2019 දී ශ්‍රී ලංකාවට එල්ල වූ ත්‍රස්තවාදී ප්‍රහාරයට සම්බන්ධ IS සංවිධානය යළිත් මෙරටට ඇතුළු වී ඇත්දැයි කඩිනම් පරීක්ෂණයක් පවත්වා රටේ ආරක්ෂාව තහවුරු කිරීමට කටයුතු කරන ලෙස පොලිස්පති සී.ඩී. වික්‍රමරත්නට සහ ජනාධිපති රනිල් වික්‍රමසිංහට සමස්ත ලංකා ජම්ඉයියතුල් උලමා සභාව All Ceylon Jamiyyathul Ulama (ACJU) විසින් පසුගිය 24 වැනිදා ලිපියක් යොමු කර තිබේ.
පසුගිය බදාදා පාර්ලිමේන්තුවේ පැවති අපනයන සහ ආනයන රෙගුලාසි පිළිබඳ විවාදයේදී විපක්ෂ මන්ත්‍රී චමින්ද විජේසිරි විසින් IS සංවිධානයෙන් පුහුණුව ලැබූ 25 දෙනෙකු මෙරට සිටින්නේ දැයි ප්‍රශ්න යොමු කළහ. ඉන් අනතුරුව මන්ත්‍රීවරුන් අතර වාද විවාද ඇති විය.
මෙහිදී සිදු වූ ප්‍රකාශයන් තුළින් මතුවූ සැකය පදනම් කරගනිමින් සමස්ත ලංකා ජම්ඉයියතුල් උලමා සභාව විසින් මෙම ලිපි යොමු කිරීමට හේතු විය.
එකී පාර්ලිමේන්තු සැසියේදී සිදු වූ කතාවේ සත්‍ය අසත්‍යතාව සහ පසුගිය කාලයේ මෙන් අදාළ තොරතුරු ලැබී තිබියදීත් කඩිනම් පියවර නොගැනීමෙන් සිදු වූ අනර්ථය පිළිබඳව පුළුල් විමර්ශනයක් ආරම්භ කළ යුතු බව එම ලිපියෙන් පෙන්වා දී තිබේ. එමෙන්ම රටේ ආරක්ෂාව තහවුරු කරන ලෙස මෙම ලිපියෙන් ඉල්ලා තිබීම විශේෂත්වයකි.
අයි.එස්.අයි.එස්. සංවිධානයේ බෝම්බකරුවන් අප රට තුළට පිවිස ඇති බවට පා.ම. චමින්ද විජේසිරි මහතා කරන ලද ප්‍රකාශයට අවධානය යොමු කරන මෙන් ඉල්ලීම.
2023.08.23 දින පාර්ලිමේන්තු විවාදය අතරතුර පා.ම. චමින්ද විජේසිරි මහතා විසින් අයි.එස්.අයි.එස්. සංවිධානයේ බෝම්බකරුවන් අප රට තුළට පිවිස ඇති බවටත් ඒ පිළිබඳව පා.ම. වජිර අබේවර්ධන මහතා දැනුවත් බවටත් ප්‍රකාශයක් සිදුකර ඇත. පසුගිය කාලයේ පාස්කු ඉරුදින සිදුවීම තුළින් අප රටට විශාල හානියක් සිදුවූ බව අපි දනිමු. එකී සංවිධානයේ ක්‍රියාකලාපය පිළිබඳව පෙරාතුවම අප ලද තොරතුරු ආරක්ෂක අංශයට මෙන්ම අදාළ බලධාරීන්ට දැන්වූවත් කිසිඳු තීරණයක් හෝ සොයා බැලීමක් සිදු නොවූ බැවින් කිතුණු භක්තිකයන් පමණක් නොව රටේ සමස්ත ජනතාවම විශාල බලපෑමකට ලක් විය. තවද ආර්ථිකයේද විශාල පසුබෑමක් ඇති විය.
මේ අනුව රටේ යහපත හා අභිවෘද්ධිය සැලකිල්ලට ගෙන මින් මතුවට මෙවැන්නක් සිදු නොවිය යුතු බැවින් පා.ම. චමින්ද විජේසිරි මහතා කළ ප්‍රකාශය පිළිබදව සොයා බලා ඊට අදාළ නිසි පියවර ගනිමින් රටේ ආරක්ෂාව තහවුරු කරන මෙන් අපි ඉතා කාරුණිකව ඉල්ලා සිටිමු.
ස්තූතියි,
අෂ්-ෂෙයික් එම්. අර්කම් නූරාමිත්
මහලේකම්,
සමස්ත ලංකා ජම්ඉයියතුල් උලමා සභාව
පකිස්තානයේ සියල්කොට් හි කර්මාන්ත ශාලාවට එල්ල වූ බිහිසුණු අමානුෂික ප්‍රහාරය සහ ශ්‍රී ලාංකික කළමනාකරුවෙකු ගිනි තැබීම පිළිබඳව ජාතික මෙන්ම ජාත්‍යන්තර වශයෙන්ද අවධානය යොමුව ඇති අතර වහාම නීතිය ක්‍රියාත්මක කිරිම සදහා පාකිස්ථාන අගමැතිවරයාද මැදිහත්ව තිබේ. (මෙම පුවතේ ඝාතනයට අදාළ විඩියෝ අඩංගු වි ඇති බැවින් නැරඹීමට පෙර කල්පනාකාරී වන්න. )
කෙසේවෙතත් සිය දේශපාලන අවශ්‍යතාවන් වෙනුවෙන් මෙම ප්‍රහාරය යොදා ගැනිම සදහා රටතුල සිටින ආගමික අන්තවාදීන් කටයුතු කරමින් සිටින බවට මේ වනවිට තොරතූරු අනාවරණය වෙමින් තිබේ.
මේ අතර සමස්ත ලංකා ඉස්ලාම් ආගමික විද්වතුන්ගේ සභාව මේම ම්ලේච්ඡ ඝාතනය සම්බන්ධයෙන් නිවේදනයක් නිකුත් කර තිබේ.
සියල්කොට් හි කර්මාන්ත ශාලාවට එල්ල වූ බිහිසුණු අමානුෂික ප්‍රහාරය සහ ශ්‍රී ලාංකික කළමනාකරුවෙකු ගිනි තැබීම අපි තරයේ හෙළා දකිමු. එමෙන්ම මේ සම්බන්ධයෙන් කඩිනම් ක්‍රියාමාර්ගයක් ගෙන සැකකරුවන් 100 කට අධික සංඛ්‍යාවක් අත්අඩංගුවට ගැනීම සම්බන්ධයෙන් පාකිස්තාන නීතිය ක්‍රියාත්මක කිරීමේ අධිකාරියට අපගේ ප්‍රශංසාව ද පුදකර සිටිමු.
මෙම ම්ලේච්ඡ ඝාතනය සම්බන්ධයෙන් අපරාධකරුවන්ට එරෙහිව දැඩි ක්‍රියාමාර්ග ගන්නා ලෙස අපි ඉල්ලා සිටිමු. විපතට පත් අයගේ පවුලේ උදවියට සැනසුම, සාධාරණය අත්වේවායි ප්‍රාර්ථනා කරන අතර ඒ වෙනුවෙන් අපගේ බලවත් ශෝකය ප්‍රකාශ කර සිටිමු.
ලෝකවාසී සියලු පුරවැසියන්, නීතියේ ආධිපත්‍යයට ගරු කරමින් ප්‍රජාවන් අතර තිරසාර සහෝදරත්වය ගොඩනැගීම සඳහා මානුෂීයව ක්‍රියා කරමින් අපගේ අනාගත පරම්පරාවට යහපත් පරිසරයක් දායාද කිරීම අපගේ අවංක බලාපොරොත්තුවයි.
අෂ්-ෂෙයික් එම්. අර්කම් නූරාමිත්
මහලේකම්,
සමස්ත ලංකා ඉස්ලාම් ආගමික විද්වතුන්ගේ සභාව (ACJU)
All Ceylon Jamiyyathul Ulama (ACJU)
(මෙම පුවතේ ඝාතනයට අදාළ විඩියෝ අඩංගු වි ඇති බැවින් නැරඹීමට පෙර කල්පනාකාරී වන්න. ) පහලට
