අපේ නිජභූමිය තුලින් විහාරය ඉවත් කරගනු! ජනපති නිහඬ වු හේතුව මෙන්න!

යාපනය, ඓතිහාසික තිස්ස විහාරය එම ස්ථානයෙන් ඉවත් කරන ලෙස බල කරමින් දෙමළ ජාතික ජනතා පෙරමුණේ (TNPF) නායක ගජේන්ද්‍රකුමාර් පොන්නම්බලම් ඇතුළු පුද්ගලයින් සහ සංවිධාන 27 කට අධික ප්‍රමාණයක පිරිසක් පොසොන් පොහෝය දා විරෝධතාවයක නියැලුනා.තිස්ස විහාරයේ පොසොන් පොහොය දින ආගමික වතාවත් සඳහා සහභාගී වීම සඳහා සිංහල බැතිමතුන් දහස් ගණනක් අද අඟහරුවාදා යාපනයට ගෙන ඒමට නියමිතව සිටි අතර එම ජනතාව පැමිණීම අවහිරකරමින් ඔහුන් සිය විරෝධතා දියත් කර තිබු බවයි උතුරේ අප විශේෂ වාර්තාකරු සදහන් කළේ.  දකුණේ සිට බස් රථවලින් සැලකිය යුතු සිංහල ජනතාවක් පන්සලට පැමිණ සිටි බවද වාර්තා වේ.සඳුදා සවස ආරම්භ වූ විරෝධතා, පන්සල ඉවත් කරන ලෙසත්, ඉඩම සහ අවට ඉඩම් ඔවුන්ගේ නියම හිමිකරුවන්ට ආපසු ලබා දෙන ලෙසත් ඉල්ලා සිටින ඉඩම් හිමියන් සහ ප්‍රාදේශීය නියෝජිතයින් එක්රැස් කර ඇත.

උතුරේ දමිළ පක්ෂ නායකයින් සෑම පොහොය දිනකම මෙසේ විහාරස්ථානය ඉවත් කරන තුරුම විහාරය ඉදිරිපිට විරෝධතාවයේ නිරත වන බව සදහන් කර තිබේන අතර ” උතුරේ තම නිජභූමිය තුලින් මෙම විහාරය ඉවත් කරගනු” යනුවෙන් විරෝධය දක්වා තිබේ.

මේ අතර දෙමළ ජාතික ජනතා පෙරමුණේ (TNPF) නායක ගජේන්ද්‍රකුමාර් පොන්නම්බලම් ඇතුළු පුද්ගලයින් සහ සංවිධාන 27 දෙනෙකුට එරෙහිව යාපනයේ  ශ්‍රී ලංකා පොලිසිය විසින් වාරණ නියෝගයක් නිකුත් කර ඇති නමුත් එම නියෝග නොතකා ඔවුන් පෞද්ගලිකව අයත් දෙමළ ඉඩමක බෞද්ධ විහාරය නීති විරෝධී ලෙස ඉදිකිරීමට එරෙහිව දෙමළ විරෝධතා දිගටම පැවතුනි.ශ්‍රී ලංකා පොලිසිය ජල ප්‍රහාරක රථයක් සහ කැරලි මර්දන ඒකක ද ප්‍රදේශයේ ස්ථානගත කර තිබේ.

විරෝධතාවයේ දී අදහස් දක්වමින් TNPF හි ප්‍රධාන ලේකම් සහ හිටපු පාර්ලිමේන්තු මන්ත්‍රී සෙල්වරාජා කජේන්ද්‍රන් සදහන් කළේ දෙමළ ජනතාවට නීතිය කෙරෙහි විශ්වාසයක් තැබීමට නම් නීති විරෝධී ගොඩනැගිල්ල ඉවත් කළ යුතු බවයි.

“අනුර කුමාර දිසානායක රජය කෙරෙහි දෙමළ ජනතාවට විශ්වාසයක් අපට නෑ … අපගේ අයිතිවාසිකම් වෙනුවෙන් සටන් කළ යුතු බව ජනතාව පැහැදිලිය. මෙහි හැඟීම්බර වීමට ඉඩක් නැත.” යනුවෙන්ද අවධාරණය කර සිටියා.

“දෙමළ ජනතාව සහ සිංහල ජනතාව අතර විරසකයක් ඇති කිරීම සඳහා  මෙම නීති විරෝධී කෝවිල ඉදිකර ඇත. දෙමළ ජනතාවට නීතිය කෙරෙහි විශ්වාසයක් ඇති කර ගැනීමට නම්, එම නීති විරෝධී ගොඩනැගිල්ල ඉවත් කළ යුතුය.”යැයි TNPF හි ප්‍රධාන ලේකම් සහ හිටපු පාර්ලිමේන්තු මන්ත්‍රී සෙල්වරාජා කජේන්ද්‍රන් සදහන් කර සිටියා.

ජනාධිපතිවරයා සහභාගී වූ යාපනය දිස්ත්‍රික් සම්බන්ධීකරණ කමිටු රැස්වීමේදී ජනාධිපතිවරයාට තිස්ස විහාරය ගැටලුවට ප්‍රතිචාර දැක්වීමට නොහැකි වු බවත් ඊට හේතු වුයේ එය නීති විරෝධී බව ජනාධිපතිවරයා දන්නා බැවින් යැයිද TNPF හි ප්‍රධාන ලේකම් සහ හිටපු පාර්ලිමේන්තු මන්ත්‍රී සෙල්වරාජා කජේන්ද්‍රන් වැඩි දුරටත් සදහන් කර සිටියා.