මා ලියන්නේ පුරුද්දට වුවත් මා ඒ ලිපි පළ කරන්නේ ඇයි? ඒ මට අනෙක් අයට කීමට යමක් ඇතැයි සිතන නිසයි. එහෙත් ඒ කියන දේ ඒ අනෙක් අය වැරදි කියා නිගමනය කරන්නේ නම් මා ඒ ලිපි පළ කළ යුත්තේ ඇයි? අවුරුදු තිස්පහකට වැඩි කාලයක් මා ලියා පළ කර ඇති නමුත් තුන්හාර සියයක්වත් මා කියන දේ නිවැරදි කියා නොපිළිගන්නා බව පැහැදිලියි. 1994 දී මා කළුතර දිස්ත්‍රික්කයට තරඟ කළ අවස්ථාවේ දී මට මනාප පන්දහසකට වඩා ලැබුණෙ නැහැ. ඒ මුළු දිස්ත්‍රික්කයෙන් ම! මෙරට ජනයා මගේ දේශපාලන අදහස්වලට අකමැති බව, ඒ වැරදි යැයි සලකන බව මා එදා තේරුම් ගත යුතුව තිබුණා.
ඊයේ (නොවැම්බර් 08) මට ඒ අවබෝධය ලැබුණු දවස ලෙස සලකන්න පුළුවන්. ආණ්ඩුව සයිටම් අහෝසි කරන්න තීරණය කරලා. සයිටම් නිසා නිදහස් අධ්‍යාපනය විනාශ වන බව මෙරට ඉතා වැඩි පිරිසක් කියනවා. මගේ අදහස වූයේ නිදහස් අධ්‍යාපනය යනු මුදල් ගෙවා අධ්‍යාපනය ලැබීමට හැකි අයට ඒ අවස්ථාව නැති කිරීම නොවන බව. මා මේ සම්බන්ධයෙන් ලිපි රාශියක් ලියා ඇති. එහෙත් බොහෝ දෙනා එය අනුමත කරන්නේ නැහැ. ඔවුන් මට විරුද්ධ වනවා පමණක් නොව ඒ ලිපි කියවීම ද ප්‍රතික්‍ෂෙප කළ බව ප්‍රතිචාරවලින් පැහැදිලි වුණා. මා ගෙන ආ තර්ක වැරදි බව කිසිවකු පෙන්වා දී නැති නමුත් අති විශාල බහුතරය මගේ තර්ක වැරදි බව පිළිගෙන තිබෙනවා. සයිටම් අහෝසි කිරීමත් සමග දෙතුන් සියයක් හැර රටේ බහුතරය මා කියන දේ නොපිළිගන්නා බව පැහැදිලියි.
මා පළ කරන ලිපිවලින් පලක් නොවන බව පැහැදිලියි. රටේ බහුතරයට මගෙන් ඉගෙනීමට දෙයක් නැහැ. බුදුදහම ඉතිහාසය බටහිර විද්‍යාව සාහිත්‍යය දර්ශනය යථාර්ථය දැනුම ආදිය ගැන කියන කිසිවක් බහුතරයක් පිළිගන්නේ නැහැ. මා අසාර්ථක බවත් දැනුම් තේරුම් නැත්තකු බවත් පිළිගැනීමට සිදු වී තිබෙනවා. මගෙන් ඉගෙනීමට දෙයක් නොමැති අයට ලිවීමෙන් පලක් නැහැ. හැරත් මට වඩා යමක් කමක් දන්නා අය දසදහස් ගණනින් රටේ සිටින විට, ඔවුන් ඉතා තර්කානුකූල ව ලියන විට, මා කිසි දෙයක් අලුතින් ලියා නැති බව විචක්‍ෂණ ජනමාධ්‍යවේදීන් ප්රසිද්ධියේ ප්‍රකාශ කරන විට, ලිපි පළ කිරීම අනවශ්‍ය බව පැහැදිලියි.
මින් පසු අවුරුදු තිස්පහකට වැඩි කාලයක් තිස්සේ මා කළ වරද කරන්නේ නැහැ. මේ ලිපිය මා පළ කරන අන්තිම ලිපියයි. මගේ ලිපි අන්තිම බව පාඨකයා තේරුම් ගෙන බොහෝ කල්! මා මින් පසු මෙරට අයට කියවීමට සිංහලෙන්වත් ඉංගිරිසියෙන්වත් ලිපි පළ කරන්නේ නැහැ. ඉංගිරිසියෙන් ලිපි පළ කිරීම නවතා අවුරුදු කිහිපයක් වෙනවා. අවුරුදු තිස්පහක් ඔබේ කාලය නාස්තිකිරීම ගැන කණගාටු වෙනවා.
නලින් ද සිල්වා
2017 නොවැම්බර් 09
පළාත් පාලන මැතිවරණය ප්‍රකාශයට පත්කිරිමත් සමග ශ්‍රිලනිපය පරණ ගොනී සෙල්ලමට බහින්න සුදානමක් ඇති බව අප දේශපාලන වාර්තාකරු අනාවරණය කළා.ඒ අනුව පසුගිය මහා මැතිවරණ සමයේ මෙන්ම අසාර්ථක මැතිවරණ මෙහෙයුමකට හිමිකම් කියමින් සිටින මෛත්‍රී පිළේ ශ්‍රීලනිප කණ්ඩායම කෙසේ හෝ පළාත් පාලන මැතිවරණයට මහින්ද සමග ගොඩනැගෙන සන්ධානය ඩැහැගැනිම සදහා පළාත් පාලන මැතිවරණය පැවැත්වෙන දිනය ප්‍රකාශයට පත් කිරීමත් සමඟ ආණ්ඩුවේ සිටින ඇමැතිවරුන් පස්දෙනකු විපක්ෂයට එක් කිරිමේ ගෝනි සෙල්ලම දියත්කර තිබේ.
ඒ අනුව් පසුගිය මහ මැතිවරණයේදි මහින්ද ප්‍රමුඛ ශ්‍රී ලංකා නිදහස් පක්ෂය මැතිවරණ සටනේ ඉදිරියේන් සිටියදි එය පාවා දෙමින් එජාපයට බලය ලබාදිමටත් මහින්දගේ ආගමනය නතරකිරිමටත් කුමන්ත්‍රණය කල බාල තෙල් ගෙන්විමේ ප්‍රමුඛයා වන හිටපු සන්ධාන මහා ලේකම් සුසිල් ප්‍රේමජයන්තගේ නායකත්වයෙන් යුත් කණ්ඩායම කටයුතු කරමින් සිටි.
සුසිල්ට අමතරව තවත් අමාත්‍යවරයෙකු සමග , නියෝජ්‍ය ඇමැතිවරුන් තිදෙනකු ඇතුලු 5 දෙනෙකු පලමු වටයේ විපක්ෂයට එක්ව පසුව ඒ හරහා මහින්ද ප්‍රමුඛ ඒකාබද්ධ සන්ධානය සමග එක්ව පළාත් පාළන මැතිවරණයට එක්ව තරග කිරිම සදහා එකමුතුවක් සැදිම මෙම මෙහෙයුමේ අරමුණ වි තිබේ.
මේ අතර අප දේශපාලන වාර්තාකරු අනාවරණයි කළෙ මෙම ඇමැතිවරුන් පස්දෙනාම එක්සත් ජනතා නිදහස් සන්ධානයෙන් මහ මැතිවරණයට ඉදිරිපත් වී ජයග්‍රහණය කිරීමෙන් අනතුරුව ආණ්ඩුවට එක්වූ අය බවද සඳහන් වෙයි.
මෙ වනවිටත් ඒකාබද්ධ විපක්ෂය නියෝජනය කරන ශ්‍රිලනිප ජ්‍යෙෂ්ඨයන් සමග එම කණ්ඩායම මේ දිනවල සාකච්ඡා කරමින් පවතින අතර ශ්‍රි ලංකා නිදහස් පක්ෂය දෙකඩ නොවි තිබිය යුතු යැයි දැඩි ස්ථාවරයේ සිටින මෙම විපක්ෂ ශ්‍රිලනිප ජ්‍යෙෂ්ඨයන් මෙම මෙහෙයුම සදහා උපරිම දායකත්වය ලබා දෙමින් සිටි.
ආණ්ඩුවෙන් විපක්ෂයට එක්වන කණ්ඩායම් හරහා මෛත්‍රීගේ නායකත්වයෙන් යුත් ශ්‍රීලනිපය සමග සැදෙන පුලුල් සන්ධානයට එකතුවි එකම එක ලැයිස්තුවක් ඉදිරිපත් කිරිම සදහා පසුගියදා ඉදිරිපත් වු යෝජනාව ක්‍රියාත්මක කිරිමට මාර්ගයක් සාදා ගැනිම විපක්ෂ ශ්‍රිලනිප ජ්‍යෙෂ්ඨයන්ගේ අරමුණ් වි තිබේ.
ජුදාස් ඉස්කාරියොත් සහ සුසිල් ප්‍රේමජයන්ත
ජුදාස් ඉස්කාරියොත් ජේසු තුමාගේ ප්‍රධාන ගෝලයන් දොළොස් දෙනාගෙන් කෙනෙකි. ජේසුතුමා ප්රසිද්ධියේ දේශන පැවැත්වමින් දිවි ගෙවූයේ සසර තුනක් පමණි. ඒ තෙවසර පුරාම තැනින් තැනට යමින් උන් වහන්සේ සමඟම සිටි ගෝලයෙකි. දෙවියන් වහන්සේගේ නාමයෙන් ලෙඩුන් සුව කරමින් ශුභ අස්න දේශනා කිරීමට ජුදාස්ද් අනෙක් ගෝලයන් එකොළොස් දෙනා සමඟ සම්බන්ධ වූවෙකි.ජේසුතුමන් සමඟ සම්බන්ධ වීමට පෙර මොහු සොරෙකි. සොර කණ්ඩායමේ මුදල් සම්බන්ධව කටයුතු කර ඇත්තේද මොහුය. එකල ඔහු එම මුදල් සොරකම් කර ඇති බව ඇතැම් ග්‍රන්ථවල සඳහන් වේ.
ජේසු තුමාගේ රුවට සමාන තවත් ගෝලයෙක්ද විය. එනිසා ප්‍රධාන පූජකයාගේ සෙබළුන්ට ජේසුතුමා හඳුනා ගැනීම අපහසු විය. එතෙක් කල් හඳුනා ගැනීමට අපහසු වන සේ සිටි ජේසුස් වහන්සේ ගේ ශරීරය සතුරන්ට පෙනෙන්නට සිප ගැනීමෙන් ජුදාස් ඒ මහා අපරාධය සිදු කෙළේ ය.
“ජුදාස්, නුඹ මා සිප ගැනීමෙන් පාවා දුන්නේද?” යයි ජේසු තුමා එහිදී ව්මසීය.
ඒ නිසා මානව ශිෂ්ටාචාරය තුළ මිනිසකු විසින් නොවිඳි මහා දුකක් විඳ කල්වාරි කන්ද මුදුනේදී සියලු පව්කාරයන් වෙනුවෙන් කුරුසිය මත සිය ජීවිතයෙන් වන්දි ගෙවන්නට ජේසුස් වහන්සේට සිදු විය. ජුදාස් මේ මහා පාවාදීම සිදු කළේ රිදී කාසි 30 ක මුදලක් වෙනුවෙනි.
සෙබළුන් විසින් ජේසු තුමන් රැගෙන ගොස් හිරිහැර කරන විට ජුදාස් ඒ මුදල් සියල්ල යළි භාරගෙන ජේසුතුමාව නිදහස් කරන මෙන් ප්‍රධාන පූජකයාගෙන් ඉල්ලා සිටින ලදී. නමුත් එම ඉල්ලීම ප්‍රතික්ෂේප කරන ලදී. පසුව ඔහු සිත් තැවුලෙන් සිය දිවි හානි කරගත්තේය.
සුසිල් ප්‍රේමජයන්ත
ආරච්චිගේ දොන් සුසිල් ප්‍රේමජයන්ත් මෙලොව එළිය දුටුවේ 1955 ජනවාරි මස 10 වනදායි. 1991 වසරේ දී හෙතෙම ශ්‍රී ජයවර්ධනපුර කෝට්ටේ නගර සභාවේ උපසභාපතිවරයා ලෙස තේරී පත් විය. 1993 වසරේදී ඔහු බස්නාහිර පළාත් සභාවට තේරී පත් විය. 1994 වසරේදී ඔහු බස්නාහිර පළාත් සභාවේ පළාත් පාලන අමාත්‍යවරයා බවට ඔඅත් විය. 1995 වසරේදී සහ 1999 වසරේදි ඔහු බස්නාහිර පළාත් සභාවේ ප්‍රධාන අමාත්‍යවරයා ලෙස කටයුතු කළේය. 2000 වසරේ සිට 2001 වසර දක්වා චන්ද්‍රිකා බණ්ඩාරනායක කුමාරතුංග පාලන සමයේ මෙරට අධ්‍යාපන අමාත්‍යය ධූරය ඉසිලීය.
එක්සත් ජනතා නිදහස් සන්ධානය පිහිට වූයේ 2004 පෙබරවාරි මස 11 වැනි දායි. එතැන් සිට මේ දක්වා සම්පූර්ණ කාලයම පාහේ සන්ධානයේ මහලේකම් ලෙස ජනාධිපතිවරණ, මහමැතිවරණ, පළාත් සභා හා පළාත් පාලන ආයතන මැතිවරණවල සියල්ලෙහිම නාම යෝජනා පත්‍ර සකස් කිරීම, හා මැතිවරණවලට අදාළ සියලු කටයුතු සුසිල් ප්‍රේමජයන්යත් විසින් සන්ධානයේ ලේකම්වරයා ලෙස ඉටු කළේය.
මහින්ද රාජපක්ෂ සමයේ 2005 සිට 2010 දක්වා අධ්‍යාපන අමාත්‍ය ධූරයද 2010 සිට 2014 දක්වා ඛනිජ සම්පත් අමාත්‍යය ධූරයද මොහු විසින් උසුලන ලදී.
2010 අගෝස්තු 17 වන සඳුදා මැතිවරණයක් පැවැත්වීමට නියමිතව තිබියදී අගෝස්තු 14 වන සිකුරාදා එක්සත් ජනතා නිදහස් සන්ධානයේ මහලේකම් ලෙස සුසිල් ප්‍රේමජයන්ත ට සහ ශ්‍රී ලංකා නිදහස් පක්ෂයේ මහලේකම් ලෙස අනුර ප්‍රියදර්ශන යාපා යන අයට එම තනතුරු දැරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කළේය. හිටපු අමාත්‍යවරුන් වන දුමින්ද දිසානායක සහ විශ්වා වර්ණපාල විසින් ඉදිරිපත් කළ පැමිණිල්ලක් සලකා බැලු අධිකරණය දින 14ක් බල පැවැත්වෙන පරිදි අදාළ වාරණ නියෝගය නිකුත් කළේය. පෙත්සම්කරුවන් පැවසූයේ ශ්‍රී ලංකා නිදහස් පක්ෂයේ වැඩ බලන මහ ලේකම් ලෙස දුමින්ද දිසානායක හිටපු අමාත්‍යවරයා සහ එක්සත් ජනතා නිදහස් සන්ධානයේ වැඩ බලන මහ ලේකම් ලෙස විශ්වා වර්ණපාල යන අය පක්ෂ නායක ජනාධිපති මෛත්‍රීපාල සිරිසේන විසින් පත් කරනු ලැබ ඇති බවයි. එම නිසා සිය කටයුතුවලට බාධා නොකරන මෙන් නියෝගයක් සුසිල් ප්‍රේමජයන්ත සහ අනුර ප්‍රියදර්ශන යාපා වෙත නිකුත් කරන මෙන් ද පෙත්සම්කරුවන් ඉල්ලා තිබුණි. කරුණු සලකා බැලූ අධිකරණය එම වාරණ නියෝගය ද නිකුත් කර තිබේ. අනතුරුව පැමිණිල්ල ලබන 28 වනදා කැඳවීමට නියම කළ අධිකරණය එදිනට මේ සම්බන්ධයෙන් කරුණු දක්වන මෙන් වග උත්තරකාර සුසිල් ප්‍රේමජයන්ත සහ අනුර ප්‍රියදර්ශන යාපා යන අයට නොතිසි නිකුත් කළේය.
සන්ධානයේ අභ්‍යන්තර ආරංචි මාර්ග පවසන්නේ 17 වන සඳුදා සුසිල් ප්‍රේමජයන්ත විසින් වාරණ නියෝගයට එරෙහිව අධීකරණය හමුවට යාමට තිබූ බවයි. නමුත් ඔහු එදින පැවැත්වූ මැතිවරණයේ ප්‍රතිපල ලැබෙන තෙක් 18 වැනිදා වන තෙක් අධිකරණය හමුවට නොගොස් සිට සන්ධානයට බහුතර බලය නොමැති බව දැනගත් පසු අධිකරණය හමුවට නොව, ඒ වෙනුවට ජනපති හමුවට ගිය බවයි.
ඉන් පසු යහපාලන ජනපතිගේ අභිමතය පරිදි එක්සත් ජනතා නිදහස් සන්ධාන ජාතික ලැයිස්තුවට මහාචාර්ය විශ්වා වර්ණපාල මහතාගේ අනුදැනුමෙන් ඊට අත්සන් තබා තිබුණේ සුසිල් පේ‍්‍රමජයන්ත මහතාය. ලයිස්තුවට පරාජිතයින් හත් දෙනෙකු ඇතුලත් වී තිබුනි.
අගෝස්තු 24 දින විශ්වා වර්ණපාලට ලේකම් ධූරයේ නිදහසේ කටයුතු කර හැරීමට ඉඩ හරිමින් සුසිල් ප්‍රේමජයන්ත මහතා සන්ධානයේ මහලේකම් ධූරයෙන් ඉල්ලා අස් විය.ජුදාස්ට ලැබුනු රිදී කාසි 30 සේ ප්‍රේමජයන්ත මහතාට ලැබෙන්නේ මොනවාදැයි මහජනතාව බලා සිටිති.
තමන්ට ජාතික ලැයිස්තුවෙන් පාර්ලිමේන්තු මන්ත්‍රීධුරයක් මෙන්ම අමාත්‍ය ධුරයක් ලබා ගනිමින් තමන්ට මහින්ද රාජපක්ෂ ගානට වැටිය නොහැකි බැවින් ශ්‍රි ලංකා නිදහස් පක්ෂය ආරක්ෂා කරමින් මහින්ද ප්‍රමුඛ ඒකාබද්ධයට එරෙහිව කටයුතු කිරිමට ලංකා නිදහස් පක්ෂ සභාපති ධුරය ලබාදිමට කටයුතු කල යුතු බව හිටපු ජනාධිපතිනි චන්ද්‍රිකා කුමාරතුංග ශ්‍රිලනීප ජ්‍යෙෂ්ඨයන්ට පවසා තිබේ.
හිටපු ජනාධිපතිනි චන්ද්‍රිකා කුමාරතුංග මහත්මිය ජාතික ලැයිස්තුවෙන් පාර්ලිමේන්තු මන්ත්‍රීවරියක් ලෙස පත් කර අමාත්‍ය ධුරයක්ද ලබා දී ඉදිරි ශ්‍රී ලංකා නිදහස් පක්ෂ සම්මේලනයේදී පක්ෂයේ නව සභාපතිනිය ලෙස පත් කිරීමේ සැලසුමක් ක්‍රියාත්මක වෙමින් පවතින බව පක්ෂ අභ්‍යන්තර ආරංචි මාර්ග සදහන් කරයි.
නව බෙදුම්වාදී ආණ්ඩුක්‍රම ව්‍යවස්ථාව සම්මතකර ගැනිම සදහා පාර්ලිමේන්තුවේ බලය සිය අනසකට යට කර ගැනිමත් දෙකඩ වි සිටින ශ්‍රී ලංකා නිදහස් පක්ෂ මහින්ද පිළේ මන්ත්‍රීවරුන් යලී දිනාගැනිමටත් අවශ්‍ය මෙහෙයුමක් දියත් කිරිම සදහා හිටපු ජනාධිපතී චන්ද්‍රිකා බණ්ඩාරනායක කුමාරතුංග යලිත් ශ්‍රිලනිප ජාතික ලැයිස්තුවේ මන්ත්‍රීවරියක ලෙස පාර්ලිමේන්තුවේ අසුන් ගැනිමට සුදානම්ක් පවතින බව අප දේශපාලන වාර්තාකරු මිට පෙර අනාවරණය කළා.
කෙසේ නමුත් මන්ත්‍රීධුරය සහ ඇමතිකම් ප්‍රතිකේෂ්ප කරමින් තමන් ශ්‍රීලනීප සභාපතිනිය ලෙස පත්කරන් ලෙස ශ්‍රීලනිප ජ්‍යෙෂ්ඨයන් හමුවේ පවසා ඇති අතර එම ඉල්ලිම සම්බන්ධයෙන් එම ජ්‍යෙෂ්ඨයන් වත්මන් සභාපති ජනාධිපති මෛත්‍රීපාල සිරිසේන දැනුවත් කර තිබේන අතර එම ඉල්ලිමට ජනපති තවමත් ප්‍රතිචාර දක්වා නෑ.
මේ අතර හිටපු ජනාධිපතිනිය ශ්‍රී ලංකා නිදහස් පක්ෂයේ සභාපතිනිය ලෙස පත් කිරීමට ආණ්ඩුව නියෝජනය කරන ශ්‍රී ලංකා නිදහස් පක්ෂයේ පිරිසක් සහය පළ කිරීමට සුදානමින් සිටින බවද වාර්තා වේ.
හිටපු ජනාධිපති මහින්ද රාජපක්ෂ මහතා ඇතුළු ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂ ජේෂ්ඨ මන්ත්‍රීවරුන් පිරිසක් ශ්‍රී ලංකා නිදහස් පක්ෂයට එරෙහිව ශ්‍රී ලංකා පොදුජන පෙරමුණ බලයට පත් කිරීම සදහා ගෙන යන වැඩපිළිවෙළට එරෙහිව විනය ක්‍රියා මාර්ග ගෙන ඒ අය ශ්‍රී ලංකා නිදහස් පක්ෂයෙන් නෙරපා හැරීම සදහා හිටපු ජනාධිපතිනි චන්ද්‍රකා කුමාරතුංග මහත්මිය පක්ෂයේ සභාපතිනිය ලෙස පත් කළ යුතු බවයි එම කණ්ඩායමෙ අදහස වි ඇත්තේ.
කෙසේවෙතත් අදාළ කණ්ඩායම මහින්ද රාජපක්ෂ සමයේ පසුපසට තල්ලු වි සිටි පිරිසක් වන යලිත් මහින්ද ශ්‍රිලනිපය තුල බලය ඇල්ලිමට කටයුතු කලහොත් තමන්ට ඇති බලය ගිලීහි යා හැකි බැවින් චන්ද්‍රිකා සමග එක්ව මහින්ද මර්දනය කිරිමේ සටන තීව්‍ර කිරිමට දායකත්වය ලබා දෙන බවයි අප දේශපාලන වාර්තාකරු අනාවරණය කලේ.
මහින්ද රාජපක්ෂ සමග රහසේම සාකච්ඡා කරන කණ්ඩායම් මෙන්ම ජනපතිගේ දැනුවත් භාවයෙන් සාකච්ඡා කරන කණ්ඩායම් වහාම නතර කිරිමට කටයුතු කිරිම ශ්‍රී ලංකා නිදහස් පක්ෂ සභාපතිවරයාගේ වගකිමක් බවත් එය කිරිමට සභාපති අසමත් නම් මින් ඉදිරියට තමන් එම වගකිම් භාර ගන්නා බව ශ්‍රී ලංකා නිදහස් පක්ෂයේ අනුශාසකවරියක් වන හිටපු ජනාධිපතිනී චන්ද්‍රිකා බණ්ඩාරනායක කුමාරතුංග ජනපති මෛත්‍රීපාල සිරිසේනට දැඩි ලෙස දෝෂාරෝපණය කරමින් බැනවැදුන අතර අප ඒ සම්බන්ධයෙන් එවකට කල අනාවරණය පහතින් කියවන්න…
අවස්ථා ගණන්නාවකදි අසාර්ථක වු දෙමළ ජාතික සන්ධානය දෙකඩ කිරිමේ මෙහෙයුම මෙවර සාර්ථක මට්ටමකට පැමිණ ඇති බව උතුරේ ආරංචි මාර්ග සදහන් කරනවා. එම අර්බුදය උග්‍ර කරමින් දෙමළ ජාතික සන්ධානයේ වන්නි දිස්ත්‍රික් පාර්ලිමේන්තු මන්ත්‍රි ශිවශක්ති ආනන්දන් ඉදිරියේදී පාර්ලිමේන්තුවේ ස්වාධීන වීමේ සූදානමක් පවතින බවද වාර්ත වේ.එම මෙහෙයුමෙන් පසුව් තවත් මන්ත්‍රීවරුන් දෙදෙනෙකු ස්වාධීන විමටද සුදානමින් සිටි.
ඒ අනුව දෙමළ ජාතික සන්ධානය දෙකඩ වීමෙන් පසු දෙමළ ජාතික සන්ධානයට එරෙහිව නව පුළුල් සංවිධානයක් ගොඩනැංවීමේ මූලික වටයේ සාකච්ඡා ආරම්භ වී තිබෙන අතර ඒ අනුව ඉදිරි පාළාත් පාලන මැතිවරණය ඉලක්ක කර ගනිමින් නව දේශපාලන සන්ධානය ආරම්භ කිරීමට නියමිත අතර ඒ සඳහා ඊළාම් ජනතා විප්ලවවාදී විමුක්ති පෙරමුණ නායක සුරේෂ් ප්‍රේමචන්ද්‍රන්, ද්‍රවිඩ ජාතික ජනතා පෙරමුණේ නායක ගජේන්ද්‍ර කුමාර් පොන්නම්බලම්, ද්‍රවිඩ එක්සත් විමුක්ති පෙරමුණේ නායක වී. ආනන්ද සංගරී, උතුරු පළාත් ප්‍රධාන අමාත්‍ය සී. වී. විග්නේශ්වරන් යන මහත්වරුන් ඇතුළු තවත් උතුරේ දේශපාලන පක්ෂ නායකයන් අතර මෙම නව දේශපාලන සන්ධානය ඇති කිරීම සම්බන්ධයෙන් සාකච්ඡා පැවැත්වීමට නියමිතය.
ෆෙඩරල් පාලනයක් ලබාගැනීම, උතුර නැඟෙනහිර පළාත් ඒකාබද්ධ කිරීම ඇතුළු කරුණු ගණනාවක් සම්බන්ධයෙන් කඩිනම් විසඳුම් ලබාගැනීම සදහා ආණ්ඩුවට බල කළ යුතු බවත් එසේ නොමැතිව ආණ්ඩුව ආරක්ෂා කිරීමේ ක්‍රියාදාමයෙන් ඉවත් විය යුතු බවත් ඊ.පී.ආර්.එල්.එෆ්. සංවිධානය දැඩිව ප්‍රකාශ කරයි.
ඊළාම් රාජ්‍යක් අත්පත් කර ගැනිමේ ආසන්නයටම පැමිණ සිටින අවස්ථාවක ඒ සදහා නායකත්වය දෙමින් සිටින දෙමළ ජාතික සන්ධානයට විකල්පයක් ලෙස නව පක්‍ෂයක් බිහිවිමේ අවධානමක් මතුව ඇති බවට ඉන්දිය බුද්ධි අංශ අනාවරණය හේතුවෙන් ඉන්දිය රජය උතුරු ප්‍රදේශයේ බරපතල ලෙස රාජ්‍යතාන්ත්‍රික මට්ටමේ මැදිහත් විමක් සිදු කිරිමට තින්දුවක් ගෙන තිබේන බව අප පසුගියදා වාර්තා කළා.
http://198.211.112.164/archives/7416
ඉදිරි පළාත් පාලන මැතිවරණයේ දී ශ්‍රී ලංකා නිදහස් පක්ෂය සමඟ නිතර ගිවිසුමක් යටතේ තරග කිරීමට කිසිදු සූදානමක් නොමැති බව ඒකාබද්ධ විපක්ෂයේ කැඳවුම්කරු, ගම්පහ දිස්ත්‍රික් පාර්ලිමේන්තු මන්ත්රී ප්‍රසන්න රණතුංග අවධාරණය කරනවා.මිනුවන්ගොඩ ආසනයේ තරුණ සමිතිය පිහිටුවීමේ අවස්ථාවට එක්වෙමින් මන්ත්‍රීවරයා සදහන් කළේ මැතිවරණයට මහින්ද රාජපක්ෂ මහතාගේ නායකත්වයෙන් යුත් පුළුල් සන්ධානයකින් තරග වැදීමට කටයුතු මේ වන විටත් සූදානම් කර ඇති බවත් නිදහස් පක්ෂයටත් අවශ්‍ය නම් එම සන්ධානය යටතේ කොන්දේසි සහිතව තරග කළ හැකි බවයි.
එහිදි අදහස් දැක්වු ප්‍රසන්න රණතුංග………..
අවුරුදු දෙකකටත් වඩා වැඩි කාලයක් තිස්සේ කල්දමමින් තිබුණු පළාත් පාලන මැතිවරණය ජනවාරි මාසයේ දී පැවැත්වීමට ආණ්ඩුව සූදානම් වෙනවා. මේ ඡන්දය ආණ්ඩුව තමන්ගේ ස්වකැමැත්තෙන් ජනතාවට දුන් ඡන්දයක් නොවෙයි.
ඡන්ද කල්දාලා පරාජයෙන් බේරෙන්න හදපු ආණ්ඩුවට ඒකාබද්ධ විපක්ෂයේ විරෝධතා නිසා ඡන්දය නොතියා බැරි තත්ත්වයක් උදා වුණා. ආණ්ඩුවේ ප්‍රජාතන්ත්‍ර විරෝධී ගමනට අපි පළ කරපු විරෝධතා නිසා තමයි මේ ඡන්දය ලබාගන්න පුළුවන් වුණේ.
මේ ඡන්දය රටට ඉතාමත් තීරණාත්මකයි. බැඳුම්කර හොරු, රට බෙදන ව්‍යවස්ථාව ගැන ජනමත විචාරණයක් බවට මේ ඡන්දය පත්වෙනවා. දාහක් බොරු කියලා බලය ගත්ත ආණ්ඩුව වසර තුනකට පස්සේ ආයෙමත් ජනතා අධිකරණය හමුවට පැමිණ තිබෙනවා.
මේ ජනතා අධිකරණයෙන් ලැබෙන තීන්දුව හමුවේ බියෙන් සලිත වෙලා ඉන්න ආණ්ඩුවේ නායකයෝ ඡන්දය දිනන්න නොයෙකුත් කුමන්ත්‍රණ කරමින් ඉන්නවා. පාතාල නායකයන්ගේ සහයෝගය ලබාගැනීමේ සිට අපිව සිරගත කිරීම දක්වා නින්දිත උපක්‍රම ඒ අතර වෙනවා.
එක්සත් ජාතික පක්ෂය වගේම ශ්‍රී ලංකා නිදහස් පක්ෂයත් අද ඡන්දයක් ඉල්ලන්න ගමට යන්න බැරි තැනට ප්‍රතික්ෂේප වෙලා තියෙනවා. තවදුරටත් හොරකම, ප්‍රජාතන්ත්‍රවාදය, මානව අයිතිය, මාධ්‍ය නිදහස ගැන පොරොන්දු දෙන්න මේ හොර ආණ්ඩුවට පුළුවන්කමක් නැහැ.
එ. ජා. ප වලිගේ එල්ලීගෙන සිරිකොතේ ඉඳුල් බුදින නිදහස් පක්ෂ ඇමැතිවරුන්ට ගමේ ජනතාවගේ සැබෑ ප්‍රතිචාරය ඔන්න දැන් බලාගන්න පුළුවන්. කොළඹට වෙලා කයිවාරු ගැහුවට ඡන්දය ඉල්ලන්න ගමට එන්න ඕනේ කියලා අපි එදා ඉඳලම කිව්වේ ඔය නිසයි.
අපේ නියත ජයග්‍රහණය හමුවේ සමහරු දැන් කලබලා වෙලා තියෙන බවක් පේනවා. අපේ ජයග්‍රහණය වළක්වන්න වගේම අපේ පාක්ෂිකයන් අධෛර්යමත් කරන්නත් ඔවුන් කටයුතු කරනවා.
අපි පැහැදිලිව කියනවා ශ්‍රී ලංකා නිදහස් පක්ෂය සමඟ නිතරග ගිවිසුමක් යටතේ තරග කරන්නට අපේ කිසිදු සූදානම් නැහැ. ඉදිරි මැතිවරණයේ දී මහින්ද රාජපක්ෂ මහත්තයාගේ නායකත්වයෙන් යුක්තව පුළුල් පෙරමුණක් යටතේ තරග වදින්නට ඒකාබද්ධ විපක්ෂය කටයුතු යොදා තිබෙනවා.
ශ්‍රී ලංකා නිදහස් පක්ෂයටත් අවශ්‍ය නම් අපගේ සන්ධානය යටතේ තරග කළ හැකියි. හැබැයි ඒ කොන්දේසි සහිතව. රෑ වැටුණු වළේ දවලුත් වැටිලා රටත් ජාතියත් අමාරුවේ දැමීමට ඒකාබද්ධ විපක්ෂයේ මන්ත්‍රිවරුන් මෙවර සූදානම් නැහැ.
අපි පළාත් පාලන මැතිවරණය ජයග්‍රහණය කරනවා පමණක් නොවෙයි මේ රටේ අලුත් දේශපාලන සම්ප්‍රදායක් හදලා ඉදිරියේ දී පැවැත්වෙන ඕනෑම මැතිවරණයක දී අතිවිශිෂ්ට ජයග්‍රහණයක් ලබා ගැනීමේ මාවත සකස් කරන්නටත් සූදානමින් සිටිනවා.
මේ ආණ්ඩුවෙත් තියෙන්නේ සද්දේ විතරයි. වැඩ නැහැ. වැඩ බැරි ආණ්ඩුව හින්දා රටේ සියලුම ක්ෂේත්‍ර අද කඩා වැඩිලා. හැමතැනම අර්බුද. හරියට තෙල් ටිකවත් බෙදාගන්න බැරි ආණ්ඩුවක් කොහොමද රටක් පාලනය කරන්නේ කියලා අපි අහන්න කැමැතියි.
තෙල් අර්බුදයක් නැහැ කියලා ඇමැති කිව්වට රටේ හැමතැනම ඉන්ධන පිරවුම්හල් ළඟ හැතැප්ම ගණන් දිග පෝලිම් දකින්නට තියෙනවා. අර්බුදයක් නැත්නම් පිරවුම්හල්වල තෙල් නැත්තේ මොකද? දැන්වත් රටට ඇත්ත හෙලිකරන්න කියලා අපි ආණ්ඩුවෙන් ඉල්ලා සිටිනවා.
ආණ්ඩුව හදන්නේ බොරුවෙන් රට කරවන්නයි. බොරුවෙන් බලය ගත්තට බොරුවෙන් බලය පවත්වාගෙන යන්න බැහැ කියලා කතාවක් තියෙනවා. ආණ්ඩුව අද මුහුණපාලා ඉන්නේ අන්න ඒ තත්ත්වයටයි. බොරුකාරයන්ගේ නිරුවත අද ජනතාව ඉදිරියේ හෙළිදරව් වෙලා ඉවරයි.
පළාත් පාලන මැතිවරණයට ශ්‍රී ලංකා නිදහස් පක්ෂය එක්සත් ජාතික පක්ෂය අත්හැර එක්සත් ජනතා නිදහස් සන්ධානයෙන් තරග වදින්නේ නම් අවම කොන්දේසි සහිත ශ්‍රිලනිප මෛත්‍රී පිළ සමග එක්ව එකම ලැයිස්තුවකින් තරග කලයුතු බවට ඒකාබද්ධ විපක්ෂය නියෝජනය කරන ශ්‍රීලනිප ජ්‍යෙෂ්ඨයන් මහින්දට යෝජනාවක් ඉදිරිපත් කර තිබේ.
මෙම යෝජනාවට අසන්නතම හේතුව වි ඇත්තේ පළාත් පාලන මැතිවරණයට මෛත්‍රීගේ ශ්‍රීලනීපය සහ මහින්දගේ ශ්‍රීලනීපය වෙන වෙනම තරග කලහොත් එය බරපතල අවාසිදායක තත්ත්වයක් ඇති කල හැකි බවත් දෙකඩ විමේ ප්‍රථ්පලයක් ලෙස පළාත් පාලන අතී බහුතරයක බලය එක්සත් ජාතික පක්ෂය නතු විම වැලැක්විමට නොහැකි බවයි දේපාර්ශවයේම ජ්‍යෙෂ්ඨයන් පෙන්වා දි ඇත්තේ.
ඒ අනුව දෙපාර්ශ්වයට එකට එකතු වි මැතිවරණයට ඉදිරිපත් විමට සංහිඳියාවක් ඇති කර ගැනිමට නොහැකි නම් වෙන වෙනම මැතිවරණ ව්‍යාපාරය මෙහෙය වන අතර එකම ලැයිස්තුවක් පමණක් ඉදිරිපත් කිරිම සදහා සලකා බලන ලෙසයි දෙපාර්ශ්වයේම ජ්‍යෙෂ්ඨයන්ගේ මතය වි ඇත්තේ.
මේ අතර බැසිල්ගේ ශ්‍රි ලංකා පොදුජන පෙරමුණ මහින්දගේ සහ ඒකාබද්ධ විපක්ෂයේ කණ්ඩායම් එකතු කර ගනිමින් වෙනම තරග කිරිම සදහා මේ වනවිට පළාත් පාලන ආයතන ඉලක්ක කර හිටපු සභාපතිවරුන් කණ්ඩායම් නායකයන් ලෙස පත්කර ඇති අතර ඒ සම්බන්ධයෙන් ඒකාබද්ධ විපක්ෂයේ ජ්‍යෙෂ්ඨයන් මෙන්ම මහින්ද පිළ සිය අප්‍රසාදය පලකරඅ එති අතර ඔහුන් පෙන්වා දි ඇත්තේ හිටපු සභාපතිවරුන් ගම්මට්ටමින්,නාගරික මට්ටමින් දුෂිත මෙන්ම නිසී කළමනාකාරිත්වයකින් තොරව කටයුතු කිරිම හේතුවෙන් ජනතාව අතර ඔහුන් ප්‍රතිකේෂප වි ඇති බවයි.
මේ අතර ද්විත්ව පුරවැසි භාවය සම්බන්ධයෙන් ගීතා කුමාරසිංහශ්‍රේෂ්ඨාධිකරණය දුන් තීන්දුව නිසා ශ්‍රි ලංකා පොදුජන පෙරමුණ මෙහෙය වන හිටපු ඇමැති බැසිල් රාජපක්ෂගේ දේශපාලන ක්‍රියාකාරිත්වය සම්බන්ධයෙන්ද මැතක් වනතුරු දැඩි ඇදහිල්ලකින් සිටි කණ්ඩායම් අතර දැන් දැන් අර්බුදකාරී තත්ත්වයක් හටගෙන තිබේන බව අප දේශපාලන වාර්තාකරු අනාවරණය කලා.
පසුගිය මහින්ද රාජපක්ෂ ආණ්ඩුව සමයේ ද්විත්ව පුරවැසි භාවය සහිත කිහිප දෙනෙකුම මන්ත්‍රීධුර මෙන්ම අමාත්‍ය ධුර හෙබවු අතර ඔහුන් සියලුම දෙනාගේ දේශපාලන ගමන් මග ගීතා සම්බන්ධයෙන් දුන් තින්දුව සමග අවසන් වි ඇති බවද වාර්තා වේ.\
බැසිල් රාජපක්ෂ පසුගියිදා බී.බී.සි යට ප්‍රකාශ කර ඇත්තේ කිසිම දවසක අමෙරිකා එක්සත් ජනපදයේ පුරවැසිභාවය අත්නොහරින බවයි. “මම අමෙරිකා එක්සත් ජනපදයේ පුරවැසිභාවය අත්හරින්න සූදානම් නැහැ. මගේ දරුවන් සහ මගේ පවුල සිටින්නේ එක්සත් ජනපදයේයි”
ලංකා ඉන්දියන් තෙල් සමාගම (එල්.අයි.ඕ.සී) අසත්‍ය ප්‍රචාර හරහා තෙල් අර්බුදයක් නිර්මාණය කර ප්‍රතික්ෂේපිත තෙල් නැව ගොඩබෑමේ උත්සාහයක නිරත වන්නේ ද යන්න ගැන සැකයක් පවතින බව ලංකා ඛණිජතෙල් පොදු සේවක සංගමය සිය නිවේදනයක් හරහ පෙන්වා දෙනවා.
එම නැව තවමත් ත්‍රිකුණාමල මුහුදේ නවතා තිබීම නිසා මෙම සැකය මතුවන බවයි එම නිවේදනය හරහා පෙන්වා දෙන්නේ…
සියයට 20ක පමණ කොටසක් හිමි ලංකා ඉන්දියන් තෙල් සමාගම මෙලෙස බලපෑම් ඇති කරන්නේ නම් ත්‍රිකුණාමලය තෙල් ටැංකි සම්පූර්ණයෙන්ම ඔවුන්ට ලබාදුනහොත් අනිටු පළවිපාක ඇති විය හැකි බවත්, මේ සියලූ කරුණු දක්වා ඛණිජ තෙල් සම්පත් සංවර්ධන අමාත්‍යවරයාට තම සංගමය ලිපියක් යොමු කළ බවත් ඔහු සඳහන් කර තිබේ.
ජාතික ආර්ථිකයේ හටගෙන තිබෙන ගැටලු යටපත් කරගැනිම සදහා මෙන්ම ඒකාබද්ධ විපක්ෂයේ කිහිප දෙනෙකු බිලි බා ගැනිම සදහා මෙන්ම නව ආණ්ඩුක්‍රම ව්‍යවස්ථාව වෙනුවෙන් කෑ ගැසිමට මහ මොළකරුවෙකු ඇමති ධුරයක් සහිතව ආණ්ඩුව තුලට ගැනිම සදහා අමාත්‍ය මණ්ඩලයේ හදිසි සංශෝධනයක් සිදුකිරීමට ජනපති සහ් අගමැතිවරයා අතර සාකච්ඡාවක් සිදුව් තිබේන බව අප දේශපාලන වාර්තාකරු අනාවරණය කලා.
මේ සංශෝධනයට අනුව රජයේ ඉහළම පෙළේ තනතුරු ගණනාවක් වෙනස්වනු ඇති බවයි අප දේශපාලන වාර්තාකරු අනාවරනය කළේ.මීට අමතරව රජයේ මාධ්‍ය ප්‍රධාන තනතුරු කිහිපයක් මෙන්ම සංස්ථා සභාපතිකම් කිහිපයක්ද වෙනස් කිරිමට නියමිතව ඇති බවද අප දේශපාලන වාර්තාකරු අනාවරණය කලා.
මේ අතර අමාත්‍ය මණ්ඩලයේ හදිසි සංශෝධනයක් සිදුකිරීම සම්බන්ධයෙන් අගමැති රනිල් වික්‍රමසිංහ මහතා ප්‍රධාන මැති ඇමතිවරුන් සමග අරලිය ගහ මන්දිරයේදී පැවැත්වූ විශේෂ සාකච්චාවකදීද කතා බහට ලක්වි ඇති අතර අමාත්‍යධුරයන් හි වෙනසක් කිරිම සම්බන්ධයෙන් එජාපය ජ්‍යෙෂ්ඨයන් වැඩි කැමත්තක් නොදක්වා ඇති අතර ඒ සම්බන්ධයෙන් තවදුරටත් සාකච්ඡා කලයුතු බවට යෝජනා වි තිබේ.
මේ අතර පසුගියදා ද්විත්ව පුරවැසි භාවය හේතුවෙන් පාර්ලිමේන්තු මන්ත්‍රීධුරය අහිමි වු ගීතා කුමාරසිංහ වෙනුවට ජාතික ලැයිස්තුවේන් වෙනත් අයෙකු යෝජනා කලයුතු බව ශ්‍රිලනීප ජ්‍යෙෂ්ඨයන් පිරිසක් ජනාධිපතිවරයාට යෝජනා කර තිබේන බවද අප දේශපාලන වාර්තාකරු අනාවරණය කළා.නමුත් ජනාධිපතිවරයාඒම ඉල්ලිම් පිළිබඳව වැඩි උනන්දුවක් දක්වා නෑ.
ජනවාරි 08 වෙනසට පෙර පොදු අපේක්ෂකයා ලෙස තරගයට පැමිණි මෛත්‍රීපාල සිරිසේන වෙනුවෙන් එළියට ගිය කණ්ඩායමේ පුද්ගලයෙකු වන අතර පසුව මහින්ද සමග දැමු deal එකකට අනුව පියසේන එම කණ්ඩායමෙන් ඉවත් වි කටයුතු කළා.
ද්විත්ව පුරවැසි භාවය හේතුවෙන් අධිකරණය විසින් පාර්ලිමේන්තු මන්ත්රී ධුරය අහෝසි කරන ලද ගීතා කුමාරසිංහගේ පුරප්පාඩුව සදහා පියසේන ගමගේ මහතා මනාප අනුව් පත්විය යුතු අතර ඒ වෙනුවට වෙනත් අයෙකු පත්කරන ලෙස යෝජනා කර තිබේන අතර ගීතා වෙනුවට පියසේන නම් කරන බව සන්ධාන මහ ලේකම් ඇමති මහින්ද අමරවීර මහතා පසුගියදා සදහන් කළා.
කෙසේවෙතත් සන්ධාන මහ ලේකම්වරයාගේ ලිපියක උවමනාවක් කොමිසම විසින් මතු නොකල අතර ජාතික ලයිස්තු මන්ත්රී ධුර නම් කිරීමේදී පමණක් පක්ෂ ලේකම්වරයාට මැදිහත්විය හැකි අතර මැතිවරණ ක්‍රමවේදය අනුව මනාප ලැයිස්තුවේ සිටින අයකු ඉවත් වුවහොත් ඊට පහලින් සිටින පුද්ගලයෙකුට අවස්ථාව හිමිවේ.
චන්ද්‍රිකාත් හාමුදුරුවරුන්ට චීවරධාරීන් යැයි කියනවා. තම දෙමව්පියන්ට වඩා ඇංග්ලිකන් ක්‍රිස්තියානි මහමුදලි සීයා ගැන ආඩම්බර වන ඇයගෙන් වෙනත් කියුමක් බලාපොරොත්තුවෙන් සිටි අයකු වේ නම් මේ වන විට තම වරද වටහා ගෙන ඇති. මේ සිංහල බෞද්ධ විරෝධී පැකේජ් නෝනාගෙන් වෙන මොනවා බලාපොරොත්තු වන්න ද? අද ඇයට අත්තනගල්ල ප්‍රාදේශීය සභා මන්ත්රී ධුරයකටවත් තේරී පත්වන්න බැහැ. ඇගේ පුතා තමා සිංහල බෞද්ධයකු වීම ගැන ලජ්ජා වන්නේ යැයි කී විට ඉන් මෑණියන් කවුදැයි නිරූපනය වන බව ඇයට වැටහීමක් නැහැ.
මියන්මාරයේ අවුන් සාන් සු කීට මහජන මතයට හිස නමන්න සිද්ධ වෙලා. බටහිරයන් ඇයට නොබෙල් තැග්ග දුන් නමුත් මියන්මාර් බෞද්ධ මතය හා එය යම් පමණකට නියෝජනය කරන හමුදාව නොබෙල් තෑග්ග පරයමින් ඉදිරියට ඇවිල්ලා. චන්ද්‍රිකා හිතන්නේ 1994 ඇයට ඡන්දය දුන්නේ ඇගේ සිංහල බෞද්ධ විරෝධී ප්‍රතිපත්ති අනුගමනය කළ ජනතාවක් කියායි. එදාත් අප ඇය ගැන දැන සිටි නිසා ඇගේ බලය අඩු කිරීමට කටයුතු කළා. එදා ඇය ජයග්‍රහණය කෙළේ දහහත් අවුරුදු එ ජා ප ශාපය නිසයි.
එහෙත් අද ඇය ඉන්නේ රනිල්ගේ එ ජා ප ශාපය සමග. අද එ ජා ප ශාපයට විරුද්ධ ඡන්දය දෙන්නන් චන්ද්‍රිකාටත් විරුද්ධ වෙනවා. චන්ද්‍රිකාට ආපසු එංගලන්තයට යෑමට සිදුවන දිනය වැඩි ඈතක නො වෙයි. ඇංග්ලිකන් පල්ලියේ පූජකවරුන්ට නම් ලෝගුධාරීන් කියා කිව හැකියි. ඔවුන්ට සාමාන්‍ය ජීවිතයේ ලෝගු නැතිව කලිසම් අඳින්නට පුළුවන්. ඔවුන් පූජක කටයුත්තක දී ලෝගුව ඇඳ ගන්නවා. ඒ අර්ථයෙන් ඔවුන් ලෝගුධාරීන්. උපාධිධාරීන් ද එවැනි ම වූ අර්ථයකින් ලෝගුධාරීන්. ලෝගුව නිල කටයුත්තක දී අඳින ඇඳුමක්. චන්ද්‍රිකාලා වියන්ගොඩලා දැනගත යුතු කරුණ නම් චීවරය බුද්ධ ධජය බවත් එය කරේ දැමූ පසු ගලවන්නේ උපැවිදි වීමක දී බවත්.
වියන්ගොඩ පහුගිය දිනෙක කියා තිබුණා හාමුදුරුවරුන්ට වඩා දන්නා ගිහියන් අද සිටින බවත් අද හාමුදුරුවරුන්ගෙන් ඉගෙනීමට දෙයක් නැති බවත්. වියන්ගොඩ උගෙන ඇත්තේ කුමක් දැයි මා දන්නේ නැහැ. දැන ගන්නට වුවමනාවකුත් නැහැ. ඔහු කුමක් දැන ගත්තත් ඒ බටහිරයන්ගෙන් ලත් දෙයක් විය යුතුයි. බටහිරයන් ආසියාව ගැන කියා ඇති දෙයින් වැඩක් තියෙනවා ද? මාක්ස් අඩු තරමෙන් ආසියාතික නිෂ්පාදන මාතයක් ගැන කිව්වා. එහෙත් ඒ ඔහු අතනින් මෙතනින් අහුලා ගත් දෙයක් පමණයි. මාක්ස්ගේ නාමයෙන් ආසියාවේත් සිදු වී ඇත්තේ මිනී මැරීම පමණයි. 1971 ඊනියා නිර්ධන පංති විප්ලවයට සහභාගි වූ උයන්ගොඩගෙන් වියන්ගොඩට ඒ බව දැන ගත හැකියි.
දැන උගත්කම යනු පොතින් පතින් ලබාගන්නා දෙයක් පමණක් නො වෙයි. එය සංස්කෘතික ව ලැබෙන්නක් ද වෙනවා. මෙරට සිටිනවා යැයි කියන විද්‍යාඥයන්ට ඒ ක්‍ෂෙත්‍රවල යමක් අලුතෙන් එකතු කරන්න බැහැ. බටහිර වචනවලට සීමා වු නවකතා සිනමා විචාරයෙන් මෙරටට සිදු වී ඇති සේවය කුමක් ද? සිංහල කවියට සිදු වී ඇති සේවය කුමක් ද? සිංහල කවිය මරා දමනු ලැබුයේ බටහිර විචාරය හා අනුකරණය නිසා නො වේ ද? මරා දැමුණු කවිය වෙනුවට ඊනියා ගේහ පද රචනයක් මතු වූ නමුත් අද එයත් මැරී ගොස්. අද ඇත්තේ එක් ස්වාමීන් වහන්සේ නමක් ප්‍රකාශ කළ ආකාරයට පොලිස් පොතේ ලියන පැමිණිළි හා අඳෝනා පමණයි. සිංහල කවිය ඇත්තේ යම් අරුතක් හඬ නගා කීමට මිස සිතින් මැතිරීමට නොවන බව අනුකාරක උගතුන්ට වැටහුණේ නැහැ. අද ඇත්තේ හඬ නගා කියන අරුත් සුන් පැමිණිළි හා අඳෝනා.
අප හාමුදුරුවරුන්ට මිස මහාචාර්යවරුන්ට ආචාර්ය උපාධිධාරීන්ට වෛද්‍යවරුන්ට ඉංජිනේරුවන්ට විනිසුරුවන්ට පරිපාලක නිලධාරීන්ට ජාතියේ මුරදේවතාවුන් වහන්සේ කියන්නේ නැහැ. ඊනියා විප්ලවවාදීන්ට මරදේවතාවුන් කියලා නම් කියන්න පුළුවන්. අවුරුදු දෙසියයක පමණ ඉංගිරිසි අධ්‍යාපනයෙන් හා අවුරුදු තුන්සියයකට වැඩි බටහිර අධ්‍යාපනයෙන් ලංකාවට වී ඇති සෙත කුමක් ද? අප ජාතියේ ඉතිහාසය සංස්කෘතිය පදනම දන්නේ හාමුදුරුවරුන් මිස ඊනියා උගත් ගිහියන් නො වෙයි. උගත් ගිහියන් බටහිරයන්ට අවශ්‍ය ආකාරයට ඒ සියල්ල විකෘති කරනවා.
ඉංගිරිසි ආණ්ඩුකාරයන්ට වුවමනා වූයේ ඔවුන් කහකඩ හමුදාව නමින් හැඳින් වූ හාමුදුරුවරුන් නැති කිරීමට. අද චන්ද්‍රිකාලාට හා වියන්ගොඩලාටත් අවශ්‍ය එය. එහෙත් ඔවුන්ටත් එය කරන්න බැහැ. අද සිංහල ජාතියට තර්ජනයක් වූ නව ව්‍යවස්ථාවක් ගෙන ඒමත් සමග මහා සංඝයා වහන්සේ එක් හඬින් නැගී සිටියා. වියන්ගොඩලාට චන්ද්‍රිකාලාට තම කාර්යය කර ගෙන යෑමට හාමුදුරුවරුන් බාධාවක් වුණා. සරත් ෆොන්සේකාටත් හාමුදුරුවරුන් බාධාවක් වෙලා. අද ඔවුන් ද වෙනත් රාජ්‍ය නොවන පඬියන්ද දේශපාලනඥයන් ද හාමුදුරුවරුන්ට අපහාස කිරීමට පෙරට පැමිණ තිබෙනවා. ඒ මේ පඬියන්ගේ හා දේශපාලනඥයන්ගේ යන ගී කීමක් පමණයි.
චන්ද්‍රිකා නොදන්නවාට මෙරට දේශපාලන ඉතිහාසය හැමදාමත් ආගමිකයි. ගැමුණු රජු ගැන ඇය දන්නේ මොනවා ද? එතුමා සටන් කෙළේ බුදු සසුනේ චිරස්තිථිය පිණිස බව ක්‍රිස්තියානි සංස්කෘතියේ චන්ද්‍රිකා දන්නේ කෙසේ ද? අප පරංගින්ට ලන්දේසීන්ට ඉංගිරිසින්ට පමණක් නොච එකල සොළීන්ට ද විරුද්ධව සටන් වැදුණේ බුදු සසුන ආරක්ෂා කර ගැනීමට. අද ඉංගිරිසින් ප්‍රමුඛ බටහිරයන්ට ද ඉන්දියාවට ද එරෙහි ව අප සටන් කරන්නේත් බුදුසසුන රැක ගැනීමට.
චන්ද්‍රිකා සිතන්නේ ඇගේ සංස්කෘතික මව් රට වූ එංගලන්තයේ සුද්දන් සටන් කරන්නේ ඊනියා මානව අයිතිවාසිකම් රැක ගැනීමට කියා ද? ඔවුන්ට අවශ්‍ය ප්‍රෙතෙස්තන්ත සංස්කෘතිය ලොව පුරා තව තවත් තහවුරු කිරීමට. එහි දී ඔවුන් සිංහල බෞද්ධ සංස්කෘතියට පහර දෙනවා. චන්ද්‍රිකාලාට වියන්ගොඩලාට අවශ්‍ය සිංහල බෞද්ධයන් ඒ පහර කමින් සුද්දන්ගේ දැනුම් ආධිපත්‍යයට යට වී සුද්දන්ගේ සපත්තු ලෙව කෑමට.
නලින් ද සිල්වා
2017 නොවැම්බර් 03
අවසන් මොහොතේ ඒකාබද්ධයේ සිටින් ශ්‍රී ලංකා නිදහස් පක්ෂයේ කණ්ඩායම් තමන්ට සහය දෙන බව තමන් තරයේම විශ්වාසය කරන බවත් ඒ හේතුවෙන් මැතිවරණයට නාමයෝජනා කැදවනතුරු වෙනත් සන්ධාන සම්බන්ධයෙන් සාකච්ඡා නොකර සිටිමට කටයුතු කලයුතු බව ජනාධිපති මෛත්‍රීපාල සිරිසේන ශ්‍රිලනිප මෛත්‍රී පිළේ මන්ත්‍රිවරුන්ට තරයේම් අවධාරණය කර තිබේ.
ජනාධිපති මෛත්‍රිපාල සිරිසෙන මහතාගේ ප්‍රධානත්වයෙන් ජනාධිපති කාර්යාලයේදි අද (03) පැවති පාර්ලිමෙන්තු මන්ත්‍රි වරුන්ගෙ රුස්විමකදි ජනාධිපතිවරයා අවධාරණය කර ඇත්තේ පලාත් පාලන මැතිවරණයට ශ්‍රි ලංකා නිදහස් පක්ෂය තනිවම තරග කරන බවට පමණක් මේ අවස්ථාවේ පෙනීසිටිය යුතු බවත් ඒ හරහා ඒකාබද්ධයේ කණ්ඩායම් දිනා ගැනිමට හැකියාව ඇති බවත් එයට මහන්සි විය යුතු බවයි.
කෙසේවෙතත් දුර්වල ආසන සංවිධායක වරු ඉවත් කර නව සංවිධායකයින් පත් කිරිමටත් පලාත් පාලන මැතිවරණයේ අපෙක්ෂක ලැයිස්තුව කඩිනමින් සකස් කිරිමටත් මෙහිදි ජනපති නියෝග දි ඇති අතර කුරුණෑගල,මාතර,ගාල්ල වැනි මහින්ද වාදින් වැඩියෙන් සිටින දිස්ත්‍රික් සදහා ජනප්‍රිය මෙන්ම බලවත් සංවිධායකයින් ආසන සදහා පත්කිරිම සදහාද අවධානය යොමුකර ඇති අතර ඒ සදහා කඩිනමින් කටයුතු කරන ලෙසටද නියෝග දි තිබේ.
එක්සත් ජාතික පක්ෂයත්, ශ්‍රි ලංකා නිදහස් පක්ෂයත් එකට එකතු වෙලා පළාත් පාලන මැතිවරණයට ඉල්ලන්නෙ නෑ…ඉදිරි පළාත් පාලන මැතිවරණය සඳහා ශ්‍රි ලංකා නිදහස් පක්ෂය ශක්තිමත් සන්ධානයකින් තරග කිරීමට තීරණය කළ බව ශ්‍රිලනිප මහා ලේකම් අමාත්‍ය දුමින්ද දිසානායක මාධ්‍ය හමුවේ අනාවරණය කළා.
මේ අතර අප දේශපාලන වාර්තාකරු සදහන් කළේ පළාත් පාලන මැතිවරණය ලබන වසරේ මාර්තු දක්වා කල් යැමට බොහෝ දුරට ඉඩ ඇති බවයි.
මහින්ද පිළේ ඉන්න කේලාම් කාරයෝ….
මේ අතර දෛනිකව මහින්ද පිළේ කණ්ඩායක්ම් ගන්නා තින්දු තිරණ සම්බන්ධයෙන් නිරන්තරයෙන් මෛත්‍රී ජනාධිපතිවරයා දැනුවත් කරමින් මෛත්‍රී පිළ හරහා ලැබෙන විවිධ යෝජනා ක්‍රියාත්මක කිරිමට එහෙන් මෙහන් නූල් සුතතර දමන සුත්තර පුංචෙක් සිටින බවට තොරතුරු අනාවරණය වි තිබේ.මේ සුත්තර පුංචාට ඉක්මනින්ම අගමැති විමේ සිහිනයක් ඇති අයෙකුද වන අතර ඒ හිනය පෙන්වමින් මේ නුල් සුත්තර වැඩ සදහා ඔහු යොදවා ගන්නා බවයි වාර්තා වන්නේ.
ඔහු සම්බන්ධයෙන් තොරතුරු රැසක් බලාපොරොත්තු වන්න
දෙමළ ඊළාම් විමුක්ති කොටි සංවිධානය සමග සාම ක්‍රියාදාමයකට එළඹීමේ පදනම ලෙස ගැනුනු ඔස්ලෝ ප්‍රකාශයට අත්සන් කරමින් 2002 දෙසැම්බරයේදී එවක විදේශ අමාත්‍ය වත්මන් බැසිල්ගේ ශ්‍රී ලංකා පොදුජන පෙරමුණේ සභාපති ජී එල් පීරිස් පෙඩරල් පන්නයේ බලය බෙදීමකට ශ්‍රී ලංකා රජයේ එකඟතාව පල කළ බව විපක්ෂ නායක ආර් සම්බන්ධන් පාර්ලිමේන්තුවේදි අනාවරණය කළා.
බලය බෙදන අලුත් ව්‍යවස්ථාවක් සම්පාදනය කිරීමට ජනාධිපතිවරයා රට පාලනය කරද්දී එකඟවූ මහින්ද රාජපක්ෂ ඇතුළු බලයේ සිටි දේශපාලන නායකයන් වර්තමානයේ ඊට විරෝධය පල කිරීම විපක්ෂ නායකයාගේ දැඩි ප්‍රශ්න කිරීමට ලක්විය.
ඔස්ලෝ ප්‍රකාශනට අනුව ….
“එල්ටීටීඊ නායකත්වයේ ඉල්ලීමකට ප්‍රතිචාර දක්වමින්, එක්සත් ශ්‍රී ලංකාවක් තුල පෙඩරල් ව්‍යුහයක් මත පදනම් වී දෙමළ කතාකරන ජනතාවගේ ඓතිහාසික වාසභූමි වල අභ්‍යන්තර ස්වයං නිර්නයේ මූලධර්මය මත පිහිටා විසඳුමක් සෙවීමට සියලු පාර්ශව එකඟ විය,” යනුවෙන්ද සටහන් කර තිබේන බව ආර් සම්බන්ධන් විසින් පාර්ලිමේන්තුව හමුවේ අනාවරණය කර සිටියා.
තමන් මේ කරුණු නැවත සඳහන් කරන්නේ මහින්ද රාජපක්ෂත්, ඔහුගේ ප්‍රකාශක හිටපු විදේශ අමාත්‍යවරයාත් බලයේ සිටිද්දී කළ කී දෑ රටේ ජනතාව දැන සිටීමේ අවශ්‍යතාව නිසා බව විපක්ෂ නායක පාර්ලිමේන්තුවේදි සදහන් කළා.
අලුතින් ව්‍යවස්ථාවක් සම්පාදනය කිරීම සඳහා වන යෝජනා රැගත් අතුරු කමිටු වාර්තාව පිලිබඳ තුන්දින විවාදයට අවසන් දිනයේ සහභාගී වෙමින් විපක්ෂ නායක ආර් සම්බන්ධන් හිටපු ජනාධිපති සහ ඔහුගේ දේශපාලන සගයන් අතීතයේ ගත් ස්ථාවරයන්ට සපුරාම ප්‍රතිවිරුද්ධ අදහසක් රට හමුවේ තැබීම සම්බන්ධයෙන් කනගාටුව පළ කර සිටි අතර එහිදි ඔහු පෙන්වා දුන්නේ මහින්ද රාජපක්ෂ ජනාධිපතිවරයා මුල්වරට බලයට පත්වීමෙන් අනතුරුව සියලු ජාතීන් නියෝජනය කරන දේශපාලන පක්ෂ කැඳවා කරන ලද කතාවකදී බලය බෙදීම වෙනුවෙන් පෙනී සිටි අයුරුයි.
“කවර විසඳුමක් හෝ වේවා, එය රටේ ස්වෛරීභාවය කැප නොකර උපරිම ලෙස බලය විමධ්‍යගත කරන එකක් බව පෙනී යා යුතුය,” යි සමුළුව මුල්වරට රැස්වූ 2006 ජූලි 11 දා හිටපු ජනාධිපතිවරයා කළ කතාව විපක්ෂ නායකයා විසින් පාර්ලිමේන්තුව හමුවේ උපුටා දක්වන ලදී.
“ඉතින් අපි මේ කරන්නේ වෙනස් දෙයක්දැ?” යි ආර් සම්බන්ධන් ප්‍රශ්න කළේය.
“තමන් පිළිගන්නා අදහස වෙනුවෙන් පෙනී සිටිමින් තම පොරොන්දු ඉටු කිරීමට කටයුතු කිරීමට බලයෙන් පහවුනු පසු නායකයන් තුල ඇති නොහැකියාව අපේ රටේ බරපතල පසුබෑමකට හේතුව වෙලා…”
ඔහු විසින් ප්‍රකාශ කරන ලද පරිදි ශ්‍රී ලංකාවේ ජාතික ප්‍රශ්නය ජාතන්තරීකරණය වී ඇත්තේ එය රට තුල විසඳා නොගැනීමේ “අනුවණකම” හේතුවෙනි.
එය සමගියෙන් විසඳීම කඩිනමින් සිදු නොවන්නේ නම් නැවතත් ප්‍රචණ්ඩතාව මුදාහැරීම මගින් දෙමළ ජනතාවගේ හඬ නිහඬ කොට තවත් දෙමළ පිරිස් රට හැර පලා යාමේ අවදානමක් ඇති බවට විපක්ෂ නායකයා අනතුරු ඇඟවීය.
“ඔබ දේශපාලන විසඳුමකට විරුද්ධ වන්නේ මේ හේතුව නිසා පමණක්ද යන ප්‍රශ්නය නව ව්‍යවස්ථාවක් සම්පාදනය කිරීමේ කාර්යදාමයට විරුද්ධ මගේ මිතුරන් හමුවේ තැබීමට කැමැත්තෙමි,” යි විපක්ෂ නායක ආර් සම්බන්ධන් කියා සිටියේය.
දයාසිරි ජයසේකර කියන කතා කවුද ගණන් ගන්නේ…..එයා දන්නේ කැබිනට් එකේ කතා කරන දේවල් විතරයි….යැයි සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න මහතා එජාප ජ්‍යෙෂ්ඨයන් සමග පැවැති සාකච්ඡාවකදි පවසා තිබේන බව අප දේශපාලන වාර්තාකරු අනාවරණය කළා.
එක්සත් ජාතික පක්ෂය සමග එක්ව් පළාත් පාලන මැතිවරණයට තරග කිරිමට ශ්‍රී ලංකා නිදහස් පක්ෂය සුදානම් බවත් ඒ සදහා තමන්ගේ ආසනය මේ වනවිටත් සුදානම් වෙමින් සිටින බවට රාජිත විසින් කරන ලද ප්‍රකාශයට එරෙහිව වෙමින් කැබිනට් සම ප්‍රකාශක ක්‍රිඩා අමාත්‍ය දයාසිරි ජයසේකර ඊට එරෙහි වෙමින් එය ශ්‍රි ලංකා නිදහස් පක්ෂයේ මතය නොවන බවට කල ප්‍රකාශය සම්බන්ධයෙන් එජාප ජ්‍යෙෂ්ඨයන් කිහිප දෙනෙකු රාජිතගෙන් කල විමසිමකදි ඔහු මේ බව පවසා තිබේ.
තමන් සහ ජනාධිපතිවරයා අතර ඇති සම්බන්ධයට එහා ගිය සම්බන්ධයක් නොමැති බවත් තමන් නිසා මෛත්‍රී ජනාධිපතිවරයා ආරක්ෂා වි සීටින බවටද රාජිත පුරසාරම් දොඩවා තිබේ.
අපේ කට්ටීය දන්නේ මේ කැබිනට් එකේ හෝ ශ්‍රිලනිප මන්ත්රී කණ්ඩායම් රැස්විම් වලදි කතාබව කරන දේවල් පමණක් බවත් ඊට වඩා දේවල් තමන් සහ ජනාධිපතිවරයා අතර සාකච්ඡාවල බවත් එම අවස්ථාවලට බොහො විට සහභාගි වන්නේ තමන් සහ ජනාධිපතිවරයා පමණක් බවටද රාජිත පවසා තිබේ.
පළාත් පාලන මැතිවරණයට රනිල්,මෛත්‍රී ඒකාබද්ධ ගේමක් දෙයි…!
මේ අතර මහින්ද ප්‍රමුඛ ඒකාබද්ධ විපක්ෂය පළාත් පාලන මැතිවරණයේදි ශ්‍රී ලංකා නිදහස් පක්ෂය ප්‍රමුඛ සන්ධානයකට දායකත්වය ලබා නොදෙන්නේ නම් එජාපය සමග එක්ව පළාත් පාලන ආයතන බලය ඇල්ලිම සදහා සිමිත මේහෙයුමක් මේ වබ විට ක්‍රියාත්ම කර තිබේන අතර ඒ හරහා එජාපයට සහ ශ්‍රිලනිපයට වෙනම් වෙනම වාසිදායක තත්ත්වයන් සලකා බලමින් සිටින බවයි අනාවරණය වන්නේ.
අප ඒම මෙහෙයුම් සම්බන්ධයෙන් මෙට මාස 5කට පමණ පෙරද අනාවණය කල අතර පළාත් පාලන මැතිවරණයට ඒකාබද්ධ ගේමක් ගැසිමට රනිල් වික්‍රමසිංහ අග්‍රාමාත්‍යවරයා සහ මෛත්‍රීපාල සිරිසේන ජනාධිපතිවරයා අතර සිදුවු අතීශය රහසිගත සාකච්ඡාවකදි එය අනාවරණය වි තිබේ.
ඒ අනුව පළාත් පාලන මැතිවරණය සදහා එක්සත් ජාතික පක්ෂයට වඩාත් වාසිදායක ප්‍රදේශයන් ජයග්‍රහණය කිරිමට ශ්‍රීලනිපයේ මෛත්‍රී පිළේ සහය ලබාදිමට ඒ ආකාරයට දිනාගන්නා පලාත් පාලන ආයතන වල උප සභාපතිකම හෝ උප නගරාධිපති කම ශ්‍රීලනීපයටත්,ශ්‍රිලනිප වාසිදායක පලාත් පාලන ආයතන වන උප සභාපතිකම හෝ උප නගරාධිපති කම එජාපයටත් ලබාදිමට මෙම සාකච්ඡා වලදි තින්දු කරගෙන තිබේ.එවැනි ක්‍රියාවලියක් හරහා පමණක් මහින්ද සමග ගම් මට්ටමේ ඇතිවෙමින් තිබේන බලය මර්දණය කල හැකි බවයි දෙපාර්ශවයේම අදහස වි ඇත්තේ.
ගේම් ඇතුලේ තවත් ගේම් මෙන්න….
මේ අතර පළාත් පාලන මැතිවරණ හරහා මෛත්‍රී දුර්වල කිරිමේ රනිල් මෙහෙයුමද සීඝ්‍රයෙන් දියත් කරමින් සිටින බව අප දේශපාලන වාර්තාකරු අනාවරණය කලා. ඒ අනුව ඉහත සාකච්ඡාවට අනුව මැතිවරණයට මුහුණ දි මහින්ද පිළ වෙනම තරග කිරිම හේතුවෙන් ඒ හරහා ශ්‍රිලනිපය ලබන පරාජය භාවිතා කර ගම් මට්ටමේ මෛත්‍රී ජනාධිපතිවරයාගේ නායකත්වයෙන් යුත් ශ්‍රීලනිපය දුර්වල බව සමාජගත කිරිම හරහා 2020 ජනාධිපතිවරණයකදි රනිල්ට එල්ලවිය හැකි අවාසිදායක තත්ත්වය අවම කර ගැනිම සදහා කටයුතු කරමින් සිටි.
මේ අතර ඒකාබද්ධ විපක්ෂය තුලද මේ වන විට අර්බුදයක් මතුව ඇති අතර ඒකාබද්ධය නියෝජනය කරන ශ්‍රිලනිප ජ්‍යෙෂ්ඨයන් ඊයේ මෛත්‍රීගෙ නායකත්වයෙන් යුත් ශ්‍රිලනිපය සමග ගොඩනැගෙන සන්ධානයකින් පළාත් පාලන මැතිවරණයකට තරග නොකිරීමට තින්දු කලද ඊළග කරන්නේ කුමක්ද යන්න තින්දුවක් ගැනිමට නොහැකිව ලතවෙන බව වාර්තා වේ.
යම් හෙයකින් වෙනත් සන්ධානයකින් තරග කර අවම මන්ත්රී සංඛ්‍යාවක් දිනා ගැනිමට සිදු වුවහොත් ඔහුන් අනිවාර්යෙන් මෛත්‍රීගේ නායකත්වයෙන් යුත් එක්සත් ජනතා නිදහස් සන්ධානයට එක්ව සභාපතිකම් හෝ නගරාධිපතිකම හෝ නී.නගරාධිපතිකම ලබා ගැනිමට හැකියාව ඇති බවත් සියල්ලටම වඩා පළාත් පාලන මැතිවරණ වලදි ගමේ සංවර්ධන ක්‍රියාවලිය දෙස බලා ජනතාව ඡන්දය භාවිතා කරන හෙයින් එජාප+ශ්‍රිලනිප කණ්ඩායම් වලට වැඩි මන්ත්‍රින් සංඛ්‍යාවක් දිනා ගැනිමට හැකියාව ඇති බවයි ඒකාබද්ධයේ ශ්‍රිලනිප ජ්‍යෙෂ්ඨයන්ගේ මතය වි ඇත්තේ.
