ස්විස් රාජ්‍යතාන්ත්‍රිකයෙකු සහ ගෝඨා අතර සාකච්ඡාවක්! පැහැර ගැනිම ගැන වරද පිලිගනී… කාන්තාවට එරෙහිව නීති කටයුතු නතරකරයි… මෛත්‍රීගේ දප්පුලට කුලප්පුව හැදෙයි….

Published on: Dec 16, 2019- පසුගිය 25 වැනිදා ගෝඨාභයගේ සුදුවෑන් කල්ලිය විසින් පැහැරගනු ලැබු ස්විට්සර්ලන්ත තානාපති කාර්‍යාලයේ වීසා අංශයේ සේවිකාව වන ගානියා සිල්වෙස්ටර් ෆ්‍රැන්සිස් සම්බන්ධයෙන් ජනාධිපති ගෝඨාභය රාජපක්ෂ සහ ස්විට්සර්ලන්ත රජයේ ඉහලම රාජ්‍යතාන්ත්‍රිකයෙකු අතර සාකච්ඡාවක් අද පැවැත්වුනා.ඒ අනුව අදාළ පැහැර ගැනිමට ලක්වු කාන්තාව සම්බන්ධයෙන් නීතිමය ක්‍රියාමාර්ගයක් නොගැනිමට ජනාධිපතිවරයා එකඟතාව දක්වා ඇති අතර ඇයට රටින් පිටව යැමට අවශ්‍ය නීතිමය බාධාව ඉවත් කිරිමටද එකඟතාව පලකර තිබේ.ඒ සදහා සිද්ධිය සම්බන්ධයෙන් ස්විට්සර්ලන්ත තානාපති කාර්යාලය සහ රජය මැදිහත් විම අත්හැරිය යුතු බවට ගෝඨාභය ජනාධිපතිවරයා ඉල්ලිමක් කර තිබේ.

මාධ්‍යවේදි කීත් නොයාර් පැහැර ගැනීම, ලසන්ත වික්‍රමතුංග ඝාතනය වැනි මතභේදාත්මක විමර්ශන රැසක මූලිකත්වය ගෙන කටයුතු කළ අපරාධ පරීක්ෂණ දොපර්තමේන්තුවේ සමූහ මංකොල්ල විමර්ශන අංශයේ ස්ථානාධිපති පොලිස් පරීක්ෂක නිශාන්ත සිල්වා ස්විට්සර්ලන්තට යැමට වීසා ලබාදීමට කටයුතු කිරිම සම්බන්ධයෙන් තොරතුරු දැන ගැනිම සදහා ශ්‍රි ලංකාවේ ස්විට්සර්ලන්ත තානාපති කාර්‍යාලයේ වීසා අංශයේ සේවිකාවක් ගෝඨාභය රාජපක්ෂගේ සුදු වෑන් කල්ලිය විසින් පැහැරගෙන ගොස් පැය 3කට ආසන්න කාලයක් ඇය වෑන් රථය තුලදිම ප්‍රශ්ණ කිරිමට ලක්ව ඇති අතර එම කාලය තුල වෑන් රථය නොනවත්වාම ගමන් කර තිබේ.ඇයගේ ජංගම දුරකතනද ඔහු විසින් ලබාගෙන ඇති අතර එහි දත්ත පිටපත් කිරිමක් ද සිදුකර තිබුනා.

පසුව ඇය අසත්‍ය පතුරුවන බවට රාජපක්ෂ ජඩ මාධ්‍ය කල්ලිය දිගින් දිගටම අසත්‍ය ප්‍රචාර රැගෙන ගිය අතර පසුව පැහැරගනු ලැබු ස්විට්සර්ලන්ත තානාපති කාර්‍යාලයේ වීසා අංශයේ සේවිකාව වන ගානියා සිල්වෙස්ටර් ෆ්‍රැන්සිස් ලබාදුන් සාක්ෂි හේතුවෙන් ආණ්ඩුව බරපතල අවුලකට මුහුණ දි සිටියා. පසුව ජනාධිපතිවරයා ව්සින් ස්විස්ටර්ලන්ත රජයට කල ඉල්ලිමකට අනුව අද රජයේ ඉහලම පෙළේ නියෝජිතයෙකු මෙම හමුවට සහභාගි වි ඇත්තේ. ඒ අනුව අදාළ කාන්තාව පැහැර ගැනිම ගෝඨාභය රාජපක්ෂ සහ ආරක්ෂක ලේකම් කම්ල් ගුණරතන විසින් සිදුකල බව දැන් මනාව තහවුරු වි අවසන්.

දප්පුලගේ කුලප්පුව…..

මේ අතර බරපතල තර්ජනයකට සහ ලිංගික හිංසනයකට ලක් වූ ශ්‍රී ලංකාවේ ස්විට්සර්ලන්ත තානාපති කාර්යාල නිලධාරිනිය සහ තානාපති කාර්යාලය ශ්‍රි ලංකාවේ කිර්තීනාමයට අපහසයක් කල බවට පවසමින් පැහැර ගැනිමට ලක්වු කාන්තාවට එරෙහිව නඩු පැවරිමට නීතිපති දප්පුල ද ලිවේරා නීයෝග කර තිබේන බව වාර්තා වේ.පැහැර ගැනිමේ සිද්ධිය සම්බන්ධයෙන් පලමු පියවරේ පරික්ෂණයන්ද මේ දක්වා අවසන් වි නොමැති අතර රාජපක්ෂවාදී විවිධ මඩ වෙබ් අඩවි මෙන්ම හිරු දෙරණ නෙත් ඇතුළු විද්‍යුත් නාලිකා කිහිපයක් ද එක්ව රහස් පොලිසියට කළ ප්‍රකාශ යැයි අමූලික අසත්‍ය කතා ප්‍රචාරය පාදක කර ගනිමින් මෙම නඩු පැවරිම සිදුකිරිමට කටයුතු කරමින් සිටි.

පාස්කු දින ත්‍රස්ත ප්‍රහාරයට සම්බන්ධ බවට චොදනා කරමින් මෛත්‍රීපාල සිරිසේන හිටපු ජනාධිපතිවරයා ගලවා ගැනිම සදහා අනිවාර්ය නිවාඩු යවා සිටින පොලිස්පති පූජිත් ජයසුන්දර වරදකරු කිරිම සදහා බුද්ධි අංශ ප්‍රධානී නිලන්ත ජයවර්ධන සමඟ හවුල් වී බොරු නඩුවක් ගොනු කිරිමට කටයුතු කල අතර අනිවාර්ය නිවාඩු යවා සිටින පොලිස්පති පූජිත් ජයසුන්දර පාස්කු දින ත්‍රස්ත ප්‍රහාරය සම්බන්ධයෙන් ගොනුකර ඇති මූලික අයිතිවාසිකම් පෙත්සමේන්ද මෙම චොදනාව සනාථ කර තිබේ.

දිගින් දිගටම ගෝඨාභය ඇතුලු රාජපක්ෂලා ආරක්ෂා කර ගැනිමට මෛත්‍රීපාල සිරිසේනගේ උපදෙස් මත කටයුතු කල නීතිපති ලීවේරා සිරිසේන ජනාධිපතිවරයාගේ සුවච කීකරු ගෝලයෙකු බව අවස්ථා ගණනාවකදි තහවුරු කල අයෙකුද වනවා. මේ වනවිට රාජපක්ෂලාගේ හොදහිත දිනා ගැනිමේ මෙහෙයුමක නිරත ලීවේරා මේ උත්සහ කරන්නේ ගෝඨාවද ගොනාට අන්දවන්‍ ය.

ඒ අනුව අසත්‍ය තොරතුරු ඉදිරිපත් කිරීම, රජය අපහසුතාවට පත්කිරීම යන චෝදනා මත අත්අඩංගුවට ගත් ස්විස් තානාපති කාර්යාල නිලධාරිනී ගානියා බැනිස්ටර් ෆ්‍රැන්සිස් යන අය ලබන 30 දක්වා රක්ෂිත බන්ධනාගාර ගතකිරීමට කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය අද(16) නියෝග කර තිබේ.

http://lankanewsnetwork.org/archives/21692

http://lankanewsnetwork.org/archives/21736

http://lankanewsnetwork.org/archives/21755

http://lankanewsnetwork.org/archives/21940