හෙට දිනය තුල ගන්නා තිරණාත්මක තින්දුව සමග ජුලි 09 වැනිදා අනුරාධපුරයේදී පැවැත්වෙන ඓතිහාසික රැලියට මහින්ද රාජපක්ෂ මහතා සමග සන්ධාන පාර්ලිමෙන්තු මන්ත්‍රිවරුන් 110ක් සහ පළාත් සභා,ප්‍රාදේශිය සභා සහ ශ්‍රිලනිප.හා එක්සත් ජනතා නිදහස් සන්ධාන සිවිල් සංවිධාන රැසක් සමග සහභාගී විමට නියමිත බව අප විශේෂ දේශපලන වාර්තාකරු සදහන් කළා.මෙම අවස්ථාවට එක්සත් ජාතික පක්ෂය නියෝජනය කරන මන්ත්‍රිවරුන් කිහිප දෙනෙකුද එක් විමට නියමිතව සිටින බව අප වාර්තාකරු සදහන් කළා.
ලාංකිය ඉතිහාසයේ දිර්ඝතම රාජධානිය වන අනුරාධපුරය ඉතා දක්ෂ පාලකයන් රැසක් ලංකාවේ පුනරුද ඇති කල රාජධානියක් ලෙසටද ප්‍රසිද්ධයි එවන් රාජධානියක සිට මෙවර මහින්ද රාජපක්ෂ සමග මේ සටන අරඹන්නේ යලිත් කිසිදිනක මේ රට පාවා දෙන්නන්ගේ ග්‍රහණයට හසු නොවේවා යන ප්‍රාර්ථනයද සහිතව බව රැස්විම සංවිධානයේදි තින්දුවක් ගෙන තිබේ.
මේ අතර හිටපු ජනාධිපති මහින්ද රාජපක්ෂ මහතාට මහ මැතිවරණයට ඉදිරිපත් වන ලෙස ඉල්ලීම් කිරීමට එක්සත් ජනතා නිදහස් සන්ධානයේ පක්‍ෂ නායකයන් හෙට (01 වැනිදා) තංගල්ලේ කාල්ටන් නිවසට රථ පෙළපාලියකින් යැමට තීරණය කර තිබේ.
මේ සඳහා සන්ධාන නායකයන්, පාර්ලිමේන්තු, පළාත් සභා, පළාත් පාලන නියෝජිතයන් සහභාගි වන අතර එහිදී හිටපු ජනාධිපතිවරයා විශේෂ ප්‍රකාශයක්‌ කිරීමටද නියමිතය.
එක්සත් ජනතා නිදහස් සන්ධානය නියෝජනය කරන මහජන එක්සත් පෙරමුණේ නායක දිනේෂ් ගුණවර්ධන, ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්‌කාර, ජාතික නිදහස් පෙරමුණේ නායක විමල් වීරවංශ, පිවිතුරු හෙළ උරුමයේ නායක උදය ගම්මන්පිල, පාර්ලිමේන්තු මන්ත්‍රීවරුන් වන ඩලස්‌ අලහප්පෙරුම, කුමාර වෙල්ගම, එස්‌. එම්. චන්ද්‍රසේන, ගාමිණී ලොකුගේ, මහින්දානන්ද අලුත්ගමගේ යන මහත්වරුන් ඇතුළු 15 දෙනකුගෙන් යුත් කමිටුවකින් ගත් තීරණයක්‌ මත මෙම වැඩසටහන දියත් කෙරේ.
