ගරු මූලාසනාරූඩ මන්ත්‍රීතුමනි, නියෝජ්‍ය කාරකසභා සභාපතිතුමනි, ගරු දිනේෂ් ගුණවර්ධන මන්ත්‍රීතුමන් ඉදිරිපත්කරන ලද යෝජනාව ස්ථිර කරමින් මේ යෝජනාවට ප්‍රවේශයක් ලබාගැනීම සදහා ආණ්ඩුවේ ප්‍රකාශයක් දෙසට අවධානය යොමු කරනවා. අපි දැක්කා වර්තමාන ආණ්ඩුව දිගින් දිගටම ප්රකාශ කරන දෙයක් තමයි අපි ලෝකය දිනා ගත්තා. ලෝකය ජයග්‍රහණය කළා. හැමෝම අපිත් එක්ක යාළුයි. අපිට දැන් කවුරුවත් සතුරන් නෑ. තත්වය ඒකනම් අපිට සතුරන් ඇතිවුනේ කෙසේද? ඒ හතුරන් මේ ආණ්ඩුව නැතිකර ගත්තේ කෙසේද කියන එක ගැන මේ ගරු සභාවේ අවධානය යොමු කිරීම වටිනවා.
අපි කොටි ත්‍රස්තවාදයට එරෙහිව සටන ආරම්භ කරපු මුල් දවස් වල බටහිර ලෝකය හිටියේ අපිත් එක්ක. හිටපු විදේශ ඇමතිතුමන් දන්නවා එතුමනුත් විදේශ අමාත්‍ය ධුරයේ අපේ ආණ්ඩුවේ මුල් කාලයේ හිටියා. අපිට කොටි ත්‍රස්තවාදය තහනම් කරලා දුන්නා. ඇමරිකා එක්සත් ජනපදයේ සහයෙන් , සෑම් මිසයිල තුන්වන පාර්ශවයක් විසින් කොටි ත්‍රස්තවාදීන්ට විකුණද්දි ඔවුන්ව අත් අඩංගුවට ගන්න පුළුවන් වුනා. ඔවුන්ගේ ගිනුම් තහනම් කලා. ඇමරිකාවේ ඔත්තු සේවා වලින් ලැබුනු තොරතුරු මත තමයි ඉන්දුනීසියාවට ආසන්න මුහුදේ දී පාවෙන අවි ගබඩා ලෙස භාවිතා කරන ලද කොටි නැව් තුනක් විනාශ කිරීමට අපේ නාවික හමුදාවට හැකියාව ලැබුනේ. බටහිර අපිත් එක්කයි හිටියේ. එහෙනම් කවදද බටහිර අපෙන් වෙන් වුණේ?
2009 ජනවාරි මාසයේ දෙවෙනිදා වෙනකම් බටහිර රටවල් හිතා උන්නේ අපි කොටියව මට්ටු කරන්න තමයි හදන්නේ කියලයි. කොටි සාකච්ඡාමේසයට ගන්න අවශ්‍ය ප්‍රමාණයට මට්ටු කරන්නයි යන්නේ කියලයි ඔවුන් හිතුවේ. නමුත් 2009 ජනවාරි මාසයේ දෙවනිදා අපි කිලිනොච්චියේ බලය අත්පත් කරගත් පසු මේ අය තේරුම් ගත්තා නෑ කොටියා පරදින්නයි යන්නේ. බටහිරට දැන් ප්‍රශ්නයක්. බටහිර ලෝකයේ ප්‍රබලම රටවල් 40ක් එකට එකතු වෙලා ඉරාකයේ ඇෆ්ගනිස්ථානයේ හා ඒවන විට දැවැන්ත යුධ මෙහෙයුම් දෙක කරගෙන යනවා. ඔවුන්ට ධන බලය ඉහලම තාක්ෂණය සුවිසල් හමුදා තිබුනත් යුධ බිමේ ජයග්‍රහණ ලබාගන්න බැරිවුනා.
2001 නොවැම්බර් මාසයේ ඉදන් ඇෆ්ගනිස්ථාන යුද්ධය ගියා 2003 අප්‍රියෙල් මාසයේ ඉදන් ඉරාකයේ යුද්ධය ගියා. නමුත් ජයග්‍රහණය අත ලගවත් නෑ. නමුත් පුංචි දුප්පත් ලංකාවේ අභීත රණවිරුවන් ලෝකයේ භයානකම ත්‍රස්ත සංවිධානය පරාජය කරන්නයි යන්නේ. මේක බටහිරට ලැජ්ඡාවට කාරනයක්. ඒ නිසා ඔවුන් අපේ වැඩේ කරගන්නාතුරු කියන කෑල්ල කිව්වේ නෑ . ඒ කෑල්ල හිතේ තියාගෙන අපිට කිව්වා වහාම සටන් විරාමයක් දෙන්න කියලා. හිලරි ක්ලින්ටන් රාජ්‍ය ලේකම් වරිය දෙපාරක් දුරකතනයෙන් කතා කර මහින්ද රාජපක්ෂ ජනාධිපතිතුමන්ට කිව්වා. ගෝඩ්න් බ්‍රවුන් බ්‍රිතාන්‍ය අගමැතිවරයා ලිඛිත ඉල්ලීමක් කලා. බර්නාඩ් කෘෂ්ණන් , ඩේවිඩ් මිලි බැන්ඩ් කියන බ්‍රිතාන්‍ය ප්‍රංශ විදේශ ඇමතිවරු ලංකාවට ඇවිත් ඉල්ලීම කලා. මේ සියල්ල නොසලකා අපි යුද්ධය ත්‍රස්තවාදය අවසන් වන තුරු පෙරට ගෙනයාම නිසයි බටහිර රටවල් අපිත් එක්කතරහ වුනේ. බටහිරට දැන් ප්‍රශ්න දෙකක් තියෙනවා. එකක් ඒ අයට ලැජ්ජයි. ඒ අයට බැරි දෙයක් පුංචි රටක් කළා. ඒ නිසා මේ මහා ජයග්‍රහණයට අවමාණයක් එක් කරන්නට ඕනි. වෙන රටවල් ආකෘතියක් ලෙස මේ ජයග්‍රහණය දෙස හැරිලා බලන එක නතර කරන්නට ඕනෑ. අන්න ඒක නිසා මේකට යුධ අපරාධ ලේබලය ඇලෙව්වා. ඒ වගේම කේන්තියි. ඇයි මේ පුංචි රටක් අපි කියන දේ ඇහුවේ නැ. මේ රටට දඩුවම් කෙරුවෙ නැත්නම් ලෝකයේ අනික් රටවළුත් ඇමරිකාව යුරෝපීය බලවතුන් කියන දේ අහන්න නැතුව ගිහිල්ලා ලෝකය පිළිබද අපේ ආධිපත්‍යය නැති වේවි. අනික් රටවලට උණ ගැනෙන්න ලංකාවට දඩුවම් කරන්න ඔන කියන මට්ටමින් තමයි ලංකාවට එරෙහි යෝජනා එන්න ගත්තේ.
ගරු සභාපතිතුමනි, ලෝක බලවතුන්ගේ ධන බලය හමුදා බලය හමුවේ අපි අසරණ උනත් අපි හුදකළා උනත් අපිට හිටිය මිතුරන් ටික එකතු කරගෙන අපි අපේ ස්වාධිපත්‍යය වෙනුවෙන් පෙනී සිටියා. මේ මවුබිම වෙනුවෙන් ජීවිත දන් දුන්නු අත් පා දන් දුන්නු රණ විරුවා වෙනුවෙන් අපි ජාත්‍යන්තර වේදිකාවේ පෙනී සිටියා. අපේ ආණ්ඩුව යෝජනා පරාජයට පත් වුනත් අපි පරාජය පිළි අරගෙන බටහිර ඉදිරියේ දන ගැසුවේ නැ. නමුත් මේ ආණ්ඩුව ලෝක ඉතිහාසයට අළුත් වාර්ථාවක් ඉදිරිපත් කරමින් එක්සත් ජාතීන්ගේ සංවිධානයේ 2015 සැප්තැම්බර් මස ඉදිරිපත් කල යෝජනාවෙදි එම යෝජනාවට සම අනුග්‍රහය දක්වන්නට ඉදිරිපත් වුනා.
Mr Chairman, as far as my knowledge, the former foreign minister will correct me, if I am wrong, this is an unprecedented act. No nation in this world has co-sponsored a resolution which is against that very country. This is unprecedented, unusual and results are devastating. Mr Chairman, why do we call this a treacherous act. It has undermined our sovereignty. It has clearly damaged the reputation of our war heroes and they have been labelled as criminals because of this resolution. There were so many resolutions. There could be many more. But this resolution is very important to us because it has been co-sponsored by us. Because of that, let us go through this resolution.
Mr Chairman, I may draw your attention to Operating Paragraph 6.
Welcomes the government’s recognition that accountability is essential to uphold the rule of law and build confidence in the people of all communities of Sri Lanka in the justice system, takes note with appreciation of the Government of Sri Lanka’s proposal to establish a Judicial Mechanism with a Special Counsel to investigate allegations of violations and abuses of human rights and violations of international humanitarian law, as applicable; and affirms that a credible justice process should include independent judicial and prosecutorial institutions led by individuals known for integrity and impartiality; and further affirms in this regard the importance of participation in a Sri Lankan judicial mechanism, including the Special Counsel’s office, of Commonwealth and other foreign judges, defense lawyers, and authorized prosecutors and investigators;
ගරු සභාපතිතුමනි ඒ අනුව විදේශිය විනිසුරන් විතරක් නෙවෙයි. විදේශිය විමර්ශකයන් ඒ කියන්නේ පොලිසියේ රාජකාරිය කරන්නත් විදේශිකයන්. විදේශිය අභිචෝදකයන් ඒ කියන්නේ නීතිපතිගේ රාජකාරිය කරන්නත් විදේශිකයන්. විදේශිය නිතීඥයින් අපේ නිතීඥයින්ගේ වගකීම කරන්නත් විදේශිකයන්. මේක පිළිබද අපි පහුගිය වසර දෙක පුරාවට කතා කරද්දි ආණ්ඩු පැත්තෙන් හිටපු විදේශ නියෝජ්‍ය අමාත්‍යතුමා පවා කිව්වා අපිට ඉංග්‍රිසි තේරෙන්නේ නෑ. ඒ නිසයි මේ ප්‍රශ්නේ. විදේශිය විනිසුරන් ගෙන්න කිසිම අදහසක් නෑ කියලා.
විදේශ ඇමතිතුමා කියනවා මට ඉංග්‍රිසි තේරෙන්නේ නෑ. හරි මට ඉංග්‍රීසි තේරෙන්නේ නෑ කියමුකො. කැනඩාවේ අගමැතිතුමාටත් ඉංග්‍රිසි තේරෙන්නේ නැද්ද? ඔබතුමා වගේ නෙවෙයි කැනඩාවේ අගමැතිතුමාගේ මව්භාෂාව ඉංග්‍රීසි. කැනඩාවේ අගමැතිතුමා මැයි මාසේ 18 වෙනිදා යුධ ජයග්‍රහණයේ 08වෙනි සංවත්සරය වෙනුවෙන් විශේෂ ප්‍රකාශයක් නිකුත් කරනවා. කැනඩාවේ අගමැති ජස්ටින් ටෘඩියෝ (Justin Trudeau) තමන්ගේ ප්‍රකාශයේ මෙසේ සදහන් කරලා තියෙනවා
“I reiterate my call to the Government of Sri Lanka to ensure that a process of accountability is established that will have the trust and confidence of the victims of the war. To this end, Sri Lanka should fulfil its international commitments by ensuring the involvement of Commonwealth and international investigators, prosecutors and judges.”
ගරු සභාපතිතුමනි අපිට ඉංග්‍රිසි තේරෙන්නේ නැති හින්දද මේ විදේශිකයන් ගේනවා කියලා කියන්නේ. කැනඩාවේ අගමැතිතුමාටත් ඉංග්‍රිසි බැරිද? එතුමා ඉතා පැහැදිලිව කියනවා ශ්‍රිලංකාව බාර ගත්තා පොරොන්දු වුණා විදේශිය විනිසුරන් විතරක් නෙවෙයි විමර්ශකයන්, අභිචෝදකයන්, නිතීඥයින් පාවිච්චි කරන්න. දැන් දුන් පොරොන්දු ඉටු කරනු.
ගරු සභාපතිතුමනි මේක මංගල සමරවීර ගරු ඇමතිතුමාගේ පෞද්ගලික බැදීමක් නම් අපිට කමක් නෑ,. මේකෙන් බැදුනේ සිරිසේන වික්‍රමසිංහ ආණ්ඩුව නම් අපිට ප්‍රශ්නයක් නෑ. මේ බැදියාවට විපක්ෂයේ ඉන්න අපිත් බැදිලා තියෙනවා. අපේ දරුවොත් බැදිලා තියෙනවා. අපේ දරුවන්ගේ දරුවොත් බැඳිලා තියෙනවා. මේක රටක බැදීයාවක්නැතුව පෞද්ගලික බැදීයාවක් නෙවෙයි. It is a national commitment, not a personal commitment of that former foreign minister. ගරු සභාපතිතුමනි ඒක තමයි ප්‍රශ්නය.
ගරු සභාපතිතුමනි මේ ප්‍රශ්නයට උඩගෙඩි දුන්න බලපෑම් කරපු බ්‍රිතාන්‍ය අගමැතිතුමිය මොකක්ද එරටේරණවිරුවන් ගැන කියන්නේ 2016 සැප්තැම්බර් 29 The Sun පුවත්පත වාර්තා කරනවා Prime Minister Theresa May plans strict reforms to stop wild allegations about British troops hounded by law firms.
බ්‍රිතාන්‍ය අගමැතිතුමිය තම හමුදා අමතමින් කියනවා, As your Prime Minister, I must convey you a message that entire British nation is behind you on this baseless war crime allegations. We will protect you.
2010 අපේ LLRC කමිටුව පත්කල සමයේම බ්‍රිතාන්‍ය කමිටුවක් පත් කලා යුධ අපරාධ ගැන සොයන්න.අපේ රණවිරුවන්ට චෝදනා නගන්නේ ගරු සභාපතිතුමනි තමන්ගේ මව්බිම බේරා ගැනීමට සටන් කරලා. බ්‍රිතාන්‍ය හමුදාවට තියෙන්නේ ඇෆ්ගනිස්ථානය ඉරාකය ආක්‍රමණය කිරීම පිළිබඳ චෝදනාවක්. හැබැයි බ්‍රිතාන්‍ය අගමැතිවරිය සමස්ත බ්‍රිතාන්‍ය වෙනුවෙන් ප්රකාශ කර සිටිනවා අපි ඔබ සමගයි ඔබට එරෙහිව යුධ අපරාධ චෝදනා නගා ඔබව විනාශ කිරීමට අපි ඉඩ දෙන්නෙ නෑ කියලා.
අපේ රටේ ගරු විදේශ ඇමතිතුමා තමයි ලෝකෙට ගිහින් කියන්නේ අපේ රණවිරුවන් එහෙම කලා තමයි ඒ අයට දඩුවම් දෙන වැඩේට මාත් එකගයි කියලා. ඒ නිසා ගරු සභාපතිතුමනි මේක මේ 6වෙනි ජේදයේ විතරක් නෙවෙයි යෝජනාවේ 12වන ජේදය ගත්තොත් අපේ මහජන ආරක්ෂක පනත වෙනස් කරන්න, අපේ ත්‍රස්තවාදය වැළැක්විමේ පනත වෙනස් කරන්න මේකේ යෝජනා කරනවා. අපේ පාර්ලිමේන්තුව ගත යුතු තීරණ ගන්න ජාත්‍යන්තර මානව හිමිකම් කොමිසමට බලයක් ලැබුණේ කොහොමද? ඒ වගේම 16 වන වගන්තියෙන් මේ රටේ තව දුරටත් බලය බෙදිය යුතුයි කියනවා. ගරු සභාපතිතුමනි මේ රටේ බලය බෙදනවාද නැද්ද තීරණය කළ යුත්තේ මේ සභාව සහ මේ රටේ ජනතාව මිසක් ලෝකේ කෙහේදෝ මුල්ලක තිබෙන ජාත්‍යන්තර සභාවක් නෙමෙයි. 17 වන වගන්තියෙන් අපේ ආරක්ෂක හමුදාවන් ප්‍රතිව්‍යුහ ගත කරන්නත් කතා කරනවා. මේක දේශද්‍රෝහි ක්‍රියාවක්. මේක ජාතියට සිදුවන ලොකුම අපරාධය.
ජනාධිපතිතුමන් කියනවා විදේශිය විනිසුරන් ගේන්න මම ඉඩ තියන්නේ නෑ කියලා. ජනාධිපතිතුමාගේ මතය ඒක නම් අපි වහ වහා කල යුත්තේ මේ සැප්තැම්බර් මාසයේ එක්සත් ජාතින්ගේ මානව හිමිකම් මණ්ඩලයට ගියාම අපේ සම අනුග්‍රහකත්වය කලේ වැරුද්දක් අපි ඒ ගැන ලැජ්ජාවෙනවා අපි ඒ ගැන පශ්චාත්තාප වෙනවා ඒ නිසා වහාම අපේ සම අනුග්‍රහකත්ව ඉවත් කරනවා කියලා කියන්න අපේ අලුත් විදේශ ඇමතිතුමාට ශක්තිය ධෙර්යලැබේවා කියලා ප්‍රාර්ථනා කරනවා.
(පිවිතුරු හෙළ උරුමයේ නායක නීතිඥ උදය ගම්මන්පිල මහතා පාර්ලිමේන්තුවේදී කළ කතාව – 2017.06.06)
එක්සත් ජාතික පක්ෂයේ ප්‍රබල ඇමැතිවරයකු වන ජෝන් අමරතුංග මහතා මාධ්‍යවේදීන් දෙදෙනකුට ප්රසිද්ධියේ බැන තර්ජනය කිරීම දැඩි ලෙස හෙලා දකින්නෙමු. යහපාලනයේ නාමයෙන් බලයට පැමිණ ප්රසිද්ධියේ යහපාලනය උල්ලංඝණය කරන මෙවැනි ඇමැතිවරුන්ට එරෙහිව වහා පියවර ගන්නැයි ගම්පහ දිස්ත්‍රික්කයේ මහජන නියෝජිතයෙකු ලෙසත් ඒකාබද්ධ විපක්ෂයේ කැඳවුම්කරු ලෙසත් මම දැඩිව ඉල්ලා සිටිමි.
ආණ්ඩුව හෝ ආණ්ඩුවට සම්බන්ධ හෙංචයියන් මාධ්‍ය ආයතන සහ මාධ්‍යවේදීන් වෙත තර්ජන ගර්ජන එල්ල කරනු ලැබූ පළමු අවස්ථාව මෙය නොවේ. මීට පෙර ද රාජ්‍ය නායකයාගේ පටන් විවිධ තරාතිරමේ අය මෙම පහත් නින්දිත ක්‍රියාවේ නියැලෙනු අපට පසුගිය වසර දෙකහමාරක කාලය තුළ ඕනෑවටත් වඩා දකින්නට ලැබුණි. ඒ පසුගිය තුළ මාධ්‍ය ආයතනවල සිදුවුණු දේශපාලන දඩයමට අමතරවය.
එක්සත් ජාතික පක්ෂයට සෑමවිටම ඇත්තේ මාධ්‍ය නිදහස වෙනුවෙන් නොව මාධ්‍ය මර්දනය වෙනුවෙන් කටයුතු කළ ඉතිහාසයක් බව අමතක කළ යුතු නොවේ. රිචඩ් ද සොයිසාගේ පටන් දෙස් විදෙස්හි සුපතළ මාධ්‍යවේදීන් සහ මාධ්‍යවේදිනියන් ගණනාවකට ජීවිත අහිමි වූයේ එ. ජා. ප පාලන සමයන් තුළ බව නොරහසකි. එ. ජා. පයෙන් මාධ්‍ය නිදහස අපේක්ෂා කිරීම ගණිකාවකගේ පතිවත බලාපොරොත්තු වීමක් බඳු ක්‍රියාවකි.
එහෙත් මාධ්‍යවේදීන්,කලාකරුවන් වැනි සංවේදී මිනිසුන්ගේ දුක සැප නිති සොයා බැලූ ශ්‍රී ලංකා නිදහස් පක්ෂය ද ගෑවී සිටින හවුල් ආණ්ඩුවක් යටතේ මෙවැනි තර්ජන සිදුවීමත් එවැනි තර්ජන කරන්නන් නිරුපද්‍රිතව සිටීමත්ය සංවේගයට කරුණකි. අපට කණගාටුවට කරුණ වී ඇත්තේ එක්සත් ජාතික පක්ෂයේ ඇමැතිවරුන්ගේ මෙම නොමනා ක්‍රියා නිසා ආණ්ඩුවට බලෙන් හේත්තු කර ඇති ශ්‍රී ලංකා නිදහස් පක්ෂයට ද කලු පැල්ලමක් එකතු වීමය.
මාධ්‍ය නිදහස සහ ප්‍රජාතන්ත්‍රවාදය සම්බන්ධයෙන් පම්පෝරි ගසමින් බලයට ආ යහපාලන රජයට මෙවැනි නින්දිත සහ නිර්ලජ්ජිත ක්‍රියාවලට එරෙහි පියවර ගැනීමට තබා එවැනි ක්‍රියාවල නියැලෙන අධමයන්ට අවවාද කිරීමට තරම් පිටකොන්දක් නොමැති වීම සම්බන්ධයෙන් අප කණගාටු වන්නෙමු. එවැනි පියවරක් නොගැනීම දිගින් දිගටම මෙවැනි සිදුවීම් වීමට අනුබල දීමක් බව මාගේ හැඟීමයි.
තමා මාධ්‍යවේදියකු බැවින් තමාගේ රැහේ එවුන්ට සලකන බව ජනාධිපතිවරයා වරක් ප්රකාශ කළේය. කතාව එසේ වුවත් ආණ්ඩුව මාධ්‍යවේදීන්ට සලකනු තබා ආණ්ඩුවේ හෙන්චයියන් මාධ්‍යවේදීන්ට පහර දෙන විටත් ජනාධිපතිවරයා ඒ පිළිබඳ වචනයක්වත් ප්රකාශ කර නොමැත. රටේ මාධ්‍යවේදීන් පමණක් නොව සුවහසක් ජනතාව ද ජනාධිපතිවරයාගෙන් බලාපොරොත්තු වන්නේ මෙවැනි ඇල්මරුණු ප්‍රතික්‍රියාවක් නොවේ.
හම්බන්තොට වරාය පෞද්ගලීකරණයට එරෙහිව පැවැති උද්ඝෝෂණයක දී නාවික හමුදාපතිවරයා මාධ්‍යවේදියකුට පහර දුන් බව රූපවාහිනී නාලිකා මගින් මුළු රටම දුටුව ද ඒ ගැන කිසිදු පරීක්ෂණයක් නොපැවැත්විණ. එපමණක් නොව සිද්ධියට වගකිවයුතු නාවික හමුදාපතිවරයාට ජනාධිපතිවරයා සේවා දිගුවක් ලබා දුන්නේ මාධ්‍යවේදියාට පමණක් නොව රටටම යළිත් කනේ පහරක් එල්ල කරමිනි.
එබැවින් යහපාලන ආණ්ඩුව මඟින් මෙවැනි සිදුවීම් පිළිබඳ පරීක්ෂණයක් සිදුවෙතැයි අපේක්ෂා කිරීමම මහත් මුලාවකි. ආණ්ඩුව මෙන්ම පොලීසිය ද මැරයන්ට රැකවරණ දෙන නිරායුධ මිනිසුන්ට පහර දෙන මැර ඒකකයක් බවට පත්ව තිබීම අවාසනාවට කරුණකි. ඒකාබද්ධ විපක්ෂයේ නියෝජිතයන්ට නීතිය ක්‍රියාත්මක කිරීමට ඇති උනන්දුව මෙවැනි සිදුවීම්වල දී පොලීසියට නොමැති බව රටට පැහැදිලිය.
ප්‍රදීප් එක්නැලිගොඩ, කීත් නොයාර් වැනි සිදුවීම් පසුපස දඩ බල්ලන් මෙන් හඹායන පොලීසියට ද අපි අභියෝගයක් කරන්නට කැමැත්තෙමු. එනම් සාක්ෂි ඇස්පනා පිට පෙනෙන්නට තිබිය දී මාධ්‍යවේදියකුට තර්ජනය කරන මෙම ඇමැතිවරයාගෙන් අඩු ගණනේ ප්‍රශ්න කරන ලෙසය. නීතිය නවන, නීතිය දිගහරින පොලීසියට එවැනි නිර්භීත පියවරක් ගැනීමට නොහැකිවී මේ වගකීම පොලීසියේ කොන්ද කැඩූ පොලිස්පතිවරයා භාර ගත යුතුය.
මහින්ද රාජපක්ෂ පාලන සමයේ මාධ්‍ය නිදහස කඩවීම සම්බන්ධ සිදුවීම් පිළිබද චෝදනා එල්ල වූ අතර ඒ පිළිබද කණගාටුවෙමු ඒ පිළිබද හන්දියක් හන්දියක් ගාණේ උද්ඝෝෂණ කළ ඊනියා මාධ්‍ය ඔස්තාර්වරුන්, ආචාර්ය මහාචාර්යවරුන් සහ සිවිල් සංවිධාන නියෝජිතයන් ඇතුළු යහපාලන ඔඩොක්කු කුක්කන් රැළට මෙවැනි පහරදීම් නොපෙනෙන්නේ ඇඳ යට රිංගාගෙන සිටින නිසාදැයි අප නොදනිමු. එසේත් නැත්නම් කෑගසන්නට තරම් ඩොලර් කුට්ටි මෙහි නොසෙල්වන නිසා දැයි නොදන්නෙමු.
අසල්වාසීන් සපා කන්නට පනින සුනඛයා බැඳ දැමීම සුනඛ හිමිකරුවකුගේ යුතුකම හා වගකීම වන්නේය. එසේ බැඳ දැමීම සුනඛයාට මෙන්ම සුනඛ හිමිකරුට ද යහපතක්ම විය හැක්කේ එසේ නොවන තැන සුනඛයාට මෙන්ම හිමිකරුට ද අසල්වාසීන්ගෙන් ගුටි කෑමට සිදුවිය හැකි නිසාය. එම නිසා පිස්සු වැටුණු සුනඛයන් වහා බැඳ දැමීමට පියවර ගනු ඇතැයි අප උදක්ම බලාපොරොත්තු වන්නෙමු.
ප්‍රසන්න රණතුංග
09/06/2017
Today”s Special ආප්ප කා මාරු වූ සිරා රැහේ එවුන් එක්ක කෑ බුරියානිය
පසුගිය ජනාධිපතිවරණ සමයේ හිටපු ජනාධිපති මහින්ද රාජපක්ෂ මහතා සමග එකට ආප්ප කා සර් වෙනුවෙන් මැරෙන්න හරි ඉන්නවා යැයි කියු සිරිසේන පහුවෙනිදා හවස් වනවිට මහවැලි කෙන්ද්‍රයේදි යහපාලන පට්ටන්දරි ඇතුලු බෙදුම්වාදීන් සමග එකට ඉදගෙන මහින්දව පමණක් නොව රටම පාවාදුන් අයුරු රටටම නොරහසකි….ජනාධිපති වු 2015 ජනවාරි 9 වැනිදා සිටම මේ දක්වා විවිධ ආකරයේ ගොන් කතා කියමින් යහපාලනය යනු ජනතාව පිනවන කානිවල් එකක් බව රටටම කියාදුන් සිරිසේන අද තවත් නියම බඩජාරි කතාවක් කිව්වේ මෙන්න මෙහෙමයි….
සේවක සේවිකාවන්ට වැටුප ගෙවා ගැනීමටවත් නොහැකිව පාඩු ලබමින් සිටින ජාතික රූපවාහිනිය මිහින්තලේ පෙරහැරට අලි ලබාගැනීමට රුපියල් ලක්ෂ 15ක් ගෙවා ඇති බව වාර්තා වේ.
වර්තමාන පාලනාධිකාරිය යටතේ දැඩි මූල්‍ය අර්බුදයකට මුහුණ පා සිටින ජාතික රූපවාහිනිය සේවක සේවිකාවන්ට වැටුප් ගෙවීමට ද මුදල් නොමැති තරම් පරිහානියකට පත්ව තිබේ.
ජාතික රූපවාහිනියේ සේවක සේවිකාවන්ට වැටුප් ගෙවීම සඳහා මසකට රුපියල් මිලියන 60ක පමණ මුදලක් අවශ්‍ය වන අතර පසුගිය මාසයේ වැටුප් ගෙවීම ද මුදල් නොමැතිකමෙන් ප්‍රමාද විය.
එසේ වුව ද ජාතික රූපවාහිනියේ පාලනාධිකාරියේ නාස්තිකාර වියදම්වල නම් කිසිදු අඩුවක් නොමැති අතර මීට පෙර කරන ලද මාර්ග ආරක්ෂක ව්‍යාපෘතිය සහ පරිසර ව්‍යාපෘතිය සඳහා ද රුපියල් මිලියන ගණන් නාස්ති කරන ලද බවට සේවකයෝ චෝදනා කරති.
http://www.sinhala.lnwtoday.com/archives/14256
යාපනය, කෝපායි, තිරුනෙල්වේලි කාලි අම්මා කෝවිලේ (hirunelvely’s Kali Amman Kovil)සිදු කෙරෙන වාර්ෂික දේව මංගල්‍යය අතරතුර පුද්ගලයකු විසින් යුද සමයේදී කොටි සංවිධානය භාවිත කරන ලද ඊළාම් සිතියමක් ප්‍රදර්ශනය කිරිම සම්බන්ධයෙන් රහස් පොලීසිය ක්‍රියාත්මක කරමින් තිබු පරික්ෂණ වහාම නතර කරන ලෙසට නියෝග ලැබි තිබේන බව අප ආරක්ෂක තොරතුරු වාර්තාකරු අනාවරණය කළා.
පසුගිය (23) දා සවස කාලි අම්මා කෝවිලේ වාර්ෂික දේව මංගල්‍යය සිදු කෙරෙන අවස්ථාවේදී කාලි අම්මා දේව රූපය වීදි සංචාරය කරන අතරතුරදී කාලි අම්මා දේව රූපයට පසු පසින් ඊළාම් සිතියම සහිත පුද්ගලයකු ගමන් කොට තිබේන අතර යාපනය පොලිස් බුද්ධි අංශ විසින් අදාළ පුද්ගලයා පොලිසියට රැගෙනවිත් වැඩිදුර ප්‍රශ්න කිරීම් සිදු කිරිමෙන් අනතුරුව රහස් පොලිසියට අදාළ සිද්ධිය භාර කර තිබේ.
පසුව රහස් පොලිස් කණ්ඩායමක් අදාල රුපය සහ එය ප්‍රදර්ශනය කිරිමට අනුබලදුන් පුද්ගලයන් සොයා මෙහෙයුමක් දියත් කර තිබු අතර පෙරේදා එම මෙහෙයුම හදිසියේම නතර කර දමා තිබේ.මිට අමතරව පොලිස් අත් අඩංගුවේ තබා සිටි අදාළ සැකකරුද රහසේම මුදාහැර තිබේ.
Published on: Jun 5, 2017- ලෝව බිහිසුනු ත්‍රස්තවාදීන් වසර දෙකකට අඩු කාලයකදි පරාජය කරමින් මවුබිමේ සදාකාලික විරයන් බවට පත්ව සිටින ත්‍රිවිධ හමුදාව මුදවා ගැනිමේ හමුදාවක් (Salvation Army)බවට පත්කිරිමේ මහා මෙහෙයුමේ දැවැන්තම අදියර වු කොස්ගම ත්‍රිවිධ හමුදා ආයුධ ගබඩාව පුපුරුවා හැරිම හරහා සිදුකල යහපාලනයෙ දැවැන්තම කුමන්ත්‍රණය දියත් කර ජුනි මස 5 සඳුදා දිනට (අදට) හරියටම වසරක්‌ සම්පූර්ණ වේ.
නමුත් …සත්‍ය කිසිදිනෙක සඟවා තැබිමට හැකියාවක් නැත වසරකට පසුවත් අපි සත්‍ය වෙනුවෙන් පෙනී සිටින්නෙමු……….මේ අප 2016 July 12, වැනිදා කල අතිශය රහසිගත වාර්තාවයි…
එපමණක් නොව වගකිම් සහිතව වාර්තාකරණයේ යෙදේන lankanewsweb.today වෙබ් අඩවිය අද මේ කරණ අනාවරණය මේ රටේ භූමියට ආදරය කරන එදා නන්දිකඩාල් කලපුවෙන් 30වසරන බෙදුම්වාදී යුද්ධය අවසන් කල අපේ රණවිරුවන් වෙනුවෙන් සැබෑවටම පෙනී සිටින සැබෑ දේශප්‍රේමීහු රට හමුවේ තබනු ඇති බව අප උදක්ම විශ්වාසය කරමු.
මේ දිගු ලිපිය අවසානයේ අපි ඔබට ඉතා වැදගත් යමක් අනාවරණය කරමු. එනම් “X” අවි ගබඩාවට පිවිසීමට ප්‍රථම ඒ භාර ලුතිනන්වරයා විසින් ලබාදුන් අවි ගබඩාව සම්බන්ධ ඉන්වෙන්ට්‍රිය, තමන් වෙත ලබා දුන් ස්කෑනරයට නිෂ්පාදකයා විසින් යොදන ලද අංකය (Serial Number) සඳහන් ස්ටිකරය සහ තමන් විසින් තම “Pen Drive” වෙත ස්කෑනරය වෙතින් පිටපත් කරගන්නා ලද සියලු දත්ත පිපිරීමට පෙර සුරක්ෂිතව ඉවත් කරගැනීමටද රටින් බැහැර කර ගැනීමටද “X” සමත්වූ බවයි.
අනාගතයේදී නිසැකව බිහිවන, රටට සැබවින්ම ආදරය කරන රජයක් විසින් මේ ඛේදවාචකය පිලිබඳව පවත්වනු ලබන විධිමත් පරීක්ෂණයකදී සහ ඉන් පසුව සිදුකරනු ලබන නඩු විභාගයකදී රජයේ සාක්ෂිකරුවකු ලෙස “X”ද ඉහත කී ලේඛනයන්ද අතිශය වැදගත්ය.
සාලාව අවි ගබඩාව පිපිරීමේ කුමන්ත්‍රණයේ ඇතුල් කතාව lankanewsweb.today ආරක්ෂක තොරතුරු වාර්තාකරු
සාලාව පිපිරීම පිලිබඳව සහ ආරක්ෂක අමාත්‍යංශයේ නියෝගයෙන් එම පිපිරීම සිදුවූ දින දහවල එහි ඇතුලුවූ මේජර්වරයා පිළිබඳව අප අනාවරණය කරණ බවට අප ඔබට පොරොන්දුවී දැනට මාසයකට වැඩිය. නමුත් වගකිවයුතු වෙබ් අඩවියක් ලෙස ඔබ වෙත නර්මාලාප ඉදිරිපත් කිරීමේ හැකියාවක්ද අපට නොමැත. එබැවින් අපි මේ සම්බන්ධයෙන් ගවේෂණයක් කළෙමු. එහිදී අපට එක් වරක් විදේශ ගතවී දින දහයක කාලයක් ගතකිරීමට සිදුවූ අතර අප සොයාගත් කරුණු පිළිගත් ආරක්ෂක විශ්ලේෂකයන් වෙත ඉදිරිපත් කර සත්‍යබව තහවුරු කරගැනීමට සති දෙකකටත් වඩා ගතවිය.
මේ දිගු ලිපියේදී බොහෝ චරිත සම්බන්ධයෙන් අප යොදනුයේ සංකේතයන්ය. ඒ අප ලද නීති උපදෙස් හේතුවෙනි. එසේම මේ සංකේත නාමයන් යොදාගැනීමේදී ඇතැම් පුද්ගලයන් හා සිද්ධීන් සම්බන්ධයෙන් අපි රළු හාස්‍ය මත පදනම්වූ ලේඛණ රීතියක් අනුගමනය කළෙමු. එය ඇතැම්විට ඔබ ගවේෂණයක් මත පදනම්වූ මැදිහත් වාර්තාකරණයකට බාධාවක් ලෙස දැකිය හැකිය. නමුත් මේ ඇතැම් සංකේතාත්මක යෙදුම් වලින් පිළිබිඹු වනුයේ මේ රටට සැබවින්ම ආදරය කරන අප ඒ යෙදුම් වලින් අදහස් කෙරෙන පුද්ගලයන් කෙරෙහි දක්වන හේතු සහගත විරෝධයයි.
ප්‍රස්තුතගත කාරණය වෙත එළඹෙමින් පිපිරීම වූ දින දහවල කඳවුරට ඇතුලුවූ මේජර්වරයා පිළිබඳව හැඳින්වීමක යෙදීම වඩා යෝග්‍ය වේ. අපි දැනට ඔහු මේජර්“X”ලෙස හඳුන්වමු. ඔහුගේ නියම නම අප සතුව පවතිනමුත් එය අනාවරණය කිරීමට මේ අවස්ථාව නුසුදුසුය මක්නිසාද යත් අනාගතයේදී නිසැකව බිහිවන, රටට සැබවින්ම ආදරය කරන රජයක් විසින් මේ ඛේදවාචකය පිලිබඳව පවත්වනු ලබන විධිමත් පරීක්ෂණයකින් පසුව සිදුකරනු ලබන නඩු විභාගයකදී රජයේ සාක්ෂිකරුවකු ලෙස මේ පුද්ගලයා අත්‍යවශ්‍ය බැවිනි.
මේජර් “X” 1990 දශකයේ මුල් භාගයේදී මහනුවර ඉහල මධ්‍යම පන්තික පවුලක උපත ලබනුයේ පවුලේ දෙවන දරුවා ලෙසය. ඔහුගේ පියා ප්‍රදේශයේ පිළිගත් වෘත්තිකයකු වූ අතර මව ගුරුවරියක් ලෙස සේවය කළ තැනැත්තියකි. ඔහුගේ වැඩිමල් සොහොයුරිය විවාහයෙන් පසු දැනට බටහිර යුරෝපා රටක වෛද්‍යවරියක් ලෙස සේවය කරයි. මේජර්“X”මහනුවර ඉහලම පාසැලකින් ගණිත අංශයෙන් උසස්පෙළ සමත්ව ශ්‍රී ලංකා යුධ හමුදාවට එක්වනුයේ 2000 දශකයේ මුල් භාගයේදීය. ඔහු තම බඳවාගැනීමේ කණ්ඩායමේ (Intake of Cadets) කැඩෙට් නිලධාරීන් අතරින් පළමුවැන්නා නොවුවත් මුල් පස්දෙනා අතරට එක්වීමට සමත් විය.
මෙම තත්වය ලබන කණිෂ්ඨ නිලධාරියකුට හිමිවන වරප්‍රසාදයක් වනුයේ ශ්‍රී ලංකා යුධ හමුදාවේ රෙජිමේන්තු අනුපිළිවලේ (Sri Lanka Army Order of Precedence) අංක එක සිට හතර දක්වා පිලිවෙලින් සඳහන් වන ශ්‍රී ලංකා සන්නාහ සන්නද්ධ බලකාය (Sri Lanka Armoured Corps), ශ්‍රී ලංකා කාලතුවක්කු හමුදාව (Sri Lanka Artillery), ශ්‍රී ලංකා ඉංජිනේරු රෙජිමේන්තුව (Sri Lanka Engineers) සහ ශ්‍රී ලංකා සංඥා බලකාය (Sri Lanka Signal Corps) යන රෙජිමේන්තු වලින් එකකට බැඳීම සඳහා අයදුම් කිරීමේ වරප්‍රසාදයයි.
අප කථානායක “X” අයදුම් කරනුයේ ශ්‍රී ලංකා ඉංජිනේරු රෙජිමේන්තුව වෙත බැඳීම සඳහාය. මෙයට බලපෑ හේතු කිහිපයකි. x කුඩා කළ සිටම තාක්ෂණය කෙරෙහි දැඩි උනන්දුවකින් කටයුතු කළ අයෙකි. එසේම දැඩි උන්නතිකාමී (Ambisious) පුද්ගලයෙකි.ශ්‍රී ලංකා සන්නාහ සන්නද්ධ බලකාය, ශ්‍රී ලංකා කාලතුවක්කු හමුදාව සහ ශ්‍රී ලංකා ඉංජිනේරු රෙජිමේන්තුව පාබල (Infantry) රෙජිමේන්තු නොවූවද වැඩිම යුද හමුදාපතිවරුන් පිරිසක් බිහිකර ඇත්තේ මෙම රෙජිමේන්තුය.
එවන් තත්වයක් යටතේ අප කථානායක “X” ශ්‍රී ලංකාවේ පරම වීර විභුෂණයට (PVW) සමාන වික්ටෝරියා කුරුසයෙන් (Victoria Cross) පිදුම් ලද ප්‍රථම සහ එකම ශ්‍රී ලාංකිකයා වන පළමු ලෝක සංග්‍රාමයේදී මියගිය ලුතිනන් බැසිල් ආතර් හොස්ෆොල් VC (Basil Arthur Horsfall VC †) බිහිකළ ශ්‍රී ලංකා ඉංජිනේරු රෙජිමේන්තුවට බැඳීම අරුමයක් නොවේ.
තනි තරුවේ දෙවන ලුතිනන්වරයකු ලෙස අධිකාරිය ලබා ශ්‍රී ලංකා ඉංජිනේරු රෙජිමේන්තුවට එක්වන “X” එම රෙජිමේන්තුවේ නැගී එන දීප්තිමත් තරුවක් බවට පත්වීමට ගතවනුයේ සුළු කලකි. ගණිත, රසායන සහ භෞතික විද්‍යා විෂයයන් පිලිබඳ සහජ දක්ෂතාවය සහ සුපිරි ලෙස ඉංග්‍රීසි භාෂාව හැසිරවීමට ඇති හැකියාව මේ සඳහා ඔහුට බෙහෙවින් ඉවහල්විය. මෙම “X” අපොස උසස් පෙළ අභියස බිඳවැටුණු තම ප්‍රථම ප්‍රේමය නොවන්නට අද අපට හමුවිය හැකිව තිබුනේ නිසැකව අවම වශයෙන් විශ්ව විද්‍යාලීය ආචාර්යවරයකු ලෙසය.
මේ “X” තම රෙජිමේන්තුව තුළදී දැඩි උනන්දුවකින් කටයුතුකළ විෂය ක්ෂේත්‍රය නම් පුපුරන ද්‍රව්‍යයයි. ඇතැම්විට එයට හේතුව විය හැක්කේ මේ විෂය සම්බන්ධයෙන් ශ්‍රී ලංකාව තුළ එවකට විශේෂඥයන් වූ පොලිස් විශේෂ බලකායේ ජේෂ්ඨ පොලිස් අධිකාරී එරික් පෙරේරා සහ ගුවන් කොමදෝරු ආනන්ද “X”ගේ පවුලේ මිත්‍රයන් වීමය. මේ උනන්දුවේ සහ කැපවීමේ ප්‍රතිපලය නම් පුපුරන ද්‍රව්‍ය විෂය සම්බන්ධයෙන් වැඩිදුර විදේශපුහුණුව ලබා දියයුතු හොඳම කනිෂ්ඨ නිලධාරියා ලෙස ඉහල නිලධාරීන් විසින් “X”තෝරාගනු ලැබීමයි. මේ විශේෂඥ පුහුණුව සඳහා “X” විදේශ රටවල් 05 ක් වෙත විටින් විට යැවුණු අතර ඒ කිසිදු විස්තරයක් අප ඔබ වෙත අනාවරණය නොකරනුයේ එමගින් “X” ගේ නම වැඩි අපහසුවකින් තොරව අවශ්‍යතාවය ඇත්තෙකුට අනාවරණය කරගතහැකි බැවිනි.
දැන් අපි සාලාව කඳවුර වෙත අවධානය යොමු කරමු. ප්‍රදේශවාසීන්ගේ බලවත් විරෝධතා මත එහි ප්‍රථමයෙන්ම මහා පරිමාණයෙන් අවි ගබඩාකිරීම සිදුවූයේ චන්ද්‍රිකා කුමාරතුංග ජනාධිපතිව සිටි සමයේදීය. මේ අවි ගබඩාව මෙම ස්ථානයේ පිහිටා තිබීමේ අනතුර පිළිබඳව ප්‍රථමයෙන්ම හිටපු ආරක්ෂක ලේකම් ගෝ‌ඨභය රාජපක්ෂ මහතා දැනුවත් කළේ දැනට ටික කලකට පෙර යුධ හමුදාවෙන් විශ්‍රාමලත් මේජර් ජෙනරාල් ප්‍රසන්න සිල්වා විසිනි. ඒ විජයග්‍රාහී මාවිල්ආරු මෙහෙයුමේදී සහ නැගෙනහිර මුදාගැනීමේ මෙහෙයුමේදී,ඒ මෙහෙයුම් වලටඑවකට කර්නල් වරයකුව සිටිමින් විශේෂ බලකා සේනාංකාධිපති ලෙස මහත්වූ දායකවූ ඔහු එවකට යුධ හමුදපති ලුතිනන් ජෙනරාල් සරත් ෆොන්සේකාගේ පළිගැනීමකට ලක්ව සාලාව කඳවුරට අනුයුක්ත කරසිටි අවදියේදීය. ඒ අනුව වහා ක්‍රියාත්මකවූ ආරක්ෂක ලේකම්වරයා වහාම ක්‍රියාත්මක වන පරිදි අවි ගබඩාව වෙත සියලු ආරක්ෂණ විදිවිධාන යොදන ලද අතර බර අවි උණ්ඩ සැලකිය යුතු ප්‍රමාණයක් වෙනත් කඳවුරු වෙත යවන ලදී.
දෙවනුව ආරක්ෂක ලේකම්වරයාගේ සැලසුමවූයේ ජාත්‍යන්තර ප්‍රමිතියෙන් යුතු අවි ගබඩා 09 ක් දිවයිනේ පළාත් 09 ආවරණය වන පරිදි අඩු ජන ඝනත්වයෙන් යුතු ආරක්‍ෂිත ප්‍රදේශවල පිහිටු වීමයි. ඒ සඳහා විධිමත් ලෙස මනා හැකියාවෙන් යුතු දේශීය ඉදිකිරීමේ සමාගමක් තෝරාගැනුණු අතර එහි සභාපතිවරයා වූයේද හිටපු හමුදා නිලධාරියෙකි. නමුත් මේ සැලසුමට යම් ඉහලම හමුදා ප්‍රධානියකු විසින් බාධා කළ අතර පැවති යුද වාතාවරණය හමුවේ ඒ ඉහලම හමුදා ප්‍රධානියාගේ සේවය අත්‍යවශ්‍ය වන තත්වයක් යටතේදී ආරක්ෂක ලේකම්වරයාටද කළහැකි වෙනත් යමක් නොවීය. (මේ සිද්ධිය පිලිබඳ සවිස්තරාත්මක වාර්තාකරණයක් අපි වෙනත් ලිපියකින් ඔබ වෙත ගෙන එමු.)
දැන් අපි නැවත අප කථානායක“X” වෙත නෙත් යොමුකරමු. මේජර් “X” ආරක්ෂක අමාත්‍යයංශයට යටතේ ක්‍රියාත්මක වන සහ එම අමාත්‍යයංශ පරිශ්‍රයෙන් බාහිරව පිහිටා ඇති යම් අංශයක් වෙත අනුයුක්ත කෙරෙනුයේ සාලාව පිපිරීමට සති දෙකකට ප්‍රථමයෙනි. (ඒ අංශය පිලිබඳ තොරතුරු හෙළිවීම ජාතික ආරක්ෂාව කෙරෙහි ඉතා අහිතකර ලෙස බලපෑ හැකි බැවින් අපි ඒ පිලිබඳ වැඩිමනත් තොරතුරු හෙළි කිරීමෙන් වළකිමු.මේ අංශයේ නිලධාරීන් තම රාජකාරි සිදුකරනුයේ සිවිල් ඇඳුමින් සැරසෙමිනි) එයට අනුයුක්ත මේජර් “X”ට පැවරුණු කාර්යය ලෙස නාමිකව සඳහන්වනුයේ යුධ හමුදා සම්බන්ධිකරණයයි.
නමුත් මේජර් “X” ට පිරිනැමුනු තනතුරක්ද නොමැත. සාමාන්‍ය යුධ හමුදා සම්ප්‍රදායනම් මේජර් තනතුර සහ ඉන් ඉහල නිල දරණ නිලධාරීන් යම් තනතුරක පිහිටවීමයි. උදාහරණ ලෙස දෙවන අණදෙන නිලධාරී ( 2IC ), බලසේනා ලේකම් වැනි තනතුරු දරණ මේජර්වරුන් දැක්විය හැකිය. එසේම යුද්ධයක් නොපවතින වටපිටාවක් තුළ පුපුරණ ද්‍රව්‍ය පිලිබඳ විශේෂඥ දැනුමකින් යුතු හමුදා නිලධාරියකු ආරක්ෂක අමාත්‍යයංශයට අනුයුක්ත කිරීමට විශේෂ හේතුවක්ද නොමැත.
තමන්ට හිමි තනතුර පිළිබඳව තම ඉහල නිලධාරීන්ගෙන් විමසූ “X” ට ලැබෙන පිලිතුරනම් ළඟදීම ශ්‍රී ලංකා යුධ හමුදාව වෙත ලැබෙන එක්සත් ජාතීන්ගේ දකුණු සුඩාන සාම සාධක හමුදා මෙහෙවරකට “X” ව අනුයුක්ත කරවීමට නියමිත බවත් දකුණු සුඩානයේ පිහිටුවනු ලබන නීති විරෝධී පුපුරණ ද්‍රව්‍ය දකුණු සුඩානය වෙත ගෙන ඒම සහ භාවිතය වැළක්වීමේ එක්සත් ජාතීන්ගේ සාම සාධක හමුදා කාර්ය සාධක බලකායක් වෙත ඔහු අනුයුක්ත කෙරෙනු ඇති බවත්ය.
ARMY_COMANNEWආරක්ෂක අමාත්‍යයංශය තුළදී “X”වෙත නිශ්චිත කාර්යභාරයක් නොපවැරෙන අතර සාමාන්‍යයෙන් මේජර්වරයකුට නොලැබෙන ස්වභාවයේ කාර්යාලයක් “X” ට ලැබුණු අතර ආරක්ෂක අමාත්‍යයංශයට අයත් මෝටර් රථයක්ද භාවිතය සඳහා ඔහු වෙත ලැබිණි. මෙසේ සාමාන්‍ය පරිදි කාලය ගෙවී යනුයේ කිසිදු විශේෂ සිදුවීමකට ඉඩ නොතබමිනි.
පසුගිය ජුනි මස පළමු සිකුරාදා දින එනම් 2016.06.04 වන දින මේජර් “X” සුපුරුදු පරිදි සේවයට වාර්තා කළ අතර පෙරවරු 10.30 ට ඔහු වෙත ලැබෙන පණිවුඩය නම් ආරක්ෂක අමාත්‍යයංශයේ යම් විශේෂ ස්ථානයකදී පෙරවරු 11.15 ට පවත්වනු ලබන හදිසි රැස්වීමක් සඳහා ඔහු සහභාගී වියයුතු බවයි. මේ විශේෂ ස්ථානය අප අනාවරණය නොකරන්නේ ඒ පිලිබඳ තොරතුරු හෙළිවීම ජාතික ආරක්ෂාව කෙරෙහි දැඩි ලෙස අහිතකර ලෙස බලපෑ හැකි බැවිනි.
සාමාන්‍යයෙන් මෙම ස්ථානයේ පවත්වනු ලබන රැස්වීම් සඳහා සහභාගිවනුයේ බ්‍රිගේඩියර් නිලයෙන් ඉහල හමුදා නිලධාරීන් පමණි. නමුත් ඊනියා සටන් විරාම සමයේ කොටි ත්‍රස්තවාදීන් අතින් ඝාතනයට ලක්වූ මේජර් මුතාලිෆ් සහ ලුතිනන් කර්නල් මීඩින් යන නිලධාරීන් මෙම ස්ථානයේ පැවති රැස්වීම් සඳහා සහභාගී වී ඇති නමුත් ඒ සහභාගීවී ඇත්තේ සන්නද්ධ බුද්ධි බලකා අණදෙන නිලධාරීන් ලෙසය. එම කරුණ සැලකිල්ලට ගැනීමේදී ඉහත ස්ථානයේ පැවති රැස්වීමකට සහභාගිවූ තනතුරින් අණදෙන නිලධාරියකු නොවන සහ නිළයෙන් මේජර්වරයකු වන එකම නිලධාරියා ලෙස මේජර් “X” ඉතිහාසයට එක්වෙයි.
ලද නියෝගය පරිදි ස්ථානයට වාර්තා කළ මේජර්“X”බලාපොරොත්තු වූයේ ආරක්ෂක ලේකම්වරයාගේ ප්‍රධානත්වයෙන් පැවැත්වෙන එක්සත් ජාතීන්ගේ දකුණු සුඩාන සාම සාධක හමුදා මෙහෙයුම පිලිබඳ රැස්වීමකි. නමුත් මේ රැස්වීම ආරම්භ වූයේ රටකසන්නද්ධ හමුදාසේවයේදී ජීවිතාන්තය දක්වා විශ්‍රාම නොගන්නා ලෙස සැලකෙන නිලයකට අයත් අයත් (මෙම ගෞරවාන්විතනිලය සම්ප්‍රදායිකව නමට මුලින් යෙදෙනුයේ එම නිලය තමන් වෙත තමන් විසින්ම පිළිගන්වාගත් “ෆීල්ඩ් මාර්ෂල් ඉඩි අමින්” හෝ එයට බොහෝ සෙයින් සමාන වෙමින් “ෆීල්ඩ් මාර්ෂල්” කම් පිනට හිඟාකාගත් අය සඳහා නොවන අතර රුසියානු ෆීල්ඩ් මාර්ෂල් ජෝර්ජි ෂුකොව්, බ්‍රිතාන්‍ය ෆීල්ඩ් මාර්ෂල් බර්නාඩ් මොන්ට්ගොමරි, ජර්මානු ෆීල්ඩ් මාර්ෂල් අර්වින් රොමෙල් සහ ඉන්දියානු ෆීල්ඩ් මාර්ෂල් සෑම් මනික්ෂෝව් වැනි ඉතිහාසගත සැබෑ යුධ විරුවන් සම්බන්ධයෙනි) පුද්ගලයකුගේ ප්‍රධානත්වයෙනි. මෙම නිලධාරියා අපි “K = ක.” ලෙස හඳුන්වමු (ඒ ඔහු විසින් අතිශයින් ප්‍රිය කරන නිශාචර සිවුපාවෙකු ගේ නාමයේ මුල් අකුරයි.).“K = ක.” ගේ දකුණු පසින් අසුන් ගෙන සිටියේ කුමන්ත්‍රණ සහ දූෂණ චෝදනාමත පසුගිය කාලයේ යුධ සේවයෙන් අනිවාර්යෙන් විශ්‍රාම ගන්වන ලද, “යහපාලන” රජය යටතේ නැවත යුද හමුදා සේවයට එක්වුණු දැනට හමුදාපති ධූරයට කෙළ හලමින් අතිශය සංවේදී කලාපයක් භාරව සිටින “තරු දෙකේ” තැනැත්තෙකි
ඔහුගේ පෙළපත් නාමය “සේනාවකට නායකත්වය දෙන” යන්නට සමාන තේරුමක් දෙන නමුත් බොහෝ දෙනා නොදන්නා දෙයක් ඇත. එනම් පෙළපත් ඒ පෙළපත් නමේ මුල් කොටසයි. එය අතීතයේ දී දේශයට ද්‍රෝහී වූ ඔහුගේ මී මුත්තෙකුහට පෘතුගීසි යටත් විජිතවාදීන්ගෙන් ලද දායාදයකි. මෙහි අපූර්වත්වය නම් ඒ පෘතුගීසි නාමය සහ ඒ පරපුරේ නිජබිම වන නගරය අතීතයේ දී ප්‍රසිද්ධියට පත්කළ පළතුර “මැ” යන්නෙන් ආරම්භ වීමය. එබැවින් අපි ඔහු “M” ලෙස හඳුන්වමු.
සයකන් මන්ත්‍රණයක් වූ මේ රැස්වීම ඇරඹුණේ ඉතා සුහද සාමාන්‍ය කතාබහෙනි. කටගැස්ම ලෙස “කැවියාර්” (මාළු බිත්තර වලින් සකසන ඉතා මිල අධික ආහාරයකි) සහිතව “ද්විත්ව කළු ලේබල් විස්කි” දෙවන වටයෙන් පසු “K = ක.”ප්‍රධාන මාතෘකාවට පිවිසියේය.
එය “X” වෙත කෙරුණු නියෝගයක් වුවද ඉදිරිපත් කෙරුණේ අතිශය මිත්‍රශීලීවය. “K = ක.”විසින් ප්‍රථමයෙන් මේජර්“X”වෙත පවසා සිටියේ “සේනාධිනායකයා” විසින් තමන් වෙත අතිශයින් රහසිගත කාර්යයක් පවරා ඇති බවත් “X”පිලිබඳ සියලු අතීත වාර්තා තමන් කියවා බැලූවිට මේ කාර්යයේ දී තමන්ට සහය වියයුතු ප්‍රධාන පුද්ගලයකු ලෙස තමන් විසින්“X”තෝරාගෙන ඇති බවත්ය.
තුන්වන විස්කි වටයත් සමග “K = ක.”තමන්වෙත පැවරුණු කාර්යය සහ “X” විසින් සිදුකළ යුතු කාර්යය පිළිබඳව විස්තරයක් ඉදිරිපත් කළේය. ඒ අනුව “X” , 2016.06.05 වන දින එනම් ඉරිදා දින දහවල නිළ ඇඳුමින් සැරසී සාලාව කඳවුර වෙත වාර්තා කර එහි අවි ගබඩාවේ බර අවි උණ්ඩ ගබඩා කරඇති අංශපරීක්ෂාකර එහි ගබඩාකර ඇති උණ්ඩ නැවත චීනයේ නොරින්කෝ (Norinco) සමාගම වෙත නැවත නැව්ගත කිරීමකට සුදුසු තත්වයක් තිබේද යන්න පිළිබඳව රහසිගතව “K = ක.”වෙත වාර්තා කළ යුතුය.
එහිදී මේජර් “X”ගේ පිළිතුර වී ඇත්තේ තමන්ට එය කළ හැකි වුවත් සාමාන්‍ය යුධ හමුදා පිළිවෙල අනුව මේ වාර්තාව සැපයිය යුත්තේ යුද්ධෝපකරණ බලකායට (Ordnance Corps) අයත් උණ්ඩ පිලිබඳ තාක්ෂණ නිලධාරියකු (Ammunition Technical Officer) විසින් බවත් තමන් ශ්‍රී ලංකා ඉංජිනේරු රෙජිමේන්තුව අයත් නිලධාරියකු බවත්ය.
පිළිතුරු වශයෙන් “K = ක.”පවසා ඇත්තේ දැනටමත් තම එම බලකාය වෙතින් වාර්තාවක් ලබාගෙන ඇති බවත් ඒ වාර්තාවට අනුව බොහෝ උණ්ඩ චීනයේ නොරින්කෝ සමාගම වෙත නැවත නැව්ගත කිරීමකට සුදුසු තත්වයක නොමැති බවට එහි දැක්වෙන බවත් තමන්ට ලැබුණු තොරතුරු අනුව මෙය යුධ හමුදාපති ලුතිනන් ජෙනරාල් ක්‍රිෂාන්ත ද සිල්වා ඇතුලු ඉහළ නිලධාරීන් පිරිසකගේ කුමන්ත්‍රණයක් බවත් එහි නින්දිත සැලැස්ම නම්භාවිතයට ගතහැකි තත්වයේ පවතින මේ උණ්ඩ විනාශකර ඒවා නැවත නොරින්කෝ සමාගම වෙත අලෙවි කිරීමෙන් රජයට ලැබියහැකි දැවැන්ත අදායම අහිමි කිරීමේ උත්සාහයක් සහ පසුව නව උණ්ඩ මිලදී ගැනීමේදී දැවැන්ත කොමිස් මුදලක් ලබාගැනීමේ උත්සාහයක් බවත්ය.
එසේම “K = ක.”අවධාරණය කර ඇත්තේ චීනයේ සහ ඊශ්‍රායලය ඇතුලු විදේශ රටවල් රැසක පුපුරණ ද්‍රව්‍ය පිළිබඳව විශේෂඥ පුහුණුව ලද “X”ගේ දැනුම යුද්ධෝපකරණ බලකායට අයත් උණ්ඩ පිලිබඳ තාක්ෂණ නිලධාරියකුගේ දැනුමට වඩා විශිෂ්ඨ බව තමා හොඳින් දන්නා බවත් යුධ හමුදාව තුළ සිටින පුපුරණ ද්‍රව්‍ය විශේෂඥයකු ලෙස “X”, යුධ සමයේදී ශ්‍රී ලංකා සන්නාහ සන්නද්ධ බලකාය මන්නාරම සහ නොච්චියාගම කඳවුරු වලදීත්, ශ්‍රී ලංකා කාලතුවක්කු හමුදාව වෙත පනාගොඩ සහ මින්නේරිය කඳවුරු වලදීත් ශ්‍රී ලංකා කොමාන්ඩෝ රෙජිමේන්තුවට කුඩාඔය සහ ගනේමුල්ල කඳවුරු වලදීත් ශ්‍රී ලංකා විශේෂ බලකා රෙජිමේන්තුවට නාඋල කඳවුරේ දීත් ලබාදුන් දැනුම සහ පුහුණුව තමා ඉතා අගය කළ බවත් යුද්ධය අවසාන වීමෙන් පසු “X”ව මේජර්වරයකු ලෙස උසස් කිරීමේදී තමන් ඒ පිළිබඳව විශේෂයෙන් සැලකිලිමත් වූ බවත්ය. කොටි බුද්ධි අංශයේ නියෝජ්‍ය ප්‍රධානියා වූ එමෙන්ම කොටි සංවිධානයේ පුපුරණ ද්‍රව්‍ය විශේෂඥයකුවූ චාල්ස් ඝාතනයට අවශ්‍යවූඅධිබල ක්ලේමෝ බෝම්බ වැල දිගුදුර විහිදුම් බලකාය වෙත නිර්මාණය කර දුන්නේ එවකට කපිතාන්වරයකු වූ “X”ය.
ඉන් ඉක්බිතිව“K = ක.”පවසා ඇත්තේ මේ උණ්ඩ පරීක්ෂාව සඳහා ඇමරිකා එක්සත් ජනපදයෙන් විශේෂ ස්කෑනර් යන්ත්‍රයක් ගෙන්වා ඇති අතර ඉන් උණ්ඩ කොපුවේ ලෝහ විඩාව (Metal Fatigue), උණ්ඩ අභ්‍යන්තරයේ ඇති ෆියුස් (fuse), චාර්ජරයන් (chagers) සහ පුපුරණ ද්‍රව්‍යයන්ගේ ස්වභාවය ඇතුලු සියලු වැදගත් දේ පරීක්ෂාකළ හැකි බවත්ය. නමුත් “X”ගේ මතය වූයේ තමන්ට මේ ස්කෑනරය භාවිතයට හුරුවීම සඳහා යම් කාලයක් අවශ්‍ය බවත් තම රෙජිමේන්තුව සතු ස්කෑනර් යන්ත්‍රයක් මේ සඳහා ලබාගත හැකිනම් ඉරිදා දින ඉතා පහසුවෙන් මේ කාර්යය සිදුකළ හැකි බවත්ය.
එම අවස්තාවේදී “K = ක.”ප්රකාශ කර ඇත්තේ ඉංජිනේරු රෙජිමේන්තුවට අයත් ස්කෑනර් යන්ත්‍රයක් මේ අවස්ථාවේදී ලබාගතහොත් එය එම රෙජිමේන්තුවේ සිටි නිලධාරියකු වන යුධ හමුදාපති ලුතිනන් ජෙනරාල් ක්‍රිෂාන්ත ද සිල්වා වෙත සැලවිය හැකි බවත් එවිට පෙර සඳහන් කළ ජාවාරමේ ප්‍රධානියකු වන ඔහුට තම සැලැස්ම පිළිබඳව ඉව වැටී එය අසාර්ථක කිරීමට අවශ්‍ය සියලු දේ කරනු ඇති බවත්ය.
මෙහිදී සාකච්චාවට සහභාගිවූ “M” පවසා ඇත්තේ ඉංජිනේරු රෙජිමේන්තුව මෙවැනි කාර්යයන් සඳහා භාවිතා කරන චීනයෙන් ගෙන්වනලද ස්කෑනරය ඇමරිකා එක්සත් ජනපදයෙන් ගෙන්වා ඇති ස්කෑනරයේ කාබන් පිටපතක් බවත් විනාඩි කිහිපයක් තුළ “X”ට මෙය භාවිතය සඳහා හුරුවිය හැකි බවත් හෙට දින එනම් සෙනසුරාදා දින මේ පුහුණුව සඳහා අවශ්‍ය පහසුකම් ආරක්ෂක අමාත්‍යයංශය තුළදී තමන් විසින් සලසනු ඇති බවත්ය. එය මනා ප්‍රායෝගික විසඳුමක් බැවින් “X”එයට එකඟ විය.
මේ කතාබහ අතරතුර තුන්වන විස්කි වඩියත් අහවරවී සිව්වෙනි විස්කි වඩියද උගුරු තෙමමින් තිබුණු අතර ඒ දුටු “K = ක.”තම ආරක්ෂක නිලධාරියකු කැඳවා රාත්‍රී ආහාරය සුදානම් කරන ලෙස නියෝග කළේය. සිව්වෙනි විස්කි වඩියේ මැද භාගයේ සිට නැවත සුහද පිළිසඳර ආරම්භවිය.
සිව්වෙනි විස්කි වඩියේ අවසානයත් සමග රාත්‍රී භෝජනය සූදානම් බවට කෙරුණු දැනුම්දීමකින් පසු පිරිස පියනැගුවේ භෝජනාගාරය වෙතය. එහි මේසය තිදෙනෙකු වෙනුවෙන් සකස්වී තිබුණු අතර එය කින්ස්බරි හෝටලයෙන් ඇනවුම් කරනලද පලහන ලද බැටළු මසින්, ගව මසින් සහ අනෙකුත් සියල්ලෙන් සමන්විත නියම නැගෙනහිර යුරෝපියානු රාත්‍රී භෝජනයකි. මේසය මැද අනුපාන ලෙස ශීත කළ හංගේරියානු ටොකේ වයින් (Tokeji Wine) බෝතලයකි. අඩුවක් නැතුව සප්පායම් වූ පිරිස සතුටු සිතින් විසිර ගියහ.
ඉනික්බිතිව එළඹෙනුයේ සෙනසුරාදා දිනයයි. පෙරදින “M” වෙතින් ලද උපදෙස් අනුව “X”පිවිසෙනුයේ ආරක්ෂක අමාත්‍යයංශය තුළ පිහිටා ඇති සුවිශේෂ අංශයකටය. (පැවති යුධ සමයේදී මේ අංශය සුවිශේෂ කාර්යභාරයක් ඉටුකළ අතර ජාතික ආරක්ෂාවේ නාමයෙන් අපි ඒ පිළිබඳව වැඩිදුරටත් හෙළිදරව් නොකරමු.) “M” තම පොරොන්දුව අකුරටම ඉටුකර තිබූ අතර ඇමරිකා එක්සත් ජනපදයෙන් ගෙන්වූ විශේෂ ස්කෑනර් යන්ත්‍රය සහ පරීක්ෂාවට අවශ්‍ය විවිධ වයස් කාණ්ඩයන්ට අයත් බර අවි උණ්ඩ සාම්පල සපයා තිබිණි.
දැන් අපි මේ ලිපියේ මතු සඳහන් කෙරෙන ඉතා වැදගත් කරුණු අවබෝධ කරගැනීම පිණිස මේ ස්කෑනරය පිලිබඳ යම් අධ්‍යයනයක යෙදෙමු. මේ ස්කෑනරය ප්‍රධාන වශයෙන් කොටස් දෙකකින් සමන්විතය. ඒ නිරීක්ෂණයට ලක් කරන දේ වෙත යොමු කරන අඩි 10 ක් දක්වා දිගු කළහැකි (Telescopic) ස්වභාවයේ දණ්ඩ (Rod) සහ එය සම්බන්ධ කළහැකි, එමගින් ලබාගන්නා දත්ත නිරීක්ෂණය සහ ගබඩා කළහැකි ලැප්ටොප් පරිගණකයක් වැනි කොටසයි.මේ කොටසේ විශේෂත්වය නම් එහි ආරක්ෂාව සඳහා වන අවශ්‍ය අවස්ථාවකදී ඉවත් කළහැකි බ්‍රීෆ් කේසයක් බඳු කොටසය.එසේම මේ ස්කෑනරය පහසුවෙන් ඒ මත භාවිතා කිරීමට හැකි ඇකිලිය හැකි ඇලුමිනියම් වලින් සකස්කළ රෝද සවිකළ මේසයක් බඳු කොටසක්ද ස්කෑනරයේ බැටරි නැවත ආරෝපණය කළහැකි චාජරයද ඇතුළුව මේ සියලු කොටස් ඒ තුළ ගබඩා කර පහසුවෙන් ප්‍රවාහනය කළහැකි ට්‍රොලි බෑගයක් වැනි බහාලුමක්ද මේ ස්කෑනරය සමග සැපයෙයි. දෙවනුව අප අවධානය යොමු කළ යුත්තේ මේ ස්කෑනරයේ බලශක්ති සැපයුම වෙතය. ඒ සඳහා වන බැටරි 02 කි. පළමු බැටරිය ආධාරයෙන් සාමාන්‍යයෙන් ස්කෑනරය පැය 05 ක් පමණ ක්‍රියාත්මක කළ හැකි අතර එහි ශක්තිය හීනවීමත් සමග ස්කෑනරය දෙවන බැටරියෙන් බලය ලබාගැනීමට ස්වයංක්‍රීයව යොමුවී මොනිටරයේ ඇති සංඥා ක්‍රමයක් මගින් පළමු බැටරිය යලි පිටතට ගෙන ආරෝපණය කළ යුතු බව දක්වයි.
ඉහත සඳහන් කළ අංශය තුළ ස්කෑනරය ක්‍රියාත්මක කළ “X”ට පෙරදින “M” ස්කෑනරය සම්බන්ධයෙන් පැවසූ සියල්ල සත්‍ය බවට වැටහීමට ගතවූයේ විනාඩි කිහිපයකි. සැබවින්ම “X”ට හුරුපුරුදු චීන ස්කෑනරය මෙම ඇමරිකා එක්සත් ජනපද ස්කෑනරයේ කාබන් පිටපතකි. යම් වෙනසකට වූයේ මේ ස්කෑනරයේ මොනිටරය සහ යතුරු පුවරුව සහිත කොටස අඩංගු බ්‍රීෆ් කේසයක් බඳු පෙට්ටියේ යට කොටස තරමක් ගැඹුරින් වැඩිවීම පමණි. ස්කෑනරය මගින් පැය භාගයක් පමණ තුළ උණ්ඩ පරීක්ෂාවේ යෙදුනු “X”, ස්කෑනරය සහ එය උපයෝගීත්වයෙන් ලද ප්‍රතිපල පිළිබඳව සෑහීමකට පත්වූ අතර ලද සාර්ථක ප්‍රතිපල පිළිබඳව ජංගම දුරකථනය මගින් “M” දැනුවත් කළේය. ප්‍රතිචාර ලෙස “M”, “X”ට පවසා සිටියේ පසුදින එනම් ඉරිදා උදෑසන “X”මේ විශේෂ අංශයට පැමිණීම අනවශ්‍ය බවත් තමන් විසින් ස්කෑනරය “x” ගේ කාර්යාලය වෙත ලැබීමට සලස්වන බවත්ය.
“X”එම අවස්ථාවේදී තම ගමන් නියෝගය (Marching Order) පිළිබඳව “M” වෙතින් විමසා ඇත. ගමන් නියෝගය යනු යම් සන්නද්ධහමුදා සාමාජිකයකු හෝ සන්නද්ධහමුදා පුද්ගල කණ්ඩායමක් තමන් සාමාන්‍යයෙන් රාජකාරියේ යෙදෙන කඳවුරකින් බැහැරව වෙනත් ස්ථානයකට ගොස් සිදුකළයුතු කාර්යයක් සම්බන්ධයෙන් එම කාර්යය ඉටුකිරීම පිළිබඳව නියෝග කළ නිලධාරියා විසින් ඔවුන් වෙත නිකුත් කරන ලිඛිත නියෝගයයි.
මෙය අතිශය වැදගත් සහ සිදුකළයුතු කාර්යයන් පිලිබඳ සවිස්තරාත්මක නියෝගයක් වන අතර ඉහතකී ස්ථානය හමුදා කඳවුරක් වන අවස්ථාවකදී ඉහත සඳහන්කළ සන්නද්ධහමුදා සාමාජිකයා හෝ සන්නද්ධහමුදා පුද්ගල කණ්ඩායමේ ප්‍රධානියා එම කඳවුරේ ප්‍රධානියා වෙත එම නියෝගය ඉදිරිපත් කළ යුතුය. එවැනි අවස්ථාවකදී එම ප්‍රධානියාද ගමන් නියෝගයේ සඳහන් දේ සඳහා තම උපරිම සහයෝගය ලදාදිය යුතුය.
නමුත් දිගුදුර විහිදුම් බලකා මෙහයුමක් වැනි මෙහෙයුමකදී ගමන් නියෝගය එම මෙහෙයුමේ සාමාජිකයන් අතට පත් නොකරණ අතර කියවා අවබෝධ කරවීමක් පමණක් සිදුකරයි. මේ නියෝගය කොතරම් වැදගත්දැයි ඔබට පහත උදාහරණයෙන් පැහැදිලි වනු ඇත.
වසර 2000 දී කොටි ත්‍රස්තවාදීන් විසින් අලිමංකඩ යුද හමුදා කඳවුර වටලමින් පවතිද්දී එවතට යාපනය භාරව සිටි මේජර් ජෙනරාල් ජානක පෙරේරා සහ මේජර් ජෙනරාල් සරත් ෆොන්සේකා චන්ද්‍රිකා කුමාරතුංග ජනාධිපතිනියට යෝජනා කර සිටියේ අලිමංකඩ අතහැර පසුබැසීමයි. එයට ඇගේ අනුමැතිය පළවුණු අතර පසුබැසීමේ නියෝගය ලිඛිතව අලිමංකඩ කඳවුර භාරව සිටි බ්‍රිගේඩියර් එගොඩවෙල වෙත යැවීමේ වගකීම පැවරුණේ එවකට යුධ හමුදා මාණ්ඩලික ප්‍රධානී (පසුව යුධ හමුදාපති) මේජර් ජෙනරාල් ලයනල් බලගල්ල වෙතය.
නමුත් අලිමංකඩ යුද හමුදා කඳවුර වටලමින් පැවති තත්වයක් තුළ අවම තරමින් කොමාන්ඩෝ සෙබලුන්වත් යොදා ගනිමින් මේ කාර්යය ඉටු කිරීමට බලගල්ල කොතෙක් උත්සාහ දැරුවද අපොහොසත් විය. ඉන් පසු මෙම නියෝගය එගොඩවෙල වෙත ෆැක්ස් මගින් යැවුණු අතර එය ලද ඔහු බලගල්ල හා දුරකථනයෙන් සම්බන්ධ වෙමින් ෆැක්ස් පණිවිඩයේ අඩංගු සියලු සියලු නියෝග පිළිබඳව පැහැදිලිකරගන්නා ලදී. එම අවස්ථාවේදී එගොඩවෙල ලද ප්‍රථම උපදෙස වූයේ ප්‍රථමයෙන්ම ෆැක්ස් පණිවිඩය විනාශ කළයුතුය යන්නයි. එසේම මුල් පිටපත බලගල්ල විසින් අධි ආරක්‍ෂිතව තබාගන්නා ලද අතර අදට ද එය යුධ හමුදා මූලස්ථානය සතුව පවතී. දිගුදුර විහිදුම් බලකා මෙහෙයුමකදී හෝ වෙනත් අතිශය රහසිගත මෙහෙයුමකදී ද නියෝගය ලිඛිත විය යුතු අතර එය අධි ආරක්‍ෂිතව තබා ගතයුතුය.
නැවත අපි “X”සහ “M” අතරවූ සංවාදයට කෙරෙහි අවධානය යොමුකරමු. “M” පවසා සිටියේ ඔහු සතුව “X”ගේ ගමන් නියෝගය ඇති බවත් අප විසින් ඉහත සඳහන් කළ පරිදි රහසිගත මෙහෙයුම් සම්බන්ධයෙන් වන යුධ හමුදා සම්ප්‍රදාය මෙහිදීද අනුගමනය කෙරෙන නිසා තමන් විසින් නියෝගය “X”වෙත කියවා අවබෝධ කරදීම දීම ප්‍රමාණවත් බවත් කඳවුරට ඇතුල්වීමේදී ප්‍රථමයෙන් හමුවන ප්‍රධාන ගේට්ටුවේ සිට (Main Entry Point – MEP) සිට අවි ගබඩාවේ අවසන් දොරටුව වන එය භාර ලත් ජේෂ්ඨ කොමිෂන් නොලත් නිලධාරියාගේ (Senior Warrant Officer) පාලනයට යටත් දොරටුවද පසුකර අවි ගබඩාවට ඇතුලුවීමේ අවසරය “X”ට ලැබෙන බවත්ය. එසේම “M” විසින් ගමන් නියෝගය “X”වෙත කියවාදෙන අතර ලද “K” පෙර දින සඳහන් කළ පරිදිම “X”ගේ කාර්යය එහි නිශ්චිතව සඳහන් කර තිබිණි.යම් විශේෂත්වයක් වූයේ ඉරිදා දිනය පුරාවටම “X” තම ජංගම දුරකථනය ක්‍රියා විරහිත කර තබාගත යුතුය යන නියෝගයද එහි අඩංගු වීමයි.
ඉනික්බිතිව උදාවනුයේ දෛවෝපගත ජූනි මස පස්වරු ඉරුදිනය. තමන් ලද නියෝගය ප්‍රකාරව “X”පෙරවරු 9.00 ට පමණ නිල ඇඳුමින් සැරසී තම කාර්යාලය වෙත වාර්තා කළ අතර “X”ගේ කාර්යාලය පිහිටි ගොඩනැගිල්ලේ පහත මහලේ ලොබියේ රාජකාරියේ නියුතු මාණ්ඩලික සැරයන්වරයා පවසා සිටියේ “X”වෙත ඉංජිනේරු රෙජිමෙන්තුවෙන් උදෑසන ලැබුණු ට්‍රොලි බෑගයක් තමන් විසින් “X”ගේ කාර්යාලය පිහිටි මහල භාර කෝප්‍රල්වරයාවෙත භාරදී එය “X”ගේ කාර්යාලයේ තබන ලෙස තමන් පවසා සිටි බවයි.
තම කාර්යාලයට පිවිසි “X”දුටුවේ, “M” පොරොන්දු ප්‍රකාරව ස්කෑනරය “X”ගේ කාර්යාලය වෙත එවා ඇති බවයි. ගමන් නියෝගය ප්‍රකාරව “X”සාලාව කඳවුර වෙත වාර්තා කළයුතුව තිබුනේ පස්වරු 1.00 ටය. ඒ සඳහා අවශ්‍ය තරමටත් වඩා ප්‍රමාණවත් කාලයක් තිබූ බැවින් “X”කළේ කාර්යාලයේ ඇති ඩයලොග් චන්ද්‍රිකා රූපවාහිණිය ක්‍රියාත්මක කර තම ප්‍රියතම චැනලයක් වන National Geographic වෙත නෙත් යොමුකිරීමයි.
කාලය මෙසේ ගෙවෙද්දී පෙරවරු 11.00 එළඹිණි. ස්කෑනරය රැගත් “X”තම මෝටර් රථය වෙත පියනැගුවේ දිවා ආහාරය මගදී ගෙන නියමිත වේලාවට සාලාව කඳවුර වෙත වාර්තා කිරීමේ අරමුණෙනි. මධ්‍යාහන 12.00 ආසන්න වෙද්දී හෝමාගම නගරය පසුකළ “X”පනාගොඩ හමුදා කඳවුර පසු කරමින් ගොඩගම හන්දිය වෙත ලඟාවුනි. දැනුනු තරමක කුසගින්නක් නිසා “X”මග දෙපස වෙත නෙත් යොමු කළේ යම් කෙටි අහරකින් සැනසී දිවා ආහාරය තරමක් පසුව ලබාගන්නා අරමුණෙනි. තම තත්වයට ගැලපෙන අවන්හලක නතරවූ “X”මාළු සැන්විච් සහ කළු කෝපි වලින් සමන්විත ආහාරපානයෙන් සැනහී සාලාව කඳවුරේ ප්‍රධාන දොරටුව වෙත පස්වරු 1.00 විනාඩි 5ක් තිබියදී ලඟාවිය.
ප්‍රධාන ගේට්ටුව භාරව සිටි කෝප්‍රල්වරයා “X”ගේ මෝටර් රථය අසලට විත් අචාරකර පවසා සිටියේ “ගුඩ් ආෆ්ටර්නූන් සර්. එම්ඕඩී (Minstry of Defense යන්නට හමුදා සාමාජිකයන් යොදන කෙටි යෙදුමයි.) ඕඩර්ස් ආවා. සර්ට ආර්ඉසෙඩ් (Restricted Zone / ආරක්‍ෂිත කලාපය යන්නට හමුදා සාමාජිකයන් යොදන කෙටි යෙදුමයි.) එකේ ගේට් එක ළඟටම කාර් එකේ යන්න පුළුවන්. එතන කාර් එක පාක් කරන්න. මම සර්ට පාර පෙන්නල ඇසිස්ට් කරන්න ප්‍රයිවට් (Private = සාමාන්‍ය සෙබළ) කෙනෙක් දෙන්නද?” යන්නයි. නමුත් ආචාරශීලීව එය ප්‍රතික්ෂේප කළ “X”කෝප්‍රල්වරයා වෙත පවසා සිටියේ සාලාව කඳවුරේ සියලු ස්ථානයන් තමාට හුරු පුරුදු බවයි. ඒ සැබෑවකි විවිධ කාර්යයන් සඳහා “X” මේ කඳවුරට පැමිණ ඇති අතර දැනට වසරකට පෙර “X” කඳවුරේ පැවති කනිෂ්ඨ නිලධාරීන් සඳහා වූ වැඩමුළුවකදී සම්පත් දායකයෙකු වෙමින් දින 8ක් මේ කඳවුරේ ගත කළේය.
ආරක්‍ෂිත කලාපයට එනම් අවි ගබඩාව පිහිටි ප්‍රදේශයේ පිවිසුම අසල තම වාහනය ගාල් කළ “X”රියේ ඩිකිය විවර කර ස්කෑනරය අඩංගු ට්‍රොලි බෑගය ගෙන පිවිසුම වෙත පියනගද්දී ඔහුට හමුවූයේ ඔහුගේ පැමිණීම බලාපොරොත්තුවෙන් සිටින දවසේ කාර්යභාර ජේෂ්ඨබලලත් නිලධාරියාය(Senior WarrantOfficer on Duty). “X” දුටු සැනින් ආචාර කළ ඔහු පවසා සිටියේ “ගුඩ් ආෆ්ටර්නූන් සර්, සීඕසර් (Commanding Officer = අණදෙන නිලධාරි) කිව්ව සර්ට ලන්ච් ලැස්ති කරන්න කියල. සීඕ සර් ටිකකට එලියට ගියා. ටූඅයිසී සර්රුයි (2nd – in –Command =දෙවන අණදෙන නිලධාරි ) යි, ඩීඕ සර්රුයි (Duty Officer = දවසේ කාර්යභාර නිලධාරි අධිකාරී ලත් නිලධාරී) මෙස් (Officers Mess = නිලධාරීන්ගේ භෝජනාගාරය) එකේ බලන් ඉන්නව” යනුවෙනි.
ආචාරශීලීව එම ඇරයුම ප්‍රතික්ෂේප කළ “X” පවසා සිටියේ තමන් දැනටමත් දිවා ආහාරය ගෙන ඇති බැවින් දිවා ආහාරය අනවශ්‍ය බවත් හැකි ඉක්මනින් තම කාර්යය ඉටුකර ආපසු යාම තම අරමුණ බවත්ය. එය පිළිගත් ජේෂ්ඨබලලත් නිලධාරියා ට්‍රොලි බෑගය “X” වෙතින් ගෙන අවි ගබඩාව වෙත රැගෙන යාමට උත්සහ කළද එයද වැලක්වූ “X” ජේෂ්ඨබලලත් නිලධාරියාද සමග අධි ආරක්‍ෂිත කලාපය වෙත ඇතුලුවිය.
අවි ගබඩාවේ ප්‍රධාන පිවිසුමේදී ජේෂ්ඨබලලත් නිලධාරියා විසින් අවි ගබඩාව භාරව සිටි ලුතිනන්වරයාට සහ ජේෂ්ඨබලලත් නිලධාරියාට (W –I නිලය දරන්නෙකි)“X” හඳුන්වාදෙනු ලැබුවේ “ මේ අර එම්ඕඩී ඕඩර් එකට ආපු සර්” යනුවෙනි. එහිදී එම නිලධාරීන් විසින් “X” පිළිගනු ලදුව ලුතිනන්වරයා බර අවි උණ්ඩ පිලිබඳ ඉන්වෙන්ට්‍රිය “X” අතට පත්කර ඔහුව බර අවි උණ්ඩ ගබඩා අංශයයේ කල් ඉකුත්වූ උණ්ඩ ගබඩා කර ඇති “E” අංශය වෙත කැඳවාගෙන ගියේ දොරටු 03ක් පසු කරමිනි.“M” තම වගකීම අකුරටම ඉටුකර තිබුණු අතර ප්‍රධාන ගේට්ටුවේ සිටම “X” ගේ අනන්‍යතාවය ප්‍රශ්ණ නොකෙරිණි. “X” අදාළ අංශය වෙත රැගෙන ගිය ලුතිනන්වරයා “X” ට සමුදුන්නේ “Sir, call me for any clarification” (සර්, ඕනෑම පැහැදිලිකරගැනීමක් සඳහා මා කැඳවන්න) යනුවෙන් පවසමිනි.
“X” බර අවි උණ්ඩ ගබඩා අංශය වෙත පිවිසීමෙන් පසු පළමුව සිදුකළේ තමන් අතට පත් ඉන්වෙන්ට්‍රිය පරීක්ෂා කරමින් රාක්ක වල අසුරා ඇති උණ්ඩ ගබඩා කර ඇති පිළිවෙල ඒ හා සමාන වනවාදැයි පරීක්ෂා කිරීමයි. මක්නිසාදයත් මෙවැනි පරීක්ෂාවකදී උණ්ඩයෙන් උණ්ඩය වෙන වෙනම පරීක්ෂා කිරීම ප්‍රයෝගික නොවනනිසා සිදුකරනුයේ රේඛීය සාම්පල පරීක්ෂාවක් ( Line SamplingTest) පමණි. එහිදී තෝරාගත් රාක්ක කිහිපයක විවිධ තට්ටු වලින් අහඹු ලෙස තෝරාගත් සාම්පල නිශ්චිත ප්‍රමාණයක් පමණක් පරීක්ෂා කරයි.
“E” අංශයයේ රාක්ක වල අසුරා ඇති උණ්ඩ ගබඩා කර ඇති පිළිවෙල ඉන්වෙන්ට්‍රිය හා සැසඳෙන බව වටහාගත් “X” තම සාක්කුවෙන් ගත් සටහන් පොතේ සාම්පල ලබාගන්නා ආකාරය පිලිබඳ දල සැකැස්මක් සටහන් කළේය. මෙහිදී “X” අවබෝධවූ දෙයක් නම් උණ්ඩවල නිෂ්පාදිත දිනයන් ලෙස ඉන්වෙන්ට්‍රියේ සඳහන් වූ දිනයන් අනුවනම් මේ උණ්ඩ කල් ඉකුත්වූ ඒවා බවයි. කෙසේ නමුත් තම රාජකාරිය “K” විසින් පවරන ලද කාර්යය ඉටුකිරීම පමණක් බව සැලකූ “X” ස්කෑනරය බහාලුමෙන් පිටතට ගෙන සකසා තම කටයුතු ආරම්භ කළේය. මේ වනවිට වේලාව පස්වරු 2.00 පමණ විය.
උණ්ඩ සාම්පල පරීක්ෂා කරමින් සහ එම දත්තයන් ගබඩා කරමින් පැයකටත් වඩා “X” උණ්ඩ ගබඩාව තුළ ගත කරද්දී ඉහත සඳහන් කළ බලලත් නිලධාරියා “X” වෙත පැමිණ ඇරයුම් කළේ තේ පානයටය. මේ වනවිට පස්වරු 3.15 පමණ විය. අවි ගබඩාවේ ප්‍රධාන පිවිසුමේදී “X” තේ පානය කළ අතර මේ වනවිට ලුතිනන්වරයා එම ස්ථානයේ නොවීය. තේ පානයෙන් පසු පස්වරු 3.30 ට පමණ නැවත උණ්ඩ ගබඩාව වෙත පැමිණි “X” පරීක්ෂාව ආරම්භ කළ අතර ටික වෙලාවකින් ඔහුට වැටහුනේ ස්කෑනරයේ බැටරි බලය අඩපණ වන බවයි. පිටතින් මේ පිළිබඳව නිරීක්ෂණය කළද හේතුවක් සොයාගත් නොහැකි වූ
“X” තීරණය කළේ ස්කෑනරයේ පාලන පුවරුව සහිත බ්‍රීෆ් කේසයක පහල කොටස වැනි කොටසේ පිටත ආවරණය ගලවා පරීක්ෂා කිරීමයි. නමුත් ඒ සඳහා අවශ්‍ය කරණ උපකරණ “X” වෙත නොවූ නිසා ඔහු කළේ නැවත අවි ගබඩාවේ ප්‍රධාන පිවිසුම වෙත එළඹ බලලත් නිලධාරියා වෙතින් කුඩා ප්‍රමාණයේ ෆ්ලැට් සහ මල් ස්වභාවයේ ඉස්කුරුප්පු නියන් කිහිපයක් ද කුඩා අඬුවක්ද ලබාගෙන උණ්ඩ ගබඩාව වෙත යාමයි.
බ්‍රීෆ් කේසයක පහල කොටස වැනි කොටසේ පිටත ආවරණය ප්‍රවේසමින් ගලවා ඉවත්කළ “X” දුටු දෙයින් විශ්මයෙන් ගල් ගැසිනි. ආවරණයේ ඇතුලත පහත කොටසේ ඔහු දුටුවේ ක්‍රියාත්මකව පවතින ට්‍රාන්ස්පොන්ඩරයක් (Transponder = මේ මගින් සංඥා නිකුත් කරන අතර එමගින් මෙය ඇති ස්ථානය එම සංඥා ලබාගන්නා අයකුට පහසුවෙන් නිරීක්ෂණය කළ හැකිය.) සහ ට්‍රාන්සීවරයකි (Transceiver = මේ මගින්ද සංඥා නිකුත් කළ හැකි අතර දුර බැහැරක සිටින පුද්ගලයකු විසින් ලබාදෙන සංඥා මෙයට ග්‍රහණය කරගත හැකිය.) මොහොතකින් පියවි සිහියට පැමිණි “X” මේ උපකරණ සම්බන්ධව ඇති දේ දැකගැනීම සඳහා ඒ වසා තිබූ ප්ලාස්ටික් කොළය අලවා තිබූ ගම් ටේප් ප්‍රවේසමින් ඉවත්කර කොළය ඉවත් කළේය.
දුටු දෙයින් “X” තුළ නැගුනේ මරාගෙන මැරෙන්නට හැකි තරම් කෝපයකි. ට්‍රාන්ස්පොන්ඩරයසහ ට්‍රාන්සීවරය සම්බන්ධකර තිබුනේ C – 4 අධිබල පුපුරණ ද්‍රව්‍ය කිලෝ 2කින් පමණ සමන්විත බෝම්බයකටය. එය ඩේටනේටර (Detonator = බෝම්බයක් පුපුරුවා හැරීමට භාවිතා කරන උපාංගයකි) තුනක් සම්බන්ධ කරමින් තැනුණු අතිශය සංකීර්ණ ත්‍රිත්ව පරිපථ (Triple Circuit)පිපුරුම් යාන්ත්‍රණයකටසම්බන්ධ කර ඇති බවත් එයට ස්කෑනරයේ පළමු බැටරිය මෙන්ම බෝම්බය සමග වන තවත් කුඩා ප්‍රමාණයේ අධිබල ලිතියම් බැටරි දෙකක්ද සම්බන්ධ කර ඇති බවට වටහා ගැනීමට “X” ගතවූයේ නිමේෂයකි. “K = ක.”ගේ සැලසුම “X” ට සක්සුදක් සේ පැහැදිලිවිය. ඒ අනුව අවි ගබඩාව “X” සමගින් පුපුරවා හැරීමට“K = ක.”විසින් සැලසුම් කර තිබිණි.
තම සුපිරි තාක්ෂණ දැනුම යොදා ගනිමින් මේ බෝම්බය නිෂ්ක්‍රිය කර මේ ඛේදවාචකය වලක්වාගන්නට “X” ට අවකාශය නොතිබුණේද යන්න සාමාන්‍ය පාඨක ඔබට මතුවන ප්‍රශ්ණයකි. එය සාධාරණය. නමුත් දුරස්ථ පාලකයක් හරහා ට්‍රාන්සීවරය වෙත එවන සංඥාවක් මගින් ඕනෑම මොහොතක පුපුරවා හැරියහැකි බෝම්බයක් සම්බන්ධයෙන් ඒ එසේ නොවේ. එසේම ඩේටනේටර තුනක් සම්බන්ධ කරමින් තැනුණු අතිශය සංකීර්ණ ත්‍රිත්ව පරිපථ පිපුරුම් යාන්ත්‍රණයකට සම්බන්ධ කර ඇති සහ ස්කෑනරයේ බැටරියෙන් මෙන්ම බෝම්බය සමග වන තවත් වෝල්ට් 9යේ කුඩා ප්‍රමාණයේ බැටරි දෙකක්ද සම්බන්ධ කර තැනුණු බෝම්බයක් සරල ආයුධ කිහිපයක් යොදා හුදු වයර් කැපීමක් මගින් නිෂ්ක්‍රිය කිරීමකට උත්සාහ කිරීම අනිවාර්යයෙන්ම සියදිවි නසා ගැනීමකි. සරලවම පවසතොත් මෙවැනි බෝම්බයක් සකසනුයේ එක විදුලි සැපයුම් පරිපථයක් අක්‍රිය කළහොත් තවත් පරිපථයක් ස්වයංක්‍රීයව සක්‍රිය වී පුපුරා යන ආකාරයට.
එසේම මේ බෝම්බය සහිත ස්කෑනරයට සවිකර ඇති ට්‍රාන්ස්පොන්ඩරයේ විදුලි සැපයුම අක්‍රිය කිරීමටද නොහැකිය. මක්නිසාද යත් එයින් නිකුත්කරන සංඥා ග්‍රහණය කරන දුරස්ථ ස්ථානයක වන ට්‍රාන්සීවරය නිරීක්ෂණය කරණ පුද්ගලයා සංඥා නොලැබීම බෝම්බය නිෂ්ක්‍රිය කිරීමට දරණ උත්සාහයක් ලෙස සළකා ඔහු සතු සංඥා ලබා ගන්නා ට්‍රාන්සීවරය මගින් හෝ ඔහු සතුව ඇති වෙනත් ට්‍රාන්සීවරයක් මගින් බෝම්බයේ ඇති ට්‍රාන්සීවරය වෙත එවන සහ එය විසින් ග්‍රහණය කරණ ස්වභාවයේ සංඥාවක් මගින් බෝම්බය පුපුරවා හැරිය හැකි නිසාය. එමෙන්ම මේ බෝම්බය සහිත ස්කෑනරය අඩු අන්තරාකාරී ස්ථානයක් වෙත ගෙනයාමද නොහැකිය. මක්නිසාද යත් මෙයට සවිකර ඇති ට්‍රාන්ස්පොන්ඩරය මගින් මේ බෝම්බය ඇති ස්ථානය සහ එය යම් ස්ථානයක සිට තවත් ස්ථානයක් වෙත ප්‍රවාහණය කරනවාද යන්න දැනගත හැකිය. එවිටද ඉහත සඳහන් කළ පුද්ගලයා විසින් එයද බෝම්බය නිෂ්ක්‍රිය කිරීමට දරණ උත්සාහයක් ලෙස සළකා බෝම්බය පුපුරවා හැරිය හැකි බැවිනි.
ඔබ පැනනැගිය හැකි තවත් ප්‍රශ්ණයක් වනුයේ ස්කෑනරය සම්පූර්ණයෙන්ම ක්‍රියාවිරහිත කළහොත් ඇති වන තත්වයයි. අප ඉහත සඳහන් කළ යාන්ත්‍රණය අනුව “X” අවි ගබඩාවේ “E” අංශය වෙත පැමිණියාද නැද්ද යන්න ට්‍රාන්ස්පොන්ඩරය හරහා නිරීක්ෂණය කළ හැකිය මක්නිසාද යත් “X” තම කාර්යය ආරම්භයට පෙර ස්කෑනරය ක්‍රියාත්මක කළයුතු බැවිනි. එවිට එහි බැටරි බලයෙන් ඉහත යාන්ත්‍රණය ක්‍රියාත්මක වී ස්කෑනරය කුමන ස්ථානයක් ඇත්දැයි ඉහතකී පුද්ගලයාට නිරීක්ෂණය කළ හැකිය .
ඒ අනුව
ස්කෑනරය සම්පූර්ණයෙන්ම ක්‍රියාවිරහිත කිරීම යනු “X” තම කාර්යය අවසන් කළ බවයි. එයින් අදහස් වනුයේ “X” අවි ගබඩාවෙන් පිටවී යාමට ඉතා ආසන්න බවයි. එවිට ද ඉහත කී පුද්ගලයා කරනුයේ බෝම්බය පුපුරවා හැරීමයි. එසේම ඉහත කී යාන්ත්‍රණයේ, විශේෂයෙන්ම ට්‍රාන්ස්පොන්ඩරය සහ ට්‍රාන්සීවරය ස්කෑනරයයේ බැටරි බලයෙන් පමණක් ක්‍රියකරනවාද, ස්කෑනරයයේ බැටරි බලයෙන් බල සැපයුම නොලැබෙන විට ඉහත සඳහන් කළ ත්‍රිත්ව පරිපථ යාන්ත්‍රණයට සම්බන්ධ බැටරි වලින් ක්‍රියාත්මක වනවාද යන්න පරීක්ෂා කිරීමට ඉහත සඳහන් කළ පරිසරයකදී කිසිසේත්ම පහසු නොවේ.
මෙවැනි බෝම්බයක් සාර්ථකව නිෂ්ක්‍රිය කිරීමටනම් අධි සංඛ්‍යාත ජෑමරයක් (High Freequency Jammer) මගින් ට්‍රාන්ස්පොන්ඩරයෙන් නිකුත්වන සංඥා වලට සහ ට්‍රාන්සීවරය වෙත ලැබියහැකි සංඥා වලට බාධා කළයුතුය. සියලු නිෂ්ක්‍රියකිරීමේ කටයුතු සිදුකළහැක්කේ ඉන්පසුව පමණි. මේ පහසුකම මේ අවස්ථාවේදී “X” ට නොවීය. එසේම එම පහසුකම ලබාගැනීමටනම් “X” සාලාව කඳවුරේ අණදෙන නිලධාරියා දැනුවත් කර තම රෙජිමේන්තු මූලස්ථානය ඇමතිය යුතුව තිබිණි. නමුත් “K = ක.”ඉතා බලවත් තත්වයක් තුළ“K = ක”සම්බන්ධ කුමන්ත්‍රණයක් එසේ හෙළිදරව් කිරීම නිසැකවම මරණය වැළඳ ගැනීමක් බව වටහා නොගැනීමට තරම් “X” බොළඳ නොවීය. නමුත් මේ සියලු තත්වයන් යටතේ වුවද නියමිතව ඇති පිපිරීමෙන් විශාල ජීවිත විනාශයක් වලකා ගැනීමේ උවමනාවක් “X” ට විය. එබැවින් තවත් කාලය අපතේ නොහරිමින් “X” කළේ අවි ගබඩාවේ ප්‍රධාන පිවිසුම වෙත දිවගොස් එහි රාජකාරියේ නියුතු බළලත් නිලධාරියාව ඉතා ආසන්න කාලයකදී සිදුවීමට නියමිත පිපිරීම සම්බන්ධයෙන් දැනුවත් කිරීමයි.
සැබවින්ම “X”, බළලත්නිලධාරියා බෝම්බයක් ගැන දැනුවත් නොකර ඔහුට තදබල ලෙස අනතුරු අඟවා සිටියේ අවි ගබඩාවේ “E” කොටසේ ගබඩා කර ඇති මල්ටි බැරල් රොකට් උණ්ඩ කිහිපයක ද්‍රව කාන්දුවක් සමග ඉන් නගින දුමක් (මේ සිදුකළ හැකිව තිබූ හොඳම නමුත් ව්‍යාජ අනතුරු හැඟවීමේ අවදානමයි. ඒ කුමක් නිසාද යන්න දැනගැනීම සාමාන්‍ය පාඨක ඔබට අවශ්‍ය නොවේ. කොටින්ගේ නොනවතින රැල්ල නතරකළ මේ විශ්මිත අවියේ ශක්‍යතාවයන් කෙසේ වෙතත් දුර්වලතාවයන් වගකිවයුතු වෙබ් අඩවියක් ලෙස අපි අනාවරණය නොකරමු.) තමන් විසින් නිරීක්ෂණය කළ බවත් ඒ අනුව ඕනෑම මොහොතක එම උණ්ඩ පුපුරා ගොස් මුලු අවි ගබඩාවම විනාශවීමේ අනතුරක් අත ළඟ පවතින බවත් වහාම දවසේ කාර්යභාර අධිකාරිලත් නිලධාරියා මගින් අණදෙන නිලධාරියා දැනුවත් කර ඉහලම අනතුරු සංඥාව නිකුත් කරන ලෙසය.
වැඩිදුරටත් “X”, බළලත් නිලධාරියා වෙත දන්වා සිටියේ තමන්ට කඳවුරේ සංඥා මැදිරියට ඇතුලුවී තම මව් රෙජිමේන්තුවේ අණදෙන නිලධාරියා හෝ දෙවන අණදෙන නිලධාරියා අමතා තත්වය පැහැදිලි කර සිදුවීමට ඉඩ ඇති සඳහා විනාශය අවම කරගැනීම සඳහා විශේෂ පුහුණුව ලද ඒකකයන් ගෙන්වා ගැනීමට අවශ්‍ය බවත් ඒ පිළිබඳව අණදෙන නිලධාරියා හෝ දෙවන අණදෙන නිලධාරියා දැනුවත් කරණ ලෙසත් තමා හැකි ඉක්මනින් සංඥා මැදිරිය වෙත යන බවත්ය.
එසේම “X” දැඩි නියෝගාත්මක ස්වරයෙන් බළලත් නිලධාරි වෙත පවසා සිටියේ වහාම අවි ගබඩාවේ සහ එය පිහිටි අධි ආරක්‍ෂිත කලාපයේ සියලු විදුලිබල සැපයුම් සහ රැහැන්ගත සන්නිවේදන පද්ධතීන් අක්‍රිය කර සියලු සෙබලුන් සමග අධි ආරක්‍ෂිත කලාපයෙන් ඉවත් වන ලෙසය. එසේ පැවසූ “X”අධි ආරක්‍ෂිත කලාපයේ ගේට්ටුව දෙසට දිව යන්නට විය. මේ සියල්ලටම ගත වුයේ විනාඩියකට අඩු කාලයකි. බළලත් නිලධාරියා මොහොතකට වික්ෂිප්ත විය. පියවි සිහි එළඹි ඔහු කළේ වහා අවි ගබඩාවේ ප්‍රධාන පිවිසුමට යාබදව පිහිටි කුටියට ගොස් අවි ගබඩාව සහ එය පිහිටි අධි ආරක්‍ෂිත කලාපයේ සියලු විදුලිබල සැපයුම් සහ රැහැන්ගත සන්නිවේදන පද්ධතීන් අක්‍රිය කර සාමාන්‍ය විදුලි සැපයුමෙන් ක්‍රියාත්මක නොවන වෙනත් ආකාරයකින් ක්‍රියාත්මක වනඅනතුරු ඇඟවීමේ සංඥාව ක්‍රියාත්මක කර එහි සිටි කෝප්‍රල් වරයා සහ සෙබලුන් දෙදෙනා සමග අධි ආරක්‍ෂිත කලාපයේ ගේට්ටුව දෙසට දිව යාමය. දිව යන අතරතුර ඔහු අවට සිටින සෙබලුන් හට “යකෝ දැන් පුපුරනව, අම්මට ……………(Digital?) නැතුව මෙතනින් දුවපියව්” යනුවෙන් අනතුරු අඟවා සිටියේය. (මේ හදිසි අවස්ථාවකදී සෙබලුන් උදෙසා භාවිතා වන බළලත් නිලධාරින්ගේ භාෂා ව්‍යවහාරයයි. ලෝක හමුදා සම්ප්‍රදාය අනුව එහි වරදක් නැත.)
මෙහිදී ඔබට ඇතැම් විට පැන නගින පැනය වනුයේ බළලත් නිලධාරියා, “X” ගේ උපදෙස් ක්‍රියාත්මක නොකර සංඥා මැදිරිය අමතන්නේ නැතිව දිවගියේ ඇයිද යන්නය. පිලිතුර නම් පස්වරු 3.30 සිට අවි ගබඩාවේ සන්නිවේදන පද්ධතිය අක්‍රියව තිබීමයි.
දැන් ඔබ අවධානය යොමුකරනුයේ සංඥා මැදිරිය වෙත දිවගිය “X” ට කුමක් වීද යන්න පිලිබඳවය. අප විසින් ඉහත විස්තර කරන ලද කුමන්ත්‍රණකාරී තත්වය තුළ “X” සංඥා මැදිරිය වෙත දිව ගියානම් ඔහු හැඳින්විය යුත්තේ උමතු වූ පුද්ගලයකු ලෙසය. “X” තම කතාවට අනුව ක්‍රියා නොකර පැහැදිලිවම සංඥා මැදිරිය නොගියේය. ඔහු ප්‍රථමයෙන්ම අනතුරු සංඥාව මැදදිව ගියේ තමා පැමිණි මෝටර් රථය වෙතටය. එහි දොරගුලු විවර කළ ඔහු තම ජංගම දුරකථනය මෝටර් රථය තුළ තිබියදී පෞද්ගලික බඩු බාහිරාදිය අඩංගු බෑගය අතට ගෙන නැවත මෝටර් රථය දොරගුලු ලා මෝටර් රථය පණගන්වන යතුර දකුණු පස ඉදිරි දොරේ යතුරු කටට ඔබා එය එහි තිබෙන්නට හැර අඩි කිහිපයක් කඳවුරේ ප්‍රධාන දොරටුව දෙසට දිවගියා පමණි. කන් බිහිරිකරවමින් පළමු පිපිරීම සිදුවිය. ඒ හරියටම ඔබ නොයෙකුත් පුවත්පත් වලින් කියවූ වේලාවට තත්පර 45 කට කලිනි. ලද පුහුණුව අනුව . “X” බිම පෙරලිනි. තත්පර 30 කට පසු නැගිටි ඔහු දුටුවේ එම පිපිරීමෙන් පසු උණු අළු දැමූ කඩි ගුලක්සේ ඇවිස්සුනු කඳවුරකි. කඳවුරේ ප්‍රධාන පිවිසුම වෙත දිවෙන හමුදා සාමාජිකයන් අතරට එක්වූ “X” ද කළේ ප්‍රධාන දොරටුව වෙත දිවයාමයි.
ඉන්පසු “X” ට සිදුවූයේ වුයේ කුමක්ද? එය අප විසින් අනාවරණය නොකරනුයේ මේ සිදුවීමෙන් පසු “X” ට රැකවරණය සැලසූ යම් බුද්ධි අංශයක නිලධාරීන් පිරිසක් සහ රටට සැබවින්ම ආදරය කරණ, එබැවින්ම පවත්නා රජයේ දැඩි වෛරයට පාත්‍ර වූ විපක්ෂයේ තරුණ දේශපාලනඥයකු වෙත ඉන් දැඩි අගතියක් සිදුවිය හැකි බැවිනි.. දැනටද රජය මේ තරුණ දේශපාලනඥයා සහ බිරිඳ අභූත චෝදනා මත සිරගත කිරීමට තැත්කරයි.
යම් බුද්ධි අංශයක සහ ඉහත කී තරුණ දේශපාලඥයාගේ සාමූහික උත්සාහයක ප්‍රතිපලයක් ලෙස පසු දින එනම් සඳුදා පාන්දර වනවිට “X” සිටියේ ශ්‍රී ලංකාවේ සිට යම් රටක් බලා පියාසර කරන ගුවන්යානයක් තුළය. මෙහිදී විශේෂයෙන්ම ජුනි 05 වැනි ඉරිදා දිනයකදී අවශ්‍ය පහසුකම් සැලසූ අප මිත්‍ර රටක තානාපති කාර්යාලයක සහය නොලැබුනානම් මේ උත්සාහය බොහෝ විට අසාර්ථක වීමට ඉඩතිබිනි. දේශපාලනඥයකු බුද්ධි අංශ සමග සම්බන්ධතා පැවැත්වීම සහ පුද්ගලයකු රටින් පිටකර හැරීම සඳහා ඔවුන් හා එක්ව විදේශ තානාපති කාර්යාලයක සහය ලබා ගැනීම අප සාමාන්‍යයෙන් අනුමත නොකරණ නමුදු ජාතික ආරක්ෂාවේ නාමයෙන් සිදුකළ එම ක්‍රියාවේ කිසිදු දොසක් අපි නොදකිමු.
පැය 04 කට ආසන්න කාලයක් පියාසර කළ “X” ගුවන්යානය තම ගමනාන්තය වෙත ළඟාවූ අතර ගුවන්තොටුපලේදී “X”පිළිගනු ලැබුවේ එම ගමනාන්තය පිහිටි රටේ පිහිටි ඉහත සඳහන් කළ මිත්‍ර රටේ තානාපති නිලධාරීන් දෙදෙනෙකු විසිනි. ඔවුන් සමග තානාපති කාර්යාලයට ගිය “X” එහි දින 3ක් ගතකළ අතර ඉන්පසු එම තානාපති කාර්යාලය විසින් වෙනත් නමක් යටතේ සකස්කරදුන් විදේශ ගමන් බලපත්‍රයක් සහිතව එම තානාපති කාර්යාලය විසින් එම තානාපති කාර්යාලයේ මව් රට වෙත ගුවන් මගින් පිටත්කර හරිනු ලැබීය. දැන් දැඩි ආරක්ෂාව සහිතව “X” එම රටෙහි වාසය කරයි.
දැන් අපි නැවත සාලාව කඳවුර වෙත නෙත් යොමුකරමු. පිපුරුම වූ දින සෙබලුන්ගේ රාත්‍රී ආහාරය පස්වරු 5.00 පෙර සපයන ලෙස සැපයුම්කරුට නියෝග කර තිබීම. සැලකියයුතු තරම් සෙබළ පිරිසක් පනාගොඩ හමුදා කඳවුර වෙත යවා තිබීම, පිපුරුම සිදුවූයේ ගිනි නිවීමේ අභ්‍යාසයක් අතරතුරදී යයි ආරක්ෂක ලේකම්වරයා ප්රකාශ කිරීම (මේ ආරක්ෂක ලේකම්වරයා හැඳින්වීම සඳහා ආණ්ඩුවට පක්ෂපාත වෙබ් අඩවියක් යොදාගන්නේ යම් කාර්මිකයකු හඳුන්වන ග්‍රාම්‍ය වචනයකි. අතීතයේදී යම් වෙළඳ දැන්වීමක මේ ඒ කාර්මිකයාගේ චරිතය නිරූපණය කළේ ප්‍රකට නළු ක්වින්ටස් වීරකෝන්ය. අවසානයේ ක්වින්ටස් වීරකෝන්ය සුප්‍රකට වුයේ ඉහත විස්තර කළ ග්‍රාම්‍ය වචනයෙනි. අපි එබැවින් මෙතැන් සිට ආරක්ෂක ලේකම්වරයා “PB = ප.බා.” ලෙස හඳුන්වමු.) යන සියලු කාරනා පිළිබඳව ඔබ දැනුවත්ය.
දැන් අපගේ සූදානම මතුපිටින් පෙනෙන කාරණා නොව සාලාව පිපිරීම පිලිබඳ සත්‍ය කතාවට පාදකවූ හේතු පිළිබඳව විග්‍රහයක යෙදීමයි. මෙහිදී මූලික වන චරිත 5කි. පළමුවැන්නා “දූපත්පති PG = ප.ග.” ය. ඔහුගේ පෙළපත් නමේ පළමු නාමය පහළ පිහිටි වත්තක් හැඳින්වීම සඳහා භාවිතා වන අතර දෙවැනි නාමයෙන් හැඳින්වෙනුයේ ගම් ප්‍රධානියෙකි. මෙයද ප්‍රථමයෙන්ම භාවිත කළේ ඉහත කී වෙබ් අඩවියයි. දෙවැන්නා “දූපත්පති PG = ප.ග.” ට පමණක් නිල වශයෙන් දෙවැනි “WBT = වැ.බැ.ටා.”ය . T අකුරෙන් ආරම්භ වනුයේ අප්‍රිකානු වනාන්තර ආශ්‍රිතව වීර ක්‍රියාවල යෙදෙමින් ජීවත්වූ මනකල්පිත චරිතයක් වන අතර W අකුරින් ක්‍රියාවන් සඳහා යෙදෙන අකුරු දෙකකින් යුතු සිංහල වචනයක් අදහස් කෙරේ. B අකුරින් අදහස් කරණුයේ ක්‍රියාවන් කිරීමට හැකි නොහැකියාව හඳුන්වන අකුරු දෙකකින් යුතු සිංහල වචනයකි. කාටූනයක මේ පුද්ගලයා චිත්‍රණය කර ඔහු සඳහා වැබැ.ටා හි දිගු යෙදුම වන සිංහල වචන 3 මුලින්ම යෙදුවේ සුප්‍රකට කාටූන් ශිල්පී කැමිලස් පෙරේරාය. තුන්වැන්නා “MP = ම.පො.” ය. එය පද පෙරළියකින් තේරුම් ගත යුතුය. M අකුරින් අදහස් කරනුයේ මුළුතැන්ගෙයි සහ ගෙවතු වැඩ වලදී භාවිතාවන තියුණු මුවහතක් ඇති ආයුධයක් වන අතර P අකුරින් අකුරු 3කින් යුතු සිංහල අව්‍යක්ත පදයක මුල් අක්ෂරය අදහස් කෙරෙන අතර එම පදයේම දෙවන සහ තුන්වන අකුරු වෙනම ගෙන කියවූ කළ පාෂාණය යන තේරුම ලැබේ. මේ හැඳින්වීමද ප්‍රථමයෙන් යෙදුවේ අප නොව රාජිත සේනාරත්නය. සිව්වැන්නා සහ පස්වැන්නා පිලිවෙලින් අප දැනටමත් දන්නා “PB = ප.බා.” සහ “K = ක.”ය.
රජයේ වියදමින්,යටත් විජිත සමයේ සිට පැවතෙන රජයට අයත් පැල්පත් තුනක් එක්කොට අඩුපාඩු වූ වරිච්චි නැවත ගසා ඉන් පසු අලුතින්ම වහලට ඉලුක් සෙවිලි කර, අලුතින්ම බිත්ති වලට මකුල් මැටි ආලේප කර,අලුතින්ම ගෙබිමට ගොමමැටි ගා, යාබද (attached) වල වැසිකිලි වල උක්කුටියෙන් හිඳ ශරීර කෘත්‍ය කිරීමේ පහසුව සඳහා වල හරහට අලුතින්ම එකිනෙක හා අඩියක පරතරයෙන් යුතුව පොල්කොට දෙක බැගින් දැමූ “දූපත්පති PG = ප.ග.” ගේ කොළඹ හතේ පිහිටි “සරල ගොවි ගෙදර” (මෙය දෙමහල් අධි සුඛෝපභෝගී ගොඩනැගිල්ලක් බවත් එහි පළමු මහලේ සිට දෙවන මහලට යාම සඳහා විදුලි සෝපානයක්ද ඇති බවත් කියන්නේ අනාගතයේ දී හෙන හතක් වැදීමට නියමිත අමනයන් පමණි. සත්‍යවශයෙන්ම පවසතොත් මේ සරල ගොවිගෙදරට විදුලිබලය පවා නොමැත. මෙහි නඩත්තුව වෙනුවෙන් රජය දරණ වියදම අඩුකිරීම සඳහා සැබවින්ම මෙහි රාත්‍රියට දල්වනුයේ පොළොන්නරුවෙන් ගෙනෙන මී තෙලින් පොඟවා ගත් පන්දම්ය. මී ගස රජරට ප්‍රදේශයේ හොඳින් වැවෙන සුලභ ගසකි.)සාලාව පිපිරීමට දෙපෝයකට පමණ පෙර රාත්‍රියක මී තෙල් පන්දම් ආලෝකය යට ඉහත කී පුද්ගලයන් අතර දසකන් මන්ත්‍රණයක් පැවැත්විණි. විටින් විට උක් හකුරු සහ බෙලිමල් පානය කරමින් පැවති මේ මන්ත්‍රණයේ ප්‍රස්තුතය වෙත අපි අවධානය යොමුකරමු.
“දූපත්පති PG = ප.ග.”, ““WBT = වැ.බැ.ටා.”සහ “MP = ම.පො.” තම ස්වාමීන් වූ ඇමරිකා එක්සත් ජනපදය, යුරෝපය සහ ඉන්දියාව සමග ශ්‍රී ලංකා සන්නද්ධ හමුදාවන් සම්බන්ධයෙන් ඒවායේ ප්‍රමාණය සහ ශක්තිය අඩු කිරීම සඳහා මූලික එකඟතාවයකට එළඹ තිබිණි. නමුත් මේ තිදෙනාටම ගැටලුව වූයේ ශ්‍රී ලංකාව තුළ මහත් වූ ජන කැළඹීමකට හේතු නොවන පරිද්දෙන් රහසිගතව මෙය සිදුකරන්නේ කෙසේද කියාය. මේ තිදෙනා සහ “PB = ප.බා.” සන්නද්ධ හමුදා විෂය ක්ෂේත්‍රයේ ප්‍රවීණයන් නොවන අතර දිනෙන් දින කොටි හිතවාදීන්ගේ මෙහෙයවීමෙන් ජාත්‍යන්තරව ශ්‍රී ලංකා සන්නද්ධ හමුදාවන්ට එරෙහිව ප්‍රබලව නැගෙන ඊනියා යුධ අපරාධ චෝදනා සම්බන්ධයෙන් තමන්ද හුදු බලය පවත්වාගැනීමේ අරමුණින් ඊට රහසිගත අනුකූලත්වයක් දක්වන තත්වයක් යටතේ සහ ඒ පිළිබඳව දැඩි කලකිරීමකින් යුතුව සිටින සේවයේ නියුතු සහ විශ්‍රාමික සන්නද්ධ හමුදා සාමාජිකයන් 99. 97 % සිටින බවට ස්ලිම් නිල්සන් සමීක්ෂණ ආයතනය විසින් වාර්තාවක් සපයා තිබියදී මේ කාර්යය සඳහා සේවයේ නියුතු සහ / හෝ විශ්‍රාමික සන්නද්ධ හමුදා නිලධාරීන් යොදා ගැනීමේ හැකියාවක්ද ඔවුන්ට නොවීය.
එනිසා ශ්‍රී ලංකා සන්නද්ධ හමුදාවන්ගේ ප්‍රමාණය සහ ශක්තිය අඩුකිරීම සඳහා උපයෝගී කරගතයුතු හොඳම සහ එකම පුද්ගලයා ලෙස “දූපත්පති PG = ප.ග.”, ““WBT = වැ.බැ.ටා.”, “MP = ම.පො.” සහ “PB = ප.බා.” ගේ ඒකමතික තීරණය වූයේ “K= ක” ය. අප බොහෝ සාධාරණ කාරණා මත “K= ක” ට විරුද්ධ වුවද විවේචනය කළද සන්නද්ධ හමුදාවන් සම්බන්ධයෙන් වන ඔහුගේ පළපුරුද්ද සහ නිවැරදි දේශපාලන නායකත්වයක් යටතේ “K= ක” ලබාගත් යුද අස්වැන්න පිළබඳ ප්‍රශ්ණ නොකරමු. “K= ක” මේ දසකන් මන්ත්‍රණයට නවවැනි සහ දසවැනි දෙකන ලෙස ඇරයුම් ලබනුයේ ඉහත කී සන්ධර්භය තුළය.
“K= ක” ගේ පළමු යෝජනාව වූයේ කිසි ලෙසක සන්නද්ධ හමුදා සතු යුධ ටැංකි (BattleTanks), සන්නද්ධ රථ (Armoud Cars) , කාළ තුවක්කු (Artillery), මල්ටි බැරල් රොකට් ලෝන්චර් (Multi Barrel Rocket Launchers) , ගොඩබිම් ප්‍රහාරක ගුවන්යානා (Ground Attack Crafts),ගොඩබිම් ප්‍රහාරක හෙලිකොප්ටර් (Helikopter Gunships) ප්‍රහාරක යාත්‍රා (Fast Attack Craft), අක් වෙරළ මුර සංචාරක යාත්‍රා (Offshore Patrol Vessels)වැනි සන්නද්ධ හමුදාමය දෘඩකාංග (Military Hardware) අලෙවි කිරීම හෝ විනාශ කිරීම නොකළයුතු බවයි. මක් නිසාද යත් එවන් විනාශ කිරීමක් හෝ අලෙවි කිරීමක් සන්නද්ධ හමුදා සාමාජිකයන්ට රහසේ සිදුකළ නොහැකි අතර දෙවනුව එය මහත් වූ ජන කැළඹීමකට හේතුවිය හැකි බැවිනි.
එබැවින් “K= ක” ගේ දෙවන යෝජනාව වූයේ මේ සන්නද්ධ හමුදාමය දෘඩකාංග නඩත්තුව සඳහා අවශ්‍ය කරන මුදල් කපා හැර මේ දෘඩකාංග ස්වාභාවික අස්වාභාවික මරණයකට පත් කිරීමයි. නමුත් “MP” විසින් “K= ක” ට හරස්කපන ලදුව “MP = ම.පො.” විසින් දස කන් මන්ත්‍රණය වෙත අවධාරණය කර සිටියේ තමා විසින් තම විදෙස් ස්වාමීන්ට වූ පොරොන්දුව පරිදි සන්නද්ධ හමුදා ශක්තිය සියයයට හැත්තෑවකින් අඩුකරලීම 2016 වසර තුළදී සිදුකළ යුතුම බවයි.
ඉනික්බිති “දූපත්පති PG = ප.ග.” සහ “WBT = වැ.බැ.ටා.” “K= ක” වෙත නෙත් යොමුකළේ පිළිතුරක් අපේක්ෂාවෙනි. තවත් කිතුල් හකුරු කැබැල්ලක් සහ බෙලිමල් වීදුරුවක් අතට ගත් “K= ක” කටහඬ අවදි කළේය. ඒ අව්‍යක්ත ඉංග්‍රීසි භාෂාවෙනි. “Then let me cut balls instead of cock”මේ ඉංග්‍රීසිභාෂාවෙන් වන ඉතා අසභ්‍ය යෙදුමක් වන අතර සභ්‍ය සම්මානයෙන් යුතුව පවසතොත් ඉන් අදහස් වනුයේ ලිඟුව තිබියදී වෘෂණ කෝෂ ඉවත්කිරීමයි.
මින් සෙසු පිරිස වික්ෂිප්ත වූහ. මොහොතක් නිහඬ වූ “K= ක” නැවත කටහඬ අවදි කළේය. “K= ක” ගේ සැලසුම අනුව යුධ හමුදාව සහ අනෙකුත් සන්නන්ධ හමුදා සතු බර අවි උණ්ඩ වලින් සැලකිය යුතු කොටසක් යුද්ධයක් නොමැති තත්වය නිදහසට කරුණක් ලෙස දක්වමින් ආපසු නිෂ්පාදකයන් වෙත අලෙවි කිරීමෙන් සන්නද්ධ හමුදා ශක්තිය සියයයට හැත්තෑවකින් අඩුකරලීම 2016 වසර තුළදීම කළහැකි අතර දැඩි මුල්‍ය අර්බූදයකට ලක්වී සිටින ආණ්ඩුවට සැලකිය යුතු ආදායමක්ද ලබා දියහැක. මේ යෝජනාවෙන් සෙසු පිරිස අමදානන්දයට පත්වූ අතර නමුත් සුළු මොහොතකින් “MP = ම.පො.” විමසා සිටියේ මේ තරම් දැවැන්ත බර අවි උණ්ඩ තොගයක් නැවත මිළදී ගැනීමට නිෂ්පාදකයන් කැමති වේද යනුවෙනි.
එහිදී “K= ක” පවසා සිටියේ යුධ හමුදාව සතු බර අවි උණ්ඩවලින් 80% ක් පමණ චීනයේ නොරින්කෝ (Norinco)සමාගමේ නිෂ්පාදනයන් බවත් තමන්ට ඒ සමාගම සමග අතීතයේ සිටම ඉතා යහපත් සබඳතා පවතින බවත් එබැවින් ඒ සමාගම කැමති කරවා ගැනීමේ වගකීම සහ මේ සියලු කාර්යයන් නිවැරදිව ඉටු කිරීමේ වගකීම තමන් දරණ බවත්ය.““K= ක” පවසා සිටියේ අසත්‍යයක් නොවේ. එකළ “MP = ම.පො.” විසින් ““K= ක” හඳුන්වාදෙන ලද්දේ ගැලවීමේ හමුදාවටවත් (Salvation Army) නායකත්වය දීමට නොසුදුසු පුද්ගලයකු ලෙස බව ඔබට මතක ඇත. කෙසේ නමුත් ඒ නායකත්වය අත්‍යවශ්‍යවූ යුද්ධයේ අවසන් සති දෙක තුළ “K= ක” සිය පවුලේ සාමාජිකයන් සමග යම් රටක පෞද්ගලික සංචාරයක යෙදුනේ නොරින්කෝ සමාගමේ වියදමිනි. ඉන් පසු සිදුවූ අපූර්වතම සිදුවීම වනුයේ යුද්ධ අවසානයෙන් සති කිහිපයකට පසු කිසිසේත් අවශ්‍ය නොවූ උණ්ඩ සහ අවි පිරවූ නැවක් යම් රටක සිට කොළඹ වරාය වෙත පැමිණීමයි.
මින් එවකට සිටි ජනාධිපතිවරයා සහ ආරක්ෂක ලේකම්වරයා පමණක් නොව යම් අසල්වැසි කලාපීය බලවතෙකුද තිගැස්මකට ලක්විය. එහි ප්‍රතිපලයක් ලෙස මේ නැව ආපසු හරවා හැරිණි. මෙවැනි අවි ඇණවුමක් පිළිබඳව ජනාධිපතිවරයා සහ ආරක්ෂක ලේකම්වරයා නොදැනුවත්ව සිටි අතර වහාම එම අවි නිෂ්පාදිත රට වෙතින් ඉතා රහසිගතව කැරුණු විමසිණි.
මක්නිසාද යත් අවි නිෂ්පාදනය කරන රටක සමාගමකින් යම් රටක් අවි මිලදී ගැනීමකදී එම රටේ ආරක්ෂක ලේකම්වරයා විසින් නිකුත්කරණ “අවසන් පාරිභෝගිකයා පිලිබඳ සහතිකය” (End User Certificate) අවි නිෂ්පාදනය කරන රට වෙත ලැබීම අනිවාර්ය බැවිනි.අවි නිෂ්පාදනය කරන රටක් විසින් මේ සහතිකය අවි ඇනවුම් කරන රටින් ලබාගනුයේ සතුරු රටක්, තම මිතුරු රටක සතුරු රටක් හෝ ත්‍රස්තවාදී සංවිධානයන් වෙතඑම අවි ලැබීම වැලැක්වීම සඳහාය. ඉහත විමසුමට ලද පිලිතුරෙන් ජනාධිපතිවරයා සහ ආරක්ෂක ලේකම්වරයා විශ්මයට පත්විය. නමුත් පැවති යුධ ජයග්‍රහණ උණුසුම මැද “K= ක” ද විරුවකු සැලකෙන තත්වයක් යටතේ යුධ අධිකරණයක් නොකැඳවා රටේ ප්‍රජාතන්ත්‍රවාදයට සිදුවීමට තිබූ හානිය අවම කරගනිමින් “K= ක” ඊ ළඟ තනතුර පැය කිහිපයක් තුළ වෙත උසස් කරන ලදී.
නැවත අප අර “සරල ගොවි ගෙදර” පැවති සංවාදය වෙත එළඹෙමු. “K= ක” ගේ සැලසුමට සමාන ප්‍රයෝගික සහ ජන කැළඹීමකට හේතු නොවන ආකාරයේ සැලසුමක් ඉදිරිපත් කිරීමේ හැකියාවක් මේ සංවාදයට එක්වූ අනෙක් කිසිදු පුද්ගලයකු හට නොවීය. එබැවින් “K= ක” ගේ සැලසුම ඒකමතිකව පිළිගැනිණි. නිතැතින්ම “K= ක” සැලසුමේ නිර්මාපකයාද ක්‍රියාත්මක කරන්නාද බවට පත්විණි. නමුත් ඉන් අමන්දානන්දයට පත් නොවී වඩාත් විචක්ෂණ වූ “K= ක” සෙසු පිරිසට අවධාරණය කළේ මේ මෙහෙයුමේ සියලු බලතල තමන් වෙත ලැබිය යුතු බවත් මේ සඳහා තමන් කැමති ඕනෑම සන්නද්ධ හමුදා හෝ රාජ්‍ය සේවා සාමාජිකයකු යොදා ගැනීමේ බලතලද මේ සඳහා යටිතල පහසුකම් සැලසිය යුතු අනෙකුත් ආයතන ලෙස තමන් අදහස් කරන ශ්‍රී ලංකා රේගු දෙපාර්තමේන්තුව , ශ්‍රී ලංකා වරාය අධිකාරිය, ශ්‍රීලන්කන් ගුවන් සේවය ඇතුලු වෙනත් ඕනෑම ආයතනයක ප්‍රධානීන් වෙත වාචික නියෝග නිකුත්කිරීමේ බලය සහ එම නිලධාරීන් එම නියෝගයන්ට අනුගතවීමේ අවනතභාවයත් තමන්ට “PG = “දූපත්පති PG = ප.ග.”, සහ “WBT = වැ.බැ.ටා.” විසින් සහතික කළ යුතු බවත්ය. මෙයට විරෝධයක් දක්වමින් “PB = ප.බා.” ප්රකාශ කරසිටියේ එය පැහැදිලිව රජයේ ආයතන සංග්‍රහය සහ මුල්‍ය රෙගුලාසි උල්ලංඝනය කිරීමක් බවත් අදාළ විෂය භාර ලේකම්වරයා වන තමන් හරහා එය සිදුකළ යුතු බවත්ය.
මේ වනවිට තම පස්වන බෙලිමල් වඩියද හමාරකර පිළිවෙලින් මල් පදමද, කුමාර පදමද පසුකර බඹර පදමේ මුල් භාගය වෙත එළඹ තිබූ “K= ක” ඉතා රළු හාස්‍යයකින් යුතුව හුදෙක් “හුදු හෙළුවෙන්ම වනමින් = ශුද්ධ සිංහලයෙන්ම වර්ණනාකරමින්” ,“PB = ප.බා.” වෙත පවසා සිටියේ රජයේ ආයතන සංග්‍රහය සහ මුල්‍ය රෙගුලාසි ලොකු පොත් දෙකක මුද්‍රණය කර ඇති බවද ඒ පොත් රෝල් කර විට ලොකු විශ්කම්භයකින් යුතු බවද ඒ රෝල් කළ පොත් පයිප්පයක හැඩය ගන්නා බවද තමා දන්නා බවද නමුත් ඒ බව නොදන්නා ඉංජිනේරුවකුයයි කියන “PB = ප.බා.” ඒවා අසවල් ස්ථානයේ ගසා ගනිමින් ඒ ගැන අවබෝධ කරගතයුතු බවත්ය.
“K= ක” අනුක්‍රමයෙන් කුමාර පදම පසුකර බලු පදමටද ඉන් ඉක්බිති නිසැකව කබර පදමටද එළඹෙන බැව් වටහාගත් “දූපත්පති PG = ප.ග.” සහ “WBT = වැ.බැ.ටා.” විසින් ඉහත කී කාර්යය “K= ක” වෙතම නිල කරනලද්දේ ඔහු විසින් තමන් වෙත ඉදිරිපත් කරනලද සියලු කොන්දේසි වලට එකඟ වෙමිනි.
දෙවනුව මේ සභාතොමෝට කිමක් විනිදැයි සොයාබැලීමට ඇතැම් විට ඔබ උත්සුක වනු නිසැකය. ප්‍රිය සගය, රජයේ වියදම් අවම කිරීමෙහිලා මේ “සරල ගොවි ගෙදරහි” බොහෝ තැත් වෙයි. මේ කල්තබාදුටු මෙහි දූපත්පති ගහපති (ගෘහපති) තෙම නොවූ අනෙකුක් අයවල්හු කදිලි (කෙසල්) පතෙක (කොලයක) ඔතන ලද නිශා බොජුන (රාත්‍රී ආහාරය) සමගම මෙහි සපැමිණි බව නොකිව මනාය.
සබය අවසන මදක් ගෙදරට වන් ගහපති තෙම පුවක් කොලපතට බෙදන ලද නිවුඩු සුන්සහලින් (ඇගිටි හාල්) සහ නාරිකේල සම්බෝලයෙන් (පොල් සම්බෝල) පමණක් සජ්ජිත සරල නිශා බොජුන සහ පූකුරුවක් (මැටි කොතලයක්) සමග පැමිණ ගෙඋයනේ වූ පළොල්රුකක් (මේ ගස සම්භාව්‍ය සාහිත්‍යයේදී හඬින් වෙනුයේ පාඨලී යන නමිනි. ඈත අතීතය කෙසේ වෙත මෑත අතීතය නම් ගෙනහැර දක්වන්නේ පාඨලී ගස යටින් නිකමටවත් ගියහොත් පාරාජිකා වන බවයි.) යට පළඟ බැඳ අහර කිස වෙත සබය කැඳවූ කළ පිරිස පැමිණියේ දිගු පියවරිනි. අහර කිස අහවර පැන් පූ (බිව්) සභාතෙම අත තෙමා නික්ම ගියේ “සරල ගොවි පියස” කදළි වගාව දෙසටය. මක් නිසාද වත් ගහපති දූපත් පති විසින් ආවඩන ලද කදලි පතේ එතුණු බෝජුනේ රසය පිණිස කදලි වගාව තම සුළු දියේ රසයෙන් දිගු කාලීනව තවත් ඔපවත් කරනු පිණිසය.
දැන් ඔබ කිවයූ මේ සියලු උපහාසයන් සමග වන සත්‍ය සමගින් එළඹෙනුයේ මේ දීර්ඝ විස්තරයේ අවසානාත්මක කොටසේ මුලටය.
“K=ක” තම කාර්යයේ මුල් කොටස ඉටුකිරීමට පියවර ගත්තේය.ඒ අනුව“K=ක” ගේ ආරාධනයෙන් මේ පිපිරීමට සති 4කට පෙර නොරින්කෝ සමාගමේ නියෝජිතයන් පිරිසක් පැමිණ සාලාව කඳවුරේ අවි ගබඩාවේ වූ අවි තොගය පරීක්ෂාකර ඉන් වසර 10 කට වඩා පැරණි නොවන බර අවි උණ්ඩ පමණක් නැවත මිලදී ගැනීමට එකඟතාවය පළ කළේය. මිල ගණන් පිලිබඳ නියෝජිත පිරිස කතාබහ කළේ “K=ක” සමග පමණි. “K=ක” ඉහත සඳහන් කළ සංවාදයේදී බමන මතින් “PB = ප.බා.” සමග යම් ආරවුලක් ඇති කරගත්තද පසුව ආපසු අලෙවියෙන් ලැබෙන කොමිස් මුදල “PB = ප.බා.” සමග බෙදාගැනීමේ එකඟතාවයක් ඇතිකරගෙන තිබිණි.
නොරින්කෝ නියෝජිත පිරිස උණ්ඩ නැවත මිලදී ගැනීම සඳහා සාධාරණ මිලගණන් ඉදිරිපත් කළද “K=ක.” ඉල්ලා සිටි දැවැන්ත කොමිස් මුදල ලබා දීමට එකඟවීමේ හැකියාවක් එම නියෝජිත පිරිසට නොවීය. උදාහරණයක් ලෙස පවසතොත් “K=ක.” පවසා සිටියේ කාලතුවක්කු උණ්ඩයක් සැබවින්ම ඇමෙරිකානු ඩොලර් 400 ක් වටින්නේනම් ඩොලර් 200 කට ඉල්ලා තමන් විසින් ඒ මිල පිළිගෙන නොරින්කෝ සමාගම වෙත නැවත අලෙවිය සිදුකිරීමෙන් පසු සැබෑ වටිනාකමින් අවතක්සේරු කරන ලද ඩොලර් 200 තමන් විසින් යම් විදේශ රටක රහසිගතව පවත්වාගෙන යන අංකයකින් පමණක් හඳුන්වන බැංකු ගිණුමට (Numbered Account) බැරකරන ලෙසය. මෙම බැංකු ගිණුම් වල ගිණුම් හිමියකුගේ නම සඳහන් නොවන අතර අයථා ක්‍රමවලින් උපයන මුදල් තැන්පත් කිරීම සඳහා යොදාගනු ලබන ඉතා ආරක්‍ෂිත ක්‍රමයකි. නොරින්කෝ නියෝජිත පිරිස “K=ක.” වෙත පවසා සිටියේ තමන් මේ පිළිබඳව තම මව් රට වෙත ගොස් සමාගමේ බලධාරීන් සමග සාකච්චා කළ යුතු බවයි. ඒ අනුව ඔවුහු නැවත චීනය වෙත ගියහ.
මේ අතර “K=ක.” හමුවීමට පැමිණියේ මැද පෙරදිග ත්‍රස්තවාදී කණ්ඩායම් වෙත අවි සපයන ජාත්‍යන්තර අවි ජාවාරම්කරුවෙකි. අපි ඔහුගේ නමේ මුල් අකුරු දෙක වන “නස්. = Nas” ලෙස හඳුන්වමු (මෙ නමින්ම හැඳින්වෙන පුරාවෘත්ත ගත සුප්‍රකට චරිතයක්ද ඇත.) . ශ්‍රී ලංකා රජය විසින් නොරින්කෝ සමාගම වෙත බර අවි උණ්ඩ ආපසු අලෙවි කිරීමක් පිලිබඳ “නස්. = Nas” ට සැලවී තිබිණි.“නස්. = Nas”
“K=ක.” ගේ දිගුකාලීන මිතුරෙකි. ඒ මිත්‍රත්වයේ ආරම්භය සහ ඒ පිලිබඳ වෙනත් විස්තර අප දැනට ඔබවෙත ගෙන නොඑනුයේ දනටමත් මේ ලිපිය දැනටමත් ඉතා දිගුවී ඇති බැවිනි. “නස්. = Nas”, “K=ක.” වෙත යෝජනා කළේ නොරින්කෝ සමාගම වෙත නැවත අලෙවි කිරීමට නියමිත බර අවි උණ්ඩ තමන් වෙත ලබා දෙන්නේ නම් “K=ක.” විසින් යෝජනා කරන ඕනෑම මිලක් ගෙවීමට තමන් සූදානම් බවයි. “K=ක.” එයට එකඟ වුනේ දෙවරක් නොසිතාය. ඒ ලැබෙන්නට යන ධන සම්භාරයෙන් දෑස නිලංකාරවය. නමුත් පියවි සිහියට එළඹී “K=ක.” , “නස්. = Nas” වෙතින් විමසා සිටියේ ගැටලුවකින් තොරව මෙය සිදුකරන ආකාරයයි. මෙවැනි කටයුතු වල කෙළ පැමිණි “නස්. = Nas” ඉතා සුක්ෂම සහ ප්‍රායෝගික වන තම සැලැස්ම විස්තර කළේය. පැහැදිලි කිරීම් සඳහා යම් ප්‍රශ්ණ කිහිපයක් නැගූ “K=ක.” එම සැලැස්මෙහි නොවරදිනසුලු ප්‍රයෝගිකත්වය දැක ඒ සඳහා එකඟවිය. ඒ පිලිබඳ සියලු විස්තර අප සතු නමුත් අප ඒ කිසිවක් ඔබ වෙත අනාවරණය නොකරන්නේ අවි නොව වෙනත් ඕනෑම බුද්ධිමත් ජාවාරම්කරුවකු තම ඊළඟ ජාවාරම් සඳහා මේ ලිපිය අත්පොතක් ලෙස භාවිතා කළහැකි බැවිනි.
අප බැවින් ඒ සැලැස්ම ක්‍රියාත්මක කිරීමේදී සිදුවූ සිදුවීම් කිහිපයක් පමණක් ඔබ වෙත අනාවරණය කරමු. පිපිරීමට සති 3 කට පමණ කලින් පෙර පැමිණි නියෝජිත කණ්ඩායම නොව වෙනත් නියෝජිත පිරිසක් නොරින්කෝ සමාගම නියෝජනය කරමින් පැමිණ අවි ආපසු මිලදී ගැනීම සඳහා කැමැත්ත පලකරන ලේඛණ සහ ගිවිසුම් සමග ඉතා රහසිගතව මෙහි පැමිණියහ. “K=ක.” සහ “PB = ප.බා.” හමුවූ ඔවුහු ලේඛණ සහ ගිවිසුම් අත්සන් කිරීම පිළිබඳව සාකච්චා කළහ.
මෙහිදී මදක් විමසිලිමත් වූ “PB = ප.බා.” නියෝජිත පිරිස වෙතින් විමසා සිටියේ මේ පිලිබඳව චීන තානාපති කාර්යාලය දැනුවත්ද යන්නය. මක්නිසාද යත් නොරින්කෝ යනු චීන රජයට අයත් සමාගමක් බැවිනි. මෙහිදී නියෝජිත පිරිසේ ප්‍රධානියා පවසා සිටියේ මේ ගණුදෙනුව සඳහා චීන රාජ්‍ය ආරක්ෂක අමාත්‍යංශයෙන් (Ministry of State Security = MSS) වෙතින් විශේෂ අවසරයක් ලැබී ඇති බවත් මෙය රහසිගත කාර්යයක් බැවින් මේ සඳහා තානාපති කාර්යාලය සම්බන්ධ නොකරගතයුතු බවට තමන් වෙත උපදෙස් ලැබී ඇති බවත් ඒ පිළිබඳව “PB = ප.බා.” වෙත තමන් ලබාදුන් A –3 ලේඛණය නිශ්චිතවම සඳහන් වන බවත්ය. “PB = ප.බා.” විසින් ඒ ලේඛණය පරීක්ෂා කරන ලදුව ඒ සත්‍යයක් බවට පැහැදිලි විය.
මෙහිදී “K=ක.”, “PB = ප.බා.” අමතමින් ප්රකාශ කර සිටියේ චීන රාජ්‍ය ආරක්ෂක අමාත්‍යංශය යනු චීන රහස් ඔත්තු සේවයම හඳුන්වන පිරිපහදු කළ නමක් බවත්ය. බොහෝ විට එකම රටේ බුද්ධි අංශ සහ තානාපති සේවා නිලධාරීන් අතර ඇත්තේ ගැටුම්කාරී සම්බන්ධතාවයක් බවත්, ඉන්දියානු සාම සාධක හමුදාව මෙරටක්‍රියාත්මක වූ අවධියේ තමන් කර්නල්වරයකුව සිටියදී අත්දකින ලද එවකට ඉන්දියානු මහ කොමසාරිස් වූ ජේ. එන්. ඩික්සිත් සහ රෝ (RAW)සංවිධානය අතරද එමෙන්ම ඩික්සිත් සහ එවකට ඉන්දියානු යුධ හමුදාපති ජෙනරාල් ක්‍රිෂ්ණස්වාමි සුන්ජර්ජි ද අතරද පැවති ගැටුම්කාරී සම්බන්ධතාවයන් පිළබඳව “K=ක.” විසින් “PB = ප.බා.” වෙත විස්තර කරන ලද අතර ආරක්ෂක විෂය ක්ෂේත්‍රය පිලිබඳ ආධුනිකයකු වූ “PB = ප.බා.” ට ඒ පිළිගැනීම හැර වෙනත් විකල්පයක් නොවීය.
නොරින්කෝ දූත පිරිස සමග නිළඑකඟතාවයන්ට පැමිණි අතර ඒ පිලිබඳ “K=ක.” සහ “PB = ප.බා.” විසින් “දූපත්පති PG = ප.ග.”, දැනුවත් කළ අතර මේ ගණුදෙනුව පිළිබඳව “MP = ම. පො.” දැනුවත් නොකළයුතු බව “K=ක.” විසින් “PG = ප. ග.” වෙත අවධාරණය කෙරුනු අතර “PG = ප. ග.” විසින්ද ඒ අනුමත කෙරුනේ “MP = ම. පො.” යනු ඇතැම් විට විදේශ කටයුතු වලදී තමන්ගේ උපදෙස් ද නොසලකා ක්‍රියාකරන අති පණ්ඩිතයකු ලෙස සඳහන් කරමිනි. එසේම යම් ආකාරයකින් “MP = ම. පො.”ට මේ කාර්යය පිලිබඳ දැනගැනීමට ඇති හැකියාව නිසා මේ පිළිබඳව “WBT = වැ.බැ.ටා.” ද දැනුවත් නොකරණ බවද “PG = ප. ග.” විසින් තවදුරටත් සඳහන් කෙරිණි.
නොරින්කෝ දූත පිරිසේ අධීක්ෂණය යටතේ සාලාව කඳවුරේ අවි ගබඩාවෙන් බර අවි උණ්ඩ ඉවත් කිරීම පසුදිනම ආරම්භ විය. අඩි 40 ප්‍රමාණයේ කන්ටේනර මේ සඳහා යොදාගන්නා ලද අතර විටින් විට එම ප්‍රමාණයේ බහාලුම් 67 ක් වෙත අවි පැටවිණි. රාත්‍රී කාලයන්හිදී දැඩි ආරක්ෂාව යටතේ මේ අවි කොළඹ වරාය වෙත ප්‍රවාහනය කෙරුණු අතර එහිදී මේ අවි පැටවුනේ කන්ටේනර් ප්‍රවාහනය කරන ෆීඩර් (Feeder)වර්ගයේ නෞකාවක් වෙතය. මේ නෞකා භාවිත වනුයේ කන්ටේනර් ප්‍රවාහනය කරන විශාල ප්‍රමාණයේ නෞකා වෙත මුහුද මැදදී කන්ටේනර් ලබාදීම සඳහාය.
මේ සඳහා කාර්යයේදී තමන් කැමති ඕනෑම සන්නද්ධ හමුදා හෝ රාජ්‍ය සේවා සාමාජිකයකු යොදා ගැනීමේ බලතලද මේ සඳහා යටිතල පහසුකම් සැලසිය යුතු අනෙකුත් ආයතන ලෙස තමන් අදහස් කරන ශ්‍රී ලංකා රේගු දෙපාර්තමේන්තුව , ශ්‍රී ලංකා වරාය අධිකාරිය, ශ්‍රීලන්කන් ගුවන් සේවය ඇතුලු වෙනත් ඕනෑම ආයතනයක ප්‍රධානීන් වෙත වාචික නියෝග නිකුත්කිරීමේ බලය සහ එම නිලධාරීන් එම නියෝගයන්ට අනුගතවීමේ අවනතභාවයත් “K=ක.” වෙත “දූපත්පති PG = ප.ග.”, සහ “WBT = වැ.බැ.ටා.” විසින් කල් තබාම ලබා දී තිබූ නිසා සමස්ත කාර්යේදී කිසිදු බාධාවක් සිදු නොවීය.
කන්ටේනර් පටවන ලද නෞකාව කොළඹ වරායෙන් පිටත්වූ අතර නාවික සැතපුම් 600 ක පමණ දුරක් යාත්‍රා කිරීමෙන් පසු මේ නෞකාවට තමන් බලාපොරොත්තුවෙන් සිටි කන්ටේනර් ප්‍රවාහනය කරන විශාල ප්‍රමාණයේ නෞකාව හමුවිය. ඉහත සඳහන් කළ කන්ටේනර් ඒ නෞකාව වෙත පැටවුණු අතර ඒ නෞකාව යාත්‍රා කළේ යම් අප්‍රිකානු රටක් වෙතය. මේ නෞකාවන්හි නාමයන් සහ ගමන් විස්තරයන් අප සතුව පවතින අතර ඒ විස්තරයන් අප වෙත ලබාදුන් මිත්‍ර රාජ්‍යයක් සමග වූ පොරන්දුවක් හේතුවෙන් වැඩි විස්තර දැනට ඔබ වෙත අනාවරණය කිරීමට නොහැකි බව කරුණාවෙන් සලකන්න.
දැන් ඔබ මදක් විශ්මයට පත්වනු නොඅනුමානය. ඔබ දැන් සැකකරනුයේ “K=ක.” , “නස්. = Nas” සහ නොරින්කෝ සමාගම සම්බන්ධ කුමන්ත්‍රණයක් පිලිබඳවය. නමුත් සත්‍යය නම් ඒ අවස්ථාව වනවිට නොරින්කෝ සමාගම මෙවැනි මිලදී ගැනීමක් සහ ප්‍රවාහනයක් පිළිබඳව කිසිවක් නොදැන සිටීමය. දෙවන වර පැමිණි නියෝජිත පිරිස “නස්. = Nas” විසින් එවන ලද විශිෂ්ඨ පුහුණුවක් ලද හොංකොං වෙතින් පැමිණි පිරිසකි.
දෙවනුව “K=ක.” ට සහ “නස්. = Nas”ට විසඳාගැනීමට තිබූ ප්‍රශ්නය නම් යම් විගණනයකදී සාලාව අවි ගබඩාවේ බර අවි උණ්ඩ අඩුවී ඇති බවත් “නැවත අලෙවියෙන්” ලද මුදල් රජයේ ඒකාබද්ධ අරමුදලට බැර නොවී තිබීමත් අනාවරණය වීම වැලැක්වීමය.ඒ සඳහා ඔවුන් ක්‍රියාත්මක කළ සැලසුම නම් “X” ද සමගින් කල් ඉකුත් වූ බර අවි උණ්ඩ විශාල ප්‍රමාණයක්ද, භාවිතා කළහැකි බර අවි උණ්ඩ සුළු ප්‍රමාණයක්ද සහ යම් සුළු අවි සහ උණ්ඩ ප්‍රමාණයක්ද තිබූ සාලාව අවි ගබඩාව පුපුරවා හැරීමයි. එම පිපිරීම සමග සියලු උණ්ඩ සහ අදාල ලේඛණද විනාශ වන බැවින් කිසිදු විගණන කටයුත්තකට ඉඩක් නොමැත.
සැලසුමේ මේ කොටස අර්ධ වශයෙන් සාර්ථක වුනත්“X” දිවි ගලවාගැනීමට සමත් විය. ඒ ස්කෑනරය තුළ බෝම්බය ඇටවූ පුද්ගලයා විසින් සිදුකළ වැරදි දෙකක් හේතුවෙනි. ඔහු විසින්ස්කෑනරයට බලය සපයන බැටරි වලින් ට්‍රාන්ස්පොන්ඩරයට, ට්‍රාන්සීවරයට සහ පිපුරුම් යාන්ත්‍රණයට බලය ලබා නොදිය යුතුව තිබිණි. ඇතැම් විට ස්කෑනරයේ යට කොටසේ ඇති අඩු ඉඩකඩ නිසා අමතර බැටරියක් සවිකිරීමට අපහසු වූවා විය හැකිය. එසේ නම් ඔහු විසින් සිදුකළ යුතුව තිබුණේ ස්කෑනරයේ පළමු බැටරියෙන් නොව දෙවන බැටරියෙන් ඉහත උපාංගයන්ට බලය ලබා දීමය. එසේ කළා නම් ඒ තරම් ඉක්මනින් පළමු බැටරියේ බලය අඩුවන්නේද නැත. නමුත් බෝම්බය සහිත ස්කෑනරය දැන් විනාශවී ඇති නිසා කිසිදා අපට පැහැදිලි කර ගත නොහැකි කාරණයක් ඇත. ඒ පළමු බැටරියේ බලය අඩපණ වෙද්දී ස්වයංක්‍රීයව දෙවන බැටරිය මගින් ස්කෑනරය වෙත බලය ලබා දිය යුතුව තිබුණත් එසේ සිදු නොවුනේ මන්ද යන්නය.අපි එය “X” ගේ වාසනාව ලෙස හඳුන්වමු.
දැන් අපි මේ සිදුවීම සම්බන්ධ ජාත්‍යන්තර හා දේශීය දේශපාලනයපිලිබඳ සිදුවීම් වෙත අවධානය යොමු කරමු.“X” ට රැකවරණය සලසන මිත්‍ර රාජ්‍යය තම ඔත්තු සේවය විසින් ලබාදෙන ලද කොළඹ වරාය ආශ්‍රිතව සිදුවූ අප සඳහන් කළ නැව්ගත කිරීම පිලිබඳව තොරතුරු ලබාගෙන තිබිණි. නමුත් ඒ පිළිබඳව වැඩිදුර තොරතුරු වාර්තා කිරීමට එම ඔත්තු සේවය අපොහොසත්ව තිබිණි. පසුව “X” විසින් සපයන ලද තොරතුරු විශ්ලේෂණය කළ ඔවුහු සිදුවීමේ අග මුල අනාවරණය කරගත්තේ කෙටි කලෙකිනි. මේඔත්තු සේවය විසින් තමන් විසින් අනාවරණය කරගන්නා ලද තොරතුරු සාමාන්‍යයෙන් තම ප්‍රතිවාදියකු ලෙස සැලකෙන රටක ඔත්තු සේවයක් වෙත දන්වන ලදී. ප්‍රතිවාදියකු වෙත කෙරුණු මේ අනාවරණය ඔබ විශ්මයට පත් කරනු නිසැකය. නමුත් මිත්‍ර රාජ්‍යයේ ඔත්තු සේවය ක්‍රියාකළේ ඉතා බුද්ධිමත්වය. තම රටේ නිෂ්පාදිත අවි හෝ උණ්ඩ යම් ත්‍රස්තවාදී සංවිධානයක් වෙත තිබී වෙනත් රටක් විසින් සොයාගනු ලැබීමෙන් ජාත්‍යන්තරව තම රට පත්වන අපහසුතාවය සැලකිල්ලට ගනිමින් ඔවුහු මෙහිදී ක්‍රියා කළහ. එයට ප්‍රතිචාරව ප්‍රතිවාදී රටේ ඔත්තු සේවයද වහාම පරීක්ෂණයක් ආරම්භ කළ අතර ඒ තොරතුරු අප මිත්‍ර රාජ්‍යයේ ඔත්තු සේවය වෙත අනාවරණය කෙරිණි. මේ ඔත්තු සේවා දෙකෙහිම මතය වුයේ සියලු තොරතුරු “දූපත්පති PG = ප.ග.”, සහ “WBT = වැ.බැ.ටා.” වෙත ලබා දිය යුතු බවයි. වහාම එසේ කරන ලද අතර ලද තොරතුරු වලින් ඔවුහු විශ්මයට පත්ව වහාම “K=ක” ගෙන් මේ පිළිබඳව ප්‍රශ්න කෙරිණි. ඉන් කිසිදු තැතිගැන්මකට පත් නොවූ “K=ක” ප්රකාශ කළේ “දූපත්පති PG = ප.ග.”, සහ “WBT = වැ.බැ.ටා.” අසල්වැසි රටක් හා පැමිණි සියලු එකඟතාවයන් පිලිබඳ සියලු ලේඛණ වල පිටපත් සහ සිදුකෙරුණු මුල්‍ය ගණුදෙනු පිලිබඳ විස්තර තමන් සතුව පවතින බව ඔවුනට ඉඟි කිරීම පමණි. එනයින්ම “දූපත්පති PG = ප.ග.”, සහ “WBT = වැ.බැ.ටා.” නිහඬ වූහ.
මේ අතර “K=ක.” ඉහත සඳහන් කළ ඔත්තු සේවා දෙකින් එකක ස්වාමීත්වය දරණ රටක සංචාරය කිරීම සඳහා වීසා අයදුම් කරනලද අතර මේ සිද්ධිය පිලිබඳ සියලු තතු දත් එම රට වෙතින් ඒ අයදුම ප්‍රතික්ෂේප විය. තමන් වටා ජාත්‍යන්තර දැලක් එලෙමින් පවතින බව වටහාගත් “K=ක” කළේ “WBT = වැ.බැ.ටා.” හමුවී මීට වසර අටකට පමණ පෙර සිදුවූ “දූපත්පති PG = ප.ග.”, පිලිබඳ අතිශය පෞද්ගලික සිදුවීමක් සම්බන්ධ වීඩියෝ දර්ශණ සහ හඬ පට ඇතුලත් තොරතුරු රැසක් “WBT = වැ.බැ.ටා.” වෙත ඉදිරිපත් කර “WBT = වැ.බැ.ටා.” නායකත්වය දරණ පක්ෂයේ සාමාජිකත්වය අයදුම් කිරීමයි. “දූපත්පති PG = ප.ග.”, පාලනය කිරීමට සුදුසු අවියක් තමන් වෙත ලැබුණු බැව් වටහා ගත් “WBT = වැ.බැ.ටා.” කළේ තම පක්ෂ ජෙෂ්ඨයන් රැසකගේ අවවාදය සහ විරෝධය නොසලකා “K=ක.” වෙත පක්ෂ සාමාජිකත්වය පිරිනැමීමයි.
නමුත් ප්‍රශ්නය ඉන් සම්පූර්ණයෙන්ම යටපත් නොවීය. ඉහත කී ඔත්තු සේවා දෙක අයත් රටවල් දෙකින් එක් රටක විදේශ අමාත්‍යවරයාද අනෙක් රටේ අප භූගෝලීය කලාපය භාර සහකාර රාජ්‍ය ලේකම්වරියද විසින් කෙරෙන ශ්‍රී ලංකා සංචාරයන් හිදී මේ පිළිබඳව “දූපත්පති PG = ප.ග.”, “WBT = වැ.බැ.ටා.” සහ “MP = ම. පො.” සමග ගැඹුරින් සාකච්ඡා කිරීමට නියමිතය.
මේ දිගු ලිපිය අවසානයේ අපි ඔබට ඉතා වැදගත් යමක් අනාවරණය කරමු. එනම් “X” අවි ගබඩාවට පිවිසීමට ප්‍රථම ඒ භාර ලුතිනන්වරයා විසින් ලබාදුන් අවි ගබඩාව සම්බන්ධ ඉන්වෙන්ට්‍රිය, තමන් වෙත ලබා දුන් ස්කෑනරයට නිෂ්පාදකයා විසින් යොදන ලද අංකය (Serial Number) සඳහන් ස්ටිකරය සහ තමන් විසින් තම “Pen Drive” වෙත ස්කෑනරය වෙතින් පිටපත් කරගන්නා ලද සියලු දත්ත පිපිරීමට පෙර සුරක්ෂිතව ඉවත් කරගැනීමටද රටින් බැහැර කර ගැනීමටද “X” සමත්වූ බවයි.
අනාගතයේදී නිසැකව බිහිවන, රටට සැබවින්ම ආදරය කරන රජයක් විසින් මේ ඛේදවාචකය පිලිබඳව පවත්වනු ලබන විධිමත් පරීක්ෂණයකදී සහ ඉන් පසුව සිදුකරනු ලබන නඩු විභාගයකදී රජයේ සාක්ෂිකරුවකු ලෙස “X”ද ඉහත කී ලේඛනයන්ද අතිශය වැදගත්ය.
ඒකාබද්ධ විපක්ෂයද කළයුත්තේ “ඡායා කැබිනට්ටුව” වැනි සිල්ලර කාරණා තොරොම්බල් කිරීම නොව දැන්වත් මේ ඛේදවාචකයේ සත්‍යය මහජනතාව වෙත හෙළිදරව් කිරීමයි. අප ඉහත සඳහන් කළ තරුණ දේශපාලනඥයා හමුදා බුද්ධි අංශය සාලාව පිපිරීම සම්බන්ධ පරීක්ෂණ වලට සම්බන්ධ කර නොගැනීම සම්බන්ධයෙන් ප්‍රශ්ණ කළමුත් ඒකාබද්ධ විපක්ෂයෙන් ලද ප්‍රමාණවත් සහයක් නොමැති නිසා මේ වනවිට නිහඬය.
විධායක ජනාධිපති ධුරය අහෝසි කරන ව්‍යවස්ථා සංශෝධනයක් කළ යුතු බවට රට තුළින් හඬ නැඟී එමින් තිබිය දී එය අහෝසි කළ යුතුද යන්න තීරණය කිරීමේ බලය පාර්ලිමේන්තුවට පැවරීමේ සූදානමක ජනාධිපතිවරයා යෙදී සිටින බව වාර්තා වේ.
ආණ්ඩුක‍්‍රම ව්‍යවස්ථා සංශෝධනය පිළිබඳවද මේ වනවිට එක්සත් ජාතික පක්ෂය සහ ශ්‍රී ලංකා නිදහස් පක්ෂය අතර බරපතල ප‍්‍රතිවිරෝධතා වර්ධනය වී තිබිය දී මෙම උපක‍්‍රමය අනුගමනය කිරීමට සැරැසීම විශේෂත්වයක් ය.
මෙයට පෙර අවස්ථා ගණනාවක දී ශ්‍රී.ල.නි.ප. මෛත්‍රී පිලේ ප‍්‍රබලයන් ප්රසිද්ධියේ ප්රකාශ කර තිබුණේ විධායක ජනාධිපති ධුරය අහෝසි නොකළ යුතු බවට එම පක්ෂයේ මධ්‍යම කාරක සභාව ඒකමතිකව තීරණය කළ බව ය. එම අදහස වැඩි දුරටත් තහවුරු කිරීම සඳහා අදාළ ප‍්‍රකාශයෙන්, පසුගිය ජනාධිපතිවරණයේ මෛත්රීපාල සිරිසේන මහතා ඉදිරිපත් කළ ප‍්‍රතිපත්ති ප‍්‍රකාශනයද උපුටා දක්වමින් තිබිණි. එමඟින් අවධාරණය කළේ ජනමත විචාරණයකට නොයන ව්‍යවස්ථා සංශෝධනයක් පමණක් කරන බව මෛත්‍රී දක්වා ඇති බව ය.
එහෙත්, විධායක ජනාධිපති ක්රමය අහෝසි කිරීමට නම්, පාර්ලිමේන්තුවේ තුනෙන් දෙකක ඡන්දයෙන් සම්මත වී එම සංශෝධන යෝජනාව ජනමත විචාරණයකටද ලක් කළ යුතු බව නීතිමය පසුබිම වී තිබෙන බව අවධාරණය කර තිබිණි. තවත් ප‍්‍රකාශකයකු කියා තිබුණේ විධායක ක්රමය අහෝසි කරන බවට මෛත්‍රී පොරොන්දු නොවූ බව ය.
මෛත්රීපාල සිරිසේන ජනාධිපති තම නියෝජිතයන් යොදවා විධායක ජනාධිපති ධුරය අහෝසි නොකර සිටීමට සැලැසුම් කර තිබුණද දැන් රට තුළ එම සංවාදය යළි ඇති වීම හමුවේ මෙය අහෝසි කරන්නේද නැද්ද? යන්න තීරණය කිරීමේ බලය පාර්ලිමේන්තුවට පැවරීමේ සූදානමක් ගැන වාර්තා වේ.
Published on: Jun 3, 2017 – Lankanewsweb.today වෙබ් අඩවිය ලංකාව තුල හදිසියේම යලිත් තහනම් කිරිම පසුපස කොන්ද පන නැති සිරිසේන පන්නයේ සිරිසේනගේ ඉදුල් බුදින සිරිසේන ජනාධිපතිවරයාගේ කුණු කන්දල් අදින ජනමාධ්‍ය ලේකම්ගේ නිමල් බෝපගේ සිටින බව අප තහනමින් පැය කිහිපයකට පසුව අනාවරණය කළා.Lankanewsweb.today ලංකාව තුල අවහිර කිරිමත් සමගම වෙබ් අඩවි අවහිර කිරිම සම්බන්ධයෙන් අපකිර්තිමත් ඉතිහාසයක් ඇති TRC හෙවත් විදුලි සංදේශණ කමිෂන් සභාවේ උසස් නිළධාරියෙකුගෙන් කල විමසිමකදි ඔහු තහවුරු කර සිටියේ ජනාධිපති ලේකම්වරයාගේ නියෝග පරිදි ලංකාවේ සිට වෙබ් අඩවියට ප්‍රවේශ විමට තිබේන හැකියාව් නතරකර දැමු බවයි.
උදේ සවස වගතුවක් නැති සිරිසේන ජනාධිපතිවරයා යහපාලනය උදාවි හරියටම සතියක් ගෙවෙන්නට මත්තේන් ආරම්භ කල Lankanewsweb.today අප වෙබ් අඩවිය සමග වෛරය බැදගත් අතර ඊට අමතරව ආණ්ඩුවේ පගර නැට්ටන් පමණක් නොව ආණ්ඩුවට කඩේ යන් විපක්ෂයේ බත් බැලයන්ද අපගේ වෛරක්කාරයන් බව අප හොදින් දනී.
අප වෙබ් අඩවිය අවස්ථා කිහිපයකදිම තහනමට ලක්වු අතර ඉන් පලමු වැන්න පසුගිය මහා මැතිවරණය සමයේ සිදුවු අතර පසුව දෙවැන්න සිරිසේනගේ පුතාගේ Club වික්‍රමයේ විඩියෝ පට එලියට දැමිම හේතුවෙන් තහනමට ලක්වු අතර බරපතල ලෙස ආණ්ඩුව වෙබ් අඩවිය තහනම් කිරිම සහ වෙබ් අඩවියට මෙන්ම facebook සමාජ ජාලවටද මුදල් ගෙවමින් හැක් කිරිමට උත්සහ ගත්තේ සාලාව යුද හමුදා කදවුරේ අවි ගබඩාව ආණ්ඩුව විසින් පුපුරවා හැරිය ආකාරය සම්බන්ධයෙන් කල අනාවරණය සමගයි.
පුහුල් හොරා කරෙන් දැනේ……….
සුදු එතනා,කළු එතනා..අන්තපුරයට සැප දී රටකන බෝපගේ අසමජ්ජාති වැඩ ….. යනුවෙන් සිරිසේන ජනාධිපතිවරයාගේ කුණු කන්දල් අදින ජනමාධ්‍ය ලේකම්ගේ නිමල් බෝපගේ තවත් කෙරුවාවක් අප අනාවරණය කිරිමත් සමග කොන්දක් කෙලින් තියාගෙන එම ලිපියේ අසත්‍යයක් ඇත්නම් ඒ පිළිබඳව පිළිතුරු නොදීම පසේකලා ජනාධිපති ලේකම් ලවා විදුලි සංදේශණ කමිෂන් සභාවට නියෝග කරමින් ජනමාධ්‍ය නිදහසට අත තබමින් අප වෙබ් අඩවිය අවහිර කිරිමට කටයුතු කල නිකමා හෙවත් බෝපගේ අපගේ වෙබ් අඩවියේ අතීශය ජනප්‍රිය facebook පිටුව වන Lankanewsweb page එකද තහනම් කිරිම සදහා දත කා තිබේ.බෝපගේලා එකක් දැනගත යුතුය.Facebook හරහා පුවත ඉවත්කර ගැනිමට හැකි වුවද අප වෙබ් අඩවියෙ පුවත් ගැලවිමට කිසිවෙකුත් හැකියාවක් නැති බවය.ඒ අප කිසිදිනෙක මුදල් මත බෝපගේ ලා මෙන් දෙකට නොනැමෙන් නිසාය.සටන අවසන් නැත දැන් සටන ආරම්භ වි තිබේන බව දැනගෙන ජිවත් විම නුවණට හුරුය.එය බෝපගේලාට පමණක් නොව රටට වින කටින එවුන් සියලු දෙනාම දැනගත යුතුය.
facebook හරහා ප්‍රචාරය වෙමින් තිබු බෝපගේ අවලං වැඩ වසා ගැනිම සදහා facebook ආයතනයට report කරමින් නිවුස් එක ගලවා ගත්තද නියම ක්‍රමවේදයක් අනුවපවත්වගෙන යන මිලියන ගණනින් reach එකක් ඇති අප සමාජ ජාලා පිටුව වසා දමන්නට බොපගේලා යලී ඉපදි ආ යුතුය.
අවසන් වශයෙන් කියන්නට ඇත්තේ මෙපමණකී.යහපාලන වැනි නිකමුන්න්ගේ ආණ්ඩුවල පිනුම් ගැසු බෝපගේ වැනි නිකමුන් දැන් කොන්ද කඩාගෙන අවසන් බවයි.දැන් ඇත්තේ කාගේ හෝ කර මතින් අඩි ගණනක් පොලව යටට යැම පමණී.
http://www.sinhala.lnwtoday.com/archives/15877
http://www.sinhala.lnwtoday.com/archives/11950
http://www.sinhala.lnwtoday.com/archives/13664
http://www.sinhala.lnwtoday.com/archives/13181
මුදල් හා ජනමාධ්‍ය අමාත්‍ය මංගල සමරවීර මහතාගේ නියෝජ්‍ය ඇමතිවරයා ලෙස ලසන්ත අලගියවන්න මහතා පත් කරනු ලැබුවේ, ජනමාධ්‍ය අමාත්‍යංශයට ශ්‍රී ලංකා නිදහස් පක්ෂයේ නියෝජ්‍ය අමාත්‍යවරයෙකු පත් කරන ලෙස එම පාර්ශවය ජනාධිපතිවරයාගෙන් කල ඉල්ලීමකට අනුවය. ඊට ප්‍රධානතම හේතුව වූයේ හිටපු ජනමාධ්‍ය නියෝජ්‍ය අමාත්‍ය කරුණාරත්න පරණවිතාන මහතා විසින් රජයේ ප්‍රවෘත්ති දෙපාර්තමේන්තුව හා එක්ව සිදු කල ජනාධිපතිවරණ මෙහෙයුමයි. ඒ මීලග ජනාධිපතිවරණයේදී රනිල් වික්‍රමසිංහ මහතා ජනාධිපති කරවීම කියා මීට පෙර සිතා සිටියද ඒ තුල තිබී ඇති සැබෑ අරමුණ වී ඇත්තේ පාටලී චම්පික රණවක මහතා ජනාධිපති කරවීමේ සිහිනයකි. එය හෙලි වූයේ ජනමාධ්‍ය නියෝජ්‍ය අමාත්‍යධූරය ඔහුට අහිමිවන බව දැනගත් පසු සිදුකල ප්රකාශ කිහිපයක් හේතුවෙනි.
මේ අතර කරුණාරත්න පරණවිතාන මහතාගේ ඉවත් කිරීමත් සමග දැඩි අපේක්ෂා බංගත්වයකට පත්ව සිටින රජයේ ප්‍රවෘත්ති අධ්යක්ෂ රංග කලංසූරිය මහතා දැඩි ලෙස යක්ෂාවේසවී සියලු දෙනාට අසභ්‍ය වදනින් බැන වැදීමට පටන්ගෙන ඇත. ආයතනය තුල පවත්වන රැස්වීම්වලදීද අසභ්‍ය වදන් ප්රසිද්ධියේ කීම හේතුවෙන් එහි සේවිකාවන් දැඩි අසරණභාවයකටද පත්ව තිබේ. ඔහු රැස්වීමක් කැඳවා සේවකයින් සමග පවසා ඇත්තේ
“ජනාධිපතියා දැන් නටන්නේ මට ඕන විදියට, ඒත් ඕකා නම් ආප්පයම තමා. හිටං මටත් හිටගෙනම ඇරියා මේ ලසන්තයෙක් ගෙනත් දාලා” කියාය. ඔහු වැඩි දුරටත් කියා ඇත්තේ “ලේකමා හිතං ඉන්නේ හිටං ඌව බේරයි කියල, ඕකට කෙල වෙනකම් ඕකා දන්නෙත් නෑ. මං ඕකට ඇඹරුව ගුලියට හිටංවත් ඇඹරිලාම ගියා. ලසන්තටත් ඔය සෙතේම තමා” කියාය.
කිසි දිනෙක මෙවන් කතා විලාසයක් භාවිතා නොකල ආචාර්ය රංග කලංසූරිය හදිසියේම මෙවන් වාග් ප්‍රහාරයක් එල්ල කිරීම කාගේත් දැඩි කතා බහට ලක්වූයේ කතාවේ අන්තිම කොටස හේතුවෙනි. ඔහු එම රැස්වීම අහවර කර ඇත්තේ
“බෝපයට ඇරපු මට ලසන්තයට උඩ පැන පැන අරින එක මහ කජ්ජක් නෙමෙයි කියලා මතක තියාගන්න. මං තමයි ඔය පුටුවට එන්නේ. ලසන්තයට මුකුත් කරන්න ඉඩක් දෙන්නේ නෑ. පරණවිතාන යවලා උන් පොර වෙලා හිටියට තව ටික දවසකින් බලු වෙලා යයි” කියායි.
මෙම සියලු අදහස් පලවී තිබුනේ අද (02) දින ජනමාධ්‍ය අමාත්‍යංශයට මංගල සමරවීර අමාත්‍යවරයා පැමිණීමට නියමිත බැවින් ඒ සඳහා අවශ්‍ය සියලු කටයුතු සූදානම් කරන ලෙසට මංගල සමරවිර මහතා රජයේ ප්‍රවෘත්ති දෙපාර්තමේන්තුවට කල දැනුම්දීමකින් වීමද විශේෂත්වයකි. එහිදී ඒ වෙනුවෙන් පැවැත්වූ රැස්වීමේදී ඉහත කී අදහස් පල වී තිබූ අතර සාකච්ඡාව අවසානයේදී එක් නිලධාරියෙකු විමසා ඇත්තේ “සෙකට්‍රිට කිව්වද සර්” කියාය. රංග කලංසූරියගේ පිලිතුර වී ඇත්තේ “අනේ ඕකට හු*..ගන්න කියන්න. ඕකට බිත්තර ගහලා පන්නනවා හෙට ආවොත්” කියාය.
මේ අතර පසුගියදා හිටපු ජනමාධ්‍ය නියෝජ්‍ය ඇමතිවරයා සේවකයෙකුට පහරදීමට කඩා පැන්න සිදුවීමට අදාලව අමාත්‍යවරයාගෙන් කිසිදු සාධාරණයක් ඉෂ්ට නොවුනු අතර අදාල සේවකයා (මංජුල සූරියගේ) තම ෆේස්බුක් ගිණුම ඔස්සේ සටහනක් යොදමින් තම අප්‍රසාදය පල කර තිබුණි. (https://goo.gl/weQczp)
මේ වන විට අප මීට පෙර කියූ පරිදිම ජනමාධ්‍ය අමාත්‍යංශයේ ඇමති-නියෝජ්‍ය ඇමති-ලේකම් යන තිදෙනාම මේ වන විට ඉවත් කර තිබෙන අතර ඇමතිවරයා පලමු කැබිනට් සංශෝධනයේදීත් නියෝජ්‍ය ඇමතිවරයා පසුගියදා පැවති නියෝජ්‍ය ඇමති සංශෝධනයේදීත් ඉවත් කල අතර ලේකම්වරයා මීලග ලේකම් සංශෝධනයේදී වෙනත් අමාත්‍යංශයක් වෙත මාරු කිරීමට තීරණය කර ඇති බවත් එය ඔහු දැරූ තනතුරට වඩා පහල තනතුරක් බවත් ජනාධිපති ලේකම් කාර්යාල ආරංචි මාර්ග සඳහන් කරයි. ඊට හේතුව වී ඇත්තේ රජයේ මැති ඇමතිවරුන්ට වාහන ලබා ගැනීම සදහා වූ කටයුත්තට ජනතා විරෝධයක් මතු කිරීමට ඔහු මූලික වී තිබීම බවද ජනාධිපති කාර්යාල ආරංචි මාර්ග පවසයි.
බුද්ධාගම රකින බවට ගිවිසුමකින් පොරොන්දු වූයේ ඉංගිරිසින්. ඔවුන් 1815 සිංහල ඉංගිරිසි ගිවිසුමෙන් පොරොන්දු වූ ප්‍රධාන කරුණු දෙක වූයේ බුද්ධාගම හා දේවාගම (සිංහල බුද්ධාගම) රැකීම හා සිංහල නීතියට අනුව රට කරවීම. ගිවිසුමේ තිබුණු වචන නිශ්චිත ව නොකීවත් ඉංගිරිසින් එවැන්නක් සිංහල නායකයන්ට ද භික්‍ෂූන් වහන්සේට ද පොරොන්දු වුණා. එහෙත් 1817 දී ම ඉංගිරිසින් ගිවිසුම කඩා දැම්මා. 1840 වන විට මේ වගන්ති දෙක ම ඉතිහාසයට එක් වී අවසන්. 1848 වන විට ටොරිංටන් ආණ්ඩුකාරයා හාමුදුරුවරුන්ට වෙඩි තියන තත්වයට පැමිණ සිටියා.
1815 ට පෙර එවැනි වගන්ති තිබුණේ නැහැ. එයින් කියැවෙන්නේ 1815ට පෙර සිංහල රජවරුන් බුද්ධාගම නොරැකි බවවත් බුද්ධාගමට ප්‍රමුඛස්ථානය නොදුන් බවවත් නො වෙයි. අලිඛිත ගැමුණු ව්‍යවස්ථාවට අනුව ඒ සියල්ල ඉටු වුණා. එකල මෙරට රජ වීමට නම් බෝධිසත්වයකු විය යුතු ය යන අදහස තිබුණා. මෙරට අග්බෝ රජවරුන් ම ගණනාවක් සිටියා. නායක්කාර රජවරු ද සිංහල බෞද්ධ රජවරු. ඔවුන්ගේ රාජ්‍යය සිංහල රාජ්‍යය. එය වාංශික රාජ්‍යයක් නො වුණා. නායක්කාර රජවරු ද බෞද්ධ වූවා. ඔවුන් සියමෙන් උපසම්පදාව ගෙන ඒමට කටයුතු කළා.
ඉංගිරිසින්ට එකී වගන්ති දෙක ගිවිසුමට ඇතුළත් කිරීමට සිංහල නායකයන් බල කරන්න ඇති. එයට එක් හේතුවක් වන්නට ඇත්තේ ඉංගිරිසින් කෙරෙහි වූ අවිශ්වාසය. ඉංගිරිසින් ඒ වන විටත් සිංහල නායකයන් රවටා තිබුණා. ඇහැළෙපොළ නිළමෙට රජකම දෙන්න පොරොන්දු වී සිටි නමුත් ඉංගිරිසින් පොරොන්දුව ඉටු කෙළේ නැහැ. ඩොයිලි සහ ඔහුගේ නිලධාරීන් විසින් සිංහල නායකයන්, එනම් උඩරට නිළමෙලා රවටනු ලැබුවා. ඒ වගන්ති දෙක ගිවිසුමට ඇතුල් කිරීමට සිංහල නායකයන් වග බලා ගන්න ඇති. එහෙත් එයින් වැඩක් වුණේ නැහැ. ඉංගිරිසින් ඔවුන්ගේ මහාත්මා ගුණ ලක්‍ෂණ අනුව ගිවිසුම කඩා දැම්මා.
1840 පමණ සිට 1972 දක්වා මෙරට රාජ්‍යාගම වූයේ ඇංග්ලිකන් ක්‍රිස්තියානි. එංගලන්ත සභාව (අද ලංකා සභාව) මෙරට බලවත් ම ආගමික ආයතනය වූවා. අප බොහෝ දෙනකුට එය අමතක වෙනවා. 1815 ගිවිසුමෙන් පසු මෙරට රාජ්‍ය නායකයා වූයේ එංගලන්තයේ රජු (රැජන). ඉංගිරිසි රජු ඇංග්ලිකන් ක්‍රිස්තියානි සභාවේ නායකයා හා ඒ ආගමෙහි ආරක්‍ෂකයා. 1815 ගිවිසුමෙන් සිද්ධ වූ එක් කරුණක් වූයේ එකී රාජ්‍යාගමික තත්වය ඇංග්ලිකින් ක්‍රිස්තියානියට හිමි නො වීමයි . ඒ ගිවිසුමට එංගලන්තයේ දැඩි විරුද්ධත්වයක් පැන නැංගා. එහෙත් බ්‍රවුන්රිග් හා ඩොයිලි දැන සිටි කරුණ නම් ඒ වගන්ති දෙක නැතිව ඉංගිරිසින්ට කන්ද උඩරට යටත් කර ගැනීමට නොහැකි බවයි.
බ්‍රවුන්රිග් ගිවිසුමට අත්සන් කළ නමුත් ඉංගිරිසින් සිතා සිටියේ ඒ වගන්ති ඉවත ලා තම නීතිය අනුව ඇංග්ලිකන් ක්‍රිස්තියානිය රටේ රාජ්‍යාගම ලෙස තබා ගනිමින් රට පාලනය කිරීමට. ඔවුන් මෙරට පාසල් පද්ධතිය ඇති කෙළේ ම ඇංග්ලිකන් ක්‍රිස්තියානිය රටේ රාජ්‍යාගම ලෙස පවත්වා ගෙන යෑමට. පාසල් පද්ධතියේ ප්‍රධාන පරීක්‍ෂක (අද නම් අධ්‍යාපන අධ්යක්ෂ ජෙනරාල්) වූයේ මෙරට ඇංග්ලිකන් සභාවේ ප්‍රධාන පූජක තැන. 1840 පමණ වන විට ඉංගිරිසින්ට හැකි වුණා 1815 ගිවිසුම කඩා ඇංග්ලිකන් ක්‍රිස්තියානිය මෙරට රාජ්‍යාගම බවට පත් කිරීමට. මෙරට කතෝලික සභාවත් ඇංග්ලිකන් සභාවට ආධාර කළා. මෙරට සිංහල හා දෙමළ ප්‍රභූන් ඇංග්ලිකන් ක්‍රිස්තියානි වූවා. සේනනායකලා, බණ්ඩාරනායකලා, ජයවර්ධනලා, වික්‍රමසිංහලා පමණක් නොව රාමනාදන්ලා ද, චෙල්වනායගම්ලා ද, විග්නේස්වරන්ලා ද ඇංග්ලිකන් ක්‍රිස්තියානි සම්භවයක් ඇති අය.
බණ්ඩාරනායක මැතිණිය එක් අතකින් කෙළේ ඇංග්ලිකන් ක්‍රිස්තියානි ආගමේ රාජ්‍යාගමික තත්වය නැති කිරීමයි. 1972 වන තෙක් මෙරට රාජ්‍ය නායකයා ඇංග්ලිකන් ක්‍රිස්තියානි ආගමේ නායකයා ද ආරක්‍ෂකයා ද වූ එංගලන්තයේ රජු. මෙරට අග්‍රාණ්ඩුකාරයා ඉංගිරිසි රජුගේ නියෝජිතයා වූවා පමණයි. සෝල්බරි ජෙනිංග්ස් ව්‍යවස්ථාවෙන් ද එංගලන්තයේ රජු මෙරට රාජ්‍ය නායකයා ලෙස පිළිගැණුනා. ඒ සමග ව්‍යවස්ථාවේ නැති වුවත් 1948න් පසුවත් මෙරට රාජ්‍යාගම වූයේ ඇංග්ලිකන් ක්‍රිස්තියානි ආගම. බණ්ඩාරනායක මැතිණිය 1972 ව්‍යවස්ථාවෙන් ඒ තත්වය නැති කළා. එහෙත් බුද්ධාගම රාජ්‍යාගම කෙළේ නැහැ. දැන් ලංකාවේ රාජ්‍යාගමක් නැහැ. ඒ වෙනුවට බුද්ධාගමට ප්‍රමුඛස්ථානය දෙන බවට වගන්තියක් තියෙනවා.
ඇංග්ලිකන් ක්‍රිස්තියානිය මෙරට රාජ්‍යාගම ව පවතින කාලයේ පමණක් නොව ඉන් පසුවත් සිංහල බෞද්ධයන් සිංහල බුද්ධාගමෙන් ඈතට ගියා. අද මෙරට බොහෝ විට දක්නට ඇත්තේ ඕල්කට් බෞද්ධයන්. මේ සම්බන්ධයෙන් මා ලියා ඇති ලිපි වටහා නොගෙන ඉංගිරිසියෙන් ලියන ඇතැමුන් ඕල්කට් බුද්ධාගම ගොම්බ්‍රිච් – ගණනාථ ඔබේසේකර අච්චුවේ ප්‍රොතෙස්තන්ත බුද්ධාගමක් බවට පත් කිරීමට වැයම් කරනවා. ඕල්කට් බුද්ධාගම ප්‍රොතෙස්තන්ත බුද්ධාගම නම් මට ඕල්කට් බුද්ධාගම නමින් අලුත් සංකල්පයක් අවශ්‍ය වන්නේ නැහැ. ප්‍රොතෙස්තන්ත බුද්ධාගම යන්න ගණනාථ ඔබේසේකර ඇංග්ලිකන් ක්‍රිස්තියානි ආගමෙන් ගත් තවත් ප්‍රොතෙස්තන්ත සංකල්පයක් පමණයි. එය ඔහුගේ නිර්මාණයක්වත් නො වෙයි. ඔහුට මෙරට අනෙක් ඊනියා බුද්ධිමතුන්ට මෙන් ම සංකල්ප නිර්මාණය කරන්න බැහැ. අනෙක් අතට ඇතැමුන් කියන ආකාරයට මෙන් නොව ගුණදාස අමරසේකර ඕල්කට් බුද්ධාගමක් ගැන සංකල්පීය ව යමක් ප්රකාශ කර නැහැ.
බුද්ධාගමට ප්‍රමුඛස්ථානය දීම යන්නෙන් අදහස් කළ යුත්තේ සිංහල බුද්ධාගමට ප්‍රමුඛස්ථානය දීමයි. ඕල්කට් බූද්ධාගමේ සිංහල යන්න නැහැ. ඕල්කට් බුද්ධාගම ජාත්‍යන්තර බුද්ධාගමක්. පඬියකු අහන්න පුළුවන් බුද්ධාගමට සිංහල කමක් තියෙන්න පුළුවන් ද කියලා. ඔවුන්ට අනුව බුද්ධාගම ජාත්‍යන්තර ආගමක්. මේ ජාත්‍යන්තර බුද්ධාගම අද වන විට බටහිර (ප්‍රතිචීන) බුද්ධාගමක් බවට පත් වෙලා. ඒ පඬියන්ගේ ද බුද්ධාගම. එය ගැමුණු රජුගේ බුද්ධාගම නො වෙයි.
අද ඇංග්ලිකන් ක්‍රිස්තියානි සංස්කෘතියේ රනිල් වික්‍රමසිංහ සූදානම් වන්නේ ඕල්කට් බුද්ධාගමටවත් ප්‍රමුඛස්ථානය නො දීමටයි. රනිල් හා මැතෝදිස්ත භක්තියකු වූ සුමන්තිරන්ට අවශ්‍ය වචන හරඹයකින් ඒකීය බව පමණක් නොව බුද්ධාගමට ප්‍රමුඛස්ථානය දීමත් නැති කිරීමට. එවිට ඉබේට ම නැවතත් ඇංග්ලිකන් ක්‍රිස්තියානි ආගම මෙරට නිල වශයෙන් නොවුණත් රාජ්‍යාගම වෙනවා. රනිල් ඉවත් කිරීම අද දවසේ ප්‍රධාන කාර්යය බවට පත්වීමට එයත් හේතුවක්. එහෙත් දේශපාලනඥයන් මෙහි දී අප රවටනවා. ඔවුන් රනිල් ඉවත් කරන්නේ නැහැ.
නලින් ද සිල්වා
2017 ජූනි 02
දූෂණ විරෝධී සන්ධානය (CAC ) නියෝජනය කරන වෘත්තීය සමිති නියෝජිතයන් විසින් ට්‍රාන්ස්පේරන්සි ඉන්ටනැෂනල් ශ්‍රි ලංකා (TISL ) ආයතනයට එල්ලවී ඇති දූෂණ චෝදනා පිළිබද විමසමින් ඉදිරිපත් කරන ලද තොරතුරු අයදුම්පත් වලට පිළිතුරු ලබාදිය නොහැකි බව TISL තොරතුරු නිලධාරී කීර්ති ජයතිලක එම අයදුම්කරුවන්ට ලිඛිතව දැනුම්දී තිබේ.එම ප්‍රතික්ෂේප කිරීම සිදුකර ඇත්තේ, එම දූෂණවලට අදාළ තොරතුරු ආයතනයේ අභ්‍යන්තර පරිපාලන තොරතුරු බව පවසමිනි.
TISL හි වැඩසටහන් කළමනාකාරිනියක් , අධ්‍යක්ෂිකාවකගේද සහය ඇතිව මිලියන 1.1 ක මූල්‍ය වංචාවක් සිදුකර ඇති බවට ( ඇනිමේෂන් මූල්‍ය වංචාව http://www.sinhala.lnwtoday.com/archives/15158 ) මාධ්‍ය ඔස්සේ ප්‍රචාරයවූ පුවතට අදාළ තොරතුරු ලබාදීමද මේ අනුව TISL ආයතනය නිල වශයෙන් ප්‍රතික්ෂේප කර තිබේ. මෙසේ අවභාවිත කිරීම ගැන චෝදනා එල්ලවී තිබුණේ EU මූල්‍ය ආධාර යටතේ මහජනතාව වෙනුවෙන් දැනුවත් කිරිමේ වැඩසටහන් ක්‍රියාත්මක කිරීමට TISL වෙත ලැබුණ මුදලකි.
මෙම ලක්ෂ 11 ක කොන්ත්‍රාත්තුව අයථා ලෙස ලබාදී තිබුණේ EU වැඩසටහන් කළමනාකාරිනිය ගේ පෙම්වතාටය.එම පෙම්වතා අධ්‍යක්ෂිකාවගේද ඉතාම හිතවත් මිත්‍රයෙකු සහ පවුලේ ව්‍යාපාරික හිතවතෙකුවීම නිසා දූෂණය ගැන කිසිදු විමර්ශනයක් සිදු නොකර ප්‍රශ්නය යටපත් කිරීමට ට අධ්යක්ෂ මණ්ඩලයට සිදුවූ බවට චෝදනා එල්ලවී තිබිණි.මෙම තත්පර 45 ඇනිමේෂන් දෙක සදහා ලක්ෂ 11 ක දූෂිත ගෙවීමක් සිදුකිරීමත් , එම දූෂණය අධ්යක්ෂ මණ්ඩලය විසින් යටපත් කිරීමත් කාර්ය මණ්ඩලයේද දැඩි විරෝධයට හේතුවී තිබිණි.ඊට විරෝධය දැක්වීම සදහා තවත් කළමනාකාරිනියක් ආයතනික ක්රමය අනුව මිළගණන් කැදවා තත්පර 45 කම ඇනිමේෂනයක් රුපියල් 90,000/= කට සම්පාදනයකර පෙන්වා ඇතැයිද පැවැසේ.
TISL තොරතුරු නිලධාරී කීර්ති ජයතිලක මහතාගේ ප්‍රතිචාරය තමන් කිසිසේත්ම පිළිගැනීමට සූදානම් නැතැයි වෘත්තිය සමිති ක්‍රියාකාරීහු අභියාචනා නිලධාරී වෙත දැනුම් දී තිබේ. TISL හි අභියාචනා නිලධාරීයාද මෙම වංවාව පිළිබද චූදිතයෙකු වන විධායක අධ්‍යක්ෂවරයාය.
http://www.sinhala.lnwtoday.com/archives/15870
http://www.sinhala.lnwtoday.com/archives/15158
lankanewsweb.today වෙබ් අඩවිය ලංකාවේ අවහිර කිරිමෙන් පසුව එම් වෙබ් අඩවිය ලංකාව තුල ක්‍රියාත්මක වෙමින් තිබු lnwtoday.com පිවිසුම ඊයේ දහවල් සිට අවහිර කර දැමිමට යහපාලන ආණ්ඩුව කටයුතු කර තිබේ.යහපාලනය උදා විමත් සමග වත්මන් බෙදුම්වාදී පාලනයට එරෙහිව කිසිවෙකුත් පෙනි නොසිටින අවස්ථාවක පාහර ආණ්ඩුවේ දුෂණ,වංචා,බෙදුම්වාදී ව්‍යවස්ථා මර උගුල ඇතුලු ජඩ පාලනයට එරෙහිව පෙනීසිටි lankanewsweb.today වෙබ් අඩවිය අවහිර කිරිමට ආසන්නතම හේතුව වි ඇත්තේ සිරිසේනගේ අලුත් ආණ්ඩු හැදිමේ කුමන්ත්‍රණය පිළිබඳව කල අනාවරණය නිසා බව අප දේශපාලන වාර්තාකරු අනාවරණය කරගෙන තිබේ.
කෙසේවෙතත් වත්මන් ආණ්ඩුවේ මාධ්‍ය නිදහස සම්බන්ධයෙන් එක්සත් ජාතින්ගේ මානවහිමිකම් කවුන්සලයට අප මිට පෙර වාර්තාවක් භාරදුන් අතර එම වාර්තාව සම්බන්ධයෙන් පරික්ෂණ කරමින් තිබියදි අප වෙබ් අඩවිය යලිත් අවහිර කිරිම හරහා ආණ්ඩුවේ මානවහිමිකම් සම්බන්ධයෙන් ඇති උනන්දුව මැනවිම් පෙන්නුම් කර තිබේ.
lankanewsweb.today, lnwtoday.com හෝ අවහිර කිරිමෙන් පාහර සිරිසේන -රනිල් ජුන්ටාවේ සත්‍ය මෙන්ම රටේ ප්‍රගතිශීලි ජනතාව වෙනුවෙ ගොඩනැගෙන ජනතාව විනාශ කිරිමට දත කන දංකුඩු කන්නන්ට සිය බලාපොරොත්තු සාක්ෂාත් කර ගැනිමට ඉඩ ලබා නොදේන බව අප මේ මොහොතේ ශපථ කට සිටින අතරම අප වෙබ් අඩවියට ප්‍රවේශ විමට Proxy සහ Facebook බාවිතා කරන ලෙස සත්‍ය සොයන ජනතාවගෙන් ඉල්ලා සිටිමු.
ආණ්ඩුවට චැලෙන්ජ් කරමු…..තහනමට එරෙහිව lankanewsweb.today ,lnwtoday.com කියවිම….
දේශහිතයිෂි ශ්‍රී ලාංකිකයනි, මෙම තීරණාත්මක වකවානුව තුල ආ හා සම්බන්ද වීමට පහත ක්රමය භාවිතා කරන්න
ඔබ desktop හෝ laptop පරිගණකයක් මගින් අප වෙබ් අඩවිය පරිශිඅනය කරන්නෙක් නම් පහත වෙබ් ලිපිනයට පිවිස ZenMate VPN – Best Cyber Security & Unblock මෘදුකාංගය ඔබේ වෙබ් බ්‍රවුසරයේ ස්ථාපනය කර On කර ගැනිමෙන් අප වෙබ් අඩවියට පිවිසෙන්න.
https://chrome.google.com/webstore/detail/zenmate-vpn-best-cyber-se/fdcgdnkidjaadafnichfpabhfomcebme?hl=en (Google Chrome වෙබ් බ්‍රවුසරයහි මෙය හොදින් ක්‍රියාත්මක් වේ )
ඔබ ජංගම දුරකතනයකින් අප වෙබ් අඩවියට පිවිසේන්නෙක් නම් Google Play store / Apple app store හිදී ZenMate VPN – Best Cyber Security & Unblock ලෙස search කර අදාළ app එක ස්ථාපනය කර අප වෙබ් අඩවියට පිවිසෙන්න.
ITN ප්‍රවෘත්ති අංශය තුල දරුණු ගැටුමක්-මාවලගේ ITN අතහැර යයි යනුවෙන් පසුගිය මැයි 27 වැනිදා අපකල අනාවරණය සම්බන්ධයෙන් පිළිතුරු දිමේ අයිතිය යටතේ ITN ප්‍රවෘත්ති අංශයේ වැඩබලන නියෝජ්‍ය සාමාන්‍ය අධිකාරී ලාල් හේමන්ත මාවලගේ මහතා විසින් පිළිතුරක් එවා තිබේ.
අදාළ සිද්ධිය සම්බන්ධයෙන් පිළිතුරු දෙමින් ලාල් හේමන්ත මාවලගේ මහතා සදහන් කර ඇත්තේ ITN ප්‍රධාන විධායක නිලධාරී චන්දන තිලකරත්න සහ තමන් අතර බහින් බස් විමක් සිදු වු නමුත් දෙදෙනා අතර කිසිම ආකරයක ගුටිබැට හුවමාරුවක් සිදු නොවු බවයි.ඊට අමතර ආණ්ඩුවට හෝ අගමැතිවරයාට හෝ වෙනත් දේශපාලන ක්‍රියාධරයෙකුට හෝ පරුෂ වචනයෙන් බැනවැදිමක් සිදුනොවු බවද ඔහු සිය පිළිතුරේ සදහන් කර තිබේ.
පරිපාලන කරුණු හෙතුවෙන් සිදු වු බහින් බස් විම දේශපාලනික ගැටුමක් බවට පරිවර්තනය කිරිම සදහා තමන්ට එරෙහිව ක්‍රියාත්මක වන බලවේග උත්සහ ගනිමින් සිටින බවත් එහි ප්‍රතිපලයක් ලෙස අදාළ පුවත් විකෘති කර ලබා දිමට කටයුතු කර තිබේන බවද එම පිළිතුරු වල සදහන් කර තිබේ.
අප විසින් කල අනාවරණය පහත දක්වා තිබේ.
http://www.sinhala.lnwtoday.com/archives/15880
