Published on: Oct 26, 2019- නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස විසින් ශ්‍රි ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ වෙත සිදු කළ අභියෝගය ට අද (25) තවත් කොටසක් එකතු කරමින් රාජපක්ෂ පවුලේ සියළුම සාමාජිකයන්ට තමා සමඟ විවාදයට එන ලෙස ආරාධනා කළා.
ජනාධිපතිවරණයේදි තම ප්‍රතිපත්ති හා අරමුණු පිළිබඳව පැහැදිළි විග්‍රහයක් ලබා දීමේ අරමුණින් යුතුව සජිවී විවාදයකට සහභාගි වන ලෙස සජිත් ප්‍රේමදාස විසින් ගෝඨාභය රාජපක්ෂ වෙත අභියෝග කොට දැනට පැය 24 කටද අධික කාලයක් ගෙවි ගොස් අවසන් ය.
ගෝඨාභය රාජපක්ෂ යනු බග් බග් ගෑමෙන් තොරව වචන 10 ක් එකට කතා කරගැනීමට අසමත් චරිතයක් බව අපි දනිමු. ජනාධිපති අපේක්ෂකයෙකු ලෙස තම ඉදිරි සැලසුම් ජනතාවට පැවසීමට පවා ඔහුට ටෙලිප්‍රොම්පරයක් අවශ්‍ය බව අපි දනිමු.
ඒ බව අවබෝධ කරගත් සජිත් ප්‍රේමදාස අද ගෝඨාභය රාජපක්ෂට අභියෝග කලේ තනියම එන්න බය නම් අයියා සමඟ හෝ රාජපක්ෂ පවුල සමඟම තමා සමඟ විවාදයට එන ලෙසය. දැන්වත් ගෝඨා එම අභියෝගය පිළි ගනී දැයි බලා සිටිමු.
