Published on: Oct 24, 2018 – ශ්‍රී ලංකා ආයෝජන මණ්ඩලයේ අධ්‍යක්ෂ ජනරාල්වරයා ලෙස කටයුතු කරන දුමින්ද ආරියසිංහ මේ වනවිට එම තනතුරින් ඉවත් කිරිමට ජනාධිපතිවරයා කටයුතු කර ඇති අතර ඔහු සම්බන්ධයෙන් අප පසුගියදා කරුණු කිහිපයක් අනාවරණය කල අතර 2005 වසරේදි දුමින්ද ආරියසිංහ ආයෝජ්න ප්‍රවර්ධනය සම්බන්ධ නියෝජ්‍ය අධ්‍යක්ෂ ජෙනරාල්වරයා ලෙස පත් කෙරුණද ඔහුගේ අසත්භාවි ක්‍රියාකලාපය නිසා විධායක අධ්‍යක්ෂකවරයෙකුගේ තත්ත්වය තනතුරින් ඔහුව පහත දමා අයෝජන ප්‍රවර්ධන දෙපාර්තමේන්තුවේම සේවයේ යෙදවීමට කටයුතු කරනු ලැබු අයෙකු බවද මේ වනවිට අනාවරණය වි තිබේ.
මලීක්ගේ රාජකීය රෙකමදාරුව….
2015 පෙබරවාරි මාසයේ සිරිසේන ජනාධිපතිවරයා පත්වෙමින් පසුව ප්‍රකට නීතිඥයෙකු මෙන්ම එවකට ශ්‍රී ලංකා නීතිඥ සංගමයේ සභාපතිවරයා වන උපුල් ජයසූරිය මහතා ශ්‍රී ලංකා ආයෝජන මණ්ඩලයේ සභාපති සහ අධ්‍යක්ෂ ජනරාල්වරයා ලෙස පත්කල නමුත් උපුල් ජයසූරිය ඉක්මනින්ම ඉවත් විමත් සමග 2016 ජනවාරි 01 වැනිදා සිට දුමින්ද ආරියසිංහ නැමත්තා අමාත්‍ය මලීක් සමරවික්‍රමගේ රාජකීය රෙකමදාරුව මත අධ්‍යක්ෂ ජෙනරාල්වරයා ලෙසට පත්වු අතර ඒ පසුපස තිබුනේ තනීකරම මලික්ගේ එහෙයි වැඩ කර ගැනිමේ අරමුණ මිස වෙන කිසිවක් නොවේ.
අයෝජන මණ්ඩලයේ සේවා කාලය තුළ අධ්‍යක්ෂ ජෙනරාල්වරයා ලෙස දුමින්ද ආරියසිංහ කිසිදු උසස්වීමක් ලබා ගැනීමට හෝ අත්දැකීම් මත සිදු කළ ව්‍යාපතියක් මත උසස් වීමක් ලබා ගැනීමට සුදුසුකම් නොලැබු පුද්ගලයෙකු වන අතර 2016/2017 වසරේදි අධ්‍යක්ෂ ජෙනරාල්වරයා විදේශ චාරිකා 44ක් සිදු කළද එකදු ආයෝජනයක් ලංකාවට ගෙන ඒමට සමත් වූයේ නැත.
අමාත්‍ය මණ්ඩලයේ අනුමැතිය නොමැතිව අධ්‍යක්ෂවරයා විසින් සිය මාසික වැටුප 850000 දක්වා ඉහළ නංවා ගෙන ඇති අතරම එසේම එය පසුගිය මාසයන් සඳහා ද ලබා ගැනීමටද ඔහු කටයුතු කොට ඇත. එම කාලය තුළ අනුමැතියෙන් තොරව ලබා ගත් මුදල් සම්බන්ධයෙන් විමසීමට ආයෝජන මණ්ඩලය එම අධ්‍යක්ෂවරයාව අයෝජන මණ්ඩලය ඉදිරියිට කැදවූ අවස්ථාවේ උපුල් ජයසූරිය එම කැදවීම එතරම් බරපතල ලෙස නොගෙන ඇති අතර වගකීමෙන් තොරව කටයුතු කොට ඇත. අධ්‍යක්ෂවරයා විසින් ලෝන් එකක් රැගෙන තිබු අතර විගණකාධිපතිවරයා විසින් සිය විමර්ශනය තුළදී මෙම ජනතා මුදල් අවභාවිතාව සොයා ගත් නමුත් අමාත්‍යාංශ ලේකම් විසින් එය ආවරණය කරන ලදි.
අධ්‍යක්ෂ ජෙනරාල්වරයා සතුව පවතින ඉතා නරක ආකල්ප හේතුවෙන් ආයෝජකයන්ට සිදුවන හිරිහැර පිළිබඳව කිහිප වතාවකදි අමැතිවරයාට පැමිණිලි ලැබුණු අතර එම සෑම අවස්ථාවකදීම අයහපත් ආකල්ප වෙනස් කොට ආයෝජකයන්ට හා සේවකයන්ට සුබවාදි වැඩ වාතාවරණයක් නිර්මාණය කරන ලෙසට ඇමතිවරයා විසින් ඉතා ප්‍රසිද්ධියේ ඔහුට අවවාද කර තිබේ.
අමාත්‍යවරයා විසින් සංවර්ධන නියෝජිත ආයතන පිහිටුවා ලීමට ක්‍රියා කළ අතරම ලෝක වෙළඳ මධ්‍යස්ථානයේ බටහිර කුළුනේ 25 වෙනි මහලේ ආයෝජන මණ්ඩලයේ නීති අංශය සහ සංවර්ධන නියෝජිතායතන අනවසරයෙන් ප්‍රතිස්ථාපනය කිරීමට කටයුතු කළ අතර එහි ආයතන ප්‍රධානියා ලෙස මංගල යාපා කළමණාකරන අධ්‍යක්ෂවරයා ලෙස පත් විය. නමුත් මෙම පනත බහුතර පළාත් සභා ගණනාවක් ප්‍රතිකේෂ්ප කිරීමෙන් පසුව මංගල යාපා අමාත්‍ය මලික් සමරවික්‍රම විසින් ආයෝජන මණ්ඩලයේ සාමාජිකයෙක් ලෙස පත් කළ අතරම චීන සමාගමක් වෙත හම්බන්තොට වරාය පෞද්ගලිකරණය කිරීමේ කාර්යය මෙහෙයවීම බාර දෙනු ලැබිය. ඒ අනුව දකුණු වරාය පරිශ්‍රයේ හා එම ප්‍රදේශය තුළ සිදුවන සෑම ආයෝජනයකටම මංගල යාපා මැදිහත් වීම සිදු කර තිබේ.
ආයෝජන මණ්ඩලයේ සමාගම් වල කොටස් අවභාවිතාව සහ සමාගම් යාන්ත්‍රණය පිළිබඳ පෞද්ගලික සමාගමේ කොටස් අවභාවිතාව සම්බන්ධයෙන් 2011/12 කාලයේ අධ්‍යක්ෂ ජෙනරාල් ට එරෙහිව පැවති ආයෝජන මණ්ඩල විමර්ශනයකදි අධ්‍යක්ෂ ජෙනරාල්වරයාගේ වැඩ තහනමට ලක්වි තිබේ.
ආයෝජන මණ්ඩලයේ සභාපතිගේ වැඩ
උපුල් ජයසූරිය ඉල්ලා අස්වීම නිසා දුමින්ද රත්නායක මහතා ආයෝජන මණ්ඩලයේ සභාපතිවරයා ලෙස පත් කරන්නට යෙදුණි. රත්නායක හර්ෂ ද සිල්වා මහතාගේ ව්‍යාපාර කළමණාකරු ලෙස කටයුතු කළ අතරම මෙම පත් වීම සමඟ ආයෝජන මණ්ඩලයේ කටයුතු වෙනුවෙන් මැදිහත් වීමේ හැකියාව ද සිල්වා මහතාට ලැබුණි. රත්නායක සතියකට පැය කිහිපයක් පැවැත්වෙන ආයෝජන මණ්ඩල රැස්වීම් වලට පමණක් සහභාගි වන අතර තමාගේ සියළු කාර්යයන් අධ්‍යක්ෂ ජෙනරාල් වෙත පවරා තිබුණි. රත්නායක මහතා එටිසලාට් සමාගමේ සමාජිකයෙක් වේ.
තමාට හිතවත් අයෝජන සේවා අධ්‍යක්ෂවරයා සමඟ 2017 වසරේදි අයෝජන මණ්ඩලයේ අනුමැතියකින් තොරව ඉතාලියේ සංචාරයක නිරත වී ඇති අතරම එහිදි දුම්රිය ව්‍යාපෘතියේ අයෝජකයින් හමුවීම එම සංචාරයේ අරමුණු වි තිබේන බව මේ වනවිට අනාවරණය තිබේ.
ආයෝජකයන්ගෙන් කප්පම් ගත් තනි කවුළුවේ විමර්ශනය කමිටුව
අයෝජකයන් හරහා ලැබෙන සියළුම පැමිණිලි තනි කවුළුවේ විමර්ශනය කමිටුවක්(single window committee) වෙත යොමු වන අතරම ජනාධිපතිවරයා විසින් මෙම කමිටුව විසුරුවා හැරියත් එය අනීතික ලෙස ක්‍රියාත්මක විය පසුව ජනාධිපතිවරයා මෙම කමිටුව සම්බන්ධයෙන් කැබිනට් මණ්ඩලයේ ද අවධානයට යොමු කොට කමිටුව ඉවත් කිරීමට කටයුතු කරනු ලැබ තිබේ.
අයෝජන මණ්ඩලය හා එහි අධ්‍යක්ෂවරයා මෙම කමිටුව යොදා ගත්තේ ආයෝජකයන් ද අසීරුවට පත් කරමින් අයෝජන වලට අවශ්‍ය අනුමැතිය පමා කිරීමට බවත් ඒ හරහා කප්පම් ගැනිමේ යාන්ත්‍රනය දියත් කර ඇති බවද මේ වනවිට සිදුකර තිබේන පරික්ෂණ හරහා අනාවරණය වි තිබේ.
ආයෝජන මණ්ඩලය ජනාධිපතිවරයා විසින් පත් කරන අතර එහි සාමාජිකයන් ඉවත් කිරීමට ජනාධිපතිවරයාට අභිමත බලයක් ඇත. මේ බව සඳහන් වන්නේ මේ සමඟ අමුණා ඇති ආයෝජන මණ්ඩල පනත තුළය.
http://198.211.112.164/archives/19596
