චීනයේ හූනන් පළාතේ නිරීක්ෂණ චාරිකාවක නිරත චීන ජනාධිපති ෂී ජින් පිං මහතා, නවයුගයේ චීන මධ්‍යම ප්‍රදේශයේ පිබිදීම සඳහා දිරි ගැන්වීමට පැවති සාකච්ඡාවට එක්වෙයි. එය Changsha නගරයේ දී ඊයේ (20) පැවැත්විණ. ජනාධිපතිවරයා ඊට පෙර දින දෙකේ Changsha සහ Changde යන නගරවල නිරීක්ෂණ චාරිකාවන්ට එක්විය.
Shanxi, Anhui, Jiangxi, Henan, Hubei සහ Hunan යන පළාත් 6, චීනයේ මධ්‍යම ප්‍රදේශයට ඇතුළත් වේ. චීනයේ සමස්ත භූමියෙන් 10% කට වැඩි ප්‍රමාණයක් හිමි මධ්‍යම ප්‍රදේශය චීන ආර්ථිකයේ මුළු පරිමාණයෙන් පහෙන් එකක් ආවරණය කරයි. ඉන් Henan, Hubei හා Hunan යන පළාත් 3 රටේ සමස්ත ආර්ථීක පරිමාණයෙන් මුල් ස්ථාන 10යේ රැඳී සිටීම ද කැපී පෙනේ. 
චීන කොමියුනිස්ට් පක්ෂයේ 18 වන ජාතික නියෝජිත සම්මේලනයේ සිට මේ දක්වා නවයුගයේ ජාතික වශයෙන් වැදගත් ක්‍රමවේදයක් ලෙස, කලාපීය සම්බන්ධීකරණ සංවර්ධන උපායමාර්ගය ක්‍රියාත්මක කරනු ලැබීය. මධ්‍යම ප්‍රදේශයේ පිබිදීම එම උපායමාර්ගයේ කේන්ද්‍රීය කොටසකි.
Changsha නගරයේ පැවති සාකච්ඡාවේ දී ජනාධිපතිවරයා අවධාරණය කළේ මධ්‍යම ප්‍රදේශයේ පුනර්ජීවන ව්‍යාපෘතිය ආරම්භයේ සිට ම උසස් මට්ටමක් සහතික කරමින් ක්‍රියාවට නැංවිය යුතු බවයි. ඒ සඳහා පර්යේෂණ මගින් ප්‍රතිපත්ති හා ක්‍රියාමාර්ග ඉදිරිපත් කළ යුතු බව ද හෙතෙම දැනුම් දුන්නේය. මධ්‍යම ප්‍රදේශයේ පිබිදීම ප්‍රවර්ධනය කිරීමේ වැදගත් පරිච්ඡේදයක් එම සාකච්ඡාවෙන් ඇරඹෙනු ඇතැයි ද විශ්වාස කෙරේ.
එමෙන්ම විද්‍යා
හා තාක්ෂණ නවෝත්පාදන ප්‍රමුඛ කර ගනිමින් කර්මාන්ත නවෝත්පාදනය ඉදිරියට මෙහෙයවීම සහ නව ගුණාත්මක ඵලදායිතාව සක්‍රිය ලෙස සංවර්ධනය කිරීම පිළිබඳව ද ෂී ජින් පිං මහතා එහිදී කරුණු විග්‍රහ කළේය. නව ගුණාත්මක ඵලදායිතා ප්‍රවර්ධනය කඩිනම් කිරීමේදී මධ්‍යම ප්‍රදේශයට විශාල කාර්යභාරයක් ඉටු කළ හැකි යැයි ද ජනාධිපතිවරයා පෙන්වා දෙයි.
ගාසා තීරයට කිසිදු බාධාවකින් තොරව ආහාර සහ මානුෂීය සහනාධාර සැපයීමේ ප්‍රවේශය සහතික කරන ලෙස ඊයේ(18) එක්සත් ජාතීන්ගේ මහලේකම් António Guterres මහතා නිවේදනයක් නිකුත් කරමින් ඊශ්‍රායල රජයෙන් ඉල්ලා සිටියේ ය.
එක්සත් ජාතීන්ගේ සංවිධානය නිකුත් කරන විස්තීර්ණ ආහාර සුරක්ෂිතතා වාර්තාවට අනුව, ගාසා තීරයේ සිටින සියලුම පලස්තීනුවන්ගෙන් අඩකට වඩා එනම් ආසන්න වශයෙන් මිලියන 1.1 ක ජනතාවගේ ආහාර සම්පූර්ණයෙන්ම අවසන් වී ඇති අතර ඔවුන් දැඩි කුසගින්නෙන් පෙළෙන බව හෙතෙම පැවසීය.
ගාසා තීරය පුරා මානුෂීය සහනාධාර පූර්ණ සහ බාධාවකින් තොරව සැපයීමේ ප්‍රවේශය සහතික කරන ලෙස Guterres මහතා නැවත ඊශ්‍රායල බලධාරීන්ගෙන් ඉල්ලා සිටි අතර එක්සත් ජාතීන්ගේ මානුෂීය ක්‍රියාකාරකම්වලට පූර්ණ සහාය ලබා දෙන ලෙස ද ඔහු ජාත්‍යන්තර ප්‍රජාවෙන් ඉල්ලා සිටියේ ය.
2024 වසරේ මේ දක්වා ශ්‍රී ලංකා නාවික හමුදාව විසින් ශ්‍රී ලංකා මුහුදු සීමාවේදී ඉන්දීය ට්‍රෝලර් යාත්‍රා 18ක් සහ ඉන්දීය ධීවරයින් 146ක් අත්අඩංගුවට ගෙන ඇත.
නවතම සිදුවීමක් ලෙස ඩෙල්ෆ්ට් දූපතට ඔබ්බෙන් වූ ශ්‍රී ලංකා මුහුදු සීමාවේ ධීවර කටයුතුවල නිරත වූ ඉන්දීය ධීවරයින් 21 දෙනෙකු ඉන්දීය ට්‍රෝලර් යාත්‍රා දෙකක් අත්අඩංගුවට ගැනීමට නාවික හමුදාව සමත් විය.
නාවික හමුදාව පැවසුවේ, ඉන්දීය ධීවර යාත්‍රා ශ්‍රී ලංකා මුහුදු සීමාවෙන් පළවා හැරීම සඳහා විශේෂ මෙහෙයුම් ක්‍රියාත්මක කරන බව ය.
විදේශීය ට්‍රෝලර් යාත්‍රා වල නීතිවිරෝධී ධීවර කටයුතු මැඩලීමේ අරමු‍ණෙන් මෙම මෙහෙයුම් ක්‍රියාත්මක කෙරේ.
ලෝක සෞඛ්‍ය සංවිධානයේ අධ්‍යක්ෂ ජනරාල් Tedros Adhanom මහතා ඊයේ(16) සමාජ මාධ්‍ය ඔස්සේ ප්‍රකාශයක් කරමින් කියාසිටියේ ගාසා තීරයේ Rafah නගර‍ය වෙත ඊශ්‍රායලය ගොඩබිම් ප්‍රහාර එල්ල කිරීම පිළිබඳ දැඩි අවධානයක් යොමු කරන බවයි. Rafah නගර‍ය වෙත ප්‍රහාර එල්ල කිරීම වහාම නතර කරන ලෙස Tedros Adhanom මහතා ඊශ්‍රායලයෙන් ඉල්ලා සිටියේය.
ගැටුම් උග්‍ර වීමෙන් Rafah නගරයේ වඩාත් වැඩි මරණ හා විපත් වාර්තා වනු ඇත. එමෙන්ම එහි ඇති වෛද්‍ය ආයතනවලට වත්මන් තත්ත්වය පිළිබඳ වගකීම භාර ගත නොහැකි බව ද Tedros Adhanom මහතා කියාසිටියේය.
Rafah නගර‍ය වෙත ප්‍රහාර එල්ල කිරීම වෙනුවට සාමය සඳහා කටයුතු කිරීම වෙනුවෙන් උත්සාහ දරන ලෙස හෙතෙම ඊශ්‍රායලයෙන් ඉල්ලා සිටියේය.
ඇමරිකාව සිය “ප්‍රජාතන්ත්‍රවාදී ප්‍රමිතීන්” බෙදා හරිමින් ප්‍රජාතන්ත්‍රවාදී පරිවර්තනයක් ලෝකය පුරා සිදු කිරීමට උත්සාහ දරමින් සිටින අතර එය ගෝලීය අස්ථාවරත්වයට සහ විවිධ ගැටුම්වලට තුඩු දී ඇත. මේ බව චීන මාධ්‍ය සමූහය සහ චීනයේ රෙන්මින් විශ්වවිද්‍යාලය එක්ව සිදු කරන ලද ගෝලීය සමීක්ෂණයකින් අනාවරණය විය. ඇමරිකාව සිය ප්‍රජාතන්ත්‍රවාදය සිය වාසියට පමණක් යොදා ගනිමින් අනෙකුත් රටවල් මර්දනයට මෙන්ම ලෝකය තුළ බෙදීම් ඇති කරමින් විවිධ කඳවුරු අතර ගැටුම් උග්‍ර කිරීමට අඛණ්ඩව උත්සාහ දැරීම පිළිබඳව ද එහිදී ප්‍රතිචාර දැක්වූවන් සිය නොසතුට පළ කර ඇත.
මෙම සමීක්ෂණයේ දී ගෝලීය වශයෙන් ප්‍රතිචාර දැක්වූවන්ගෙන් සියයට 71ක් ඇමරිකාව වෙනත් රටවල අභ්‍යන්තර කටයුතුවලට මැදිහත් වීම සහ “ප්‍රජාතන්ත්‍රවාදය” මුවාවෙන් වෙනත් රටවල් මර්දනය කිරීම විවේචනයට ලක් කර ඇත. එමෙන්ම ප්‍රතිචාර දැක්වූවන්ගෙන් සියයට 62.3ක් විවිධ සම්බාධක සහ ආර්ථික බලහත්කාරකම් සිදු කරන ඇමරිකාවේ අධිපතිවාදී හැසිරීම පිළිබඳ දැඩි අතෘප්තිය පළ කර තිබේ.
ගෝලීය විවේචනයට ලක් වූ ඇමරිකානු ප්‍රජාතන්ත්‍රවාදය
මෙම සමීක්ෂණයට අනුව, ගෝලීය වශයෙන් ප්‍රතිචාර දැක්වූවන්ගෙන් සියයට 84.3ක් විශ්වාස කරනුයේ ප්‍රජාතන්ත්‍රවාදය විවිධ රටවල හා සංස්කෘතීන් ඔස්සේ විවිධ අයුරින් ඉදිරිපත් කළ යුතු බවයි. ප්රජාතන්
ත්රවාදයේ උසස් ආකෘතියක් හෝ සියලු දෙනාට ගැළපෙන දේශපාලන ක්‍රමයක් නොමැත. මත විමසුමට එක්වූවන්ගෙන් සියයට 79.5ක් ප්‍රජාතන්ත්‍රවාදයේ මුවාවෙන් ගෝලීය වශයෙන් ඇමරිකාව සිදු කරන ආධිපත්‍යය පැතිරවීමට දැඩි විරෝධය පළ කළහ. එමෙන්ම මෙම ඇමරිකානු අධිපතිවාදය වහාම අවසන් කරන ලෙස ප්‍රතිචාර දැක්වූවන්ගෙන් සියයට 86.8ක් ඉල්ලා සිටියේය.
මෙම සියලු දත්ත අනාවරණය කර ගැනීමේ දී ඇමරිකාව, බ්‍රිතාන්‍ය, ජර්මනිය, කැනඩාව, ස්පාඤ්ඤය වැනි සංවර්ධිත රටවල් මෙන්ම බ්‍රසීලය, ආර්ජන්ටිනාව, දකුණු අප්‍රිකාව, මැලේසියාව, පේරු සහ පකිස්ථානය වැනි සංවර්ධනය වෙමින් පවතින රටවල් ඇතුළු ලොව පුරා රටවල් 32ක සමස්ත ප්‍රතිචාර දැක්වූවන් 39,315ක් එක්ව ඇත. “ඇමරිකාව කෙරෙහි දක්වන ආකල්පය” යන මත විමසුම ඇතුළුව ගෝලීය මත විමසීම් තුනක් ද මෙයට ඇතුළත් වේ.
2023 දී, ආනයන හා අපනයන වාර්තා සහිත චීනයේ විදේශ වෙළඳ ව්‍යාපාරික ආයතන ගණන පළමු වරට ලක්ෂ 6 ඉක්මවා ඇති අතර එම සංඛ්‍යාව 645000 දක්වා ළඟා වී ඇති බව චීන රේගු ප්‍රධාන පරිපාලනය පවසයි.
ව්‍යවසායකයන්ගේ ලාභය සහ තෘප්තිය පිළිබඳ ආකල්ප වැඩිදියුණු කිරීම සඳහා අදාළ සේවා ක්ෂේත්‍රවලදී කාර්යක්ෂම ස්වයංක්‍රීය රේගු කාර්යභාරයක් ඉටු කිරීමට චීනය පුරා රේගු පරිපාලනයන් උත්සාහ කරන බව එම පරිපාලනයේ නිලධාරියෙක් පැවසීය.
වර්තමානයේ චීන රේගුව කෘත්‍රිම බුද්ධිය යනාදී නව තාක්ෂණ භාවිත කොට හඬ යෙදවුම්, රූප හඳුනාගැනීම සහ ස්වයංක්‍රීය සෙවුම් වැනි කාර්යයන් සාක්ෂාත් කර ගෙන තිබේ. ඒ ඔස්සේ ව්‍යවසායන්ගේ ව්‍යාපාර ක්‍රියාවලිය වඩාත් පහසු, කාර්යක්ෂම සහ නිවැරදිව සිදු කිරීමට හැකි වීම විශේෂත්වයකි.
චීනය නවීන පරිසර නිරීක්ෂණ පද්ධතියක් ස්ථාපිත කිරීමට සැලසුම් කරයි. පරිසර දූෂණය පාලනය කිරීම සහ එයට විසඳුම සෙවීම, පරිසර සංරක්ෂණය සහ දේශගුණික විපර්යාසයන්ට ප්‍රතිචාරය දැක්වීම සම්බන්ධයෙන් සුවිශේෂ කාර්යභාරයක් ඉටු කිරීම වෙනුවෙන් මෙම නව නිරීක්ෂණ පද්ධතිය නිර්මාණය කිරීමට අපේක්ෂා කෙරේ.
චීන පරිසර අමාත්‍යාංශ ඊයේ(16) මේ සම්බන්ධයෙන් මාධ්‍ය නිවේදනයක් සිදු කරමින් කියාසිටියේ මෙම නව පද්ධතිය විශ්වසනීය, නිරවද්‍ය, විස්තීර්ණ සහ නව දත්ත කාලෝචිත ලෙස රැස් කිරීම සඳහා ඇති අවස්ථාව ඉහළ නංවනු ඇති බවයි.
මෙම අධීක්ෂණ ජාලය චන්ද්‍රිකා, ගුවන් සේවා සහ භූගත දුරස්ථ සංවේදක ක්‍රම භාවිත කර නිර්මාණය කෙරෙන අතර එය උසස් නිරීක්ෂණ තාක්ෂණයෙන් බලගැන්වීමට ඩිජිටල් තාක්ෂණය ද හඳුන්වා දීමට අපේක්ෂා කෙරේ.
වර්ෂ 2035 වන විට මෙම පද්ධතියේ කටයුතු අවසන් කිරීමට අපේක්ෂා කරන අතර ඒ හරහා චීනයේ පාරිසරික නිරීක්ෂණ හැකියාවන් ගෝලීය වශයෙන් උසස් මට්ටමකට ගෙන එනු ඇත.
ජිනීවා හි එක්සත් ජාතීන්ගේ කාර්යාලයේ සහ ස්විට්සර්ලන්තයේ අනෙකුත් ජාත්‍යන්තර සංවිධානවල චීනයේ නිත්‍ය නියෝජිත Chen Xu මහතා එක්සත් ජාතීන්ගේ මානව හිමිකම් කවුන්සිලයේ 55 වැනි සැසිවාරය අමතමින් මානව හිමිකම් ගැටලු සම්බන්ධයෙන් චීනයේ ස්ථාවරය පැහැදිලි කර ඇත. ඊයේ(15) පැවති මෙම මානව හිමිකම් රැස්වීමේ දී මානව හිමිකම් ක්ෂේත්‍රයේ චීනයේ ජයග්‍රහණ පිළිබඳව ද හෙතෙම විස්තර කර ඇත.
ගෝලීය මානව හිමිකම් පාලනයේ දී චීනය සෑම විටම සක්‍රිය දායකත්වයත් ලබා දෙමින් මානව හිමිකම් සම්බන්ධයෙන් ජාත්‍යන්තර සංවාද සහ සහයෝගීතා ප්‍රවර්ධනය කර ඇත. එමෙන්ම ආර්ථික, සමාජීය සහ සංස්කෘතික අයිතිවාසිකම් සහ එහි සංවර්ධනයේ අයිතිය ක්‍රියාවට නැංවීම වේගවත් කරමින් විවිධ මානව හිමිකම්වල සමාන අවධාරණය සහ තුලිත වර්ධනය වෙනුවෙන් චීනය පෙනී සිටි බව ද Chen Xu මහතා සඳහන් කර ඇත.
සාම සාකච්ඡාවක් ආරම්භ කරන ලෙසට චීනය රුසියානු-යුක්‍රේන ගැටළුවට අදාළ පාර්ශ්වයන්ගෙන් ඉල්ලා සිටී.
එක්සත් ජාතීන්ගේ චීන උප නිත්‍ය නියෝජිත Geng Shuang මහතා ඊයේ (15) ආරක්ෂක මණ්ඩලයේ අදාළ රැස්වීමේදී මේ බව පැවසීය.
එම ගැටළුව පිළිබඳ චීනයේ ස්ථාවරය වෙනස් නොවන බව ඔහු එහිදී කියාසිටියේය. එනම්, අදාළ රටවල ස්වෛරීත්වය හා භෞමික අඛණ්ඩතාවට ගරු කළ යුතුය. එමෙන්ම එක්සත් ජාතීන්ගේ ප්‍රඥප්තියේ මූලධර්ම අනුගමනය කරමින් අදාළ රටවල නීත්‍යානුකූල ආරක්ෂාව පිළිබඳ වැඩි සැලකිල්ලක් දැක්විය යුතු අතර සියලු අවස්ථාවල සාමයෙන් ගැටළු විසඳීමේ උත්සාහයන්ට සහාය දිය යුතුය.
සටන් වෙනුවට දේශපාලන ක්‍රමයෙන් පොදු එකඟතාවකට පැමිණ සාම සාකච්ඡාවක් කඩිනමින් ආරම්භ කරන ලෙස චීනය මෙම ගැටළුවට සම්බන්ධ පාර්ශ්වයන්ගෙන් ඉල්ලා සිටියි. පවතින තත්ත්වය ලිහිල් කිරීම සහ දේශපාලන විසඳුමක් ක්‍රියාත්මක කිරීම සඳහා රාජ්‍යතාන්ත්‍රික මැදිහත්වීම් වැඩි කරන ලෙස චීනය ජාත්‍යන්තර ප්‍රජාවෙන් ඉල්ලා සිටින බව ද Geng Shuang මහතා කියාසිටියේය.
රුසියානු ජනාධිපතිවරණය සඳහා ඡන්දය ප්‍රකාශ කිරීම අද(15) උදෑසන 8ට නිල වශයෙන් ඇරඹිණ. 17වැනි දා එය නිමාවට පත් වීමට නියමිතයි.
රුසියානු මධ්‍යම මැතිවරණ කොමිසමේ දත්ත අනුව, මෙවර ජනාධිපතිවරණය සඳහා ලියා පදිංචි කර ඇති ඡන්ද දායකයිගේ සංඛ්‍යාව එකොලොස්කෝටි විසිලක්ෂයකි. රට පුරා ස්ථාපිත කර ඇති ඡන්ද කොට්ඨාස සංඛ්‍යාව අනූහතරදහසකට අධික ය. වෙනත් රටවල් හා කලාපවල ද ඡන්ද කොට්ඨාස 295ක් ද පිහිටුවා තිබේ. පොදු රාජ්‍ය මණ්ඩලයේ ස්වාධීන රාජ්‍යයන්, ශංහැයි සහයෝගිතා සංවිධානය, සාමූහික ආරක්ෂක ගිවිසුම් සංවිධානය ඇතුළු සංවිධානවල නිලධාරීහු ජනාධිපතිවරණ අධීක්ෂණ කටයුතු සිදු කරති. රුසියානු හා සෙසු රටවල මාධ්‍යවේදීන් 1400කට වැඩි පිරිසක් වාර්තාකරණය සඳහා එක් ව සිටිති.
මෙම ජනාධිපතිවරණය සඳහා අපේක්ෂකයෝ සිව්දෙනෙක් ඉදිරිපත්ව සිටිති. වත්මන් ජනාධිපති ව්ලැඩ්මීර් පුටින්, රුසියානු ලිබරල් ඩිමොක්‍රටික් පක්ෂයේ Leonid Slutsky, රුසියානු කොමියුනිස්ට් පක්ෂයේ Nikolaĭ Kharitonov සහ නව ජනතා පක්ෂයේ Vladislav Davankov යනු එම සිව්දෙනා යි.
චීන-ලාඕස දුම්රිය, ආරම්භයේ සිට පසුගිය 12 වැනිදා වන විට මගීන් ලක්ෂ 302 කට අධික පිරිසක් ප්‍රවාහනය කර ඇතැයි වාර්තා වේ. රැගෙන ගොස් ඇති භාණ්ඩ ප්‍රමාණය ටොන් ලක්ෂ 342.4 කි. ඒ අතරින් දේශසීමාව ඉක්මවා ප්‍රවාහනය කර ඇති භාණ්ඩ ප්‍රමාණය ටොන් මිලියන 7.8 කට අධික ය. ජාත්‍යන්තර වශයෙන් වටිනා සේවාවක කාර්යභාරය මෙහිදී සහතික කර තිබීම කැපීපෙනේ.
මේ පිළිබඳ වාර්තාවලට අනුව, චීන-ලාඕස දුම්රිය මාර්ගයේ චීන කොටසේ දෛනික සාමාන්‍ය මගී දුම්රිය සංඛ්‍යාව, එය ආරම්භයේ පැවති 35 ක අගයේ සිට මේ වනවිට 51 ක් දක්වා වැඩි වී තිබේ. දෛනික මගීන් සංඛ්‍යාව 20,000 සිට 103,000 ක උපරිමයක් දක්වා වැඩි වී තිබීම ද විශේෂත්වයකි.
එසේම චීන-ලාඕස දුම්රිය මාර්ගය ආරම්භයේ දී දිනකට දේශසීමාව ඉක්මවන භාණ්ඩ ප්‍රවාහන දුම්රිය ක්‍රියාත්මක වූයේ දෙකක් පමණකි. මේ වනවිට එය 20 ක උපරිමයක් දක්වා දක්වා වර්ධනය වී ඇත.
එසේම, මේ වසරේ ජනවාරි පළමුවැනිදා සිට මාර්තු 12 වැනිදා දක්වා කාලය තුළ, මෙමගින් දේශසීමාවෙන් එපිටට ප්‍රවාහනය කෙරුණු භාණ්ඩ පරිමාව ටොන් ලක්ෂ 10.6 ක් වූ අතර, එය පසුගිය වසරේ අදාළ කාලසීමාවට සාපේක්ෂව 33.9% ක වැඩිවීමකි
මානව සංවර්ධන දර්ශකය අනුව චීනය ලෝකයේ 75 වන ස්ථානය දක්වා ඉහළට පැමිණීමට ප්‍රධාන හේතුවක් වනුයේ චීන කොමියුනිස්ට් පක්ෂය නවීකරණ සංවර්ධනය කිරීමේදී ජනතාව කේන්ද්‍රීය ස්ථානයක තබමින් කටයුතු කිරීම බව චීනය පවසයි.
චීන විදේශ අමාත්‍යංශයේ ප්‍රකාශක වං වෙන්බින් මහතා අද(15) පැවති මාධ්‍ය හමුවේදී මේ බව ප්‍රකාශ කළේය. එක්සත් ජාතීන්ගේ සංවර්ධන වැඩසටහන ඊයේ(14) නිකුත් කළ නවතම “මානව සංවර්ධන වාර්තාවට ”අනුව, 2022 වසරේ චීනයේ මානව සංවර්ධන දර්ශකය 0.778ක් දක්වා ඉහළ ගොස් ඇත. මේ අනුව 2021 වසරේ ලොව 79 වන ස්ථානයේ සිට 2022 වසරේ 75 වන ස්ථානය දක්වා ඉහළට පැමිණ තිබේ. මේ සම්බන්ධයෙන් මාධ්‍යවේදියෙකු නැඟූ ප්‍රශ්නයකට පිළිතුරු දෙමින් වං වෙන්බින් මහතා සිය අදහස් පළ කර ඇත.
අදාළ දර්ශකය ගණනය කිරීමේ දී පළමු අවස්ථාවේ සිට මේ දක්වා, ලෝකයේ මානව සංවර්ධනය අඩු මට්ටමේ සිට උසස් මට්ටම දක්වා ඉහළට පැමිණි එකම රට ලෙස චීනය හැඳින්වේ. මානව සංවර්ධන දර්ශකය චීනය අඛණ්ඩව ඉහළ නංවා ගැනීමේ හේතු වන්නේ චීන කොමියුනිස්ට් පක්ෂය ජනතාව කේන්ද්‍රීය කරගත් සංවර්ධන සංකල්පය ක්‍රියාත්මක කරමින් සමස්ත ජනතාව නවීකරණයේ දී ද කේන්ද්‍රීය ස්ථානයක තැබීම බව හෙතෙම වැඩිදුරටත් ප්‍රකාශ කර ඇත.
