එක්සත් ජාතික පක්ෂයට මෙන්ම ජහපාලකයන්ටද මහත් හිසරදයක්ව සිටින හිටපු අමාත්‍ය විමල් වීරවංශ මහතාව කෙසේ හෝ කොටුකර ගැනිම සදහා වැඩපිළිවෙළක් සකස් කරමින් සිටින බව LNW විශේෂ වාර්තාකරු අනාවරණය කර සිටි.
බන්ධනාගාරය විසින් හිටපු ඇමැති සහ ජාතික නිදහස් පෙරමුණේ නායක විමල් වීරවංශ මහතාගේ බිරිය වන ශෂි විරවංශ මහත්මිය අද අධිකරණයට ඉදිරිපත් කරනු ලැබු අතර එහිදි ශෂී වීරවංශගේ බැංකු ගිනුම් විස්තර පරීක්ෂා කිරීමට ඉඩ දෙන ලෙස බැංකු 19ක කලමනාකරුවන්ට නියෝග කරන්නැයි රහස් පොලිසිය අද කොළඹ ප්‍රධාන මහේස්ත්‍රාත් ගිහාන් පිලපිටිය මහතාගෙන් ඉල්ලීමක් කර තිබේ.එම ගිණුම් පරික්ෂාකර ඒ හරහා කෙසේ හෝ විමල් විරවංශ අත් අඩංගුවට ගැනිමට තරම් ප්‍රමාණවත් සාක්ෂි එකතු කරන ලෙසට නියෝග නිකුත් කර තිබේ.
මේ අතර කවුරුන් තමාත් තම බිරියත් මොන හිරේ දැම්මත් තම ඉදිරි දේශපාලන පියවර නොනවත්වන බව බිරිඳ ශෂී වීරවංශ අද (25) අධිකරණයට රැගෙන ආ අවස්ථාවේ හිටපු ඇමැති විමල් වීරවංශ මාධ්‍යවේදීන් හමුවේ කියා සිටියා.මේ තත්ත්වය මෙසේ ඇතිවේයැයි බලාපොරොත්තු වූ බවද කෙසේ වෙතත් සාධාරණත්වය පිළිබඳව තවමත් බලාපොරොත්තු තබා ඇතැයිද චෝදනා තොග හා සිල්ලර වශයෙන් පැටවු ගසන බවද එහිදී ඔහු පැවසීය.
හිත රිදුනානම්,බොරුවක් කියලා හිතනවානම් දැන්ම ලියන්න.පිළිතුරු දිමේ අයිතිය තහවුරු කර තිබේ.- lankanewsweb.today@gmail.com
