කොළඹ සුගතදාස ගෘහස්‌ථ ක්‍රීඩාංගණයේදී ඊයේ (2 දා) ඒකාබද්ධ පොදුජන පෙරමුණේ පළාත් පාලන අපේක්‍ෂකයන්ගේ සහභාගිත්වයෙන් පැවැති සමාරම්භාභිෂේක උත්සවයේදී හිටපු ජනාධිපති මහින්ද රාජපක්ෂ මහතා ගේ ප්‍රධානත්වයෙන් පිළිගන්වනු ලැබු පක්ෂයේ මහජන සම්මුතිය
Published on: Jan 01, 2018 – මහ බැංකු බැඳුම්කර වංචාව පිළිබඳව පරීක්‍ෂණය කරන ලද ජනාධිපති කොමිසමේ වාර්තාව ජනාධිපති මෛත්‍රීපාල සිරිසේන මහතාට භාරදිමත් සමගම එක්සත් ජාතික පක්ෂයේ අභ්‍යන්තර අර්බුදය උග්‍ර වි ඇති බව අප දේශපාලන වාර්තාකරු අනාවරණය කලා.
බැදුම්කර කොමිසමේ ඉදිරි නීතිමය කටයුතු ගැන සාකච්චා පැවැත්වීම සදහා ජනාධිපතිවරයා විසින් නීතිපතිවරයාට හදිසි කැදවිමක් කිරිමත් සමග මෙම තත්ත්වය උග්‍ර වි තිබේ.
අමතරව අතර අදාළ වාර්තාව හරහා හොරකම සදහා සම්බන්ධ වු පුද්ගලයන් පිළිබඳව වාර්තාව් බාරදුන් අවස්ථාවේදි කොමිසමේ සභාපති විනිසුරුවන් සමග පැය ගණනක් සාකච්ඡා කර ජනාධිපතිවරයා විසින් වෙනම එම කරුණු සටහන් කරගෙන ඇති අතර එම කරුණු සම්බන්ධයෙන් ජනාධිපතිවරයා පෞද්ගලිකවම සිය අවධානය යොමු කරන බවද සදහන් කර තිබේ.
මේ අතර අප 2017 නොවැම්බර් 18 වැනිදා අනාවරණය කල පරිදි මහ බැංකු බැඳුම්කර වංචාව පිළිබඳව විමර්ශන වාර්තාව භාරදිමත් සමගම ඇතිව තිබේන දේශපාලන ව්‍යාකූල තාව සහ ජනතා අප්‍රසාදය මගහැරිම සදහා අර්ජුන් ඇලෝසියස් අත්තඩංගුවට ගැනිමට සුදානමක් ඇති අතර ඊට අමතරව අගමැතිවරයාගේ ගජයා වන හිටපු මහ බැංකු අධිපති අර්ජුන් මහේන්ද්‍රන් ද අත්තඩංගුවට ගැනිමට සුදානමක් ඇති බවයි වාර්තා වන්නේ.
ඒ අනුව පෙබරවාරි 10 වැනිද පැවැත්විමට නියමිත පළාත් පාළන මැතිවරණයට පෙර මේ දෙදෙනා අත්තඩංගුවට ගැනිමට කටයුතු කරනු ඇති බවයි මේ වනවිට අනාවරණය වි ඇත්තේ.
නීතිපතිවරයාගේ නිර්දේශ මත බැදුම්කර කොමිසම හමුවේ අනාවරණය වු දුරකතන සංවාද සහ අනිකුත් මුල්‍ය අක්‍රමිකතා සම්බන්ධයෙන් අපරාධ පරීක්ෂණ දෙපාර්තමේන්තුව විසින් ඉදිරිපත් කරන ලද විශ්ලේෂණ වාර්තාවක් මගින් බැඳුම්කර කොමිසමට වාර්තා කර අවසන් කර ඇති අතර මේ සියළු කරුණු පරික්ෂා කිරීමෙන් අන්තුරුව අර්ජුන් ඇලෝසියස් සහ අර්ජුන් මහේන්ද්‍ර අත්තඩංගුවට ගැනීමට බොහෝ දුරට ඉඩකඩ ඇතැයි අප ආරක්ෂක තොරතුරු වාර්තාකරු අනාවරණය කළේ.
මහබැංකු බැඳුම්කර ගනුදෙනුව සෙවීම සඳහා පත් කළ ජනාධිපති විමර්ශන කොමිසමේ වාර්තාව ජනාධිපති මෛත්‍රීපාල සිරිසේන මහතාට භාර දෙන බව එම කොමිසමේ ලේකම් සුමතිපාල උඩුගමසූරිය අනවරණය කර අදාළ වාර්තාව දෙසැම්බර් 31 වනවිට බාර දෙන බවට කලින් සදහන් කලද පසුව එය දින නියමයක් නොමැතිව කල් දැමිමේ උත්සහයක් ඇති බවට වෙබ් අඩවි හරහා වාර්තා පලවිමත් සමග අද හෝ හෙට අදාළ වාර්තාව මාධ්‍ය සංදර්ශණයක් පවත්වමින් භාර විමට නියමිත බවයි අප දේශපාලන වාර්තාකරු අනාවරණය කළේ.
ඒ අනුව හදිසියේම කොමිසමේ ලේකම් සුමතිපාල උඩුගමසූරිය සදහන් කර ඇත්තේ සියලු සාක්ෂි කැඳවා සටහන් කිරීමෙන් අනතුරුව එහි වාර්තාව සකස් කිරීම ආරම්භ කළ බවත් මුද්‍රණ දෝෂ පැවැතිය ද වාර්තාව ලබන (31) භාර දෙන බවයි.
මහබැංකු බැඳුම්කර ගනුදෙනුව පිළිබඳ සොයා බැලීම සඳහා ජනාධිපති මෛත්‍රීපාල සිරිසේන විසින් මේ වසරේ ජනවාරි 27 වෙනි දින මෙම කොමිසම පත් කරනු ලැබිය. එම කොමිසම මාස තුනක් සඳහා පත් කළ අතර එහි කාලය අප්‍රේල් 27දා අවසන් විය. නමුත් තවදුරටත් සාක්ෂි විමසීම සඳහා එම කොමිසමේ කාලය තවත් මාස 03කින් දීර්ඝ කිරීමට ජනාධිපතිවරයා පියවර ගත්තේය. එය ද ඉකුත් 08දා අවසන් වීමට තිබූ අතර එහි කාලය නැවත දෙසැම්බර් 31වෙනිදා දක්වා දීර්ඝ කිරීමට ජනාධිපති මෛත්‍රීපාල සිරිසේන විසින් කටයුතු කළේය.
කෙසේවෙතත් අප දේශපාලන වාර්තාකරු සදහන් කළේ අදාළ වාර්තාව හරහා බැදුම්කර විකිණීම සදහා කෙලින්ම වගකිවයුතු අග්‍රාමාත්‍ය රනිල් වික්‍රමසිංහ මහතාට චොදන එල්ල වි නැති බවත් අදාළ වාර්තාව හරහා බැඳුම්කර අලෙවියෙන් රජයට පාඩුවක් වුනා යැයි නිගමනයක්ද කර නොමැති කර නොමැති බවයි.
මුල්‍ය වංචාව සිදුවන සමයේ සිටි මහ බැංකු අධිපති අර්ජුන් මහේන්ද්‍රන් සහ ඔහුගෙ බැණා හෙවත් පර්පෙචුවල් ට්‍රෙෂරීස් සමාගමේ හිමිකාර අර්ජුන් ඇලෝසියස් ට මෙන්ම එජාපයේ සජිත් පිළේ දැඩි දෝෂදර්ශනයට ලක්වන හිටපු මුදල් අමාත්‍ය රවී කරුණානායක අතර පැවැති සබඳතාව අනාවරණය කර ඇති අතර ඒ සදහා නෛතික ක්‍රියාමාර්ග ගැනිම සදහා පමණක් බ්ලපැම් කර තිබේන බවයි අනාවරණය වි ඇත්තේ.
පළාත් පාලන මැතිවරණයේදී ශ්‍රි ලංක නිදහස් පක්ෂයේ පොදු හතුරා ලෙස මෛත්‍රී පිළෙ බහුතරයක් හදුන්වන එක්සත් ජාතික පක්ෂය බිම්මට්ටමේදි අපහසුතාවයට පත්කිරිම සදහා උපක්‍රමශීලීව ජනාධිපතිගේ බැඳුම්කර කොමිසමේ වාර්තාව යොදවා ගැනිමේ උත්සහයක් ඇති බවයි අප දේශපාලන වාර්තාකරු අනාවරණය කළේ. ඊට අමතරව එම වාර්තාව පෙන්වවමින් පසුගිය රාජපක්ෂ සමයේ සිදුවු බැදුම්කර වංචා වන පිළිබඳව ගම්මට්ටමේ ජනතාව අතර විවිධ කතා පතුරු විමට ශ්‍රිලනිප මෛත්‍රී පිළ මෙහෙයුමක් දැනටම ක්‍රියාත්ම කරමින් සිටින බවටද තොරතුරු අනාවරණය වි තිබේ.
මා අද ලියන්න සිටියේ ගණනාථ ද නාථ ද කියා. ගණනාථ කියන්නේ අනුකාරකයන්ගේ සේකරට, ඔබේසේකරට මිස මගේසේකරට නො වේ. මගේ සේකර බුදුහාමුදුරුවන්. නාථ කියන්නේ මතු බුදු වන නාථ දෙවියන්. මාතෘකාවෙන් අදහස් කෙරෙන්නේ ගණනාථ නාථ සමග කිසිසේත් ම සම කිරීමක් නො වෙයි. ගණනාථ ප්‍රින්ස්ටන් විශ්වවිද්‍යාලයේ මහාචාර්ය ධුරයක් දැරූ ව්‍යාජ බටහිර බුද්ධිමතෙක්. බටහිර බුද්ධිමතකු වීමට නම් වියුක්ත සංකල්ප, ප්‍රවාද නිර්මාණය කරන්න ඕන. අපි පසුව ඒ ගැන කතා කරමු. ගණනාථත් යෙදී ඉන්නේ වක්‍ර ව වුවත් සිංහල බෞද්ධ විරෝධී දේශපාලනයක නමුත් සෘජු දේශපාලනයට ඉඩ දී ඔහුට මේ ලිපියෙන් ඉවත් වෙන්න වෙනවා. ඒ වෙනත් දෙදෙනකු ඉවත් කිරීම වඩා වැදගත් නිසා.
අදවත් රනිල් අගමැති ධුරයෙන් ඉවත් කරන්න ඕන. ඒ එක්කම චන්ද්‍රිකා ශ්‍රී ල නි පක්ෂයෙන් ඉවත් කරන්නත් ඕන. රනිල් අගමැති ධුරයෙන් ඉවත් කරන්න කියලා මා කියන්නෙ ඔහු අගමැති වෙච්ච අලුත ඉඳන්. එහෙත් එදා කිසිවකු ඒ ගණනකට ගත්තේ නැහැ. එය කළ නොහැකි වැඩක් ලෙස සියල්ලන් ම වගේ හිතුව. එය කිරීමට ආණ්ඩුක්‍රම ව්‍යවස්ථාවේ ප්‍රතිපාදන ඇති බව මා පෙන්වා දුන්නත් නීතිඥයකු නොවූ මගේ මතය කිසිවකු පිළිගත්තේ නැහැ. එහෙත් අද වන විට බොහෝ දෙනාට රනිල් අගමැති ධුරයෙන් ඉවත් කිරීම ගැන හිතන්න වෙලා.
අනූවේ දශකයේ මුල එංගලන්තයට පැන ගොස් සිටි චන්ද්‍රිකා ගෙන්වා ගැනීමට සමහරකුට අවශ්‍ය වුණා. ඒ අය ශ්‍රී ල නි පක්ෂයේ සිටි හෝ පක්ෂයට හිතවත් යැයි කී හෝ ව්‍යාජ සමාජවාදීන්. ඔවුන් අතර වික්ටර් අයිවන්, රාජිත සේනාරත්න, රෙජිනෝල්ඩ් කුරේ ආදීන් සිටියා. ඔවුන්ගෙන් සමහරු අද මෛත්‍රිපාල කල්ලියේ නැහැ. ප්‍රමිතිකරණය යනු කුමක් දැයි නොදැන ප්‍රමිතිකරණය ගැන අයිවන් වරක් කතා කෙළේ බොහෝ අනුකාරක පුස්සන් මෙන්. තමන් කතාකරන වචනවල තේරුම් ඔවුන් දන්නේ නැහැ. මා හිතන්නේ නැහැ මහින්දට නම් චන්ද්‍රිකා ගෙන්වා ගැනීමේ වුවමනාවක් තිබුණා කියා. ඒ බව හොඳින්ම දන්නේ චන්ද්‍රිකා. ආනයනය කරනු ලැබූ චන්ද්‍රිකා සිංහල බෞද්ධ විරෝධී දේශපාලනයක නිරත වුණා. ඇයටත් ඇගේ අනුග්‍රහකයන්ටත් එ ජා පක්ෂයේ දුර්දාන්ත පාලනය වාසියක් වුණා. ජනතාවට අවශ්‍ය වී තිබුණේ එ ජා ප ආණ්ඩුව පරාජය කිරීම.
එහෙත් අප දැන සිටියා චන්ද්‍රිකාගේ හා ඇගේ අනුග්‍රාහකයන්ගේ අවශ්‍යතාව එ ජා පක්ෂය පරාජය කිරීම පමණක් නොවන බව. ඔවුන්ට අවශ්‍ය වූයේ දෙමළ ජාතිවාදයට සන්ධීය රාජ්‍යයක් ලබා දීමයි. ඒ බව දැන චින්තන පර්ෂදයේ අප ඇයට විරුද්ධ වුණා. ඒ වන විට සෝභිත හාමුදුරුවන් චින්තන පර්ෂදයේ සභාපති හාමුදුරුවන් නො වෙයි. සභාපති හාමුදුරුවන් වූයේ බෙංගමුවේ නාලක හිමිපාණන් වහන්සේ . චන්ද්‍රිකා ජනාධිපති වුවොත් දෙමළ ජාතිවාදය ජයග්‍රහණය කරන බව අප දැන සිටියා. මාත් ඇගේ ආගමනයට විරුද්ධව 1994 මැතිවරණයේ දී ම එ පෙරමුණෙන් කළුතර දිස්ත්‍රික්කයට තරග කළේ දිස්ත්‍රික්ක නායකත්වය දරමින්. එහෙත් ජනතාව අප ප්‍රතික්‍ෂෙප කළා. මට දිස්ත්‍රික්කයෙන් ම මනාප පන්දාහක්වත් ලැබණේ නැහැ. ම එ පෙරමුණෙන් තරග කළ අන් සියල්ලන්ට ම ලැබුණේ එයට අඩු මනාප.
අප කී දේ සනාථ කරමින් චන්ද්‍රිකා පැකේජය ගෙනාවා. ජී එල් පීරිස්, චම්පක හා රතන හිමියන්ගේ ආධාරය ලැබූ මංගල සමරවිර ආදීන් සුදු නෙළුම් අරගෙන ගියා. අද නෙළුම් පොහොට්ටුව අරගෙන යන බොහෝ දෙනා එදා සුදු නෙළුම් අරන් ගියා. මා හිතන්නේ දේශපාලනයේ දී මූලික වශයෙන් එකම දේ හැමදාම කියන අයට තැනක් නැහැ. ජනමාධ්‍යවේදීන් තැන ලබා දෙන්නේත් එක් එක් කාලයට විවිධ දේ කියන අයට. අවුරුදු තිහක් තිස්සේ මූලික වශයෙන් දේශපාලනයේ දී එකම දේ කීම කාගේවත් අවධානයට යොමු වන දෙයක් නො වෙයි. කෙසේ නමුත් දේශප්‍රේමි භික්‍ෂු පෙරමුණ, රුහුණු රට භික්‍ෂු පෙරමුණ හා චින්තන පර්ෂදය එක් වී පැකේජයට විරුද්ධව කතරගමට පා ගමන් රිය ගමන් පමණක් නොව මුහුදු ගමන් ද ගියා. පැකේජය පැරදුණා. එය පරාජය කෙළේ අප යැයි කීමට තරම් මා උද්ධච්ඡ නැහැ.
චන්ද්‍රිකා අදත් සිංහල බෞද්ධ විරෝධී. එහෙත් ඇය එය විවිධ ආකාරයෙන් කියනවා, කරනවා. අපත් ඇයත් අතර වෙනස එයයි. එදා ඇය රනිල් විරෝධියෙක්. අද ඇය රනිල් වෙනුවෙන් පෙනී සිටිනවා. කුඩා කළ ඇය රනිල් සමග එකම නැටුම් පන්තියේ ඉගෙන තියෙනවා. ඇය නටන නැටුම කුමක් දැයි රනිල් දන්නවා. ඔවුන් දෙදෙනා ම නටන්නේ එක ම නැටුම. ඒ් සිංහල බෞද්ධ විරෝධී නැටුමක්. ඇයට කිසිම ජන බලයක් නැහැ. ඇය බණ්ඩාරනායක ප්‍රතිපත්තිවලට විරුද්ධයි. ඇය තම දෙමව්පියන්ට බණිනවා. සිංහලය රාජ්‍ය භාෂාව කිරීමට ඇය විරුද්ධයි. එහෙත් අවුරුද්දකට වතාවක් හොරගොල්ලට ගොස් මල්වඩමක් තියෙනවා. ඇය ශ්‍රි ල නි පක්ෂයේ අනුශාසිකාවක් වන්නේ කෙසේ ද?
ඇය අද කියන්නේ ශ්‍රී ල නි ප හා එ ජා පෙරමුණ අතර ඇති නීති විරෝධි ගිවිසුම තවත් අවුරුද්දකින් දීර්ඝ කරන්න කියා. ඒ ගිවිසුම නීති විරෝධී වන්නේ අද පාර්ලිමේන්තුවේ ශ්‍රී ල නි පක්‍ෂයක් නැති නිසා. ඇය මේ කියන්නේ තව අවුරුද්දක් කල් දාගෙන තම පැකේජය ක්‍රියත්මක කරන්න කියා. ඒ පැකේජය අද එන්නේ රනිල් සුමන්තිරන් ජයම්පති ලාල් විජේනායක ව්‍යවස්ථාව ලෙස. මේ ව්‍යවස්ථාව මහා සඟ රුවන විසින් ප්‍රතික්‍ෂෙප කෙරී තිබෙනවා. පිලිපීනයෙන් මැග්සේසේ ත්‍යාගය ලැබූ අමරදේව වරක් ඇසුවේ මහ සඟ ගණ කර තිබෙන්නේ කුමක් ද කියා. අමරදේවගේ ගී මුළුමනින් ම මෙන් ඇසුවේ සිංහලයන්. එහෙත් ඔහු සේවය කෙළේ වෙනත් අයට. බොහෝ දෙනා කරන්නේ සිංහලකම, සිංහල බෞද්ධකම තම පැවැත්ම සඳහා අළෙවි කිරීම පමණයි. කොහොමටත් චන්ද්‍රිකාට අවශ්‍ය ඇගේ නැටුම් පන්තියේ සිටි රනිල් ව දුරටත් බලයේ තබා ගෙන සිංහල විරෝධී ව්‍යවස්ථාව සම්මත කර ගැනීමට.
අද කළ යුත්තේ රනිල් බලයේ තබා ගැනීම නොව ඔහු අගමැති ධුරයෙන් ඉවත් කිරීමයි. එය කළ හැක්කේ මෛත්‍රිපාලට පමණයි. මෛත්‍රිපාලට හා ඔහුගේ කණාඩායමට ආණ්ඩුවෙන් කැඩෙන ලෙසට මහින්ද කරන ඉල්ලීම වැරදියි. මේ මහින්ද කරන පළමු වැරුද්ද නො වෙයි. මේ පළාත් පාලන ආයතන මැතිවූරණය ජනමත විචාරණයකුත් නො වෙයි. මෛත්‍රිපාල කණ්ඩායම එදා රනිල් අගමැති කර ඔහුගේ ආණ්ඩුවට එකතු වීම වැරදි වගේ ම අද ආණ්ඩුවෙන් කැඩීමත් වැරදියි. අද ඔවුන් ආණ්ඩුවෙන් කැඩුණොත් රනිල් වැඩබලන ජනාධිපති වෙනවා. මහින්දට අවශ්‍ය රනිල් වැඩ බලන ජනාධිපති කරන්න ද? අප එදා කීවේත් අද කියන්නේත් රනිල් අගමැති ධුරයෙන් ඉවත් කරන්න කියා. ඒ සඳහා අප කොන්දේසි කිහිපයක් මේ ලිපිවලින් ඉදිරිපත් කර ඇති. එහෙත් ඒ ලිපිවලට ජනමාධ්‍ය පඬියන් ප්‍රචාරයක් ලබා දෙන්නේ නැහැ. ඒ කොන්දේසි මත මෛත්‍රිපාල රනිල් අගමැති ධුරයෙන් ඉවත් කර ඒකාබද්ධ විපක්ෂයේ ඔහුට විශ්වාස අයකු අගමැති කර ආණ්ඩුවක් පිහිටුවිය යුතුයි. ඒ හැරෙන්නට අද ක්‍ෂණික ව විකල්පයක් නැහැ. එය නොකළහොත් රට අවුරුදු විසිපහකට පස්සට යනවා. නන්දිකඩාල් ජයග්‍රහණය ආපස්සට යනවා.
______________________
වෙබ් අඩවියේ සංස්කාරකවරු
2017-12-28
ආණ්ඩුකාර රෝහිත බෝගොල්ලාගමගේ ආණ්ඩුකාර බිරිඳ වන දීප්ති බෝගොල්ලාගම මුතූර් ප්‍රාදේශීය ලේකම් කොට්ඨාශයේ, කුනිතීවූ ග්‍රාම නිලධාරි වසමේ, සූඩෙයිකුඩා ගමේ මද්දලමලෙයි කන්දේ පවත්වාගෙන යන ස්කන්ධකුමාර කෝවිල් භූමියට බලහත්කාරයෙන් ඇතුල් වි හින්දු බැතිමතුන් පිරිසකට බැනවැදී තර්ජනය කර පොළොවේ ඇඳ තිබූ “කෝලම්” නමින් හැඳින්වෙන හාල්පිටියෙන් අඳින ලද දෙමළ සාම්ප්‍රදායානුකූල බිම් සැරසිල්ලක් පාවහන් සහිත පයින් පාගා දමා තිබේ.
කෝලම් චිත්‍රය වටකොට සිටි කාන්තාවන් “මුරුගා, කාලි අම්මා” යි හඬ නගද්දී, එතනට පැමිණි ආණ්ඩුකාර බිරිය “තමුසෙලා ඔක්කොමල්ලාට දෙනවා වැඩේ” යයි ඇඟිල්ල දිගු කරමින් බහුතරයක් කාන්තාවන්ගෙන් සැදුම්ලත් බැතිමතුන්ට තරජනය කරන ආකාරය ගගන වාර්තාකරු විඩියෝ කිරිමට සමත්ව තිබේ.
ඇය සමග ආ පොලිස් නිලධාරිනියන් ද පාවහන් ගලවා සිටිනු එම රූප රාමුවල දැක ගත හැකි අතර දීප්ති බෝගොල්ලාගමගේ උද්දච්ච කම හේතුවෙන් ඇය ඒ අකාරයට හැසිරි ඇති අතර දීප්ති බෝගොල්ලාගම එම ස්ථානයෙන් ඉවත් කරගන්නා ලෙස කෝපයට පත් කාන්තාවන් කෑගැසීමෙන් අනතුරුව පොලිස් නිලධාරීන් සහ නිලධාරිනියන් ඇය කැඳවාගෙන ගොස් තිබේ.
ආණ්ඩුකාර රෝහිත බෝගොල්ලාගම එහි ගොස් සිටියේ අලුතින් කණිනු ලැබූ ළිඳක් පිහිටි භූමිය පෞරාණික චෛත්‍යයක් ඉදිකර තිබූ ස්ථානයක් බව පවසමින් එම වැඩ කටයුතු නවතා ලන ලෙස සේරුවිල සිට පැමිණි භික්ෂුන් වහන්සේ දෙනමක් පසුගිය සතියේ කෝවිල් පාලනාධිකාරියට බල කිරීම නිසා දායකයන් අතර හටගත් නොසන්සුන්තාවය පිළිබඳව විමසා බැලීමටය.ජලය ලබා ගැනීම කෝවිලට මීටර සියයක් පමණ දුරින් ළිඳ කණින ලද්දේ මුතූර් ප්‍රාදේශීය සභාවේ ආධාරයද ඇතිව බව කෝවිල් පාලනාධිකාරිය පවසයි.
අදාළ ස්ථානය මිනුම් කටයුතු කර මායිම් සලකුණු කිරීමටත් සිව් වසරකට පෙර ඉදිකරන ලද මෙම හින්දු කෝවිලේ ලියාපදිංචිය පිළිබඳව විභාග කරන ලෙස ආණ්ඩුකාර රෝහිත බෝගොල්ලාගම තමන් සමග ගොස් සිටි ත්‍රිකුණාමලය දිසාපති එන් ඒ ඒ පුෂ්පකුමාරට උපදෙස් දී තිබේ.
ස්කන්ධ, කාලි සහ බහිරව හින්දු දෙවි දේවතාවියන් වෙනුවෙන් මද්දලමලෙයි කන්දේ කලක් තිස්සේ පුද පූජා පවත්වන ලද බව පවසන රාසයියා පද්මනාදන් පූජකතුමා කියා සිටින්නේ තමන් ඒ වෙනුවෙන් කැපවුනු හත් වැනි පරම්පරාවට අයත් අයකු බවයි.
ජනවාරි 2 දා ආරම්භ කිරීමට නියමිත ඒකාබද්ධ පොදුජන පෙරමුණට නායකත්වය දීමට මහින්ද රාජපක්ෂ මහතා තීරණය කර තිබේ.
මහින්ද රාජපක්ෂ මහතා මේ වනතුරු ශ්‍රී ලංකා පොදුජන පෙරමුණේ (පොහොට්ටුව ) කිසිදු නිල තනතුරක් ලබා නොගත් අතර ශ්‍රී ලංකා නිදහස් පක්ෂයේ අනුසාශකවරයෙකු වශයෙන් සිටිමින් නිල නොවන මට්ටමින් එම පෙරමුණට සහයෝගය දැක්විමට කටයුතු කළා.
ඉදිරි පලාත් පාලන මැතිවරණයට නව ජවයක් ලබා දීම සදහාත් ශ්‍රී ලංකා පොදුජන පක්ෂයේ (පොහොට්ටුව) පාක්ෂිකයන්ගේ සැකය දුරුකිරීමත් සඳහාත් එළබෙන 2 වනදා සුගතදාස ගෘහස්ත ක්‍රීඩාංගනයේදී පැවැත්වෙන මහ සමුළුවේදී මෙම ප්‍රකාශය කිරීමටත් ශ්‍රී ලංකා නිදහස් පක්ෂයෙන් ඉවත්වීමටත් නව සන්ධානයේ නායකත්වය භාර ගැනීමටත් සැලසුම් කොට තිබේ.
ඒ අනුව මේ වනවිටත් පොදුජන එක්සත් පෙරමුණේ දැනට සිටින සියලු ලොකු කුඩා පක්ෂ සහ කොටස්ද සහභාගී කර ගනිමින් වඩාත් පුළුල් ජනතාවාදී දේශපාලන පෙරමුණක් ලෙස මෙම පෙරමුණ දියත් කිරීමට දැනටමත් අවශ්‍ය කටයුතු සකස් කර අවසන් බව පොදුජන එක්සත් පෙරමුණේ ඉහළ පෙලේ ආරංචිමාර්ග සදහන් කරයි.
මෙයට සමගාමීව රටපුරා ඉදිරි පලාත්පාලන මැතිවරණය වෙනුවෙන් ප්‍රධාන රැස්වීම් මාලාවක් මහින්ද රාජපක්ෂ මහතාගේ ප්‍රධානත්වයෙන් පැවැත්වීමටද සැලසුම් කර තිබේ.
පළාත් පාලන මැතිවරණය සදහා මහින්දගේ ඒකාබද්ධ විපක්ෂය සහ මෛත්‍රීපාල සිරිසේනගේ ශ්‍රී ලංකා නිදහස් පක්ෂය එකට එකතු කර ඒකාබද්ධ ශ්‍රී ලංකා පොදුජන පෙරමුණක් ලෙස තරග වැදිම සදහා යම් එකඟතාවක් ඇති වි තිබේන බව අප දේශපාලන වාර්තාකරු පසුගිය Nov 27,අනාවරණය කළා.
http://198.211.112.164/archives/16629
Published on: Dec 23, 2017 – මහ බැංකු බැඳුම්කර ජනාධිපති කොමිසමේ වාර්තාව දෙසැම්බර් 30 වැනිදා ජනාධිපතිවරයාට භාරදීමත් සමගම යම් දේශපාලන විපර්යාසයක් සිදුවිය හැකි බවට එක්සත් ජාතික පක්ෂයේ රනිල් පිළේ ප්‍රබලයන් අගමැති රනිල් වික්‍රමසිංහට අනතුරු අගවා ඇති බව අප දේශපාලන වාර්තාකරු අනාවරණය කළා. ඒ අනුව ඉතා ඉක්මනින් වෙනම ආණ්ඩුවක් පිහිටුවීම සඳහා අවශ්‍ය කටයුතු කරන ලෙස අගමැති රනිල් වික්‍රමසිංහ මහතාට බලපෑම් කරන බව එම පක්ෂ ආරංචි මාර්ග සඳහන් කලේ.
බැඳුම්කර ගනුදෙනුව පිළිබඳ සොයා බැලීම සඳහා පත් කළ ජනාධිපති කොමිෂන් සභාවේ වාර්තාව මේ මස 31 දාට පෙර ලබාදීමට කටයුතු කරන බව එහි ලේකම් සුමතිපාල උඩුගමසූරිය මහතා මේ වනවිට අනාවරණය කර තිබේ.
බැඳුම්කර කොමිසමේදී හෙළි දරව් වූ කරුණු හේතුවෙන් එක්සත් ජාතික පක්ෂයේ ප්‍රබලයින් පිරිසක් එහි චූදිතයින් බවට පත්වී ඇති නිසා තවදුරටත් ආණ්ඩුවේ සිටීම සුදුසු නොවන බව වත්මන් ආණ්ඩුවේ ඇමැති ධූර දරන ශ්‍රී ලංකා නිදහස් පක්ෂයේ ඇමැතිවරු අවස්ථා කිහිපයකදී ජනාධිපති මෛත්‍රීපාල සිරිසේන මහතාට දැනුම් දී තිබිණි. ඔවුන් පිරිසක් ආණ්ඩුවෙන් ඉවත් වීමට උත්සාහ ගත් අවස්ථාවේදී දෙසැම්බර් 31 වනදා තෙක් ඉවසීමෙන් සිටින්නැයි ජනාධිපතිවරයා ඉල්ලීමක් කර තිබිණි.
ඒ අනූව බැඳුම්කර කොමිසමේ වාර්තාව ජනාධිපතිවරයාට ලබා දීමෙන් පසුව එක්සත් ජාතික පක්ෂය සමග තවදුරටත් ආණ්ඩු කරන්නේද යන්න පිළිබඳව ජනාධිපති මෛත්‍රීපාල සිරිසේන මහතා තීරණයක් ගනු ඇතැයි ශ්‍රී ලංකා නිදහස් පක්ෂයේ ජ්‍යෙෂ්ඨයෙකු අනාවරණය කර තිබේ.
කෙසේවෙතත් වාර්තාව පිළිබඳව අධ්‍යයන කිරිමත් ඊට අදාළව අධිකරණ ක්‍රියාවලිය අවසන් වනතෙක් ජාතික ආණ්ඩුව වෙනස් කිරිමට අවශ්‍යතාවයක් නොමැති බව මෛත්‍රී ජනාධිපතිවරයා අග්‍රාමාත්‍යවරයා ඇතුලු එජාප ජ්‍යෙෂ්ඨයන්ට දැනුම් දි ඇති බවයි අප දේශපාලන වාර්තාකරු අනාවරණය කළේ.
Published on: Dec 22, 2017 – එක්සත් ජාතික පක්ෂ නායක රනිල් වික්‍රමසිංහ මහතා සමග සිදුකර ඇති තිරණාත්මක සාකච්ඡාවකට අනුව ඒකාබද්ධ විපක්ෂයේ පාර්ලිමේන්තු මන්ත්‍රී හිටපු අමාත්‍ය කෙහෙළිය රඹුක්වැල්ල එක්සත් ජාතික පක්ෂය සමග එක් විමේ තිරණයක් ගෙන ඇති බව අප දේශපාලන වාර්තාකරු අනාවරණය කළා.
කෙහෙළිය රඹුක්වැල්ල මහතා සමග තවත් ඒකාබද්ද මන්ත‍්‍රීවරයෙක් ආණ්ඩුවට එක් විමට සුදානමින් ඇති අතර ඊට අමතරව මහනුවර පළාත් සභා මන්ත්‍රිවරුන් කිහිප දෙනෙකුද එජාපයට එකතු විමට නියමිත බවයි වාර්තා වන්නේ.
එජාප ගමනෙන් පසුව කෙහෙළිය සදහා කැබිනට් අමාත්‍යධුරයක් ලබාදිමටද මෙ වනවිට කටයුතු සුදානම් කර තිබේ.
පසුගිය සැප්තැම්බර් මාසයේදිද කෙහෙළිය මන්ත්‍රීවරයා සිය මහගෙදර වු එක්සත් ජාතික පක්ෂයට එක්විමට සුදානමින් සිටියද අවසන් මොහොතේ නුවර දිස්ත්‍රික්කයේ එජාප ප්‍රබලයා වු ලක්ෂම් කිරිඇල්ලගේ ඡන්ද පදනමට සිදුවන හානිය සම්බන්ධයෙන් වු විරෝධය හේතුවෙන් කෙහෙළියගේ ආණ්ඩු ගමන එතනම නතර වුනා.
කෙසේවෙතත් මේ වනවිට ලක්ෂම්න් සහ කෙහෙළිය අතර ගැටුම සම්පූර්ණයෙන්ම විසදිමට අග්‍රාමාත්‍යවරයා සමත්ව ඇති අතර ලබන සතියේ අගමැති රනිල් මහනුවර සංචාරයක නියැලිමට සුදානමින් සිටින අතර එම සංචාරය අතරතුර කෙහෙළියගේ එජාප මාරුව සිදුවිමටද නියමිත බවයි වාර්තා වන්නේ.
Published on: Dec 21, 2017 – ඒකාබද්ධ විපක්ෂය නියෝජනය කරන රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතා ශ්‍රී ලංකා නිදහස් පක්ෂයට එක්වීමට තීරණය කොට ඇතැයි දේශපාලන ආරංචි මාර්ග සදහන් කරනවා.
ප්‍රේමලාල් ජයසේකර මන්ත්‍රීවරයා 2015 ජනාධිපතිවරණ සමයේදී සිදුවූ ඝාතනයකට අදාළව සැකපිට මාස ගණනාවක් බන්ධනගාරගතව සිටි අතර ඇප මත නිදහස ලබා ගැනීමෙන් අනතුරුව ඒකාබද්ධ විපක්ෂයේ ක්‍රියාකාරකම්වලට ඍජුවම සහභාගී නොවී පසුගිය කාලය පුර නිහඩ පිළිවෙතක් අනුගමනය කරමින් සිටි අයෙකි.
ශ්‍රී ලංකා නිදහස් පක්ෂයට සම්බන්ධවීම සදහා ප්‍රේමලාල් ජයසේකර මන්ත්‍රීවරයා කම්කරු අමාත්‍ය ඩබ් . ඩි .ජේ . සෙනවිරත්න මහතා සමග ජනාධිපති මෛත්‍රීපාල සිරිසේන මහතා මුණ ගැසීමට කිහිපවරක්ම ගොස් මේ සම්බන්ධයෙන් සාකච්ඡා කර තිබේ.
ඒ අනුව පාර්ලිමේන්තු මන්ත්‍රී ප්‍රේමලාල් ජයසේකර මහතා ඉදිරි පළාත් පාලන මැතිවරණයේදී නාම යෝජනා භාරදීමේ අවසන් දිනයේදී ශ්‍රී ලංකා නිදහස් පක්ෂයට එක්වීමට නියමිත බවද වාර්තා වේ.
Published on: Dec 20, 2017 – මෙය ඉතාම බරපතළ කාරණයකි. එසේම මෙරට ජාතික ආරක්ෂාව මෙන්ම රාජධූත සේවයේ සැබෑ සාන්ද්‍රණය හෙවත් හයිය කිරා මැන බැලෙන ප්‍රධාන කාරණා වලින් එකකි. එබැවින් මෙම මූලික කාරණයේ ඇති කාරණා ගැන විමසා බැලීම මෙන්ම ඒ සම්බන්ධයෙන් මතු වී ඇති කාරණා ඔස්සේ ඊට සම්බන්ධ විය හැකි යැයි සිතෙන මූලික කාරණා ගැන අනුමාන කරමින් විමසා බැලීම ඉතාම වැදගත් වේ. මෙය කිසිවකුගේ වාසියක් හෝ අවාසියක් උදෙසා ප්‍රසිද්ධ කරන කාරණයක් නොව, රටේ සාමන්‍යය ජනතාවගේ දැනගැනීම උදෙසා හෙළිදරව් කරන කාරණයකි. මන්ද; වත්මන් තත්වය තුළ අප රටක් ලෙස මුහුණ දෙමින් සිටින්නේ වෙනස්ම මාදිලියක අභියෝග වලටය.
මේ වසරේ මුල් භාගයේදී පුවත්පත් වාර්තා එක්තරා කාරණයක් ඉදිරිපත් කරමින් සඳහන් කරනු ලැබුවේ, වැලිගම පොලිසිය විසින් රුසියානු ජාතික කළු සල්ලි ජාවාරම් කරුවෙකු අත්අඩංගුවට ගත් බවයි. ඉන් පසු ඔහු ඇපමත නිදහස් කරනු ලැබූ බව වාර්තා විය. ඔහුගේ නම ෆරින් මනොකින් ලෙස සඳහන් කරනු ලැබූ පුවත් වාර්තා ඔහු රටින් පැනගොස් ඇති බව සඳහන් කරනු ලැබුවේ, මීට දින කිහිපයකට පෙරය. අදාළ අපරාධකරුගේ නම මෙන්ම පුවතේ මූලික කාරණා අපරාධ පර්යේෂණ දෙපාර්තමේන්තුවේ මූලාශ්‍ර ප්‍රයෝජනයට ගනිමින් ප්‍රසිද්ධ වූ දෑ ලෙස අනුමාන කළ හැකිවේ.
සමස්ථ සිදුවීමට අදාළ අතුරු සිදුවීම් වල කාලරාමුව වෙනස් වීමේ ඉඩක් තිබේ. මාර්තු මාසයේ අත්අඩංගුවට ගැනීමක් ගැන වාර්තා වුවද එය ඉන් මාස කිහිපයකට පසු සිදු වූවා විය හැකිය. නමුත් මෙම රුසියානු ජාතිකයා අත්අඩංගුවට ගැනීම තානාපති කාර්යාල අතර ගින්නක් මෙන් පැතිර ගියා පමණක් නොව, ඇතැම් තානාපති කාර්යාල මොහු තමන්ගේ රටට ලබා දෙන ලෙස වත්මන් ආණ්ඩුවට බල කරනු ලැබූ පුවත්පත් වාර්තා පවා ප්‍රසිද්ධ විය.
එනම්, අදාළ අත්අඩංගුවට ගැනීමේදී රුසියානු තානාපති කාර්යාලය පමණක් නොව අනෙකුත් තානාපති කාර්යාල ඉතාම කලබලයට පත්විය. ඔහු සම්බන්ධයෙන් ආණ්ඩුව යටතේ පාලනය වන ඩේලි නිව්ස් පුවත්පත පසුගිය සෙනසුරාදා දිනයේ වාර්තාවක් ප්‍රසිද්ධ කරමින් කොළඹ පිහිටි ඇමෙරිකානු තානාපති කාර්යාලයේ අදහස හෙළිදරව් කරනු ලැබීය.
එබැවින් මෙම කාරණය සම්බන්ධයෙන්, ඉදිරිපත් වන තොරතුරු එකිනෙකට ගැලපීම සහ ඒවා අතර තිබිය හැකි යැයි විශ්වාස කළ හැකි හෝ අනුමාන කළ හැකි සහ-සම්බන්ධය තේරුම් ගැනීම මෙන්ම ඒ ඔස්සේ රටේ වත්මන් තත්වය ගැන විමර්ශණය කිරීම අත්‍යවශ්‍යය කාරණයකි.
වැලිගමදී අත්අඩංගුවට ගනු ලැබූ පුද්ගලයා එක්තරා සිකුරාදා දිනයක අත්අඩංගුවට ගැනීමෙන් පසු සඳුදා දිනයේ ඇපමත නිදහස් කරනු ලැබීය. ඔහු වෙනුවෙන් ශ්‍රී ලංකා ආයෝජන මණ්ඩලයේ හිටපු සභාපති උපුල් ජයසූරිය මහතා සහ තවත් එක්තරා ජෙයිෂ්ඨ නීතීඥවරයෙකු පෙනී සිටියෝය.
මේ සම්බන්ධයෙන් නීතිඥ උපුල් ජයසූරිය මහතා සම්බන්ධ කරගෙන ඔහුගේ අදහස විමසීමට අප දැරූ උත්සාහය සාර්ථක වූයේ නැත.
කෙසේ නමුත්, මහාධිකරණයේදී ඇප ලබා ගැනීමෙන් පසු අධිකරණය මෙන්ම අනෙකුත් ආයතන ක්‍රමානුකූලව මඟ හැරීමට සමත්වන අදාළ පුද්ගලයා සති කිහිපයක් මෙරට පෞද්ගලික රෝහලක මෙන්ම ඉන් පසු එතරම් පිරිසක් නොගැවසෙන හෝටලයක නවාතැන් ගෙන ඇත. රටින් පනිනතුරු සැඟවී සිටින ලෙසට ලබා දුන් උපදෙස් එලෙසම අනුගමනය කළ හෙතම අදාළ මොහොත පැමිණෙන තෙක් බලා සිටඇත.
මේ අතර අදාළ පුද්ගලයා සම්බන්ධයෙන් තොරතුරු දැනගත් මෙරට පිහිටි ඇමෙරිකානු තානාපති කාර්යාලය අදාළ පුද්ගලයා තමන්ට භාරදෙන මෙන් ඉල්ලා තිබේ. ඒ දෙරට අතර අත්සන් තබා ඇති උදර්පණ පනතේ කරුණු ප්‍රකාරවය. විශ්වාසදායක ආරංචිමාර්ග සඳහන් කරන අන්දමට, ඇමෙරිකානු තානාපති කාර්යාලය අවස්ථා ගණනාවකදී අදාළ රුසියානු ජාතිකයා තමන්ට ලබා දෙන ලෙස ඉල්ලා ඇත්තේ, ඔහු ඇමෙරිකානු භූමියේදී අපරාධ රාශියකට සම්බන්ධ වී ඇතිබව සඳහන් කරමිනි.
රුසියානු ඔත්තු සේවය වන GRU හී ප්‍රධානියා වන ලුතිනන් ජෙනරාල් ඉගොර් කොරෝබෝව්, රුසියානු සයිබර් අපරාධකරුවන් සමඟ ඉතා කිට්ටු සම්බන්ධතාවයක් පවත්වාගෙන යන බව පැවසේ.
අදාළ අපරාධකරු ෆෙඩරල් පර්යේෂණ කාර්යාංශයේ ( එෆ්.බී.අයි.) අවශ්‍යතා ලැයිස්තුවේ ( මොස්ට් වොන්ටඩ් ලිස්ට්) සිටින ප්‍රධාන පුද්ගලයෙකු බව, ඇමෙරිකානු තානාපති කාර්යලය මෙරට ඇතැම් බලධාරීන්ට දැනුම් දී ඇතිබව සඳහන් වේ. නමුත්, පොලිස් දෙපාර්තමේන්තුවට සම්බන්ධ මූලාශ්‍ර සඳහන් කරන පරිදි එවැනි කාරණයක් ඇමරිකානු තානාපති කාර්යාලය මෙරට ආරක්ෂක බලධාරීන්ට ඉදිරිපත් කොට නැති නමුත්, ඔහු එරට සිදු වූ මිනී මැරීම් කිහිපයකට සම්බන්ධ බව පමණක් සඳහන් කොට ඇත.
නමුත්, ඊට අමතරව විශේෂයෙන් වැදගත් වන කාරණයක් ඇමරිකානු තානාපති කාර්යාලයේ බලධාරීන් සඳහන් කොට ඇත්තේ අදාළ පුද්ගලයාගේ සැබෑ ස්වභාවය සහ ඔහුගේ කුසලතාවය සම්බන්ධයෙන් යම්කිසි ඉඟියක් ලබාගැනීමට ඉඩ ප්‍රස්ථා නිර්මාණය කරමිනි. එනම්, මෙම පුද්ගලයා 2016 නොවැම්බර් මාසයේ පැවති ඇමරිකානු ජනාධිපතිවරණය කඩාකප්පල් කිරීම සඳහා කටයුතු කළ ප්‍රධාන පුද්ගලයින්ගෙන් අයෙකු බවයි.
මෙම මූලික කාරණයට මෙරට අපරාධ පර්යේෂණ අංශවලින් සේම දේශපාලන බලධාරීන් විසින් එතරම් සැලකිල්ලක් දක්වා ඇති බවක් නොපෙනේ. එසේම, ඇමෙරිකානු තානාපති කාර්යාලය එක්කෝ මෙම පුද්ගලයාගේ සැබෑ තොරතුරු ගැන සර්ව සම්පූර්ණයෙන් දැනුවත් කොට නැත. එක්කෝ, ඇමෙරිකානු තානාපති කාර්යාලය ඔහුගේ සැබෑ තොරතුරු ශ්‍රී ලංකා ආණ්ඩුවට වසන් කරමින්, ඔහු විසින් සිදුකළේ යැයි කියන අපරාධ කිහිපයක් පමණක් උපුටා දක්වා ඇත.
එක්සත් ජනපදය වැනි රටක මිනීමැරීම් කිහිපයකට නොව එකකට හෝ සම්බන්ධ සැකකරුවකු වෙතොත් ඔහු සම්බන්ධයෙන් තොරතුරු අන්තර්ජාලය ඔස්සේ ලෝකය පුරාම පැතිරී යෑමට එතරම් කාලයක් අවශ්‍යය වන්නේ නැත. මෙම පුද්ගලයාද එවැනි අපරාධ වලට සමබන්ධ අයෙක් වන්නේ නම්, ඔහු ගැන තොරතුරු රාශියක් අන්තර්ජාලයේ තිබිය යුතුය.
නමුත්, ඔහුගේ ගමන් බලපත්‍රයේ ඇති නාමය වන ෆරින් මනොකින් ගැන තොරතුරු විමසීමේදී අන්තර්ජාල පිටු අතර මතු වන්නේ, ඔහු ලංකාවේදී අත්අඩංගුවට පත් වූ බව සහ ඔහුගේ පැනයෑම පමණි. එනම්, ඩේලි නිව්ස් වාර්තාවේ ඉදිරිපත් කොට ඇති තොරතුරු හා සමාන තොරතුරු පමණි.
මේ නිසා එක්කෝ මෙරට ඇමෙරිකානු තානාපති කාර්යාලය, නැතහොත් එෆ්.බී.අයි. සංවිධානය මෙම පුද්ගලයාට සම්බන්ධ තොරතුරු කුමන හේතුවක් නිසා වසන් කොට ඇත.
ඇමරිකානු ජනාධිපතිවරණයට බලපෑම් කරනු ලැබූ රුසියානු ජාතික පරිඝණක විශේෂඥයින් අතර ප්‍රධානියෙකු වන්නේ නම් ඔහු එසේ මෙසේ පුද්ගලයෙකු විය නොහැකිය යන්න සාමන්‍යය දැනුම පිළිබඳ කාරණයකි. එසේම, ඇමෙරිකානු තානාපති කාර්යාලය අදාළ පුද්ගලයා තමන්ට භාරදෙන ලෙස කළ ඉල්ලීමෙන් පෙනී යන්නේ හෙතම සාමන්‍යය පුද්ගලයෙකු නොවන බවයි. එපමණක් නොව, රුසියානු තානාපති කාර්යාලයේ නිලධාරීන් අදාල පුද්ගලයා බේරා ගැනීම වෙනුවෙන් ඍජුව පෙනී සිටීම සහ ඔහුට ආරක්ෂාකාරී පරිසරයක් නිර්මාණය කිරීමෙන් පෙනී යන්නේද, අදාළ පුද්ගලයා ඉතාම වැදගත් සහ අත්‍යවශ්‍යය පුද්ගලයෙකු බවයි.
මේ වනවිට හෙළිදරව් වී ඇති තොරතුරු වලින් පෙනී යන්නේ, මෙම පුද්ගලයා ගැන නිවැරදි තොරතුරු සම්බන්ධයෙන් මෙරට වගකිව යුතු පාර්ශවයන් දැනුවත් වී නොමැති බවයි. එසේම, ඔහු ඉදිරිපත් කරනු ලැබූ, ගමන් බලපත්‍රයේ ඇති තොරතුරු පමණක් මූලික කරගනිමින් පරීක්ෂණ මෙහෙයවා ඇති අතර, අදාළ තොරතුරු ඔහුගේ සැබෑ තොරතුරු බව දැඩිව විශ්වාසකොට ඇත.
ඊට අමතරව ඉදිරියේදී ( හොරා පැනගියද) වැදගත් වන්නේ යැයි සිතා ඔහුගේ ඇඟිලි සලකුණු සහ වෙනත් ජෛවවිද්‍යාත්මක සාක්ෂි එකතු කර ගැනීමට මෙරට අපරාධ පරීක්ෂණ භාර නිළධාරීන් කටයුතු කොට ඇත්තේ නම් එය අගය කළ යුතු කාරණයකි.
ඉහත සඳහන් කළ පරිදි, මෙරට පිහිටි ඇමෙරිකානු තානාපති කාර්යාලය මැදිහත් වී ඉල්ලා සිටීමට තරම්, අදාළ පුද්ගලයා ඇමරිකාවට ඉතාම වැදගත් පුද්ගලයෙකු විය යුත්තේය. එසේම එෆ්.බී.අයි. අවශ්‍යතා ලයිස්තුවේ සයිබර්අපරාධ කරුවන්ගේ ගොන්නට එකතු කිරීමට තරම් හෙතම ඉතාම ප්‍රභල අපාරධකරුවෙකු විය යුතුය. එපමණක් නොව, ඔහු 2016 ඇමරිකානු ජනාධිපතිවරණයේදී රුසියානුවන් කළේ යැයි කියන මැදිහවීමේ සිටි පුද්ගලයෙකු ලෙස හඳුන්වා දී තිබේ නම්, මෙම පුද්ගලයාගේ බරපතළකම ඊටත් වඩා විශාල වේ. එෆ්.බී.අයි. සොයමින් සිටින්නේ මොහුය.
තානාපති කාර්යාල ආරංචිමාර්ග පමණක් නොව රජයේ අමාත්‍යංශ වලට සම්බන්ධ ආරංචි මාර්ග සඳහන් කරන පරිදි මෙම පුද්ගලයාට එරෙහිව නිවැරදි අධිකරණ ක්‍රියා =මාර්ගයක් ගැනීම වැළක්වීම සහ හෙතමට රුසියාවට පැනයාමට ඉඩදීම බරපතළ ප්‍රශ්නකාරී තත්වයක් මතුකරනු ලබයි.
එය, කුමන හේතුවක් මත සිදුවූයේද? මෙහිදී මැදිහත් වූ පාර්ශවන් කවරේද? එසේ මැදිහත්වීම සඳහා මූලික වූ හේතුව කුමක්ද? යන කාරණා සම්බන්ධයෙන් උඩු දුවමින් පවතින අදහස් රාශියකි.
එක්තරා ආරංචි මාර්ගයකට අනුව, අදාළ පුද්ගලයා අත්අඩංගුවට ගැනීමෙන් දින කිහිපයකට පසු ඇති වූ තත්වය කුමන හෝ හේතුවක් නිසා පාලනය කිරීමට මෙරට ඉහළ දේශපාලන බලවේගයක් කටයුතු කොට ඇත.
එව්ජෙනි මීඛයිලොවිච් බෝගචෙව්
විශ්වාසදායක ආරංචිමාර්ග සඳහන් කරන අන්දමට, අදාළ සිදුවීම ගැන විමසා බැලීම සඳහා විදේශ කටයුතු අමාත්‍යංශයේ එකළ කටයුතුකළ ලේකම්වරයා සහ අපරාධ පර්යේෂණ දෙපර්තම්න්තුවේ ප්‍රධාන නියෝජ්‍යය පොලිස්පතිවරයෙකු කැඳවා තොරතුරු විමසීමෙන් පසු රුසියානුවන් අසතුටු කිරීමෙන් වළකින ලෙස ඉල්ලා ඇත.
එම ඉල්ලීමෙන් පසු බොහෝ දෑ වෙනස් විය.
ඉන් පසු, අදාළ පුද්ගලයාට රාජ්‍යය අනුග්‍රය යටතේ පැනයාමට අවශ්‍යය වටපිටාව සකස් වීම සිදුවේ. එය කෙසේ හෝ වැළක්වීම සඳහා කොළඹ පිහිටි ඇමෙරිකානු තානාපති කාර්යාලය කටයුතු කරනු ලැබීය. නමුත් එය අසාර්ථක විය.
එහි ප්‍රතිඵලය ලෙස හෙතම මෙරටින් පැන යන්නේය. ඔහුගේ පැනයෑම සම්බන්ධයෙන් ඉදිරිපත්වන ප්‍රධාන අදහස් දෙකකි.
එක් පාර්ශවයකට අනුව, අදාළ අපරාධකරුවා බෝට්ටුවකින් පලා යන්නේ මෙම මාසයේ පළමු සතියේදීය.
අනෙක් පාර්ශවයට අනුව, ඔහු මෙරට ගුවන්තොටුපලෙන් පැනයන්නේ රාජ්‍යය ආරක්ෂාව යටතේය. එනම්, මෙරටට පැමිණෙන රුසියානු රාජ්‍යය ආරක්ෂක වෙළඳාම් ඇතුළු කටයුතු සම්බන්ධ එකම නියෝජිත ආයතනය වන රෝසොබෝරෝන්එක්ස්පෝර්ට් සමාගමේ ප්‍රධානියාගේ පෞද්ගලික ගුවන් යානයෙන් ඔහු මෙරටින් පලා යන බව සඳහන් වේ.
බෝට්ටුවකින් පලා ගියේ නම්, හෙතම මෙරට නාවික හමුදාවේ ඇස්වලට වැලිගසා යා යුත්තේය. එසේම, රෝසොබෝරෝන්එක්ස්පෝර්ට් සමාගමේ ප්‍රධානියාගේ පෞද්ගලික ගුවන් යානයෙන් මෙරටින් පලා ගියේ නම් ඒ සඳහා මෙරට ඉහළ පෙළේ දේශපාලන බලාධිකාරියක ආශීර්වාදය තිබිය යුත්තේය.
මෙහිදී පැනනගින මූලික කාරණයක් වන්නේ, රෝසොබෝරෝන්එක්ස්පෝර්ට් වැනි අති ප්‍රභල අවිආයුධ සමාගමක ප්‍රධානියෙකුගේ පෞද්ගලික ගුවන්යානයෙන් ඔහු පැනගියේ නම්, ඔහුට රුසියානු රාජ්‍යය සමඟ ඇති ප්‍රභල සම්බන්ධයය. එය අමතක නොකළ යුතු කාරණයකි.
මේවන විට පැතිරී පවතින තහවුරුකරගත් තොරතුරු මෙන්ම දූෂමාන ආරංචි මාර්ග ප්‍රකාරව, අදාළ පුද්ගලයා සම්බන්ධයෙන් අනුමාන කළ හැකි කාරණා කිහිපයක් තිබේ.
එෆ්.බී.අයි. සංවිධානයේ අවශ්‍යතා ලයිස්තුවේ සිටින සයිබර්අපරාධකරුවන්ගේ පළමු දසදෙනාගේ ගොන්නට අයත් අපරාධකරුවන් අතර රුසියානු ජාතික අපරාධකරුවන් සිව්දෙනෙකි. ඔවුහු නම්, ඇලෙක්ෂි බෙලන්, දිමිත්‍රි ඇලෙක්සැන්ද්‍රෝවිච් ඩොකුචීව්, ඉගොර් අනටෝලිවිච් සුච්චින් සහ එව්ජෙනි මීඛයිලොවිච් බෝගචෙව් වෙති. මෙම අපරාධකරුවන් සිව්දෙනා ගැනම ඉතා දීර්ඝ විස්තර එෆ්.බී.අයි. සංවිධානය විසින් නඩත්තු කරනු ලබන, ලිපිගොනු වල තිබේ.
වැලිගමදී අල්ලා පොලිසිය විසින් අල්ලාගත් පුද්ගලයා කළු සල්ලි වංචාකරන ජාවාරම්කරුවෙකු බවත් හෙතම ඇමෙරිකානු මැතිවරණයේදී මැදිහත් වූයේ යැයි කියන රුසියානු ජාතික පරිඝණක හැකරුන්ගෙන් අයෙකු බවත් ඇතැම් ආරංචිමාර්ග සඳහන් කරන කාරණයකි. එම තොරතුරු වලට අනුව අනුමාන කිරීමේදී එළඹිය හැකි නිරීක්ෂණය වන්නේ, අදාළ පුද්ගලයා එව්ජෙනි මීඛයිලොවිච් බෝගචෙව්ගේ තොරතුරු වලට වඩාත්ම සමීප සම්බන්ධයක් ඇති බවයි.
එසේ අත්අඩංගුවට පත් වූයේ එව්ජෙනි මීඛයිලොවිච් බෝගචෙව් නම්, එය අතිශය ප්‍රභල කාරණයකි. එය එසේනම්, පොලීසය අල්ලාගෙන ඇත්තේ ලෝකයටම අවශ්‍යය වී සිටින පුද්ගලයෙකි.
එසේම, කොළඹ පිහිටි ඇමෙරිකානු තානාපති කාර්යාලය අදාළ පුද්ගලයා තමන්ට ලබාදෙන ලෙස ශ්‍රී ලංකා ආණ්ඩුවෙන් ඉල්ලා සිටියේ මෙම පුද්ගලයා සම්බන්ධයෙන් නම් එය පුදුමයක් නොවේ. මන්ද හෙතමගේ තොරතුරු වලට අනුව, එව්ජෙනි මීඛයිලොවිච් බෝගචෙව් යනු ඇමෙරිකාවට අත්‍යවශ්‍යය පුද්ගලයින් අතර කෙනෙකි. ඔහු ගැන තොරතුරු ලබා දෙන්නෙකුට ලබා දීමට නියමිත ත්‍යාග මුදල ඇමෙරිකානු ඩොලර් මිලියන තුනකි. මෙම ත්‍යාග මුදල හේතුවෙන් අදාළ කාරණය තමන්ට අවශ්‍යය ආකාරයෙන් සිදුකර ගැනීමට ඇමෙරිකානු බලධාරීන්ට නොහැකි වූයේද යන්න මේ ගැන දන්නා අයවලුන් දනිති.
තිස්හතර වියැති එව්ජෙනි මීඛයිලොවිච් බෝගචෙව් එසේ මෙසේ පුද්ගලයෙකු නොවේ. ඔහු රුසියානු ආණ්ඩුව සමඟ නොනිලව කටයුතු කරන පරිඝණක විශේෂඥයෙකි. එසේම, ඉතාම දරුණු හැකර් කරුවෙකු ලෙස නම්දරා ඇති ඔහු නිර්මාණය කළේ යැයි කියන පරිඝණක වෛරසයකින් ලොව පුරා පරිඝනක මිලියන ගණනක පාලනය තමන් අතට ගත් පුදගලයෙකි.
අදාළ පුවත සමඟ පලකොට ඇති ව්‍යාජ සේයාරුව. මෙම සේයාරුව ලබාගෙන ඇති වෙබ් අඩවියට පිවිසීම සඳහා පිවිසෙන්න මෙතනින්
2011 දී එෆ්.බී.අයි. FBI සංවිධානය පරීක්ෂණ ආරම්භ කළ එක් ප්‍රධාන කාරණයක් වූයේ සීයුස් ට්‍රෝජන් හෙවත් ගේම් ඕවර් සේයුස් නමැති වෛරසය විසින් කරනු ලැබූ බලපෑමයි. එය මිලියනකට වඩා වැඩි පරිඝණක සංඛ්‍යාවකට බලපෑම් කළ අතර එමඟින් සිදු වූ මූල්‍යය හානිය ඇමෙරිකානු ඩොලර් මිලියන සීයකට අධිකය. ඊට අමතරව ඔහු සිදුකළේ යැයි කියන සම්පූර්ණ මූල්‍යමය හානිය අතිවිශාල බව සඳහන් වේ.
බෝගචෙව් නිර්මාණය කරනු ලැබූ සීයුස් ට්‍රෝජන් වෛරසය ලොව පුරා පැතිරී ගිය රටවල් ලැයිස්තුව අතර ශ්‍රී ලංකාවද තිබේ. මෙරට බස්නාහිර පළාත තුළ තිබූ පරිඝණක කිහිපයක අදාළ වෛරසය පැතිරී තිබූ බව වාර්තා වී තිබේ.
අනෙක් පසින්, මෙම සිදුවීමට අදාළ පුද්ගලයා එව්ජෙනි මීඛයිලොවිච් බෝගචෙව් වන්නේ ඔහු නම්, හෙතම කෙසේ හෝ බේරාගෙන තම රටට රැගෙන යෑම රුසියාවේ අරමුණ වීමට ප්‍රධාන හේතූ ගණනාවක් තිබේ. ඒ අතර ප්‍රධාන කාරණය වන්නේ එව්ජෙනි මීඛයිලොවිච් බෝගචෙව්ට රුසියානු ආණ්ඩුව සලකනු ලබන්නේ අවධානමකට වඩා ප්‍රයෝජනවත් අයෙකු ලෙසය.
රෝසොබෝරෝන්එක්ස්පෝර්ට් සමාගමේ ප්‍රධානියා ඇලෙක්සැන්ඩර් මිකීව්
මේ අතර අදාළ පුද්ගලයාගේ යැයි අනියමින් අඟවමින්, මෙරට ප්‍රසිද්ධ වන එක්තරා බ්ලොග් අඩවියක අත්අඩංගුවට ගනු ලැබූ පුද්ගලයාගේ සේයාරුවක් පලකොට තිබේ. එය ව්‍යාජ සේයාරුවක් බවත් එම සේයාරුවේ නියම මූලාශ්‍රය 123rf.com නමැති ප්‍රකට සෙයාරූ විකුණනු ලබන වෙබ් අඩවිය බවත් අප කළ නිරීක්ෂණයකදී හෙළිදරව් විය.
මේ නිසා අදාළ පුද්ගලයාගේ අනන්‍යතාවය තහවුරු කරනු ලබන කිසිම සේයාරුවක් මෙරට නොමැති අතර ඔහු සම්බන්ධව පැවති සේයාරූ කුමන හෝ හේතුවක් නිසා අතුරුදන් වී ඇතිබව නොනිල ආරංචි මාර්ග සඳහන් කරනු ලබයි.
එසේම, අදාළ පුද්ගලයා මුහුදු මාර්ගයෙන් පැනයෑම සම්බන්ධව විමසීමේදී පෙනී යන්නේ, ප්‍රායෝගිකව එසේ විය හැකිද යන්නයි. මෙරට පිහිටි ඉතාම මිළ අධික පෞද්ගලික රෝහලක නැවතී සිටි අයෙකු බෝට්ටුවකින් පැනයෑමට තීරණය කරන්නේද යන්න වෙනම විමසා බැලිය යුතු තාක්ෂණික කාරණයකි.
ඔහුගේ පැනයාමට අදාළව සඳහන් වන අනෙක් කාරණය වන්නේ, රෝසොබෝරෝන්එක්ස්පෝර්ට් නමැති සමාගමේ ප්‍රධානියා මෙරටට පැමිණි පෞද්ගලික ගුවන් යානයෙන් ඔහු මෙරටින් පැනගිය බවයි. එව්ජෙනි මීඛයිලොවිච් බෝගචෙව් වැනි අයෙකුගේ තොරතුරු සමඟ සිතීමේදී එවැනි මැදිහත්වීමක් සිදුවූයේනම් ඒගැන පුදුම විය යුතු නොවේ.
රෝසොබෝරෝන්එක්ස්පෝර්ට් සමාගමේ කටයුතු ගැන සහ ඔවුහු මාර්ගයෙන් රුසියානු රාජ්‍යය මෙරටට ලබා දී ඇති රාජ්‍යය ණය මුදල ගැන කාලාන්තරයක් තිස්සේ මෙරට දේශපාලන ප්‍රජාව තුළ කතාබහට ලක්වෙමින් තිබේ. එසේම අදාළ සමාගම සමඟ කටයුතු කරන එක්තරා පෞද්ගලික මාධ්‍යය ආයතනයක් පරිපාලනය කරන පෞද්ගලික සමාගම සම්බන්ධයෙන්ද තොරතුරු විවිධ මාධ්‍යයන් ඔස්සේ ප්‍රසිද්ධ වී තිබේ.
මේ අතර රෝසොබෝරෝන්එක්ස්පෝර්ට් සමාගම වෙනුවෙන් කාලයක් කටයුතු කළ මෙරට නියෝජිතයාගේ හදිසි අභාවයෙන් පසු ඔහුගේ සමාගමට අදාළ නීතිමය ගිවිසුම්වලින් වහාම ඉවත්වන රෝසොබෝරෝන්එක්ස්පෝර්ට් නව පෞද්ගලික සමාගමක් සමඟ ගිවිසුම් ඇතිකර ගෙන ඇතිබව සඳහන් වේ. එම සමාගම මෙරට ඉහළ දේශපාලන බලවේගයකට ඕනෑම බලපෑමක් කිරීමට හැකි බලයක් ඇත්තේ යැයි පතුරුවා ඇති අදහස හේතුවෙන්, අදාළ මව් සමාගම එම තීරණය ගත්බව පසුව වාර්තා වූ මූලික කාරණයකි.
අදාළ සමාගම සමඟ කටයුතු කරන ලෙස රෝසොබෝරෝන්එක්ස්පෝර්ට් සමාගමට දැනුම් දී ඇත්තේ ව්ලැඩිමීර් කොෂින් විසිනි. කොෂින් යනු වෙනම විමසා බැලිය යුතු මාතෘකාවකි. ඔහුගේ කතාව ඉතාම වැදගත් සහ විශාල එකකි. එබැවින් මෙහිදී ඔහු ගැන විමසා බැලීම එතරම් යෝග්‍යය නොවේ යැයි සිතේ.
මේ අතර රුසියානු හැකරුන් සහ කළු සල්ලි සුදු කරන වංචාකාරයින් මෙරට ප්‍රධාන පෙළේ මාධ්‍යය ආයතන දෙකක් සමඟ ඉතාම කිට්ටු සම්බන්ධයක් පවත්වාගෙන යන බව මීට මාස කිහිපයකට පෙර වාර්තා වූයේ සාමය සහ ආරක්ෂාව භාර ආමත්‍යය සාගල රත්නායක මහතාටය. ඔහු එය ආරක්ෂක අංශ බලධාරීන්ට දැනුම් දෙනු ලැබීය. ඒ සම්බන්ධයෙන් මේවන විටත් පරීක්ෂණ පැවැත්වේ. කොච්චිය ( ගුවන් යානය) ගිය පසු හෝ පරීක්ෂණ පැවැත්වීම අනාගත අනතුරු වැලැක්වීම සඳහා ඉතාම වැදගත් වේ.
මේ අතර වාරයේ රෝසොබෝරෝන්එක්ස්පෝර්ට් සමාගමේ පිරිසක් පළමුවද, එහි ප්‍රධානියා පසුවද මෙරටට පැමිණ ඉතාම රහසිගත මට්ටමේ සංවාද පත්වනු ලැබූහ. එය ඉතාම සූක්ෂමව ඉදිරිපත් කිරීමට මෙවැනි ලෝක ප්‍රකට සමාගමක් තීන්දු කිරීම සැබවින්ම පුදුම සහගතය.
එසේම, ඩොලර් මිලයන හාරසීයක පමණ ගනුදෙනුවක් පිළිබඳ තීන්දු ගැනීම සඳහා එහි ප්‍රධානියා පැමිණීම කුතුහලය දනවන කාරණයකි. මන්ද, රෝසොබෝරෝන්එක්ස්පෝර්ට් සමාගම විසින් ඉන්දියාවට විකුණනු ලැබූ අතිවිශාල වටිනාකමක් ඇති ගනුදෙනු වලදීවත් හෙතම එරටට පැමිණියේ නැත.
සාමන්‍යයෙන් රුසියානු ජනාධිපතිවරයා හා සමාන වටිනාකමක් ඇති මෙම ප්‍රධානියා මෙරටට පැමිණීම එක් ගනුදෙනුවක් පිරිමසා ගැනීම සඳහා පමණක් සිදුවූයේ යැයි සිතීම උගහටය.
එම අනුමාන කිරීම් ඔස්සේ එළඹිය හැකි නිගමනය වන්නේ, ඉතාම වැදගත් කාරණා කිහිපයක් විසඳා ගැනීම සඳහා හෙතම මෙරටට පැමිණි බවය. ඉන් ප්‍රධාන කාරණයක් විය හැක්කේ අත්අඩංගුවට ගෙන ඇපමත මුදාහැර සිටි රුසියානු ජාතික අපරාධකරුවා කිසිඳු අවහිරතාවයකින් තොරව මෙරටින් රැගෙන යෑම විය හැකිය.
විශ්වාසදායක ආරංචිමාර්ග සඳහන් කරන තවත් අතිශය බරපතළ කාරණයක් වන්නේ, එම පුද්ගලයා විශාල ආරක්ෂාවක් යටතේ කටුනායක ගුවන්තොටුපළට රැගෙන ගොස් සියල්ලගේම දෑස් වලින් වසා ඔහුගේ ආරක්ෂාකාරී පිටවීම මෙරට බලධාරීන් විසින් තහවුරු කළ බවයි. නමුත්, ඒ ගැන විමසා බැලීම සඳහා ඉහළපෙළේ ආරක්ෂක අංශ සම්බන්ධ කරගැනීමේදී සඳහන් වූයේ එවැන්නක් සම්බන්ධයෙන් තහවුරුකරගත් සාක්ෂි නොමැති බවයි.
කෙසේ වෙතත්, මෙම සිදුවීම සම්බන්ධයෙන් වැඩිදුර තොරතුරු විමසීමේදී සඳහන් කරනු ලබූ තවත් ප්‍රධාන කාරණා කිහිපයකි. එනම්, උදර්පණ පනතේ කොන්දේසී ප්‍රකාරව ඇමරිකා එක්සත් ජනපදය අදාළ පුද්ගලයා තමන්ට ලබා දෙන ලෙස ඉල්ලා ඇත. නමුත්, එය ප්රතික්ෂේප කරමින් එම පනතේ කාරණා අනුව සහ ඔහුගේ රුසියානු සම්භවය මූලික කරගෙන අදාළ පුගලයා රුසියාවට භාරදීමට මෙරට බලධාරීන් කටයුතු කොට ඇත. ඉන් පසු ඔහු පැනගොස් ඇතිබව සඳහන් කරමින් ව්‍යාජ පුවතක් නිර්මාණය කොට තිබේන බව ඇතැම් මූලාශ්‍ර මේ සම්බන්ධයෙන් දරණ මතයකි.
ඇමෙරිකා එක්සත් ජනපදය තම රටේ පරිඝණක පද්ධති වලට හානී කළ හැකර්කරුවන් දඩයම් කිරීම ආරම්භ කරනු ලැබුවේ අද ඊයෙක නොවේ. එසේම නිකිටා කුස්මින්, දිමිත්‍රි ස්මිලියනෙට්, ව්ලැඩිමීර් ද්රින්ක්මන්, රෝමන් සෙලෙස්නීව් ආදී රුසියානු ජාතික හැකර්කරුවන් ජාත්‍යන්තර පොලිසිය, එෆ්.,බී. අයි. සහ අදාළ පුද්ගලයින් රැඳී සිටි මුල් රටවල ආරක්ෂක අංශවල සහයෝගය ඇතිව අල්ලාගෙන ගොස් එක්සත් ජනපදයේදී නඩු අසා දඬුවම් පමුණුවනු ලැබූහ. ඉන් සෙලෙස්නීව් වසර 27ක සිරදඬුවමකට යටත් කරනු ලැබුවේ මේ වසරේ මුල්භාගයේදීය.
සෙලෙස්නීව්ගේ ජීවිත කතාව ඉතා දීර්ඝ සහ ආකර්ෂණීය අත්දැකීම් වලින් පිරුණු එකකි. හෙතම තම දික්කසාදයෙන් පසු හැකර්වරයෙකු ලෙස කටයුතු කිරීම ආරම්භ කළ අතර විවිධාකාර වෛරස් නිර්මාණය කරනු ලැබුවේ අන්තර්ජාලය ඔස්සේ සිදුකරන මූල්‍ය ගනුදෙනු වල තොරතුරු දැනගෙන ඒවා තමන්ගේ ග්‍රහණයට ගැනීම සඳහාය.
ඔහු සම්බන්ධයෙන් ලියවී ඇති එක්තරා සටහනකට අනුව, වරකදී, 2පැක් (2Pac) නමින් හැකර් නාමයක් යොදා ගෙන නව වෙබ්අඩවියක් ආරම්භ කළේය. එම වෙබ්අඩවියේ ඉහලින්ම ඔහු මෙසේ සටහන් කළේය.
“මම මෙහිදී පැහැදිලි කරන්නම් සල්ලි හොයන්නේ කොහොමද කියලා. $500 සිට $50,000 දක්වා වගේම $500,000 දක්වා. පටන් ගත්ත තැන ඉඳන්ම මේ සම්පූර්ණ ක්‍රියාවලීයම නීති විරෝධී බව මතක තියාගන්න”
ඔහු එහිදී ඩොලර් මිලියන විශාල ප්‍රමාණයක් ඉපැයූ බව සඳහන් වේ. ඔහුගේ ක්‍රියාවලී ගැන සැක සිතු එෆ්.බී. අයි. ඔහුගේ ක්‍රියාකාරකම් ලුහුබඳිනු ලබන්නේ 2005 සිටය.
කෙසේ වෙතත් තමන් පිටුපස එෆ්.බී.අයි. ලුහුබඳින බව හෙතම වඩාත් හොඳින් දැන සිටියා පමණක් නොව සෑම විටම, පිටරට සංචාර වලදී එක්සත් ජනපදය සමඟ උදර්පණ පනත් අත්සන් නොකළ රටවල් තෝරා ගැනීම, අවසාන මොහොතේ ගුවන ටිකට් පත මිළදී ගැනීම, සහ රුසියාව සමඟ මිත්‍ර සම්බන්ධතා ඇති රටවල් තම සංචාරයන් සඳහා තෝරා ගැනීම ආදී ප්‍රවේශම් සහගත පියවර අනුගමනය කොට ඇත.
මාලදිවයිනේදී අත්අඩංගුවට ගෙන ඇමෙරිකාවේදී වසර 27 ක සිරදඬුවමකට යටත් කරනු ලැබූ, අන්තර්ජාල බින්ලාඩන් නමින් හඳුන්වනු ලැබූ, රෝමන් සෙලෙස්නීව්
එහි එක් පියවරක් ලෙස හෙතම 2014 මාලදිවයිනේ සංචාරයකට ගියේය. විශාල නිවසක් ( විලා) කුලියට ගත් හෙතම දින කිහිපයක් ගත කළේය. එය එෆ්.බී.අයි. වඩාත් ප්‍රවේශමෙන් නිරීක්ෂණය කළ අතර, ඔහු අල්ලා ගැනීමේ අවශ්‍යතාවය බලධාරීන් මාර්ගයෙන් කොළඹ පිහිටි ඇමෙරිකානු තානාපති කාර්යාලය ඔස්සේ මාලදිවයිනේ බලධාරීන්ට දැනුම්දෙනු ලැබීය.
උදර්පණ පණතට ඇමරිකාව සමඟ අත්සන් නොකළ රාජ්‍යක් වුවද මාලදිවයින එහිදී අදාළ සිදුවීම සඳහා ඇමෙරිකාවට සහයෝගය පළකළේය. කුලියට ගත් නිවසෙන් පිටත්වී මොස්කව් පිහිටි තම නිවස බලා යෑමට ගුවන් තොටුපලට පැමිණෙමින් සිටි සෙලෙස්නීව් අත්අඩංගුවට ගෙන පළමුව හවායි හී පිහිටි ඇමෙරිකානු හමුදා මූලස්ථානයට රැගෙන ආවේය. ඉන් පසු ගුවාම් දූපතටද එනයින් සීට්ල් ප්‍රදේශයට රැගෙනවිත් අධිකරණය ඉදිරියට පමුණුවනු ලැබීය.
එෆ්.බී. අයි. මූලාශ්‍ර වලට අනුව සෙලෙස්නීව් අත්අඩංගුවට ගන්නා අවස්ථාවේදී ඔහු සතු වූ ලැප්ටොප් පරිඝණකයේ මිලියන 1.7 පමණ ක්‍රෙඩිට්කාර්ඩ් වලට අදාළ තොරතුරු, ඊමේල් ව්ලාට ඇතුළත් වීමේ තොරතුරු සහ දත්ත ගබඩා වලට ( සර්වර්ස්) ඇතුළුවීමට අවශ්‍යය ඛේත නාමයන් එහි ගබඩාකොට තිබුණි. ඔහුගේ ක්‍රියාකාරම් හේතුවෙන් අහිමි වූ මුදල, ඩොලර් මිලියන 170 කට අධික බව ඇමරිකානු විමර්ශකයින්ගේ මතයයි.
අදාළ සිදුවීම, පැහැරගැනීමක් ලෙස හඳුන්වනු ලැබූ රුසියානු බලධාරීන් ඒ සම්බන්ධයෙන් සහයෝගීව කටයුතු කළ මාලදිවයින් ආණ්ඩුවට තම අප්‍රසාදය පල කළේය.
මේ හා සමාන සිදුවීම් රාශියක් පසුගිය කාලය පුරාම ප්‍රසිද්ධ විය. එසේම මෙම කාරණා වල ඇති බරපතළ තත්වය ගැන රුසියානු ආණ්ඩුව ඉතාම සැලකිල්ලෙන් පසුවේ.
මෙවැනි තත්වයක් යටතේ, ඇමෙරිකානු බලධාරීන් තමන්ට භාරදෙන ලෙස ඉල්ලා සිටි මෙරටදී අත්අඩංගුවට පත් වූ රුසියානු ජාතිකයා කෙසේ හෝ තම රටට රැගෙන යෑමට කටයුතු කිරීම සඳහා ප්‍රභල දේශපාලන මැදිහත්වීමක් සිදුවූ බව ප්රතික්ෂේප කළ හැකිද? එය ඉතාම බරපතළ කාරණයකි.
එව්ජෙනි මීඛයිලොවිච් බෝගචෙව් වැනි පුද්ගලයින් ඇමරිකාව විශාල කැපවීමක් කරමින් සොයන අපරාධකරුවන් වෙති. එසේම, රුසියාව තමන්ට ප්‍රයෝජනයට ගත හැකි එවැනි පුද්ගලයින් කෙසේ හෝ රැක ගැනීම තම මූලික වගකීම ලෙස තකන්නේය.
එව්ජෙනි මීඛයිලොවිච් බෝගචෙව් භාවිතා කරන ව්‍යාජ නම් රාශියකි, එසේම හැකර් කරුවෙකු ලෙස ලකී 12345 සහ ස්ලැවික් යන ඛේතනම් වලින් පෙනී සිටින බව සඳහන් වේ. ඔහු විසින් සිදුකොට ඇති සයිබර්අපරාධ සංඛ්‍යාව ඉතාම විශාලය. මේ නිසා ඔහු ඇමෙරිකානු බලාධාරීන්ට අත්‍යවශ්‍යය පුද්ගලයෙකු වේ.
වැලිගමදී අල්ලාගනු ලැබුවේ සාමන්‍යය අපරාධකරුවෙකු නම් ඇමෙරිකානු බලධාරීන් තම රටට රැගෙන යෑම සඳහා එතරම් උනන්දුවක් ගන්නේ නැත. එසේම, එව්ජෙනි මීඛයිලොවිච් බෝගචෙව් සම්බන්ධ එෆ්.බි.අයි. වාර්තාවට අනුව හෙතම ඇමෙරිකානු අධිකරණ ක්‍රමවේදය තුළ ඇපනොදෙන අපරාධකරුවන්ගේ ගොන්නට හෙවත් “ෆ්ලයිට් රිස්ක්” ඛාණ්ඩයට ඇතුළත් කොට තිබේ.
අවසාන වශයෙන් කිව හැක්කේ කුමක්ද?
මේ ප්‍රභල රාජධූත ගැටීම තුළ ශ්‍රී ලංකාවේ වර්තමාන දේශපාලන බලය දැඩිව සිරවී තිබෙන බව නීරීක්ෂණය කළ හැකිය. මෙවැනි කාරණා වලදී අදාළ රාජ්‍යයන් වල හැසිරීම මෙන්ම ශ්‍රී ලංකාව රටක් ලෙස කටයුතු කළ යුත්තේ කෙසේද යන්න, ඉතාම වැදගත් කාරණයකි.
නමුත් අවාසනාවට මෙන්, අදාළ සිදුවීම සම්බන්ධයෙන් විවිධ ඕපාදූප සහ වෙනත් මාදිලියේ අදහස් හුවමාරු වීම පමණක් දැකිය හැකිය. තාක්ෂණික වශයෙන් විශාල පෙරළියක් සිදු වී ඇති වටපිටාවක, මුහුණු පොත වැනි සමාජ ජාලා අඩවි ඔස්සේ තම පෞද්ගලික ජීවිතය නොමිලේ වෙළදාම් කිරීමෙන් ඔබ්බට ගිය ආකල්ප වර්ධනය වීම මෙන්ම තාක්ෂණික මෙවලම් ඔස්සේ මෙරට ජනජීවිතයට එල්ලවිය හැකි ප්‍රභල බලපෑම තක්සේරු කිරීම පමණක් නොව රටේ වත්මන් සහ අනාගත ආරක්ෂාව උදෙසා නිවැරදි තීන්දු තීරණ ගැනීම ඉතාම වැදගත් වේ.
ඒ සඳහා අවශ්‍යය වන්නේ ලෝකය ගැන දන්නා රට සහ එහි අනාගතය මෙන්ම මෙහි ජීවත්වන මිනිසුන් ගැන සැබෑ දැක්මක් ඇති පිරිසක් ඒකරාශී වීමය. විවිධ ව්‍යාජ කාරණා මවමින් දියරෙද්දෙන් බෙල්ල කපා තම පෞද්ගලික ආශාවන් සපුරා ගන්නා අඥාන වලත්තයින්ට කළ හැකි යහපත් දෙයක් නැත.
රටේ වත්මන් දේශපාලන බලය මෙන්ම මිනිසුන්ගේ සැබෑ අවශ්‍යතාවයන් සිර වී ඇත්තේ එතැනය.
ආරක්ෂක සහ විදෙස් කටයුතු පිළිබඳ විශේෂ විශ්ලේෂකයෙකු විසිනි
Published on: Dec 19, 2017 – හිටපු ජනාධිපති චන්ද්‍රිකා බණ්ඩාරනායක කුමාරතුංග සහ ශ්‍රී ලංකා නිදහස් පක්ෂ මහ ලේකම්, දුමින්ද දිසානායක මෛත්‍රී විරෝධී ස්ථාවරයක කඳවුරු බඳිමින් සිටින බව පක්ෂයේ අභ්‍යන්තර ආරංචි මාර්ග සදහන් කරනවා.
ජනාධිපතිවරයාගේ පිල මහින්ද සමඟ එකතු වීම සම්බන්ධයෙන් මේ දෙදෙනා දැඩි විරෝධයක් දැක්විම මෙම කදවුර බිහිවිමට ආසන්නතම හේතුව වි අ ඇති අතර පොදු අපේක්ෂකයා වශයෙන් ඉදිරිපත් වීමට මෛත්‍රී ශ්‍රීලනිපයෙන් ඉවත් වූ අවස්ථාවේ ඔහු සමඟ පැමිණි කීප දෙනා අතර, දුමින්ද දිසානායක ද පෙරමුණේ සිටි අයෙකි.
ජනාධිපතිවරණයෙන් ජය ගත් පසු පක්ෂයේ සභාපති ධුරයට පත් මෛත්‍රී විසින් එහි ලේකම් වශයෙන් දුමින්ද දිසානායක පත් කරනු ලබුනු අතර ඉන් පසු අවස්ථා ගණනාවක දී චන්ද්‍රිකා සහ මෛත්‍රී අතර විවිධ ගැටීම් ඇති වුවද, පොදුවේ මේ දක්වා පක්ෂය තුළ කටයුතු කරනු ලැබීය.
එහෙත්, මෛත්‍රී මහින්ද පිල එකතු වුවහොත්, ඊට විරුද්ධව දැඩි ක්‍රියාමාර්ග ගැනීමට චන්ද්‍රිකා ඉදිරිපත් වී සිටින බවත්, මෛත්‍රී ජනාධිපති කර වූ සේ ම ඉවත් කිරීමේ දේශපාලන හැකියාව ද තමන්ට තිබෙන බවත් ප්‍රකාශ කරමින්, මෛත්‍රී විරෝධයකට මුලපුරා ඇතැයි අනාවරණය වේ.
පසුගියදා හදිසියේම අමාත්‍යංශ ලේකම්වරුන් මාරුකිරිමට ජනාධිපති මෛත්‍රීපාල සිරිසේන මහත ගත් හදිසී තින්දුව සම්බන්ධයෙන් එජාප අමාත්‍යවරුන් අතර සාකච්ඡාවක් පවත්වා තිබේන බව අප දේශපාලන වාර්තාකරු අනාවරණය කළා.
ඇමතිවරුන්ගෙ උපදේශකත්වයෙන් තොරව ජනාධිපතිවරයා ලේකම්වරුන් ඉවත්කිරිමට කටයුතු කිරිම මෙම එජාපයේ අදාළ ඇමතිවරුන්ට මෙන්ම එජාප ජ්‍යෙෂ්ඨයන්ට බරපතල ප්‍රශ්ණයක්ව ඇති අතර එම හදිසි ඉවත් කිරිම සම්බන්ධයෙන් එජාප නායක අග්‍රාමාත්‍ය රනිල් වික්‍රමසිංහ මහතා සමගද සාකච්ඡාවක් පවත්වා තිබේ.
එහිදි එජාප ජ්‍යෙෂ්ඨයන් පෙන්වා දි ඇත්තේ මේ අකාරයට හිතුමතේ ජනාධිපතිවරයා අමාත්‍යංශ ලේකම්වරුන් ඉවත් කිරිමට කටයුතු කලහොත් අනෙකුත් අමාත්‍යංශ ලේකම්වරුන්ටද එම අනතුරට මුහුණ දිමට සිදුවන් ඇතැම් විට එය ලේකම්වරුන්ගෙන් නොනැවති අමාත්‍යධුරය පවා හදිසියේ පවරා ගැනිමට හැකියාව ඇති බවයි.
එජාපයේ රනිල් පිළේ ප්‍රබල තරුණ අමාත්‍යවරයෙකු මෙම සාකච්ඡා වලදි සදහන් කර ඇත්තේ “මෙහෙම ගියොත් එලිවෙනකොට ඇමතිකමටත් කෙලවලා තියෙයි….” යනුවෙනි. ජනාධිපතිවරයා ගන්නා ඇතැම් තින්දු පසුපස එජාපයේ රනිල් විරෝධින් සිටින බව ඔහු පෙන්වා දි තිබේ.
අධිකරණ අමාත්‍යාංශය, නාගරික සැලසුම් සහ ජල සම්පාදන අමාත්‍යාංශය, නීතිය සහ සාමයඅමාත්‍යාංශය, තැපැල් සේවා හා මුස්ලිම් ආගමික කටයුතු අමාත්‍යාංශය සහ විශේෂ පැවරුම් අමාත්‍යාංශයේ ලේකම්වරු හදිසියේම ඉවත් කෙරෙනු අතර අදාළ වෙනස් කිරිමට හේතු ජනාධිපතිවරයා විසින් නේ දක්වා ප්‍රකාශ කර නෑ.
සාගල වෙනුවෙන් ලේකම් බිල්ලට …..
කෙසේවෙතත් ශ්‍රි ලංකා නිදහස් පක්ෂයේ ජ්‍යෙෂ්ඨයෙකු අප දේශපාලන වාර්තාකරු සමග පවසා ඇත්තේ නීතිය හා සාමය සහ දක්ෂිණ සංවර්ධන අමාත්‍යංශය ජනාධිපතිවරය පවරා ගැනිමට සුදානමින් සිටිය බවත් ඊට ආසන්නතම හේතුව වුයේ ඇතැම් පාර්ශ්වයන් සමග සාගල ඇමතිවරයා සමීප සබඳතා දැක්විම බවයි.
කෙසේවෙතත් මැතිවරණයක් පෙනි පෙනී එජාපයේ ප්‍රබල අමාත්‍යධුරයක් වෙනස් කිරිම සදාචාර සම්පන්න නොවන බැවින් ඒ වෙනුවට නීතිය හා සාමය සහ දක්ෂිණ සංවර්ධන අමාත්‍යාංශයේ හිටපු ලේකම් ඉවත් කර නව ලේකම්වරයා ලෙස පද්මසිරි ජයමාන්න මහතාත් පත්කල බවයි.
