ජනසංහාරක අවියක් ලෙස තනය යොදා ගැනීම

ලංකාවේ කාන්තාවන් ද දැන් දැන් ඉතා තදබල ලෙස තන අලෙවිකරණයට අනුගත වෙමින් තිබේ. පසුගිය දා දෙරණ රූපවාහිනියේ උළෙලකට පැමිණි නිළියක් සිය තනය කොතරම් විවෘත කරගෙන සිටියේ දැයි කිවහොත් අදාළ මෙවලමෙහි වැසී තිබුණේ එහි පුඩු ව පමණක් ම ය. එය සුන්දර දසුනකි. කාලය හා භාවිතය තුළින් එය මදක් පොළොවට ලම්බක ව තිබුණා හැර පුද්ගලික ව මා නම් එහි වරදක් දකින්නේ නැත. පෙර කළ නම් අප මෙවැනි දෙය බලා ගත්තේ නිල් චිත්‍රපටයක ය. එහෙත් දැන් එය මග තොටේ, බසයේ හා වැඩපළේ දැකීමට ලැබෙන සුලබ දෙයකි. වරෙක මට සිතුණේ ලංකාවේ පිරිමියා දැන් එන්න එන්න ම මෙවැනි දෙය දකිමින් සිය ලිංගික හැඟූම් පාලනය කර ගැනීමට වඩාත් වැඩි හැකියාවක් ලබාගෙන ඇතිදෝ යන්න ය. කාන්තාව විසින් මෙසේ කිරීමේ අරමුණ ද එය විය හැකි ය. උදාහරණයක් ලෙස විවෘත ව තිබෙන තනයක් හෝ අඟල් 6කට වඩා නිරාවරණය වූ ගැඹුරු පෙකණියක් සහිත කාන්තා බඩ පොඩියක් දෙස පිරිමියෙකු විසින් බැලුව හොත් කාන්තාව විසින් විටෙක රවා එය වහා සිය සාරියෙන් ආවරණය කර ගැනීමට ඉක්මන් වන්නේ එනිසා ය. මේ අතර, මා මේ ඊයේ පෙරේ දා බුකියේ පෝස්ටුවක දුටුවේ “දූලාට නිදහසේ එළියට යන්නට ඉඩ දෙන්න. ඔ‍බගේ පුතාට හැසිරෙන්න කියාදෙන්න” යනුවෙනි. මේ අනුව, ලංකාවේ කාන්තා ලිංගික හිංසන හා ස්ත්‍රී දූෂණ වැනි දෙය අඩු වීමට මෙම තත්වය ඉදිරියේ දී බලපෑ හැකි බව සිතත හැකි ය.

ඒ කෙසේ වෙතත්, ඉහත හැසිරීම් උපදෙසට අනුව සිය ලිංගික අවශ්‍යතාවන් පාලනය කර ගැනීමට නොහැකි පිරිමින්ට දෙන විසඳුම කුමක් ද? ඊට ද එකක් ඇත්තේ ය. ඊයේ දින ගණිකා වෘත්තිය නීතිගත කරන ලෙස ඉල්ලමින් ගණිකා වෘත්තියේ නියැලෙන පිරිසක් ඉදිරයට ආවේ මේ අරමුණින් ය. මම නම් මීට එකඟ වෙමි. ඒ මා එදා ද අද ද ඉරාකය ආක්‍රමණය කරනවාට එරෙහි නිසා යා.

මහින්ද පතිරණ