Published on: Feb 17, 2020- ජයරත්න හේරත් මහතාගේ පුත් හිටපු මන්ත්රී පියුමාල් හේරත් මහතාට පසුගිය සතියේ මහනුවර දිගන ප්‍රදේශයේ ප්‍රසිද්ධ හිමිනමක් විශාල ආශීර්වාද පුජාවක් පවත්වා ඇතැයි දැනගනන්ට ලැබී තිබේ. ඔහු මෙවර මහ මැතිවරණයට තරඟ නොකරන මුත් ඒ හිමිනම පැවසු ආකාරයට පියුමාල් හේරත් මහතාට ආත්ම හතක බලයක් ලබාගැනීමට ඒ ආශීර්වාද පුජාව කළ බව එක්තරා නීතීඥවරියක් සුහද හමුවකදී අනාවරණය කර තිබේ.
වයඹ පළාතේ මැතිවරණ උණුසුම ඉහලට ගොස් ඇති අතර ජනතාව අතර වැඩි කතා බහක් නොමැති වුවත් අගමැතිවරයා කුරුණෑගලින් තරග කරන්න ඒමත් සමග අපේක්ෂකත්වය බලාපොරොත්තුවෙන් සිටින සහ තරග වැදිමට නියතව සිටින කණ්ඩායම් අතර උණුසුම මේ අකාරයට ඉහල ගොස් ඇති බවයි වාර්තා වන්නේ.
ජොන්ස්ටන් ප්‍රනාන්දු අමාත්‍යවරයාගේ සගයන් මේ දිනවල තමන්ගේ වැඩක් බලාගෙන දෙනදෙයක් කා ගෙන ඉන්නේ ඔවුන්ගේ මාධ්‍ය ඒකකය මගින් මේ දිනවල මහා පිරිතක් සංවිධානය කරමින් සිටි.
මහජන පක්ෂයේ නායකයා පාර්ලිමේන්තු යන්න මහා යාගයක්
කුරුණෑගල නගරය තුළ වැඩියෙන්ම කතාබහට ලක්වන්නේ මහජන පක්ෂයේ නායක අසංක නවරත්න හිටපු පළාත් සභා මන්ත්‍රීතුමාය.
සේරුවාවිල ප්‍රදේශයෙන් පැමිණි දක්ෂ කට්ටඩියෙක් අසංක නවරත්නගේ ගෙදර නැවතී ඔහුව මෙවර පාර්ලිමේන්තු යැවීම සඳහා මහා යාගයක් පවත්වන බව ඔහු ළඟ ගැවසෙන තරුණ කටයුතු මෙහෙයවන නිලධාරියෙකු අනාවරණය කර තිබේ.
ජොන්ස්ටන් කපන චරිතගේ මෙහෙයුම !!
මේ අතර කෙසේ හෝ කුරුණෑගල දිස්ත්‍රික්කය තුල චරිත හේරත් මහතා ලයිස්තුවේ උඩටම එමට දැවැන්ත මෙහෙයුමක් දියත් කර ඇති අතර මහින්ද ජොන්ස්ටන්ගේ වේදිකාවට නගිද්දී,තමන්ගේ වේදිකාවට නගින්නේ ගෝඨාභය බව චරිත මේ දිනවල තැන තැන කියවමින් සිටි.
මේ අතර හිටපු අමාත්‍ය ජයරත්න හේරත් මහතා දිස්ත්‍රික්කය පුරා වන්දනාවේ යන්නා මෙන් උදේ සිට රෑ වෙනතුරුම ඇවිදිමින් ඡන්ද එකතු කරන අතර ගල්ගමුවේ තාරනත් බස්නායක මන්ත්‍රීවරයා තමන්ගේ පියා සමග තල මෙනේරි කුරක්කන් වැලි තලප හදාගෙන ගෙවල් ගානේ ගොස් ඡන්ද එකතුකරන බව දැනගන්නට ලැබී තිබේ.
ගල්ගමුව මීගලෑව ප්‍රදේශයේදී දේවාලයකට ගොස් කහ වතුරෙන් දිය නා මේ පිය පුතු දෙපල මීළඟ මහා මැතිවරණයේදී තමන්ට තර්ජනය වන මිනිසුන්ට අන්ත පරාජයක් ලබාදෙන්න යැයි විශාල දේව කන්නලව්වක් ද පවත්වා තිබේ.
මංජුලාට සාලින්දගේ ආත්මය වැහිලා…
මංජුලා දිසානයක මහත්මිය සීනිගම ගොස් ඇති අතර සාලින්ද දිසානායකගේ ආත්මය ඔවුන් අතර සැරිසරන බවත් ඒ ආත්මයේ බලයෙන් මංජුලා දිසානායක මහත්මිය ඉතා ඉහලින් ජයග්‍රහණය කරන බවත් තැන තැන කියවමින් සිටින බවද වාර්තා වේ.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 17, 2020 – සිත FM හා Red FM ලෙස පවත්වාගෙන ගිය Sky Media Network PVT Ltd පසුගිය ජනවාරි 31 වැනිදා සිට Ben Holding නැමති ආයතනය යටතට පවරාගෙන තිබේ.
Ben Holding යනු ස්වර්ණවාහිනී මිළට ගත් ලයිකා මොබයිල් සමාගම විසින් මෙරට ස්ථාපිත කරන ලද ආයතනයක් වන අතර මේ වන විට රාජපක්ෂ පුතුන් වන නාමල් සහ යොෂිත වක්‍රාකාරයෙන් එම සමාගම පාලනය කරමින් සිටී. සිය පාලන කාලය තුළ CSN නමින් පවත්වාගෙන ගිය මාධ්‍ය ජාලය 2015 බලයට පතවූ ආණ්ඩුව යටතේ රාජසන්තක වූ අතර 2017 දී Sky Media Network PVT Ltd නමින් යළි ආරම්භ විය. මේ සම්බන්දයෙන් දැඩි කෝපයකින් පසු වූ රාජපක්ෂවරු යළි 2019 නොවැම්බර් වල මෙරට බලය ලබා ගැනීමත් සමග Ben Holding ලවා සිය පැරණි දේපළ යළි අත්පත් කරගෙන තිබේ.
නොවැම්බර් සහ දෙසැම්බර් වැටුප් පවා ගෙවා ගැනීමට අසීරු අඩියක පසුවූ Sky Media Network PVT Ltd 2020 ජනවාරි 31 වැනිදා සිට අත්පත් කරගත් Ben Holding සමාගම 2020 ජනවාරි වැටුප පමණක් සේවකයන්ට ගෙවා තිබේ. නමුත් නොවැම්බර් සහ දෙසැම්බර් වැටුප් පිළිබඳ කිසිම ප්‍රතිචාරයක් දක්වා නොමැති බව වාර්තා වෙයි.
ඒ අනුව පැරණි සේවකයන් මේ සතිය තුළ ජනාධිපතිවරයා මුණගැසී ගැටළුව පැවසීමට සූදානමින් සිටී. තව ද එළඹෙන බදාදා කම්කරු කාර්‍යාලයට පැමිණිළි කිරීමට ද එම පිරිස සූදානමින් සිටින බවද අප වාර්තාකරු සමග අනාවරනය කර තිබේ. දැනට Sky Media Network PVT Ltd හි සේවය කරන බහුතරය මීට පෙර ස්වර්ණවාහිනී අයතනයේ සිට පැමිණි පිරිසක් බැවින් ඔවුන් සිය රැකියා සුරක්ෂිතතාව ගැන කම්කරු දෙපාර්තමේන්තුවේ අවධානයට ලක් කිරීමට බලාපොරොත්තු වේ. එමෙන්ම මේ වනවිට Ben Holding සමාගමට සම්බන්ධ බව කියන වෙනම ආරක්ෂක අංශයක් නුගේගොඩ පිහිටි Sky Media Network PVT Ltd ගොඩනැගිල්ලේ ආරක්ෂාවට යොදවා තිබේ.
ප්‍රසිද්ධියේ බලය ඇල්ලීමට නොගොස් රාජපක්ෂ පුතුන් තමන්ට අහිමි වූ දේපොළ යළි අත්පත් කර ගන්නේ එළෙසිණි. තව ද නව ආයතනයේ ප්‍රධානී ලෙස පත් කර ඇත්තේ රාජපක්ෂවාදී පාර්ලිමේන්තු මන්ත්‍රීවරයෙකු වූ JC රංගා ය.JC රංගා මිට දින දෙකකට පෙර ස්වර්ණවාහිනීයෙ දැරු තනතුරු වලින් ඉවත් විමද කටයුතු කලේද මේ හේතුව නිසාය.
කාගේද මේ Ben Holdings
EAP Broadcasting සහ EAP Films and Theatres,ඊ.ටී.අයි ෆිනෑන්ස් (ETI Finance Limited) ඇතුලු විශාල සමාගම ජේ. සුධීර් ජෙයරාම් (Jay Sughir Jayaram) සියතට ගත් අතර ඒ සදහා ඔහු සිංගප්පූරුවේ STRAITS GRID PTE. LTD නැමති 201219512D ලියාපදිංචි අංක දරණ සමාගම් බ්‍රොකර් ලෙස පෙනී සිටිමින් Ben Holdings,Blue Summit Capital යන ආයතන දෙකහි කොටස් බවට පත්කිරිමට කටයුතු කල අතර මෙහි Ben Holdings යන සමාගම ලංකාවේ ලියාපදිංචි සමාගමකි. Ben Holdings සමාගමේ හිමිකරු ලෙස ඇලෙක්ෂිස් ඉන්ද්‍රජිත් ලොවේල් (Alexis indrajith lovell) කටයුතු කරන අතර ඔහුට සමාගමේන් සියයට 60ක කොටස් හිමිවන අතර අතර ඔහුද ජේ. සුධීර් ජෙයරාම්ට සියයට 40ක කොටස් හිමිවේ.
තවත් තොරතුරු දැනගන්න
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
http://lankanewsnetwork.org/archives/22322
http://lankanewsnetwork.org/archives/21958
Published on: Feb 16, 2020- ආරක්ෂක ලේකම්වරයා වශයෙන් තමා ජනාධිපති මෛත්‍රීපාල සිරිසේනට පස් වතාවක්ම පාස්කු ඉරිදා බෝම්බ ප්‍රහාර එල්ලවීමේ අනතුරු හැඟවීම දැනුම් දුන් බව ආරක්ෂක ලේකම් හේමසිරි ප්‍රනාන්දු මහතා අනාවරණය කර තිබේ.තමන් මේ සියල්ල ජනාධිපති කොමිසම හමුවේ අනාවරණය කිරිමට සුදානම් බවද හේමසිරි ප්‍රනාන්දු පසුගියදා පැවැති සාදයක දී සදහන් කර තිබේ.
බම්බලපිටියේ ඔහුගේ නිවසේ පැවැති මෙම සාදයට තොරාගත් ජනමාධ්‍යවේදීන් සහ නීතිවේදීන් සුලු පිරිසකට ආරාධනා කර තිබුණි.
තමා නිරපරාදයේ මාස හයක් රිමාන්ඩ් බන්ධනාගාරයේ තැබීම් සම්බන්ධයෙන්ද ඔහු සිරිසේන හිටපු ජනාධිපතිවරයාට තදබල ලෙස දෝශාරෝපණය කර තිබේ. තමන්ට ඇප ලැබිම සම්බන්ධයෙන් අදහස් දක්වමින් හේමසිරි සදහන් කර ඇත්තේ “අන්තිමේ දී මට ඇප අරං දුන්නේ මහින්ද ” යනුවෙනි.
තමා මහජන බැංකුවේ සභාපතිව සිටිය දී විදේශයක සිට එවන ලද ඩොලර් 10,000ක් සිය ගිණුමට මාරු දීමට මහ බැංකුව මාසයක් ගත් නමුත් හිස්බුල්ලාට නැගෙනහිර විශ්ව විද්‍යාලය සෑදිමට යැයි එවන ලද ඩොලර් ලක්ෂ ගණන් එක දවසක් තුළ ඔහුගේ ගිණුමට මාරු කර දුන් බවද ඔහු එහිදි අනාවරණය කර තිබේ.
ඉතාම ඉහළ පෙළේ මැදිහත්වීමකින් තොරව එවැනි වරප්‍රසාදයක් හිස්බුල්ලාට ලැබිමට හැකියාවක් නැති බවයි ඔහු අවධාරණය කර ඇත්තේ.
වැඩ තහනමට ලක්ව සිටින පූජිත ජයසුන්දර සම්බන්ධයෙන්ද හිටපු ආරක්ෂක ලේකම්වරයා අදහස් දක්වමින් සදහන් කර ඇත්තේ පූජිත,පාස්කු ප්‍රහාරය සම්බන්ධයෙන් පැවැති රජය පත්කල විශේෂ තේරීම් කාරක සභාවේ කල සියලුම අනාවරණයන් සත්‍ය බවයි.
සිරිසේනගේ සරම ඔලුවෙන් ගැලවු පුජිත..
පසුගිය ඉරිදා එල්ල වු මරාගෙන මැරෙන අන්තවාදි ප්‍රහාරය සම්බන්ධයෙන් ජනාධිපතිවරයා, අගමැතිවරයා මෙන්ම අවශ්‍ය නිළධාරීන් දැනුවත් කිරිමට ආරක්ෂක ලේකම් කටයුතු කර නැත්තේ ගෝඨාභය රාජපක්ෂ සමග ඇතිකරගත් එකඟතාවක් මත බව මේ වනවිට අනාවරණය වි තිබේන බව අප 2019 අප්‍රියෙල් 27 වැනිදා අනාවරණය කල අතර එම අනාවරණය පහතින් කියවිය හැක.
ජනපතිගේ පාවාදිමේ තරම … ආරක්ෂක ලේකම් හෙලිකරයි…
ගෝඨා,හේමසිරි ඩිල් එක කරලියට…. ප්‍රහාරය මතින් ගෝඨා ජනපති සටනට….
http://lankanewsnetwork.org/archives/20177
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 16, 2020- රාජපක්ෂලා නම් හොරු… හොරු නම් රාජපක්ෂලා…. රුපියල් මිලියන 600කට පොලු තබා සේවකයන් පාරට දමා අතුරුදන් වු රාජපක්ෂ! එක්සත් ජාතින්ගේ සංවිධානයටත් වංචා කරලා… යහපාලනයත් ආරක්ෂා කල කම්බ හොරු රටේ ජනතාවට බාරයි…. යනුවෙන් නිශාන්ත රුවන් සෙනවිරත්න රාජපක්ෂ හෙවත් කෙටියෙන් මේජර් නිශාන්ත රාජපක්ෂගේ දුෂණ වංචා රැසක් අප විසින් අනාවරණය කල අතර මේ එම අනාවරණයේම දිගුවකී.
දැනට අනාවරණය වන ප්‍රමාණයට අනුව මේජර් නිශාන්ත රාජපක්ෂ නැමත්තා Pan Asia Bank සදහා මිලියන් 70ක පොල්ලක් තබා ඇති අතර එම මුල්‍ය වංචාව සදහා එම බැංකුවේ නියෝජ්‍ය සාමාන්‍යාධිකාරිවරයෙකු සaජුවම සම්බන්ධ වි ඇති බවද අනාවරණය වි තිබේන අතර ඔහු සම්බන්ධයෙන් ඉදිරියේදි අනාවරණය කිරිමට අප කටයුතු කරනු ඇත. ඊට අමතරව Union Bank වට මිලියන 4ක්,Seylan Bank වට මිලියන 6ක්, HSBC බැංකුවට මිලියන 2ක් සහ Nations Trust Bank සදහා මිලියන 3ක් මෙන්ම රාජ්‍ය බැංකු සියල්ලටම මිලියන් ගණනින් පොලු තබා ඇති අතර සම්පූර්ණයෙන් ඔහු වංචා කල මුදල රුපියල් මිලියන 600කට අධිකයි.අද වනවිට නිශාන්තලා පවුල් පිටින්ම අතුරුදහන්ව සිටි නමුත් එම මුදල් අද කොහේ හෝ ආයෝජන වන බව නොරහසකි.
මේජර් නිශාන්තගේ පුත් ශවීන් රාජපක්ෂ ඔස්ට්‍රේලියාවේ භාවිතා කරන මොටර් රථ්‍ ය…
මේජර් නිශාන්තගේ පුත්‍රයා ඔස්ට්‍රේලියාවේ Deakin University හි අධ්‍යාපණය හදාරණ අතර ඔහුට ජිවත් විමට තනි නිවසක්, මොටර් රථයක් තිබේන බවත් අප පසුගිය වාර්තාවෙන් අනාවරණය කළා. ශවීන් රාජපක්ෂ හෙවත් මේජර් නිශාන්තගේ පුත්‍රයා විවාහය විමට සිටින්නේද ලංකාවේ සුප්‍රකට ව්‍යාපාරිකයෙකු වන ලලන්ත වටදුරගේ දියණිය වන ඉදුනී වටදුර සමග වන අතර මේජර් නිශාන්ත කූට ආකාරයට උපයාගත් මුදල් වලින් වැඩි ප්‍රමාණයක් ලලන්තලාගේ ව්‍යාපාර වලට යොදවා තිබේන බවද මේ වනවිට අනාවරණය වි තිබේ.
නිශාන්ත රාජපක්ෂ,නිරෝෂා රාජපක්ෂ සහ ශවීන් රාජපක්ෂ සහ ඉදුනී වටදුර
ලලන්ත වටදුර යනු EKKO Brand හී අයිතිකරු වන අතර කුඩා ව්‍යාපාරයක්ව සිට එක්වරම විශාල ව්‍යාපාරයක් දක්වා මෙම ව්‍යාපාර ජාලය ඉදිරියට පැමිණිම සිදුවන්නේ නිශාන්ත රාජපක්ෂලාගේ අතුරුදහන් කාල සිමාට සමගාමිවය.EKKO Brand වලට අමතරව අද වනවිට නිමි ඇදුම් ක්ෂේත්‍රයේ ව්‍යාපාර රැසක ලලන්තලා විවිධ ආයෝජනයන් කර තිබේ.
ලලන්තලා EKKO Premier Formal Shirt එළිදැක්වීම් ODEL හිදි සිදුකරනු ලැබු අතර එම විවෘත කිරිමේ ප්‍රධාන ආරාධිතයා ලෙස එක්ව සිටියෙ සොෆ්ට්ලොජික් ව්‍යාපාර සමූහයේ සභාපති,ශ්‍රී ලන්කන් ගුවන් සමාගමේ නව සභාපති අශෝක් පතිරගේ මහතායි.
ජනාධිපතිවරයා ආරක්ෂක ලේකම්ව සිටි සමයේ ඔහුට එරෙහිව විශේෂ ත්‍රිපුද්ගල මහාධිකරණය හමුවේ කැඳවා ඇති නඩුවේ ප්‍රධාන සාක්ෂිකරුවකු ලෙසද අශෝක් පතිරගේ නම් කර තිබුනා.රාජපක්ෂලාගේ කළු සල්ලි සුදු කිරිමේ කුප්‍රකට ජාවාරමේ ඉදිරියෙන් සිටින අශෝක් ගෝඨාභය ජනාධිපති වි ශ්‍රීලංකන් ගුවන්සේවයේ සභාපතිවරයා ලෙස පත්කිරිමට කටයුතු කරනු ලැබුවා.ඒ අනුව රාජපක්ෂලාගේ කලු සල්ලි සුදුකිරිමේ මෙහෙයුමේ ලලන්ත යනු තවත් එක් ඉත්තේකු බව පැහැදිලිය.
ලංකාවේ සිටි ක්‍රිකට් ක්‍රිඩකයෙකු මෙන්ම පොහොට්ටුවේ අන්තවාදී කදවුරේ දේශපාලඥයෙකු වන තිලකරත්න් ඩිල්ෂාන් දේශපාලනයට පිවිසෙන්නේ නිකංම නොවන බව මතක තබා ගන්න …
නාමල් සමග රගර් ගැසු කවුද මේ රෝෂාන් …!!!
ලලන්ත වටදුරට අයත් එංගලන්තයේ ව්‍යාපාරයක් දියත් වන බවත් එම ව්‍යාපාරය භාරව සිටින්නේ නාමල් රාජපක්ෂ සමග රගර් ගැසු රෝෂාන් නැමත්තේකු බවත් අප පසුගිය වාර්තාවෙන් අනාවාරණය කළා. රෝෂාන් ගුණරත්න (Roshan gunaratne) හෙවත් ලන්ඩන් බිජ්ජා ලෙස හදුන්වනු ලබන මොහු යහපාලන ආණ්ඩුව සමයේ සංවර්ධන උපායමාර්ග හා ජාත්‍යන්තර වෙළඳ කටයුතු පිළිබඳ අමාත්‍යවරයාව කටයුතු කල මලික් සමරවික්‍රමගේද සමීප කටයුතු කල අතර,එවකට ලන්ධන් බිජ්ජා මලික්ගේ කොලුවෙකු ලෙසද ප්‍රසිද්ධවි සිටියා.
CLS AIRLINE SUPPLIES LIMITED
ඥාතියෙකු හරහා ලලන්ත එංගලන්තයේ පවත්වාගෙන යන CLS AIRLINE SUPPLIES LIMITED නමින් හිතෘ ගුවන් තොටුපලේ සිට ශ්‍රි ලංකන් ගුවන් යානා වලට කෙට්‍රින් (catering) කරන සර්විස් එකක් පවතාගෙන යන අතර රෝෂාන් ගුණරත්න හෙවත් ලන්ඩන් බිජ්ජා එහි හිමිකරු ලෙස පෙනී සිටිනවා. Unit 2.16, Wembley Commercial Centre, East Lane, Wembley, Middlesex, England, HA9 7UR යන ලිපිනයේ පවත්වාගෙන යන එම සමාගමේ අධ්‍යක්ෂක මණ්ඩලය වෙනුවෙන් පෙනී සිටින්නෙ දිප්ත දර්ෂණ වටදුර සහ සාෂා වටදුර වන අතර නිශාන්ත රාජපක්ෂ විසින් කොල්ල කන ලද කෝටි ගණනක මුදල් මෙම සමාගමේද ආයෝජනා කර තිබේන බව සමාගමේ වාර්ෂික අයෝජන වාර්තා අනාවරණය කර තිබේ.
දිප්ත දර්ෂණ වටදුර සහ සාෂා වටදුරගේ එංගලන්තයේ ව්‍යාපාර සම්බන්ධයෙන් සෑක සංකා මතුවිම ආරම්භ වන්නේ ඔහුන් දෙදෙනාගේ ප්රධානත්වයෙන් අවස්ථා ගණනාවක ව්‍යාපාර 9ක් ආරම්භ කර ඇති අතර එම ව්‍යාපාර අයෝජන සිදුකර කෙටි කාලයකදි වසාදැමිම ඔහුන්ගේ ව්‍යාපාරවල කුප්‍රකට ජාවාරම් සිදුවන බව තහවුරු කරන්නකි.එනම් ලංකාවේ ජනතාවගෙන් හොරාකන විශාල ධනය විවිධ නාම හරහා ලියාපදිංචි වන සමගම් වලට ලබාගන්නා අතර පසුව එම සමාගම් වසා දමා වෙනත් සමාගමක එම් මුදල් ආයෝජනය කිරිමයි.
(දිප්ත දර්ශණ CLS AIRLINE SUPPLIES LIMITED සමාගම සම්බන්ධයෙන් එංගලන්ත රජයට ලබාදි තිබේන තහවුරුව … පහතින් බලන්න )
යුරෝපයේ ශ්‍රි ලංකන් එයාර්ලයින් භාරව කටයුතු කරනුයේ සජින්ගේ වාස්ගේ සහෝදරයෙකු වන මනොජ් ගුණවර්ධන වන අතර කාලයක් මනෝජ් වර්තමානයේ අත්අඩංගුවේ පසුවන කපිල චන්ද්‍රසේන සිටි ශ්‍රී ලංකන් ගුවන් සේවයේ ප්‍රධාන විධායක නිලධාරියා ලෙසද කටයුතු කර තිබේ. ලන්ධන් බිජ්ජා මනොජ් ගුණවර්ධන සමීපව ආශ්‍රය කල අතර අතර ඒ හරහා හිතෘ ගුවන් තොටුපලේ සිට ශ්‍රි ලංකන් ගුවන් යානා වලට කෙට්‍රින් ලබාදිම CLS AIRLINE SUPPLIES LIMITED වෙත ලබාදීමට කටයුතු කර තිබේ.
මේජර් නිශාන්තගේ බිරිද වන නිරෝෂා රාජපක්ෂ සහ ලන්ඩන් බිජ්ජා හෙවත් රෝෂාන්ගේ බිරිද වන නිලුකා විරසුරිය පාසල් මිතුරියන් වන අතර එම සම්බන්ධය හරහා මේම සියලුම ගණුදෙනු ආරම්භ වි තිබේ.ලලන්තගේ බිරිද වන එරෝෂා වටදුරද මේ දෙදෙන සමග සමීපව ආශ්‍රය කරන අය වේ.
නිලුකා විරසුරිය සහ නිලුකා විරසුරිය සමග නිරෝෂා රාජපක්ෂ
ලංකාවේ කුප්‍රකට ව්‍යාපාර ජාලය අවසානයේ ගැට ගැසෙන්නේ නිමි ඇදුම් කර්මාන්ත සමගය.බොහෝ විට එය ලංකාවේ මෙන්ම ජාත්‍යන්තරවපහසුවෙන් පවත්වාගෙන යැමට හැකියාව තිබිම එයට හේතුවි ඇත.ඒ නිසාම නිමි ඇදුම් ව්‍යාපාරයට සහ දේශපාලන බලයට මුවාවි මෙම කල්ලිය රටේ ජනතාවගේ මුදල් කොල්ල කා ඒ හරහා විදේශ ව්‍යපාර ආරම්භ කරමින් කිසිදු ගැටලුවක් නොමැතිව ජිවත් වන අතර ජනතාවගේ මුදල් කොල්ල කෑ ඔහුන් ගැන කිසිම ආකාරයක පරික්ෂණයක් දියත් නොවේ.
ඊට හොදම උදාහරණය වන්නේ මේජර් නිශාන්ත රාජපක්ෂගේ බිරිද වන නිරෝෂා රාජපක්ෂ සුප්‍රකට MAS Holdings (Pvt) Ltd හී HR එකකයේ ප්‍රධානියෙකු ලෙස කටයුතු කල අතර එවකට මාස් හෝල්ඩින්ස් හි හිටපු සමූහ අධ්‍යක්‍ෂවරයාව සිටි ඩයන් ගෝමස් මහතා වන අතර ඩයන්ට ජෝර්ජියාවල කොන්සල් ලෙස පත්විම ලබා ගැනිම සදහා නිශාන්ත රාජපක්ෂ සමග ඩීල් දැමිමයි. නිරෝෂා රාජපක්ෂ සහ ඩයන්ලා අතර තිබු සමීප සම්බන්ධය තහවුරු වන්නේ ඩයන් ගෝමස් හෙළ ක්ලෝතින් සමාගමේ ප්‍රධානීයා ලෙස පත්ව යන විට නිරෝෂාද ඔහු සමග එම සමාගමට එක්වම හරහාය.
එපමණක් නොව රටේ මහජනතාවගේ ධනය රාජපක්ෂ නාමයෙන් කොල්ල කා ඇටි තරම හෙලිකිරිමට අප සතුව සාක්ෂී රැසක් තිබේ. ඒ අතර එම සියලුම අනාවරණයන්ද බලාපොරොත්තු වන්න ….
ඔබගේ අවධානයට …. මේම කල්ලියේ වංචාවන්ට හසුවු බොහෝ පිරිසකගේ විස්තර අප සතුව ඇත.ඔබත් මේ කල්ලියේ වංචාවන්ට හසුවුවෙකු නම් අපට ලියන්න – lankanewsweb.today@gmail.com
දිප්ත දර්ශණ CLS AIRLINE SUPPLIES LIMITED සමාගම සම්බන්ධයෙන් එංගලන්ත රජයට ලබාදි තිබේන තහවුරුව …
About MR DEEPTHA DHARSHANA WATHUDURA
Mr Deeptha Dharshana Wathudura holds 1 appointment at 1 active company, has resigned from 1 companies and held 7 appointments at 7 dissolved companies. Their longest current appointment spans 1 years, 7 months and 5 days at CLS AIRLINE SUPPLIES LIMITED
The combined cash at bank value for all businesses where DEEPTHA holds a current appointment equals £269.9k, a combined total current assets value of £493.4k with a total current liabilities of £336k and a total current net worth of £301k. Roles associated with Mr Deeptha Dharshana Wathudura within the recorded businesses include: Director, Company Secretary
Director Details
Full Name- Mr Deeptha Dharshana Wathudura
Date Of Birth- Jun 1968
Nationality-British
Director ID- 907021369
අප පසුගිය පෙබරවාරි 8 වැනිදා කල අනාවරණය පහතින් කියවන්න
http://lankanewsnetwork.org/archives/22857
Published on: Feb 15, 2020- සියළු මැතිවරණ නීති හා ජනාධිපතිවරණ උල්ලංඝනය කරමින් ගෝඨාභය රාජපක්ෂ වෙනුවෙන් නැගෙනහිර පළතේ ජනාධිපති සටන මෙහෙයුව වු නැගෙනහිර පළාත් හිටපු ආණ්ඩුකාරවරයා හා ජනාධිපති අපේක්ෂකයෙකු මෙන්ම ජිවිත 300 ගණනක් අහිමි කල පාස්කු ප්‍රහාරයේ අංක එකේ චොදනා ලද පුද්ගලයා වන එම්. එල්. ඒ. එම්. හිස්බුල්ලා 2019 ඔක්තෝබර් 28 දා තමන්ගේ අන්තවාදීන්ට දුන් පොරොන්දුව අද ගෝඨාභය රාජපක්ෂ ජනාධිපතිවරයා ඉටුකරනු ලැබුවා.ඒ කල්මුණේ මහ නගර සභාවට අයත් සයින්දමරුදු ප්‍රාදේශීය ලේකම් කොට්ඨාශය නගර සභාවක් ලෙස නම් කිරීමට කටයුතු කරමින්.
252 වන අධිකාරිය වන මහ නගර සභා ආඥා පනතේ 284 වන වගන්තියේ ආ, ඇ, ඈ යන උප වගන්ති මඟින් පැවරී ඇති බලතල අනුව අදාළ පියවර ගෙන ඇති බවයි අති විශේෂ ගැසට් නිවේදනයක් නිකුත් කරමින් රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශය සඳහන් කළේ.
එය මොනතරම් දේශපාලන අවශ්‍යතාවක්ද යන්න තෙරුම් ගත යුත්තේ සයින්දමරුදු නගර සභාවට ඇති ග්‍රාම සේවා කොට්ඨාශ ගණනෙනි.සයින්දමරුදු නගර සභාවට ඇත්තේ ග්‍රාම සේවා කොට්ඨාශ ඇත්තේ 17ක් පමණී.
ඒ අනුව දැනට පවතින කල්මුණේ නගර සභාව 2022 වසරේ මාර්තු 19 වැනිදා විසුරුවා හැරෙන අතර 2022 වසරේ මාර්තු මස 20 වැනිදා සයින්දමර්දු නගර සභාවේ නිල කාලය ආරම්භ වේ.
2019 ඔක්තෝබර් 28 දා අපේ සිහිනය නමින් සිය මැතිවරණ ප්‍රතිපත්ති ප්‍රකාශය එළිදක්වමින් ගෝඨාභය රාජපක්ෂ ජනාධිපති වු වහාම සයින්දමරුදු ප්‍රාදේශීය ලේකම් කොට්ඨාශය නගර සභාවක් බවට පත්කරන බව සිය අන්තවාදීන් ඉදිරියේ ප්‍රකාශ කළේ මේ ආකාරයෙනි. (විඩ්යෝව බලන්න..)
ගෝඨාභය ජනපති වි මාස තුනකට ඇත්තේ තවත් දවස් 3කට පමණ අඩු කාලයකි. පාස්කු ප්‍රහාරයෙන් ජිවිතක්ෂයට පත්වු මිනිසුන් වෙනුවෙන් කිසිවක් මේ දක්වා කරන්නට ගෝඨාභය හෝ මහින්ද හෝ සමත් වි නැත.නමුත් පාස්කු ප්‍රහාරය මෙහෙයවු මහ මොලකරුවන් සිටි සයින්දමරුදු අද නගර සභාවකි.සහරාන්ලා නිර්මාණය කල මහා අන්තවාදින්ට පෙලින් පෙලට ඔහුන් ඉල්ලු වරප්‍රසාද,වරදාන ලැබෙමින් පවති.
පොරොන්දු ඉටුකරන මහින්ද!!!
උදේ,හවස නොකා නොබි ක්‍රිතුණු බැතිමතුන්ගේ මලකදන් විකුණමින් රාජපක්ෂලාට කඩේ ගිය අගරදගුරු මැල්කම් කාදිනල් රංජිත් උතුමාණෝට අද රෙද්දක් ඇදගෙන පාරට බහින්නට රාජපක්ෂලා බැරි කර තිබේ.හෙට ඔහු සිය මියගිය කිතුණු බැතිමතුන් වෙනුවෙන් කියන්නේ කුමක්ද? ඔහුන් ස්වර්ගයේ සිට තමන්ට කතා කර “අපි මලාට කමක් නෑ ගෝඨාභය ජනාධිපති වුනා නේ ” යැයි කියනු ඇතිද?
පාස්කු ඉරිදා දිනයේදී කොච්චි කඩේ ශාන්ත අන්තෝනි දේවස්ථානයට එල්ල වූ බෝම්බ ප්‍රහාරයෙන් තුවාල ලබා මාස නමයක කාලයක් රාගම, උතුරු කොළඹ ශික්ෂණ රෝහලේ ප්‍රතිකාර ලබමින් සිටියදී පසුගිය 3 වැනිදා 27 හැවිරිදි තරුණියක් මිය ගිය බව කවුරුත් දන්නා කරුනකි.ඇයට අවශ්‍ය ප්‍රතිකාර ලංකාවේ ප්‍රමාණවත් නොවිම ඊට හේතුවයි.ඇයව විදේශ රෝහලකට රැගෙන යාමට ඥාතින්ට පුලුවන් කමක් තිබුනේ නැත.නමුත් හෙම්බිරිස්සාවටත් බෙහෙත් ගන්න මවුන්ට් එළිසේබෙත් යන පාස්කු ප්‍රහාරයේ කිතුණු බැතිමතුන්ගේ මළකදන් උඩින් බලයට ආ උන්දලාට ඒ ගැන වගේ වගක් තිබුනේ නැත.
රාජපක්ෂ යුගයේ රාජ්‍ය හිටපු රාජ්‍ය අමාත්‍ය M.A.L.M හිස්බුල්ලා තම අධ්‍යාපන සුදුසුකම වශයෙන් පෙන්වන ආචාර්ය උපාධිය මහා පරිමාණයේ ගජබින්නයක් බවද අප පසුගිය ඔක්තෝබර් 24 වැනිදා (සැම්බියාවෙන් නැති පශ්චාත් උපාධි ගත් ගෝඨාවාදි හිස්බුල්ලා……. බොරු උපාධි පෙන්නා ශරියා කැම්පස් හදන්න සල්ලි ගත් හැටි…….. පාස්කු ප්‍රහාරයේ වගකිව යුත්තෝ එක්ක පූට්ටු රතන, ඥාණසාර) යනුවෙන් අනාවරණය කළා. එම අනාවරණය පහතින් කියවන්න…
http://lankanewsnetwork.org/archives/21068
ගෝඨාභය රාජපක්ෂ සහරාන්ව පෝෂණය කළේ හිස්බුල්ලා හරහා බවත්, පොහොට්ටු කල්ලිය කෙතරම් සුදු හුණු ගෑමට උත්සහ කළද පාස්කු ප්‍රහාරය පිටුපස සිටින්නේ ගෝඨාභය රාජපක්ෂ බව මේ වන විට තව තවත් තහවුරු වෙමින් තිබේන අතර මේ වනවිට ජාත්‍යන්තර ඔත්තු සේවා අනාවරනය කරන කරුණු සහ රාජපක්ෂලාගේ මෙම ක්‍රියාකාරකම් අතර පවතින් සමීප සබඳතාවයන් එය තවත් තහවුරු කිරිමට සමත් ව තිබේ.
හිස්බුල්ලා යනු වචනයේ පරිසමාප්ත අර්ථයෙන් ම ජාතිවාදියෙකි. කාන්තන්කුඩි ප්‍රදේශයේ වෙනම අන්තවාදි මුස්ලිම් ප්‍රජාවක් නිර්මාණය කරන්නේ හිස්බුල්ලා ය. සහරාන් ආ නිර්මාණය කොට රටේ ජාතිවාදී ගිනි අවුලන්නට උඩ ගෙඩි දුන්නේ හිස්බුල්ලා ය. මඩකලපුවේ ශරියා විශ්ව විද්‍යාලයට එරෙහිව රටේ ම විරෝධතා ගොඩ නැගෙද්දි විශ්ව විද්‍යාලය කිසි දින වසා නොදමන බවත් පුළුවන් දෙයක් කරන්න යනුවෙනුත් වහසි බස් දොඩන්නේද මේ හිස්බුල්ලාය.
අවසාන වශයෙන් සිංහල බෞද්ධ අම්බරුවන්ට එක් දෙයක් කිවයුතුය. ඔටුවා (හිස්බුල්ලා) කුඩාරමට ඔලුව දාගෙන ඇති බවයි.
ගෝඨා වෙනුවෙන් ඡන්දය ඉල්ලන ඔටුවා…… අන්තවාදින් සමඟ එක යහනේ සැතපෙන ගෝඨාගේ වැඩ….. බඩුත් එක්ක හොරු මෙන්න විඩියෝව…
http://lankanewsnetwork.org/archives/21499
Published on: Feb 14, 2020- ඉදිරි මහ මැතිවරණයට තරග කිරීම සඳහා එක්සත් ජාතික පක්ෂය ප්රමුඛ පක්ෂ ගණනාවක් එක්ව විපක්‍ෂනායක සජිත් පේ‍්‍රමදාස මහතාගේ නායකත්වයෙන් පිහිටුවීමට නියමිත සන්ධානයේ ලකුණ ලෙස ජනාධිපතිපතිවරණයට තරග කල “හංසයා” භාවිතා කිරිමට පක්ෂ නායක රනිල් වික්රමසිංහ මහතාගේ අද පැවැති සාකච්ඡාවේදි තිරණය කල බව අප දේශපාලන වාර්තාකරු සදහන් කළා.
මහ මැතිවරණ සටන මෙහෙයවන 10 දෙනෙකුගෙන් යුත් කමිටුව අද සවස පක්ෂ නායක රනිල් වික්රමසිංහ මහතාගේ ප්රධානත්වයෙන් රැස්වු අතර එහිදි මේම එකගතාව ඇතිකර ගත් බවයි අප වාර්තාකරු සදහන් කළේ.
සන්ධානයේ නායකත්වය සජිත් ප්‍රේමදාස මහතාට මෙන්ම මහා ලේකම් ධුරය රංජිත් මද්දුමබණ්ඩාරට ලබාදිමට කටයුතු කර තිබේන අතර ලකුණ සම්බන්ධයෙන් ඇතිවි තිබේන අර්බුදය සම්බන්ධයෙන් මෙහිදි දිර්ඝ වශයෙන් සාකච්ඡා සිදුව තිබේ. එහිදි කිසිවෙකුත් බෙදි වෙන් නොවන ලෙස,රටේම ජනතාව හදුනන “හංසයා” භාවිතා කිරිමට හැකියාව ඇති බව මංගල සමරවීර මහතා පෙන්වාදි තිබේ. එම අවස්ථාවේදි රවී කරුණානායක මන්ත්‍රීවරයා “හංසයා” ලකුණ ලබාදිමට සිය කැමත්ත පලකර ඇති අතර ඒ අනුව නව සන්ධානය හංසයා ලකුණ යටතේ තරග කිරිමට කමිටුව එකඟතාවක් ඇතිකරගෙන තිබේ.ඒ සම්බන්ධයෙන් තවදුරටත් සියලු දේනා සමග සාකච්ඡා කිරිමටද එහිදි එකගතාව පලවි තිබේ.
මේ අතර සන්ධානයේ ජාතික සංවිධායක ධුරය පාඨ්ළි චම්පික රණවකට ප්‍රදාණය කල බවට පලවන් වාර්තා සම්බන්ධයෙන්ද එහිදි සාකච්ඡා සිදුව ඇති අතර පක්ෂ නායක රනිල් වික්රමසිංහ මහතා එහිදි පෙන්වා දි ඇත්තේ සන්ධානයේ නායකත්වය සහ මහා ලේකම්ධුරය පමණක් මේ දක්වා පත්කර ඇති බවයි.අනිකුත් තනතුරු ඉදිරියේදි සාකච්ඡා කර පත්කිරිමට සුදුසු බවද ඔහු පෙන්වා දි තිබේ.
10 දෙනාගේ කමිටුව සජිත් ප්‍රේමදාස, ජෝන් අමරතුංග, රවී කරුණානායක, රන්ජිත් මද්දුමබණ්ඩාර, මංගල සමරවීර, කබීර් හෂීම්, මලික් සමරවික්‍රම සහ අකිල විරාජ් කාරියවසම්,ලක්ෂ්මන් කිරිඇල්ල, නවින් දිසානායක යන අයගෙන් සමන්විත වේ.
මේ අතර සමගි ජන බලවේගය සඳහා ‘අලියා’ ලකුණ ලබානොදුනහොත් අනිවාර්යයයෙන්ම ‘හදවත’ ලකුණ යටතේ තරග කිරීමට එක්සත් ජාතික පෙරමුණු මන්ත්රී කණ්ඩායම අද (14) තීරණය කල බව එ.ජා.ප පාර්ලිමේන්තු මන්ත්රී අජිත් පී පෙරේරා මහතා පවසනවා. නව සන්ධානයේ ලකුණ ලෙස ‘අලියා’ ලකුණ ලබාදීම සඳහා එක්සත් ජාතික පක්ෂ නායක රනිල් වික්රමසිංහ මහතාට අද (14) මධ්‍යම රාත‍්‍රී 12.00 දක්වා කාලය ලබාදීමටත්, මධ්‍යම රාත‍්‍රියට පෙර අවසන් තීරණයක් නොලැබුණොත් යළිත් එම පාර්ශවය සමඟ සාකච්ඡා නොකිරීමටත් මන්ත්රී කණ්ඩායම තීරණය කළ බවයි ඔහු මාධ්‍ය හමුවේ සදහන් කළේ.
සමගි ජන බලවේගයේ ඉදිරි කටයුතු පිළිබඳ අවසන් තීරණයක් ගැනීම සඳහා එක්සත් ජාතික පෙරමුණු මන්ත්රී කණ්ඩායම විපක්‍ෂනායක සජිත් ප්‍රේමදාස මහතාගේ ප්රධානත්වයෙන් පාර්ලිමේන්තු සංකීර්ණයේදී අද (14) රැස්වූ අතර එහිදී මෙම තීරණය ගත් බවද මන්ත්‍රීවරයා සදහන් කළා.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 14, 2020 – මහා මැතිවරණයේදි බදුල්ල දිස්ත්‍රික්කයට නායකත්වය දෙමින් මැතිවරණය මෙහෙයවන ලෙස මහින්ද රාජපක්ෂ මහතාගේ දෙවැනි පුත් නාවික හමුදාවේ ලුතිනන් කමාන්ඩර් යෝෂිත රාජපක්ෂ මහතාට ආරාධනා කර තිබේන බව අප දේශපාලන වාර්තාකරු අනාවරණය කළා.
යෝෂීත ඉන්දිය සංචාරයට එක්විමට පෙර ගෝඨාභය රාජපක්ෂ ජනාධිපතිවරයා මෙම ආරාධනය සිදුකර තිබේන අතර එයට මේ දක්වා යහපත් ප්‍රතිචාර දක්වා නැති වුවත් එයට අකමැත්තක් පලකර නොමැති බවයි අප දේශපාලන වාර්තාකරු සදහන් කළේ.තම පියා(මහින්ද ) සමග සාකච්ඡා කර බාප්පාට (ගෝඨාභයට) උත්තරයක් ලබාදිමට කටයුතු කරන බවද් යෝෂිත එහිදි පොරොන්දු දි තිබේ.
ඌවේ සටනට යෝෂිත කැදවිම සම්බන්ධයෙන් වියත්මග වියතුන් මෙන්ම රාජපක්ෂ කදවුරේ ඇතැම් පාර්ශ්වයන් අතරද විවිධ සාකච්ඡා සිදුව ඇති අතර යෝෂිත ඉන්දියා සංචාරයේ යෙදෙන අතරතුර කිහිප දෙනෙකුම මේ පිළිබඳව ගෝඨාභය ජනාධිපතිවරයාගෙන් විමසා ඇති අතර එහිදි ගෝඨාභය පවසා ඇත්තේ තමන්ට පසුව Army Attentions තියෙන්නේ යෝෂිතට පමණක් බවයි. මහින්දගෙන් පසුව රාජපක්ෂ පවුලේ එකම බලවත් කේන්ද්‍රයට හිමිකම් කියා ඇත්තේද යෝෂිත රාජපක්ෂ පමණී.
කෙසේවෙතත් යෝෂිතගේ හදිසි කැදවිමත් සමග දැඩි ලෙස කලබලයට පත්ව ඇත්තේ ව්‍යාඝ්‍ර වංශ හෙවත් විමල් විරවංශ බව අප දේශපාලන වාර්තාකරු සදහන්කළා. මෙවර කොළඹ,ගම්පහ,කලුතර ඇතුලු දිස්ත්‍රික් ගණනාවක විමල්ගේ කණ්ඩායම් ඇතුල් කලද ජයග්‍රහණය ලබා ගැනිමට තරම් එම දිස්ත්‍රික්ක වල හැකියාවක් ඔමැති හේයින් බදුල්ල දිස්ත්‍රික්කයේ තමන්ගේ මන්ත්රී ගොඩ වැඩි කර ගැනිම සදහා ඉතා සියුම් මෙහෙයුම් දියත් කර තිබිම ඊට හෙතුවයි.ඒ සදහාවිමල් පිලේ මොහොමඩ් මුසාමිල් බදුල්ලෙන් ඉදිරිපත් කිරිමට විමල් කටයුතු සිදුකරමින් සිට තිබේ.යෝෂිත කැදවිමත් සමග එම අවස්ථාවද විමල්ගෙන් ගිලිහි යන අතර ඌවෙත් රාජපක්ෂලාම බලය තහවුරු කර ගැනිම සිදුකරනු ඇති බවයි විමල්ගේ අදහස වි ඇත්තේ.
මේ වනවිටත් යෝෂිතගේ ඌවේ ගමන නතර කිරිම සදහා විමල් කුමන්ත්‍රණයක් දියත් කර ඇති අතර ඒ සදහා ඌවේ බල සහිත ශෂින්ද්‍ර රාජපක්ෂ ඇතුලු කදවුර ඇවිසිම සදහා සිය වෙබ් මඩ බලකාය සුදානම් කරමින් සිටින බවද මේ වනවිට අනාවරණය වි තිබේ.මහින්දගේ ඉන්දිය සංචාර සදහා යෝෂිත එක්කරනු ලැබුවේ ගෝඨාභයගේ ඔත්තුකරුවෙකු ලෙස බවයි විමල් සිය මඩ බලකායට දන්වා ඇත්තේ.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 13, 2020- ජාතික රූපවාහිනී සංස්ථාවේ නව අධ්‍යක්ෂ ජනරාල් අජිත් නාරගල (Ajith Naragala) නැමැත්තා අත්තනෝමතික සහ මූල්‍ය අවභාවිතය හේතුවෙන් එකී සංස්ථාව මුහුණදී ඇති මූල්‍ය අර්බුදය තවත් ඔඩු දුවන තත්ත්වයක් මතුව ඇති බව වාර්තා වේ.
තොරතුරු සහ සංනිවෙදන තාක්‍ෂණ සහ උසස් අධ්‍යාපන, තාක්‍ෂණ සහ නවෝත්පාදන අමාත්‍ය බන්දුල ගුණවර්ධන මහතාගේ කාර්යාලයේ සේවකයෙකු ලෙස කටයුතු කරමින් ඔහුගේ දේශපාලන කටයුතු වලට සම්බන්ධව කටයුතු කල අජිත් අදාළ තනතුර සදහා කිසිදු සුදුසුකමක් හෝ සපුරා නැති අයෙකුද වේ.
මේ සම්බන්ධයෙන් පාරිභෝගික අයිතීන් සුරකීමේ ජාතික ව්‍යාපාරයේ සභාපති රංජිත් විතානගේ ගේ අත්සනින් යුතුව නිකුත්කර ඇති නිවේදනයක් හරහා ජාතික රූපවාහිනී සංස්ථාවේ නව අධ්‍යක්ෂ ජනරාල්වරයාගේ ක්‍රියාකාරකම් පිළිබඳව ජනාධිපති ගෝඨාභය රාජපක්ෂගේ සහ විෂය භාර අමාත්‍ය බන්දුල ගුණවර්ධනගේ ද අවධානයට යොමුකර ඇත.
අදාළ නිවේදනය පහත දැක්වෙයි.
ශ්‍රී ලංකාවේ ජාතික රූපවාහිනී නලිකාව වන්නේ 1982 අංක 6 දරන පාර්ලිමේන්තු පනත මගින් ස්ථාපනය කරන ලද ශ්‍රී ලංකා රූපවාහිනී සංස්ථාවයි. මෙම ජාතික නාලිකාව නිල වශයෙන් සිය සේවාව ආරම්භ කරන ලද්දේ 1982 පෙබරවාරි 15 වැනිදායි.ජපන් ජනතාවගෙන් ශ්‍රී ලංකා ජනතාවට ත්‍යාගයක් ලෙස ලැබුන මෙම නාලිකාවේ ප්‍රධාන අරමුණ වන්නේ අධ්‍යාපනික,තොරතුරු සහ විනෝදාත්මක සේවාවන් සැපයිමය. රාජ්‍ය රූපවාහිනී නාලිකාව ලෙසින් ශ්‍රී ලංකා රූපවාහිනී සංස්ථාව සමස්ත ශ්‍රි ලාංකිකයින් ඉලක්ක කර ගනිමින් සිංහල, දෙමළ හා ඉංග්‍රිසි යන රාජ්‍ය භාෂා ත්‍රිත්වයෙන්ම සිය සේවා ව පවත්වාගෙන යාම කරගෙන යනු ලබයි.
විවිධ රජයන් යටතේ පාලනය වූ ශ්‍රී ලංකා රූපවාහිනී සංස්ථාව මේ වන විට සේවක වැටුප් ගෙවා ගැනීමට පවා බැරි තත්වයකට වැටී ඇත්තේ අප රට පාලනය කල පාලකයින්ගේ වරදින්ම බව නොකියා බැරිය. මක්නිසාද යත් වර්තමානයේදී ද පාලකයින් විසින් නිසි සොයා බැලීමකින් තොරව ශ්‍රී ලංකා රූපවාහිනී සංස්ථාවට පත්කරන ලද නිළධාරීන් විසින් ජනතාවගේ දේපලක් වන ශ්‍රී ලංකා රූපවාහිනී සංස්ථාව කාබාසිනියා කරමින් සිටින නිසාය.
වර්තමාන රජය බලයට පත් වූ විගස ජනාධිපතිවරයා පැවැසූවේ රාජ්‍ය ආයතන නිසි ලෙස කළමනාකරණය කල හැකි පුද්ගලයින් රාජ්‍ය සංස්ථා සදහා පත් කරන බවයි. එහෙත් අද වන විට වර්තමාන රජය විසින් ශ්‍රී ලංකා රූපවාහිනී සංස්ථාව සදහා සුදුසුකම් නොමැතිව (පරිපාලනය සදහා) පත් කරන ලද අධ්‍යක්ෂක ජනරාල්වරයා වන අජිත් නාරගල නැමැත්තා ශ්‍රී ලංකා රූපවාහිනී සංස්ථාවේ ධනය තම සුඛවිහරණය සදහා භාවිතා කරමින් සිටී.
ඒ සදහා වන කදිම උදාහරණ අප සතු අතර එයින් කිහිපයක්හු දීජනයාගේ පහන් සංවේගය සදහා සටහන් කරමු.
01. අධ්‍යක්ෂක ජනරාල්වරයාගේ නාන කාමරය සදහා උණු වතුර හීටරයක් සවි කර ගැනීම.
02. ශ්‍රී ලංකා රූපවාහිනී සංස්ථාව සතුව වාහන තිබියදී ඒවා තමන්ට නොගැලපෙන බව පවසමින් වෙනත් අමාත්‍යාංශයකින් ලබා ගත් ජීප් රථය සදහා රුපියල් 89,000.00 කට ආසන්න මුදලකට ගුවන් විදුලි යන්ත්‍රයක් මිලදී ගෙන සවි කිරීම. එම මිලදී ගැනීම නීති විරෝධී බව නිළධාරීන් පැවැසූවද තමන් රාජපක්ෂවරුන්ගෙන් පැමිණ ඇති බව එම නිළිධාරීන්ට පැවැසූ බව එහි සේවකයින් පවසයි.
03. ආයතනයේ සුලු මුදල් වලින් තමන්ගේ ආහාරපාන ලබා ගැනීම. දවල් ආහාර බනානා ලීෆ් අවන්හලෙන් ද දෙලුම් ජූස් හා අඔ ජූස් ජාවත්ත පිහිටි සී.අයි.සී අවන්හලෙන් ලබා ගන්නා අතර බම්බලපිටියේ එළයිට් අවන්හලෙන්ද ආහාර ලබා ගනී
04. අධ්‍යක්ෂක ජනරාල්වරයාගේ කාමරයේ වායු සමනයකරන යන්ත්‍රයක් තිබියදී නව වායු සමන යන්ත්‍රයක් සවිකිරීමට නියෝග කිරීම.
05. කාර්යාල වේලාවේදී කාර්යාලය තුළ රැදී නොසිට කාර්යාල වේලාවෙන් පසුව කාන්තාවන් තමන්ගේ රාජකාරී සදහා රදවා ගැනීම.
06. තමන්ගේ කාමරය නිරතුරුවම පළතුරු සුවදින් තබා ගන්නා ලෙස සේවකයින්ට උපදෙස් ලබා දී ආයතනයේ සුලු මුදල් වලින් පළතුරු මිලදී ගැනීම.
07. ශ්‍රී ලංකා රූපවාහිනී සංස්ථාවට අදාල නොමැති විදේශ සංචාරයක් සදහා ශ්‍රී ලංකා රූපවාහිනී සංස්ථාවෙන් රුපියල් 60,000.00 කට ආසන්න මුදලක් ලබා ගැනීම.
වෙනත් ආයතන වල එනම් ජාතික තරුණ සේවා සභාවේ ඔහු සේවය කරද්දී ඔහු වෙත එල්ල වූ චෝදනා රැසක් අප සතුව ඇති අතර ඒ අතර කාන්තා හිංසනද වේ. එම කාන්තා හිංසනය සම්බන්ධයෙන් ජාතික තරුණසේවා සභාවේ අනෙක් අධ්‍යක්ෂකවරුන්ටද ජනාධිපති පරීක්ෂණ කොමිසම වෙත යාමට සිදුව තිබේ.
මෙරට ජීවත් වූ සමහර අමාත්‍යවරු තම ගෙදර තිබෙන බඩු භාණ්ඩ පවා තම ආයතනයට රැගෙන විත් ඇති බව අප අසා ඇත. එසේ තිබියදී මෙරට ආර්ථික විද්‍යාව පිළිබද ඔස්තාර්වරයෙකු වන බන්ධුල ගුණවර්ධන මහතාගේ පුද්ගලික ලේකම්වරයාද වන හා ඔහු විසින් ශ්‍රී ලංකා රූපවාහිනී සංස්ථාවේ අධ්‍යක්ෂක ජනරාල්වරයා ලෙස පත් කරන ලද පුද්ගලයා තම නාන කාමරය සදහා උණුවතුර හීටරයක් සවිකිරීම හා වෙනත් ක්‍රියා සිදුකිරීම බන්ධුල ගුණවර්ධන අප ගුරුතුමා ආර්ථික විද්‍යාවේදී අපට කියා දුන් ආවස්ථික පිරිවැය න්‍යාය එනම් හිග සම්පත් විකල්ප අරමුණු අතර බෙදා හැරීමේදී එක් අවස්ථාවක් තෝරා ගත් විට එම අවස්ථාව වෙනුවෙන් කැපකරන ඊලග හොදම අවස්ථාව අනුව නිවරැදිද? යන්න අප ගුරතුමාගෙන් විමසමු.
තවද අප එතුමාගෙන් ඉල්ලා සිටින්නේ මෙසේ ජනතාවගේ මුදල් කාබාසිනියා කිරීමට ඉඩ දී නැවත වරක් ජනතාවට මාසයක් කෑමට රුපියල් 2500 ක් ඇති බව ප්‍රකාශ නොකරන ලෙසයි. අප සංවිධානය ඉදිරියේදී මේ පිළිබදව අල්ලස් හෝ දූෂණ කොමිසම වෙත පැමිණිලි කිරීමටද බලාපොරොත්තු වෙමු.
ජනාධිපතිතුමනි මේ ඔබේ අවධානයට …
වහාම ශ්‍රී ලංකා රූපවාහිනී සංස්ථාවේ අධ්‍යක්ෂක ජනරාල්වරයා පිළිබදව වහා සොයා බලන්න.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 13, 2020- අග්‍රාමාත්‍ය මහින්ද රාජපක්ෂ යටතේ ඇති බුද්ධශාසන , සංස්කෘතික හා ආගමික කටයුතු අමාත්‍යංශයේ සම්බන්ධ්කරණ ලේකම් කිත්සිරි ගංගනාත් අබේගුණවර්ධන මහතා කුප්‍රකට සමාජ ශාලා හිමිකරුවෙකු බව ජනතාවට පිලිගත හැකි සාක්ෂී සහිතව අප කල අනාවරණයෙන් පසු කුපීත වු කිත්සිරිගේ වන්දිභට්ටයන් අපගේ විද්යුත් තැපෑල හරහා අභියෝග කර සිටියේ අදාළ Sithwin Night Club එක කිත්සිරිගේ බව ඔප්පු කර පෙන්වන ලෙසයි.
රාජපක්ෂ කදවුර නියෝජනය කරන වැඩිහරියක් රස්තියාදු චිවරධාරින් ජනතාවට බණ දෙසා කරන්නෙම දුෂිත වැඩ හේතුවෙන් Night Club කාරයෙකු රාජපක්ෂලාගේ ආණ්ඩුවේ බුද්ධශාසන අමාත්‍යවරය වුවද අපට කමක් නැත.නමුත් වරදක් පෙන්වා දුන් පසුව එය සමාජ හමුවේ නිහතමානීව පිළිගනිම් එය නිවැරදි කිරිම වෙනුවට Sithwin Night Club හී හිමිකාරිත්වය සම්බන්ධයෙන් අපගෙන් ප්‍රශ්ණ කරනුයේ අප මෙන්ම මේ රටේ ජනතාව මොඩයන් සේ සලකානම් එය අනුවණ ක්‍රියාවකි.
අපේ රටේ මෙන්ම දකුණු ආසියාවේ අන්ත දුෂිත රටවල ජනතාව හුරාගෙන කන දේශපාලනඥයන් මෙන්ම ඔහුන්ගේ කලු සල්ලි ජාවාරම්කරුවන් කිසිම අවස්ථාවක ඔහුන්ගේ වංචනීක ව්‍යාපාර තමන්ගෙ නමට ලියාපදිංචි නොකරන බව අමුතුවෙන් කියාදිය යුතු නැත.
නමුත් බෞද්ධ සාසනයට මුවාවි රාජපක්ෂ අයියා සිටි සමයේ කුඩු කන්ටේනර ගනන් රටට ගෙන ආ යුගයක් තිබු බව අමතක නොකල යුතුය.කුඩු නාලිකා තවමත් මේ රටේ ජනතාවගේ මනස විකෘති කරන බව අමතක නොකල යුතුය.ඒ නිසාම අනතුර දැක දැකම අහක නොබලා ඒ පිළිබඳව ජනතාවට දැනුවත් කර තිබිම ඇගට ගුණය.
Sithwin Night Club හිමිකරු කිත්සිරි ගංගනාත් අබේගුණවර්ධන යැයි සමාජගතවු වහාම එයට කුපීත වි එහේ මෙහේ දුවන්නට වුයේ තමන්ගේ දේශපාලන ජිවිතයට හානී වන නිස නොවන බව පැහැදිලිය මන්ද ලංකාවේ කසිප්පුකාරයන්ට,පස් හොරුන්ට, කැළෑ පාලුවන්ට,ස්ත්‍රී දුෂකයන්ට ඇති මනාපය උගත්,බුද්ධිමතුන්ට නොමැති බව කිත්සිරි හොදින් දන්න නිසාය.නමුත් මේ අකාරයේ දුෂිතයන් ලංකාවේ සැගවි සිටින්නේ චීවරයට මුවාවි හෝ නැතහොත් අගාම,දම විශ්වාසය කරන ජනතාවගේ අන්ධ බක්තිය තුලය.කිත්සිරිද එවැන්නේකී
දකුණේ සුප්‍රසිද්ධ ගැටබරු දේවාලය රජ්ජු බණ්ඩාර දෙවියන් පිණිස සැදුන එකක් වන අතර ජනහිතකාමි රජ්ජු බණ්ඩාරයන් යන දකුණට අධිපති දෙවියන්ගේ නාමය තමන්ට ආරෝපනය කර ගනිමින් දකුණු පළාතේ හම්බන්තොට දිස්ත්‍රික්කයේ අඟුණකොලපැලැස්ස ප්‍රාදේශීය ලේකම් කොට්ඨාශයට අයත් උඩයාය ග්‍රාමසේවා වසමේ පිහිටා තිබේන කසාගල රජමහා විහාරයේ බස්නායක නිළමේවරය ලෙස කටයුතු කරනුයේද කිත්සිරි ගංගනාත් අබේගුණවර්ධනය.ඊට අමතරව බෝධිමලු රජමහා විහාරස්ථානයේ දායක සභාවේ සභාපතිවරයාද වේ. කිත්සිරි දකුණට සිල් රෙද්ද පෙන්වමින් මැතිවරණයට ඉදිරිපත් විමට කටයුතු සුදානම් කරමින් සිටින අතර එයට අවශ්‍ය බලය උත්පාදනය කර ගැනිම සදහා බුද්ධශාසන අමාත්‍යාංශයේ තනතුරක් ලබාගත් බව නොරහසකි.
ඒ වෙනම කතාවකි.
අප පසුගියදා ගෝඨාට බම්බුගහන්න කියන්න…. මම එනකම් ඉන්නවා… බුද්ධශාසන සම්බන්ධ්කරණ ලේකම් තනතුරට කෙලවෙන ලකුණු! යනුවෙන් කල අනාවරණයෙන් පසුව කවුරුන් හෝ කසාගල රජමහා විහාරයේ නායක ස්වාමින්වහන්සේටද මේ සම්බන්ධයෙන් දැනුම්ක් දි තිබේන අතර ඉදිරියේදි දායක සභාව කැදවා ඒ සම්බන්ධයෙන් සාකච්ඡා කිරිමටද කටයුතු යොදා තිබේන බවද වාර්තා වේ.
කෙසේවෙතත් අප කල අනවරණයෙන් පසුව කිත්සිරිගේ ඇම්බැට්ටයන් තමන්ගේ Facebook වල තිබු බොහෝ දේ ඉවත් කරගෙන් තිබේන නමුත් ඒ සියල්ලම අප සතුව ඇති බවත් ඊටත් වඩා බොහෝ දෙවල්ද අප සතුව තිබේන බවත් දැනගෙන සිටිම නුවණට හුරුය.
තවත් සාක්ෂී….
Sithwin Night Club හිමිකරු කිත්සිරි ගංගනාත් අබේගුණවර්ධන යැයි අපට කීමට හැකි තවත් සාක්ෂී කිහිපයක් අද යලිත් අනාවරණය කිරිමට අප සුදානම් එනම් …
Happy poya Day කියමින් පොය දවසටත් අඩියක් ගසා ආතල් එකේ සිටිම පට්ට යැයි සමාජ ජාලා අල ප්‍රසිද්ධ කරන Sithwin Night Club හී රෑට රෑට බාල් නටා ඩිල් යන නැට්ටිච්චියන් බුද්ධශාසන සංස්කෘතික,ආගමික කටයුතු පිළිබඳ අගමැති මහින්දගේ සම්බන්ධීකරණ ලේකම් ලෙස කිත්සිරි ගංගනාත් අබේගුණවර්ධන වැඩ භාරගත් අවස්ථාවේ පැමිණියේ ඇයි.ඔහුන් කිත්සිරි මෙන්ම ඔහුගේ බිරිද සමග එකට සිට ඡායාරූපය ගත්තේ ඇයි? කිත්සිරිට සහ මේ නැට්ටිච්චියන්ට ඇති ඥාතිකම කුමක්ද? හැකිනම් අර කියන 2.50 චණ්ඩින්ටද මේ සදහා පිලිතුරු දිය හැක.සියලුම ඡායාරූප පහතින් දක්වා ඇත.
මේ අතර ලේකම්වරයාගේ වන්දිභට්ටකම් කරන උදාර විමුක්ති පෙරේරා (Udärå Vimukthi Perera) නැමැත්තාගේ Facebook හි අත්වැරදදකින් Sithwin night club හිදි සජිවිව විකාශයක් සිදුව තිබු අතර අප එය අනාවරණය කිරිමෙන් පසුව වහාම එය ඉවත් කිරිමට කටයුතු කරනු ලැබුවේ ඇයි?
ගෝඨාට බම්බුගහන්න කියන්න…. මම එනකම් ඉන්නවා… බුද්ධශාසන සම්බන්ධ්කරණ ලේකම් තනතුරට කෙලවෙන ලකුණු! යනුවෙන් පුවත් පලවි පැය 8ක් ඇතුලත එම Link එක සමාජ ජාලාවල ව්‍යාප්ත විම වැලැක්වීමට අගමැති කාර්යාලයයේ තාක්ෂණික අංශය යොදා ගත්තේ ඇයි? (අදාළ තොරතුරු සියල්ල්ම අප විසින් Trace ඇත )
තවත් සාක්ෂි රැසක් අප සතුව ඇත.ඉදිරියේදි ඇතිවන තත්ත්වය හමුවේ එය සමාජගත කිරිම අපගේ වගකිම ලෙස අප හදුනාගෙන ඇත.
කතාව අවසන් නැත.ජනතාව ගොනාට ඇන්ද විම රාජපක්ෂලාගේ සහ ඔහුන්ගේ හෙංචයියන්ගේ සමාන්‍ය ක්‍රමයයි.ඒ නිසාම 69 ලක්ෂයක් නොවැම්බර්17 රැවටුනු බව වැටෙහෙන විට කෙලවි හමාරය. යලිත් බුද්ධශාසනයට මුවාවි කුඩු කන්ටේනර් පිටින් රටට ගෙන්වු කාලය අවශ්‍ය නැත. “බුදුසරණයි ” කියා ලොරියේ ගසා හරක් අදින එවුන් තවත් අවශ්‍ය නැත.කොටින්ම කියතහොත් බුද්ධශාසනය පෙන්වා ජාතින් අතර ගැටුම් ඇතිකිරිමට කටයුතු කරන් එවුන් අවශ්‍යම නැත.
ගෝඨාභය රාජපක්ෂ ජනාධිපතිතුමනී මේ ඔබේ අවධානයටයි.
http://lankanewsnetwork.org/archives/22825
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 13, 2020 – රජයට බදු නොගෙවා මුල්‍ය වංචා සිදුකිරිම ඇතුලු සිද්ධින් කිහිපයක් හේතුවෙන් පසුගිය කාලේ අහෝසි කරන ලද හිටපු අමාත්‍ය ජොන්ස්ටන් ප්‍රනාන්දු මහතාගේ ළඟම ඥතීන් දෙදෙනකු නමින් පවත්වා ගෙන ගිය ‘වයඹ ඩිස්‌ටලරීස්‌ සමාගමේ’ බලපත්‍රය යලි පෙබරවාරි 6 වැනිදා සිට නිෂ්පාදනයන් ආරම්භ කිරිමට කටයුතු යොදා ඇති බව අප පසුගිය ජනවාරි 30 වැනිදා අනාවරණය කිරිමත් සමග එම විවෘත කිරිම නතර කිරිමට ජොන්ස්ටන්ට සිදුව ඇති බව අප දේශපාලන වාර්තාකරු අනාවරණය කළා.
සුරාබදු කොමසාරිස් බෝදරගේ වික්‍රමය.. කෝටි ගණන් පොලු තැබු ජොනීගේ “වයඹ ඩිස්‌ටලරීස්‌” යලි ඇරේ…. මට කරන්න දෙයක් නෑ… ජොනී මට වියදම් කළා -ජනපති… (එම අනාවරණය පහතින් කියවන්න )
ජනාධිපතිවරයාගේ සaජු මැදිහත් විම එම ප්‍රමාදයට හේතුව වි ඇති අතර එම නිසා ව්‍යාජ්‍ය ලෙස නිත්‍යානුකූල භාවය පෙන්වමින් ‘වයඹ ඩිස්‌ටලරීස්‌ සමාගම” විවෘත කර ගැනිම සදහා ජොන්ස්ටන් මේ වන්විට කටයුතු කරමින් සිටි.
ගෝඨාභය රාජපක්ෂ ජනාධිපති වෙමින් පසුව ජොනීගේ ඉල්ලිම මත වැඩබලන සුරාබදු කොමසාරිස් ජනරාල්වරයා ලෙස ඒ.බෝදරගම පත්කර ගත් අතර ඒ හරහා අගමැති මහින්දගේ බලයද භාවිතා කරමින් ජොන්ස්ටන් වයඹ ඩිස්‌ටලරීස්‌ සමාගම යලිත් විවෘත කර ගැනිමට මෙහෙයුම් දියත් කර තිබුනා.
කෙසේවෙතත් තවත් ස්කාගාරයක් පවත්වාගෙන යන “සෝරිස්” නැමෙත්තෙකුට වයඹ ඩිස්‌ටලරීස්‌ සමාගම පවරා ඔහු භාවිතා කරමින් සමාගමේ නිෂ්පාදනයන් ආරම්භ කිරිමට ජොන්ස්ටන්ට කටයුතු කරමින් සිටින අතර මේ දිනවල “සෝරිස්” නැමැත්තා දෛනිකව සුරාබදු කාර්යාලයේ එහෙට මෙහෙට යමින් බෝදරගම වටේ කැරකැවෙමින් සිටින බව අප විශේෂ වාර්තාකරු විසින් තහවුරු කරගෙන තිබේ.
වයඹ ඩිස්‌ටලරීස්‌ සමාගම වසා දැමිමට අදාළව එක් ගැටලුවක් වන රජයට අදාළ බදු මුදල් නොගෙවිම වන අතර සෝරිස් හරහා එම මුදල් කොටස් වශයෙන් ගෙවා දැමිම සදහා එකඟතාවයක් ඇතිකර ගැනිම මෙහි එක් මෙහෙයුමක් වි තිබේ.
“වයඹ ඩිස්‌ටලරීස්‌ සමාගම” බදු අයකර ගැනිම සම්බන්ධයෙන් නීතිපතිවරයා,සුරාබදු කොමසාරිස්ට යැවු නියෝග!
සුරාබදු කොමසාරිස්වරයා සමග “වයඹ ඩිස්‌ටලරීස්‌ සමාගම” ඇතිකරගත් ගිවිසුම….
දෙමටගොඩ ප්‍රදේශයේ ව්‍යාපාරික ස්‌ථානයක ලොරි හතරක ගබඩාකර තිබූ අරක්‌කු බෝතල් 68,000 ක් අත්අඩංගුවට ගෙන සිදුකළ පරීක්‍ෂණවලින් පසුව සුරාබදු දෙපාර්තමේන්තුව සිදුකල පරික්ෂණ වලදි අනාවරණය වු කරුණු
http://lankanewsnetwork.org/archives/22655
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…
Published on: Feb 11, 2020- දෙමළ ජාතික සන්ධානය හේවත් TNA ඇතුලු සේසු දමිළ පක්ෂ ජනාධිපති ගෝඨාභය රාජපක්ෂ සමග එක්ව වැඩකිරිමට මේ වනවිට සුදානමින් සිටින බව උතුරේ අප දේශපාලන වාර්තාකරු සදහන් කළා.ඒ අනුව ඊට අදාළ සාකච්ඡා සිදුවෙන බවයි ඔහු සදහන් කලේ.
ඉන්දු-පැසිෆික් කලාපයේ එක්සත් ජනපද මිලිටරි ව්‍යාප්තිය සදහා පත්කරගත් ගෝඨාභය රාජපක්ෂ ඇමරිකානු හිතවාදි ගැත්තේකු විම සහ ඉන්දිය රජයේ හුරතෙලෙකු විම හේතුවෙන් මේ වනවිට දමිළ පක්ෂ ගෝඨාභය ප්රමුඛ රාජපක්ෂ ආණ්ඩුව සම්බන්ධයෙන් විශ්වාසනීය තත්ත්වයකට පැම්ණ තිබේන බව උතුරේ අප දේශපාලන වාර්තාකරු තහවුරු කළා.
ඉලංකෙයි තමිල් අරසු කච්චි ( ITAK), දෙමල ඊලම් විමුක්ති සංවිධානය (ටෙලෝ) හා දෙමල ඊලම් මහජන විමුක්ති සංවිධානය (ප්ලොට්) ඇතුලත් වන දෙමල පක්ෂවලින් සැදුම්ලත් එක්සත් ජනපද හීතවාදි ද්‍රවිධ ජාතික සන්ධානය (TNA) මෙන්ම කදුකරයේ සහ උතුරේ ක්‍රියාත්මක කුඩා දමිළ පක්ෂ ද මේ වනවිට රාජපක්ෂ පාලනය සමග එක කටයුතු කිරිමට අදාළ සාකච්ඡා ආරම්භ කර තිබේ.
විග්නේෂ්වරන් අඩිය තියයි….
මේ අතර උතුරු පළාත් හිටපු ප්‍රධාන අමාත්‍ය සි.වී විග්නේෂ්වරන්ගේ නායකත්වයෙන් යුත් දෙමළ ජනතා ජාතික සන්ධානය නමින් නව දේශපාලන පක්ෂයක් පිහිටුවා ගැනිමද මෙම සාකච්ඡා ඉලක්ක කර සිදුකර තිබේ.
කවදත් රාජපක්ෂ හිතවාදී මෙන්ම උග්‍ර අමරිකානු වාදියෙකු වන විග්නේෂ්වරන් ප්‍රධාන දෙමළ මහජන සභාව සංවිධානය, ඇතුලු සුරේෂ් ප්‍රේමචන්ද්‍රන් නායකත්වය දරන EPRLF පක්ෂය, හිටපු අමාත්‍ය ආනන්ද ශෂිදරන් නායකත්වය දරන ඊලාම් දෙමළ ස්වාධීන පක්ෂය සහ ටෙලෝ පක්ෂයෙන් ඉවත් වු එස්. ශ්‍රීකාන්ත මහතා නායකත්වය දරන දෙමළ ජනතා පක්ෂය නව සන්ධාන ගිවිසුමට අත්සන් තබා තිබේ.
සන්ධාන ගිවිසුම අත්සන් කිරීමෙන් අනතුරුව අදහස් දක්වමින් උතුරු පළාත් හිටපු අමාත්‍ය සී.වී විග්නේෂ්වරන් සඳහන් කළේ, දෙමළ ජනතාවගේ ගැටළු වෙනුවෙන් දෙමළ ජාතික සන්ධානය හරහා විසඳුම් නොලැබෙන බැවින් මෙම නව සන්ධානය බිහිකළ බවයි.
පසුගිය ජනාධිපතිවරණයේදි ශ්‍රී ලංකා පොදුජන පෙරමුනේ අපේක්ෂක ගෝඨාභය රාජපක්ෂ “ආඥාදායකයෙකු” ලෙස නම් කරමින් ද්‍රවිධ ජාතික සන්ධානය එක්සත් ජාතික පක්ෂයේ අපේක්ෂක සජිත් ප්‍රේමදාස මහතාට සහය ලබාදිමට කටයුතු කලද මේ වනවිට පවතින තත්ත්වය හමුවේ සහ ඇමරිකානු,ඉන්දියා මැදිහත් විමත් එයට රාජපක්ෂලා අවනත විමත් සලකා බලා රාජපක්ෂලා සමග ගනුදෙනු කිරිම සදහා සුබවාදී කොණයකින් බැලිමට ද්‍රවිධ ජාතික සන්ධානය තිරණය කර තිබේ.
ට්‍රම්ප් පාලනයේ ප්‍රබලයන් TNA හමුව!
කෙසේවෙතත් උතුරේ අප දේශපාලන වාර්තාකරු අනාවරණය කලේ ලංකාවේ සංචාරය කල ට්‍රම්ප් පාලනයේ ප්‍රබලයන් වන අමෙරිකානු ජාතික ආරක්ෂක මණ්ඩලයේ දකුණු ආසියාව සඳහා වන ජනපති ට්‍රම්ප්ගේ නිල නියෝජිත Lisa Curtis,දකුණු මධ්‍යම ආසියානු සම්බන්ධතා පිළිබඳ අතිරේක ලේකම් Alice Wells,ට්‍රම්ප් ගේ විශේෂ නියෝජිත (White House Deputy Press Secretary and Deputy Assistant to the President from 2017 to 2019. ) Raj Sha ශ්‍රි ලංකාවේ අමෙරිකානු තානාපති Alaina Teplitz දමිළ ජාතික සන්ධානය ප්‍රධානින් සමග සිදුකල සාකච්ඡා වලදි 13 වන් ආණ්ඩුක්‍රම ව්‍යවස්ථාව සම්පූර්ණයෙන් ක්‍රියාත්මක කිරිම,උතුරේ සංවර්ධනය කඩිනම් කිරිම සහ ඒ සදහා ඇමරිකාව සaජුව මැදිහත් විම ඉන්දියාව සමග ශ්‍රි ලංකා ආණ්ඩුවේ සම්බන්ධතා වර්ධනය කිරිම ආදි කරුණු රැසක් සම්බන්ධයෙන් ගෝඨාභය ජනාධිපතිවරය සමග සිදුකල සාකච්ඡා සම්බන්ධයෙන් යහපත් ප්‍රතිචාර ලැබි තිබේන බව දුත පිරිස ද්‍රවිධ සන්ධාන ප්‍රධානින්ට දැනුම් දි තිබේ.
ඩොනල්ඩ් ට්‍රම්ප් TNA ඉන්දියාවේදි හමුවක්!
මිට අමතරව එක්සත් ජනපද ජනාධිපති ඩොනල්ඩ් ට්‍රම්ප් සහ මෙලනියා ට්‍රම්ප් පෙබරවාරි 24-25 දිනවල නවදිල්ලියේ සංචාරය කිරීමට නියමිත අතර එහිදි ද්‍රවිධ ජාතික සන්ධානයේ ඉදිරිපෙළේ නායකයන් කිහිප දෙනෙකු සමග ට්‍රම්ප් ඉන්දියාවෙදි සාකච්ඡා කිරිමට සුදානම් බව මේ වනවිට ආනාවරණය වි තිබේ.
මේ අතර, එක්සත් ජනපද ආරක්ෂක ආරක්ෂක සහයෝගිතා ඒජන්සිය ( DSCA) ඉන්දියාව සමඟ ඩොලර් බිලියන 1.867 ක ඇස්තමේන්තුගත පිරිවැයකින් ඒකාබද්ධ ගුවන් ආරක්ෂක අවි පද්ධති ගනුදෙනුවක් ද සිදු කිරිමට නියමිතයි.
ඉන්දීය අග්‍රාමාත්‍ය නරේන්ද්‍ර මෝදි ශ්‍රි ලංකා අග්‍රාමාත්‍ය මහින්ද රාජපක්ෂ මහතාට ඉන්දියාවේදි කල ප්‍රකාශය ….
“ශ්‍රී ලංකාවේ, ප්‍රතිසන්ධානය හා සම්බන්ධ ගැටළු පිළිබඳව අපි විවෘතව කතා කළෙමු. එක්සත් ශ්‍රී ලංකාවක් තුළ සමානාත්මතාවය, යුක්තිය, සාමය සහ ගෞරවය සඳහා දෙමළ ජනතාවගේ අපේක්ෂාවන් ශ්‍රී ලංකා රජය විසින් අවබෝධ කර ගනු ඇතැයි මට විශ්වාසයි. මේ සඳහා ශ්‍රී ලංකා ආණ්ඩුක්‍රම ව්‍යවස්ථාවේ දහතුන්වන ව්‍යවස්ථා සංශෝධනය ක්‍රියාත්මක කිරීම සමඟ ප්‍රතිසන්ධාන ක්‍රියාවලිය ඉදිරියට ගෙන යාම අවශ්‍ය වේ. ”
Published on: Feb 11, 2020 – ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර පක්ෂයේ සභාපති මෛත්‍රීපාල සිරිසේන එලවා දමා පක්ෂ නායකත්වය විනාශ කර පක්ෂ නායකත්වය අල්ලා ගැනීමේ කුමන්ත්‍රණයක නිරතව සිටින බව එම පක්ෂයේ විධායක කමිටු සභික මොන්ටේගු සරත්චන්ද්‍ර මහතා ලිපියක් මගින් ශ්‍රිලනිපයට දැනුම් දි තිබේ.
ඔබගේ දේශපාලන ගුරුවරයා වූ පොහොට්ටු පක්ෂයේ සභාපති ජී.එල්. පීරිස් සමග එකතුවී හිටපු ජනාධිපති මෙන්ම ශ්‍රිලනිප ශ්‍රිලනිප සභාපති මෛත්‍රීපාල සිරිසේන එලවා, පක්ෂ නායකත්වය අල්ලා ගැනීමේ කුමන්ත්‍රණයක නිරතව සිටින බව එම පක්ෂයේ විධායක කමිටු සභික මොන්ටේගු සරත්චන්ද්‍ර මහතා පවසයි. ඒ මහතා ශ්‍රිලනිපයට ලිපියක් යොමු කරමින් මේ පිලිබදව අනාවරණය කරයි.
මොන්ටේගු සරච්චන්ද්‍ර 1988 සිට ශ්‍රී ලංකා නිදහස් පක්ෂයේ විධායක කමිටුව නියෝජනය කරන එම පක්ෂයේ පුර්ණ කාලීන ක්‍රියාකාරිකයකු වන අතර ඔහු සිය ලිපිය පක්ෂ සභාපති ඇතුළු සියලුම ආසන සංවිධායකවරුනට පිටපත් සහිතව යොමුකර තිබේ.
“ඔබ මේ සිදුකරන්නේ ඔබගේ දේශපාලන ගුරුවරයා වූ පොහොට්ටු පක්ෂයේ සභාපති ජී.එල්. පීරිස්ගේ රහස්‍ය උපදෙස් අනුව ශ්‍රී ලංකා නිදහස් පක්ෂය වල දැමීමේ කාර්යයද?” යන්න මොන්ටේගු දැඩිම ප්‍රශ්ණ කර තිබේ.
මොන්ටේගු සරත්චන්ද්‍ර මහතා යොමුකල ලිපිය පහත දැක්වේ.
ශ්‍රී ලංකා නිදහස් පක්ෂයේ ලේකම්වරයා ලෙස ඔබ විසින් පක්ෂයට හානිදාහක ලෙස සිදු කරනු ලබන කටයුතු සහ යම් යම් ප්‍රකාශ පිළිබඳව සැබෑ ශ්‍රී ලංකා නිදහස් පක්ෂිකයෙකු ලෙස මගේ දැඩි අප්‍රසාදය සහ විරෝධය පළකරමි.
ඔබ සිදුකළ පක්ෂ ව්‍යාවස්ථා විරෝධී යම් යම් කටයුතු පිළිබඳව ඒ ඒ අවස්ථාවන්වලදී මවිසින් ලිඛිතව දැනුම් දුන්නද ලියාපදිංචි තැපෑලෙන් එවන ලද ලිපියකටවත් පිළිතුරු තබා ලිපිය ලද බව දැන්වීමට තරම් වත් අකාර්යක්ෂම ලේකම්වරයෙකු පක්ෂයේ සිටීම පිළිබඳව මගේ බලවත් ශෝකය ප්‍රකාශ කරමි.පක්ෂයේ ලේකම්වරයා ලෙස පක්ෂ ව්‍යාවස්ථාවෙන් ඔබ වෙත පැවරී ඇති වගකීම් දිගින් දිගටම පැහැර හැර ඇති ඔබ ඔබට හිමි ව්‍යාවස්ථානුකූල බලය ඉක්මවමින් අත්තනෝමතික ලෙස කටයුතු කරමින් සිටියි.
පක්ෂ ව්‍යවස්ථාව අනූව වැඩ කරන්න !
පසුගිය ජනාධිපතිවරණයට අදාළව පොහොට්ටු පක්ෂයේ අපේක්ෂකයා දිනවීමට පක්ෂය කටයුතු කරන බවට මධ්‍යම කාරක සභාව විසින් ගනු ලැබුවේ යැයි ඔබ පවසන තීරණය පක්ෂයේ සංවිධායකවරුන්, විධායක සහ සමස්ථ ලංකා කාරක සභිකයින් සහ පක්ෂයේ පාර්ලිමේන්තු, පළාත් සභා, පළාත්පාලන ආයතනවල මහජන නියෝජිතයින් වෙත ලිඛිතව දැනුම්දීම පක්ෂ ව්‍යාවස්ථාවට අනුව ඔබ වෙත පැවරී ඇති නෛතික වගකීමකි.
එකී වගකීම හිතාමතාම හෝ නොදැනුවත්ව හෝ වෙනත් කිසියම් ඔබට පෞද්ගලික හේතුවක් නිසා හෝ ඔබ පැහැරහැර තිබේ.
එහෙත් පාක්ෂිකයින් නොදන්නා එකී තීරණයට එරෙහි වූ බව පවසමින් ඔබ පාක්ෂිකයින්ට එරෙහිව විනය පරීක්ෂණ පවත්වයි. මෙවන් අතීශයින් වැදගත් ප්‍රතිපත්තිමය කරුණක් පක්ෂයේ මධ්‍යම කාරක සභාවෙන් පමණක් තීරණය කිරීම ව්‍යාවස්ථා විරෝධී මෙන්ම සදාචාර විරෝධීද වෙයි.
ගත වූ වසර කිහිපය තුළ පක්ෂය වෙනුවෙන් බොහෝ කැපකිරීම් කරමින් පක්ෂය රැකගත් ආසන සංවිධායකවරුන් රාශියක් ඉහත කී පක්ෂයේ තීරණයට එරෙහි වූ බවට චෝදනා කරමින් එම තනතුරුවලින් ඉවත් කළ බව ඔබ විසින් දැනුම් දී තිබේ.
හිටන් හුටන් ” කියමින් ඔබ පක්ෂයේ සභාපතිවරයා ප්‍රසිද්ධියේ උපහාසයට හා අපහාසයට ලක්කරන කාලයේදී පමණක් නොව පක්ෂය වනසන “මහින්ද සුළඟ” ආරම්භයේ සිටම ඊට එරෙහිව පක්ෂය ශක්තිමත් කිරීමට කැපවූ බොහේ පිරිසක් ඔබගේ ගිලටිනයට හසුව ඇති බවද සිහිපත් කරමි.
ආසන සංවිධායකවරුන් ඉවත් කිරීමේ බලය මහ ලේකම්ට තිබේද?
කෙසේ වෙතත් ඔවුන් සංවිධායක තනතුරුවලින් ඉත් කිරීම කිසිසේත්ම ඔබට කළ හැකි දෙයක් නොවේ. ලේකම්වරයා ලෙස ඔබ පක්ෂ ව්‍යාවස්ථාව අභිබවා කටයුතු කිරීම බරපතල වරදකි. ඔබ නීතිඥවරයෙකුද වන නිසා එම වරදේ බරපතලකම් තවත් වැඩිවෙයි.
ආසන සංවිධායකවරුන් පත්කිරීමේ සහ ඉවත් කිරීමේ පූර්ණ බලය ශ්‍රී ලංකා නිදහස් පක්ෂ ව්‍යවස්ථාවේ 15 (11) වගන්තිය යටතේ ඉතා පැහැදිළිවම පක්ෂයේ සභාපතිවරයාට ලබා දී තිබේ. එය එතුමන්ටද අත්හල නොහැකි හෝ පැවරිය නොහැකි බලයකි. අදාළ කාර්යයේ “පූර්ණ බලය” යන්නෙන් ගම්‍යවන්නේ එයයි.
එම බලය ඉක්මවා යමින් සභාපතිතුමන්ද නොමග යවමින් ඊනියා දේශපාලන මණ්ඩලයක තීරණයක් බව පවසමින් පක්ෂ ලේකම්වරයා ලෙස පක්ෂ ව්‍යවස්ථාව උල්ලංඝනය කිරීම බරපතල විෂමාචාරයකි. එමෙන්ම ඔබ සතුටු කරන යම් යම් පුද්ගලයින්ට සංවිධායකධූර ලබාදීමට අවශ්‍ය ආසනවල සංවිධායකවරුන් මෙලෙස ඉවත් කරන බවද කියැවේ.
අනෙක් අතට පසුගිය ජනාධිපතිවරණයට අදාළ පක්ෂය විසින් ගනු ලැබුවේ යැයි ඔබ මාධ්‍යයට ප්‍රකාශ කර ඇති තීන්දු තීරණ සියල්ලම පක්ෂ ව්‍යවස්ථාව උල්ලංඝනය කර අනීතික හා සාදාචාරවිරෝධී තීරණ වෙයි.
පසුගිය ජනාධිපතිවරණයේදී පක්ෂය ක්‍රියා කළ යුතු ආකාරය පිලිබඳව තීරණ කිරීම සඳහා ඔබ කැඳවා තිබූ පක්ෂයේ සංවිධායකවරුන්ගේ රැස්වීමකදී ශ්‍රී ලංකා නිදහස් පක්ෂය පිටස්තර කිසිදු අපේක්ෂකයෙකුට සහය නොදිය යුතු යැයි පක්ෂයේ අනන්‍යතාවය රැකගැනීමට පක්ෂයේ අපේක්ෂකයෙකු ඒ සඳහා ඉදිරිපත් කළ යුතු යැයි ද ඊට සහභාගි වූ සංවිධායකවරුන් අතරින් සියයට 95 කටත් වැඩි පිරිසක් ලිඛිතව ප්‍රකාශ කර තිබූ බව ජනමාධ්‍ය හමුවේ ඔබම ප්‍රකාශ කරනු දුටිමි.
පක්ෂ ව්‍යවස්ථාව උල්ලංඝනය කරලා !
එසේ තිබියදී එම තීරණය අත්තනෝමතික ලෙස ඉවත දමමින් ගිවිසුමද මේ දක්වාම අඩුම තරමින් පක්ෂයේ මධ්‍යම කාරක සභිකයින් වෙතවත් ලබාදී නොමැති බවද දැනගතිමි. ඔබ ඇතුලු කල්ලියේ මෙම තීරණයට එරෙහි වූ පක්ෂයේ සභාපතිතුමන් එදින සිය තනතුරෙන් ඉවත් වූ බවද ජනමාධ්‍ය ඔස්සේ දැනගතිමි.
පක්ෂයේ සභාපතිවරයාද සිය තනතුරෙන් ඉල්ලා අස්වී ඇති අවස්ථාවක තාවකාලික වැඩ බලන සභාපතිවරයෙකු පත්කර ගනිමින් මධ්‍යම කාරක සභාවේ කල්ලියක් විසින් ගනු ලැබූ ව්‍යවස්ථා විරෝධී අනීතික සහ සදාචාර විරෝධී තීරණ කිසිවක් ක්‍රියාත්මක කිරීමට පාක්ෂිකයෝ කිසිවෙකුත් බැඳී නොසිටිති.
එහෙයින්ම එලෙස චෝදනා කොට පක්ෂයේ කිසිවෙකුට එරෙහිව කරන විනය පරීක්ෂණයක්ද අනීතික වන අතර එවැන්නකින් කිසිවෙකු පක්ෂයෙන් නෙරපීමට වත් ඔවුන්ගේ තනතුරු හෝ පක්ෂ සාමාජිකත්වය හෝ අහිමි කිරීමටද නොහැකිය. එසේ කළහොත් එය අධිකරණ ඉදිරියේ පක්ෂය තවදුරටත් හෑල්ලු වීමක් පමණක්ම වනු ඇත.
පක්ෂ සභාපතිවරයා ඉල්ලා අස්වූ විට ඔබ කළ යුතුව තිබුනේ වහාම පක්ෂයේ විධායක සභාවේ සහ සමස්ථ ලංකා කාරක සභාවේ හදිසි රැස්වීමක් කැඳවීමය. එහිදී පක්ෂයට ස්ථීර සභාපතිවරයෙකු පත්කර ගනිමින් උද්ගත වී ඇති තත්වය පිළිබඳ එකී රැස්වීමේදී සාකච්ඡා කර සුදුසු තීන්දු තීරණ ගැනීමය.
එහෙත් ඔබ එය මගහැර අනීතික හා ව්‍යවස්ථා විරෝධී වෙනත් කාර්යයක් සිදුකර ඇත. මෙවන් බරලතල ප්‍රතිපත්තිමය තීන්දුවක් ගැනීමට මධ්‍යම කාරක සභාවට ව්‍යවස්ථානුකූලව කිසිදු බලයක් නැත. එය වඩාත් බරපතල වන්නේ අවුරුදු 70 කට ආසන්න ගෞරවනීය ඉතිහාසයක් හිමි අපේ පක්ෂය එදා මෙදා තුර කිසියම්ම මැතිවරණයකදී පක්ෂයේ අපේක්ෂකයෙකු ඉදිරිපත් නොකර මුලුමනින්ම වෙනත් පක්ෂයක අපේක්ෂකයෙකු දිනවීමට තීරණය කළ එකම අවස්ථාව හෙයිනි.
දයාසිරිගේ දෙපිටකාට්ටු වැඩ!
පිටට පෙනෙන්නට මෙලෙස කටයුතු කරන ඔබ මධ්‍යම කාරක සභාවේ හෝ කිසිවෙකුගේ අනුමැතියක් නොමැතිව ජනාධිපතිවරණය වෙනුවෙන් ශ්‍රී ලංකා නිදහස් පක්ෂය 2019-10-06 දින ඇප මුදල් තැන්පත් කරන බවත්, ඒ සඳහා පහසුකම් සපයන ලෙසත් දන්වමින් 2019-10-04 දිනැතිව මැතිවරණ කොමිෂන් සභාවේ සභාපතිතුමන් වෙත ලිඛිතව දැනුම්දීමක් කරයි.
(මෙම ලිපියෙහි සහතික කළ පිටපතක් මා සතුව ඇත. තොරතුරු දැනගැනීමේ පනත යටතේ ඉල්ලීමක් කිරීමෙන් අවශ්‍ය අයෙකුට මැතිවරණ කොමිෂන් සභාවෙන් එහි පිටපතක් ලබාගත හැකිය)
මෙවන් දෙපිටකාට්ටු වැඩ පක්ෂ ලේකම්වරයෙකුට තරම් නොවේ. මෙලෙස ඇප මුදල් තැන්පත් කිරීමෙන් ඔබ බලාපොරොත්තුව සිට ඇත්තේ අවසන් මොහොතේ පක්ෂයේ ජනාධිපති අපේක්ෂකයා ලෙස හොර රහසේම ඔබ ඉදිරිපත් වීමට බව මට සිතෙයි.
කෙසේ වෙතත් පක්ෂයේ මධ්‍යම කාරක සභාවද නොදැන මෙවැන්නක් කිරීම බරපතල ලෙස පක්ෂ විනය උල්ලංඝනය කිරීමකි. අවශ්‍ය නම් ඒ පිළිබඳව අධිකරණ ක්‍රියාමාර්ග ගැනීමට පවා පාක්ෂිකයිනට ඉඩ කඩ ඇති බවද මගේ අදහසයි.
පක්ෂයේ තීන්දු තීරණවලට එරෙහිව ප්‍රසිද්ධියේම ඉතා දැඩි ලෙස පක්ෂයේ සභාපතිවරයාත් පක්ෂයත් විවේචනය කරමින් වෙනත් පක්ෂයක් ප්‍රවර්ධනය කරන පක්ෂයේ පාර්ලිමේන්තු මන්ත්‍රීවරුන් පිරිසකට එරෙහිව අඩු තරමින් නිදහසට කරුණු විමසීමක්වත් නොකරන ඔබට ගම්මට්ටමින් පක්ෂය රැකගන්නා සංවිධායකවරුන් සහ පළාත්පාලන නියෝජිතයින් ඔවුන් නොදන්නා තීන්දුවක් ගැන චෝදනා කරමින් දඬුකඳේ ගැසීමට ඇති අයිතිය කුමක්ද?
දයාසිරිට ජී.එල්.ගෙන් රහස් උපදෙස් !
ඔබ මේ සිදුකරන්නේ ඔබගේ දේශපාලන ගුරුවරයා වූ පොහොට්ටු පක්ෂයේ සභාපති ජී.එල්. පීරිස් මහතාගේ රහස්‍ය උපදෙස් අනුව ශ්‍රී ලංකා නිදහස් පක්ෂය වල දැමීමේ කාර්යයද?
වසරක පමණ වන ඔබගේ සේවාකාලය තුළ මේ වන විටත්, ඔබ අවස්ථා කිහිපයකදීම පක්ෂ මූලස්ථානයේ සේවකයිනට කුණුහරුපයෙන් බැන වැදී ඇති බවද දැනගතිමි. එය ලේකම්වරයෙකුට තරම් වන්නේ දැයි ඔබම සිතා බැලීම වටියි. වසර 40 වන මා දන්නා මූලස්ථාන ඉතිහාසය තුළ ලේකම්වරයෙකු තියා මූලස්ථානයේ සුළු සේවකයෙකුවත් එලෙස හැසිරී ඇති බවක් මම අසා නැත්තෙමි.
පරාජය මැදින් සභාපති පුටුවට!
ඉදිරි මහමැතිවරණයෙන්ද පක්ෂයට අන්ත පරාජයක් ලබාදෙමින් ඔබ කුරුණෑගල දිස්ත්‍රික්කයෙන් ජයග්‍රහණය කරමින් පරාජයේ වගකීම පක්ෂයේ සභාපතිවරයා මත පටවා පාක්ෂිකයින් රවටා පක්ෂයේ සභාපති පදවිය ඩැහැගැනීම ඔබගේ අරමුණ වී ඇති බවක්ද කණින් කොණින් අසන්නට ලැබිනි.
ඔබ නව සංවිධායකවරුන් සමග කතාබහේදී පක්ෂයේ සභාපතිවරයා උපහාසයට ලක්කරමින් පක්ෂය නැවත ගොඩනැගීමට නම් සෘජු තීන්දු තීරණ ගතහැකි ජවසම්පන්න නව තරුණ නායකත්වයක් ඊට අවශ්‍ය බවටද මතයක් ගොනගමින් සිටී.
ඔබ කෙසේ සැලසුම් කළත්, 2001 දී පක්ෂයේ රජය පරාජය කරමින් ජී.එල්. පීරිස් මහතා ප්රමුඛ කණ්ඩායම් සමග එජාපයට එකතුවී 2001 දෙසැම්බර් 05 පැවති මහමැතිවරණයෙන් එජාපයෙන් පාර්ලිමේන්තුවට පැමිණි ඔබ හම්බන්තොට වරායේ ගල පිළිබඳ පැවසූ දේ පාක්ෂිකයින්ට අමතක නැත.
ඉන්පසු 2012 දී බැසිල් රාජපක්ෂ මහතා සමග ගිවිසුම් ගතවී ඔබ ආපසු ශ්‍රී ලංකා නිදහස් පක්ෂයට පැමිණියේ පක්ෂය වෙනුවෙන් දරදිය අදින ලද පාක්ෂිකයින් කපා දමා වයඹ මහ ඇමතිකම ලබා ගැනීම මිස පක්ෂයට ආදරයකින් නොවන බවද සියල්ලෝම දනිති.
කුප්‍රකට මහබැංකු මංකොල්ලයට අදාල සමාගමෙන් රුපියල් ලක්ෂ ගණනක විශාල මුදලක් ලබාගත් බව ප්‍රසිද්ධියේ පිළිගත් ඔබට හිමිවිය යුත්තේ පක්ෂයේ නායකත්වය නොව හිරගෙදරය.
ඔබට වඩා ප්‍රබල කුමන්ත්‍රණකරුවන් පක්ෂය වනසා දැමීමට මීට වඩා මහා පරිමාණයෙන් කුමන්ත්‍රණ කළද කිසිවකින් අපේ ආදරණීය පක්ෂය වනසා දැමීමට කිසිවෙකුට නොහැකිවූ බව ඔබට අවධාරණය කරමි.
එමෙන්ම පක්ෂය වෙනුවෙන් කැපවූ සංවිධායකවරුන් ඉවත් කරමින් ගම් මට්ටමින් පක්ෂය රැකගත් පළාත් පාලන නියෝජිතයින් පක්ෂයෙන් නෙරපා හරිමින් පක්ෂය වැනසීමට ඔබ ක්‍රියාත්මක කරන වැඩ පිළිවෙල වහාම නතර කරන ලෙස අවසන් වශයෙන් ඉතා කාරුණිකව ඉල්ලමි.
මොන්ටේගු සරත්චන්ද්‍ර
ශ්‍රීලනිප විධායක කමිටු සභික
