අග්‍රාමාත්‍ය රනිල් වික්‍රමසිංහට එරෙහිව ඒකාබද්ධ විපක්ෂය පාර්ලිමේන්තුවට ඉදිරිපත් කර තිබෙන විශ්වාස භංග යෝජනාව පරාජය කිරිම සදහා සහය දිමට ද්‍රවිධ ජාතික සන්ධානය කැමත්ත පලකර තිබේන බව අප දේශපාලන වාර්තාකරු අනාවරණය කලා.ද්‍රවිධ ජාතික සන්ධානයේ නිල නිවේදනය ඉන්දිය මධ්‍යම රජයේ ඉහල පෙළේ රාජ්‍යතාන්ත්‍රිකයෙකු හරහා ජනාධිපති මෛත්‍රීපාල සිරිසේනට දන්වා ඇති බවත් එය විශේෂ සිද්ධියක්ද වන බව අප දේශපාලන වාර්තාකරු අනාවරණය කළා.
විශ්වාස භංග යෝජනාව සම්බන්ධයෙන් ද්‍රවිධ ජාතික සන්ධානයේ අර්බුදයක් හටගෙන ඇති අතර එම අර්බුදය ද්‍රවිධ ජාතික සන්ධානය දෙකඩ විමක් දක්වා ඇදි ගොස් තිබේ.දෙමළ ජාතික සංධානයේ මන්ත්‍රීවරු සංඛ්‍යාව දහසයක් වන අතර මේ දක්වා ඔහුන් යහපාලන ආණ්ඩුවට සහය දිමට කටයුතු කලද උතුරේ විවිධ කණ්ඩායම් දේශපාලනයට ප්‍රවේශ විමත් සන්නද්ධ බලය නොමැතිව ඔහුන් බය කිරිමට අසමත් විමත් සමග එම කණ්ඩායම් මේ වනවිට ද්‍රවිධ ජාතික සන්ධානය ඉක්මව යෑම හේතුවෙන් ද්‍රවිධ ජාතික සන්ධානයෙ ඇතැම් මන්ත්‍රීවරුන් සිය පක්ෂයේ ප්‍රතිපත්ති සම්බන්ධයෙන් දැඩි ලෙස කලකිරිමට ලක්ව සිට තිබේ.
ඒ අනුව ද්‍රවිධ සන්ධානයේ මන්ත්‍රීවරුන්7 දෙනෙකු අග්‍රාමාත්‍ය රනිල් වික්‍රමසිංහට එරෙහිව ඡන්දය ප්‍රකාශ කලයුතු යන මතයි දරමින් සිටින අතර ඒ හේතුවෙන් පක්ෂයේ නායක විපක්ෂ නායක ආර්.සම්පන්තන්ද දැඩි ලෙස බලපෑමකට ලක්ව සිටියා.
කෙසේවෙතත් ද්‍රවිධ සන්ධානය නැමති රූකඩ පාලකයන් නටවන ඉන්දියාවෙන් ලැබුන නියෝගයකට අනුව මේ වනවිට සන්ධානය රනිල්ට පක්ෂව ඡන්දය ලබාදිමට එකගතාවට පැමිණ තිබේ.
එක්සත් ජාතික පක්ෂය රනිල් වෙනුවෙන්
මේ අතර අග්‍රාමාත්‍ය රනිල් වික්‍රමසිංහට එරෙහිව ඒකාබද්ධ විපක්ෂය පාර්ලිමේන්තුවට ඉදිරිපත් කර තිබෙන විශ්වාස භංග යෝජනාව අන්ත පරාජයකට පත් කිරීමට එක්සත් ජාතික පක්ෂ කෘත්‍යාධිකාරී මණ්ඩලය අද (29) ඒකමතිකව තීන්දු කර තිබේ.එක්සත් ජාතික පක්ෂ කෘත්‍යාධිකාරී මණ්ඩල රැස්වීම අග්‍රාමාත්‍ය රනිල් වික්‍රමසිංහගේ ප්‍රධානත්වයෙන් සිරිකොත මුලස්ථානයේදී අද (29) උදේ රැස්විය.
ඊට අදාළ යෝජනාව එක්සත් ජාතික පක්ෂයේ මහ ලේකම් කබීර් හෂීම් කෘත්‍යාධිකාරී මණ්ඩලයට ඉදිරිපත් කළ අතර ඒ අවස්ත්වවෙදී කෘත්‍යාධිකාරී මණ්ඩල සභිකයින් අවධරණය කර සිටියේ සියලු දෙනාම එකට එක්ව මේ විශ්වාස භංගය පරාජයට පත් කළ යුතු බවය.
මේ අතර නායකයාගේ සිට පහළට එක්සත් ජාතික පක්ෂයේ සිදු විය යුතු පුළුල් ප්‍රතිසංවිධානය පිළිබඳ සාකච්ඡා වහාම ක්‍රියාත්මක වන පරිදි අප්‍රේල් මස පළමු වැනිදා සිටම ආරම්භ කළ යුතු බව අවධාරණය කළ කෘත්‍යාධිකාරී මණ්ඩලය සියලු ප්‍රතිසංස්කරණ කටයුතු අප්‍රේල් මස 10 වැනිදා වන විට අවසන් කළ යුතු යැයි ද තීරණය කර තිබේ.
Published on: Mar 30, 2018- එදිරිසිංහ සමූහ ව්‍යාපාරයට අනුබද්ධ ඊ.ටී.අයි. (ETI)ෆයිනෑන්ස් ලිමිටඞ් මූල්‍ය ආයතනයේ මුදල් තැන්පත් කළ ගණුදෙණු කරුවන් අද එම ආයතනයට පැමිණ විරෝධය පළ කිරීමත් සමග උණුසුම් තත්ත්වයක් හටගත්තා.ඊ.ටී.අයි. ෆයිනෑන්ස් ලිමිටඩ් ආයතනයේ මුදල් තැන්පත් කළ දිවයිනේ නන්දෙසින් පැමිණි ගණුදෙණුකරුවන් විශාල පිරිසක් අද කොළඹ වෝඩ් පෙදෙසේ පිහිටි එහි මූලස්ථානයට පැමිණ සිටියේ තම තැන්පතු ලබා ගැනීමේ අරමුණින්.
එහිදී ආයතන බලධාරින් කොටස් වශයෙන් ගණුදෙණුකරුවන්ට මුදල් ලබාදීමට එකග වී ඇති අතර ඊට ගණුදෙණුකරුවන් එකගත්වය පළ කර නැහැ
ජීවකගෙන් රුපියල් කෝටියක පගාවක්
එදිරිසිංහ සමුහ ව්‍යාපාරය විසින් සිදු කරණු ලැබූ මහා පරිමාණයේ මුල්‍ය වංචාව වසා ගැනීම සඳහා මේ වන විට ඒ සමබන්ධව කටයුතු කරන බොහෝ දෙනෙකුට එහි ප්‍රධානියා වන ජීවක එදිරිසිංහ විසින් අල්ලස් ලබා දෙමින් සිටින අතර එ අතර ප්‍රධාන පෙලේ විද්යුත් සහ මුද්‍රිත මෙන්ම වෙබ් ගොඩ් ෆාදර්ල ලෙස පෙනී සිටින ඇතැම් නීච කුලයේ පුද්ගලයන්ද සිටින බව අප මීට පෙරද අනාවරණය කලා.
අදාළ ව්‍යාපාරය විසින් මෙරට අහිංසක ජනතාවගේ මුදල් ගෙන සිදු කොට ඇති මහා පරිමාණ වංචාව හේතුවෙන් අදාළ සමුහ ව්‍යාපාරයට සම්බන්ධ ස්වර්ණමහල් ෆිනෑන්ස් සර්විසස් ලිමිටටඩ් සහ එදිරිසිංහ ට්‍රස්ට් ඉන්වෙස්ට්මන්ට් මුළුමනින්ම පාහේ බංකොලොත් වී ඇති අතර හෙංචයියන්ට වරප්‍රසාද ලබා දෙමින් සිය බංකොලොත් බාවය වසා ගැනිමට ජිවක සමත්ව සිටියා.
ජීවක එදිරිසිංහ පසුගිය සතියේදී දේශීය ආදායම් බදු දෙපාර්තමේන්තුවේ ඉහළ පෙළේ නිලධාරියෙකුට රුපියල් කෝටියක පගාවක් දීම රටේ කවුරුත් දන්න රහසකි.
ETI හරහා ජනතා මුදල් කෑ තිත්තවැල්ල
ලංකාවේ අහිංසක ජනතාව විසින් අදාල ආයතනවල තැම්පත් කළ මුදල් එහි ප්‍රධානින් විසින් වෙනත් විදේශීය බැංකුවල තැම්පත් කිරීම හේතුවෙන් ETI ව්‍යාපාරය සම්පූර්ණයෙන්ම කඩා වැටුන අතර ඒ පසුපස රටේ අද ප්‍රශ්ණ වලින් බහුතරයකට මුලික හේතුවක් වු රටේ පවුකරයෙක් වන ඊ.ඒ.පි හෝල්ඩ්ංග්ස් සභාපති මනෝ තිත්තවැල්ල සිටින බව නොරහසකී.
ඊ.ඒ.පි හෝල්ඩ්ංග්ස් හා එහි ආශ්‍රීත සමාගම් ලබන වසරේ ණයකර සහ මුළික කොටස් නිකුතුවක් සදහා සුදානම්වෙත්දි ඒ පිලිබදව නීතිමය බාදක රාශියක් පවතින බැවින් වර්තමාන ඊ.ඒ.පි හෝල්ඩ්ංග්ස් සභාපති මනෝ තිත්තවැල්ල පොදු අපේක්ෂක සිරිසේන හමුවී EAP එදිරිසිංහලාට ලබන වසරේ ණයකර සහ මුළික කොටස් නිකුතුව සදහා අවශ්‍ය වටපිටාව සකසන ලෙස ඉල්ලා ඇති අතර ඒ වෙනුවෙන් තම ආයතනයේ අධ්‍යක්ෂක මණ්ඩලය ඕනෑම දෙයක් කිරීමට පසුබට නොවන බවත් පොදු අපේක්ෂක සිරිසේනට හිටන් දන්වා ඇත ,පොදු අපේක්ෂක සිරිසේන ,ඉතාම කාර්යබහුල අවස්ථාවක සිරිසේන මනෝ හමුවීම හිටපු ජනපති චන්ද්‍රකා බණ්ඩාරණායක කුමාරතුංග විසින් සම්බන්ධිකරණය කර දී ඇති අතර .වර්තමාන ඊ.ඒ.පි හෝල්ඩ්ංග්ස් සභාපති මනෝ තිත්තවැල්ල ,චන්ද්‍රකා සමයේ මහජන බැංකු සභාපති ඇතුළු ඉහළ තනතරු දැරු ලෙස තවදුරටත් කටයුතු කෙනෙකි .
EAP සමාගමේ කෙරුවාව පිලිබදව හෙළිදරව්ව
ETI හෙවත් එදිරිසිංහ ට්‍රස්ට් ඉන්වෙස්ට්මන්ට් ආයතනයේ පාඩුව සහ හිටිහැටියේම මුදල් වාෂ්ප වීම එදිරිසිංහ සමුහ ව්‍යාපාරයේ දශක ගණනාවක සිට සේවය කල ,එදිරිසිංහ මහතා ජීවත්වසිටි කාලයේදී පටන් ඉතාමත්ම ලගින් ඇසුරු කල සහ දුකේදී සැපේදී එකට සිටි ,එදිරිසිංහ මුදලාලි නැතිවීමෙන් පසුව සෝමා එදිරිසිංහට ශක්තියක්ව සිටි සුන්දරම් අත්පුදනාදම් (Sundaram Atputhanathan) යන අය , ETI ආයතනය විනාශ කළබවත් ,. ETI ව්‍යාපාරය සතු රත්තරං හෙට්ටි විදියේ දේවි ජුවලර්ස් හරහා විකුණා දැමු බවත් ,අමෙරිකාවේ සිටින සිය පුත්‍රයා වන මහේෂ්වරන් හරහා අමෙරිකාවේ සුපිරි මාලිගා දෙකක් මිලදි ගත බවත් . මිට අමතරව ඩොලර් බිලියන ගණනක් මුදල් සුන්දරම් ඥාතින්ගේ නම් වලින් බැංකුවල තැන්පත් කර මුළු ETI ව්‍යාපාරය සතු සියලුම දේපල සුන්දරම් අත්පුදනාදම් (Sundaram Atputhanathan) විනාශ කල බවට කටකතාවක් යවා ඒ හරහා කිලිටි වූ තම එදිරිසිංහ නාමය සෝදා පිරිසිදු කරගන්නට සැරසෙන බවත් මේවනවිට මහේන් ගෙන් පසුව එදිරිසිංහ පවුලේ රෙදි අපුල්ලන ස්වර්ණවාහිණි නාලිකාවේ ප්‍රධානි හරහා මුදලට වැඩ කරන වෙබ් අඩවි කීපයක් හරහා සුන්දරම් අත්පුදනාදම් (Sundaram Atputhanathan) ගේ කතාව ජනගත කරන ලෙස දැනුම් දුන් බවත් ඒ සදහා මුදල් ප්‍රතිපදනද ලබාදුන් බව අපගේ නියෝජිතයා අප හා පැවසීය .
ප්‍රශ්නය තිබෙන්ණේ සුන්දරම් අත්පුදනාදම් (Sundaram Atputhanathan) සියලුම රත්‍රන් විකුනනතෙක් එදිරිසිංහ පවුල ඇතුළු ETI අධ්‍යක්ෂ මණ්ඩයේ අය නිදාගෙන සිටියා ද ???, දශක ගණනක් වෙළදාමේ සිටින එදිරිසිංහලට මෙය දැන ගැනීමට ලැබුනේ නැතිද ?? ETI එකේ තිබු රත්‍රන් සුන්දරම් අත්පුදනාදම් (Sundaram Atputhanathan) ගෙන ගියේ කෙසේද , සේප්පු කඩලා ද ? එදිරිසිංහ ආරක්ෂක අංශ වලට මොකද වුනේ .එදිරිසිංහලා සුන්දරම් අත්පුදනාදම් (Sundaram Atputhanathan) ට එරහිව ගොත ඇති කථාව පළමු පන්තියේ ළමයකුගේ රචනාවක් වැනිය.
වසර ගණනාවක සිට විශේෂයෙන්ම වසර 2006 සිට සුන්දරම් අත්පුදනාදම් (Sundaram Atputhanathan) ගෙන් රුපියල් මිලියන ගණනක් ණයට ගෙන ඇති බවත් , එදිරිසිංහ පවුල ETI ප්‍රශ්නය නිර්මාණය කර ,දබුලු ගිහින් තලගොයින් ද මරාදැමීමේ ක්‍රියාවක නිරත වන බවයි . මෙයින් බලවත් කම්පනයට පත් සුන්දරම් අත්පුදනාදම් (Sundaram Atputhanathan) මේ වනවිට අසනීප තත්වයෙන් පසුවන බව අපට වාර්තාවිය . අප සුන්දරම් අත්පුදනාදම් (Sundaram Atputhanathan) හට දුරකථ ඇමතුමක් ලබා දුන්නද ? සම්බන්ධ කරගැනීමට නොහැකි විය.
පසුගිය කාලය පුරාවටම මෙවැනි අක්‍රමිකතා සිදුවූ අතර, EAP Broadcasting සහ EAP Films and Theatres ආයතනද කොටස් වෙළද පොළ හරහා නැතිවී ගිය තම ධනය රැස් කරගැනීමට මෙවනවිටත් පිබුරුපත් සකසා අවසානය. රජය තවමත් නිදිය , මහා බැංකුවත් නිහඩය.කොටස් වෙළදපොල අන්ධ වී ඇත ඕනෑම හොරකුට ඇතුල් වී මුදල් සොයාගෙන යනතැනක් බවට පත්වී හමාරය.අවශ්‍ය වන්නේ හොද කෝට් කිට් එකක් පමණි.මේ සදහා මේ වන විටත් එදිරිසිංහලා තම රුපවාහිනී සහ ගුවන්විදුලි මාධ්‍ය ආයතන රජයේ ගණිකාවන් බවට පත් කර හමාරය,රජයට අවශ්‍ය වන්නේ එවැනි මාද්‍ය ගණිකාවන්ය එනිසා ඉදිරියේදී EAP Broadcasting සහ EAP Films and Theatres යන ආයතන කොටස් වෙළද පොළ හරහා රුපියල් බිලියන ගණනක් සොයනු ඇත.
සිස්ටම් චේන්ජ්, වෙනස් කිරීම ගැන නැවතත් කතා වෙනවා. මේ කතාව කූඹියෝ නාට්‍යයෙ තුමිඳු ජනප්‍රිය ම නළුවා හැටියට සම්මාන ලැබීමත් එසේ සම්මාන ලැබීමෙන් පසු කරන ලද කතාවත් නිසා. මේ සිස්ටම් වෙනස් කිරීම් හිස් කතා පමණයි. මේවායින් සිද්ධ වෙන්නෙ සමාජයෙ කියන විධියට ඒ ඒ අය පොරවල් වීම පමණයි. සිස්ටම් එක නැත්නම් පද්ධතිය හරි ක්‍රමය හරි ඔය කියන විධියට වෙනස් වෙන්නෙ නැහැ. ඊනියා ජාතිකවාදීන්ටත් තුමිඳු අඳුරගන්න බැරි වෙලා. මා නම් ඔහු කැලණිය විශ්වවිද්‍යාලයෙ මා හිටපු කාලෙ ඉඳන් දන්නවා. ඉතාමත් කෙටියෙන් කියනවා නම් ඔහු ජාතිකවාදියකු නම් නො වෙයි.
පසුගිය දවස්වල මා නිව්ස්වීක් සඟරාවෙ විශ්වවිද්‍යාල ගැන පළ වූ ලිපියක් කියෙව්වා. ඒ ලිපිය එක්සත් රාජ්‍යවල විශ්වවිද්‍යාල ගැනයි. අපේ රටේ විශ්වවිද්‍යාල නමින් ඇත්තේ අනුකාරක හිස් ආයතන කිහිපයක් පමණයි. බටහිර රටවල විශ්වවිද්‍යාලවල ඇති මතවාදය වාම කේන්ද්‍රීය ලෙස හැඳින්වෙනවා. මා වාම කේන්ද්‍රීය කියන්නෙ ඉංගිරිසියෙන් ලෙෆ්ට් ඔෆ් සෙන්ටර් කියන්නටයි. ඒ ලිපියෙ සඳහන් වුණෙ අද එක්සත් රාජ්‍යවල විශ්වවිද්‍යාලවලට වෙනස්වන තත්වය සමග හැඩ ගැහෙන්න බැරිය කියන කාරණය. ට්‍රම්ප් විශ්වවිද්‍යාල තුට්ටුවකට මායිම් නොකරන බවත් සඳහන් වුණා. ට්‍රම්ප් පවතින තත්වයට විරුද්ධයි. කෙටියෙන් කියනවා නම් ඔහු ජත්‍යන්තර සුපිරිව්‍යුහයෙහි සංස්ථාපනයට විරුද්ධයි. ඒ අර්ථයෙන් ඔහු ජාතිකවාදියෙක්.
ට්‍රම්ප්ගෙ රටේත් බටහිර තවත් රටවලත් පවත්නා ක්‍රමය වෙනස් වේගෙන යනවා. එහෙත් ඒ රටවල කවුරුන්වත් සිස්ටම් චේන්ජ් ගැන කතා කරන්නේ නැහැ. තියෙන ක්‍රමය වෙනස් වෙන්නෙ එක්කො අභ්‍යන්තර ව ක්‍රමක්‍රමයෙන, එහෙත් ඇතැම් විට විවික්ත ව (ඩිස්ක්‍රීට්). එහෙමත් නැත්නම් බාහිරින්. බටහිර වෙනස් වුණෙ මූලික වශයෙන් ම අභ්‍යන්තර ව. එයට පෙරදිගින් ලැබුණු දැනුමත් බලපෑවා. එහෙත් එය බාහිර ව කෙරුණු වෙනසක් නො වෙයි. පෙරදිග දැනුම නිර්මාණය (සංස්කරණය) කළ අය ගිහින් බටහිර ක්‍රමය වෙනස් කෙළේ නැහැ. කොපර්නිකස් වෙනස් වුණෙ පෙරදිගින් ලැබුණු දැනුම නිසා. එහෙත් ඉතාලිය වෙනස් කළෙ කොපර්නිකස් ලබාදුන් දැනුම පදනම් කරගත් අය. එය පාප් වහන්සේට විරුද්ධව කැරැල්ලක් හැටියටයි මතු වුණෙ.
මේ ක්‍රමය එහෙමත් නැත්නම් පද්ධතිය වෙනස් කිරීම මෙවැනි ලිපියකින් විස්තර කරන්න බැහැ. එහෙත් මෙවැනි ලිපියක් වුණත් කියවන්න බොහෝ දෙනකුට වෙලාවක් නැහැ. බටහිර වැඩවසම් ක්‍රමයෙන් (මෙරට වැඩවසම් ක්‍රමයක් නොතිබූ බව අවධාරණය කළ යුතුයි. අද ඊයේ මුහුණු පොතේ ශිල්ප දක්වන අය මේ සම්බන්ධයෙන් මා ලියා ඇති ලිපි කියවා නැහැ. මට ඔවුන් ගැන ඇත්තේ අනුකම්පාවක් පමණයි) ඊනියා නූතනත්වයට එක රැයකින් වෙනස් වුණා නොවෙයි. එයට සියවස් ගණනාවක් ගියා. ක්‍රම ක්‍රමයෙන් සිදු වූ මේ වෙනසට එංගලන්තයේ කාර්මික විප්ලවය, ඇමරිකන් නිදහස් සටන සහ ප්‍රංශ විප්ලවය අර මා කලින් කී විවික්ත සිද්ධි ලෙස බලපෑවා. මෙයින් මුල් විප්ලව දෙක බටහිර ලෝකය වැඩවසම් ක්‍රමයෙන් මුදවා ගැනීමට උදවු කළා. ප්‍රංශ විප්ලවය ඒ සිද්ධි හා අදහස් ඉදිරියට ගලා යෑම නැවැත්තුවා. ප්‍රංශ විප්ලවයෙන් සිදු වුණෙ බටහිර රටවල් එකතැන පල් කිරීමක්. එය එසේ පල් කර බටහිර ජාත්‍යන්තර සුපිරිව්‍යහයේ සංස්ථාපනය බිහි කළා. යුරෝපයේ ඇති වූ ජාතික රාජ්‍යය (බටහීිර ඇසින්) මරා දමනු ලැබුයේ ප්‍රංශ විප්ලවයෙන්. එය ඊනියා ජාත්‍යන්තරයක් ගොඩ නැගුවා.
ප්‍රංශ විප්ලවය මාක්ස් දුටුවේ වැඩවසම් ක්‍රමයෙන් මිදීමේ විප්ලවයේ පරිපුර්ණ අවස්ථාව ලෙස. ඔහු එය ඊනියා සිස්ටම් චේන්ජ් ලෙස දැක්කා. ඔහු සමාජය විකාශය වීමේ හිතළුව ගොතද්දී ප්‍රංශ විප්ලවය බලපෑවා. ඔහු සිස්ටම් චේන්ජ් අදහස ඊනියා විද්‍යාත්මක දෙයක් බවට කතාවක් ගෙතුවා. ඔහුත් ඊනියා ජාත්‍යන්තරවාදියෙක්. අදත් ඊනියා වාමාංශිකයන් ක්‍රමය වෙනස් කිරීමට කතා කරනවා. ඒ මාක්ස්ගේ බලපෑමෙන්. එහෙත් මේ ක්‍රමය ආරක්ෂා කරන්නේ වාම කේන්ද්‍රිකයන්. අද වාම කේන්ද්‍රිකයන් ප්‍රංශ විප්ලවයේ හිර වෙලා. පහළෙස් වැනි සියවසේ ඇරඹි නූතනත්වයේ කූටප්‍රාප්තිය ප්‍රංශ විප්ලවයයි. වාම කේන්ද්‍රිකයන් ක්‍රමය වෙනස් කිරීමට කතා කරන්නේ ප්‍රංශ විප්ලවයේ හිර වී සිටිමින්. මාක්ස් ගෙතූ හිතළුව ඔවුන් එහි දී යොදා ගන්නවා. එහෙත් මාක්ස්වාදය ගබ්සා වෙලා හුඟක් කල්. මාක්ස්වාදය ගබ්සා වුණෙ ම ප්‍රංශ වප්ලවයට ඉදිරියට යෑමට නොහැකි බැවින්.
අපට බටහිර ක්‍රමය ආවේ බාහිර ව. අප එය සකස් කර ගත්තේ නැහැ. දැන් තියෙන යුදෙව් ක්‍රිස්තියානි ක්‍රමය පෘතුගීසීන් ලන්දේසීන් හා විශේසයෙන් ම ඉංගිරිසින් අපට බාහිර ව ලබා දුන් දෙයක්. අප ඉන්නේ ඒ ක්‍රමයෙහි. අප ඒ ක්‍රමය වෙනස් කිරීමට කතා කරන්නේ ක්‍රමයෙහි ම ඉඳිමින්. එය බොරු කතාවක් පමණයි. එහෙත් ඒ කතාවෙන් වීරයන් වන්න පුළුවන්. අපට මොන තරම් තාක්‍ෂණය තිබුණත් බටහිර අදහස් එන්න දශක කිහිපයක් යනවා. බටහිර විශ්වවිද්‍යාල ප්‍රංශ විප්ලවයේ හිර වෙලා. අපේ විශ්වවිද්‍යාල අදහස් අතින් පැරීසියේ කාණුවක හිරවෙලා. පරිපාලනය අතින් ලන්ඩනයේ කාණුවක හිරවෙලා. බටහිර රටවල් විශ්වවිද්‍යාලවලින් ටිකෙන් ටික මිදෙනවා. අප තවමත් කාණුවල හිර වුණු විශ්වවිද්‍යාලවලට ගරු කරනවා.
සිස්ටම් චේන්ජ් කාරයන් වැඩි වශයෙන් ම රාජ්‍ය නොවන ගැත්තන්. රාජ්‍ය නොවන ආයතනවලින් කෙරෙන්නේ බටහිර මතවාද මෙරට ප්‍රචලිත කිරීමයි. සිස්ටම් චේන්ජ් යන්නත් බටහිර මතවාදයක්. එය නොකෙරෙන මතවාදයක්. එය කිය කියා ඉන්න නම් හොඳයි. එමගින් පොරත්වයත් පවත්වාගෙන යන්න පුළුවන්. සිස්ටම් චේන්ජ් යන්න ක්‍රමය වෙනස් කිරීමට නොව ප්‍රංශ විප්ලවයේ අදහස් රැක ගැනීමටත් ගබ්සා වුණු මාක්ස්වාදයේ මළකුණ රඳවා ගැනීමටත් යොදා ගන්නා ව්‍යාජයක් පමණයි. සිස්ටම් චේන්ජ් කතාවලින් වෙනස්වන ක්‍රමයක් නැහැ.
අප උත්සාහ කරන්නේ බටහිරයන් සිතන ක්‍රමයෙන් කැඩීමටයි. එයට සෑහෙන කලක් ගත වේවි. මේ ක්‍රමය පවත්වාගෙන යෑම සිංහල බෞද්ධ සංස්කෘතියට අහිතකරයි. එහෙත් ඒ කියා අපට උඩින් සිස්ටම් චේන්ජ් කතා කරන්න අවශ්‍ය නැහැ. අපි හීන් සීරුවේ නැවතත් බෞද්ධයන් වෙමු. අද බුද්ධාගමත් නූතනත්වයට යටවෙලා. එහෙමත් නැත්නම් ප්‍රංශ විප්ලවයට යටවෙලා.
~~කාලය ~~
Published on: Mar 28, 2018- සමාජ ජාල අවහිර කරමින් ආණ්ඩුවේ නොහැකියාව වසා ගැනිමට නොහැකි වු වත්මන් ආණ්ඩුව පාතාලය රටේ හිස ඔසවා ඇති බව පෙන්වමින් ආණ්ඩුවට එරෙහිව සමාජ බලගන්වන වෙබ් සහ සමාජ් ජාලා ක්‍රියාකාරින් භීතීයටට පත්කිරිමේ මෙහෙයුමක් දියත් කරමින් සිටින බව අප දේශපාලන වාර්තාකරු අනාවරණය කළා.
රට පුරාම පාතාලය හිස ඔසවා ඇති බවත් පාතාල මැරයන් ගෝඩ් ෆාදර්ලා කිරිමට දේශපාලකයින් සහ වත්මන් ආණ්ඩුව සමග ඉතාමත් සමිපයෙන් කටයුතු කරන විද්යුත් මෙන්ම මුද්‍රිත මාධ්‍ය රැසක් ඒ පසුපස සිටින බවත් ඔහුන්ගේ එකම අරමුණ වි ඇත්තේ පාතාල ක්‍රියාකාරකම් උලුප්පා දක්වමින් රටේ මුලික ප්‍රශ්ණ අමතක කිරිමත් ආණ්ඩුවට එරෙහිව පෙල ගැසෙන සමාජ් ක්‍රියාකාරින් භීතියට පත් කිරිමත් බවයි මේ වනවිට අනාවරණය වි ඇත්තේ.
රටපුරා පාතාලය ක්‍රියාත්මක බවත් ආණ්ඩුවට හිසරදයක්ව ඇති වෙබ් කාරයන්ට වැඩක් දි එම ඝාතනය පාතාලය සමග බද්ධ කර ආණ්ඩුවට ලේසියෙන්ම අත පිහදා ගත හැකි බව පෙරේදා ආණ්ඩුවේ ප්‍රබල අමාත්‍යවරයෙකු සිය පෞද්ගලික ලේකම්වරුන් සමග පවසා ඇති අතර අදාළ අමාත්‍යවරයා පසුගිය කාලසිමාවේ සමාජ ජාල සහ වෙබ් හරහ දැඩි ලෙස පහර කැමට ලක්වු කලක් මැර දේශපාලන ප්‍රවාහය නියෝජන කල අයෙකු වේ.
මේ වන විට රට තුළ නිර්මාණය වී ඇති පාතාල ක්‍රියාකාරකම් සහ ඔවුන් හා සබැඳි දේශපාලන සබඳතා පිළිබඳව හෙළිදරවු වී ඇති අතර මේ වන විට ඩුබායි සිට පාතාල ක්‍රියාකාරකම්වල නිරත මධුෂ් නැමැත්තා සහ වත්මන් ආණ්ඩුවේ දේශපාලන ප්‍රබලයෙකු අතර සම්බන්ධතාවයක් පිළිබඳවද හෙළිදරවු වෙමින් ඇතැයි වාර්තා වෙයි.
එකී දේශපාලන සබඳතාවය නිසාම මාතර දිස්ත්‍රික්කයේ වැලිගමින් පසුගිය පළාත් පාලන මැතිවරණයේදී මධුෂ්ගේ ගෝලයන්ට තරග කිරීමට ලැබී තිබේ.මීට අමතරව තවත් ආණ්ඩුවේ සහ විපක්ෂයේ දේශපාලනඥයන් ගණනාවක් සමගම අදාළ පාතාල කල්ලි නායකයන් රහසිගත සබඳතා පවත්වාගෙන යමින් ඇතැයි ද විවේචන එල්ල වේ. පසුගියදා පොලිස් මූලස්ථානයේ උසස් පොලිස් නිලධාරියෙකු ද පාතාලය හා දේශපාලනය අතර ඇති සබඳතා පිළිබදව මාධ්‍යයට හෙළිදරවු කොට තිබිණි.
කොළඹ මහාධිකරණ විනිසුරු ගිහාන් කුලතුංග විසින් විභාග කරනු ලබන නඩුවක් සාධාරණව සහ අපක්ෂාතීව විභාග නොකරන හෙයින් 1978 අංක 2 දරන අධිකරණ සංවිධාන පනතේ විධිවිධාන යටතේ වෙනත් මහාධිකරණයකට නඩුව මාරුකර ගැනීම සදහා පෙත්සමක් 2018.03.05 දින අභියාචනාධිකරණයට ගොනුකර තිබුණි. එකී පෙත්සමේ කරුණු අභියාචනාධිකරණයේ දී 2018.03.08 දින කරුණු තහවුරු කිරීමට සූදානම් වූ අවස්ථාවේ සිංහල භාෂාවෙන් එකී පෙත්සම ඉදිරිපත් කර තිබූ හෙයින් අභියාචනාධිකරණයේ සභාපති විනිසුරුවන ප්‍රීති පද්මන් සුරසේන සහ ශිරාන් ගුණරත්න විනිසුරුවරු ඒ සදහා අවසර නොදී නඩුව 2018 ජූලි මාසයට කල් දමා ඇත.
සිංහල භාෂාවෙන් ඉදිරිපත් කර තිබූ හෙයින් පෙත්සමේ කරුණු තහවුරු කිරීමට අවස්ථාව නොලැබීම සම්බන්ධව නීතීඥ අරුණ ලක්සිරි උණවටුන මහතා මගින් ශ්‍රේෂ්ඨාධිකරණයට ඉදිරිපත් කර තිබූ පෙත්සමක් 2018.03.12 දින සළකා බැලූ අගවිනිසුරු ප්‍රියසාත් ඩෙප්, බුවනෙක අලුවිහාර සහ ප්‍රසන්න ජයවර්ධන යන ශ්‍රේෂ්ඨාධිකරණ විනිසුරුවරු විසින් කොළඹ මහාධිකරණ විනිසුරු ගිහාන් කුලතුංග විසින් විභාග කරනු ලබන එකී නඩුව 2018.03.26 දින දක්වා අත්හිටුවන ලදී.
නැවත එකී නඩුව 2018.03.26 දින ඊවා වනසුන්දර, එන්.ටී. බී. දෙහිදෙනිය සහ මුර්දු ප්‍රනාන්දු ශ්‍රේෂ්ඨාධිකරණ විනිසුරුවරුන් ඉදිරියේ කැදවූ අවස්ථාවේ සිංහල භාෂාවෙන් පෙත්සම ඉදිරිපත් කිරීම හේතුවෙන් අභියාචනාධිකරණය විසින් සිදුකර ඇති වෙනස්කම් සම්බන්ධව පෙත්සම්කරුගේ නීතීඥඅරුණ ලක්සිරි දීර්ඝ ලෙස ශ්‍රේෂ්ඨාධිකරණයට කරුණු ඉදිරිපත් කරන ලදී.
පෙත්සම්කරු වෙනුවෙන් නීතීඥවරයා ශ්‍රේෂ්ඨාධිකරණය අමතමින් සිංහල භාෂාවෙන් පෙත්සම් සහ දිව්රුම් ප්‍රකාශ ඉදිරිපත් කර තිබූ හෙයින් අභියාචනාධිකරණයේදී 2018.03.08 දින කරුණු තහවුරු කිරීම සදහා අවස්ථාව නොලැබුණ බවත් සිංහල භාෂාවෙන් පෙත්සම ඉදිරිපත් කළ හැකිද යන්න සළකා බැලීමට මාස ගණනාවක් නඩුව කල් දැමීම මගින් ආණ්ඩුක්‍රම ව්‍යවස්ථාවේ 24.2ව්‍යවස්ථාව බරපතල ලෙස උල්ලංඝනය කිරීමක් බවත් Coomaraswamy V. Shanmugaratna Iyar And Another නඩුවේ තීරණය නොසළකා සිටීමක් බවත්උපරිමාධිකරණවල අධිකරණ භාවිතය නොසළකා සිටීමක් බවත් පෙන්වා දෙන ලදී.
සිය සේවාදායකයා අභියාචනාධිකරණයේ සහන පතා පැමිණි කාරණය පසෙක තබා සහ ඒ සම්බන්ධව කරණු තහවුරු කිරීමට අවස්ථාව නොදීඅභියාචනාධිකරණයට සිංහල භාෂාවෙන් පෙත්සම් ඉදිරිපත් කළ හැකිද? යන්න සම්බන්ධව කරුණු විමසා අදාල නියෝගය එනම් සිංහල භාෂාවෙන් පෙත්සම් ඉදිරිපත් කළ හැකිද? යන්න සම්බන්ධ තීරණය කිරීමට මාස ගණනාවක් පසුව එන ඉදිරි දිනයක් ලබා දෙන බව කියා නඩුව කල් දැමීමෙන් බලවත් අයුක්තියක් අභියාචනාධිකරණය විසින් සිය සේවාදායකයාට සිදු කර ඇති බවත් පෙන්වා දෙනු ලැබීය. තවද සිංහල භාෂාවෙන් අභියාචනාධිකරණයේ නඩු පැවරීමට පුරවැසියන්ට ඇති අයිතිය වැළක්වීමක්/ අහිමිකිරිමක් මෙමගින් සිදු කර ඇති බවත් සිංහල භාෂාවෙන් පෙත්සම් ඉදිරිපත් කිරීමට බාධා කර ඇති බවත් එය ආණ්ඩුක්‍රම ව්‍යවස්ථාව මගින් ආරක්ෂා කර ඇති භාෂා අයිතිවාසිකම් සීමා කිරීමක් සහ අහිමි කිරීමක් බවත් වැඩිදුරටත් නීතීඥවරයා ශ්‍රේෂ්ඨාධිකරණයට පෙන්වා දෙන ලදී.
එකී කරුණුවලට සවන් දීමෙන් පසු මහාධිකරණ නඩුවේ සියලු නඩු කටයුතු ශේෂ්ඨාධිකරණ නඩුව අවසන් වන තෙක් අත්හිටවීමට සහ සිංහල භාෂාවෙන් අභියාචනාධිකරණයට ඉදිරිපත් කළ පෙත්සමට අදාල නඩුකටයුතු ඉදිරියට පවත්වාගෙන යන ලෙස නියෝග කරමින් එකී නියෝග කොළඹ මහාධිකරණයේ රෙජිස්ට්‍රාර්වරයාට සහ අභියාචනාධිකරණයේ රෙජිස්ට්‍රාර්වරයාට දැනුම් දෙන ලෙසත් ශ්‍රේෂ්ඨාධිකරණය විසින් නියෝග කර ඇත.
කොළඹ දිස්ත්‍රික් ජල සම්පාදන ව්‍යාපෘතියේ මූලික ඇස්තමේන්තු ගත මුදලට පරිභාහිරව එම ව්‍යාපෘතිය වෙනුවෙන් රුපියල් කෝටි 2450ක අතිරේක ඇස්තමේන්තුවක් ඉදිරිපත් කරමින් කොළඹ දිස්ත්‍රික් නැගෙනනහිර ජල සම්පාදන ව්‍යාපෘතියේ අධ්‍යක්ෂක එම් ටී එම් රශිල් රුපියල් කෝටි පනහකට අධික මුදලක් ගසා කා තිබේන බව රජයේ විගණකාධිපති දෙපාර්තමේන්තුව මගින් සිදු කෙරුණු විගණන පරීක්ෂණයේදී හෙළි වීතිබේ.
ජල සම්පාදන සහ නගර සැලසුම් අමාත්‍ය රාහුෆ් හකීම් මහතා යටතේ පවතින ජාතික ජල සම්පාදන සහ ජලාපවාහන මණ්ඩලය මගින් ක්‍රියාත්මක කෙරෙන කොළඹ දිස්ත්‍රික් නැගෙනහිර ජල සම්පාදන ව්‍යාපෘතියෙන් අදාළ බලධාරීන් මේ අකාරයට මුදල් ගසා කා ඇති බවයි එම වාර්තා පෙන්වා දෙන්නේ.
මේ ව්‍යාපෘතියේ මූලික සහ අතිරේක ඇස්තමේන්තුවට අදාළව එම් ටී එම් රශීල් මහතා ඉදිරිපත් කර ඇති රුපියල් කෝටි ගණනක බිල් පත් සම්බන්ධයෙන් රජයේ විගණන අංශ දැනට සිදු කර ඇති විශේෂ විමර්ශනය මගින් සොයා ගෙන ඇත්තේ ඒ බිල් පත් අතර තිබෙන ව්‍යාජ සහ වංචා සහගත බිල් පත්වල වටිනාකම රුපියල් කෝටි 40 ඉක්ම වන බවය.
මේ මහ පරිමාණ හොරකම සම්බන්ධයෙන් ජාතික ජල සම්පාදන සහ ජලාපවහන මණ්ඩලයේ සභාපති එම් කේ අලහුදීන් අන්සාර්,කොළඹ දිස්ත්‍රික් නැගෙනනහිර ජල සම්පාදන ව්‍යාපෘතියේ අධ්‍යක්ෂක එම් ටී එම් රශිල්,එම මණ්ඩලයේ සාමාන්‍ය අධිකාරී,අදාළ ව්‍යාපෘතිය භාර අතිරේක සාමාන්‍ය අධිකාරී, ප්‍රධාන ඉංජිනේරුවන් සහ ව්‍යාපෘති ඉංජිනේරුවන් වග කිව යුතු බව විගණන වාර්තාව මගින් චෝදනා කරනු ලැබ තිබේ.
ජාතික ජල සම්පාදන මණ්ඩලයේ සභාපතිවරයාගේ අනුදැනුම සහ සහයෝගය යටතේ ඒ සියලු දෙනා වෙනුවෙන් මේ දූෂණ,වංචා සහ අක්‍රමිකතා සිදු කර ඇත්තේ අදාළ කොළඹ දිස්ත්‍රික් නැගෙනනහිර ජල සම්පාදන ව්‍යාපෘතියේ අධ්‍යක්ෂක එම් ටී එම් රශිල් මහතා බව ද විගණන පරීක්ෂණය මගින් ඔප්පු කර ඇත.
Published on: Mar 27, 2018 – වසර 15ක පමණ කාලයක් හන්තාන ජාත්‍යන්තර බෞද්ධ මධ්‍යස්ථානය පවත්වාගෙන ගිය අක්කර 148කට අධික හන්තාන රක්ෂිතයේ අක්කර 14ක ප්‍රමාණයක් බලහත්කාරයෙන් සහ ව්‍යාජ අන්දමින් ආණ්ඩුවේ ප්‍රබලයෙකු හොටල් ව්‍යාපෘතියක් සදහා පවරා ගැනිමට කටයුතු කරමින් සිටින බවට 2047 වසරේ ඔක්තෝබර් 20 වැනිදා අනාවරණය කල අතර හදිසියේම පසුගියදා පොලිස් ආරක්ෂාවද සහිතව පැමිනී ආණ්ඩුවේ ප්‍රබලයාගේ හෙංචයි මැර කණ්ඩායමක් මෙම විහාරස්ථානය සම්පුර්ණයෙන්ම විනාශයට පත්කර දමා තිබේ.
මෙම විහාරස්ථානයේ කුටි , දාන ශාලාව , බුද්ධ මන්ධිරය , බෝදීන් වහන්සේ ඇතුළුව සියල්ල ප්‍රදේශවාසී දායක දායිකාවන්ගේ ආධාර උපකාර මත ගොඩ නගන ගොඩනැගිලි රැසක් මැර කණ්ඩායම විසින් විනාශ කර දමා තිබේ.
විහාරස්ථානයක් බිමට සමතලා කල නරුමයින් කුට ලේඛන යොදා දමා තිබු නඩුවද පසුගියදා උසාවියෙන් ඉල්ලා අස්කර ගෙන ඇත්තේ ඉඩම් ප්‍රතිසංස්කරණ කොමිෂන් සභාව මේ පිළිබද නීතිමය ක්‍රියාමාර්ග වලට එලබීමත් සමගය.
ඉඩම් ප්‍රතිසංස්කරණ කොමිෂන් සභාව මෙම ඉඩම් වංචාව සම්බන්ධව පිටු 8 කින් යුතු මුලික විමර්ශන වාර්තාවක් සිදු කර බාරදීමට කටයුතු කල අතර මේ සම්බන්ධව කුපිතවූ වංචනිකයින් දේශපාලන මෙදිහත්වීම යොදා පරීක්ෂණ සිදුකරන ඉඩම් ප්‍රති සංස්කරණ කොමිෂන් සභාවේ සභාපතිවරයාව ඉවත්කිරීමට වෙහෙසක් දරමින් සිටී.
ඉඩම් කොල්ලකරුවන් හන්තාන ජාත්‍යන්තර බෞද්ධ මධ්‍යස්ථානය විනාශ කර දමා තිබු අයුරු..
2008 වසරේ දී ජාතික නිවාස සංවර්ධන අධිකාරියේ හා ඉඩම් ප්‍රතිසංස්කරණ කොමිෂන් සභාවේ අවසරය මත ආරම්භ කල හන්තාන ජාත්‍යන්තර බෞද්ධ පුස්තකාල විහාරස්ථානය ආරම්භ කරන ලද අතර පසුව 2017/04/26 වන දින නිකුත් කරනලද ගැසට් පත්‍රයෙන් මෙම ඉඩම පෞද්ගලික හිමිකරුවෙකුට පවරා ඇත්තේ කිසිදු වග විභාගයකින් තොරව වන අතර එම පුද්ගලයා විසින් අවස්ථා ගණනාවකදි මැර කණ්ඩායම් යොදා ස්වාමින්වහන්සේලා භීතියට පත්කිරිමට කටයුතු කල අතර පසුව එම මැර තර්ජන වලින් භීයට පත් කිරිමට නොහැකි විමත් සමග අවසානයේ විහාරස්ථානය ඉලක්ක කර මැර ප්‍රහාරය එල්ල කර සියලුම ගොඩනැගිලි විනාශ කර දමා තිබේ.
අදාළ ඉඩම 1987 වර්ෂයේදි එවකට ජනාධිපතිව සිටි ජේ.ආර් ජයවර්ධන මහතා විසින් අති විශේෂ ගැසට් පත්‍රයක් හරහා නිවාස අධිකාරියට පවරා දුන් අතර වත්මන් යහපාලනය බලයට පත්විමත් සමග ඉතාමත් කූට ආකරයට එම ඉඩමේ අක්කර 14ක ප්‍රමාණයකට හොර ඔප්පුවක් සාදා නිවාස අධිකාරියට පවරා දුන් ඉඩමක් පවරා ගැනිමට නෛතීක බලයක් නොමැතිව තිබියදි විශේෂ ගැසට් පත්‍රක් හරහා එම කොටස හොටල් ව්‍යාපෘතියක් සදහා පවරාදිමට කටයුතු කරමින් සිටි.
මහනුවර හන්තාන බෞද්ධ ධර්ම පුස්තකාල විහාරස්ථානය සහිත පුජා භුමිය කුට ලේඛන තුලින් හෝටල් ව්‍යාපෘතියකට බිලියන ගණනකට විකිණීමට දරන උත්සාහය පිලිබදව රට හමුවේ අපි අවස්ථා ගණනාවකදි හෙළි කල අතර ඉඩම් පති සංස්කරණ කොමිෂන් සභාවේ විමර්ශනය තුලින් ද මෙම කරුණු අනාවරණය වී ඇත.
මෙම හොර ඔප්පුවේ නම සහිත හිමි කරු සිටින්නේ ඉතාලියේ බවත් මේ ක්‍රියාන්විතය සිදු කරන්නේ ඇටෝනි බලපත්‍රයකින් වන අතර එය කිසි වෙකු දැක නැති විම මවිතයට පත්වන කාරණයකි.
මේ වනවිට මුලික විමර්ශන කමිටු නිලධාරී නීතීඥ BAW අබේවර්ධන මහතා මෙම සියලු කරුණු හෙළිකර ඇති අතර මේ වනවිට ඔවුන්ටද මැරයින් තර්ජනය කරමින් සිටී.
අප මිට පෙර කල අනාවරණය ……..
http://198.211.112.164/archives/16068
මුලික විමර්ශන නිළධාරි BAW අබේවර්ධන මහතාගේ වාර්තාව …
රනිල්ට එරෙහි විස්වාසබංගයට සහය පලකරමින් සිටින ශ්‍රී ලංකා නිදහස් පක්ෂයේ ප්‍රබල අමාත්‍යවරුන් සිව් දෙනකුට සහ ප්‍රබලම රාජ්‍ය අමාත්‍යවරයකුට එල්ල වී තිබෙන දුෂණ,වංචා සහ අක්‍රමිකතා සම්බන්ධයෙන් වහාම ක්‍රියාතමක වන පරිදි පරීක්ෂණ ආරම්භ කිරීමට කටයුතු යොදා තිබේ.
ඔහුන් සම්බන්ධයෙන් දැඩිව නීතිය ක්‍රියාත්මක කරන ලෙසට ජනාධිපති මෛත්‍රීපාල සිරිසේන නීතිය සහ සාමය පිළිබඳ අමාත්‍ය රංජිත් මද්දුමබණ්ඩාර මහතාට ඊට අදාළ උපදෙස් සියල්ල ලබා දී තිබේ.
අදාළ ශ්‍රිලනිප අමාත්‍යවරුන්ට එරෙහිව මහින්ද රාජපක්ෂ පාලන සමයේදී සිදු කළ චෝදනා එල්ල කරමින් අල්ලස් හෝ දූෂණ විමර්ශන කොමිසම සහ FCIDය හමුවේ දුෂණ,වංචා සහ අක්‍රමිකතාවලට අදාළ පැමිණිලි රැසක් ඇති අතර ඒ සම්බන්ධයෙන් ඉක්මන් පරික්ෂණයක් කරන ලෙසටයි aඅමාත්‍යවරයාටනියෝග කර ඇත්තේ.
විශ්වාසභංග යෝජනාව ගැන විවිධ කතා පැතිර යනවා. මෙහි පීතෘත්වය ගන්න ද නොගන්න ද කියලා මහා විද්වතුන් කල්පනා කරනවා. ඒ සාර්ථකත්වය ගැන හරියට ම කියන්න බැරි නිසා. මා පළමු කොට ම කිව යුත්තක් නම් විශ්වාසභංග යෝජනාව මගේ අදහසක් නොවන බව ය. එය කාගේ අදහසක් වුණත් මා එයට සහාය පළ කරනවා. එය ජයග්‍රහණය කරනු දැකීම, රනිල්ගේ ආණ්ඩුව අහෝසි වී වෙනත් අයකු අගමැති ධුරය දරණ ආණ්ඩුවක් පිහිටුවනු දැකීම මගේ අභිලාෂයයි. ඒ නව අගමැති කවුරුන් විය යුතු ද යන්න මා පිළිවෙළින් කියා ඇති.
ඊයේ විද්වතකු පුවත්පතකට ලිපියක් ලියා තිබුණා. විශ්වාසභංගයේ වැල ගිය මුල ගිය තැන් පහදා දීමට. ඔහු මූලාශ්‍ර නම් ඉදිරිපත් කර තිබුණේ නැහැ. එහෙත් විශ්වවිද්‍යාලයක අධ්‍යයන අංශයක අංශ ප්‍රධානියකු ලියන ලිපියක් පසුව වෙනත් අයකුට මූලාශ්‍රයක් වෙනවා. මූලාශ්‍රවලට යම් ආධිපත්‍යයක් ලැබීමේ දී එහි කතුවරුන්ගේ තරාතිරම ද බලපානවා. මේ අංශාධිපති මා හැර අනෙක් හැමෝ ම සතුටු කරන්න උත්සාහ දරනවා. ඒ නිසා ඔහුට පැහැදිලි ව යමක් කියන්න බැහැ. ඊයේ ලිපියත් එසේමයි.
ලිපියට අනුව රනිල් ඉවත් කිරීමේ කතාව බොහොම පැරණියි. එය බැඳුම්කරය දක්වා දිව යනවා. නොව පැරණිය වන රමණිය ලෙස කියැවෙන කැලණිය මෙන් රනිල් ඉවත් කිරීමත් දිනෙන් දින රමණිය වනවා. ඒ සඳහා විවිධ රමණීය කතන්දර ගෙතෙනවා. එය පැරණි එහෙත් පැරණි නොවන කතාවක් බවට පත් කරනවා. අප නොදන්නා කරුණු අංශාධිපතිවරු දන්නවා. එහෙත් මා අංශාධිපතියකු ව සිටි අවධියේ නම් එසේ වූයේ නැහැ. මා කියන දේට කිසිම වැදගත්කමක් ලැබුණේ නැහැ. ජී එල් පීරිස්ගෙන් අහන්න. එසේ කීමේ වරදක් නැහැ. ඔහු තමයි ඒ ගැන දන්නා ප්‍රධාන ම පුද්ගලයා. මෛත්‍රිපාල ආණ්ඩුවෙන් ඉවත් වීමට ප්‍රධාන හේතුව කවුද යනු දන්නා හොඳ ම පුද්ගලයා මෛත්‍රිපාල.
ඒ මොකක් වුණත් රනිල් ඉවත් කිරීමේ අදහස බැඳුම්කරය දක්වා දිව යන බවට අංශ ප්‍රධානිට සාක්‍ෂි තියෙනවා ද? මා නම් රනිල් ඉවත් කළ යුතු බව කියන්නේ ඔහු පත් වී දින කිහිපයකින්. ඒ බවට එව බලව වැනි සංවිධාන සාක්‍ෂි කියාවි. මට වෙනත් මූලාශ්‍ර නැහැ. මා රනිල් ඉවත් කළ යුතු බව කියන්නේ ඔහු ඩොයිලි කෙනකු නිසා. ප්‍රවෘත්ති (නාට්‍යය) බලා මුතුකුඩ නාට්‍යය බලන විට වර්තමානය අතීතයේත් තිබී ඇති බව පැහැදිලි වෙනවා. රනිල් පත් කිරීමත් නීති විරෝධී ලෙසයි මා ඒ දිනවල සිතා සිටියේ. එහෙත් පසුව තේරුණා එය නීති විරෝධි නැති බව. රනිල් දිවුරුම් දීම සටහන් කරගත් කැමරා ශිල්පීන් නුදුටු දෙයක් විස්තර ප්‍රචාරකයන් නොකී දෙයක් සිද්ධියට ඈතින් සිටි අයකු දකින්න විධියක් නැහැ. එසේ දැක්කා යැයි කියනවා නම් ඒ දීකිරට බළල්ලුත් සා’ක්‍ෂි වැන්නක්.
විද්වතාට අනුව මෙයට පෙර රනිල්ට විරුද්ධව විශ්වාසභංග යෝජනාවක් බැඳුම්කරය සම්බන්ධයෙන් ගෙනැල්ලා. ඒක මා දැන ගත්තෙ ඊයෙ ඒ විද්වත් ලිපිය කියවීමෙන්. ඒක අර දි මු ජයරත්න අස්කළ ලිපියට මෛත්‍රිපාල ජනවාරි 9 වැනි දා අත්සන් කෙළේ යැයි කියනවාටත් වඩා එහා ගිය එකක්. විද්වතා කියන්නේ විශ්වාසභංග යෝජනාව පාර්ලිමේන්තුවට ගෙන ඒම වැළැක්වීමට මෛත්‍රිපාල පාර්ලිමේන්තුව විසුරුවා හැරිය බවයි. ඒ ගැන සඳහන් වී ඇති තැනක් කියනවා ද? මා මූලාශ්‍ර ඉල්ලන්නේ නැහැ. මට මතකය වැරදි නම් නිවැරදි කර ගන්න පමණයි. මගේ මතකය වැරදි වෙන්න පුළුවන්.
මට මතක හැටියට පාර්ලිමේන්තුව විසුරුවා හැරුණේ ඩිව් ගුණසේකර කෝප් වාර්තාව පාර්ලිමේන්තුවට ගෙන ඒම වැළැක්වීමටයි. ඒ දවස්වල මෛත්‍රිපාල ක්‍රියා කෙළේ රනිල්ට හා චන්ද්‍රිකාට ඕන විධියටයි. මා ඩිව් ගුණසේකර වාර්තාව ප්‍රසිද්ධ කරන ලෙස ඉල්ලා අධිකරණයට ගිය බවත් මට මතකයි. හඳුන්නෙත්ති ඒ වාර්තාව පැත්තකට දාලා ඔහුගේ ම වාර්තාවක් ඉදිරිපත් කළා. ඩිව් ගුණසේකරත් තම වාර්තාව සමාජයට කාන්දු වෙන්න ඉඩ ඇරලා නැහැ. ඔවුන් හොඳ මහත්වරුන්!
නැවත නැවතත් පෙබරවාරි 10 වැනි දා ආණ්ඩු අස්ථාවර වූ බවක් පඬියන් කියනවා. විශ්වාසභංගයට ආණ්ඩු අස්ථාවරත්වය හේතුවක්ලු. ඒ කියන්නේ අර කලින් ගෙනාවා කියන විශ්වාසභංගයට පෙබරවාරි 10 බල නොපෑ බව ද? විද්වත් අංශාධිපති 19 වැනි ව්‍යවස්ථා සංශෝධනයට තුනෙන් දෙකක් ලැබුණු බව කියනවා. ඒ කාලෙ රනිල්ගෙ ආණ්ඩුවට තුනෙන් දෙකක් නොතීබූ බවත් තුනෙන් දෙක ලැබීම ස්ථාවර දෙයක් නොවන බවත්න කියනවා. රනිල්ට තුනෙන් දෙකක් තබා පාර්ලිමේන්තුවේ් තුනෙන් එකක්වත් තිබුණේ නැහැ. පහෙන් එකක් නම් තියෙන්න ඇති. එහෙත් තුනෙන් දෙක ලැබුණෙ විද්වතා කියන සෝභිත හාමුදුරුවො හින්ද නො වෙයි, මහින්ද හින්දයි. පවිත්‍රා වන්නිආරච්චි ඒ බව කියා තිබුණා.
දැන් විද්වතා කියනවා 2015 අගෝස්තුවෙ සංධානයෙන් තරග කෙළෙත් රනිල් පරද්දන්නලු. එකල මෛත්‍රිපාල ජනාධිපති වෙලා හිටියෙ. එපමණක් නො වෙයි. මෛත්‍රිපාලට ශ්‍රී ල නි ප සභාපතිකමත් දීලා තිබුණෙ. සංධානයෙ නායකයත් මෛත්‍රිපාල. ඒ මෛත්‍රිපාලගෙ නායකත්වයෙන් මේ අය තරග කළා රනිල් පරද්දන්න! අන්තිමට රනිල් දිනුවා විතරක් නොවෙයි පසුව පිහිටුවා ගත් ඒකාබද්ධ විපක්‍ෂෙට විරුද්ධ පක්‍ෂෙ නායකකමවත් ලැබුණෙ නැහැ. මේ ඉතා ම දරුණු ගණයේ දේශපාලන වැරදි ගණන් බැලීම්.
ආණ්ඩුවේ අස්ථාවරත්වයට හේතුව රනිල් මෛත්‍රිපාල විරසකය වර්ධනය වීම. ඒ බව මා පෙරේදා ලිපියේ තේරුම් කර දී ඇති. ඒ දේශපාලන වෙනස ඔය විද්වතුන් තේරුම් ගන්නෙ නැහැ. විරසකය වර්ධනය වීමත් සමග එය ප්‍රයෝජනයට ගෙන රනිල් ඉවත් කිරීමට මෛත්‍රිපාල ශක්තිමත් කළ යුතු යැයි මා කී දේ පළාත් පාලන ආයතනවල මෛත්‍රිපාල මහින්ද එකතුවක් බවට ලඝු කෙරුණේ පොහොට්ටුවේ පඬියන් විසින්. මා අදවත් මහින්ද මෛත්‍රිපාල පළාත් පාලන ආයතනවල එකතුවක් ගැන කියන්නෙ නැහැ. පළාත් පාලන ආයතනවල සභාපතිකම් තීරණය වන්නේ ප්‍රාදේශීය හේතු මත. මීගමුවේ මෛත්‍රිපාලගෙ පිරිස ක්‍රියා කරන ආකාරයට නොවෙයි සීදුව කටානෙ දි ක්‍රියාත්මක වන්නෙ. මා දැක්කා එක් ප්‍රාදේශීය සභාවක පොදු ජන පෙරමුණේ මන්ත්‍රීවරයකු ම පොදු ජන පෙරමුණු අපේක්‍ෂකට සභාපති වීමට ඡන්දය දී නොමැති බව. ඒ ප්‍රාදේශීය හා පෞද්ගලික ගැටුම්. එහෙත් මා කියා සිටිනවා මහින්දටත් මෛත්‍රිපාලටත් පෙබරවාරියෙ ලැබුණු ඡන්දවලින් බහුතරය ජාතිකත්ව ඡන්ද බව.
විශ්වාසභංග යෝජනාව අප්‍රේල් හතරවැනි දා ජයග්‍රහණය කරනු දැකීම මගේ බලාපොරොත්තුවයි. එහෙත් මගේ විශ්වාසය රනිල් ඉවත් කිරීමට ආණ්ඩුක්‍රම ව්‍යවස්ථාවේ 43 (3) යොදා ගත යුතුව තිබූ බවයි. ඒ සඳහා අවශ්‍ය ශක්තිය මෛත්‍රිපාලට ලැබුණෙ නැහැ. මෛත්‍රිපාලට විශ්වාසභංගයක් මගින් ශක්තිය ලබා දීම එයට වඩා සංකීර්ණයි. එහි දී අවශ්‍යතා රාශියක් සපුරාලිය යුතුයි. අද කළ යුත්තේ ඒ අවශ්‍යතා සපුරා ගැනීමට කටයුතු කිරීම මිස රනිල් ඉවත් කිරීම නොව පැරණීය වන රමණිය බවට පත්කරන බොරු ඉතිහාස කතන්දර ගොතන එක නො වෙයි.
Published on: Mar 24, 2018- Lankanewsweb.today වෙබ් අඩවිය අවස්ථා ගණනාවකදි තහනමට ලක්කිරිම පසුපස ජනාධිපතිවරයාගේ ගේදර පිලිකන්නේ ඉදුල් බුදින හිටපු ජනමාධ්‍ය ලේකම්ගේ නිමල් බෝපගේ සිටින බව අප සාක්ෂී සහිතව අනාවරණය කල අතර පසුව කොම්ඩම් තියරියට හසුවු නිමල් බෝපගේ ජනාධිපති අතිරේක ලේකම් ධූරයේ සහ පසුව ජනමාධ්‍ය අමාත්‍යංශයේ ලේකම් ධුරයෙන්ද දොට්ට වැටුන බෝපගේ තමන් අවසාන වතාවට දරමින් සිටි භු විද්‍යා සමීක්ෂණ හා පතල් කාර්යාංශයේ සභාපති කමෙන්ද දොට්ට වැටුනේ ආපසු වැටෙන්නට තැනක්ද ඉතුරු නොකරගෙනය.
ජනාධිපතිවරයාට දාව දරුවෙකු මෙන් ගොට්ට අල්ලමින් සිටි නිමල් බෝපගේ වැන්නෙකු හදිසියේම කොම්ඩම් තියරියට ලක්විම පිළිබඳව අප විශේෂ වාර්තාකරු කල සොයා බැලිමේදි නිමල් බෝපගේ හදිසියෙම දොට්ට වැටිමේ හේතුව අනාවරණය වි තිබේ.
නිමල් බෝපගේ භු විද්‍යා සමීක්ෂණ හා පතල් කාර්යාංශයේ සභාපති ධුරය දරමින් සිටි සමයේ පසුගිය මැතිවරණය සමය ආරම්භ විමට කලින් සමයේ දිනක් නිමල් බෝපගේට ජනාධිපති දියණිය වන චතුරිකා සිරිසේනගෙන් කැදවිමක් ලැබි ඇති අතර එම කැදවිමට අනුව ඇය හමුවිට නිමල් යන අවස්ථාවේ ඇය සමග තවත් පුද්ගලයෙකු එම ස්ථානයේ සිට තිබේ.
අදාළ පුද්ගලයාද(ඔහුගේ නම පසුවට) ලග තබා ගනිමින් ලංකාවේ ප්‍රධාන භූ සම්පත් වන පොස්පෙට් සහ ඉල්මනයිට් නිධිය සහ තවත් ප්‍රධානතම භූ සම්පතක් කැඩිමට අදාළ අවසර පත්‍රයන් ඇය ලග සිටින පුද්ගලයාට වහාම ලබා දෙන ලෙසට නියෝග කර තිබේ.
කෙසේවෙතත් එයට දැඩි ලෙස විරෝධය දක්වා ඇති නිමල් බෝපගේ චතුරිකාට පවසා ඇත්තේ තමන්ට අදාළ භූ සම්පත් සදහා අවසර පත් ඒ අකාරයට නිකුත් කල නොහැකි බවත් ඒ සදහා නිසි ක්‍රමවේදයක් ඇති බවත් ඒ අනුව ජාත්‍යන්තරව ටෙන්ඩර කැදවිමේ ක්‍රමවේදයක් භාවිතා කිරිමට හැකියාව ඇති බවද පෙන්වා දි තිබේ.
ඒ සමග නිමල් බෝපගේට චතුරීකා බැන වැදි ඇති අතර එහිදි ඇය බැණ වැදි .ඇත්තේ.. “තමුසේ මම කියන දේ කරනවා …වෙන පණ්ඩිත කම් තමුසෙට වැඩක් නැනේ…. තමුසේ කොහොමත් දගලනවා වැඩි ….” යනුවෙනි.
නිමල් බෝපගේ යනු මල පැණීම හේතුවෙන් හත් පොළේ ගා ගන්නා මොඩයෙකි
“මේ මැඩම් මට ඔයාට දෙකක් කියන්න පුලුවන්…එත් .. එත් මම එහෙම කැ ගහන්නෙ නෑ … මොකද මම කටවහගෙන ඉන්නේ මගේ අම්මා,තාත්තා මාව ඒ විදියට හදලා තියන්නේ…. මම රාජ්‍ය නිළධාරීන්යෙක් මේ හැමදෙයම් කරන්න ක්‍රමවේදයක් තියෙනවා… ඔයා ජනාධිපතිගේ දුව උනාට කමක් නෑ ….. “(හඩ පටය ඇසෙන්නේ නැත…)
ඒ සමගම චතුරිකා පවසා ඇත්තේ….. “තමුසේ කරලා තියේන දෙවල් මම දන්නවා …. තමුසේව හිරේ යවන එක මහ දෙයක් නෙවේ …..මම තමුසේව හිරේ යන්න කලින් ගෙදර යවනවා ..” යනුවෙන් කෑ ගසා තිබේ.
ඒ සමගම නිමල් බෝපගේ කෑ ගසමින් කියා ඇත්තේ….
“අනේ මේ චතුරිකා ඔයා පොලොන්නරුවේ ඉන්නකොට ඔයාලාගෙ බඩ තිබුනේ පිටේ ඇලිලා… ඔයාලාට යන එන මං නැතුව ඉදලා දැන් මේතන කෑ ගහන්න එන්න එපා….” යනුවෙන් කෑ ගැසු නිමල් බෝපගේ තරහින්ම නැගිට ගොස් ඇති අතර ඒ ආ ගමන නිමල් බෝපගේ අවසන් ගමනය….
~~පිළිතුරු දිමේ අයිතිය~~
හිත රිදුනානම්,බොරුවක් කියලා හිතනවානම් දැන්ම ලියන්න.පිළිතුරු දිමේ අයිතිය තහවුරු කර තිබේ.- lankanewsweb.today@gmail.com
http://198.211.112.164/archives/16837
http://198.211.112.164/archives/17553
Published on: Mar 23, 2018- http://198.211.112.164 වෙබ් අඩවිය හරහා පසුගියදා අප කල අනාවරණය “රුසියානු කෙල්ලන් සමග හුරතල් වි BMW ඇලට දැමු VVIP පුත්‍රයා කවුද?” පුවතට සමාජ ජාලා හරහා 10.8k Shares තිබු link එක සමාජ ජාලා කෝටි ගණනක් මුදලක් වැය කර ඉවත් කිරිමට කටයුතු කර ඇති අතර පසුගිය කාලසිමාව තුල ආණ්ඩුව විසින්ම ඇතිකල ජාතිවාදයට මුවාවෙන් උදුරාගත් තොරතුරු දැන ගැනිමේ ජනතාවගේ අයිතියට මරු පහරක් මේ හරහා එල්ල කර තිබේ.
මේ වනවිට “රුසියානු කෙල්ලන් සමග හුරතල් වි BMW ඇලට දැමු VVIP පුත්‍රයා කවුද?” යන පුවතට අදාල link එක වන http://198.211.112.164/archives/17741 සමාජ ජාලා ( Facebook) හරහා Shares කිරිමද අවහිර කර තිබේ.
දැන් ප්‍රශ්ණය වෙනම එකකි පසුගියිදා සිරිසේන -රනිල් කල්ලිය දිගන,තෙල්දෙණිය ප්‍රදේශයේ රාජ්‍ය ත්‍රස්තවාදය යොදා ගනිමින් ජාතිවාදය අවුස්සා එය දඩමිමා කරගනිමින් සමාජ ජාලා ( Facebook) සතියක පමණ කාලයක් අවහිර කරමින් නැටු ජොගිය දැන් තහවුරුය. සිරිසේන-රනිල් පන්නයේ දැක්මක් නොමැති නොහැකියාවෙන් පෙලෙන උන්ගේ සුපුරුදු මාධ්‍ය වාරණ ජුන්ටාව මේ හරහා තහවුරු වෙමින් තිබේ.
අපවිසින් අනාවරණය කළ සහ ප්‍රශ්ණ කල “රුසියානු කෙල්ලන් සමග හුරතල් වි BMW ඇලට දැමු VVIP පුත්‍රයා කවුද? ඇත්ත වහන්න හැදුවොත් CCTV දර්ශණ එලියට දානවා…” පුවතින් කිසිවෙකුගේ නමක් ගමක් හෝ අනාවරණය කර නෑ. සියල්ලටම වඩා රටේ ජනතාවගේ බදු මුදල් කබාසිනියා කරමින් රටම විකුණනා අම්බරු දේශපාලකයින් පිළිබඳව අනාවරණය කිරිම රටේ ජාතිවාදයට උඩ ගෙඩි දෙන්නක්ද?… නැත. ඒ අනුව තමන්ගේ පැවැත්ම වෙනුවෙන් තමට එරෙහි මතවාදය මුදලට ගැනිමට නොහැකි නම් එය වෙනත් අකාරයකට හෝ මර්දණය කිරිම ආණ්ඩුවේ යාන්ත්‍රනය බවට පත්කරගෙන තිබේ.
අවස්ථා ගණනාවක lankanewsweb.today වෙබ් අඩවිය තහනමට ලක්කිරිමට කටයුතු කල අයුරු අපගේ පාඨකයන්ට අමතක් නැත.කුප්ප, තුප්පහී දේශපාලන කරන පාලකයන් වටේ සිටින අට පාස් නැති අවලං හැතිකරයට අප මේ මොහොතේ දැඩි ලෙස අනතුරු අගවා සිටින්නට කැමතිය.ඒ ඔබලාගේ වලවල් ඔබලා විසින් කපාගෙන අවසන් බවය. සමාජ ජාලා තහනම් කිරිමට කටයුතු කල අවස්ථාවේ ඒ වෙනුවෙන් පෙනී සිටි මුදලට කඩේ යන අමනයන්ද මේ ක්‍රියාවලිය හරහා පාඩමක් ඉගෙන ගත යුතුය. එනම් ආණ්ඩුවේ ජාතිවාදය,ආගම් වාදය හෝ වෙනත් ඔනෑම වාදයක් යොදවා ගන්නෙ තමන්ගේ පැවැත්ම වෙනුවෙන් මිස වෙනත් කරුනක් වෙනුවෙන් නොවන බවය.
සටහන…
අදාල පුවත් සමාජ ජාලා ( Facebook) මගින් ඉවත් කිරිම සදහා භාවිතා කර ඇති උපක්‍රම පිළිබඳව අප මෙ වනවිට අදාල ප්‍රධානින්ගෙන් විමසා ඇති අතර ඊට එරෙහිව කඩිනමින් පියවර ගැනිමට අප කටයුතු කරන බවද දැනුම් දෙමු.
Published on: Mar 22, 2018- අග්‍රාමාත්‍ය රනිල් වික්‍රමසිංහ මහතාට එරෙහි විශ්වාස භංග යෝජනාව පාර්ලිමේන්තුවේදී සාර්ථක කර ගැනීමට හැකි වුණොත් නව අග්‍රාමාත්‍යවරයා ලෙස නීතිය,සාමය සහ රාජ්‍ය පරිපාලන අමාත්‍ය රංජිත් මද්දුමබණ්ඩාර මහතා පත් කිරීමේ සැලසුමක් රනිල් විරෝධී පිළ මේ වන විට ක්‍රියාත්මක කරමින් සිටින බව අප දේශපාලන වාර්තාකරු සදහන් කළා.
ශ්‍රී ලංකා නිදහස් පක්ෂයේ මන්ත්‍රීවරුන් පිරිසක් සමෘද්ධි අමාත්‍ය එස් බී දිසානානයක මහතාගේ නිවසේදී පසුගිය (19) රාත්‍රියේ හමුවී මේ සම්බන්ධයෙන් ද අග්‍රාමාත්‍ය රනිල් වික්‍රමසිංහ මහතාට එරෙහි විශ්වාස භංගයේ ප්‍රගතිය සහ ඉදිරි දේශපාලන උපාය උපක්‍රම පිළිබඳව ද දීර්ඝ වශයෙන් කරුණු සාකච්ඡා කර ඇති අතර එහිදි අග්‍රාමාත්‍ය ධූරය සඳහා රංජිත් මද්දුමබණ්ඩාර මහතා පත් කිරීම සම්බන්ධයෙන් ශ්‍රී ලංකා නිදහස් පක්ෂයේ මන්ත්‍රීවරුන් කණ්ඩායමක් ද මේ වන විටත් සිය එකඟතාවය පළ කර තිබේ.
ඒ අනුව අග්‍රාමාත්‍ය රනිල් වික්‍රමසිංහ මහතාට එරෙහි විශ්වාස භංගය සාර්ථක වුණොත් අග්‍රාමාත්‍ය ධුරය ඒකාබද්ධ විපක්ෂයට යාම වැළැක්වීම මෙම මෙහෙයුමේ එකම අරමුණ වි තිබේ.
මද්දුමබණ්ඩාර,මෛත්‍රී අතර ඩිල් එකක්??
රංජිත් මද්දුම බණ්ඩාර යනු මීට කලකට පෙර දී එ. ජා. ප. ය තුළ රනිල් වික්‍රමසිංහ නායකත්වයෙන් ඉවත් කිරීමට දියත් කළ රනිල් විරෝධී ව්‍යාපාරයක ප්‍රබල චරිතයක් වන අතර ඔහුට පසුගියදා හදිසියේම ජනපති සිරිසේන විසින් නීතිය හා සාමය අමාත්‍ය ධූරය ලබාදිමටද කටයුතු කළා.
තමන්ට පාලනය කළ හැකි පුද්ගලයෙකුට නීතිය හා සාමය අමාත්‍ය ධූරය ලබා දීම ජනාධිපති සිරිසේනගේ අභිප්‍රායා වී තිබු අතර දැන් දැන් ගේම් එක වෙනත් අතකට යොමු වෙමින් තිබේන බවයි අප දේශපාලන වාර්තාකරු සදහන් කළේ.
එලියේ විස්වාසභංගයට කෑ ගහන අය ශ්‍රිලනිප මධ්‍යම කාරක සභාවේ තටමයි…
මේ අතර අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත් කිරීමට යන විශ්වාස භංග යෝජනාව සම්බන්ධයෙන් 20 වැනිදා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ශ්‍රී ලංකා නිදහස් පක්ෂ මධ්‍යම කාරක සභා සහ මන්ත්‍රී කණ්ඩායම් රැස්වීම්දී කිසිදු සාකච්ඡාවක් සිදුවී නෑ.
අග්‍රාමාත්‍ය රනිල් වික්‍රමසිංහ මහතාට එරෙහි විශවාස භංග යෝජනාවට ශ්‍රී ලංකා නිදහස් පක්ෂයේ අත්සන් එකතු කිරීමේ වගකීම භාර ගෙන සිටින සමෘද්ධි අමාත්‍ය එස් බී දිසානායක සහ ක්‍රීඩා අමාත්‍ය දයාසිරි ජයසේකර යන මහත්වරුන් ද මේ අවස්ථාවට එක්ව සිටියත් ඒ අයද මේ සම්බන්ධයෙන් කිසිදු අදහස් දැක්වීමක්,එහි ප්‍රගතිය වාර්තා කිරීමක් හෝ යෝජනා ඉදිරිපත් කිරීමක් කර නොමැති අතර විශවාස භංග යෝජනාව සාර්ථක කර ගැනීම සඳහා ඇප කැප වී ක්‍රියා කරන විද්‍යා සහ තාක්ෂණ අමාත්‍ය සුසිල් ප්‍රේමජයන්ත මහතා ද මේ රැස්වීම්වලට සහභාගී වී නොමැත.
ශ්‍රිලනිප+එජාප වෙනම ආණ්ඩු සෑදිම සම්බන්ධයෙන් අප කල අනවරණය…..
http://198.211.112.164/archives/14608
http://198.211.112.164/archives/16587
