ඊට වැඩි ගණනක් ඇති කිරීම සම්බන්ධයෙන් වු යෝජනාව සදහා වත්මන් උප නායක රවී කරුණානායක මහතාගේ විරෝධයක් පළ වි නැ.
කළමනාකරණ ගණකාධිකාරි වරලත් ආයතනය හෙවත් කාටත් තේරෙන භාෂාවෙන් කියනවා නම් CIMA ආයතනය පිළිබඳ නොදන්නා කෙනෙක් සිටිය නොහැකිය. උසස් පෙළ දක්වා අධ්‍යාපනය අවසන් කිරීමෙන් පසු ගණකාධිකාරී ක්ෂේත්‍රයේ රැකියාවක නිරත වීමට අපේක්ෂා කරන බොහෝ පිරිස් අද වන විට කළමනාකරණ ගණකාධිකාරි වරලත් ආයතනය වෙත යොමු වන්නේ රැකියා වෙළඳපොළ තුළ එහි පාඨමාලා සඳහා විශාල වටිනාකමක් අත්පත් කර දී ඇති නිසාය. මෙම ආයතනය ලෝකය පුරාම පැතිරී ඇති ආයතනයක් වන අතර මේ වන විට රටවල් 178ක මෙහි ශාඛා ස්ථාපිත කර තිබේ. එහෙත් කළමනාකරණ ගණකාධිකාරි වරලත් ආයතනයේ ශ්‍රී ලංකා ශාඛාව ලෝකයෙන්ම දෙවැනි ස්ථානය අත්පත් කරගෙන සිටින්නේ ශිෂ්‍ය සංඛ්‍යාව සහ ගුණාත්මක තත්ත්වය ඇතුළු බොහෝ ක්ෂේත්‍ර වලින් සාර්ථකත්වයන් අත්පත් කර ගනිමිනි. එය දෙවැනි වන්නේ එංගලන්තයේ පිහිටා ඇති මව් සමාගමට පමණි.
මෙම ආයතනය රාජ්‍ය ආයතනයක් නොවූවත් රටට තීරණාත්මකව වැදගත් කමක් දක්වන ආයතනයකි. ඊට හේතු දෙකක් තිබේ. ඉන් එකක් වන්නේ මේ රටෙන් ඉහළ පෙළේ රැකියා සඳහා යොමු වන බොහෝ පිරිසක් මෙම ආයතනයේ අධ්‍යාපනය ලැබීමට යොමු වීමයි. ඒ නිසා විදේශ විනිමය මෙරටට ගෙන ඒමට වැදගත් වන විදේශ රැකියා සම්බන්ධයෙන් මෙහි සෘජු සම්බන්ධයක් තිබේ. ඊට හේතුව මේ වනතෙක් කළමනාකරණ ගණකාධිකාරි වරලත් ආයතනයේ ශ්‍රී ලංකා ශාඛාව විසින් පවත්වාගෙන යන ගුණාත්මක භාවයයි. දෙවැනි කාරණාව වන්නේ මේ හරහා විශාල විදේශ විනිමය ප්‍රමාණයක් මේ රටෙන් ඉවතට ඇදී යාමයි. ඒ පාඨමාලා ගාස්තු හා විභාග ගාස්තු හා සාමාජික ගාස්තු හරහාය. එම ප්‍රමාණය වසරකට රුපියල් මිලියන 1750ක් පමණ වේ. එවැනි අති විශාල විදේශ විනිමය ප්‍රමාණයක් මේ රටෙන් ඉවතට ගලා යන්නේ නම් ඉන් ලබා දෙන සේවාවන් සම්බන්ධයෙන් කතා කිරීමට මේ රටේ ඕනෑම පුරවැසියෙකුට සුජාත අයිතියක් තිඛෙන බව අමුතුවෙන් කියන්නට උවමනාවක් නැත.
කෙසේ වෙතත් මේ දක්වා යම් ගුණාත්මක මට්ටමක් කළමනාකරණ ගණකාධිකාරි වරලත් ආයතනය විසින් පවත්වාගෙන ආවද මේ වන විට එහි සිදු වෙමින් තිඛෙන කටයුතු නිසා නුදුරු අනාගතයේදීම එම තත්ත්වය ඛෙහෙවින්ම වෙනස් තත්ත්වයකට පත් විය හැකිය. ඊට මූලික හේතුව වී ඇත්තේ ආයතනය තුළ අලුතෙන් සිදු කරගෙන යන ව්‍යුහාත්මක වෙනස්කම් නිසාය. මෙම වෙනස්කම් ජාත්‍යන්තර මට්ටමෙන් සිදු කරන්නක් වුවද එය ලංකාවේ සිදු කරමින් සිටින්නේ ලංකාවේ පොදු සාමාන්‍ය ක්‍රමය අනුවමය. එනම් නීතිය අමු අමුවේ උල්ලංඝනය කරමිනි.
කතාව පෙළ ගැසෙන්නේ මෙසේය.
කළමනාකරණ ගණකාධිකාරි වරලත් ආයතනයේ ප්‍රධාන විධායක නිලධාරීවරයා විසින් පසුගිය පෙබරවාරි 14 වන දින නිවේදනයක් නිකුත් කරමින් කියා සිටින්නේ ආයතනයේ ලෝකය පුරා ශාඛා වල සේවය කරන සේවකයන් 120ක් ඉවත් කිරීමට කටයුතු යොදා ඇති බවයි. එය සිදු වන ආකාරය පිළිබඳ කලාපයේ ප්‍රධාන විධායක නිලධාරියා හරහා දැනුම්වත් කිරීම් සිදු වනු ඇති බවද එම නිවේදනයේ සඳහන් විය. එහෙත් ලංකාවේ කළමනාකරණ ගණකාධිකාරි වරලත් ආයතනයට එහි ප්‍රධාන විධායක නිලධාරියා කියූ පරිදි එම නිවේදනයෙන් පසු ක්‍රියා කළ යුතු ආකාරය පිළිබඳ දැනුම්වත් කිරීමක් සිදු වී නැත. එහෙත් පෙබරවාරි 21 වන දින කලාපයේ ප්‍රධාන විධායක නිලධාරියා විසින් ඊ මෙල් මගින් පණිවිඩයක් නිකුත් කරමින් කියා සිටින්නේ ශ්‍රී ලංකා ශාඛාවේ සේවකයන් සමඟ සාකච්ඡාවක් පැවැත්වීමට තීරණය කර ඇති බවයි. එවැන්නක් තිඛෙන බව දැනුම් දෙන විට ඒ කුමක් සඳහා දැයි දැන්වීම සාමාන්‍ය ක්‍රමය වුවද මෙම ඊ මේල් පණිවිඩයේ එවැනි කිසිදු සඳහනක් කර නොතිබීමද විශේෂයකි.
කෙසේ වෙතත් අදාළ දිනට එම සාකච්ඡාව පවත්වා ඇති අතර එහිදී සඳහන් කර ඇත්තේ ලංකාවේ ශාඛාවෙන් දස දෙනෙකු ඉවත් කිරීමට තීරණය කර ඇති බවයි. එහෙත් එසේ ඉවත් කිරීමේදී සලකා බැලු කරුණු හෝ ඉදිරිපත් කිරීමට මෙහිදී කටයුතු කර නොමැත. එසේම ඉවත් කිරීමේදී සේවකයන්ට ඒ සඳහා ප්‍රමාණවත් කාලයක් ද ලබා දී නැති අතර පසු දිනම ආයතනය විසින් ලබා දුන් ලැප්ටොප් සහ ජංගම දුරකථන ඇතුළු සියලූ දේ ලබා දී පසු දිනම ඉවත් වන ලෙස දැනුම් දී තිබේ.
මේ පිළිබඳ ප්‍රශ්න කිරීමේදී පවසා ඇත්තේ මේ සියල්ල සිදු වන්නේ කම්කරු දෙපාර්තමේන්තුවේ අනුමැතිය ඇතිව සියලූ නීතීන්ට අනුකූලව බවයි. එහෙත් මේ සම්බන්ධයෙන් කිසිවෙකු සමඟ හෝ කතා නොකරන ලෙස ඉවත් කරන සේවකයන්ට දැනුම් දී ඇත්තේ ඔවුන්ව නිරීක්ෂණය සඳහා වෙනත් කණ්ඩායමක්ද නොනිල වශයෙන් යොදවමිනි. ඉන් පසුව එක් එක් සේවකයා තනි තනිව රැගෙන ගොස් ලිපි වලට අත්සන් ගැනීමට උත්සාහ දරා ඇති අතර එහිදී නීත්‍යානුකූව එම සේවකයන්ට අයිති විය යුතු දීමනාවන්ගේ අවමය පමණක් ගෙවන බවද දැනුම් දී තිබේ. එහිදී සේවකයන්ගේ ඉල්ලා අස්වීමේ ලිපියද ආයතනය විසින්ම සකස් කර ඇත්තේ අත්සන් කිරීම එකම කටයුත්ත පමණක් බවට සේවකයන්ට ඉතිරි කරමිනි. එම ලියවිල්ලට අත්සන් නොතබන්නේ නම් ඔවුන්ට හිමි විය යුතු සියලූ දීමනා සහ සේවා සහතිකයක් පවා ලබා නොදෙන බවට පවසා ඇත්තේ නොනිල මට්ටමේ තර්ජනයක ස්වරූපයෙනි. මේ සම්බන්ධයෙන් නීති උපදෙස් ලබා ගැනීමට අවස්ථාව ලබා දෙන ලෙස සේවකයන් කරන ලද ඉල්ලීමද බලධාරීන් විසින් ප්රතික්ෂේප කර ඇත. අවම වශයෙන් පවුලේ සාමාජිකයෙකු සමඟ හෝ කතා කිරීමට කිසිදු ඉඩක් ලබා දී නැත.
මෙසේ අත්සන් ගැනීමට පැමිණි නීතිඥවරුන් කම්කරු දෙපාර්තමේන්තුවේ නිලධාරීන් යයි තමන්ව හඳුන්වා දුන් බව එහි සේවකයන් පවසන අතරකම්කරු දෙපාර්තමේන්තුවෙන් කරන ලද විමසීමකදී එවැනි මැදිහත්වීමක් කම්කරු දෙපාර්තමේන්තුවෙන් සිදු නොකළ බව නිශ්චිත වශයෙන් පවසා තිබේ. ඔවුන් ආයතනය විසින් කුලී පදනම මත සේවය ලබා ගත් නීතිඥවරුන් බව ආයතනය විසින් පිළි ගනු ලබන්නේ මේ සියල්ල හෙළි වීමෙන් පසුවය.
මෙහි ඇති ඊළඟ ගැටලුව වන්නේ යම් ආයතනයකින් සේවකයන් ඉවත් කිරීමේදී ඒ සඳහා කම්කරු කොමසාරිස්වරයාගෙන් අනුමැතියක් ලබා ගත යුතු වුවද එවැනි අනුමැතියක් ලබාගෙන නොමැති වීමයි. ඒ සම්බන්ධයෙන් මේ වන විට ඉවත් කළ සේවකයන් කම්කරු දෙපාර්තමේන්තුවට පැමිණිලි කර ඇති අතර කම්කරු කොමසාරිස්වරයා සමග සාකච්ඡාවක්ද පවත්වා තිබේ. කළමනාකරණ ගණකාධිකාරි වරලත් ආයතනය විසින් තමන්ගෙන් එවැනි අනුමැතියක් ලබාගෙන නැති බව කම්කරු කොමසාරිස්වරයාද තහවුරු කර තිබේ.
සියල්ල සිදු වී ඇත්තේ නීතියට පටහැණිව බව තේරුම් ගත් සේවයන් අවසානයේ නීතියේ පිහිට පතන්නට තීරණය කරන අතර මේ වන විට නාරාහේන්පිට පොලිසියේ සහ කම්කරු දෙපාර්තමේන්තුවේ මේ සම්බන්ධයෙන් කරන ලද පැමිණිලි විභාග වෙමින් තිබේ.මෙවැනි මහා මෙහෙයුමක් සිදු කර සේවකයන් ඉවත් කිරීමට කළමනාකරණ ගණකාධිකාරි වරලත් ආයතනයට තිබූ ඇත්ත උවමනාව හෙළි වන්නේ මේ සිදුවීමෙන් පසුවය.
කළමනාකරණ ගණකාධිකාරි වරලත් ආයතනය හරහා වසරකට රුපියල් මිලියන 1750ක පමණ ප්‍රමාණයක් ලංකාවෙන් මව් සමාගම වෙත ඇදී යන අතර ඇතැම් වසර වල අගය ඊටත් වඩා වැඩි වන බව තොරතුරු අනුව පැහැදිලි වේ. ඒ සඳහා ආයතනය විසින් හතළිහකට අධික සේවක සංඛ්‍යාවකගේ සේවය ලබා ගනු ලැබීය. එහෙත් ඔවුන්ගේ අවශ්‍යතාවය වී ඇත්තේ තවත් ලාභ ඉපයීමයි. ඒ වෙනුවෙන් කාර්යාල පහසුකම් පමණක් නොව පාඨමාලාවල ඇතැම් කොටස්ද ඉවත් කර, සේවක සංඛ්‍යාව අඩු කිරීමට කටයුතු යොදා තිබේ. මේ ක්‍රියාත්මක වූයේ එහි එක් පියවරකි. මීට පෙරද ඇතැම් සේවකයන් විවිධ අවස්ථා වල ඉවත් කිරීම නිසා මේ වන විට කළමනාකරණ ගණකාධිකාරි වරලත් ආයතනයේ සේවකයන් සංඛ්‍යාව විස්සකට ආසන්න ප්‍රමාණයක් දක්වා අඩු වී තිබේ.
මේ සඳහා ආයතනයේ වැය පාර්ශ්වය වැඩි වී ඇති බව එළිපිට කියා සිටියද ඔවුන්ගේ සැලසුම් වල කළමනාකරණ ගණකාධිකාරි වරලත් ආයතනයේ ලංකාවේ ශාඛාව හඳුන්වන්නේ ‘කෑෂ් කව්’ කෙනෙකු වශයෙනි. හැමෝද දන්න භාෂාවෙන් කියනවා නම් සුරබිදෙනක් වශයෙනි. ලෝකයේ රටවල් 178ක සිය ශාඛා ක්‍රියාත්මක වුවද බොහෝ රටවල් වලින් එසේ මුදල් ලැඛෙන්නේ නැත. ඒ නිසා ඒ රට වල ආදායම් ලැබීමටනම් තවත් මුදල් ආයෝජනය කළ යුතු බව මෙහි පාලකයන්ගේ අදහසයි. ඒ සඳහා මුදල් ලැබෙන තැන් වල තවත් ආදායම් වැඩි කර ගත යුතුය. මේ සැලසුම ක්‍රියාත්මක වන්නේ ඒ අනුවය.
කවුරුන් කෙසේ හැඳින්වුවද කළමනාකරණ ගණකාධිකාරි වරලත් ආයතනය තුළ ප්‍රමුඛ අරමුණ වන්නේ ව්‍යාපාරික අරමුණයි. ඒ නිසා ලාභය පිළිබඳ අවධානයක් යොමු කිරීම ඔවුන්ගේ අයිතියකි. එහෙත් මේ වන විට වසර පනස් එකක කාලයක් පුරා ලංකාවේ කළමනාකරණ ගණකාධිකාරි වරලත් ආයතනය ක්‍රියාත්මක වේ. ඒ තුළින් රටේ දැනුමට ඔවුන් විසින් කළ සේවයක්ද තිබේ. ඒ සඳහා මේ රටේ ජාතික ධනයෙන් මුදල් ගෙවා තිබේ. ආයතය සම්බන්ධයෙන් වන ප්‍රතිරූපය කඩා වැටීම දැනට අධ්‍යාපනය ලබන්නන්ගේ පමණක් නොව මේ වන විට අධ්‍යාපනය ලබා, ආයතනයේ සාමාජිකත්වය ලබා සිටින සියල්ලන්ටම එක සේ බලපාන්නකි. ඒ පිළිබඳ අවධානය යොමු කිරීම කාගේත් වගකීමකි.
චතුර දිසානායක
Published on: Apr 6, 2018 @ 16:40 – විශ්වාසභංග යෝජනාවෙන් රනිල් දිනලා. දිනන්න බැරි විශ්වාසභංගයක් ගෙනාවෙ ඇයි කියලා මා අහන්නෙ නැහැ. විශ්වාසභංගෙ ගෙනාවෙ දිනන්න. එක එක්කෙනාගෙ තක්සේරු වෙනස්. තක්සේරුවක් කියන්නෙ තක්සේරුවක් පමණයි. එය වරදින්න ඉඩ තියෙනවා. මා විශ්වාසභංගයට අකමැති වුණත් එය ගේන්න තීරණය වූ මොහොත ඉඳල ම එයට හැකි පමණින් ආධාර කළා. මට කළ හැකි විශාල ආධාරයක් නැහැ. මා කරන්නේ කාලයට ලිවීම පමණයි. මා දයාසිරි ජයසේකර, එස් බී දිසානායක, දිනේෂ් ගුණවර්ධන, උදය ගම්මන්පිළ ආදීන් සමග විශ්වාසභංගය ගැනත් රනිල් ඉවත් කරන වෙනත් ක්‍රම ගැනත් කතාකරන්න උත්සාහ ගත්තත් ඔවුන් මා සමග කතා කිරීමට උනන්දුවක් දැක්වූයේ නැහැ. මට ජන බලයක්වත් සංවිධාන ශක්තියක්වත් බුද්ධියක්වත් උගත්කමක්වත් නැති බව ඔවුනුත් ආචාර්ය මහාචාර්යවරුනුත් දන්නවා.
විශ්වාසභංගෙ දිනුව නම් මොකද වෙන්නෙ. රනිල් දුර්වල වී මෛත්‍රිපාල ශක්තිමත් වෙනවා. විශ්වාසභංගෙ ගෙනාපු අය තක්සේරුව වැරදි වුණත් අවංක ව ක්‍රියා කර ඇත්නම් ඉන් කියැවෙන්නේ ඔවුන් මෛත්‍රිපාල ශක්තිමත් කරන්න වැඩ කර තියෙන බවයි. ඇතැමුන් (දිනේෂ්, ගම්මන්පිළ, එස් බී, දයාසිරි, සුසිල් ප්‍රේමජයන්ත ආදීන් නොව) විශ්වාසභංගය ගැන කතා කෙළෙ අවංක ව නො වෙයි. මා හිතනවා සමහරු රනිල් දිනන බව දැන දැන ම විශ්වාසභංගය වෙනුවෙන් කතා කළා කියා. මා කියන්නේ විජයදාස රාජපක්ෂ ගැනවත් රංගෙ බණ්ඩාර ගැනවත් වසන්ත සේනානායක ගැනවත් නො වෙයි. ඒ අය ඊයෙට කලින් මොනව දෙඩෙව්වත් අවසානයෙ දි රනිල්ට පක්ෂව ඡන්දය දුන්නා. එහෙත් මා හිතනවා ඔවුන්ට වෙනසක් කිරීමේ අවශ්‍යතාව තිබුණා කියා. රනිල් තියාගන්න අවශ්‍ය සමහරු රනිල් දිනන බව දැනගෙන විශ්වාසභංගෙට පක්ෂව ඡන්දෙ දුන්න ද කියලත් හිතෙනවා.
මා රනිල් ඉවත් කරන්න මෛත්‍රිපාලට ශක්තිය දෙන්න කිව්වෙ මෛත්‍රිපාලට ශක්තිය නැති හින්ද තමයි. ශක්තිය තියෙන අයකුට ශක්තිය දෙන්න අවශ්‍ය නැහැ. මෛත්‍රිපාල ආප්ප කෑ විත්තිය (කුඩු කෑ විත්තිය වගේ), මෛත්‍රිපාල පඹයකු බව, මෛත්‍රිපාල කරන්නෙ රඟපෑමක් බව, ඇත්තේ කුමන්ත්‍රණයක් බව පඬියන් නිතර දේවේලෙ කිව්වා. ඒ අතර ඔවුන් කියනවා ජනවාරි අටවැනි දා ඔවුන් මෛත්‍රිපාලට ඡන්දය දුන්න එක මතවාදී ප්‍රශ්නයක් නො වෙයි කියලා. මෛත්‍රිපාල කලින් ආණ්ඩුවෙන් යැවීම ගැන පඬියන් කතාකරන්න අකමැතියි. මෛත්‍රිපාලගෙ දේශපාලනය දැන් අවසන්. ඒ වුණත් ඉදිරියේදීත් ඔහු ගැන කතා වේවි.
මා මෛත්‍රිපාලට ශක්තිය දෙන්න කිව්වෙ ආණ්ඩුක්‍රම ව්‍යවස්ථාවෙ 43(3) හා 42(4) අනුව්‍යවස්ථා යටතේ. 43(3) යටතෙ අමාත්‍ය මණ්ඩල සංයුතිය වෙනස් කරන්න පුළුවන්. 42(4) යටතෙ නව අගමැතිවරයකු පත් කරන්න පුළුවන්. ඒ සඳහා පාර්ලිමේන්තුවේ බහුතරයක් අවශ්‍ය නැහැ. අවශ්‍ය දේශපාලන ශක්තිය නැත්නම් හයිය. විඥානය ශක්තියක් නම් විඥානය හයියක් ද කියලා අහන්න එපා. කොහොමත් මෛත්‍රිපාලට විධායක බලය තිබුණත් දේශපාලන ශක්තිය නැහැ. මෙයට ටිකක් සමානයි 1815 න් පසු රජවුණු විල්බාවේ. ඔහුට රජකම තිබුණ නමුත් දේශපාලන (රාජ්‍යපාලන) ශක්තිය තිබුණෙ නැහැ. මුතුකුඩ නාට්‍යය විකාශය කරන නාළිකාවෙ ප්‍රධාන ඇත්තන් මුතුකුඩ නරඹන්නෙ නැතිව වගෙයි. සෙංකඩගල නිළමෙල විල්බාවෙට ඒ දේශපාලන ශක්තිය දුන්නෙ නැහැ. විල්බාවෙ හා මෛත්‍රිපාල හැම අතින් ම සමාන කියන එක නොවෙයි මෙයින් කියැවෙන්නෙ. රජකම තිබූ පළියට ම මිනිහකු රජකු වන්නේ නැහැ. එයට දේශපාලන ශක්තියක් අවශ්‍යයි. මහින්ද මෛත්‍රිපාලට ඒ ශක්තිය ලබා නොදුන්නෙ කලක් මහා අදිකාරම් ව හිටි පිළිමතලාවෙගෙ පුතා පිළිමතලාවෙ නිළමෙ විල්බාවෙට ශක්තිය නොදුන්න වගේ. පඬියන් කියන ශක්තිය දීමට ඒ දවස්වල (1815) මැතිවරණ තිබුණෙ නැති බව පඬියනුත් දන්නවා.
විල්බාවෙට රජකම අහිමි වුණා විතරක් නොවෙයි, සිංහලයන්ට රාජ්‍යය ද අහිමි වුණා. අදත් සිංහලයන්ට රාජ්‍යයක් නැහැ. අප පහුගිය වසර තිහකට වැඩි කාලයක් තිස්සෙ උත්සාහ කෙළෙ මේ රාජ්‍යය ලබා ගන්න. ඒත් ඊයෙ ඒ බලාපොරොත්තුව සදහට ම නැති වුණා ද කියලත් හිතෙනවා. මෛත්‍රිපාලට ජනාධිපතිකම ඉදිරියේ දී නැති වේවි. අපේ ප්‍රශ්නය මෛත්‍රිපාල නොවෙයි. අපේ රාජ්‍යය, එනම් ගැමුණු රජුගේ රාජ්‍යය අපට 1815 දී නැති වීම. 1815, 2015, 1818, 2018 අතර සමානකම් මෙන් ම අසමානකම් ද තියෙනවා. මට වෙලාවකට හිතෙනවා සුද්දන්ගේ 1815 මැයි 2 ව්‍යාපෘතිය 2018 අප්‍රේල් 4 සම්පූර්ණ වුණා කියලා. අද ඩොයිලි වෙන කිසිම දිනකට වඩා බලවත්.
මහින්ද මෛත්‍රිපාලට ශක්තිය ලබා දීලා සුළුතර ආණ්ඩුවක් පිහිටෙව්ව නම් (සංධානයෙ අනූහය ම එකතු වුණත් සුළුතරයක් මිස බහුතරයක් නො වෙයි) ඔය හමීම්ලා බද්‍යුද්දීන්ලා, රංගෙ බණ්ඩාරලා විජේදාසලා වසන්ත සේනානායකලා ආදීන් ඒ ආණ්ඩුවට එකතු වෙලා නිසැකයෙන් ම බහුතරයක් හදනවා. ඊයෙ ඡන්දය දීමෙන් වැළකිලා හිටපු නිමල් සිරිපාලලත් ඒ ආණ්ඩුවෙ. ඔය මන්ත්‍රීලා ඡන්දෙ දෙන හැටි අප නොදන්නව ද? නිල් කොළ ගැන ඒ ඒ අය කතා වේවි. නිල් කොළවලටත් වටිනාකමක් ලැබෙන්නෙ වෙනත් යම්කිසි බලයක් තියෙන අවස්ථාවක. රනිල් ඉවත් කරන්නෙ නැති ව රනිල්ට විරුද්ධව ඡන්දෙ දෙන්න මන්ත්‍රීවරු ඉදිරිපත් වෙන්න තියෙන සම්භාවිතාව ඉතා අඩුයි. රනිල් ඉවත් කළා නම් මන්ත්‍රීවරුන් බහුතරයක් ඔහුට විරුද්ධ වේවි.
අප කී ආකාරයට රනිල් ඉවත් කළා නම් මුළ දි සුළුතරයක් වුණත් එය බහුතරයක් බවට පත්වෙනවා. බහුතරයක් හදාගෙන ඉන් පසු රනිල් ඉවත්කරන එක පහසු වැඩක් නොවන බව ඊයේ පැහැදිලි වුණා. මහින්ද මෛත්‍රිපාලට ශක්තිය ලබා දී මහින්ද හරි මහින්දගෙ අනුග්‍රහය ලබන්නකු හරි අගමැති වූවා නම් විජේදාසලා වසන්ත සේනානායකලා පමණක් නොව රංගෙ බණ්ඩාරලාත් ඉන්නෙ මහින්දත් එක්ක. මෛත්‍රිපාලට දේශපාලන ශක්තිය ලබා දීමෙන් මහින්දට බලය ලබාගන්න තිබුණ. දැන් එය මගහැරුණා. පඬියන් තවම රඟපෑම් කුමන්ත්‍රණ ගැන කියවනවා.
මේක කුමන්ත්‍රණයක් නොවෙයි. මේ බටහිරයන්ගෙ සැලැස්ම. ඒකට මුහුණ දෙන්න මුහුණු පොතේ කයිවාරු කියවලා බැහැ. අද ඇතැමුන් කියන්නෙ අපි නලින් ද සිල්වාගෙ මෛත්‍රිපාලට ශක්තිය ලබා දීමේ ව්‍යාපෘතියත් එමගින් නලින් ද සිල්වත් පරාජය කළා කියලා. මා පරදවන්න මහන්සි වෙන්න එපා. මා පැරදිලා හුඟක් කල්. ඒ දේශපාලනඥයන් ජාතික ව්‍යාපාරය අතට ගැනීමත් සමග. ඊයේ පරාද වුණෙ සිංහල ජාතියයි. හකීම්ලා සම්බන්ධන්ලා බද්‍යුද්දීන්ලා එදත් අදත් ඩොයිලිත් එක්ක.
~~නලින්ද සිල්වා ~~
Published on: Apr 6, 2018 @ 08:36 – ඒකාබද්ධ විපක්ෂය පාර්ලිමේන්තුවට ඉදිරිපත් කළ රනිල්ට එරෙහි විශ්වාසභංග යෝජනාවේ වැඩි හරියක් තිබුණේ මහ බැංකු බැදුම්කර චෝදනා, ශ්රි ලංකා මහ බැංකුවේ බැදුම්කර වංචාව සම්බන්දයෙන් පරීක්ෂණ පවත්වන ලද ජනාධිපති කොමිෂන් සභා වාර්තාවේ ඉදිරිපත් වූ චෝදනාය. ඒ සියලු චෝදනා වලින් රනිල් වික්‍රමසිංහ අගමැතිවරයා නිදහස් කිරීමටත් අගමැතිවරයා වරදක් කර නැති බවත් පාර්ලිමේන්තුව විසින් තීරණය කර ඇත. අගමැතිවරයාට එරෙහි විශ්වාසභංගය පරාජයවීමත් සමග මහ බැංකු බැදුම්කර වංචාවක් ගැන අධිකරණයේ නඩු විභාග කළ නොහැකි තත්ත්වයක් ඇතිවේ.පාර්ලිමේන්තු බලතල හා වරප්‍රසාද පනත 2 හා 3 වගන්ති යටතේ ශ්රි ලංකා මහ බැංකුවේ බැදුම්කර වංචාව සම්බන්ධයෙන් රනිල්ගෙන් ප්‍රකාශයක් ලබා ගැනීමටවත් පොලීසියට නොහැකි වේ.
නීතිපති දෙපාර්තමේන්තුවට මින් ඉදිරියට රනිල් වික්‍රමසිංහ සම්බන්ධකරමින් බී වාර්තාවක් බවා අධිකරණයට ඉදිරිපත් කිරීමට නොහැකි වන්නේ පාර්ලිමේන්තුව විසින් නිදොස් කරමින් නිර්දෝෂීභාවය පිළිගත් පාර්ලිමේන්තු මන්ත්‍රීවරයකුගේ මන්ත්‍රී වරප්‍රසාද ආරක්ෂා කිරීමේ නෛතික යුතුකමක් සහ වගකීමක් නීතිපතිවරයාටත් ඇති හෙයිනි.
ඒ අනුව අර්ජුන් මහේන්ද්‍රන් ලංකාවට ගෙන්වා ගැනීමට නීතිමය බලය නීතිපතිවරයාට අහිමි වේ. හිටපු කථානායක අනුර බණ්ඩාරනායක විසින් 2001 ජුනි මස 20 වැනි දින පාර්ලිමේන්තුවේදී ප්‍රකාශයට පත් කළ අග්‍රවිනිශ්චයකාරවරයා ඉවත් කිරීම පිළිබද යෝජනාව සම්බන්ධ කථානායක තීරණය සැළකීමේදී සහ ආණ්ඩුක්‍රම ව්‍යවස්ථාවේ 4 ව්‍යවස්ථාව සමග 3 ව්‍යවස්ථාව කියවීමේදී රනිල් සම්බන්ධ කරමින් බැදුම්කර ගණුදෙනු වංචාවක් ගැන ලංකාවේ අධිකරණයක කිසිම නඩුවක් විභාග කිරීමට නො හැකියාවක් හට ගනී. 2018 අප්‍රේල් 04 දින රනිල්ට එරෙහි විශ්වාසභංගය පරාජයවීමත් සමග ලංකාවේ ජනතාව විසින් සාකච්ඡා කළ බැදුම්කර විලාපය අවසන් වේ.
ඒ සම්බන්ධව ලියන ලද විමර්ශනාත්මක ලිපිය බලාපොරොත්තුව වන්න ….
