ශ්‍රී ලංකාවේ වැස්ස හා නියඟය මාරුවෙන් මාරුවට රට කළඹවා දමන්නාක් මෙන්, විවිධාකාරයේ මිනිස් ලේ ධාතුව කුපිත කරවන වර්ගයේ පුවත් විසින් දේශපාලනික වායුගෝලයද කළඹවා ලයි. මේ දිනවල මෙසේ කතාබහට වඩාත්ම ලක්වූ කාරණා නම්, මත්තල ගුවන් තොටුපල ඉන්දියාවට පවරා දීමට එරෙහිව පැවති විරෝධතාවකදී සහකාර පොලිස් අධිකාරීවරයෙකු විසින් මාධ්‍යවේදියෙකුගේ කණට ගැසූ පුවතත්, පසුගිය ජනාධිපතිවරණයේදී ජයග්‍රහණයකල, හංසයා ලකුණ දරන පක්ෂයේ සභාපතිවරයාගේ පුරවැසිභාවය පිලිබඳ ප්‍රශ්නයත්ය.
එක අතකට මේ මාධ්‍යවේදීන්ගේ කණට ගැසීම යනු, ප්‍රධාන ප්‍රශ්නය යටපත් කිරීම උදෙසා රජය සතු හොඳම විසඳුම්වලින් එකක් බව පැහැදිලිය. 2016 දෙසැම්බරයේදී හම්බන්තොට, මාගම්පුර වරාය චීනයට 99 අවුරුදු බද්දකට පවරන්නට කටයුතුකල මොහොතේදී ඇතිවූ විරෝධතා රැල්ල මැදට කඩා පාත්වුනු නාවුක හමුදාපතිවරයා එතැන සිටි මාධ්‍යවේදියෙකුගේ කණට ගැසීය. ඉන් කඩි ගුලක් සේ ඇවිස්සී ගිය මාධ්‍ය ලෝකයම ඒ පසුපස එල්ලුන අතර මූලික ප්‍රශ්නය යටපත්ව ගියේය. සාමාන්‍ය ජනතාවට තොරතුරු දැනගත හැකි වනුයේ විද්‍යුත් හා මුද්‍රිත මාධ්‍ය මගිනි. ඉතින් රැයක් දහවලක් නැතිව මාධ්‍යයන් තුල මේ සිදුවීම ගැන පැවසෙත්දී, මාධ්‍යවේදීන්ගේ අයිතිවාසිකම් පිලිබඳව රට පුරා විරෝධතා පැවැත්වෙත්දී ජනතා ඇස ගැටෙන්නට ඉතිරි වන්නේද එපමනය. ඊට පසුබිම් වූ කාරණාව වූ ජාතික සම්පත් විදේශිකයන්ට විකිණීම පිලිබඳ ඛේදවාචකය තව දුරටත් ජනතා ඇසට පෙනෙන්නට ඉඩක් එදා මාධ්‍ය තුල ඉතිරි වූයේ නැත. මේ තත්වය තුල රජය අපූරුවට චීන රජය සමග ගිවිසුම අත්සන්කර, තමන්ට අවශ්‍යව තිබූ දේ තම සිතැඟි පරිදිම ඉටුකර ගත්තේය. ඉන්පසු නාවුක හමුදාපති තම නිල නිවසට කැඳවූ අගමැති රනිල් වික්‍රමසිංහ ඔහුට නිර්ලෝභීව ස්තුති කලේ එම ගණුදෙනුව පහසු කරවීම පිනිස ඔහුගෙන් ලද අනගි සහාය පිලිබඳව විය යුතුය.
මෙසේ දේශීය සම්පත් විදේශිකයනට විකිණීම එක්සත් ජාතික පක්ෂයට අලුත් දෙයක් නොවේ. ශ්‍රී ලංකාව වැනි විවිධ ස්වභාවික සම්පතින් පිරුනු රටක, ඒ සම්පතින් ප්‍රයෝජන ගෙන ආර්ථිකය දියුණු කරනවා වෙනුවට, මොවුන් ලේසියට කරන්නේම ඒ සම්පත් කීයකට හෝ විකුණා දැමීමයි. 2015 ජනාධිපතිවරණයට පෙර මැතිවරණ වේදිකාවලදී රනිල් පැවසුවේ නම් හම්බන්තොට වරාය නැව්වලින් පුරවන බවය. මත්තල ගුවන් තොටුපල ගුවන් යානාවලින් පුරවන බවය. නමුත් මොහු දැන් ‘රටට එක ගුවන් තොටුපලකුයි, වරායකුයි තිබුනම මදැයි’ කියා සිතන්නාක් මෙනි. වෙනෙකක් තබා ඔහු මෙයට පෙර අගමැතිව සිටි 2001 – 2004 සමයේදී ලෝක උරුමයක් වූ සිංහරාජ වැසි වනාන්තරයද, එහි ඇති සියලු සත්ව හා ශාඛ සම්පත් සමගම දස වසරකට ඇමරිකාවට පවරා දෙන්නට උත්සාහ කලේ ඊට හිලවු වශයෙන් ඇමරිකාවට ශ්‍රී ලංකාව විසින් ගෙවන්නට තිබූ ණය මුදල් කපා හරින්නට එකඟ වූ නිසාය. එදා වාසනාවට ඒ ලිපි ගණුදෙනුව හෙලිදරවු වූයෙන්, පරිසරවේදීන්, මාධ්‍යවේදීන් හා විද්වතුන්ගේ විරෝධය නැගී ආයේය. එබැවින් රජයට සිදුවුනේ එම ගණුදෙනුව හකුලා ගැනීමටයි අනිත් අතට, සන්ධාන ජනාධිපතිවරියකුත්, එජාප අගමැතිවරයෙකුත් සිටි ඒ යුගයේ, වාසනාවට ඔවුන් අතර හොඳ මට්ටමේ සම්බන්ධයක්ද නොවීම එම ගණුදෙනුව සිදු නොවීමට තවත් හේතුවක් විය. රනිල් කවදත් අගමැති ලෙස කලේ ජනාධිපති නොසලකා හරිමින් තම සිතු මනාපයේ කටයුතු කිරීමයි. 2002 පෙබරවාරි 24 වනදා එල්ටීටීඊ සංවිධානය සමග අත්සන්කල අවබෝධතා ගිවිසුමත් එවැන්නකි. කෙසේ වුවද අද මෙන් එදා සන්ධානයත් එජාපයත් අතර යහපාලන දීගයක් නොවූයෙන් යන්තම් සිංහරාජ වනන්තරය බේරිනි.
දේශීය සම්පත් එකින් එක විදේශිකයන්ට විකුණන විට නිදහසට කරුණු ලෙස රනිල් පවසන්නේ ආර්ථිකයේ පවතින ණය බරයි. මේ ණය කවුරුන් වෙනුවෙන්ද? එය ජනතාව වෙනුවෙන් නම් ඔය කියන බිලියන ගණන් නිසා ජනතාව සුඛිත මුදිත වී සිටිය යුතුය. දැන් නම් රාජපක්ෂ රජය ගත් ණයය කියා සිතමු. 2002 දී සිංහරාජය විකුණා පියවන්නට ගියේ කවුරුන් ගත් ණයද? 77 දී එජාපය රට භාර ගන්නාවිට රටට ණය ප්‍රශ්නයක් නොතිබිනි. ඉන් පසුව කඩිනම් මහවැලියට, ජනසවියට හෝ වෙනත් ව්‍යාපෘතීන් වෙනුවෙන් ලබාගත් ණය ගැන සලකා බලත්දී, එසේ ලබාගත් මුදලින් ජනතාව සඳහා අපේක්ෂිත ප්‍රතිඵල කොපමන ලැබුනේද, ව්‍යාපෘතීන්හි පරිපාලන වියදම් ලෙස කොපමන මුදලක් වැය වුනිද යන කරුණුවල සැබෑ අනුපාතයන් තුල මේ ණය මුදලින් ඵල ලැබුවෝ කවුරුන්ද යන යතාර්ථය හෙලිදරව් වේ. අදද එදා තිබූ ණය පියවන්නට යයි පවසමින් මේ වසර දෙක හමාර තුල එමෙන් දෙතුන් ගුණයක් ණය ලබා ගත්තත් ඒත් මදිවී, රටේ ඇති සම්පත්ද එකින් එක විකුණා දමන්නේ තිබෙන ණය කෙලවර කර ජනතාව ණය බරින් නිදහස් කරන්නටය යන බොරුව ජනතාව හමුවේ පවසමිනි. දින වකවානු සහ ආර්ථිකයේ වෙනස්වීම් ගැන සලකන විට මේ ණය චක්‍රය ඇතිකලෝ කවුරුන්දැයි සිතා ගැනීමට අපහසු නැත.
අද දේශපාලන සම්බන්ධතාද සම්පූර්ණයෙන් වෙනස්ය. අගමැති තමන්ට වුවමනා අන්දමට රටේ පාලනය ගෙන යන අතර ජනාධිපති තම සිහින චාරිකාවල සැරිසරයි. මේ මෑතකදී වගා සංග්‍රාමය නමින් විකාරයක් කලේ රුපියල් කෝටි 8 ක් පමන වැය කරමිනි. පුරුදු පරිදි ඊට විශේෂයෙන් සැකසුන ටී ෂර්ට් එක හා කැප් තොප්පිය ඇඳ, නෙලුම් කොලේ ඇඹුල අනුභව කර, පොල් කට්ටේ කහටද, හකුරු සමග බොමින් දවස ගතකලේය. මේවා ජාතික උත්සව නොව ජාතික විහිලුය. කුඹුර මඩවන්නට බලාගෙන එහි යන්නේ හෙලිකොප්ටරයෙනි. අඩු තරමින් පොලවේ දූවිලි වලාවක්වත් නොවැදීය. මේවා සැබැවින්ම ජනාධිපති ඇතුලු මැති ඇමතිලාට ‘චේන්ජ් එකක්’ ගන්නට කරන ආතල් වැඩ මිස වෙන කිසිවක් නොවේ. වසර දෙක හමාරක් තිස්සේ සබීතාටත්, උපාලි ජයසිංහටත් ජාති ණයක් ගෙවමින් විනෝදයෙන් කල් යැවූ කෘෂිකර්ම ඇමතිට මෙතෙක් ගොවීන්ට බලපාන ප්‍රශ්න කිසිවක් නොපෙනී තිබුනත් හිටි අඩියේ වගා සංග්‍රාමයට අවතීර්ණ වූ පසු පෙනී ගොස් ඇත්තේ මහින්ද රාජපක්ෂ ගෙදර නිකම් සිටින බවයි. ඉතින් ඔහු මහින්දට කුඔුරු කොටන්නට ආරාධනා කරයි. අවාසනාවට අදද ඇමතිකම්වල වරප්‍රසාද භුක්ති විඳිමින් නිකම්ම පඩි කන බහුතරයක් වූ තම සහෝදර දේශපාලන නඩය ඔහුට අමතකය. අඩු තරමින් කුඹුර හාන්නටවත්!
ඊලඟට ‘වන රෝපා’ නම් තවත් උත්සවයක් පවත්වනු ලැබිනි. එහිදී ‘අද හැම තැනම වනය කපනව, පරිසරය විනාශ කරනව…’ ආදී වශයෙන් ජනාධිපති පවසන්නේ අපටයි. වනය කපන්නේ අප නොවේ. වල්පත්තුව කපා අරාබිකරයේ උදව්වෙන් ජනාවාස ඉදි කරන්නේ ඔහුගේම ඇමති මණ්ඩලයේ ප්‍රබලයකු වන රිෂාඩ් බදුර්දීන්ය. අනෙක පරිසරය විෂය ඇත්තේද ජනාධිපතිවරයා යටතේය. නැගෙනහිරද පුරාවස්තු කෙලෙසමින්, පරිසරය විනාශ කරමින් යකා නටන්නේ රජයට හිතැති දේශපාලකයන්ය. තමන් රැඳී සිටින සුලු ජාතික ඡන්ද පදනම බිඳ ගැන්මට අකමැති රජය මේවා නොදුටු ඇසින් සිටිනවා මදිවට නොයෙක් අපභ්‍රංස තේමා යටතේ නම් දමාගෙන උත්සව පවත්වමින් මහජන මුදල් කාබාසිනියා කරති. හැකි තරම් මුදල් ඉපයීමේ ආත්මාර්ථකාමී බවින් වියරු වැටුනු පාලන තන්ත්‍රයේ සිට විහිද ගිය ව්‍යූහය නිසා රට දැන් පිලිලයක් සැදී, පැතිරී දිරා යන වෘක්ෂයක් මෙනි.
මෙසේ දුර දිග නොබලා තම අත දිග හරියේ ඇති දේ තලු මරන්නට හුරුකල සමාජය තුල රනිල් වික්‍රමසිංහ ඇතුලු යහපාලන නඩයට තමන්ට කරන්නට අවශ්‍ය දේ සඳහා මග පාදා ගැනීම එතරම් අපහසු නොවේ. කණගාටුවට කරුණ නම් මේ සියලු දේශපාලකයන්, තමන්ගේම හත් මුතු පරම්පරාවේම අභිවෘද්ධිය සඳහා කිසිදු මැලිකමකින් තොරව ලබා ගන්නා ණය ගෙවීමට, එක්කෝ රටේ සමස්ත අනාගත පරපුරම සූදානම් විය යුතු වීමය. නැති නම් එම ණය බරෙහි නාමික කොටස් කරුවන් වීම වලකාලනු පිනිස, රටේ සුලුතරයකගේ සුවසෙත උදෙසා, තමන්ට උරුමය ඇති රටේ සම්පත් විකුණා දමන දෙස අරගලයකින් තොරව බලා සිටිය යුතු වීමය.
එදා හම්බන්තොට වරාය චීනයට පැවරීමේදී සිදවූ සිද්ධිය එතැනින් කෙලවර විය. උනුත් එකයි මුනුත් එකයි කියන ජනතා විමුක්ති පෙරමුණ මහ හඬින් එදා පැවසුවේ තමන් ජනවාරි මාසය උද්ඝෝෂණවලින් රත් කරන බවය. නමුත් ඒ කතාද නිකම්ම පුස්ස බින්දා සේ වූයේය. රත් වන්නට තබා ඒ සීතල දුරුත්තේ සීතල මැකෙන්නට උණුසුම් සුළං රැල්ලක්වත් හමා ගියේ නැත.
මත්තල විකිණීමද අලුත් කතාවක් නොවේ. පසුගිය ජුලි මාසයේදී හම්බන්තොට වරාය චීනයට පැවරීමේ ගිවිසුම සම්පූර්ණ කලදා පැවති උත්සවයේදී, තමන් මේ වසර අවසන් වන්නට ප්‍රථම මත්තල ගුවන් තොටුපල ගැනද තීරණයක් ගන්නා බව අගමැතිවරයා පැහැදිලිව කීවේය. හරි නම් විරෝධතාකරුවන්ට පාරට බසින්නට තිබුනේ එදාය. හැබැයි එදා ඒ කතාව මාධ්‍යයටවත් හරියට ඇසුනාද යන්න සැක සහිතය. ඒ අනුව තමන් යමක් පවසන්නේ ජනාධිපතිවරයා මෙන් නිකම්ම කටට ආවාට නොවන බව ඔප්පු කරමින් මත්තල ගුවන් තොටුපල ඉන්දියාවට පවරන කැබිනට් පත්‍රිකාවද අනුමත විනි. යලි කඩිගුලට උණු අලු වැටුනේ එවිටයි. ඉතින් රජයද තම සුපුරුදු, මාධ්‍යවේදියාගේ කණට ගැසීමේ ජවනිකාව රඟ දැක්වූයේය. වත්තල, කෙරවළපිටියට කසල බැහැර කිරීමේ සිද්ධියේදී, අමාත්‍ය ජෝන් අමරතුංග විසින් මාධ්‍යවේදියෙකුට සුද්ධ සිංහලෙන් බැණ වැදීමද මෙම නාට්‍යයේම තවත් එක කොටසකි. එදාද මාධ්‍යවේදීන් එම පුවතට මුල් තැන දෙත්දී, ඒ අනුසාරයෙන් ජනතාවටද කසල බැහැර කිරීමේ ඇති අක්‍රමවත් සහ පීඩාකාරී ස්රූපය අවධානයෙන් ගිලිහී ගියේය.
මේ සිද්ධිය ගැන රාජිත සේනාරත්න නම් සම කැබිනට් ප්‍රකාශකගෙන් ඇසූ විට ඇසිපිය ගසමින්, විරිත්තමින් ඔහු පවසන්නේ අමුතුම කතාවකි. ‘මාධ්‍යවේදියා අහිංසක නැත. ඔහු පෝස්ටරයක් අල්ලාගෙන සිටියේය. උද්ඝෝෂණයට සහභාගි විය. මහජන දේපලවලට හානි පැමිනවීම වරදකි’ පෝස්ටරයක් අල්ලාගෙන සිටීම නිසා මහජන දේපොලවලට හානි සිදුවනුයේ කෙසේද? අනික උද්ඝෝෂණයකට සහභාගි වූවා කියා ශාරීරික හිංසාවක් කරන්නට පොලිසියට බලයක් නැති බව මේ මහජන නියෝජිතයෝ නොදනිති. නැතිනම් නොදන්නා සේ හැසිරෙති. පොලිස් ඇමති පවා මෙයින් වෙනස් නොවේ. ඉඳහිට නීතීඥ කබායකින්ද පෙනී සිටින පොලිස් මාධ්‍ය ප්‍රකාශකයාද දරන අදහස මෙයයි. මේ එක අයෙකුටවත් වත්මන් යහපාලන රජයේ අගමැතිවරයා විසින් මහජන දේපොල, යලි පරම්පරා ගණනකට අහිමි වනසේ පිටරටුනට විකුණන ආකාරය අපරාධයක් ලෙස නොපෙනෙන්නේ ඇයි?
මාධ්‍යවේදීන් විසින් තමන්ගේ ගරුත්වය සහ අයිතිවාසිකම් වෙනුවෙන් පෙනී සිටිය යුතු බව සැබෑය. නමුත් එතුල රටේ ප්‍රධාන ප්‍රශ්න යටපත්ව නොයාම කෙරෙහිද ඔවුන්ගේ අවධානය යොමුවිය යුතුය.
එදා ඒ පහර කෑ මාධ්‍යවේදියාට, අන්තරේ ළහිරුලාට වඩා සහස්‍ර ගුණයකින් අපරාධ කරන රජයේ මැති ඇමතිවරුන්ට අඬමින්, වඳිමින් මල්මාලා දමමින් ස්තෝත්‍ර ගායනා කරන්නට සැදී පැහැදී සිටින ජනතාවක්ද රටේ වෙසෙති.මේ අය මීට හේතු කාරණා වශයෙන් පවසන්නේ පසුගිය රජයේ ප්‍රබල ඇමතිවරුන්ට එරෙහිව මෙසේ ප්‍රශ්න කරන්නට ඉඩ නොලැබුන බවත්, අද රවි කරුණානායක වැනි ප්‍රබලයන් නීතිය ඉදිරියට ගෙන එන්නේ යහපාලනයේ හොඳකම නිසා බවත්ය. ජනතාව චන්දය දුන්නේ සොරකම නතර කිරීමට මිස සොරකම නීතිගත කිරීමට නොවේ. මන්ද මෙවන් පුද්ගලයන්ට එරෙහිව නඩු අැසුවා කියා වැඩක් ඇතිදැයි ජනතාවගේ දෑස් හමුවේ ඔප්පු වී ඇත.
අනික මෙවන් නීතිය ඉදිරියට ගෙන ඒමේ ක්‍රියාවලිය යට මොන මොන කතා සැඟවී ඇත්ද? අගමැති ජනාධිපති නොතකා ක්‍රියා කරයි. යහපාලන රජයේ පාර්ශවකරුවන් අතර ඇති ගැටුම් හිටිවනම කරලියට එයි. අගමැති රටේ නැති අතරවාරයේ රවි කරුණානායක විසින් එජාපයේ පසුපෙල මන්ත්‍රීවරුන් එක්රැස් කරමින් පැවැත්වූ වැඩමුලුවද ගැටලුවක්ව ඇත්තේ එජාපයටම ය. 2013 දී මංගල සමරවීරගේ කුරුඳු පොලු හමුදාව මගින් පහරදී අවසන් කෙරුනු එජාපයේ අභ්‍යන්තර කැරැල්ලද මෙවන් එකක් විය. එදා එම කැරැල්ලේ නිර්මාතෘ වූයේ සජිත් ප්‍රේමදාස ය. මේ මිනිසුන් මෙසේ එකිනෙකා මරාගෙන නායකත්වයට පැන ගන්නට දඟලන්නේ ජනතාවට ඇති ආදරය නිසා නම් නොවේ.
හංසයා ලකුණ දරන දේශපාලන පක්ෂයේ සභාපතිගේ අවංක භාවයත්, පුරවැසි භාවයත් පිලිබඳ කතාවද මේ දිනවල බෙහෙවින් කතාවට ලක්ව ඇත. හැබැයි කතාවට පමනකි. ක්‍රියාව ගැන විස්වාස නැත්තේ මැතිවරණ කොමසාරිස්වරයාගේ දැඩි පක්ෂග්‍රාහී වූ නිර්ලජ්ජිත ප්‍රතිපත්තිය නිසාය. මෑතකදී මැතිවරණ කල් දැමීම ගැන ප්‍රශ්නකල මාධ්‍යවේදීන්ට ඔහු බුරාගෙන පැන්නේය. ඔව්! 205 ජනවාරි 8 වනදාට ප්‍රථම ඉතාම සාධාරණ පුද්ගලයෙකු සේ ජනතාව හමුවේ රඟපෑ ඔහු අද යහපාලන රජයේ මුරබල්ලා චරිතය ඉටු කරන්නේ කිසිදු හිරිකිතයකින් තොරවය. එබැවින් හෙට අනිද්දා මේ ශලීල මුණසිංහ නැමති හංසයා (වත්මන් ජනාධිපතිවරයා නියෝජනය කල පක්ෂය) පක්ෂ සභාපතිවරයාගේ නීත්‍යානුකූල භාවය ගැන විමසුවොත් ඔහුද මාධ්‍යවේදීන් හමුවේ දර්ශනයක් මවා ප්‍රශ්නය වෙන අතකට හැරවීමටද ඉඩ තිබේ.
දැන් මෙසේ රටේ අනාගතයට බලපාන ප්‍රශ්නවලට අමතරව ජනතාවට සිතන්නට තිබෙන බරපතල සිදුවීම්වලට දසුන්ගේ සහ ශලනි තාරකාගේ ප්‍රශ්නයටද, ඇමතිවරයෙකුගේ ඒඩ්ස් ප්‍රශ්නයටද අමතරව තවත් හොඳ මාතෘකාවක් ලැබී තිබේ. ඒ මෛත්‍රී සීයා සමග ආත්මගත බැඳීම් ඇති දැරියන් ඔහු වෙත පැමින පානා සුරතල්ය.
හැබැයි ඒ අතර රනිල් සීයාගේ රට විකුණන ගිවිසුම් නිසා මේ දැරියන් වැඩිහිටි වියට එලඹෙනවිට ඔවුනට පයගසා ඉන්නට ඔවුන්ගේය කියා කටක් ඇර කිව හැකි රටක් ඉතිරි වේදැ’යි මෛත්‍රී සීයාට මේ දරු සුරතල් අතර නිකමටවත් මතක්වනු ඇතිද?
තේජා ගොඩකන්දෙආරච්චි
මහින්ද රාජපක්ෂ නව ව්‍යවස්ථාව සම්බන්ධයෙන් නිවේදනයක් නිකුත් කරලා. එයින් කියැවෙන්නේ නව ව්‍යවස්ථාවක් සම්පාදනය කිරීමට මේ ආණ්ඩුවට ජනවරමක් නැති බවයි. නව ව්‍යවස්ථාවක් සම්පාදනය කිරීමට තබා ව්‍යවස්ථාව සංශෝධනය කිරීමටවත් මේ ආණ්ඩුවට ජනවරමක් නැහැ. එ ජා පෙරමුණට ලැබුණේ මන්ත්‍රීධුර 106ක් පමණයි. ජනතාව සියළු ආකාරයේ ව්‍යවස්ථා සංශෝධන ප්‍රතික්‍ෂෙප කර තිබෙනවා. ජනාධිපතිවරණයේ දී නම් මෛත්‍රිපාලට ජනමත විචාරණයකට තුඩු නොදෙන ව්‍යවස්ථා සංශෝධනවලට ජනවරමක් තිබෙනවා. එහෙත් මෛත්‍රිපාල ඒ ජනවරම ක්‍රියාත්මක කරන්නේ කෙසේ ද?
ජනාධිපතිට වත්මන් ආණ්ඩුක්‍රම ව්‍යවස්ථාව අනුව ඇත්තේ ජනතා පරමාධිපත්‍යයෙහි විධායක බලතල ක්‍රියාත්මක කිරීමයි. ඔහු අමාත්‍ය මණ්ඩල රැස්වීම්වල සභාපතිත්වය දරණවා. ඔහුට ඇමතිධුරත් තිබෙනවා. ඉඳහිට පාර්ලිමේන්තුවටත් එනවා. එහෙත් ඔහු පාර්ලිමේන්තු මන්ත්‍රීවරයෙක් නො වෙයි. ඔහුට පාර්ලිමේන්තුවේ ඡන්දයක් නැහැ. ඔහුට ඔහුගේ ඇමතිධුරවලට අදාළව පාර්ලිමේන්තුවට පනත් ඉදිරිපත් කරන්න පුළුවන්. එහෙත් ඒ පනත්වලට ඡන්දය දෙන්න බැහැ. මේ ජේ ආර්ගේ මගඩි ව්‍යවස්ථාවේ ප්‍රතිඵල.
එහෙත් ජනාධිපතිට ව්‍යවස්ථාවට අනුව ඉතා වැදගත් වගකීමක් රාජකාරියක් තියෙනවා. ඒ ව්‍යවස්ථාවට ගරු කිරීම හා එය ආරක්ෂා කිරීම. ජනතා පරමාධිපත්‍යය පාර්ලිමේන්තුවෙන් නිසියාකාරව ක්‍රියාත්මක වන බවට ජනාධිපති වග කිව යුතුයි. ජනතා පරමාධිපත්‍යය විසින් තීරණය කෙරී ඇත්තේ කිසිම ව්‍යවස්ථා සංශෝධනයක් අවශ්‍ය නොවන බවයි. ජනාධිපති කිසිම ව්‍යවස්ථා සංශෝධනයක් නොවන බවට වග කියන්න ඕන. ජනාධිපති කළ යුතුව තිබුණේ තම ජනාධිපති බලතල යොදා ගනිමින් ඊනියා ව්‍යවස්ථා මණ්ඩලය විසුරවා හැරීමයි. ජනතා පරමාධිපත්‍යයත් එමගින් ආණ්ඩුක්‍රම ව්‍යවස්ථාවත් ආරක්ෂා කර ගැනීමට එසේ කරන්න පුළුවන්.
එහෙත් ඔහු එසේ කෙළේ නැහැ. එසේ වුවත් තවමත් ඔහුට එසේ කළ හැකියි. අද ව්‍යවස්ථා සංශෝධනයකට වඩා වැදගත් වන්නේ පවත්නා ව්‍යවස්ථාව ආරක්ෂා කර ගැනීමයි. ජනාධිපති පමණක් නොව ඒකාබද්ධ විපක්‍ෂයත් ජනමතය සම්පූර්ණයෙන් ම පැත්තකට දමා කිසිම ජනවරමක් නැතිව ඊනියා ව්‍යවස්ථා මණ්ඩලයට සහභාගි වුණා. ඔවුන් අර අනුකාරක සභාවලින් නම් අයින් වුණා. ඒත් ඒ වන වීට ඒ කමිටුවල වාර්තා සම්පාදනය වී තිබුණා. බන්දුල ගුණවර්ධනගේ සභාපතිත්වයෙන් යුත් අනුකාරක කමිටුවත් වාර්තාවක් දුන්නා. වාර්තාව දීමෙන් පසු අස්වීමෙන් එතරම් වැඩක් නැහැ. ඔවුන් අනුකාරක සභාවලින් මෙන් ම මෙහෙයුම් කමිටුවෙනුත් අස්වෙන්න තිබුණා.
මහින්දගේ පුවත්පත් නිවේදනයේ මෙසේ සඳහන් වෙනවා. “මෙහිදී ආණ්ඩුවෙන් ඉල්ලා සිටින්නේ, මේ විනාශකාරී ව්‍යවස්ථා සංශෝධන යෝජනාවලිය අතහැර, ඔවුන් මුලදී ජනතාවට පොරොන්දු වූ ආකාරයට පමණක් ව්‍යවස්ථාව සංශෝධනය කිරීම සදහා යෝජනා ඉදිරිපත් කරන ලෙසය.”
රාජපක්ෂලා සමග ඉන්න දයාන් ජයතිලකලා, චන්ද්‍රප්‍රේමලා, දිලිත්ලා ගැන අපට විශ්වාසයක් නැහැ. අප ඔවුන්ගේ ඉතිහාසය දන්නවා. එහෙත් රාජපක්‍ෂලාට ඔවුන් විශ්වාසයි. ඔවුන් රාජපක්‍ෂලාට උපදෙස් දෙනවා, නිවේදන ලියනවා, නිවේදන ප්‍රචාරය කරනවා. ඉහත සඳහන් නිවේදනය කවුරු ලිව්වත් අත්සන් කරන්නේ මහින්දයි. බරපතළකම ඇත්තේ එතැනයි. මහින්ද කලකට පෙර ඊනියා 13+ කතාවකටත් අහුවුණා. මහින්දට ප්‍රභාකරන් පැරදවීය හැකි යැයි දයාන්ලා චන්ද්‍රප්‍රේමලා කිව්වේ නැහැ. ඉහත සඳහන් නිවේදනයේ ඔවුන් කියා ඇත්තේ කාට ද? රනිල්ට ද? මෛත්‍රිපාලට ද?
වත්මන් ව්‍යවස්ථාව ජේ ආර්ගේ. ඒ ව්‍යවස්ථාවට අනුවයි දයාන් වර්ධරාජ පෙරුමාල්ගේ ආණ්ඩුවේ ඇමතිකමක් දැරුවේ. චන්ද්‍රප්‍රේම භික්‍ෂූන් වහන්සේට ද දොස් කියමින් කොළපාට සමාජයක් ගැන ලිව්වා. මිනිසුන් වෙනස් වෙනවා. ඒත් ඇතැම් දේ වෙනස් වන්නේ නැහැ. දහතුනට පක්ෂ සියළු දෙනා ම සන්ධීය රාජ්‍යයකට පක්‍ෂයි. දහතුනෙන් ඒකීය රාජ්‍යය නැති වුණා. දහතුන නන්දිකඩාල් කලපුවේ දී දේශපාලනික ව පරාජය වුණා. අද කළ යුත්තේ එය නීති පොතට, ව්‍යවස්ථාවට ඇතුළත් කිරීමයි. විධායක ජනාධිපති ක්‍රමය අහෝසි කළ යුතුයි. එහෙත් දහතුන තිබෙනතාක් විධායක ජනාධිපති ක්‍රමය තිබිය යතුයි. මනාප ක්‍රමයත් අහෝසි කළ යුතුයි.
එහෙත් එවැනි සංශෝධන මේ නිවට ආණ්ඩුවෙන් බලාපොරොත්තු වෙන්න බැහැ. නිවට ආණ්ඩුවට ඒ සඳහාවත් ජන වරමක් නැහැ. හැරත් රනිල්ගේ ප්‍රජාතන්ත්‍රවාදය අප කවුරුත් දන්නවා. ඒක ප්‍රජාතන්ත්‍රවාතයක්. ඔහු අගමැතිව සිටිනතාක් කරු ජයසූරිය කතානායකව සිටිනතාක් අපට ඇත්තේ ප්‍රජාතන්ත්‍රවාතයක්. රනිල් කරුගේ ආශිර්වාදය යටතේ සංශෝධන කරගන්නා හැටි පහුගිය දා හැමෝ ම දැක්කා. මහින්දත් දැක්කා. අද ජනවරමක් නැතිව ව්‍යවස්ථාව සංශෝධනය කරන්න ගියොත් රනිල් ඔහුගේ සංශෝධන මගින් සහසන්ධීය ව්‍යවස්ථාවක් සම්මත කර ගනීවි. ඔහුට තුනෙන් දෙකේ ඡන්දය ගැනීමට විවිධ උපක්‍රම තියෙනවා.
ව්‍යවස්ථාව ජනමත විචාරණයකට ඉදිරිපත් කළහොත් එය පරාජය කළ හැකියි. එහෙත් දිලිත් සයිටම් විරෝධයකින් ආණ්ඩුවට මර්දනයකට පාර කපනවා. එවැනි මර්දනයකින් ජනමත විචාරණයක දී ආණ්ඩුවට වාසි අත් වේවි. ජනමත විචාරණයක දී හොඳ වගන්ති නරක වගන්ති බේරාගන්න පුළුවන් ද? අප අද කළ යුත්තේ ජනවරමක් නැති ව්‍යවස්ථාවට සංශෝධන ඉදිරිපත් කිරීම හෝ සංශෝධන සහිත ව ව්‍යවස්ථාවක් ඉල්ලීම හෝ නොව නව ව්‍යවස්ථාව සම්පූර්ණයෙන් ම ප්‍රතික්‍ෂෙප කිරීමයි. එවිට ජනමත විචාරණයක් පැවැත්වුවොත් අපට ව්‍යවස්ථාව එක හිතින් පරාජය කරන්න පුළුවන්.
වත්මන් ව්‍යවස්ථාවේ අහිතකර වගන්ති මහින්දගේ ආණ්ඩුවකින් ජනවරමක් ඇතිව ඉවත් කරමු.
නලින් ද සිල්වා
2017 ඔක්තෝම්බර් 17
ව්‍යවස්ථාමය කටයුතු සම්බන්ධයෙන් ශ්‍රේෂාඨාධිකරනයේ බලය අහෝසි කොට අලුතෙන් ව්‍යවස්ථාමය අධිකරණයක් ඇති කිරීම, විධායක ජනාධිපති ධූරය අහෝසි කිරීමෙන් පසු අගමැතිවරයාට ඇතැම් ජනාධිපති ලක්‍ෂණ ආරෑඩ කිරීම, මැතිවරණයකින් පසු නිශ්චිත කාලයක් යනතුරු පාර්ලිමේන්තුව විසුරුවා හැරීමට නොහැකි වෙන ආකාරයට විධිවිධාන සැලසීම, ඇතුලු අපට පිළිගත නොහැකි තවත් යෝජනා ගණනාවක්ම නව ව්‍යවස්ථාවක් සඳහා ඉදිරිපත් කර ඇති යෝජනාවලිය හරහා කටලියට පැමිණ ඇති බව හිටපු ජනාධිපති මහින්ද රාජපක්ෂ නිවේදනයක් නිකුත් කරමින් කියා සිටි.
2017 ඔක්තෝම්බර් 16
මාධ්‍ය නිවේදනය
නව ව්‍යවස්ථාවක් සඳහා ඉදිරිපත් කර ඇති යෝජනාවලිය
නව ව්‍යවස්ථාවක් සඳහා යෝජනාවලියක් ආණ්ඩුව විසින් පාර්ලිමේන්තුවේ සභාගත කර ඇත. පසුගිය ජනාධිපතිවරණයේදී යහපාලන පාර්ශවය ජනතාවට දුන් ව්‍යවස්ථාමය පොරොන්දු වූයේ, 2015 අප්‍රේල් 20 වෙනිදාට පෙර මැතිවරණ ක්‍රමය වෙනස් කොට, විධායක ජනාධිපති ක්‍රමය අහෝසි කරන බව පමණි. මුලු ව්‍යවස්ථාවම වෙනස් කිරීමට ජනවරමක් මේ ආණ්ඩුවට ලැබුණේ නැත. මේ ව්‍යවස්ථා සංශෝධන යෝජනාවලියේ පහත දැක්වෙන යෝජනා වලට අපට කිසිසේත්ම එකඟ විය නොහැක.
සිංහලෙන් ‘ඒකීය’යන වචනය තව දුරටත් භාවිතාකරන අතර, ‘යුනිටරි’ යන ඉංග්‍රීසි වචනය හා එම සංකල්පය නව ව්‍යවස්ථාවෙන් ඉවත් කිරීම. ඒ අනුව ලංකාවේ බහුතර ජනතාව මෙය ඒකීය රටක් යැයි සිතා සිටියත්, ජාත්‍යන්තර ප්‍රජාව හමුවේ ලංකාව තවදුරටත් ඒකීය නැතිනම් ‘යුනිටරි’ රටක් නොවනු ඇත. ජනතාව මුලා කිරීමට ගෙනවිත් ඇති මේ සටකපට යෝජනාව අපි හෙළා දකිමු.
යෝජනාවලියේ සිව්වන පිටුවේ උතුරු නැගෙනහිර පළාත්එක් එකකයක් ලෙස පිළිගතයුතු බවට සඳහන්වී තිබීමෙන්ද, වත්මන් ව්‍යවස්ථාවේ පස්වන වගන්තියට අනුව ශ්‍රී ලංකා ජනරජයේ භූමිය ‘පරිපාලන දිස්ත්‍රික්ක’ 25 කින් සමන්විත වන බවට ඇති නියමය වෙනස්කොට, නිෂ්චිතව සඳහන් නොකරන පළාත් ගණකින් එය සමන්විත විය යුතු බවට කර ඇති යෝජනාවෙන්ද, මේ සැරසෙන්නේ කුමකට දැයි පැහැදිලි වේ.
මේ යෝජනාවලියේ, ‘අනුපූරකතාවය’ නැමති මූලධර්මය අනුව පළාත් මට්ටමින් කළ හැකි සියලුම දේ පළාත් වලට පැවරිය යුතු යැයි යෝජනා වී ඇත. බෙදුම්වාදීන් 1972 සිට උතුරු නැගෙනහිර පළාත් සඳහා වෙනම රාජ්‍යක් ඉල්ලා සිටියේ මෙවැනිම සංකල්පයක් අනුව නොවේදැයි කවුරුත් කල්පනා කර බැලිය යුතුය.
පළාත්වලට මෙකී අනුපූර කතා මූලධර්මය අනුව බෙදාදෙන බලතල, සියලු පළාත්වල අවසරය නොමැතිව පාර්ලිමේන්තුවේ තුනෙන් දෙකේ බලයෙන්වත් වෙනස් කිරීමට නොහැකිවෙන ලෙසද, අතිබහුතරයක් පළාත් සභා නියෝජිතයන්ගෙන් සමන්විත දෙවෙනි මන්ත්‍රී මණ්ඩලයක අනුමැතිය නොමැතිව පාර්ලිමේන්තුවට ජාතික ප්‍රතිපත්ති හා ජාතික ප්‍රමිතීන් සම්පාදනය කිරීමට නොහැකිවෙන ලෙසද, විධිවිධාන යෝජනා වී ඇත. එයට අමතරව, මධ්‍යම ආණ්ඩුවට යම් නායකත්ව කාර්යභාර්යක් ලබාදෙන සමඟාමී බලතල ලැයිස්තුව අහෝසි කොට එම බලතලද පළාත් සභා වලට පැවරීමටද, මධ්‍යම ආණ්ඩුවේ බලතල ලැයිස්තුවේද තෝරාගත් කාර්යයන් ක්‍රියාත්මක කිරීම පළාත් සභා වලට පවරා ෆෙඩරල් රාජ්‍යකට ගැලපෙන ආකාරයට මධ්‍යම ආණ්ඩුවේ කාර්යභාර්ය අඩු කිරීමටද මේ යෝජනාවලියෙන් බලාපොරොත්තු වේ.
පළාත්ආණ්ඩුකාරවරුන්සතු විධායක බලය අදාල පලාතේ අමාත්‍ය මණ්ඩලයට පවරා ආණ්ඩුකාරවරුන්සැම විටම පළාත් අමත්‍ය ණ්ඩලයේ උපදෙස් අනුව ක්‍රියා කිරීමට නියම කිරීමටත්, මහ ඇමතිවරයාගේ උපදෙස් නොමැතිව ආණ්ඩුකාරවරයෙකුට යම් පාළාතක හදිසි තත්වයක් පවතින බවවත් මධ්‍යම ආණ්ඩුවට දැනුම් දීමට නොහැකි යැයි නියම කිරීමටත් මේ යෝජනාවලියේ විධිවිධාන ඇත. එපමණක්ද නොව, පලාත් සභාවක් විසින් සම්මත කරන ප්‍රඥප්තියකට අනුමැතිය දීමට හෝ එහි ව්‍යවස්ථානුකූල භාවය විමර්ශණය කිරීම සඳහා ශ්‍රේෂ්ඨාධිකරණයට යොමු කිරීමට ආණ්ඩුකාරවරයාට හා ජනාධිපතිවරයාට දී ඇති කාලය සති දෙකකට සීමා කර එම කාලය ඉකුත් වීමත් සමඟම, නිරායාසයෙන්ම එම ප්‍රඥප්තියට අනුමැතිය ලැබී ඇත්තාසේ සැලකීම තුළින්ද මධ්‍යම ආණ්ඩුවට පළාත් ඒකක පාලනය කිරීමට ඇති බලතල බරපතල ලෙස කප්පාදු කිරීමට යෝජනා වී ඇත. දැනට ලංකාවේ ක්‍රියාත්මක බලතල බෙදීමේ ආකෘතිය ඉන්දියාවෙන් ලබාගත් එකකි. ඉන්දීය ව්‍යවස්ථාවේ 201 වගන්තියට අනුව ප්‍රාන්ත ආණ්ඩු සම්මත කරණ ඕනෑම පනතක් කිසිඳු හේතු දැක්වීමකින් තොරව ප්රතික්ෂේප කිරීමට එරටේ ජනාධිපතිවරයාට බලය ඇත. නමුත් අපේ රටේ ජනාධිපතිවරයාට එවැනි බලයක් කිසිදාක නොතිබුණි. එම නිසා පළාත් සම්බන්ධයෙන් විධායකයට තිබෙන බලතල තවත් අඩුකිරීමට මේ ඉදිරිපත් කර ඇති යෝජනාවලට අපට එකඟ විය නොහැක.
වත්මන් වස්ථාවේ විධිවිධාන හා අදාල ශ්‍රේෂ්ඨාධිකරණ තීන්දු යටතේ ජනාධිපතිවරයාට හා මධ්‍යම රජයට ඉඩම්සම්බන්ධයෙන්ඇති බලතල පළාත්ඒකක වලට පැවරීමට යෝජනාවී ඇත. මේ අනුව යම් පළාතක් තුළ පිහිටි රජයේ ඉඩමක් මධ්‍යම රජයේ කටයුත්තකට ලබා දෙන මෙන් කරන ඉල්ලීමක් අදාල පළාත් සභාව ප්රතික්ෂේප කළහොත්, එම හබය මුලින්ම බේරුම්කාර මණ්ඩලයකට හා ඉන්පසු අධිකරණයට යොමු කිරීම හරුණු විට වෙන විකල්පයක් මධ්‍යම ආණ්ඩුවට නැත. ඉන්දියාවේ මධ්‍යම රජයේ කටයුත්තකට අවශ්‍ය ඉඩමක් ඔවුන්ට එම ඉඩම පිහිටි ප්‍රාන්තයේ කැමැත්ත ඇතුව හෝ නැතුව ලබාගැනීමට බලය ඇත. එම නිසා ලංකාවේ දැනට පවතින ඉඩම් සම්බන්ධ විධිවිධාන වල කිසිඳු වෙනසක් නොවිය යුතුය.
සාමාජිකයන් 55 න් 45 දෙනෙකු පළාත් සභාවල නියෝජිතයන්වන පාර්ලිමේන්තුවේ දෙවන මන්ත්‍රී මණ්ඩලයක් පිහිටුවීමට යෝජනා වී ඇත. මේ දෙවන මන්ත්‍රී මණ්ඩලයේ 2/3 ඡන්දයක් නොමැතිව කිසිම ව්‍යවස්ථා සංශෝධනයක් සම්මත නොවිය යුතු බව කියැවෙන නිසා මෙහි පරමාර්තය රටේ නීති හා ව්‍යවස්ථාව වෙනස් කිරීමට පාර්ලිමේන්තුවට ඇති බලය සීමා කර, එවැනි කාරණා සම්බන්ධයෙන් නිෂේධ බලයක් පළාත් සභාවලට ලබා දීම බව පෙනේ. ඉන්දීය ව්‍යවස්ථාවේ 249 වගන්තියට අනුව ඉන්දීය දෙවෙනි මන්ත්‍රී මණ්ඩලයේ පමණක් 2/3 බලයෙන් සම්මත වෙන යෝජනාවකින් මුලු ඉන්දියාවේම නැතිනම් එහි ප්‍රාන්තයක හෝ ප්‍රාන්ත කිහිපයක සියලු පාලන බලතල පාර්ලිමේන්තුවට පැවරීමටත්, වසරක් පාසා කරන අලුත් කීරීම් වලට යටත්ව ඕනෑම කාලයක් පවත්වාගෙන යෑමටත් බලය පැවරේ. මේ ප්‍රතිපාදනය ඉන්දියාවේ ඒකාග්‍රතාවය සුරකින ප්‍රධානම නීතිමය විධිවිධානයකි. ඉන්දීය ව්‍යවස්ථාවේ 249 වගන්තියට සමාන බලතල නොමැතිනම්, දෙවෙනි මන්ත්‍රී මණ්ඩලයක් ලංකාවේ පිහිටවිය යුතු නැති බව අපේ අදහස වේ.
සියලුම සුලු කණ්ඩායම්වලට වැඩි නියෝජනයක් ලබාගැනීමට ඉඩ සලසන සමානුපාතික ඡන්ද ක්‍රමය යටතේ තේරීපත් වනනියෝජිතයන්ගේ ප්‍රතිශතය 40% ක්ලෙස නියම කොට තිබියදීත්, නොයෙක් ජාතිවාදී කණ්ඩායම් වල නියෝජනය වැඩි කිරීමට කුඩා මන්ත්‍රී කොට්ඨාශ හා බහු මන්ත්‍රී කොට්ඨාශ ඇති කිරීමටත්, යුද්ධය හේතුවෙන් පිටරට පදිංචියට ගොස් යුද්ධය අවසන් වූ පසුත් ආපසු නොපැමිනි පුද්ගලයන් අවතැන් වූවන් ලෙස සලකා උතුරු පළාතට පාර්ලිමේන්තුවේ අතිරේක ආසන සංඛ්‍යාවක් වෙන් කිරීමටත් යෝජනා වී ඇත. මේ ආකාරයට ලාංකීය දේශපාලනය තුළ පටු ජතිවාදයට මුල් තැන දීම කිසිසේත්ම පිළිගත නොහැක. සමානුපාතික පදනම මත තේරී පත්වෙන පාර්ලිමේන්තු මන්ත්‍රීවරුන්, වර්තමානයේදී මෙන් දිස්ත්‍රික්ක පදනම මත පත් නොවී පළාත් මට්ටමින් පත් විය යුතු බවට කර ඇති යෝජනාවද අපට පිළිගත නොහැක.
මීට කලින් ව්‍යවස්ථා සම්පාදක මණ්ඩලය නිකුත් කළ ලියවිලි වල පොලිස් බලතල ගැන සඳහන් වුවද, එම මාතෘකාව මේ නවතම යෝජනාවලියේ සඳහන් නොවන්නේ, පොලිස් සේවය කොටස් 9කට කැඩීමට අවශ්‍ය විවිධාන 13 වන සංශෝධනය හේතුවෙන් දැනටමත් අපේ ව්‍යවස්ථාවේ නවවන පරිශිෂ්ඨයේ පළමු උපලේඛණයේ සඳහන් වෙන නිසා විය හැක. වර්තමානයේ ජාතික පොලිස් සේවය රට පුරා ක්‍රියාත්මක වෙන ආකාරයටම ඉදිරියටත් ක්‍රියාත්මක විය යුතු බව අපේ මතයයි. ඒ අනුව වත්මන් ව්‍යවස්ථාවේ නවවන පරිශිෂ්ඨයේ පළමු උපලේඛණයද පවතින යථාර්තය පිළිඹිබු වෙන ලෙස සංශෝධනය විය යුතුය.
ව්‍යවස්ථාමය කටයුතු සම්බන්ධයෙන් ශ්‍රේෂාඨාධිකරනයේ බලය අහෝසි කොට අලුතෙන් ව්‍යවස්ථාමය අධිකරණයක් ඇති කිරීම, විධායක ජනාධිපති ධූරය අහෝසි කිරීමෙන් පසු අගමැතිවරයාට ඇතැම් ජනාධිපති ලක්‍ෂණ ආරෑඩ කිරීම, මැතිවරණයකින් පසු නිශ්චිත කාලයක් යනතුරු පාර්ලිමේන්තුව විසුරුවා හැරීමට නොහැකි වෙන ආකාරයට විධිවිධාන සැලසීම, ඇතුලු අපට පිළිගත නොහැකි තවත් යෝජනා ගණනාවක්ම මේ ලියවිල්ලේ සඳහන් වුවත්, ඒවා මේ යෝජනාවලියේ ප්‍රධාන පරමාර්ථයට අදාල නොවෙන නිසා අපි එම කාරනා ගැන මෙහිදී වැඩි අවධානයක් යොමු නොකරමු.
වත්මන් ව්‍යවස්ථාවේ බුදු දහමට ප්‍රමුඛස්ථානය පිරිනමන 9 වන වගන්තිය වෙනස් කිරීමට යෝජනාවක් ඉදිරිපත් වී තිබුණද, එය මේ අවස්ථාවේදී මොවුන්ගේ මූලික පරමාර්ථය නොවන බව පැහැදිලිය. ව්‍යවස්ථාවේ 9 වෙනි වගන්තියට යෝජනා කර ඇති වෙනස අවසන් මොහොතේ ඉවත් කරගැනීමෙන් මහා සංඝරත්නය නොමඟ යවා රටේ ඒකීය නැතිනම් ‘යුනිටරි’ භාවය රැකගැනීමට කරන සටන මොට කිරීමට ආණ්ඩුව උත්සාහ ගනු ඇති බව විචාරකයන්ගේ අදහස වේ. මේ ආකාරයටම යහපාලකයන්ගේ ෆෙඩරල් අභිමතාර්ථයට කිසිදු හානියක් නොකොට බහුතර ජනතාව නොමඟ හැරීම සඳහා අවසන් මොහොතේ ඉවත් කරගත හැකි තවත් යෝජනාවක් වන්නේ, ව්‍යවස්ථාවේ 7 වෙනි වගන්තියට ජාතික ගීයේ දෙමළ අනුවාදයද එක් කිරීමේ යෝජනාවයි.
මේ ආකාරයට කේවල් කිරීමක් ලෙස අවසන් මොහොතේ අතහැරිය හැකි යෝජනා ගණනාවක්ම මේ යෝජනාවලියට ඇතුළත් කර තිබේ. අපි මේ ගනුදෙනු කරන්නේ නීතිමය හා දේශපාලනමය උප්පරවැට්ටි සම්බන්ධයෙන් කෙල පැමිණි පිරිසක් සමඟ බව අමුතුවෙන් කිව යුතු නැත. මේ මොහොතේදී යහපාලකයන්ගේ ඉලක්කය වන්නේ බුදුදහමට හෝ, ජාතික ගීයට අදාල නීතිමය ප්‍රතිපාදන වෙනස් කිරීම නොව, ශ්‍රී ලංකා රජයේ ව්‍යුහය ඒකීය නැතිනම් ‘යුනිටරි’ පදනමේ සිට ෆෙඩරල් පදනම දක්වා වෙනස් කිරීම පමණක් බව අප මෙහිදි වටහාගත යුතුය.
මේ ආකාරයට කේවල් කිරීමක් ලෙස අවසන් මොහොතේ අතහැරිය හැකි යෝජනා ගණනාවක්ම මේ යෝජනාවලියට ඇතුළත් කර තිබේ. අපි මේ ගනුදෙනු කරන්නේ නීතිමය හා දේශපාලනමය උප්පරවැට්ටි සම්බන්ධයෙන් කෙල පැමිණි පිරිසක් සමඟ බව අමුතුවෙන් කිව යුතු නැත. මේ මොහොතේදී යහපාලකයන්ගේ ඉලක්කය වන්නේ බුදුදහමට හෝ, ජාතික ගීයට අදාල නීතිමය ප්‍රතිපාදන වෙනස් කිරීම නොව, ශ්‍රී ලංකා රජයේ ව්‍යුහය ඒකීය නැතිනම් ‘යුනිටරි’ පදනමේ සිට ෆෙඩරල් පදනම දක්වා වෙනස් කිරීම පමණක් බව අප මෙහිදි වටහාගත යුතුය.
එමනිසා, ජාතිවාදී පදනමක් මත පාලන ඒකක වෙන් කිරීමත්, ඒවාට පුළුල් බලතල පැවරීමත් මේ රටේ කිසිසේතම සිදු නොවිය යුතුය. මා මෙහිදී ආණ්ඩුවෙන් ඉල්ලා සිටින්නේ, මේ විනාශකාරී ව්‍යවස්ථා සංශෝධන යෝජනාවලිය අතහැර, ඔවුන් මුලදී ජනතාවට පොරොන්දු වූ ආකාරයට පමණක් ව්‍යවස්ථාව සංශෝධනය කිරීම සදහා යෝජනා ඉදිරිපත් කරන ලෙසය.
මහින්ද රාජපක්ෂ
ශ්‍රී ලංකාවේ හිටපු ජනාධිපති
බටහිර ඊනියා ස්වාභාවික විද්‍යාවන්හි දීට වඩා දේශපාලනයේ දී පුරෝකථන කිරීම අමාරුයි. එයට හේතු ලෙස (හේතුව යන්නත් හිතළුවක් වුවත්) කරුණු ඉදිරිපත් කිරීමට මේ අවස්ථාව නො වෙයි. එහෙත් මේ ආණ්ඩුව බලයට පත්කෙරුවේ බටහිරයන් හා ඉන්දියානුවන් බවත් ඔවුන් එහි දී බලාපොරොත්තු වූයේ සිංහල විරෝධී ව්‍යවස්ථාවක් සම්මත කර ගැනීමත් රණවිරුවන් දඩයම් කිරීම බවත් අප කිහිප වතාවක් ම සඳහන් කර ඇති. එය කියවූ එක් පඬියකු මා වැරදි බව කීමට හොඳ ප්‍රශ්නයක් අසා තිබුණා. පඬියා අසා තිබුණේ මේ ආණ්ඩුව පත් කිරීමට ඡන්දය දුන්නේ බටහිරයන් හා ඉන්දියානුවන් ද කියා! තවත් පඬියකු කියා තිබුණේ නව ව්‍යවස්ථාව නොදැක එය ප්‍රතික්‍ෂෙප කිරීමට නොහැකි බවයි. ව්‍යවස්ථාව තවමත් සම්පාදනය කර නැත්නම් කිරිඇල්ල නම් බුද්ධිමත් නීතිඥ ඇමතිවරයා ඉන් ඒකීය බවට හෝ බුදුදහමට හෝ තර්ජනයක් නොවන්නේ යැයි කියන්නේ කෙසේ දැයි ඒ ඇමතිගෙන් ප්‍රශ්න කරනවා නම් හොඳයි.
මේ ව්‍යවස්ථාව සම්පාදනය කරන්නේ බටහිර හා ඉන්දියානු අවශ්‍යතා මත. ඒ බව ගම්‍යවන ප්‍රවෘත්තියක් ඊයේ ජනමාධ්‍යයෙහි හා ඇතැම් වෙබ් අඩවිවල ප්‍රචාරය වුණා. ඒ ප්‍රවෘත්තිය ඇතැම් විට නිවැරදි නොවිය හැකියි. ඒ නිවැරදි වුවත් නැතත් ව්‍යවස්ථාවෙහි මූලික කෙටුම්පත බටහිරයන්ගේ හා ඉන්දියානුවන්ගේ බව අප කියා තරමක් කල්. එහෙත් ජනමාධ්‍යවේදීන්වත් දේශපාලනඥයන්වත් ඒ ගණන් ගත්තේ නැහැ. ඔවුන්ට අවශ්‍ය දත්ත. දත්ත නැත්නම් ඔවුන් දන්නේ සිද්ධියෙන් සිද්ධියට හේතු සෙවීමට. සිද්ධි කිහිපයක ඇති අන්තර්සම්බන්ධ ඇසුරෙන් ප්‍රවාදයක් ගොඩ නගා ගැනීමට ඔවුන්ට බැහැ. ජයම්පතිලා ලාල් විජේනායකලා ඉත්තන් පමණයි. විජේනායක ඊනියා මහජන මතය විමසුවේ අහවල් දේකට ද? ව්‍යවස්ථාව දැනටමත් කෙටුම්පත් කර ඉවරයි.
මා මෙහි සඳහන් කරන දේ වෙන්නත් පුළුවන්. නොවෙන්නත් පුළුවන්. එහෙත් සිද්ධි නිරීක්‍ෂණය කරන විට යම් රටාවක් මැවෙනවා. ඊනියා ව්‍යවස්ථා මණ්ඩලය මේ මස අග දී රැස් වී මෙහෙයුම් කමිටුවේ අතුරු වාර්තාව සලකා බැලීමට නියමිතයි. එය ඇස් බැන්දුමක් පමණයි. බැඳුම්කර කොමිසමේ කාලයත් ඉක්මනින් ම අවසන් වේවි. කොමිසමට අගමැති කැඳවාවි ද යන්න පැහැදිලි නැහැ. කැඳෙව්වත් වෙනසක් නැහැ. එහෙත් කොමිසම ඉක්මණින් ම වාර්තාවක් ජනාධිපතිට භාර දේවි. ෆයිසර් මුස්තාෆා හදිසියේ ම අරාබි දේශයේ මුස්තාෆා මෙන් වැඩ කාරයකු වෙලා. ඔහුගේ අර පළාත් මැතිවරණ පිළිබඳ ගැසට් නිවේදනය ඉක්මණින් නිකුත් කර පන්දුව මැතිවරණ කොමිසමට දේවි. මැතිවරණ කොමිසමේ සභාපති ජනවාරියේ හා මාර්තුවේ පළාත් පාලන හා පළාත් සභා මැතිවරණ පැවැත්වීමට අර අඳිනවා. ඔහු ස්වාධීන පුද්ගලයෙක්ලු. ඒ නිසා මේ දින ඔහුගේ ම වෙන්න ඕන. ඔහු ඒ තීරණවලට ආණ්ඩුවට ඇඟිලි ගැසීමට නොදෙන බවට අර කොල්ලන් කියන්නාක් මෙන් මෙන්න පහක්.
ආණ්ඩුව ව්‍යවස්ථාව ගැන තීරණයක් නොගෙන පළාත් ආයතන මැතිවරණ පැවැත්වීමට මැතිවරණ කොමසාරිස් ඉදිරිපත් වේවි ද? මැතිවරණ පැවැත්වුවොත් එ ජා පෙ පරදින බව නිසැකයි. මහින්ද අමරවීර හම්බන්තොට තමන්ට බේරා ගැනීමට මොන කතා කීවත් මළ ගිය ශ්‍රී ල නි පක්ෂයට, චන්ද්‍රිකා තම පුතා වෙනුවෙන් අත්තනගල්ලට ගියත්, දිනන්න බැහැ. තුන්වැනි ස්ථානයට තරගය ඇත්තේ මළගිය ශ්‍රී ල නි ප හා ජ වි පෙ අතර. එය ඇප බේරා ගැනීමේ සටනක්වත් නො වෙයි. දෙගොල්ලන්ට ම ඇප නැහැ. එවැනි පරාජිත මැතිවරණ වලිින් පසුව ආණ්ඩුව ව්‍යවස්ථාව ගෙන ආවොත් ව්‍යවස්ථාව පරදිනවා. මේ ආණ්ඩුවේ මූලික කාර්යයක් වනුයේ ව්‍යවස්ථාව සම්මත කර ගැනීම. එබැවින් ව්‍යවස්ථාව ළඟ දී ම පළාත් මැතිවරණවලට පෙර පාර්ලිමේන්තුවට ගෙන ඒමට ඉඩ තිබෙනවා. ජනමත විචාරණයක් ද බොහෝ විට පැවැත්වීමට සිදු වේවි.
ආණ්ඩුව කෙක්කෙන් හරි කොක්කෙන් හරි ව්‍යවස්ථාව සම්මත කර ගැනීමට උත්සාහ කරාවි. ජේ ආර් දහතුන සම්මත කර ගත් හැටි රනිල් බෑණා දන්නවා. රනිල් තම මාමාගෙන් ඉගෙන ගත් දේ තවත් වැඩි දියුණු කර ක්‍රියාත්මක කරාවි. සයිටම් ආණ්ඩුවට හොඳ නිමිත්තක්. සයිටම් ගැන ඇත්තේ විකල්ප දෙකයි. එය අහෝසි කරනවා ද නැද්ද? ආණ්ඩුව එය අහෝසි කරන්නේ නැහැ. පඬි ජනමාධ්‍යවේදීන් අපට කියන්නේ ඊනියා විසඳුමක් ඉක්මණින් දිය යුතු බවයි. එහෙත් සයිටම් විරෝධීන්ට වුවමනා එක විසඳුමයි. ඒ සයිටම් අහෝසි කිරීමයි. එය විසඳුමක් නොවෙයි. සයිටම් පිළිබඳ අධිකරණ තීන්දුවත් ළඟ දී ප්‍රකාශ කරාවි. ඒ සමග වෛද්‍යවරුන් වෛද්‍ය ශිෂ්‍යයන් ආදීන් කිනම් ක්‍රියා මාර්ග අනුගමනය කරාවි ද? ඇතැම් වෛද්‍යවරුන් නොදන්නවාට වෛද්‍ය සභාව බටහිර වෛද්‍යවරුන්ට පමණක් නොව දන්ත වෛද්‍යවරුන්ට, හෙදියන්ට, වින්නඹු මාතාවනට, ලියා පදිංචි වී වෛද්‍ය වෘත්තියෙහි යෙදෙන්නන්ට හා තවත් අයට ද බලපාන තීරණ ගන්නවා. වෛද්‍ය සංගමයේ එක් බටහිර වෛද්‍යවරයෙකු හෙද හෙදියන්ට අපහාස ගෙන දෙන අයුරින් කතා කළා. අද ව්‍යවස්ථාවට පක්ෂ ජ වි පෙරමුණත් සයිටම් විරෝධයේ පෙරමුණේ ඉන්නවා. ඔවුන් අඛණ්ඩ විරෝධතා ගැන කියවනවා. ජේ ආර් මාමාටත් තල්ලුව දුන්නේ ජ වි පෙ. ව්‍යවස්ථාවට පක්ෂ ජ වි පෙ රනිල්ට අවශ්‍ය තල්ලුව දෙනවා.
පසුගිය දා වෛද්‍ය පීඨවල සිසුන්ගේ දෙමව්පියන් හා සයිටම් සිසුන්ගේ දෙමව්පියන් ඒකාබද්ධ වුණා. ඔවුනුත් සත්‍යග්‍රහවලට ලක ලැහැස්ති වෙනවා. මෙහි අරුමය සයිටම් සිසුන්ගේ දෙමව්පියන්ගේ සංවිධානයේ සභාපති ගැමුණු විජේරත්න වීමයි. ඔහු ආණ්ඩු විරෝධීයකු බවට දැන ගන්නට නැහැ. ඔහු විරෝධය පාන්නේ ආණ්ඩුව නොදැන ද? මා තරමකට කලින් සයිටම් පසුපස එන සුනාමිය නමින් ලිපියක් ලිව්වා. සයිටම් උපයෝගී කරගෙන මර්දනයක් දියත් කරන්න ආණ්ඩුවට පුළුවන්. ඒකාබද්ධ විපක්ෂයේ පඬියන්ටත් මේ ගැන කිසිම අවබෝධයක් නැහැ. අද උපරිම වශයෙන් ක්‍රියා කළ යුත්තේ ව්‍යවස්ථාව ප්‍රතික්‍ෂෙප කිරීමට වුවත් ඒකාබද්ධ විපක්ෂය ද්විතීයිකවත් නොවන ප්‍රශ්න අරගෙන ඊනියා විරෝධතා පවත්වනවා. රක්‍ෂණ බන්ධනාගාරගත වෙනවා. ආණ්ඩුවට මර්දනයට නිමිති සපයනවා. ආණ්ඩුව මර්දනය අස්සේ ව්‍යවස්ථාව සම්මත කර ගන්න ඉඩ තියෙනවා.
ඉදිරි මාස කිහිපයේ රටේ අනාගතය විසඳේවි. බටහිරයන් හා ඉන්දියානුවන් රටේ අනාගතය විසඳනවා. අප බලාගෙන ඉන්නවා. අපේ සටන් පාඨත් එතරම් හොඳ නැහැ. අදත් මෙරට ඒකීය රාජ්‍යයක් නො වෙයි. අපේ සටන් පාඨය විය යුත්තේ ඒකීය රාජ්‍යයකට ආපසු යා යුතුය යන්නයි. බුදුසසුනට ප්‍රමුඛස්ථානය දීම යන්න නිර්වචනය වී නැහැ. අබෞද්ධයකු මෙරට ජනාධිපතිවීම ප්‍රශ්නයක් නො වෙයි. එහෙත් ඒ ජනාධිපති සිංහල බෞද්ධ සංස්කෘතිය මෙරට සුවිශේෂ සංස්කෘතිය බව පිළිගත යුතුයි. ලෝකයේ කෘත්‍රිම රටවල මිසක් අනෙක් රටවල සංස්කෘතීන් සමාන නැහැ. අද ලෝකයේ ම අධිපතිවාදී සංස්කෘතිය යුදෙව් ක්‍රිස්තියානි සංස්කෘතියේ ඇංග්ලිකන් ක්‍රිස්තියානි ප්‍රභේදය. අවාසනාවකට බොහෝ ජාතිකවාදීන් ද ඒ ආධිපත්‍යය පිළිගන්නවා.
ඒකාබද්ධ විපක්ෂය හිස ගිණි ගත්තකු මෙන් ක්‍රියා කරනු වෙනුවට ද්විතීයකවත් නොවන ප්‍රශ්න කරට ගන්නවා. සිංහල බෞද්ධ සංස්කෘතියට සුළුවෙන්වත් හානියක් වුවොත් එහි වගකීම මහින්ද රාජපක්ෂ දැරිය යුතුයි. කොටි සංවිධානය පරාජය කිරීමට දේශපාලන නායකත්වය දුන් මහින්ද ඉතිහාසයට එක්වන්නේ කවුරුන් හැටියට ද?
නලින් ද සිල්වා
2017 ඔක්තෝම්බර් 14
රට බෙදන ව්‍යවස්ථාව සම්මත කිරිමට ජනතාවගේ ඇස් බදින නානසාර සහ ඩිල්දාස යනුවෙන් අප ඥානසාර හිමියන් සම්බන්ධයෙන් අප පසුගිය වසරේ නොවැම්බර් මාසයෙදි කල අනාවරණය අද වනවිට ඥානසාර හිමියන්ම තවදුරටත් තහවුරු කර තිබේ.
පහුගිය දින කිහිපය තුල තමන් විසින්ම තමන් සඟ රජු ලෙස හදුන්වා දෙමින් බල්ලෙකු සේ සැගවි සිටි අකාරය සහ සැගවි සිටියේ කා ලගද යන්න අමුතුවෙන් රටේ ජනතාවට කියාදිය යුතු නැත.
දිගින් දිගටම අධිකරණය මගහරිමින් සිටි බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමි ඇපමත නිදහස් කිරීමට කොළඹ කොටුව මහේස්ත්‍රාත්වරයා අද (21) නියෝග
අධිකරණය ඉදිරියේ විභාගවෙමින් තිබෙන නඩු දෙකක් සඳහා විත්තිකාර ඥානසාර හිමි අධිකරණය ඉදිරියේ පෙනී නොසිටීම හේතුවෙන් දෙවරක් වරෙන්තු නිකුත් කළ අතර එසේ අධිකරණය මගහරිමින් සිටි පුද්ගලයෙකු ඇපමත නිදහස් කරන්නේ කෙසේද යන්න පිළිබඳව නීතිවේදීන් තුළ සැකයක් පවතී.
ඥානසාර හිමි සැඟවී සිටියදී ඔහුව ආරක්ෂා කරන බවට විවිධ පාර්ශ්වවලට චෝදනා එල්ල වූ අතර එහිදී ප්‍රබල ඇමතිවරුන් කිහිපදෙනෙකුට ඇඟිල්ල දිගුවිය. ඒ අනුව එවැනි අමාත්‍යවරයෙකුගේ බලපෑම මත ඥානසාර හිමිට ඇප ලැබුනු බව අමතුවෙන් කිවයුතු නැත.
ඒ සියල්ලම ඉන්ගම්මාරුවේ කතාවක් මෙන් රටේ ජනතාව බලාසිටියද නාටකයේ ඇත්ත කුමක්ද යන්න අප එදා අනාවරණය කල අකාරයටම සිද්ධ වු බව බුද්ධිමත් ජනතාව දනී.
සැගවි සිටින කාලය තුලද සග රජු උත්සහ ගත්තේ රටේ බත් කන හරක් රවටා ගැනිමට බවට වු වැඩක් මේ වනවිට සාක්ෂි සහිතව අනාවරණය වි තිබේ.
ඒ බොදු බලය හිරගෙට යන ”බ්‍රේකින් නිවුස්‌” සිහිනයෙන් මිදෙන්න සැඟවී සිටින ඥානසාර හිමියෝ දිවයිනට එවු ලිපිය නමින් සග රාජ එවු කෙප්ප ලිපිය හරහාය.
අදාල ලිපිය කාහල නාදයේ වසරක දෝංකාරය නමින් 2013 ජුනි 30 ඉරිදා ලංකාදීපයේ පලවු ලිපියක් වන් අතර එවකට රට වෙනුවෙන් එකතු වු දැවැන්ත බුද්ධිමතුන් බොදු බලය වෙනුවෙන් ලියු ලිපියක් වන අතර එම ලිපිය ලියු පුද්ගලයා පිළිබඳව අනාවරණය නොකරන්නේ නානසාරලා ඩිල් දමා ඒ වෙනුවෙන් රට ජාතික වික්කාට උගත් බුද්ධිමතුන් සම්බන්ධයෙන් අප තුල ඇති ගෞරවය නිසා බව 2.50ට විකිණෙන එවුන් දැනගෙන සිටිම නුවණට හුරුය.
මේ තමා ඒ ලිපිය….
2013 ජුනි සිට 2017 ජුනි දක්වා වූ වසර හතරක කාලය තුල සියල්ලන්ට සියල්ල අමතක වේ යැයි සිතන සඟ රජු! මේ අන්දන්න හදන්නේ රටේ අහිංසක සිංහල බෞද්ධයන් නොවේද?
මේ බොදු බල සේනාවේ නිර්ලජ්ජීභාවයද? බංකොලොත්භාවයද? නැතිනම් සිංහල බෞද්ධයාගේ ගොන්කමද?
රට බෙදන ව්‍යවස්ථාව සම්මත කිරිමට ජනතාවගේ ඇස් බදින නානසාර සහ ඩිල්දාස
November 23, 2016
ජාතිවාදය පතුරුවා ආණ්ඩු බලය බලහත්කාරයෙන් හෝ රදවා ගැනිම සදහා විපක්ෂය මර්දණය කිරිම සදහා මෙහෙයුමක් දියත් කර තිබේන බව අප ආරක්ෂක තොරතුරු වාර්තාකරු අනාවරණය කළා.කාලයක් නතර වි තිබු අන්තවාදි කණ්ඩායම් පසුගිය ජනාධිපතිවරණ සමයේ මෙන් යලිත් අවදි වි සිටින අතර ඔහුන් භාවිතා කර ගනිමින් බෙදුම්වාදී ආණ්ඩුක්‍රම ව්‍යවස්ථාව සම්මත කර ගැනිම සදහා විපක්ෂය මර්දණය කිරිමේ ඉතාමත් සියුම් වැඩපිළිවෙළක් ක්‍රියාත්මක බවයි ඔහු සදහන් කළේ.එම මෙහෙයුම හරහා බෙදුම්වාදී ආණ්ඩුක්‍රම ව්‍යවස්ථාව සම්මත කර ගැනිමට මෙන්ම එජාප නයකයාට අවශ්‍ය වන පරිදි ජනාධිපතිවරයාගේ බලතල කප්පාදු කිරිම හරහා රාජ්‍ය බලය අල්ලා ගැනිමටද මෙම මෙහෙයුමේ අරමුණ වි තිබේ.
අදාළ ජාතිවාදී කුමන්ත්‍රණය පසුපස සම්පුර්ණයෙන්ම එක්සත් ජාතික පක්ෂයේ නායකයා ඇතුලු තවත් බෙදුම්වාදී කල්ලි කණ්ඩායම් ක්‍රියාත්මක වෙමින් තිබේන අතර එහෙන් මෙහෙන් ඇහිද ගත් කණ්ඩායම් යොදවා මෙම කුමන්ත්‍රණය දියත් කිරිමට එජාප නායකත්වය කටයුතු කරමින් සිටින අතර එම ජාතිවාදී ව්‍යාපාරයේ බිල්ලා මැවිමේ මෙහෙයුම නිරන්තර මැවු පොන්න මංගල සහ ඔහුගේ සහචරයන් විසින් ඉටුකරමින් සිටින බවද මේ වනවිට අනාවරණය වි ඇති බවයි අප ආරක්ෂක තොරතුරු වාර්තාකරු අනාවරණය කළේ.
ජාතිවාදී කණ්ඩායම් රටේ කුලප්පුකර ඒ හරහා සිවිල් ජනයා අතර ගැටුම්කාරී තත්ත්වයක් ඇති කිරිමත් ඒ හරහා යහපාලනය උදාකිරිම වෙනුවෙන් කැපවි කටයුතු කල දැනට ආණ්ඩුව සම්බන්ධයෙන් දැඩි ලෙස කලකිරිමට ලක්ව මහින්ද රාජපක්ෂගේ නායකත්වය යටතේ ගොඩනැගෙමින් තිබේන සිංහල,දෙමළ මෙන්ම මුස්ලිම් ජනතාව යලිත් භෙද බින්න කිරිම බෙදුම්වාදී,ඊළාම්වාදි ආණ්ඩුක්‍රම ව්‍යවස්ථාව සම්මත් කර ගැනිම සදහා වන ජනමත විචාරණය ජයග්‍රහණය කිරිම එජාපයේ එකම අරමුණ වි තිබේ.
ඥානසාර ….වැරදුනා ඇත්තටම එකා නානසාර බව අමුතුවෙන් කියාදියයුතු නැත.පසුගිය ජනාධිපතිවරණයට අදාළව එක්සත් ජාතික පක්ෂයේ රනිල් පිළේ කිහිප දෙනෙකු ඩිලන්ත ඉත්තේකු කර ගනිමින් නෙදර්ලන්ත රාජ්‍ය නොවන මුදල් යටතේ රටම ගිනි තැබු BBS අවසානයට මහින්ද රාජපක්ෂ පරාජය කිරිමට කටයුතු කල අයුරු අමුතුවෙන් කියාදිය යුතු නැත.ආණ්ඩු පෙරලියෙන් පසුව යනඑන මං නැතිව සිටි නානසාර “සිංහලේ” වයාපාරය සමාජය තුලින් මතුවිමත් සමග එහි බලය අල්ලා ගැනිම සදහා විවිධ උපක්‍රම යෙදු අතර අවසානයේ එය තමන්ගේ බව හදුන්වාදෙමින් වත්මන් සිරිසේන ජනාධිපතිවරයාද හමුවිමට නානසාර සමත්විය.යලිත් එක් වරම රාජපක්ෂලා මත වරද පටවමින් පසුගිය දින කිහිපයේ ඇතිවු අන්තවාදින්ගේ ජාතිවාදි ඩීල් එක අවසාන වුයේ ඩිල්දාස හෙවත් වත්මන් බුද්ධ සාසන අමාත්‍ය විජයදාස රාජපක්ෂ හමුවිම්වෙන් අනතුරුවය. එම හමුවට නානසාර යන්නේම වතමන් ජනාධිපති මෛත්‍රීපාල සිරිසේනගේ ඉල්ලිමකට අනුවය.
බටහිරයන් වැඩ කරන්නේ සැලසුමකට අනුව. ඇතැමුන් බටහිර කුමන්ත්‍රණ කීවාට එහි ඇත්තේ සැලසුම්. අපට සැලසුම් නැති නිසා අප බටහිර සැලසුම් කුමන්ත්‍රණ ලෙස සලකනවා. මේ දිනවල මා ගැමුණු මහරජ 2 හා මුතුකුඩ නාට්‍ය නරඹනවා. ගැමුණු රජු සැලසුම්වලට වඩා ශක්තිය පදනම් කර ගත්තා. එළාරටත් විශේෂිත සැලසුමක් තිබුණේ නැහැ. එළාර ගැමුණු රජු දුටුගැමුණු ලෙසත් තිස්ස කුමරු සද්ධාතිස්ස ලෙසත් සිංහලයන් අතර ප්‍රචලිත කිරීමට නම් සමත් වී තිබෙනවා. එහෙත් විහාර මහා දේවිය හා දශ මහා යෝධයන් දැනගෙන හිටියා එළාර පරාජය කළ හැක්කේ ගැමුණු කුමරුට බව.
සිංහලයන් එදා එළාරට රැවටුණේ නැහැ. පසුව රැවටුණා. ගැමුණු රජු අදටත් හැඳින්වෙන්නේ දුටුගැමුණු ලෙස. ඒ සද්ධාතිස්ස බලවත් වීම හේතුකොටගෙන. නාට්‍යය කෙසේ විකාශය වේ ද කියා මා දන්නේ නැහැ. එහෙත් පසු කලෙක ගැමුණු රජුටත් විහාර මහා දේවියටත් සාලිය කුමාරයටත් වැදගත් කමක් නොලැබෙන ලෙස තිස්ස කුමරු කටයුතු කර තිබෙනවා. ගැමුණු රජුට මෙරට යක්‍ෂ ජනතාවගේ සහාය ලැබුණා. එහෙත් විදේශයකින් පැමිණි යක්‍ෂ ජනතාවක් එළාරටත් තිස්ස කුමරුන්ටත් සහාය දෙන්න ඇති. යක්‍ෂ ජනතාව එකම සජාතීය ජනතාවක් ලෙස සලකන්න බැහැ. නාගයනුත් එහෙමයි. ඇතැම් නාගයන් වත්මන් දකුණු ඉන්දියාවේ දී දෙමළ වූවා. එයින් කියන්නේ නැහැ සියලු නාගයන් දෙමළ කියා. නාගයන් ඇසෑමයේත් ඉන්නවා. දෙමළ වෙල්ලාල ජාතිවාදී නායකයන් නම් උත්සාහ කරන්නේ සියලු නාගයන් දෙමළ බව කීමට. ඇතැම් මූසිලයන් හිතන්නේ සියලු යක්‍ෂයන් එකම සමජාතීය ජනවර්ගයක් බව. මේ මූසිලයන්ට කිය යුතු කරුණක් නම් මට මහලු වයසේ හැකිය වෙණ ගායනා පෙර සේ බව.
මුතුකුඩ නාට්‍යයේ සිංහලයන්ට මුහුණ දීමට සිදු වූයේ ඉංගිරිසින්ට. ඉංගිරිසින්ට මනා සැලැස්මක් තිබුණා. ඩොයිලි (ඩාඔයිලි) ශූර රාජ්‍යතාන්ත්‍රිකයෙක්. ඔහුට මනා සැලසුමක් තිබුණා. ඒ සැලසුම ඉදිරියේ සිංහලයන් පරාජය වුණා. ශ්‍රී වික්‍රම රාජසිංහ රජු එළවීමට සිංහලයන් සුද්දන්ගේ ආධාරය පැතීමට එන තැනට ඩොයිලි කටයුතු කළා. නිළමෙලා අතර භේද ඇති කළා. මේ එකකු පැන්නීමට වෙනත් එකකු යොදා ගැනීමේ ප්‍රතිපත්තිය අවසන් වූණේ ඉංගිරිසින් සිංහල රාජ්‍යය යටත් කර ගැනීමෙන්. අද ඇතැමුන් යෝජනා කරනවා බටහිරට විරුද්ධව චීනුන් සමග එකතු වීමට. හොඳට තියෙයි. එදා ඇතැමුන් හිතුවේ ඒ සිංහල ජාතියේ අවසානය කියා. එහෙත් අප අවසන් වුණේ නැහැ. සිංහල බෞද්ධ සංස්කෘතිය (සිංහල බුද්ධාගම) මෙරට ප්‍රධාන සංස්කෘතිය බව 1892 දීත් ඉංගිරිසි ආණ්ඩුව පිළිගත්තා. ආරක්‍ෂාව සඳහා අබෞද්ධ සිද්ධස්ථාන ඇති කිරීමේ දී ආණ්ඩුකාරයාගෙන් විශේ’ෂ බලපත්‍රයක් ලබා ගැනීමට සිදු වූවා. රනිල්ට අනුව නම් ඒ නීතිය පැනවූ හැව්ලොක් ආණ්ඩුකාරයා ජාතිවාදියෙක්. ආගම්වාදියෙක්. සිංහල බෞද්ධ ජාතිවාදියෙක්. අද ඉන්නා විවිධ පඬියන්ට අනුවත් හැව්ලොක් ආණ්ඩුකාරයා සංහිඳියාවට අකුල් හෙලූ සිංහල බෞද්ධ ජාතිවාදයෙක්. ඔහු අත්අඩංගුවට ගැනීමට රනිල්ගේ නීති එදා තිබුණේ නැහැ. මෙරට අදත් හැව්ලොක් ක්‍රීඩා සමාජයක් නම් තියෙනවා.
එහෙත් සිංහලකමත් බෞද්ධකමත් වෙන් කිරීමට ඕල්කට්තුමා කටයුතු කළා. එතුමා සිංහලකම නැති ජාත්‍යන්තර බෞද්ධයන් හෙවත් ඕල්කට් බෞද්ධයන් ඇති කළා. පසුව බෞද්ධකම නැති සිංහලයනුත් ඇති වුණා. අනගාරික ධර්මපාලතුමාටත් එය වෙනස් කරන්න බැරි වුණා. ඉංගිරිසින් 1892 නීතිය (ආඥා පනත) පැනෙව්වේ සිංහල බෞද්ධයන්ට වූ කරුණාවක් නිසා නො වෙයි. ඒ ඔවුන්ගේ සැලසුම්. ඔවුන් 1831 දී සිංහල බෞද්ධයට එරෙහිව මෙරට දෙමළ ජාතිවාදී දේශපාලනය බෞතීස්ම කළා. එහෙත් අවස්ථාව එනතුරු සිංහල බුද්ධාමට තැන දුන්නා. මෙරට ඕල්කට් බෞද්ධයන්ට තැන ලබා දීමෙන් පසු ඉංගිරිසින් 1892 නීතියට ගරු කෙළේ නැහැ. මේ සියල්ලට මුල ඕල්කට්තුමා යැයි මෙයින් කියැවෙන්නේ නැති බව මූසිලයන්ට කිව යුතුයි. 1915 වන විට සිංහල බෞද්ධයනට පෙරහැර පැවැත්වීමට බාධා ඇති කිරීමට මුස්ලිමුන් සමත් වුණා. එහෙත් 1892 නීතිය තවමත් වලංගුයි. රනිල් යටතේත් වලංගුයි. මෛත්‍රිපාල ඒ බව දන්නවා ද? ඒකාබද්ධ විපක්ෂය දන්නවා ද? සියල්ල දත් ජනමාධ්‍යවේදී වීරයන් දන්නවා ද?
බටහිරයන් මේ ආණ්ඩුව බලයට පත් කෙළේ ම සිංහල බෞද්ධ සංස්කෘතියට මෙරට හිමි විශේෂිත තත්වය නැති කර රට දෙකඩ කරන ව්‍යවස්ථාවක් සම්පාදනය කිරීමට. එයත් බටහිරයන්ගේ සැලැස්මක්. අද (ජූනි 16) නිව්ස්වීක් සඟරාවේ වැදගත් ලිපියක් තිබෙනවා. එහි කියැවෙන්නේ මුහුණු පොත මැතිවරණවල දී යොදා ගැනීම සම්බන්ධ ව. මුහුණු පොතේ අපේ දත්ත තිබෙනවා. අප යමකට කැමැත්ත (ලයික්) පළ කරන විට යමක් බෙදා හදා ගන්නා (ෂෙයා) විට, අපේ ලිපි හා ප්‍රතිචාර මගින් අප පිළිබඳ දත්ත රාශියක් සකර්බර්ග් ළඟ තිබෙනවා. අපේ රුචි අරුචිකම් අපේ දෙමව්පියන්ට, කලත්‍රයාට වඩා හොඳින් ඔහු දන්නවා. අපේ ගෙවල් දොරවල් තියෙන තැන් ගූගල් දන්නවා. මුහුණු පොත කුඩා කණ්ඩායම්වලට කතා කරන ආකාරය වෙළෙඳ හා දේශපාලන දැන්වීම් පළ කරන ආකාරය දැන් අවුරුදු කිහිපයක සිට සැලසුම් කරනවා. අප ජීවත් වන්නේ දත්ත ලෝකයක. ප්‍රවාදවල වටිනාකම ක්‍රමයෙන් අඩුවෙමින් පවතිනවා. අප අලුත් ලෝකයකට පා නගමින් ඉන්නවා. මෙය පටන් අරන් දැන් අවුරුදු අසූවක් පමණ වෙනවා. එහෙත් එය දැනෙන්නේ දැනුයි. මේ ඊනියා පශ්චාත්නූතනත්වය නො වෙයි. බටහිරයන් ප්‍රවාද ලෝකයෙන් දත්ත ලෝකයට මාරු වෙමින් සිටිනවා. අප ඒ බවක් නොදැන බලා ගෙන සිටිනවා. පඬි ප්‍රවාද කතා කියනවා.
2015 ජනාධිපතිවරණයේ දී මුහුණු පොත් තරුණයන් මහින්දට විරුද්ධව (මෛත්‍රිපාලට පක්‍ෂව නොව) ඡන්දය දුන් බව අප කියනවා. එහෙත් එය මුහුණු පොත යොදා ගෙන පිරිසක් මහින්දට විරුද්ධ කිරීමක්. තරුණයන්ගේ හා අනෙක් අයගේ රුචි අරුචිකම් දැනගත් පසු ඔවුන් මෙහෙයවන එක අමාරු දෙයක් නො වෙයි. මෛත්‍රිපාල නොව රනිල් ඒ සැලැස්ම දැනගෙන ඉන්න ඇති. අපට දැන් නිදහසක් ඇත්තේ ම නැති තරම්. මුහුණු පොත, ගූගල්, ඇමසොන් ආදී ආයතන අප පාලනය කරනවා. එහි අපේ දත්ත තිබෙනවා. විශේෂයෙන් ම ස්මාර්ට් ෆෝන් ගැන තිබෙන ආකල්ප නැති කර ගත්තේ නැත්නම් අප පාලනය කෙරෙන යාන්ත්‍රික මිනිසුන් බවට පත් වෙනවා. කතාවක් තියෙනවා ස්මාර්ට් ෆෝන් ඩසන්ට් මේක් යූ ස්මාර්ට් කියා. ස්මාර්ට් ෆෝන්වලින් අප ස්මාට් කිරීම පැත්තකින් තබා මැට්ටන් කරනවා. මේ පිළිබඳත් ලිපියක් මෙවර නිව්ස්වීක් සඟරාවේ තිබෙනවා.
රනිල් තම සැලැස්මේ ඉදිරියට ම යනවා. ඔහු නව ව්‍යවස්ථාව සම්පාදනය කර සිංහල බෞද්ධ සංස්කෘතියට හිමි විශේෂත්වය නැති කරාවි. බුද්ධාගමට ඇති ප්‍රමුඛස්ථානය, ඒකීය බව ආදිය වචන හරඹයකින් නැති කිරීම බටහිරයන්ගේ සැලැස්ම. රනිල් ඒ සැලැස්ම ක්‍රියාත්මක කරනවා. ජාතිවාදී ආගම්වාදී කතාවලට විරුද්ධව නීති පැනවීමට ඔහු සූදානම් වන්නේ ඔහුගේ ව්‍යවස්ථාවට විරුද්ධ ව කතා කිරීම උද්ඝෝෂණය කිරීම ආදිය නීතිය යොදා නැති කිරීමට. මේ නීතිය ක්‍රියාත්මක වනු ඇත්තේ ප්‍රධාන වශයෙන් ම සිංහල බෞද්ධයනට විරුද්ධව. රනිල් සිංහල බෞද්ධ සංස්කෘතියේ නො වෙයි. ඔහු නාය යෑමට කියන්නේ නියාය (න්‍යාය) යෑම. රනිල් දන්නව ඇති න්‍යාය නාය යන බව.
හකීම් මුස්ලිම් කඩයක් ගිනි තැබීමක් ගැන කීම රනිල්ගේ සංහිඳියාවට හොඳ වෙන්න ඇති. හකීම් කියන්නේ ඔහුට කවුදෝ ඒ බව කී බවයි. ඇමතිවරයකු කවුරුන්වත් කී නිසා එවැනි ප්‍රසිද්ධ ප්‍රකාශ කර රට ගිනි තියනවා ද? හකීම් රට ගිනි තියද්දි ඔහු අත්අඩංගුවට ගැනීමට ඊනියා සිවිල් (සිවල්) සාමාජිකයන් මාධ්‍ය සාකච්ඡා පවත්වන්නේ නැත්තේ ඇයි? අප අමතක නොකළ යුතු කරුණ නම් රණවිරුවන්ට විරුද්ධව ඇති ඊනියා සාක්‍ෂිත් එවැනි කවුදෝ කී කතා බවයි. මේ ඉංගිරිසින්ගේ සැලැස්ම. සිංහල බෞද්ධයනට විරුද්ධව ඇත්තේ ඇසින් දුටු සාක්ෂි නො වෙයි. මේ චැනල් ෆෝ මැක්රෙලාගේ හකීම් ගණයේ සාක්ෂි. රනිල්ගේ ජාතිවාදී ආගම්වාදී නීති සම්මත වුවහෙත් ඒවා යොදා ගනු ඇත්තේ සිංහල බෞද්ධයනට විරුද්ධව. ඔහුගේ ව්‍යවස්ථාවට විරුද්ධව වචනයක් වුවත් කියනු ඇත්තේ සිංහල බෞද්ධයන්.
ශ්‍රී වික්‍රම රාජසිංහ රජු පළවා හැරීමට ඇතැම් නිළමෙලා ඉංගිරිසින්ට එකතු වූවා. තිස්ස විදේශිකයන්, විජාතිකයන් සමග එක් වී අවසානයේ ගැමුණු රජු මෙන් ම විහාර මහා දේවිය ද බලහීන කළා. මහින්ද එළවීමට බටහිරයන් මෛත්‍රිපාල යොදා ගත්තා. එනම් ඒ සඳහා මෛත්‍රිපාල බටහිරයන් හා ඉන්දියානුන් සමග එකතු වූවා. ශ්‍රී වික්‍රම රජුගේ හා මහින්දගේ වැරදි තිබෙන්න ඇති. එහෙත් ඔවුන් එළවීමට තීරණය කළත් එළ වූ ආකාරය වැරදියි. මෛත්‍රිපාල මේ වැරැද්ද නිවැරදි කරනවා ද? ඒ කළ හැක්කේ රනිල් අගමැති කමෙන් ඉවත් කිරීමෙන්. ආරම්භයක් හැටියට රවිට ශ්‍රී ලන්කන් ආදී ආයතන නො දීමෙන්. ලොතරැයි නොදී හිටියා නම් කොපමණ හොඳ ද? ඒකාබද්ධ විපක්ෂය රනිල් ඉවත් කිරීමට සියලු පෞද්ගලික කෝන්තර අමතක කර මෛත්‍රිපාලට සහාය දිය යුතුයි. මෛත්‍රිපාලත් එලෙස ම රාජපක්ෂලා සමග එකතු විය යුතුයි.
නලින් ද සිල්වා
2017 ජූනි 16
https://www.facebook.com/notes/lankanewsweb/%E0%B6%B8%E0%B7%80%E0%B7%94%E0%B6%B6%E0%B7%92%E0%B6%B8%E0%B7%9A-%E0%B6%BA%E0%B7%94%E0%B6%B0-%E0%B7%80%E0%B7%92%E0%B6%BB%E0%B7%94%E0%B7%80%E0%B6%B1%E0%B7%8A-%E0%B6%B4%E0%B7%8F%E0%B7%80%E0%B7%8F%E0%B6%AF%E0%B7%92-%E0%B7%80%E0%B7%83%E0%B6%BB%E0%B6%9A%E0%B7%8A%E0%B6%BA%E0%B7%84%E0%B6%B4%E0%B7%8F%E0%B6%BD%E0%B6%B1%E0%B6%BA-%E0%B6%9A%E0%B7%9C%E0%B7%83%E0%B7%8A%E0%B6%9C%E0%B6%B8-%E0%B6%9C%E0%B6%B6%E0%B6%A9%E0%B7%8F%E0%B7%80-%E0%B6%B4%E0%B7%94%E0%B6%B4%E0%B7%94%E0%B6%BB%E0%B7%94%E0%B7%80%E0%B7%8F-%E0%B7%84%E0%B6%BB%E0%B7%92%E0%B6%BA%E0%B6%A7%E0%B6%B8-%E0%B7%80%E0%B7%83%E0%B6%BB%E0%B6%9A%E0%B7%8A/1503406266377789/
ජාතික ආණ්ඩුව බිඳින්නට සාකච්ඡා කරන ශ්‍රීලනිප මෛත්‍රී පිළේ ඇමතිවරුන්ට ජනාධිපතිවරයා රතු නිවේදන නිකුත් කර තිබේන බව අප දේශපාලන වාර්තාකරු අනාවරණය කළා.ඒ අනුව යම් අයෙකු ජාතික ආණ්ඩුව කඩා වෙනත් ආණ්ඩුවක් සැදිමට සාකච්ඡා කිරිමට උත්සහ කලහොත් ඔහුගේ ඇමති කම වෙනත් අයෙකු ලබාදිමට ජනපති ශ්‍රීලනිප මධ්‍යම කාරක සභාවට යෝජනා කර තිබේන බවයි අනාවරණය වි ඇත්තේ.
ආණ්ඩුක්‍රම නව ව්‍යවස්ථාව ශ්‍රී ලනිප ස්ථාවරයට පටහැනිව සකස් කෙරෙන්නේ නම් ඊට සහාය නොදී ඒකාබද්ධ විපක්ෂය සමඟ එම ව්‍යවස්ථාවට විරුද්ධව පෙළ ගැසීමට එම පක්ෂයේ මැති ඇමැතිවරුන් පිරිසක් රහසේ සාකච්ඡා කරමින් සිටින බවට අනාවරණය විමත් සමග ජනපති මෙම නියෝගය ලබාදි තිබේ.
ශ්‍රී ලංකා නිදහස් පක්ෂ අමාත්‍යවරුන් පිරිසක් පසුගිය සතියේ පාර්ලිමේන්තුවේ ලොබියේදී මුණගැසී අවුරුදු 5ක් රජයේ නොසිටිය යුතු බවටද සාකච්ඡා කොට ඇති අතර එක් පක්ෂයක් ආණ්ඩුව කළ යුතු බවද ඔවුන්ගේ අදහස වී තිබේ.
අවුරුදු 5ක් යනතුරු ආණ්ඩුවේ රැඳී සිටිය හොත් ඊළඟ මැතිවරණයේදී ජනතාවගෙන් ප්රතික්ෂේප වී යනු බවත් ඒ නිසා මේ වසරේ අය-වැය වනවිට වෙනසක් සිදුවිය යුතු බවද ඔවුහු සාකච්ඡා කර තිබේ.
මේ අතර තවත් වසර 4ක් සදහා ජාතික ආණ්ඩුව පවත්වාගෙන යෑම සදහා එකඟතා ගිවිසුමකට අත්සන් තැබිමට අග්‍රාමාත්‍ය රනිල් වික්‍රමසිංහ සහ ජනපති සිරිසේන එකගතාව පලකර ඇති අතර ඒ සදහා වු ගිවිසුම් මේ වනවිට සකස් කරමින් සිටින බවද වාර්තා වේ.
රනිල් ඉවත් කරමු ව්‍යවස්ථාව පරාද කරමු යන තේමාවෙන් ඊයේ (7 වැනි දා) සම්මන්ත්‍රණයක් පැවැත්වුණා. එය සංවිධානය කර තිබුණේ දේශප්‍රේමි භික්‍ෂු පෙරමුණ, රුහැණු රට භික්‍ෂු පෙරමුණ හා චින්තන පර්ෂදය මගින්. පූජ්‍ය බෙංගමුවේ නාලක හිමිපාණන් වහන්සේ එහි මුලසුන හෙබවූ අතර පූජ්‍ය ඕමාරේ කස්සප අනුනායක හිමිපාණන් වහන්සේත් සරත් වීරසේකර මහතාත් මාත් දේශන පැවැත්වූවා. සම්මන්ත්‍රණයට හැත්තෑපස් දෙනකු පමණ සහභාගි වුණා. ජනමාධ්‍යවලින් හිරු හා සිරස විද්‍යුත් මාධ්‍යයත් ලංකාදීප පුවත්පතත් පමණක් වාර්තා කිරීම සඳහා පැමිණ සිටියා. මා කතාවක් පැවැත්තුවේ නැත්නම් වෙනත් ජනමාධ්‍යයත් එන්න තිබුණා.
අප සංවිධාන තුන මේ පළමු වරට යම් කිසි කාර්යයක් කළා නො වෙයි. අප අනූවේ දශකයේ මුල සිට එකට කටයුතු කර තිබෙනවා. බොහෝ දෙනා නොදන්නවාට චන්ද්‍රිකාගේ පැකේජයට විරුද්ධව 1996 දී පමණ කළුතර සිට කතරගමට පා ගමනක් සංවිධානය කරනු ලැබුවේ අප සංවිධාන තුන විසිනුයි. ඉන් පසු කැලණියේ සිට කතරගමට රිය පෙරහැරක් හා එයට සමගාමීව කිරින්දට බෝට්ටු ගමනක් ද සංවිධානය කළා. අප විසින් දිවයිනේ විවිධ පළාත්වල පවත්වන ලද සම්මන්ත්‍රණ සංඛ්‍යාව විශාලයි. 1998 දී අප ඊනියා නිදහසට පනස් වසරක් පිරෙද්දී වේල්ස් කුමරු නමින් හැඳින්වෙන චාල්ස් වින්ඩ්සර්ගේ ප්‍රධානත්වයෙන් චන්ද්‍රිකා නිදහස සමරද්දී අප වෙල්ලස්සට ගොස් වෙල්ලස්සේ කුමරු සැමරුවා. ඒ සඳහා සුමේධ වීරවර්ධනගෙන් අනගි සහායක් ලැබුණා. අපේ සියළු කටයුතුවල දී විශේෂඥ වෛද්‍ය කමලදාස මහතා අපට ආධාර කළා. අපට වෙල්ලස්සේ කුමරු වෙනුවෙන් ස්මාරකයක් තැනීමට අවශ්‍යතාවක් තිබූ නමුත් ආර්ථික හේතු මත එය කරගැනීමට නොහැකි වූවා.
මා කර ඇති දේ ගැන කීම වැඩකට ඇති දෙයක් නො වෙයි. ඒ කිසිවක් වැඩකට ඇති දේ නොවන බව පැහැදිලියි. සරත් වීරසේකර මහතාට සවන් දීමට ඊයේ පැවති රැස්වීමට ඕස්ත්‍රේලියාවේ සිඩ්නි නුවරින් ද පැමිණ සිටියා. නාලක හාමුදුරුවන්ට සවන් දීමට රත්නපුරෙන් පැමිණ සිටියා. මට සවන් දීමට දහදෙනකු පමණ පැමිණ සිටියා. මගේ කතාවට බොහෝ දෙනා කැමැත්තක් දැක්වූයේ නැහැ. ඒ බව ඔවුන් දැක් වූ ප්‍රතිචාරවලින් පෙනී ගියා. කතාව අවසානයේ දී ඇල්මැරුණු අත්පොළසන් හඬක් ඇසුනා. මා සරත් වීරසේකර මහතා ගැන කී දේට පමණක් උණුසුම් ප්‍රතිචාරයක් ලැබුණා.
ඊයේ පැමිණ සිටි පිරිසෙන් අති විශාල පිරිස ඒකාබද්ධ විපක්‍ෂයට හිතවත් අය. මා කිසිම දේශපාලන පක්‍ෂයකට අයත් නැහැ. 1980 නව සමසමාජ පක්‍ෂයෙන් අස් වූ පසු මට දේශපාලන පක්ෂයක් නැහැ. අද පවතින තත්වයට මෛත්‍රිපාල මෙන් ම ඒකාබද්ධ විපක්ෂය ද මහින්ද ද වග කිව යුතු බව මගේ අදහසයි. ඒ බව මා රැස්වීමේ දී කිව්වා. එයට ඔවුන් කැමති වූයේ නැහැ. වෙනදා රැස්වීමකින් පසු කිහිප දෙනකු මට කතා කර යන නමුත් ඊයේ එය සිදු වූයේ නැහැ.
රැස්වීමට මුහුණු පොතේ අයගෙන් දහදෙනකුට වඩා සහභාගි වූයේ නැහැ. මුහුණු පොතේ අයගෙන් වැඩි දෙනකු කාලය කැප කර ප්‍රායෝගික ව යමක් කරන්න කැමති නැහැ. ඔවුන්ගේ ප්‍රතිචාරවලින් පෙනෙන්නේ බොහෝ දෙනාට ලිපි අවබෝධ නොවන බවයි. සිංහල බෞද්ධයනට දිනා ගැනීමට ඇති දේ ලිපිය කිසිවකුටවත් අවබෝධ නොවූ තරම්. අප බුදුන් වහන්සේ සරණ යන්නේ ඇයි කියන ප්‍රශ්නයට පැහැදිලි පිළිතුරක් එහි තිබූ නමුත් එය තේරුම් ගත් අයකු නැහැ. අද (ජූනි අටවැනි දා) බෝධි හිමියන් දි අයිලන්ඩ් පුවත්පතට ලියා ඇති ලිපියකත් මේ සරණ යෑම ගැන සඳහන් කරනවා. එහෙත් එහි ද අප සරණ යන්නේ කුමක් සඳහා ද යන ප්‍රශ්නයට පැහැදිලි පිළිතුරක් නැහැ. මා මගේ ලිපියෙහි බුදුන් වහන්සේ හා ඇතැම් ශාස්තෘන්වරුන් හා සමාජවාදී දේශපාලකයන් අතර ඇති වෙනස ගැන කිව්වා. බුදුන් වහන්සේ ඊනියා පීඩිතයන්ට ඊනියා විමුක්තියක් උදා කිරීමට කටයුතු කර නැහැ.
රැස්වීමට පැමිණි එක් පඬි පෝතකයකු මගේ ලිපිවල මූලාශ්‍ර නැති කම ගැන කීව්වා. මට ඒ භාවිතය හුරු නැහැ. මට මුලාශ්‍ර මගින් මා කියන දේ ඔප්පු කිරීමට අවශ්‍ය නැහැ. මට අවශ්‍ය සංගත කතා කීමයි. ඒ කතා නොපිළිගන්නේ නම් මට එයට කරන්න දෙයක් නැහැ. මා කිසිවකුට කතා පිළිගැනීමට කියා කියන්නේ නැහැ. තවත් අයකු කිව්වේ මගේ ලිපි දිග වැඩි බවයි. මේ ලිපියක් විනාඩි තුනකින් පමණ කියවන්න පුළුවන්. මුහුණු පොතේ අයට අවශ්‍ය තත්පර තිහකින් කියවන්න පුළුවන් කෙටි සටහන්. මට එවැනි සටහන් ලිවීමට තරම් දක්‍ෂ කමක් නැහැ.
මගෙන් ඉගෙන ගත් ශිෂ්‍ය සංඛ්‍යාව දහස් ගණනක්. ඉන් ජාතික මතවාදයක ඇති සංඛ්‍යාව දෙතුන් සියයක්. එහෙත් ඒ එක් අයකුවත් මගෙන් කිසිවක් ඉගෙන ගත් බව ප්‍රසිද්ධියේ කියන්නේ නැහැ. විද්‍යාවේ දර්ශනය උගත් එක් ශිෂ්‍යයකු චීන අවශ්‍යතාවට විකාර තර්ක ඉදිරිපත් කරමින් යක්‍ෂ ජනතාව ඉතිහාසයෙන් අතුගා දැමීමට කටයුතු කරන ශිෂ්‍යයකු හඳුන්වා දී තිබුණේ කූන් ෆෙයරාබන්ඩ් වැනි දාර්ශනිකයන්ගේ මට්ටමේ අයකු ලෙසයි. මගෙන් ඉගෙන ගත් සියලු දෙනා ම පාහේ ඒ මට්ටමේ අය. මා නම් විද්‍යාවේ දර්ශනය හදාරා නැහැ. මා ඒ ගැන දන්නා දෙයක් නැහැ. දෙවියන් වැනි අදෘශ්‍යමාන ප්‍රාණීන් ගැන කරුණු ඉදිරිපත් කරන, ඒ වෙනුවෙන් පෙනී සිටින තවත් අයකුත් යක්‍ෂයන් අමතක කරනවා. මේ කිසිවකු මා කළ කිසි දෙයක් ගැන කියන්නේ නැහැ. ඒ මා කිසිවක් කර නැති නිසා වෙන්න පුළුවන්. ඒ අතර සමහරු නාථයාට යවන ලිපි බව කියමින් නාථ දෙවියන්ට අවමන් කරමින් මට විද්‍යුත් ලිපි එවනවා. මගේ ශිෂ්‍යයන් ගැන මා ආඩම්බර වෙනවා. ඔවුන් සියලු දෙනා ම මට වඩා දක්‍ෂ මට වඩා ඉදිරියෙන් සිටින ජාතිකවාදී සමාජවාදීන්. ඔවුන්ට අනුව මා නිදහස් අධ්‍යාපනයෙන් ඉගෙන නිදහස් අධ්‍යාපනයට විරුද්ධව සයිටම් වෙනුවෙන් වැඩ කරන මිථ්‍යාදෘශ්ටිකයෙක්.
මගේ ශිෂ්‍යයන් එක් අයකු දෙදෙනකු හැරෙන්න අනෙක් අය මගේ නමින් මුහුණු පොතේ පළවන ලිපිවලට කැමති (ලයික්) නැහැ. ඔවුන් කැමති බව ලකුණු නොකරන අතර ඒ ලිපි බෙදා හදා ගන්නේ (ෂෙයා) නැහැ. එසේ කිරීමෙන් ඔවුන්ගේ ගෞරවයට හානියක් වන්නේ යැයි ඔවුන් සිතනවා ඇති. මා දිගට ම තව ටික කලක් ලියනවා. ඒ කාටවත් උගන්වන්න නොවෙයි. මට ඉගෙන ගන්නයි. මට ඉගෙනීමට තවත් බොහෝ දේ තියෙනව. තවමත් පිළිතුරු නැති ප්‍රශ්න එමටයි. එහෙත් ඒ ඉගෙනීමෙන් මා තව තවත් නිවනෙන් ඈත් වෙන බව මට වැටහෙනවා.
මගේ ලෝකය ගැන මෑතක දී පැවැත් වූ සම්මන්ත්‍රණයට පැමිණි අයගෙන් හයෙන් එකක්වත් ඊයේ පැමිණියේ නැහැ. ඔවුන් මගේ ලෝකය සම්මන්ත්‍රණයට පැමිණියේ මහින්ද රාජපක්ෂ එහි පැමිණි නිසයි. රාජපක්ෂලා විවේචනය කරනවාට බොහෝ අය කැමති නැහැ. මින් මතු අප රැස්වීමක් පැවැත්වුවහොත් එයට ඊයේ පැමිණි සංඛ්‍යාවෙන් හයෙන් එකක්වත් එන එකක් නැහැ. ඔවුන් දැන් කියනවා ඇත්තේ කළ යුත්තේ රනිල් අගමැතිකමින් ඉවත් කිරීම නොව ජාතික ව්‍යාපාරයෙන් මා ඉවත් කිරීම බවයි.
නලින් ද සිල්වා
2017 ජූනි 08
අපේ මුලු අනාගතයම ජී.එස්.පී ප්ලස් මත ගොඩනැගිය හැකි බවට හැඟීමක් ආණ්ඩුව ජනතාව අතර වපුරමින් සිටි. නමුත්, ජී.එස්.පී ප්ලස් බදු සහන ක්‍රමයෙන් ලැබෙන්නේ තාවකාලික ආර්ථික ප්‍රතිලාභයක් පමණක් බව ලංකාවට ජී.එස්.පී ප්ලස් බදු සහනය නැවත ලබාදීම සම්බන්ධයෙන් හිටපු ජනාධිපති මහින්ද රාජපක්ෂ මහතා නිවේදනයක් නිකුත් කරමින් පැහැදිලි කිරිමක් කර තිබේ.
2017 ජුනි 11
මාධ්‍ය නිවේදනය
ලංකාවට ජී.එස්.පී ප්ලස් බදු සහනය නැවත ලබාදීම
යුරෝපා සංගමය 2017 මැයි 19 වන දා සිට, ජී.එස්.පී ප්ලස් බදු සහනය නැවත ලංකාවට ලබා දී ඇත. යුරෝපා සංගමය විසින් ජී.එස්.පී බදු සහන ක්‍රම තුනක් පවත්වාගෙන යනු ලබයි. ඒක පුද්ගල ආදායම ඇමරිකානු ඩොලර් 1,025 අඩු, දුප්පත්ම රටවලට ලබා දෙන ජී.එස්.පී සහනය යටතේ එම රටවලට සම්පූර්ණයෙන්ම බදු රහිතව යුරෝපා සංගමය තුළට භාන්ඩ අපනයනය කල හැකිය. ඒකපුද්ගල ආදායම ඩොලර් 1,025ත් 4,035ත් අතර පහල–මධ්‍යම ආදායම් ලාභී රටවලට ‘සාමාන්‍ය ජී.එස්.පී’ ක්‍රමය යටතේ සහනදායි බද්දක් ගෙවා යුරෝපා සංගමයට භාණ්ඩ අපනයනය කල හැකිය. මෙම ජී.එස්.පී සහන ක්‍රම දෙක නිසා බොහෝ රටවලට අපනයන කර්මාන්ත ගොඩනගා ගැනීමට හැකි වී තිබෙන බව අපි පිළිගත යුතුය. යුරෝපා සංගමයේ තුන්වන සහන ක්‍රමය වන ජී.එස්.පී ප්ලස් ක්‍රමය යටතේ, පහල–මධ්‍යම ආදායම් ලාභී රටවලටද දුප්පත්ම රටවල් මෙන් කිසිඳු බද්දක් නොගෙවා යුරෝපා සංගමයට භාණ්ඩ අපනයනය කිරීමේ වරප්‍රසාදය ලැබේ. නමුත් මේ සඳහා බරපතල වන්දියක් ගෙවිය යුතුය. ජී.එස්.පී ප්ලස් බදු සහනය ලැබීමට නම් අදාල රට ජාත්‍යන්තර සම්මුතීන් 27 ක් සම්මත කර ඒවා පිළිපැදීම සම්බන්ධයෙන් යුරෝපා සංගමයේ දේශපාලන අධීක්‍ෂණයට යටත් විය යුතුය. එම නිසා ලංකාවද ඇතුළුව ජි.එස්.පී ප්ලස් බදු සහනය ලබාගෙන ඇත්තේ රටවල් 9ක් පමණි.
ජී.එස්.පී ප්ලස් ලබාගැනීම සඳහා යටත් වෙන කොන්දේසි තුළින්, අදාල රටේ දේශපාලනමය, නීතිමය හා ආයතනික රාමුවට සිදුවන හානිය අතිශයින්ම බරපතල විය හැක. 2010 දී ජී.එස්.පී ප්ලස් තවදුරටත් බුක්ති විඳීමට නම් අපේ රණවිරුවන්ට විරුද්ධව යුද අපරාධ විමර්ශන පැවැත්වීම හා වැඩි වැඩියෙන් බලතල බෙදීම ඇතුළුව යුරෝපා සංගමයෙන් ඉදිරිපත් කරන ලද කොන්දේසි වලට එකග නොවී එම බදු සහනය අහෝසි වීමට මගේ ආණ්ඩුව ඉඩහැරියේ ඒ නිසාය. 2010 දී ජී.එස්.පී ප්ලස් බදු සහනය අහිමි වීමෙන් පසු අපි යුරෝපා සංගමයේ ‘සාමාන්‍ය ජී.එස්.පී’ ක්‍රමය යටතට වැටුණේය. ඒ අනුව අපේ අපනයනයන් යුරෝපා සංගමය තුළට යනවිට සහනදායි බද්දක් ගෙවිය යුතු විය. පසුගියදා, ජී.එස්.පී ප්ලස් බදු සහනය නැවත ලැබීමත් සමඟ, ඒ හේතුවෙන්, ධීවර නිශ්පාදන, ඇඟලුම් හා වෙනත් කාර්මික නිශ්පාදන යුරෝපා සංගමයට අපනයනය කිරීම මහා පරිමානයෙන් වැඩි වෙනු ඇති බව ආණ්ඩුව කියයි. යුරෝපා සංගමයට බදු රහිතව අපනයන කිරීමට ආයෝජකයෝ විශාල වශයෙන් ලංකාවට ආකර්ෂණය වෙනු ඇති බවට බලාපොරොත්තුද ඇති වී තිබේ. අපේ මුලු අනාගතයම ජී.එස්.පී ප්ලස් මත ගොඩනැගිය හැකි බවට හැඟීමක් ආණ්ඩුව ජනතාව අතර වපුරමින් සිටි. නමුත්, ජී.එස්.පී ප්ලස් බදු සහන ක්‍රමයෙන් ලැබෙන්නේ තාවකාලික ආර්ථික ප්‍රතිලාභයක් පමණි.
යුරෝපා සංගමයේ සියළු ජී.එස්.පී බදු සහන ක්‍රම පාලනය කරන නීතිය වන්නේ, යුරෝපා පාර්ලිමේන්තුවේ සහ කවුන්සිලයේ 2012 ඔක්තෝබර් 25 දින අංක 978/2012 දරණ රෙගුලාසියයි. යම් රටකට ජී.එස්.පී ප්ලස් ලබාගත හැක්කේ එය ඩොලර් 4,035ට අඩු ඒක පුද්ගල ආදායමක් ලබන පහල-මධ්‍යම ආදායම් ලාභී රටක් නම් පමණි. ඩොලර් 4,035ට වඩා වැඩියෙන් ඒක පුද්ගල ආදායම් ලබන රටවල් ඉහළ-මධ්‍යම ආදායම් ලාභී රටවල් වන අතර, එවැනි රටවලට යුරෝපා සංගමයේ කිසිදු ජී.එස්.පී බදු සහනයක් ලැබෙන්නේ නැත. එම රටවල භාණ්ඩ යුරෝපා සංගමය තුළට යන විට සම්පූර්ණ ආනයන බද්ද ගෙවිය යුතුවේ. ලංකාවේ ඒකපුද්ගල ආදායම 2015 දී ඩොලර් 3,843 ක් වූ අතර 2016 දී ඩොලර් 3,835 ක් විය. මේ අනුව, යුරෝපා සංගමයේ සියලුම ජී.එස්.පී බදු සහන අහිමි කරවන ඩොලර් 4,035 කඩඉමට අප සිටින්නේ ඩොලර් 200 ක් පමණක් මෙපිටින්ය. මගේ අවුරුදු නවයක පාලන සමය තුළ ලංකාවේ ඒක පුද්ගල ආදායම වර්ෂයකට ඩොලර් 286 ක සාමාන්‍ය අගයකින් වැඩි වූවාය යන කාරණයෙන්, අපි ඩොලර් 4,035 කඩඉමට කොතරම් ආසන්න වී ඇතිදැයි සිතාගත හැක. ශ්‍රී ලංකාව ඩොලර් 4,035 කඩඉම පසු කල විට එය ස්ථිර වැඩිවීමක් දැයි තහවුරු කර ගැනීමට වසර දෙකක නිරීක්‍ෂණ කාලයකින් පසු තවත් වසරක සහන කාලයක් ලබා දී, ඉන්පසු ලංකාව මොනම ජී.එස්.පී ක්‍රමයක් යටතේවත් සහන ලැබීමට නුසුදුස්සකු හැටියට යුරෝපා සංගමය විසින් ප්‍රකාශයට පත්කරනු ඇත.
ජී.එස්.පී ප්ලස් ලබන රටක් වූ ජෝරිජියාව මේ ඩොලර් 4,035 කඩඉම පසු කිරීම හේතුවෙන් යුරෝපා සංගමය විසින් 2017 ජනවාරි 01 වනදා සිට එම රට ජී.එස්.පී ප්ලස් ක්‍රමය යටතේ මෙන්ම ‘සාමාන්‍ය ජී.එස්.පී’ ක්‍රමය යටතේද සහන ලැබීමට නුසුදුස්සකු හැටියට යුරෝපා කොමිසමේ 2015 අගෝස්තු 28 දින, අංක 2015/1979 දරණ නියෝජ්‍යත්ව රෙගුලාසිය මඟින් ප්‍රකාශයට පත්කරන ලදී. යුරෝපා සංගමයේ ජී.එස්.පී බදු සහන ක්‍රම මුල සිටම සැලසුම්කොට තිබුණේ දුප්පත්ම රටවල් මුලදී සම්පූර්ණයෙන්ම බදු රහිතව යුරෝපයට භාණ්ඩ අපනයනය කොට, යම් දියුණුවක් ලැබූ පසු සහනදායී බද්දක් ගෙවීම දක්වාත්, එක්තරා කඩඉමක් පසු කිරීමෙන් අනතරුව සම්පූර්ණ බද්ද ගෙවන තත්වයට පත් වෙන ආකාරයටය. යුරෝපා සංගමයේ ජී.එස්.පී බදු සහන ක්‍රමයන් යටතේ සම්පූර්ණයෙන්ම බදු රහිතව, නැතිනම් සහනදායී බද්දක් ගෙවා අපනයනය කිරීමේ වරප්‍රසාදය සදාකාලිව යම් රටකට හිමිවන්නේ නැත. ආර්ථිකයේ වර්ධනයත් සමඟ සංවර්ධනය වෙමින් පවතින රටවලට යුරෝපා සංගමයෙන් ලැබෙන ජී.එස්.පී බදු සහන නැතිවෙන බව වටහා ගැනීම වැදගත්ය. ඇතැම් අවස්ථාවල වෙනත් හේතුන් නිසාද මේ සහන අහෝසි විය හැක. 2005 දී ඇමරිකා එක්සත් ජනපදය විසින් එරට තුළට එන ඇඟලුම් අපනයනයන් සඳහා වූ කෝටා ක්‍රමය අහෝසි කරන ලදී. ලංකාව වැනි රටවල් ඇමරිකානු වෙළඳපලට ඇතුල් වීමට මේ කෝටා ක්‍රමය මත රඳා පැවතුනි. නමුත් ඒ අත්වැල නැතිවීමෙන් පසුත් ඇමරිකාව තවමත් අපේ ඇඟලුම් අපනයනයන් සඳහා විශාලම වෙලඳපල වේ. එවැනි අභියෝග එන විට ඒවාට මුහුණ දීමට අපි සූදානම් විය යුතුය. ළමා ශ්‍රමිකයන් නොසිටීම, ඉහළ පාරිසරික ප්‍රමිතීන් පවත්වාගෙන යෑම, කර්මාන්තශාලා වල පහසුකම් සාපේක්‍ෂව ඉහළ මට්ටමක තිබීම, වැනි බටහිර රටවල්වල ‘අලෙවි කළ හැකි’ ප්‍රගතිශීලී ලක්‍ෂණ අපේ අපනයන කර්මාන්තවලට තිබේ. දියුණු රටවල ගනුදෙනුකරුවන්ට, ලංකාවෙන් එන්නේ, හානිකර නිශ්පාදන රටාවන්ගෙන් දූෂණය නොවූ භාණ්ඩ යැයි විශ්වාසයක් තැබිය හැක.
අපි දැන් ඩොලර් 4,035 ඒක පුද්ගල ආදායම් කඩඉමට ඉතා ආසන්නව සිටින නිසා, අපිට දැනටම තිබෙන ශක්තීන් ප්‍රයෝජනයට ගෙන යුරෝපා සංගමයෙන් කිසිඳු බදු සහනයක් නොලබන අනාගතයක් සඳහා සූදානම් විය යුතුය. නුදුරු අනාගතයේදී අපේ භාණ්ඩ යුරෝපා සංගමය තුළට යන විට සම්පූර්ණ ආනයන බද්දට යටත් වීමට නියමිත නිසා, අපි ජී.එස්.පී ප්ලස් ලබාගන්නේ නැතුව, සහනදායි බද්දකට යටත්ව දිගටම සාමාන්‍ය ජී.එස්.පී ක්‍රමය යටතේම සිටියනම්, ඩොලර් 4,035 ඒ කඩඉම පසුකිරීමත් සමඟ ඇතිවෙන අලුත් තත්වයට හුරුවීම වඩාත් පහසු වීමට ඉඩ තිබුණි. දැන් ජී.එස්.පී ප්ලස් බදු සහනය නැවත ලැබී තිබෙන නිසා, ඩොලර් 4,035 කඩඉම පසු කිරීමත් සමඟ අපිට සම්පූර්ණ බදු රහිත තත්වයේ සිට, එක්වරම මුළු බද්දම ගෙවීමට සිදුවෙන තත්වයට මාරු වීමට සිදුවෙනු ඇත. ආණ්ඩුව මේ අවස්ථාවේදී කළ යුත්තේ, අපට ඊයේ පෙරේදා ලැබුණු ජී.එස්.පී ප්ලස් බදු රහිත අපනයන වරප්‍රසාදය පමණක් නොව 2010 සිට තිබුණු සහනදායි බදු යටතේ අපනයනය කිරීමේ ‘සාමාන්‍ය ජී.එස්.පී’ වරප්‍රසාදයත් යන දෙකම අහෝසි වීමට ඉතා ආසන්න බව ජනතාවට දැණුම් දී, ඒ යතාර්තයට මුහුණ දීමට සූදානම් වීමයි.
ජී.එස්.පී ප්ලස් ගැන යාතාර්ථවාදී නොවන බලාපොරොත්තු ජනතාව තුල ඇති කිරීම කිසිසේතම නොකල යුතුය. යුරෝපා සංගමයේ කිසිදු බදු සහනයක් නැති අනාගතයකට සූදානම් වීමට වැඩපිළිවෙලක් තිබිය යුතුය. අලුත් නිශ්පාදන එළිදැක්වීම, අලුත් වෙළඳ පොලවල් සොයා ගැනීම, කර්මාන්ත ශාලා නවීකරණය සඳහා අඩු පොලියට ණය ලබාදීම, ව්‍යාපාර පුලුල් කිරීම සඳහා බදු සහන ලබා දීම, කම්කරුවන්ගේ නිපුණතා වර්ධනය කිරීම මේ සංක්‍රාන්ති සමය ජය ගැනීමට අවශ්‍ය පියවර විය හැක. ආන්ඩුව මේ කෙරෙහි නිසි අවධානය යොමු කල යුතුය.
මහින්ද රාජපක්ෂ
ශ්‍රී ලංකාවේ හිටපු ජනාධිපති
MEDIA RELEASE
Restoration of GSP+ to Sri Lanka
The European Union restored GSP+ to Sri Lanka on 19 May 2017. The EU has three GSP schemes. The GSP scheme for the least developed countries with a per capita income below USD 1,025 provides zero duty access to the EU market. The ‘general GSP’ scheme for lower-middle income countries with a per capita income between USD 1,025 and USD 4,035 allows access the EU market on payment of a concessionary import duty. These two EU-GSP schemes have undoubtedly helped many developing countries to build export industries. The EU’s GSP+ scheme allows lower-middle income countries which would normally be charged a concessionary import duty, to enjoy zero duty access to the EU market – but at a heavy price. Applicants for GSP+ must ratify 27 international conventions and place themselves under the political supervision of the EU. As a result, only nine countries including Sri Lanka have joined the GSP+ scheme.
Fulfilling the conditions to qualify for GSP+ could cause permanent damage to a country’s political, legal and institutional framework, which is why my government allowed GSP+ to be withdrawn in 2010 without agreeing to the political demands the EU made for the continuation of GSP+ such as instituting war crimes inquiries against our armed forces and greater devolution of power. After we lost GSP+ in 2010, we came under the general GSP scheme and our exports were charged a concessionary rate of duty by the EU. Since GSP+ was restored to Sri Lanka last month, the government has said that there will be a boom in exports of everything ranging from fisheries products to apparel and other industrial goods to Europe. Hopes have been generated of foreign investors flocking to Sri Lanka to make use of duty free access to the EU market. The government keeps telling the people that our entire future can be built upon GSP+. However, it should be understood that GSP+ offers only temporary economic benefits.
The EU’s GSP schemes are governed by Regulation No: 978/2012 of the European Parliament and the Council of 25 October 2012. A country can benefit from GSP+ only so long as it is a lower-middle income country with a per capita income less than USD 4,035. Upper-middle income countries above that threshold are not entitled to any EU-GSP scheme at all, and goods from such countries are charged the full import duty by the EU. Sri Lanka’s per capita income was USD 3,843 in 2015 and USD 3,835 in 2016 which means that we are just USD 200 away from the threshold of USD 4,035 which will make us ineligible for any kind of EU-GSP scheme. How close are to that threshold can be gauged from the fact that during my nine years in office, our per capita income grew by an average of USD 286 per year. After Sri Lanka reaches the USD 4,035 mark in a particular year, we will be under observation for a further two years and then given a grace period of about one year before being taken out of all EU-GSP schemes.
Georgia, which used to be a GSP+ recipient, crossed the USD 4,035 threshold and was declared ineligible for both the general GSP and GSP+ schemes by the EU with effect from 1 January 2017 by EU Commission Delegated Regulation No: 2015/1979 of 28 August 2015. The EU-GSP schemes were always designed to take a country gradually from zero duty to paying a concessionary duty and later to paying the full duty. Zero duty access or concessionary duty access under the EU’s GSP schemes was never meant to be perpetual. Countries lose GSP concessions as their economies grow. At times such concessions can be withdrawn by the donor countries for other reasons as well. In 2005, the quota system for apparel imports into the USA which countries like Sri Lanka relied on heavily, was abolished. Yet our apparel exports to the USA continued to grow. Our export industries have certain marketable strengths such as the absence of child labour, adherence to high environmental standards and comparatively good working conditions for employees. Buyers can thus rely on getting an untainted product from Sri Lanka.
Since we are very close to the USD 4,035 per capita threshold, we should prepare for a future without any GSP concessions from the EU, by building on the strengths we already have. Ironically, the transition to a future where we will have to pay the full import duty to the EU would have been easier if we had simply remained within the ‘general GSP’ scheme paying a concessionary duty until we cross the USD 4,035 mark. It should be borne in mind that because GSP+ was restored to Sri Lanka, once we cross the USD 4,035 mark, we will have to make a sudden transition from enjoying zero duty status to paying the full import duty. The government should inform the people and the export industries that we are on the verge of losing not only the recently restored GSP+ but the ‘general GSP’ concession that we had since 2010 as well.
The government should not create unrealistic expectations about GSP+ among the public. Programmes should be started to help businesses prepare for the inevitable transition to a future without any EU trade concessions, through the diversification of products and markets. Providing low interest capital to modernize factories, tax incentives for expansion, upgrading the skills of the labour force may be some of the measures needed to facilitate this transition. It is hoped the government will give due consideration to these matters.
Mahinda Rajapaksa
Former President of Sri Lanka
පසුගිය කාලයේ ඇතිවූ ගංවතුර තත්ත්වය නිසි ලෙස කළමනාකරණය කිරීමට ආණ්ඩුවට නොහැකි වුණා. මෙහෙමයි චෝදනා කළේ?
ඔව්. ඒක ඇත්ත. ගංවතුර තත්ත්වයේදී මේ තරම් විනාශයක් නොවී ජීවිත බේරගන්න තිබුණා. මේ ගැන ආණ්ඩුව නිසි කළමනාකරණයක් කළේ නැහැ. සෑම වසරකම වාගේ ගංවතුරක් එනවා. මේ පාර ගංවතුර ආවේ වෙනදට වඩා ඩබල් වෙලා. ඒක තේරුම් ගන්න ආණ්ඩුවට බැරි වුණා.
ගංවතුරක් කොහොමද කළමනාකරණය කරන්නේ?
කාලගුණ එක තියෙනවා. ආපදා අමාත්‍යාංශයක් තියෙනවා. මේ අයගේ යම් සම්බන්ධයක් එකට තියෙනවනම් මේ විදියට වහින කොට මේ ආයතන දෙකට පුළුවන් වෙන්න ඕන ඒක කලින්ම කියන්න. එහෙම දෙයක් වුණේ නෑනේ.
වෙනදත් එහෙම වුණේ නෑනේද?
වෙනදාට ගංවතුරක් එනවා කියලා තේරෙන කොට කලින්ම කිව්වේ නැහැ. හැබැයි ගංවතුර ගලන පළාත්වලට බෝට්ටු දීලා තිබ්බා. එතකොට ඒ මිනිස්සුම ඒක හොඳට කළාමනාකරණය කළා. පිටින් බෝට්ටු එනකම් බලන් හිටියේ නැහැ. නැත්නම් පයාගල, බේරුවල බෝට්ටු එනකම් බලන් ඉන්න ඕනෑ.
එදා තිබුණ සැලසුම් අද වෙන්නේ නැත්තේ ඇයි?
ඒ මේ ආණ්ඩුවට සැලසුමක් නැති නිසා. කවුරුත් වගකීමක් ගන්න කැමැති නැහැ. එදා අපි මේවා ගානට සැලසුම් කළා. මේ පාර ආණ්ඩුව බෝට්ටු දෙන කොට ගංවතුර ගලලා ජීවිත හානිත් වෙලා ඉවරයි. ගංවතුරක් එනවා කියන එක කළුතර ජනතාවට දැනෙනවා. මොකද රත්නපුරට හයියෙන් වැස්සොත් කළුතර පැත්ත යට වෙනවා කියලා අපි දන්නවා. ඒක ආණ්ඩුවේ අය දන්නේ නැත්තේ ඇයි කියන එක ප්‍රශ්නයක්. නාය යන එක ගැන ජනතාව දැනුවත් කරන්න භූ විද්‍යා එකට කියන්න බැරි වුණේ ඇයි. භූ විද්‍යා එක මේක දැනගෙන හිටියේ නැද්ද? කඳු නාය යනවා කිය කියා හැම තිස්සේම හිටියා ඒත් ඒ ප්‍රදේශවලින් ජනතාව ඉවත් කරන්න බැරිවුණා.
කලින් ජනතාව දැනුවත් කරලා එම ස්ථානවලින් ජනතාව ඉවත් කරලයි තිබුණේ?
නැහැ. එහෙනම් ඒ ජනතාව කොහොමද ආයි එතැන පදිංචි වෙන්නේ.
රජය දුන්න ඉඩම්වලට ඒ අය ගිහින් නැහැ. පරණ තැනටම ආයි ඇවිත්?
එහෙම කියලා ආණ්ඩුවට ගැලවෙන්න බැහැ. ඒ අයව ඉවත් කළා නම් ඒ කාර්යය හරියට කරන්න ඕන. ග්‍රාම නිලධාරීන් ඉන්නවනේ. අදාළ නීති කරන්න පුළුවන්නේ. අනික නාය යන කඳු ආශි්‍රත අයව දැන් ඉවත් කරලා. මේ අයට හරියට ඉන්න තැනක් නැහැ. හරියට කෑමක්වත් නැහැ.
ඔබතුමන්ලත් මේ රට කළානේ එදත් මේ වැඩේ හරියට කරන්න තිබුණානේ?
අපි කළා. නමුත් මේ ආණ්ඩුව ඒ වැඩ ටික ඉදිරියට හරියට කළේ නැහැ.
මහින්ද මහත්තයගේ කාලේ සිදුකළ අවිධිමත් සංවර්ධනය නිසා තමයි ගංවතුර තර්ජනය මේ තරම් දරුණු වුණේ කියායි ආණ්ඩුවේ ඇතැමුන්ගේ චෝදනාව වන්නේ?
ඕක කුහක අය විතරයි කියන්නේ. ආණ්ඩුවේම සමහර ඇමැතිවරු කියන්නේ මහින්ද මහත්තයාගේ සංවර්ධනය නිසා ගංවතුර ඇති වුණේ නැහැ කියලා. මේ පාර වුණේ කඳු කඩාගෙන ඇවිත් ගඟවල් හරස් වුණා. ගොඩදාපු වතුරට ගෙවල් කැඩුණා. ගඟවල් ගලන්න අලුත් පාරවල් සොයාගත්තා. ගෙවල් විනාශ වුණා. මේවා මෙහෙම වෙනකොට ආණ්ඩුව නිදාගෙන ඉඳලා හරියන්නේ නැහැ. වර්ෂාව එනකොට මේ ගැන දැනුවත් වෙන්න ඒවාට පිළියමක් හොයන්න ආණ්ඩුව දැනගන්න ඕන.
මේ ගංවතුරෙන් වුණා වගේම ශ්‍රී ලංකා නිදහස් පක්ෂයත් සෝදා පාළුවට ලක්වෙනවා. ඒකට ඔබතුමන්ලයි වගකියන්න ඕන?
අපි වග කියන්න ඕන නැහැ. ඒ අයයි ඒ අයගේ ගමන ගිහින් පක්ෂය විනාශ කරන්නේ. ඒ අය එහෙම යද්දී අපි අපේ ගමන යනවා.
දැන් ඔහොම කිව්වට පක්ෂය එකතු කරන්න ඔබ කපුකමක් කළා නේද?
ඒ ඉස්සර. මමයි ටී. බී. ඒකනායක මහත්තයයි උත්සාහයක් ගත්තා. අපි පරාජය වුණාට පස්සේ හිටපු ජනාධිපතිතුමායි දැන් ජනාධිපතිතුමාවයි මුණගැස්සුවා. වැඩේ හරි ගියේ නැහැ. වැඩක් වුණේ නැහැ. ඒක නිසා අපේ ගමන අපි යනවා.
ඒ කියන්නේ ආයි කවදාවත් ශ්‍රීලනිපය සමඟ ගමනක් නැහැ. එහෙමද?
ඒක ඉදිරියේදි බලමු. දැන්ම හරියට කියන්න බැහැ. දැනට අපි තවම ශ්‍රී ලංකා නිදහස් පක්ෂයේ. අපි ඒකාබද්ධ විපක්ෂයේ කාර්යය හරියට කරනවා.
ආණ්ඩුව පළාත් පාලන ඡන්දය කල්දාන්නේ ඒකාබද්ධයට බය වෙලාද?
මම හිතන්නේ එහෙම තමයි. දැන් අවුරුදු දෙකකට වැඩියි කල් දාලා. නීත්‍යනුකූලව ඡන්ද කල් දාන්න බැහැ. දැන් ගංවතුර නිසා ආයි ඡන්දය කල් දායි. ඉතින් එහෙම කියලා ආණ්ඩුවේ ක්‍රියා කලාපය අනුමත කරන්න බැහැ.
මහින්ද වෙනුවට මහින්ද කියා මහින්ද අමරවීර ඇමැතිතුමා ගෙනවිත් ශ්‍රීලනිපයේ දෙවන පෙළ ශක්තිමත් කරන්න හදනවා. මේ නිසා ශ්‍රීලනිපයේ යම් පෙරළියක් වෙයිද?
ඒක ජනාධිපතිතුමයි ගේන්න හදන්නේ. රටේ ජනතාව නෙමෙයි. නායකයෙක් බිහි වෙන්නේ රටේ ජනතාවගේ කැමැත්තට. නමුත් ජනාධිපතිවරයකුට බැහැ නායකයෙක් බිහිකරන්න. මේක විහිළුවක්. මේක ජනතාව තීන්දු කළ යුතුයි. ජනාධිපතිතුමාට ඕන විදියට නායකයෝ ගේන්න ගියාම පක්ෂය ඉබේම කඩා වැටෙනවා.
මහින්ද අමරවීර මහත්තයා ආවම ඒකාබද්ධය කැඩිලා විනාශ වෙයි. ඒ බය නිසයි ඔබතුමන්ලා ඔහොම කියන්නේ?
මොන පිස්සුද? එයා කවුද? එතුමා එක සැරයක් ඡන්දයෙන් පරාජය වුණා. එයාව දේශපාලනයට ගෙන ආවේ මහින්ද රාජපක්ෂ මහත්තයා. මහින්ද වෙනුවට මහින්ද ගෙනාවා කියලා දකුණෙන් මහින්ද රාජපක්ෂව එළවන්න බැහැ. මහින්ද රාජපක්ෂ මහත්තයල අවුරුදු 65ක කාලයක විතර ඉඳන් තමයි දකුණේ දේශපාලනය කරන්නෙ. එහෙම පරම්පරාවක් ලෙහෙසියෙන් එළවන්න බැහැ. අයින් කරන්නත් බැහැ. ඔය වැඩෙන් වෙන්නේ මහින්ද අමරවීර මහත්තයා නාය යන එක විතරයි. මහින්ද මහත්තයට මොකුත් කරන්න බැහැ.
හැබැයි එතුමත් හම්බන්තොට?
එතුමා දේශපාලනයට ගෙන ආවෙත් මහින්ද රාජපක්ෂ මහත්තයා. ඒ නිසා මහින්ද අමරවීර මහත්තයාගේ එහෙම අදහසක් තියෙයි කියලා මම හිතන්නේ නැහැ.
මුදල් අමාත්‍යාංශයේ ඇස්තමේන්තු වාර්තාව විගණකාධිපතිවරයා භාර ගැනීම ප්රතික්ෂේප කරලා වාර්තාවේ ගණන් හිලව් පරස්පරයි කියා. මුදල් අමාත්‍යාංශයටත් බැරි නම් හරි වාර්තාවක් දෙන්න අනෙක් අමාත්‍යාංශ ගැන කවර කතාද?
මේ ආණ්ඩුවේ නොහැකියාවයි ඉන් පෙන්වන්නේ. මේ ආණ්ඩුව බලයට ආපු දවසේ ඉඳලා රට දවසින් දවස ආපස්සට ගියා. එක දවසක්වත් ඉදිරියට ගියේ නැහැ. මුදල් අමාත්‍යාංශයේ ප්‍රශ්න හරහා පෙන්වන්නේ ආණ්ඩුවේ නොහැකියාව. ආසියාවේ හොඳම මුදල් ඇමැති කියලා සහතිකය අරගෙන ගෙදර එන කොට එයාවත් මාරු කරලා. ඔන්න ඕකයි තත්ත්වය.
පෝය තුන හතරකින් මේ ආණ්ඩුව පෙරළනවා කිව්වා. වැඩේ හරියට වෙයිද?
අපි කොහොම හරි මේ ආණ්ඩුව පෙරළනවා. ඒක ස්ථිරයි. ආප්ප න්‍යායෙන්ම තමයි මේ ආණ්ඩුවත් පෙරළන්නේ. ඒකට අවශ්‍ය කරුණු කාරණා සාකච්ඡා වෙනවා. ඒක කොහොමද වෙන්නේ කියන එක දැන්ම අහන්න එපා. කියන්නත් බැහැ. මේකත් ආප්ප න්‍යායම තමයි.
මවුබිම
ස්වාධීන රුපවාහිනි සේවයේ ප්‍රවෘත්ති අංශයේ වැඩ බලන නියෝජ්‍ය සාමාන්‍ය අධිකාරි ලෙස කටයුතු කළ ජේෂ්ඨ මාධ්‍යවේදී ලාල් හේමන්ත මාවලගේ පසුගියදා තනතුරෙන් නෙරපා හැරිම සදහා කුමන්ත්‍රණය සිදුකොට ඇත්තේ ස්වාධීන රුපවාහිනීයේ නැති තනතුරක් වන ප්‍රධාන විධායක නිලධාරි තනතුරේ සිටින චන්දන තිලකරත්න බවට ඔප්පුවී තිබේ.
ඒ සඳහා චන්දනට සහය පළකොට ඇත්තේ ඔහු සමග අනියම් සබදතාවක් පවත්වන ITN ප්‍රවෘත්ති කළමනාකාරිනි නලින්දා සංජීවනී පෙරේරා බව සහ සුද්දෙන්ම හෙළිදරවු වී ඇත. තනතුර රැකගැනීම වෙනුවෙන් ආයතනයේ ඉහල නිලධාරින් සමග නලින්දා අනියම් සබදතා පවත්වන බවට ආයතනයේ කවුරුත් දන්නා රහසකි.
රාජපක්ෂ පාලන සමයේදී හිටපු සභාපතිවරුන් වන අනුර සිරිවර්ධන හා රෝස්මන් සේනාරත්න සමගද නලින්දා සමීප සබදතා පවත්වා තිබේ. නලින්දා රාජපක්ෂ පාලන සමයේදී වත්මන් ජනාධිපති මෛත්‍රීපාල සිරිසේනටත් අගමැති රනිල් වික්‍රමසිංහටත් ඒ.ජා.ප. යටත් මඩ ගැසීමේ ව්‍යපෘතිවල සිටි ප්‍රභල චරිතයකි. මහින්ද අබේසුන්දරගේ විමසුමට හඩ කැව්වේද නලින්දාය. 2010 ජනාධිපතිවරණයේදී සරත් ෆොන්සේකාට මඩගැසීමට නලින්දා මුල් වු බව නොරහසකි. තනතුරු වෙනුවෙන් ඕනෑම ජඩ වැඩක් කරන නලින්දා පෙරේරා රාජපක්ෂ පාලන කාලයේ ප්‍රවෘත්ති අංශයේ මුල් පුටුවේ සිටි මහින්දට කඩේ ගිය සුදර්මන් රදලියගොඩව හිරේ යවන්න සාක්ෂි දී ඇත්තේ නලින්දා පෙරේරා බවද කවුරුත් දන්නා රහසකි.
මාවලගේ සමගද සමීපව කටයුතු කල නලින්දා චන්දන තිලකරත්න අල්ලාගෙන ITN ප්‍රවෘත්ති අංශයේ මුල් පිටුවට පැනගැනීම ගැන ස්වාධීන රුපවාහිනි ප්‍රවෘත්ති අංශයේ සේවකයන් හා ජාතික සේවක සංගමයේ නිලධාරින් අතර දැඩි නොසන්සුන්තාවක් ඇති වී ඇතැයි වාර්තාවේ.
වත්මන් ආණ්ඩුව පත්කිරීමට ඇපකැප වූ ලක්හඩ ප්‍රවෘත්ති අංශයේ සුදම් සතරසිංහ , වජිර කැලුම් පෙරේරා යන අය සිටියදීත් ජනපතිටත් අගමැතිටත් මඩ ගහන්න රාජපක්ෂ පාලන කාලයේ කටයුතු කළ නලින්දා පෙරේරා වැනි අයෙකුට ප්‍රවෘත්ති මුල් පිටුව දීම ගැන ජාතික සේවක සංගමයේත් සමස්ථ සේවකයන්ගේත් දැඩි විරෝධය එල්ල වී ඇත. මේ සම්භන්ධයෙන් අගමැතිවරයාටත් ඒ.ජා.ප ප්‍රභලයන් රැසකුත් දැනුවත් කර ඇතැයිද වාර්තා වේ.
ජනපති කාර්යාලයේ ප්‍රධානත්වයෙන් නිදහස් චතුරශ්‍රයේ පැවැති දහස් නමක් සහභාගිවූ සර්වරාත්‍රික පිරිත් දේශනයට වැඩම කර සිටි ස්වාමින් වහන්සේලාට පිරිකර ලෙස හිටපු ජනපති මහින්ද රාජපක්ෂ මහතාගේ රුව ඇතුළත් එක්සයිස් පොත් පූජා කිරීමට කර තිබූ සැලසුමක් හසුවු බවට ITN අමන තකතීරුවන් මෙන්ම මංගලගේ හුජ්ජ ගොලයන් වෙබ් අඩවි හරහ ගෙනයන බෞද්ධ විරෝධි ගුජුප්සාජනක කුමන්ත්‍රණයක් මේ වනවිට අනාවරණය වි තිබේ.
ද්වේශ සහගත අකාරයෙන් ITN නාලිකාව සිංහල බෞද්ධයන්ට මඩ ගසන්නේ සර්වරාත්‍රික පිරිත් දේශනය සංවිධානය කල නාලිකාවේ නම පවා විකෘති කරමින් ය.
පහත විඩියෝව හරහා කුමන්ත්‍රණය අනාවරණය කර තිබේ….
