අහුන්ගල්ල ගල්වෙහෙර මළුවවත්තු පුරාණ රජමහා විහාරස්‌ථානයේ විවෘත කිරීමක් සදහා ජනාධිපති මෛත්‍රිපාල සිරිසේන මහතා පැමිණෙන බව මුලසිටම දන්වා අවසාන මොහොතේ නොපැමිණෙන බව දැන්වීමට පැමිණි ආරක්‍ෂක නිලධාරීන් පිරිසකට කෝප වූ ප්‍රදේශවාසී ජනතාව ඉතා තදින් දොස්‌ පවරා පන්නා ගෙන තිබේ.
දේශබන්දු කරුණාදාස කුමාරසිංහ මහතා විසින් එක්‌කෝටි අනූහය ලක්‍ෂයක්‌ වියදම් කරමින් සංවර්ධනය කරන ලද විහාරය විවෘත කිරීම 2016.05.16 දාට නියමිතව තිබු අතර එහි උත්සව කටයුතු සඳහා වෙනමම රුපියල් ලක්‍ෂ අටක්‌ වැයකර තිබිණි. මෙදින පෙරවරුවේ ආරක්‍ෂක නිලධාරීහු පැමිණ ජනාධිපතිවරයා නොපැමිණෙන බව දන්වා ඇති අතර ඒ අවස්‌ථාවේ සිටි ගම්මු කෝපවී ඉතා තදින් දොස්‌ පවරා ආරක්‍ෂකයන් පන්නා ගෙන තිබේ.
ඒ සමගම සිරිසේන ජනාධිපතිවරයාගේ ආරක්ෂාවට විහාරස්‌ථානයේ දින ගණනක්‌ තිස්‌සේ රැඳී සිටි පොලිස්‌ නිලධාරීන්ද පැදුරටත් නොකියා ගොස්‌ තිබිණි.
