By Admin 
එක්සත් ජාතික පක්ෂයේ මහර සංවිධායකව සිට පසුව තමන්ගෙ මැර වැඩ වෙනුවෙන් සරණක් සොයා එවකට පැවැති රාජපක්ෂ ආණ්ඩුවට එක්වූ බස්‌නාහිර පළාත් සභා මන්ත්‍රී තුෂාර පෙරේරා අද යලිත් එක්සත් ජාතික පක්ෂය සමග එක්ව තිබේ.
රාජපක්ෂලාගේ බලය අනිසි ලෙස භාවිතා කිරිමට මාර්ගයක් සකස් කරගත් තුෂාර ජනාධිපති උපදෙශකයකු ලෙස පත්විමක් ලබාගත් අතර එම උපදේශක තනතුර භාවිතා කරමින් මජර වැඩ කල තුෂාර රාජපක්ෂ ආණ්ඩුවේ සිටි ආරක්ෂක උපදේශකයෙකු වන දුමින්ද සිල්වා අතර ගැටුමෙන් මරණයට පත්වු භාරත ලක්ෂ්මන් පෙරේරාටද චෙක්පත් වංචාවක් කිරිමට තරම් දක්ෂයෙකු වුනා.
චෙක්පත් වංචා ගණනාවක් , ව්‍යාජ ඔප්පු සකස් කිරිම සහ ඝාතනයන් රැසකට සම්බන්ධ තුෂාර අපරාධ පරීක්ෂණ දෙපාර්තමේන්තුව අත්අඩංගුවට ගෙන පරික්ෂණ දියත් කරමින් සිටින අතර ආණමඩුව – සංගට්‌ටිකුලම ප්‍රදේශයේ විසූ කෝටිපති ව්‍යාපාරිකයකු වූ ස්‌ටැනිස්‌ ප්‍රනාන්දු (ස්‌ටැන්ලි) ගේ ඝාතනයට සැකපිට අත්අඩංගුවට පත්ව සැකකරුවෙකුද වනවා.
රිය අනතුරක් සිදුකර රියැදුරකුට ගිනිඅවියක් පෙන්වා තර්ජනය කිරීම සම්බන්ධයෙන් ද තුෂාර පෙරේරා ගුවන් තොටු‍පොළ පොලිසිය මගින් අත්අඩංගුවට ගත් අතර එම ගිනි අවියට බලපත්‍ර නොමැති බවට පරීක්ෂණවල දී හෙළි වී තිබේ.
ජනවාරි 8 වැනිදා අලුත් ආණ්ඩුව පිහිටු විමෙන් පසුව තුෂාර පෙරේරා මහින්දගේ සම්බන්ධීකරණ ලේකම්වරයෙකු ලෙසට කටයුතු කල අතර අද (14) යලිත් එක්සත් ජාතික පක්ෂ සාමාජිකත්වය ලබා ගත්තා.
LNNADMIN