Published on: Jul 22, 2018 – ත්රස්ත ක්‍රියාකාරකම් සම්බන්ධයෙන් මාධ්ය හරහා අනාවරණය විම් වැලැක්වීමට යහපාලන ආණ්ඩුව මෙහෙයුමක් දියත් කර තිබේන බවත් ඒ හරහා අල්ලස්,වරප්‍රසාද ලබාදි අවනත කර ගැනිමට නොහැකි මාධ්‍යවේදීන්ගේ ජිවිත අවදානමකට ලක්කර ඔහුන්ගේ තොරතුරු මුලාශ්‍ර විනාශ කිරිමේ කුමන්ත්‍රණයක් දියත් කර තිබේන බව මේ වනවිට අනවරණය වි තිබේ.
මාධ්‍යවේදීන්ගේ තොරතුරු මුලාශ්‍ර අනාවරණය කර ජිවිත අවදානමකට ලක් කිරිමේ ආණ්ඩුවේ වෑයම පරදවමු!
“අලූත්ම බිල්ලකට කොටි යළි නැගිටී” යන හිසින් යුතුව පසුගිය 24 වැනිදා රිවිර ඉරිදා සංග‍්‍රහයේ පළකරන ලද ප්රධාන පුවත පිළිබඳ ප්රකාශ සටහන් කරගැනීම සඳහා රිවිර සම-කර්තෘ තිස්ස රවීන්ද්‍ර පෙරේරා මහතා ත්රස්ත විමර්ශන කොට්ඨාශයට කැදවා ලිපිය මගින් අනාවරණය කළ තොරතුරු වල මුලාශ්‍ර හෙලිකරන ලෙසට බලපෑම් කිරිම සම්බන්ධයෙන් වෙබ් මාධ්‍යවේදීන්ගේ ජාතික ව්‍යාපාරය දැඩි අප්‍රසාදය අදාළ පාර්ශවයන් වෙත පලකරමු.
ත්රස්ත විමර්ශන කොට්ඨාශය විසින් D/TID/OUT/8742/18 දරණ අංකය යටතේ “විමර්ශනයකට අදාලව විස්තර ලබා ගැනිම් සදහා” යනුවෙන් යොමුකර ඇති ලිපියේ දක්වා ඇත්තේ “අලූත්ම බිල්ලකට කොටි යළි නැගිටී” ශිර්ෂය යටතේ සිදුකර ඇති වාර්තාව සම්බන්ධයෙන් අදාළ වාර්තාව පුවත් පතට සැපයු මාධ්‍යවේදී තිස්ස රවීන්ද්‍ර පෙරේරාගෙන් තොරතුරු අනාවරණය කර ගැනිමට අවශ්‍ය ප්‍රකාශයක් ලබා ගැනිමට ඇති බවයි.
අදාළ ඉල්ලිමට අනුව ජුලි මස 20 වැනිදා පොලිස් ත්රස්ත විමර්ශන කොට්ඨාශට ගිය රිවිර සම-කර්තෘ තිස්ස රවීන්ද්‍ර පෙරේරා මහතාගෙන් පැය 5කට ආසන්න කාලයක් ප්රශ්න දිගින් දිගටම විමසා ඇත්තේ අදාළ මුලාශ්‍ර ලබාගත් ආකාරය ගැනය. ජාතික ආරක්ෂාවට අනතුරක් එල්ල වන ආකාරයේ ත්රස්ත ක්‍රියාවන් පිළිබඳව අවස්ථා ගණනාවකදිම තිස්ස රවීන්ද්‍ර පෙරේරා අනාවරණයන් රැසක් සිදු කර තිබෙන අතර ඒ සදහා වගකිව යුතු පාර්ශවයන්ගෙන් තොරතුරු ලබා ගැනිමේ හැකියාවක් ඔහු සතුව පවතී.
අදාළ සිරස්තලයෙන් හෙළිදරව් කරනු ලැබ ඇත්තේ පසුගිය ජුලි මස 22 වැනිදා ඔඩ්ඩුසුඩාන් කැලෑවේදී ක්ලේමෝ බෝම්බයක් ඇතුළුව පුපුරණ ද්‍රව්‍ය සමඟ අත්අඩංගුවට ගැනුනු ත්රස්ත සාමාජිකයන් සම්බන්ධයෙන් වන අතර අදාළ වාර්තාව බුද්ධි අංශ අනාවරණය කරගත් තොරතුරු පදනම් කරගනිමින් සකස් කරන ලද්දක් බව ද පෙනීයයි.
ත්රස්ත විමර්ශන කොට්ඨාශය මාධ්‍යවේදියා කැදවා දිගින් දිගටම මුලාශ්‍ර සම්බන්ධයෙන් ප්රශ්න කිරිම හරහා මනාව පැහැදිලි වන්නේ රටේ ජාතික ආරක්ෂාව අනතුරේ දමමින් ත්‍රස්තවාදීන් යලි හිස එසවිමට දරණ උත්සහය ව්‍යාර්ථ කිරිම නොව අදාළ අනාවරණයන් හරහා වත්මන් ආණ්ඩුව අපහසුතාවට පත්විම වලක්වා ගැනිම පමණක් ඔවුන්ගේ පරමාර්ථය වි ඇති බවයි.
රටේ ජාතික ආරක්ෂාවට තර්ජනයක් වන සිද්ධියක් මෙන්ම පාලකයන්ගේ හොරකම්,මැරකම් මෙන්ම දුෂණයන් සම්බන්ධයෙන් මාධ්‍යවේදීන් කරන අනාවරණයන් සම්බන්ධයෙන් සිදුකරන පරික්ෂණයන්ට අදාළව තවදුරටත් තොරතුරු අනාවරණය කර ගැනිමට රටේ වගකිවයුතු ආරක්ෂක අංශ වලට ඇති අයිතියට අප කිසිවිටක අභියෝග නොකරමු. නමුත් ඒ මුවාවෙන් මාධ්‍යවේදීන්ගේ තොරතුරු මුලාශ්‍ර අනාවරණය කර ගැනිම හරහා ඔවුන්ගේ ජිවිත අනාරක්ෂිත කිරිමටත් ගන්නා උත්සහයන් පරාජය කලයුතු වන අතර ඒ වෙනුවෙන් වෙබ් මාධ්‍යවේදීන්ගේ ජාතික ව්‍යාපාර නොබියව පෙනී සිටින බවද අවධාරණය කර සිටිමු.
පසුගිය ආසන්න දින කිහිපයකදිම මාධ්‍යවේදීන්ගේ තොරතුරු මුලාශ්‍ර වලට ආණ්ඩුවේ විවිධ තරාතිරමේ කණ්ඩායම් බලපෑම් එල්ල කල අතර එහි වර්ධනීය තත්ත්වය ලෙස රාජ්‍ය යාන්ත්‍රණයද මාධ්‍යවේදීන්ට තර්ජනය කිරීම ආරම්භ කොට ඇත.
පසුගියදා මාධ්ය නිදහසට බරපතල තර්ජනයක් එල්ල කරමින් කොල්ලුපිටිය පොලිසිය නෙත් එෆ්.එම් වෙත දුරකථන ඇමතුම් ලබා දුන් ශ්‍රාවකයින් ගණනාවකගේ දුරකථන ඇමතුම් විස්තර ලබා ගෙන ඒ අනුව එම ශ්‍රාවකයින් පොලිසියට කැදවිමත්,මැයි මාසයේ උතුරේ හා දකුණේ පැවැති විරු සැමරුම් පිළිබඳව ආරක්ෂක අංශ ගන්න පියවර සම්බන්ධයෙන් තොරතුරු ඇතුලත්ව 2018 මැයි මස 25 දා දිනමිණ හා ලක්බිම පුවත් පත් හි පළවු ප්‍රවෘත්ති සම්බන්ධයෙන් ලක්බිම පුවත් පතේ මාධ්‍යවේදීන් වන ලසන්ත වීරකුලසුරිය,ගයත්‍රී ගිංගගආරච්චිගේ තොරතුරු අපරාධ පරික්ෂණ දෙපාර්තමේන්තුව රැස් කිරිමට ගැනිමත් රාජ්‍ය මර්දන හස්තය මාධ්ය වෙත යොමුවෙමින් තිබෙන බවට ආසන්නතම උදාහරණ වේ.
ඒ හේතුවෙන් මාධ්‍යවේදීන් ආරක්ෂා කරන බවට පොරොන්දු වෙමින් පැමිණි යහපාලන ආණ්ඩුව ජාතික ආරක්ෂාවට මුවාවී ආණ්ඩුව මාධ්‍යවේදීන්ගේ ජිවිත අනතුරේ දැමිමට ගන්නා උත්සහය වහාම හකුලා ගන්නා ලෙස වෙබ් මාධ්‍යවේදීන්ගේ ජාතික ව්‍යාපාරය ලෙස අපි ජනපතිවරයාට, අගමැතිවරයාට මෙන්ම ආණ්ඩුවේ වගකිවයුතු පාර්ශවයන්ට දැඩි ලෙස අවධාරණය කර සිටිමු.
ස්තූතියි!
මෙයට,
චතුරංග ද අල්විස්
සභාපති
වෙබ් මාධ්‍යවේදීන්ගේ ජාතික ව්‍යාපාරය
Published on: Jul 19, 2018- ඇමතිකම ලබා ගැනිම සදහා දැවැන්ත මඩ මෙහෙයුම් දියත් කරමින් සිටින මහ බැංකු වංචාවේ කුප්‍රකට ඩිල් කරු වන හිටපු මුදල් අමාත්‍ය රවී කරුණානායකට මෙදාපාරත් ඇමතිකමක් නොලැබිමෙ තත්ත්වයක් උදාවි තිබේන බව අප දේශපාලන වාර්තාකරු අනාවරණය කලා.
ජනාධිපතිවරයාගේ රෝම් සංචාරයට පෙර රවී කරුණානායකට ඇමතිකමක් ලබාදිමට එකඟතාව පලකර තිබි ඇති අතර සංචාරය අවස්න් කර පැමිණී වහාම අදාළ ඇමතිකමේ දිවුරුම් දිමට රවි සියලු කටයුතු සුදානම් කර තිබේ.
රවී කරුණානායක අග්‍රාමාත්‍යවරයාට එරෙහිව ගෙන ආ විශ්වාසභංගයට මුවා වි ඇමතිකම ගැනිමට ගත් උත්සහය අගමැති රනිල් වික්‍රමසිංහ විසින් ව්‍යාර්ථ කල අතර පසුව එලබෙන සැප්තැම්බර් මාසයේ එජාප පක්ෂ සමුලුවේදි යලිත් රනිල් නායකයා ලෙස පත්කර ගැනිමට අවශ්‍ය එජාප පසුපෙල මන්ත්‍රීවරුන්ගේ සහය ලබා ගැනිමට රවීගේ සහය ලබා ගැනිම්ට අවශ්‍ය නිසා රවීට අවශ්‍ය ඇමතිකමක් ලබා දිමට රනිල් එකඟතාව පලකර තිබේ.
මීට සති දෙකකට පමණ පෙර රනිල්ගේ සොහොයුරු ශාන් වික්‍රමසිංහගේ දියණිය වන ඉෂිනී වික්‍රමසිංහගේ උපන් දින සාදයේදි සිදුවු සාකච්ඡාවකින් පසුව රවී,මංගල සමග තිබු ගැටුමද අවසන් කර තිබේන අතර රවීගෙ ඇමතිකම වෙනුවෙන් මංගලද ජනාධිපතිවරයා හමුවි කරුණු පහදා දිමට කටයුතු කර තිබේ.
කෙසේවෙතත් රෝම සංචාරයට පෙර රවිට ඇමතිකමක් ලබාදිමට ජනාධිපති මෛත්‍රීපාල සිරිසේන එකඟතාව පලකර තිබුනද මේ වනවිට එම අදහස වෙනස් කරගෙන තිබේන අතර ඊට ආසන්නතම හේතුව වි ඇත්තේ එජාපයේ මෛත්‍රීට සහයි දක්වන රවී විරෝධි මන්ත්‍රීවරුන්ගෙ දැඩි බලපෑම වන අතර ඒ අනුව රවීට යලිත් ඇමතිකම නොලැබිමේ අවස්ථාවක් උදා වි තිබේ.
එක්සත් ජාතික පක්ෂයේ විරෝධය නොතකා තමන්ට ඇමතිකමක් ලබාදිමට ජනාධිපතිවරයා කටයුතු නොකරන්නේ නම් ජනපති ඉලක්ක කර අනාවරණයන් රැසක් කිරිමට තමන් සුදානම් බව හිටපු මුදල් අමාත්‍ය,රවී කරුණානායක ජනපතිට අනතුරු අගවා තිබු අතර ජනාධිපතිවරයා සහ පවුලේ ඥාතින් ඉලක්ක කර එල්ල වන අසත්‍ය,මඩ ප්‍රහාරයන් පසුපස රවීගේ වෙබ් කල්ලිය සිටින බවට අවස්ථා ගණනාවකදි ජනාධිපතිවරයාට තොරතුරු වාර්තා වි තිබේ.
කුඩු මර්වින් කඩේ යවන රවී….
මීට අමතරව රටටම කුඩු බෙදු, කැළණියේ කප්පන් මුදලාලි නොහොත් මර්වින් සිල්වා රවී කරුණානායක සිය අත කොලුවක් කරගෙන ඇති බවත් ඒ හරහා තමන්ට (රවීට) අභියෝගයක් වන දේශපාලඥයින් හට මඩ ගැසිම සදහා යොදවන බවටත් ජනාධිපතිවරයාට මේ වනවිට තොරතුරු වාර්ත වි තිබේ.
රවීට එජාපය තුල බරපතල තර්ජනයක් ව ඇති ප්‍රභල දේශපාලඥයෙකු වන ජනරාල් සරත් ෆොන්සේකා මෙන්ම එජාපයේ ප්‍රබලම චරිතය වන සජිත් ප්‍රේමදාස ඉලක්ක කර රවී මේ වනවිට මර්වින් සිල්වා යොදවා ගනිමින් මඩ ප්‍රහාර එල්ල කරමින් සිටි.
http://198.211.112.164/archives/18066
http://198.211.112.164/archives/18236
http://198.211.112.164/archives/18517
“ ඔය හිරගෙවල් වල ඉන්නෙත් දෙවැනි පෙළේ ඉන්න කුඩු බිස්නස් කාරයෝ. මේ රටේ පළවෙනි පෙලේ කුඩු බිස්නස් කාරයෝ වෙන කොහෙවත් නෙවෙයි ඉන්නේ හොද හොද ලයන්ස් ක්ලබ් වල, රොටරි ක්ලබ් වල, බෞද්ධ සංවිධානවල සභාපතිවරු හැටියට ප්රධාන උපාසක මහත්වරුන් මහත්මියන් හැටියටයි මේ අය ඉන්නේ. මම මේ දන්නා නිසයි කියන්නේ. “
යනුවෙන් මුදල් සහ ජනමාධ්‍ය අමාත්‍ය මංගල සමරවීර මහතා පසුගිය දින මාධ්ය හමුවක් අමතමින් සිදුකරන ලද ප්‍රකාශයට එරෙහිව පිවිතුරු හෙළ උරුමය විසින් පොලිස්පතිතුමා වෙත පැමිණිල්ලක් අද දින (2018.07.16) කොළඹ කොටුව පොලිස් මූලස්ථානයේ දී සිදු කරන ලදී.
එම අවස්ථාවේදී මාධ්ය වෙත අදහස් දැක්වූ පිවිතුරු හෙළ උරුමයේ නියෝජ්‍ය නායක මධුමාධව අරවින්ද මහතා සහ පක්ෂයේ ප්‍රචාරක ලේකම් නීතීඥ තුෂාර දිසානායක මහතා දැක්වූ අදහස්.
මංගල කළේ බරපතල අපහාසයක් – මධුමාධව අරවින්ද
වගකිවයුතු අමාත්‍යවරයෙක් වශයෙන් මංගල සමරවීර අමාත්‍යවරයා ඉතා බරපතල ප්‍රකාශයක් වගේම අපහාසාත්මක ප්‍රකාශයක් පසුගිය 13 වැනිදා පැවැති මාධ්ය හමුවකදී සිදුකරනවා. එහිදී එතුමා සඳහන් කරනවා මේ මොහොතේ වැලිකඩ මත්ද්‍රව්‍ය ජාවාරම්කරුවන් වශයෙන් සිටින පිරිස නොවෙයි ලංකාවේ මුල්පෙළේ අපරාධකරුවන් කියලා. ඒ වගේම එතුමා කියනවා මුල්පෙළේ ජාවාරම්කරුවන් සිටින්නේ කොහෙදැයි එතුමන් දන්නා බව. සිංහ සමාජයේ, රොටරි සමාජයේ, වගේම උපාසක මහත්වරුන් ලෙසින් පන්සල් ආශ්‍රිතවත් මෙම පළමු පෙල මත්ද්‍රව්‍ය ජාවාරම්කරුවන් කටයුතු කරන බව එතුමා කියනවා.
මේ මොහොතේ ජනාධිපතිවරයා ඇත්තට හෝ බොරුවට රටේ මරණ දණ්ඩනය ක්‍රියාත්මක කරන තැනට ප්‍රශ්නය ලොකු කර ගත් අවස්ථාවක, මෙම මත්ද්‍රව්‍ය ජාවාරමේ යෙදෙන ප්රධාන පෙලේ පිරිස අමාත්‍යවරයා හොඳින්ම දන්නා නිසා අපි පොලිසියට ආරාධනා කළා මංගල සමරවීර අමාත්‍යවරයාගෙන් ප්රශ්න කරලා ඒ මුල් පෙලේ මත්ද්‍රව්‍ය ජාවාරම්කරුවන් අපරාධකරුවන් අත්අඩංගුවට ගන්න කියලා.
ඒ වගේම ලංකාවේ වැදගත් මිනිසුන් සිය සමාජ සේවා කටයුතුවල යෙදෙන සිංහ සමාජයේ ඔබ සාමාජිකයෙක් නම් රොටරි සමාජයේ ඔබ සාමාජිකයෙක් නම් ඔබට මේ අගෞරවය දැනුණේ නැද්ද? විශේෂයෙන්ම නොම්මර එකේ කුඩුකාරයන් ඉන්නේ සිංහ සමාජයේ කිව්වට පස්සේ මෙවැනි සංවිධානවල සාමාජික සාමාජිකාවන් කොහොමද සමාජයේ කටයුතු කරන්නේ. ඒ වගේම උපාසක මහත්වරුන් කටයුතු කරන්නේ පන්සලත් එක්ක. ඒ නිසා මේ එල්ලන්නට හදන්නේ පන්සලට යන මිනිස්සු නම් මේ එල්ලන්නට හදන්නේ සමාජයේ වැඩදායි මිනිසුන් නම් ඒ අපහාසයටත් එතුමා පිළිතුරු දීම අවශ්‍යයි.
මංගල නොම්මර එකේ කුඩු ජාවාරම්කරුවන් ලෙස හඳුන්වන්නේ රනිල්ද? රුවන්ද ? – තුෂාර දිසානායක
අපරාධකරුවෙක් පිළිබඳව දැනුවත් වෙලා අපරාධයක් සැඟවීම සහ අපරාධකරුවෙකු සැඟවීම වරදක් ලෙසයි අප දකින්නේ. ඒ අනුව මංගල පි. සමරවීර ඇමතිවරයා විසින් නොම්මර එකේ කුඩු ජාවාරම්කරුවන් පිළිබඳ දැනගෙන ඒ පිළිබඳ මාධ්ය හරඹයන් කරනවට වඩා මීට අදාළ ආයතන වලට එම තොරතුරු යොමු නොකළේ ඇයි කියන ප්‍රශ්නය අප සතුව තිබෙනවා.
අපරාධයක් වසන් කිරීමේ වරදට මංගල පී සමරවීර අමාත්‍යවරයා වරදකරුවෙකු වන නිසා ඔහුට විරුද්ධව නීතිය ක්‍රියාත්මක කරන්න කියන ඉල්ලීම තමයි අද පොලිස් මූලස්ථානයෙන් පොලිස්පතිවරයාගෙන් ඉල්ලා සිටියේ.
ඒ වගේම මගේ දැනුවත්වීම අනුව මේ රටේ අග්‍රාමාත්‍ය රනිල් වික්‍රමසිංහ සහ රාජ්‍ය ආරක්ෂක අමාත්‍ය රුවන් විජේවර්ධන බියගම සිංහ සමාජයේ සාමාජිකයන් දෙදෙනෙක්. ඒ අනුව මංගල පින්සිරි සමරවීර අමාත්‍යවරයා දන්න නොම්මර එකේ කුඩු ජාවාරම් කරුවන් ලෙස හඳුන්වන්නේ මෙතුමන්ලා ද කියන ප්‍රශ්නය අපට පැන නගිනවා.
ඒ නිසා අපි මංගල සමරවීර ඇමතිතුමා මෙලෙස වගකීම් විරහිතව රටේ සම්භාවනීය මිනිසුන් අරබයා සිදුකරන ලද මේ චෝදනාව හෙලාදකින අතරම මේ රටේ අපරාධකරුවන් ගැන දැනුවත් වී අපරාධයන් ගැන දැනුවත් වී ඒ පිළිබඳ අදාළ අංශ වෙත තතු නොකීම පිළිබඳව වූ චෝදනාව අපි ඔහු වෙත එල්ල කරනවා. එය දණ්ඩ නීති සංග්‍රහය යටතේ වරදක්. ඒ නිසා මේ සම්බන්ධයෙන් ක්‍රියාමාර්ග ගනීවි යැයි බලාපොරොත්තු වෙනවා.
Published on: Jul 14, 2018- මෛත්‍රීපාල සිරිසේනට යලිත් ජනාධිපති පුටුවේ වාඩිවිමට කිසිදු හැකියාවක් නොමැති බවත් අවශ්‍යනම් ගෙදර පුටුවක සාදා එහි “ජනාධිපති” ලෙස නම් කර වාඩි විමට හැකි බව ජනතා විමුක්ති පෙරමුණේ නායක, විපක්ෂයේ ප්රධාන සංවිධායක අනුර දිසානායක අවධාරණය කරනවා.
ජනතා විමුක්ති පෙරමුණ විසින් පාර්ලිමේන්තුවට ඉදිරිපත් කර තිබෙන 20 වන ව්‍යවස්ථා සංශෝධනය සම්බන්දව කරුණු පැහැදිලි කරන විශේෂ භික්ෂු කතිකාවක් ඊයේ (13 ) කොළඹ – තුම්මුල්ල ශ්‍රී සම්බුද්ධත්ව ජයන්ති මන්දිරයේදී පැවැති අතර එම අවස්ථාවට එක්වෙමින් අනුර දිසානායක සදහන් කලේ මෛත්‍රීට මෙන්ම රනිල්ටත් මහින්දටත් යලිත් ජනපති පුටුවේ වාඩි විමට නොහැකි බවයි.
Published on: Jul 11, 2018 – සමස්ථ ලංකා බෞද්ධ මහා සම්මේලනයේ රුපියල් කෝටි 317 ½ කට අධික මුල්‍ය සහ දේපොළ අක්‍රමිකතාවක් සිදු කර ඇතැයි බෞද්ධ සම්මේලනය සුරැකීමේ සංවිධානය හෙළි කර සිටියි.
මේ මහ පරිමාණ මුල්‍ය සහ දේපොළ වංචාවට වග කිව යුත්තේ සමස්ථ ලංකා බෞද්ධ මහා සම්මේලනයේ සභාපති ජගත් සුමතිපාල මහතා ඇතුළු නිලධාරී මණ්ඩලය බව ද එම සංවිධානය චෝදනා කරයි.
ජගත් සුමතිපාල මහතා ප්රධාන නිලධාරී මණ්ඩලයේ මේ දුෂණ,වංචා, අක්‍රමිකතා වගේම අත්තනෝමතික සහ ශාසන විරෝධී ක්‍රියා කලාපයට එරෙහිව අද (10) සවස 2.30 ට සමස්ථ ලංකා බෞද්ධ මහා සම්මේලනය ඉදිරිපිටදී දැවැන්ත සත්‍ය ග්‍රහයක් පවත් වන බව පැවසූ බෞද්ධ සම්මේලනය සුරැකීමේ සංවිධානය ගිහි බෞද්ධයන්ගේ මුදුන් මල්කඩ වන බෞද්ධ මහ සම්මේලනය “රේස් ඔට්ටුකරයින්ගෙන්” බේරා ගන්නා තුරු මේ සටන ඉදිරියටම ගෙන යන බව ද අවධාරණය කර සිටියි.
මේ මහ පරිමාණ මුල්‍ය සහ දේපොළ වංචාව හේතුවෙන් 2018 -01-06 දින පැවැති බෞද්ධ මහ සම්මේලනයේ 98 වන සංවත්සර සභාවේදී සහ 91 වන මහ සභාවේදී හිටපු සභාපති ආචාර්ය ප්‍රනීත් අබේසුන්දර මහතා ප්රධාන නිලධාරී මණ්ඩලය ඉදිරිපත් කළ මුදල් වාර්තාව සභා සම්මත වී නොමැත.
ඒ අනුව බෞද්ධ මහ සම්මේලනයේ වැඩ කටයුතු ඉදිරියට ගෙන යාම සඳහා ජගත් සුමතිපාල මහතා ප්රධාන නිලධාරී මණ්ඩලය තාවකාලිකව, එනම් තෙමසක් සඳහා පමණක් යළි පත් කෙරුණු අතර ඒ අයගේ එම තාවකාලික නිල කාලය 2018 අප්‍රේල් මස හය වනිදගෙන් අවසන් වී තිබේ.
එසේ තිබියදී ජගත් සුමතිපාල මහතා ප්රධාන ඔහුගේ නිලධාරී මණ්ඩලය නීති විරෝධී ලෙස බෞද්ධ හිමිකම් පිළිබඳව කොමිසමක් පත් කරමින් සහ වාර්ෂික මුදල් වාර්තාව සම්මත වූ බවට තහවුරු කෙරෙන කූට ලේඛනයක් සකස් කර ඉදිරිපත් කරමින් බෞද්ධ මහ සම්මේලනයේ බලය අයුතු ලෙස අල්ලා ගෙන සිටීමට කටයුතු කරමින් සිටින බව බෞද්ධ සම්මේලනය සුරැකීමේ සංවිධානය පවසයි.
ජගත් සුමතිපාල මහතා ප්රධාන නිලධාරී මණ්ඩලය බෞද්ධ සම්මේලනය සතු කොළඹ 07 පිහිටි රුපියල් කෝටි තුනක් සහ කොළඹ,ස්වර්ණ පෙදෙස, කාසල් වීදියේ පිහිටි රුපියල් කෝටි 17.05ක් වටිනා දේපොළ නීති විරෝධී ලෙස විකුණා මුදල් ලබා ගෙන අන්සතු කර තිබේ.
සමස්ථ ලංකා බෞද්ධ මහ සම්මේලනයේ ප්‍රචාරක කටයුතු පිළිබඳ ජාතික සභාවේ හිටපු සභාපති ජයන්ත පීරිස් මහතා මේ සම්බන්ධව 2018-04-12 දින අපරාධ පරීක්ෂණ දෙපාර්තමේන්තුවටද පැමිණිල්ලක් සිදු කර ඇත.
මීට අමතරව ජගත් සුමතිපාල මහතා සමස්ථ ලංකා බෞද්ධ මහ සම්මේලනය යටතේ විදේශ ආධාර ලබා ගත හැකි ගිණුමක් සිය නිලධාරී මණ්ඩලය ඇතුළු කිසිවකුට නොදන්වා කූට ලේඛණ ඉදිරිපත් කරමින් ඔහුගේ දුවගේ සහ බෑනාගේ නමින් සම්පත් බැංකුවේ බොරැල්ල ශාඛාවේ පවත්වා ගෙන ගොස් ඇති අතර පසුව එම ගිණුම වසා ඇති බවට ද මේ වන විට කරුණු හෙළිදරව් වී තිබේ.
මේ සියලු කරුණු කාරණා සම්බන්ධයෙන් බුද්ධශාසන අමාත්‍ය ගාමිණී ජයවික්‍රම පෙරේරා සහ එවකට සංස්කෘතික විෂය භාරව සිටි අධ්‍යාපන අමාත්‍ය අකිල විරාජ් කාරියවසම් යන මහත්වරුන් වෙත සියලු සාක්කි සහ සාධක ඇතිව පැමිණලි කිරීමට ද බෞද්ධ සම්මේලනය සුරැකීමේ සංවිධානය පියවර ගෙන තිබේ.
(උපුල් බණ්ඩාර)
Published on: Jul 9, 2018- යහපාලනයේ අට පාස් මුදල් ඇමති මංගල සමරවීර සිය ඩයස්පොරාවේ සුරතලුන් සමග කොළඹ නිවසේ පසුගිය 4 වැනිදා රාත්‍රීයේ සාදයක් පවත්වා ජෝගී දමා තිබේන බව අප දේශපාලන වාර්තාකරු අනාවරනය කළා.මංගලගේ කොළඹ පිහිටි නිවසේ පැවැති එම රාත්‍රී භෝජන සංග්‍රහය සදහා ඩයස්පොරාවේ කිහිපදෙනකුම පැමිණ ඇති අතර අනාගත ඩයස්පොරාවේ බල ව්‍යාප්තිය සදහා මංගලගෙන් එම කණ්ඩායම සaජුවම සහය ඉල්ලා තිබේ.
තැන්පත්කරුවන්කරුවන් 33,000කගේ බිලියන 33කට අධික මුදලකට කෙලවා අවසානයේ අනාථ වි ගිය ස්වර්ණවාහිනීය සහ ETI මුල්‍ය ආයතන සියල්ලම යහපාලනයේ අට පාස් මුදල් ඇමති සහ රටේ ආර්ථික කම්බස් කල මනෝ තිත්තවැල්ල පසුව එම ආයතන එක්සත් රාජධානියේ සහ යුරෝපයේ ජනප්‍රිය ජංගම දුරකතන සමාගමක් වන ‘ලයිකා මොබයිල්’ සමාගමේ සභාපති ඩයස්පොරාවේ සුභාෂ්කරන් අල්ලිරාජාට(Allirajah Subaskaran) විකුණා දැමු අතර මේ වනවිට එම ගණුදෙනු හරහා ලැබුනු අසිමාන්තීක මුදල් වලින් මේ වනවිට මත්වු සිටින මංගල සහ සමාගම මෙම ප්‍රියසාදය පවත්වා තිබේ.
මැලේසියානු සම්භවයක් ඇති LTTE සංවිධානය සමග සමීප සබඳතාවයන් ඇති සුභාෂ්කරන්ගේ ගෝලයෙකු වන ජේ. සුධීර් ජෙයරාම්ද මෙම අවස්ථාවට සහභාගි වි ඇති අතර පසුගියදා මංගලගේ ඩයස්පොරා ගැතිකම් හෙලිකල SLvlog දේශපාලන කතිකාවට කුණුහරුපයෙන් තර්ජනය කල මංගලගේ කාර්යය මණ්ඩල ප්‍රධානී තුසිත් හල්ඔලුව මෙම ප්‍රියසාදය සංවිධානය කර තිබේ.
අප දේශපාලන වාර්තාකරු සදහන් කළේ දකුණෙ මාධ්ය මෙන්ම මුල්‍ය ආයතන අත්පත්කර ගැනිමේ මෙහෙයුමට අමතරව රටේ පෞද්ගලික බැංකු කිහිපයක්ම සහ සහ කෙලවිගෙන් යන රාජ්‍ය බැංකුවක් අත් පත් කරගැනිමේ මෙහෙයුම මේ වනවිට ‘ලයිකා මොබයිල්’අත්පත්කර ගැනිමට කටයුතු කරමින් සිටින බවයි.
සුභාෂ්කරන් අල්ලිරාජා (Allirajah Subaskaran)ගේ කුප්‍රකට වංචා ගැන අනාවරණයක් බලාපොරොත්තු වන්න….
Published on: Jul 8, 2018- ශ්‍රී ලංකා දේශයේ වෙනම රාජ්‍යයක් පිහිටුවීමට උත්සාහ කරන කරුණු ඇතුළත් ප්‍රතිපත්ති ප්‍රකාශයක් පසුගිය පළාත් සභා මැතිවරණයට ඉදිරිපත් කළ බවට චෝදනා කරමින් ගොනු කළ මූලික අයිතිවාසිකම් පෙත්සමක් සම්බන්ධයෙන් කරුණු දැක්වීම සඳහා ලබන ඔකතෝබර් මස 2 වැනි දින අධිකරණයේ පෙනී සිටින ලෙස දෙමළ ජාතික සන්ධානයෙහි මහ ලේකම් මාවෙයි සේනාධිරාජා මහතාට නියෝග කරමින් ශ්‍රේෂ්ඨාධිකරණය ඊයේ (27) නොතීසි නිකුත් කෙළේය.
එම ප්‍රතිපත්ති ප්‍රකාශනයේ “ස්වයං නීර්ණ අයිතියක්” සහ ස්වයං නීර්ණ ආණ්ඩුවක් යන්න සඳහන් කිරීම මන් වෙනම රාජ්‍යයක් පිහිටුවීමට උත්සාහ කරන බවට සහ එමන් ආණ්ඩුක්‍රම ව්‍යවස්ථාව උල්ලංඝනය කරන බවට චෝදනා කළ එම මූලික අයිතිවාසිකම් පෙත්සම සලකා බැලූ ශ්‍රේෂ්ඨාධිකරණය මෙම නියෝගය කෙළේය.
එම ප්‍රතිපත්ති ප්‍රකාශය මගින් ශ්‍රී ලංකාව තුළ වෙනම රාජ්‍යයක් පිහිටුවිම යන්න අර්ථ ගැන්වෙන වදන් ඇතුළත් කිරිම සහ ඊට උත්සාහ කිරිම සම්බන්ධයෙන් පරික්ෂණයක් පවත්වන ලෙස ද මෙම පෙත්සම මගින් ඉල්ලා තිබේ.
දෙමළ ජාතික සන්ධානයේ සහ ඉලංගෙයි තමිල් අරසු කච්චි පකෂයෙහි පොදු අරමුණ ශ්‍රි ලංකාව තුළ වෙනම රාජ්‍යයක් පිහිටුවිම, බව පෙන්වා දි ඇති පෙත්සම මගින් ඉල්ලා ඇත්තේ එය දෙමළ ජාතික සන්ධානයෙහි ප්‍රමුඛ එක් අරමුණක් බවට ප්රකාශ කරන ලෙසය. නීතිඥවරයකු වන උණවටුන තොටවත්තගේ අරුණ ලක්සිරි විසින් මෙම පෙත්සම ගොනු කර තිබිණි. දෙමළ ජාතික සන්ධානයෙහි මහ ලේකම් මාවෙයි සේනාධිරාජා මහතා පෙත්සමෙහි වගඋත්තරකරු වේ.
අගවිනිසුරු මොහාන් පිරිස්, සත්‍ය හෙට්ටිගේ , රෝහිනී මාරසිංහ යන ශ්‍රේෂ්ඨාධිකරණ විනිසුරු මඩුල්ල ඉදිරියෙහි මෙම පෙත්සම ඊයේ (27) කැඳවන ලදි. ඉකුත් සැප්තැම්බර් මස 21 වැනිදා පැවැත්වු උතුරු පළාත් මැතිවරණයට පෙර ඒ සඳහා තරඟ කළ දෙමළ ජාතික සන්ධානය ඒ වෙනුවෙන් ප්‍රතිපත්ති ප්‍රකාශයක් ඉදිරිපත් කෙළේය.
“ස්වයං පාලන අයිතිය “ දෙමළ ජනයාගේ හිමිකමක් ලෙස එහි දක්වා තිබේ .ස්වයං තීරණ ආණ්ඩුවක්, අවශ්‍ය බව ද එහි දක්වා තිබේ. එම කරුණු මගින් අදහස් කරන්නේ වෙනම රාජ්‍යයක් ස්ථාපිත කිරිම බවත් , වෙනම ආණ්ඩුවක් පිහිටුවිම බවත් පෙත්සමෙහි දැක්වේ.එසේම ස්වයං නීර්ණ අයිතිය දෙමළ ජනයාට හිමිවිම වක්‍රාකාරයෙන් ස්වාධින වූ වෙනම ආණ්ඩුවක් ස්ථාපිත කිරිම බව ද පෙත්සමෙහි සඳහන් වේ.
එමගින් මෙරට ආණ්ඩු ක්‍රම ව්‍යවස්ථාවෙහි 1,2,3,4,5,6,7,8, යන ව්‍යවස්ථාවන් උල්ලංඝනය වන බවද පෙත්සම්කරු පවසයි.
එබැවින් එම ප්‍රතිපත්ති පුකාශ මගින් ආණ්ඩුක්‍රම ව්‍යවස්ථාව උල්ලංඝනය කරන්නේ ද යන්න පිළිබඳව පරික්ෂණයක් පවත්වන ලෙස දමෙම පෙත්සම මගින් අධිකරණයෙන් ඉල්ලා තිබේ.
පෙත්සම වෙනුවෙන් පෙත්සම් කාර නිතිඥඅරුණ ලක්සිරි මහති පෙනි සිටියේය.
~~නෙල්කා මැදගෙදර~~
Published on: Jul 7, 2018 – ජාත්‍යන්තර ප්‍රජාවට ශ්‍රී ලංකා රජය ලබාදුන් පොරොන්දු තවමත් ඉටුකර නැති බවත් ඒ හෙතුවෙන් රජය කෙරෙහි තමන් ඇතුලු උතුරේ දමිළ වැසියන් දැඩි කලකිරිමට ලක්ව සිටින බව විපක්ෂ නායක මෙන්ම ද්‍රවිඩ ජාතික සන්ධානයේ නායක ආර්.සම්බන්ධන් සිය සේවා කාලය වසන් කර සිටින ඇමෙරිකානු තානාපති අතුල් කේෂාප් කොළඹ පිහිටි විපක්ෂ නායක කාර්යාලයේදි හමුවු අවස්ථාවේ සදහන් කර තිබේ.
ජාත්‍යන්තර ප්‍රජාවට ශ්‍රී ලංකා රජය ලබාදුන් පොරොන්දු තවමත් ඉටුකර නැති බවත් රජයට මේවා ඉටු කිරීමට නොහැකි වෙන තත්වයක දෙමළ ජනතාව කිසි විටකත් මේ රටේ දෙවන පාර්ශ‍වයේ පුරවැසියන් ලෙස ජීවත් විමට සුදානමක් නොමැති බවද සම්බන්ධන් පවසා තිබේ.
”
ශ්‍රී ලංකවේ ජනතාවගේ යහපත පදනම් කරගෙන ජාත්‍යන්තර බලාපොරොත්තු ශ්‍රී ලංකා රජය සම්පුර්ණයෙන් ඉටු නොකර සිටියි. එ.ජා. මානව හිමිකම් කොමිසමේ 2015 වසරේදී සම්මත කරන ලද යෝජනාවේ අන්තර්ගත කරුණු සම්බන්ධයෙන් ගත් වීට අතුරුදහන් වුවන් සදහා කාර්යාලය ඉතාමත් ප්‍රමාධ කර ස්ථාපිත කර ඇත. වන්දි සම්බන්ධ පනත තවමත් සම්මත නොකර සිටියි. වගවීම සම්බන්ධයෙන් කිසිදු ක්‍රියාකාරකමක් එනම් සත්‍යය හදුනා ගැනීම, සාධාරණය, සංහිදියාව සහ නැවත සිදු නොවීම තහවුරු කිරීම සදහා කොමිසම් තවමත් ස්ථාපිත කර නැත. නව ආණ්ඩුක්‍රම ව්‍යවස්ථාව සම්පාදනය කිරීමේදි යහපත් ආරම්භයක් පෙන්නුම් කලද දැනට එය සිදුකරගෙන යාමේදි අනවශ්‍ය බාධාවන් පැන නැගෙමින් තිබෙයි. නව ආණ්ඩුක්‍රම ව්‍යවස්ථාව සම්පාදනය කිරීම සම්බන්ධයෙන් පසුගිය වසර 25කට වැඩි කලක සිට උත්සහ කරමින් සිටියි. දැනට පවතින මෙම ප්‍රමාධයන්වලට සාධාරණ හේතුන් කිසිවක් අපිට පෙනී යන්නේ නැත. අපගේ ප්රධාන අරමුණ රට යහපත් තත්වයට ගෙන ඒමයි. නව ආණ්ඩුක්‍රම ව්‍යවස්ථාවක් සම්පාදනය කිරීමෙන් සියලු දෙනාටම යහපතක් සිදුවෙයි. නව ආණ්ඩුක්‍රම ව්‍යවස්ථාව සම්මත කර ගැනීමට පාර්ලිමේන්තුවේ තුනෙන් දෙකක බහුතරය ලබා ගැනීම අපහසු කාර්යක් නොවෙයි. උතුරු නැගෙනහිර ඇතුලු රටේ සියලුම ප්‍රදේශවල ජීවත් වෙන බහුතර දෙමළ ජනතාව නොබෙදුන බෙදිය නොහැකි ශ්‍රී ලංකාවක් තුල විසදුමක් බලාපොරොතු වෙයි. අපගේ ඉල්ලීම ඉතාමත් සාධාරණයි. රජයට මේවා ඉටු කිරීමට නොහැකි වෙන තත්වයක දෙමළ ජනතාව කිසි විටකත් මේ රටේ දෙවන පාර්ශ‍වයේ පුරවැසියන් ලෙස ජීවත් වෙන්නේ නැත.”
අනතුරුව අදහස් දැක් වු ඇමෙරිකානු තානාපතිවරයා,
එක්සත් ඇමෙරිකාව අතින් ගත් කල එ.ජා. මානව හිමිකම් කොමිසමේ යෝජනාව ක්‍රියාත්මක කල යුතු බවත් දෙරට අතර විවිධ සම්බන්ධතාවලට මෙය පදනමක් බවද පෙන්වා දි තිබේ. තිරසාර සාමයක් සහ සංහිදියාවක් ඇති කිරීමට රටේ ඉලක්කයන් ධනාත්මකව තිබිය යුතුයි. ජාත්‍යන්තර වේදිකාවේ ශ්‍රී ලංකා රජය ලබා ඇති හොද නම හෑල්ලුවට ලක් නොකල යුතු බවද පෙන්වා දි ඇති හිටපු තානාපතිවරයා නව ආණ්ඩ්‍රක්‍රම වයවස්ථාවක් සම්පාදනය කල විට ශ්‍රී ලංකා රජය විදේශීය ආයෝජකයින්ගේ ආකර්ශණයට පත් වෙන අතරම ආර්ථික වශයෙන් විශාල සුබ සිද්ධියක් ඇති වෙනු ඇති බවද පෙන්වා දි තිබේ.
මේ නිසා ශ්‍රී ලංකාවේ ප්‍රගතිය සම්බන්ධයෙන් ඇමෙරිකාව දිගටම අවධානය යොමු කරන බවද අවධාරණය කර තිබේ.
Published on: Jul 7, 2018- ශ්‍රී ලංකා මහ බැංකුවේ මූල්‍ය රෙගුලාසි උල්ලංඝණය කරමින් ඊ.ටී.අයි (ETI)එදිරිසිංහ සමූහ ව්‍යාපාරයට අනුබද්ධ ඊ.ටී.අයි. ෆයිනෑන්ස් ලිමිටඞ් මූල්‍ය ආයතනයේ අධ්‍යක්ෂ මණ්ඩලයේ සිව් දෙනෙකුගේ විදෙස් ගමන් තහනම් කරමින් කොළඹ කොටුව මහේස්ත්‍රාත් ලංකා ජයරත්න මෙනෙවිය (06) වැනිදා නියෝගයක් නිකුත් කර තිබේ.
ඒ අනුව ජිවක හේමාල් ඒදිරිසිංහ, අන්ජලී දීපා ඒදිරිසිංහ, නාලක ප්‍රේමාල් ඒදිරිසිංහ,අසංක ශ්‍රිමාල් ඒදිරිසිංහ යන අය සදහා විදේශගත විම තහනම් කර තිබේන අතර ඊට හෙතු වි ඇත්තේ මෙම සිද්ධියට අදාළව සිදුකරන ලද විමර්ශනයේදී අදාළ සමාගමේ අධ්‍යක්ෂ මණ්ඩලය විදෙස් ගත වුවහොත් විමර්ශනයට බාධා සිදුවන බැවින් මොවුන්ගේ විදෙස් ගමන් තහනම් කර නියෝගයක් නිකුත් කරන ලෙස නීතිපතිවරයා විසින් කරන ලද ඉල්ලීමයි.
ඊ.ටී.අයි. මූල්‍ය ආයතනයේ තැන්පතුකරුවන් පසුගිය (30) දිනයේත් සිය තැන්පත් මුදල් නැවත ලබාගැනීම සඳහා එම ආයතනයට රැස්වූ අවස්ථාවේ එහි නොසන්සුන් තත්වයක් හට ගත් අතර ඊට හේතු වුයේ බලධාරීන් අදාල මුදල අගෝස්තු මසදී ගෙවන බව සදහන් කිරිමයි.
ඊ.ටී.අයි. මූල්‍ය ආයතනයේ තැන්පතුකරුවන් හට බොරැල්ලේ පිහිටි එහි කාර්යාලය වෙත පැමිණෙන ලෙසත් තම තැන්පතුවලින් සියයට දහයක මුදලක් නැවතත් ලබා දෙන බවට ආයතනයේ බලධාරීන් කලින් පොරොන්දුවක් ලබාදි තිබු අතර පසුව ඊ.ටී.අයි ආයතනය වෙනුවෙන් පැමිණ සිටි නියෝජිතයන් එහිදී කියා සිටියේ තැන්පතුකරුවන්ට ලබාදෙන සියයට දහයක මුදල ලබන අගෝස්තු මසදී ලබා දීමට පියවර ගන්නා බවයි.
ඊ ටී අයි ෆිනෑන්ස් ලිමිටඩ් ආයතනය (ඊ ටී අයි ආයතනය) මුහුණ දී ඇති මූල්‍ය දුෂ්කරතාව සහ ඉන් මූල්‍ය පද්ධතියට ඇති විය හැකි බලපෑම පිළිබඳ ව සලකා බැලීමෙන් අනතුරු ව, ශ්‍රී ලංකා මහ බැංකුවේ මුදල් මණ්ඩලය විසින් ඊ ටී අයි ආයතනය සතු එහි පරිපාලිත හා උප පරිපාලිත සමාගම්වල අයිතිය සහ ආයෝජන දේපල, එක්සත් ජනපද ඩොලර් දශ ලක්ෂ 75ක පමණ මුදලකට විකිණීම සඳහා ඊ ටී අයි ආයතනයේ අධ්‍යක්ෂ මණ්ඩලය විසින් ඉදිරිපත් කරන ලද යෝජනාවට අනුමැතිය දීමටත් ඒ සඳහා පහසුකම් සැලසීමටත් මහ බැංකුව තීරණය කරන ලදි. තව ද, එ කී ගනුදෙනුව ශ්‍රී ලංකාවේ පවතින නීති රීති සහ රෙගුලාසිවලට අනුකූල ව විය යුතු බවට ද දැනුම් දි තිබුන අතර ඒ අනුව එක්සත් රාජධානියේ සහ යුරෝපයේ ජනප්‍රිය ජංගම දුරකතන සමාගමක් වන ‘ලයිකා මොබයිල්’ සමාගමේ සභාපති ඩයස්පොරාවේ සුභාෂ්කරන් අල්ලිරාජා විසින් සිය මැලේසියානු නියෝජිත ජේ. සුධීර් ජෙයරාම් හට විකුණා දමා තිබේ.
සුදීර් ජයරාම් නමැති මලයාසියානු ව්‍යාපාරිකයා මෙම ව්‍යාපාර මිලදි ගැනිම පසුපස සිටින අතර ඩයස්පොරාවේ හුරතලෙකු වන මුදල් සහ ජනමාධ්‍ය අමාත්‍ය මංගල පින්සිරි සමරවීර සහ මංගලගේ උපදේශක මනෝ තිත්තවැල්ල උතුර සහ දකුණ ඩයස්පොරාකරණයේ මහ මොළකරුවන් ලෙස කටයුතු කරමින් සිටින අතර මේ දක්වා අහිංසක ජනතාවගේ මුදල් ගෙවිම්ට ETI සමත් වි නැති අතර දින ගණනක් ජනතාවට පොරොන්දු දුන්නද අවසානයේ සිය මුදල් ලබා ගැනිමට පැමිණි ජනතාවට සිදුවුයෙ හිස් අතින් ගෙදර යැමටය.
වාර්තා වන අන්දමට ඊ ටී අයි ආයතනය අදාළ ගැනුම්කරු විසින් ගෙවිය යුතු එක්සත් ජනපද ඩොලර් දශ ලක්ෂ 75ක මුදලින් ඩොලර් දශ ලක්ෂ 32ක මුදලක් දැනට ලබා දී ඇති අතර එය ශ්‍රී ලංකා මුදලින් රුපියල් දශ ලක්ෂ 5,017.6ක් ලෙස ඊ ටී අයි ආයතනය වෙත ලැබී ඇත.
තැන්පත්කරුවන්ගේ ඉල්ලීම් සලකා බැලීමෙන් අනතුරු ව එ සේ ලැබී ඇති මුදලින් ඊ ටී අයි ආයතනයේ මුළු තැන්පතු වගකීම්වලින් සියයට 10ක මුදලක්, එ නම් ආසන්න වශයෙන් රුපියල් දශ ලක්ෂ 3,350ක මුදලක් සහ 2018 මැයි මාසය අවසානය වන විට ගෙවිය යුතු වන පොලී මුදල්, ආසන්න වශයෙන් රුපියල් දශ ලක්ෂ 1,400 ක් පමණ, තැන්පත්කරුවන් වෙත ගෙවීමට මහා බැංකුව උපදෙස් ලබා දී තිබේ.
ඒ අනුව මෙම ගෙවීම 2018.06.05 දින ආරම්භ කිරිමට නියමිතව තිබුනද මේ දක්වා එය සිදු වි නෑ.එ මෙන් ම එම ආයතනයේ තැන්පතු වගකීම්වලින් තවත් සියයට 10ක මුදලක් ඉහත කී වත්කම් විකිණීමෙන් ලැබෙන ඉතිරි මුදලින් (එක්සත් ජනපද ඩොලර් දශ ලක්ෂ 43) ගෙවීමටත් මහා බැංකුව ඊ ටී අයි ආයතනය වෙත උපදෙස් ලබා දී තිබේ.
පහත දැක්වෙන්නේ දිනී ජයසේකර විසින් රාවයට තබන ලද සටහනකී…
මේ හොරකම් කරලා, මිනී මරලා හම්බ කරපු සල්ලි නෙමෙයි. අවුරුදු 22ක් තිස්සේ දුක් විඳලා හම්බ කරපු සල්ලි. මේකේ සල්ලි දානවට අපිට 15%ක පොලියක් දෙනවා කිව්වා. මුලදී අපිට 15% ලැබුණා. ඒ පොලිය නිසාම තමයි අපි මෙතන සල්ලි දැම්මේ. ඒත් දැන් අපි අනාථ වෙලා. පොලිය කෙසේ වෙතත් අපිට අපේ සල්ලිත් ලැබෙන්නේ නැති තත්ත්වයක් උදාවෙලා. මේක දැනුණු වෙලේ ඉඳලා අපි ඉල්ලීම් කරනවා, අපේ සල්ලි ඉල්ලලා. ඒකේ ප්‍රතිඵලයක් විදියට මේ අවුරුද්දේ ජුනි මාසේ අපිට තැන්පත් මුදලින් 10%ක් ලැබුණා. දැන් ඒක දීලා මේ අය මගහරිනවා. අපිට ඒකෙන් වැඩක් නැහැ. අපිට අපේ සල්ලි ඕනෑ. පොලිය නැතත් කමක් නැහැ. අපේ දුක බලලා ආණ්ඩුව මැදිහත් වෙලා හරි අපේ සල්ලි අරගෙන දෙන්න කියලයි අපි ඉල්ලන්නේ.”
මේ එක් අයකුගේ අඳෝනාවක් වුවත් මෙය බොහෝ අයට පොදු කතාවක් වෙලා. මේ ඉල්ලීම ඉල්ලන දහස් ගණන් මිනිස්සු මේ කතාවම අපිට කියනවා. පාර්ලිමේන්තුවෙත් කතා වෙවී තියෙන ඊටීඅයි වංචාවට හසුවූවන්ගේ තමයි මේ කතාව. ඔවුහු මහන්සියෙන් හම්බ කළ මුදල් වැඩි පොලියට තැන්පත් කළ වරදට අද ඔවුන්ට පොලියත් මුදලත් දෙකම අහිමි වෙලා. එයට වැරදිකරුවෝ දඬුවම් විඳින්නෝ ඔවුහු පමණද? එසේ කියා සැහැල්ලුවට මේ මිනිසුන්ගේ ප්‍රශ්නය ඉවත දැමිය හැකිද?
ඊටීඅයි කුමක්ද?
බොහෝ අය ඊටීඅයි කියූ විට නොදනිති. එහෙත් මීට අයත් සෙසු ආයතන ගැන ඉතා හොඳට දනිති. ඒ ස්වර්ණවාහිනිය සහ ශ්‍රී එෆ්.එම්. නාලිකාවය. අපි අහන්නේ ‘ශ්‍රී’ යැයි සුළු මුදලකට මිනිස්සු උජාරුවට කියති. මේ වංචාවට මේ රූපවාහිනී නාලිකාවත් එෆ්.එම්. නාලිකාවත් හොඳහැටි උපකාරී වූවා මතකය. රටේ මිනිසුන්ගේ ප්රශ්න කතා කරන හොටු පෙරාගෙන එම පුවත් රටට කියන ස්වර්ණවාහිනියට මේ තම ආයතනය උකස් කරගෙන ඇති මිනිසුන්ගේ දුක දුකක් නොවේද?
මුලින් මෙම ආයතනය පොහොසත් වූයේ අහිංසක මිනිසුන් හදිසියට තියන රන් බඩු නිසාය. ඒවා බොහොමයක් සින්න වූ කල ඒවා ඔවුන්ට ඉල්ලමක් විය. ඒ මුදල්වලින් රූපවාහිනී නාලිකා මෙන්ම, එෆ්.එම්. නාලිකාද පටන් ගෙන මොවුන් රටේ ජනතාවම ගොනාට අන්දන තැනට තල්ලු විණි. අද ඒ උගුලට බොහෝ අය හසුවී ඇත. එනම් මාධ්ය ජනප්‍රියකම ඔස්සේ මූල්‍ය සමාගම් පටන් ගැනීමත් මොවුන් ආරම්භ කළ නිසාය. ජනප්‍රිය නළු නිළියෝ මෙය ප්‍රචාරය කිරීමට අනේක පුරසාරම් මුදලට ඇද බෑහ. අද මෙහි මුදල් දැමූ අය නඟන අඳෝනාවත් ඒ අයට ඇසෙන්නේ නැද්ද?
අයාලේ යෑම
මේවා මහ බැංකුවේ අධීක්ෂණයට හසුනොවී නිදහසේ වැඩුණු බව කිව යුතුය. ඔවුන්ද මේ ආයතන හොඳ ගණයෙහිලා සැලකූ බවද කිව යුතුය. දැන් ඔවුහු ව්‍යාජ කතා පතුරුවති. සෝමා එදිරිසිංහගේ ඇවෑමෙන් මෙහි පාලනය යන්නේ සෝමා එදිරිසිංහගේ දරුවන් වන ජීවක එදිරිසිංහ, නාලක එදිරිසිංහ, අසංක එදිරිසිංහ සහ දුව දීපා එදිරිසිංහ යන සතර කට්ටුවටය. සතරදෙනාගේ අතට පත්වන මෙය අයාලේ යන්නේ මහජනයාගේ මුදල් ගැන කිසිදු තැකීමක් නැතිවය. දිනෙන් දින ආයතනය බංකොළොත් වන ලකුණු පෙනුණු මුත් මේ සතර කට්ටුවට නම් කිසිදු හෙණයක් නොවීය. එසේ නම් මිනිසුන් තැන්පත් කළ මුදල් මොවුන් ආයෝජනය කළේ කොහිද?
“මේක අද ඊයේ නෙමෙයි කඩා වැටෙන්න පටන් ගත්තේ. 2012 ඉඳලා මේ තත්ත්වය ආවා. ඒත් මොන මොන ගැට ගහලා හරි හිටපු නිලධාරීන් ගනුදෙනුකරුවන් අල්ලගෙන ගියා.” එහෙම කියන්නේ තැන්පත්කාරිණියක වන දමයන්තිය. ඇය ඒ යටගියාවේ තතු අපට මෙසේ පැහැදිලි කළාය.
“මේ කඩා වැටීම සැලැස්මකට වන දෙයක්. එහෙම නැතිව එකපාර වෙන්න බැහැනේ. 2012 ඉඳලා මේ ප්‍රශ්නයත් ඇවිස්සුණා. 2012දී අපට මුලින්ම ලිපියක් ආවා මූල්‍ය ආයතනය පාඩු ලබනවා කියලා. 2011 සහ 2012 බැලන්ස් ෂීට් පවා අපට එවලා තිබුණා. ඒත් අද තමයි තේරෙන්නේ මොවුන් සිදුකළේ ලොකු මුලාවක්. මොවුන් මේ හැමදේම කළේ තැන්පත්කරුවන්ව මුලා කරන්න. 2012 ඉඳලා පාඩුයි පාඩුයි කිව්වට ඒ මුකුත් පිටට පෙන්නුවේ නැහැ. 2015දීත් පාඩු ලබමින් තැන්පත්කරුවන්ව හොඳට ඇන්දුවා. ඒ වෙනකොට මහ බැංකුව මගින් ඊටීඅයි මූල්‍ය ආයතනයට තැන්පත් භාර නොගන්නා ලෙස කොපමණ අවවාද කළත් ඒ මුකුත්ම ගණන් ගන්නේ නැතිව 2017-12-30 සෙනසුරාදා ප.ව. 5.00 දක්වාම නව තැන්පත් සියල්ලක්ම ඊටීඅයි ආයතනය භාර ගත්තා. එහෙනම් මේ කාවද රවට්ටන්නේ.”එහෙම කියන්නේ ඊට රැවටුණු දමයන්තිය.
“මහ බැංකුව තැන්පතු භාරගන්න එපා කියලා දැනුම් දුන් බව අපි දන්නේ නැහැ. දන්නවා නම් සල්ලි එදාම ගන්නවා.” දමයන්ති කියනුයේ අදය.මෙහි සලකා බැලිය යුතු තවත් වැදගත්ම කරුණ නම් මෙම මූල්‍ය ආයතනය වැඩි ප්‍රසිද්ධියකින් තොරව කාලාන්තරයක් පැවතුණු බවය. මෙහි ඉතිහාසය වසර 51කි. එහෙත් මෙය ජනප්‍රියවන්නේ ඔවුන්ගේ ටෙලිවිෂන් එකත් රේඩියෝවත් සමගය.
අම්මා හොඳවීම
මේ ගනුදෙනුකරුවන් බොහොමයකගේ අදහස දිගු ඉතිහාසයක් ඇති මෙම මූල්‍ය ආයතනය සෝමා එදිරිසිංහ මහත්මිය කරන කල්හි මෙවැනි අවදානමක් නොපැවති බවය. එකල නිසි ආකාරයට ගනුදෙනු සිදුවූ බවය.
“අපේ තාත්තලත් මෙතැන සල්ලි දාලා තියෙනවා. ඒ විශ්වාසයට තමයි අපිත් සල්ලි දැම්මේ.” මේ අද හසුවූ පරම්පරාවේ අයෙක් කී කතාවකි. එසේ නම් මෙය කලක් පිළිවෙළට කළ බවද පිළිගත යුතුව ඇත. එසේ නොවන්නට අඩසියවසක් මෙය නොපවතිනු ඇත.
බිලියන 33ක්
පාඩු ලැබූ තැන්පත්කරුවන්කරුවන් 33,000කගෙන් සමන්විත වූ ETI මූල්‍ය ආයතනයේ තැන්පතුවල මුළු එකතුව බිලියන 33කි. තැන්පත්කරුවන්ගේ මුදල්වලට සිදුවූවේ කුමක්ද යන්න විසඳාගත නොහැකි මහා ගැටලුවකි. දැන් තැන්පත්කරුවන්ට අවශ්‍යවන්නේ ප්‍රශ්නවලට පිළිතුරු නොව ඔවුන් තැන්පත් කළ මුදල්ය. තැන්පත්කරුවන් 33,000ක් කියන්නේ ඉතාමත් සුළු පටුවට සිතිය නොහැකි කාරණයකි. ඔවුන් මුදල් උපයන්නේ මූල්‍ය ආයතන ප්‍රධානීන්ගේ දියුණුව උදෙසා පිනට පිදීමට නොවන බව කිව යුතුය. ඔවුන් යම් තැනක මුදල් තැන්පත් කරන්නේ තමන්ගේ යම් යම් හදිසි අවස්ථාවලදී ඵල ප්‍රයෝජනයට ගැනීමටය. එසේ හදිසි අවශ්‍යතාවන් සඳහා තම මුදල් ප්‍රයෝජනයට නොගතහැක්කේ නම් එවැනි මූල්‍ය ආයතන කුමකටද යන්න බොහෝ දෙනෙක් ප්රශ්න කරති.
“තැන්පත් කරපු මුදල් ගන්න අපිට වෙනම මුදල් වියදම් කරන්න සිද්ද වෙලා. ඒ මදිවට රස්තියාදුව. එහෙම කරල හරි මුදල් එකපාර හම්බෙනවනම් ප්‍රශ්නයක් නැහැ. ඒත් ඉබ්බගෙන් පිහාටු ගන්නව වගේ අපිට මුදල් දෙන්නේ. සල්ලි දානකොට නම් කියන්නේ අපි වගකීම ගන්නවා. බයවෙන්න දෙයක් නැහැ කියලා. මෙහෙම දේවල් වෙනවා කියල දන්නවනම් ඇත්තමයි අපි සල්ලි දාන්නෙ නැහැ.” මේ ආනන්ද මහතාගේ අදහසය.
රජයේ රැකියාවල නිරත වී විශ්‍රාම වැටුපෙන් ජීවත් වන්නෝ මේ තැන්පත්කරුවන් අතර සිටින්නෝය. සමහරු හෘදයාබාදවලින් පීඩා විඳින්නෝය. තවත් සමහරු පිළිකා නිසා රෝහල් ගත වී සිටින්නෝය. ඔවුන් එසේ පීඩා විඳීමට රෝහල් ගතවීමට ප්‍රථම ඔවුන් මුදල් තැන්පත් කළේ මෙවැනි හදිසි අවස්ථාවලදී තම මුදල් ප්‍රයෝජනයට ගැනීම සඳහාය. එහෙත් මේ ආයතනය ලබන පාඩුව නිසා ඔවුන් ඒ තැන්පත් කළ මුදල ගැනීමටත් නොහැකි තත්ත්වයක් උද්ගත වී ඇත. එය කනගාටුදායක සිදුවීමක් සහ ආයතන ප්‍රධානීන්ගේ දුර්වලකමකි.
පියතිස්ස රජයේ සේවකයෙකි. පෙනුමෙන් ඔහුගේ වයස හැටක් ඉක්මවා ඇති බව නිසැකය.
“මගේ සේවාකාලයේ වැටුපෙන් රුපියල් 22,000ක්. අවුරුදු 04ක් තිස්සේ තැන්පත් කරපු මුදල් ලක්ෂ 34ක් ෑඔෂ මූල්‍ය ආයතනයේ තියෙනවා. අපි හරියට කාල බීල එකතු කරපු සල්ලි නෙවේ ඕවා. දුක් මහන්සියෙන් හම්බ කරපුවා. දැන් පෙන්ෂන් එකෙන් ජීවත්වෙන්නේ. කෙනෙක් මූල්‍ය ආයතනයක මුදල් තැන්පත් කරන්නේ අනාගතේ දවසක ඒ මුදල් බලාපොරොත්තුවෙන්නේ. ඉතිං මාත් එහෙමයි මුදල් තැන්පත් කළේ. ඒත් දැන් ඒ මුදල් ලබාගන්නම අතරමගට වියදම් වෙනවා පැන්ෂන් එක. මාස පහක කාලයක් තිස්සේ අපි මේ ඉවසන් ඉන්නේ. කිසිම කෙනෙක්ගෙන් මේ ප්‍රශ්නෙට විසඳුමක් නැහැ. හරි අපරාධයක් මේක.”
තම මුළු සේවා කාලය තුළ හරිහම්බ කරගත් මුදල් තැන්පත් වශයෙන් මූල්‍ය ආයතනවල තැන්පත් කර ආයතන ප්‍රධානීන්ගේ සාක්කු පුරවා කෑ ගැසීමට සිදු වූ පියතිස්සගේ අදහස එබඳුය. ETI මූල්‍ය ආයතනයේ මුදල් තැන්පත් කළ මනතුංගගේ අදහස මෙබඳුය.
“මම කලින් වැඩ කළේ විදුලි අධිකාරියේ. මගේ ලක්ෂ 27ක තැන්පතුවක් ETI මූල්‍ය ආයතනයේ තියෙනවා. ඇත්තටම කලකිරිලා ඉන්නේ මේ හැමදෙයක් ගැනම. අපි හැමෝම මේ කෑගහන්නේ තම තමන්ගේ මුදල් වෙනුවෙන්. අපිට ඊට වැඩිය සතපහක්වත් ඕන වෙන්නෙ නැහැ. ජුනි 5 වෙනිදා අපේ මුදලින් 10%ක් අපිට ලැබුණා. ඒත් ඉතිරි මුදල් අපිට දෙන්නේ කවදාද? අපේ මුදල් අපිට එකවර දෙන්න. අපි ඉල්ලන්නේ එච්චරයි.”
මහ බැංකුවේ ලියාපදිංචියි
ETI මූල්‍ය ආයතනය ශ්‍රී ලංකා මහ බැංකුවේ ලියාපදිංචිය ලැබූවේ වර්ෂ 1967 දීය. එනම් දැනට අවුරුදු 51කට පෙරය. SFS මූල්‍යය ආයතනය ලියාපදිංචි කරනුයේ 2006 වර්ෂයේදීය. එනම් දැනට අවුරුදු 12කට පෙරය. මෙම මූල්‍ය ගනුදෙනුව රටේ ආර්ථිකයට සෘජුවම බලපාන බැවින් ශ්‍රී ලංකා මහ බැංකුවේ මුදල් මණ්ඩලය ( The Monetary Board of the Central Bank) 2018 ජනවාරි 01 දින පැවැත්වූ රැස්වීමේ තීරණ වලට අනුව බැංකු නොවන මූල්‍ය ආයතන අධීක්ෂණ දෙපාර්තමේන්තුව විසින් 2018-01-02 දින නිකුත් කරන ලද පුවත්පත් නිවේදනය අනුව ETI හා SFS සමාගමේ තැන්පත්කරුවන්ගේ අයිතිවාසිකම් සුරක්ෂිත කිරීම පිණිස ශ්‍රී ලංකා මහ බැංකුව විසින් ඔවුන්ගේ යටතට මෙම මූල්‍ය සමාගම් 02 පවරාගත් බව ලිඛිතව තැන්පත්කරුවන්ට දැනුම් දෙන ලද්දේය. එහෙත් තවමත් ETI මූල්‍ය ආයතනය වෙත කිසිදු නීතිමය පියවරක් ගෙන නොමැති අතර කොටස් වශයෙන් මුදල් ලබාදීමට තීරණය කර ඇති බව මහ බැංකුව විසින් ප්රකාශ කර ඇත. එයත් අවුරුදු 05ක කාලයක් ඇතුළත කොටස් වශයෙනි. ඒ සම්බන්ධව අදහස් දැක්වූ තැන්පත්කාරිණියක් පැවසුවේ මෙවැනි අදහසකි.
“මම 2017 දෙසැම්බර් මාසෙ තමයි තැන්පතුවක් දැම්මේ. ඒ වෙනකොටත් මහ බැංකුව ETI මූල්‍ය ආයතනයට නව තැන්පතු ගන්න එපා කියල අනතුරු අඟවලා තිබිල තියෙනවා. මේ ප්‍රශ්නෙ දැනගත්තාම අපි පෙළපාළි එහෙම තිබ්බනේ. ඊටපස්සේ මම මහ බැංකුවට ගියා 10%ක මුදල අපේ අතට දෙන්න කලින්. එතකොට එතනදි කීවේ එකවර මුදල් ලබාදෙන්න එයාලට වත්කමක් නැහැ කියලා. මුලින් 10%ක් දීලා ඉතිරිය අවුරුදු 05ක කාලයක් ඇතුළත ගෙවනවා කියල කීවා. ඒක කීව වෙලේ ඉඳන් මට මුකුත් හිතාගන්න බැරි වුණා. ඇත්තටම අපි මුදල් දැම්මේ අපිට ඕන කරන වෙලාවට ගන්නනේ. ඒත් අන්තිමට වුණේ එයාලට පුළුවන් දවසෙ දෙනකන් බලන් ඉන්න. ඒත් එහෙමවත් හම්බවෙන්නේ නැති එකනේ ප්‍රශ්නේ. 10%ක් දුන්න කියලා තැන්පත්කරුවන්ගේ හිත හදලා එයාල යයි යන්න.”
ආයතනයක් මහ බැංකුවේ ලියාපදිංචියේදී අවම කෝටි 200ක මුදලක් මහ බැංකුවේ තැන්පත් කරගන්නේය. එය පාඩු ලැබූ තැන්පත්කරුවන් සඳහා වගකියන්න නොවන අතර එය මහ බැංකුවේ පාඩුවට වගකියැවීම සඳහාය. තවද මහ බැංකුව විසින් ජනතාවගේ පාඩුවට වගකියන්නේද නැත. එහෙත් ETI මූල්‍ය ආයතනය සඳහා නඩු පැවරීමේ හැකියාවක් මහ බැංකුවට ඇත. එයට හේතුව මහ බැංකුව ETI මූල්‍ය ආයතනය පාඩු ලබන බව දන්න නිසාත් පසුව මේ හේතුව මත තැන්පත්කරුවන් නොගන්නා ලෙසට දැනුම් දී තිබියදීත් මෙම මූල්‍ය ආයතනය මහ බැංකුවේ දැනුම්දීම නොතකා තැන්පත්කරුවන් බඳවා ගැනීම හේතුවෙන් මහ බැංකුව නොදැනුවත්ව මෙය සිදු වූවා යැයි ETI මූල්‍ය ආයතනයට විරුද්ධව නඩු පැවරීමේ හැකියාව ඇත. එසේ සිදු කිරීමට හැකියාව තිබියදීත් එසේ නොකරන්නේ මන්ද කියන කාරණය ගැටලුසහගතය. ETI මූල්‍ය ආයතනය සම්බන්ධව ජනතාවගේ විශ්වාසය රැඳී ඇත්තේ මහ බැංකුවේ ලියාපදිංචි වූ නිසා බව ආනන්ද පැවසූ දෙයින් නිශ්චිතය.
“අවුරුදු 51ක කාලයක් පුරාවට මෙම මූල්‍ය ආයතනය මහ බැංකුවේ ලියාපදිංචි නිසා තමයි අපි ගොඩක්ම මුදල් තැන්පත් කරන්න පෙළඹුණේ. එහෙම ලියාපදිංචියක් නැති මූල්‍ය ආයතනයක් වුණා නම් අපි කවදාවත් මේකෙ මුදල් තැන්පත් කරන්නේ නැහැ.”
10% මුලාව
ආයතනය පාඩු ලැබීමෙන් පසු මුල් පියවරේදී ආයතනය විසින් 30% මුදලක් ගෙවන බවට පවසා ඇත. පසුව එය නැවත 20% දක්වා පහළ බැස තිබූ අතර අන්තිමට 2018-06-05 දින මුදලින් 10%ක ප්‍රමාණයක් තැන්පත්කරුවන්ට ලබාදී ඇත. තැන්පත්කරුවන් විසින් මුදල් තැන්පත් කිරීමේදී එකවර තැන්පත් කළ නමුත් එය ලබා ගනිද්දී කොටස් ලබාගැනීමට සිදුවීම කනගාටුදායකය. එහෙත් සියල්ලෝම වගේ මේ 10% ප්‍රමාණය ලබා ගත්හ. මන්ද බොහොමයකට තම උපරිම මුදලින් 10%යත් වටිනා බව ඔවුන්ගේ උපකල්පනය වූ බැවිනි.
“අපි මේ 10%වත් ගත්තේ නැත්නම් අපිට මේකත් නැති වෙනවා. ඒ නිසාමයි අපි ඒ මුදල් ගත්තේ. හැබැයි අපිට අපේ මුදලින් මෙහෙම ටික ටික අරන් වැඩක් නැහැ. අපි මූල්‍ය ආයතනයට මුදල් තැන්පත් කරද්දි පොඞ්ඩ පොඞ්ඩ නෙවේනෙ තැන්පත් කළේ. ඒත් ඉතිං මොනව කරන්නද දැන්. දෙන විදියට ගන්න වෙලා. ඉතිරි මුදල්වත් අපිට එකවර ගන්න තිබුණොත් හොඳයි. එහෙම මුදල් දෙන්න හැකියාවක් මෙම මූල්‍ය ආයතනයට නැහැ කියල කියන්න අමාරුයි. මොකද එයාලගේ මහා පරිමාණ වත්කම් ප්‍රමාණයක් තියෙනවා. ඒවා මුදල් කරලා හරි අපිට එකවර මුදල් අවශ්‍යයි.” එසේ පැවසුවේ මනතුංග මහතාය.
මුදලින් 10%ක ප්‍රමාණයක් ගෙවා දැනට දවස් විසිහතරකි. එහෙත් ඔවුන්ගේ වත්කම්වල වටිනාකම තැන්පත්කරුවන්ගේ තැන්පතුවලට වඩා ඉහළය. හැබැයි 10% ගෙවූ පසු අද වනවිටත් කිසිවෙක් ඉතිරි මුදල් සම්බන්ධව කිසිදු කතාවක් නොවීය. නිසැකයෙන්ම එයින් පැහැදිලි වන්නේ ඉතිරි මුදල් ලබා ගැනීමට නැවතත් උද්ඝෝෂණ ක්‍රියාමාර්ගයකට යෑමට සිදුවන බවය. මෙයින් අපහසුතාවට පත්වන්නෝ මෙම මූල්‍ය ආයතනය පොහොසත් කළ ගනුදෙනුකරුවෝය. එයට සාධාරණ වැඩපිළිවෙළක් යෙදීමට ඔවුන් කාරුණික වූවා නම් මේ ප්රශ්න මේතරම් දුරකට යන්නේද නැත. අනෙක් කාරණාව ETI මූල්‍ය ආයතන ගැටලුව අනෙක් මූල්‍ය ආයතන සඳහාද තදින්ම බලපාන බව නිසැකය. එහිදී රටේ ආර්ථීකයට තදින්ම එය බලපාන බව නිසැකය. එය යම් යම් අවස්ථාවලදී මහ බැංකුව විසින් කරන ලද ප්‍රකාශනවලදීද පැහැදිලි විය.
නීතිමය පියවර අවශ්‍යයි
“මහා පරිමාණ මුදල් වංචාවක් සිදුවී තිබියදීත් කිසිවකුත් මේ සම්බන්ධව නීතිමය පියවර අරගෙන නැහැ. ගෙදර ගෘහමූලිකයා වෙන්නේ තාත්තා. තාත්තා නැතිනම් පමණක් අම්මා එහි ගෘහමූලිකයා වෙන්නේ. එහෙත් රටේ මූලිකයා ජනාධිපතිනේ. ගෙදරක දරුවන්ගේ වගකීම පියා දරන්නා සේ රටේ මූලිකයා වශයෙන් ජනාධිපති ජනතාවගේ වගකීම දරන්න අවශ්‍යයිනේ. මේ මූල්‍ය ආයතනය මගින් ගසා කෑමකට ලක්ව ඇත්තේ ජනතාව මහන්සියෙන් හරි හම්බ කරගත් මුදල්. ඉතිං මේ මුදල්වලට සිදුවූයේ කුමක්ද? මෙය නැවත ලබාදිය හැක්කේ කෙසේද යන්න සොයා බැලීම ඔහුගේ වගකීමක් නොවේද? සහ එසේ වංචා සිදු කළ පුද්ගලයන්ට දඬුවම් නොකරන්නේ මන්ද? නැතිනම් මහ බැංකුව විසින් නොදැනුවත්ව මෙය සිදුවූවා නම් ETI මූල්‍ය ආයතනයේ ප්‍රධානත්වය දරන්නන්ගේ ගමන් බලපත්‍රයවත් අහෝසි කිරීමට මහ බැංකුවට හැකියාවක් නැතිද?”
මේ සියලු ප්රශ්න මතුකරන්නේ ETI මූල්‍ය ආයතනයේ තැන්පත්කරුවන් විසිනි. එහිදී මේ ප්‍රශ්නවලට පිළිතුරු සැපයීමට මැලිවන්නේ ඇයිද කියන කාරණය යම්තාක් දුරකට ප්‍රහේළිකාවකි.
හතරදෙනාම සූරයෝ
ETI මූල්‍ය ආයතනයේ ප්රධාන ආසන මෙහෙයවන සතර දෙනා මුදල් සම්බන්ධව කිසිවක් කතා නොකරන්නේ ඔවුන් විසින් මේ මුදල් ප්‍රයෝජනයට ගත් නිසා විය හැකිය. නැතිනම් මුලින් 10%ක් ලබා දී නැවතත් ජනතාව මුළා කිරීමට හැකියාවක් ඇතැයි සිතනවාද විය හැක. මොවුන්ගේ වත්කම් ලංකාවේ වගේම පිටරටවල පවා තිබෙන බව බොහොමයක් දන්නා කරුණකි. මේ සියලු අතුරුදන් වූ මුදල්වලට වගකිවයුත්තෝ ආයතන ප්‍රධානීහුය. ජනතාවගේ මුදල් මූල්‍ය ආයතන මගින් ගසා කෑම රටේ ආර්ථිකයට බලපාන විශාල ප්‍රශ්නයකි. රටේ ආර්ථිකය කඩා වැටීමට පවා මූල්‍ය ආයතන මගින් සිදුවන මෙවැනි මූල්‍ය වංචා බලපාන බව කිව යුතුය. මෙය පළමු සහ අන්තිම වංචාවත් නොවන බව නොඅනුමානය. අතීතයේත් මෙවැනි වංචා සිදුවූ අතර ඉදිරියේදීත් මෙවැනිම වංචා සිදුවීමට හැකියාව ඇත්තේය. මූල්‍ය ආයතනවලට තැන්පත්කරුවන් ණයවීම සාමාන්‍යයකි. මූල්‍ය ආයතනයක් රටේම ජනතාවට ණයවීම හාස්‍යජනකය. එහි හිමිකරුවෝ ආයතන ප්‍රධානීහුය. ඔවුහු සූරයන්ම වෙති.
ඇඟ බේරා ගැනීම
මේ සම්බන්ධව ETI මූල්‍ය ආයතන නිකුත් කරන ප්‍රකාශයේ සඳහන් වන්නේ මෙසේය.
තැන්පත්කරුවන් හොඳින් දන්නා කරුණක් නම් ඕනෑම බැංකුවක් හෝ මූල්‍ය ආයතනයක් සිය තැන්පත්කරුවන්ගේ තැන්පත් මුදල් සියල්ලම තමා සන්තකයේ ‘මුදල්’ වශයෙන් තබා නොගන්නා බවයි. එම තැන්පතු විවිධ ක්ෂේත්‍රවල ආයෝජනය කරන අතර තැන්පතුවලින් වැඩි මුදලක් ස්වර්ණාභරණ උකස් ණය, වාහන කල්බදු ණය සහ දේපළ උකස් ණය ආදී ව්‍යාපාර කටයුතුවල ආයෝජනය කර මාසිකව පොලිය වශයෙන් ආදායම් උපයනු ලබයි. එහෙත් තැන්පත්කරුවන් විශාල ප්‍රමාණයක් තම තැන්පත් මුදල් ආපසු ගෙවන ලෙස එකවර ඉල්ලා සිටියහොත් ද්‍රවශීලතා ප්‍රශ්නයකට ආයතනයට මුහුණපෑමට සිදුවනු ඇත.
මේ කරුණුවලින් පෙනීයන්නේ මොවුන් කොළය වසා ප්‍රශ්නයෙන් පැන යෑමට ගන්නා වෙහෙසය. වත්මන් ආණ්ඩුව ඊට ඉඩ දෙනවාද? මාධ්ය නාලිකාවක හිමිකරුවන් නිසා ඔවුන් රකිනවාද? ජනතාව පැත්තෙන් සිතා මේවාට හසුවූ අයට සහනයක් දීමට ඉදිරිපත් වනවාද යන්නය. මෙය කල්මැරිය හැකි ප්‍රශ්නයක් නොවේ.
http://198.211.112.164/archives/18582
Published on: Jul 2, 2018 – යහපාලනේ ගෙනා “මහ ඔලූවා” තමා යැයි කියාගන්නා හල්ලොලූවා යැයි කියා ගනිමින් තැන තැන තෙල බෙදමින් 2015 ජනවාරි 8 වැනිදාට පෙර හිගමන් යදිමින් ජිවත් ව මේ වනවිට මංගල පිංසිරිට පිංසිදුවන්නට කප්පම් ගනිමින් මහ බැංකු හොරු සමග ඩිල් දමමින් මොනැක් වැනි අති සුඛෝපභෝගි නිවාස වල ජිවත් වන 8 පාස් නැති නිළ මැස්සෙක් වන තුසිත හල්ලොලූව මේ වනවිට රටේ ප්‍රසිද්ධ විකල්ප ධාරාවේ සමාජ ජාලා YouTube නාලිකාවක් වන SLVLOG හට තර්ජනය කර තිබේන හඩ පටයක් SLVLOG හරහා අනාවරණය කර තිබේ.
පසුගිය ජනාධිපතිවරණයේ දී මෛත‍්‍රිපාල සිරිසේනගේ නිල නිවස පැත්තට හොරෙන් රිංගාගත් තුසිත අනවශ්‍ය ආකාරයෙන් වචන දාන්න ගොස් මෛත‍්‍රිපාලගේ ලේකම් වූ කරුණාරත්න පරනවිතානගෙන් කනේ පාරක් කා විලිලැජ්ජාවට පත් වූයෙකි.ජනාධිපතිවරණය සමයේ එක එකාට තේ ඇද ඇද සිටි තුසිත තමන්ට කන්න දෙන මංගලගෙ ඩයස්පොරා නාඩගම් සම්බන්ධයෙන් අනාවරණයන් කිරිමත් සමග කුපීත වි SLVLOG සමාජ ජාලා අනාවරණයන්ට එරෙහිව තමන්ගේ ජාතකයේ වරද පෙන්වමින් අසභ්‍ය වංචනයෙන් බැනවැදි තිබේ.
එහෙන් මෙහෙටත්, මෙහෙන් එහෙටත් කේලම් කියන්නෙකු ලෙස හංවඩු ගැසුණු තුසිත ගැන ඇතමුන් පවසන්නේ Thousand talks, No works යනුවෙනි. ප‍්‍රමාණවත් අධ්‍යාපන සුදුසුකමක් නොමැති වුවත් තුසිත හල්ලොලූව රගපාන්නේ දෙස් විදෙස් හි ඉගෙනුම ලැබුවෙකු සේය.මේ විඩියෝව නරඹන්න ඔබට තුසිතගේ අධ්‍යාපණයේ තරම පහසුවෙන්ම හදුනාගත හැක.
මංගල පිංසිරි සමරවිර ඇමතිතුමනී ……
මාධ්ය නිදහස පිළිබඳව පාරම්බාමින් බලයට පැමිණි යහාපාලන ආණ්ඩුවේ ජනමාධ්‍ය අමාත්‍යවරයාද ඔබය.තවදුරටත් ඔබගේ කාර්යය මණ්ඩල ප්‍රධානියා ලෙස පෙනී සිටිමින් තුසිත වැනි අඩම මිනිසුන් කරන දේ ඔබ විසින් සම්මත කරනවාද? නැද්ද යන්න ජනතාව් හමුවේ ඔප්පුකර පෙන්විමට ඔබටද දැන් අවස්ථාව ලැබි තිබේ.
http://198.211.112.164/archives/18761
Published on: Jun 26, 2018- ද්‍රවිඩ ජනතාව සමූල ඝාතනය කිරීමට ශ්‍රී ලංකාවේ හමුදාව රසයනික අවි බාවිතා කල බවත් දහස් ගනන් ද්‍රවිඩ ජනතාවට වදදී මරා දැමුනු බවත් 38 වන මානව හිමිකම් සැසිවාරය ඇමතීමට ආ කොටි ඩයස්පොරාවේ කන්ඩායම ප්රකාශ කරන ලද අතර ඒ අවස්ථාවේ ඊට විරුද්ධව නැගී සිටිය ජගත් දේශප්‍රේමී ලාoකික සoසදයේ නිධාරීන් එය ඉතා අසත්‍ය ප්‍රකාශිතයක් බවත් මේවවිට දහස් ගනනක සිවිල් වැසියන් ප්‍රමාණයක් LTTE විසින් ඝාතනය කර ඇති බව පෙන්වා දුන් අතර එහිදි උණුසුම් තත්ත්වයක් හටගෙන තිබේන බව 38 වන ජිනීවා සැසිය සදහා සහභාගි වි සිටින අප විශේෂ වාර්තාකරු සදහන් කලා.
ආණ්ඩුව නියෝජනය කරමින් පැමිණී සිටි නිළධාරීන් කිසිවෙකුත් එම අවස්ථාවේ එම අදහස් දැක්විමට විරෝධය පල කිරිමට කටයුතු නොකර ඇති අතර ඔහුන් නිහඩ පිළිවෙතක් අනුගමනය කිරිම බරපතල සැකයකට තුඩු දි තිබේ.
දෙමල ඩයස්පෝරාව නියොජනය කරමින් සහභාගී වූ කණ්ඩායමගේ නාම ලැයිස්තුව පහත දක්වා ඇත..
මේ අතර ජගත් දේශප්‍රේමී ලාංකික සංසදය ඊයේ (ජුනි මස 24 වන දින දහවල් 2 සිට සවස 5 දක්වා) ජිනීවා එකසත් ජාතීන්ගේ මානව හිමිකම් කාර්යාලය ඉදිරිපිට දී උද්ඝෝෂණයක නියැලුනා.
ෆෙඩරල් පරදවමු , රණවිරුවන් සුරකිමු ,මව්බිම සුරකිමු,බෙදුම්වාදය දිනවන – රට අස්ථාවර කරන 20 වැනි සංශෝධනය පරදවමු ….. යනුවෙන් සටන් පාඨ නගමින් එම පිරිස උද්ඝෝෂණයේ යෙදුනා.
එම අවස්ථාවට එංගලන්තයේ සභාපති – ඉන්දික ගුණසේකර,ඕස්ටේරේලියවේ ප්රධාන සංවිධායක – රංඡිත් නාරංපනාව,කැනඩාවේ සභාපති – වර්ණ හෙටිටි ආරචිචි,ලංකාව නියෝඡනය කරමින් – දුෂාන්ති හපුගොඩ,එංගලන්තය – මැනික්මාලිද්ද,ඉතාලියේ – සංඡීව දොඩන්තැන්න, සුනිල්,ඉන්දික ගුණසේකර මහා බ්‍රිතාන්‍ය, ලක්ෂ්මන් බාර්න්ස් ප්‍රංශය, ඔස්ට්‍රේලියාව සහ නාපොලි මිලානෝ රෝමය නියෝජනය කරමින් ඇතුලු කණ්ඩායමක් සහබාගී වි සිටියා.
එම අවස්ථාවට දුරකතනයෙන් එක්වු හිටපු ජනපති මහින්ද රාජපක්ෂ සහ හිටපු ආරක්ෂක ලේකම් ගෝඨභය රාජපක්ෂ දුරකථනය මගින් සම්බන්ද වී පැමිණ සිටි ජනතාව අමතා දිරිමත් කළා.
ගෝඨභය රාජපක්ෂ
මහින්ද රාජපක්ෂ….
ශ්‍රී ලාංකික සංසදයේ මහා බ්‍රිතාන්‍යයේ සභාපති ඉන්දික ගුණසේකර
දුෂාන්ති හපුගොඩ
කැනඩාවේ සභාපති – වර්ණ හෙටිටි ආරචිචි
Published on: Jun 23, 2018- සම්බුද්ධ සාසනයේ චිරස්තිතිය සදහා කටයුතු නොකර බූදල් පසුපස යන අස්ගිරි මල්වතු පන්සල් වලට පුජ්‍ය කිරම විමලජෝති හිමියන් අද(22) මාරාන්තීක ප්‍රහාරයක් එල්ල කරනු ලැබුවා.
“වෙල්ලස්සේ වෙඩි හඩ” වේදිකා නාට්‍යයේ මුහුරත් උළෙල අද පැවැති අතර එහි මංගල දර්ශනය සැප්තැම්බර් 01 වෙනිදා වේදිකා ගතවිමට නියමිතයි.
එම අවස්ථාවට එක්වු මහා සංඝරත්නය ඇතුලු පිරිස හමුවේ දේශණයක් කරමින් පුජ්‍ය කිරම විමලජෝති හිමියන් අවධාරණය කලේ කාලකණ්ණි,පවුකාර චීවරධාරින් මල්වතු,අස්ගිරි ඉන්නකම් මේ නිකාය බේදය වෙනස් කල නොහැකි බවයි.
