Published on: Jan 10, 2019- ලග්ගල නව නගරය විවෘත කිරිමේ උත්සවයට ජනාධිපතිවරයා හා සජිත් ප්‍රේමදාස ඇමතිවරයා සහභාගීවිම හා ඔවුන්ගේ හැසිරිමේ අමුත්තක් රූපවාහිනිය නරඹන සැමට දක්නට ලැබුනි.
සැමට දක්නට ලැබුණෙ සජිත් ප්‍රේමදාස හා ජනාධිපතිවරයා අමුතු දීගයකට එළැඹ ඇති සෙයකි. දින 52ක් පුරාවට ආනේක විද කම්කටොලු විදිමින් රනිල් වික්‍රමසිංහ ප්‍රමුඛ මන්ත්‍රීවරුනුත් පාක්ෂිකයනුත් දුක් විද ලබාගත් ජයග්‍රහණය කෙලෙසිමේ කුමන්ත්‍රණයක් ක්‍රියාත්මක වන බව මේ වන විට සැක පහලවී තිබේ.
ලග්ගල උත්සවයට ජනාධිපතිවරයා හා සජිත් ප්‍රේමදාස ඇමතිවරයා වෙන වෙනම පැමිණියද ඔවුන් දෙදෙනා එහි පැවැති අනෙකුත් සියලු විවෘත කිරිම් සදහා සහභාගී වූවේ එකටය. ගමන් කළේද එකම වාහනයේය.එහිදි ගැඹුරු දේශපාලන සාකච්ඡා පැවැති බවට වාර්තාවේ.
2020 ජනාධිපතිවරණය ඇතුළු රනිල් වික්‍රමසිංහ අගමැතිවරයා සම්බන්ධ‍යෙන්ද මෙහිදි සාකච්ඡා වී ඇතැයි නිල නොවන ආරංචි මාර්ග සදහන් කරයි.
