“අද බලයේ සිටින බොහෝ දෙනා කියන්නේ එකක්‌ කරන්නේ තවත් එකක්‌. රට, ජාතිය, ආගම ගැන කැක්‌කුමක්‌ නැති පිරිස්‌ අද රටේ සම්පත්වලින් නිසි ප්‍රයෝජන නොගෙන ඒවා විකුණමින් මුදල් සෙවීමට උත්සාහ කරනවා…..” යෑයි අස්‌ගිරි පාර්ශ්වයේ මහානායක අති පූජ්‍ය වරකාගොඩ ඤාණරතන හිමියෝ පැවසූහ.
නව ව්යවස්ථා සංශෝධනය පිළිබඳව රටේ ජනතාවට නිසි අවබෝධයක්‌ නැති බවත් ත්‍රස්‌තවාදයෙන් මුදාගත් රට යළි විනාශවීමට කිසිසේත් ඉඩ දිය නොහැකි බවත් උන්වහන්සේ ප්‍රකාශ කළහ.විදෙස්‌ රටවල වෙසෙන ශ්‍රී ලාංකීකයන් පිරිසක්‌ එක්‌ව ඇතිකරගත් ශ්‍රී ලංකා ගෝලීය සංසදයේ නියෝජිත පිරිසක්‌ පෙරේදා (27 දා) රාත්‍රියේ අස්‌ගිරි මහ නාහිමියන් බැහැදැක ආශිර්වාද ලබාගත් අවස්‌ථාවේදී උන්වහන්සේ එසේ පැවසූහ.
බෙදුම්වාදී රනිල්-මෛත්‍රී ව්‍යවස්ථාවට එරෙහිව… by lnwtoday
මෙම අවස්‌ථාවේ අදහස්‌ දැක්‌වූ අස්‌ගිරි පාර්ශ්වයේ ලේඛකාධිකාරී මැදගම ධම්මානන්ද හිමියෝ ආණ්‌ඩුක්‍රම ව්යවස්ථා සංශෝධන හරහා බෞද්ධ සංස්‌කෘතියට රටේ භෞමික අඛණ්‌ඩතාවට සිංහල ජාතියට අයහපතක්‌ වෙනවා නම් සෑම පුරවැසියකුම ඊට එරෙහිව ක්‍රියාමාර්ග ගත යුතු බවත් එය සෑම ශ්‍රී ලාංකිකයකුගේම යුතුකමක්‌ හා වගකීමක්‌ බවත් අවධාරණය කළහ. ශ්‍රී ලාංකීය ජාතියක්‌ ලෙස මෙම මාතෘ භූමිය තුළ අපට ඇති ස්‌වාධීනත්වය අහිමි වුවහොත් ලෝකයේ අසරණ ජාතියක්‌ බවට පත්වීමේ ඉඩකඩ ස්‌ථීරවම ඇතිවන බව ද උන්වහන්සේ පැවසූහ.
දේශපාලනයේ යෙදෙන පිරිස්‌ අවස්‌ථාවාදී ලෙස ක්‍රියාකරමින් රටට, ජාතියට අයහපතක්‌ වන විට නිහඬව සිටින තත්ත්වයක්‌ දක්‌නට ලැබෙන බව ද ලේඛකාධිකාරී හිමියෝ පැවසූහ.
ශ්‍රී ලංකා ගෝලීය සංසදයේ ලේකම් නිහාල් මෙන්ඩිස් මහතා, “දෙමළ ඩයස්‌පෝරාව” ලංකාවට හානිවන පරිදි නොයෙක්‌ ප්‍රකාශ නිකුත් කරනවා. ඊට එරෙහිව නිසි පිළිතුරු ලබාදීම සඳහා අපි ශක්‌තිමත් සංවිධානයක්‌ පිහිටුවා ගත්තා.
ශ්‍රී ලංකාවේ ඒකීයභාවය අගයන ඒ වෙනුවෙන් පෙනී සිටින ඕනෑම අයකුට මෙම සංවිධානය හා එක්‌විය හැකි බව ද හෙතෙම අවධාරණය කළේය.
බෙදුම්වාදී රනිල්-මෛත්‍රී ව්‍යවස්ථාවට එරෙහිව… by lnwtoday
නිහාල් මෙන්ඩිස් …..
“අපි ගෝලිය සංසදය ගොඩ නගා ගත්තේ ,දෙමළ ඩයස්පෝරාවෙන් ශ්‍රි ලංකාවට හානි වන ප්‍රකාශ නිතරම නිකුත් කරනවා .අන්න ඒ නිසායි අපි මේ සංසදය ගොඩ නැගුවේ .ඒ සදහා විරුද්ධ වන්න .ව්යවස්ථා සංශෝදනයෙන් ෆෙඩරල් රාජ්‍යකට යන්න ලියවිල්ල සකස් කරලා බන්දේසියක තියලා කිසිම කරදරයක් නැතුව මේ දෙන්න යන එක ගැන ජනතාව දැන් දැනුවත් . මහානායක ස්වාමින් වහන්සේලාට අපි මේ අකටයුත්ත ගැනයි දැනුම් දුන්නේ.
Nihal Mendis-මේ රට බෙදන්න කාටවත් බෑ by lnwtoday
