අන්ත අති දූෂිත කුප්ප හිරිකිත සක්කිලි අසමජ්ජාති ස්ත්‍රී දූෂක සමස්ත යුද හමුදාවම පජාත කර දැමූ කුප්‍රකට මේජර් ජෙනරාල් මෙ(හු)ත්තානන්ද බලකාධිපති ධූරය උසුලන පොදු සේවා බලකායේ ප්‍රථම අණදෙන නිලධාරිනිය ලෙස පත් වුණු කාන්තා නිලධාරිනිය වාචික ලිංගික හිංසනයට ලක්කර ලිංගික අල්ලස් ලබා ගැනීමට තැත් කිරීම සබැඳිව පාපොච්චාරණ හඬ පටය මෙසේ ඉදිරිපත් කරන්නෙමු.
අප කොතෙකුත් අවස්ථාවන්හිදී සමස්ත හමුදාවම පජාත කර දැමූ මෙම අසමජ්ජාති කුප්‍රකට මේජර් ජෙනරාල්වරයා පිළිබඳ වාර්තාකරණයෙ නියැළුණුද අද ගොලු බිහිරි හැඟීම් දැනීම් නොදැනෙන ලාදුරු රෝගීන්සේ බලධාරීන් අනුගමනය කළ නිද්‍රාශීලී පිළිගත හේතුකොටගෙන එම බළකාය තුළ සෙබල බත්පත පඩි පත මෙන්ම සෙබළියන්ගේ පතිවතද අවධානමට ලක් වී තිබේ.
හමුදා භාර්යාවන්ට පෙන්වූ මෙ(හු)ත්තානන්දගේ දරුණු අවිය…
(හමුදාපති භාර්යාවගේ අවධානයට සහ ක්‍රියාකිරීමට)
යුද හමුදා සේවා වනිතා සභාපතිනිය ලෙස ඔබතුමිය මෙම තුච්ච අමන කුජීත පහත් නීච ක්‍රියාව සබැඳිව අනිවාර්යෙන් සොයා බැලිය යුතුය .මක්නිසාදයත් එය හුදෙක් ඔබගේ තනතුරෙන්ම පැවරෙනු ලබන වගකීම පමණක් නිසාම නොවන මුත් සදාචාරාත්මකව වින්දිත හමුදා භාර්යාවන් මුහුණ දුන් අපහසුතාවයට ඔවුන්ගේ නායිකාව ලෙස ඔබ නිරායාසයෙන්ම වග උත්තර කාරියක් වන බැවිනි.
ඔබ සේවාවනිතා ශාඛාව යටතේ ස්ථාපිත ශ්‍රී ලංකා යුධ හමුදා පොදු සේවා බලකා සේවාවනිතා ශාඛාවේ මහා සභා රැස්වීම සහ මේජර් ජෙනරාල් මෙ(හු)ත්තානන්දගේ 54 වන උපන්දින සැමරීම එකම දිනක එනම් පසුගිය 26 වන දින එකම ස්ථානයක පැවැත්වීමට කටයුතු කිරීම ව්‍යවස්ථානුකූල නොවන අතර උපන්දින සාදයෙ වියදම් සේවා වනිතා සාමාජිකාවන් විසින් දැරිය යුතු බවට අණ දීම සදාචාරාත්මක නොවන බව පෙන්වා දෙන්නෙමු.
සාම්ප්‍රදායික මෙන්ම නෛතිකව සේවා වනිතා මහා සභා රැස්වීමේදී එම ශාඛා සභාපතිනිය ලෙස බලකාදිපති මෙ(හු)ත්තානන්දගේ භාර්යාව හට මහා සභා රැස්වීම ඇමතීම නෛතික සහ ව්‍යවස්ථානුකූල නමුත් වියවස්තාවේ හෝ අන් කිසිදු නීතිමය රාමුවක නොමැති ලෙස එම මහා සභාවට පැමිණි හමුදා භාර්යාවන් ඇමතීමට බලකාදිපති ලෙස මේජර් ජෙනරාල් මෙ(හු)ත්තානන්ද හට වරප්‍රසාදයක් නොමැති පසුබිමක බලහත්කාරයෙන් රැස්ව සිටි නිලධාරීන්ගේ සෙසු නිළියන්ගේ බිරින්දැවරුන් සහ කාන්තා නිලධාරිනියන් ඉදිරියේ ජේෂ්ඨ නිලධාරියෙකුට නොගැළපෙන ආකාරයෙන් දෙපැත්ත කැපෙන වචන භාවිතා කරමින් වෙනත් අසභ්‍ය යමක් අර්ථ ගන්වන්නාක් සේ…
” මං ගාව භයානක අවියක් තියෙනවා මට ඕනේ වෙලාට තමයි ඒක මං ඕගොල්ලන්ට පාවිච්චි කරන්නේ”
යනුවෙන් ප්‍රකාශ සිදු කිරීම පිළිකුල් සහගත බව පෙන්වා දෙන්නෙමු.
මේජර් ජෙනරාල් මෙ(හු)ත්තානන්ද පිළිබඳ පෙර කියවීමේදී කිසිදු පිළිකුලකින් හිරිකිතකින් තොරව කාන්තාවන් ඉදිරියේ අසභ්‍ය වචන භාවිතා කළ අවස්ථාවන් නම් එමටය.
ඒ අතර පසුගිය වකවානුවේ සමාජ මාධ්‍ය කළඹමින් සංසරණය වූ වීඩියෝ පටය සාක්ෂි දරනු ඇත.
එහිදී සියලු නිලධාරීන් සහ නිලධාරිනියන් ඉදිරියේ
“මගේ නම මෙත්තානන්ද මට කියලා “මෙ” යන්න අයින් කරලා” හු” යන්න දාගන්න එපා”
යනුවෙන් පිළිකුල් සහගත ප්‍රකාශයක් ඔහු විසින් සිදු කළද ඒ සබැඳිව සබැඳිව යුද හමුදාපති ක්‍රියා නොකිරීම ඔහුගේ මෙම අමන ක්‍රියාවන්ට ලබාදුන් උත්තේජකයක් බව පෙන්වා දෙන්නෙමු.
ඔහුගේ එම කුප්ප ප්‍රකාශයෙන් පසු අප ඔහු ඊ නිව්ස් තුළින් ආමන්ත්‍රණය කරනුයේ මෙ(හු)ත්තානන්ද ලෙසිනි
රාත්‍රී 12 පසුවනතුරු හමුදා භාර්යාවන් බලෙන් රඳවාගෙන.
මේජර් ජෙනරාල් මෙ(හු)ත්තානන්දගේ පෙර කියවීම තුළ කාන්තාවන්ට ලොල් බව සාක්ෂි ඇතිව මනා ලෙස ඔප්පු වී තිබේ.
එවන් පසුබිමක සේවා වනිතා මහා සභා රැස්වීම අවසන හමුදා නිලධාරීන්ගේ භාර්යාවන් නිවෙස් වලට යෑම වළකාලමින් පෙරදින රාත්‍රියේ දොළහට උදාවූ උපන්දිනය සඳහා උපන් දිනය දින රාත්‍රියේ දොළහට කේක් ගෙඩිය කැපීමට යොදා ගැනීමම ඔහු මන්ද මානසිකත්වයෙන් පෙලෙන උම්මත්තක වූ බව මොනවට ඔප්පු කරන්නේද?
මවක ගෘහණියක කොටින්ම කාන්තාවකගේ කාර්යභාරය සහ අවශ්‍යතාවයන් හඳුනා නොගත් මෙත්තානන්ද යුවළ අ පො ස සාමාන්‍ය පෙළ විභාගයට පෙනී සිටින දරුවන්ගේ හමුදා මව්වරුන් පවා නිවෙස්වලට යෑමට ඉඩ නොදී රාත්‍රී 12 පසුවනතුරු අමානුෂික ලෙස රඳවා තබා ගැනීම සදාචාරාත්මක සම්පන්නද යන්න සමස්ත හමුදා බිරින්දෑවරුන්ගේ නායිකාව වන හමුදාපති බිරිඳගෙන් විමසීමට කැමැත්තෙමු.
නිලධාරීන්ගෙ විරෝධය මැද වැටුපෙන් රුපියල් 1000 බැගින් මාස ගානක් කපාගෙන
බඩට දැනෙන ආර්ථිකයකට රටම මුහුණදී ඇති අවස්ථාවක රාජ්‍ය සේවයක් වන හමුදා නිලධාරීන්ට ලැබෙන සුලු වැටුප නීති විරෝධී ලෙස හමුදා මූල්‍ය අණ පනත් චර්යා නියෝග අමු අමුවේ දූෂණය කරමින් මංකොල්ල කෑම පිළිබඳ යුධ හමුදාපතිගේ අවධානයට ලක් කිරීමට කැමැත්තෙමු.
යුද හමුදා පොදු සේවා බලකායේ 600 කට ආසන්න හමුදා නිලධාරීවරුන් ගෙන් මාස 5ක කාලයක් රුපියල් 1000 බැගින් ගොඩනැගිල්ලක් සෑදීමට යැයි පවසමින් මංකොල්ලකෑම හමුදා නීතියට අනුකූල ද යන්න හමුදාපතිගෙන් වැඩිදුරටත් දැනගැනීමට කැමැත්තෙමු.
අප විසින් අනාවරණය කිරීමට යෙදුණු මෙ(හු)ත්තානන්ද යුවලගේ බරපතළ චෝදනා දෙක සබැඳිව සොයා බලා නීතිය ක්‍රියාත්මක කිරීමේ වගකීමෙන් මිදීමට හමුදාපති යුවලට කිසිසේත් නොහැක එමෙන්ම මෙම අනීතික ක්‍රියා සබැඳිව ඔබ දෙපළගේ ක්‍රියා කිරීම දිගින් දිගටම විමර්ශනාත්මකව මාධ්‍ය කරණයේ යෙදී අප විසින් නිරන්තරයෙන් වාර්තා කරන බව අවසාන වශයෙන් සඳහන් කිරීමට කැමැත්තෙමු
මෙ(හු)ත්තානන්දගෙ පෙර වැරදි ..
මෙ(හු)ත්තානන්දගේ පෙර වැරදි වන මිලියන ගණනක ටයිල් වංචාව, නිවසේ පාටි දැමීම සඳහා සෙබළුන්ගේ ආහාර මංකොල්ලය, හමුදා සාමාජිකාවන්ගෙන් ලිංගික අල්ලස් ලබා ගැනීම, යුද හමුදා සුභ සාධක වෙළෙඳ සල් වලට සැපයුම් ලබා දෙන්නන් ගෙන් කප්පම් ගැනීම, යුද හමුදාවට අනුයුක්ත සිවිල් සේවක මහතුන්ව තම පෞද්ගලික නිවසේ වැසිකිලි සුද්ද කිරීමට යොදා ගැනීම, හමුදා සම්පත් සහ සාමාජිකයන් පෞද්ගලික වුවමනාකම් උදෙසා අවභාවිතා කිරීම, ප්‍රසිද්ධියේ පරුෂ වචන කියමින් අප්‍රසන්න අයුරින් භට පිරිස් ආමන්ත්‍රණය කිරීම, අනෝරා වැස්සේ යුද හමුදා සාමාජිකයන් 300 ක් පැයක කාලයක් සීරුවෙන් තබා වෛරය ප්‍රකාශ කිරීම, නිල වාහන උපයෝගී කරගන්න තම රියදුරා වන සුසිරිපාල හරහා කඳවුර තුළට මත්ද්‍රව්‍ය රැගෙනවිත් ව්‍යාපාරයේ යෙදවීම, යුධ හමුදා ගොවිපල වල නිෂ්පාදන නොමිලේ ලබා ගනිමින් පෞද්ගලික ප්‍රයෝජනයට මෙන්ම දොලපිදේනි ලෙස ලබා දී ඔහුට විරුද්ධව සිදු කරනු ලබන පරීක්ෂණ කටයුතු යටගැසීම, ‘අපි වෙනුවෙන් අපි’ අරමුදල අවභාවිතා කරමින් මිලියන එකහමාරක් අනීතිකව ලබාගත් මේජර් නදීරා විජේසිංහ හට ව්‍යාජ ලියවිලි අනුමත කර දීම, සහ තවත් බරපතළ චෝදනා රැසකට දඩුවම්ද නැත පරීක්ෂණද නැත.
