සුරාබදු කොමසාරිස්ට මාසිකව රුපියල් ලක්ෂ හැත්තෑපහකට අධික මුදලක් ලබා දී වී.ඒ මත්පැන් බෝතල් ඩුප්ලිකේට් ස්ටිකර්ද සමග යාපනය දිස්ත්‍රික්කය පුරා බෙදාහැරීමට එම සමාගම කටයුතු කර ඇති බව යාපනය අප විශේෂ වාර්තාකරු සදහන් කළා.
VA මත්පැන් සමාගම ආරක්ෂා කරමින් සුරාබදු කොමසාරිස් ජනරාල්වරයා මෙම නීති විරෝධී වැඩ පිළිවෙල ක්රියාත්මක කරනුයේ ලැබෙන සන්තෝෂම් මුදල හේතුවෙනි. මෙරට නිෂ්පාදනය කරන සෑම මත්පැන් බෝතලයකම ආරක්ෂිත ස්ටිකරයක් ඇලවිය යුතුය. එහෙත් ඩුප්ලිකේට් ස්ටිකර් අලවමින් පාදුක්කේ නිපදවන වී.ඒ අරක්කු යාපනය පුරා බෙදාහරින්නේ සුරාබදු කොමසාරිස් ජනරාල්වරයාගේ අනු දැනුම මත බවයි අනාවරණය වි ඇත්තේ.
ඒ හරහා රටට හිමිවිය යුතු විශාල බදු මුදලක් අහිමි වන අතර මේ දක්වා අවස්ථා ගණනාවකදී මේ අකාරයෙන් සංතෝෂන් ගැනිම හරහා සිදුකර ඇති බදු මුදල් අහිමි කිරිම ගණනය කල නොහැකි බවද වාර්තා වේ.
මේ අතර හිටපු අමාත්‍ය ජොන්ස්ටන් ප්‍රනාන්දුට අයත් රෝයල් සහ සිනර්ජී ඩිස්ටලරීස් සමාගම් මගින් මනුෂ්‍ය පරිභෝජයට නොසුදුසු මත් පැන් වෙළඳපොළට නිකුත් කිරීම පිළිබද සුරාබදු කොමසාරිස් දෙපාර්තමේන්තුව මගින් ආරම්භ කළ පරීක්ෂණ අතර මග නතරව අති බව වාර්තාවේ. එම මත්පැන් තහනම් කළද රජයේ රස පරීක්ෂකවරයා වෙත මෙතෙක් යොමුකර නොමැත.
මෙම සමාගම් දෙක රුපියල් බිලියන 1500 ක පමන සුරාබදු පොල්ලක් තබා ඇති මොහොතක මෙලෙස මනුෂ්‍ය පරිභෝජනයට නුසුදුසු මත්පැන් නිපදවීම මවිතයට කරුනකි. ඒ සඳහා සුරාබදු කොමසාරිස් වරයාගේ ආශීර්වාදය හිමිව ඇති බව වෘතීය සමිති පෙන්වා දෙන්නේ. මේ සම්බන්ධයෙන් ඉදිරියේදි වෘත්තීය සමිති නීතිමය ක්‍රියාමාර්ග ගැනිමටද සුදානමක් පවතින බව වාර්තා වේ.
අරක්කු කොම්පැණි පහකින් ’’සුරාවට’’ කෝටි 205ක පොල්ලක්
මත්පැන් නිෂ්පාදන ආයතන 5ක් සුරාබදු දෙපාර්තමේන්තුවට රුපියල් කෝටි 205 කට වැඩි වටිනා විවිධ ගාස්තු ගෙවීම(2020.7.20 දිනට) පැහැර හැර ඇතැයි රජයේ ගිණුම් පිළිබඳ පාර්ලිමේන්තු කාරක සභාව(කෝපා ) වලදි පසුගියදා අනාවරණය වුනා.
එම කාරක සභාව මේ සම්බන්ධයෙන් සුරාබදු දෙපාර්තමේන්තු ප්‍රධානීන්ගෙන් පසුගියදා කරුණු විමසා සිටි අතර එම ප්‍රධානීන් පවසා ඇත්තේ මේ සම්බන්ධයෙන් සමාගම් දෙකකට එරෙහිව දැනටමත් නීතිමය කටයුතු ආරම්භ කර ඇති බවයි.තවත් සමාගම් දෙකක් ශ්‍රේෂ්ඨාධිකරණයට අභියාචනා ඉදිරිපත් කර ඇති බව එම ප්‍රධානීන් කෝපා කමිටුව වැඩිදුරටත් දැනුම්දී තිබේ.
LTTE සංවිධානය සතුව තිබී ආරක්ෂක හමුදා විසින් අත් අඩංගුවට ගෙන රජයට බාර දුන් රත්තරං ටොන් දහසකට ආසන්න ප්‍රමාණයෙන් ටොන් 617ක් හොර පාරේ විකිණීම සම්බන්ධයෙන් රාජපක්ෂ පවුල වෙත එල්ල වී ඇති බරපතල චෝදනාව පිළිබඳව සාක්ෂී රැසක් අප අද අනාවරණය කිරිමට සුදානම්.
මිට පෙර අවස්ථා ගණනවකදි මේ සම්බන්ධයෙන් තොරතුරු රැසක් අප අනාවරණය කලද රාජපක්ෂලා ජනතාව ගොනාට අන්දවා තිබු තරම කොතරම්ද යත් එම සත්‍ය තෙරූම් ගැනිමට නොහැකි විය.අද සියල්ල වෙනස් වි අවසන් රාජපක්ෂවරු හොරූ බව නිළ වශයෙන් පිලිගෙන අවසන් වි තිබේ.
එතෙක් මෙතෙක් ශ්රී ලාංකික ඉතිහාසයේ සිදුවූ මේ මහා හොරකම ගැන කිසිවක් ප්‍රකාශ නොකිරීමට පැවැති සියලු රජයන් පරිස්සම් වී ඇත. වැඩකට නැති තුට්‍ටු දෙකේ හොරකම් ගැන මහා පරිමාණයේ විමර්ශන සිදුවන බවට මාධ්‍ය ප්‍රචාරයන් ලබා දෙන මුත් රජයට අයත් දේපලක් රජයන් කොල්ලකා තමන්ගේ ගිණුම් තර කර ගැනීමට ක්‍රියාකළ රාජපක්ෂ පවුලේ සාමාජිකයන් කිහිප දෙනෙකු හා ඔවුන්ගෙ හිතවතුන් කිහිප දෙනෙකු ජීවිතාන්තය දක්වා සිරකළ හැකි මේ සහගහන ජාතික අපරාධය සම්බන්ධයෙන් තවමත් නිහඬ ව සිටීමේ අරමුණ කුමක්ද යන්න රටේ ජනතාව තෙරුම් ගත යුතුය.
උතුරේ යුද්දය නිමාවෙද්දී ඒ පළාත් වලින් ටොන් ගණනක රත්තරන් යුද හමුදාව යටතට පත් විය. වසර 20 ක් එල්ටීටීඊ පාලනය යටතේ පැවැති උතුරු පළාතේ එල්ටීටීඊ බැංකු පවත්වාගෙන ගිය අතර ජනතාව තම රත්තරන් උගස් තබා තිබුනේ එම බැංකු වලය. එල්ටීටීඊය පරාජය වෙද්දී එම රත්තරන් ටොන් ගණනින් හසුවිය. රත්තරන් පැළැඳීම සංස්කෘතික අංගයක් ලෙස සලකන දෙමළ ජනතාව සාමාන්‍යයෙන් වැඩියෙන් රත්තරන් භාවිතා කරන අතර සරණාගත තත්ත්වයට පත්වෙද්දී ඔවුන් තමන් සතුව තිබූ රත්තරන් විවිධ ස්ථාන වල වළ දමා සඟවා තිබීද හසුවිය.
මීට අමතරව රාජපක්ෂ පවුල විසින් එදා හමුදාව බාරදුන් රත්තරන් පමණක් නොව බිම් බෝම්බ ඉවත් කරන මුවාවෙන් දෙමළ ජනතාව පොළොව යට වළලා දැමූ සුළු සුළු රත්තරන් පවා කොල්ල කෑ අතර අවසානයේ එම රත්තරං තොග කන්ටේනර් කිහිපයකින් ජපානය දක්වා ගෙනගිය අකාරය විවිධ අවස්ථාවල අනාවරණය විය.
අප අද මේ අනාවරණය කරන්නේ අප සතුව ඇති සාක්ෂී වලින් ඉතාම සුළු ප්‍රමාණයකි.මේ සාක්ෂී වලින් ඉතා පැහැදිලිව රාජපක්ෂලා සනුහරයම රටේ ජනතාවට අයත්ව තිබු රන් දේපළ හොරා කා අවසන් බව තහවුරු වනු ඇත, ප්‍රශ්ණය ඇත්තේ නීතිය ක්රියාත්මක කිරිමට කාටනම් හැකි වේද යන්නයි.
එල්ටීටීඊ සංවිධානය සතුව තිබී හමුදා භාරයට ගන්නා ලද රත්තරන් හා මුදල් මහා භාණ්ඩාගාරයට ලබා දීමේදී ඒ වෙනුවෙන් භාණ්ඩාගාරය හා යුධ හමුදාව අතර හුවමාරු වූ ලියැවිලි පසුව රාජපක්ෂ පවුලේ ප්‍රබලයකුගේ උපදෙස් පරිදි පුළුස්සා දැමිමට කටයුතු කල අතර ඒ හේතුවෙන් මේ සම්බන්ධ කිසිදු ලියැවිල්ලක් යුධහමුදාව සතුව නොමැත.
එල්ටීටීඊ සංවිධානයෙන් අත්පත් කර ගන්න ලද රත්තරන් හා මුදල් ප්‍රමාණය ගැන කිසිදු ලියැවිල්ලක් නොවීම හේතුවෙන් මෙම රත්තරං තොගය හා මුදල් ප්‍රමාණය කොපමනදැයි සොයා ගැනීමට නොහැකිව තිබු නමුත් අදාළ ගණුදෙනු හරහා මේ වනවිට එම ප්‍රමාණය අනාවරණය වි තිබේ.
2020 10 26 වැනි දින ජනාධිපති ගෝඨාභය රාජපක්ෂ හට ලිපියක් යොමුකරන I P උපුල් කරුණාරත්න තමන්ට අයවිය යුතු මුදල් මහ බැංකුව රදවාගෙන සිටින බවත් වහාම එය නිදහස් කරන ලෙසත් ඉල්ලා තිබේ.
එහි සදහන් වන්නේ 2011 වර්ශයේදි එනම් 4 වන ඊළාම් යුද්ධය අවසන් වි වසර දෙකක් ගතවනවිට අදාළ හොරා කෑ රන් තොගයෙන් ටෝන් 39.66ක් විකුනා දමා තිබේ. අදාළ ගණුදෙනුව සිදුකර ඇත්තේ “CREDIT SUISSE SECURITIES” සමාගම හරහා වන අතර ඒ හරහා උපයා ගත් අදායම ඇමරිකානු ඩොලර් කෝටි 196ක් බව එවකට නී.මුදල් අමාත්‍ය සරත් අමුණුගම පාර්ලිමේන්තුවේදි සනාත කර තිබේ.
අදාළ ලිපිය හරහා අනාවරණය වන්නේ CREDIT SUISSE SECURITIES සමාගම රත්තරං කිලෝවක් ඇමරිකානු ඩොලර් 46,000ක් ගෙවන අතර එයින් රජයට ඇමරිකානු ඩොලර් 44,000ක් ගෙවන අතර ඉතිරිය මැදිහත්කරුවන් සදහා රත්තරං කිලෝවක් වෙනුවෙන් ඇමරිකානු ඩොලර් 2000ක් බැගින් ගෙවිමට එකඟ වි තිබේ.
නිලවශයෙන් විකිණූ රත්තරන් ටොන් 39.66ට අදාලව, ගිවිසුම් ප්‍රකාරව ඒ ඒ අතර මැදියන්ට ලැබිය යුතු කොමිස් මුදල් ප්‍රමාණය හා ඔවුන්ගේ විස්තර මෙම ලිපිය තුල අන්තර්ගත කර තිබේ.
ජපන් රජය වෙනුවෙන් මෙම ගනුදෙනුව සිදු කළේ ජපානයේ ජපුඩා හොල්ඩින් හා ක්‍රෙඩිට් ස්විස් යන සමාගම් දෙක වන අතර රත්තරන් (සියයට 999.5 පිරිසිදු රත්තරන්) කිලෝ එකක් අමරිකානු ඩොලර් 46,000 ගනනේ ජපානය මිළ දී ගත් අතර අදාල ගිවිසුම අනුව ඉන් ඩොලර් 2,000ක් අතරමැදී ත‍රැව්කරුවන්ට ලැබිය යුතුව තිබුනා. නමුත් එයින් පලමුව විකුණන ලද ටොන් 39.66 ක් ප්‍රමාණයෙන් මැදිහත්කරුවන් දෙදෙනෙකුට මේ දක්වා කොමිස් මුදල් ලබාදි නැති අතර කිහිප දෙනෙකුට පමණක් ලබාදි තිබේ. එම මුදලද රාජපක්ෂවරු විසින් කොල්ල කෑමට කටයුතු කර තිබේ. නමුත් හොර පාරෙන් විකුණ ලද ටොන් 617ක ප්‍රමාණය සදහා ලැබුනු මුදල් හෝ ඒ සදහා ගෙවියයුතු කොමිස් මුදල් සියල්ලද රාජපක්ෂලා ගසා කා අවසන්. ඉතිරි රන් ටොන් ප්‍රමාණය අවස්ථා 8කදි විකුණා දලා ඇති බව මේ වනවිට තහවුරු වි තිබේ.
අදාළ ගනුදෙනු සදහා ජපන් ජාතික බුද්ධී අංශ නිළධාරි Kejii මර්සුමුරා, තුවාන් බාගුස්, රාජ්ගොපාල් කාර්තිපන්, සප්පානි සොමසේකරන්, කේ ජෙයරාණී, එස්.සීදරන්, I.P උපුල් කරුණාරත්න, W.K.E.J.A සොවිස්, H.M.E.S.K සෙනෙවිරත්න, TMI සමරසිංහ, Y.N.C ඉලංගකෝන්, N.Y.C සුරේෂ් කුමාර, G.G මධුර චින්තක, මැදිහත් වි ඇති අතර එයින් Kejii මර්සුමුරා, තුවාන් බාගුස්, රාජ්ගොපාල් කාර්තිපන්,සප්පානි සොමසේකරන්, යන අයට විකුණ ලද රත්තරං කිලෝවක් වෙනුවෙන් ඇමරිකානු ඩොලර් 2000ක් කොටස් බැගින් බෙදා දි අවසන් කර තිබේ.
එම මුදල් ගෙවා දමා ඇත්තේ එක්සත් ජනතා නිදහස් සන්ධානය පැවැති මහින්ද රාජපක්ෂ ජනපති වි සිටි 2015-2015 කාල වකවානුව තුලය.
පසුව සහ මෛත්රීපාල සිරිසේන ජනපති වි සිටි 2015-2019 කාලය තුල රවී කරුණානායක මුදල් අමාත්‍යවරයාව සිටි සමයේ කේ ජෙයරාණී, එස්.සීදරන් යන දෙදෙනාට මුදල් ගෙවා අවසන් කර තිබේ. මේ දක්වා මුදල් ගෙවා නැත්තේ සිංහල ව්‍යාපාරිකයන් දෙදෙනෙකු වන I.P උපුල් කරුණාරත්න සහ G.G මධුර චින්තක යන දෙදෙනාට මේ දක්වා මුදල් ගෙවා නැති බවද අනාවරණය වි තිබේ.
I P උපුල් කරුණාරත්න යොමුකල ලිපියට ජනාධිපති කාර්‍යාලීය ඔම්බුඩ්ස්මන් යොමුකර ඇති පිලිතුරේ සදහන් වන්නේ අදාළ ඉල්ලිම මහ බැංකු අධිපතිවරයාට යොමුකල බවයි.
ටෝන් 39.66ක් විකුනා උපයා ගත් අදායම ඇමරිකානු ඩොලර් කෝටි 196ක් නම් ටොන් 617ක් විකුණා ලබාගත් ආදායක කොපමණද? එම මුදල් ඇත්තේ කාගේ සාක්කු වලද? එය අමුතුවෙන් කියා දියයුතු නැත.
ඒ අනුව 2011-2012 වසරේදී මෙම රත්තරන් තොග ඉතා රහසිගතව කන්ටේනර් 16 කින් කොළඹ වරායෙන් ජපානයට පිටත්කරහරින ලදී. ඒ හරහා මෙම රන් ගනුදෙනුවේ සම්පූර්ණ මුදල ශ්‍රීලංකාවට ලැබුණු නමුත් ඒ සතයකුදු මහා භණ්ඩාගාරයට හෝ වෙනත් කිසිදු රජයේ අරමුදලකට බැර වූයේ නැත.
අදාළ ගණුදෙනු සදහා රාජපක්ෂ ආර්‍යා ශීරන්තී රාජපක්ෂද මැදිහත් වි ඇති අතර ඇයගේ ගණකාධිකාරීවරයා වන ප්‍රසන්න ලියනආරච්චිද මේ ගනුදෙනුවේ අලගිය මුල ගිය තැන් හොඳින් දනී.
තැරැව්කරුවන්ගේ මුදල් මැදිහත්කරුවෙකු ලෙස හොරා කැමට කටයුතු කර ඇත්තේ වත්මන් ජනාධිපති ලේකම්වරයා ලෙස කටයුතු කරන කුප්‍රකට සොරෙකු වන ගාමිණී සෙනරත්ගේ ඥාති පුත්‍රයෙකු වන මංගල ජයසිංහ වේ. අදාළ තැරැව්කරුවන්ගේ මුදල් ලබාදිම සදහා මහින්ද රාජපක්ෂ ප්‍රසිද්ධියේ මැදිහත් වි ඇති අතර ඒ සදහා ඇපයට තබා ඇත්තේ ජය ශ්රී මහා බෝධියයි.
මෙම රන් ගනුදෙනුව සහසුද්දෙන්ම දන්නා තවත් පුද්ගලයන් තිදෙනෙකු සිටි පසුගියදා බලයෙන් නෙරපු මහ බැංකු අධිපති අජිත් නිවාඩ් කබරාල්, ජනධිපති කාර්ය මණ්ඩල ප්‍රධානී ගාමිණී සෙනෙරත් හා වරාය අධිකාරියේ සභාපත් බන්දු ප්‍රියත් වික්රමසිංහ සහ තවත් ඇමැතිවරු කිහිප දෙනෙක්කුම මේ ගැන දනී.
අදාළ රන් සංචිතය විකුණා දැමීමේ කටයුත්ත වෙනුවෙන් ‘ජපන් රජය’ තොරාගත් අතර මේ ගනුදෙනුව ගැන සකච්ඡා 2010 වසරේදී ආරම්බ වූ නමුත් ඒ සඳහා ජපන් රජය සෘජුව මැදිහත් විමක් සිදුකර නෑ . රත්තරන් වෙළඳාම නොඑසේනම් AU වෙළඳාම සඳහා ප්‍රසිද්ධ Japuga Holding Company Limited නම් ජපාන සමාගම හා CREDIT SUISSE SECURITIES නම සමාගම් දෙක මැදිහත් වූ අතර පුද්ගලයකු ලෙස මීට සහභාගී වූ ප්‍රධානියා, ජපුගා හෝල්ඩින්ග්ස් සමාගමේ උපදේශකයකු ලෙස පෙනී සිටි කෙයිජි මට්සුමුරා ය.
මට්සුමුරා සමඟ ජපානය වෙනුවෙන් මෙම ගනුදෙනුවට සම්බන්ධ වූ අනෙක් පුද්ගලයා රාජගෝපාල් කාර්තීපන් (ජා.හැ.අං. 833433342 V) නැමැති ව්‍යාපාරිකයාය. ශ්රී ලාංකිකයකු වන ඔහු ක්‍රෙඩිට් ස්වීස් සමාගමේ අධ්‍යකෂකවරයකු වන අතර ජපානයේ පදිංචිකරුවෙකි. මේ ගනුදෙනුවේදී මට්සුරා වෙනුවෙන් බලයලත් නියෝජිතයා වූයේ මොහුය.
කතාව අවසන් නෑ.. බලාපොරොත්තුවෙන් ඉන්න
හිත රිදුනානම්,බොරුවක් කියලා හිතනවානම් දැන්ම ලියන්න.පිළිතුරු දිමේ අයිතිය තහවුරු කර තිබේ. අපට ලියන්න:- newsnetworklanka@gmail.com
Nov 15, 2019 ශ්‍රි ලාකේය ජනතාවගේ හෙට දවසේ සුරක්ෂිත බව තහවුරු කිරීමට සිය අමෙරිකානු පුරවැසිභාවය පවා ඉවත් කර ගනිමින් ජනාධිපතිවරණය ට ඉදිරිපත් වූ බවට ගෝඨාභය රාජපක්ෂ රටටම පෙන්වූ ටොපිය පිළිබඳව අප Lankanewsweb.today ඔස්සේ අප 2019 ඔක්තෝබර් සහ නොවැම්බර් 15 වැනි කල අනාවරණයන් සත්‍ය වි තිබේ. 2019 නොවැම්බර් 16 වැනි පැවති ජනාධිපතිවරණයට පෙර අප අවස්ථා ගණනාවකදි ගෝඨාභයගේ පුරවැසීභාවය සම්බන්ධයෙන් ප්‍රශ්ණ කල අතර ඔහු අපේක්ෂකයෙකු ලෙස ඉදිරිපත් වනවිටත් ද්විත්ව පුරවැසියෙකු බවයි.
නමුත් එවකට පැවැති ඩිල් දේශපාලන සහ මජර මාධ්‍ය මෙන්ම කුප්‍රකට ව්‍යාපාරික වළල්ලේ මැදිහත්විම මත මැතිවරණ කොමසාරිස්වරයා පවා මුදලට ගනිමින් සත්‍ය වසන් කල අතර ඒ හරහා ගෝඨාභය රාජපක්ෂ ඉතිහාසයේ ලොකුම බොරුව කරමින් මැතිවරණ ඉදිරිපත් වු අතර එහිදි 69 ලක්ෂයකට අධික ජනතාවක්ද පාවා දිමට කටයුතු කල අතර එහි ප්‍රතිපල අද වනවිට ජනතාව විදවමින් සිටි.
වත්මන් මුදල් සහ අධිකරණ අමාත්‍යවරයා ලෙස කටයුතු කරන පාස්කු ප්‍රහාරයේ වරදකරුවන් නිදහස් කිරිමට නීතිය පවා සියතට ගෙන කටයුතු කල ගෝඨාභය රාජපක්ෂ ජනාධිපති අපේක්ෂතුමාගේ නීති උපදේශක ලෙස පෙනී සිටින අලි සබ්‍රි ජනතාව ගොනාට අන්දවා ඇති බව මේ වනවිට ඔප්පු වි හමාරය.
Federal Regiter හි ඉතාම පැහැදිලිව සදහන් කර ඇත්තේ නන්දසේන ගෝඨාභය රාජපක්ෂගේ පුරවැසිභාවය අවසන් වි ඇත්තේ 2020 මාර්තු 31 දිනෙන් අවසන් වන කාර්තුවේදීය. ඒ අනුව ගෝඨාභය රාජපක්ෂ ආණ්ඩුක්‍රම ව්‍යවස්ථාව පවා උල්ලංඝනය කරමින් ජනාධිපතිවරයා බවට පත්ව ඇති බවයි.
සංශෝධිත 1996 සෞඛ්‍ය රක්‍ෂණ වගවීමේ පනතේ (HIPPA) IRC වගන්තිය 6039G අනුව මෙම දැනුම්දීම සපයනු ලැබේ. 2020 මාර්තු 31 දිනෙන් අවසන් වන කාර්තුවේදී ලේකම්වරයාට තොරතුරු ලැබුණු අය සම්බන්ධයෙන් එක්සත් ජනපද පුරවැසිභාවය අහිමි වන එක් එක් පුද්ගලයාගේ නම (877(a) හෝ 877A යන වගන්තියේ අර්ථය තුළ) මෙම ලැයිස්තුවේ අඩංගු වේ. මෙම ලැයිස්තුගත කිරීමේ අරමුණු සඳහා දීර්ඝ- 877(e)(2) වගන්තියේ නිර්වචනය කර ඇති පරිදි පදිංචිකරුවන්, පුරවැසිභාවය අහිමි වූ එක්සත් ජනපදයේ පුරවැසියන් ලෙස සලකනු ලැබේ.
This notice is provided in accordance with IRC section 6039G of the Health Insurance Portability and Accountability Act (HIPPA) of 1996, as amended. This listing contains the name of each individual losing United States citizenship (within the meaning of section 877(a) or 877A) with respect to whom the Secretary received information during the quarter ending March 31, 2020. For purposes of this listing, long-term residents, as defined in section 877(e)(2), are treated as if they were citizens of the United States who lost citizenship.
සම්පූර්ණ නාම ලේඛනය පහත Linkඑක හරහා ප්‍රවේශ විය හැක.
ඒ අනුව ආණ්ඩුක්‍රම ව්‍යවස්ථාව චේතාන්විතව උල්ලංඝනය කිරිම වෙනුවෙන් ජනාධිපති ගෝඨාභය රාජපක්ෂට එරෙහිව දෝෂාභියෝගයක් ගෙන එමට අවස්ථාව ඇත. විපක්ෂය දැන් කුමක් කරනු ඇද්ද?
අමෙරිකානු පුරවැසිභාවය ගෝඨා අතහැරලා ද? ගෝඨාගේ තොරතුරු ඉල්ලා මැකෝට RIT ඉල්ලීමක්……. October 07, 2019
සබ්‍රි නිසා ගෝඨා කොලේ ඉරාගෙන ඇඟේ හලා ගනි….. ගෝඨාගේ අමෙරිකානු පුරවැසිභාවය අහෝසි වී නෑ…. බොරු එපා දැන්වත් ගෙදර යන්න. November 12, 2019
ගෝඨාගේ රෙදි ඇමරිකාව ගලවයි … ඇමරිකානු පුරවැසිභාවය අත් හැරලා නෑ … ඇමරිකාවෙන් නිවේදනයක්! නිවේදනයක්! November 15, 2019
පාර්ලිමේන්තුව තුල තමන්ගේ බලය ගිලිහී යාමට අවස්ථාවක් නැති බව අගමැති මහින්ද රාජපක්ෂ ජනාධිපති ඇතුලු තමන්ගේ සමීපතමයන් කිහිප දෙනෙකු සමග අනාවරණය කර තිබේන බව LNN දේශපාලන වාර්තාකරු සදහන් කළා.
ඊයේ රාත්‍රීයේ විශේෂ සාකච්ඡාවක් එම පිරිස සමග පවත්වමින් මහින්ද රාජපක්ෂ සදහන් කර ඇත්තේ ස්වාධීන වු මන්ත්‍රීවරුන් මෙන්න සජිත් ප්‍රේමදාසගේ නායකත්වයෙන් යුත් කණ්ඩායම තමන්ට නිරන්තරයෙන් සහය දෙන බවයි.
” සජිත්,මෛත්‍රී මේ විදියට වැඩ කරගෙන ගියදෙන්,අපිට ප්‍රශ්ණයකට තියෙන්නේ TNA එකයි JVP එකයි. එක බැලනස් කරන්න ක්රමයක් අපිට නෑ… නමුත් එතන පාර්ලිමේන්තු බලය අධුයි ඒ නිසා අවුලක් නෑ “.
විධායක ජනාධිපතිධුරයේ බලතල සීමා කෙරෙන සහ පාර්ලිමේන්තුවට වැඩි බලතල පැවරෙන යෝජනාවක් පලමු කැබිනට් රැස්වීමට ඉදිරිපත් කිරිමට කටයුතු කරන බවත් එය පාර්ලිමේන්තුවට ගෙන එම හරහා 19 වැනි ආණ්ඩුක්‍රම ව්‍යස්ථා සංශෝධනය ක්රියාත්මක කිරීමට සහ විසිවැනි ව්‍යවස්ථා සංශෝධනය ඉවත් කෙරෙන යෝජනා ඇතුළත් විසිඑක්වැනි ආණ්ඩුක්‍රම ව්‍යවස්ථා සංශෝධන කෙටුම්පත් යට යනු ඇති බවයි එහිදි සාකච්ඡා වි ඇත්තේ.
අදාළ යෝජනාව සම්බන්ධයෙන් තමන් සජිත් ප්‍රේමදාස සමගද සාකච්ඡාකල බව එහිදි මහින්ද අනාවරණය කර තිබේ.’
විධායක ජනාධිපති ධුරයේ බලතල සීමා කෙරෙන සහ පාර්ලිමේන්තුවේ බලතල ශක්තිමත් කෙරෙන ව්‍යවස්ථා සංශෝධනයක් ගෙන එම හරහා රටේ ජනතාව සහ ජාත්‍යන්තර මතය වෙනස් කිරිමට හැකි බව එහිදි මහින්ද පෙන්වා දි තිබේ.
“මේ වැඩෙන් ආපහු බලය අපි ලගම තමා ඉතුරු වෙන්නේ ” අවසානයට මහින්ද නැගිට ගොස් තිබේ.
ජේසු සමිදුන්ගේ උට්ඨානය සැමරීමට පවුල් පිටින් පල්ලියට ගිය අහිංසක ජනතාව අමු අමුවේ ඝාතනය කරමින් බල ලෝභි දේශපාලනය ජයග්‍රහණය කරවීමට පිඹුරු පත් සකසා අදට වසරක් ගෙවී ගොස් ඇත. 300කට අධික ප්‍රමාණයක් ජීවිතක්ෂයට පත් කරමින් තවත් විශාල කරමින් සිදු වූ ඒ අමානුෂික ප්‍රහාරය අදටත් ලංකාවේ සුවසක් ජනතාවගේ හිත් තුළ ඉතිරි කොට ඇත්තේ දැවැන්ත වේදනාවක් පමණි.
ජීවිතය යනු කුමක්ද කියා හෝ නොදන්නා අහිංසක කිරි දරුවන්, ජිවිතය අලුතින් ආරම්භ කළ තරුණ තරුණියක්, සිය ජීවිතය පවුල සමඟ ගෙවීමට ආශා කළ තවත් බොහෝ පිරිසක් මේ මිලේච්ඡ ප්‍රහාරය නිසා රටට අහිමි වුණා. ඒ වෙනුවෙන් මේ දක්වා පාලකයන් කළ එකම ක්‍රියාව වූයේ එම ප්‍රහාරයේ වරදකරුවන් සෙවීම සිය දේශපාලන වාසියක් කර ගැනීම පමණි. අවසානයේ හිටපු පාලකයන්ද, ඉන්න පාලකයන්ද එකතු වී උදෑසක 8.45 ට විනාඩි දෙකක නිශ්ශබ්දතාවයකට ඒ සියලු ජීවිත වල වටිනාකම හිලව් කොට අවසන් ය.
පාස්තු ප්‍රහාරයේ වගකීම සිරිසේන – රනිල් රජය විසින් එහාට මෙහාට බෝලේ පාස් කර ගනිද්දි, මාකඳුරේ මදුෂ් පස්සේ සියලුම බුද්ධි අංශ මෙහෙයවිමින් අමුතු උණකින් පෙලුණු හිටපු ජනාධිපති සිරිසේන පාස්කු ප්‍රහාරය සම්බන්ධ සියලු බුද්ධි තොරතුරු ගණන් නොගත් බව පසුගිය අවුරුද්ද පුරා හෙලි වූ කරුණු වල සාරංශයයි. ක්‍රිස්තියානි, කතෝලික, ප්‍රොතෙස්තන්ත භේදය සොයමින් සිටි සිරිසේනගේ මරි මෝඩ ආරක්ෂක උපදේශකයින් ගේ වගකීම් විරහිත ක්‍රියා කලාපය මෙම ප්‍රහාරයට පාර කපා දුන් බව පැහැදිළිය.
එසේම පාස්කු ප්‍රහාරයෙන් අප හැර දා ගිය අයගේ මෘත ශරීර වල රස්නය නිවීමට පවා පෙර සිය දේශපාලන ආගමනය තහවුරු කර ගත්, සිය පාලන කාලය තුළදි අන්තවාදීන්ට කිරි පොවා ඇති දැඩි කොට සිය පටු දේශපාලනය වෙනුවෙන් ඔවුන් රැහෙනෙන් නිදහස් කළ රාජපක්ෂලා ද මේ ප්‍රහාරයට ඍජුවම වගකිව යුතු බව ලංකා නිවුස් වෙබ් අපි පසුගිය අවුරුද්ද පුරාම කරුණු සහිතව ඔප්පු කොට ඇත්තෙමු.
අර්ජුන් මහේන්ද්‍රන් අධිපතිත්වය දරන කාලය තුළ පර්පෙචුවල් සමාගමේ ඔහුගේ බෑනා වන අර්ජුන් ඇලෝසියස් කටයුතු කරමින් අර්ජුන් ඇලෝසියස්ලා බොන්ඞ් කිංග්ලා (බැඳුම්කර රජුන්) ලෙස නම් දරා තිබෙන බව ජවිපෙ දේශපාලන මණ්ඩල සභික සුනිල් හඳුන්නෙත්ති පවසනවා.
අජිත් කබ්රාල්ගේ කාලයේත්, අර්ජුන් මහේන්ද්‍රන්ලාගේ කාලයේත් බොන්ඞ් කිංග්ලා වුණේ අර්ජුන් ඇලෝසියස් බවයි අද පැවැති මාධ්‍ය හමුවකදි මන්ත්‍රීවරයා සදහන් කලේ.
අපේ රටේ සිදුවූ දැවැන්තම මූල්‍ය අපරාධය පිළිබඳ කොටස් 05කින් සමන්විත වෝහාරික විගණන වාර්තාව හා ඊට අනුබද්ධ ඇමුණුම් සමඟ විෂය බද්ධ සවිස්තරාත්මක අධ්‍යයනයක් කළ යුතුව තිබෙනවා. ජනතා විමුක්ති පෙරමුණ ලෙස අපි වරින් වර ඉදිරිපත් කළ දේශපාලන හරය තමයි මෙම වෝහාරික විගණන වාර්තාව මගින් නැවතත් තහවුරුකොට තිබෙන්නේ. අපේ රටේ දූෂිත වළල්ලක් ඉන්න බව අපි මුලසිටම කිව්වා. මෙම දූෂිත වළල්ල දේශපාලන ක්ෂේත්‍රයේත්, මූල්‍ය ක්ෂේත්‍රය ඇතුළු විවිධ ක්ෂේත්‍රවල දකින්නට ලැබෙනවා. ඒ දූෂිත වළල්ලට යූ.එන්.පී. ද ශ්රී ලංකාද කියලා බේදයක් නැහැ. මේ දූෂිත වළල්ල මූල්‍ය වෙළෙඳ පොළේ ඉන්නේ එකට. එක වෙලාවක යූ.එන්.පී. එකේ ඉන්නවා. තව වෙලාවක පොදුජන පෙරමුණේ ඉන්නවා. ඒ අයට විපක්ෂයේද ආණ්ඩු පක්ෂයේද කියලා වෙනසක් නැහැ. මුදල් තියෙන තැනින් මංකොල්ලකන එක තමයි ඒ අයගේ වැඬේ. අපි හෙළිදරව් කරන්නේ මේ දූෂිත වළල්ලයි.
වෝහාරික විගණන වාර්තාව ඉදිරිපත් කරන්න සිද්ධ වුණේ කෝප් කමිටුවේ නිර්දේශ නිසයි. මෙම වෝහාරික විගණන වාර්තාව කෝප් කමිටුවට එවන්නේ ඒ නිසයි. දෙසැම්බර් 03 වැනිදා පාර්ලිමේන්තු සභා වාරය අවසන් කිරීමත් සමග කෝප් කමිටුව අහෝසි වීම නිසා, මෙය කෝප් කමිටුවට ඉදිරිපත් කරන්න බැරිවුණා. එනිසා තමයි අපි දිගින් දිගටම මෙම විගණන වාර්තාව පාර්ලිමේන්තුවට ඉදිරිපත් කරන්න කියලා බලපෑම් කළේ. නමුත් මෙම වාර්තාව කීපදෙනෙක් විසින් හෑල්ලුවට ලක්කරන්න කටයුතු කළා. 2006 සිට 2015 දක්වා මහ බැංකු අධිපති වූ අජිත් නිවාඞ් කබ්රාල් මහතා වෝහාරික විගණන වාර්තාව ගැන ලිපි ලිව්වා. හොරාට කලින් කෙහෙල් කැණ වැට පනින බව අපි කිව්වේ ඒ නිසයි. දැන් මේ විගණන වාර්තාවට අනුව පේනවා අජිත් කබ්රාල් කලබල වුණේ ඇයි කියලා. ලබැඳියාවන් අතර ගැටලුව තිබුණේ අර්ජුන් මහේන්ද්‍රන්ලා අතර විතරක් නොවෙයි. අජිත් කබ්රාල් කල්ලිය අතරත් ඒ ලබැඳියාවන් තිබුණු බව මේ වාර්තාවෙන් පේනවා.
මෙම වෝහාරික විගණන වාර්තාවේ පවුල් ගහ පිළිබඳව පැහැදිලි කිරීමක් තිබෙනවා. 2006 සිට 2015 දක්වා අජිත් නිවාඞ් කබ්රාල් පවුල් කණ්ඩායමේ සහ 2015 සිට 2016 දක්වා අර්ජුන මහේන්ද්‍රන්ගේ පවුල් බැඳීම් සම්බන්ධයෙන් හෙළිදරව් කොට තිබෙනවා. අපේ මැදිහත්වීම නිසා මේ පවුල් ගහ කැඩී ගියා. එසේ නොවූවා නම් මේ පවුල් ගහ 2015 – 2020, 2020-2025 මේ ආකාරයට දිගටම යන්න ඉඩ තිබුණා. මෙම වෝහාරික විගණනය සිදුකිරීමටඅපිට තාක්ෂණික හැකියාවක් තිබුණේ නැහැ. ඒ නිසයි කෝප් සභාපතිවරයා ලෙස මම මහ බැංකුවට නිර්දේශයක් ලබාදුන්නේ මෙම බැඳුම්කර සම්බන්ධයෙන් වෝහාරික විගණනයක් කරන්න කියලා. ඒ මොහොතේ දී අජිත් නිවාඞ් කබ්රාල් පුවත්පත්වලට කිව්වා ඇයි මේ 2002 දක්වාම විගණනයක් කරන්නේ කියලා. නමුත් බැඳුම්කර සම්බන්ධයෙන් විගණනයක් කරනවා නම්, එය ආරම්භයේ සිටම පටන් ගන්න ඕනෑ. ඇයි ඒ විගණනයට විරුද්ධ වෙන්නේ. කබ්රාල් කලබල වුණේ ඇයි? මීට පෙර හිටපු අධිපතිවරු කලබල වෙලා නැහැ. වහන්න දෙයක් තිබෙන නිසයි කබ්රාල් කලබල වුණේ. ජනතාව ඒවා දැනගත යුතුයි.
මෙම වෝහාරික විගණන වාර්තාව සකස් කරනු ලැබුවේ අධිකරණ කටයුත්තක් සඳහාමයි. මරණයක් පිළිබඳව සිදුකරන වෝහාරික මරණ පරීක්ෂණයක් වගෙයි. බැඳුම්කර සම්බන්ධ මෙම වෝහාරික විගණන වාර්තාව අධිකරණයට කරුණු වාර්තා කිරීම සඳහාම සකස් කළ එකක්. 2002-2015 දක්වා වූ සුදු කරපටි අපරාධකාරයන් අධිකරණය හමුවට ගේන්න ඕනෑ. අර්ජුන් මහේන්ද්‍රන් කල්ලිය මෙන්ම කබ්රාල් කල්ලියත්, ඔවුන්ට උපදෙස් දුන්නු දේශපාලන නායකයනුත් අධිකරණය හමුවට ගේන්න ඕනෑ. අපේ රටේ මූල්‍ය වෙළෙඳපොළ දියුණු, ශක්තිමත් එකක් නොවෙයි. එම මූල්‍ය වෙළෙඳපොළේ ක්රියාත්මක වෙන්නේ 200ක වගේ සුළු පිරිසක්. එයිනුත් මෙම මූල්‍ය වෙළෙඳ පොළ හසුරුවන්නේ අපේ රටේ පවුල් හතරක් පහක් වගේ ඉතාම සුළු කණ්ඩායමක්. ඔවුන් දේශපාලනය, පවුල් පසුබිම, ආගමික පසුබිම, පාසල් පසුබිම හා ඥාතීත්වය අතින් එක කණ්ඩායමක්. ඔවුන්ගේ බල ඒකාධිකාරය තමයි අපේ රටේ මූල්‍ය වෙළෙඳපොළ පාලනය කරන්නේ.
අපි යෝජනා කරනවා, අපක්ෂපාතී විද්වත් මණ්ඩලයක් විසින් මෙම වෝහාරික විගණන වාර්තාව කියවන්න කියලා. එතකොට පැහැදිලි වෙයි අපේ රටේ අහිංසක මිනිසුන්ගේ මුදල් කොල්ලකෑවේ කවුරුන්ද කියලා. අපේ රටේ කම්කරුවන්ගේ අර්ථ සාධක අරමුදල් කොල්ලකෑවේ කොහොමද කියලා. ගමේ ගොවියන්ගේ, කම්කරුවන්ගේ, වතු කම්කරුවන්ගේ පඩි සල්ලි තමයි මේ මූල්‍ය වංචාකරුවන් විසින් කොල්ල කන්නේ. කම්කරුවන් ඉතා දුක් මහන්සි වී හම්බකරන සල්ලි මේ සුදු කරපටි අපරාධකාරීන් විසින් රුපියලක් වත් හම්බනොකර මංකොල්ල කනවා.
මෙම වෝහාරික විගණනයට අදාළ වාර්තා පහක් තිබෙනවා. පළවෙනි වාර්තාව බැඳුම්කර සම්බන්ධයෙන්ද, දෙවැනි වාර්තාව බැඳුම්කර ගනුදෙනු සිදුවන සම්පූර්ණ ක්‍රියාවලිය පිළිබඳවද, තුන්වැනි වාර්තාව අර්ථ සාධක අරමුදල් කොල්ලය පිළිබඳවද, හතර වැනි වාර්තාව බැඳුම්කර මගින් ලබාගත් මුදල්, මුදල් අමාත්‍යාංශයට යන ක්‍රියාවලිය පිළිබඳවද පස්වැනි වාර්තාවේ 2015 දී සිදුවූ කුප්‍රකට අර්ජුන් මහේන්ද්‍රන් මහ බැංකු වංචාව පිළිබඳවද විගණනය කොට තිබෙනවා. අර්ජුන් මහේන්ද්‍රන් කල්ලිය සිදුකළ වංචාව පිළිබඳ සිදුකළ කෝප් විමර්ශන වෝහාරික විගණන වාර්තාව විසින් තහවුරුකොට තිබෙනවා. අපි මෙම ස්ථානයේදීම මාධ්‍ය හමුවක් පවත්වලා හෙළිදරව් කරපු කරුණු එම විගණන වාර්තාවෙන් තහවුරුකොට තිබෙනවා. අපි ඉදිරිපත් කළ කරුණුවලට අමතරව ඉතා විද්‍යානුකූලව විමර්ශනය කරලා තොරතුරු ඉදිරිපත් කරලා තිබෙනවා. ගෝඨාභය රාජපක්ෂ මහත්තයාට ඡන්දය දුන්නු 69 ලක්ෂයක් ජනතාවගේ ජනතා අභිලාශයන් ඉටුකරන්න පස්වැනි වාර්තාව අනුව පුළුවන්. එම පස්වැනි වාර්තාව අධිකරණයට ඉදිරිපත් කරලා මහ බැංකු බැඳුම්කර හොරුන්ට දඬුවම් දෙන්න පුළුවන්. එම අධිකරණ ක්‍රියාවලිය කෝප් වාර්තාවත්, ජනාධිපති විමර්ශන කොමිසමේ වාර්තාවත් යොදා ගන්න පුළුවන්. ගෝඨාභය රාජපක්ෂ මහත්තයාට තමන්ට ඡන්දය දුන් ජනතාවගේ අභිලාෂය ඉටුකරන්න හොඳ අවස්ථාවක් උදාවෙලා තිබෙනවා.
මෙහි විශේෂම කරුණ වෙන්නේ අර්ථ සාධක අරමුදලට වෙලා තිබෙන්නේ මොකක්ද කියන එකයි. අර්ථ සාධක අරමුදල රුපියල් බිලියන 2290කින් සමන්විත අරමුදලක්. එහි ආදායම මසකට කෝටි 1200ක් පමණ වෙනවා. එහි සාමාජිකයන් මිලියන 18ක් පමණ වෙනවා. එම අරමුදලේ අයිතිය කම්කරු කොමසාරිස්වරයා සතුයි. ශ්රී ලංකා මහ බැංකුව එම අරමුදලේ භාරකරු ලෙස ක්‍රියාකරනවා. නමුත් මහ බැංකුවට හිතුමතේ අර්ථ සාධක අරමුදලේ සල්ලි ආයෝජනය කරන්න බැහැ. ඒ සඳහා නිර්ණායක තිබෙනවා. වෝහාරික විගණන වාර්තාවේ මාස හතරක විශ්ලේෂණය අනුව අර්ථ සාධක අරමුදල් සමාගම් 19ක ඍජුව ආයෝජනය කොට තිබෙනවා. ඒ අනුව රුපියල් කෝටි 5795ක පමණ පාඩුවක් සිදුවෙලා තිබෙනවා. මේ පාඩුවට වගකියන්නේ කවුද? මුදල් අයෝජනය පිළිබඳව නිර්ණායකවලට අනුව සමාගම් සඳහා ආයෝජනය කළ හැකි ප්‍රතිශතයන් දක්වා තිබෙනවා. නමුත් අජිත් නිවාඞ් කබ්රාල් මහතාගේ ධුර කාලයේ මෙම ප්‍රතිශතයන් ඉක්මවා ආයෝජනයන් සිදුකර තිබෙනවා. ඇතැම් අවස්ථාවල උපරිම සීමාව 2%ක් තිබියදී, එම සීමාව ඉක්මවා 10%, 30%, 40% වැනි ප්‍රතිශතයන්වලින් ආයෝජන සිදුකොට තිබෙනවා.
මෙම බැඳුම්කර මිලදී ගැනීම්වලදී සමහරු මිලදී ගැනීම් කරන්නේ තමන්ගේම මුදල්වලින් නොවේ. වෙනත් ක්‍රමවලින් ලබාගන්නා මුදල්වලින් බැඳුම්කර මිලදී ගන්නා නිසා, අදාළ දිනයන්ට මුදල් පියවීම් සිදුකර නැහැ. ඒ වාගේම ඇතැම් කුප්‍රකට සමාගම් ඩිරෙක් ප්ලේස්මන්ට් මගින් වැඩි මුදලට කොටස් මිලදී ගන්නවා. ඒ සිදුවෙන්නේ මහ බැංකු අධිපතිවරයා විසින් මුදල් මණ්ඩලයට කරනු ලබන ඒත්තු ගැන්වීම් විසින්. රුපියල් 17/-ක් පමණ වන කොටස් රුපියල් 40/-ට මිලදී අරගෙන රුපියල් 22/-ට විකුණූ අවස්ථා තිබෙනවා. මහ බැංකු අධිපතිවරයා තමන්ගේ බූදලයක් වගේ මේ තීන්දු තීරණ අරගෙන තිබෙනවා. අර්ජුන් මහේන්ද්‍රන්, අජිත් නිවාඞ් කබ්රාල් කණ්ඩායම් දෙකම මේ ආකාරයේ දූෂිත ගනුදෙනු සිදුකොට තිබෙනවා. දේශපාලන බලය නැත්නම් මෙවැනි ගනුදෙනු කරන්න බැහැ. 2002 සිටම මෙම දූෂිත ක්‍රියාවලිය දිගින් දිගටම සිදුවුණා.
මේකට වගකිව යුත්තේ කවුද? මහ බැංකුවේ ආයෝජන කමිටුවක් තිබෙනවා. මෙම ආයෝජන කමිටුවට අධිපතිවරුන්ගෙන් බලපෑම් සිදුවුණා කියලා විගණන වාර්තාවේ තිබෙනවා. අජිත් කබ්රාල් කලබල වීමෙන් පේනවා මේ මැදිහත්වීම් සිදුකර තිබෙන බව. ඇතැම් නිලධාරීන් අධිපතිවරුන්ගේ බලපෑම් නිසා, අසරණ වෙලා තිබෙනවා. මේ බලපෑම්වල ප්‍රතිඵල භුක්ති විඳින්න සිදුවෙලා තිබෙන්නේ අපේ රටේ මහජනතාවටයි.
වෝහාරික විගණන වාර්තාවේ බැඳුම්කර සම්බන්ධ පවුල් ගහ පිළිබඳව විශේෂ හෙළිදරව්වක් සිදුකොට තිබෙනවා. කබ්රාල් මහතා අධිපති ධුරය දරන කාලයේ ‘පර්පෙචුවල් හෝල්ඩින්’ සමාගමේ අධ්‍යක්ෂ ධුරයේ ඔහුගේ නැගණිය වන ශිරෝමී වික්රමසිංහ කටයුතු කොට තිබෙනවා. ඒ වගේම ඔහුගේ මස්සිනා කෙනෙකු වන රවීන්ද්‍ර බලකාන්ත තම්බයියා, ඥාතියෙකු වන නිහාල් පොන්සේකා, අමල් කබ්රාල් සහ ලේලියක වන ශිභානී රේණුකා තම්බයියා යන පුද්ගලයන් අධ්‍යක්ෂ ධුරවල කටයුතු කොට තිබෙනවා. ඒ වගේම අර්ජුන් මහේන්ද්‍රන් අධිපතිත්වය දරන කාලය තුළ පර්පෙචුවල් සමාගමේ ඔහුගේ බෑනා වන අර්ජුන් ඇලෝසියස් කටයුතු කර තිබෙනවා. අර්ජුන් ඇලෝසියස්ලා තමයි බොන්ඞ් කිංග්ලා (බැඳුම්කර රජුන්) ලෙස නම් දරා තිබෙන්නේ. අජිත් කබ්රාල්ගේ කාලයේත්, අර්ජුන් මහේන්ද්‍රන්ලාගේ කාලයේත් බොන්ඞ් කිංග්ලා වුණේ අර්ජුන් ඇලෝසියස්.
අපේ රටේ අධිකරණය ස්වාධීන නම්, අපේ රටේ මහ බැංකුවේ මුදල්වලට වුණේ මොකක්ද කියලා හොයන්න පුළුවන්. අපේ රටේ මාධ්‍ය ආයතනවලින්, සමාජ ජාල ක්‍රියාකාරීන්ගෙන් විශේෂ ඉල්ලීමක් කරනවා මෙම වෝහාරික විගණන වාර්තාව යට ගහන්න ඉඩදෙන්න එපා කියලා. හිටපු මහ බැංකු අධිපති කුමාරස්වාමි මහත්තයා ඔහුගේ වගකීම ඉටුකරලා තිබෙනවා. අපි දිගින් දිගටම වාර්තාව එළියට දාන්න කියලා බලපෑම් කළා. දැන් අපි කියනවා, මෙම වාර්තාව හදපු විදිහ ගැන හොයන්නේ නැතිව මේ වාර්තාවේ තිබෙන කරුණු හරිද වැරදිද කියලා කියන්න. පවුල් ගහ වැරදි එකක්ද කියලා කියන්න. ශිරෝමී වික්රමසිංහ තමන්ගේ සහෝදරියෙක් ද නැද්ද කියලා කබ්රාල් මහත්තයා රටට කියන්න. ඒ වගේම අපි කියනවා, අජිත් නිවාඞ් කබ්රාල් මෙම දූෂිත ගනුදෙනුවලට සම්බන්ධ බවට හෙළිදරව් වුණු නිසා, ඇලෝසියස්ලා බේරන්න හදන්න එපා කියලා. කබ්රාල්ලා අහුවුණු නිසා, මේ දූෂිත ගනුදෙනුවෙන් බේරෙන්න යූ.එන්.පී. එකට පුළුවන් කමක් නැහැ. එනිසයි අපි දිගින් දිගටම කිව්වේ මේ දෙගොල්ලෝම එකම ක්ලබ් එකේ හොරු කියලා. මේ හොරු තමයි අපේ රටේ මූල්‍ය ක්ෂේත්‍රය පාලනය කරන්නේ. ඒ නිසා, අපේ රටේ ඇත්ත අවංක ආයෝජකයන්, ව්‍යාපාරිකයන් ආයෝජන අත්හැරියා. සමහරු රට අත්හැරලා ගියා. මේ හොරු කණ්ඩායම තමයි අපේ රටේ මූල්‍ය සංගම්වල ඉහළ පුටුවල ඉන්නේ. මහ බැංකුවේ අධිපති ධුරය අල්ල ගන්නේ මේ කල්ලියේ සාමාජිකයන්. මේ වළල්ල කඩන්නේ නැත්නම් අපේ රටේ සිදුවන මේ හොරකම් නිවැරදි කරන්න බැහැ.
මහ බැංකුවේ බැඳුම්කර ගනුදෙනු සිදුවන ආකාර කීපයක් තිබෙනවා. මහ බැංකුව නිල ආයතන සමග සහ නිල නොවන තැරැව්කාර සමාගම් සමග බැඳුම්කර ගනුදෙනු සිදුකරනවා. මහ බැංකුවට වාසි වෙන්නේ නිල ආයතන සමග කරන ගනුදෙනුයි. සාමාන්‍යයෙන් මහ බැංකුව ගනුදෙනු කරන තැරැව්කාර සමාගම් 16ක් පමණ තිබෙනවා. පර්පෙචුවල් සමාගම සුදුසුකම් සම්පූර්ණ කර නොතිබියදී ලියාපදිංචි වූ තැරැව්කාර සමාගමක්. මහ බැංකුව 2002 සිට රුපියල් බිලියන 5600ක පමණ බැඳුම්කර ගනුදෙනු සිදුකර තිබෙනවා. එයින් 90%ක්ම තැරැව්කාර සමාගම්වලට ලබාදී තිබෙනවා. එයින් 90%ක්ම ඍජු මිලදී ගැනීම්. 2008 සිට 2015 දක්වා සිදුකළ මෙම ඍජු මිලදී ගැනීම් පිළිබඳව මහ බැංකුවේ මුදල් මණ්ඩලයට දැනුම්දී නැහැ. අඩුම තරමේ අධ්‍යක්ෂ මණ්ඩල පත්‍රිකාවක් යොමුකරලා නැහැ. දිගටම සිදුවුණේ මේ පවුල් දෙක විසින් මුදල් කොල්ලකෑමයි. බැඳුම්කර සම්බන්ධයෙන් ප්‍රතිපත්තිමය තීරණ අරගන්නේ ඒ නිසා තමයි බොන්ඞ් කිංග්ලාට මූල්‍ය අපරාධ කරන්න පුළුවන් වෙලා තිබෙන්නේ.
මහ බැංකුව අධිපතිවරුන් කීපදෙනෙක් යටතේ මහ දවල් මංකොල්ලකාලා තිබෙනවා. මේ දෙගොල්ලන්ගේම හොරකම් හොයන්න ඕනෑ. මුදල් ඇමති ලෙස මහින්ද රාජපක්ෂ මහත්තයාට පුළුවන් මෙම ගනුදෙනුවල අගින් හෝ මුලින් පටන් ගන්න. බැඳුම්කර හොරුන්ට දඬුවම් දෙන්න ජනවරමක් ලැබිලා තිබෙනවා. 69 ලක්ෂය හිතුවේ රනිල් වික්‍රමසිංහලාගේ හොරකම් විතරයි. නමුත් දැන් වෝහාරික විගණන වාර්තාවට අනුව පැහැදිලි වෙනවා 2015ට කලින් හොරකම් සිදුවෙලා තිබෙනවා කියලා. ජනතාවගේ අර්ථ සාධක අරමුදල කොල්ලකාලා තිබෙනවා කියලා. එනිසා එම මංකොල්ලකරුවන්ට අධිකරණ ක්‍රියාමාර්ග ගන්න කඩිනමින් කටයුතු කරන්න කියලා අපි ඉල්ලනවා. එසේ නොමැති නම් අපේ රටේ මූල්‍ය නීති සාමාන්‍ය ජනතාවටත් සුදු කරපටි අපරාධකාරයන්ටත් වෙනස් ලෙස ක්රියාත්මක වෙන බව හිතන්න වෙනවා. ඒ වගේම දැන් අධිකරණ ක්‍රියාවලිය ආරම්භ කරන්න ආණ්ඩුවට බලය තිබෙනවා. මෙම මූල්‍ය අපරාධකරුවන්ට දඬුවම්දෙන තුරු අපි අරගලය දිගටම ගෙනියනවා.
මාධ්‍යවේදීන්ගේ ප්‍රශ්නවලට පිළිතුරු දෙමින්…
අපි මේ පිළිබඳව පාර්ලිමේන්තු විවාදයක් ඉල්ලුවා. කථානායකතුමා පොරොන්දුවක් වුණා පෙබරවාරි මුල් සතියේ විවාදයක් ලබාදෙන බවට. ඒ වගේම මෙම වාර්තාවට අදාළ ඇමුණුම් තවම පාර්ලිමේන්තුවට ලැබිලා නැහැ. අපි විශ්වාස කරනවා එම ඇමුණුම් හැකි ඉක්මනින් පාර්ලිමේන්තුවට ලබාදෙයි කියලා. පාර්ලිමේන්තු විවාදය හොඳයි කරුණු අනාවරණය කරගන්න. නමුත් කළ යුත්තේ මීට එරෙහිව නීතිමය ක්‍රියාමාර්ග ගැනීමයි. උදර්පන නීතිය උපයෝගී කරගෙන අර්ජුන් මහේන්ද්‍රන් ගෙන්වන්න පුළුවන්. මේ පිළිබඳව අධිකරණ ක්‍රියාමාර්ග ප්‍රමාද වන්නේ නම් ලොකු ලොකු හොරුන්ට නීතිය ක්රියාත්මක වෙන්නේ නැද්ද කියලා, ජනතාව තුළ සැකයක් උපදින්න පුළුවන්. ඒ වගේම අපි ජනතාවට කියනවා, මේ දේවල් නිවැරදි ලෙස කණෙන් අසා මොළයට ගන්න නියලා. ඇතැම් අය කණෙන් අහන්න ඕන දේවල් නහයෙන් අහලා පපුවට ගන්නවා. ඒ නිසා අපි අවධාරණය කරනවා ඉන්ද්‍රියයන් මාරු කරගන්න එපා කියලා. අපි කියන දේවල් කණෙන් අහලා මොළයට අරන්, මොළයෙන් හිතලා තීරණ ගන්න කියලා අපි ජනතාවට කියනවා.
19 වැනි සංශෝධනය සකස් කිරීම සඳහා ජයම්පති වික්‍රමරත්න මහතා යම් කාර්යභාරයක් කළා. නමුත් ඔහු එය තනියෙන් හදපු එකක් නොවෙයි. එතුමාට එතුමාගේ පෞද්ගලික ජීවිතය සම්බන්ධයෙන් තීරණ ගන්න අයිතියක් තිබෙනවා. ඔහුගේ පෞද්ගලික ජීවිතයේ තීරණ 19 වැනි සංශෝධනයට අදාළ වන්නේ නැහැ. මොකද 19 වැනි සංශෝධනය පාර්ලිමේන්තුවේ අති බහුතරයක් අනුමත කරලයි තිබෙන්නේ. ඒක වැරදි නම්, තීරණය කළ යුත්තේ පාර්ලිමේන්තුවමයි. ඒ වගේම අපි කියනවා 19 වැනි සංශෝධනය ගැටලුවක් වුණේ පක්ෂ දෙකක ජනාධිපතිවරයෙක් සහ අගමැතිවරයෙක් ඉන්න විටයි. නමුත් දැන් එක කුසේ උපන් සහෝදරයන් දෙදෙනාට මේ ගැටලුවක් වන්නේ කොහොමද කියලා අපිට පැහැදිලි නැහැ. මොකද ඔවුන් දෙදෙනාට සුහදව සාකච්ඡා කරලා පාලන කටයුතු කරගෙන යන්න පුළුවන්.
ගෝඨාභය රාජපක්ෂ ජනාධිපති අපේක්ෂකට සහය දක්වන හා දෙමළ සන්ධානය විවේචනය කරන පුවත් පල නොකර බවට සඳහන් කරමින් කැපිටල් එෆ්.එම්. ගුවන් විදුලි සේවයේ ප‍්‍රවාත්ති කර්තෘවරයෙකු වන කේ.එම්. රසුල් මහතාට එහි සභාපතිවරයා පහර දී තිබෙනවා.
ඔක්තෝබර් 16 දින අදාළ ආයතනය තුළ පැවැත්වු සාකච්ඡාවකදි කැපිටල් එෆ්.එම්. නාලිකාවේ සභාපතිවරයා වන වින්සේන්දරාජන් සතාසිවම් තමාට බැනවදිමින් තර්ජනය කළ බවත් ඉන්පසුව තමන්ට පහරදුන් බවත් රසූල් මහතා කීය.
කැපිටල් එෆ්.එම්. හිමිකරු එක්සත් ජනතා නිදහස් සන්ධානයේ පාර්ලිමේන්තු මන්ත‍්‍රී අංගජන් රාමනාදන්ගේ මාමණ්ඩිය වේ.
සිද්ධිය සම්බන්ධයෙන් රසුල් මහතා කිරුළපන පොලිසියට පැමිණිල්ලක් කර ඇත.
හමුදාමය වශයෙන් විනාශ කර දැමීමට කලින් පැවති එල්.ටී.ටී.ඊ. සංවිධානය ගැන ප‍්‍රශංසා කිරීම නිසා ගිය වසරේ ජුලි මාසයේ විශාල ප‍්‍රශ්නයකට මුහුණදුන් නියෝජ්‍ය ඇමතිනී විජයකලා මහේෂ්වරන්, යුද්ධයෙන් පසුව උතුරේ තරුණයන් දුෂණය කිරීමට එම පළාතට මත්පැන් සහ විවිධ මත්ද්‍රව්‍ය බෙදාහැරියේ දකුණේ දේශපාලඥයන් බව මීට දින කිහිපයකට කලින් කියා සිටියාය.
ගිය වසරේ මෙන් නොව, මෙවර ඇගේ එම ප‍්‍රකාශය කිසිවෙකු අභියෝගයට ලක්කෙළේ නැත. එපමණක් නොව, මත්ද්‍රව්‍ය උවදුර පසුපස දේශපාලඥයන් සිටින බවට ඇය කළ ප‍්‍රකාශය, දකුණේ බොහෝ දේශපාලඥයන් මේ වන විට කර ඇති ප‍්‍රකාශයන් මගින් ද තවදුරටත් සනාථ කොට තිබේ.
අගමැති රනිල් වික්රමසිංහ පවා අඟහරුවාදා කොළඹ මාළිගාවත්තේ නිවාස ව්‍යාපෘතියක් ආරම්භ කරමින් කියා සිටියේ, මත්ද්‍රව්‍යවලට අදාළ පරීක්ෂණවලට දේශපාලඥයන් ඇඟිලි ගසන බවට පොලීසියේ බොහෝ නිලධාරීන් තමාට පැමිණිලි කර ඇති බවයි. මීට වසර කිහිපයකට පෙර, ආන්දෝලනාත්මක ගලගොඩඅත්තේ ඥානසාර හිමියන් රට පුරා කියාගෙන ගියේ, මුස්ලිම් ජාතිකයන් 9 දෙනෙකු ඇතුළු ප්රධාන පෙළේ මත්ද්‍රව්‍ය ජාවාරම්කරුවන් 11 දෙනෙකු දේශපාලඥයන් විසින් ආරක්ෂා කරමින් සිටින බවයි. මාකඳුරේ මධූෂ් ඩුබායි රටේදී අත්අඩංගුවට පත්වීම සම්බන්ධයෙන් පසුගිය සඳුදා කතා කරමින් ‘පිවිතුරු හෙළ උරුමයේ’ උදය ගම්මන්පිල, සෑම පාතාල නායකයෙකු පසුපසම දේශපාලඥයෙකු සිටින බව කියා සිටියේය.
එහෙත් අවාසනාව වන්නේ, මේ කිසිවෙකු ඒ කියන දේශපාලඥයන්ගේ නම්ගම් හෙළි නොකිරීමයි. විශේෂයෙන් අගමැතිවරයා, පොලිස් නිලධාරීන් පැමිණිලි කළ එකී දේශපාලඥයන්ගේ නම්ගම් දැනගෙන ඔවුන්ට විරුද්ධව කටයුතු කළ යුතුව තිබුණි. ඉතිං, අවසානයේදී දේශපාලඥයන්ට චෝදනා කරමින් ඇවිදීම, ඒ කියන චෝදනා බොහෝ විට සත්‍ය විය හැකි වෙතත්, මේ වන විට පාවිච්චි කෙරෙන්නේ හුදු මෝස්තරයක් වශයෙන් බව පෙනේ.
අගමැතිවරයා සිය කතාවේදී තවත් දෙයක් ගම්‍ය කෙළේය. එනම්, ඩුබායි වැටලීම සිදු කළ හැකි වුණේ, ලංකාවේ පොලිස් පරීක්ෂණ සම්බන්ධයෙන් එතෙක් කෙරෙමින් තිබූ දේශපාලනික ඇඟිලි ගැසීම්, අර කී පොලිස් නිලධාරීන්ගේ පැමිණිලිවලින් පසුව නතර කිරීම නිසා වන බවයි. පසුගිය දෙසැම්බරයේ රනිල් වික‍්‍රමසිංහගේ ආණ්ඩුව යළි ස්ථාපිත කිරීමේ පටන් පොලිසීය තමන්ගේ භාරයට ගෙන සිටින ජනාධිපති මෛත්රීපාල සිරිසේන, මේ ඩුබායි අත්අඩංගුවට ගැනීම ගැන දැන් බොහෝ දෙනා අයිතිය පෑමට පටන්ගෙන ඇති බව ඊට දින දෙකකට කලින් පොලොන්නරුවේ ජනහමුවක් අමතමින් කියා සිටියේය. ඔහු එහිදී ගම්‍ය කෙළේ එකී පුද්ගලයන් කියා සිටින අයිතිවාසිකම් පදනමක් නැති ව්‍යාජ කතා වන බවයි.
ඒ අත්අඩංගුවට ගැනීම තමා විහින්ම කළ දෙයක් බවට ඉඟි කිරීම ජනාධිපතිවරයාගේ පරමාර්ථය වූ බව පෙනේ. ඒ කරුණු කෙසේ වෙතත්, පුංචි පහේ මත්ද්‍රව්‍ය අත්අඩංගුවට ගැනීම්වලට අමතරව මෑතකදී කොල්ලූපිටිය, දෙහිවල, බේරුවල සහ වෙනත් ස්ථාන කිහිපයකින් කිලෝ සිය ගණන් විශාල මත්ද්‍රව්‍ය තොග සොයා ගැනුණි. එසේම, මෑතක සිට ජනාධිපතිවරයා මේ මත්ද්‍රව්‍ය ජාවාරමට එරෙහි දැඩි ස්ථාවරයක් ගන්නා බවත් පෙන්නුම් කොට තිබේ. හිරගෙදර සිට මත්ද්‍රව්‍ය ජාවාරම් කරන පුද්ගලයන් සම්බන්ධයෙන් වන මරණ දඬුවම් ක්රියාත්මක කිරීමට තමන් පියවර ගන්නා බව පසුගිය සැප්තැම්බරයේ දී ඔහු කියා සිටියේය. අපේ රටේ මරණීය දඬුවම ඉවත් කොට නැතත්, එය ක්රියාත්මක කිරීම අවුරුදු 42 ක් තිස්සේ අත්හිටුවා තිබේ.
මේ අතර ජනාධිපති සිරිසේන පසුගිය මාසයේ පිලිපීනයේ සංචාරයක නිරත විය. එරට ජනාධිපති දුතර්තේ ගෙන යමින් සිටින මත්ද්‍රව්‍ය විරෝධී ක‍්‍රියාකලාපය ප‍්‍රශංසාවට ලක්කරමින් ජනාධිපති සිරිසේන එදා කළ කතාව ලෝකය පුරා සිටින මානව හිමිකම් ක‍්‍රියාධරයන්ගේ විවේචනයට ලක්විය. පිලිපීන ජනාධිපතිවරයා මේ වන විට එකී මත්ද්‍රව්‍ය විරෝධී සටනේදී, 2000 ට වැඩි පිරිසක් නීතියට පිටින් ඝාතනය කොට ඇතැයි කියැවේ. තමාගේ මත්ද්‍රව්‍ය විරෝධී අධිෂ්ඨානය සම්බන්ධයෙන් මතුවන විවේචන නොතකා හරින ජනාධිපතිවරයා, එවැනි මත්ද්‍රව්‍ය ජාවාරම්කරුවන් එල්ලා මැරීමට තමන් ගෙන ඇති තීරණය ගිය සතියේ යළි තහවුරු කොට සිටියේය.
මාකඳුරේ මධූෂ් ඇතුළු තිස් දෙනෙකුට අධික සංඛ්‍යාවක් ඩුබායි රටේ සුඛෝපභෝගී හෝටලයකදී එරට පොලීසියෙන් අත්අඩංගුවට ගැනීමෙන් දවසකට පසුව පෙබරවාරි 6 වැනි දා ජනාධිපති සිරිසේන පාර්ලිමේන්තුව අමතමින්, මරණීය දඬුවම අත්හිටුවීමේ විලම්භන කාලය (ක්රියාත්මක නොකර සිටි කාල පරිච්ෙඡ්දය* තව මාස දෙකකින් තමන් අවසන් කරන බව කියා සිටියේය. මිනිමැරුම් සහ මත්ද්‍රව්‍යවලට අදාළව ශ්රී ලංකාවේ අධිකරණය මරණ දඬුවම් නියම කරනු ලැබේ. එහෙත් එම දඬුවම් ක්රියාත්මක කිරීම සඳහා ජනාධිපතිවරයාගේ අනුමැතිය අවශ්‍ය කෙරේ. එහෙත් 1976 සිට ලංකාවේ කිසි ජනාධිපතිවරයෙකු එම අනුමැතිය දී නැත. එසේ හෙයින් මේ දක්වා සිදුව ඇත්තේ, අධිකරණයෙන් නියම වන මරණ දඬුවම ජීවිතාන්තය දක්වා වන සිර දඬුවමක් බවට පරිවර්තනය වීමයි. කොටදෙනියාවේ සේයා දැරිය සහ 2015 දී යාපනේ 18 වියැති විද්‍යා නැමැති පාසල් ශිෂ්‍යාව අමානුෂික අන්දමින් ඝාතනය කිරීමේ සිදුවීම්වලින් පසුව මරණ දඬුවම ක්රියාත්මක කරන ලෙස ඉල්ලා රට පුරා මහජන උද්ඝෝෂණ ඇති විය. එහෙත් සති දෙක තුනක් ඇවෑමෙන් ඒ ගැන උණුසුම නැතිව ගියේය.
දැන් එවැනි සාමාන්‍ය ජනතාවගේ පැත්තෙන් නැගෙන මහජන උද්ඝෝෂණයකින් තොරව මෙන්ම කිසිදු විරෝධතාවකින් ද තොරව ජනාධිපතිවරයා මාස දෙකක කාලයක් තුළ මරණ දඬුවම ක්රියාත්මක කිරීමට සැරසෙයි.
මත්ද්‍රව්‍ය ජාවාරමට අමතරව මාකඳුරේ මධුෂ් ඇතුළු ඔහුගේ අපරාධ සහායකයන් තවත් බොහෝ ඝාතනවලටත් වගකිව යුතු බව කියැවෙයි. වරක් තමන්ගේ ප‍්‍රතිවාදී කල්ලියක නායකයෙකු බන්ධනාගාර වාහනයක් තුළදීම ඝාතනය කිරීමටත්, අපරාධකරුවන් පිළිබඳ බොරු තොරතුරු සපයමින් යම් ස්ථානයකට ගෙන්වා ගත් පොලිස් නිලධාරීන් පිරිසකට මාරාන්තික ප‍්‍රහාරයක් එල්ල කිරීමටත් මේ පිරිස සම්බන්ධ වී ඇත. රටේ පවතින නීතිය යටතේ ඔවුන්ට දඬුවම් කළ යුතු බවට සැකයක් නැත.
එහෙත් වඩාත් වැදගත් ප‍්‍රශ්නය වන්නේ, මත්ද්‍රව්‍ය ජාවාරමට අතුඉති ලා වැඞීමට සහාය වන වෙනත් සාධක එසේම තිබියදී, මරණ දඬුවම ක්රියාත්මක කිරීමෙන් වුව එම උවදුර මැඩලිය හැකි වේද යන්නයි. රටේ පවතින ඇතැම් සාධක, මත්ද්‍රව්‍ය ජාවාරම පෝෂණය කරවයි. තවත් සාධක මගින් මත්ද්‍රව්‍ය ජාවාරම්කරුවන් ආරක්ෂා කරවයි. නියෝජ්‍ය ඇමතිනී විජයකලා මහේෂ්වරන් කියන පරිදි, ප‍්‍රභාකරන්ගේ පාලන කාලය තුළ ක්රියාත්මක කළ මරණ දඬුවම හේතුවෙන් ඒ පළාතේ අපරාධ අවම මට්ටමකට ගෙනැවිත් තිබේ.
එහෙත් අපරාධකරුවන් නිර්මාණය කෙරෙන ක‍්‍රමය ප‍්‍රභාකරන් වෙනස් කොට තිබුණේ නැත. එබැවින් ඔහුගේ දැඩි ග‍්‍රහණය පහව ගිය සැණින් නැවත පරණ ක‍්‍රමය හිස එසැවීය. දැන් විජයකලා මහේෂ්වරන් ඒ ගැන වරද පටවන්නේ දකුණට ය. දකුණේ තත්වයත් ඒ අංශයෙන් උතුරට වඩා වෙනස් නැති බව මෙහිදී සිහිකට යුතුය.
අපරාධ සහ වංචා දුෂණ දුරලීම කෙරෙහි රටේ නායකයන් සත්භාවයෙන් කැප වී නැති බව දැන් ඉතා පැහැදිළි ය. ඔවුන් ඒ සඳහා කැප නොවෙනවා පමණක් නොව, අපරාධකරුවන් සහ වංචනිකයන් ඒ දේශපාලඥයන්ගේ සහාය සහ ආශීර්වාද ලැබීමටත් සමත්ව සිටින බව පෙනේ. දකුණේ එක් ප‍්‍රාදේශීය දේශපාලඥයෙකු පසුගිය ආණ්ඩුව කාලයේ තමන්ගේ 100 වැනි ස්ත‍්‍රී දුෂණය යම් හෝටලයකදී උත්කර්ෂවත්ව සැමරූ බව එදා වාර්තා විය. බි‍්‍රතාන්‍ය ජාතිකයෙකු ඝාතනය කොට ඔහුගේ පෙම්වතිය දුෂණය කළ තවත් එවැනි දකුණේ ප‍්‍රාදේශීය දේශපාලඥයෙකු අත්අඩංගුවට ගැනීමට පවා බි‍්‍රතාන්‍යයේ චාල්ස් කුමාරයාගේ මැදිහත් වීමක් අවශ්‍ය කෙරුණි. එසේම, තවත් ප‍්‍රාදේශීය දේශපාලඥයෙකුගේ නිවසක් පොලිස් විශේෂ කාර්ය සාධක බලකාය මගින් වටලා පරීක්ෂාවට ලක්කළ අවස්ථාවේ රටේ ජනාධිපතිවරයා තකහනියක් ඒ දේශපාලඥයාගේ නිවසට දුවගෙන ගියේය.
ඒ ආකාරයටම, වර්තමාන ආණ්ඩුවේ දුෂණ විරෝධයත් විකාර නාටකයක් පමණි. අල්ලස් කොමිසමේ හිටපු අධ්‍යක්ෂ ජෙනරාල් දිල්රුක්ෂි වික‍්‍රමසිංහට එම තනතුර අතහැර යන්නට සිදු වී වැඩි කල් නැත. යම් වංචාවක් සම්බන්ධයෙන් ඉහළ පෙළේ හිටපු හමුදා නිලධාරීන් තිදෙනෙකු ප්රශ්න කිරීම සම්බන්ධයෙන් ජනාධිපතිවරයා අල්ලස් කොමිසමටත්, පොලිස් අපරාධ පරීක්ෂණ දෙපාර්තමේන්තුවට සහ පොලිස් මූල්‍ය අපරාධ විමර්ශන කොට්ඨාශයටත් ඒ අවස්ථාවේ බැන වැදුණේය. එසේම, මහ බැංකු බැඳුම්කර වංචාව හෙළිදරව් වූ විට එක්සත් ජාතික පක්ෂයේ ඇතැම් නායකයෝ ඊට අදාළ අපරාධකරුවන්ට සුදු හුණු ගෑමට පොත්පත් ලියමින් සහ ඒ සිද්ධියට අදාළ කෝප් කමිටු වාර්තාවට පාද සටහන් එකතු කරමින්, අපරාධයේ සැර බාල කිරීමට බැලූහ. තවද, බැඳුම්කර වංචාවේ ප්රධාන චූදිතයා වන අර්ජුන මහේන්ද්‍රන් කිසි කරදරයක් නැතිව සිංගප්පූරුවට පලා යාම වැළැක්වීමට ජනාධිපතිවරයා ඇතුළු ආණ්ඩුව අසමත් වූ බවත් කිව යුතුය.
අනිත් අතට, ආර්ථික හේතු නිසා, සාමාන්‍ය ජනතාව අතරේ ද මත්ද්‍රව්‍ය ජාවාරමට සරු පසක් නිර්මාණය වී තිබීම මේ අවස්ථාවේ අප අමතක නොකළ යුතුය.
සමාජයේ සහ ජනතාවගේ වෙනස් වෙමින් පවතින අවශ්‍යතාවන්ට ආමන්ත‍්‍රණය නොකෙරෙන, බොහෝ විට එක තැන පල් වෙන ආර්ථිකයක් අපට හිමිව තිබේ. එසේම, එවැනි වෙනස් වන ආර්ථිකයකට නොගැළපෙන අධ්‍යාපන ක්රමයක් ද අපට උරුමව තිබේ. අපොස සාමාන්‍ය පෙළ සහ උසස් පෙළ ලිවීමෙන් පසු වසරක් පාසා පාසල්වලින් හැලෙන ලක්ෂ සංඛ්‍යාත ශිෂ්‍ය ශිෂ්‍යාවෝ අතරමං වෙති. සංවිධිත ප්රධාන ධාරාවේ ආර්ථිකයට උරා ගැනෙන්නේ ඔවුන්ගෙන් අතලොස්සකි. අනිත් අයට තමන්ගේ අතක් බලා ගැනීමට සිද්ධ වෙන අතර, තවත් අය, ස්වයං-රැුකියා නමින් ද හැඳින්වෙන සිල්ලර කටයුතුවල නියැලෙති. මොවුන්ගෙන් සමහරෙකු ඇතැම් විට අවසන් වන්නේ, මත්ද්‍රව්‍ය ජාවාරම්කරුවන්ගේ සහ අපරාධකරුවන්ගේ අතකොළු බවට පත්වෙමිනි.
මේ කියන තත්වයන් නොවෙනස්ව පවතින තාක් කල් මත්ද්‍රව්‍ය උවදුරත් පවතිනු ඇත.
එම්. එස්. එම්. අයුුබ්
1. විධායක ජනාධිපතිධූරය යනු ජනතා මතය අනුව මත මිස ඒකාධිපති ආකාරයට ආණ්ඩුක්‍රම ව්‍යවස්ථාව උල්ලංඝනය කරමින් සිය තනි අභිමතයට අනුව පමණක් පාර්ලිමේන්තුව විසුරුවන ධුරයක් නොවන බව ජනගත වීම.
2. ජනාධිපතිගේ තනි අභිමතයට අනුව පාර්ලිමේන්තුව විසුරුවීම මෙන් නොව ශ්රී ලංකා ජනරජයේ පරමාධිපත්‍යය අයත් ජනතාවගේ මතය අනුව පාර්ලිමේන්තුව විසුරුවීම සිදුවීමෙන් එය ප්‍රජාතන්ත්‍රවාදය ශක්තිමත් කරවන්නක් හෙයින් ජාත්‍යන්තරව රටට සිදුවන පීඩන සමනය වීම.
3. ජනමතවිචාරණය යනු ව්‍යවස්ථාවේ 3 , 4 (අ) ව්‍යවස්ථාව සහ 86 ව්‍යවස්ථාව යටතේ ජනතාව සතු පරම ව්‍යවස්ථාදායක බලය ක්රියාත්මක කරවීමක් හෙයින් කිසිදු අධිකරණයකට හෝ වෙනත් ආයතනයකට ඒ පිළිබද ප්රශ්න කිරීමේ අධිකාරියක් නොලැබීම.
4. සිය තනි අභිමතයට අනුව පාර්ලිමේන්තුව විසුරුවීම මගින් ජනාධිපතිවරයාගේ ඒකාධිපතිවාදය සම්බන්ධව මැතිවරණ වේදිකාවල තර්ක ඉදිරිපත් වීම මත මැතිවරණයෙන් පසු නැවත පත්වන ආණ්ඩුව දුර්වල ආණ්ඩුවක් වීමත් ජනමතවිචාරණයකින් ජනතා වරම ගෙන ඉන්පසු පාර්ලිමේන්තුව විසුරුවීම මගින් ජනාධිපතිවරයාගේ ප්‍රජාතන්ත්‍රවාදය සම්බන්ධව මැතිවරණ වේදිකාවල තර්ක ඉදිරිපත් වීම මත බිහිවන ආණ්ඩුව ශක්තිමත් ආණ්ඩුවක් වීමත් මගින් ඉදිරියේ පත්වන ආණ්ඩුව අමාත්‍ය සංඛ්‍යාව වැඩි කර ගන්නා ජාතික ආණ්ඩුවක් නොවීම.
5. පාර්ලිමේන්තුව විසුරුවීමට 70.1 ව්‍යවස්ථාවේ ඇති සීමාව නොතකා වසර 4 ½ක් ඇතුළත ආණ්ඩුක්‍රම ව්‍යවස්ථාවට අනුව පාර්ලිමේන්තුව විසුරුවීමට ඇති එකම අවස්ථාව 86 ව්‍යවස්ථාවේ ප්‍රතිපාදන යටතේ ජනමතවිචාරණයකින් ජනතා වරම ලබාගැනීමකින් පසු පාර්ලිමේන්තු විසුරවීම පමණක් වීම.
6. ඉදිරියේ දුර්වල ආණ්ඩුවක් පත්වීමෙන් ජාත්‍යන්තරව හා දේශීයව රටට අහිතකර ප්‍රතිඵල අත්වීම මග හැරීම.
7. ශක්තිමත් ආණ්ඩුවක් පත්වීම හේතුවෙන් ඇමති මණ්ඩලය 46.1 ව්‍යවස්ථාව අනුව 30ට සීමා වීම.
8. ශක්තිමත් ආණ්ඩුවක් පත්වීම හේතුවෙන් ආණ්ඩුවේ ස්ථාවරත්වය පිළිබද ගැටළු මතු නොවීම.
9. විධායක ජනාධිපති ධූරය සම්බන්ධව ජනතාවගේ අප්‍රසාදය ඇති කර ජනාධිපතිවරණය ව්‍යවස්ථාවෙන් ඉවත් කිරීමට කුමන්ත්‍රණකාරීන්ට අපහසු වීම.
10. විධායක ජනාධිපතිධූරය යනු පාර්ලිමේන්තු උත්තරීතරත්වය සුරකින ආයතනයක් බවත් පාර්ලිමේන්තුව සම්බන්ධව තීරණ ගනු ලබන්නේ ජනාධිපතිවරයාගේ තනි කැමැත්ත අනුව නොව ජනතාවගේ මතය අනුව බවට සමාජගත වීම මගින් ප්‍රජාතන්ත්‍රවාදය ශක්තිමත් වීම.
නීතීඥ අරුණ ලක්සිරි උණවටුන.
B.Sc(Col),PGDC(Col)
2018.10.27
arunaunawatuna@gmail.com
ව්‍යාපාරිකයන් භිය වද්දා කෝටි ගණන් කප්පම් ගන්නා කවුද මේ මලී? අප පසුගියදා කල අනාවරණයට සම්බන්ධ සමනලී සම්බන්ධයෙන් ජාතික පුවත් පතක් කල අනාවරණය පහත දැක්වෙන් බව කරුණාවෙන් සලකන්න. මෙහි සමන් යනුවෙන් අන්වර්ථ නාමයෙන් දක්වා ඇත්තේ KDU Group හි සභාපති තුෂාන් (thushan upasena) ය.
සමනලී මඩපාත පිළියන්දල ප්‍රදේශයේ පදිංචි තරුණියකි. අවිවාහක ඇයට වයස අවුරුදු විසිහතරකි. ඇය සැලසුම් කළමනාකාරිණියක් ලෙස රැකියාවේ නිරත වූවාය.
ඉන වටා වැටුණු බොකුටු වරලස පුළුලූකුල සහ සිහින් සිරුර සමනලීට ගෙනාවේ අමුතුම සුන්දරත්වයකි. රෝසපාට තොල් පෙති, දිගැටි ඇස් සහ වත මඬලේ නිරතුරුව රැඳී තිබුණ සිනහව ඇයගේ සුන්දරත්වය තවත් ඔප් නැංවූවාය. කොටින්ම කියතහොත් ඇය මිහිපිට වසනා සුරංගනාවියක් බඳුය.
සමනලී රූමත් වුවත් චරිතය එතරම් පිරිසිදු නොවුණි. ඇය පාසල් සමයේදීම ගැහැණියක වූවාය. ඒ තම දෙවැනි පෙම්වතා අතින්ය.
රැකියාටව අමතරව ඇය නිරූපණ ක්‍ෂේත්‍රයේද නිරත වූවාය. එහිදී ඇයට කොළඹ ප්රධාන පෙළේ ව්‍යාපාරිකයන් කිහිප දෙනකු හඳුනා ගැනීමට හැකි විය.
මුදල්වලටද ඇය දැඩි කෑදරකමක් දැක්වූවාය. ‘‘මහන්සි වී මුදල් හොයනවාට වඩා ලෙහෙසියෙන් මුදල් හොයන්න ඕනා. දෙවියො ලස්සන සිරුරක් දීලා තියෙන්නේ ඒක නිසා වෙන්නැති. ඒකෙන් උපරිම ප්‍රයෝජනය ගන්න ඕනා.’’ ඇය එලෙස සිතුවාය.
එ අනුව ඇය කෝටිපති ව්‍යාපාරිකයන් කිහිප දෙනෙක් සමග සමීප සම්බන්ධතා පැවැත්වූවාය. ඔවුන් සමග සුපිරි හෝටල්වල රාත්‍රිය ගත කිරීම, මත්පැන් පානය කරමින් විනෝද වීම වැනි දේවල්වලට ඇය හුරු වූවාය. ඒ සමගම ව්‍යාපාරිකයන්ගෙන් ලක්ෂ ගණනින් මුදල් ලබා ගැනීමටද ඇය වග බලා ගත්තාය.
ඇය අත දැන් යහමින් මුදල් ඇත. ඒවායින් කොටසක් ඇය වියදම් කළේ රූපලාවන්‍ය කටයුතු සහ ඇඳුම් පැළඳුම් ආදිය මිලදී ගැනීම සඳහාය. ඇයට වුවමනා වූයේ අන් අයගේ ආකර්ෂණය වැඩි වැඩියෙන් තමා වෙත යොමු කර ගැනීමටයි. විශේෂයෙන්ම කෝටිපති ව්‍යාපාරිකයන්ගේය. සමහර අවස්ථාවන්හිදී ඇය තම කලවා සහ පියයුරු ඕනවටත් වඩා අන් අයට පෙනෙන්න ඇඳුම් අඳින්න ඇත්තේද එමනිසා වන්නට ඇති.
කාලය එලෙස ගෙවී ගියේය. දිනක් ඇයට තවත් කෝටිපති ව්‍යාපාරිකයකු දැන හඳුනා ගැනීමට හැකි විය. නමින් ඔහු සමන් සිල්වාය. ඔහු කොළඹ ප්‍රදේශයේ පදිංචි පුද්ගලයෙකි. විවාහකයෙකි. තිදරු පියෙකි. වයස අවුරුදු පනස් තුනකි. ඔහු ව්‍යාපාරය ලෙස කරගෙන ගියේ තේ කොළ අපනයනය කිරීමයි.
සමන් තම පවුලට ලැදිකමක් දැක්වුවත් තරුණියන් කිහිපදෙනකු සමග ද සමීප සම්බන්ධතාවක් පවත්වාගෙන ගියේය.
සමනලී සමන් පළමු හමුවෙන්ම දෙදෙනා අතර දැඩි මිත්‍රත්වයක් ඇති කරගත්හ. සමන් ඇයගේ සුන්දරත්වයට වශී වූ අතර සමනලී ඔහුගේ මුදල් වලට වශී වූවාය.
පසු දින උදා විය. සමන්ට පෙර ඇය ඔහුට දුරකථන ඇමතුමක් ලබා ගත්තාය. එලෙස ලබාගෙන ඇය මෙලෙස පැවසුවාය.
‘‘හෙලෝ ගුඞ් මෝනිං මිස්ටර් සිල්වා. මම සමනලී මතකද මන්දා.’’
‘‘ගුඞ් මෝනිං, ගුඞ් මෝනිං ඇයි මතක නැත්තේ මම කෝල් එකක් ගන්න හිටියේ අද.’’
‘‘මම හිතුවා ඊයේ ඩි‍්‍රන්ක්ස් අරන් හිටිය නිසා මාව අමතක වෙලා ඇති කියලා.’’
‘‘ඩි‍්‍රන්ක්ස් අරන් හිටියත් ඔය වගේ ලස්සන මුහුණක් කොහොම අමතක කරන්නද?’’
‘‘අනේ යන්න බොරු නොකිය. මම එච්චර ලස්සන නැහැ. එහෙනම් මිස්ටර් සිල්වා ලස්සන ගෑණු ළමයි දැකලා නැහැ.’’
‘‘ලස්සන ගැහැනු ළමයෙක් දැක්කා ඊයේ.’’
‘‘අනේ විහිළු කරන් නැතිව ඉන්න.’’
‘‘විහිළු නොවෙයි මම ඇත්ත කීවේ. ඇත්තටම දැන් ඔයා මොකද කරන්නේ.’’
‘‘මම සැලසුම් කළමනාකාරිණියක් ලෙස සේවය කරනවා. එයට අමතරව මොඩ්ලින් කරනවා.’’
‘‘නියමයිනේ. ඔයාට ගැළපෙන්නේ මොඩ්ලින් තමයි.’’
‘‘ඇයි එහෙම කියන්නේ.’’
‘‘නැහැ ඔයා ලස්සනයිනේ. ඒක නොවෙයි අපි මීට් වෙලා කතා කරමු මටත් වැඩ වගයක් තියෙනවා කර ගන්න.’’
‘‘ හරි මිස්ටර් සිල්වා ටයිම් එකක් කියන්න. මම එන්නම්.’’
‘‘කල් දාන්න ඕනා නැහැ. අද හයට හිල්ටන් එකේ ලොබි එකට එන්න පුළුවන්ද?’’
‘‘හරි මම එන්නම්.’’
කතාව එලෙස අවසන් විය. ‘‘අනෙක් අය වගේ නොවෙයි. මිනිහව ඉක්මනින් දැලේ දාගන්න පුළුවන්. එයා මට ගොඩක් කැමතියි වගේ. අද යන්න ඕනා ටිකක් ඇඟ පත පේන විදිහට ඇඳගෙන.’’ ඇය එලෙස සිතුවාය.
සවස හයට දෙදෙනා මුණ ගැසුණහ. සමනලීගේ අඟ පසඟ සහ ලස්සන දැකීමෙන් ඔහු ඇයට තවත් වශී වූහ. ‘‘ ඇය සමග ය……. ඇත්නම් කොච්චර අගනේද.’’ ඔහුට එක්වරම සිතුණි.
දෙදෙනා එහි ආපනශාලාවට ගොස් පැය ගණනක් කතා බස් කළහ. සමන්ට වුවමනා වූයේ කෙලෙස හෝ ඇය තමා වෙත නතු කර ගැනීමටයි. එ සඳහා ඔහු නොයෙකුත් උපක්‍රම භාවිත කළේය. එහෙත් එය අසාර්ථක විය. අවසානයේ ඔහු ඇයට මෙලෙස පැවසුවේය.
‘‘අපේ කම්පැණියේ ඇඞ් ටිකක් කරන්න ඕනා. ඒකට මම ඔයාව තෝරා ගන්නවා.’’
‘‘ඒකනම් හොඳයි. මමත් ආසයි ඒකටනම්’’
‘‘හරි හරි අපි ඉක්මනට ඒක කරමු. හැබැයි ඔයා මට උදව්වක් කරන්න ඕනා.’’
‘‘ඒ මොකක්ද?’’
‘‘මම කැමතියි ඔයා එක්ක ඩි‍්‍රන්ක් එකක් අර ගන්න.’’
‘‘ඉතින්.’’
‘‘ඉතින් කියන්නේ කවදද එන්නේ.’’
‘‘අනේ මන්දා මිස්ටර් සිල්වා කියන දේවල්.’’
‘‘එහෙම කියන්න එපා. මම වෙන දේවල් ඉල්ලන්නේ නැහැනේ.’’
‘‘හරි හරි මම එන්නම්.’’
‘‘කවදද එන්නේ.’’
‘‘ඔයා කියන්න.’’
‘‘එහෙනම් කල් දාන්න ඕනේ නැහැ. හෙටම යමු.’’
‘‘හරි හරි.’’
ඉන් පසු දෙදෙනා විසිර ගියහ.
පසු දින උදාවිය. කතා කරගත් වේලාවට දෙදෙනා මුණ ගැසුණහ. ඉන්පසු ඔවුහු තරු පහේ හෝටලයකට ගියහ. ඉස්තරම් වර්ගයේ විස්කි සහ කෑම බීම ඇණවුම් කළහ. දෙදෙනා ඒවා පානය කරමින් විවිධ දෑ කතා බස් කළහ. සමන්ට වුවමනා වූයේ ඇය සමග සමීප ඇසුරක් පැවැත්වීමටයි. එම නිසා ඔහු ඇයට මෙලෙස යෝජනා කළේය.
‘‘මම දන්න අය මෙතනට එන්න පුළුවන්. ඒක දෙන්නටම හොඳ නැහැ. ඒක නිසා අපි රූම් එකකට යමුද? මම තියෙන හොඳම රූම් එක බුක් කරන්නම්.’’
ඇය එයට අකමැති නොවීය. සමන් එම තරු පහේ හෝටලයේම කාමරයක් වෙන් කර ගත්තේය. ඉන් පසු දෙදෙනා එය තුළට ගියහ. එලෙස ගොස් ගතවූයේ සුළු වෙලාවකි. සමන් ඇයව තුරුළුකර ගත්තේය. සමනලීද එයට අකැමැත්තක් නොපෙන්නුවාය. දැන් කිසිම දෙයකට බාධාවක් නොමැති බව ඔහු දැන ගත්තේය. ඉන් පසු ඔහු තම සිතේ තිබුණ ආශාව ඇයගෙන් ඉටු කර ගත්තේය.
එතැන් පටන් දිනපතාම පාහේ ඔවුහු එලෙස මුණ ගැසුණහ. සති කිහිපයක් යද්දී ඔහු අත දිගහැර ඇයට වියදම් කිරීමට පටන් ගත්තේය. ඇය ජීවත්වූයේ මාසික කුලිය 35000 ක් පමණ ගෙවන නිවසක තනියමයි.
සමන් සහ සමනලී අතර අනියම් සම්බන්ධය ජයමට පවත්වාගෙන ගියහ. ඒ අතර සමන් ඇය ඉල්ලන ඉල්ලන දේ දීමට පුරුදු වී තිබුණි. ඒ අතර කාලය තුළ ඇය වෙනත් කෝටිපති ව්‍යාපාරිකයන් සමගද සම්බන්ධතා පවත්වාගෙන ගියාය.
මුල සිටම සමනලීගේ සිතේ යම් අදහසක් තිබුණි. ඒ සඳහා ඇය මුල සිටම ක්රියාත්මක වුණි. ඇය සමන් සමග සිටින නිරුවත් පිංතූර සහ ඔහුගේ වට්ස්ඇප් ගිණුමේ තියෙන සියලූ තොරතුරු ඇය එක් රැස් කරගෙන තිබුණි. ඒ සමන්ගේ ජංගම දුරකථනයේ දත්ත බද්ධ කරගනිමින්ය.
සමන්ගේ දියණියක් විවාහ වීමට සූදානම් වී සිටියේය. ඇය එහි දින වකවානු ආදී සියල්ලම කල් වෙලා ඇතිව දැනගෙන සිටියාය. දැන් තමන්ගේ මෙහෙයුම පටන් ගැනීමට හොඳම කාලය බව ඇයට වැටහුණි.
පසුදිනම ඇය සමන්ගෙන් රුපියල් කෝටි 10 ක මුදලක් ඉල්ලූවාය. ඔහු කුමකටද කියා අසා එච්චර මුදලක් කිසිසේත්ම දිය නොහැකි බව පැවසුවේය. ඇය ඉන් කෝපයට පත් වූවාය. ඉන්පසු ඇය සමන්ට තර්ජනය කර තමන් ළඟ නිරුවත් පිංතූර සහ ඔහුගේ ජංගම දුරකථනයේ තිබුණ රහස් ගොඩක් තමන් ළඟ තියෙන බව පවසා ඒවා ප්‍රසිද්ධ කරන බව පැවසුවාය.
ඇයගේ එම තර්ජනය හමුවේ සමන් ඉතා අසරණ විය. තමන් කිසියම් උගුලකට හසුවී ඇති බව තේරුම් ගත්තේය. දැන් එයින් ගොඩ ඒමේ මගක් ඔහු කල්පනා කළේය. ඒ අතර සමනලී දිගින් දිගටම ඔහුට තර්ජනය කර කෝටි 10යේ කප්පම් මුදල ඉල්ලා සිටියාය.
සමන් දස අතේ කල්පනා කළත් නිසි පිළිතුරක් නොලැබුණි. අවසානයේ ඇයගෙන් බේරීමට නොහැකි තැන නීතියේ පිහිට පැතීමට තීරණය කළේය. ඒ අනුව ඔහු අපරාධ පරීක්ෂණ දෙපාර්තමේන්තුවට ගොස් මේ පිළිබඳව පැමිණිලි කළේය.
පැමිණිල්ලට අනුව පරීක්ෂණ ඇරඹූ එම නිලධාරීහු එම සැකකාර තරුණියව අත්අඩංගුවට ගත්හ. ඒ අනුව ඇය ළඟ තිබී ජංගම දුරකථන 4 ක් සහ ලැප්ටොප් 3 ක් සොයා ගත්හ. එවායේ තිබී තවත් මෙරට ප්‍රසිද්ධ ව්‍යාපාරිකයන් කිහිප දෙනකුගේම නිරුවත් පිංතූර සහ තවත් වටිනා තොරතුරු රැසක් සොයා ගැනීමටද එම නිලධාරීන්ට හැකිවිය.
පරීක්ෂණවලදී අනාවරණය වූයේ සැකකාරිය 2007 අංක 27 දරන පරිගණක පනත මෙන්ම දණ්ඩ නීති සංග්‍රහයද උල්ලංඝනය කරමින් කටයුතු කර ඇති බවයි. එම වෝදනාවලට අදාළව එම නිලධාරීහු සැකකාර සැලසුම් කළමනාකාරිණියව අධිකරණයට ඉදිරිපත් කළහ. එහිදී කොළඹ ප්රධාන මහෙස්ත්‍රාත් ලංකා ජයරත්න මෙනවිය සැකකාර තරුණියව ලබන මස 06 වැනිදා දක්වා රක්ෂිත බන්ධනාගාරගත කරන ලෙස නියෝග කළාය.
කෝටිපති ව්‍යාපාරිකයන් සමග සමීප සම්බන්ධතා ඇතිකරගෙන ඔවුන්ගේ පෞද්ගලික තොරතුරු ඉතා රහසිගත ලෙස සොරාගෙන ඉන්පසු කප්පම් ඉල්ලන සැලසුම් කළමනාකාරිණියට අවසානයේ සිදුවූයේ එලෙස බන්ධනාගාරගත වීමටයි.
ගයාන් සමරසිංහ
උපුටා ගැනීම “දිවයින” පුවත්පත
පකිස්තානයේ සියල්කොට් හි කර්මාන්ත ශාලාවට එල්ල වූ බිහිසුණු අමානුෂික ප්‍රහාරය සහ ශ්රී ලාංකික කළමනාකරුවෙකු ගිනි තැබීම පිළිබඳව ජාතික මෙන්ම ජාත්‍යන්තර වශයෙන්ද අවධානය යොමුව ඇති අතර වහාම නීතිය ක්රියාත්මක කිරිම සදහා පාකිස්ථාන අගමැතිවරයාද මැදිහත්ව තිබේ. (මෙම පුවතේ ඝාතනයට අදාළ විඩියෝ අඩංගු වි ඇති බැවින් නැරඹීමට පෙර කල්පනාකාරී වන්න. )
කෙසේවෙතත් සිය දේශපාලන අවශ්‍යතාවන් වෙනුවෙන් මෙම ප්‍රහාරය යොදා ගැනිම සදහා රටතුල සිටින ආගමික අන්තවාදීන් කටයුතු කරමින් සිටින බවට මේ වනවිට තොරතූරු අනාවරණය වෙමින් තිබේ.
මේ අතර සමස්ත ලංකා ඉස්ලාම් ආගමික විද්වතුන්ගේ සභාව මේම ම්ලේච්ඡ ඝාතනය සම්බන්ධයෙන් නිවේදනයක් නිකුත් කර තිබේ.
සියල්කොට් හි කර්මාන්ත ශාලාවට එල්ල වූ බිහිසුණු අමානුෂික ප්‍රහාරය සහ ශ්රී ලාංකික කළමනාකරුවෙකු ගිනි තැබීම අපි තරයේ හෙළා දකිමු. එමෙන්ම මේ සම්බන්ධයෙන් කඩිනම් ක්‍රියාමාර්ගයක් ගෙන සැකකරුවන් 100 කට අධික සංඛ්‍යාවක් අත්අඩංගුවට ගැනීම සම්බන්ධයෙන් පාකිස්තාන නීතිය ක්රියාත්මක කිරීමේ අධිකාරියට අපගේ ප්‍රශංසාව ද පුදකර සිටිමු.
මෙම ම්ලේච්ඡ ඝාතනය සම්බන්ධයෙන් අපරාධකරුවන්ට එරෙහිව දැඩි ක්‍රියාමාර්ග ගන්නා ලෙස අපි ඉල්ලා සිටිමු. විපතට පත් අයගේ පවුලේ උදවියට සැනසුම, සාධාරණය අත්වේවායි ප්‍රාර්ථනා කරන අතර ඒ වෙනුවෙන් අපගේ බලවත් ශෝකය ප්‍රකාශ කර සිටිමු.
ලෝකවාසී සියලු පුරවැසියන්, නීතියේ ආධිපත්‍යයට ගරු කරමින් ප්‍රජාවන් අතර තිරසාර සහෝදරත්වය ගොඩනැගීම සඳහා මානුෂීයව ක්‍රියා කරමින් අපගේ අනාගත පරම්පරාවට යහපත් පරිසරයක් දායාද කිරීම අපගේ අවංක බලාපොරොත්තුවයි.
අෂ්-ෂෙයික් එම්. අර්කම් නූරාමිත්
මහලේකම්,
සමස්ත ලංකා ඉස්ලාම් ආගමික විද්වතුන්ගේ සභාව (ACJU)
All Ceylon Jamiyyathul Ulama (ACJU)
(මෙම පුවතේ ඝාතනයට අදාළ විඩියෝ අඩංගු වි ඇති බැවින් නැරඹීමට පෙර කල්පනාකාරී වන්න. ) පහලට
