Published on- Oct 25, 2019 සන්ඩේ ලීඩර් කතෘ ලසන්ත වික්‍රමතුංග ඝාතනය කළේ තමන් නොව ලංකාවේ හමුදාව බවත් තමන් එම සිදුවීමේදි කළේ රාජකාරිමය කටයුත්තක් පමණක් බවත් හිටපු ආරක්ෂක ලේකම් ජනාධිපති අපේක්ෂක ගෝඨාභය රාජපක්ෂ විසින් කැලිෆෝනියාවේ දිසා අධිකරණය ඉදිරියේ පවසා සිටිම රණවිරුවන්ගේ අපේක්ෂාභංගත්වයට හේතු වී තිබෙනවා.
යුද්ධය සමයේ ගුවන් හමුදාවට ගෙන ආ මිග් යානා වලින් අමෙරිකානු ඩොලර් කෝටි ප්‍රකෝටි ගණනින් ගෝඨාභය රාජපක්ෂ ඇතුළු රාජකීය සහෝදර සමාගම විසින් ගසා කෑ අයුරු සිය පුවත්පත හරහා රටේ ජනතාව වෙත අනාවරණය කිරීමේ වරදට මාධ්‍යවේදී ලසන්ත වික්‍රමතුංග මිනී මැරීම සඳහාම ගෝඨා විසින් පිහිටුවා තිබූ මිනිමරු කල්ලියක් වෙතින් මරණයට පත් වූ බව මේ රටේ ලොකු කුඩා සියල්ලම දන්නා කරුණකි .
එසේ තිබියදි පෞද්ගලික බල තන්හාව වෙනුවෙන් කළ වැරදි වලට විපාක විදීමට ඇති බියෙන් ගෝඨාභය රාජපක්ෂ මෙලෙස විදේශිය අධිකරණයක් ඉදිරියේ රටේ හමුදාව පාවා දුන්නේ කුමන පදනමකින්ද? හා කුමන අයිතියකින් ද යන්න රණවිරුවන් ප්‍රශ්න කරමින් සිටි.
සියවසේ සිදුවූ මේ මහා පවා දීම පිළිබඳව මේ වන විට රට පුරා විරෝධතාවන් ආරම්භ වී ඇති අතර බලය ලබා ගැනීම දේශප්‍රේමිත්වය කරේ තබාගෙන පපුවට ගසා ගනිමින් රණවිරුවන්ගේ අයිතිය වෙනුවෙන් කතා කොට පිටුපසින් සිය බිරින්දෑගේ සාරි කටුව ගැසීමට, ගෙදර බල්ලන් නෑවීමට රණවිරුවන් යොදා ගන්නා රාජපක්ෂ වරුන් මෙන් නොව සැබැවින්ම මේ රටේ රණවිරුවන්ට ආදරය කරන පිරිස රණවිරුවන්ට එරෙහිව සිදු වූ මේ මහා පාවා දීම වෙනුවෙන් ඉදිරියට පැමිණ ඇත.
තත්ත්වය මෙසේ කණපිට පෙරලි සිය සැබෑ පෙනුම රටේ ජනතාව ඉදිරියේ විවෘත වෙද්දි ජනපති පදවියේ පරාජයෙන් වියරු වැටුණු ගෝඨා ජනාධිපතිවරණය වෙනුවෙන්ම පොරවා ගත් සිය සිල් රෙදි ගලවා සිය සුපුරුදු මර්දනකාරී මාවතට අවතීර්ණ වෙමින් පවති.
ඒ අනුව පසුගිය 23 වෙනිදා ගෝඨාභය රාජපක්ෂගේ නීතිඥවරුන් විසින් මේ මහා පාවා දීමෙදි රණවිරුවන් වෙනුවෙන් හඬ නගන ජනාධිපති උපදේශක නීතිඥ ශිරාල් ලක්තිලක වෙත රුපියල් බිලියනයක වන්දියක් ඉල්ලා එන්තරවාසියක් එවා ඇත.
එහිදි ගෝඨා පවසා ඇත්තේ ‘ගෝඨාභයගේ’සියවසේ මහා පාවා දීම ‘ ලෙස සඳහන් කොට ඇති එම විරෝධතාව හරහා සිය කීර්තිනාමයට හානියක් වන බැවින් මෙම මුදල ගෙවන ලෙසයි.
ගෝඨාභය රාජපක්ෂ විසින් නීතිඥ ශිරාල් ලක්තිලක වෙත එවා ඇති එන්තරවාසිය,
නමුත් මෙහිදි පෙන්වා දිය යුත්තේ රැක ගැනීමට තරම් කීර්තිනාමයක් ගෝඨාභය රාජපක්ෂ වෙත නොමැති බවයි. ඔහු මෙපමණ කලක් ලොවට පෙන්වා සිටියේ බැටළුහම් පෙරවා ගත් සිය ව්‍යාජ ස්වරූපය බව ගෝඨාට අමතක වී ඇත. බලයට කෑදරකමින්, දඬුවමට ඇති බියෙන් වැරදි පිළිගන්නවා වෙනුවට ලෝකයේ භයානක ත්‍රස්තවාදයක් පරාජය කළ රණවිරුවන් එදා ෂැංග්‍රිලා හෝටලයේදි හා කැලිෆෝනියා අධිකරණය ඉදිරියේ පවා දුන් දිනයේම ගෝඨාගේ හිවල් ගතිය මතු වූ බවත් එම සත්‍ය ලොවට පෙන්වා දීමේ වරදක් නොමැති බවත් තවමත් සමාජය තුළ වරදට එරෙහිව පෙනි සිටින නිර්භීත මිනිසුන් සිටින බවත් ඔහුට අමතක වී ඇත.
මේ අතර ගෝඨාභයගේ මේ මුග්ධ ක්‍රියාව සමඟ සිය දහඩිය, කඳුළු, ලේ, ඇස්, මස් , සම් රට වෙනුවෙන් පුජා කළ දිවි පුදා මේ රට රැකගත් රණවිරුවන් අසරණ වී ඇති අතර තමන්ට එරෙහිව මේ කරන පාවා දීමට එරෙහිව ඔවුන් ගෝඨාභය රාජපක්ෂ වෙත විරෝධය දක්වා ඇති බවද වාර්තා වේ.
එමෙන්ම යුධ සමයේ ක්‍රියාන්විතයේ නිරතව සිට මේ වන විට විශ්‍රාම ගොස් ඇති රණවිරුවන් පිරිසක් හා දැනටත් රාජකාරියේ යෙදි සිටින රණවිරුවන් පිරිසක් බත්තරමුල්ල නෙළුම් මාවතේදි බැසිල් රාජපක්ෂ හමුවි ඔහුට ද තමන්ට සිදුවන මේ අසාධාරණය වෙනුවෙන් බැන වැදි ඇති අතරම රණවිරුවන් බිල්ලට යවා හෝ තමා රැකගන්නා මෙවන් නිච පුද්ගලයෙකු රටේ ජනාධිපති අපේක්ෂකයා වශයෙන් පත් කිරීමට තරම් අපරික්ෂාකාරී වූයේ කෙසේදැයි ප්‍රශ්න කොටඇත .
එමෙන්ම තවදුරත් රණවිරුවන් වෙනුවෙන් බොරු කිඹුල් කදුළු නොසලා සිටින ලෙසත් ගෝඨාභය රාජපක්ෂට මේ රටේ ජනාධිපති වීමට කිසිවිටක ජනතාව ඉඩ නොතබනු ඇති බවත් ඔවුන් පවසා ඇති අතරම රටේත්, ජනතාවගේත් අවාසනාවට ගෝඨාභය රාජපක්ෂ ජනාධිපතිවුවහොත් එය සමස්ත රණවිරුවන්ගේම මලගම වනු ඇති බවද පෙන්වා දී තිබෙනවා.
