Published on- Oct 21, 2019 ජනාධිපතිවරණයට තව දින 26 තිබියදි ම රාජපක්ෂ කඳවුරේ ගැටුම්කාරි තත්ත්වයක් නිර්මාණය වී තිබෙනවා. ප්‍රධාන වශයෙන්ම මෙම ගැටුමට හේතු වී ඇත්තේ ගෝඨාභය රාජපක්ෂ ජනාධිපති වූ පසු තනතුරු බෙදා ගැනීමට රාජපක්ෂ වන්දිභට්ටයන් අතර එකඟතාවයක් නොමැති වීම බවයි වාර්තා වන්නේ.
ගෝඨාභය රාජපක්ෂගේ රජයේ තනතුරු බෙදී යන ආකාරය සාකච්ඡා කිරීම සඳහා විශේෂ රැස්වීමක් ඊයේ (20) රාත්‍රියේ පැවත්වී තිබෙනවා. අප විසින් මීටපෙර ගෝඨාගේ මිලිටරි ජුන්ටාව හිස ඔසවයි…… රහසිගත නිවෙස්න දෙකක කණ්ඩායම් දෙකක් සීරුවෙන්…… රට පුරා “ගෝඨා බිය ” පැතිරවීමට මෙහෙයුම් පුවත ඔස්සේ අනාවරණය කළ ගෝඨාභයගේ මිලටරි ජුන්ටාව ස්ථානගත කොට ඇති කොළඹ ප්‍රදේශයේ ආරක්ෂක නිවෙස්නයේදි මෙම සාකච්ඡාව පැවත්වී තිබෙනවා.
එයට සහභාගි වූ පිරිස විසින් ගෝඨාගේ රජයේ තනතුරු බෙදා ගැනීම පිළිබඳව මෙහිදි දීර්ඝ වශයෙන් සාකච්ඡා කොට ඇති අතර ගෝඨාභය රාජපක්ෂ චූ මාර්ක් ලෙස අභිෂේක ගැන්වූ හිටපු මේජර් ජෙනරාල් කමල් ගුණරත්න විසින් මෙහිදි සඳහන් කොට ඇත්තේ ගෝඨාභයගේ ආරක්ෂක ලේකම්වරයා වන්නේ තමන් බවයි.
එසේම ආරක්ෂක ලේකම්වරයා වශයෙන් සියළු ආරක්ෂක අංශ හා රජයේ ජනමාධ්‍ය පවා තමා යටතේ පවත්වාගෙන යන බව මෙහිදි කමල් ගුණරත්න සඳහන් කොට ඇති අතරම ආණ්ඩුකාරවරයන් ලෙසද විශ්‍රාම ගිය ගෝඨාභයට හිතවත් හමුදා නිලධාරින් පත් කිරීමට තමා සහ ගෝඨාභය විසින් දැනටම එකඟතාවයට පැමිණ ඇති බවද සඳහන් කොට තිබේ.
මීට අමතරව අමාත්‍යාංශ ලේකම්වරුන්ගෙන් 50%කට අධික ප්‍රමාණයක්ද හමුදාවේ රැන්ක්ධාරි නිලධාරින් අතරින් පත් කල යුතු බවත් එලෙස අමාත්‍යංශ ලේකම්වරුන් ලෙස පත් වන හමුදා නිලධාරින් සියළු දෙනාම ආරක්ෂක ලේකම්වරයා ලෙස තමන්ට වගකියන යාන්ත්‍රණයක් ද මේ වන සකස් වෙමින් පවතින බවත් කමල් ගුණරත්න මෙහිදි පොර ටෝක් දෙමින් පවසා තිබේ.
ඒ අනුව අමාත්‍යංශ ලේකම්වරුන් ලෙස පත් විය යුතු හමුදා නිලධාරින්ගේ ගේ නාමලේඛන පවා මෙහිදි ඉදිරිපත් වී ඇති අතර කමල් ගුණරත්න විසින් තමන් කැමති සහ තමන්ට පක්ෂපාති නිලධාරින් තෝරා ගෙන අකමැති නිලධාරින් ඉවත් කොට එම ලේඛන සියල්ල තමන්ට රිසි පරිදි සකස් කොට ගෙන ඇත.
ගෝඨාභයගේ රජයේ තනතුරු ලබා දීම සඳහා සකස් කල මෙම සියළු ලේඛන අප විශේෂ නියෝජිත විසින් මේ වන විටත් අප වෙත ලබා දී ඇති අතර නුදුරේදීම ඒවා ජනතාව වෙත අනාවරණය කිරීමට ද අප බලාපොරොත්තු වෙමු.
කෙසේවෙතත් කමල් ගුණරත්නගේ පෑන් පහරින් විසිවුණ නිලධාරින් පිරිසක් එම සාකච්ඡාව අවසානයේ ගෝඨා හමුවී කමල් ගේ ආරක්ෂක ලේකම් නාඩගම ගෝඨාට A to Z වාර්තා කොට ඇති අතර ගෝඨා විසින් මෙහිදි කමල්ගේ හත් මුතු පරම්පරාවම අමතා තිබේ.
එසේම ගෝඨා එම නිලධාරින්ට පවසා ඇත්තේ තමා කිසිදිනක තම ආරක්ෂක ලේකම්වරයා ලෙස කමල් ගුණරත්න පත් නොකරන බවත් තමාගේ ආරක්ෂක ලේකම්වරයා වන්නේ මේජර් ජෙනරාල් බොනිෆස් පෙරේරා බවත් ය.
බොනිෆස් පෙරේරා මේජර් ජනරාල් පදවියට උසස් වන්නේ 2010 වසරේදි වන අතර ඔහු හා ගෝඨාභය රාජපක්ෂ අතර ඇත්තේ දැඩි මිත්‍රත්වයක් බවයි තතු දන්නෝ පවසා සිටින්නේ.
කෙසේවෙතත් ගෝඨාගේ මෙම තීරණය පිළිබඳව කමල් ගුණරත්න්ගේ කනේ තැබීමට එම නිලධාරින් පිරිස කටයුතු කොට ඇති අතරම ඒ හේතුවෙන් කමල් ගුණරත්න දැඩි කලකිරීමට ලක්ව තිබෙනවා.
ගෝඨාභය රාජපක්ෂගේ ප්‍රතිරූපය නංවන්නට තමා විශාල කාර්යය ක් ඉටු කළද ගෝඨාභය ට එලෙහි ගුණ නැති බව අවට සිටි පිරිසට පවසා කමල් ගුණරත්න හැරෙන තෑපෑලෙන් මහින්ද රාජපක්ෂ මුණ ගැසී ඇති අතර කන්පින්දම් ගාමින් මහින්ද රාජපක්ෂ වෙත පවසා ඇත්තේ ගෝඨාභයගේ මෙම තීරණය තමාට ආදරය අරන බොහෝ පිරීසක්ගේ අප්‍රසාදයට හේතු වනු ඇති බවයි.
මෙහිදී කමල් අස්වසමින් මහින්ද රාජපක්ෂ ඉවසා සිටින ලෙසත් තවම ගෝඨාභය රාජපක්ෂ ජනාධිපති නොවු බවත් තමන් කමල් වෙනුවෙන් ගෝඨාභය හා සාකච්ඡා කරන බවත් පවසා ඇත.
Published on- Oct 20, 2019 ජනාධිපති අපේක්ෂක ගෝඨාභය රාජපක්ෂගේ පරාජය පිළිබදව ස්ථීර වන මත පල කිරීම ඔහුගේ පාර්ශ්වයෙන්ම ඉදිරිපත් වෙමින් පවතිනවා.
මේ වන විටත් ගෝඨාභය රාජපක්ෂ කෙරෙහි ඇති ජන ප්‍රසාදය ක්‍රමයෙන් බිඳ වැටීම, ජන රැලි සඳහා සහභාගි වන ජන ප්‍රමාණය අඩු වීම ඒකාබද්ධ විපක්ෂයේ නායකයන් අතර දැඩි වියවුල්කාරි මත ඇති කිරීමට සමත් ව තිබෙනවා.
විශේෂයෙන්ම පසුගියදා ෂැංග්‍රිලා හෝටලයේදි ගෝඨාභය රාජපක්ෂ් සියතින්ම මෙපමණ දවසක් බලෙන් ලබා ගෙන සිටි යුධ ජයග්‍රහණයේ අත හැරීම සමඟ මෙම ජන ප්‍රසාදය අඩු වෙමින් බවට ගෝඨාභය පිලේ නමට දේශප්‍රේම් පක්ෂ නායකයින් දෙදෙනා ඒකාබද්ධ විපක්ෂයේ පක්ෂනායක රැස්වීමේ පවසමින් දෙගා නටා ඇති බවද වාර්තා වේ.
තත්ත්වය සමනය කිරීමට බැසිල් රාජපක්ෂ මැදිහත් වී ඇති අතර යුද්ධය යනු අමතක කළ යුතු අතීතයක් බවත්, එය අනාගතයට කරපින්නා ගෙන යාම අනවශ්‍ය බවත් මාධ්‍ය වෙත පැවසීමට පවා එතැන් පටන් බැසිල් රාජපක්ෂ කටයුතු කරමින්පවතිනවා .
මීට අමතරව ගෝඨාභය රාජපක්ෂ සහය දක්වන මඩ බලකාය බැසිල්ගේ මෙම මතය වහ වහා සමාජ ගත කිරීමේ උත්සහයක නිරත වෙමින් සිටින බවද ඒ පිළිබඳව අවධානය යොමු කිරීමේදි දැක ගත හැකිය.
තත්ත්වය එසේ පවතිද්දි ඒකාබද්ධ විපක්ෂයේ පක්ෂ නායකයෙක් වන වාසුදේව නානයක්කාර මාධ්‍ය සාකච්ඡාවකදි ගෝඨාභයගේ ජන ප්‍රසාදය බිඳ වැටීම පිළිබඳව අදහස් දක්වා ඇත.
ඔහුට අනුව ආසිරි රෝහලේ කම්කරුවාගේ සිට උසස් හෙදිය දක්වා සියළු නිලධාරින් අතර තිබූ රහස් ඡන්දයයක්න් සජිත් ප්‍රේමදාස ගෝඨාභය රාජපක්ෂ අභිබවා ඡන්ද ලබා ගෙන ඇත.
වාසුදේව නානයක්කාර ඒ බව ප්‍රකාශ කරන විඩීයෝව පහතින්,
https://www.facebook.com/LNW.today/videos/720045215143752/
Published on- Oct 19, 2019 පරාජයේ වියරුව වැළදි ඇති ගෝඨාභය රාජපක්ෂ කල්ලිය ජාතිවාදය නව ප්‍රජාතන්ත්‍රවාදී පෙරමුණ විසින් ද්‍රවිඩ සන්ධානය හා මුස්ලිම් කොංග්‍රසය සමඟ අවබෝධතා ගිවිසුම් වලට එලැබ් ඇති බවට කරන චෝදනා සම්පූර්ණයෙන්ම අසත්‍ය බව අමාත්‍ය මංගල සමරවීර පවසනවා.
අද (19) උදෑසන පැවති මාධ්‍ය සාකච්ඡාවකදි මාධ්‍යවේදීන් අසනු ලැබූ ප්‍රශ්න වලට පිළිතුරු දෙමින් අමාත්‍යවරයා සඳහන් කලේ ජාතිවාදය ඇවිස්සීම සඳහා ගෙන යන මඩ ප්‍රචාර වලට කලබල නොවිය යුතු බවයි.
“රාජපක්ෂ කදවුර මේ කරන චෝදනා පරාජයේ වියරුවෙන් කියන කතා. 2015 සිටම අපි දෙමළ සන්ධානය මුස්ලිම් කොංග්‍රසය කියන පක්ෂ එක්ක සහයෝගයෙන් කටයුතු කලා. ඒ නිසා අපිට අලුතින් ගිවිසුම් අවශ්‍ය නැහැ. ගෝඨාභය රාජපක්ෂ කදවුර ට මේ පක්ෂ වල සහයෝගය ගන්න බැරි උනාම ඔවුන් කරන්නේ මේ විදියට බොරු ප්‍රචාරය කරන එක අද අන්තවාදී ලෙස කටයුතු කරපු පිරිස් ඉන්නේ ගෝඨාභය කදවුරේ. ඊළාම් රාජ්‍යයක් වෙනුවෙන් කොඩිය උස්සපු වර්ධරාජා පෙරුමාල්, පොලිස් නිළධාරීන් 600 ක් මරපු කරුණා අම්මාන් ඉන්නේ ඉන්නේ ඒ කදවුරේ ඒ අය එකතුකර ගන්න ගමන් අපිට චෝදනා කරන්නේ වෙන කියන්න දෙයක් නැති නිසා . එක්සත් ජාතික පක්ෂය තමයි මේ රටේ සියලු ජනතා බලවේග එකතු කලේ. සියලු ජාතීන් එකතු කළේ. ඔය මොන ජාතිවාදී කතා කිව්වත් නොවැම්බර් 17උදේ වෙනකොට සජිත් ප්‍රේමදාස තමයි මේ රටේ ජනාධිපති වෙන්නේ.” මංගල සමරවීර පවසා සිටියා.
Published on- Oct 19, 2019 ජනාධිපතිවරණය වෙනුවෙන් ගෝඨාගේ නිල නොලත් මිලිටරි ජුන්ටාව දැනටමත් වැඩ අරඹා ඇති බව අප විශේෂ වාර්තාකරුවන් සඳහන් කරනවා.
ඒ වෙනුවෙන් කොළඹ නුගේගොඩ ප්‍රදේශයේ හා කෑගල්ල දිස්ත්‍රික්කයේ ආරක්ෂක නිවෙස්න දෙකක් ක්‍රියාත්මක වන බවත් සaජුවම ගෝඨාභය රාජපක්ෂ වෙත වගකියන සන්නද්ධ කණ්ඩායම් දෙකක් මෙම නිවෙස්න තුළ ස්ථාපිත කොට ඇති බවත් විශේෂ වාර්තාකරුවන් සඳහන් කරනවා.
ගෝඨාභය රාජපක්ෂ වෙත පාක්ෂපාති වන හමුදා විශ්‍රාම ගිය සෙබලුන්ගෙන් හා නිලධාරින්ගෙ එකි කණ්ඩායම් සමන්විත වී ඇති බවත් ඉතාමත්ම රහසිගත අයුරින් එම කණ්ඩායමේ සාමජිකයන් තමන්ගේ කණ්ඩායම සමඟ ගණුදෙනු කරමින් පවතින බවත් වාර්තා වෙනවා.
එසේම දින කිහිපයක් ඉහත සඳහන් කළ නිවෙස්න අසල ගවේෂණයක නිරතව සිටි අප වාර්තාකරුවන් එම නිවාස වෙත යුධ හමුදාවට අයත් අංක තහඩු සහිත වාහන යන එන බවද හමුදා නිල ඇදුමෙන් සැරසුණු පුද්ගලයන් එම නිවාස වෙත ඇතුල් වන බවද අනාවරණය කර ගත හැකි ව තිබෙනවා.
මෙම විශේෂ මෙහෙයුම් කණ්ඩායම් දෙක ගෝඨාභය රාජපක්ෂ විසින් ස්ථාපිත කොට ඇත්තේ කරුණු දෙකකට බව ඉතා විශ්වාසනීය ආරංචි මාර්ග හරහා අප විශේෂ වාර්තාකරුවන් අනාවරණය කර ගැනීමට හැකිව ඇති අතර ඉන් පලමුවැන්න වන්නේ රට තුළ කලබලකාරි තත්ත්වයක් නිර්මාණය කොට ඒ හරහා රටේ නිතිය හා සාමය බිඳ වැටී ඇති බව දක්වා එම තත්ත්වය පාලනය කිරීමට හැක්කේ ගෝඨාභය වැනි දක්ෂ හමුදා නිලධාරියෙකුට බව ජනතාව වෙත ඒත්තු ගැන්වීමට ක්‍රියා කිරීමයි.
අනෙක් කරුණ වන්නේ ජනාධිපතිවරණ දෙකක් ඇතුළුව පසුගිය රාජපක්ෂ රෙජිමය තුළ සිදු වූ සෑම මැතිවරණයකම සිදු වූ පොදු සාධකයන් වන බිය වැද්දීම්, තර්ජනය කිරීම්, පැහැරගෙන යාම්, හා පහර දීම් සඳහා අදාළ කණ්ඩායම් යොදා ගැනීමයි.
ඒ අනුව ඉහත තොරතුරු අනුව බලය ලැබීමට පෙරම තාවකාලිකව සිල් රෙදි පොරවා ඇල් වතුරද නිවා බොන ලෙස වේදිකාවක් ගානේ රඟ දක්වන ගෝඨා සිය මුග්ද මජර වැඩ පිළිවෙළ නැවත ආරම්භ කොට ඇති බව පැහැදිළි කර ගතහැකිය.
මේ අතර ගෝඨාගේ මෙම හදිසි මිලිටරි ජුන්ටා ආගමනය පිළිබඳව සවිස්තරාත්මක විස්තරයක් මේ වන විට බුද්ධි අංශ විසින් අනවරණය කොට ගෙන ඇති බවත් සියළු විස්තර ඇතුලත් සවිස්තරාත්මක වාර්තාවක් මේ වන විටත් ආරක්ෂ අමාත්‍යාංශය වෙතට යොමු කොට ඇති බවත් වාර්තා වෙනවා.
දැන් ඉතින් ” ගෝඨා බය ” ඇරඹි ඇති අතරම ගෝඨාට විරුද්ධ කාට කාටත් අබ සරණය.
Published on- Oct 18, 2019 නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස ජනාධිපති අපේක්ෂක ගෝඨාභය රාජපක්ෂට වඩා වැඩ් වැඩියෙන් ජනතා කැමැත්ත ක්‍රම ක්‍රමයෙන් ලබා ගනිමින් පවතිනවා.
දිනෙන් දින සජිත් ජන රැලි වල ප්‍රමාණය වැඩි වීම ගෝඨාභය රාජපක්ෂ ජන රැලි වල ප්‍රමාණය අඩු වීම එය භෞතික වශයෙන් පෙන්නුම් කරමින් පවතිනවා.
මේ අතර කෘතිම බුද්ධිය මාර්ගයෙන් ජනාධිපතිවරණයේ ජය කාට හිමිවිය හැකිද යන්න පරීක්ෂණයේදී ද ජනාධිපති අපේක්ෂක ගෝඨාභය රාජපක්ෂ වෙත තිබෙන ජනතා ආකර්ශනය අඩු වෙමින් පවතින බවත් සජිත් ප්‍රේමදාස වෙත පවතින ජනතා ආකර්ශනය වැඩි වෙමින් පවතින බවත් නීරීක්ෂණය කිරීමට හැකි වුණා.
ආචාර්ය නිශාන්ත මැද්දෙගොඩ https://www.facebook.com/nishantha.medagoda. නවසීලන්තයේ වාසය කරන ශ්‍රී ලංකික සම්බයක් සහිත බුද්ධිමතෙක් වන අතරම සිය ආචාර්ය උපාධිය කෘතීම බුද්ධිය සම්බන්ධයෙන් ලබාගෙන තිබෙනවා.
ඔහු ලංකාවේ ජනාධිපතිවරණය සම්බන්දයෙන් සතිපතා ජනමතයේ වෙනස් වීම මැන බලන අතර ඒ සදහා ඔහු යොදාගන්නා දත්ත වන්නේ අන්තර්ජාලයේ පසුගිය සති කීපයේ විවිධ පුවත් පත්වල පල වු, ප්‍රධාන අපේක්ෂක දෙපලට අදාල ප්‍රර්‍වති හා එවාට දැක්වු පාඨක ප්‍රතිචාර AI හා Machine Learning ඇසුරින් විශ්ලේශණයයි.
ජනමත දර්ශකය ( Referendum Index) හරහා මුලදී ඉතා අවාසි දායක තත්වයක සිටි සජිත් ගේ ක්‍රමික වර්ධනයත් ගෝඨාභය රාජපක්ෂගේ බිද වැටීමත් ඔහුගේ පිටුවෙන් ඕනෑම කෙනෙකුට බලා ගත හැකිය.
පහතින් දක්වා ඇත්තේ නිශාන්ත මැදගොඩ විසින් පසුගිය ඔක්තෝබර් 13 වෙනිදා පල කළ විශ්ලේෂණාත්මක වාර්තාව වේ.
ඒ අනුව ගෝඨාභය රාජපක්ෂ සජිත් ප්‍රේමදාසට වඩා ඉහළ ප්‍රතිශතයක් ලබා ගෙන සිටින ආකාරය දක්නට ලැබේ.
එසේම නිශාන්ත මැදගොඩ විසින් අද (18) මෙම සතියේ විශ්ලේෂණය ඉදිරිපත් කොට ඇති අතර එයට අනුව ගෝඨාභය රාජපක්ෂට වඩා සජිත් ප්‍රේමදාස ඉහළ ප්‍රතිචාරයක් ලබා ගෙන ඇති ආකාරය නීරීක්ෂණය කළහැකිය .
එම දත්ත වලට අනුව ගෝඨාභය රාජපක්ෂගේ ජනප්‍රසාදය 1.9%කින් අඩු වී ඇති අතර සජිත් ප්‍රේමදාසගේ ජනප්‍රසාදය 1.6%කින් වර්ධනය වී ඇති බව හදුන ගත හැකිය.
Published on- Oct 17, 2019 විපක්ෂනායක මහින්ද රාජපක්ෂ, ජනාධිපති අපේක්ෂක ගෝඨාභය රාජපක්ෂ හා බැසිල් රාජපක්ෂ ජනතා විමුක්ති පෙරමුණේ නායකත්වය අතර සිදුවු රහසිගත සාකච්ඡාවක තොරතුරු මේ වනවිට අනාවරණය වි තිබේ.
නොවැම්බර් 16 වෙනිදා පවත්වන ජනාධිපතිවරනයේදි පොහොට්ටුව ලබා ගත හැකි උපරිම ඡන්ද ප්‍රමාණයක ලක්ෂ 45 ක් බව මෙහිදු රාජපක්ෂවරුන් පෙන්වා දී ඇති අතර ලක්ෂ 45 ක් ඡන්දය ලබා ගෙන රටේ ජනාධිපති වීමට නොහැකි බවයි පවසා ඇත්තේ.
යම් හෙයකින් කිසිදු ජනාධිපති අපේක්ෂකයෙක් 50% ක් ඡන්ද ප්‍රමාණයක් ලබා ගැනීමට අසමත් වුවහොත් දෙවන මනාපය ගනන් ගැනීමට සිදු වන නිසා මාලිමාට ඡන්දය දාන ඡන්දය දායකයන්ට සිය දෙවන මනාපය ලෙස ගෝඨාභය රාජපක්ෂ සඳහන් කරන ලෙස ඉල්ලා සිටිය හැකිදැයි මෙහිදි මහින්ද රාජපක්ෂ බොහොම යටහත් ලෙස අනුර කුමාර දිසානායකගෙන් විමසා ඇත්තේ.
නමුත් එයට නිශ්චිත පිළිතුරක් ජනතා විමුක්ති පෙරමුණු පාර්ශවයෙන් නොලැබුණු බවයි අප වාර්තා කරු සඳහන් කළේ.
එම සාකච්ඡාව් සම්බන්ධයෙන් අද ජනතා විමුක්ති පෙරමුණ ජනතාවට අනාවරණය කළා…
Published on – Oct 17, 2019 – මැතිවරණ කොමිසමේ සභාපති මහින්ද දේශප්‍රිය මහතා ඊයේ (16) මාධ්‍ය සාකච්ඡාවක් පවත්වමින් රාජ්‍ය මාධ්‍ය වෙත අභියෝගයක් ලබා දුන්නා. එනම් රාජ්‍ය මාධ්‍ය අපක්ෂපාතිව ක්‍රියා කල යුතු බවටත් එසේ නොකරන්නේ නම් ඒ වෙනුවෙන් තදබල පියවරක් ගන්නා බවත්ය. එසේම සභාපතිවරයාගේ මෙම ප්‍රකාශය රාජ්‍ය මාධ්‍ය විසින් ප්‍රචාරය කරන්නේ ද යන අභියෝගයද මැතිවරණ කොමිසමේ සභාපතිවරයා ලබා දුන්නා.
රටක මාධ්‍ය රාජ්‍ය හෝ වේවා පෞද්ගලික හෝ වේවා මාධ්‍ය සදාචාරය හා ආචාර ධර්ම සියල්ලටම පොදු වේ. එසේම ජනාධිපතිවරණයක පැවැත්වෙන සමයක මාධ්‍ය සතු වගකීම රජයේ මාධ්‍ය පෞද්ගලික මාධ්‍ය ලෙස වර්ගකළ යුතු නැති බවයි අපේ අදහස වන්නේ. රජයේ මාධ්‍ය වල අපක්ෂපාතී බව හොයන මහින්ද දේශප්‍රිය මහතා පෞද්ගලික මාධ්‍ය එලි පිටම රෙදි නැතුව ගෝඨාභය රාජපක්ෂ වෙත කඩේ යන ආකාරය හා අසත්‍ය තොරතුරු ප්‍රචාරය කිරීම නොදකින අරුමය නම් පුදුම සහගතය.
මැතිවරණ කොමිසමේ සභාපතිවරයාගේ මේ හැදි දෙකෙන් බෙදීමේ රහස පිටුපස සිටින්නේ බැසිල් රාජපක්ෂ බවද පෙරේදා (15) වෙනිදා රාත්‍රියේ බැසිල් රාජපක්ෂ හා මහින්ද දේශප්‍රිය අතර රහසිගත හමුවක් පැවති බවද අප දේශපාලන වාර්තාකරු සඳහන් කළා.
කොළඹ ප්‍රධාන පෙළේ හෝටලයක විශේෂ ප්‍රභූ කුටියක මෙම හමුව සිදුවී ඇති අතර ලෝකයේ ඉහළම පෙලේ මත්පැන් බෝතල කිහිපයක් බැසිල් රාජපක්ෂ ත්‍යාග වශයෙන් ගෙනවිත් සාකච්ඡාවට පෙර මේසය මත තැබූ බවත් අප දේශපාලන වාර්තාකරු සඳහන් කළා.
සාකච්ඡාව සම්පූර්ණයෙන්ම යොමු වී තිබුණේ පසුදිනට පැවැත්වීමට නියමිත මාධ්‍ය සාකච්ඡාව කෙරහි බවයි වාර්තාකරු සඳහන් කළේ. එහිදි මාධ්‍ය භාවිතය පිළිබඳව මහින්ද දේශප්‍රිය වෙත උපදෙස් දෙමින් බැසිල් රාජපක්ෂ සඳහන් කොට ඇත්තේ පෞද්ගලික මාධ්‍ය ගැන සිය පාර්ශවය වග බලා ගන්නා බවත් රාජ්‍ය මාධ්‍ය සමබර කිරීමේ වගකීම මහින්ද දේශප්‍රිය විසින බාරගත යුතු බවත් ය.
ඒ සමඟ ම මහින්ද දේශප්‍රිය විසින් එයට පිළිතුරු ලබා දෙමින් සඳහන් කොට ඇත්තේ තමා හා සමාන බලය ඇති තවත් කොමසාරිස්වරුන් දෙදෙනෙකු කොමිසමේ සිටින බවත් ඔවුන් දෙදෙනාගේ අදහස්වලට පටහැනිව ක්‍රියා කළ නොහැකි බවත් ය.
එසේම තමා අනවශ්‍ය ලෙස රාජපක්ෂලාට පක්ෂව ක්‍රියාකරන බව අනෙකුත් කොමසාරිස්වරුන් දෙදෙනාගේ අවධානයට ලක් වී ඇති බැවින් කොමිසම තුළ තමන් තනිවී සිටින බවත් තමාගේ උපකාරය සීමා සහගත විය හැකි බවත් මෙහිදි දේශප්‍රිය බැසිල් වෙත පවසා තිබෙනවා.
කෙසේවෙතත් මහින්ද දේශප්‍රිය හා බැසිල් රාජපක්ෂ අතර ඇති මෙම අසමාන්‍ය බැදීමේ විස්තර අපි මෙයට පෙරද අනාවරණය කර ඇති අතරම කොළඹ ලොකු ලොකු හෝටල්වල යක්කු ගස් යන යාමය වන තෙක් කරටි කැඩෙන්න ගහන මැතිවරණ කොමසාරිස්වරයා පඩි පෙලකින් බිමට වැටි සිය වම් පාදය බිදගෙන ඇති බවද අපි අනාවරණය කළා.
2015 දී ද ජනාධිපතිවරණයක් පැවති බවත් තමා එවිටද මැතිවරණ කොමසාරිස් බවත්, ජනාධිපතිවරණ සමයේ රාජ්‍ය මාධ්‍ය යනු රාජපක්ෂ පවුලේ මාධ්‍ය බවට පත්ව තිබූ බවත් මහින්ද දේශප්‍රිය වෙත අමතකව ඇත්තේ මෙම අසමාන්‍ය බෝතල් පාට්නර්ශිප් එක නිසා බව නම් පැහැදිළිය.
සිය ප්‍රතිවාදියා වන මෛත්‍රීපාල සිරිසේන ට මඩ ගසන්න මහින්ද රාජපක්ෂ ස්වාධින රූපවාහිනියේ එවකට නියෝජ්‍ය සමාන්‍යාධිකාරි ලෙස කටයුතු කළ සුදර්මන් රදලියගොඩ හරහා ITN එකේ කැමරාව, වාර්තාකරු හා අනෙකුත් රාජ්‍ය දේපල අවභාවිත කළ ආකාරය ද මැතිවරණ දැන්වීම වෙනුවෙන් තවමත් මහින්දරාජපක්ෂ ITN වෙත ණය බවද බැසිල්ගේ රට ලේබල් බෝතලයට පිං සිදු වන්නට දේශප්‍රිය මහතාට අමතක වී ඇත.
කෙසේවෙතත් මහින්ද දේශප්‍රිය මේ අකාරයෙන් පක්ෂපාතීව කටයුතු කිරීම මැතිවරණ කොමිෂන් සභාවේ අනෙකුත් කොමසාරිස්වරුන්ගේ දැඩි විවේචනයට ලක් ඇති බවයි වාර්තා වන්නේ. එම හේතුව නිසාම පක්ෂපාතී ලෙස මහින්ද දේශප්‍රිය විසින් සිදු කරන කිසිදු තීරණයකට එම කොමසාරිස්වරුන් සිය අනුමැතිය ලබා නොදෙන බව ප්‍රකාශ කොට ඇති බවද වාර්තා වෙනවා. මේ හේතුව නිසා මැතිවරණ කොමසාරිස්වරයා කොමිසම තුළ හුදකලා තත්ත්වයට පත් ව ඇති අතර ස්වාධීන කොමිෂන් සභාවක සභාපතිවරයා වශයෙන් මැතිවරණ කොමසාරිස්වරයාගේ දැඩි පක්ෂ්පාති බව පිළිබඳව ආණ්ඩුක්‍රම ව්‍යවස්ථා සභාවේ පවා අවධානය ලක් වී ඇති බවයි වාර්තා වන්නේ.
Published on- Oct 16, 2019 – 2009 මැයි 18 වෙනිදා සිට බලහත්කාරයෙන් මහින්ද රාජපක්ෂ ඇතුළු නඩය විසින් අත්පත් කරගෙන තිබූ යුධ ජයග්‍රහණයේ අභිමානය ඊයේ ෂැංග්‍රිල්ලා හෝලයේදි මහින්දලාගෙන් ගිලිහි ගිය ආකාරය දෙස් විදෙස් ජනතාව මේ වන විට දැක අවසන් ය.
ගෝඨාගේ හිකි හිකි ගෑමත් සමඟ හමුදාවේ මෙහෙයවූවේ තම සහෝදරයා හෝ තමා විසින් නොවේ යන තිත්ත ඇත්ත එලියට ඒමත් සමඟ මහින්ද රාජපක්ෂ වියරු වැටුනද ඒ අවස්ථාවේ කළ හැකි කිසිවක් නොවන නිසා ඉවසා සිටිනු දක්නට ලැබුණා. ගෝඨාගේ සත්‍ය පැවසීමත් සමඟ මාධ්‍යවේදීන් හතර අතට ඒ ගැන හාරාවුස්සද්දි පොහොට්ටුවේ සියළු නායකයන් තත් බීරි වූවද සිය නායකයාගේ ජාමේ බේරා ගැනීම ගැන හදිසියේම සිහියට පැමිණි ලෙමන් පෆ් දේශප්‍රේමියා විමල් වීරවංශ මහින්දගේ කනට කර කියන්නේ ‘ සර් තවත් හත්පොලේ ගාගැනීමට ඉස්සල්ලා මේක නතර කරමු වශයෙනි.’
ඒ සමඟම මාධ්‍ය සාකච්ඡාව අවසන් වූවද හවස් වෙද්දි බට කැලේට ගිනි ඇවිලුණා වගේ ලංකාව පුරා මහින්දලාගේ යුධ වීරත්වය පිළිබඳව සත්‍ය පැතිරෙද්දි ජනතාව තුළ තිබූ වීරයා යන හැගීම මහින්ද රාජපක්ෂ ඇතුළු කල්ලියෙන් ගිලිහෙන බවට වන ආරංචි බැසිල් රාජපක්ෂට, පොහොට්ටු කාර්යාලයට හා සියලු පොහොට්ටු නායකයන්ගේ දුරකතන වලට ලැබීමත් සමඟ ගෝඨා කළේ එසේ මෙසේ හානියක් නොවන බව සියල්ලන්ට ම ඒත්තු ගැන්විණි.
මේ හානියට පිළියම් සෙවීම සඳහා ඊයේ රාත්‍රියේ බැසිල් රාජපක්ෂ මහින්ද රාජපක්ෂ, විමල්, ගම්මන්පිල ඇතුලු පොහොට්ටු නායකයන්ද, තමන් විසින් කිරි පොවන දේශප්‍රේමි කණ්ඩායම් වල නායකයන්ද, හිරු හා දෙරණ මාධ්‍ය නාලිකා ප්‍රධානින්ද සාකච්ඡාවකට කැඳවූ අතර ඒ සඳහා ගෝඨාභය රාජපක්ෂ කැඳවූයේ නැත.
සිදු වූ දේ ගැන අම්මා මෝ විත්තියෙන් ඇමතිමට මෙම සාකච්ඡාවේදි බැසිල් කටයුතු කොට ඇති අතර මෙම රැස්වීමට ගෝඨා නොකැදවූවේ මානසික අවපීඩනයක සිටින ගෝඨා බැන වැදීම ඒ අවස්ථාවේ තව තවත් ඔහු ව දුර්වල මිනිසෙකු කරනු ඇති බවටයි මෙහිදි බැසිල් පවසා ඇත්තේ. පපුවේ අමාරුකාරයෙක් වන ගෝඨා කෙසේ හෝ ජනාධිපතිවරණය අවසන් වන තුරු කෙලින් කටින් හිටවා තබා ගත යුතු බැවින් මේ සඳහා ගෝඨා නොකැදවූ බව මහින්ද මෙහිදි පවසා ඇත.
අනතුරුව මෙම කුමන්ත්‍රණ කල්ලියේ අවධානය යොමු වී ඇත්තේ සිදු වී ඇති නව නින්ගිරාවෙන් ගැලවී යලිත් ජාතියේ අප්පච්චි ප්‍රතිරූපය මහින්ද රාජපක්ෂ වෙත ආරෝපනය කර ගැනීමේ වැඩ පිළිවෙළ කෙරෙහිය.
ඒඅනුව එහිදි යෝජනා වුණේ රටට මේ තත්ත්වය අමතක් කරවීමට නම් යලිත් ජනතාව තුළ භීතිය ඇති කළ යුතු බවත් යලිත් බොරු බෝම්බ බියක් රට තුළ ඇති කළ යුතු බවත් ය.
ඒ සඳහා සැලසුම් ලහිලහියේ සකස් වූ අතර මධ්‍යම රාත්‍රිය පසුවෙනවාත් සමඟ රට පුරා බෝම්බ ඇති බවට බොරු ප්‍රචාර ප්‍රචාරය කරවීම කාදිනල්තුමා වටේ සිටින පිරිසට, බොදු බල සේනාවට බාර කෙරුණි. බොදු බල සේනාව සිය හෙංචයියන් ලවා සමාජ මාධ්‍ය ජාලා දුරකතන යොදා එම වගකීම අකුරට ඉටු කල අතර අද උදෑසන වන විට තම දරුවන් පාසල් යැවීම ගැන බඩේ බිත්තර තම්බන තැනට රටේ බොහෝ අම්මලා පත් කරන්න එම කල්ලියට හැකි විය.
අද උදෑසන වන විට බොදුබල සේනාව තම සහචරයන් ලවා සමාජ මාධ්‍ය හරහා බොරු බෝම්බ බිය ඇති කළ අයුරු…….
එතැනින් නොනැවතුණු බොදුබල සේනාව කොටහේන වැනි ප්‍රදේශ වල දෙමාපියන්ට දුරකතයෙන් අමතා ප්‍රකාශ කොට ඇත්තේ පාසල වෙත ගොස් බෝම්බ බිය පිළිබඳව පවසා තම දරුවා පාසලෙන් රැගෙන එන ලෙසය.
සිද්ධිය තවත් තාත්වික කිරීමට සැකකටයුතු වාහනයක් තදාසන්න ප්‍රදේශ වල සංචාරය කරවීමටද කුමන්ත්‍රණකරුවන් අමතක කළේනැත.
මාධ්‍ය හරහා රට ගිනි තැබීම බාර වූයේ දෙරණ ජඩ මාධ්‍යයේ දිලිත් ජයවීරට වන අතර ඔහු තම මාධ්‍යයේ ජඩකම යොදා ගනිමින් කැමරාකරුවන් හා වාර්තාකරුවන් පිරි වාහනයක් යොදා ඇත්තේ සෙනඟ ගැවසෙන ප්‍රදේශ වලට ගොස් බෝම්බයක් ඇති බවට වාර්තා වී ඇති බවත් තමන් ඇතුළු පිරිස පැමිණේ එය වාර්තා කිරීමට බවත් පවසා ලංකාවේ තැන තැන සිට සජීවි විකාශයන් සිදු කිරීමටය.
සැලසුම අකුරටම සිදු වෙද්දී මෙම බොරු බෝම්බ ආරංචිය පොලිසියට හා යුධ හමුදාව වෙත ද දැනුම් දී ඇති අතර පොහොට්ටු කුමන්ත්‍රණයේ අග මුලද පොලිසියට හා හමුදාවට ලීක් වී ඇත්තේ මහින්ද හා බැසිල් ගේ ලේ පිපාසයට තිත තබමිනි.
ඒ අනුව වහා ක්‍රියාත්මක වූ හමුදාව සැක කටයුතු වාහන සියල්ල අත්තඩංගුවට ගෙන ඇති අතර සෝදිසි කිරීම වලින් පසුව රටේ තත්ත්වය සාමකාමී හා ආරක්ෂිත බවට ජනතාවට තහවුරු කොට ඇත.
මේ ඒ පිළිබඳව වාර්තා වූ මාධ්‍ය වාර්තා වේ.
කෙසේවෙතත් මේ වන විට රට පුරා තත්ත්වය සමථයට පත් කිරීම ආරක්ෂ අංශ සමත් වී ඇති අතර පොහොට්ටු කුමන්ත්‍රණකරුවන්ගේ බෝම්බ කුමන්ත්‍රණ එහෙම් පිටින්ම විනාශ වී ගොස් ඇත. රටේ වාසනාවට මහින්දගේ කේන්දරයට හෙනහුරා ලැබී ඇති අතර ජනතාව සිහි නුවණින් කල්පනා කලහොත් නොවැම්බර් 16 වෙනිදාට රාජපක්ෂ පාපි ග්‍රහයා ලංක කේන්දරයෙන් අතුගා දැමීමට හැකි වනු ඇත.
Published on: Oct 15, 2019-කට බොරු කිව්වාට දිව බොරු නොකියන බවට පැරණි කතාවක් ඇත. එසේම ඇට නැති දිව හතර අතට නැවිය හැකි බවටද කතාවක් ඇත. පොහොට්ටුවේ ජනාධිපති අපේක්ෂක ගෝඨාභය රාජපක්ෂට ඇත්තේ තමන්ට වාසි වන ලෙස හතර පැත්තට නැවිය හැකි විලි ලැජ්ජාව ගෑවී නැති දිවක් බව අද ශැංග්‍රිල්ලා හෝටලයේදි ඔප්පු වුණා.
ශ්‍රි ලංකා පොදුජන පෙරමුණේ නායක මහින්ද රාජපක්ෂ සිය පක්ෂයේ ජනාධිපති අපේක්ෂක ගෝඨාභය රාජපක්ෂ පෙරටු කරගමින් පොහොට්ටුවට සහය පල කරන පක්ෂවල නායකයින් සහභාගි වන මාධ්‍ය සාකච්ඡා අද කොළඹ ෂැංග්‍රිලා හෝටලේදි කැදවනු ලබයි.
එම මාධ්‍ය සාකච්ඡාව සඳහා දෙස් විදෙස් මාධ්‍යවේදින් විශාල පිරිසක් සහභාගි වන අතර සිය වැඩපිළිවෙළ හා ප්‍රතිපත්ති, කළ කී දෑ පිළිබඳව පැවසීමෙන් පසුව මාධ්‍යවේදින්ට ප්‍රශ්න ඇසීමේ අවස්ථාව හිමි වුණා.
එහිදි The Hindu පුවත් පත් නියෝජනය කරමින් සහභාගි වූ මාධ්‍යවේදිනිය ගෝඨාගෙන් විමසා සිටින්නේ යුද්ධයේ අවසන් කාල සීමාවේදි හමුදාවට භාර වුණ දෙමළ වැසියන්ට කුමක් කළේද යන්නයි.
එම ප්‍රශ්නය අවසානයේ කුප්ප හිනාවක් දමමින් ගෝඨා පවසන්නේ තමන් හමුදාවට නායකත්වය දුන් බවට අදාළ මාධ්‍යවේදීනිය වැරදි වැටහීමක් සිටින බවත් එම ප්‍රශ්නය ඇසිය යුත්තේ එවකට හමුදාපතිවරයා ලෙස කටයුතු කළ පුද්ගලයාගෙන් බවයි.
ලංකාවේ බයියන්ට, වහලුන්ට නොතේරෙන ගෝඨාභයගේ යථාර්ථය එයයි. මේ රටේ තිස් අවුරුදු යුද්ධය අවසන් කළ මහා සෙන්පතියා මහින්ද රාජපක්ෂ බවත් ගෝඨාභය රාජපක්ෂ ආරක්ෂක ලේකම්වරයා ලෙස යුද්ධය මෙහෙය නොවන්නට කිසිදිනක යුද්ධය අවසන් කළ නොහැකි බව ට රාජපක්ෂවරුන්ගේ කකුල් ලෙවකන විමල් වීරවංශලා, ගම්මන්පිල ලා, වියත් මගේ මහා වියත්තු, කමල් ගුණරත්න වැනි අය විසින් පවසනු ඔබ අසා තිබුණද ඔවුන් ඒ බව පවසන්නේ මේ රටේ සිංහල කතා කරන සිංහලෙන් හිතන, ජාතිය ආගම පනට වඩා රකින සමහරක්ට බව දන්නේ විමල්ලා, ගම්මන්පිලලා පමණි.
නමුත් රටේ ජනතාවට මවා පෙන්නන වීරයා යුද්ධය වෙනුවෙන් කිසිවක් නොකල බවට වන සත්‍ය ඔවුන් පවසන්නේ විදේශ මාධ්‍යවේදින්ට ඉංග්‍රිසි භාෂාවෙනි. ගෝඨාගේ යුද්ධය නමින් පොත් පවා අච්චු ගසා රටේ ජනතාව මේ සහෝදර සමාගම යස අගේට ගොනාට අන්දවා ඇති බව ත් මේ හරහා ඔප්පු වේ.
මේ මාධ්‍ය සාකච්ඡාවට පෙර මාධ්‍ය වෙත අදහස් දක්වමින් ගෝඨා සඳහන් කලේ උතුරේ ඉඩම් වලින් 90%ක් නිදහස් කලේ තමා ආරක්ෂක ලේකම්වරයා වශයෙන් සිටි කාලයේ බවයි. එය තොන්ඩමන්ලාගේ සිට උතුර දක්වා තිබූ සියළුම ඉඩම් අයත් වූ බවත් ඩග්ලස් දේවානන්ද ඒ පිළිබදව සියල්ල දන්නා බවත් ය.
උතුරේ ඉඩම් දෙමළ ජනතාවට ලබා දෙන බවත් හමුදා කඳවුරු උතුරෙන් ඉවත් කරන බවත් වේදිකාවක් වේදිකාවක් ගානේ යමින් අධෝ මුකයෙන් මර ලතෝනි දුන් ලෙමන් පෆ් වීරවංශලා මෙතෙක් රඟ දැක්වූයේ චූ මාර්ක්ට බලයට එන්නට පාර තනන නාටකය බව නම් දැන් දැන් හෙලිවි අවසානය.
සටන් බිමට බැස හමුදාව මෙහෙයවමින් දිවා රෑ නොබලා සැලසුම් අදිමින්, සිය ලේ, දහඩිය යුද්ධය වෙනුවෙන් කැප කල හමුදාපතිවරයාට යුධ ජයග්‍රහණයේ අංශු මාත්‍රයක ගෞරවයක් මහින්ද රාජපක්ෂ හෝ ගෝඨාභය රාජපක්ෂ හෝ ලබා දුන්නේ නැත. යුධ ජයග්‍රහණයෙන් පසුව පාර්ලිමේන්තුව අමතමින් මහින්ද රාජපක්ෂ කළ කතාව මතක තිබෙනවා යුධ ජයග්‍රහණයේ පැසසුම තමන්ට හා තම සහෝදර සමාගම වෙත බෙදා ගත අයුරු මතක් කර ගතහැකිය.
එසේ තිබියදි හමුදාවට බාර වූ සිවිල් වැසියන් ගැන හමුදාපතිගෙන් අසන ලෙස විලි ලැජ්ජා නැතුව හිකි හිකි ගා පැවසිය හැක්කේ පරම්පරා 7කට ලැජ්ජාවා ගැවී නැති රාජපක්ෂලා හැරෙන්නට වෙන කාටද?
Published on – Oct 15, 2019 මෙවර මැතිවරණයේදි ගෝඨාභය රාජපක්ෂට ජයග්‍රහණය සඳහා අවශ්‍ය ඡන්ද 63 ලක්ෂය වෙනුවට මේ වන විට ශ්‍රි ලංකා පොදුජන පෙරමුණ සතුව ඡන්ද ලක්ෂ 65 ක ප්‍රමාණයක් පවතින බව බැසිල් රාජපක්ෂ සඳහන් කළා.
සිය ප්‍රධානියාගේ සහෝදරයා මරණ දණ්ඩනයෙන් බේරා ගැනීම සඳහා ගෝඨාභය රාජපක්ෂට හා පොහොට්ටුවට නිර්ලෝභිව ගුවන් කාල ලබා දෙමින් නිර්වස්ත්‍රව කඩේ යන ප්‍රසිද්ධ පෞද්ගලික නාලිකාවක ඊයේ පැවති ඒක පුද්ගල දේශපාලන සංවාදයක සහභාගි වෙමින් බැසිල් රාජපක්ෂ මේ බව සඳහන් කළා.
එහිදි බැසිල් රාජපක්ෂ සඳහන් කළ පරිදි 2018 පළාත් පාලන මැතිවරණයේදි පොදුජන පෙරමුණට ලැබුණ ජයග්‍රහණය සමඟ මේ වන විට ඔවුන්ගේ ගබඩාවේ ඡන්ද ලක්ෂ 50 ක් තිබේ. 2018 දි ඔවුන්ගේ ඉලක්කය වුයේ 50 + 15 බැවින් මේ වන විටත් ලක්ෂ 50 ක් සතු වන පොහොට්ටුව තව සෙවිය යුත්තේ ලක්ෂ 15 බවයි ඔහු සඳහන් කරන්නේ.
බැසිල් රාජපක්ෂගේ සිහින ගණනය කිරීම අනුව ඉතිරි ලක්ෂ 15 සෙවීම සුරංගනා කතාවක් හා සමාන වන බවයි එම වැඩසටහන පුරාවටම දක්නට ලැබුණේ. විශේෂයෙන්ම බැසිල්ගේ අරමුණ වී ඇත්තේ ශ්‍රි ලංකා නිදහස් පක්ෂය හා දැනටම ගෝඨාභය වෙත සහය දක්වන බව ප්‍රකාශ කොට ඇති තොන්ඩමන් හා විලේන්ද්‍රන් වැන්නගේ සුළු ජාතික ඡන්ද හරහා එම ඡන්ද ලක්ෂ 15 ලබා ගැනීමයි.
සිය සහෝදරයා රජකම් කළ අවධියේ චිට් එකෙන් පාර්ලිමේන්තු ගොස් ආර්ථික සංවර්ධන අමාත්‍යවරයා ලෙස කටයුතු කරමින් රටේ හදපු පාරක් පාරක් ගානේ, බෝක්කුවක්, බෝක්කුවක් ගානේ, පාලමක් පාලමක් ගානේ 10%ක 15%ක කොමිස් ගත් බැසිල් රාජපක්ෂ සිය ජන්මාන්තර පුරුද්දට මෙන් ඡන්දය ගනන් කරන්නේද 10% ක 15% ක ප්‍රතිශත වලින් වීම ඉහත සුරංගනා කතාවේ හරයයි.
මිනිසුන්ගේ කැමැත්ත හා ආකල්ප සල්ලි මිටි ගණන මෙන් මැනීමට නොහැකි බව හය හතර නොතේරෙන දරුවාට තේරෙන මහා දේශපාලන විද්වතාට නොතේරෙන යථාර්ථයයි.
අනෙක්අතට බැසිල් රාජපක්ෂගේ 15% ප්‍රධාන කාර්යය ඉටු කරන ශ්‍රි ලංකා නිදහස් පක්ෂයේ පාර්ලිමේන්තු මන්ත්‍රිවරුන්ගේ සහය පොහොට්ටුවට ලැබුණ පලියට ශ්‍රිලංනීප පාක්ෂිකයින්ගේ ඡන්දය පොහොට්ටුවට ලැබෙන බවට ඇති විශ්වාසය පිළිබඳව ඇත්තේ දුකකි.
ශ්‍රිලංනීපයේ මන්ත්‍රිවරුන් නගින නගින වේදිකාවක් මත්තේ හූ හඬ මගින් පොහොට්ටු සමාජිකයා ඔවුනට දක්වන විරෝධය එක් පසකින් තිබියදී ශ්‍රි ලංකා නිදහස් පක්ෂයේ සියළු ආසන සංවිධායකයින් විසින් කිසිවිටක පොහොට්ටුවට සහය නොදක්වන බව ප්‍රකාශ කිරීම බැසිල් රාජපක්ෂට අමතක ව ගොස් ඇත.
එසේම ඊයේ හිටපු ජනාධිපතිනිය චන්ද්‍රිකා බණ්ඩාරනායක කුමාරතුංග නිවේදනයක් නිකුත් කරමින් සඳහන් කළේ ශ්‍රි ලංකා නිදහස් පක්ෂය පෞද්ගලික බල ලෝභයට හා මෛත්‍රිපාල සිරිසේන ජනාධිපතිවරයාගේ කොන්ද පන නැතිකමට යටකොට විනාශ කිරීමට තමා ජීවත්ව සිටින තාක් ඉඩ නොදෙන බවයි.
මොනතරම් පාරම් බෑවද ශ්‍රි ලංකා නිදහස් පක්ෂය බිහිවි ඇත්තේ බණ්ඩාරනායක මහතාගේ ලේවලින් හා සිරිමාවෝ මැතිණියගේ කඳුළු වලින් බව රාජපක්ෂ පිළිගත යුතුමය. එවන් පක්ෂයක ප්‍රතිපත්ති ආවාට ගියාට හොර ගුලකට පාවා දීමට පාක්ෂිකයන් සූදානම් නැති බව මහා දේශපාලන විතර්ක ඉදිරිපත් කරනා බැසිල් රාජපක්ෂ අමතක කළ යුතු නොවේ.
පොහොට්ටුවට පැල් බැඳගෙන කඩේ ගිය කුමාර වෙල්ගම වැනි හදවතින් ශ්‍රි ලංකාකාරයෝ ශ්‍රි ලංකා නිදහස් පක්ෂයේ බහුතරය බව බැසිල් රාජපක්ෂකට තේරෙන්නේ නොවැම්බර් 16 වෙනිදා රාත්‍රියේදිය. ලක්ෂ 15 කෙසේවෙතත් ශ්‍රි ලංකා නිදහස් පක්ෂ මන්ත්‍රිවරුන් 17 දෙනාගේ ඡන්දය හෝ පොහොට්ටුව දමා ගැනීමේ කැම්පේන් එක දැන් දැන් බැසිල් ආරම්භ කල යුතු කාලය එළඹි ඇත. ඡන්දය තීරණය කරන්නේ බිම් මට්ටමේ ජනතාව මිස පාර්ලිමේන්තු මන්ත්‍රිධූරය නොවන බව දැනටමත් පොහොට්ටුවේ මැතිවරණ මෙහෙයුම් කමිටුව අවබෝධ කොට ගෙන නැත්නම් දැන් හෝ අවබෝධ කරගත යුතුය.
එසේම බැසිල්ගේ සිහින ලක්ෂ 15 ට සහය දෙන තොන්ඩමන් ගා විලේන්ද්‍රන් ගේ ඡන්ද පදනම් ගත් විට 2015 ජනාධිපතිවරණයේදි ඔවුන් දෙදෙනාගේම සහය තිබුණේ හිටපු ජනාධිපති වන මහින්ද අයියණ්ඩියට බව ඔහුට අමතක වූ තවත් කාරණාවකි. එම දෙදෙනාගේම සහයෝගය තිබියදීත් සිය සහෝදරයා පරාජය වූ බව ඔහුට මතක් කර දිය යුතුය.
අනෙක් අතට කොට්ඨාස ක්‍රමයට පවත්වන පළාත් පාලන මැතිවරණය රටම එක ඡන්ද කොට්ඨාසක් වන ජනාධිපතිවරණය අතර වෙනස බැසිල් නොදන්නේ නම් අප කිව යුත්තේ ගබඩාවේ ඇති ඡන්ද ලක්ෂ 50 ඉබ්බෙක් හෝ දමා රැක ගන්නා ලෙසය.
මේ ජනාධිපතිවරණය බැසිල්, ගෝඨාභය, මහින්ද තුන් බෑයන්ට අතිශයින්ම තීරණාත්මකය. එයිනුත් බැසිල් රාජපක්ෂට එම තීරණාත්මක බව වඩාත් වැඩි වශයෙන් දැනෙන්නේ 2015 දි ජනාධිපතිවරණය පරාජය වීමෙන් පසුව විමල් වීරවංශලා, ගම්මන්පිලලා වැනි දේශප්‍රේමින්ගේ බලය උදුරාගෙන ෆෙඩරල් ක්‍රමයක් වෙනුවෙන් නිර්මාණය කළ පොහොට්ටුවේ හෙට දවස රැදි තිබෙන්නේ මෙම මැතිවරණයේ ජයග්‍රහණය මත බැවිනි. එසේම මේ මැතිවරණය පරජය වීමත් සමඟ බැසිල් රාජපක්ෂගේ දේශපාලන දිවිය පමණක් නොව රාජපක්ෂ හනුහරේම දේශපාලන ගමන අවසන් වනු ඇති. නොවැම්බර් 16 වෙනිදායින් පසුව බැසිල් රාජපක්ෂ හා ගෝඨාභය රාජපක්ෂ අමෙරිකාවට යනු ඇති අතර මහින්ද මැදමුලනට පසු බසිනු ඇත. යලිත් ආත්ම ගණනකට රාජපක්ෂවරුන්ට මෙම දේශපාලන කරලිය තුළ හිස ඔසවීමට නොහැකි වනු ඇත. ඒ සමඟම දැනටමත් පරවී ඇති පොහොට්ටුව නටුවෙන් ගැලවි වතුරේ ගිලි යන දවසද නොවැම්බර් මස 16 වෙනිදා වනු ඇත.
Published on: Oct 15, 2019 – ශ්‍රි ලංකා නිදහස් පක්ෂය රැක ගැනීමට පාක්ෂිකයන් හුදකලාව ආරම්භ කොට ඇති සටනට සහයෝගය දෙන බව හිටපු ජනාධිපති චන්ද්‍රිකා බණ්ඩාරනායක කුමාරතුංග අවධාරණය කරනවා.
සිරිමාවෝ බණ්ඩාරනායක මැතිණියගේ ගුණානුස්මරණ තිබු ඔක්තෝබර් 10 වෙනි දිනම බලලෝභි කණ්ඩායම විසින් ශ්‍රි ලංකා නිදහස් පක්ෂයේ ප්‍රතිපත්ති පවා දෙමින් පක්ෂය විනාශ කිරීමට කටයුතු කිරීම පිළිකුළින් හෙලා දකින බවයි හිටපු ජනාධිපති චන්ද්‍රිකා බණ්ඩාරනායක කුමාරතුංග පෙන්වා දෙන්නේ.
ප්‍රජාතන්ත්‍රවාදය ප්‍රතිෂ්ඨාපනය කිරීම වෙනුවෙන් 2015 ජනාධිපතිවරණයේදි මෙරට පොදු ජනතාව ජීවිත අවදානම් නොතකා නායකත්වය ගත්තද හැට දෙලක්ෂකය ජනවරමින් බලයට පත් වූ නායකයා තම පෞද්ගලික අවශ්‍යතා සඳහා අද වන විට පක්ෂය නැවත කුමන්ත්‍රණකරුවන්ට පවරා දී ඇති බවද හිටපු ජනාධිපතිනිය නිකුත් කල නිවේදනයෙ සදහන්.
Published on – Oct 14, 2019 ලංකාවේ හමුදාවට බිහිසුණු පරාජයක් ඇති කරදුන් අලිමංකඩ ප්‍රහාරයෙන් දින 10 කට පසු එනම් 1991 ජූනි මස 20 වෙනිදා එවකට ආරක්ෂක අමාත්‍ය රණසිංහ ප්‍රේමදාස වෙත ලිපියක් එවමින් ගෝඨාභය රාජපක්ෂ හමුදාවෙන් විශ්‍රාම ගිය බව අමාත්‍ය මංගල සමරවීර සඳහන් කරනවා.
එපමණින් නොනැවති ලංකාවේ ගමන් බලපත්‍රය පවා කුණු කූඩයට දමමින් රට ද අතහැර ගිය ගෝඨාභය, ත්‍රස්තවාදීන්ට බයේ රට අතහැර ගිය ගෝඨාභය ජාතියේ ආරක්ෂකයා ලෙස පෙන්වා ගනිමින් මේ ගෙනියන්න්නේ සම්පූර්ණයෙන්ම ප්‍රෝඩාවක් බවයි අමාත්‍යවරයා පෙන්වා දෙන්නේ.
එදා හමුදාවේ රණවිරුවන් 200කට අධික ප්‍රමාණයකට ජීවිත අහිමි වෙද්දි ඒ සටනට නායකත්වය නොදි ත්‍රස්තවාදීන්ට බයේ ගෝඨාභය රාජපක්ෂ රට දමා ගිය අවස්ථාව ඔහුට වීර නායකත්වයක් ලබා ගැනීමට හැකි අවස්ථාවක්ව තිබු බවයි අමාත්‍යවරයා පෙන්වා දෙන්නේ.
2005 නොවැම්බර් මාසයේදි සිය සොහොයුරා ජනාධිපතිවරයා බවට පත්වීමෙන් පසු වසර 14 කට පමණ පසු ලංකාව පැමිණෙන ගෝඨාභය රාජපක්ෂ ආරක්ෂක ලේකම්ධූරය බාර ගත් අතර ඔහු ආරක්ෂක ලේකම්වරයා වශයෙන් සිටියදි සමස්ථ බුද්ධි අංශයම ඔහුගේ යටතේ තිබ්යදි කොළඹ හමුදා මූලස්ථානයේට මරාගෙන කොටි කතක් ඇතුලු වී හමුදාවේ නායකයා වන සරත් ෆොන්සේකා මරා දැමීමට කටයුතු කළ බව අමාත්‍යවරයා මතක් කරනවා.
එසේම ගෝඨාභය රාජපක්ෂ ආරක්ෂක ලේකම්වරයායාටද බෝම්බ ප්‍රහාරයයක් එල්ල වෙද්දි බුද්ධි අංශ මේ පිළිබඳව තොරතුරු ලබා නොදුන්නේද යන්න පිළිබඳව කිසිවෙකු විමසා නොසිටි බවයි මංගල සමරවීර අවධාරණය කරන්නේ.
“අද ශ්‍රී ලංකා පොදුජන පෙරමුණ හරහා ගෝඨාභය රාජපක්ෂ එම පක්ෂ අපේක්ෂක තුමා ඇත්ත වශයෙන්ම මේ මොහොතේ රටට අත්‍යවශය වු ජාතියේ ආරක්ෂකයා හැටියට පෙන්නන්න හඳනවා. ඒ වගේම රට රැක ගන්න පුළුවන් ආරක්ෂා කර ගන්න පුළුවන් මහා වීර්ය චරිතයන් වීර්ය රණවිරුවෙක් හැටියට මවා පාන්න විශාල උත්සහයක යෙදෙනවා. ඇත්ත වශයෙන්ම මේ ගෝඨාභය රාජපක්ෂ මහතාගේ අතීතය දිහා බැලුවොත් මොහුගේ සැබෑ ස්වරූපය අපිට හදුනා ගන්න පුළුවන්. 1991 ජුලී මාස 10 වැනිදා තමයි මේ රටේ පැවතුන යුද්ධයේ ඉතාමත්ම බිහිසුනු තත්වයක් උදා වුණේ අලිමංකඩ යුද්ධය, අලිමංකඩ යුද්ධයේදී අපේ විරෝධාර සෙබළුන් 220 වඩා ජිවිත අහිමිකර ගත්තා එල්.ටී.ටී.ඊ ත්‍රස්ථවාදයෙන් 1000කට ආසන්න ප්‍රමාණයක් නැති වුනා. නමුත් මේ බිහිසුනු යුද්ධය යන මොහොතේ මේ බිහිසුනු ඛේදවාචකය සිදුවෙලා දින දහයන් යන්න කලින් මහා වීරත්වයෙන් කතා කරන ගෝඨාභය රාජපක්ෂ 1991 ජූලී මාසයේ 20 වෙනිදා තමයි ප්‍රේමදාස ජනාධිපතිවරයාට ආරක්ෂක ඇමතිවරයා හැටියට ලිපියකින් තමන්ට හමුදාවෙන් අයින් වෙන්නට විශ්‍රාම යන්නට අවසර ඉල්ලුවේ. මෙතුමා විශ්‍රාම ගියා විතරක් නෙවෙයි රටම දලා ගිහිල්ලා රටෙන් පැණලා ගිහිල්ලා මේ බිහිසුණු යුද්ධය තිබුණු වේලාවේ වෙනත් රටක පුරවැසිභාවය ගන්නවා. ශ්‍රී ලංකාවේ ගමන් බල පත්‍රය කුණු කුඩුවට විසිකරලා ඇමරිකා එක්සත් ජනපදයේ පුරවැසියෙකු වුනේ මේ රටේ යුද්ධයේ බිහිසුණු මොහොතක රණවිරුවන් විශාල ප්‍රමාණයක් තමන්ගේ ජිවිත අහිමිකර ගත්තා. ඇත්ත වශයෙන්ම ඔවුන්ට වීර්ය නායකත්වයක් ලබා දෙන්න පුළුවන් මොහොතක ගෝඨාභය රාජපක්ෂ රට දාලා පැණලා ගියේ.
ඒ වගේම යලි වතාවක් තම සහෝදරයා ජනාධිපතිවරයා බවට පත්වෙනකොට එතුමා ලංකාවට ඇවිල්ලා කෙසේ වෙතත් ආරක්ෂක ඇමතිවරයා සමඟ මුළු ජනතාවගේම ආරක්ෂාව ගැනම වගකියන්න ඔනේ. නමුත් මෙතුමා ආරක්ෂක ලේඛම් වරයා හැටියට ඉදගෙන මුළු බුද්ධි අංශයක් තමන්ගේ යටතේ තියාගෙන කටයුතු කරද්දි තමයි කොළඹ හමුදා මූලස්ථානයට මරාගෙන මැරෙන කොටි කතක් ගිහිල්ලා සරත් ෆොන්සේකා මැතිතුමාව පවා ඝාතනය කරන්නට උත්සහා කරා විතරක් නෙවෙයි. ගෝඨාභය රාජපක්ෂවත් ඝාතනය කරන්නට උත්සහා කරනවා. ඒ වෙලාවේ කවුරුත් ඇහුවේ නැද්ද මේ බුද්ධි අංශය තොරතුරු ලබා නොදුන්නේ නැහැ කියලා. ඒ වෙලාවේ කවුරුත් ඇහුවේ නැහැ මේ සිදුවීම සම්බන්ධයෙන් ගෝඨාභය රාජපක්ෂ වගකීම අරගෙන ඉල්ලා අස්වෙනන් ඔනේ.
විශේෂයෙන්ම අකුරැස්ස මුස්ලිම් පල්ලියට ඒ මහා බොම්බයෙන් දකුණේ දේශපාලකයින් විශාල පිරිසක් අපිට අහිමි වුණා. මහින්ද විජේසේකර ඇමතිතුමා ඇත්ත වශයෙන්ම සඳාකාලීන අභාදිතයෙක් බවට පත්වුණා. ඒ වගේම අපිට මතකයි ජේ.රාජ් ප්‍රනාන්දු පුල්ලේ මැතිතුමා එහෙත් මරාගෙන මැරෙන කොටි බොම්බයකින් ජිවිතක්ෂයට පත්වුණා. ඒ වගේම එවකට හිටපු ඒ අමාත්‍ය මණ්ඩලයේ මෛත්‍රීපාල සිරිසේන මැතිතුමාටත් ඝාතනය කිරිමේ උත්සහා කිහිපයක් ක්‍රියාත්මක වුණා. මේ තරම් දක්ෂ ආරක්ෂක ලේකම් වරයෙක් බව අද කියන ගෝඨාභය රාජපක්ෂ එතුමාට මේ කිසි දෙයක් නවත්තන්නටත් බැරි වුනා නවත්තන්නට අවශ්‍ය බුද්ධි අංශයේ තොරතුරු ලැබුනාද නැද්ද කියක එකවත් අපි දන්නේ නැහැ. අවසානයේදි ඔහු ඇත්ත වශයෙන්ම රාජපක්ෂ සමයේදී 2008 දි යුද්ධය දින්නා. නමුත් අද මුළු රටම දන්නවා ඒ යුද්ධය දින්නේ වෙන කවුරුත් නිසා නෙවෙයි අපේ විරෝධාර ත්‍රිවිඩ හමුදාව සහා පොලීසිය නිසා. විශේෂයෙන්ම හමුදාවට නායකත්වය දුන්නේ එවකට හමුදාපති සරත් ෆොන්සේකා මැතිතුමා නිසා බව අද රහසක් නෙවෙයි. ඇත්ත වශයෙන්ම ඒ බව ඒ රාජපක්ෂ ත්‍රීෂුලයත් පිලි ගත්තා. මොකද තාම මතකයි යුද්ධයෙන් පස්සේ ජයග්‍රාහනය සමරලා කේක් එකක් කපනකොටත් එවකට ජනාධිපතිතුමා කේක එක කැපිමේ වගකීම භාර දුන්නේ සරත් ෆොන්සේකා හමුදාපතිතුමාට. අද සරත් ෆොන්සේකා මැතිතුමා 16 වෙන්දා අපි හිටවන සජිත් ප්‍රේමදාස රජයේ ආරක්ෂාව භාරව සිටින අපේ ප්‍රධානියා හැටියට දැනටමත් නම් කරලා තිබෙනවා. අන්න එහෙමනම් මේ රටේ ජනතාව මේ රට ආරක්ෂා කරන්න පුළුවන් වෙන්නේ මේ රට ඉදිරියට ගෙන යන්න පුළුවන් වෙන්නේ මේ රට සැබෑ ලෙසම යුද්ධයට මුහුණ දිපු සරත් ෆොන්සේකාටය නැතිනම් යුද්ධයේ ඉතාම භායානක අවස්තාවකදි රටෙන් පැනලා ගියපු රටේ පුරවැසිකමත් ඇතහැරපු ගෝඨාභය රාජපක්ෂද කියන එක තිරනය කරන්න ඔනේ. විශේෂයෙන්ම සජිත් ප්‍රේමදාස මැතිතුමා අද මේ රටේ රාරක්ෂාව සපයන්න මුල් තැන දිලා තියෙන්නේ මේ ආරක්ෂාව සැපයිමේදි එතුමා කියනවා ආරක්ෂාව සපයන ගමන්ම ආරක්ෂාවට අවශය ප්‍රධාන සාදකය වන සන්හිදියාව තවත් ශක්තිමත් කරලා විශේෂයෙන්ම ජාතීන් ආගම් කුල වශයෙන් නොබිදෙන ශ්‍රී ලංකාවක විතරයි මේ රටේ ආරක්ෂාව තහවුරු කරන්න පුළුවන්.” අමාත්‍යවරයා සඳහන් කළා.
