Published on: Jun 11, 2020 – ලංකා ස්වයං රැකියා වෘත්තිකයින්ගේ ජාතික ත්‍රීරෝද රථ සංගමයේ සභාපති සුනිල් ජයවර්ධන ඝාතනය සංවිධානාත්මක ඝාතන කුමන්ත්‍රණයක් බව මේ වනවිට හෙලිවන කරුණු අනුව අනාවරණය වන බව අප දේශපාලන වාර්තාකරු සදහන් කලා.මිරිහාන ප්‍රදේශයේ දී සිදු වූ පහර දීමකින් සුනිල් ජයවර්ධන ඝාතනයට ලක්වු අතර මිය යන විට ඔහු 53 වැනි වියේ පසුවුණා.ත්‍රීරෝද රථ රියැදුරු ගැටලු සම්බන්ධයෙන් මෙන්ම සිවිල් ක්‍රියාකාරියෙකු ලෙසද ප්‍රසිද්ධ සුනිල් ත්‍රී රෝද රථ් රියදුරන් කොරෝනා සමයේ මුහුණ දුන් ගැටලු සම්බන්ධයෙන් සaජුවම පෙනී සිටි අයෙකුද වනවා.
කොරෝනා වෛරස පැතිරයාම සදහා කටයුතු කල බවට චොදනා නගමින් චීන රජයට එරෙහිව ජාත්‍යන්තරයේ නඩුවක් පැවරිම සදහා සුනිල් ජයවර්ධන ප්‍රමුඛ කණ්ඩායමක් කටයුතු කරමින් සිටි අතර එ සම්බන්ධයෙන් මිට දින දෙකකට පෙර ජනාධිපති ගෝඨාභය රාජපක්ෂ මහතාද හමුවි අදහස් ප්‍රකාශ කර තිබේ.
ඒ අතරතුර පෙරේදා (09) ත්‍රීරෝද රථ රියැදුරෙකුට අයත් ත්‍රීරෝද රථයක් වාරික නොගෙවා ඇතැයි කියන සිද්ධියකට ලීසිං සමාගමක් විසින් රැගෙන ගොස් තිබෙන අතර අදාල chamil investment (PVT)LTD හදුන්වන මුල්‍ය ආයතනය ලියාපදිංචි එකක් ද නොවන අතර ඒ සම්බන්ධයෙන් සාකච්ඡා කිරිම සදහා සුනිල් ජයවර්ධන සහ තවත් අයෙකු අදාළ ලීසිං සමාගමේ කාර්යාලය වෙත ඊයේ(10) පස්වරුවේ ගොස් තිබේ. එහි දී කිසියම් බහින් බස්විමක් සිදුව ඇති අතර එම බහින්බස් විම අතරතුර පුද්ගලයෙකු සුනිල් ජයවර්ධන ඉලක්ක කර හිසට පොලු පහරක් එල්ල කර තිබේ. අදාළ පොලුපහර එල්ල කල තැනැත්තා ආයතනයේ සේවකයෙකුද යන්න මේ දක්වා හදුනාගෙන නොමැති අතර ඔහු ආරක්ෂක අංශයකට අයත් අයෙකු බව බැලු බැල්මටම පෙනී යන බවද අප දේශපාලන වාර්තාකරු අනාවරණය කලා. බහින්බස් විම අතරතුර කල පහරදිමෙන් සුනිල් මහතා බිම ඇද වැටුන පසු අදාල ඝාතකයා පොල්ලෙන් හිසට දරුණු ලෙස පහරදි ඇති අතර එම ස්ථානයේ සිටි කිසිවෙකුත් එය නතර කිරිමටද උත්සහ දරා නෑ.
සිද්ධිය සිදුවන අවස්ථාවේ හොරට පවත්වාගෙන යන Chamil investment (PVT)LTD හිමිකරු එම ස්ථානයේ සිටියද ඔහු මේ දක්වා අත් අඩංගුවට ගෙන නෑ.
පහරකෑමෙන් බරපතල තුවාල ලැබූ ලංකා ස්වයං රැකියා වෘත්තිකයින්ගේ ජාතික ත්‍රිරෝද රථ සංගමයේ සභාපතිවරයා කලුබෝවිල රෝහලේ හදිසි අනතුරු ඒකකයේ ප්‍රතිකාර සඳහා ඇතුලු කර සිටියදී මිය ගොස් ඇතැයි පොලීසිය කියයි.පොලිසිය පැවසුවේ සිද්ධිය සම්බන්ධයෙන් 08 දෙනෙකු සැකපිට අත්අඩංගුවට ගෙන ඇති බවයි.
ලීසිං මාෆියාව විසින් මරා දැමූ සුනිල් ජයවර්ධන තමන් මරා දැමීමට පෙර ජනාධිපතිට දුන් පණිවිඩය.
