Published on: Feb 10, 2020- පෙබරවාරි 24 වැනිදා මධ්‍යම රාත්‍රීයේ පාර්ලිමේන්තුව විසුරුවාලීමට ජනාධිපති ගෝඨාභය රාජපක්ෂ මහතා තින්දුවක් ගෙන ඇති බව අප දේශපාලන වාර්තාකරු සදහන් කළා.රනිල් – ගෝඨා අතර පැවැති සාකච්ඡාවකින් අනතුරුව එම තින්දුව ගෙන ඇති අතර පවතින තත්ත්වය හමුවේ දෙදෙනාටම ඉක්මන් මැතිවරණයක් කැදවා ගැනිමේ අවශ්‍යතාව තිබේන බවයි අප දේශපාලන වාර්තාකරු සදහන් කළේ.
2015 පාර්ලිමේන්තු මැතිවරණය නියමිත කාලයට මාස දහයකට පෙර 2015 අගෝස්තු මස 17 වන දින පැවැත්වු අතර ඒ අනුව 19 වන ව්‍යවස්ථා සංශෝධනයට අනුව වත්මන් ජනාධිපතිවරයාට 2020 පෙබරවාරි 17 වැනිදා මධ්‍යම රාත්‍රීයේ පාර්ලිමේන්තුව විසුරුවාලීමට අවස්ථාව හිමි වනවා.
රනිල්ගේ කුමන්ත්‍රණය ……..
එක්සත් ජාතික පක්ෂ නායකත්වය තවදුරටත් තමන් සතුව තබා ගැනිම සදහා රනිල් වික්‍රමසිංහ ගෙන ගිය අනවරථ මෙහෙයුමේ අවසන් අදියර මේ වනවිට දියත්ව තිබේන අතර ඒ අනුව සජිත්ගේ ප්‍රධානත්වයෙන් නිර්මාණය වෙමින් තිබේන සන්ධානය අර්බුදයට ලක්කර ඉදිරි දින කිහිපය තුල එය වර්ධනය කර පසුව 2015 දි මෙන්ම අවසන් මොහොතේ එක්සත් ජාතික පක්ෂයෙන් මැතිවරණයට තරග කිරිම රනිල්ගේ උපාය වි තිබේ.ඒ සදහා ඉක්මන් මැතිවරණයක් කැදවා ගැනිම මොනතරම් අවශ්‍යද යන්න දේශපාලන දන්නා රනිට කියාදිය යුතු නැත.
මේ වනවිට සජිත්ගේ සන්ධානයේ මහා ලේකම්වරයා ලෙස මද්දුමබන්ධාර පත්කිරිම සම්බන්ධයෙන් ආරම්භ වි තිබෙන අර්බුදය දිගින් දිගටම ඇදගෙන යැමට රනිල් කටයුතු කරනු ඇති අතර ඒ සදහා කෘත්යාධිකාරි මණ්ඩලය රනිල්ට සහය දෙනු ඇති අතර අවසානයේ පාර්ලිමේන්තුව විසුරුවාලිමට කටයුතු කිරිමත් සමග රනිල් යලිත් පක්ෂය සියතට ගැනිමට කටයුතු කරනු ඇත.
ඒ සදහා අද දිනයේ පැවැත්වෙන කෘත්යාධිකාරි මණ්ඩල රැස්විමේදි සන්ධාන මහා ලේකම් තනතුර සදහා තවත් නම් යොජනා වි ඇති බැවින් අවසන් තින්දුව කෘත්යාධිකාරි මණ්ඩල විසින් ගතයුතු බවත් ඊට අමතරව නාමයෝජනා ලබාදීම සදහා අවශ්‍ය බලතලද මණ්ඩලය තුල සාකච්ඡා කලයුතු බව දැනුම් දෙනු ඇති අතර මේ තත්ත්වය මැතිවරණයට නාමයෝජනා ලබාදෙන තුරුම ඇදගෙන යෑම් රනිල්ගේ කුමන්ත්‍රණය වේ.
පාර්ලිමේන්තුව විසුරුවාලිමට කටයුතු කිරිමත් සමග දින 21ක් පමණ කාලය තුල නාමයෝජන ලබාදිමය කටයුතු කලයුතු අතර එම කාලය තුල සන්ධානය ගොඩනැගිමට නොහැකි වනු ඇත. ඉක්මන් මැතිවරණයක දැඩි අවශ්‍යතාව රනිල්ට ඇත්තේ ඒ නිසාය.
ගෝඨා වැට උඩ…..
රනිල්ට්‍ය පසු හදිසී මැතිවරණයක අවශ්‍යතාව ඇති අනෙකා ගෝඨාභය රාජපක්ෂය.එක් අතකින් 2/3ක බලය ලබ ගැනිමක් ලෙස එය පෙනුනද මේ වනවිට එවන් තත්ත්වයක් නොමැති බව ගෝඨාභය හදුනගෙන අවසන් ය.අනික 2/3ක් ගත්තාය කියා කරන්නට පුලුවන් දෙයක් නැති බවද් ගෝඨා දනී.
මේ වනවිට වත්මන් ආණ්ඩුවට මහ මැතිවරණයකදි 113ද ලබා ගත හැක්කේ යන්තම් සන්තම් එකතු කිරිම වලින් බව රාජපක්ෂ පවුලේ ආචාර්‍යවරයාගේ අදහසයි.සමස්ථ රාජපක්ෂ කදවුරේම ගණන් හැදිමද ඊටම ආසන්න උත්තරයක් තිබේ.
රනිල්ගේ නායකත්වයෙන්,අකිලගේ මහා ලේකම් ධුරයේන් එක්සත් ජාතික පක්ෂය බලයට ඒම සහ ගෝඨාභයගේ 2/3 අතර ඇත්තේ අගල් දෙක තුනක දුරකි.එය මේ දක්වා ගෝඨා සහ රනිල් අතර සිදුන සාකච්ඡා වලින් තහවුරු වන අතර මහින්ද,බැසිල් නායකත්වයෙන් 2/3ක් ගන්නවාට වඩා රනිල් සමග දීග කැම ඇගට ගුණ බව ගෝඨාභය හොදින්ම දනී.
තමන්ට හිතවත්,ටයි,කොට් අදින ආචාර්‍ය,මහාචාර්ය කැලි ඉස්සරහට ඇති ඩිප්ලෝමැටික් දන්නා පිරිසක් පමණක් තමන් ලග සිටිම ගෝඨාභයට ප්‍රමාණවත්ය.ඒ යට ඇති ප්‍රබලම බාධාව බැසිල් ය. මන්ද 70ක් අලුතෙන් උගතුන්,වියතුන් පාර්ලිමේන්තුවට යැවිමට සිටි ගෝඨාභයට බැසිල් පැමිණිමෙන් පසුව එම සංඛ්‍යා අවස්ථා 3කදි 30,25 සිට අද වනවිට 10 දක්වා පහලට වැටිමයි.
අලී මදිවට කොටි…
මේ අතර මේ දිනවල දැඩි ප්‍රහරයට ලක්වන හිටපු ජනාධිපති මෛත්‍රීපාල සිරිසේනගේ ශ්‍රි ලංකා නිදහස් පක්ෂය(SLFP) සහ පාරට වැටුන වියත්මග,එලිය සහ යුතුකම යන සංවිධාන මෙන්ම මෛත්‍රී ගුණරතනගේ එක්සත් ජාතික නිදහස් පෙරමුණ, දිගම්බරන්ගේ කදුරට ජනතා පක්ෂය,ඇතුලු සේසු පක්ෂ එක්ව දැවැන්ත පෙරමුණක් මේ වනවිට රහසේ නිර්මාණය වෙමින් තිබේන අතර එහි ප්‍රධාන පාර්ශවය ලෙස ශ්‍රි ලංකා නිදහස් පක්ෂය පෙරමුණ ගෙන සිටින අතර ගෝඨාභයගේඅ ආශිර්වාදයද එයට හිමිව තිබේ.
ආණ්ඩුකාරවරුන් 5ක් නව සන්ධානයෙන් තරගයට…
ඒ අනුව ආණ්ඩුකාරවරුන් පස් දෙනෙකු මහ මැතිවරණයට තරගවදින අතර ඔහුන් එම පළාතේ පක්ෂයේ නායකත්වය ගෙන කටයුතු කිරිමටද සුදානමින් සිටි. ඒ අනුව මෛත්‍රී ගුණරත්න ගාල්ල දිස්ත්‍රික්කය නියෝජනය කරනු ඇති අතර සුරේන් රාඝවන් යාපනය දිස්ත්‍රික්කයෙන්,කිර්ති තෙන්නකෝන් බදුල්ලෙන්,ධම්ම දිසානායක රත්නපුරෙන් මෙන්ම අසාද් සාලිය කොළඹ දිස්ත්‍රික්කයෙන්ද සටනට කැදවා තිබේ.මීට අමතරව පොලොන්නරුව නියෝජනය කරමින් මෛත්‍රීපාල සිරිසේන මෙන්ම දයාසිරි ජයසේකර කුරුණෑගලද නියෝජනය කරන ප්‍රබල චරිත වේ.
මීට දින 3කට පෙර මෙම නව සන්ධානයේ කණ්ඩායම් අතර සාකච්ඡාවක් පැවැති අතර එහිදි දයාසිරි අවධාරණය කර සිටියේ ශ්‍රි ලංකා නිදහස් පක්ෂයේ බෙල්ල කඩා තමන් ලග තබ ගැනිමට බැසිල් රාජපක්ෂ මේ වනවිට කටයුතු කරමින් සිටින බවත් ඊට එරෙහිව නව සන්ධානයට නායකත්වය දෙමින් අලුත් ගමනක් යැමට තම පක්ෂය තින්දු කර ඇති බවයි.
ඊට අමතරව නව සන්ධානය නියෝජනය කරන ව්‍යාජ්‍ය දේශප්‍රේමීහු මෙන්ම වියතුන් ලෙස පෙනී සිටින වියත්මග,එලිය සහ යුතුකම නව සන්ධානයේ විවිධ පාර්ශවයන් පිලිබදව සිය අප්‍රසාදය පලකර ඇති බවත් එය ඉදිරි සාකච්ඡාවලදි විසදා ගැනිමට හැකි වනු ඇති බව නව සන්ධානයේ ප්‍රබලයෙකු අප දේශපාලන වාර්තාකරු සමග සදහන් කර තිබේ.
අතන…මෙතන…රතන …අද කොතනද?
නව සන්ධානයේ හීන් නූල් කාරයා බවට පත්ව ඇත්තේ අතුරුලියේ රතන හිමියන් ය.පාර්ලිමේන්තුවේ ස්වාධීන යැයි පෙන්විමෙන් පටන්ගෙන දළදා මාලිගාව ඉදිරිපිට විරෝධතාව දක්වා ගමන් කල රතන හිමියන් මේම නව සන්ධානයේ පහසුකම් සපයන්න ලෙසද කටයුතු කරමින් සිටින අතර සිරි සදහම් ආශ්‍රමය මේ දිනවල නව සන්ධානයේ සාකච්ඡා සිදුකෙරෙන ප්‍රධාන ස්ථාන බවට පත්ව තිබේ.
කතාව අවසන් නැත…..
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
