Published on: Aug 21, 2020- ක්‍රීඩා අමාත්‍යවරයාගේ නියමය අනුව නව ක්‍රීඩා පනතක් සහ ජාතික ක්‍රීඩා ප්‍රතිපත්තියක් සැකසීමට අවශ්‍ය මූලික කටයුතු සම්පාදනය කිරීම, ඉලක්කගත ජයග්‍රහණ සඳහා සැලසුම් සකස් කිරීම, ක්‍රීඩකයින් වෘත්තිමය තත්ත්වයකට නංවාලීම උදෙසා යටිතල පහසුකම් සංවර්ධනය කිරීම, ජාතික සංචිත තේරීමේදී අමාත්‍යවරයා වෙත අවශ්‍ය නිර්දේශ ඉදිරිපත් කිරීම, ඇතුලු ක්‍රිඩාවේ අභිවෘද්ධිය වෙනුවෙන් ක්‍රීඩා අමාත්‍ය නාමල් රාජපක්ෂ විසින් ජාතික ක්‍රීඩා සභාව පත් කිරිම අගයකල යුතුය.
එම සභාවේ සභාපති ධුරයට හිටපු නායක මහේල ජයවර්ධන මෙන්ම හිටපු ක්‍රිකට් නායක කුමාර් සංගක්කාර ඇතුලු ක්‍රිඩාව සම්බන්ධයෙන් ප්‍රවීණයන් මෙන්ම දක්ෂයන්ට තැන දෙන සමාජිකයන් කමිටු සාමාජිකයෙකු ලෙස පත්කිරිම අගයකල යුතුය.නමුත් ජාතික ක්‍රීඩා සභාවේ සාමාජිකයින් ලෙස උපතින්ම බොරු කරන නවකයන්ට එන්නට තිබේන ඉඩ අහුරන මෙන්ම ලොව පුරා දුෂණ චොදනා රැසකට සම්බන්ධ මෝටර් රථ ධාවන ශුරයෙකු ලෙස ඔහු විසින්ම හදුන්වන ඩිලන්ත මාලගමුව පත්කිරිම අනාගත දිනයකදි නාමල් ගත් වැරදි තින්දුවක් ලෙස ඉතිහාස ගත විම වලක්වා ගත නොහැකි වනු ඇත.
කවුද මේ ඩිලන්ත මාලගමුව!
දිලන්ත රංජුල බන්ඩාරා මලගමුව නොහොත් දිලන්ත මලගමුව ශ්රී ලංකාවේ මෝටර් රථ ධාවන ශූරයා ලෙස වඩාත් ප්‍රසිද්ධය. එහෙත් ඔහුගේ ජීවිතයේ එතරම් නොදන්නා පැත්තක් ප්‍රසිද්ධියට පත්වීමට සුදුසුය. එමඟින් ඔහු එතරම් ප්‍රසිද්ධ නැති පැත්තේ කොතරම් ප්‍රසිද්ධියක් උසුලයිද යන්න සනාථ වේ. එ හරහා ජනතාව අන්දවා ඇති අකාරය මෙන්ම කුප්‍රකටභාවය සහ බලහත්කාරයෙන් දේපළ අත්පත් කර ගැනීමේ හැකියාව සහ ගණනය කළ වංචා සහ වඩාත් කුරිරු ද්‍රෝහීකම් මගින් අනුන්ගේ අරමුදල් අයථා ලෙස පරිහරණය කිරීමයි. කනගාටුවට කරුණ වන්නේ ඔහුගේ සෙවනැලි හා රහසිගත ක්‍රියාකාරකම් පිළිබඳ ඔහුගේ සෙවනැලි ලෝකය බොහෝ දෙනෙක් නොදැන සිටීම.
යුරෝපා Lamborghini මෝටර් රථ ශුරතාවලියට සහභාගි වි එයින් අවස්ථා කිහිපයකදි ජයග්රහණය කල බව පවසන ඩිලන්ත සැබෑවටම සහභාගි වන්නේ එම තරගාවලිය අතරතුර පවත්වන වසය අවුරුදු 50ට වැඩි ප්‍රදර්ශනාත්මක තරගයකට වන අතර 2019 වසරේ එම තරඟ දෙකක් ජයග්රහණය කිරීමට ඩිලන්තට හැකිව තිබේ. නමුත් එය ගෝන්ෆ්‍රී මෝටර් රථ ශුරතාවලියට සම්බන්ධයක් නොමැති අතර ඔනෑම අයෙකුට ලැම්බෝගිනියක් සහ අවශ්‍ය අවසරපත ලබා ගැනිමට මුදල් තිබේනම් එම තරග වලට සහභාගි විය හැක.
Lamborghini මෝටර් කාණ්ඩ 4ක් යටතේ පැවැත්වෙන අතර Pro,Pro-Am,Am සහ Lamborghini Cup යනුවෙන් පැවැත්වෙන අතර එහි වයස්ගතම කණ්ඩායම් සමග පැවැත්වෙන Lamborghini ධාවන තරගයට එක්වන ඩිලන්ත ශ්‍රි ලංකාවට පෙන්වනුයේ එය Lamborghini මෝටර් රථ තරගාවලිය ජයගත් ආකරයටය.සමාන්‍යයෙන් එම තරග සදහා උපරිම වශයෙන් සහභාගි වන්නේ ක්‍රිඩකයන් 4 දෙනෙකු පමණ වන අතර පහත රූපයෙන් ඔහුන් කොපමණ වයසද යන්න තිරණය කර ගත හැක.
Las Vegas, Nevada හී පැවැති SRO Motorsports Group Awards 2019 හිදි Finished 3rd inthe championship Flag of Sri Lanka යනුවෙන් සටහන් කර තිබුනද ඔහු එම ස්ථානයට පත්වුයේ කවුරුන් සමගද යන්න පහත ඡායාරූප බලා තිරණය කරන්න.
යුරෝපා Lamborghini මෝටර් රථ තරගාවලිය මේ දක්වා ශ්‍රි ලාංකිකයෙකු නියෝජන කර නොමැති අතර ඒ සදහා අවශ්‍ය වයස් සීමාවේ දස්කම් දැක්වු තරුණයන් කිහිප දෙනෙකු සිටියද ඔහුන්ද අවශ්‍ය සීමාවට පැමිණ නැති බවයි දැනට අනාවරණය වි ඇත්තේ.
ඩිලන්ත ජයග්රහණය කළා යැයි කියන Lamborghini Super Trofeo යන්න Lamborghini සමාගම් එකතු වි සදාගත් එකක් මිස FIA යන Fédération Internationale de l’Automobile ජාත්‍යන්තර පිළිගත් තරගාවලියක් ද නොවේ. එය කාගෙන් හෝ කඩාගත් සල්ලි මල්ලක් ඇති ඔනෑම අයෙකුට සහභාගි විය හැකි තරගයකි. 2017 – Lamborghini Super Trofeo World Finals, Imola, Italy (Race 2) – 3rd Place (AM Class – 5th Place Overall) යනුවෙන් සදහන්ව ඇති තරගයේ තරග ප්‍රතිපලය පහත දක්වා ඇත. වැඩි විස්තර සදහා මෙතනින් වෙබ් අඩවියට යන්න
2019 වසරේ ආසියානු ෆෝර්මියුලා 3 වින්ටර් ශූරතාවලියේ අවසන් තරඟයේ ප‍්‍රථම ස්ථානය දිනා ගැනීමට ශ්රී ලාංකික ධාවනශූර එෂාන් පීරිස් සමත් වු අතර එය මැලේසියාවේ පැවැති අතර ෆෝර්මියුලා 3 තරඟයක් ජයග්රහණය කළ ප‍්‍රථම ශ්රී ලාංකිකයා බවට එෂාන් පීරිස්ගේ නම සටහන් වි තිබේ.
යුරෝපා Lamborghini මෝටර් රථ තරගාවලියට සහභාගි වන බව පෙන්වමින් ඩිලන්ත ව්‍යාපාරිකයන් රැසකගෙන් මුදල් ගරා ගැනිමේ සෙල්ලම්ක් දියත් කල බව නොරහසකි. ලැම්බෝගිනි මිලදී ගැනිම සදහා විවිධ ධනවතුන් රැවටිමට ඩිලන්ත සමත් වු අතර ඒ නිසාම වන්නට ෆෝර්මියුලා තරග සදහා දක්ෂතා දක්වන තරුණයන් කපා දැමිමට ඔහු කටයුතු කල අතර එයට හේතුව වි තිබුනේද ඩිලන්තගේ බොරුව හෙලිවිම වලක්වා ගැනිමය.
ජපානයෙන් තහනමක්!
සීයයට සියක් දේශීය නිෂ්පාදනයක් වන කාර් රථ නිෂ්පාදනය කිරිමට කටයුතු කරන බව පවසමින් ජපානයේ සමාගමක් සමග සිදුකල ගිවිසුමක් කඩකරමින් සිදුකල මුල්‍ය වංචාවක් හේතුවෙන් ඩිලන්තට මේ වනවිට ජපානයට ඇතුල්විම් පවා තහනමට ලක්කර තිබේ.මිට අමතරව ධාවන ක්‍රීඩාව හරහා හදුනාගත් ජපන් ජාතික කාන්තවක සමඟ විවාහ වු ඩිලන්ත පසුව ඇයගේ මුදල් ලංකාවේ ආයෝජනය කිරිමට කටයුතු කර එම මුදල් වංචා කල අයෙකුද වේ. ජපානය තහනම් වු ඩිලන්ත දැන් වෙනත් බිරිදක් සමග ජිවත් වෙමින් සිටි.
ඉඩම් වංචා!
ජපාන කාන්තාවගේ මුදල් වංචා කරමින් අක්කර 14 ක ඉඩමක් කුරුණෑගලින් මිලදි ගත් ඩිලන්ත එහි තමාගේ නිවස ඉදිකර තිබේන අතර ජපාන කාන්නාවගේ මුදල් සියල්ලටම හීන් නුලෙන් වැඩේ දෙන්නට සමත් වු අයෙක්.
ජපාන කත විසින් කරන ලද පැමිණිල්ලකට අනුව රහස් පොලිසිය විසින් කරන ලද විමර්ශනවලින් පසුව, මලගමුව විසින් එම ඉඩම ඔහුගේ නමින් ලියා ඇති බව අනාවරණය වු අතර පසුව ඇය විසින් තමන්ට සිදුකල වංචාව සම්බන්ධයෙන් කුරුණෑගල අධිකරණයට බී වාර්තාවක් ඉදිරිපත් කරමින් ඩිලන්ත චූදිතයෙකු බවට පත් කළ අතර NDB බැංකුවෙන් මුදල් වංචා කිරීම සම්බන්ධයෙන් බී වාර්තාවක් එම අධිකරණයට ඉදිරිපත් කිරිමටද කටයුතු කර තිබේ. ඩිලන්ත ජපාන බිරිදට සිදුකර තිබේන මුල්‍ය වංචාව ඇමරිකානු ඩොලර් මිලියන 2.2කට ආසන්න වේ. වංචා රැසකට සම්බන්ධ ඩිලන්ත උසාවි මග හරිමින් කලක් මැලේසියාවේ පදිංචිව සිටි අතර රාජපක්ෂ සමාගමේ සහය ඇතුව මේ වනවිට නිරුපද්‍රිතව සිටි. ඔනෑම අයෙකුට ලණු ගිල්ල විමේ දක්ෂතාව සහිත ඩිලන්තට එය සුළු වැඩකි.
මිට අතරව ඩිලන්තට සම්බන්ධ ඉඩම් වංචා නඩු කිහිපයක්ම අධිකරණයේ මේ වනවිටත් විභාග වෙමින් තිබේ. ඒ අතර වංචාවට හසුවු ඇතැම් පාර්ශවයන් පොලිසිය හරහා නීතිමය ක්‍රියාමාර්ග ගැනිම්ට යෑමෙදි තමන් ඝාතනය කිරිමට සුදානම් ඇති බවට ජෝගියක් නටා එය යට ගැසිමට ඩිලන්ත සමත් විය.
ඉතාලියේ සංචාරයකින් පසු දිවයිනට පැමිණි ඩිලන්ත මාලගමුවට තමන් ඝාතනය කිරීමේ සැලැස්මක් පවතින බවට තොරතුරු ලැබී ඇති බවත් තමාට ආදරේ කරන පොලිස් නිලධාරියෙක් පසුගිය දා මේ බව පැවසු බවත් පවසමින් පොලිසියට පැමිණිල්ලක් ඉදිරිපත් කරමින් එම ජොගිය නැටුවේ 2018 වසරේය.ඩිලන්තගේ මුල්‍ය වංචා සම්බන්ධයෙන් තොරතුරු රැසක් අප සතුව ඇති අතර ඉදිරියේදි එම සියල්ලම තොරතුරු සහිතව ඉදිරිපත් කිරිමට අප සුදානම්. ඒ අනුව ඩිලන්ත වැනි කුප්‍රකට වංචාකාරි,කුහකයෙකු ජාතික ක්‍රීඩා සභාවට රිංගා ගන්නේ තමන්ගේ මඩිය තරකර ගැනිමට බව අමතුවෙන් කියා දිය යුතු නැත. ක්‍රිඩාවේ අභිවෘද්ධිය වෙනුවෙන් ක්‍රීඩා අමාත්‍ය නාමල් රාජපක්ෂ ගත් මේ වැයම ඩිලන්තලාගෙන් බේරාගත යුතුමය.
කතාව අවසන් නැත….
Published on: Aug 20, 2020- ශ්රී ලංකා ප්‍රජාතාන්ත්‍රික සමාජවාදී ජනරජයේ උත්තරීතර නීතිය ලෙස සැළකෙන්නේ ආණ්ඩුක්රම ව්‍යවස්ථාවයි.
ශ්රී ලංකාවට ඩොමීනියන් තත්ත්වය ප්‍රදානය කිරීමත් සමඟ ඊට අවශ්‍ය ආණ්ඩුක්රම ව්‍යවස්ථා පද්ධතියක් ද ‘පරිත්‍යාග කිරීමට’ බ්‍රිතාන්‍ය පාලකයෝ ත්‍යාගශීලී වූයේ ඇයිද? යන්න විසදීමට කාලයක් ගතවීම මෙරට ජනතාවට බ්‍රිතාන්‍යයන්ම ලබාදුන් අධ්‍යාපනයේ ස්වභාවය හේතුවන්නට ඇත.
එහෙත් තම අසල්වැසියා (ඉන්දියාව) අනුව යමින් එම ඩොමීනියන් බැඳීම කෙළවර කොට ස්වීය වූ ආණ්ඩුක්‍රමයක් නිර්මාණය කර ගැනීමේ ජාතික අවශ්‍යතාවය කරා සමීප වීමට මෙරටේ පාලකයන් අසමත් වූ අතර එවැනි පරිවර්තනයක් සිදු වන්නේ 1972 වසරේ ‘ශ්රී ලංකා ආණ්ඩුක්රම ව්යවස්ථාව’ නිර්මාණය කර ගැනීමත් සමගයි.
1978 ආණ්ඩුක්රම ව්යවස්ථාව වර්තමානයේ ක්‍රියාත්මක වන අතර, 1972 ආණ්ඩුක්රම ව්යවස්ථාව සංශෝධනය කරමින් එය බලාත්මක විය. 1815 උඩරට ගිවිසුමෙන් පසු බිහිවූ පළමු ස්වස්ථානික ආණ්ඩුක්රම ව්යවස්ථාව වූයේ 1972 ආණ්ඩුක්රම ව්‍යවස්ථාවයි.
1815 උඩරට ගිවිසුම අත්සන් කිරීමට පෙර රටේ රාජ්‍ය නායකයා බෞද්ධයෙකු විය. 1815න් පසු රටේ නායකත්වය බ්‍රිතාන්‍යය රජ කිරුළ යටතට පත් වූ අතර, කිරුළේ නියෝජිතයෙකු ලෙස ආණ්ඩුකාරවරුන් මගින් මෙරට පලනය කිරීමට විය. එනම් බෞද්ධයෙකු රටේ නායකයා වීම 1815 උඩරට ගිවිසුමත් සමග අවසන් විය.
ඒ අනුව බ්‍රිතාන්‍යයන් රටේ පාලනය ප්‍රධාන පාලන ආයතන 3ක් මගින් මෙහෙය වූ අතර, ඒවා විධායක, ව්‍යවස්ථාදායක සහ අධිකරණය ලෙස බෙදා එකිනෙකා අභිබවා නොයන ලෙස බ්‍රිතාන්‍යය කිරීටය යටතේ ක්‍රියාත්මක කරවීය.
එසේ වුවත් 1815 උඩරට ගිවිසුමේ 5වන වහන්තිය මගින් බෞද්ධ වෙහෙර විහාරස්ථාන සහ බෞද්ධයින් සම්බන්ධයෙන් ආරක්ෂාව තහවුරු කර තිබුණි.
1815 උඩරට ගිවිසුම සිංහල භාෂාවෙන්ද කෙටුම්පත් කර 5වන වගන්තිය මගින් බුද්ධාගම ආරක්ෂා කර තිබුණද, 1948 පෙබරවාරි 04වන දින නිදහස ලබාදෙන විට ක්‍රියාත්මක වූ සෝල්බරි / ජෙනිංග්ස් ආණ්ඩුක්රම ව්යවස්ථාව ඉංග්‍රීසි භාෂාවෙන් පමණක් කෙටුම්පත් කර තිබූ අතර, බුද්ධාගමට විශේෂ නිතිමය පිළිගැනීමක් ලබා දීම වළක්වා තිබුණි.
1947 සෝල්බරි / ජෙනිංග්ස් ආණ්ඩුක්රම ව්යවස්ථාව ඉංග්‍රීසි භාෂාවෙන් පමණක් කෙටුම්පත් කර තිබූ අතර, බුද්ධාගමට විශේෂ නිතිමය පිළිගැනීමක් ලබා දීම වළක්වා තිබුණද, 1972 පළමු ජනරජ ව්යවස්ථාව සිංහල භාෂාවෙන්ද පනවා එහි 6වන ව්යවස්ථාව මගින් බුද්ධාගමට ශ්රී ලංකා ජනරජයේ ප්‍රමුඛස්ථානය ලබා දී තිබුණි.
ලංකාවට නිදහස ලබාදීමේ දී තැනූ 1947 සොල්බරි ව්යවස්ථාවේ 29 (2) වගන්තියෙන් අතීතයේ සිට ලක් රජය හා බුද්ධාගම අතර පැවැති බැඳීම සිඳ දමනු ලැබීය. කිසියම් ආගමකට නොමැති වරප්‍රසාදයක්‌ තවත් ආගමකට ලබාදීම එයින් වළක්වා ඇත. එම නියමය ලෙස තදින් බලපෑවේ බුද්ධාගමට යි. එයින් සිදු කෙරුණේ 1815 ගිවිසුමේ 5 වන වගන්තියේ බල හීන කොට ආගම් සම තත්ත්වයට පත් කිරීමයි.
ස්වදේශීය ජනතාවගේ අනවරත උත්සාහයේ ප්‍රතිඵල ලෙස 1972 ආණ්ඩුක්රම ව්යවස්ථාව පැනවීමේදී සෝල්බරි ව්යවස්ථාවේ 29වන වගන්තිය මගින් රටේ ඓතිහාසික උරුමයට කර තිබූ එකී අවහිර කිරීම යම් තත්ත්වයකින් නිවැරදි කිරීමට පියවර ගත්තේය.
ඒ අනුව 1972 ආණ්ඩුක්රම ව්යවස්ථාව පැනවීමෙන් පසු ශ්රී ලංකාවේ විධායක, ව්‍යවස්ථාදායක සහ අධිකරණ ආයතත බුද්ධාගමට ප්‍රමුඛස්ථානය ලබා දීම අනිවාර්යයෙන් කළ යුතු විය.
යම් ආගමකට ප්‍රමුඛස්ථානය ලබා දීම රටවල ඓතිහාසික තත්ත්වය, සංස්කෘතිය, පරිසරය, සමාජය, ජනතාවගේ සිතුම් පැතුම් යන අංග අනුව සිදු කිරීම සාමන්‍ය දෙයක් වන අතර රටේ අනන්‍යතාවය සහ පැවැත්ම රටේ බහුතර ජනතාවගේ ආගම සහ භාෂාව මත තීරණය කිරීම ප්‍රජාතන්ත්‍රවාදය අනුවද නිවැරදි තත්ත්වයකි. එයට පටහැනිව ක්‍රියා කිරීම නීතියේ පාලනය අභියෝගයට ලක් කරයි.
ඒ අනුව ඉතා නිවැරදි ලෙස, 1815 උඩරට ගිවිසුම මගින්ද, 1972 ආණ්ඩුක්රම ව්යවස්ථාව මගින්ද බුද්ධාගම සම්බන්ධයෙන් සිංහල භාෂාවෙන් විධිවිධාන දක්වා තිබූ අතර, වර්තමානයේ ක්‍රියාත්මක වන 1978 ආණ්ඩුක්රම ව්යවස්ථාවේ 9වන ව්යවස්ථාව මගින්ද බුද්ධාගම සම්බන්ධයෙන් සිංහල භාෂාවෙන් විධිවිධාන දක්වා ඇත.
වර්තමානයේ ක්‍රියාත්මකවන 1978 ආණ්ඩුක්රම ව්යවස්ථාවේ 9වන ව්යවස්ථාව සිංහල භාෂාවෙන් එක් අර්ථයක්ද, ඉංග්‍රීසි භාෂාවෙන් වැරදි අර්ථයක්ද එන ලෙස ඉංග්‍රීසි භාෂාවට පරිවර්තනය වී ඇති බව සිංහල සහ ඉංග්‍රීසි ආණ්ඩුක්රම ව්‍යවස්ථා පිටපත් සිහියෙන් විමසන ඕනෑම අයෙකුට අවබෝධ වනු ඇත.
සිංහල භාෂාවෙන් ඇති 1978 ආණ්ඩුක්රම ව්යවස්ථාවේ 9 වන ව්යවස්ථාව වාක්‍ය දෙකකින් දැක්වෙන අතර ඉංග්‍රීසි භාෂාවෙන් ඇති 1978 ආණ්ඩුක්රම ව්යවස්ථාවේ 9වන ව්යවස්ථාව එක් වාක්‍යකින් දැක්වෙන බවත්, එකී වෙනස්කම මතම ඉංග්‍රීසි භාෂාවෙන් ඇති ආණ්ඩුක්රම ව්යවස්ථාවේ 9වන ව්යවස්ථාවේ අර්ථය වැරදි වන බව තේරුම් ගැනීමට සාමන්‍ය බුද්ධියක් ඇති අයෙකුටත් හැකි වේ.
වාක්‍ය දෙකක අර්ථය එක් වාක්‍යකට ගැනීමේදී නෛතික දෝෂ ස්වාභාවයෙන්ම පැන නගින්නේ තනි වාක්‍යකට අර්ථය දීමේදී වාක්‍ය ස්වාධීනත්වය, වාක්‍ය රීති සහ වාක්‍යකට ඇති නීතිමය බලය විමසීමට ලක්වීම සිදුවන හෙයිනි.
1978 ආණ්ඩුක්රම ව්යවස්ථාවේ සිංහල සහ ඉංග්‍රීසි පිටපත්වල 9වන ව්යවස්ථාවේ පවතින මෙම වෙනස්කම නිරාකරණය කර ගැනීමට ආණ්ඩුක්රම ව්යවස්ථාවේ 23වන ව්යවස්ථාව සහාය සපයන අතර ඒ අනුව සිංහල භාෂා පාඨය බලාත්මකවන හෙයින්, 1978 ආණ්ඩුක්රම ව්යවස්ථාවේ සිංහල පිටපතේ 9වන ව්යවස්ථාව නිවැරදි ලෙස සැළකීමටත් අධිකරණ කටයුතුවලදී යොදාගත යුතු ව්‍යවස්ථා භාෂාවත් වේ.
ඉහත කාරණා සහ සන්දර්භය තුළ අමාත්‍යවරුන් පත්කිරීම සම්බන්ධව ඇති ආණ්ඩුක්රම ව්‍යවස්ථා විධිවිධාන ඇසුරෙන් ඉස්ලාම් ආගමිකයෙකු අධිකරණ අමාත්‍යවරයා ලෙස පත් කිරීම බුද්ධාගමට ප්‍රමුඛස්ථානය පිරිනමා ඇති 9වන ව්යවස්ථාවට එකගද? යන්න විමසා බැලීමට සිදුවේ.
1978 ආණ්ඩුක්රම ව්යවස්ථාව මගින් ද සියලු ආගමිකයන්ගේ අයිතිවාසිකම් තහවුරු කර ඇත. 3 වන පරිච්ඡේදය 10 වන ව්‍යවස්‌ථාවෙහි තමන් කැමති ආගමක්‌ නිදහසේ ඇදහීම, වැළඳ ගැනීම ඇතුළු සිතීමේ නිදහසක්‌, හෘදය සාක්‍ෂියට අනුව කටයුතු කිරීමේ නිදහසත්, සෑම පුද්ගලයකුටම ම ලබා දී ඇත. එසේම 3 පරිච්ඡේදයේ 14 (ඉ) ව්‍යවස්‌ථාවෙහි “සෑම පුරවැසියකුටම එකලාව හෝ අන් අය සමඟ ප්‍රසිද්ධියේ හෝ පෞද්ගලිකව තම ආගම, ලබ්ධිය හෝ විශ්වාසය ඇදහීමෙන් පිළිපැදීමෙන්, ප්‍රගුණ කිරීමෙන් සහ ඉගැන්වීමෙන් ප්‍රකාශ කිරීමේ නිදහසට හිමිකම් ඇත්තේය.” යනුවෙන් සඳහන් වෙයි.
එසේ වුවත් සිංහල ආණ්ඩුක්රම ව්යවස්ථාවේ ඇති 9 ව ව්යවස්ථාවේ 1වන වාක්‍ය මගින් බුද්ධාගමට ජනරජය ව්සින් ප්‍රමුඛස්ථානය/ ප්‍රමුඛත්වය පිරිනමා ඇත. ප්‍රමුඛත්වය පිරිනැමීම සහ ප්‍රමුඛත්වය ලබාදීම එකිනෙක වෙනස් නෛතික තත්ත්වයකි.
ආණ්ඩුක්රම ව්යවස්ථාවේ 9වන ව්යවස්ථාවේ බුද්ධාගමට පිරිනමා ඇති ප්‍රමුඛස්ථානය බෞද්ධයන්ට භුක්‌ති විඳීමට ලැබෙන්නේ 10 සහ 14 (ඉ) ව්යවස්ථාවට යටත්ව බව ඉංග්‍රීසියෙන් ඇති 1978 ආණ්ඩුක්රම ව්යවස්ථාවේ වැරදියට තනි වාක්‍යකින් දක්වා ඇති නමුත් නමුත් එකී කාරණව නිවැරදි ලෙස සිංහල ආණ්ඩුක්රම ව්යවස්ථාවේ දක්වා ඇත්තේ මූලික අයිතිවාසිකම් වලින් බැහැරවද බුද්ධාගමට ප්‍රමුඛත්වය ලබාදීමට ක්‍රියා කර ඇති බවට වාක්‍ය දෙකක් ලෙසය.
එය වඩත් තහවුරු වන්නේ 1978 ආණ්ඩුක්රම ව්යවස්ථාවේ 3 සහ 105.4 වයවස්ථා 9වන ව්යවස්ථාව සමග එකිනෙක සම්බන්ධ කිරීමේදීය.
වර්තමාන 1978 ආණ්ඩුක්රම ව්යවස්ථාවේ 09 සහ 105.4 ව්‍යවස්ථා දෙස අවධානයෙන් බැලීමේදී 1815 උඩරට ගිවිසුමේ 05 වන වගන්තිය මගින් බුද්ධ ශාසනය ආරක්ෂා කිරීම තව දුරටත් තහවුරු කර ඇති බව පැහැදිලි වේ.
ආණ්ඩුක්රම ව්යවස්ථාවේ 105.4 ව්යවස්ථාව අනුව
1. භික්ෂූන් වහන්සේලාගේ විනය හා සම්බන්ධ කාරණා හෝ
2. භික්ෂූන් වහන්සේලා අතර ඇති යම් ආරවුලක් හෝ
3. විහාරස්ථාන වලට අදාල සේවාවන් ඉටු කිරීම හා සම්බන්ධ වෙනත් ආරවුලක් හෝ
විනිශ්චය කොට සමථයකට පත් කිරීම සඳහා අධිකරණ, විනිශ්චය අධිකාර හෝ ආයතන ඇතිකොට පිහිටුවීමට පාර්ලිමේන්තු විසින් නීතියෙන් විධිවිධාන සැලැස්විය හැකිය.
ඒ අනුව ආණ්ඩුක්රම ව්යවස්ථාවේ 3 වැන ව්යවස්ථාව සහ 4වැනි ව්යවස්ථාව ද භික්ෂු විනයාධිකරණ පිහිටුවීම සම්බන්ධයෙන් වැදගත් වේ.
එය නිවැරදි වන්නේ රටේ ඓතිහාසික උරුමයද සැළකිල්ලට ගෙන ඇති ආණ්ඩුක්රම ව්යවස්ථාවේ පූර්විකාව සහ 3, 9 සහ 105.4 ව්‍යවස්ථා අනුවය.
බෞද්ධයන් නොවන අයට සිය ආගම අදහන්නට, දේශනා කරන්නට හැකි වුවත්, තම ආගම ලබ්ධියට අයත් නොවන පිරිසක් අතර ආගම පැතිරවීමේ හෝ යාච්ඤා කිරීමේ අයිතියක් මෙම ව්යවස්ථාවලින් කිසිවකුට ලැබෙන්නේ නැති බව ශ්‍රේෂ්ඨාධිකරණ තිරණ 19/2003 අනුව
පැහැදිලිවම A Bill titled “Provincial of the Teaching Sisters of the Holy Cross of the Third Order of Saint Francis in Menzingen of Sri Lanka (Incorporation).” පනත් කෙටුම්පත නීතියක් කිරීමේ ප්‍රයත්නයේදී තීරණය කර ඇත.
(මෙම ශ්‍රේෂ්ඨාධිකරණ තීරණය සිංහල භාෂාවෙන් ලබා දීමට මෙම ලියුම්කරු ඉදිරියේදී ක්‍රියා කරයි)
ඉහත නෛතික කාරණා සහ ඓතිහාසික උරුමය සැළකීමේදී බෞද්ධයන්ට ප්‍රමුඛත්වය ලබා දීම 1978 ආණ්ඩුක්රම ව්යවස්ථාව මගින් නීතිමය පහසුකම් ලබා දී තිබියදී අමාත්‍යවරුන් පත් කිරීමට ආණ්ඩුක්රම ව්යවස්ථාවේ viii වන අමාත්‍ය මණ්ඩලය අදාල පරිච්ඡේදය දක්වා ඇති විධිවිධාන සැළකිල්ලට ලක්කළ යුතු වේ.
1978 ආණ්ඩුක්රම ව්යවස්ථාවේ viii වන අමාත්‍ය මණ්ඩලය අදාල පරිච්ඡේදය අනුව ජනාධිපතිවරයා විසින් පාර්ලිමේන්තු මන්ත්‍රීවරු අතරින් ඇමතිවරු පත්කළ යුතු වේ. එනම් පාර්ලිමේන්තුවට පිටින් කිසිම තැනැත්තෙක් තෝරා ගෙන ඇමතිවරු ලෙස පත් කිරීමට ජනාධිපතිවරයාට නොහැකිය. (ආරක්ෂක සහ බුද්ධ ශාසන හැර)
ඒ අනුව ශ්රී ලංකා ජනරජය බුද්ධාගමට ප්‍රමුඛත්වය පිරිනැමීම සිදුකර ඇති 9වන ව්යවස්ථාවේ පළමු ව්‍යවස්ථා වාක්‍ය අනුව අධිකරණ ඇමතිවරයා තෝරා ගැනීමේදී ජනාධිපතිවරයා පළමුව කළ යුත්තේ පාර්ලිමේන්තුවේ සිටින බෞද්ධ මන්ත්‍රීවරුන් අතරින් සුදුසු අයෙක් තෝරා ගැනීමට උත්සාහ කිරීමයි.
අධිකරණ ඇමතිවරය පත්කිරීමේදී ජනාධිපතිවරයා සිය අභිමතය ආණ්ඩුක්රම ව්යවස්ථාවේ 30වන ව්යවස්ථාව අනුව ක්‍රියාත්මක කළ යුත්තේ 9වන ව්යවස්ථාවේ ඇති ව්‍යවස්ථා පළමු වාක්‍යට යටත්වය.
එසේ ක්‍රියා නොකළහොත් ජනාධිපතිවරයා බහුතර ජනතාවගේ ඡන්දයෙන් තෝරා පත්කර ගැනීමේදී 9වන ව්යවස්ථාව සුරැකීමට ජනතාව සමග ඇතිකර ගන්නා සම්මුතිය බිද දමයි.
එහිදී අවස්ථාවෝචිතව බෞද්ධ මන්ත්‍රීවරයෙක් අධිකරණ ඇමතිවරයා ලෙස තෝරා ගැනීමට නොමැති අවස්ථාවකදී අන් ආගමිකයෙකු ඇමත්වරයා ලෙස තෝරා ගැනීමට ජනාධිපතිවරයාට ව්‍යවස්ථාමය බලය සහ අධිකාරය හිමි වේ.
ඒ අනුව ඉහත සියලු කාරණා සැළකීමේදී ඉස්ලාම් ආගමිකයෙකු අධිකරණ අමාත්‍යවරයා ලෙස පත්කිරීමේදී ජනාධිපතිවරයා ක්‍රියා කළ යුත්තේ පුද්ගලික හේ වෙනත් බැදීමක් අනුව නොව ආණ්ඩුක්රම ව්යවස්ථාවේ 9වන ව්යවස්ථාව ආරක්ෂා කරමින් ය.
මේ වනවිට අධිකරණ ඇමතිවරයා ලෙස ඉස්ලාම් ආගමිකයෙකු ජනාධිපතිවරයා විසින් පත්කර ඇති අතර එකී පත්කිරීම ආණ්ඩුක්රම ව්යවස්ථාව අනුව නිවැරදි පත්කිරීමක් වන්නේ අධිකරණ කටයුතු පිළිබද පරිචයක් ඇති බෞද්ධ මන්ත්‍රීවරයෙකු අධිකරණ ඇමතිවරයා ලෙස පත්කිරීමට තෝරාගැනීමට නොමැතිබවට ජනාධිපතිවරයා සෑහීමට පත්වී ඇත්නම් හෝ අධිකරණ කටයුතු පිළිබද පරිචයක් ඇති පාර්ලිමේන්තුවේ සිටින බෞද්ධ මන්ත්‍රීවරුන් සිය කැමැත්තෙන් අධිකරණ ඇමති ධූරයට පත්වීමට අකැමැති බව ජනාධිපතිවරයාට දන්වා ඇත්නම් පමණි.
නීතිඥ අරුණ ලක්සිරි උණවටුන
2020.08.19
arunaunawatuna@gmail.com
Published on: Aug 19, 2020-කාල්ටන් ක්‍රීඩා ජාලය හෙවත් CSN යළි රාජපක්ෂ පවුල අතට හිමි වීමත් සමඟ SKY MEDIA NETWORK ගුවන් විදුලි ආයතනය ද ඉතා සීග්‍රයෙන් සහ සුක්ෂමව යළි පැරණි පවුලට එක්කර ගැනීමේ කුමන්ත්‍රණයක් ක්‍රියාත්මක වෙමින් තිබේන බව අප දේශපාලන වාර්තාකරු අනාවරණය කළා.
CSN (Carlton Sports Network) රුපවානිනී ආයතනය වෙත නිකුත් කරන ලද බලපත්‍රයේ විවිධ විෂමතා සහ ශ්රී ලංකා විදුලි සංදේශ පනතේ විධිවිධානවලට පටහැනි බව පවසමින් 2016 වසරේදී ජනමාධ්‍ය හා සන්නිවේදන අමාත්‍යාංශයේ ලේකම් විසින් එහි බලපත්‍රය අවලංගු කිරීමෙන් පසුව එය 2016 ඔක්තෝබර් වල විකාශය කිරීම නවතා දමන ලදී.
ඔවුන් රූපවාහිනි විකාශන කටයුතු පවත්වා ගෙන ගිය 236/1 Denzil Kobbekaduwa Mawatha, Battaramulla යන ලිපිනයේම Vis Broadcasting PVT Ltd යන නමින් ඒ වනවිට පවත්වාගෙන ගිය ඔවුන්ගේ පවුලේ ගුවන් විදුලි නාලිකා ද ඒ මොහොතේ නතර විය. Vis Broadcasting PVT Ltd යටතේ රාජපක්ෂ පුතුන් වන Namal Rajapaksha සහ Yoshitha Rajapaksha යන දෙදෙනා FM MHZ 88.80 / 88.60 ඔස්සේ SINHA FM නමින් Sinhala මාධ්‍ය ගුවන් විදුලි නාලිකාවක් සහ FM MHZ 99.50 / 99.70 / 107.80 තවත් ගුවන් විදුලි නාලිකා 02 ක් පවත්වාගෙන ගියේය.
2015 දී පත් වූ යහපාලන ආණ්ඩුව විසින්ම 2016 ඔක්තෝබර් වලින් පසුව නිරංග හෙට්ටිආරච්චි නැමති පුද්ගයයෙකුට මෙම සියළු සංඛාත වල හිමිකාරීත්වය ලබා දුන් අතර ආයතනයේ නම SKY MEDIA NETWORK ලෙස ද වෙනස් කළේය. එලෙස මාධ්‍ය ආයතනයක හිමිකාරීත්වය වෙනස් කරන බරපතල තීන්දුවක් ජනාධිපති මෛත්‍රීපාල සිරිසේන විසින් සිය අත්සන යොදා එදා සිදුකරන ලද්දේ යළිත් රාජපක්ෂ රෙජිමයට බලහත්කාරයෙන් ලබා ගත නොහැකි වන ලෙසය. ඒ අනුව Sky media networks 2017 වසරේ, FM MHZ MHZ 88.80 / 88.60 ඔස්සේ SITHA FM නමින් සිංහල මාධ්‍ය නාලිකාවක් ද FM MHZ 107.80 ඔස්සේ RED FM නමින් ENGLISH මාධ්‍ය නාලිකාවක් ද FM MHZ 99.50 / 99.70 ඔස්සේ THAMIL FM නමින් නාලිකාවක් ද ආරම්භ කළේය.
නමුත් 2019 නොවැම්බර් වල පැවති ජනාධිපතිවරණයෙන් පසුව ගෝඨාභය රාජපක්ෂ මහතා ජනාධිපති ධුරයටත් මහින්ද රාජපක්ෂ මහතා යළි අගමැති ධුරයටත් පත් වූ පසුව මෙරට අධිකරණයට සිදුකල බරපතල බලපෑමක ප්‍රතිඵලයක් ලෙස 2020 ජුනි මාසයේ දී යළි ලබාගත් Carlton Sports Network මේවනවිට විකාශන කටයුතු ආරම්භ කර ඇත.
නීත්‍යානුකුලව රාජපක්ෂ පවුලට අයිතියක් නැති SKY MEDIA NETWORK වෙත මේ වනවිට බලපෑම් හා තර්ජනය කරමින් සිටින රාජපක්ෂ පවුල සහ වෙනත් අනීතික පාර්ශව SKY MEDIA NETWORK හිමිකාරීත්වයෙන් යලි අදාළ ගුවන් විදුලි නාලිකා ඉල්ලමින් සිටි.
අප ආණ්ඩුවට මතක් කර සිටින්නේ…
01. සියළු ගුවන් විදුළි සංඛ්‍යාත මහජන දේපල බැවින් ඒවා අවභාවිතාවේ යෙදවීමට ඉඩ දිය නොහැක.
02. 2016 ජනවාරි මාසයෙන් පසුව SKY MEDIA NETWORK හි සේවය කළ පසුගිය ආණ්ඩුවට සම්බන්ධ බවට සැක කරන සේවකයන් ඉතා අමනුශිකලෙස සේවයෙන් ඉවත් කරමින් සිටී.
03. SKY MEDIA NETWORK වෙත දැන්වීම් ලබා දෙන සහ ලබාදුන් ආයතන වලට රාජපක්ෂ පවුල තර්ජනය කරමින් සිටී.
මෙම ආයතනයේ සියලු සේවකයන්ගේ ආරක්ෂාව සහ රැකියා සුරක්ෂිත භාවය ආරක්ෂා කරන ලෙසත් SKY MEDIA NETWORK සමග වෙළඳ පොළ ගනුදෙනු කල පාරිබෝගික සමාගම් වලට තර්ජනය නොකරන ලෙසත් මහජන දේපලක් වන සංඛ්‍යාත එක පවුලක දේශපාලන අවශ්‍යතාවය වෙනුවෙන් අවභාවිතාවේ යෙදවීමට මංකොල්ල කෑමකට ඉඩ නොතබන ලෙසත් ඉල්ලා සිටිමු.
Published on: Aug 19, 2020 – කරුංකා රට පැටවිමේ ජාවාරමට මුවාවෙමින් සහරාන් කල්ලියේ අවශ්‍යතා වෙනුවෙන් මුදල් ලබාදිමේ සිද්ධියක් සම්බන්ධයෙන් ආරක්ෂක අංශ පරික්ෂණයක් ආරම්බ කර තිබේන බව අප ආරක්ෂක තොරතුරු වාර්තාකරු අනාවරණය කළා. ඉන්දුනීසියාවෙන් කරුංකා පුවක් ලංකාවට ගෙන්වා ඉන්දියාවට අපනයනය කිරීමේ ජාවාරම පසුපස පැවැති රජයේ කැබිනට් ඇමැතිවරුන් දෙදෙනකුගේ සහෝදරයන් දෙදෙනෙක් සිටින බවටද තොරතුරු අනාවරණය වි තිබුනා.
මේ රටට වැඩිම විෂ සහිත එතනොල් ප්‍රමාණයක් ගෙන්වන ව්‍යාපාරිකයන් වන එතනොල් ජයලත් ලෙස හදුන්වන ජයලත් පිරිස් නැමත්තා සහ දග පන්දු යවන ක්‍රීඩක මුත්තයියා මුරලිදරන් ගේ සොහොයුරා වන ශෂි මුරලිදරන් විසින් මෙහෙයවා ඇති ලියාපදිංචි අංක PV 91112 දරණ චමත්කාර හොල්ඩිං (Chamathkar Holdings pvt Ltd) නැමති සමාගම විසින් ගෙන්වා අපනයන කටයුතු කර තිබේන අතර ඒ වෙනුවෙන් එක් කන්ටේනරයක් සදහා ඇමරිකානු ඩොලර් 5000ක කප්පම් මුදලක් ලබාදි තිබේ. අදාල කප්පම් මුදල ලබාදි ඇත්තේ හිටපු අමාත්‍ය රිෂාඩ් බදියුදීන්ගේ සොහොයුරු රිෆ්ඛාන් බදියුදීන් හට බවද දැනට සිදුකෙරෙන පරික්ෂණ වලදි අනාවරණය වි තිබේ.
රිෆ්ඛාන් බදියුදීන් පාස්කු ප්‍රහාරයෙ කුමන්ත්‍රණකරු මෙන්ම මහ මොළකරු වන තවුහිද් ජමාද් සංවිධානයේ නායක සහ්රාන් හෂීම් නමැත්තාට 2017 වර්ෂයේ දි මන්නාරමේ සිට බෝට්ටුවකින් ඉන්දියාවේ කාෂ්මීරය වෙත පලා යෑමට උදවු කර තිබේන බවද පසුගියදා පාස්කු ඉරුදින ප්‍රහාරය සම්බන්ධ විමර්ශනය කරන ජනාධිපති විමර්ශන කොමිසම හමුවේ හිටපු බුද්ධි අධ්‍යක්ෂකවරයෙක් අනාවරණය කර තිබුනා. අදාළ කරුංකා ජාවාරම හරහා ලබාගත් මුදල් මෙම අන්තවාදි ත්‍රස්ත කණ්ඩායම් සදහා යොදවා ඇද්ද යන්න මේ වනවිට සිදුකරන පරික්ෂණ හරහා සොයමින් සිටින බවයි වාර්තා වන්නේ.
කොමර්ෂල් බැංකුවේ නගර ශාඛාවේ ඇති Chamathkar hodings Pvt Ltd හි 1020024360 දරණ ගිණුම හරහා ද අවස්ථා ගණනාවකදී මෙම මුදල් ගෙවා තිබෙන බවද මේ වනවිට අනාවරණ වි තිබේ.
මේ අතර අත් අඩංගුවේ සිටින අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ජ්‍යෙෂ්ඨ පොලිස් අධිකාරී ශානි අබේසේකර සමග එතනෝල් ජයලත් පැවැත්වු සම්බන්ධකම් සම්බන්ධයෙන්ද මේ වනවිට පරික්ෂණ ආරම්භ කර තිබේන බවද දැනගන්නට තිබේ.
කරුංකා ජාවාරම පිටුපස එක්සත් ජාතික පක්ෂයේ කැබිනට් ඇමැතිවරුන් දෙදෙනකුගේ සහෝදරයන් දෙදෙනෙක්ද, හිටපු ඇමැතිවරයකුගේ පුතෙක්ද, ප්‍රබල ක්‍රීඩකයකුගේ සහෝදරයෙක් හා මීට පෙර අශ්වයන්ගේ පරිප්පු ජනතාවට කවා සිරගත වූ ජාවාරම්කරුවකුගේ බෑනා කෙනෙක්ද සිටින බව දූෂණ විරෝධී හඬ සංවිධානය මෙහෙයවමින් සිටි ජනතා විමුක්ති පෙරමුණේ වසන්ත සමරසිංහ එවකට අනාවරණය සිදුකලද ජනතා විමුක්ති පෙරමුණේ හිටපු නායකයෙකු වන රෝහණ විජේවීරගේ චරිතය ඇසුරෙන් නිර්මාණය වුණු ගින්නෙන් උපන් සීතල සිනමා නිර්මාණය සදහා නිෂ්පාදන පිරිවැය චමත්කාර හොල්ඩිං දැරිමත් සමග එම අනාවරණය සියල්ලම යටගොස් තිබේ.
නව රජයේ පොල්, කිතුල්, තල් හා රබර් වගා ප්‍රවර්ධනය හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගිකරණ අමාත්‍යවරයා ලෙස පත්වූ අරුන්දික ප්‍රනාන්දු සමග එතනොල් ජයලත් ලෙස හදුන්වන ජයලත් පිරිස්
මුරලිදරන් ගේ සොහොයුරා වන ශෂි මුරලිදරන් සමග එතනොල් ජයලත්
සිරිසේනගේ සොහොයුරු ඩඩ්ලි සිරිසේන සමග එතනොල් ජයලත්
Published on: Aug 18, 2020 – බලාපොරොත්තු වු ඇමතිකම් නොලැබිමෙන් අසහනයට පත් මන්ත්‍රීවරුන් පිරිසක් ශ්‍රි ලංකා පොදුජන පෙරමුණේ න්‍යායාචාර්‍ය බැසිල් රාජපක්ෂට එරෙහිව මෙහෙයුමක් දියත් කර තිබේන බව අප දේශපාලන වාර්තාකරු සදහන් කළා.තමන් බලාපොරොත්තු වු ඇමතිකම් ලබා ගැනිමට නොහැකි වුයේ බැසිල්ගේ මැදිහත් විම නිසා බවයි ඔහුන් සදහන් කර ඇත්තේ.
“බැසිල්ට තියෙන්නෙ වෙනම ලයින් එකක්..එයා හදන්නේ අගමැති එන්න ඒ නිසා එයාට කොන්ට්‍රෝල් අයට හොද ඇමතිකම් දුන්නා.පක්ෂ හැදුවා,ප්‍රාදේශිය සභා ඇල්ලුවා,ජනාධිපති හැදුවා,2/3 ගත්තා අන්තිමට ඇමතිකම් බෙදන එකත් එයාගේ අතේ. ”
“දැන් හදන්නේ 19 අහෝසි කර ආණ්ඩු ක්‍රම ව්යවස්ථාව සංශෝධනය කර පාර්ලිමේන්තුවේ දී ද්විත්ව පුරවැසියෙකු වශයෙන් සිටින ඕනෑම පුද්ගලයෙකුට ශ්රී ලංකා පාර්ලිමේන්තුවට පත් විය හැකි බවට අලුතෙන් පනතක් සම්මත කරගෙන බැසිල් මීළඟ අගමැති වෙන්න හීන බලනවා.”
“දැන් ආපහු සියල්ලම රාජපක්ෂලාම විතරක් මෙහෙයවන තැනට ඇවිල්ලා… 2015 දි පැරදිලා ඉන්න කාලේ කිව්වේ අපි හැමොම අතර බලය බෙදෙන ,ප්‍රජාතන්ත්‍රවාදී පාලනයක් ඇති කරනවා කියලා.නමුත් 2019 ජනාධිපතිවරණය අවසන් විමත් සමගම ඒ මතය වෙනස් වුනා.අඩුම තරමේ අපිව දේශපාලනය කරන්නවත් ගත්තේ නෑ. ” දැන් අපිව නිකන් මුල්ලකට දාලා කුඩු විකුණපු ලංසලා දැන් ලොකු වෙලා..
අපි මේ සටන පටන් ගත්තේ ප්‍රජාතන්ත්‍රවාදය වෙනුවෙන් ඒ වෙනුවෙන් අපි එක්ක මන්ත්‍රීවරුන් 20ක් විතර ඉන්නවා.අපි ඉදිරියේදි අපෙ ශක්තිය පෙන්වන්න සුදානම්.අපි ඒ ගැන ශ්‍රිලනිපයේ මන්ත්‍රීවරුන් එක්කත් සාකච්ඡා කරනවා හිතුනොත් අපි අපිට දුන්න් මේ වැඩකට නැති ඇමතිකම් වලින් ඉවත් වෙනවා” යැයිද මේ මෙහෙයූමට එක්ව සිටින මන්ත්‍රීවරයෙකු අප දේශපාලන වාර්තාකරු සමග සදහන් කර තිබේ.
මේ අතර රාජ්‍ය අමාත්‍යධුරයක් ලැබිම හේතුවෙන් එය නොගෙනම මගුල් මඩුවෙන් එලියට ආ ඩිල්දාස හෙවත් විජයදාස රාජපක්ෂ ජාතිවාදී කුමන්ත්‍රණයකට පාර කපමින් සිටින බව අප දේශපාලන වාර්තාකරු අනාවරණය කළා.
පසුගිය යහපාලන සමයේ අන්තවාදී නානසාර වැනි ගණින්වහන්සේලා යොදාගනිමින් රාජපක්ෂලාට වාසීදායක ලෙස ජාතිවාදය වැපිරු ඩිල්දාස යලිත් එම තත්ත්වය උදා කිරිම සදහා කුමන්ත්‍රණය කරමින් සිටි.ඒ සදහා අලී සබ්රි සදහා අධිකරණ අමාත්‍යධුරය ලබාදිමට කටයුතු කිරිම දඩමිමා කරගෙන ඇති අතර අධිකරණ ඇමතිවරයා මුස්ලිම් ජාතිකයෙකු වන නිසාම බෞද්ධ ජනතාව තුල ජාතිවාදි මතයක් ගෙනයාමටත් මේ දිනවල විජේදාස ක්‍රියාකරමින් සිටි.
ඒ සදහා කොලේ ඉරා ගෙන ඇගේ හලා ගෙන රටම කෑ මෛත්‍රීපාල සිරිසේනගේ සහයද ඩිල්දාසට ලැබෙන බවයි දැනට අනාවරණය වි ඇත්තේ.
Published on: Aug 17, 2020 – බුද්ධ ශාසන අමාත්‍යධුරය ජනාධිපතිවරයා විසින් දැරිය යුතු බවට ප්‍රකාශයක් කරන ලෙස ඉල්ලා නීතිඥ අරුණ ලක්සිරි උණවටුන ශ්‍රේෂ්ඨාධිකරණයට අද මුලික අයිතිවාසිකම් පෙත්සමක් ගොනු කර තිබේ.මේ වනවිට ජනාධිපතිවරයා යටතේ පවතින ආරක්ෂක අමාත්‍ය ධූරයද වෙනත් පාර්ලිමේන්තු මන්ත්‍රීවරයෙකු වෙත පැවරීමට සූදානමක් ඇති බව දැනගන්නට ඇති බවද ඔහු සදහන් කර තිබේ. මෙම පෙත්සමේ වගඋත්තරකරු ලෙස ජනාධිපතිවරයා වෙනුවට නීතිපතිවරයා නම් කර තිබේ.
බුද්ධ සාසන අමාත්‍යංශය ජනාධිපතිවරයා යටතේ තබ නොගෙන එය මන්ත්‍රීවරයෙකු යටතට පත් කිරිම හරහා ආණ්ඩුක්රම ව්යවස්ථාව උල්ලංඝනය කර ඇති බවට නිගමනයි කරන ප්‍රකාශයක් නිකුත් කරන ලෙස ඉල්ලා ශ්‍රේෂ්ඨාධිකරණයයට පෙත්සමක් ඉදිරිපත් වුනා. නීතිඥ අරුණ උණවටුන පෙන්වා දෙන්නේ රටේ සමස්ත ඡන්ද දායකයින්ගෙන් පත්වන ජනාධිපතිවරයා යටතේ ආරක්ෂක අමාත්‍යංශය මෙන්ම බුද්ධ සාසන අමාත්‍යංශයද පැවතිය යුතු බවයි.එය එක් දිස්ත්‍රික්කයක ඡන්ද හරහා පත්වන මන්ත්‍රීවරයෙකු යටතට පත්කිරිම ව්යවස්ථාවට පටහැගී බවයි බවයි ඔහුගේ මතය වි ඇත්තේ.
එලෙස කළහොත් එම ක්‍රියාව මෙන්ම බුද්ධ ශාසන අමාත්‍ය ධූරය පාර්ලිමේන්තු මන්ත්‍රීවරයෙකු වෙත පැවරීමෙන් ආණ්ඩුක්රම ව්යවස්ථාව උල්ලංඝණය වීමක් සිදුවී ඇති බවට නිගමනය කරන ප්‍රකාශයක් නිකුත් කරන ලෙසත් නීතිඥ අරුණ ලක්සිරි උණවටුන මහතා ශ්‍රේෂ්ඨාධිකරණයෙන් ඉල්ලා තිබේ.
යම් දිස්ත්‍රික්කයක ඡන්ද දායකයන්ගේ ඡන්දයෙන් හෝ ජාතික ලැයිස්තුවෙන් පත්වන මන්ත්‍රීවරයෙකු මෙන් නොව ජනාධිපතිවරයා මුලු රටේම ජනතාවගේ සෘජු ඡන්දයෙන් පත්වන හෙයින් ආරක්ෂක අමාත්‍ය ධූරය හා බුද්ධ ශාසන අමාත්‍ය ධූරය ජනාධිපතිවරයා විසින් දැරීම ආණ්ඩුක්රම ව්යවස්ථාව අනුව කළ යුතු බවත් පෙත්සමේ සඳහන් ය.
එසේ නොකිරීම ආණ්ඩුක්රම ව්යවස්ථාවේ 9, 10 සහ 12 – එක ව්යවස්ථාවලින් ආරක්ෂා කර ඇති අයිතිවාසිකම් උල්ලංඝණය කිරීමක් හෝ උල්ලංඝණය කිරීමට අත්‍යාසන්න කිරීමක් බවත් පෙත්සම්කරු ශ්‍රේෂ්ඨාධිකරණයට පෙන්වා දී තිබේ.
ආණ්ඩුක්රම ව්යවස්ථාවේ 30 වැනි ව්යවස්ථාව අනුව ජනාධිපතිවරයා රජයේ ප්‍රධානියා ද, විධායකයේ ප්‍රධානියා ද වී සිටියදී ආණ්ඩුක්රම ව්යවස්ථාවේ 9 වන ව්යවස්ථාව අනුව බුද්ධාගමට ප්‍රමුඛස්ථානය පිරිනමන්නේය යන්න අනුව ක්‍රියා නොකර සිටීමෙන් ජනාධිපතිවරයා නෛතික වැරද්දක් සිදුකර ඇති බව ද පෙත්සම්කරු සිය පෙත්සම මගින් පෙන්වා දී තිබේ.
මේ අතර ජනාධිපති ගෝඨාභය රාජපක්ෂ ආරක්ෂක අමාත්‍යධුරය ලබා ගැනීම, ආණ්ඩුක්රම ව්යවස්ථාවේ දහනම වැනි ව්‍යවස්ථා සංශෝධනය අමු අමුවේ උල්ලංඝණය කිරීමක් බව දේශපාලන ප්‍රවීනයන් පෙන්වා දෙනවා.ජනාධිපතිවරණයෙන් පසුව රනිල් වික්‍රමසිංහ ආණ්ඩුව සිය බලය අතහැර ගිය පසුව මහින්ද රාජපක්ෂ ප්‍රමුඛ පොදුජන එක්සත් පෙරමුණ ආණ්ඩු බලය ලබාගත් අවස්ථාවේදී ආරක්ෂක අමාත්‍යාංශය භාරව කිසිදු අමාත්‍යවරයකු පත් නොකර සිටියද මෙවර මහමැතිවරණයෙන් ලැබු තුනෙන් දෙකේ බලයත් සමඟ ජනාධිපතිවරයා ව්‍යවස්ථා විරෝධීව ආරක්ෂක අමාත්‍යාංශය සියතට ගැනීමට කටයුතු කර තිබේ.
19 ව්යවස්ථාවේ 43(2) ව්‍යවස්ථා ප්‍රකාරව අමාත්‍ය ධුරයක් දැරිය හැක්කේ පාර්ලිමේන්තු මන්ත්‍රිවරයකුට පමණක් වන අතර ජනාධිපතිවරයා පාර්ලිමේන්තු මන්ත්‍රීවරයකු නොවන බැවින් ඔහුට අමාත්‍ය ධුරයක් දැරීමට හිමිකමක් නැත. #Gotabaya #Rajapaksa
නීතිඥ අරුණ ලක්සිරි උණවටුන ශ්‍රේෂ්ඨාධිකරණයට ගොනුකල මුලික අයිතිවාසිකම් පෙත්සම පහත දැක්වේ.
Published on: Aug 14, 2020 – සෙංකඩගල නුවර මගුල් මඩුව මෙරට නීතියට ඓතිහාසිකව වැදගත් වන්නේ බ්‍රිතාන්‍යයන් සහ උඩරට රදළ ප්‍රධානීන් විසින් අත්සන් තබන ලද ගිවිසුම හේතුවෙනි.
උඩරට ගිවිසුමේ ප්‍රධානම අරමුණ වූයේ එවකට සිහසුන දැරූ ශ්රී වික්‍රම රාජසිංහ රජු බලයෙන් පහ කරමින් සහ මුලු රටේම නීතියේ අණසක බ්‍රිතාන්‍යයට අත් කර ගැනීමයි.ක්‍රි. ව. 1815 මාර්තු මස 2 වැනි දිනැති උඩරට ගිවිසුමෙන් එදා ‘සිංහලේ’ (CEYLON) එනම් අද ‘ශ්රී ලංකාවේ’ පරමාධිපත්‍ය බලය සම්පූර්ණයෙන් ම බ්‍රිතාන්‍යයන් සතු වුවත් උඩරට ගිවිසුමේ 05 වන වගන්තිය මගින් බුද්ධාගම සම්බන්ධයෙන් දක්වා ඇති එකගතාවයෙන් රටේ ස්වාධීනත්වය තහවුරු කරගෙන ඇත.
උඩරට ගිවිසුමේ 05වන වගන්තිය මෙසේය.
උඩරට ගිවිසුමේ 5 වන වගන්තිය අනුව බුද්ධ ශාසනය රටේ නීතියේ අඩිතාලම බව බ්‍රිතාන්‍යයන්ද පිළිගෙන ඇති අතර එය ආරක්ෂා කිරීමේ වගකීම සහ යුතුකම භාරගෙන තිබුණි.
එමෙන්ම උඩරට ගිවිසුම සිංහල භාෂාවෙන් ද කෙටුම්පත් කිරීමෙන් භාෂා පරමාධිපත්‍යය තවදුරටත්
ආරක්ෂා කර තිබුණේ බුද්ධ ශාසනයේ කොටසක් වන බෞද්ධ ජනතාවගේ භාෂා අයිතිය ආරක්ෂා කරමිනි.
උඩරට ගිවිසුම සඳහා බ්‍රිතාන්‍ය කිරීටය වෙනුවෙන් එවකට ශ්රී ලංකාවේ බ්‍රිතාන්‍ය ආණ්ඩුකාරවරයා ලෙස කටයුතු කළ රොබට් බ්‍රවුන්රිග් අත්සන් තබමින්ද, ගිවිසුමේ අනෙක් පාර්ශවය වූ සිංහල රාජධානිය වෙනුවෙන් පිළිවෙළින් ඇහැළේපොළ නිලමේ හා පළමු අධිකාරම්, හත් කෝරලේ දිසාවේ මොල්ලිගොඩ හා දෙවැනි අධිකාරම්, සබරගමුව දිසාවේ පිළිමතලව්වේ, හතර කෝරලේ දිසාවේ පිළිමතලව්වේ (නැවත වරක්), ඌවේ දිසාවේ මොනරවිල, වලපනේ දිසාවේ දූල්ලෑවේ, වෙල්ලස්සේ හා බින්තැන්නේ දිසාවේ වූ මිල්ලෑව, තමන්කඩ දිසාවේ ගලගම සහ නුවර කලාවියේ දිසාවේ වූ ගලගොඩ යන අත්සන් කරමින් ද, එකී ජාත්‍යන්තර ගිවිසුම මගින් බුද්ධ ශාසනයටත්, සිංහල භාෂාවටත් ජාත්‍යන්තර බැදීම සහ පිළිගැනීම ලබා දී තිබුණි. (ගිවිසුමේ අත්සන් පිළිබද ගැටලුවක් ඇති බව ඇතැමෙකුගේ අදහසයි)
එසේ වුවත් වැඩිකල් යාමට මත්තෙන් බුදු සසුන රැක ගැනීමට සහ සිංහල නීතිය පවත්වාගෙන යාමට බ්‍රිතාන්‍යයන් දුන් පොරොන්දු සියල්ලක් ම කන්ද උඩරට රාජ්‍යයේ බලය අල්ලා ගැනීම සඳහා යොදන ලද උපක්‍රමයක් බව පැහැදිලි වූයෙන් සහ රැවටීමට ලක් වීම 1818 කන්ද උඩරට කැරැල්ලට මූලික අඩිතාලම වැටුණි.
එකී 1815 කැරැල්ල කෲර ලෙස මර්ධනය කරමින් උඩරට ගිවිසුම අනුව නොව සිය අභිමතය අනුව රට පාලනය කිරීමට බ්‍රිතාන්‍යය කටයුතු කළේය.
තමන්ට සියල්ල වැරදී ඇති බවත් උඩරට ගිවිසුම හුදු කඩදාසියක් බවත් සිංහල ජනතාව තේරුම් ගන්නා විට නීතියෙන් ඔවුන් සිරවී අවසන් වී තිබුණි.
ඒ අර්ථයෙන් ගත් විට 2019 ජනාධිපතිවරණය සහ 2020 පාර්ලිමේන්තු මැතිවරණය රටට ඉතා වැදගත් වේ. එදා 1815 ගිවිසුමෙන් කර ගත් අවාසිය මෙදා ඡන්ද බලයෙන් අත් කර නොගැනීමට ජනතාව පරිස්සම් වීම වැදගත් ය. විශේෂයෙන් පොහොට්ටුවට ඡන්දය දුන් ඡන්ද දායකයන් 1815 සිදුවූ රැවටීම නිසි ලෙස අධ්‍යයනය කිරීම වැදගත් වේ.
බ්‍රිතාන්‍ය ඇතුලු යුරෝපීයන් සමග වැඩියෙන් සම්බන්ධතා පැවත්වීමට රිසි වූ එක්සත් ජාතික පක්ෂයේ නායක සහ 2015 පාර්ලිමේන්තු මැතිවරණයෙන් අගමැති වූ රනිල් වික්‍රමසිංහ මහතාට 2020 පාර්ලිමේන්තු මැතිවරණයෙන් මන්ත්‍රී ධූරයක් පවා ලබා නොදී ඛේදනීය මැතිවරණ පරාජයක් අත් කර දීම 1815 උඩරට ගිවිසුමෙන් බ්‍රිතාන්‍යයන් විසින් ජනතාව රැවටුවීමේ එක් ප්‍රතිඵලයකි.
කාරණා එසේ වුවත් සිංහල බහුතර ඡන්දයෙන් බලයට පත් රාජපක්ෂ ජනාධිපතිවරයා තමන්ගේ ලේකම් ලෙස පත් කර ඇති අයගේ ක්‍රියා කලාපය දෙස මැදිගත්ව බලන්නේ නම් වඩා උචිත වේ.
ජනාධිපති ලේකම් පී. බී. ජයසුන්දර මහතා 2020.08.11 දින අමාත්‍යංශ ලේකම්වරුන් වෙත යවා ඇති පහත ලිපිය අධ්‍යයනය කිරීමේදී රනිල් වික්‍රමසිංහ පාර්ශවය දේශපාලනිකව පරාජය වී නැති බව හොඳින් පැහැදිලි වේ.
සිංහල බහුතර ඡන්දයෙන් බලයට පැමිණි ගෝඨාභය රාජපක්ෂ ජනාධිපතිවරයාගේ ලේකම්වරයාට රාජ්‍ය භාෂාව වන සිංහල භාෂාවෙන් සිය ලේකම්වරුන් අමතා ලිපි ලිවීමේ කිසිම බාධාවක් නැත.
එසේ වුවත් ජනාධිපතිවරයා ලේකම්වරයා, අමාත්‍යාංශ ලේකම්වරු ඇමතීමට යොදාගෙන ඇත්තේ රටේ රාජ්‍ය භාෂාව නොව1815 දී ස්වදේශිකයන්ව රැවටූ බ්‍රිතාන්‍යයන්ගේ භාෂාවයි. මෙවැනි ක්‍රියාවන් ගෝඨාභය රාජපක්ෂ ජනාධිපතිවරයා නොදැනුවත්ව සිදු විය හැකි වුවත් ඉන් ගම්‍යමාන වන්නේ 1815 සිදු වූ ආකාරයට සිංහල ජනතාව රැවටීම නැවත සිදු වෙමින් පවතින බවයි.
මද්‍රසා පාසල්, කාති උසාවි, පාස්කු ප්‍රහාරය, උප්පැන්න සහතිකයේ සිංහල ජනවර්ගයක් කිරීම, ශ්‍රේෂ්ඨාධිකරණ සහ අභියාචනාධිකරණ නඩු තීන්දු සිංහල භාෂාවෙන් ලබා දීම වළක්වා ඇති කේ. ඩබ්. දේවනායගම් අධිකරණ ඇමතිවරයාගේ ආණ්ඩුක්රම ව්‍යවස්ථාවෙ 24 ව්යවස්ථාව යටතේ නිකුත් කර ඇති ගැසට් පත්‍රය වැනි කාරණා සම්බන්ධයෙන් ජනතාව අතර සාකච්ඡා වෙමින් පවතින හෙයින් ගෝඨාභය රාජපක්ෂ ජනාධිපතිවරයා අධිකරණ අමාත්‍යවරයා ලෙස අලි සබ්රි ජනාධිපති නීතිඥවරයාව පත් කිරීම සම්බන්ධව මෙම ලිපියෙන් සාකච්ඡා කිරීමට අදහස් නොකරන නමුත් අධිකරණ ඇමතිවරයාට බලපෑමක් ඇති කරන ආණ්ඩුක්රම ව්යවස්ථාවේ 09වැනි ව්‍යවස්ථාවත් , 105.4 අනු ව්යවස්ථාව සම්බන්ධව අවධානයට යොමු කිරීමට සීමා වී ඇත.
සංඝාධිකරණ පිහිටුවීම….
ආණ්ඩුක්රම ව්යවස්ථාවේ 09වැනි ව්යවස්ථාව මෙසේය.
ආණ්ඩුක්රම ව්යවස්ථාවේ 105.4 වැනි අනු ව්යවස්ථාව මෙසේය.
වර්තමාන 1978 ආණ්ඩුක්රම ව්යවස්ථාවේ 09 සහ 105.4 ව්‍යවස්ථා දෙස අවධානයෙන් බැලීමේදී 1815 උඩරට ගිවිසුමේ 05 වන වගන්තිය මගින් බුද්ධ ශාසනය ආරක්ෂා කිරීම තව දුරටත් තහවුරු කර ඇති බව පැහැදිලි වේ.
ආණ්ඩුක්රම ව්යවස්ථාවේ 105.4 ව්යවස්ථාව අනුව
1. භික්ෂූන් වහන්සේලාගේ විනය හා සම්බන්ධ කාරණා හෝ
2. භික්ෂූන් වහන්සේලා අතර ඇති යම් ආරවුලක් හෝ
3. විහාරස්ථාන වලට අදාල සේවාවන් ඉටු කිරීම හා සම්බන්ධ වෙනත් ආරවුලක් හෝ
විනිශ්චය කොට සමථයකට පත් කිරීම සඳහා අධිකරණ, විනිශ්චය අධිකාර හෝ ආයතන ඇතිකොට පිහිටුවීමට පාර්ලිමේන්තු විසින් නීතියෙන් විධිවිධාන සැලැස්විය හැකිය.
ඒ අනුව ආණ්ඩුක්රම ව්යවස්ථාවේ 3 වැන ව්යවස්ථාව සහ 4වැනි ව්යවස්ථාව ද සංඝාධිකරණ පිහිටුවීම සම්බන්ධයෙන් වැදගත් වේ.
මේ සම්බන්ධයෙන් ඉදිරියේදී විස්‍තරාත්මකව සාකච්ඡාවට ලක් කිරීමට අදහස් කරන අතර
1815න් පසු සිංහලයන් නැවත රැවටුණාද? අලුත් රනිල් , ජනාධිපති ලේකම්ද? ආණ්ඩුක්රම ව්යවස්ථාව පිළිගෙන ඇති සංඝාධිකරණය පිහිටුවීම තවත් කල් යයිද? යන්න පිළිබද පොහොට්ටුවට ඡනදය දුන් ඡන්ද දායකයන් අවධානයෙන් සිටීම වැදගත් වේ.
ඒ මන්ද යත් රෑ වැටුණු වලේ දවල් වැටීමෙන් බේරිය හැකි නිසාත්, වක්කඩේ හකුරු හැංගීමෙන් ඵලක් නැති නිසාත්, ගිනි පෙනෙල්ලෙන් බැට කෑ විට කලාමැදිරි එළියටත් චකිතයක් ඇතිවන නිසාත් ය.
නීතිඥ අරුණ ලක්සිරි උණවටුන
arunaunawatuna@gmail.com
Published on: Aug 12, 2020 – මෙරට ප්‍රධාන පෙළේ අරක්කු නිෂ්පාදන සමාගමක නිෂ්පාදනවලට සමානව නිපදවා තැබෑරුම් හරහා ජනතාවට අලෙවි කිරිම ඇතුලු කළුතර හොර අරක්කු ජාවාරමට සම්බන්ධ පයාගල සිදුවූ මහා එතනෝල් ජාවාරම සම්බන්දව ප්‍රධාන සැකකරු වන පොහොට්ටු පක්ෂයේ කළුතර දිස්ත්‍රික් මන්ත්‍රී රෝහිත අබේගුණවර්ධනගේ ප්‍රබල ආධාර කරුවෙක් මෙන්ම පසුගිය පළාත් පාලන මැතිවරණයට ඉදිරිපත් වූ අපේක්ෂකයෙකුද වන දමිත් ධනංජය ඊයේ (11) රක්ෂිත බන්ධනාගාරගත කර තිබේ.ඊට අමතරව ඔහු සමග මෙම ජාවාරමට සම්බන්ධ තවත් 8 දෙනෙකු අත් අඩංගුවට පත් කිරිමට කළුතර මහේස්ත්‍රාත්තුමිය නියෝග කර තිබේ.
කළුතර දකුණ මහ හීනටියන්ගල ප්‍රදේශයේ ගොඩනැගිල්ලක ඔහු විසින් පවත්වාගෙන ගිය මහා පරිමාන නීති විරෝධී මත්පැන් නිෂ්පාදනාගාරයක් කොළඹ අපරාධ කොට්ඨාසය විසින් වටලා විශාල මත්පැන් ප්‍රමාණයක් අත්අඩංගුවට ගැනිම සිදුවු අතර එම මෙහෙයුම බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ගේ සaජු මැදිහත් විම මත සිදුකර තිබුනා.
ඒ අනුව B/14/0/17 දරණ අංකය යටතේ කොළඹ අපරාධ කොටසය විසින් අදාළ ජාවාරම්කරුවන්ට එරෙහිව ඊයේ (11) කලුතර මහේස්ත්‍රාත් අධිකරණය හමුවේ කරුණු ඉදිරිපත් කල අතර පසුව වැඩිදුර පරික්ෂණ සිදුකිරිම සදහා දමිත් ඇතුලු ජාවාරම්කරුවන් රක්ෂිත බන්ධනාගාරගත කර තිබේ.
මීට අමතරව මෙම ජාවාරමේ කුප්‍රකට මෙහෙයුම්කරු වන මෙන්ඩිස් සමාගමේ (W M Mendis) කළමනාකරණය අධ්‍යක්‍ෂක වරයෙක් යයි හදුන්වාගන්නා එතනෝල් ජයලත් හෙවත් ජයලත් පිරිස් සහ ඔහු සමග කටයුතු කල වෙනත් අධ්‍යක්ෂකවරු හදුනා ගැනීමට සියලුම බැංකු ගිණුම් වාර්තා සහ දුරකථන වාර්තා පරික්ෂා කිරීමට වහාම කටයුතු කරන ලෙස කළුතර මහේස්ත්‍රාත්තුමිය නියෝග කර තිබේ.
හොර අරක්කු නිෂ්පාදනය කර වෙළදපොලට නිකුත් කිරීම නිසා අගතියට පත් පාර්ශව වෙනුවෙන් පෙනී සිටි සුමුදු හේවගේ නීතිඥවරයා මෙම නිෂ්පාදන වෙළදපොළ තුළ සංසරණය වීම නිසා අගතියට පත් පාර්ශවයට විශාල පාඩුවක් මෙන්ම රජයට විශාල බදු මුදලක් අහිමිවූ බව අධිකරණය හමුවේ කරුණු දක්වමින් සිටියා.
දමිත් ධනංජය, එතනෝල් ජයලත් ඇතුලු කල්ලියේ හොර අරක්කු ගැන කල අනාවරණයන් සියල්ලම පහතින් කියවන්න ….
Published on: Aug 11, 2020 – 19 වෙනි ආණ්ඩුක්රම ව්‍යවස්ථා සංශෝධනයේ මුල් කෙටුම්පතෙහි විධායක ජනාධිපති ධූරය අහෝසි කරමින් විධායක බලය අගමැති ප්‍රමුඛ කැබිනට් මණ්ඩලයකට පැවරීමට අවශ්‍ය විධිවිධාන ඇතුළත් විය.නමුත් ශ්‍රේෂ්ඨාධිකරණය ලබා දුන් තීන්දුවකින් එම වගන්ති ඉවත් කර තිබෙන අතර, 19 වෙනි ආණ්ඩුක්රම ව්‍යවස්ථා සංශෝධන පනත් කෙටුම්පත ව්යවස්ථාවට පටහැණි නොවුණද එහි ඇතැම් වගන්ති සංශෝධනය කිරීමේ දී පාර්ලිමේන්තුවේ තුනෙන් දෙකක බලයකින් සම්මත වී, අනතුරුව ජනමත විචාරණයක් ද පැවැත්විය යුතු බව ශ්‍රේෂ්ඨාධිකරණයේ මතය වී තිබේ.
කෙසේවෙතත්, ඉහත කී සංශෝධනයෙන් යම් දුරකට විධායක බලතලවල වෙනසක් සිදුවිය.
ජනාධිපති බලතල යටතේ අමාත්‍යාංශ මෙහෙයවීම ව්‍යවස්ථානුකූල ද?
ජනාධිපතිවරයාට තමන් යටතේ තියා ගන්න පුළුවන් අමාත්‍යාංශ ගැන මේ වනතෙක් කිසි කෙනෙක් අභියෝගයට ලක් කර නැහැ,.
7 වැනි පාර්ලිමේන්තුවට අනුව 19 වෙනි සංශෝධනයේ 50 (අ) වගන්තිය අනුව, ජනාධිපතිවරයා විසින් යම් විෂයයක් හෝ කර්තව්‍යයක් පවරා ගත හැක්කේ අග්‍රාමාත්‍යවරයාගේ එකඟත්වය ඇතිව වන අතර, ඔහු යටතේ තබා ගත යුතු අමාත්‍යංශ තීරණය කළ හැකි වන්නේ ද එවැනිම එකඟත්වයක් මතය. කෙසේවෙතත් 8 වන පාර්ලිමේන්තුව රැස්වන විට 19 වෙනි සංශෝධනයේ 50 (අ) වගන්තියද අවසන් වන අතර ඒ අනුව එය 9 වන පාර්ලිමේන්තුවට කිසිදු අදාළ තාවක් නැත.
නමුත්, 42, 43 සහ 44 වගන්තිවල සඳහන් වන පරිදි අග්‍රාමාත්‍යවරයාගේ අදහස් විමසීම අවශ්‍ය යැයි ජනාධිපතිවරයා සලකන අවස්ථාවල දී ඔහුගෙන් අදහස් විමසා අමාත්‍ය ධූර සංඛ්‍යාව, අමාත්‍යාංශ සංඛ්‍යාව සහ එකී අමාත්‍යවරුන්ට පවරන විෂය පිළිබඳ තීරණය කළ යුතුය.(කතෘ සටහන)
2020.08.10 දින ජනාධිපති මාධ්‍ය අංශය නිකුත් කර ඇති පහත නිවේදනය බලන්න.
ශ්‍රේෂ්ඨාධිකරණ තීරණ උල්ලංඝනය කරමින් කථානායකවරයාගේ සහතිකය වැරදියට යොදා ගෙන ක්‍රියාත්මක කරන 19ය නිවැරදි නොකර ගෝඨාභය රාජපක්ෂ ජනාධිපතිවරයා ඊනියා 19 අනුව කටයුතු කළද, 19යේ වැරැද්ද පැහැදිලි කරන ලිපි රැසක් විද්වතුන් විසින් මේ වනවිට ප්‍රසිද්ධ කර ඇත.
මේ සම්බන්ධයෙන් ලියන ලද ලිපි 2ක් 2020 පෙබරවාරි 09 සහ 2020 මාර්තු 08 දිනවල දිවයින ඉරිදා සංග්‍රහය පුවත් පතේ පළ වී ඇති අතර පහත දැක්වෙන අන්තර්ජාල සබැදියේ ඒ ලිපි දැක්වෙන බවත් එහි දැක්වේ.
එනෙන්ම www.lankaweb.com වෙබ් අඩවියද මේ සම්බන්ධයෙන් ලිපි ප්‍රසිද්ධ කර ඇත.
අලුත් පාර්ලිමේන්තුව කළ යුත්තේ 19 අහෝසි කිරීමද? 19 නීතියක් කිරීමට අවශ්‍ය ඉදිරි පියවර ගැනීමද?
ශ්‍රේෂ්ඨාධිකරණ තීරණ උල්ලංඝනය කළ 19 නිවැරදි කිරීමට ජනාධිපතිවරයා ක්‍රියා නොකිරීම වරදක්වන අතර, ඊනියා 19 නීතියක් ලෙස රැවටී පාලනය ගෙන යාමට සිදුවේ.
ඊනියා 19 යටතේ කිසිම අමාත්‍යාංශයක් ජනාධිපතිට තියා ගන්න බෑ කියල ජනාධිපති ළග ඉන්න උගතුන්ට නොතේරෙන්නේ ඇයි? යන්න ගැටළුවකි.
ඊනියා 19යට පටහැනිව යමින්, ක්‍රියා කරමින් අමාත්‍යාංශය ජනාධිපති සතුකිරීමට ඔවුන් කටයුතු කරන්නේ ඇයි?
මේ නීති විශාරදයන් ඉන්නෙත් මෛත්‍රීපාල සිරිසේන ජනාධිපතිවරයා නොමග යැව්වා වගේ ගෝඨාභය රාජපක්ෂ ජනාධිපතිවරයාවත් නොමග යවන්නද?
2020.08.10 දින ජනාධිපති මාධ්‍ය අංශය නිකුත් කළ මාධ්‍ය නිවේදනය ඊනියා 19යටත් පටහැනි වේ.
මෙහි ඇති “ජනාධිපතිතුමා සහ අග්‍රාමාත්‍යතුමා විසින් හොබවන අමාත්‍යාංශය” කියල ලියන්න ඊනියා 19 යටතේ ජනාධිපති මාධ්‍ය අංශයට හැකියාවක් නෑ.
මොකද ඊනියා 19 යටතේ ජනාධිපතිට කිසිම අමාත්‍යාංශයක් තියා ගන්න නොහැකි නිසා. (මෛත්‍රීපාල සිරිසේන ජනාධිපතිවරයාට පමණ ආරක්ෂක, පරිසර සහ මහවැලි අමාත්‍යාංශය තමා සතු කිරීමට සීමිත බලයක් තිබුණි)
ජනාධිපති ගෝඨාභය රාජපක්ෂ ළග ඉන්නා නීති විශාරදයන් ද මෛත්‍රීපාල සිරිසේන ළග සිටි නීති විශාරදයන් ට නොදෙවෙනි බව මෙම මාධ්‍ය නිවේදනයෙන් පැහැදිලි වේ.
නීතිඥ අරුණ ලක්සිරි උණවටුන
සමගි ජන බලවේගයේ ජාතික ලැයිස්තුවෙන් පත්කරන 7 දෙනා සම්බන්ධයෙන්ඇතිව තිබේන අර්බුදය උග්‍ර වෙමින් තිබේන බව අප දේශපාලන වාර්තාකරු අනාවරණය කරනවා. සජිත් ප්‍රේමදාසගේ නායකත්වයෙන් යුත් SJB ජාතික ලැයිස්තුවේන් මන්ත්‍රීධුර 7ක් දිනා ගැනිමට සමත් වු අතර මැතිවරණය සදහා තරග කිරිමට එක්කරගත්සුළු පක්ෂ නායකයින් සමග ඇති කර ගත් ගිවිසුමක් හේතුවෙන් මෙම අර්බුදය හටගත් අතර මේ වනවිට එය උග්‍ර අතර හැරෙමින් තිබේ.
රිෂාඞ් බදියුදීන් හා මනෝ ගනේෂන් යන අයගේ නායකත්වයෙන් යුතු දේශපාලන පක්ෂ වෙනුවෙන් පොරොන්දු වී ඇති පරිදි ලැයිස්තු මන්ත්‍රිධූර ලබාදීමට නොහැකි වී ඇති බව සමඟි ජනබලවේගයේ මහලේකම්වරයා දැනුම් දිමත් සමග අර්බුදය උග්‍ර වු අතර මන්ත්‍රීධුර 7න් තම පක්ෂ වෙත හිමිවිය යුතු බවට මනෝ ගනේෂන් හා රිෂාඞ් බදියුධීන් යන පක්ෂ නායකයින් සමඟි ජනබලවේගයේ නායකයාට අවධාරණය කර තිබේ.
අගෝස්තු 5 වැනිදා පැවැති මැතිවරණයෙන් සජිත් ප්‍රේමදාස නායකත්වය දරන සමගි ජනබලවේගයට ඡන්දයෙන් මන්ත්‍රීධුර 47ක් හිමිවු අතර ඉන් මන්ත්‍රී ධුර 20 ක් සුලු ජාතිකයන්ට හිමිව තිබේ.ඒ අනුව පක්ෂයේ ජ්‍යෙෂ්ඨයන් යැයි කියා ගන්නා පිරිසක් පෙන්වා දි ඇත්තේ ජාතික ලැයිස්තුවේ මන්ත්‍රීධුර සුළු පක්ෂවලට ලබාදිය යුතු නැති බවයි.
ඒ සමගම මෙම අර්බුදය හටගෙන තිබේන අතර සුළු පක්ෂ නායකයින් අප දේශපාලන වාර්තාකරු සමග සදහන් කර තිබුනේ තමන් කවර පක්ෂයකින් ඡන්දය ඉල්ලුවද තමන්ගේ ජනතාව තමන්ට ඡන්දය ලබාදෙන බවත් ඒ අනුව සමගි ජනබලවේගයට ලැබුන ඡන්ද වලින් සියයට 50කට වැඩි ප්‍රමාණයක් තමන්ගේ ජනතාව විසින් ලබාදුන් ඡන්ද බවයි.ඒ හේතුවෙන් ජාතික ලැයිස්තුවේ මන්ත්‍රීධුර වලට තමන්ට වැඩි අයිතියක් ඇති බවයි.
මේ වනවිටත් අවස්ථා ගණනාවක් ජාතික ලැයිස්තුව වෙනස් වු අතර මේ දක්වා අවසානයක් දැකිමට හැකියාව ලැබි නෑ.සමඟි ජනබලවේගයට ලැබී ඇත්තේ ජාතික ලැයිස්තු මන්ත්‍රිධූර 07 ක් පමණක් වන අතර එම මන්ත්‍රිධූර සංඛ්‍යාව සුළු පක්ෂ වෙත බෙදාදුන්නොත් අත්‍යවශ්‍ය නියෝජිතයින් පාර්ලිමේන්තුවට ගැනීම සම්බන්ධයෙන් සමඟි ජනබලවේගයේ නායකයා බරපතල ගැටළුෑවකට මුහුණ දි සිටින බවයි අප දේශපාලන වාර්තාකරු අනාවරණය කළේ.
රවුෆ් හකීම්, මනෝ ගනේෂන් හා රිෂාඞ් බදියුධීන් යන තිදේනාට මන්ත්‍රීධුර එක බැගින් ලබාදීමට කටයුතු කලහොත් නුවරඑළියේන් තරගකල පලනි දිගම්බරම්ටද ආසනයක් ලබාදිමට සිදුවනු ඇත.ඊට අමතරව ජාතික හෙළ උරුමය නියෝජනය කරමින් තරග කල පාඨ්ලී චම්පික රණවකටද එකක් ලබාදිමට සිදුවන අතර චම්පික අඩු මනාප සංඛ්‍යාවක් ලබාගැනිම හේතුවෙන් ඔහුගේ ඉල්ලිම නොසලකා හැරිය හැකි බවයි පක්ෂයේ මතය වි ඇත්තේ.
චම්පිකව කපා දැමුවද රවුෆ් , මනෝ , රිෂාඞ් හා දිගම්බරම් යන අයට එක බැගින් ලබාදුනහොත් ඉතුරු වන්නේ ආසන 3කි. SJB මහා ලේකම් රංජිත් මද්ධුමබණ්ධාර, පක්ෂය ලබාදුන් ධයනා හට සහ හරින්ට ආසනය බැගින් ලබාදිමට හැකියාව ඇත. කෙසේවෙතත් සමගි ජනබලවේගයේ ඉමිතියාස් බාකිර් මාකර්ට අනිවාර්යයෙන් මන්ත්‍රී අසුනක් ලබාදිය යුතු බව පක්ෂ නායකත්වය තින්දුකර තිබිම හෙතුවෙන් අප දේශපාලන වාර්තාකරු සදහන් කළේ සමගි බලවේගයේ නිලතල වලින් එලියට විසිවුනා සේම හරින් මන්ත්‍රීකමින්ද එලියට විසිවෙන ලකුණු පහල වි ඇති බවයි.
Published on: Aug 7, 2020-අන්ත පරාජයට පත්ව ජාතික ලැයිස්තුවේන් පමණක් එකම මන්ත්‍රීධූරයක් දිනාගත් එක්සත් ජාතික පක්ෂයට එම මන්ත්‍රීධුරය සදහා රනිල් වික්‍රමසිං හ පත් කිරිමට තිරණය කර තිබේන බව අප දේශපාලන වාර්තාකරු අනාවරණය කළා. මන්ත්‍රීවරයෙකු ලෙස පත්වන රනිල් වික්‍රමසිංහ 2/3ක බලයක් සහිත රාජපක්ෂ ආණ්ඩුවේ කැමත්ත මත පාර්ලිමේන්තුවේ කතානායකවරයා ලෙස පත්කර ගැනිමට මේ වනවිටත් එකඟතාව පලවි ඇති අතර ඒ සම්බන්ධයෙන් මහින්ද,ගෝඨාභය සහ රනිල් අතර දුරකතන සාකච්ඡාවක් අද දහවල් සිදුව තිබේ.
සජිත් ප්‍රේමදාසගේ නායකත්වයෙන් තරග වැදුන ජාතික සමගී බලවේගයේන් පත්වන මන්ත්‍රීවරුන් 15 දෙනෙකු රනිල්ට සහය පලකිරිමට කැමැතත් පලකර තිබේන අතර ඔහුන් යලිත් එක්සත් ජාතික පක්ෂය සමග එක්විමට නියමිතව සිටි.එම කණ්ඩායමට ආණ්ඩුව රැකවරණය ලබාදිමට කැමත්ත පලකර තිබේන අතර ඔහුන් ඒක්සත් ජාතික පක්ෂයේ ඉහල තනතුරු සදහාද පත්කර ගැනිමට මේ වනවිට සාකච්ඡා සිදුවෙමින් තිබේන බවයි අප දේශපාලන වාර්තාකරු සදහන් කළේ.අදාල මන්ත්‍රීවරුන්ගෙන් කිහිප දෙනෙකුම ආණ්ඩුවට සහය දැක්විමට කැමත්ත පලකර තිබේන නමුත් 2/3ක බලයක් සහිතව සිටින රාජපක්ෂ ආණ්ඩුව ඒ සදහා සaජුව කැමැත්ත පලකර නොමැති බවයි අප දේශපාලන වාර්තාකරු සදහන් කළේ.
ඒ අනුව එක්සත් ජාතික පක්ෂය නැවත ප්‍රතිසංවිධායනය හා ප්‍රතිව්‍යුහගත කිරිම සම්බන්ධයෙන් සාකච්ඡා කිරිමට සඳුදා (10) රැස්විමට කැමැත්ත පලකර තිබේන අතර එහිදි මේ සම්බන්ධයෙන් පුළුල්ව සාකච්ඡා කිරිමට නියමිතව තිබේ.මහා මැතිවරණයෙන් ලැබු අනපේක්ෂිත ප්‍රථ්පලය හමුවේ එක්සත් ජාතික පක්ෂයේ නායකත්වය ඇතුලු නිලතල වෙනත් කණ්ඩායම් සදහා ලබාදිමට මුලදි පක්ෂ නායක රනිල් තින්දු කර තිබුනද එය සම්පූර්ණයෙන් මේ වනවිට වෙනස් කරගෙන තිබේන අතර සජිත්ගේ SJB ලැබු ප්‍රතිපල සම්බන්ධයෙන් කරන ලද විශ්ලේෂණය එයට මුලිකව බලපෑම් කර තිබේ.
සමගි ජන බලවේගය ඡන්ද 27,71,984ක් ලබාගනිමින් මන්ත්‍රී ධුර 54ක් දිනාගත් නමුත් එය ප්‍රතිශතයක් ලෙස සියයට 23.9ක අගයක් ගැනිම මෙන්ම සිංහල බහුතර ජනතාව අතර එම පක්ෂය ප්‍රති කේෂ්පවිම එම තින්දුවට ප්‍රධාන ලෙස බලපෑම් කර තිබේ.
කොළඹ දිස්ත්‍රික්යෙන් පත්වු මන්ත්‍රීවරුන් 6 දෙනාගෙන් 3 දෙනෙකුම සුළු පක්ෂ නියෝජනයන් විමත් එජාපයේ සහ සමගී ජනබලවෙගයේ දෙවන පෙල නායකයා ලෙස පෙනී සිටිමට උත්සහ කල පාඨලී චම්පික රණවක 5 වැනි ස්ථානයට පත්විමත්,වැනි කරුණු එහිදි මුලිකවම සාකච්ඡාවට ගෙන තිබේන බවයි අනාවරණය වන්නේ.
Published on: Aug 7, 2020 – ශ්රී ලංකාවේ 13 වැනි පාර්ලිමේන්තුව තෝරා පත්කරගැනීම සඳහා පැවැති මහ මැතිවරණයේදී ඡන්ද 68,53,693ක් ලබාගනිමින් අති විශිෂ්ට ජයක් ලබාගැනීමට ශ්රී ලංකා පොදුජන පෙරමුණ සමත් වි අවසන්. ඒ අනුව ශ්රී ලංකා පොදුජන පෙරමුණ පාර්ලිමේන්තුවේ මන්ත්‍රී ධුර 145ක් දිනාගැනීමට සමත් වු අතර ජාතික ලැයිස්තුවේ මන්ත්‍රීධුර මෙන්ම උතුරේ ඔහුන් නියෝජනය කරමින් සුළු පක්ෂ කිහිපයකින් තරග වැදුන සමාජිකයන්ද සමග පොහොට්ටුව 150 පසුකර 2/3ක බලයක් අත්පත් කරගෙන තිබේ.කැදහැලි,කුලල් කා ගන්නා, දේශපාලනය නොකරන විපක්ෂයක් සහිත රටක 5/6ක් නොලැබීම සම්බන්ධයෙන් එක් අතකට සතුටු විය හැක.
සමගි ජන බලවේගය ඡන්ද 27,71,984ක් ලබාගනිමින් මන්ත්‍රී ධුර 54ක් දිනාගත් අතර සිංහල බහුතර ජනතාව අතර එම පක්ෂයට කිසිදු අවස්ථාවක් නොමැති බව මනාව එම ප්‍රතිපල විශ්ලේෂණයයට අනුව පෙනී යයි.
ඉලංකෙයි තමිල් අරසුකච්චි ඡන්ද 3,27,168 ක් ලබාගනිමින් මන්ත්‍රීධූර 10 ක් දිනාගත් අතර ඡන්ද 4,45,958 ක් ලබාගත් ජාතික ජනබලවේගය මන්ත්‍රීධූර 3 ක් ලබාගත්තේය.
ශ්රී ලංකාවේ පැරණිතම දේශපාලන පක්ෂය වූ එක්සත් ජාතික පක්ෂයට ජාතික ලැයිස්තුවේන් පමණක් එකම මන්ත්‍රීධූරයක් දිනාගෙන ඇති අතර ඒ වෙනුවෙන් එක්සත් ජාතික පක්ෂය ලබාගත් ඡන්ද සංඛ්‍යාව 2,49,435 ක් වන අතර එය ප්‍රතිශතයක් වශයෙන් 2.15% කි.
රටේ කාලකන්නි ජාතිවාදි කදවුර නියෝජනය කරන අතුරුලියේරතන සහ ගලගොඩඅත්තේ ඥානසාර නියෝජනය කරන ‘කොඩිය’ ලකුණින් මෙවර මැතිවරණයට ඉදිරිපත්වූ ‘අපේ ජන බල පක්ෂයට ජාතික ලැයිස්තු මන්ත්‍රී ධූරයක් හිමිව ඇති අතර සමස්ත ලංකාවෙන්ම එ සදහා ලැබි තිබේන ඡන්ද සංඛ්‍යාව 67,758ක් වන අතර එය සමස්ථ ප්‍රථිපලයෙන් සියයට 0.58%ක් වේ.රටේම ජනතාව ජාතිවාදි බලලුන් ප්‍රතික්ෂ්ප කරද්දී මැතිවරණ ක්‍රමයේ වරද හේතුවෙන් ඔහුන් පාර්ලිමේන්තුවේ දොර විවෘත කර ගැනිමට සමත්ව තිබේ.ඒසේ නම් ජනතාවගේ සැබෑ ජනමතය පාර්ලිමේන්තුව තුල නියෝජනය වන බවට කරන ප්‍රකාශ පට්ට කෙප්ප බව ඉතා පැහැදිලිය.
නානසාර,රතන වලියක….
පොහොට්ටුවෙන් ගම්පහට නම දමා ගැනිමේ අනවරථ අරගලයෙන් පරාජයට පත්විම හේතුවෙන් රාජපක්ෂලා සමග හදාගත් වෛරයේ පක්ෂය වන අපේ ජන බල පක්ෂය හරහා ගම්පහින් පාර්ලිමේන්තුවට එමට සිටි රතන හිමියෝ ඒ සදහා තවත් නමගිය ජාතිවාදීන් එකතු කර ගැනිමට සමත්විය.ඒ අනුව බොදු බල සේනා මහ ලේකම් රාජකීය පණ්ඩිත ගලගොඩඅත්තේ ඥානසාර මහින්ද සමග කුරුණෑගල සටන යැවු අතර කපටිකමින් අගතැන්පත් නානසාර කුරුණෑගල අපේ ජන බල පක්ෂයේ ලෑයිස්තුව ප්‍රතිකේෂ්ප වන තැනට කටයුතු කිරිමට තරම් දක්ෂ විය.ඊට අමතරව ශ්‍රි ලනිපයෙන් දොට්ට වැටි මහින්දලාද කනෙන් ඇද එලියට දැමු ජිවන් සහ ගාමිණි තිලකසිරි අපේ ජන බල පක්ෂයේ කොළඹ ලැස්තුවට රිංගා ගත් නමුත් අවසන් මොහොතේ පොරොන්දු වු ලක්ෂ 10ක මුදල රතනට නොලැබිම හේතුවෙන් ඔහුන් එම ලැයිස්තුවේන් ඉවත් කල අතර ඒ හේතුවෙන් සිදුවු වරදක් නිසා කොළඹ අපේ ජන බල පක්ෂයේ නාම යෝජනාවද ප්‍රතිකේෂ්ප විය.
මැතිවරණ ක්‍රමයේ වරදින් ලැබුන ආසනය සදහා මේ වනවිට සටනක් ආරම්භ වි ඇති අතර රතන හිමියන්ගේ අදහස වි ඇත්තේ පක්ෂයේ නායකයා ලෙස ගම්පහින් තරග කල තමන්ට එම ආසනය හිමිවිය යුතු බවයි.එක අතකට එය සදාචාරාත්මකය.මන්ද රතන හිමියන් ගම්පහට තරග කර තිබේ.නානසාර කපටිකමින් සිය ලැයිස්තුව පවා ප්‍රතික්ෂ්ප කර ගත් අයේකි.
මේ වනවිට නානසාර සහ රතන අතර ද්වන්ධ සටනක් ආරම්භ වි ඇති අතර මන්ත්‍රී ආසනය රැක ගැනිම සදහා නීති උපදෙස් ද ලබා ගැනිමට කටයුතු කරමින් සිටින බව වාර්තා වේ.මේ අතර නානාසාර සිය වෙබ් බලකාය කඩේ යවමින් තමන් ලැයිස්තුවේ මන්ත්‍රීධුරයට පාර්ලිමේන්තුයන බව සදහන් කරමින් සිටි.දෙදෙනාගෙ කවුරුන් ගියද එය රටේ ජනතවාගේ අවසනාවකි.මන්ද නානසාර මෙන්ම රතනද කවුරුන්ද යන්න රටේ ජනතාවට අලුතින් කියාදිය යුතු නැත.
මේ අතර 2020 මහමැතිවරණයේ කොළඹ දිස්ත්‍රික්කයේ මනාප ප්‍රතිඵල වලට අනුව ශ්රී ලංකා පොදුජන පෙරමුණ ආසන 12ක් දිනාගත් අතර ජාතිවාදි කදවුරේ ඉදිරිපෙල නායකයා ලෙස කටයුතු කරන විමල් විරවංශගේ දේශපාලන ගමන බිමට ඇද දැමිමට මේවර ජනතාව කටයුතු කර තිබේ.නමුත් එකට පැමිණ ඇත්තේද ඊට දෙවනි නොවන ජාතිවාදියෙකි.
(01) සරත් වීරසේකර – 328,092
(02) විමල් වීරවංශ – 267,084
ජුනී 11 වැනිදා අප ඒ සම්බන්ධයෙන් කල අනාවරණය…
Published on: Jun 11, 2020 – විමල් 2කට වැටේ…. තිලංග,විජේදාස ගේදර… කොළඹ දිනන ලැයිස්තුව ගැන රාජපක්ෂලා අතර සාකච්ඡාවක්!
http://lankanewsnetwork.org/archives/24424
මාතර දිස්ත්‍රික්කයේ සටන සම්බන්ධයෙන්ද අප කල අනාවරණය තහවුරු වි තිබේ.එනම් විමල්ගේ චක් ගොලයෙකු වන නිරෝෂන් දොට්ට වැටිමයි.
ජුනී 15 වැනිදා අපකල අනාවරණය…
Published on: Jun 15, 2020- මාතර සටන උග්‍රවෙයි… නිරෝෂන් එලියට …. මහින්දලාගේ ඥාති පුතා පෙරටම! මංගලගේ ඉවත් විමෙන් UNP,JVP යට අවස්ථාවක්!
http://lankanewsnetwork.org/archives/24473
