යහපාලන ආණ්ඩුව විසින් සරත් ෆොන්සේකාට බාර දෙන්නට යන නව වගකීම පිළිබඳ විවිධ දෙනා විවිධ අදහස් දක්වන අතර ඇතැම් දේශපාලන සංවිධාන සහ පුද්ගලයන් මේ පිලිබදව තැතිගැන්මකට ලක්ව ඇත. තවත් පිරිස් පවසන්නේ ඉන්දියාව සමග අත්සන් කෙරෙන ගිවිසුම් වලට එරෙහි මහජන විරෝධය වෙනතක යොමු කිරීමට කරන නාටකයක් බවය.
රජයේ මධ්‍යස්ථ මතධාරීන් පවසන්නේ එය කඩාකප්පල් කාරී ක්‍රියා වලින් මහජනයාගේ ජන ජීවිතය කඩා වැටෙන්නට ඉඩ නොදී අත්‍යාවශ්‍ය සේවා පවත්වාගෙන යෑම සඳහා නිර්මාණය කරන නව සැලැසුමක් බවය . තවද ත්‍රිවිධ හමුදා මෙහෙයැවීම මෙතෙක් ක්‍රියාත්මක කෙරුණේ තනි විධායක ජනාධිපතිවරයා වන අතර එය අහෝසි කිරීමට බලාපොරොත්තු වන සිරිසේන තමන් සතු විධායක බලතල පාර්ලිමේන්තුවට පැවරීමේ තවත් ක්‍රියාමාර්ගයක් ලෙස මෙය හදුන්වයි
ජ.විපෙ විසින් ෆොන්සේකාගේ නව භූමිකාව විග්‍රහ කලේ, ‘උද්ඝෝෂණ හා අරගල, මර්දනය කිරීම සඳහා ෆොන්සේකාගේ නායකත්වයෙන්, විශේෂ හමුදා බලඇණියක් ගොඩනගනවා‘ යැයි කියාය. ප්‍රජාතන්ත්‍රවාදී යහපාලන ආණ්ඩුව විසින් ජනතා මර්දනය සඳහා විශේෂ හමුදා ආයතන පිහි‍ටුවන බව ජවිපෙ පැහැදිලිවම ප්‍රකාශ කලේය.
සරත් ෆොන්සේකාට ත්‍රිවිධ හමුදාව ඇතුළු අංරක්‍ෂක අංශ මෙහෙයවීමේ වගකීම ලබා දී ඇති බව යහපාලන ආණ්ඩුවේ සම කැබිනට් මාධ්‍ය ප්‍රකාශක රාජිත සේනාරත්න මාධ්‍යටද ප්‍රකාශ කලේය.
කවුරු කෙසේ කීවද ෆොන්සේකාගේ බලලා මල්ලෙන් එලියට පැන ඇත. මැයි දින පෙලපාලිය වෙනුවෙන් බත් පැකැට් 75000 සැපයීමේ කොන්ත්‍රාත්තුව ෆොන්සේකා විසින් හමුදාවට බාරදී ඇත. මේ වනවිට මහනුවර ප්‍රදේශයේ සියලුම හමුදා කදවුරු වල අණදෙන නිලධාරීන්ට අදාල නියෝගය ලබා දී ඇත. ගැටබේ පිටිය අසල ඇති ගන්නෝරුව කදවුරට පමනක් බත් පැකට් 14000ක් සැපයීමට නියෝග දී ඇත. හුදෙක් ගෝත්‍රික සැනකෙලියක් වන් පෙලපාලියක වියහෙයදම් නීතියානුකූල හමුදා සාමාජිකයන්ගේ ආහාර දීමනාවෙන් පියවීම කුරිරු සරදමකි.
මිලිටරිය තුල ගෝනි සෙල්ලම් දමා පලදින තරු හදුන්වන්නේ ” උගන්ඩා තරු” වශයෙනි. මේය ලොව ඕනෑම හමුදා සාමාජයක භාවිත වචනයකි . මක්නිසාදයත් එවන් තරු නිලධාරීන්ගේ පෙර සහ පසු ක්‍රියා කලාපය ෆීල්ඩ් මාෂල් ඉඩි අමීන්ට නොදෙවෙනි බැවිනි.
මෙරටේ උගන්ඩා තරු නිලධාරීන් හදූනා ගැනීම ඔබට බාරය. මෙම සටහන එහි මූලය පිලිබද කෙරෙන කෙටි විවරණයකි.1962 දී උගන්ඩාව ස්වාධීන රාජ්‍යයක් බවට පත් විය. එහි අගමැති බවට පත් වූයේ මිල්ටන් ඔබොටේ. මිල්ටන්ගේ සුවච කීකරු හමුදා නිලධාරියා වූයේ ඉඩි අමීන් . ඉන් ටික කළකට පසු කර්නල්වරයකු ලෙස උසස් කෙරුණ ඉඩි අමීන් හමුදාපති ලෙස පත් කරනු ලැබුණා
ඉඩි අමීන් ඉතා සුඛෝපබොගි ජීවීතයක් ගතකිරීමට ප්‍රියවිය . කලක් ගතවනවිට ඉඩි අමීන් ඇත් දළ ජාවාරමකට සම්බන්ධ බව චෝදනාවක් එල්ල වුණා. ඔහුගේ ගිනුම් වල අතිවිශාල මුදල් සම්භාරයක් තැන්පත්ව තිබුනා.
ඉඩි අමීන් ගතකලේ පිලිකුල් සහගත සල්ලාල ජීවිතයක්. හමුදා නිලධාරින්ගේ ඇහැට කනට පෙනෙන සියලු අඹුවන්ට ඔහු බැල්ම හෙලීය. හමුදා නිලධාරීන්ගේ අඹුවන්, සුරූපී කාන්තාවන් පිලිබද සොයා වාර්තා කිරීමට වෙනම යුනිට් එකක් පිහි‍ටුවා තිබුනි. හොදින් හෝ නරකින් ඒ සියලු කාන්තාවන් සමග ඉඩි අමීන් යහන් ගත විය.
මානව හිමිකම්, ඒ පිලිබද කතාකරන උන් ඉඩි අමීන්ට වහ කදුරු මෙන් විය. ඉඩි අමීන් ඔවුන්ට මරණ වරෙන්තුව නිකුත් කලේය . මානව හිමිකම් ක්‍රියාධරයන්, නීතිඥයන් රට හැර යන්න විය. රටේ අගවිනිසුරුවරයා පවා මිය පරලොව යැවීමට ඔහු පසුබට නොවීය.
සියලු ජනමාධ්‍ය කරුවන් ඉඩිඅමින්ගේ ගුන ගායනා කලයුතු විය. කිසිවෙක් ඔහු විවේචනය කලේ නම් ඔහුට එරෙහිව උන්ඩය ක්‍රියාත්මක කලේය . ඉඩිඅමීන් විවෙචනය කල මධ්‍යකරුවන්ට පහර දුන්නේය , අතුරුදහන් කලේය, රොබට් එල් සීඩ්ල් ලොව පතල මාධ්‍යවේදියා මොටර් රථයක් තුල මරා පුලුස්සා දැමීය.
කලක් ගතවෙත්ම හමුදාපති ඉඩිඅමින් හා ජනපති මිල්ටන් ඔබොටේ අතර ප්‍රශ්න ඇති විය. ඊට මූලිකම හේතුවක් වූයේ ඉඩි අමීන් තම ගෝත්‍රයේ පිරිස් වැඩිපුර හමුදාවට බඳවා ගැනීමයි. ස්වාධීන මතධාරී හමුදානිලධාරීන් සොය සොයා පලිගත්තේය . ඔහුගේ යටි අරමුන වූයේ රාජ්‍ය බලය ඩැහ ගැනීමයි
මේ අතර හමුදාපති වරයාගේ කියා කලාපය විමසීමට පරීක්ෂණ අධිකරණයක් පත්කෙරුනා , ඉඩි අමීන් අත් අඩංගුවට ගැනීමට සූදානම් වෙමින් සිටි අතර ඊට පෙර ඉඩි අමීන් ක්‍රියාත්මක වුණා. 1971 ජනවාරි 25 වනදා, ඔබොටේ සිංගප්පූරුවේ පැවති පොදු රාජ්‍ය මණ්ඩල නායකයින්ගේ හමුව සඳහා මිල්ටන් ඔබොටේ සහභාගී වෙමින් සිටියදී ඉඩි අමීන් රටේ බලය අල්ලා ගත්තා.
ඔබොටේගේ පාලනය සෝවියට් කඳවුර දෙසට නැඹුරු වෙමින් පැවති හෙයින් ඉඩි අමීන් බලය පැහැර ගැනීම පිළිබඳ බටහිර කඳවුර මුලින්ම දැක්වූයේ යහපත් ප්‍රතිචාරයක්. ඇමෙරිකාවට බ්‍රිතාන්‍යට මුලින් ඉඩි අමීන් සුරතලෙකු විය.
බ්‍රිතාන්‍යය සහ ඇමෙරිකාව ඔහුගේ දෙවන නිවහන විය. දිනක් ඔහු ලන්ඩන් බලා පිටත්විය . ඒ මගීන් හිස්කල උගන්ඩා ගුවන් සේවයට අයත් යානාවකින් . යානාව ගොඩ බෑමට ආසන්න වෙත්ම නියමුවා විසින් හීත්‍රෝ ගුවන්යානා පාලන මැදිරියට ඇමතුමක් ලැබුනා. ඒ ගුවන්යානවේ ගුවන් යානයේ උගන්ඩාවේ ජනාධිපතිවරයා සිටින බව සදහන් කිරීමට. රතු කදවුරට එරෙහි උගන්ඩා සුරතලා පිලිගැනීමට බ්‍රිතාන්‍ය ලහි ලහියේ සූදානම් වුනා. දෙවන එලිසබත් රැජිණ ඊළඟ දවසේ ඉඩි අමීන් ට දිවා ආහාරයට ආරාධනා කලා. ආහාර ගැනීමෙන් පසු රැජිණ විමසා තිබෙනවා හදිසි සංචාරයට හේතුව කුමක් ද කියා.
“රැජිණියනි, උගන්ඩාවේ සයිස් 14 සපත්තු හොයා ගන්න තැනක් නැහැ. ඒකයි ලන්ඩන් ආවේ” ඉඩිඅමීන් පැවැසීය
කුමන්ත්‍රනයකින් රජ්‍ය බලය අල්ලාගත් ඉඩි අමීන් ෆීල්ඩ් මාෂල් නිලයට ඇන්දේය. එයද අපූරු නාටකයකි. ෆීල්ඩ් මාෂල් තනතුරට ඇදීමට හේතු පාඨ කිසිවක් නොවීය. ෆීල්ඩ් මාෂල් අධිකාරි පත්‍රයට අත්සන් කලේද ඔහු විසින්මය උගන්ඩාවේ යකඩ වාත්තු කරුවෙකු ලවා තරු 5ගේ උරහිස් පලදනාව සාදා ගත්තේය. එය තමා විසින්ම පැලද ගත්තේය.
විශ්‍රාම යන්න ඔන්න මෙන්න සිටි ෆොන්සේකා එවක අරක්ෂක ලේකම්ගේ රෙකමදාරුව නිසා හමුදාපති බවට පත්විය. යුද්ධය පැවති කාලයේ හමුදාවට අන දුන්නේය. නමුත් අනතුරුව හමුදාවේ සිටියදී දේශපාලනය කිරීම ඇතුළු චෝදනා ගණනාවකට අධිකරණයෙන් වරදකරු බවට පත් විය. එහි ප්‍රතිඵලය වූවේ විශ්‍රාම වැටුප ඇතුළුව, දරන ලද සියලු පදක්‌කම් ඔහුට අහිමි වීමය.
නමුත් යහපාලන ආන්ඩුවට කඩේයාම නිසා සියල්ල උඩු යටි කුරු විය. අහිමි වී ගිය සියල්ල අලුත් ආණ්‌ඩුවෙන් ලබා ගත්තේය. යුද හමුදාපති නාමාවලියෙන් පවා විසි වී සිටි ෆොන්සේකා, ජෙනරාල් තනතුරට පත්වූයේ විශේෂ ජනාධිපති සමාවකට භාජන කරමිනි. ඉන් නොනැවතුනු ඔහු කන් කෙදිගා ෆීල්ඩ් මාෂල් තනතුරට ඇන්දේය
ෆොන්සේකාගේ ආවතේව කිරීමට නිලධාරීන් පහක්‌ සමග සියයකහමුදා බලඇණියක්, ජීවිතාන්තය දක්‌වා හිමි අතර ඔහුගේ ඇවෑමෙන් භාර්යවටද හිමිය. කැබිනට් ඇමතියෙකුගේ වරප්‍රසාද හිමිය. නිල නිවසක්, ජීවිතාන්තය දක්‌වා ලබාදෙන කාර්යාලයක්‌ සේම මරණයේදී වෙඩි විසි එකක සම්මාන අචාර මුරයක්‌ සහිත රාජ්‍ය ගෞරව හිමිය.
සරත් ෆොන්සේකාට ෆීල්ඩ් මාර්ෂල් ධුරය ලබාදීම සමගම සටනේදී නාවික සහ ගුවන් හමුදාවට නායකත්වය ලබාදුන් අද්මිරාල් වසන්ත කරන්නාගොඩ සහ එයාර් චීෆ් මාර්ෂල් රොෂාන් ගුණතිලක ද තමන් වෙත ඊට සමාන තනතුරු ලබා දෙන ලෙස ඉල්ලීම් කර තිබුණි. නමුත් යහපාලන මල්වට්ටියට අත නොගැසීම නිසා ඔවුන්ගේ ඉල්ලීම් කුනු කූඩයට වැටිනි
මහජන මුදලින් මේසා වරප්‍රසාද ලබමින් ෆොන්සේකා කරන්නේ බත්පැකැට්‍ටුවට කඩේ යාම නම් එය ජාතියේ අවාසනාවකි
විශේෂ ලියුම්කරු
කීර්ති රත්නායක
