Published on: Jun 4, 2020 – තමන් ලේකම්වරුන්‍ මාර්ගයෙන් දාපු ඩීල් එකක හඬ පට තිබෙනවා නම් ඒවා එළියට දෙන්නැයි හිටපු අමාත්‍ය, අර්ජුන රණතුංග මහතා ඇවන්ට්ගාර්ඩ් සමාගමේ සභාපති නිශ්ශංක සේනාධිපති මහතාට අභියෝග කරයි. ඒ නිශ්ශංක සේනාධිපති මහතා මාධ්‍යයට කළ ප්‍රකාශයක් ගැන මාධ්‍යවේදියකු හිටපු අමාත්‍ය අර්ජුන රණතුංග මහතාගෙන් විමසූ අවස්ථාවේදීය. සියල්ලට ප්‍රථමයෙන් නිශ්ශංක සේනාධිපති මුදල් හම්බ කළේ කෙසේදැයි මේ ආණ්ඩුව සෙවිය යුතු බව ද අර්ජුන රණතුංග මහතා අවධාරණය කළේය. ජනාධිතිපතිතුමාට පවා කෙළින් කථා කරන්න පුළුවන් වන්නේ එවිට යැයිද අර්ජුන රණතුංග මහතා කියා සිටියේය.
”ඔය මනුෂ්‍යයා ඇවිල්ලා කතාකාරයෙක්. ලොකුවට කතා කළාට කිසි දෙයක් කරපු කෙනෙක් නෙමෙයි. රටේ සල්ලි හොරකම් කරපු පුද්ගලයෙක්. ආණ්ඩුවට එන සල්ලිනේ මේ මිනිහා සාක්කුවේ දාගෙන තියෙන්නේ. ඒකට නාවික හමුදාවේ සමහර ජ්‍යෙෂ්ඨයින්ව අල්ලා ගත්තා. හිටපු හමුදාපතිවරුන් අල්ලා ගත්තා. මම එතුමා ගැන හොඳ වාර්තාවක් දෙන්නම්. මොකද මම මේ සිදුවීම ගැන හොඳට අධ්‍යනය කරලා තියෙනවා. මිනිහා කරලා තියෙනවා දේවල් ඔක්කොම දන්නවා. කොහොමද ගත්තේ කියන එකත් දන්නවා. එයාට මෙතැන ඉන්‍න හම්බ වෙන්නේ නැහැ මම හරියට කතා කළොත්. ඔය නිශ්ශංක කියන පුද්ගලයා ඔච්චර සල්ලි හොයා ගත්තේ කොහොමද කියලා හොයන්නකෝ. ඊට වඩා තව යටින් තියෙන ව්‍යාපාර කියලත් ඔය ගොල්ලෝ හොයන්න. මම ඕවට කතා කරන්න යන්නේ නැහැ. සාමාන්‍යයෙන් හමුදාවේ හිටිය පුද්ගලයෙක් ඔච්චර මුදල් හම්බ වෙන්න එක්කෝ රටේ මුදල් මිනිහා අරගෙන තියෙනවා. එහෙම නැත්නම් වෙන ව්‍යාපාරයක වෙන මුදල් ගන්නවා ඇති. ඒව ගැන හොයලා බලන්න ඕන. දැන් මේ අලුතින් ආවේ අපේ විරුවෙක්නේ ආවේ. හරි දේ කරන්නනේ ආවේ අපේ ගෝඨාභය මහත්තයා. ඉස්සෙල්ලා ම කරන්න නිශ්ශංක සේනාධිපතිගේ තියෙන හොරකම් ටික හොයලා බලන්න, කොච්චර ගෙවන්න තියෙනවද කියලා. ඒවා ඉස්සෙල්ලා ම අර ගන්න. එතකොට ජනාධිපතිතුමාට කෙලින් කතා කරන්න පුළුවන් කියලා හිතනවා. නමුත් මම හිතන්නේ නෑ ජනාධිපතිතුමාටත් ඕව කරන්න පුළුවන් කියලා. ගෝඨාභය මහත්තයටත් සමහර වෙලාවට ඔය කිව්වට මේ මිනිස්සුන්ට, සම්බන්ධකම් ඇති…”යි – Nissanka Senadhipathi
Published on: Jun 3, 2020- ප්‍රජාතන්ත්‍රවාදය තබ දොයිතුවකට මායිම් නොකරන වහල් සමාජය විසින් ඉල්ලා සිටි මිලටරී ජුන්ටාව ඊයේ මධ්‍යම රාත්‍රියේ (ජුනි 2 ) නිකුත් කරන ලද ඇති විශේෂ ගැසට් පත්‍රයක් මඟින් ජනාධිපති ගෝඨාභය රාජපක්ෂ විසින් පිහිටුවා තිබේ. වහල් සමාජයක අවශ්‍යතාවට ගැලපෙන පරිදි එය නම් කර තිබුනේ “සුරක්ෂිත රටක් විනය ගරුක, ගුණවත් සහ නීතිගරුක සමාජයක්” යනුවෙනි.
ඒ අනුව secure country and a disciplined, virtuous, and lawful society නොහොත් “සුරක්ෂිත රටක් විනය ගරුක, ගුණවත් සහ නීතිගරුක සමාජයක්” යන මිලිටරි ජනාධිපති කාර්ය සාධක බලකායක් පත් කොට තිබේ.
ආරක්ෂක අමාත්‍යාංශයේ ලේකම් විශ්‍රාමික මේජර් ජෙනරාල් කමල් ගුණරත්නගේ ප්‍රධානත්වයෙන් යුත් මෙම කාර්ය සාධක බලකායට සන්නද්ධ හමුදා ප්‍රධානීන් සහ පොලිස් හා බුද්ධි අංශ ප්‍රධානීන්, රේගු ප්‍රධානියා සහ ආරක්ෂක අමාත්‍යාංශයේ අතිරේක ලේකම් ඇතුලු සමාජිකයින් 13 දෙනෙකුගෙන් මෙම බලකාය සමන්විත වේ.
මේජර් ජෙනරාල් (විශ්‍රාමික) කමල් ගුණරත්න , ආරක්ෂක අමාත්‍යාංශයේ ලේකම් කාර්ය සාධක බලකා ප්‍රධානි තනතුර දරණ අතර මෙම සාමාජිකයින් 13 දෙනාම දැනට සේවයේ නියුතු සහ විශ්‍රාමිකයින් ලෙස ඉහළ මිලිටරි හා පොලිස් තනතුරු හෙඹ වූ සහ හොඹවන පුද්ගලයින් ඇතුලත් වේ.
ශ්‍රී ලංකා යුද හමුදා අණදෙන නිලධාරි ලුතිනන් ජෙනරාල් ෂවේන්ද්‍ර සිල්වා,ශ්‍රී ලංකා නාවික හමුදාවේ අණදෙන නිලධාරී වයිස් අද්මිරාල් පියල් ද සිල්වා,එයාර් මාර්ෂල් සුමංගල ඩයස්, ශ්‍රී ලංකා ගුවන් හමුදාවේ අණදෙන නිලධාරී, සී. ඩි. වික්‍රමරත්න, වැඩබලන පොලිස්පති,මේජර් ජෙනරාල් (විශ්‍රාමික) විජිත රවිප්‍රිය, රේගු අධ්‍යක්ෂ ජනරාල්, මේජර් ජෙනරාල් (විශ්‍රාමික) ජගත් අල්විස්, ජාතික බුද්ධි සේවයේ ප්‍රධානී,මේජර් ජෙනරාල් සුරේෂ් සාලි, රාජ්‍ය බුද්ධි සේවයේ අධ්‍යක්ෂ,මේජර් ජෙනරාල් ඒ. එස්. හේවාවිතාරණ, යුද හමුදා බුද්ධි අංශ අධ්‍යක්ෂ,කපිතාන් එස්.ජේ. කුමාර, නාවික බුද්ධි අංශයේ අධ්‍යක්ෂ,එයාර් කොමදෝරු එම්.ඩී.ජේ. ගුවන් හමුදා බුද්ධි ඒකකයේ අධ්‍යක්ෂ,ටී. සී. ඒ . ධනපාල, නියෝජ්‍ය පොලිස්පති, විශේෂ කාර්ය සාධක බලකාය,වරුණ ජයසුන්දර, නියෝජ්‍ය පොලිස්පති යන අයගෙන් මෙම කාර්ය සාධක බලකාය සම්න්විත වේ.
ගැස්ට්ටුවට අනුව මුලික කරුණු 4 ක් ඇතුලත් වන අතර…..
“සුරක්ෂිත රටක් විනය ගරුක, ගුණවත් සහ නීතිගරුක සමාජයක්” බිහි කිරීම සඳහා
1. රටේ ඇතැම් ස්ථානවල වර්තමානයේ සමාජයේ නිදහස් හා සාමකාමී පැවැත්මට හානිකර ලෙස මතුවෙමින් පවතින නීතිය උල්ලංඝණය කරන සමාජ කණ්ඩායම්වල නීති විරෝධී ක්‍රියාකාරකම් මැඩපැවැත්වීමට අවශ්‍ය ක්ෂණික පියවර ගැනීම.
2. මත්ද්‍රව්‍ය උවදුර මැඩපැවැත්වීම, වරාය හා ගුවන්තොටුපළ හරහා විදේශයන්ගෙන් මත්ද්‍රව්‍ය ඇතුළු වීම වැළැක්වීම සහ රට තුළ මත්ද්‍රව්‍ය ජාවාරම මුළුමනින්ම තුරන් කිරීම සහ මත්ද්‍රව්‍ය භාවිතයෙන් සිදුවන වෙනත් සමාජීය රෝග වළක්වා ගැනීම.
3. ශ්‍රී ලංකාවේ විදේශයන්හි සිට සිදුකරන නීති විරෝධී හා සමාජ විරෝධී ක්‍රියාවන්ට වගකිව යුතු පුද්ගලයින්ට එරෙහිව නීතිමය පියවර ගැනීම.
4. බන්ධනාගාර හා ඒ අවට සිදුවන නීති විරෝධී හා සමාජ විරෝධී ක්‍රියාකාරකම් විමර්ශනය කිරීම හා වැළැක්වීම යන ඒවා ඊට අයත් වේ.
ඒ අනුව ඉතාම පැහැදිලිවම 1 වැනි කරුණ හරහාම තමන්ට අවශ්‍ය පරිදි ආණ්ඩු විරෝධීන් මර්දනය කිරිම සදහා ගෝඨාභය තමන්ගේ මිලිටරි ජුන්ටාව මෙහෙයවනු ඇත.මන්ද “සමාජයේ නිදහස් හා සාමකාමී පැවැත්මට හානිකර ලෙස මතුවෙමින් පවතින නීතිය උල්ලංඝණය කරන සමාජ කණ්ඩායම්වල නීති විරෝධී ක්‍රියාකාරකම් මැඩපැවැත්වීමට අවශ්‍ය ක්ෂණික පියවර ගැනීම ” යනුවෙන් සදහන් කර ඇති කරුණ අර්ථකතනය කරනු ලබනේ කවුරුන් විසින්ද? වහල්ලුන් පැතු රට දැන් උදා වි ඇත.
වහලුන් වෙනුවෙන් සිංහල භාෂාවෙන් ගැසට්ටුව් පහත දක්වා ඇති බව කරුණාවෙන් සලකන්න
Gotabaya Rajapaksa
Published on: Jun 2, 2020 @ 15:50 Lk Time- මහ මැතිවරණය ලබන ජුනි 20 වැනිදා පැවැත්වීමට මැතිවරණ කොමිසම විසින් නිකුත් කර තිබෙන ගැසට් නිවේදනය සහ පාර්ලිමේන්තුව විසුරුවාහැරීමේ ගැසට් නිවේදනය බලරහිත කරන්නැයි ඉල්ලා ගොනු කර තිබෙන මූලික අයිතිවාසිකම් පෙත්සම් විභාගයට නොගෙනම විසිකර දැමිම සදහා මේ වනවිට මෙහෙයුමක් දියත් වන බව පසුගිය 18 වැනිදා අප කල අනාවරණය තහවුරු කරමින් එම මූලික අයිතිවාසිකම් පෙත්සම් විභාගයට නොගෙනම නිෂ්ප්‍රභ කිරීමට පංච පුද්ගල ශ්‍රේෂ්ඨාධිකරණ විනිසුරු මඩුල්ල අද (02) තීන්දු කළා.
ජුනි මස 20 වනදා මහ මැතිවරණය පැවැත්වීම සහ ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කර තිබෙන ගැසට් නිවේදනය බලරහිත කරන ලෙස ඉල්ලමින් ගොනු කර ඇති මූලික අයිතිවාසිකම් පෙත්සම් විභාගයට නොගෙනම නිෂ්ප්‍රභ කිරීමට පංච පුද්ගල ශ්‍රේෂ්ඨාධිකරණ විනිසුරු මඩුල්ල අද (02) තීන්දු කල අතර මෙම පෙත්සම් වල නීතිමය පදනමක් නොමැති බව සදහන් කරමින් විනිසුරු මඩුල්ල මෙම පෙත්සම විභාගයට නොගෙන ප්‍රතික්ෂේප කරන ලදී.
අගවිනිසුරු ජයන්ත ජයසූරිය, බුවනෙක අලුවිහාරේ, සිසිර ද ආබෲ, ප්රියන්ත ජයවර්ධන සහ විජිත් මළල්ගොඩ යන මහත්වරුන්ගෙන් සමන්විත පංච පුද්ගල ශ්‍රේෂ්ඨාධිකරණ විනිසුරු මඩුල්ල හමුවේ මෙම තීන්දුව ප්‍රකාශයට පත් කෙරිණි.
දින 10 ක් පුරා පෙත්සම්කාර හා වගඋත්තරකාර පාර්ශව වල කරුණු දැක්වීම් ඊයේ (01) අවසන් කළ පංච පුද්ගල විනිසුරු මඩුල්ල මෙම පෙත්සම් විභාගයට අවසර දෙනවාද නැත්ද යන්න පිලිබද තීන්දුව මීට ස්වල්ප මොහොතකට පෙර ප්‍රකාශයට පත් කරමින් මෙම තීන්දුව ලබා දෙන ලදී.
18 වැනිදා කල අනාවරණය ….
ගැසට් නිවේදන වලට එරෙහි පෙත්සම් වලට තාක්ෂණික විරෝධතා හරහට හිටි… 2002 වරද වසා දැමිම සදහා පෙත්සම් විසිවන ලකුණු!
http://lankanewsnetwork.org/archives/24289
http://lankanewsnetwork.org/archives/24277
The Supreme Court of Sri Lanka
Published on: May 27, 2020 – සමගි ජනබලවේගය සමග එක්ව සිටින පිරිසට එරෙහිව විනය පරීක්ෂණ ගැනීමට කිසිවෙකුට හැකියාවක් නොමැති බවත් සමගි ජන බලවේගය කටයුතු කර ඇත්තේ මීට පෙර එක්සත් ජාතික පක්ෂයේ කෘත්‍යාධිකාරීය විසින් ඒකමතිකව සම්මත කරන ලද කාරණාවලට අනුගතව බවත් හිටපු මන්ත්‍රී සුජීව සේනසිංහ මහතා අවධාරණය කරනවා.
පක්ෂ ව්‍යවස්ථාව උල්ලංඝනය කර ඇති සාමාජිකයන්ගේ පක්ෂ සාමාජිකත්වය අත්හිටුවීම පිළිබද අද එක්සත් ජාතික පක්ෂ මහා ලේකම්වරයානිකුත් කර තිබේන නිවෙදනය සම්බන්ධයෙන් අදහස් දක්වමින් මන්ත්‍රී සුජීව සේනසිංහ සදහන් කලේ කෘත්‍යාධිකාරී තීන්දුව ප්‍රකාරව කටයුතු කරන තම පිලට එරෙහිව විනය පරීක්ෂණ තබනවා වෙනුවට හරිනම් සිදුවිය යුත්තේ එම තීන්දුව කඩ කළ අකිල විරාජ් කාරියවසම් මහතා ඇතුලු පිරිසට එරෙහිව විනය ක්‍රියාමාර්ග ගතයුතු බවයි.
නීතිය දන්නා එජාප මහලේකම්වරයා නීතිය නොදන්නවා සේ හැසිරීම ගැන කණගාටුව වන බවත් මේ මැතිවරණයෙන් පසුව එජාපයෙන් තිදෙනෙකු පමණ පාර්ලිමේන්තුවට පත්වනු ඇති අතර මන්ත්‍රීවරු, පාක්ෂිකයෝ ඇතුලු අති බහුතරය සිටින්නේ සමගි ජනබලවේගය සමග බවත් අද(27)සමගි ජනබලවේගය කාර්යාලයේ පැවැති ප්‍රවෘත්ති සාකච්ඡාවේදී මන්ත්‍රීවරයා අවධාරණය කර සිටියා.
එක්සත් ජාතික පක්ෂ මහලේකම් වරයා ලෙස පෙනී සිටින නීතීඥ අකිල විරාජ් කාරියවසම් නිකුත් කර ඇති නිවේදනය පහත දක්වා ඇති අතර පසුගිය සතිය පුරා සජිත්ගේ නායකත්වයෙන් යුත් සමගි ජන බලවේගයේ අභ්‍යන්තර ගැටුම් ඇති බවට රනිල් කල්ලිය විසින් පලකල අසත්‍ය ප්‍රචාර තහවුරු කිරිම සදහා උත්සහ දරා තිබුනා.
උපූටා ගැන්ම
මේ වනවිටත් වෙනත් දේශපාලන පක්ෂවල සාමාජිකත්වය ලබා අපේක්ෂකත්වය සඳහා නාමයෝජනා අත්සන් කළ බොහෝ සාමාජිකයන් එම තීරණය පිළිබද සිය පසුතැවිල්ල අප වෙත දන්වා එවා ඇත.
උපුටා ගැන්ම අවසන්
මේ අතර අකිලගේ නිවේදනය සම්බන්ධයෙන් අදහස් දැක්වු සමගි ජන බලවේගයේ ජ්‍යෙෂ්ඨයෙකු සදහන් කළේ අද වන විට රටේ ජනතාව ආදරය කල එක්සත් ජාතික පක්ෂය අකිල ජාතික පක්ෂය,රනිල් ජාතික පක්ෂය මෙන්ම රවී ජාතික පක්ෂය වැනි කල්ලි වල පක්ෂයක් බවට පත්ව ඇති බවයි.
එම නිසාම සජිත් ගේ නායකත්වයෙන් සමගී ජන බලවේගය පිහිටු විමට කටයුතු කල බවත් ඊට එක්සත් ජාතික පක්ෂයේ කෘත්‍යාධිකාරි මණ්ඩලයේ එකමතිකවම කැමත්ත දැක්වු බවයි.අද වනවිට එක්සත් ජාතික පක්ෂයේ මලගම සිදුකිරිම සදහා එජාප නායකය ලෙස පෙනී සිටින රනිල් වික්‍රමසිංහ ඇතුලු කල්ලිය සුදානම් වෙමින් සිටින අතර ඒ සදහා රාජපක්ෂලා සමග ඩිල් කරමින් සිටින බවද ඔහු සදහන් කළා. රනිල්,අකිල,රවී,සාගල වැනි අය එජාප මලගම සිදුකිරිමට පෙර සමගී ජන බලවේගය මහා මැතිවරණයේ බහුතර බලයක් ලබා ගනිමින් එක්සත් ජාතික පක්ෂයට,ආදරය කරන ලක්ෂ සංඛ්‍යාත පාක්ෂිකයින් සමග පක්ෂයේ බලය ලබා ගැනිමට සුදානමින් සිටින බවද ඔහු අවධාරණය කළා.
අකිල විරාජ් නිකුත් කල නිවේදනය පහත දැක්වේ….
එක්සත් ජාතික පක්ෂ සාමාජිකත්වය අත්හිටුවීම
ඉදිරියේදී පැවැත්වීමට නියමිත මහා මැතිවරණය සඳහා ඉදිරිපත් වීමට එක්සත් ජාතික පක්ෂ සාමාජිකයින් පිරිසක් වෙනත් දේශපාලන පක්ෂයක සාමාජිකත්වය ලබා ගෙන නාමයෝජනා භාර දී ඇත. වෙනත් දේශපාලන පක්ෂයක් හරහා අපේක්ෂකත්වය ලබා නාමයෝජනා අත්සන් කරන හෝ කිරීමට බලාපොරොත්තු හෝ වන ඕනෑම එක්සත් ජාතික පක්ෂ සාමාජිකයෙකු, පක්ෂ ව්‍යවස්ථාවේ 3(c) වගන්තිය යටතේ පක්ෂ කෘත්‍යාධිකාරී මණ්ඩලයේ පූර්ව අනුමැතිය ලිඛිතව ලබා ගත යුතුය.
මතභේදයට තුඩු දී ඇති සාමාජිකයන් කිසිවකු පක්ෂ ව්‍යවස්ථාවේ ඉහත කී 3(c) වගන්තියට අනුකූලව ක්‍රියා කර නොමැති අතර කෘත්‍යාධිකාරී මණ්ඩලයේ කිසිදු පූර්ව අවසරයක් ලිඛිතව ලබාගෙන නොමැත.
එසේ ව්‍යවස්ථාව උල්ලංඝනය කර ඇති සාමාජිකයන්ට විරුද්ධව පක්ෂ ව්‍යවස්ථාවේ 3(h) වගන්තිය යටතේ ක්‍රියාකිරීමට පක්ෂයේ දීර්ඝකාලීන පැවැත්ම ආරක්ෂා කර ගැනීම උදෙසා පක්ෂ නායකත්වය කටයුතු කරන තත්ත්වයට පත්වී තිබේ.මේ වනවිටත් වෙනත් දේශපාලන පක්ෂවල සාමාජිකත්වය ලබා අපේක්ෂකත්වය සඳහා නාමයෝජනා අත්සන් කළ බොහෝ සාමාජිකයන් එම තීරණය පිළිබද සිය පසුතැවිල්ල අප වෙත දන්වා එවා ඇත.
කෙසේ නමුත් පක්ෂ ව්‍යවස්ථාවේ 3 (h) වගන්තිය යටතේ එසේ වෙනත් දේශපාලන පක්ෂයක් හරහා මහමැතිවරණය සදහා නාමයෝජනා අත්සන් කළ එක්සත් ජාතික පක්ෂ සාමාජිකයන් වෙත දැනටමත් ඒ සම්බන්ධව නිදහසට කරුණු විමසා ලිපි යොමුකර ඇත.ඒ අනුව අදාළ සාමාජිකයන් විසින් ඒ සම්බන්ධයෙන් ලිඛිතව සිදු කරනු ලබන කරුණු දැක්වීම්/අභියාචනා සියල්ල ඉදිරියේදී පැවැත්වෙන එක්සත් ජාතික පක්ෂ කෘත්‍යාධිකාරී මණ්ඩල සැසිවාරයේදී සාකච්ඡා කර, සුදුසු ක්‍රියාමාර්ග ගැනීමට නියමිතය.
නීතීඥ අකිල විරාජ් කාරියවසම්
මහලේකම්
එක්සත් ජාතික පක්ෂ
Published on: May 25, 2020 – 1.) The 19th Amendment Bill was first presented to the Parliament in 2002 by amending Article 70 of the Constitution to remove the power of the President to dissolve the Parliament one year later.
2.) Seven Supreme Court judges unanimously decided on the 2002 bill, amending the 70th Article of the Constitution for removing the president’s power to dissolve the Parliament one year later which requires to be passed by the special majority and approved by the people at a referendum.
The final paragraphs of the determination are as follows;
“[(3) The inconsistency with Article 3 read with the relevant provisions of Article 4 would cease if clauses 2, 3, 4 and5 are deleted and substituted with an appropriate amendment to proviso (a) to Article 70 (1) of the Constitution by removing the period of one year in the proviso and substituting that with a period not exceeding three years.
SARATH N. SILVA, CJ.
S. W. B. WADUGODAPITIYA, J.
DR. SHIRANI A. BANDARANAYAKE, J.
A. ISMAIL, J.
P. EDUSSURIYA, J.
H. S. YAPA, J.
J. A. N. DE SILVA, J.
Nineteenth Amendment to the Constitution unconstitutional and requires to be passed by the special majority and approved by the people at a referendum subject to item 3 of the determination.)]”
3.) The Supreme Court determination of the 19th ammendment bill of 2002 can be read by selecting the following link of the website of the Ministry of Justice.
https://www.lawnet.gov.lk/2002/12/31/in-re-the-nineteenth-amendment-to-the-constitution/
(The above mentioned Supreme Court determination will be provided in Sinhala language by the writer in the near future.)
4.) The 19th Amendment Bill which was presented to the Parliament in 2002 was abandoned because the Supreme Court stated that the 19th Ammendment should be approved by the people at a referendum.
5.) For the second time, the 19th Ammendment of the Constitution was presented to the parliament in 2015 for ammending another 16 provisions of the Constitution and also for removing the president’s power in Article 70 of the constitution regarding the dissolving the Parliament one year later.
(Total of 17 provisions including 16 new provisions and the other provison of
removal of the power of the President to dissolve the Parliament one year after as in 2002)
6.) The Supreme Court determination was delivered in 2015 by three Supreme Court judges for 16 out of 17 provisions of the 19th Amendment Bill that was presented to Parliament for the 2nd time.
7.) The Supreme Court determination of the 19th ammendment bill of 2015 can be read by selecting the following link of the website of the Parliament.
Link- https://www.parliament.lk/si/business-of-parliament/sc-decisions-on-bills
(The above mentioned Supreme Court determination will also be provided in Sinhala language by the writer in the near future.)
8.) In 2015, the Supreme Court decided on 16 provisions, other than the provision which seven Supreme Court judges had made a determination on the removal of the President’s power to dissolve Parliament a year later by amending Article 70 of the 19th Amendment in 2002.
9.) In 2015, the Speaker of the Parliament violated the last proviso of Article 79, Sub Article 80.2 of the Constitution and the Supreme Court determination regarding the 19th ammendment in 2002 and also did not consider both the determinations of 2002 and 2015 ( all 17 provisions) of the 19th Amendment of the Constitution, although it was legally required to do so.
10.) The Speaker deprived the franchise of the President, Supreme Court judges, other judges, lawyers, university lecturers, teachers, public servants, journalists and all other citizens by violating the decision of the referendum given for the ammendment of article 70 which was secured by the Supreme Court.
11.) The Executive and the Judiciary’s ‘soundless procedure’ regarding the fact that the Speaker of Parliament acted in contravention of the unanimous determination of the Supreme Court in 2002 and deprived the referendum franchise right of the people raises serious doubt about the people’s voting right which belongs to excercising their sovereignty.
12.) Who are the so-called (Maha) democrats who deprived the referendum franchise right which was given to the people by the Supreme Court in the 19th Ammendment in 2002, with an English conspiracy in 2015?
Why is that?
* [This is an English translation of the writer’s article dated 16.05.2020 –
“ශ්‍රේෂ්ඨාධිකරණය විසින් 2002දී තහවුරු කළ විනිසුරුවරු, නීතිඥවරු , විශ්ව විද්‍යාල කථිකාචාර්යවරු, ගුරුවරු, රජයේ සේවකයන්, මාධ්‍යවේදීන් ඇතුළු ඡන්ද දායකයන්ගේ ඡන්ද බලය 2015 දී කථානායකවරයා විසින් අහිමි කළ ආකාරය.(ලිපියේ පරිවර්තනයකි. පහත එම සබැදිය දක්වා ඇත )
Aruna Laksiri Unawatuna
B.Sc(Col), PGDC(Col), AAL
Email <arunaunawatuna@gmail.com>
Published on: May 25, 2020 – ශ්‍රී ලංකා ටෙලිකොම් සමූහය ට අයත් මොබිටෙල් සමාගමේ ප්‍රධාන අලෙවි නිලධාරී (වැඩබලන ) ලෙස අග්‍රාමාත්‍ය ලේකම් ගාමිණී සෙනරත්ගේ සහෝදරයෙකු ගේ පුත්‍රයෙකු පත් කිරීම හේතුවෙන් සමාගම් අභ්‍යන්තරයේ අර්බුදයක් හටගෙන තිබේන බව අප දේශපාලන වාර්තාකරු සදහන් කළා.
ශ්‍රී ලංකා මොබිටෙල් හී ප්‍රධාන අලෙවි විධායක -(වැඩබලන ) වීමට අගමැති ලේකම් ගාමිණී සෙනරත් ගේ සහෝදරයාගේ පුත්‍රයකු වන ශශික සෙනරත් නැමත්තා පත්කර ඇති නමුත් දේශපාලන බලය හැරුනු විට තනතුර සදහා කිසිදු සුදුසුකමක් ඔහු විසින් සපුරා නැති බවයි වෘත්තීය සමිති ඇතුළු විරෝධය දක්වන පිරිස් අනාවරණය කර ඇත්තේ. ශාශික සෙනරත් නැමත්තා ශ්‍රී ලංකා මොබිටෙල් ප්‍රධාන අලෙවි විධායක (වැඩබලන ) ලෙස පත් වීම ලබන්නේ ඔහුට වඩා ඊට සුදුසුකම් ඇති නිලධාරීන් පනහකට වැඩි පිරිසක් සිටිය දී ය. අවුරුදු 15 ට වැඩි කාලයක් අලෙවි අංශයේ විශේෂී පළපුරුදු ඇති එනම් මෙකී පත්වීම වෙනුවෙන් නියමිත පරිසාධන මට්ටමේ සිටින ජේෂ්ඨ නිලධාරීන් සිටියි. ශශික සෙනරත් සතුව ඇත්තේ ශ්‍රී ලංකා ටෙලිකොම් – මොබිටෙල් හී විකුණුම් අංශයේ වසර 5ක පළපුරුද්ද පමණි. ඒ අනුව අතිශය තරගකාරී ක්ශේත්‍රයක් නියෝජනය කරන සමාගමක් සම්බන්ධව මෙකී පත්වීම කොහෙත්ම නොගැලපෙන්නක් අමුතුවෙන් සදහන් කල යුතුව නැත.
මිට අමතරව ශශික සෙනරත් දේශපාලන බලය උපයෝගි කරගෙන එක්වරම ශ්‍රේණි 4ක් ඉහළට ගොස් අදාළ තනතුර ලැබීම පමණක් නොව නව තනතුරේ වැටුපට අමතරව තවත් ලක්ෂ 10ක දීමනාවක් ද සකසා ගෙන තිබේ.
“2020 පාස්කු සතියේ සිකුරාදා තමයි මේ තනතුරට ඇබෑර්තු දක්වලා ආයතන අභ්‍යන්තරයේ නිවේදනයක් ප්‍රසිද්ධ කරන්නේ. සඳුදා වෙනකොට ඒ සඳහා ඉල්ලීම් කිරීමට තිබූ කාලය අවසන් වෙනවා. අවුරුදු 10 – 15 අලෙවි අංශයේ අත්දැකීම් බහුල අය විසිවෙනවා. ඇත්තට ම බාප්පා අගමැති ලේකම් වීම හැර වෙන කිසිම අවස්ථාවක් ශශික සෙනරත් ට නෑ.- වෘත්තීය සමිති නියෝජිතයෙක්
මේ වන විට ටෙලිකොම් සමූහයේ ලාභ දායකත්වයෙන් 50% ක පමණ කොටසක් ශ්‍රී ලංකා මොබිටෙල් දායකත්වයෙන් සැපයෙන බවත් එවැනි පසුබිමක මෙවැනි පලපුරුද්දක් , අත්දැකීම් සහ සුදුසුකම් සැපිරූවන් පසෙක තබා දේශපාලන බලපුළුවන්කාරකම් මත තනතුරු ලබා දීම අවදානම් තත්ත්වයක් බවයි ඔහුන් පෙන්වා දෙන්නේ.සමාගමේ ඉහළ තනතුරු අනවශ්‍ය ලෙස විශේෂයෙන් ම දේශපාලනීකරණය වීම හරහා සමාගමක් ලෙස වර්ධනය වනවා වෙනුවට බොහෝ රාජ්‍ය ආයතන මෙන් මූල්‍යමය වශයෙන් බංකොලොත් වීමේ අවදානමක් මතුව ඇති බවද ඔහු සදහන් කරනවා.
මේ අතර වැඩිදුරටත් වාර්තා වන්නේ මෙම තනතුර සඳහා පුරප්පාඩු කැඳවනවා නම් එය විධිමත් ලෙස සිදුකරන ලෙස සමාගම් පරිපාලනය දැනුවත් කිරීමට ටෙලිකොම් සමූහයේ සේවක පිරිස් සහ වෘත්තිය සමිති කටයුතු කරමින් සිටින බවද වාර්තා වේ.මිට අමතරව සාර්ථක ව පවත්වාගෙන යන රාජ්‍ය අනුබද්ධ ආයතන දේශපාලන බලහත්කාරය යොදා අවධානමේ හෙලනා කාරයට තනතුරු පත්කිරීම සම්බන්ධව පක්ෂ විපක්ෂ දේශපාලඥයින් දැනුවත් කිරීමට නියමිත බවත් වාර්තා වෙයි.
Mobitel
Published on: May 21, 2020- 2015 අප්‍රේල් 28 වන දින 19 වන ආණ්ඩුක්රම ව්‍යවස්ථා සංශෝධනය සිදුකරමින් ව්‍යවස්ථානුකූල නීතියක් බවට පත්කරමින් එවකට කතානායක චමල් රාජපක්ෂ මහතා අත්සන් තැබු අතර ඔහු මෙන්ම එයට එකඟ අත ඉස්සු සියලුම දෙනා බරපතල ව්‍යවස්ථා උල්ලංඝනයක් මෙන්ම රටේ නීතියේ ආධිපත්‍ය බලය නොසලකා හරිමින් ජනතාවද මුලාවට පත්කර තිබේන බව දැන් පැහැදිලි ලෙසම අනාවරණය වි තිබේ. ඒ අනුව බරපතල ව්‍යවස්ථා උල්ලංඝනයක් කරමින් කුමන්ත්‍රණයට දායක වු එවකට සිටි සියලුම පාර්ලිමේන්තු මන්ත්‍රීවරුන්ගේ මෙන්ම කතානායකවරයාව සිටි චමල් රාජපක්ෂටද තරාතිරම නොබලා දඩුවම් කිරීම සහ ඔවුන්ගේ ප්‍රජා අයිතිය අහෝසි කිරීම සිදුකල යුතු බව නොරහසකි.
ශ්‍රී ලංකාවෙහි ආණ්ඩුක්රම ව්‍යවස්ථාවට සිදුකරන ලද 19වන සංශෝධනය 2015 අප්‍රේල් 28 වන දින ශ්‍රී ලංකාවෙහි පාර්ලිමේන්තුවෙහිදී සම්මත වු අතර තුනෙන් දෙකක බහුතරයෙහි අනුමැතිය එනම් මන්ත්‍රීවරු 225 අතරින් නොපැමිණි හත්දෙනා හැර 215 ක් පක්ෂව ද එක් අයෙකු විපක්ෂව ද තවත් එක් අයෙකු ස්වාධීනව ද ඡන්දය ප්රකාශ කිරීම මත සම්මත විය.
2002 දි ආ 19 වන ආණ්ඩුක්රම ව්‍යවස්ථාව
2002 වසරේදි එවකට රනිල් වික්‍රමසිංහ මහතා අගමැතිවරයා ව සිටියදි 2002 සැප්තැම්බර් මස 19 වන දින ආණ්ඩුක්රම ව්‍යවස්ථා සංශෝධනය වෙනුවෙන් පනත් කෙටුම් පත් දෙකක් පාර්ලිමේන්තුවට ඉදිරිපත් කල අතර එහි එක් සංශෝධනයක් වුයේ පාර්ලිමේන්තු විසිරුවීම ජනාධිපතිවරයාට සීමා කිරීමයි.
2015 දී ගෙන එනු ලැබූ 19 වන ආණ්ඩුක්රම ව්‍යවස්ථා සංශෝධන පනත් කෙටුම්පත මගින්ද 2002 දී ගෙන එනු ලැබූ 19 වන ආණ්ඩුක්රම ව්‍යවස්ථා සංශෝධන පනත් කෙටුම්පත මෙන්ම ජනාධිපතිවරයාට වසරකට පසු පාර්ලිමේන්තුව විසිරවීම සීමා කරන විධිවිධාන ඇතුළත් කර ඇත.
ඒ අනුව 2002 දී 19 වන ආණ්ඩුක්රම ව්‍යවස්ථා සංශෝධනය මුල්වරට ගෙනවිත් ආණ්ඩුක්රම ව්‍යවස්ථාවේ 70වන ව්‍යවස්ථාව සංශෝධනය කරමින් වසරකට පසු පාර්ලිමේන්තු විසිරුවීම ජනාධිපතිවරයාට සීමා කිරීමට උත්සාහ කළද ශ්‍රේෂ්ඨාධිකරණ විනිසුරුවරු 7දෙනෙකු විසින් ඒකමතිකව කියා සිටියේ වසරකට පසු පාර්ලිමේන්තු විසිරුවීම ජනාධිපතිවරයාට සීමාකිරීම කරන්නේනම් ඒ සදහා ජනමතවිචාරණයක් පැවැත්වීම අවශ්‍ය බවයි.
ඒ පිලිබද යම් අයෙකුට සැකයක් පවතීනම් අධිකරණ අමාත්‍යාංශය පවත්වාගෙන යන lawnet වෙබ් අඩවියේ පහත සැබැදියේ ඇති එකී ශ්‍රේෂ්ඨාධිකරණ තීරණය කියවීමෙන් සැකය නිරාකරණය කර ගත හැකිය.
පහත සබැදුම මගින් කියවන්න….
https://www.lawnet.gov.lk/2002/12/31/in-re-the-nineteenth-amendment-to-the-constitution/
ඉහත වෙබ් සබැදියෙන් පැහැදිලිවම දක්වා ඇත්තේ 2002 දී ආණ්ඩුක්රම ව්‍යවස්ථාවේ 70 ව්‍යවස්ථාව සංශෝධනය කර වසරකට පසු පාර්ලිමේන්තු විසිරුවීම ජනාධිපතිවරයාට සීමා කිරීමට උත්සාහ කළද ශ්‍රේෂ්ඨාධිකරණ විනිසුරුවරු 7දෙනෙකු විසින් ඒකමතිකව කියා සිටියේ ඒ සදහා ජනමතවිචාරණයක් පැවැත්වීම අවශ්‍ය බවයි..
(ඉහත ශ්‍රේෂ්ඨාධිකරණ තීරණයේ අවසන් පිටුව ඔබේ පහසුව සදහා පහත දක්වා ඇත.
2) Clauses 2, 3, 4 and 5 contain provisions inconsistent withArticle 3 read together with relevant provisions of Article 4and as such have to be passed by a special majority requiredunder the provisions of Article 84 (2) and approved by thePeople at a Referendum.
(3) The inconsistency with Article 3 read with the relevantprovisions of Article 4 would cease if clauses 2, 3, 4 and5 are deleted and substituted with an appropriate amendmentto proviso (a) to Article 70 (1) of the Constitution by removingthe period of one year in the proviso and substituting thatwith a period not exceeding three years.
SARATH N. SILVA, CJ.
S. W. B. WADUGODAPITIYA, J.
DR. SHIRANI A. BANDARANAYAKE, J.
A. ISMAIL, J.
P. EDUSSURIYA, J.
H. S. YAPA, J.
J. A. N. DE SILVA, J.
Nineteenth Amendment to the Constitution unconstitutional and requiresto be passed by the special majority and approved by the peopleat a referendum subject to item 3 of the determination.) අවශ්‍යනම් ඕනෑම අයෙකුට ඉහත දැක්වෙන 2002 ශ්‍රේෂ්ඨාධිකරණ තීරණයේ ඉංග්‍රීසියෙන් ඇති එම කොටස් සිංහල භාෂාවෙන් පරිවර්තනය කර කියවිය හැක.
එසේනම් එකී ශ්‍රේෂ්ඨාධිකරණය තීරණය උල්ලංඝනය කරමින් 70 ව්‍යවස්ථාව සංශෝධනය කරමින් වසරකට පසු පාර්ලිමේන්තුව විසිරුවීමෙන් ජනාධිපතිවරයා වළක්වන ලෙස 79 සහ 80 ව්‍යවස්ථාවලට පටහැනිව විශේෂයෙන් ඉහත ශ්‍රේෂ්ඨාධිකරණ විනිසුරු 7දෙනාගේ ඒකමතික තීරණය උල්ලංඝනය කරමින් 2015දී කථානායකවරයා 19යට සහතිකය යෙදුවේ කෙසේද?
ඒ අනුව 2002 දී 19යට ඉංග්‍රීසියෙන් ලබාදුන් එකී තීරණය 2015 සිටි කථානායකවරයාට තේරුම් ගැනීමට නොහැකිව එසේ සහතිකය යෙදුවා විය නොහැකි අතර මෙය ඉංග්‍රීසියෙන් කළ ව්‍යවස්ථා කුමන්ත්‍රණයක් මෙන්ම ශ්‍රේෂ්ඨාධිකරණය විසින් ජනතාවට ලබාදුන් ජනමතවිචාරණ ඡන්ද අයිතිය කිහිප දෙනෙකු විසින් ජනතාවගෙන් උදුරා ගැනීමක්ද වෙයි.
2015 මාර්තු මස 13 වන දින ගැසට් පත‍්‍රයේ 11 වන කොටස අතිරේකය (2015.03.16 දින නිකුත් කරන ලද) 19 වන ආණ්ඩුක්රම ව්‍යවස්ථා සංශෝධනය පනත් කෙටුම්පතට අදාල ත්‍රීපුද්ගල ශ්‍රේෂ්ඨාධිකරණ තීරණයේදීද ඉහත 2002දී ශ්‍රේෂ්ඨාධිකරණ විනිසුරු 7කගේ ඒකමතික තීරණය සළකා බලා නැතිබව 19වන ආණ්ඩුක්රම ව්‍යවස්ථාව සංශෝධනය තවමත් පනත් කෙටුම්පතක් පමණක් බවට සමාජයේ කතිකාවක් ඇති කරන ලේඛකයන්ගේ සහ විද්වතුන්ගේ අදහසයි.
ජනාධිපති මෛත්රීපාල සිරිසේන මහතා විසින් 2018 නොවැම්බර් මස 09 වැනි දින අංක 2096/70 දරන අතිවිශේෂ ගැසට් පත‍්‍රය මගින් පාර්ලිමේන්තුව විසුරුවීමට අදාළව නිකුත් කළගැසට් නිවේදනය අවලංගු කරමින් 2018.12.13 දින ශ්‍රේෂ්ඨාධිකරණය මූලික අයිතිවාසිකම් නඩුවලදී මෙන්ම,
ආණ්ඩුක්රම ව්‍යවස්ථාවේ 70 ව්‍යවස්ථාව සංශෝධනයට අදාලව ශ්‍රේෂ්ඨාධිකරණය 2002දී ජනතාවට ලබාදුන් ජනමතවිචාරණය ඡන්ද අයිතිය ජනාධිපතිවරයා විසින් මේ දක්වා ජනතාවට ලබා දී නැත. ශ්‍රේෂ්ඨාධිකරණය විසින් ලබා දුන් ජනමතවිචාරණ ඡන්ද අයිතිය අහිමිකිරීම ප්‍රජාතන්ත්‍රවාදයේ බිදවැටීමටද හේතුවේ.
ආණ්ඩුක්රම ව්‍යවස්ථාවේ 70 ව්‍යවස්ථාව සංශෝධනයේදී ශ්‍රේෂ්ඨාධිකරණය විසින් 2002 දී ලබා දුන් ජනමතවිචාරණ ඡන්ද අයිතිය ආරක්ෂා කරදීම ප්‍රජාතන්ත්‍රවාදය අගයන සෑම දෙනාගේම වගකීම සහ යුතුකම වන අතර, විධායකයේත්, ව්‍යවස්ථාදායකයේත් සහ අධිකරණයේත් අත්හල නොහැකි වගකීමකි.
ඒ අනුව දැන් කළ යුත්තේ ශ්‍රේෂ්ඨාධිකරණ තීරණ උල්ලංඝනය කරමින් කථානායකවරයාගේ සහතිකය ආණ්ඩුක්රම ව්‍යවස්ථාවට පටහැනිව ලබා ගත් කුමන්ත්‍රණකාරන්ට, එකී කුමන්ත්‍රණය යට ගැසූ අයට තරාතිරම නොබලා දඩුවම් කිරීම සහ ඔවුන්ගේ ප්‍රජා අයිතිය අහෝසි කිරීම සහ 19වන ආණ්ඩුක්රම ව්‍යවස්ථා සංශෝධන පනත් කෙටුම්පත නීතියක් කිරීම සදහා ආණ්ඩුක්රම ව්‍යවස්ථාවේ 80.2 ව්‍යවස්ථාව අනුව අවශ්‍ය ඉදිරි පියවර ජනාධිපතිවරයා විසින් ගැනීමය. නමුත් වත්මන් ජනාධිපති ගෝඨාභය රාජපක්ෂ එවැන් තින්දුවක් ගනිද? ජනාධිපති අපේක්ෂකත්වය ගැනිම් සදහා චමල් රාජපක්ෂ සමග ගෝඨාභය පසුගිය ජනාධිපතිවරණයේදි ඇතිකරගත් එකඟතාව කුමක් විය හැකිද?
අනතුරක් අත ලගද?
නිතීයටපිටින් ජනතාවගේ මතය විමසිමකින් තොරව ශ්‍රී ලංකාවේ ඒකීයබව, බුද්ධාගමට ඇති ප්‍රමුඛත්වය මේ ආකාරයටම ජනමත විචාරණයකට නොගොස් අහිමි කිරීමට මෙය පූර්වාදර්ශයක් කර ගැනීමට මේ කුමන්ත්‍රණකාරීන් ක්‍රියා කිරිමට හැක.
constitutional crisis
Published on: May 20, 2020-රටේ පවතින වත්මන් තත්ත්වය මත ලබන ජුනි මස 20 දා මහ මැතිවරණයක් පැවැත්වීමට ප්‍රායෝගිකව හැකියාවක් නැතැයි මැතිවරණ කොමිසම අද (20) ශ්‍රේෂ්ඨාධිකරණය හමුවේ සදහන් කළා.
මැතිවරණ දිනය අභියෝගයට ලක්කරමින් ගොනුකර තිබෙන පෙත්සම් අද(20) තෙවැනි දිනයටත් පංච පුද්ගල ශ්‍රේෂ්ඨාධිකරණ විනිසුරු මඩුල්ල හමුවේ කැඳවනු ලැබූ අවස්ථාවේදී මැතිවරණ කොමිසම වෙනුවෙන් පෙනී සිටි ජනාධිපති නීතිඥ සාලිය පීරිස් මහතා මේ බව ශ්‍රේෂ්ඨාධිකරණයට දැනුම් දුන්නා.
මැතිවරණයක් පැවැත්විය හැකි බවට සෞඛ‍ය සේවා අධ්‍යක්ෂ ජනරාල්වරයා ඇතුළු සමස්ත සෞඛ්‍ය අංශ වලින් යහපත් ප්‍රතිචාරයක් හා මාර්ගෝපදේශන මාලාවක් ලැබෙන තෙක් මැතිවරණයක් පැවැත්විය නොහැකි බව මැතිවරණ කොමිසම වෙනුවෙන් පිටි පෙනී සිටි ජනාධිපති නීතිඥ සාලිය පීරිස් මහතා පෙන්වා දුන් අතර මැතිවරණයක් පැවැත්විය හැකි බවට සෞඛ්‍ය අවශ්‍ය වලින් යහපත් ප්‍රතිචාරයක් ලැබුණු විගස දින 70 ක් ඇතුලත ඒ සඳහා අවශ්‍ය පියවර ගන්නා බවද මැතිවරණ කොමිසම අධිකරණයට දන්වා සිටියා.
මේ අතර මැතිවරණ දිනය අභියෝගයට ලක් කරමින් ගොනුකර තිබෙන පෙත්සම් පිළිබඳ වැඩිදුර සලකා බැලීම හෙට (21) දක්වා කල් තැබීමට ශ්‍රේෂ්ඨාධිකරණය අද (20) තීන්දු කළේය.පෙත්සම්කාර හා වගඋත්තරකාර පාර්ශව වල දීර්ඝ කරුණු දැක්වීම් සඳහා තවදුරටත් අවස්ථාව ලබා දීම සඳහා මෙම පෙත්සම් හෙට දක්වා කල් තැබීමට අගවිනිසුරු ජයන්ත ජයසූරිය මහතා ඇතුළු පංච පුද්ගල විනිසුරු මඩුල්ල තීන්දු කල බවයි අප වාර්තාකරු සදහන් කලේ.
මේ අතර ලබන ජුනි මස 20 වනදා මැතිවරණයක් පැවැත්විය නොහැකි බවට මැතිවරණ කොමිසමේ සභාපති වෙනුවෙන් ජනාධිපති නීතිඥ සාලිය පීරිස් මහතා දැනුම් දුන් අවස්ථාවේ නැගී සිටි පෙත්සම්කාර නීතිඥ චරිත ගුණරත්න මහතා වෙනුවෙන් පෙනී සිටි ජනාධිපති නීතිඥ එම්. ඒ. සුමන්තිරන් මහතා අධිකරණය හමුවේ කරුණු දක්වමින් තම සේවාදායකයා ඉල්ලා සිටින සහනය මැතිවරණ කොමිසමේ එම දැනුම් දීමට අනුව දැනටමත් හිමිවී තිබෙන බැවින් ඔහු සිය පෙත්සම තවදුරටත් පවත්වාගෙන යාමට අපේක්ෂා නොකරන බව දන්වා සිටියා.
මේ අතර මැතිවරණ කොමිසමේ සාමාජිකයෙකු වන මහාචාර්ය රත්නජීවන් හූල් මහතා වෙනුවෙන් පෙනී සිටි නීතිඥ හස්තික දේවේන්ද්‍ර මහතා අධිකරණය හමුවේ කරුණු දක්වමින් මැතිවරණ කොමිසම විසින් මාර්තු මස 17 ,18 සහ 19 යන දින වල නාම යෝජනා පත්‍ර භාර ගැනීම නීති විරෝධී බව පෙන්වා දුන්නා.
පාර්ලිමේන්තු මැතිවරණ පනතට අනුව නාම යෝජනා පත්‍ර භාර ගත හැක්කේ සාමාන්‍ය රාජකාරි කාර්යාල වේලාවන් වල පමණක් බව පෙන්වා දුන් නීතිඥවරයා රජයේ නිවාඩු වශයෙන් ප්‍රකාශයට පත්කර තිබූ මාර්තු මස 17 ,18 සහ 19 යන දිනවල නාම යෝජනා පත්‍ර භාර ගැනීම නීතියට පටහැනි ක්‍රියාවක් බවයි සඳහන් කළේ.එය තමන්ගේ සේවාදායකයාගේ මතය බවද ඔහු අගවිනිසුරුවරයා හමුවේ සදහන් කළා.
කෙසේවෙතත් එම ප්‍රකාශයට විරෝධය පළ කළ නීතිපතිවරයා වෙනුවෙන් පෙනී සිටි අතිරේක සොලිස්ටර් ජනරාල් ඉන්දිකා දේමුණි ද සිල්වා මහත්මිය මැතිවරණ කොමිසම විසින් ගනු ලැබූ තීරණයක් එම කොමිසමේ සාමාජිකයෙකු විසින් මෙයාකාරයෙන් විවේචනය කරමින් කරුණු දැක්වීම අනුමත කළ නොහැකි බව සඳහන් කර තිබේ.
මේ අතර මූලික අයිතිවාසිකම් පෙත්සම් සලකා බැලීම සිදු කෙරෙන 501 දරණ ශ්‍රේෂ්ඨාධිකරණ අධිකරණ ශාලාවේ කිසිදු පින්තූරයක් ෆේස්බුක් සමාජ මාධ්‍යවල පළ නොකරන්නැයි , අගවිනිසුරු වරයා අද (20) විවෘත අධිකරණයට පැමිණි පිරිස හමුවේ අවවාද කරමින් නියෝග කර සිටියා.
මෙම අධිකරණ ශාලාව උපරිමාධිකරණයේ පිලිගැනීමේ උත්සව ශාලාව වුවද , මේවන විට එහි මෙම පෙත්සම් විභාගයට ගැනෙන හෙයින් එම අධිකරණයේ ගරුත්වය ආරක්ෂාවන පරිදි සියලු දෙනාම කටයුතු කළ යුතු බවත් එබැවින් දුරකථනය භාවිතයෙන් එම අධිකරණ ශාලාව ජායාරූප ගත කොට ෆේස්බුක් සමාජ මාධ්‍ය ඔස්සේ පළ කිරීමෙන් වහාම වළකින්නැයි ද අගවිනිසුරු ජයන්ත ජයසූරිය මහතා විවෘත අධිකරණය හමුවේ සදහන් කර සිටියා.
Published on: May 20, 2020 – ලොව කිසිම රටක කොරෝනා මර්දනය සඳහා හමුදාව යොදා නොගත් තත්වයක් මත කොරෝනා මර්දනය පිළිබඳ නිසි පුහුණුවක් නොමැති, ආත්මාරක්ෂාව සඳහා සුදුසු සෞඛ්‍යාරක්ෂිත ඇදුම් නොමැතිව නාවික හමුදාවේ රණවිරුවන් යෙදවූයේ කවුදැයි හිටපු පා.ම. අධිනීතිඥ ලක්ෂ්මන් කිරිඇල්ල මහතා ආණ්ඩුවෙන් ප‍්‍රශ්ණ කර සිටියේය. අද කොළඹදි පැවති මාධ්‍ය හමුවකදි අදහස් දැක්වු ඒ මහතා වැඩිදුරටත් විමසා සිටියේ මෙවැනි අපරික්ෂාකාරි තීරණ ගත්තේ කවුදැයි යන්න ආණ්ඩුවෙන් පිළිතුරු ලබාදිය යුතු බවයි.
මෙහිදි මාධ්‍ය හමුව ඇමතු හිටපු මන්ත්‍රීවරයා
කොරෝනා ආසාධිතයින් සෙවීමේ කටයුතු සදහා ඒ පිළිබද නිසි අවබෝධයක් නැති, සෞඛ්‍යාරක්ෂිත ඇªම් කටිටල පවා නොමැතිව අහිංසක නාවික හමුදා නිලධාරින් යෙදවුයේ ඇයි ? ඉන්පසුව ඒ නාවික හමුදා නිලධාරින් ගම්වලට යැවීමට අවසර දුන්නේ කවුද ? යන්න රජයෙන් පිළිතුරක් අවශ්‍යයි. මෙවැනි අපරික්ෂාකාරි තීරණ සෞඛ්‍ය බලධාරින් අනුමත කළායැයි කිසිසේත් විස්වාස කරන්න බැහැ. මම වෛද්‍ය අනිල් ජාසිංහ මහතා ගෙන් අහන්න කැමතියි එතුමාගේ අවසරය ගත්තාද කොරෝනා ආසාධිතයන් සෙවීම සදහා නාවික හමුදාව යොදවන්න. වෛද්‍යවරු අවසර දුන්නාද ? කාර්ය සාධන බලකාය අවසර දුන්නාද ? නැත්නම් නාවික හමුදාපති අවසර දුන්නාද ? මේ ප‍්‍රශ්නය ඉදිරියේ අද ආණ්ඩුව විත්තිකූඩුවේ සිටින්නේ. අහිංසක නාවික හමුදා නිලධාරින්ට අවශ්‍ය සෞඛ්‍යාරක්ෂිත ඇදුම් නොමැතිව යෙදවූයේ කවුද යන්න බෝල පාස් නොකර රජයෙන් පිළිතුරු බලාපොරොත්තු වෙනවා. මහජන සෞඛ්‍ය පරීක්ෂකවරු පවා නිවේදනයක් නිකුත් කරලා තිබුණා නාවික හමුදාවේ සිටින කොරෝනා ආසාධිතයින් සම්බන්ධව කිසිම තොරතුරක් නැහැ කියා.
අනෙක් කාරණය ජනවාරි මාසයේ ගුවන්තොටුපළ වසා දමන ලෙසට අපි ඉල්ලා සිටියත් ආණ්ඩුව එයට පිළිතුරු දුන්නේ හාස්‍යයෙන්. නමුත් එලෙස කි‍්‍රයා කළ අනෙක් රටවල් අද සාර්ථකව කොරෝනා වසංගතය මර්දනය කරලා. රජය ගුවන්තොටපළ වසා නොදමා රජයට ආවඩන මාධ්‍ය ආයතන කිහිපයක් හා එක්ව වීඩියෝපටයක් නිර්මාණය කළා ශී‍්‍ර ලංකාවේ කොරෝනා නැහැ අපේ රටට එන්න කියලා. ඉන්පසු බොහෝ පිරිසක් අපේ රටට එන්න පටන්ගත්තා. ජනවාරි මාසයේ අග සිට මාර්තු 20 දක්වා කාලයේ තමා මේ අය ලංකවාට ආවේ. සංචාරක මගපෙන්වන්නන් සමග යුරෝපිය සංචාරකයෝ, ඉතාලිය හා මැදපෙරදිග සිට පැමිණි අය, ව්‍යාපාරිකයන්, ඉන්දියාවට ගිය වන්දනාකරුවන් ආදි සති 06ක කාලයක් තිස්සේ මෙරටට ආ පිරිස් සම්බන්ධව ගුවන්තොටුපලේදි කිසිම පරීක්ෂණයක් සිදුකලේ නැහැ. මේ සති 06දි තමයි අපේ රටට කොරෝනා පැමිණියේ. පළමු කොරෝනා රෝගින් සියය විදේශීකයින්. නිසි වෙලාවට ගුවන්තොටුපළ වසාදැමුවානම් අපේ රට සුරක්ෂිත වෙන්න තිබුණා. මාර්තු 17 රටේ නායකයා ඇහුවා කොරෝනා රෝගින් 28ක් තියාගෙන රට වහන්න පු`එවන්ද කියා. මේ ගැන මාධ්‍ය හෙළිකරන්නේ නැහැ. මේකයි තත්වය.
පාර්ලිමේන්තුව කැඳවන්නේ නැත්තේ මේ නිසා. එතකොට මේ සිය`එ කරුණු හෙළදරව් වෙනවා. කොරෝනා තිබෙන හැම රටකම පාර්ලිමේන්තුව කි‍්‍රයාශීලි දායකත්වයක් දක්වනවා. මේ සිය`එ ප‍්‍රශ්ණ සාකච්චා කරලා විසදුම් ලබාදෙන්න තිබුණා. නමුත් ජනවාරි සිට මාර්තු දක්වා ආණ්ඩුව කලේ දේශපාලනය පමණයි. එක්සත් ජාතික පක්ෂයේ බෙදිල්ල වාසියක් කරගෙන නාම යෝජනා ගන්න ආණ්ඩුව මාර්තු වෙනකන් කලේ දේශපාලනය. කොරෝනා මර්දනය නෙමේ. ආණ්ඩුව වැරුද්ද භාරගන්න ඕන නිහතමානිව.
ඊයේ ජනාධිපතිතුමා ප්රකාශ කළා අපිව විවේචනය කරන බලපැම් කරන ජාත්‍යන්තර සංවිධාන සමග තිබෙන සම්බන්ධතා නවත්වනවා කියා. මම අහන්න කැමතියි එම් සී සී ගිවිසුම අහෝසි කරනවාද ? මොකද අපේ රටට බලපැම් කරන සංවිධාන පිටුපස සිටින්නේ ඇමරිකාව හා බටහිර රටවල්.
වත්මන් තත්වය හමුවේ ඉදිරි මැතිවරණය ජයග‍්‍රහණය කලහැකිදැයි යන්න මෙහිදි මාධ්‍යවේදින් විසින් විමසා සිටිමේදි ලබාදුන් පිළිතුර,
මැතිවරණය තියලා බලන්නකෝ මොකද වෙන්නේ කියලා. ජනාධිපතිතුමා බලයට පත්වුනේ නොවැම්බර් මාසයේ. මේ වෙනකන් කරපු එක දෙයක් කියන්න පු`එවන්නම්. යහපාලන ආණ්ඩුවේ දින සියයයි මේ ආණ්ඩුවයි අහසට පොළව වගේ. අපි කොරෝනා ගැන ප‍්‍රශ්ණ කලාම ආණ්ඩුව පිළිතුරු දුන්නේ පරිප්පුයි සැමන් වලින්.
එක්සත් ජාතික පක්ෂය හා ඇති ගැටුම්කාරි තත්වය පිළිබදවද මෙහිදි කරුණු විමසා සිටියා,
අපිට සතුරෝ නැහැ. මත ඉදිරිපත් කිරිම් පමණයි ගැටුම් නැහැ. අපිට ලැබෙන තොරතුරු අනුව එක්සත් ජාතික පක්ෂයේ සමහරු ආණ්ඩුවට එක්වෙන්න බලාගෙන ඉන්නේ. සමහරු ආරාධනා එනකන් බලාගෙන ඉන්නවා. අපිට ආණ්ඩුවට යන්න උවමනාවක් නැහැ. අපිට ජනවරමක් හම්බුනොත් අපි ආණ්ඩුවක් හදනවා. පස්ස දොරෙන් ආණ්ඩු හදන්න සමගි ජන බලවේගයට උවමනා නැහැ. තුනෙන් දෙකක් නෙමේ ආණ්ඩුවට 113ක් ගන්නත් බැහැ. ගම්වලට ගිහින් බැලූවම තේරෙයි.
Published on: May 20, 2020- ඉදිරි පාර්ලිමේන්තු මහ මැතිවරණයේ දී සමස්ථ රටේ මහජනතාවගේ හැසිරීම මත පදනම්ව විශේෂ මැතිවරණ සමීක්ෂණයක් බැසිල් රාජපක්ෂ මහතාගේ මූලිකත්වයෙන් සිදු කර තිබේන අතර එම සමික්ෂණයට අනුව මහින්ද රාජපක්ෂගේ නායකත්වයෙන් යුත් ශ්‍රි පොදුජන පෙරමුණ පාර්ලිමේන්තු මන්ත්‍රී ධුර 125ක් සමග විශිෂ්ට මහ මැතිවරණ ජයග්‍රහණයක් අත්කර ගන්නා බව බැසිල් රාජපක්ෂ මහතාගේ මූලිකත්වයෙන් සිදුකර තිබේන විශේෂ මැතිවරණ සමීක්ෂණයක් හරහා අනාවරණය කර තිබේන බව අප දේශපාලන වාර්තාකරු සදහන් කළා.
එම සමීක්ෂණ වාර්තාවට අනුව රනිල් වික්‍රමසිංහ නායකත්වය ලබාදෙන එක්සත් ජාතික පක්ෂයට ලබා ගැනීමට හැකි වන්නේ මන්ත්‍රී ධුර 8ක් පමණක් බව අනාවරණය වි තිබේ.සජිත් ප්‍රේමදාස නායකත්වය ලබාදෙන සමගි ජනබලවේගය පාර්ලිමේන්තු මන්ත්‍රීධූර 67 ක් ඉක්මවා යැමට හැකි වනු ඇති බවත් අනාවරණය කර තිබේ.
කොළඹ, ගම්පහ, කුරුණෑගල, නුවරඑළිය, පුත්තලම හා කළුතර දිස්ත්‍රික්ක වල එක් මන්ත්‍රී ධුරයක් පමණක් එක්සත් ජාතික පක්ෂයට දිනා ගැනීමට හැකිවන බවත් ජාතික ලැයිස්තුවෙන් මන්ත්‍රීධුර දෙකක් හිමිවන බවත් එම සමීක්ෂණය පෙන්වා දෙයි. ජනතා විමුක්ති පෙරමුණට ගම්පහ, කොළඹ සහ ජාතික ලැයිස්තුවෙන් එක් මන්ත්‍රී ධුරය බැගින් හිමිවේ. දෙමළ ජාතික සන්ධානය මන්ත්‍රි ධුර 14 ක් හිමිකරගන්නා අතර එම සන්ධානයෙන් ගැලවුණු විග්නේෂ්වරන් කණ්ඩායම මන්ත්‍රීධුර 2 ක් ලබාගනු ඇතැයි සමීක්ෂණය මගින් තහවුරු වී තිබේ.
මන්ත්‍රී ධුර 5ක් සම්බන්ධයෙන් අවසන් නිගමනයක් දක්වා නොමැති එම සමීක්ෂණය, වැඩිදුරටත් සඳහන් කරන්නේ ඒවා රවුෆ් හකීම්, රිෂාද් බදුර්දීන් වෙත හෝ පොහොට්ටුව වෙත ආකර්ශනය වීමේ වැඩි අවස්ථාවක් පවතින බවයි.
සියලු දේශපාලන පක්ෂ වල වැඩි අවධානයක් යොමු වන කොළඹ දිස්ත්‍රික්කයේ මන්ත්‍රී ධුර බෙදී යාමේදී ඉන් 10 ක් හිමිකරගැනීමට පොහොට්ටුවට හැකි බව සමීක්ෂණ වාර්තාව පෙන්වාදෙයි. සමගි ජන බලවේගයට 7 ක් හිමි වද්දී, එක්සත් ජාතික පක්ෂය සහ ජනතා විමුක්ති පෙරමුණ කොළඹ දිස්ත්‍රික්කයේ එක් මන්ත්‍රී ධූරයකට සීමා වී ඇත.
දැනට පවතින තත්ත්වය අනුව පොදුජන පෙරමුණට සමීක්ෂණ වාර්තාවේ නිශ්චිත මන්ත්‍රීධුර 125 ආරක්ෂා කරගනිමින් උපරිම මන්ත්‍රී ධුර 140 දක්වා යා හැකි බව බැසිල් රාජපක්ෂ මහතාගේ සැලසුම වී තිබේ.
බත්තරමුල්ල පොහොට්ටු කාර්යාලයේ බැසිල්ගේ තාක්ෂණීක කණ්ඩායම සහ රටපුර පලාත් පාලන ආයතන වල මන්ත්‍රීවරුන් යොදා ගනිමින් මෙම සමීක්ෂණය සිදුකර තිබේන අතර කොරෝනා සමයේ රජය ලබාදුන් 5000ක් මුදල සහ විවිධ සහනාධාර බේදාදිම වැඩසටහන් වලදි ජනතාවගෙන් ලැබුන ප්‍රතිචාරයන්ද මේ සදහා භාවිතා කර තිබේන බවයි අප දේශපාලන වාර්තාකරු අනාවරණය කළේ.
මින් පෙර සෑම මැතිවරණයක් අභිමුඛවම බැසිල් රාජපක්ෂ මහතා විසින් මෙවැනි සමීක්ෂණයක් සිදුකර ඇති අතර එවායේ ප්‍රතිපල 90%ක්ම නිවැරදි ඒවා විය.
කෙසේවෙතත් මහා මැතිවරණය පවත්වන දිනය ඒ සදහා ප්‍රබලම ලෙස බලපෑම් එල්ල කරනු ඇති බවත් මැතිවරණය අගෝස්තුව පසුව පැවැත්විමට සිදුවුවහොත් මෙම ප්‍රතිඵලයෙන් භාගයකට ලගා විම පවා දැඩි අසීරූ තත්ත්වයකට පත්වන බවද බැසිල් විසින් සදහන් කර තිබේ.කොරෝනා අවසන් කල විරුවා ලෙස ගෝඨාභය සහ මහින්ද සමාජයේ මතුකලයුතු බවත් ඒ සදහා මේ වනවිටත් මාධ්‍ය මෙහෙයුමක් ආරම්භ කර තිබේන බවත් අප දේශපාලන වාර්තාකරු සදහන් කළා. මේ වනවිට කොරෝනා රෝගීන් හදුනා ගැනිම සම්බන්ධයෙන් සිදුකරන පරික්ෂණ නතරකර දමා ඇති අතර පසුගිය කාලසිමාවේ රෝගය පැතීර යෑම සම්බන්ධයෙන් වාර්තා සියල්ලක්මද මේ වනවිට යටගසා ඇති බවද ඔහු සදහන් කළා.(ඒ සම්බන්ධයෙන් සවිස්තරාත්මක වාර්තාවක් බලාපොරොත්තු වන්න )
2020 Sri Lankan parliamentary election
Sri Lanka Podujana Peramuna (ශ්‍රී ලංකා පොදුජන පෙරමුණ)
Published on: May 19, 2020- මාර්තු මස 02 වැනි දා ජනාධිපතිවරයා විසින් විසුරුවා හල පාර්ලිමේන්තුව නැවත ජුනි මස 02 වන දා ට පෙර රැස්විය යුතු බවත් එසේ රැස් නොවන්නේ නම් පාර්ලිමේන්තුව විසුරුවා හරිමින් ජනාධිපතිවරයා විසින් නිකුත් කළ ගැසට් නිවේදනය නීතිය ඉදිරියේ බලරහිත වන බවත් නීතිඥ සුරේන් ප්රනාන්දු මහතා අද (19) ශ්‍රේෂ්ඨාධිකරණය හමුවේ අවධාරණය කර සිටියා.
ජූනි මස 20 වන දා පාර්ලිමේන්තු මැතිවරණය පැවැත්වීම සඳහා නිකුත් කර තිබෙන ගැසට් නිවේදනය සහ ජනාධිපතිවරයා විසින් පාර්ලිමේන්තුව විසුරුවා හරිමින් නිකුත් කර තිබෙන ගැසට් නිවේදනය අභියෝගයට ලක්කරමින් ගොනු කර තිබෙන මූලික අයිතිවාසිකම් පෙත්සම් සලකා බැලීම අද අවසන් කලයුතුව තිබුනද එය හෙට (20) පෙරවරු 10 .00 දක්වා කල් තැබීමට ශ්‍රේෂ්ඨාධිකරණය තීරණය කළා. මූලික අයිතිවාසිකම් පෙත්සම් සලකා බැලීම ආරම්භ කෙරුණේ ඊයේ(18) දිනයේදියි.
සමගි ජන බලවේගය පක්ෂයේ මහ ලේකම් රංජිත් මද්දුම බණ්ඩාර , හිටපු අමාත්‍යවරුන් වන පාඨලී චම්පික රණවක හා කුමාර වෙල්ගම යන හිටපු අමාත්‍යවරු ඉදිරිපත් කළ පෙත්සම් වෙනුවෙන් පෙනී සිටි නීතිඥ සුරේන් ප්රනාන්දු මහතා අධිකරණය හමුවේ කරුණු දක්වමින් කියා සිටියේ පාර්ලිමේන්තුව විසුරුවා හැරීමෙන් පසුව මාස තුනකට වැඩි කාලයක් එය යළි රැස් නොකර සිටීමට ආණ්ඩුක්රම ව්‍යවස්ථාව තුළින් අවසර හිමි නොවන බවත් එවැනී අවස්ථාවක විසුරුවා හරින ලද පැවති පාර්ලිමේන්තුව යළි බලාත්මක තත්ත්වයට පත්වන බව ද නීතිඥවරයා පෙන්වා දුන්නා.
ඉකුත් 2019 වසරේ සම්මත කළ විසර්ජන පනතට අනුව වත්මන් රජයට රාජ්‍ය මූල්‍ය භාවිතය සඳහා අවසර හිමි වන්නේ අප්‍රේල් මස 30 වනදා දක්වා පමණක් බවත් ඉන් පසුව පාර්ලිමේන්තුවේ අනුමැතියකින් තොරව රාජ්‍ය මූල්‍ය භාවිතා කිරීමට රජයට හැකියාවක් නොමැති බවත් මෙහිදී නීතිඥ ප්රනාන්දු මහතා පෙන්වා දුන් අතර ඒ අනුව අප්‍රේල් මස 30 වනදායින් පසුව පාර්ලිමේන්තුවේ අනුමැතියකින් තොරව සිදුකරනු ලබන රාජ්‍ය මුදල් වැය කිරීම් සම්පූර්ණයෙන්ම නීති විරෝධී ක්‍රියාවක් වන බවද පෙන්වා දුන්නා.
පෙත්සම් කැදවූ අවස්ථාවේ පෙත්සම්කාර විකල්ප ප්රතිපත්ති කේන්ද්‍රය හා එහි විධායක අධ්‍යක්ෂ ආචාර්ය පාක්‍යසෝති සරවනමුත්තු මහතා විසින් ඉදිරිපත් කරන ලද පෙත්සම සම්බන්ධයෙන් ඒ මහතාගේ නීතිඥ විරාන් කොරයා මහතා කරුණු ඉදිරිපත් කිරීම ආරම්භ කළ අතර ඔහු පෙන්වා දුන්නේ ආණ්ඩුක්රම ව්‍යවස්ථාවට අනුව ජනාධිපතිවරයා විසින් පාර්ලිමේන්තුව විසුරුවා හළ දින සිට මාස තුනක නොඉක්මවන කාලසීමාවක් තුළ මැතිවරණයක් පවත්වා නව පාර්ලිමේන්තුවක් රැස් කිරීමට විධිවිධාන සලසා තිබෙන බවයි.
ඒ අනුව ඉකුත් පාර්ලිමේන්තුව විසුරුවා හරිමින් ජනාධිපතිවරයා විසින් මාර්තු මස 2 වනදා ගැසට් නිවේදනයක් නිකුත් කළ බවත් ඒ අනුව මහ මැතිවරණයක් පවත්වා නව පාර්ලිමේන්තුව ජුනි මස දෙවන දා ට පෙර රැස්කිරීම ආණ්ඩුකම ව්‍යවස්ථාවට අනුව අත්‍යවශ්‍ය කරුණක් බව ද නීතිඥ කොරයා මහතා පෙන්වා දුන්නේය.
පෙත්සම් පිළිබඳ විභාගය ශ්‍රේෂ්ඨාධිකරණය හමුවේ අද(19) පෙරවරුවේ 10.00ට දෙවන දිනයේත් ආරම්භ වූයේ 501 දරණ ශ්‍රේෂ්ඨාධිකරණ අධිකරණ ශාලාවේ මීටරය දුර පරතරය ඇතිව අගවිනිසුරු ජයන්ත ජයසූරිය, බුවනෙක අලුවිහාරේ, සිසිර ද ආබෘ, ප්රියන්ත ජයවර්ධන සහ විජිත් මළල්ගොඩ යන මහත්වරුන් ගෙන් සමන්විත විනිසුරු මඩුල්ල විවෘත අධිකරණය හමුවේ අසුන් ගැනිමද සිදුවුනා.
අප කල අනාවරණයන්…..
http://lankanewsnetwork.org/archives/24289
http://lankanewsnetwork.org/archives/24277
Published on: May 17, 2020 – ජනාධිපතිවරයාට පාර්ලිමේන්තුව විසිරුවීමට ඇති හැකියාව සීමාකිරීමට ජනමතවිචාරණයක් පැවැත්විය යුතු බවට නියම කළ 2002දී ශ්‍රේෂ්ඨාධිකරණ විනිසුරු 7කගේ ඒකමතික තීරණය, 2015දී කථානායකවරයා උල්ලංඝනය කිරීම, ජූනි 20 මැතිවරණය පැවැත්වීමට එරෙහි නඩුවලදී වත්මන් අගවිනිසුරුවරයා ප්රමුඛ පංච පුද්ගල විනිසුරු මඩුල්ල සළකා බලයිද?
1 වන වරට 19ය 2002දී පාර්ලිමේන්තුවට ඉදිරිපත් කිරීම
19 වන ආණ්ඩුක්රම ව්‍යවස්ථා සංශෝධන පනත් කෙටුම්පත 2002 සැප්තැම්බර් මස 19 වන දින ව්‍යාපාර සංවර්ධන, කර්මාන්ත ප්රතිපත්ති හා ආයෝජන ප‍්‍රවර්ධන සහ ආණ්ඩුක්රම ව්‍යවස්ථා කටයුතු අමාත්‍යවරයා විසින් පාර්ලිමේන්තුවට ඉදිරිපත් කර තිබූ අතර 2002 සැප්තැම්බර් මස 11 වන දින ගැසට් පත‍්‍රයේ පළ කර ඇත.
2002 වර්ෂයේ ගෙන එනු ලැබූ එම 19 වන ආණ්ඩුක්රම ව්‍යවස්ථා සංශෝධන පනත් කෙටුම්පත ආණ්ඩුක්රම ව්‍යවස්ථාවට පටහැනිය යන පදනමින් ශ්‍රේෂ්ඨාධිකරණයේ අභියෝගයට ලක්කරන ලද අතර සරත් නන්ද සිල්වා (අ.වි), වඩුගොඩුපිටිය (වි), බණ්ඩාරනායක (වි) ඉස්මයිල් (වි) එදිරිසූරිය (වි) සහ යාපා (වි) ද සිල්වා (වි) විසින් 2002 ඔක්තෝබර් 1 සහ 3 යන දිනවල ඒ සම්බන්ධව ශ්‍රේෂ්ඨාධිකරණයේ විභාගයට ගන්නා ලදී.
වර්ෂ 2002 දී පාර්ලිමේන්තුවට ඉදිරිපත් කළ එකී 19වන ආණ්ඩුක්රම ව්‍යවස්ථා සංශෝධන පනත් කෙටුම්පතේ 5 වන වගන්තිය අනුව ආණ්ඩුක්රම ව්‍යවස්ථාවේ 70 වන ව්‍යවස්ථාවට ඉක්බිතිව 70 (අ) ලෙස ආණ්ඩුක්රම ව්‍යවස්ථාව සංශෝධනය කරමින් වසරකට පසු පාර්ලිමේන්තුව විසිරවීම ජනාධිපතිට සීමා කිරීම ආණ්ඩුක්රම ව්‍යවස්ථාවේ 3 වන ව්‍යවස්ථාව උල්ලංඝනය කරන බවත් එය නීතියක් වන්නේ ජනමත විචාරණයක් මගින් ජනතාව විසින්ද අනුමැතිය දීමෙන් පසුව බව අගවිනිසුරු ප්රමුඛ ශ්‍රේෂ්ඨාධිකරණයේ විනිසුරුවරු 7 දෙනකු විසින් තීරණය කර තිබූ අතර ඒ හේතුවෙන් එකී 19යේ ඉදිරි කටයුතු එතනින් නතර විය.
2 වන වරටත් 19ය 2015දී පාර්ලිමේන්තුවට ඉදිරිපත් කිරීම.
අග‍්‍රාමාත්‍යතුමා සහ ප්රතිපත්ති සම්පාදන, ආර්ථික කටයුතු, ළමා, තරුණ හා සංස්කෘතික කටයුතු අමාත්‍යතුමාගේ නියමය පරිදි 2015 මාර්තු මස 13 වන දින ගැසට් පත‍්‍රයේ 11 වන කොටස අතිරේකය (2015.03.16 දින නිකුත් කරන ලද) 19 වන ආණ්ඩුක්රම ව්‍යවස්ථා සංශෝධන පනත් කෙටුම්පතේ 19 වගන්තිය මගින් පාර්ලිමේන්තුව විසිරවීමට අදාළ ජනාධිපතිවරයා සීමා කරන විධිවිධානද දැක්වේ.
2015 දී ගෙනා 19වන ආණ්ඩුක්රම ව්‍යවස්ථා සංශෝධන පනත් කෙටුම්පත නීතියක් බවට පත් කිරීමට පෙර එනම් 2002 දී ශ්‍රේෂ්ඨාධිකරණයේ විනිසුරුවරුන් 7 දෙනකු විසින්, එදා (2002) ගෙනා 19ය සම්බන්ධයෙන් තීරණය කළ පරිදි පාර්ලිමේන්තුව විසිරුවීමෙන් ජනාධිපති වළක්වන විධිවිධානය නීතියක් බවට පත් කිරීමට ජනතාවගේ මතය විමසන ජනමත විචාරණයක් පැවැත්වීමට අවශ්‍යතාවය පූර්ණය කළ යුතු වුවත්, මේ වනතෙක් එසේ කටයුතු කර නැති නමුත් 2002දී ශ්‍රේෂ්ඨාධිකරණයේ විනිසුරුවරු 7දෙනෙකු ලබා දුන් ඒකමතික තීරණයට පටහැනිව ජනමතවිචාරණයකට නොගොස් 2015 දී ගෙන එනු ලැබූ 19වන ආණ්ඩුක්රම ව්‍යවස්ථා සංශෝධනය කුමන්ත්‍රණකාරී ලෙස නීතියක් ලෙස බලහත්කාරයෙන් පවත්වාගෙන යයි.
ජනාධිපති මෛත්රීපාල සිරිසේන මහතා විසින් 2018 නොවැම්බර් මස 09 වැනි දින අංක 2096/70 දරන අතිවිශේෂ ගැසට් පත‍්‍රය මගින් පාර්ලිමේන්තුව විසුරුවීමට අදාළව නිකුත් කළ
ගැසට් නිවේදනය අවලංගු කරමින් 2018.12.13 දින ශ්‍රේෂ්ඨාධිකරණය මූලික අයිතිවාසිකම් නඩුවකින් නලීන් පෙරේරා (අ.වි) බුවනෙක අලූවිහාර (වි), සිසිර ආබෲ(වි) ප්රියන්ත ජයවර්ධන (වි), විජිත මලල්ගොඩ(වි), ප‍්‍රසන්න ජයවර්ධන (වි) සහ මෘදු ප්රනාන්දු (වි) විසින් ලබා දුන් තීන්දුවේදී පවා ජනාධිපතිවරයාට පාර්ලිමේන්තුව විසරුවීමට ඇති හැකියාව සීමාකිරීමට ජනමතවිචාරණයක් පැවැත්විය යුතු බවට, සම්බන්ධයෙන් 2002දී ශ්‍රේෂ්ඨාධිකරණ විනිසුරු 7කගේ ඒකමතික තීරණය සළකා බලා නැති බව 19වන ආණ්ඩුක්රම ව්‍යවස්ථාව සංශෝධනය තවමත් පනත් කෙටුම්පතක් පමණක් බවට සමාජයේ කතිකාවක් ඇති කරන ලේඛකයන්ගේ සහ විද්වතුන්ගේ අදහසයි.
එවන් තත්ත්වයක් තුළ (2002 දී ලබාදුන් ශ්‍රේෂ්ඨාධිකරණ තීරණයට පටහැනිව කථානායකවරයා සහතිකය යෙදූ) 19යට අදාලව ශ්‍රේෂ්ඨාධිකරණයට තවත් මූලික අයිතිවාසිකම් නඩු කිහිපයක් මැතිවරණ කොමිසම විසින් 2020 ජුනි 20 පාර්ලිමේන්තු මැතිවරණය පැවැත්වීමට තීරණය කිරීමට එරෙහිව ගොනු වී ඇත.
එකී පෙත්සම්වල පසුබිම
2020 මාර්තු 02 දින ගෝඨාභය රාජපක්ෂ ජනාධිපතිවරයා විසින් පාර්ලිමේන්තුව විසුරුවා හැරි අතර අප්‍රේල් 25 දින මහමැතිවරණය පැවැත්වීමට අදාළව නිකුත් කළ ගැසට් නිවේදනයට අනුව මැතිවරණ කොමිෂන් සභාව විසින් නාමයෝජනාද බාරගෙන තිබුණි.
(නීති විරෝධී 19ය යටතේ පාර්ලිමේන්තුව විසුරුවීම සම්බන්ධයෙන් විරෝධය දක්වා මෙම ලියුම්කරු විසින් ජනාධිපතිවරයාට සිය විරෝධය දක්වා ඇත)
පසුව ඇති වූ විශේෂ තත්ත්වය මත මැතිවරණ කොමිසම විසින් මහමැතිවරණය 2020 ජූනි 20 දින පැවැත්වීමට ගැසට් පත්‍රයක් මගින් නිවේදනය කළ අතර පාර්ලිමේන්තුව විසුරුවා හැරි දිනයේ සිට මාස තුනක් නොඉක්මවීමට පෙර නව පාර්ලිමේන්තුව රැස්විය යුතු බවට වන අවශ්‍යතාවය ඒ අනුව සපුරාලිය නොහැකි තත්වය උද්ගතවී ඇති පදනමින් මෙම පෙත්සම් ගොනු කර ඇත.
මෙම පෙත්සම් සළකා බැලීම සදහා අග විනිසුරු ජයන්ත ජයසූරිය මහතා විසින් පංච පුද්ගල විනිසුර මඩුල්ලක් මේ වන විටත් පත්කර ඇති අතර මැයි 18 සහ 19 දිනවල ඒ සදහා නියම කර ඇත.
පංච පුද්ගල විනිසුරු මඩුල්ලේ සංයුතිය සහ මෛත්රීපාල සිරිසේන ජනාධිපතිවරයා 2018 පාර්ලිමේන්තුව විසිරුවීම අදාල නඩුවෙ විනිසුරු 7දෙනාගේ සංයුතියේ වැදගත්කම.
මැතිවරණ කොමිසම විසින් 2020 ජුනි 20 පාර්ලිමේන්තුව මැතිවරණය පැවැත්වීමට තීරණය කිරීමට එරෙහිව ගොනු වී ඇති පෙත්සම් විභාගය සදහා අග විනිසුරු ජයන්ත ජයසූරිය, බුවනෙක අලුවිහාරේ(වි)
සිර ආබෲ(වි), ප්රියන්ත ජයවර්ධන(වි) විජිත් මලල්ගොඩ (වි) සමන්විතවන අතර, මෛත්රීපාල සිරිසේන ජනාධිපතිවරයා 2018 පාර්ලිමේන්තුව විසිරුවීම අදාල නඩුවෙ විනිසුරු 7දෙනාගේ සංයුතියට නලීන් පෙරේරා (අ.වි) බුවනෙක අලූවිහාර (වි), සිසිර ආබෲ(වි) ප්රියන්ත ජයවර්ධන (වි), විජිත මලල්ගොඩ(වි), ප‍්‍රසන්න ජයවර්ධන (වි) සහ මෘදු ප්රනාන්දු (වි) ඇතුලත් විය.
මෙම විනිසුරු සංයුතීන් දෙස සැළකිල්ලෙන් බැලීමේදී මෛත්රීපාල සිරිසේන ජනාධිපතිවරයා 2018 පාර්ලිමේන්තුව විසිරුවීම අදාල නඩුවේ ජනාධිපතිවරයා වෙනුවෙන් පෙනී සිටි නීතිපතිවරයා අද අගවිනිසුරුවරයා වීමත්, එදා තමන්ගේ නීති තර්ක පිළිනොගත් විනිසුරුවරු 4දෙනෙකු සමග 2020 මැයි 18 සහ 19 දිනවල, මැතිවරණ කොමිසම විසින් 2020 ජුනි 20 පාර්ලිමේන්තුව මැතිවරණය පැවැත්වීමට තීරණය කිරීමට එරෙහිව ගොනු වී ඇති පෙත්සම් සළකා බැලීම සදහා පංච පුද්ගල විනිසුරු සංයුතිය සකස් වීමත් සුවිශේෂ වෙයි.
නීතියේ ස්වභාවය සහ ධූරවල ස්වභාවය මෙය වුවත්, 2002දී ශ්‍රේෂ්ඨාධිකරණ විනිසුරු 7කගේ ඒකමතික තීරණය උල්ලංඝනය කරමින් 2015 දී 19වන ආණ්ඩුක්රම ව්‍යවස්ථාව සංශෝධනයට කථානායකවරයා ආණ්ඩුක්රම ව්‍යවස්ථාවේ 79 සහ 80 ව්‍යවස්ථාවලට පටහැනිව සහතිකය යෙදීම සම්බන්ධයෙන් වන නීතිමය තත්ත්වය මෙම පංච පුද්ගල විනිසුරු නඩුවේදී ශ්‍රේෂ්ඨාධිකරණය විසින් විසදන්නේද? එසේ විසදෙන්නේනම් මෙම නඩුවේ විනිශ්චය සහ විශේෂයෙන් අගවිනිසුරු ජයන්ත ජයසූරිය මහතා මේ සම්බන්ධයෙන් දක්වන විනිශ්චය ජනතාවට ඉතා වැදගත් වන බවත් මෙම ලියුම්කරුගේ අදහසයි.
පංච පුද්ගල විනිසුරු මඩුල්ලේ විනිශ්චය ජනතාවට ඉතා වැදගත් වන බව.
මැතිවරණ කොමිසම විසින් මහමැතිවරණය 2020 ජූනි 20 දින පැවැත්වීමට එරෙහි නඩුවල විනිශ්චය කවර ස්වාභාවයක් ගත්තද, එය ඉතා වැදගත් වන්නේ ඉහත කාරණා මත පමණක් නොවේ.
පංච පුද්ගල විනිසුරු මඩුල්ල මෙම පෙත්සම් පිළිගෙන ක්‍රියා කරමින් ජූනි 20 පවත්වන මැතිවරණය අවලංගු කළහොත් එනයින්ම ගෝඨාභය රාජපක්ෂ ජනාධිපතිවරයා විසින් මාර්තු 02 දිනැතිව පාර්ලිමේන්තුව විසුරුවන ලද ගැසට්ටුවත් අවලංගු වෙනවද? යන්න නීතිමය ලෙස දැනගැනීම ජනතාවට ඉතා වැදගත් වේ.
මන්ද යත් වසර 4 1/2ක් ගෙවීයන තෙක් පාර්ලිමේන්තුව විසුරුවිය නොහැකි බවට ශ්‍රේෂ්ඨාධිකරණය 2018.12.13 දින මෛත්රීපාල සිරිසේන ජනාධිපතිවරයා 2018 දී පාර්ලිමේන්තුව විසිරුවීම අදාල නඩුවේ විනිශ්චය කර ඇති හෙයින් (2002 දී ලබාදුන් ශ්‍රේෂ්ඨාධිකරණ තීරණයට පටහැනිව කථානායකවරයා සහතිකය යෙදීම සළකා නොබලා) එකී විනිශ්චයෙන් වර්තමාන ජනාධිපතිවරයාගේ පාර්ලිමේන්තුව විසුරුවීම වෙනස්වන්නේ කෙසේද? යන්නත් පිළිබද ලැබෙන අර්ථනිරූපණයත් වැදගත් වේ.
එමෙන්ම ශ්‍රේෂ්ඨාධිකරණ පංච පුද්ගල විනිසුරු මඩුල්ල විසින් මැතිවරණ කොමිසම විසින් මහමැතිවරණය 2020 ජූනි 20 දින පැවැත්වීමට එරෙහි නඩුවලද විනිශ්චයේදී,
1. 2002 දී ගෙනා 19යට දුන් ශ්‍රේෂ්ඨාධිකරණ විනිසුරු 7දෙනාගේ ඒකමතික තීරණය,
2. 2015 දී ගෙනා 19යට දුන් ශ්‍රේෂ්ඨාධිකරණ විනිසුරු 3 දෙනාගෙ තීරණය
3. 2018 දී මෛත්රීපාල ජනාධිපතිවරයා පාර්ලිමේන්තුව විසිරවීම අවලංගු කරමින් ශ්‍රේෂ්ඨාධිකරණය විනිසුරු 7 දෙනාගේ තීන්දුව
සහ ඉදිරිපත් කරන වෙනත් නීති සැළකිල්ලට ලක් කරමින් සිය විනිශ්චය ලබා දෙනු ඇත.
ජනාධිපතිවරයාට පාර්ලිමේන්තුව විසිරවීමට ඇති හැකියාව සීමාකිරීම සම්බන්ධයෙන් 2002දී ශ්‍රේෂ්ඨාධිකරණ විනිසුරු 7කගේ ඒකමතික තීරණය සහ එහි දැක්වෙන ජනමත විචාරණයේ අවශ්‍යතාව සහ එකී ජනමත විචාරණය මේ දක්වා නොපැවැත්වීම සම්බන්ධයෙන් අගවිනිසුරුවරයා ප්රමුඛ පංච පුද්ගල විනිසුරු මඩුල්ල සළකා බලයිද? යන්න කීමට තවම අවස්ථාව නොවුණත් එකී විනිශ්චය අධ්‍යනය කිරීමෙන් පසු එකී විනිශ්චයේ බලපෑම සම්බන්ධයෙන් කතිකාවක් ඇති කළ හැකිය.
මැතිවරණ කොමිසම විසින් මහමැතිවරණය 2020 ජූනි 20 දින පැවැත්වීමට එරෙහි නඩුවල පංච පුද්ගල විනිශ්චය බහුතර ජනතාවට කියවිය හැකි සිංහල භාෂාවෙන් ජනතාවට සන්නිවේදන කිරීමට විධායකය විසින් කටයුතු කිරීම නෛතික බලවන්ත සමාජයක් බිහි කිරීමටත්, විනය ගරුක සමාජයක් සදහා දිරි දීමක් මෙන්ම ප්‍රජාතන්ත්‍රවාදය ශක්තිමත් කිරීමක්ද වෙයි. ඒ වෙනුවෙන් විධායකය පෙළඹවීම නීතිය අගයන පුරවැසියන්ගේ වගකීම වෙයි.
(2020.05.16)
නීතිඥ අරුණ ලක්සිරි උණවටුන
B.Sc(Col), PGDC(Col)
