හේමසිරිගේ පුත්‍රයා හොර පාරෙන් රග්බී මහා පුටුව අල්ලන්න හදයි!

ශ්‍රී ලංකා රග්බි සම්මේලනයේ සභාපති ධූරය සඳහා රග්බි ව්‍යවස්ථාවට අනුව සුදුසුකම් රහිත පවිත්‍ර ප්‍රනාන්දු නැමැත්තා මෙවර ඉදිරිපත් වන බව වාර්තා වෙයි.

ඒ ක්‍රීඩා සභාවේ සභාපති ප්‍රියන්ත ඒකනායකගේ සහයෝගයෙන් වන අතර ක්‍රීඩා ස්වභාවයේ සභාපතිවරයාද ව්‍යවස්ථාව උල්ලංඝනය කරමින් ඔහුට සහයෝගය ලබා දෙයි.රග්බි ව්‍යවස්ථාව අනුව ප්‍රථම වරට සභාපති ධූරයට ඉදිරිපත් වන පුද්ගලයෙකු පසුගිය වසර තුළ රග්බි සම්මේලනයේ විධායක කමිටු සාමාජිකත්වය හොබවා තිබිය යුතුය. අර්බුදයකට ලක්ව ඇති ශ්‍රී ලංකා රග්බි සඳහා දිගු කලක් බලා සිටි නිලවරණය සැප්තැම්බර් 9 වන දින කොළඹ ක්‍රීඩා අමාත්‍යාංශයේ ඩන්කන් වයිට් ශ්‍රවණාගාරයේදී පැවැත්වීමට නියමිතය.ජාත්‍යන්තර රග්බි සම්මේලනය සමඟ එකඟ වූ පරිදි, මෙම වසරේ රග්බි නිලවරණය නව ක්‍රීඩා රෙගුලාසි සහ ශ්‍රී ලංකා රග්බි හි නව ව්‍යවස්ථාවට අනුකූලව පැවැත්වේ.

ව්‍යවස්ථාවේ 28.6 වගන්තියෙහි සඳහන් වන්නේ, මැතිවරණයට ඉදිරිපත් වීමට අපේක්ෂකයෙකුට පසුගිය අවුරුදු පහ ඇතුළත අවම වශයෙන් එක් වාරයකටවත්, 28.2 වගන්තිය අනුව වසර දෙකක් නොඅඩු කාලයක් සම්පූර්ණ කළ තිබීම අනිවාර්ය යන බවයි. එමනිසා, මෙම අවශ්‍යතාවය සපුරා නොමැති පුද්ගලයෙකුට අපේක්ෂකත්වය දරන අයිතිය ලැබෙන්නේ නැත.

එහෙත් පවිත්‍ර ප්‍රනාන්දු විධායක සභාවට 2020 අගෝස්තු 29 වන දින තේරී පත්වී අවුරුද්දයි මාස හයකින් ඉල්ලා අස්වී තිබේ.ඔහු නියමිත වසර දෙකවත් විධායක කමිටු සාමාජිකත්වය හොබවා නොමැති අයෙකු වේ.

ඊට අමතරව පවිත්‍ර ප්‍රනාන්දු යනු හිටපු ලේකම්වරයෙකු වන හේමසිරි ප්‍රනාන්දුගේ පුත්‍රයාද වන අතර පාස්කු ප්‍රහාරයේ එල්ල වන විට ආරක්ෂක ලේකම් ධුරයේ කටයුතු කළ ඔහු කිසිදු පියවරක් නොගැනීම නිසා ශ්‍රේෂ්ඨාධිකරණය විසින් රුපියල් ලක්ෂ දහයකට වැඩි වන්දි මුදලක් ගෙවන ලෙසට නියෝග කළේය.එම මුදලම ගෙවා ඇතත් අහිංසක ජීවිත වල වන්දිය ඔහු තවමත් ගෙවා නොමැත.

මැතිවරණ පැවැත්වීමට අපොහොසත් වීම හේතුවෙන්, ශ්‍රී ලංකාව ජාත්‍යන්තර රග්බි තහනමකට මුහුණ දුන්නේය. කෙසේ වෙතත්, දේශීය ක්‍රීඩා බලධාරීන් සමඟ සාකච්ඡා කිරීමෙන් පසුව, ගෝලීය රග්බි නිලධාරීන් තාවකාලිකව තහනම ඉවත් කළහ.මෙම වර්ධනයන් මධ්‍යයේ, හිටපු රග්බි පරිපාලකයින් ද අධිකරණ මැදිහත්වීමක් ඉල්ලා සිටියහ. එහි ප්‍රතිඵලයක් ලෙස, ඉදිරි ශ්‍රී ලංකා රග්බි නිලවරණය සඳහා නාමයෝජනා අගෝස්තු 19 වන දින දක්වා පිළිගනු ලැබේ.මෙවර සුදුසුකම් නොලත් අත්දැකීම් අඩු පුද්ගලයකු සභාපති ධූරයට පත්කර ගතහොත් රග්බි ක්‍රීඩාව අපේ රටෙන් තුරන්ව යා හැකි බවයි රග්බි ප්‍රවීනයන්ගේ අදහස වි ඇත්තේ.

මෙම මැතිවරණයේදී සභාපති, ලේකම් සහ භාණ්ඩාගාරික ඇතුළු ප්‍රධාන තනතුරු 11 ක් සහ ශ්‍රී ලංකා රග්බි විධායක කමිටු සාමාජිකයින් සාමාජික ඡන්දයක් මගින් තෝරා ගනු ලැබේ.