Exclusive : Published on: Jan 15, 20200- බුද්ධි අංශ නියාමනය කිරීම සහ බලගැන්වීම සඳහා ජාතික බුද්ධි පනත(National Intelligence Act) නමින් නව පනතක් කෙටුම්පතක් සකස් කිරීමට කැබිනට් මණ්ඩල අනුමැතිය හිමි වී ඇති අතර එම පනත හරහා බුද්ධි අංශ ලෙස හදුන්වන සන්නද්ධ කණ්ඩායම් සදහා “මුක්තිය” හිමිකර දිම සදහා සුදානම් වන බව මේ වනවිට අනාවරණය වි තිබේන බව අපදේශපාලන වාර්තාකරු සදහන් කලා.
(2015 දි පැමිනි යහපාලනය රාජපක්ෂ දශකයේ ජාතික ආරක්ෂාව නාමයෙන් බුද්ධි අංශ ලෙස හදුන්වමින් ඝාතකයන් යොදාගනිමින් කල ඝාතන වල අවසන් කෙළවර බුද්ධි අංශ සාමාජිකයන් සිටිමත් ඔහුන්ට හිරබත් කැමට සිදුවිමත් හේතුවෙන් අලුත් ඝාතකයන්ට රැකවරණයක් අවශ්‍ය වි තිබිම මෙම පනත ගෙන එමට මුලිකවම බලපා තිබේ. )
ජාතික ආරක්ෂාවට බලපෑම් සිදුකරන ක්‍රියාකාරකම් පුරෝකතනය කර ඒවා වළක්වා ගැනීම පිණිස අවශ්‍ය බුද්ධි අංශ ගන්නා සියලුම නීතිමය මෙන්ම නීතියට පිටින් යන සියල්ලම මේ හරහා නියාමනය කරනු ලබන අතර සේනාධිනායකයාට ජාතික ආරක්ෂාව අවශ්‍ය පරිදි නිර්වචනය කිරිමටද හැකියාව ලැබෙනු ඇති බවයි අප දේශපාලන වාර්තාකරු අනාවරණය කලේ.
ජාතික ආරක්ෂාව සම්බන්ධයෙන් ශ්‍රී ලංකාවේ බුද්ධි ආයතන සුවිශේෂ කාර්යභාරයක් ඉටුකරන අතර එය තවදුරටත්
ශක්තිමත් කිරීමට මෙන්ම බුද්ධි අංශ මෙහෙයුම් ආශ්‍රිතව සිදුවන ක්‍රියාකාරකම් නියාමනය කිරීම, බුද්ධි අංශ තවදුරටත් බලාත්මක කිරීම සඳහා අවශ්‍ය නෛතික ප්‍රතිපාදන වැඩිකිරීම නව පනතේ අරමුණ බවයි කැබිනට් මණ්ඩලයට පණත ඉදිරිපත් කරමින් ආරක්ෂක අමාත්‍යවරයා වෙනුවෙන් ජනාධිපතිවරයා පෙන්වා දි තිබේ.
ලොකයේ ප්‍රධාන පෙළේ බුද්ධි අංශ කිසිවකට මුක්තිය හිමි නොවන අතර එවන් තත්ත්වයක් උදා වුවහොත් එය රටේ රාජ්‍ය පාලකයාගේ කැමත්ත අනුව ඔනෑම කෙනෙකුට එරෙහිව බුද්ධි අංශ යැයි හදුන්වන පුද්ගයන් විසින් සිදුකරන කිසිදු ක්‍රියාවකට එරෙහිව නීත්‍යානුකූල ක්‍රියාමාර්ග ගැනිමට නොහැකි වනු ඇත.
දඬුවමින් නිදහස් වීම සඳහා පවතින ‘මුක්තිය හිමි වීමේ සම්ප්‍රදාය’ ඕනෑම රටක වගවීම සහ සංහිඳියාව සඳහා කෙරෙන උත්සාහයන් පීඩාවට ලක් කරවන බව එක්සත් ජාතීන්ගේ සංවිධානය පවා ප්‍රසිද්ධියේ පිළිගෙන තිබේ.
ජාතික ආරක්ෂාවට සිමාවක් නැත.එය අහවල් එකක යැයි ලොව කොතනක හෝ නිශ්චිතවම අර්ථකතනය කර නැත
ඒ අනුව ගෝඨාභයට අවශ්‍ය ඔනෑම අකාරයකට ජාතික ආරක්ෂාව අර්ථකනය කරගත හැකි අතර ඒ අනුව තමන්ට
හෝ තමන්ගේ රජය අපහසුතාවට පත්කරන ඔනෑම පුද්ගලයෙකු,කණ්ඩායමක් ජාතික ආරක්ෂාවට තර්ජනයක්
ලෙස පෙන්වා දි රජයේ බුද්ධි අංශ යොදා ගනිමින් මර්දණය කල හැකි අතර ඔහුන්ට එරෙහිව ක්‍රියාමාර්ග ගැනිමට
අදාල පනත මගින් වැට බදිනු ඇත.
අපේ රටේ දේශපාලකයන් ජාතික ආරක්ෂාව යනුවෙන් සලකන්නේ ඔවුන්ගේ ආරක්ෂාවයි. ඔවුන්ගේ දේශපාලන
පැවැත්මට තර්ජනයක් විය හැකි ඕනෑම පුද්ගලයෙකු හෝ සිද්ධියක් ‘‘ජාතික ආරක්ෂාවට’’ තර්ජනයකි. ‘‘ජාතික
ආරක්ෂාව’’ පවත්වා ගත හැක්කේ එවැනි පුද්ගලයන් ගේ ජීවිතය තුරන් කිරීමෙනී යන්න අන්තවාදී,ජාතිවාදි
ඔහුන්ගේ ඇදහිම බවට පත්ව තිබේ.
ඒ අනුව තමන්ගේ පැවැත්ම සදහා නීතියෙන් පරිබාහිරව සිදුකරන ලද ඝාතන ගැන සෙවීම ජාතික ආරක්ෂාවට
තර්ජනයක් වන්නේ එම අර්ථයෙනි. ඒ නිසාම ඔහුන් එම ඝාතන වල වගකිමෙන් තම සගයන් බේරා ගැනිම මේ
වනවිට සිදුකල යුත්තක් බවට පත්ව තිබේ.
ඒ අනුව ජාතික ආරක්ෂාව සැබෑවක්ද? කොහෙත්ම නැත. එය අමූලික බොරුවකි. එසේ නම් මේ කියනා ජාතික
ආරක්ෂාව වනාහි ලාංකේය ජාතියේ ආරක්ෂාව නොවේ. පාලකයින්ගේ ආරක්ෂාව පමණි.
මුක්තිය…(Impunity)
ආසියාතික රාජ්‍යත්වය ඉහලින් තබා අදහන වහල් භාවයෙන් පෙලෙන ශ්‍රි ලාංකිකයන්ට “මුක්තිය” සම්බන්ධයෙන්
ඇත්තේ බරපතල කෑදර කමකි.
ලංකාවේ ජනාධිපතිවරයෙකුට හිමිවන මුක්තිය
ආණ්ඩුක්‍රම ව්‍යවස්ථාවේ 35(1) වගන්තිය
“යම් තැනැත්තෙකු ශ්‍රී ලංකා ජනරජයේ ජනාධිපතිවරයා ලෙස ධුරය දරණ අවස්ථාවකදී ඔහු විසින් පෞද්ගලික තත්ත්වයෙහිලා හෝ නිල තත්ත්වයෙහිලා කරන ලද හෝ නොකරන ලද කිසිවක් සම්බන්ධයෙන් ඔහුට විරුද්ධව කිසිම සිවිල් හෝ අපරාධ නඩු කටයුත්තක් පැවරීම හෝ පවත්වා ගෙන යෑම නොකළ යුත්තේය”(ආණ්ඩුක්‍රම ව්‍යවස්ථාවේ අදාළ වගන්තිය පහතින් අමුනා ඇත.)
තානාපති මුක්තිය
බොහෝ රටවල රාජ්‍ය නායකයාට.ඔහුගේ ඇතෑම් නිළධාරින්ට “මුක්තිය” තමන්ට අවශ්‍ය පරිදි රටේ ආණ්ඩුක්‍රම ව්‍යවස්ථාව සකසා ගැනිම හරහා හිම්කරගෙන තිබේ.වියානා සම්මුතියට අනුව තානාපතිවරුන් සදහා මුක්තිය හිමිවන අතර එය ජාත්‍යන්තර සම්මුතින් සමග බැදි තිබේ.
උදාහරණයක් ලෙස ….
ඇමෙරිකාවේ නිව්යෝක් නුවර එක්සත් ජාතීන්ගේ මහා මණ්ඩලයේ නියෝජ්‍ය නිත්‍ය නියෝජිත ව සිටි සමයේ මේජර්
ජනරාල් ශවේන්ද්‍ර සිල්වාට එරෙහිව ඇමෙරිකාවේ ශවේන්ද්‍ර සිල්වා යුද අපාරාධ කළැයි ඇමෙරිකාවේ පදිංචි දෙමළ ජාතිකයෙක්පවරා තිබූ නඩුව දකුණු නිව්යෝක් නුවර මහාධිකරණ විනිසුරු ජේ. පෝල් ඔටේකන් විසින් විභාගයට නොගෙනම ඉවත දැමිණි. තානාපති වරප්‍රසාද යටතේ ශවේන්ද්‍ර සිල්වාට මුක්තිය ඇති බව පිළිගනිමින්ය.
ඒ අනුව ගෝඨාභය ඇතුලු රාජපක්ෂ මිලිටරි ජුන්ටාව වේ මේ සුදානම වන්නේ අමන දේශපාලකයන්ගේ ඝාතන , හොරකම්, දුෂණ හෙලිකරන පුද්ගලයන් ‘‘ජාතියේ ආරක්ෂාව’’ නම් කඩතුරාවට මුවාවී මර්දණය කිරිමට බව අමතුවෙන් කියාදිය යුතු නැත.
