Published on: Mar 14, 2020 – එක්සත් ජාතික පක්ෂයේ නායක රනිල් වික්‍රමසිංහ මහතාගේ මෙහෙයවිම යටතේ සමඟි ජන බලවේගය දේශපාලනයෙන් ඉවත් කිරිමේ කුමන්ත්‍රණයක් ක්‍රියාත්මක කරමින් සිටින බව වාර්තා වේ.
ඒ සදහා රාජපක්ෂලාගේද සහය රනිල්ට ලැබි තිබේන අතර ඒ අනුව ලබන සඳුදා දිනයේ සමඟි ජන බලවේගයට එරෙහිව අධිකරණය හමුවේ තහනම් නියෝගයක් ඉල්ලා පැමිණිල්ලක් සිදුකිරීමට නියමිත බව අප දේශපාලන වාර්තාකරු සදහන් කලා.
රනිල්ගේ නියෝගයකට අනුව දිස්ත්‍රික් කිහිපයකින් මුදල් දී ලබාගත් සිවිල් ක්‍රියාකාරින් කිහිප දෙනෙකු හරහා මෙම තහනම නියෝගය අධිකරණය හමුවේ ගොනු කිරිමට නියමිත අතර සමඟි ජන බලවේගය නියම අකාරයට පිහිටුවා නොමැති බව පවසමින් එම සන්ධානයේ නාමයෝජනා ලබා නොගන්නා ලෙස මැතිවරණ කොමිසමේ සභාපතිවරයාට නියෝග කරන ලෙස ඉල්ලිමට සුදානම් කර තිබේ.
කෙසේවෙතත් වික්‍රමසිංහ,රාජපක්ෂලාගේ ඔනෑම අවස්ථාවාදී දේශපාලන උගුලකට එරෙහිව සටන් කිරිමට සුදානම් බව සමඟි ජන බලවේගය මේ වනවිටත් දැනුම් දි තිබේ.
මේ අතර අද මාධ්‍ය හමුවක් කැදවමින් සමඟි ජන බලවේගයේ නායක සජිත් ප්‍රේමදාස මහතා කියා සිටියේ සමඟි ජන බලවේගය දේශපාලනයෙන් ඉවත් කිරිමේ කුමන්ත්‍රණයක් ක්‍රියාත්මක වන බවයි.
“කොරෝනා උවදුර තුළ තමයි මේ සැඟවුණු ඩීල් කුමන්ත්‍රණය ක්‍රියාත්මක වෙන්නේ. සමගි ජන බලවේගය කුමන්ත්‍රණකාරීව දේශපාලනයෙන් ඉවත් කරන්න කුමන්ත්‍රණයක්.අපි මේ සන්ධානය ගොඩනැගුවේ අනුමැතියක් ඇතුව.”
“අද වන විට අපේ දේශපාලන බලවේගය මැඩ පවත්වන්න මහා දැවැන්ත කුමන්ත්‍රණයක් පාර්ශ්ව ගණනාවක් එකතුවෙලා, අපිව ප්‍රජාතන්ත්‍රවාදී දේශපාලනයෙන් ඉවත් කරන්න උත්සහ කරනවා.” යැයිද සජිත් ප්‍රේමදාස මහතා කියා සිටියා.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 14, 2020- ලෝක වසංගතයකට මුවා වෙමින් වත්මන් ජනාධිපති ගෝඨාභය රාජපක්ෂ (වැ.බැ) සහ අග්‍රාමාත්‍ය මහින්ද රාජපක්ෂ (දැ.ගේ.ය) තමන්ගේ ආර්ථික නොහැකියාව වසා ගැනිම සදහා අනවරථ මෙහෙයුමක යේදි සිටින බව පසුගිය දින කිහිපය තුල සිදුවු අභ්‍යන්තර සාකච්ඡා වලින් මනාව අනාවරණය වන බව අප දේශපාලන වාර්තාකරු සදහන් කළා.
මහා මැතිවරණය අවසන් වනවාත් සමග රටේ ආර්ථිකය සaණ අගයක් දක්වා ගමන් කරනු ඇති අතර රටේ ජනතාවගෙන් මාසික පඩි ලබන සහ දෛනිකව මුදල් හම්බකර ගනිමින් ජිවත් වන ජනතාවට සිය අහාර පවා සපයා ගැනිමට නොහැකි තත්ත්වයක් උදාවනු ඇති බව ආර්ථික විශේෂඥයන් පවා මේ වනවිට රජයටම අනතුරු අගවා ඇතත් ඒ පිළිබඳව ජනතාවගෙන් වසන් කිරිමට ඔහුන් කටයුතු කරමින් සිටි.මැතිවරණ අවසන් විමත් සමග ඇතිවන දැවැන්ත ආර්ථික සුනාමිය කොරෝනා වසංගතය මත පටවා නොහැකියාව වසා ගැනිමට මේ වනවිටත් රාජපක්ෂලා තිරණය කර හමාරය.
රුපියල සතේට වැටේ…..
ඒ අනුව මෙරට ඉතිහාසයේ පළමු වරට ඇමෙරිකානු ඩොලරයක රුපියල් අගය ඊයේ වනවිට (13) 185.08 ක් ලෙස සටහන් වු අතර ඒ අනුව ශ්‍රී ලංකා මහ බැංකුව දෛනිකව නිකුත් කරන විනිමය අනුපාතිකවලට අනුව ඊයේ ඇමෙරිකානු ඩොලරයක විකුණුම් අගය රුපියල් 185.08ක් ලෙසත් ගැනුම් අගය රුපියල් 181.21ක් ලෙසත් දැක්විණි.
මේ වසරේ ජනවාරි 1 වැනිදා සිට මාර්තු 13 වැනිදා දක්වා කාලයේදී ඇමෙරිකානු ඩොලරයට සාපේක්ෂව ශ්‍රී ලංකා රුපියල සියයට 0.6කින් අවප්‍රමාණය වී ඇති බව රාජපක්ෂලාම පාලනය කරන ශ්‍රී ලංකා මහ බැංකුව නිළ වශයෙන් පිළිගෙන තිබේ.
කොටස් වෙළෙඳපොළ Shut Down
මේ අතර සතියක් තුල තෙවැනි දිනටත් කොළඹ කොටස් වෙළෙඳපොළ කටයුතු ඊයේ දිනයේත් (13) මිනිත්තු තිහක කාලයක් සඳහා අත්හිටුවු අතර ඊට ආසන්තම හේතුව වුයේ කොළඹ කොටස් වෙළෙඳපොළේ ‘ S and P’ ශ්‍රී ලංකා 20 මිල දර්ශකය සියයට 5කින් කඩා වැටීමයි.
ඊයේ දිනයේ ගනුදෙනු අවසන් වනවිට කොළඹ කොටස් වෙළෙඳපොළේ සියලු කොටස් මිල දර්ශකය සියයට 2.89කින් ද ‘එස්ඇන්ඩ්පී’ ශ්‍රී ලංකා 20 මිල දර්ශකය සියයට 3.82කින් ද පහළ ගියේය. ඒ අනුව සියලු කොටස් මිල දර්ශකය ඒකක 144.82කින් ද ‘එස්ඇන්ඩ්පී’ ශ්‍රී ලංකා 20 මිල දර්ශකය ඒකක 87.72 කින් ද පහළ ගියේය.
ඒ අනුව දිනය අවසානයේදී සියලු කොටස් මිල දර්ශකය අද ඒකක 4,874.73ක් ලෙස දැක්වුණු අතර ‘එස්ඇන්ඩ්පී’ ශ්‍රී ලංකා 20 මිල දර්ශකය ඒකක 2,205.97 ක් ලෙස දැක්විණි.
ජනතාව රස්තියාදු ගහයි…. ඉන්ධන මිල අඩු කරන්නේ නැහැ..
ශ්‍රී ලංකා මහ බැංකුව දෛනිකව නිකුත් කරන දත්තවලට අනුව බ්‍රිතාන්‍ය වෙළෙඳපොළේ බොරතෙල් බැරලයක මිල ඇමෙරිකානු ඩොලර් 34.44ක් ලෙස සටහන්ව තිබූ අතර ‘ඔපෙක්’ (තෙල් අපනයන කරන රටවල සංවිධානය) වෙළෙඳපොළේ තෙල් බැරලයක මිල ඇමෙරිකානු ඩොලර් 33.25ක් ලෙස සටහන්ව තිබිණි.
ඒ අනුව ලංකාවේ තෙල් මිළ සීඝ්‍රයෙන් පහල යැමක් ජනතාව බලාපොරොත්තු වුවද මේ දක්වා කිසිදු සහනයක් ජනාධිපති ගෝඨාභය රාජපක්ෂ (වැ.බැ) ලබා දිමට සමත්ව නෑ.
ලෝක වෙළද පොලේ බොරතෙල් මිල හේතුවෙන් ඉකුත් පෙබරවාරි මාසයේ මැද භාගයේ සිට ලංකා ඛනිජ තෙල් නීතිගත සංස්ථාවද ලාභයක් ලැබූ බව එහි සභාපති සුමිත් විජේසිංහ සදහන් කරන අතර එ හේතුවෙන් මෙම අවස්ථාවේ ඉන්ධන මිලෙහි වෙනසක් සිදු නොකරන බවද ඔහු සදහන් කර තිබේ.
රාජපක්ෂලාගේ මැතිවරණ මෙහෙයුමට IOC යින් අල්ලස් ගනි…
මේ අතර ඉන්දීය ඛනිජ තෙල් (IOC) සමාගම සමග ජනපති/අගමැති දමාගෙන තිබේන ඩිල් එකක් මේම තෙල් මිල පහල නොයෑමට ආසන්නම හේතුව වි තිබේන බව මේ වනවිට අනාවරණය වෙමින් තිබේ.ඉන්ධන මිළ අඩුකිරිමට රජය මැදිහත් නොවිම හේතුවෙන් මෙරට ප්‍රමුඛව ඉන්ධන බෙදාහැරීමේ යේදි සිටින ඉන්දීය ඛනිජ තෙල් (IOC)සමාගම රුපියල් බිලියන ගණනාවක අමතර ලාභයක් අත්කරගෙන තිබේ.
මේ වනවිට අනාවරණය වි ඇති තොරතුරු වලට අනුව මහා මැතිවරණයට අදාළව වත්මන් රාජපක්ෂ ආණ්ඩුවේ මැතිවරණ ප්‍රචාරක කටයුතු වෙනුවෙන් අවශ්‍ය රුපියල් බිලියන ගණනක් මුදල ඉන්දීය ඛනිජ තෙල් (IOC) සමාගමෙන් ලබ ගැනිමට කටයුතු කරමින් සිටි. ඒ වෙනුවෙන් ඉන්ධන මිළ පහත නොදමා පවත්වාගෙන යන අතර ඒ හරහා ලැබෙන ලාභයෙන් සියයට 40ක මුදලක් මැතිවරණ ප්‍රචාරණයට ලබාදිමට IOC සමාගම එකඟතාව පලකර තිබේන බවයි මේ වනවිට අනාවරණය වි ඇත්තේ.(වැඩිදුර තොරතුරු බලාපොරොත්තු වන්න)
“ආර්ථික ඝාතකයා” යලි අවදි වෙයි….
එම ඩිල් එක පසුපස කළු දශකයේ රාජපක්ෂ ආණ්ඩුවේ ආර්ථිකය විනාශ කිරීමට කටයුතු කළ පුද්ගලා එනම් “ආර්ථික ඝාතකයා” යනුවෙන් විමල් වීරවංසගේ දැඩි විවේචනයට ලක් වූ පී.බී.ජයසුන්දර මහතා හෙවත් වත්මන් ජනාධිපති ගෝඨාභය රාජපක්ෂ මහතාගේ (වැ.බැ) ලේකම්වරයා කටයුතු කරමින් සිටි.
මේවනවිට ලෝක වෙළෙඳපොළේ බොරතෙල් මිල ගණන් ඉතිහාසගත අයුරින් පහත වැටී ඇතත් එහි වාසිය ජනතාවට ලබාදීමට වත්මන් රජය කටයුතු නොකිරීමේ අතුරු ප්‍රතිපලයක් ලෙස
සිංගප්පුරු වෙළඳ පොලේ බ්‍රෙන්ට් වර්ගයේ බොරතෙල් බැරලයක මිල ඇ.ඩො. 65 ක් ව තිබියදී 2019 සැප්තැම්බර් මස අවසන් වරට මිල සුත්‍රයට අනුව තෙල් මිල පහත පරිදි සංශෝධනය කරන ලද අතර අද වන විට ලෝක වෙලඳ පොලේ බොරතෙල් මිල ආසන්න වශයෙන් ඇමෙරිකානු ඩොලර් 34.ක් පමණ වේ.
සැලකිය යුතුයි…
මෙහි (වැ.බැ) ලෙස කෙටියෙන් දක්වා ඇත්තේ -වැඩ බැරි යන වචනය සහ (දැ.ගේ.ය) යනු -දැන්වත් ගේදර යනු යන වචනය බව කරුණාවෙන් සලකන්න
Published on: Mar 13, 2020 – කොරෝනා ලෝවපුරා වසංගතයක් දක්වා ගමන් කරමින් තිබියදි එය ශ්‍රි ලංකාව තුල කොරෝනා මිශ්‍ර වු රාජපක්ෂ වසංගතයක් බවට පත් කරගනිමින් ඒ හරහා රටම මිලීටරිකරණය කිරිමේ මෙහෙයුමක් දියත් වෙමින් තිබේන බව අප දේශපාලන වාර්තාකරු අනාවරණය කළා. කොරෝනා පැතිරියන මුවාවෙන් පාසල් වසා දැමිමට් රජය කටයුතු කල බව පෙන්නුවද සෑබැවටම ඊට ආසන්නතම හේතුව වි ඇත්තේ 16,17 හා 18 තෙදින තුල දීපව්‍යාප්තව ක්‍රියාත්මක කිරීමට සූදානම් කර තිබුණු ගුරු විදුහල්පතිවරුන්ගේ වැඩවර්ජනය හරහා බිංදුවට වැටි ඇති ආණ්ඩුවේ ප්‍රසාදය තවත් පහලට වැටිම වලක්වා ගැනිම බව රටේ බහුතරයකට වැටහි හමාරය.
කොරෝනා වෛරසය නිසා පාසැල් වසාදැමු බව ආණ්ඩුව තහවුරු කිරිමට උත්සහ කලද එය අසාර්ථක වි ඇත්තේ විශ්වවිද්‍යාල පද්ධතිය, ටියුෂන් පන්ති, තාක්ෂණික විද්‍යාල, උසස් අධ්‍යාපන ආයතන, පොලීසි, උසාවි, මහජන පොළවල් තවමත් විවෘතව තිබිම හරහාය. කෙලවරක් නොමැතිව ෆෙල් වන ගෝඨා පාලනය මේ වනවිට යන්තම් හෝ අල්ලාගේන සිටින්නේ කොරෝනා හරහා වන අතර රට විරුවන්ගෙන් 7500ක් ඉල්ලා කූජිත වු ආණ්ඩුව පාසල් වසා දමා එක දමා ගැනිමට උත්සහ කලද කොරෝනා පැතිර යාමට ආසන්නම හේතුවක් වන ජනතාව රැස්විම නතර කිරිම සදහා මැතිවරණය කල් දැමිමට සුදානමක් නොමැති බව ඉතා පැහැදිය.ඊට ප්‍රධානම හේතුව වන්නේ මැතිවරණය කල්දැමෙන සෑම මිනිත්තුවකදිම ආණ්ඩුවේ ඡන්ද අහුරු පිටින් ගැලවි යාම බව ගෝඨා,මහින්ද ඇතුලු රාජපක්ෂ කණ්ඩායම හොදින්ම දන්නා නිසාය.
පාසල් නිවාධුව පසුපස තවත් කතාවක් ඇත.එනම් පාසල් නිවාධු දි ඇත්තේ අප්‍රියේල් 20 වැනිදා දක්වාය.20 පටන් ගන්නා පාසල් යලි 23 වැනිදා නිවාඩු ලබාදිය යුතුය.ඒ මහමැතිවරණය 25 වැනිදාට යේදි තිබිම හේතුවෙනි.නමුත් 21 වැනිදා රාජපක්ෂලා මිනිස් ජිවිත 250කට අධික ප්‍රමාණයක් බිල්ලට ගත් පාස්කු ප්‍රහාරයට වසරකි.ඒ වෙනුවෙන් පාසල් ආශ්‍රිතව මෙන්ම පන්සල් මුලික කරගනිමින් ජාතිවාදී ස්වරූපයෙන් මෙන්ම වත්මන් මිලිටරි ජුන්ටාව ඉස්මතු වන අකාරයේ වැඩසටහන් ක්‍රියාත්මක කිරිමට රාජපක්ෂලාගේ මැතිවරණ මෙහෙයුම් න්‍යාය පත්‍රයේ අංක එකටම තිබේ.
මිලිටරි ජුන්ටාව නැතුව දිනන්න බෑ…
රාජපක්ෂලාට මැතිවරණ දිනිමට නම් මිලිටරි ජුන්ටාව අත්‍යවශ්‍යම කාරණයකි.2010 ජනාධිපතිවරණය පැවැත්වෙන විට රාජපක්ෂලා රට මිලීටරිකරණයේ හිනීපෙත්තටම රැගෙන විත් තිබිනී.ඒ නිසාම පැවැති සැම මැතිවරණයක්ම් ජයග්‍රහණය කිරිමට ඔහුන් සමත්විය. නමුත් 2/3ක සිහිනයක් විය.අවසානයේ 2015දි රාජපක්ෂල පරාජය විය.2015 පරාජයෙන් පසුව එහි ඇගිල්ල සaජුවම බැසිල් රාජපක්ෂට එල්ල වු අතර පසුව 2016දි රාජපක්ෂලා සකස් කල විමර්ශණ වාර්තාවට අනුවද පරාජයට බලපෑ මුලික කරුණු 5 ඇතුලත මිලීටරීකරණයෙන් මිදිමද බලපෑ බව සදහන් කර තිබේ.
මෑත ඉතිහාසයේ කුමන මැතිවරණයකදීවත් එක් පක්‍ෂයකට 2/3ක බලයක් ලබා ගැනිම සිහිනයකි. යුද්ධයෙන් පසුව රාජපක්ෂ ආණ්ඩුවේ හොඳම කාලයේ පැවති මැතිවරණයෙන් 2/3ක මැතිවරණ ආසන ලබාගන්න ඔහුන් අසමත් වු අතර එවකට රාජපක්ෂ ආණ්ඩුව සමග රිෂාඞ් බදුර්දීන්, රාවුෆ් හකීම් සියලු දෙනාද එක්ව සිටි බව නොරහසකි.නමුත් අවසානයේ 2/3 හදාගත්තේ එජාපයේ පිරිසක් ආණ්ඩුවට එකතුකර ගනිමින් ය.නමුත් රටට හෝ රටේ ජනතාවට සිදුවු සේතක් නොමැත.
මේ ආණ්ඩුවට 2/3ක බලයක් දෙන්න ජනතාව සූදානම් නැති බව පසුගිය මාස 3ක කාලයේදී ආණ්ඩුවේ කටයුතුවලින් ඔප්පු වි හමාරය.දැන් ගෝඨා කුමක් කල යුතුද?
කලයුත්තේ රට මිලිටරීකරණයේ හිනීපෙත්තටම රැගෙන යාමය.ඒ සදහා 2010 සිට යුද්ධය අවසන් විමත් සමග බිදවැටුන මිලීටරිකරණය රටතුල යලිත් මතුකර ගතයුතුය. 2010 වසරේ පැවැති ජනාධිපතිවරණයෙන් පසුව රටේ මිලීටරිකරණය ක්‍රමිකව පහලට ඇද වැටුනු අතර එය 2015 ජනාධිපතිවරණයේදි මහින්ද පරාජය දක්වා ඇදගෙන යාමට පවා සමත් විය.2015 සිට 2019 දක්වා කාලය තුල පැවැති යහපාලන ආණ්ඩුව සමයේ රාජ්‍ය මිලීටරිකරණයෙන් සම්පූර්ණයෙන්ම ඇත්වු අතර ඒ නිසාම 2019 ජනාධිපතිවරණය ජයගැනිම සදහා රාජපක්ෂලා බාවිතා කල ප්‍රබලම අවිය වුයේද මිලීටරිකරණය වු “රණවීරු ගායයි..”
රණවීරු ගාය යලිත් රාජපක්ෂකරණය වු ලක්ෂ 50ක පමණ ජනතාව මත බලෙන් පැටවිය යුතුමය.ඒ සදහා වෙස්වලාගෙන ආ ආශිර්වාදය වුයේ කොරෝනාය. ඒ අනුව රටපුරා රාජ්‍ය ආයතන, විශ්වවිද්‍යාලය, පාසල්, ඇතුලු සියලුම මරමස්ථාන රාජපක්ෂලා මේ හරහ මිලීටරිකරණයට හසුකර ගැනිමට කටයුතු කරනු ඇත.පාර පුරා තැන තැන හමුදාව නිරන්තරයෙන් දැකිම බයියන්ට මහමග බුදුන් දැක නිවන් දැකිමකි. හමුදාපතිවරයා රූපවාහිනියෙන් දකිමින් ජාතිය ඇමතිම නිවසේ සිට නිවන් දැකිමකි.
උතුරේ ගමනා ගමනයට යලිත් බාධක දමමින්,යුද්ධය අවසන්ව දසවසරක් ගෙවී තිබියදි උතුරේදී යුද්ධයේ පීඩාවට පත්වූ දෙමළ ජනතාව තවතවත් දුකට පත්වෙමින් සිටීයදි බලහත්කාරයෙන් මාස තුනක් තුල “යාපනයේ විශ්ව විද්‍යාලයේ බෞද්ධ සහෝදරත්ව සංගමය” නමින් පෙනී සිටිමින් ශ්‍රී ලංකා හමුදාවේ 65 වන සේනාංකය බෞද්ධ විහාරයක් ඉදිකිරීම නිකන්ම සිදුවු සිද්ධින් නොවේ.මේ සියල්ලම රාජපක්ෂ මිලීටරී ජුන්ටාවේම කොටස් බව දැනගෙන සිටිම ඇගට ගුණය.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 13, 2020- ශ්‍රි ලංකා නිදහස් පක්ෂයේ විනාශය සහ පක්ෂයේ ජ්‍යෙෂ්ඨයින් දේශපාලන අනාථයින් බවට පත්කිරිම සම්බන්ධවයි යනුවෙන් හිටපු ජනාධිපතිනී චන්ද්‍රිකා බන්ධාරණායක කුමාරතුංග මහත්මිය පිටු 12කින් යුත් ලිපියක් හිටපු ජනාධිපති,වත්මන් ශ්‍රි ලංකා නිදහස් පක්ෂයේ සභාපති මෛත්‍රීපාල සිරිසේනට ලිපියක් යොමුකර තිබේ.
හිටපු ජනාධිපතිනීය එහිදි පෙන්වා දි ඇත්තේ අප ගොඩනැගීමට වෙර දැරූ පාලනය හරහා තම දුෂිත හා ආත්මාර්ථකාමී අරමුණු ඉටුකර ගත නොහැකි බැවින්, ඇතැම් කූඨ දේශපාලන නායකයන් විසින් එම උතුම් ව්‍යාපෘතිය විනාශ කර දමා, 2015 දර්ශනය වෙනුවෙන් තවමත් පෙනී සිටින මා වැනි චරිත දේශපාලන වශයෙන් විනාශ කිරීමේ උත්සාහයක යෙදී සිටින බවයි.
“මාගේ ප‍්‍රතිපත්තිගරුක බවට ද, කිසිදා නොවෙනස් වන අවංක බවට ද, ඍජු සහ විනයගරුක බව මත පිහිටා ඇති මාගේ ආත්ම ශක්තියටද බිය වන්නේ,රාජ්‍ය බලය තමාට ආදායම් උපයන මාර්ගයක් බවට පත් කරගෙන සිටින නායකයින් යැයි කියාගන්නා පුංචි මිනිසුන් පිරිසක් පමණී.”
මාගේ දේශපාලන පෞරුෂය සහ අනේක දුක් විද මා දිනාගෙන ඇති ජනතා විශ්වාසය විනාශ කළ හැකි යැයි ඔබතුමා සහ ඔබේ සහචරයන් විශ්වාස කරන්නේ නම්, ඒ පුහු සිහිනයක් බවද චන්ද්‍රිකා කුමාරතුංග මහත්මිය දැඩිව අවධාරනය කර තිබේ.
“උයන් පල්ලාට උයනේ ඇති සියලු රෝස මල් විනාශ කල හැකි වුවද,මල් පිපෙන වසන්තය උදාවිම නම් වළක්වාලිය නොහැකිය” චින්ගිෂ් ආයිත්මතෝව්ගේ පාඨයක්ද උපුටා දක්වමින් හිටපු ජනාධිපතිනිය සිය ලිපිය අවසන් කර තිබේ.
හිටපු ජනාධිපතිනී චන්ද්‍රිකා බන්ධාරණායක කුමාරතුංග මහත්මිය මෛත්‍රීපාල සිරිසේනට යැවු ලිපිය….
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 13, 2020- ගෝඨාභය රාජපක්ෂ මහතා ජනාධිපති කරවිම සදහා මෙන්ම රාජපක්ෂලා වෙනුවෙන් සෑම අයුරකින්ම පෙනීසිටි සංඝ බලවේගය වෙනම පක්ෂයක් ලෙස පාර්ලිමේන්තු මැතිවරණයට තරඟ කිරීමට අද රාත්‍රීයේ පැවැති සාකච්ඡාවකදි තිරණය කර තිබේ.
ඒ අනුව බොහෝදුරට බොදුජන පෙරමුණේන්,නාගයා සලකුණෙන් මැතිවරණයට ඉදිරිපත් විමට ඉඩ ඇති බවයි අප දේශපාලන වාර්තාකරු සදහන් කලේ.
මහාචාර්ය ඉදුරාගාරේ ධම්මරතන හිමි, අතුරුලියේ රතන හිමි,පාහියන්ගල ආනන්දසාගර හිමි,ඉත්තෑකන්දේ සද්ධාතිස්ස හිමි,සිංහලේ ජාතික සංවිධානයේ මහ ලේකම් පූජ්‍ය මැඩිල්ලේ පඤ්ඤාලෝක හිමියන් ඇතුලු ජ්‍යෙෂ්ඨ හිමිවරුන් ඇතුලු අනුනායක හිමිවරුන් රැසකගේ ප්‍රධානත්වයෙන් අද පැවැති හමුවේදි මෙම තින්දුව ගෙන තිබේ.ඒ අනුව මැතිවරණ දිස්ත්‍රික් 22කම ආවරණය කරමින් හිමිවරුන් මෙන්ම ගිහි පිරිසක් මැතිවරණයට ඉදිරිපත් කිරිමට මෙහිදී තින්දුකර තිබේ.
පවතින තත්ත්වය හමුවේ දිස්ත්‍රික්ක 7ක පමණ ඉතා වාසිදායක තත්ත්වයක් පවතින බවත් ඒ අනුව සිංහල,බෞද්ධ ජනතාව නියෝජනය කරමින් මන්ත්‍රීධුර යම් ප්‍රමාණයක් ලබා ගැනිම්ට හැකි බවද එහිදි සාකච්ඡාවට ගෙන තිබේ.
ගෝඨාභය රාජපක්ෂ මහතා ජනාධිපති කර රට නිවැරදි දිශාවට යොමුකිරීමට කටයුතු කරනු ඇති බව තමන් වහන්සේලා විශ්වාසය තැබුවද යලිත් මහින්ද රාජපක්ෂ ප්‍රමුඛ කණ්ඩායමත් ගෝඨාභය ජනපති වටේ සිටින උගත්,බුද්ධිමත් යැයි ඔහුන්ම හදුන්වා ගන්නා කණ්ඩායමත් සිදුකරන ක්‍රියාකාරකම් හේතුවෙන් දැඩි සංඝ බලවේගය ලෙස කලකිරීමට පත්ව සිටි.
මේ වනවිට එම කදවුරු වල සිටින මුලධර්මවාදි වාදින් භික්ෂුව දේශපාලනයෙන් ඉවත් කිරිමට සියුම්ව මෙහෙයුම් දියත් කරමින් සිටින බවද රාජපක්ෂ කදවුරේම භික්ෂුන් වහන්සේලා විසින් අනාවරණය කර තිබුනා.
විල්පත්තු විනාශය නතර කිරිම,රණවිරුවන්ට සැලකීම,පාස්කු බෝම්බ ප්‍රහාරයට සම්බන්ධ අය අත් අඩංගුවට ගැනීම, පුරාවස්තු සහ රක්ෂිත ආරක්ෂාව වැනි කරුණු රැසක් මෙම මැතිවරණ ව්‍යාපාරය තුල ජනතාව හමුවේ තැබිමටට්ත් එය පාර්ලිමේන්තුවේ බලය හොබ්වන කවුරුන් ලවා හෝ සිදුකර ගැනිම් සදහා සංඝ බලවේගය නියෝජනය කරමින් සංඝයා වහන්සේලා පාර්ලිමේන්තුව නියෝජනය කල යුතු බවයි සාකච්ඡාවේදි සංඝ බලවේගයේ හිමිවරුන් පෙන්වා දි ඇත්තේ.
ගෝඨාභය රාජපක්ෂ,ඇතුලු රාජපක්ෂ කදවුරේ සිංහල බෞද්ධ විරෝධි ගමන් මගට එරෙහිව මහා සංඝරත්නය පෙරටු කොටගත් නව ජාතික සන්ධානයක් බිහිකිරිම සදහා සාකච්ඡා ආරම්භ වුනේ පෙබරවාරි 15 වැනිදා වන අතර මේ වනවිට එය සාර්ථකත්වවයට පැමිණ තිබේ.
http://lankanewsnetwork.org/archives/23013
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 11, 2020 – සජිත් ප්‍රේමදාස මහතාගේ නායකත්වයෙන් යුත් “සමගි ජන බලවේගය” ලකුණ හෙට(12/03) සවස බත්තරමුල්ල වෝටර්ස් එජ් හෝටලයේ (Waters Edge)දි එළිදැක්වීමට සියලු කටයුතු යොදා තිබේන බව අප දේශපාලන වාර්තාකරු සදහන් කළා.
ලංකාවේ පුළුල්ම සහ ශක්තිමත්ම බහුජන ව්‍යාපාරය ලෙස “සමගි ජන බලවේගය” මේ වනවිටත් සමාජයේ සෑම තැනකම පැතීර ගොස් තිබේන අතර මහා මැතිවරණයට ජනතාවට නැතුවම බැරි,ඉතාම සමීපම “දුරකතනය” ලකුණීන් තරග කිරිමට සුදානමින් සිටි.
හෙට පැවැත්වෙන විශේෂ වැඩසටහනේදි ලකුණ එළිදැක්වීමට අමතරව මෙවර මහා මැතිවරණයට “සමගි ජන බලවේගය”සන්ධානයෙන් අගමැති අපේක්ෂක ලෙස කොළඹ දිස්ත්‍රික්කයට තරගවදින සජිත් ප්‍රේමදාස මහතාගේ මැතිවරණ මෙහෙයුම්ද ආරම්භ කිරිමට නියමිත බවයි අප දේශපාලන වාර්තාකරු සදහන් කළේ.
එම අවස්ථාවට එක්සත් ජාතික පක්ෂයේ ජ්‍යෙෂ්ඨයන් මෙන්ම සමගි ජන බලවේගය සන්ධානයෙන් තරග වදින විවිධ දේශපාලන පක්ෂ නියෝජනය කරන නායකයන්,ජනමාධ්‍යවේදීන් ඇතුලු විශාල පිරිසක් එම අවස්ථාවට සහභාගි වන බවයි අප දේශපාලන වාර්තාකරු සදහන් කළේ.එම අවස්ථාවට විශේෂ පුද්ගලයෙකු පැමිණීමට නියමිත අතර ඔහු කවුරුන්ද යන්න මේ වනතෙක් අනාවරණය වි නෑ.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 11, 2020 – ශ්‍රි ලංකා නිදහස් පක්ෂයේ කරමතින් බලයට පැමිණී වත්මන් ආණ්ඩුව අද ශ්‍රිලනීපයටම එරෙහිව පියවර ගනිමින් සිටීන බව එම පක්ෂයේ හිටපු මහා ලේකම් රෝහණ ලක්‍ෂමන් පියදාස මහතා පවසයි.
“මේ ආණ්ඩුව බලයට පත් වුණේ අපි නිසා. දැන් අපි අප ගැනම පිළිකුලෙන් ඉන්නේ. මෙය අපට කලකිරීමක්.” යනුවෙන් ඔහු සදහන් කර තිබේන අතර මේ වන විට ශ්‍රිලනිපයේ ප්‍රභල සාමාජිකයන්ට මෙන්ම හිටපු මන්ත්‍රීවරුන්ට මුහුණ් දිමට සිදුව ඇති තත්ත්වය ඉතා භයානක බවයි ඔහු පෙන්වා දි ඇත්තේ.
රාජ්‍ය ආයතන බහුතරයක සේවය කල ශ්‍රී ලංකා නිදහස් පක්ෂයේ සාමාජිකත්වය දරණ පිරිස් මේ වනවිට සේවයන් ඉවත් කර එම තනතුරු සදහා කිසිදු සුදුසුකමක් නොමැති පුද්ගලයන් පත් කර තිබෙන බවත් ඒ හේතුවෙන් පක්ෂ ආධාරකරුවන් අතර විශාල නොසන්සුන්තාවයක් හටගෙන තිබේන බවත් හිටපු මහා ලේකම්වරයා සදහන් කර තිබේ.
මේ අතර ශ්‍රි ලංකා නිදහස් පක්ෂය නියෝජනය කරමින් මහා මැතිවරණයට පොහොට්ටුවෙන් ඉදිරිපත් වන අපේක්ෂකයන් පරාජය කිරිම සදහා දැවැන්ත මෙහෙයුමක් දියත් කර ඇති බවත් රටේ ප්‍රධාන ගැටළු කෙරෙහි අවධානය යොමු නොකර පොහොට්ටුවේ සියලුම දෙනා ශ්‍රිලනිපයේ අපේක්ෂකයන්ට ඡන්දය ලබා නොදේන ලෙස රැස්විම් පවත්වමින් ප්‍රසිද්ධියේම ඉල්ලා සිටින බවද රෝහණ ලක්‍ෂමන් පියදාස මහතා සදහන් කර තිබේ.
අමරවීර පාර්ලිමේන්තුවේන් දොට්ට,දයාසිරි, දුමින්දත් පරාජයේ ගැට්ටටම වැටේ……
මේ වනවිටත් ශ්‍රිලනීපය නියෝජනය කරමින් මහා මැතිවරණයට තරග වදින කණ්ඩායම අතුරින් යන්තම් හෝ ජයග්‍රහණය ලැබිමට අවස්ථාව තිබු දුමින්ද දිසානායක,මහින්ද අමරවීර,දයාසිරි ජයසේකර,මෛත්‍රීපාල සිරිසේන අතුරින් මහින්ද අමරවිරගේ අවස්ථාව ගිලිහී ගොස් තිබේන බව අප දේශපාලන වාර්තාකරු සදහන් කළා.
හම්බන්තොට දිස්ත්‍රික්කයේ පත්වන මන්ත්‍රීවරුන් කවුරුන්ද යන්න මේ වනවිට රාජපක්ෂලා තිරණය කර තිබේන අතර ප්‍රසිද්ධියේම මහින්ද අමරවීර පරාජය කිරිමට කටයුතු කරන ලෙස ජ්‍යෙෂ්ඨ රාජපක්ෂලාද ජනතාවගෙන් ඉල්ලිම් කර තිබේ.(චමල් රාජපක්ෂලාගේ ඉල්ලිම පහතින් බලන්න)
කෙසේවෙතත් හම්බන්තොට දිස්ත්‍රික්කයේ පවතින උග්‍ර කුළ වාදය හේතුවෙන් විශාල ඡන්ද සංඛ්‍යාවක් දුමින්ද අමරවිර මහතාට හිමිව තිබිම හේතුවෙන් අවසන් මොහොතේ වෙනත් තින්දුවක් ගැනිමට අමරවිර තුල සුදානමක් පවතින් බවද අප දේශපාලන වාර්තාකරු අනාවරණය කළා.මහමැතිවරණයට සජිත් ප්‍රේමදාස මහතා තරග වදින්නේද කොළඹ දිස්ත්‍රික්කයෙනී.
මේ අතර පොළොන්නරුවේ අංක එකට හිටපු ජනාධිපති මෛත්‍රීපාල සිරිසේන ඡන්දය ලබා ගැනිමට සමත් වුවද දයාසිරි සහ දුමින්ද ජයග්‍රහණ සීමාවේ අගටම මේ වනවිට පත්ව සිටින බවයි අප දේශපාලන වාර්තාකරු අනාවරණය කළේ.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 11, 2020- පාස්කු ඉරිදා ප්‍රහාරය සම්බන්ධයෙන් ආණ්ඩුව සිදුකරන පරික්ෂණ සම්බන්ධයෙන් කොළඹ අගරදගුරු මැල්කම් කාදිනල් රංජිත් හිමිපාණන්‍ට අදහස් පලකිරිම වහාම නතර කරන ලෙස ජනාධිපතිවරයාගේ ලේකම්වරයෙකු බලපෑම් එල්ල කර තිබේන බව අප දේශපාලන වාර්තාකරු අනාවරණය කළා.
පාස්කු ඉරිදා ප්‍රහාරය පසුපස තිබු දේශපාලන හස්තය සම්බන්ධයෙන් අප දිගින් දිගටම සිදුකල අනාවරණයන් හමුවේ කිතුණු බැතිමතුන්ගේ කොළඹ අගරදගුරු මැල්කම් කාදිනල් රංජිත් හිමිපාණන්‍ට එල්ල වු බලපෑම් හමුවේ උන්වහන්සේ වත්මන් ආණ්ඩුවේ පරික්ෂණ සම්බන්ධයෙන් ගෝඨාභය රාජපක්ෂ ජනාධිපතිවරයාට දිගින් දිගටම බලපැම් කිරිම හේතුවෙන් මෙම තර්ජනය එල්ල වි තිබේන බවයි අප දේශපාලන වාර්තාකරු සදහන් කළේ.
දිගින් දිගටම මාධ්‍යහමු කැදවමින් කොළඹ අගරදගුරු මැල්කම් කාදිනල් රංජිත් හිමියන් කියා සිටියේ පාස්කු ප්‍රහාරය පිළිබඳව මෙතෙක් පත් කරපු කමිටු ලබාදුන්න තොරතුරු දත්ත පිළිබඳ සෑහීමකට පත්විය නොහැකි බවත් හාරයේ සුල මුල අනිවාර්යෙන්ම මේ රටේ ජනතාව දැන ගතයුතු බවත් ඒ අතර “මේ අයට සල්ලි දුන්නේ කවුද? මෙයාලට මේ තරම් සංවිධානගත වෙන්න දේශපාලන හයියක් ලැබුණද?” යන්න වහාම පරික්ෂණ කර තොරතුරු අනාවරණය කලයුතු බවයි.
මේ අතර පාස්කු ඉරිදා ප්‍රහාරවලට සම්බන්ධ පරීක්ෂණ මෙහෙයවනු ලැබූ අපරාධ පරීක්ෂ දෙපාර්තමේන්තුවේ නිලධාරින් මාරු කිරීමට වත්මන් ජනාධිපතිවරයා යටතේ පවතින ආරක්ෂක අමාත්‍යංශය කටයුතු කිරිමත් සමග තත්ත්වය තවත් නරක අතට හැරුනු අතර කිතුණු බැතිමතුන්ගේන් එල්ල වු දැඩි බලපෑම් හමුවේ එයට එරෙහිව දැඩි ලෙස ආණ්ඩුව විවේචනය කිරිමට අගරදගුරු කටයුතු කරනු ලැබුවා.
පාස්කු ඉරිදා ප්‍රහාරවලට සම්බන්ධ පරීක්ෂණ මෙහෙයවනු ලැබූ අපරාධ පරීක්ෂ දෙපාර්තමේන්තුවේ නිලධාරින් මාරු කිරීමක් සිදු වන බවට තමන්ට දැනගන්නට ලැබුණු බවත් එසේ පොලිස් නිලධාරීන් මාරු කිරීම වැරදි බවත් ඊට එරෙහිව ජනතාවත් සමග වීදි බැස විරෝධය පළ කරන බවත් ඡන්දයක් තිබ්බුනත් නැතත් තමනට අදාල නැති බවයි උන්වහන්සේ සදහන් කළේ.
දිගින් දිගටම අගරදගුරුතුමන් පාස්කු ප්‍රහාරය පදනම් කරගනිමින් ආණ්ඩුවට දැඩි ලෙස බලපෑම් කිරිම හේතුවෙන් ආණ්ඩුව අපහසුතාවට පත්ව ඇති බවත් වහාම ප්‍රහාරය සම්බන්ධයෙන් ප්‍රකාශ නිකුත් කිරිම නතර කරන ලෙසත් අදාළ ජනාධිපති ලේකම්වරයා අගරදගුරු මැල්කම් කාදිනල් රංජිත් හිමිපාණන්‍ට බලපෑම් කර තිබේ.
මේ අතර අප්‍රියෙල් 21 ප්‍රහාරය ඉලක්ක කර ගනිමින් තවදුරටත් දේශපාලන වාසී ගැනිම සදහා රාජපක්ෂ කදවුර මේ වනවිට මෙහෙයුමක් දියත් කර තිබේන අතර මහා මැතිවරණයට දින 4කට පෙර යෙදෙන අප්‍රියෙල් 21දින ඉලක්ක කර රටපුරාම දැවැන්ත විපක්ෂයට එරෙහිව වැඩසටහන් රැසක් පැවැත්විමට කටයුතු සුදානම් කර තිබේන බව අප දේශපාලන වාර්තාකරු අනාවරණය කළා.රටපුරා විහාරස්ථාන සියල්ලම භාවිතා කරමින් මියගිය අය සදහා පිං පැමිණවිමේ පිංකම් මුවාවෙන් දේශපාලන වාසී ගැනිමේ සිට රාජ්‍ය සහ පෞද්ගලික මාධ්‍ය යොදා ගනිමින් විවිධ මොළ සේදිමේ ව්‍යාපාරයක්ද දියත් කිරිමට ආණ්ඩුව මේ වනවිට සැලසුම් කර තිබේ.
පාස්කු ඉරිදා ප්‍රහාරය ගැන අප කල අනාවරණයන් සියල්ලම පහතින් කියවන්න ….
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
http://lankanewsnetwork.org/archives/20177
http://lankanewsnetwork.org/archives/23283
http://lankanewsnetwork.org/archives/22877
http://lankanewsnetwork.org/archives/20215
http://lankanewsnetwork.org/archives/21124
http://lankanewsnetwork.org/archives/23104
Published on: Mar 7, 2020- උතුරේ දමිළ ජනයා අතර ප්‍රචණ්ඩත්වය මුදාහරිමින් ගෝඨාභය රාජපක්ෂ ජනාධිපතිවරයා සහ ආරක්ෂක ලේකම්වරයා උතුරේ ජනතාවගේ ගමන් මාර්ග හරස් කරමින් මුරපොලවල් කිහිපයක් ඉදිකිරිමට කටයුතු කර තිබේන බව උතුරේ අඔඅ දේශපාලන වාර්තාකරු සදහන් කළා.
මාන්කුලම්- මුලතිව් ප්‍රධාන මාර්ගයේ මෙන්ම කොක්කිලායි ප්‍රධාන මාර්ගයේ ද මෙම හමුදා මුරපොලවල් ඉදිකර තිබේන අතර ඒ හරහ පැමිණේන සියලුම දෙනා විශේෂ මෙන්ම ප්‍රචණ්ඩකාරි අයුරින් පරික්ෂාවට ලක්වන බවයි අප වාර්තාකරු අනාවරණය කර ඇත්තේ.
නව ජනාධිපතිවරයා පත්ව මාසයක් ගතවිමට පෙර උතුරේ දමිල ජනතාව මත හමුදා ප්‍රචණ්ඩත්වය මුදා හැරිමට කටයුතු කර ඇති බවත් යාපනයේ සිට දිවයිනේ දකුණට ගමන් කරන බස් රථ සන්නද්ධ ශ්‍රී ලාංකික සොල්දාදුවන් විසින් නවතා දමා ඇති අතර ඔවුන් මගීන් බස් රථවලින් බැස බලහත්කාරයෙන් සන්තකයේ තබා ගැනිමටද කටයුතු කර තිබේ.
මාර්තු මාසය ආරම්භ විමත් සමග ශ්‍රී ලංකා හමුදාව උතුරේ සෝදිසි මෙහෙයුම් වේගවත් කිරීමට කටයුතු කර ඇති අතර බලහත්කාරයෙන් පරික්ෂා කිරිම් මෙන්ම රදවා තබා ගැනිම්ද වේගයෙන් සිදුවන බවයි උතුරේ ආරංචි මාර්ග තහවුරු කළේ.
Published on: Mar 5, 2020 – තම පවුලේ සමාජිකයන්ට සහ තමන්ට සමිපතම කණ්ඩායම් අපහසුතාවට පත්කිරිම සදහා පෞද්ගලික මාධ්‍ය ආයතන දෙකක කිහිප දෙනෙකු ගෙන යන කුමන්ත්‍රණය කරන බවත් එය නතර කිරිම සදහා වහාම කටයුතු කරන ලෙස පෞද්ගලික මාධ්‍ය ආයතන අයිතිකරුවන්ට අග්‍රාමාත්‍ය මහින්ද රාජපක්ෂ මහතා දැනුම් දි තිබේන බව අප දේශපාලන වාර්තාකරු අනාවරණය කළා.
ඒ අනුව දෙරණ සහ හිරූ පෞද්ගලික නාලිකා දෙකහිම වැඩසටහන් ප්‍රධානින් සහ නිවේදක,නිවේදිකාවන් කිහිප දෙනෙකු හදිසීයේම මාරු කිරිමට ආයතන් ප්‍රධානින් කටයුතු ර ඇති අතර කිහිප දෙනෙකුට ඉවත් ව යන ලෙසටද දැනුම් දි තිබේන බව මේ වනවිට අනාවරණය වි තිබේ.මිට අමතරව ප්‍රාදේශිය වාර්තාකරුන් කිහිප දෙනෙකුගේන්ම පුවත් ලබා ගැනිම හදිසියේම නතර කිරිමටද ප්‍රධාන පෞද්ගලික නාලිකා දෙකම කටයුතු කර තිබේන බවද වාර්තා වේ.
ආණ්ඩුව පිහිටුවිමෙන් මාස 3ක කාලයතුල මහින්ද රාජපක්ෂ අගමැතිවරයා ඇතුලු මහින්ද පිළ ඉලක්ක කර මාධ්‍ය ආයතන තුල පුවත් සහ වැඩසටහන් සැකසිමේදි අවාසිදායක තත්ත්වයක් ඇති කිරිමට මෙහෙයුමක් දියත් වු අතර මේ වනවිට එම තත්ත්වය උග්‍ර වි තිබේ.ඒ සම්බන්ධයෙන් මහින්ද පිළේ කණ්ඩායම් අතර දිර්ඝ වශයෙන් සාකච්ඡා සිදුව ඇති අතර එම සාකච්ඡාවලදි ගත් තින්දුවකට අනුව පෞද්ගලික මාධ්‍ය ආයතන හිමිකරුවන්ට පණිවිඩයක් යවා ඇති බවයි අප දේශපාලන වාර්තාකරු සදහන් කළේ.
මාධ්‍යයට අලුතින් බැරියර් දමන “විකාශන නියාමන කොමිෂන් සභා”
මේ අතර රූපවාහිනී හා ගුවන්විදුලි බලපත්‍ර නිකුත් කිරීම නියමානුකූල කිරීම සඳහා කැබිනට් මණ්ඩලයේ අනුමැතිය හිමිව තිබේ.
ඒ අනුව ‘විකාශන නියාමන කොමිෂන් සභා’ යනුවෙන් කෙටුම්පතක් ඉදිරිපත් කර ඇති අතර ඒ හරහා බලපත්‍ර නිකුත් කිරීමට අදාළ ක්‍රියාවලිය සම්බන්ධයෙන් අධ්‍යයනය කිරීම පිණිස පත් කරන ලද කමිටුවක් විසින් ගුවන් විදුලි හා රූපවාහිනී යන මාධ්‍යයන් දෙවර්ගය සම්බන්ධයෙන්ම කටයුතු කිරීම පිණිස වෙනම ආයතනයක් පිහිටුවිමට නියමිතයි.
ගුවන්විදුලි සහ රූපවාහීනී විකාශන සේවාවන් පවත්වාගෙන යාම සඳහා 1966 අංක 37 දරණ ශ්‍රි ලංකා ගුවන් විදුලි සංස්ථා පනතේ සහ 1982 අංක 6 දරන ශ්‍රි ලංකා රූපවාහිනි සංස්ථා පනතේ ප්‍රතිපාදන අනුව මේ වන විට පෞද්ගලික ගුවන් විදුලි විකාශන සඳහා බලපත්‍ර නිකුත් කරනු ලැබෙයි
මේ වන විට පෞද්ගලික ගුවන් විකාශන බලපත්‍ර 27 ක් සහ රූපවාහිනී විකාශන බලපත්‍ර 54 ක් නිකුත් කර ඇත.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 5, 2020 – අපයෝජනයට ලක්වු දැරිය සගවමින් පරික්ෂණ වෙනතක යවා කුප්‍රකට ව්‍යපාරිකයා නිදහස් කර ගැනිමේ මෙහෙයුමක් දියත් වෙමින් තිබේන බව අප සිද්ධිය සම්බන්ධයෙන් වාර්තාකල සෑම දිනකම අනාවරණය කල අතර ඊයේ “ප්‍රියාන් මැණීක්” නැටු නාඩගම සම්බන්ධයෙන්ද අප ප්‍රශ්ණ කර සිටියා.
“ප්‍රියාන් මැණීක්” ඊයේ සිදුකල ප්‍රකාශයන් සහ ළමා ආරක්ෂණ අධිකාරියේ හදිසී ක්‍රියාකාරිත්වය සලකා බැලිමේදි බරපතල ලිංගික අපයෝජනයට ලක්වූ දැරිය මේ වනවිට ඝාතනය කර හෝ රටින් පිටකිරිමක් හෝ බලහත්කාරයෙන් රදවාගෙන සාක්ෂි සියල්ලම වසා දමා ඇති බව අප විශේෂ වාර්තාකරුවන් අනාවරණය කරන අතර ඉදිරි දින කිහිපයේදි ඒ සම්බන්ධයෙන් අනාවරණය කර ගැනිමට හැකියාවක් ඇති බවද සදහන් කිරිමට කැමැත්තෙමු.
අද (05) යලිත් මාධ්‍ය හමුවක් කැදවමින් අසේල සම්පත් යලිත් රජයට චොදනා කර සිටි අතර ඔහු එහිදි කල ප්‍රකාශය පහතින් බලන්න ….
http://lankanewsnetwork.org/archives/23426
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Mar 4, 2020- කථානායකවරයා විසින් වැරදියට සහතිකය යොදා ඇති 19වන ආණ්ඩුක්‍රම ව්‍යවස්ථා සංශෝධනයේ විධිවිධාන අනුව පාර්ලිමේන්තුව විසුරුවීමට එරෙහිව ජනාධිපති වෙත විරෝධතාවය ප්‍රකාශ කරයි.
පාර්ලිමේන්තුව විසුරුවීම සඳහා කථානායකවරයා විසින් වැරදියට සහතිකය යොදා ඇති 19වන ආණ්ඩුක්‍රම ව්‍යවස්ථා සංශෝධනයේ විධිවිධාන යොදා ගැනීම සම්බන්ධව ජනාධිපති ගෝඨාභය රාජපක්ෂ මහතා වෙත විරෝධතාවය දක්වා ශ්‍රේෂ්ඨාධිකරණ සහ අභියාචනාධිකරණ නඩු තීන්දු සම්බන්ධව බහුතර ජනතාවගේ භාෂණයේ, ප්‍රකාශනයේ, අදහස් පළ කිරීමේ සහ සමාගමයේ නිදහස දිනා ගැනීම වෙනුවෙන්වන වැඩසටහනේ සමායෝජක නීතිඥ අරුණ ලක්සිරි උණවටුන විසින් ලිපියක් බාර දී ඇත.
ජනාධිපතිවරණයට ඉදිරිපත්වීමට ගෝඨාභය රාජපක්ෂ හිටපු ආරක්ෂක ලේකම්ට බාධා කළේ ශ්‍රේෂ්ඨාධිකරණ තීරණවලට පටහැනිව ක්‍රියාත්මක කරන 19වන ව්‍යවස්ථා සංශෝධනය රැක ගැනීම වෙනුවෙන්ද?
නීති අධ්‍යයන වැඩමුළු…. වැඩි විස්තර පහලින් කියවන්න
වර්ෂ 2002 දී පාර්ලිමේන්තුවට ඉදිරිපත් කළ 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පත මගින් පාර්ලිමේන්තුව විසුරුවීම ජනාධිපතිවරයාට සීමාකරමින් ගෙන එන ලද විධිවිධානය නීතියක් බවට පත් වීම සඳහා ජනමතවිචාරණයක් මගින් ජනතාව විසින් අනුමැතිය ලබදීම අවශ්‍ය බව ශ්‍රේෂ්ඨාධිකරණ විනිසුරුතුමන්ලා 07 දෙනෙකු විසින් ඒකමතිකව දක්වා තිබුණි. එමෙන්ම පාර්ලිමේන්තුව විසුරුවීම ජනාධිපතිවරයාට සීමාකරන විධිවිධාන ඇතුළත් 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පතක් නැවත වර්ෂ 2015 දී ද පාර්ලිමේන්තුවට ඉදිරිපත් කරන ලද අතර එහිදී ශ්‍රේෂ්ඨාධීකරණ තීරණ අනුව ආණ්ඩුක්‍රම ව්‍යවස්ථාවේ 79 ව්‍යවස්ථාව සහ 80.2 ව්‍යවස්ථාව අනුව ජනමතවිචාරණයක් පවත්වා ජනාධිපතිවරයාගේ සහතිකය මගින් නීතියක් බවට පත් වීමේ ක්‍රියාවලිය සිදුවිය යුතු වුවත් මේ දක්වා එම පියවර ක්‍රියාත්මක වී නැත.
19වන ආණ්ඩුක්‍රම ව්‍යවස්ථා සංශෝධනය නීතියක් බවට පත් කීරීමේ ක්‍රියාවලියේදී ශ්‍රේෂ්ඨාධිකරණ තීරණයට පටහැනිව කථානායකවරයා ක්‍රියාකර ඇති බවත්, කථානායකවරයාගේ සහතිකය ආණ්ඩුක්‍රම ව්‍යවස්ථාවේ 80.1 ව්‍යවස්ථාව අනුව වැරදියට ලබා ගෙන ඇති බවත් නීතිඥවරයා සිය ලිපියෙන් ජනාධිපතිවරයාට පෙන්වා දී ඇත.
එසේ වුවත් කථානායකවරයාගේ වැරදි ක්‍රීයා පටිපාටිය නිවැරදි කිරීමට ශ්‍රේෂ්ඨාධිකරණයට අධිකරණ බලය නො මැති බවත් ඒ හේතුවෙන් ශ්‍රේෂ්ඨාධිකරණයේ නඩු පැවරීමට පුරවැසියන්ට අවස්ථාව අහිමි වී ඇති බවත් ජනාධිපතිවරයාට පෙන්වා දී ඇත.
ආණ්ඩුක්‍රම ව්‍යවස්ථා සංශෝධනයක් හෝ එහි විධිවිධානයක් සම්බන්ධව ජනමතවිචාරණයක අවශ්‍යතාවය දක්වමින් ශ්‍රේෂ්ඨාධිකරණය ලබා දෙන තීරණයක් උල්ලංඝනය කිරීමේදී හෝ කථානායකවරයා පනත් කෙටුම්පතට වැරදියට සහතිකය යෙදූ පසු ආණ්ඩුක්‍රම ව්‍යවස්ථා සංශෝධනයේ නීත්‍යානුකූලත්වය ප්‍රශ්න කළ නොහැකි බවත් නීතිඥවරයා විසින් ජනාධිපතිවරයාට පෙන්වා දී ඇත.
ඒ හේතුවෙන් කථානායකවරයා විසින් සිදුකරණ වැරදි ක්‍රියාවලිය නිවැරදි කිරීමට ශ්‍රේෂ්ඨාධිකරණයේ හෝ වෙනත් අධිකරණයක නඩු පැවරීමට පුරවැසියන්ට අවස්ථාව නැති බවත්, නීතියේ වලංගුතාවය පරීක්ෂා කිරීම, මතයක් ප්‍රකාශ කිරීම හෝ ප්‍රශ්න කළ නෙහැකි බවත් එය නිවැරදි කළ හැක්කේ ජනතා පරමාධිපත්‍යය විධිවිධානය මගින් බවත් ජනාධිපතිවරයාගේ අවධානයට යොමු කර ඇත.
19වන ආණ්ඩුක්‍රම ව්‍යවස්ථා සංශෝධන පනත් කෙටුම්පතේ ජනමතවිචාරණයක් පැවැත්වීම අවශ්‍ය බවට ශ්‍රේෂ්ඨාධිකරණය තීරණය කර ඇති විධිවිධාන සඳහා ජනමතවිචාරණයක් මේ දක්වා පවත්වා නැති හෙයින් 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පත මේ දක්වා නීතියක් වී නැත.
ජනාධිපතිවරයා විසින් ජනාධිපති ලේකම් මගින් නිකුත් කර ඇති 2020 මාර්තු 02 දින අංක 2165/8 දරන අති විශෙෂ ගැසට් පත්‍රය මගින් පාර්ලිමේන්තුව විසුරුවීම සඳහා කථානායකවරයා විසින් වැරදියට සහතිකය යොදා ඇති 19වන ආණ්ඩුක්‍රම ව්‍යවස්ථා සංශෝධනය 33(2)ඇ අනුව්‍යවස්ථාව සහ 70 ව්‍යවස්ථාව) යොදා ගැනීම නිවරදි නොවන බවත්, ඒ සම්බන්ධව විරෝධය දක්වන බවත් නීතිඥ අරුණ ලක්සිරි උණවටුන ජනාධිපතිවරයාට පෙන්වා දී ඇත.
කථානායකවරයා විසින් වැරදියට සහතිකය යොදා ඇති 19වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුව විසුරුවීම සඳහා ජනාධිපතිවරයා විසින් යොදා ගැනීම සම්බන්ධව විරෝධය දක්වා නීතිඥ අරුණ ලක්සිරි උණවටුන විසින් ජනාධිපතිවරයා වෙත යොමු කළ ලිපිය පහත දැක්වේ.
ජනාධිපතිවරණයට ඉදිරිපත්වීමට ගෝඨාභය රාජපක්ෂ හිටපු ආරක්ෂක ලේකම්ට බාධා කළේ ශ්‍රේෂ්ඨාධිකරණ තීරණවලට පටහැනිව ක්‍රියාත්මක කරන 19වන ව්‍යවස්ථා සංශෝධනය රැක ගැනීම වෙනුවෙන්ද?
නීති අධ්‍යයන වැඩමුළු….
(නීති නිබන්ධන සපයනු ලැබේ – ගාස්තු අයකිරීමක් නැත)
(ශ්‍රේෂ්ඨාධිකරණ තීරණ උල්ලංඝනය කිරීම, 19යට සහතිකය යෙදීමේදී කථානයකවරයාට සිදු වූ ව්‍යවස්ථා පැටලවීම විමසා බලන)
මාර්තු 12 (බ්‍රහස්) සවස 3-6 දක්වා කොළඹ 07, මහජන පුස්තකාල ශ්‍රවනාගාරයේදී පැවැත්වේ…(ආසන කලින් වෙන්කර ගන්න)
විමසීම – නීතිඥ අරුණ ලක්සිරි උණවටුන
දුර 0712063394
