සියලුම ජනමාධ්‍ය සම්බන්ධීකරණය කරමින් ආණ්ඩුවේ වැඩ කටයුතුවලට සාධාරණ ප්‍රචාරයක් ලබා ගැනීම සඳහා අගමැති රනිල් වික්‍රමසිංහ යටතේ ක්‍රියාත්මක වන ප්‍රබල තනතුරක් ඇති කිරීමට එක්සත් ජාතික පක්ෂය තීරණය කර තිබේන බව වාර්තා වේ.
රනිල් වික්‍රමසිංහ මහතා ප්‍රධාන එක්සත් ජාතික පක්ෂය මේ තීරණය ගෙන තිබෙන්නේ අයවැයට පෙර ආණ්ඩුව අත්‍යවශ්‍ය භාණ්ඩ හයක මිල අඩු කරමින් ජනතාවට දුන් සහනයට ජනමාධ්‍ය ඔස්සේ ප්‍රමුඛතාවයකින් යුතු ප්‍රචාරයක් ලබා ගැනීමට එම පක්ෂයේ මාධ්‍ය ප්‍රධානීන්ට නොහැකිවීම නිසා බවයි වාර්තා වි ඇත්තේ.
මේ තනතුරට මේ වන විට නම් ගණනාවක්ම යෝජනා වී තිබෙන අතර අවසන් තීන්දුවක් මෙතෙක් ගෙන නොමැති බව දන ගන්නට තිබේ.
මේ අතර අප දේශපාලන වාර්තාකරු අනාවරණය කළේ ජාතික ආණ්ඩුව දෙදරා යමින් මෛත්‍රී-රනිල් අතර ඇතිව ඇති විරසකය හේතුවෙන් මාධ්‍ය බලය වෙනම වෙනම අල්ලා ගැනිම සදහා තරගයක් පවතින බවත් එම තරගයේම ප්‍රථිපලයක් ලෙස මෙම නව මාධ්‍ය තනතුර ඇති කිරිමට කටයුතු කරන බවයි.
