ආණ්ඩුව නව ව්‍යවස්ථාවක් සඳහා ඉදිරිපත් කර ඇති කමිටු යෝජනා දෙස බැලූවිට මහජන ඡන්දයෙන් පත්වූ රජයකට මේ තරම් ද්‍රෝහී පවාදීමක් කළ හැකි දැයි විමතියක් ඇති වන බව ගෙවිඳු කුමාරතුංග මහතා පවසයි.
ඒකීයභාවය අහිමි කර රට ෆෙඩරල් කරනවාට අමතරව මෙතෙක් පැවති සියලු සම්ප්‍රදායන් කඩ කරමින් සියලුම අංශයන් අවුලෙනුත් අවුලට යන යෝජනා මේ ව්යවස්ථා යෝජනා වල අඩංගු බව ඔහු පෙන්වා දුන්නේ යුතුකම සංවාද කවය මගින් පසුගිය 19 වනදා සංවිධානය කරන ලද “ෆෙඩරල් සංහිඳියා නිරුවත” සම්මන්ත්‍රණයේ මුඛ්‍ය දේශනයක් සිදු කරමිනි.
මේ ව්යවස්ථා සම්පාදන ක්‍රියාවලියේ සෑම කමිටුවකම පාහේ අරක් ගෙන සිටින්නේ ජයම්පති වික්‍රමරත්න , එස් සුමන්තිරම් වැනි කුප්‍රකට බෙදුම්වාදී චරිත බව පෙන්වා දෙන ගෙවිඳු කුමාරතුංග මහතා රණවිරුවන් දිවිපුදා රැකි ඒකීය රට මෙලෙස පාවාදෙමින් බෙදුම්වාදීන්ගේ මනදොළ සපුරා බෙදා වෙන් කරන තුරු ඉවසන්නේ නම් අප මිනිසුන් දැයි ප්‍රශ්න කරයි.
ගෙවිඳු කුමාරතුංග මහතා පැවැත්වූ සම්පූර්ණ දේශනය…..
