By Admin 
“දෙමළ ජනතාවට එරෙහිව සිංහල ජාතිවාදි රජය මුදාහරින ප්‍රචණ්ඩත්වය වැළැක්වීමට අවශ්‍ය නම්, අපගේ ඊළාම් මාතෘ භූමිය පිළිගතහොත් පමණක්, එය ප්‍රායෝගිකව සාර්ථක වනු ඇත” යනුවෙන් යන එන මං නැතිව සිට යහපාලන පිංපියන්ට පිංසිදුවන්නට පණගසා ආඅ කොටි ත්‍රස්තවාදී සංවිධානය නියෝජනය කරන දෙමළ ජාතික ජනතා පෙරමුණේ යාපනය දිස්ත්‍රික් අපේක්‍ෂක නීතීඥ වී.මනිවන්නන් ප්‍රකාශ කර තිබේ.
යාපනය කලමනාකරණ මධ්‍යස්ථානයේ ප්‍රධානත්වයෙන් පැවැති ‘මැතිවරණ ප්‍රශ්ණ වේලාව’ යන වැඩසටහනේදී, තම පක්‍ෂයේ ස්ථාවරය පිළිබඳව අදහස් දැක්වූ අවස්ථාවේදී ඔහු සදහන් කර ඇත්තේ
“මෙම මාතෘ භූමියේ ප්‍රදේශයන් 02 ක් ඇත. එම ප්‍රදේශයන් 02 ක එක්කර, එක් රටක් ලෙස අපගේ රට වෙනස් කල යුතුය. එය අපගේ පක්‍ෂය ඒකමතික ස්ථාවරය, තිම්පු සම්මුතිය මූලික කරගෙන, අප එය ඉදරිපත් කරන්නෙමු… යනුවෙනි
ෆෙඩරල් පාලන විසඳුම, කොටස් දෙකකට බෙදිය හැකිය. ප්‍රදේශයන් දෙකක් එක්කිරීම සහ බලය බෙදාහැරීමට අප විරුද්ධවීමට හේතුව, මේ ආකාරයෙන් බෙදාහරින බලය මධ්‍යම රජයට ඕනෑම අවස්ථාවක නැවත ලබාගැනීමට හැකි අවස්ථාවක් ඇත. මහින්ද රාජපක්‍ෂ වැනි ඒකාධිපති පාලකයෙකු අනාගතයේදී පාලන බලයට පත්වුවහොත්, මෙම බලතල සියල්ල නැවත ලබාගනු ඇත… යනුවෙන් ඔහු ඔහුගේ දේශනය අවසන් කර තිබේ.