By Admin 
රටේ ඒකීය භාවය වෙනුවෙන් දිවිපිදූ සියලුම රණවිරුවන් අනුස්‌මරණය කිරීම සඳහා මැයි 18 දා ජාතික ධජය ඔසවා පහනක්‌ දල්වන ලෙස ජනතාවගෙන් ඉල්ලා සිටින බව බෙංගමුවේ නාලක හිමියෝ පැවැසූහ.
මෙම රණවිරුවන් දිවි පුදමින් සිදුකළ උදාර කාර්යය අපට අමතක කළ නොහැකි බවත් රජය ඔවුන් අමතක කළත් දේශප්‍රේමි ජනතාව ඔවුන්ට කළගුණ සලකන බවද උන්වහන්සේ කොළඹ පැවැති මාධ්‍ය සාකච්ඡාවක්ට එක්වෙමින් කියා සිටියා.
මෙම රණවිරුවන් සැමරීමේ උත්සවය ගල්ගමුවේ සංගප්පාය ගම්මානයේදී මැයි 18 දා ආරම්භ වන බව පැවසූ උන්වහන්සේ අතිශයින් දුෂ්කර ගම්මානයක්‌ වූ මේ ගම්මානයේ රණවිරුවන් 110 ක් සිටින අතර රණවිරුවන් 10 ක් දිවි පුදා ඇතැයි අනාවරණය කළහ.
රියර් අද්මිරාල් සරත් වීරසේකර මහතා රණවිරුවන් සැමරීමේ උත්සවය ගැන කරුණු දක්‌වමින්,
වන්නි මෙහෙයුමින් 29000 ක් මියගොස්‌ 16000 කට අධික පිරිසක්‌ ආබාධිත වී ඇති බව පළ කළ රියර් අද්මිරාල්වරයා රජය රණවිරුවන් අමතක කළත් දේශප්‍රේමි ජනතාව ඔවුන් අමතක නොකරන බව කියා සිටියේය. රණවිරුවන් සිරගත කරමින් රජය කුමන පියවර ගත්තත් රජයට ඇත්තේ තවත් මාස 18 ක් පමණක්‌ බව අවධාරණය කළ යුතු බව පැවසූ සරත් වීරසේකර මහතා මාතෘ භූමිය රැක ගැනීමට කටයුතු කළ රණවිරුවන් පාවාදීමට රජය ක්‍රියාකර ඇති බව කීවේය.