පුද්ගලයන් 300 දෙනකුගේ පමණ ජීවිත බිලිගත් සහ තවත් විශාල පිරිසක් තුවාල ලබා ආබාධිත තත්ත්වයට පත්කළ පාස්කු ඉරිදා බෝම්බ ප්‍රහාරයේ පස්වැනි සංවත්සරය පසුගිය අප්‍රේල් 21 වැනිදා ගෙවී ගියේය. බෝම්බ ප්‍රහාරකයන් පාස්කු දිනයේදී කතෝලික සහ ක්‍රිස්තියානි පල්ලි ඉලක්ක කරගත් අතර, ප්‍රහාර එල්ල වන අවස්ථාවේ පූජනීය ස්ථාන බැතිමතුන්ගෙන් පිරී පැවැතිණි. බෝම්බ ප්‍රහාරකයන් එහිදී ක්‍රියාකළ ආකාරයට, ශ්රී ලංකාව ගෝලීය සටනක මධ්‍යස්ථානයක් බවට පත්ව තිබේද යන්න සහ ඔවුන් නැවත ප්‍රහාර එල්ලකළ හැකිද යන අවිනිශ්චිතභාව මතුව තිබිණි. මාස දෙකක් තිස්සේ කොළඹ අගනුවර සම්පූර්ණයෙන්ම පාහේ වසාදැමුවේ මිනිසුන් බියෙන් ජීවත් වූ බැවිනි. බෝම්බ ප්රහාරය ජාතික දේශපාලනයේ ගමන් මග ද වෙනස් කළේය. ජාතික ආරක්ෂාව සහතික කිරීම සහ වාර්ගික හා ආගමික බහුතරයට නිසි තැන ලබාදෙන බවට පොරොන්දු වූ ජාතිකවාදී දේශපාලනඥයන්ට පෙරට ඒමට එය මග පෑදීය.
අද වන විට එම සිදුවීම් පිළිබඳ මතකය බොහෝදෙනාගෙන් ඈත් වී ඇත. එහෙත් බෝම්බ ප්‍රහාරයේ බලපෑම දිගුකල් පවතින්නක් බවට පත්ව තිබේ. විදේශ ආයෝජකයන් සහ සංචාරකයන් ශ්රී ලංකාවට නොපැමිණීමෙන් ඇති වූ ආර්ථික පසුබෑම මධ්‍යයේ මැතිවරණ ජයග්රහණය කළ අයගේ දූෂණ සහ වැරදි කළමනාකරණය හේතුවෙන් රටේ ආර්ථිකය බංකොලොත්භාවයට මග පෑදීය. විදේශීය සහ දේශීය ඔත්තු සේවා විසින් ප්‍රහාර සැලසුම් කළ අය සහ ප්‍රහාරවලින් ඉලක්ක කළ අය ගැන කල්තියා අනතුරු අඟවා තිබියදීත්, ප්‍රහාර එල්ලවූ අතර, ඊට වගකිවයුත්තන්ට එරෙහිව පියවර ගැනීමට හෝ සත්‍යය සොයාගැනීමට අවශ්‍යතාව නොමැතිවීම හේතුවෙන් වත්මන් සහ පසුගිය ආණ්ඩුවල නායකත්වයන් කෙරෙහි විශ්වාසය පළුදුවී ඇත. එමනිසාම වැරදිකරුවන් ආරක්ෂා කරන බවට අද රට තුළ පුළුල් හැඟීමක් ඇති වී තිබේ.
රටේ කතෝලික පල්ලිය විසින් මියගිය අයව ශාන්තුවරයට පත්කිරීමට හෝ ප්‍රාණ පරිත්‍යාග කළවුන් ලෙස නම්කිරීමට දරන උත්සාහය ජාතික හා අන්තර්ජාතික වශයෙන් මෙම සමූහ ඝාතන ප්‍රශ්නය සජීවීව තබාගැනීමේ උත්සාහයකි. මේ සඳහා අන්තර්ජාතික පූර්වාදර්ශයන් ද තිබේ. උදාහරණ ලෙස කතෝලික සභාව හරහා අන්තර්ජාතිකකරණය වූ වියට්නාම ප්‍රාණ පරිත්‍යාගිකයන් හෝ 16 වැනි සියවසේ ජපන් දිවිපිදූවන් දැක්විය හැක. කාදිනල් මැල්කම් රංජිත් හිමිපාණන් පවසා ඇත්තේ, පාප්වහන්සේගේ දැනුවත්භාවය සඳහා රෝමයට යැවීම වෙනුවෙන් රට පුරා සිටින කතෝලික ප්‍රජාවගෙන් අත්සන් එකතු කිරීමේ පළමු පියවර පල්ලිය විසින් ආරම්භ කරන බවයි. “මක්නිසාද අපි ඔවුන්ව ‘ඇදහිල්ලේ වීරයන්’ ලෙස ප්‍රකාශ කළ පසු, අන්තර්ජාතික ප්‍රජාව ඔවුන්ව වඩවඩාත් හඳුනාගෙන එය අන්තර්ජාතික කාරණයක් බවට පත්වනු ඇත”. මැල්කම් රංජිත් කාදිනල් හිමිපාණන් මහමග මහජන විරෝධතාවලදී මෙන්ම, ජාතික නායකයන් හා අන්තර්ජාතික ප්‍රජාව සමඟ බලපෑම් කරමින් යුක්තිය ඉල්ලා මියගිය පවුල්වල හැඟීම් වෙනුවෙන් හඬනැගීම්වලදී ඉදිරියෙන් සිටීමට අධිෂ්ඨානශීලීව කටයුතු කර ඇත.
පාස්කු ඉරිදා බෝම්බ ප්රහාරයට තුඩුදුන් සිදුවීම් පිළිබඳ නිල පරීක්ෂණ කිහිපයක්ම සිදුකර ඇත. ආරක්ෂක අංශයේ ඉහළ තනතුරු දැරූ දෙදෙනකුට ටික කලක් සිරගතවීමට පවා සිදු වූ අතර තවත් පිරිසකට රාජකාරි පැහැරහැරීම හේතුවෙන් විශාල දඩ මුදලකටද යටත් වීමට සිදුවිය. එහෙත් තවමත් තොරතුරු වසන් කිරීමක් සිදුවී ඇති බව දැනීම ප්‍රබලය. කාලයාගේ ඇවෑමෙන් සත්‍යය වසන් කිරීමක් පිළිබඳ තවත් සාක්ෂි මතු වී තිබේ. සත්‍ය බව සහතික කළ හැකි සහ සැඟවිය නොහැකි කරුණු පවතින බව පෙනේ. විමර්ශන හැකියාවන් සහිත ශ්රී ලංකාවේ බුද්ධි අංශවල සහ පොලිසියේ සාමාජිකයින් සතුව ඇත්ත වශයෙන්ම සිදුවූයේ කුමක්ද යන්න පිළිබඳ සාක්ෂි නිසැකවම තිබේ. එහෙයින් සත්‍යය හෙළිදරව් වීම පිළිබඳ ගැටලුව වන්නේ කාලය පමණක් වේ.
බෝම්බ ප්රහාරය ගැන සොයාබැලූ ජනාධිපති කොමිසමේ සම්පූර්ණ වාර්තාව කතෝලික සභාවට ලබාදුන්නේ මීට සති දෙකකට පෙරය. ඔවුන් කළින් ලබා දී තිබූ වාර්තාවේ, එයද දීර්ඝ ප්‍රමාදයකින් පසුව පිටු 1500ක් පමණ ඉවත් කර ඇති බව ප්‍රකාශ විය. යුක්තිය සඳහා වන ගවේෂණයේ ඊළඟ අදියර නව ආණ්ඩුවක් යටතේ සිදුවනු ඇතැයි බලාසිටීමට සිදුවනු ඇත. නව ආර්ථික දිශානතියක් තීරණය කිරීම සඳහා අවශ්‍ය වන ආකාරයටම, සත්‍යය තහවුරු කරගැනීමේ දිශානතිය සඳහාද ජනතා වරමක් අවශ්‍ය නොවේ. යුක්තිය මූලික වශයෙන් සැළකිලිමත් වන්නේ ජනප්‍රිය මතය හෝ මැතිවරණ වරම පිළිබඳව නොවන අතර, එය විශ්වීය ආචාරධර්ම සහ නෛතික ප්‍රමිතීන් මත පදනම් වූ සාධාරණ සැළකීම අපේක්ෂා කරයි. අලුත් ආණ්ඩුවක් අවශ්‍ය වන්නේ, ආණ්ඩුවේ සිටින අයට සත්‍ය හෙළිකිරීමට ඇති දැඩි අවශ්‍යතාව සහ තමන් සිටින බෝට්ටුවට ගිලෙන්නට නොදී රැකගැනීමට පවතින කැමැත්ත හේතුවෙනි.
ප්‍රශ්න කිරීම සඳහා පොලිස් අපරාධ පරීක්ෂණ දෙපාර්තමේන්තුවට පැමිණීමෙන් අනතුරුව කොළඹ අගරදගුරු පදවියේ ප්‍රකාශක සිරිල් ගාමිණී ප්‍රනාන්දු පියතුමා විවෘතව කියාසිටියේ, පාස්කු ඉරිදා ප්‍රහාරයේ සත්‍ය හෙළිදරව් කිරීම දේශපාලන පද්ධතියේ වෙනසක් මත තීරණය කෙරෙනු ඇති බවයි. තමන් අවස්ථා කිහිපයකදී අපරාධ පරීක්ෂණ දෙපාර්තමේන්තුව හමුවේ පෙනීසිට සවිස්තරාත්මක ප්‍රකාශ ලබාදී ඇති බවද එතුමෝ සඳහන් කළහ. එසේ තිබියදීත්, ඔහු හෙළිකළ තොරතුරු මත පදනම්ව සැළකිව යුතු පරීක්ෂණයක් සිදුනොවීය. පාස්කු ඉරිදා ප්රහාරය පිටුපස සිටින මහ මොළකරුවන් හෙළිදරව් කිරීමට ආණ්ඩුව දක්වන කැපවීම පිළිබඳව ඔහු සැක පළකළ අතර, එය සිදුවීමට නම් දේශපාලන ක්‍රමයේ වෙනසක් අවශ්‍ය බවට ඔහුගේ අදහස විය.
2019 පාස්කු ඉරිදා සිදුවීම් වඩාත් තියුණු වන්නේ කොළඹ සහ මඩකලපුව පල්ලිවලට බෝම්බ ප්‍රහාර එල්ල කළ ක්‍රිස්තියානි ප්‍රජාවගේ මතකයේ ය. ඒ අතරම, එදා සිදු වූ ජීවිත හානි වෙනත් තැන්වල සිදු වූ සිදුවීම් හා වෙනත් අවස්ථාවල සිදු වූ හානිවලින් වෙනස් නොවන බව මතක තබා ගත යුතුය. කිතුනුවන් සහ ඔවුන්ගේ නායකත්වය යුක්තිය සඳහා වූ ප්‍රයත්නය අත්නොහරිමින්, හානියට පත්වූවන් සිහිපත් කරන්නේ නම්, තමන්ට අහිමිවූවන් අඛණ්ඩව සිහිපත් කිරීමටත් යුක්තිය සඳහා වන ගවේෂණය අත්නොහැරීමටත් පවතින අධිෂ්ඨානය කිසිවිටෙකත් අවසන් කරනු ඇතැයි සිතිය නොහැක. 2009 මැයි මාසයේදී, එල්.ටී.ටී.ඊ.ය පරාජය කිරීමත්, අද දක්වාම බොහෝදෙනා සම්පූර්ණයෙන් නොදන්නා තත්ත්වයන් තුළ එහි නායකයන් ඝාතනය කිරීමත් සමඟ උතුරේ යුද බිමේ දශක තුනක අභ්‍යන්තර යුද්ධය ඉතා ලේ වැකි ලෙස අවසන් විය.
සමූහ ඝාතන සිදුවූයේ 2009 මැයි සිදුවීම්වලදී පමණක් නොවේ. මීට වසර විස්සකට පෙර 1989 දී ජනතා විමුක්ති පෙරමුණ පරාජයට පත් වූ අතර එහි නායකත්වය ද ඝාතනය විය. දසදහස් ගණන් මිනිසුන් මරාදැමූ ප්‍රචණ්ඩ ක්‍රියා එහිදීද සිදුවිය. එල්.ටී.ටී.ඊ.ය සම්බන්ධයෙන් මෙන්ම, ජනතා විමුක්ති පෙරමුණේ විනාශය සිදුවූයේද මතුපිටින් පෙනුණු තත්වයන්ට වඩා වෙනස්ව, විවිධ පැතිවලින් හඳුනානොගත් ඝාතන සිදුවූ තත්ත්වයන් තුළය. සත්‍යය, වගවීම, වන්දි ගෙවීම සහ දේශපාලන විසඳුම ගෙනඑන සංක්‍රාන්ති යුක්තිය පිළිබඳ ක්‍රියාවලියක් තිබිය යුතු යැයි ප්‍රතිසන්ධාන ක්‍රියාවලිය ප්‍රවර්ධනය කිරීමට උත්සාහ කරන්නන් ඉල්ලා සිටින්නේ මේ නිසාය.
පසුගිය සතියේ ජාතික රාජ්‍ය නොවන සංවිධාන ලේකම් කාර්යාලය ජාතික සංහිඳියා ක්‍රියාවලියේ නියැලී සිටින සිවිල් සංවිධාන සහ රජයේ යාන්ත්‍රණ අතර හමුවක් සංවිධානය කළේය. අතුරුදන් වූවන් පිළිබඳ කාර්යාලය, වන්දි ගෙවීමේ කාර්යාලය, ජාතික සමගිය හා සංහිඳියාව පිළිබඳ කාර්යාලය, සත්‍යය, එකමුතුකම සහ සංහිඳියාව පිළිබඳ කොමිෂන් සභාව සඳහා වන අතුරු ලේකම් කාර්යාලය සමඟ සාකච්ඡා කිරීමේදී ධනාත්මක මැදිහත්වීමක් සහ ගැටලු විසඳීමේ හැඟීමක් ඇතිවිය. සත්‍ය සෙවීමේ කොමිෂන් සභා නීති කෙටුම්පතේ තවමත් ජවිපෙ යුගයේ සහ පාස්කු බෝම්බ ප්‍රහාරයේ ප්‍රශ්න ගැන සාකච්ඡා කර නැත. කතෝලික සභාව සහ ප්‍රනාන්දු පියතුමා එළිපිටම ඉල්ලා සිටින, යුක්තිය සහ ජාතික සංහිඳියා ක්‍රියාවලිය සඳහා ඇති බාධකවලින් මිදීම සඳහා මැතිවරණ හරහා පැමිණෙන ක්‍රම වෙනසක් අවශ්‍යව තිබේ.
ජෙහාන් පෙරේරා
පාස්කු ඉරිදා බෝම්බ ප්රහාරය පිටුපස කතාව අනාවරණය කරන බව කියන ‘චැනල් 4’ වාර්තා චිත්‍රපටිය විසින්, එම අකටයුතු ක්‍රියාව පිටුපස සිටියේ කවුරුන්ද සහ එය සිදුකළේ ඇයිද යන්න පිළිබඳව රට තුළ යළි සංවාදයක් ආරම්භ කර තිබේ. එහි පිළිතුර සරල බව ඔප්පු නොවේ. එය කෝපයට, තර්ජනයට හා මතභේදයට තුඩු දී ඇත. ප්‍රහාරයේ මරාගෙන මැරෙන බෝම්බකරුවන් සහ ඔවුන්ගේ ගොදුරු බවට පත්වූවන් හඳුනාගෙන ඇත. ප්‍රහාරයේදී මරාගෙන මැරෙන බෝම්බකරුවෝ අටදෙනෙක් මියගියහ. අහිංසක මිනිසුන් 269 ක් ද මියගියේය. බෝම්බ ප්‍රහාර එල්ල කළ සියලුදෙනා මුස්ලිම් ජාතිකයෝ වූහ. ඔවුන්ගෙන් සමහරෙක් උසස් අධ්‍යාපනයක් ලැබූ අය වූ අතර, සමෘද්ධිමත් පවුල්වලින් පැමිණි අය වූහ. ඔවුන් ඉතා වැදගත් යැයි විශ්වාස කරන අරමුණක් සඳහා මිස තම ජීවිතය පූජා කිරීමට කැමැති නොවනු ඇත. විපතට පත්වූවන්ගේ අනන්‍යතාව ද දැනගන්නට ඇත. ඔවුන්ගෙන් වැඩිදෙනෙක් සිංහල සහ දෙමළ යන දෙඅංශයෙන්ම කතෝලික වූ අතර, 45 ක් විදේශිකයන් විය. වින්දිතයන් අතර ස්කොට්ලන්තයේ විශාලතම ඉඩම් හිමියාගේ දරුවන් තිදෙනා ඇතුළු ළමුන් විශාල පිරිසක් ද විය.
කෙසේ හෝ මෙය අන්තර්ජාතික පරීක්ෂණයක් සහ අන්තර්ජාතික යුක්තිය ලැබිය යුතු අන්තර්ජාතික අපරාධයක් විය. චැනල් 4 වාර්තා චිත්‍රපටයේ නිර්මාතෘවරුන් එම කතා පුවත සකස් කරන්නේ, එවකට බලයේ සිටි ආණ්ඩුව හෑල්ලූවට ලක්කරමින්, රට පාලනය කළ අය යළිත් වේදිකාවට ගෙනඒමට දියත් කළ කුමන්ත්‍රණයක් පෙන්නුම් කරන උත්සහයක් ලෙසිනි. රටේ ජාතික ආරක්ෂාව පිළිබඳ ක‍්‍රමවේදයන්ගේ දුර්වලකම හුවාදක්වන පාස්කු බෝම්බ ප්රහාරය, ඉන් මාස හතකට පසුව පැවැති ජනාධිපතිවරණයෙන් හිටපු ආරක්ෂක ලේකම් ගෝඨාභය රාජපක්ෂ මහතාට ජයග්රහණය කිරීමට මග පෑදීය. චැනල් 4 වාර්තා චිත්‍රපටියට විදේශ රටවල සරණාගතභාවය පතා සිටින තොරතුරු හෙළිකරන්නන්ගෙන් තොරතුරු ලබගෙන් ඇත. එම තොරතුරුවලින් කියා සිටින්නේ, රටේ බුද්ධි අංශයේ පිරිස් මරාගෙන මැරෙන බෝම්බකරුවන් සමඟ කුමන්ත්‍රණය කළේ, ගෝඨාභය රාජපක්ෂට මැතිවරණය ජයග්රහණය කිරීමට අවශ්‍ය පසුබිම සකස්කිරීමට බවයි.
මෙම සාහසික අපරාධය සම්බන්ධයෙන් චෝදනා ලැබ සිටින අය සහ තවත් අය පෙන්වා දී ඇත්තේ මරාගෙන මැරෙන බෝම්බකරුවන් ජනාධිපති ගෝඨාභය රාජපක්ෂ මහතාට මැතිවරණ ජයග්රහණය කිරීමට දිවි පිදූ බවට ප්‍රකාශ කිරීම තර්කානුකූල නොවන බවයි. ඔහුගේ සොහොයුරු ජනාධිපති මහින්ද රාජපක්ෂගේ ආණ්ඩුවේ ආරක්ෂක ලේකම්වරයා ලෙස කටයුතු කළ කාලයේ, රට විශාල මුස්ලිම් විරෝධී කෝලාහලවලට මුහුණදුන් නිසා, ඔහු ජනාධිපතිවරණය ජයගෙන සර්වබලධාරි වනවාට ශ්රී ලංකාවේ මුස්ලිම් ජනතාව කැමැත්තෙන් නොසිටි බව තර්කය විය. මරාගෙන මැරෙන බෝම්බකරුවන්, කතෝලික හා ක්‍රිස්තියානි ප්‍රජාවන් සහ ශ්රී ලංකාවේ මුස්ලිම්වරුන් අතර එදිරිවාදිකම් පිළිබඳ ඉතිහාසයක් නොතිබූ බැවින්, සිය කැමැත්ත මත ඔවුන් ඉලක්ක කර ගැනීමට තෝරාගැනීමේ හැකියාව ද, එවැනි තර්ක ක්‍රියාවලියක් මගින් බැහැර කෙරේ. ඔවුන්ට කිසියම් ප්‍රජාවක් ඉලක්ක කර ගැනීමට අවශ්‍ය වූයේ නම්, ඒ බෞද්ධ භික්ෂූන් වහන්සේලා ප්‍රමුඛව ඔවුන්ට එරෙහිව බොහෝ අවස්ථාවල කැරලි ගැසූ බෞද්ධයන් විය හැකිව තිබිණි. එබැවින් එම ප්‍රහාරයන් පිටුපස බාහිර “ප්‍රධාන මනසක්” පැවැතිය යුතුය.
අසාර්ථක විමර්ශන
බෝම්බ ප්‍රහාරයේ සම්පූර්ණ විස්මිත අංගය වූයේ, බෝම්බ ප්‍රහාරයෙන් පසු අවම වශයෙන් මාස දෙකක කාලයක් රට තුළ, විශේෂයෙන් නාගරික ප්‍රදේශවල භීතියේ හැඟීමක් පැවතීමයි. ඉතාම නිවැරදි මරාගෙන මැරෙන ප්‍රහාර හයක් සිදුකළ සූක්ෂම සැලසුම විසින් ප්‍රදර්ශනය කර ඇත්තේ, රජයට එරෙහිව වසර තිහක් පුරා යුද්ධයක් දියත් කළ එල්ටීටීඊයට පවා එවැනි එකවර සහ සම්බන්ධීකරණය කරන ලද ප්‍රහාර දියත් කිරීමට නොපැවති යටිතල පහසුකම් මීට තිබූ බවය. මෙම හැඟීම නිසාම, බෝම්බ ප්‍රහාරයෙන් පසුව, විශේෂයෙන්ම ක්‍රිස්තියානි ප්‍රජාවට පමණක් නොව, අනෙක් සියල්ලන්ටමද, මීළඟ ගොදුර තමන් විය හැකි බවට නිර්මාණය වුණු අර්බුදකාරී හැඟීම දිගු කලක් පැවැතිණි. එවැනි සාර්ථක පහසුකම් සැලසීමේ ව්‍යුහයක හිමිකරු විය හැකි බවට විශ්වාස කෙරුණේ, එවකට යුරෝපයේ සහ මැද පෙරදිග ඉලක්ක වෙත බෝම්බ හෙළමින් සිටි ISIS සංවිධානයයි. එහෙත් කලබලකාරීත්වය පහව ගොස් ආණ්ඩුව වෙනස් වූ පසු, ISIS කිසිදු උනන්දුවක් නොදැක්වූ අතර, ඔවුන් කිසිදු ආකාරයකින් රට තුළ නැවත පෙනීසිටියේ නැත.
එම සංහාරය සිදුවූ දින සිට ගෙවී ගිය වසර හතරක කාලය තුළ රජය විසින් පරීක්ෂණ කිහිපයක් සිදු කර ඇත. බෝම්බ ප්‍රහාරයෙන් ඉක්බිතිව, 2019 මැයි 22 වැනි දින කථානායකවරයා විසින් පාර්ලිමේන්තු තේරීම් කාරක සභාවක් පත්කරන ලද අතර, එහි වාර්තාව 2019 ඔක්තෝබර් 23 දින නිකුත් කරන ලදී. එහෙත් සෑම විටම සිදුවන ආකාරයට, පාර්ලිමේන්තු තේරීම් කාරක සභාව නියෝජනය කරන දේශපාලන පක්ෂ රාශියක් සමග එකඟතාවන්ට පැමිණීමේ දුෂ්කරතා සහ නොහැකියාව පැවැතිණි. අනතුරුව, 2019 සැප්තැම්බර් 22 වැනි දින ජනාධිපති මෛත්‍රීපාල සිරිසේන මහතා විසින් ශ්‍රේෂ්ඨාධිකරණ විනිසුරුවරයකුගේ ප්‍රධානත්වයෙන් යුත් ජනාධිපති විමර්ශන කොමිෂන් සභාවක් පත්කරන ලදී. එය දැඩි විමර්ශනයන්ගෙන් පසුව විශාල සොයාගැනීම් සිදුකර, 2021 පෙබරවාරි 01 වැනි දින සිය වාර්තාව නිකුත් කළ නමුත්, ආණ්ඩුව විසින් එය සාමාන්‍ය ජනතාවට සහ සම්පූර්ණ වාර්තාව ඉල්ලා සිටි පල්ලියට පවා නිකුත් නොකළේය. මේ අතර, පසුව සිදු වූ පොලිස් පරීක්ෂණ නරක අතට හැරුණේ, සමහර ඉහළ පොලිස් විමර්ශකයන්ට, ඔවුන්ට අදාළ නොමැති කාරණා සම්බන්ධයෙන් නීතිය උල්ලංඝණය කළ බවට චෝදනා එල්ල වීමත්, ඔවුන්ගෙන් එක් අයෙක් තමන්ට එල්ලවූ තාඩන පීඩන පිළිබඳව චෝදනා කරමින් රටින් පැන යෑමත් සමඟය. මෙම විමර්ශකයාගේ හඬ ‘චැනල් 4 වාර්තා’ චිත්‍රපටයෙන් ඇසෙනු ඇතැයි අපේක්ෂා කළ හැකිය.
ශ්රී ලංකාවේ සත්‍යය සහ වගවීම සෙවීම පාස්කු ප්‍රහාරයෙන් ඔබ්බට විහිදේ. 1971 සිට ශ්රී ලංකාව සත්‍යය සහ වගවීම සැඟවී ඇති මහා ප්‍රචණ්ඩත්වයේ කාල පරිච්ඡේදවලට මුහුණ දී ඇත. 1988 සිට 1989 දක්වා කාලය තුළ රට තුළ කැරැල්ලක් ඇති වූ අතර, එහිදී දසදහස් ගණනක් වූ පුද්ගලයන් සංඛ්‍යාවක් මියගියේය. එවැනිම පිරිසක් අතුරුදහන් විය. එම කැරලිවලින් දිවි ගලවාගත් අය සහ ඔවුන්ගේ පවුල්වල සාමාජිකයෝ තවමත් මියගිය හෝ අතුරුදන් වූ පිරිස් මතකයේ දරා සිටින අතර, සත්‍යය සහ යුක්තිය කෙදිනක හෝ මතුවනු ඇතැයි අපේක්ෂා කරති. එහෙත් එය පසුගිය දශක හතර තුළ එය සිදුනොවීය. 2009 දී අවසන් වූ සිවිල් යුද්ධය විසින්, මියගිය සහ අතුරුදහන්වූවන් යන දෙඅංශයෙන්ම ඊටත් වඩා වින්දිතයන් සංඛ්‍යාවක් ඉතිරි කළ අතර, ඔවුන්ගේ පවුල්වල සාමාජිකයන් අතර සහ සත්‍යය හා යුක්තිය අපේක්ෂාවෙන් සිටින විශාල ප්‍රජාවක් තුළ මතකයන් සහ බලාපොරොත්තු දිගටම දැවෙමින් පවතී.
විශ්වාසය නැවත ගොඩනැගීම
2009 වසරේ යුද්ධය අවසන් වූ දා සිට ජිනීවා මානව හිමිකම් කවුන්සිලයේ සැසිවාරයන්වලදී ප්‍රශ්න කරන ලද රටවල් අතළොස්සක් අතර ශ්රී ලංකාව ද එකකි. 2015 සහ 2018 අතර කෙටි කාලයක් සඳහා ශ්රී ලංකාව එක්සත් ජාතීන්ගේ යෝජනා සමඟ සහයෝගයෙන් කටයුතු කිරීමට එකඟ වූ අතර, එහිදී රටට හිතකර තත්වයන් නිර්මාණය විය. එහෙත් නැවත වරක් ශ්රී ලංකාව පෙර තත්වයටම පැමිණ ඇති බව පෙනේ. එක්සත් ජාතීන්ගේ මානව හිමිකම් කවුන්සිලයේ නවතම සැසිවාරයේදී, එක්සත් ජාතීන්ගේ මහ කොමසාරිස්වරයා පසුගිය සතියේ ප්‍රකාශ කර ඇත්තේ, වගවීම නොමැතිකම රට මුහුණදෙන ගැටලුවල හරය බවයි. යුද සමයේ සිදුවූ බරපතල මානව හිමිකම් කඩවීම් හා අපරාධවලට අමතරව, පාස්කු ප්රහාරය සහ හදිසි ආර්ථික කඩාවැටීමට හේතුවද විමර්ශනය කර, සත්‍යය සහ වගවීම පිළිබඳ පරීක්‍ෂණවලට ලක්කළ යුතු ජනතාවට එරෙහි අපරාධ ලෙස, විමර්ශනය සඳහා පවතින කරුණු ලැයිස්තුවට එක්සත් ජාතීන්ගේ සංවිධානය විසින් දැන් එක්කර ඇත.
අද ශ්රී ලංකාවේ ආණ්ඩුකරණයේ ප්‍රධාන ගැටලුව වන්නේ රට යළි ගොඩනැංවිය යුතු බවට වන විශ්වාසයක් නොමැතිකමයි. ජනතාවට ආණ්ඩුව කෙරෙහි විශ්වාසයක් නැති බවත්, ආණ්ඩුවට ජනතාව කෙරෙහි විශ්වාසයක් නැති බවත් පෙනෙන්නට තිබේ. විශ්වාසයක් ඇති වීමට නම් විනිවිදභාවය සහ සත්‍යය පැවැතිය යුතුය. සත්‍යය සොයාගැනීම සඳහා රජය විසින් දිගින් දිගටම කරන ලද පරීක්ෂණ අසාර්ථක වීම නිසා, රජය කෙරෙහි ඇති විශ්වාසය බිඳවැටීම හේතුවෙන්, පාස්කු බෝම්බ ප්රහාරය සම්බන්ධයෙන් තවදුරටත් රජය විසින් කරන ලද කිසිදු පරීක්ෂණයක් ප්‍රයෝජනවත් ව්‍යායාමයක් ලෙස ජනතාව විසින් බරපතළව සළකන්නේ නැත. ජනාධිපති රනිල් වික්‍රමසිංහ මහතා විසින් විශ්‍රාමලත් ශ්‍රේෂ්ඨාධිකරණ විනිසුරුවරයකුගේ ප්‍රධානත්වයෙන් විමර්ශන කමිටුවක් පත්කර ඇති අතර, පාස්කු ප්‍රහාර පිටුපස මහ මොළකරුවකු සිටින බවට හිටපු නීතිපතිවරයා විසින් කරන ලද චෝදනාව විමර්ශනය කිරීම සඳහාද පාර්ලිමේන්තු තේරීම් කාරක සභාවක් පත්කිරීමට අදහස් කරන බවද ප්‍රකාශ කළේය. මෙම පරීක්ෂණ දෙක අවසන් වූ පසු එතැන් සිට ඉදිරියට යා යුතු ආකාරය සම්බන්ධයෙන් අවසන් තීරණයක් ගැනීම සඳහා එම වාර්තා පාර්ලිමේන්තුවට ඉදිරිපත් කරන බවද ජනාධිපතිවරයා පවසා තිබේ.
අහෝ, ජනාධිපති වික්‍රමසිංහගේ මෑතකාලීන යෝජනාද, මීට පෙර අසාර්ථකවූ සහ ක්‍රියාත්මක නොවූ යෝජනාවලට සමාන බව පෙනේ. ප්‍රධාන වශයෙන් කතෝලික පල්ලියේ සහ වින්දිතයන්ගේ පවුල්වල අඛණ්ඩ ඉල්ලීම්වල ඇතුළත්ව ඇත්තේ, ප්රහාරය පිටුපස සිටි අය හඳුනාගැනීම වෙනුවෙන් හා සත්‍යය සහ යුක්තිය ලබාගැනීම සඳහා අන්තර්ජාතික පරීක්ෂණයක් පවත්වා, වගකිවයුත්තන් නීතිය හමුවට ගෙනගොස් ඔවුන්ට දඬුවම් පැමිණවීමයි. චැනල් 4 හෙළිදරව්වෙන් පසුව විපක්ෂ නායක සජිත් ප්‍රේමදාස මහතා ද අන්තර්ජාතික සහයෝගය ඇතිව පරීක්ෂණ පවත්වන ලෙස ඉල්ලා තිබේ. සත්‍යය අනාවරණය කරගත හැකි ප්‍රබල බලවේග හමුවේ, පාස්කු බෝම්බ ප්රහාරය සැබවින්ම ත්‍රස්තවාදී ප්‍රහාරයක් ද, නැතහොත් ජනතාව දිනාගැනීමේ දූෂිත ක්‍රියාවක් ද යන්න දැනගැනීමට හැකි වන පරිදි, සැක දුරුකර ගැනීමට විශ්වසනීය පරීක්ෂණයක් අවශ්‍ය බව ඔහු සෘජුව ප්‍රකාශ කරයි. ‘අරගලය’ විරෝධතා ව්‍යාපාරයෙන් නෙරපාහරින ලද ජනාධිපතිවරයා වෙනුවට, පත්කළ නව ජනාධිපතිවරයාද පැරණි මාර්ගයේම ගමන් කිරීමේ උත්ප්‍රාසයද විපක්ෂ නායකවරයා පෙන්වාදී ඇත.
කතෝලික පල්ලිය වැනි වින්දිතයන්ගේ සහ ඔවුන්ගේ නියෝජිතයන්ගේ මෙන්ම අන්තර්ජාතික සහයෝගය සහ ක්‍රියාකාරී මැදිහත්වීම සහිත ස්වාධීනත්වය, විනිවිදභාවය සහ සියල්ල ඇතුළත් පුළුල් පසු විපරම් පරීක්ෂණයක් පවත්වන ලෙස එක්සත් ජාතීන්ගේ මානව හිමිකම් පිළිබඳ මහ කොමසාරිස්වරයා ශ්රී ලංකා රජයෙන් ඉල්ලා තිබේ. එක්සත් ජාතීන්ගේ ඉල්ලීම, සිවිල් යුද්ධයේදී මියගිය හෝ අතුරුදහන් වූ දසදහස් ගණනකගේ ඉරණම පිළිබඳ සත්‍යය වෙනුවෙන් දෙමළ ජනතාව සිදුකරන ඉල්ලීමට සමාන වේ. මෙහිදී යමකුට එළඹිය හැකි එකම තාර්කික නිගමනය වන්නේ, ප්‍රශ්නවලට සම්බන්ධ අය සත්‍යය හෙළි කිරීමට අකමැති වන බවය. පාස්කු ප්‍රහාරයෙන් පමණක් නොව යුද්ධය සහ ආර්ථික කඩාවැටීම සම්බන්ධයෙන් වින්දිතයන්ට වගවීම හා යුක්තිය සහතික කිරීම සඳහා රජයේ සැබෑ අභිප්‍රාය පිළිබඳව ශ්රී ලාංකීය ජනතාවට, වින්දිතයින්ට සහ අන්තර්ජාතික ප්‍රජාවට ඒත්තු ගැන්වීමට අන්තර්ජාතික සහභාගීත්වය ඇති විමර්ශන උපකාරී වේ. අතිරේක ප්‍රතිලාභයක් ලෙස උපරිම අන්තර්ජාතික සහාය අවශ්‍ය වන අවස්ථාවක, රටට අහිතකර අන්තර්ජාතික හෙළාදැකීම් සහ සම්බාධක එමගින් අවම කරගත හැකිය.
ජෙහාන් පෙරේරා
The Global Tamil Forum (GTF) has endorsed calls for an international investigation into the allegations levelled by the new Channel 4 documentary on the Easter Sunday attacks.
Issuing a statement, GTF said that the demand for an international investigation into Easter Sunday attacks is widespread, from senior opposition political leaders to the leaders of the Catholic Church in Sri Lanka and the GTF strongly supports this demand.
ඔබගේ සහය අපට අවශ්‍යයි ….
Below is the complete announcement issued by GTF
Continuing impunity will only lead to more doom and gloom in Sri Lanka
A new documentary from Britain’s Channel 4 (Sept. 6, 2023) alleges senior government officials close to the Rajapaksa family engineered 2019 Easter Sunday attacks which took the lives of 270 people including 45 foreigners. The implication was a sense of insecurity and blatant communalism were what was needed for the Rajapaksas to recapture power.
The sad reality is that this shocking allegation won’t shock anyone in Sri Lanka. There was some understanding and even acceptance among many that Easter Sunday attacks were not what they were portrayed to be. In fact, loss of human lives and deterioration in inter-communal relations were often viewed as acceptable price for acceding to political power. This appalling culture was built on the unshakable confidence that Sri Lankan judicial system will never be able to deliver truth or justice.
The demand for international investigation into Easter Sunday attacks is widespread, from senior opposition political leaders to the leaders of the Catholic Church in Sri Lanka. Global Tamil Forum (GTF) strongly supports this demand.
At this critical juncture, GTF would like to recall the previous Channel 4 video, “Sri Lanka’s Killing Fields” (June 3, 2011) and its impact. The video – featuring Sri Lankan troops executing blindfolded and bound naked Tamil men and women – shocked the world and led to many UN investigations and sanctions. But the Sri Lankan government dismissed the video as fake, claiming it’s all conspiracy against the country. The majority population, perhaps still on war victory euphoria, chose to ignore the atrocity crimes committed on their fellow citizens.
Impunity for serious crimes in Sri Lanka – whether war related crimes or economic crimes – is total. After tens of thousands of deaths of Tamils and indisputable evidence of proof, Sri Lanka could not find within it the will or capacity to punish even one perpetrator.
Sri Lanka has been under the watch of the UNHRC for fourteen years, and yet again, the defining theme of the most recent report from High Commissioner Volker Turk (Sept. 6, 2023) was, “Sri Lanka suffers from a continuing accountability deficit – be it for war crimes atrocities, more recent human rights violations, corruption, or abuse of power – which must be addressed for the country to move forward.”
GTF welcomes the comprehensive report from the High Commissioner, the Joint Statement from the Core Group of countries and India’s intervention during the Interactive Dialogue – all highlight Sri Lanka’s continuing failure to fulfil its own commitments to justice, accountability and reconciliation. The outright rejection of the key parts of the High Commissioner’s report by the Ranil Wickremesinghe led government shows the prospects for accountability within Sri Lanka is non-existent. In this hopeless reality, the only hope for accountability for the crimes committed in Sri Lanka is through the UNHRC based, Sri Lanka Accountability Project (SLAP), and we are grateful to the High Commissioner for his update on this important work.
GTF would like to take this opportunity to highlight the targeted unlawful activities by some extremist Buddhist monks in the Tamil majority North-East, which involve erecting new temples in areas where no Buddhists live and preventing the locals from continuing with their subsistence economic and religious activities. This has the potential to erode religious harmony and the government seems to be impotent in dealing with it. This is an area that needs added focus from the OHCHR in the future.
Sri Lanka’s unwillingness to address the past but adopt deceptive measures to evade international scrutiny had no limits. When compelled, appointing commissions as time buying exercise was one of them. As stated jointly by the International Commission of Jurists and eight other reputed human rights organisations (Sept. 4, 2023), Sri Lanka has a strong legacy of failed commissions setup between 2006 to 2021 to address serious violations of human rights, and none of which led to any tangible outcome for the affected people.
We have no doubt that the Sri Lankan government’s attempt to manage the serious allegations levelled by the recent Channel 4 video through a Parliamentary Select Committee and investigation by a retired Judge is just one more step in this time-tested tradition.
It is the same discredited approach Sri Lanka followed when dealing with Transitional Justice commitments it made at the UNHRC in 2015. The two institutions it set up in response to international pressure – the Office on Missing Persons (OMP) and the Office for Reparations – were overly weak and ineffective to offer any meaningful truth, justice or reparation.
Against this backdrop, Sri Lanka’s present initiative to set up a Truth and Reconciliation Commission has caused much alarm, rather than offering comfort to the victims and their advocates. Their worry that the proposed mechanism is not positioned to succeed, but to help Sri Lanka avert UNHRC scrutiny after 2024, is shared by many human rights organisations, including the International Crisis Group (ICG). The ICG report (Sept. 7, 2023) argues that in the absence of major course correction by the state, the proposed Truth and Reconciliation Commission would have no chance of success and lists many conditions that should be met before the international community endorse the proposed Commission.
GTF shares the sentiments expressed by these reputed human rights organisations and the OHCHR, and strongly believe that without taking decisive steps to end the culture of impunity prevalent in the country, the people of Sri Lanka will only face more doom and gloom in the future.
The critical message conveyed by the Channel 4 videos is just that. If Sri Lanka had addressed the serious accusations aired in the first Channel 4 video, there would not have been the second. Failing to address the crimes alleged in the second Channel 4 video will create fertile conditions for more crimes in the future. That is the destructive power of impunity.
GTF earnestly calls on the people of Sri Lanka and their leaders to rise to the challenge of eradicating impunity for international and domestic crimes.
We would also like to stress it is the responsibility of the international community to ensure Sri Lanka is firmly under their scrutiny, until such time as it recovers from its entrenched culture of impunity.
-ENDS-
Suren Surendiran
Spokesperson – Global Tamil Forum
බ්‍රිතාන්‍ය Channel 4 නාලිකාව විසින් විකාශය කරන ලද වාර්තා චිත්‍රපටයේ අන්තර්ගතය සහමුලින්ම බොරුවක් බවත්. එම නාලිකාවේ ද්වේශ සහගත ව්‍යාජ ප්‍රබන්ධය මුලුමනින්ම ප්‍රතික්ෂේප කරන බවත් දීර්ඝ පැහැදිලිකිරීමක් කරමින් හිටපු ජනාධිපති ගෝඨාභය රාජපක්ෂ නිවේදනයක් නිකුත් කිරිමට කටයුතු කර තිබේ. වැඩසටහන විකාශ වි පැය කිහිපයක් ගතවනවිට එම නිවේදනය නිකුත් කිරිම හරහා “හොරාට පෙර කෙසෙල් කැන වැට පනී” මෙන් තමන් ඇතුලු රාජපක්ෂ ජුන්ටාව ජාත්‍යන්තර ත්‍රස්තවාදයේ අයින්ද්‍රීය කොටස්කරුවන් බවත් පාස්කු ප්රහාරය තමන්ව බලයට ගෙන එමට කල කුමන්ත්‍රණයක් බවත් පිලිගෙන තිබේ.
උපුටා ගැන්ම ජනතාව බලයෙන් පන්නා දැමු ජනාධිපති ගෝඨාභය රාජපක්ෂ නිකුත් කල නිවේදනය.
“2016 දී මේජර් ජෙනරාල් සලේ හමුදා බුද්ධි අංශයෙන් ඉවත් කිරීමෙන් පසු ඔහු නැවත කිසි දිනෙක එම සංවිධානයේ සේවය නොකළේය. 2019 දෙසැම්බර් මාසයේ සිට රාජ්‍ය බුද්ධි සේවයේ ප්‍රධානියා ලෙස ඔහු නැවත බුද්ධි ක්‍ෂේත්‍රයට සම්බන්ධ වූයේ මා ජනාධිපති වූ පසුව පමණි. එබැවින් 2018 පෙබරවාරි මාසයේ දී මේජර් ජෙනරාල් සලේ මරාගෙන මැරෙන බෝම්බකරුවන් හමු වුවා යැයි කියන මෙම කතාව පැහැදිලිවම ගොතන ලද්දකි.”
උපුටා ගැන්ම අවසන්….
කිසිදු විමර්ශනයකින් තොරව විඩියෝව නිකුත් වි පැය කිහිපයක් යනවිට සලේ මරාගෙන මැරෙන බෝම්බකරුවන් හමු නොවු බව ගෝඨා ටක්කෙටම පවසන්නේ කවර පදනමින්ද? එතනින් එහාට ගෝඨාගේ මාධ්‍ය නිවේදනය ගැන කතාකර වැඩක් නැත.ජනතා විරෝධය මැද යටකලිසම පවා අමතකකර පැනගිය ගෝඨා එම නිවේදනයේ සදහන් කර ඇති ලැජ්ජාසහගතම කොටස වනුයේ ” එම කාලසීමාව තුළ කාදිනල් හිමිපාණන් සමඟ ද මම ඉතා සමීපව කටයුතු කළෙමි.”යනුවෙනි.
අනිත් අතට (07) ගෝඨාභය රාජපක්ෂ විසින් “ශ්රී ලංකාව සම්බන්ධ නවතම චැන් 4 චිත්‍රපටය” නමින් මාධ්‍ය නිවේදනයට සිරස්තලය යොදා නිකුත් කර තිබුනද “ගෝඨාභය රාජපක්ෂ 7 වන විධායක ජනාධිපති” යනුවෙන් වගකීම සඳහන් කර ඇතත් අත්සන යොදා නැත්තේ එම නිවේදනයේ සදහන් කරුණු සම්බන්ධයෙන්ද තමන්ට වගකිමට තරම් කොන්දක් නැති අයෙකු බව ප්‍රදර්ශනය කරමින් ය.
ගෝඨාගේ හදීසිය! සහ සලේගේ පාවාදීම!
ගෝඨාගේ අත්සනවත් නැති හදීසි මාධ්‍ය නිවේදනයට ආසන්නතම හේතුව වි ඇත්තේ සලේ හෙවත් සොනීක් තමන්ව පාවාදෙනු ඇති බවට ඇතිවු දැඩි භිය නිසා බවයි අප දේශපාලන වාර්තාකරු අනාවරණය කළේ.මේ වනවිට සලේ රනිල්ගේ සුවච කීකරු බත් බැලයෙකු වි සිටිම ගැන ගෝඨා තුල මෙන්ම රාජපක්ෂ සනුහරයම තුල දැඩි භීතියක් ඇති කිරිමට සමත්ව තිබේ.පාස්කු ප්‍රහාරයේ පළමු චුදීතයා වන රාජ්‍ය බුද්ධී අංශ ප්‍රධානී සූරේෂ් සලේ ආරක්ෂක ප්‍රධානින් සියලුම දෙනාට ඉහලීන් අණදෙන්නෙකු ලෙස ජනපති නියෝගයෙන් කටයුතු කිරිම මේ බයට ආසන්තම හේතුව වි තිබේ.සලේගේ පවු සොදාගැනිම සදහා ඔහු ඔනෑම පාවාදීමක් කරනු ඇති බවයි රාජපක්ෂලාගේ විශ්වාසය වි ඇත්තේ. එය බොහෝවිට තීරණාත්මක මැතිවරණයක් ආසන්නයේ මෙම පාවාදිම සිදුවිය හැකි බවයි රාජපක්ෂලාගේ විශ්වාසය වි ඇත්තේ.
ලසන්ත ඝාතනය ගෝඨා පිලිගනී!
බ්‍රිතාන්‍ය Channel 4 නාලිකාව පාස්කු ප්‍රහාරයේ කුමන්ත්‍රණය අනාවරනය කිරිම අතරතුර ලසන්ත වික්‍රමතුංග ඝාතනය සම්බන්ධයෙන්ද අනාවරණයක් සිදුකල අතර එහිදි කවුරුත් දන්නා ඝාතක ගෝඨාභය සම්බන්ධයෙන් තොරතුරක් අනාවරණය වුවද ඒ සම්බන්ධයෙන් නිවේදනයේ දක්වා නැත්තේ තමන් ලසන්තගේ ඝාතකයා බව පිලිගන්නා නිසාද?
පිල්ලෙයාන් නෑ නොකියයි!
අනිත් අතට ගෝඨාභය හුරතලේකු ලෙස ඇතිකර ගත් සිවනේෂතුරෙයි චන්ද්‍රකාන්තන් හෙවත් පිල්ලෙයාන් CID යට ගොස් කර ඇති ප්‍රකාශය හරහා ඔහු සහ අසාද් මවුලානා මෙන්ම රාජ්‍ය බුද්ධි සේවා ප්‍රධානී තුවාන් සුරේෂ් සලේ යන අය අතර තිබු සම්බන්ධකම පිළිබඳව ප්‍රතිකේෂ්ප කර නෑ.අසාද් මවුලානාගේ හෙළිකිරීම් අනුව පිල්ලෙයාන් නායකත්වය දැරූ ඝාතක කණ්ඩායම සහ සුරේෂ් සලේ මෙන්ම ගෝඨාභය රාජපක්ෂ සමඟ ඍජු සම්බන්ධතා තිබූ බව තරයෙම අවධාරණය කර තිබේ.
පිල්ලෙයාන් සහ තමන් කැඳවා ගෝඨාභය රාජපක්ෂ කියා සිටියේ …
“We met Gotabhaya Rajapakse in his room. He had the ‘Sunday Leader’ paper in front of him. He said ‘This Balla’, in Sinhala balla means dog. This Balla is always playing with me. He said “Lasantha should be killed. If you can, you can do it immediately. Soon as possible.”
– Hanzeer Azad Mualana
“අපි ගෝඨාභය රාජපක්ෂ මුණගැසුනා ඔහුගේ කාමරයේදී. ඔහු ඉදිරියෙහි ‘සන්ඩේ ලීඩර්’ පත්‍රය තිබුණා. ඔහු කිව්වා, “මේ බල්ලා”, සිංහලෙන් බල්ලා කියන්නේ Dog ට. මේ බල්ලා නිතරම මාත් එක්ක ගැටෙමින් සිටිනවා. ලසන්ත මරා දැමිය යුතුයි කියලා ඔහු කිව්වා. ඔබට හැකි නම්, ඔබ ඒක වහාම කරන්න. හැකි ඉක්මනින්.”
– හන්සීර් අසාඩ් මව්ලානා
දැන් ලසන්ත ඝාතනයේ ප්‍රබලම සාක්ෂීය මතුපිටට පැමිණ තිබේ. නමුත් අවාසනාවකට ලසන්තව විකුණන් කමින් ආරම්භ කල රාජ්‍ය නොවන සංවිධාන සියල්ලක්ම දැන් රනිල් රාජපක්ෂගේ ඔඩොක්කු කුක්කෝ වි අවසන් ය.එමනිසා ලසන්තට මෙන්ම මේ රටේ මිනිසුන්ගේ අවාසනාවට කිසිදිනක යුක්තිය ඉටු නොවනු ඇත.
ගෝඨාභයගේ සම්පූර්ණ නිවේදනය පහත දැක්වේ.
ශ්රී ලංකාව සම්බන්ධ නවතම චැනල් 4 චිත්‍රපටය
2019 අප්‍රේල් 21 පාස්කු ඉරිදා මරාගෙන මැරෙන බෝම්බ ප්රහාරය 2019 නොවැම්බරයේ දී මා බලයට පත් කිරීමට අවශ්‍ය වාතාවරණය නිර්මාණය කිරීම සඳහා හිතා මතාම සිදු කරනු ලැබූවක් බව චැනල් 4 නාලිකාව විසින් විකාශය කරන ලද ශ්රී ලංකාව පිළිබඳ නවතම චිත්‍රපටයේ ඇති ප්‍රධානම චෝදනාවයි. මෙම චෝදනාව රඳා පවතින්නේ යුරෝපයේ දේශපාලන රැකවරණ සඳහා අයදුම්කරුවෙකු වන හන්සීර් අසාද් මවුලානා නැමැත්තෙකු විසින් ප්‍රධාන මැරෙන බෝම්බකරු සහරාන් සහ ඔහුගේ සහෝදරයා වන සයිනී මව්ලවි යන අයට මේජර් ජෙනරාල් සුරේෂ් සලේ හඳුන්වා දුන් බවට කර ඇති ප්‍රකාශයකි. මේජර් ජෙනරාල් සුරේෂ් සලේ වඩාත් ප්‍රසිද්ධ වී සිටින්නේ හමුදා බුද්ධි සේවා අධ්‍යක්‍ෂ ලෙස ඉටු කරන ලද ඔහුගේ අතීත භූමිකාව නිසාය. මේජර් ජෙනරාල් සලේ මගේ අනුගාමිකයෙකු ලෙස චැනල් 4 නාලිකාව හඳුන්වා ඇත. නමුත් ඔහු ජනාධිපතිවරුන් ගණනාවක් යටතේ සේවය කර ඇති වෘත්තීය හමුදා නිලධාරියෙකු වන අතර, සියලුම හමුදා නිලධාරීන් තනි පුද්ගලයින්ට නොව රජයට පක්ෂපාතී වේ. මම ද හිටපු හමුදා නිලධාරියෙක් වන අතර, ඔහු මෙන්ම මමත් විවිධ ආණ්ඩු යටතේ සේවය කර ඇත්තෙමි.
2015 දී ආරක්ෂක ලේකම් තනතුරෙන් ඉවත් වීමෙන් පසු, 2019 දී ජනාධිපති ධුරයට පත්වන තුරුම මමත්, මේජර් ජෙනරාල් සලේත් අතර කිසිදු සම්බන්ධයක් නොවීය. තමා 2016 දී හමුදා බුද්ධි අධ්‍යක්‍ෂ තනතුරෙන් ඉවත් කරනු ලැබූ අතර, එතැන් සිට 2018 දෙසැම්බර් දක්වා මැලේසියාවේ ශ්රී ලංකා තානාපති කාර්යාලයේ මිනිස්ටර්-කවුන්සලර් තනතුරේ කටයුතු කළ බවත්, මෙම හමුව සිදු වූවා යැයි කියන අවස්ථාවේ ඔහු ශ්රී ලංකාවේ නොසිටි බවත් මේජර් ජෙනරාල් සලේ චැනල් 4 වෙත දන්වා තිබුණි. තවද, 2019 ජනවාරි සිට නොවැම්බර් මස දක්වා ඔහු ජාතික ආරක්ෂක විද්‍යාල පාඨමාලාව හදාරමින් ඉන්දියාවේ සිටි අතර, 2016 සිට 2019 දක්වා මේ මුළු කාල පරිච්ඡේදය තුළම ඔහු ශ්රී ලංකාවේ ආරක්ෂක ව්‍යුහය තුළ ක්‍රියාත්මක නොවුන බව ද දන්වා ඇත. 2016 දී මේජර් ජෙනරාල් සලේ හමුදා බුද්ධි අංශයෙන් ඉවත් කිරීමෙන් පසු ඔහු නැවත කිසි දිනෙක එම සංවිධානයේ සේවය නොකළේය. 2019 දෙසැම්බර් මාසයේ සිට රාජ්‍ය බුද්ධි සේවයේ ප්‍රධානියා ලෙස ඔහු නැවත බුද්ධි ක්‍ෂේත්‍රයට සම්බන්ධ වූයේ මා ජනාධිපති වූ පසුව පමණි. එබැවින් 2018 පෙබරවාරි මාසයේ දී මේජර් ජෙනරාල් සලේ මරාගෙන මැරෙන බෝම්බකරුවන් හමු වුවා යැයි කියන මෙම කතාව පැහැදිලිවම ගොතන ලද්දකි.
මරාගෙන මැරෙන බෝම්බකරුවන් සමඟ හමුදා බුද්ධි අංශ සම්බන්ධ වූ බවට ඔවුන්ගේ චෝදනාව තහවුරු කිරීම සඳහා, 2018 නොවැම්බර් 30 වන දින වව්නතිව් හීදි පොලිස් නිලධාරීන් දෙදෙනෙකු ඝාතනය කර ඔවුන්ගේ ආයුධ සොරකම් කිරීම සහ 2019 ජනවාරි 16 වන දා වනාතවිල්ලුව ආරක්‍ෂිත නිවාසයක් තුල පුපුරන ද්‍රව්‍ය තොගයක් සොයාගත් සිද්ධීන් සම්බන්ධයෙන් ආරම්භ කරන ලද පොලිස් පරීක්ෂණ හමුදා බුද්ධි අංශ විසින් කඩාකප්පල් කල බව මෙම චිත්‍රපටයේ කියැවේ. 2015-2019 ආණ්ඩුව බුද්ධි අංශ සහ විශේෂයෙන්ම හමුදා බුද්ධි අංශ දඩයම් කිරීමේ ප්‍රතිපත්තියක් අනුගමනය කල බව මුළු රටම දනී. හමුදා බුද්ධි අංශයේ සාමාජිකයන් සැලකිය යුතු ගණනක් යහපාලන ආණ්ඩුව සමයේ මාස ගණන්, අවුරුදු ගණන් රිමාන්ඩ් භාරයේ සහ පොලිස් අත්අඩංගුවේ කාලය ගත කළ බවත් සියලුම ශ්රී ලාංකිකයන් දනිති. එබැවින් 2015 – 2019 ආණ්ඩුව සමයේ හමුදා බුද්ධි අංශය පොලිස් විමර්ශන කඩාකප්පල් කළ බවට කරන ප්‍රකාශය හාස්‍යයට කරුණකි.
2015-2019 ආණ්ඩුව විසින් මුස්ලිම් අන්තවාදීන්ගේ ක්‍රියාකාරකම් නොසලකා හැරිය බව පාස්කු ඉරිදා බෝම්බ ප්රහාරය පිළිබඳ විමර්ශනය කිරීමේ ජනාධිපති කොමිසම ඉතා පැහැදිලිව ප්‍රකාශ කර ඇත. ශ්රී ලාංකිකයින් 32 දෙනෙකු සිරියාවට ගොස් අයිඑස්අයිඑස් ත්‍රස්ත කණ්ඩායමට සම්බන්ධ වී ඇති බවත්, විදේශීය ඉස්ලාම් ආගමික දේශකයින් ශ්රී ලංකාවට පැමිණ අන්තවාදී ඉගැන්වීම් ප්‍රචාරය කරන බවට 2016 නොවැම්බර් 18 වන දා එවකට අධිකරණ අමාත්‍ය විජේදාස රාජපක්ෂ කළ හෙළිදරව්වද එම ආණ්ඩුව නොසලකා හැරිය බව ඔවුන් ප්‍රකාශ කළේය. පාස්කු ඉරිදා මරාගෙන මැරෙන බෝම්බකරුවන් 2018 මාර්තු 23 සිට 25 දක්වා ලේවැල්ල ප්‍රදේශයේ ලැගුම් හලක පුහුණු කඳවුරු පවත්වා ඇති අතර 2018 අප්‍රේල් සහ මැයි මාසවල දී නුවරඑළිය ප්‍රදේශයේ ලැගුම් හලක ද තවත් රැස්වීම් පවත්වා ඇති අතර, ඒ සියල්ල පොලිසියට වාර්තා වී තිබූ නමුත් විමර්ශනය කර නැත.
සහරාන් හෂීම්ගේ සොහොයුරා වන රිල්වාන් 2018 අගෝස්තු 27 අලුයම කාත්තන්කුඩි ප්‍රදේශයේ පුපුරන ද්‍රව්‍ය අත්හදා බැලීමේ දී බරපතළ තුවාල ලැබීය. කලින් සඳහන් කළ වව්නතිව් සහ වනාතවිල්ලුව සිද්ධීන් හැරුණු විට 2018 දෙසැම්බර් මස අගදී මාවනැල්ල ප්‍රදේශයේ බුදු පිළිමවලට ද ප්‍රහාර එල්ල වූ සිද්ධීන් ද විය. ජනාධිපති කොමිෂන් සභාව නිරීක්ෂණය කළ පරිදි, මෙම ඕනෑම සිදුවීමක් නිසි ලෙස විමර්ශනය කලේ නම් ත්‍රස්තවාදීන් කලින් අත්අඩංගුවට ගෙන මරාගෙන මැරෙන බෝම්බ ප්‍රහාර වැළැක්වීමට හැකි වීමට ඉඩ තිබුණි. මෙම පරීක්ෂණ භාරව සිටියේ පොලිසිය මිස හමුදා බුද්ධි අංශ නොවේ. මේ මුළු කාලය තුළම මම බලයේ නොසිටියා පමණක් නොව බොහෝ බුද්ධි අංශ සහ ත්‍රිවිධ හමුදාවේ සාමාජිකයන් මෙන්ම, මම ද එවක ආණ්ඩුවේ දඩයමට හසු වී, 2015 සිට 2019 නොවැම්බර මස ජනාධිපති වන තෙක්ම එක් පොලිස් ඒකකයකින් තවත් පොලිස් ඒකකයකටත් එක් උසාවියකින් තවත් උසාවියකටත් යමින් සිටියෙමි.
මේ අලුත් චිත්‍රපටියෙන් මට එල්ල වූ එක් චෝදනාවක් වූයේ, මම ජනාධිපති වූ පසු පාස්කු ඉරිදා ප්රහාරය ගැන පරීක්ෂණ කරන නිලධාරීන් මාරු කර පරීක්ෂණ කඩාකප්පල් කළ බවය. මේ සඳහන අදාළ වන්නේ අපරාධ පරීක්ෂණ දෙපාර්තමේන්තුවේ අධ්‍යක්‍ෂ ශානි අබේසේකරට බව මම උපකල්පනය කරමි. මහාධිකරණයේ විභාග වෙමින් පැවති අපරාධ නඩුවකට බලපෑම් කිරීමට දේශපාලනඥයෙකු සමඟ ශානි අබේසේකර කුමන්ත්‍රණය කළ බවට දුරකථන හඬපටවලින් හෙළි වී තිබූ අතර, ඔහු වැන්නකු මොනම තත්ත්වයක් යටතේවත් අපරාධ පරීක්ෂණ දෙපාර්තමේන්තුවේ වගකීම් සහිත තනතුරක තබා ගැනීමට මොනම ආණ්ඩුවකටවත් නොහැක. නමුත් පාස්කු ඉරිදා ප්රහාරය සම්බන්ධයෙන් විමර්ශනය කල ජනාධිපති කොමිසමට අනුයුක්තව සිටි පොලිස් නිලධාරීන් කිසිවෙක් මා බලයට පත්වීමෙන් පසු මාරු කර යවනු ලැබුනේ නැත. පාස්කු ඉරිදා ප්‍රහාරයත් මම බලයට පත් වීමත් අතර මාස හතකට ආසන්න පරතරයක් තිබුණ නිසා ඒ කාලය තුළත් පරීක්ෂණ පැවැත්විය යුතුව තිබුණි. ජනාධිපති කොමිෂන් වාර්තාවේ සඳහන් 2016ත්, 2019ත් අතර කාලයේ වූ නොසැලකිල්ලට ද ශානි අබේසේකරත් වගකිව යුතු විය.
පාස්කු ඉරිදා ප්රහාරය සම්බන්ධයෙන් විමර්ශනය කරන ජනාධිපති කොමිසමේ වාර්තාව මට භාර දුන් පසු, එය ප්‍රසිද්ධියට පත් කිරීම මා ප්‍රතික්ෂේප කළ බව චැනල් 4 නාලිකාව කියයි. එය අමූලික බොරුවකි. එම වාර්තාව පාර්ලිමේන්තුවට පවා ඉදිරිපත් කර ඇති බව ලංකාවේ කවුරුත් දනිති. පසුගිය වසරේ, පාස්කු ඉරිදා බෝම්බ ප්රහාරයට ඇතමුන් මා සම්බන්ධ කිරීමට පටන් ගත් විට, පාස්කු ඉරිදා බෝම්බ ප්රහාරය පිළිබඳ පරීක්ෂණ සඳහා එෆ්බීඅයි / සීඅයිඒ සහාය ලබා ගැනීමේ හැකියාව ගැන සොයා බලන ලෙස මම වොෂින්ටනයේ තානාපති මහින්ද සමරසිංහට උපදෙස් දුන්නෙමි. 2022 අප්‍රේල් 07 වැනි දින, එක්සත් ජනපද රාජ්‍ය දෙපාර්තමේන්තුවේ ත්‍රස්ත මර්දන කාර්යාංශයේ ක්‍රිස්ටෝපර් ඒ. ලෑන්ඩ්බර්ග් මහතා තානාපති සමරසිංහට පිළිතුරු ලිපියකින් මෙසේ දන්වා තිබුණි.
“පාස්කු ඉරිදා ප්රහාරය සම්බන්ධයෙන් ස්වාධීන පරීක්ෂණයක් සඳහා ශ්රී ලංකාව කළ ඉල්ලීම අප වෙත ඉදිරිපත් කිරීම ගැන ඔබට ස්තුතියි… ප්‍රහාරයෙන් ඉක්බිතිව, සහ අද දක්වාම, එක්සත් ජනපද රජය වගකිවයුත්තන් විමර්ශනය කිරීමට සහ ඔවුන්ට නඩු පැවරීම සඳහා සහාය ලබා දී ඇත. 2021 ජනවාරි මාසයේ දී එක්සත් ජනපද පුරවැසියන්ගේ මරණ සම්බන්ධයෙන් අධිකරණ දෙපාර්තමේන්තුව අපරාධ පැමිණිල්ලක් ද ගොනු කළේය. ඒ අනුව, ඇමෙරිකා එක්සත් ජනපදය ඔබේ රජයට දිගටම සහයෝගය ලබා දීමට සූදානම්ව සිටියත්, ප්‍රහාරයන් සම්බන්ධයෙන් අතිරේක පරීක්ෂණයක් පැවැත්වීම තේරුමක් නැත… මෙම කාරණය සම්බන්ධයෙන් එක්සත් ජනපද ෆෙඩරල් විමර්ශන කාර්යාංශය ශ්රී ලංකාවේ නීතිය බලාත්මක කරන ආයතන සමඟ සමීපව කටයුතු කර ඇති අතර, ප්‍රහාරයෙන් පසු සතිය තුළ, නිලධාරීන් 33 දෙනෙකු ශ්රී ලංකාවේ අපරාධ පරීක්ෂණ දෙපාර්තමේන්තුවට සහය වීම සඳහා යෙදවූ බව මම අවධාරණය කිරීමට කැමැත්තෙමි. මේ සහයෝගීතාවයට සාක්ෂි එකතු කිරීම, සාක්ෂිකරුවන් සහ වින්දිතයන් සමඟ සම්මුඛ සාකච්ඡා පැවැත්වීම සහ ඩිජිටල් උපාංග පරීක්‍ෂා කිරීම යනාදිය ඇතුළත් විය…”
ශ්රී ලංකා නීතිපතිවරයා විසින් අමතර ඉල්ලීමක් කළහොත් ඒ වන විටත් (එනම් 2022 අප්‍රේල් මාසයේ දී) කොළඹ රැඳී සිටී ඇමෙරිකා එක්සත් ජනපද පරිචෝදකයන් දෙදෙනාගේ සහය ලබා දීමට හැකි බව ද ලෑන්ඩ්බර්ග් මහතා තවදුරටත් එම ලිපියේ සඳහන් කර තිබුණි. මීට පෙර 2021 ජනවාරි 08 වන දින, එක්සත් ජනපද අධිකරණ දෙපාර්තමේන්තුව මාධ්‍ය නිවේදනයක් නිකුත් කර තිබුණු අතර, එහි මෙසේ සඳහන් විය.
“…අයිඑස්අයිඑස් නැමති විදේශීය ත්‍රස්තවාදී සංවිධානයට ද්‍රව්‍යමය ආධාර සැපයීමට කුමන්ත්‍රණය කිරීම ඇතුළු ත්‍රස්තවාදී වැරදි සම්බන්ධයෙන් ශ්රී ලාංකික පුරවැසියන් තිදෙනෙකුට එරෙහිව චෝදනා ගොනු කර ඇත… ඔවුන් ‘ශ්රී ලංකාවේ අයිඑස්අයිඑස්’ ලෙස හැඳින්වූ අයිඑස්අයිඑස් ආධාරකරුවන් පිරිසක සාමාජිකයන් විය. එම කණ්ඩායම 2019 වසරේ ශ්රී ලංකාවේ පාස්කු ඉරිදා ප්රහාරයට වගකිව යුතු අතර, එම ප්රහාරය නිසා එක්සත් ජනපද පුරවැසියන් පස් දෙනෙකු ඇතුළුව පුද්ගලයින් 268 දෙනෙකු මිය ගොස් තවත් 500 කට වැඩි පිරිසකට තුවාල සිදු විය… ප්‍රහාරයෙන් දින දෙකකට පසු, අයිඑස්අයිඑස් ත්‍රස්තවාදී කණ්ඩායම එම ප්‍රහාරයේ වගකීම භාර ගත්තේ එම ඝාතන ‘ඉස්ලාමීය රාජ්‍ය සටන්කරුවන්’ වෙත ආරෝපණය කරමිනි… 2020 දෙසැම්බර් 11 වැනි දා ලොස් ඇන්ජලීස් දිස්ත්‍රික් උසාවියේ දී පවරනු ලැබූ අපරාධ නඩුව, ක්‍රිස්තියානි පල්ලි සහ බටහිර ජාතිකයින් නිතර ගැවසෙන සුඛෝපභෝගී හෝටල් ඉලක්ක කරගත් මරාගෙන මැරෙන බෝම්බ ප්‍රහාරවලින් පසුව ශ්රී ලංකා බලධාරීන්ට සහාය වූ එෆ්බීඅයි ආයතනය විසින් වසර දෙකකට ආසන්න කාලයක් තුල කරන ලද විමර්ශනයක ප්‍රතිඵලයකි.”
චැනල් 4 නාලිකාවේ මෙම නවතම චිත්‍රපටය 2005 සිට පැවති රාජපක්ෂ පාලනයට මඩ ගැසීම අරමුණු කරගත් රාජපක්ෂ විරෝධී ප්‍රහාරයකි. මීට පෙර එම නාලිකාව විසින් ලංකාව ගැන විකාශනය කරන ලද චිත්‍රපට මෙන්ම මෙය ද බොරු ගොන්නකි. මා ජනාධිපති ධුරයට පත් කිරීම සඳහා ඉස්ලාමීය අන්තවාදීන් පිරිසක් මාරාගෙන මැරෙන බෝම්බ ප්‍රහාර එල්ල කලා යැයි කීම අතිශයින් ම ජුගුප්සාජනකය. යම් යම් පුද්ගලයන් දේශපාලනික ස්ථාවරයක සිට මට එරෙහිව චෝදනා එල්ල කළත්, මම රජයේ තනතුරු දැරූ සෑම අවස්ථාවකම රෝමානු කතෝලික ප්‍රජාවට කළ හැකි සෑම සේවයක්ම පෞද්ගලිකව කර ඇත්තෙමි. යුද්ධය අවසන් වූ පසු මඩු පල්ලිය සහ මුල්ලිකුලම දේවස්ථානය ප්‍රතිසංස්කරණය කිරීමට මම උදව් කලෙමි. ශුද්ධෝත්තම පාප් වහන්සේගේ ශ්රී ලංකා සංචාරයට අවශ්‍ය කටයුතු වලට ද මම සියලු පහසුකම් සැලසූ අතර, එම සංචාරය සංවිධානය කිරීමට එවක ආණ්ඩුව පිහිටුවා තිබූ කමිටුවේ ප්‍රධානියා ද විය. බෝලවලාන ප්‍රදේශයේ 16 වැනි බෙනඩික්ට් කතෝලික උසස් අධ්‍යාපන ආයතනය ඉදිකිරීමේ දී ද මම ප්‍රධාන කාර්යභාරයක් ඉටු කළෙමි. එම කාලසීමාව තුළ කාදිනල් හිමිපාණන් සමඟ ද මම ඉතා සමීපව කටයුතු කළෙමි.
ගෝඨාභය රාජපක්ෂ
රණවිරු ගායට ආණ්ඩුවෙන් සැප දෙයි! සොල්දාදුවන් 50ක් රැගෙන ගොස් රඳවාගෙන වද දෙයි! හමුදාවට අණදෙන්නේ සලේ!
#Chennal4 නාලිකාව විසින් හෙලිදරවු කළ පාස්කු ප්රහාරය පිටුපස කුමණ්ත්‍රණය හා ඒ හා සම්බන්ධ පුද්ගලයන්, සිදුවීම්, කරුණු පිළිබඳව විමර්ශනය කිරීම සඳහා ජාත්‍යන්තර විමර්ශන කණ්ඩායමක් පත් කළ යුතු බව කොළඹ අදරදගුරු කාදිනල් මැල්කම් රංජිත් හිමියන් පවසයි.
#Chennal4 නාලිකාවේ වැඩසටහන පිළිබඳව මාධ්‍ය වෙත නිවේදනයක් නිකුත් කරමින් උන්වහන්සේ පෙන්වා දෙන්නේ ප්රහාරය සිදු වී ගතව ඇති වසර 4 ක කාලය තුළ ජනාධිපති විමර්ශන කොමිසමක් ඇතුළුව කොමිෂන් සභා 2 ක් හා අගමැති රනිල් වික්‍රමසිංහ විසින් පාර්ලිමේන්තු විමර්ශන කමිටුවක් ද පත් කළද ඒවා සියල්ලගෙන්ම අපක්ෂපාතී විමර්ශනයක් සිදු නොවූ පසුබිමක තවත් පාර්ලිමේන්තු කමිටුවක් අවශ්‍ය නොවන බවයි.
එසේම පාස්කු ප්රහාරය සම්බන්ධව මෙතෙක් හෙලි නොවු නිශ්චිත කරුණු දැන සිටීනම් එම කරුණු හෙලි කරන ලෙසද කාදිනල්වරයා පොලිසියේ සහ බුද්ධි අංශවල නිලධාරින්ගෙන් ඉල්ලා සිටිනවා.
පාස්කු ඉරිදා ප්රහාරය පාදක කොට ගෙන බ්‍රිතාන්‍යයේ Channel 4 නාලිකාව ඔස්සේ විකාශය වූ වාර්තා වැඩසටහන පිළිබඳව කොළඹ අගරදගුරු මැල්කම් කාදිනල් රංජිත් හිමි නිවේදනයක් නිකුත්කර තිබෙනවා. අද (06) නිකුත්කර ඇති එම නිවේදනය සම්පූර්ණයෙන් මෙසේයි.
“පාස්කු ඉරිදා ප්රහාරය පසුපස තිබූ කුමන්ත්‍රණය පිළිබඳවත්, ඒ හා සම්බන්ධව සිටියා යැයි කියැවෙන පුද්ගලයින් පිළිබඳවත් විමර්ශනාත්මක වාර්තා වැඩසටහනක් බ්‍රිතාන්‍යයේ චැනල් 4 රූපවාහිනි නාලිකාව විසින් නිෂ්පාදනය කොට ඊයේ (සැප්තැම්බර් 05) දින බ්‍රිතාන්‍යය වේලාවෙන් රාත්‍රී 11.00 ට (ශ්රී ලංකා වේලාවෙන් අද අලුයම 03.35 ට පමණ) විකාශය කෙරුණ බව දැන් කවුරුත් දන්නා කාරණයක්.
මේ ‘මහා කුමන්ත්‍රණය’ පිළිබඳව අප රටේ විධිමත් සහ විනිවිද පෙනෙන අවංක විමර්ශනයක් සිදු කර ගැනීමට අපත්, මේ රටේ යුක්තිය සහ සාධාරණත්වය අගයන පුරවැසියනුත් මේ දක්වා දැරූ සියලු ප්‍රයත්නයන් අසාර්ථකව තිබූ මොහොතක, බ්‍රිතාන්‍යයේ චැනල් 4 වැනි ජාත්‍යන්තර මාධ්‍යයක් ඒ සඳහා දක්වන ලද උනන්දුව සහ වෙහෙස පිළිබඳව අපි චැනල් 4 රූපවාහිනි නාලිකාවටත්, ඒ සඳහා වෙහෙසුන සැමටත් අපගේ කෘතඥතාවය පළ කර සිටිනවා.
අප මේ රටේ සියලු පුරවැසියන්ගෙන් ඉල්ලා සිටින්නේ මේ වාර්තා වැඩසටහන ඔස්සේ, හෙළිදරව් කරනු ලැබූ කරුණු පිළිබඳව අවධානය යොමු කරන ලෙසයි. අපට වැදගත් වන්නේ රූපවාහිනි චැනලයේ පැරණි හැසිරීම නොව එය අප මුහුණ දුන් ප්‍රශ්නය ගැන සොයා ඉදිරිපත් කරන කරුණු ය.
එම වැඩසටහන විකාශය වීමටත් පෙර ශ්රී ලංකා පාර්ලිමේන්තුව තුළ ඒ පිළිබඳව පක්ෂ විපක්ෂ මැති ඇමැතිවරුන් විවිධ කරුණු කාරණා අදහස් උදහස් ප්‍රකාශ කරනු ලැබූ බව අප දුටුවා.
ඒ අතර මනුෂ නානායක්කාර ඇමැතිවරයා කියා සිටියේ මේ වැඩසටහනින් හෙළිදරව් කරනු ලැබූ කරුණු පිළිබඳව විමර්ශනය කිරීමට පාර්ලිමේන්තු කාරක සභාවක් පිහිටුවන බවයි. පාස්කු ඉරිදා ප්රහාරය සිදුවූ දා සිට මේ දක්වා මේ පිළිබඳ විමර්ශන කොමිෂන් සභා දෙකක් සහ වත්මන් ජනාධිපතිතුමා අගමැති ලෙස කටයුතු කළ අවධියේදී පාර්ලිමේන්තු කමිටුවක් පත් කළද, ඒවායේ වාර්තා සහ ඒ වාර්තා මගින් නිර්දේශ ගණනාවක් ද ඉදිරිපත් වුවද ඒ කිසිවෙකින් මේ දක්වාම බලාපොරොත්තු වූ ප්‍රතිඵල නොලැබුණු බව රට ම දනී. දැන් පවතින මෙන්ම මීට පෙර පැවති රජයද මේ නිගමනවලට දැක්වූයේ ඉතා උදාසීන ප්‍රතිචාරයකි.
ඒ නිසා මේ සඳහා පාර්ලිමේන්තුව විසින් පත් කරන තවත් කමිටුවකින් ද, මේ විමර්ශන අපක්ෂපාතීව සහ අවංකව සිදුවෙතැයි අපි කිසිදු ලෙසකින් නො සිතමු. එහෙයින් එවැනි පාර්ලිමේන්තු කමිටුවක් පත් කිරීම ජනතා මුදල් සහ කාලය නාස්ති කෙරෙන සහ ජනතාව මුලා කරන නිෂ්ඵල ක්‍රියාවක් වනු ඇති බව අපට විශ්වාස නිසා අපි එම යෝජනාව පිළි නොගනිමු.
එහෙයින් කඩිනමින් සිදු විය යුතු ක්‍රියාවලිය වන්නේ,
01. චැනල් 4 නාලිකාව සිය වාර්තා වැඩසටහනින් හෙළිදරව් කරන ලද, පාස්කු ඉරිදා ප්රහාරය පසුපස තිබුණා යැයි කියන කුමන්ත්‍රණය හා බැඳුන සියලු වැදගත් කරුණු මෙන් ම ඒ හා සම්බන්ධ යැයි හෙළිදරව් කර ඇති පුද්ගලයින් පිළිබඳව මෙන්ම පාස්කු ප්රහාරය පිළිබඳව මේ දක්වා සිදුකර ඇති විමර්ශන සහ කොමිෂන් සභා වාර්තා වලින් හෙළිදරව් වූ, නමුත්, මේ දක්වා නිසි විමර්ශනයට ලක් නොවූ කරුණු පිළිබඳව ද අපක්ෂපාතී, සාධාරණ සහ විනිවිද බවින් යුතු පුළුල් විමර්ශනයක් ආරම්භ කළ යුතු ය.
02. එම විමර්ශනය සිදුවිය යුත්තේ ස්වාධීන ජාත්‍යන්තර විමර්ශන කණ්ඩායමක් මගිනි.
03. එම ජාත්‍යන්තර විමර්ශන කණ්ඩායමට සහය වීම සඳහා පත් කරනු ලබන දේශීය විමර්ශන කණ්ඩායමට, පාස්කු ඉරිදා ප්රහාරය සිදුවූ මොහොතේ සිට මූලික විමර්ශන සිදුකරන ලද, දැනට අපරාධ පරීක්ෂණ දෙපාර්තමේන්තුවෙන් විවිධ ප්‍රදේශවලට මාරුවීම් ලබා දී තිබෙන විමර්ශකයින් සියලු දෙනා ඇතුළත් විය යුතුය.
04. එම විමර්ශනය ස්වාධීනව සිදුකිරීමට අවකාශය සැලසීම සඳහා මේ විමර්ශනයට ලක්වන, දැනටමත් බුද්ධි අංශවල මෙන්ම පොලිසියේ ඉහළ නිළතල හොබවන, සියලු නිළධාරීන්ගේ සේවය විමර්ශන නිමාවන තුරු අත්හිටවිය යුතුය.
එසේම, පාස්කු ඉරිදා ප්රහාරය වළක්වා ගැනීම අරබයා තම වගකීම් ඉටු කිරීමට අපොහොසත් වූ බවට ශ්‍රේෂ්ඨාධිකරණය විසින් තීන්දු කරනු ලැබූ නමුත්, තවමත්, ශ්රී ලංකා පොලීසියේ පරිපාලන අංශය බාර ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහත්මාගේ සහ ඒ පිළිබඳ චෝදනාවට ලක්ව ඇති ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන් මහත්මාගේ ද සේවය මෙම විමර්ශනය නිමා වන තුරු අත්හිටවිය යුතුය.
ඉහත කී අපගේ යෝජනා ජනාධිපතිතුමන් ඇතුළු මේ රජය ඉටු කරනු ඇතැයි අපි අවංකව අපේක්ෂා කරමු. මෙම ක්‍රියාවලිය ඔස්සේ සිදුවන සාධාරණ සහ විනිවිද පෙනෙන විමර්ශනයකින් හැර වෙනත් ආකාරයකින් පාස්කු ඉරිදා ප්‍රහාරයේ වින්දිතයින් බවට පත් වූ අහිංසක ජනතාවට යුක්තිය සහ සාධාරණය ඉටු නොවන බව අපි අවධාරණය කර සිටිමු.
මේ අවස්ථාවේදී පොලිසියේ සහ බුද්ධි අංශවල මෙන්ම ආරක්ෂක අංශවල අදාළ නිලධාරීන්ගෙන් අප ඉල්ලා සිටින්නේ පාස්කු ප්රහාරය සම්බන්ධව ඔවුන් ඇතැම්, මේතාක් හෙළි නොවුණ නිශ්චිත කරුණු දැන සිටීනම් ධෛර්්‍යවන්තව ඒවා එළිදරව් කරමින් සත්‍යයට සාක්ෂි දරන්නට ඉදිරිපත් වන ලෙසය.
අපගේ දේවස්ථානභාර සියලුම පියතුමන්ගෙන් අප ඉල්ලා සිටින්නේ දෙව් මවුන්ගේ උපන් මංගල්‍යය සිදුකරන සැප්තැම්බර් 8 වෙනිදා සිකුරාදා දින සියලුම දේවස්ථානවල සවස 6.30 ට පාස්කු ප්‍රහාරයේ යුක්තිය ඉටුකරගැනීම වෙනුවෙන් විශේෂාකාරයෙන් දෙව් මවුන්ගේ පිහිට පතන ලෙස ය.
මේ සඳහා කොළඹ සහයක රදගුරු අති උතුම් ජේ.ඩි. ඇන්තනි හිමිපාණන් මෙහෙයවන විශේෂ දේව මෙහෙය එදින සවස 6.30 ට කටුවාපිටිය සාන්ත සෙබස්තියන් දෙව් මැදුරේදීත්, අති උතුම් මැල්කම් කාදිනල් රංජිත් කොළඹ අගරදගුරු හිමිපාණන් මෙහෙයවන විශේෂ දේව මෙහෙය එදිනම සවස 6.30 ට කොච්චිකඩේ සාන්ත අන්තෝනි සිද්ධස්ථනයේදීත් පැවැත්වෙන බව මෙයින් දැනුම් දෙමි.
එම දේව මෙහෙය තුළ දිව්‍ය පූජාව හෝ ශුද්ධවූ ජපමාලය උච්චාරණය කිරීම සහ දිව්‍ය සත්ප්‍රසාද ආශිර්වාදය ලබා දෙමින් ජනතාව ආසිරි ගැන්වීම සිදුවන බව දන්වා සිටිමි.
මේ සඳහා සහභාගී වන ලෙස අප ඉතා ඕනෑකමින් අපි සියලුම කතෝලික සැදැහැවතුන්ගෙන් ඉල්ලා සිටිමු.
මැල්කම් කාදිනල් රංජිත්
කොළඹ අගරදගුරු හිමි
2023 සැප්තැම්බර් 6 වනදා
“කොළඹ අගරදගුරු මැදුරේදී ය”
PRESS RELEASE IN REFERENCE TO THE DOCUMENTARY AIRED ON
CHANNEL 4 TELEVISION NETWORK OF BRITAIN ON THE
2019 EASTER SUNDAY BOMB ATTACKS
It is known by now that the Channel 4 Television Network of Britain beamed a programme on 5th September 2023 at 11.05 p.m. British time (Sri Lankan time 3.35 a.m. of this morning) containing information, among other matters, of the Easter Sunday 2019 bomb attacks in Sri Lanka.
In the first place, we wish to express our gratitude to the Channel 4 Television Network of Britain for the interest and trouble it took to focus attention worldwide on this great plot of the Easter Sunday 2019 attacks about which we, as citizens of Sri Lanka, yearn continuously for Truth and justice through a clear and transparent investigation here into these sad events. It is for this that we who have been agitating without any success in the past. We thank all those who worked hard on this project of inquiry.
We wish to urge all our fellow citizens to focus their attention on the facts that have been spoken of in and through this programme and our concern is not to find fault with this Channel on its past relationship with this country but the content of their findings which are important for us. )
We noted how even before this programme was broadcast members of parliament of the government and the opposition in Sri Lanka expressed their views on matters that had been focused upon through this programme.
Among these, we note the notice given by the Minister Hon. Manusha Nanayakkara that a parliamentary select committee will be appointed to look into matters revealed by this programme on the Easter attack. We wish to note here that, inspite of the fact that from the day of these attacks, even though a parliamentary select Committee and a Presidential Commission of Inquiry as well as other Committees were appointed to investigate these sad events and many recommendations were made by them, there have been no credible and positive action by the political authorities over these recommendations. The present and the previous Government paid only lip service to such findings.
Truly we have to note with sadness that no tangible and credible results might emerge fromyet another such Parliamentary select committee if it is only a matter of producing a report. In that light, appointing such a select committee will only lead to a waste of public funds and time and be an exercise of simply misleading the public. For this reason, we do not endorse such a strategy and reject that plan outright.
What according to us needs to happen urgently is:
1) The holding of a free, impartial, just, transparent and broad based investigation into what the Channel 4 Television Network revealed in its programme, the alleged plot behind that tragedy and all facts and a study of the persons mentioned in that programme especially with regard to their role in this mass murder. And also, investigations should be carried out on the findings outlined in the various commission reports already presented and recommendations stated there need to be implemented fully.
2) This investigation should take place through an independent international investigation team,
3) That international team should be assisted by all those Sri Lankan officials of the CID whose services were originally sought by the government and who were transferred away from the investigations to other areas and posts by biased political authorities.
4) Since these fresh investigations need to be independent, all those officials who in the police and the intelligence services coming under investigation on this matter and who hold high positions presently should be suspended forthwith. Any such officials named in the Channel 4 programme should move out of their present high positions in order to ensure the independence of the inquiry.
Similarly, Mr. Nilantha Jayawardena, DIG of the Police presently holding the position of DIG administration and who had been found guilty by the Supreme Courts for culpable neglect of duties during the time of the Easter attacks and fined and Mr. Deshabandu Tennakoon DIG whose neglect of duty, during the same attacks, had been cited by the Presidential Commission of Inquiry for disciplinary action should both be suspended from service until the new inquiry is over.
We sincerely hope that all those requests will be faithfully carried out by the Hon. President and the Government of Sri Lanka. Unless such a transparent and sincere investigation is launched, we do not feel that truth and justice will be meted out to the innocent victims of the 2019 Easter attacks. We urge the President and the Government to launch such an investigation urgently so that their credibility with regard to justice for the victims will be safeguarded. We do not believe in mere promises, but we need action and action that is absolutely independent, transparent and internationally monitored.
We wish to urge all former and present day officials in the Police and Intelligence as well as Security Services who are aware of other facts that maybe relevant to the case, to come out courageously in order to give witness to facts known to them, relevant to the case.
We call upon all our dear Rev. Fathers to organize at Parish level on Friday the 8th September; the Birthday of our Blessed Mother Mary, special prayers in all our Churches at 6.30 p.m. and urge our flock to attend and pray for truth and justice in this matter. Special ceremonies will be held on that day at 6.30 p.m. at both St. Sebastian’s Church, Katuwapitiya presided over by His Lordship Bishop J D Anthony and at St. Anthony’s Church, Kochchikade, Colombo 13, presided over by His Eminence Malcolm Cardinal Ranjith, Archbishop of Colombo. Rosary and Benediction of the Blessed Sacrament will follow with the recitation of special prayers for
justice for the Easter bombing victims and our beloved motherland.
Cardinal Ranjith 6th September 2023
Archbishop of Colombo
Archbishop’s House, Borella, Colombo 08, Sri Lanka.
[doc id=30244]
[doc id=30247]
සුරේෂ් සලේට හා පිල්ලෙයාන්ට එරෙහිව වහාම නීතිය ක්‍රියාත්මක කළ යුතු බව ආරක්ෂක ඇමති රනිල්ට අවධාරණ කරන බව ජාතික ජන බලවේගයේ පාර්ලිමේන්තු මන්ත්‍රී විජිත හේරත් පවසයි. අද පැවැති මාධ්‍ය හමුවකට එක්වෙමින් මන්ත්‍රීවරයා පෙන්වා දුන්නේ ගෝඨාභය රාජපක්ෂ ජනාධිපති ධුරයට පත්වුණු වහාම සලේ රාජ්‍ය බුද්ධි අංශයේ ප්‍රධානියා බවට පත්කිරිම අතර අන්තර් සම්බන්ධයක් තිබෙන බව ජනතාවට ඉතා පැහැදිලි බවයි.
පාස්කු ප්රහාරය එල්ල කිරීමෙන් පසුව පාර්ලිමේන්තුව තුළත් එයින් පිටතදීත් ඉතා පැහැදිලිව තොරතුරු ඉදිරිපත් කරමින් ප්රහාරය සම්බන්ධ අපේ ස්ථාවරය රටට කියා තිබෙනවා. පාස්කු ප්රහාරය එල්ල කළ ආකාරයත් ඉන්පසුව ක්‍රියාකළ ආකාරයත් තුළින් ඉතා පැහැදිලිව සනාථ වී තිබෙන්නේ බලයට තිබෙන කෑදරකම නිසා ඇති කළ සිද්ධියක් බවයි. ඒ වෙනුවෙන් සැලසුම් සහගතව සිදුකළ ප්‍රහාරයක් බව ‘චැනල් ෆෝ’ නාලිකාවෙන් මුදාහළ වීඩියෝවෙන් නැවත තහවුරු වෙනවා.
ප්‍රහාරයෙන් පසුව ඒ දඩයම කරේ තබාගෙන ගියේ රාජපක්ෂ කණ්ඩායම බවත් එයට පෙර වඳ කොත්තු, වඳ ඇඳුම්, වඳ දොස්තරලා ආදිය විවිධ ප්‍රචාර ගෙනගියා. ප්රහාරය සිදුකර, දවස් කිහිපයකට පසුව ජාතික ආරක්ෂාව තහවුරු කළ හැක්කේ තමන්ට පමණක් බව කියමින් ජනාධිපතිවරණයට ඉදිරිපත් වෙන බව ගෝඨාභය රාජපක්ෂ ප්‍රකාශ කළා.
‘චැනල් ෆෝ’ නාලිකාව තුළින් මව්ලානා හෙළිකරන තොරතුරු අනුව නැගෙනහිර පළාතේ හිටපු මහ ඇමති පිල්ලෙයාන් සහ දැනට රාජ්‍ය බුද්ධි ඒකකයේ ප්‍රධානියා වන, සුරේෂ් සලේ මේ කණ්ඩායමත් සමග ඍජුව ගනුදෙනු කළ බව පැහැදිලියි. මේ වාර්තාව නිකුත් කරන බව ප්‍රචාරය කළ සැනින් ආණ්ඩුවේ මන්ත්‍රීවරුන් කිහිප දෙනෙක්ම 05දා පාර්ලිමේන්තුවේදී මව්ලානා පිළිබඳ විවිධ චෝදනා ඉදිරිපත් කළා. නමුත් මේ මව්ලානා ගෝඨාභය රාජපක්ෂ, පිල්ලෙයාන්, එක්ක සිටින ඡායාරූප හමුවී තිබෙනවා. පිල්ලෙයාන් එක්ක තිබූ සම්බන්ධය ඔහුම හෙළිකර තිබෙනවා. පාස්කු ප්‍රහාරයේ පරීක්ෂණ නිවැරදි එල්ලයකට ක්‍රියාත්මක නොකළ නිසා, සැබෑ චුදිතයන් තවමත් සැඟවී සිටිනවා. නමුත් මේ තොරතුරුවලින් මහ මොළකරුවා සහ ඔවුන්ගේ උවමනාවන් ඉතා හොඳින් පැහැදිලි වෙනවා. මැල්කම් රංජිත් කාදිනල්තුමා අවස්ථා කිහිපයකදීම විවිධ තොරතුරු අනාවරණය කරමින් පරීක්ෂණ කළ යුතු පුද්ගලයන් සහ ඉලක්කය පිළිබඳව ප්‍රකාශ කර තිබුණා. නමුත් අද වනතුරුත් ඒය සිදුකළේ නැහැ. සහරාන් කණ්ඩායමේ තිබුණු අන්තවාදී අදහස් පාවිච්චි කර, ඔවුන් හරහා ප්රහාරය දියත් කළ බව වාර්තා වැඩසටහනෙන් ඉතා හොඳින් පැහැදිලි වෙනවා. රාජ්‍ය බුද්ධි අංශ ප්‍රධානී සුරේෂ් සලේට ඍජුවම ඇඟිල්ල දිගුකොට තිබෙනවා. ඔහු එම තනතුරට පත්කරන්නේ ගෝඨාභය රාජපක්ෂ ජනාධිපති ධුරයට පත්වුණු විගසින්මයි. සුරේෂ් සලේ මේ සම්බන්ධයෙන් චූදිතයෙක් වී සිටි බව මුල සිටම කියැවුණත් ගෝඨාභය රාජපක්ෂ ජනාධිපති ධුරයට පත්වුණු වහාම ඔහුව රාජ්‍ය බුද්ධි අංශයේ ප්‍රධානියා බවට පත්කරනවා. මේ සිදුවීම් දෙක අතර, අන්තර් සම්බන්ධයක් තිබෙන බව ජනතාවට ඉතා පැහැදිලියි.
රනිල්ට,රුවන්ට ගැලවිමක් නෑ!
පාස්කු ප්රහාරය සිදුකරන අවස්ථාවේ රනිල් වික්‍රමසිංහ රටේ අගමැති වගේම ඔහුගේ හොඳම ගෝලයා වන රුවන් විජේවර්ධන ආරක්ෂක රාජ්‍ය අමාත්‍යවරයා වී සිටියා. ජනාධිපති මෛත්‍රීපාල සිරිසේන රටෙන් බැහරව සිටියේ. මේ නිසා රනිල් වික්‍රමසිංහ සහ රුවන් විජේවර්ධන දෙදෙනාම රටේ ආරක්ෂාව සම්බන්ධයෙන් ප්‍රධානීන් ලෙස සිටියා. ඔවුන්ට මේ චෝදනාවලින් ගැලවෙන්න බැහැ. ජනාධිපති මුක්තිය නිසා අද ඔහු ඒ චෝදනාවලින් ඉවත් වී සිටිනවා. පාස්කු ප්රහාරය වළක්වා නොගැනීමේ චෝදනාවට එදා හිටපු පාලකයන් මුළුමනින්ම වගකිවයුතුයි. එම ප්රහාරය දියත් කිරීමේ චෝදනාව සහරාන් ඇතුළු අන්තවාදීන්ට එල්ල වෙනවා. මේ නිසා ගරු ශ්‍රේෂ්ඨාධිකරණ ඉතා පැහැදිලිව තීන්දුකර තිබෙනවා, හිටපු ජනාධිපති-මෛත්‍රීපාල සිරිසේන, රාජ්‍ය බුද්ධි අංශයේ ප්‍රධානී- නිලන්ත ජයවර්ධන, සහ එවකට සිටි පොලිස්පති ඇතුළු පිරිසකගෙන් වින්දිතයන්ට වන්දි ගෙවන ලෙස නියෝග කළා. මේ වගකිවයුත්තන්ට වන්දි ගෙවන ලෙස නියෝග කළත්, ඔවුන්ට එරෙහිව අපරාධ නඩුවක් මේ දක්වා ගොනුකර නැහැ.
ගෝඨාභයට මුක්තිය නැහැ!
ගෝඨාභය රාජපක්ෂ දැන් ජනාධිපති ධුරයේ නැහැ. ඒ නිසා ඔහුට මුක්තිය නැහැ. ආරක්ෂක ඇමතිවරයාට ඕනෑම වෙලාවක දැන් පුළුවන් ගෝඨාභය රාජපක්ෂට එරෙහිව තිබුණු චෝදනා සියල්ල නැවත විභාගයට ගැනීමේ ක්‍රියාමාර්ග සලසන්න. රනිල් වික්‍රමසිංහගේ වගකීම ඒ නඩු කටයුතු වහාම ක්‍රියාත්මක කරන්න අවශ්‍ය උපදෙස් දීමයි. චෝදනා තිබෙන සුරේෂ් සලේ තාමත් රාජ්‍ය බුද්ධි අංශ ප්‍රධානියා. ඔහු එම තනතුරේ තබාගෙන පරීක්ෂණ සිදුකිරීමේ කිසිදු ප්‍රතිඵලයක් නැහැ. ඒ නිසා රටේ ආරක්ෂක ඇමති රනිල් වික්‍රමසිංහට ජාතික ජන බලවේගයේ අපි බලකර කියන්නේ සුරේෂ් සලේව වහාම තනතුරෙන් ඉවත් කරන්න කියලයි. ඒ වගේම ඔහුට සහ පිල්ලෙයාන්ට විරුද්ධව වහාම අපක්ෂපාතී පරීක්ෂණයක් පවත්වා නීතිය ක්‍රියාත්මක කළ යුතුයි. සුරේෂ් සලේ රාජ්‍ය බුද්ධි අංශ ප්‍රධානියා ලෙස තබාගෙන පරීක්ෂණ නිවැරදි ඉලක්කයට ගෙනයන්න බැහැ. මුලින්ම රටේ ආරක්ෂක ඇමති සහ සේනාධිපති ඔහු ඉවත් කිරීමේ වගකීම රනිල් වික්‍රමසිංහ ඉටුකළ යුතුවාක් මෙන්ම ඔහුටත් යුතුකමක් තිබෙනවා මේ චෝදනා එල්ලවීම හමුවේ ස්වේච්ඡාවෙන් ඉල්ලා අස්වී ස්වාධීන පරීක්ෂණයක් පවත්වන්න ඉඩ සලසාදීමට. ජනතාවට සාධාරණත්වය, යුක්තිය ඉටු නොවීමෙන් රටට අපකීර්තියක් ඇති වෙනවා. තොරතුරු අනාවරණය කළ ‘චැනල් ෆෝ’ නාලිකාව හම ගහලා හරියන්නේ නැහැ. රටට ඇත්ත හතුරුකම තිබෙන්නේ චුදිතයන් ආරක්ෂා කිරීම මගින්. ලෝකය පුරා මේ තොරතුරු ප්‍රචාරය වීමෙන් අපකීර්තිය ඇති වෙන්නේ චූදිතයන් ආරක්ෂා කිරීමෙන්. සැබෑ වගඋත්තරකරුවන් නිදැල්ලේ සිටීමට ඉඩ හැරිම තුළ මෙවැනි වාර්තා වැඩසටහන් තව සිය ගණනක් ඇති වෙන්න පුළුවන්. රටට අපකීර්තියක් ඇති වෙන්නේ ඒ මගින්. වාර්තා වැඩසටහන නිසා රටට අපකීර්තියක් ඇති වෙනවා කියලා මෙය වහන්න දෙන්න බැහැ.
“ඩම් ඩම් බුලට්” සංකල්පය!
අපක්ෂපාතී ස්වාධීන පරීක්ෂණයක් වහාම අලුතෙන් පටන්ගත යුතුයි. ජාත්‍යන්තර නීතියේ “ඩම් ඩම් බුලට්” කියලා සංකල්පයක් තිබෙනවා. යම් සිද්ධියක් උඩ යට යමින් දිගටම පැවතීම එයින් අදහස් කරනවා. පාස්කු ප්රහාරය සිදුකර අවුරුදු 4 1/2කටත් වැඩි වුණත් ‘ඩම් ඩම් බුලට්’ එකක් වී තිබෙනවා. මෙය තවත් වසර ගණනාවක් දිග්ගසාගෙන නොයා වින්දිතයන්ට යුක්තිය ඉටුකළ යුතුයි. ජීවිත අහිමි වූ සිය ගණනක් දෙනා වෙනුවෙන්, යුක්තිය ඉටුකරන්න නම්, චූදිතයන්ට දඬුවම් කිරීමේ ක්‍රියාමාර්ග රටේ ආරක්ෂක ඇමති රනිල් වික්‍රමසිංහ විසින් වහාම ක්‍රියාත්මක කළ යුතුයි. මහ මොළකරුවන්ට එරෙහිව නැවත පරීක්ෂණ මුල සිට ආරම්භ කරන ලෙස ජාතික ජන බලවේගයේ අපි අවධාරණය කරනවා.
පාස්කු ප්රහාරය සම්බන්ධ නඩුවෙන් වත්මන් ජනාධිපති ඉවත් කර තිබෙන්නේ තාවකාලිකව
ජ්‍යේෂ්ඨ නීතිඥ ජේ.එම්. විජේබණ්ඩාර
ලංකාවේ භූමිය මත 2019 අප්‍රේල් 21 දින සිදුකළ සිදුවීම්වලින් සිය ගණනක් මරණයට පත්වී රටම භීතියට පත්ව, රටේ ආර්ථිකය කඩාවැටීමට හේතු වී හැමෝම පීඩාවට පත්වුණා. අද තිබෙන්නේ විකෘති ආණ්ඩුවක්, විකෘති පාලනයක් බව ජාතික ජන බලවේගයේ නීතිඥයෝ හැටියට අපි මෙයට පෙර අවස්ථා ගණනාවකදී පෙන්වා දී තිබෙනවා. චැනල් ෆෝ නාලිකාවෙන් හෙළිකර තිබෙන්නේ මේ ප්රහාරය අවුරුදු කිහිපයක් පුරා සැලසුම්කර දියත් කළ බවයි. ඒ පිළිබඳව අපේ යාන්ත්‍රණවලින් නිසි පරිදි පරීක්ෂණ සිදුකර යුක්තිය ඉෂ්ට කළා නම්, මේ වැනි ප්‍රචාරයන් සිදුවන්නේ නැහැ. අපේ රටේ පාලකයෝ නීතියෙන් පාලනය නොවෙන තත්වයක් තුළ මෙවැනි සිදුවීම් යළි යළි ඇතිවීමේ අනතුර තිබෙනවා. මේ ප්රහාරය මැතිවරණයේ ප්‍රතිඵලයට ඍජුවම බලපෑම් කළා. ජනාධිපතිවරණයට වගේම මහා මැතිවරණයටත් විශාල බලපෑමක් සිදුවුණා. ඒ ආකාරයෙන් පත්කර ගත් ජනාධිපති ප්‍රජාතාන්ත්‍රික අරගලයකින් ඉවත් කිරීමට ජනතාවට සිදුවුණා. 2019 අප්‍රේල් වන විට විපක්ෂයේ සිටි කට්ටිය තමන්ගේ බලය ලබාගැනීම වෙනුවෙන් ප්රහාරය සැලසුම් කළ බව වීඩියෝවෙන් කියැවෙනවා. එවකට ආණ්ඩුවේ ජනාධිපතිවරයා තනි පුද්ගලයෙක් ලෙස සිටින අතර, කැබිනට් මණ්ඩලය රනිල් වික්‍රමසිංහ අගමැතිවරයා යටතේ ඔහුගේ පක්ෂය ප්‍රමුඛව සිටි මන්ත්‍රීවරුන්ගෙන් පිහිටුවා තිබුණා. එදා රාජ්‍ය ආරක්ෂක අමාත්‍ය ධුරය දැරූයේ අද රනිල් වික්‍රමසිංහ ජනාධිපතිගේ ජ්‍යෙෂ්ඨ උපදේශකයෙක්. අභ්‍යන්තර ආරක්ෂක අමාත්‍ය ධුරය දැරුවේ අද ඔහුගේ ජ්‍යෙෂ්ඨ ආරක්ෂක උපදේශකවරයෙක්.
තමන් ආණ්ඩු බලයේ සිටියදී විපක්ෂය මෙවැනි බලය ලබාගැනීමේ මෙහෙයුමක් සිදුකළා නම්, පාලනයේ සිටි අයගේ නොහැකියාව, අකාර්යක්ෂමතාවය සහ අලස බව ඉතා හොඳින් පැහැදිලි වෙනවා. අද විපක්ෂ නායකතුමාත් ඒ කැබිනට් මණ්ඩලයේ සිටියා. ශ්‍රේෂ්ඨාධිකරණයේ පූර්ණ විනිසුරු මඬුල්ලක් ඉදිරියේ විභාග වූ එක් නඩුවකදී මේ සියලු දෙනා ගැනම තොරතුරු හෙළිවුණා. ඒ චෝදනාව එවකට සිටි අගමැති රනිල් වික්‍රමසිංහත් මුලින්ම සිටිනවා. අද ඔහු ජනාධිපති නිසා තාවකාලිකව ඒ චෝදනාවලින් ඉවත් කර තිබෙනවා. නමුත් එවකට සිටි ජනාධිපති මෛත්‍රීපාල සිරිසේන, පොලිස්පති, බුද්ධි නිලධාරීන් නොසැලකිල්ලට වගකිව යුතු බව තීන්දුවේ ප්‍රකාශ කර, වන්දි නියම කළා. නීතිය අනුව ජනාධිපති ධුරය ඉවත් වූ වහාම ඔවුට විරුද්ධව නැවත අධිකරණමය ක්‍රියාමාර්ග ගත හැකියි.
අද වෙනකොට පාස්කු ප්රහාරය දියත් කිරීමේ චෝදනාව එල්ල වී සිටින පිරිසත්, ඒ වළක්වා නොගැනීමේ චෝදනා එල්ල වී තිබෙන පිරිසත් දෙගොල්ලම එකතු වූ විකෘති පාලනයක් ගෙන යනවා. ඔවුන් අතරේ සලාදයක් වගේ ජනාධිපතිවරයෙක්, අගමැතිවරයෙක් සහ කැබිනට් මණ්ඩලයක් පත්වී සිටිනවා. මේ දෙගොල්ල යටතේ පාස්කු ප්රහාරයට විසඳුම් ගන්න හැකිවේදැයි බරපතළ සැකයක් තිබෙනවා. ජාතික ගීය සම්බන්ධයෙන්, නාට්‍යයක් සම්බන්ධයෙන්, ක්‍රියාත්මක වන සී.අයි.ඩී. එක මේ තරම් කරුණු හෙළිකර තිබියදී ගෝඨාභය රාජපක්ෂගෙන් වගේම එවකට සිටි නියෝජ්‍ය රාජ්‍ය ආරක්ෂක ඇමති, ඇතුළු සියලු දෙනාගෙන්ම වහාම ප්‍රකාශ සටහන් කර ගත යුතුයි. අපරාධය සම්බන්ධයෙන් යුක්තිය පසිඳලීමේ යාන්ත්‍රණය ඒ තොරතුරු ඔස්සේ දියත් කළ යුතුයි. මේ සතිය ඇතුළත ප්‍රකාශ සටහන් කරගෙන යුක්තිය ඉටුකිරීමේ ක්‍රියාමාර්ගය නොගන්නේ නම්, තට්ටු මාරු ක්‍රමයට රට පාලනය කළ දෙගොල්ලම සැබෑ චූදිතයන් බව මහජනතාව ඉදිරියේ තහවුරු වෙනවා. මෙම වීඩයෝ පටය ගැන පරීක්ෂණ පවත්වන්න පාර්ලිමේන්තු තේරීම් කාරක සභාවක් පත්කරන බව එක් ඇමතිවරයෙක් ප්‍රකාශ කළත්, එවැනි සාකච්ඡාවක් කැබිනට් මණ්ඩලයේ සිදු නොකළ බව මාධ්‍ය ප්‍රකාශක කියා තිබෙනවා.
රටේ අපරාධයක් සම්බන්ධයෙන් පාර්ලිමේන්තු තේරීම් කාරක සභා පත්කිරීම අපරාධ නීතිය ක්‍රියාත්මක කිරීමක් නොවෙයි. අපරාධ යුක්තිය පසිඳලීමේ යාන්ත්‍රණය ක්‍රියාත්මක කිරීමයි කළ යුත්තේ. ශ්‍රේෂ්ඨාධිකරණයෙන් හෙළිවුණු කරුණු, ජනාධිපති කොමිෂන්වලදී හෙළිවුණු කරුණු වගේම ‘චැනල් ෆෝ’ නාලිකාවෙන් හෙළිකර තිබෙන කරුණුත් යොදා ගනිමින් රටේ සාමාන්‍ය නීතිය යටතේ පරීක්ෂණ දියත් කළ යුතුයි. එසේ නොකරනවා නම්, දේශපාලන වශයෙන් පත්වී රාජ්‍ය යාන්ත්‍රණය මෙහෙය වූ අය වගේම එම දේශපාලකයන් අතින් තනතුරු ලබාගත් නිලධාරීනුත් මේ රටේ නීතියෙන් පාලන නොවන බව තහවුරු වෙනවා. එවැනි තත්වයක් ඉතාම භයානකයි, අරාජිකයි. එවැනි තත්වයකට එරෙහිව ජාතික ජන බලවේගය සහ එහි නීතිඥයන් හැටියට අපි ක්‍රියාමාර්ග සැලසුම් කරනවා. යුක්තිය ඉටුකර ගන්නා තුරු අපි අපේ හඬ නඟනවා.
යුක්තිය ඉටුකර ගැනීමේ ක්‍රියාවලියට පදනම් කර ගත හැකි කරුණු රැසක් හෙළිකර තිබෙනවා.
ජාතික ජන බලවේගයේ ජාතික විධායක සභික – මහාචාර්ය ක්‍රිෂාන්ත අබේසේන
පාස්කු ප්‍රහාරයත් එක්කම කාදිනල් තුමන් විශාල වගකීමක් ඉටු කළා. ආගම් ලෙස කැරලි කෝලාහල ඇතිවීම වැළැක්වීම වෙනුවෙන් එතුමන් කළ කටයුත්ත ඉතාම සුවිශේෂියි. ඒ වගේම පාස්කු ප්‍රහාරයේ වගකිවයුත්තන්ට දඬුවම් පැමිණවීමට පොරොන්දු වූ ගෝඨාභය රාජපක්ෂ ඇතුළු පිරිස බලයට පත්කිරීමටත් උන්වහන්සේ විශාල කාර්යභාරයක් කළා. නමුත් මේ තත්වය කතෝලික සභාව දේශපාලන පක්ෂයට සහයෝගය දුන් බවට යම් යම් අය ප්‍රචාරය කරනවා. පාස්කු ප්රහාරය පිළිබඳව ප්‍රධාන චූදිතයන් තිදෙනෙක් ගැන කාදිනල්තුමා ප්‍රකාශ කර තිබෙනවා. ස්ලාම් අන්තවාදය, ප්රහාරය එල්ල කරන අවස්ථාවේ එය වළක්වා නොගත් ආණ්ඩුව සහ දේශපාලන බලය ලබාගැනීමට කුමන්ත්‍රණයක් දියත් කළ අය යන පාර්ශ්ව තුන පිළිබඳව කරුණු දක්වා තිබෙනවා. ‘චැනල් ෆෝ’ නාලිකාවෙන් නැවත හෙළිකර තිබෙන්නේ බලයේ සිටි රාජපක්ෂවරුන් බලය ලබාගැනීම වෙනුවෙන් කළ කටයුත්තක් බවයි. දැන් යුක්තිය ඉටුකර ගැනීමේ ක්‍රියාවලියට පදනම් කර ගත හැකි කරුණු රැසක් හෙළිකර තිබෙනවා.
දැනට පවතින සාක්ෂි අනුව අපරාධ නඩුවලට නොයන්නේ ඇයි කියන ප්‍රශ්නයක් තිබෙනවා. අපේ අධිකරණ පද්ධතිය විශේෂයෙන්ම නීතිපති දෙපාර්තමේන්තුව දේශපාලනීකරණය වීම මේ ප්‍රශ්නයට මූලික හේතුවයි. නීතිපති දෙපාර්තමේන්තුව වගකියන්නේ කාටද? මෙපමණ සාක්ෂි හෙළිවී තිබියදීත් නිසි ක්‍රියාමාර්ග නොගැනීම තුළ සමහර සාක්ෂි සැඟවීමට සංවිධානාත්මක ක්‍රියාමාර්ග දියත් කෙරෙන බවත්, අපිට වාර්තා වෙනවා. මේ ආණ්ඩුවලින් තවදුරටත් අපිට යුක්තිය බලාපොරොත්තු විය හැකිද? මේ දෙගොල්ලම එක්වී ආණ්ඩුව පවත්වාගෙන යනවා. ඒ නිසා අපිට මේ දේශපාලන සංස්කෘතිය වෙනස් කර නීතියේ ආධිපත්‍යය තහවුරු කිරීමක් කළ යුතු වෙනවා. ජාතික ජන බලවේගයේ පාලනයක් යටතේ මේ සියලුම සාක්ෂි එකතු කර, දේශපාලනඥයන් හෝ රාජ්‍ය නිලධාරීන් වශයෙන් කිසිදු භේදයක් නැතිව වින්දිතයන්ට යුක්තිය ඉටුකිරීමේ ක්‍රියාමාර්ග හැකි ඉක්මනින් දියත් කරන බව අවධාරණය කරනවා.
2019 පාස්කු බෝම්බ ප්රහාරය පිළිබඳ කම්පන සහගත හෙළිදරව් කිරීම් හෙට (5) එක්සත් රාජධානියේ චැනල් – 4 ඔස්සේ විකාශය කිරීමට නියමිතයි. “Sri Lanka’s Easter Bombings – Dispatches” නමින් එම වැඩසටහන විකාශය කරන බවයි වාර්තා වන්නේ.රහස් හෙළිකරන්නන් කිහිප දෙනෙකු කල පාස්කු ඉරිදා ප්රහාරයට අදාළ සංවේදී තොරතුරු කොළඹ රාජ්‍ය තාන්ත්‍රික දූත මණ්ඩලවලට බෙදාගෙන තිබේන අතර ඒ හරහා මෙම වැඩසටහන නිර්මාණය වි ඇති බවයි.
චැනල් 4 නාලිකාව මීට පෙර ශ්රී ලංකාවේ සිවිල් යුද්ධයේ අවසන් සතිවල Sri Lanka’s Killing Fields නම් වාර්තාමය වීඩියෝවක් ද විකාශය කළේය.
මෙම වීඩියෝ පටය අගෝස්තු 15 වැනිදා විකාශය කිරීමට චැනල් 4 නාලිකාව සැලසුම් කර තිබුණද, රාජ්‍ය බුද්ධි සේවයේ ( SIS) ප්‍රධානී මේජර් ජෙනරාල් සුරේෂ් සාලි සිය නීතිඥයන් මාර්ගයෙන් චැනල් 4 වෙත කළ පැහැදිලි කිරීමකට අනුව එදින එම වීඩියෝව විකාශය කිරීම නතර කළ බවද ආරංචි මාර්ග සඳහන් කරයි.
සිය නම භාවිත කරමින් සිදුකළ සිද්ධීන්වලට අදාළ කාලසීමාව තුළ තමන් ශ්රී ලංකාවේ රාජකාරියේ නිරත නොවූ බව සනාථ කෙරෙන ලිපි ලේඛන සහිතව මේජර් ජෙනරාල් සුරේෂ් සාලි විසින් චැනල් ෆෝ නාලිකාවට දැනුම් දී ඇති බවද වාර්තා වේ.කෙසේ වෙතත්, චැනල් – 4 වීඩියෝවේ මාතෘකාව වෙනස් කර එය හෙට විකාශය කිරීමට සැලසුම් කර ඇති බව වාර්තා වේ.
බ්‍රිතාන්‍ය සංචාරකයින් අට දෙනෙකු ඇතුළු පුද්ගලයින් 250කට වැඩි පිරිසකට මරු කැඳවූ 2019 පාස්කු ඉරිදා බෝම්බ ප්රහාරයට රාජපක්ෂ පවුලට හිතවත් ශ්රී ලංකා නිලධාරීන් හවුල් වූ බව ප්රහාරයට පෙර මෙන්ම පසුවද හෙලි කලද රනිල් – රාජපක්ෂ ජුන්ටාව එම හෙලිකිරිම් මර්දණය කිරිමට නීතිය මෙන්ම ආරක්ෂක අංශද භාවිතා කලබව නොරහසකි.
එක්සත් රාජධානියේ චැනල් 4 නාලිකාවේ හෙට විකාශය වීමට වැඩසටහන හරහා රනිල් -රාජපක්ෂලා මෙන්ම ජ්‍යෙෂ්ඨ හමුදා බුද්ධි අංශ නිලධාරියෙකු වන සුරේෂ් සාලි ඇතුලු නිළධාරි කණ්ඩායම සහ ඉස්ලාමීය රාජ්‍යයට සම්බන්ධ බෝම්බකරුවන් අතර කුමන්ත්‍රණය මෙන්ම ඒ හරහා ශ්රී ලංකාව අස්ථාවර කර රාජපක්ෂලාට නැවත බලයට පැමිණීමට පහසුකම් සැලසීම අනාවරණය කරනු ඇත.
ප්රහාරය එල්ලකර දින 6කට පසුව “ගෝඨා,හේමසිරි ඩිල් එක කරලියට…. ප්රහාරය මතින් ගෝඨා ජනපති සටනට….” යනුවෙන් අප අනාවරණය කලේද පහත අයුරිනි!
ගෝඨා,හේමසිරි ඩිල් එක කරලියට…. ප්රහාරය මතින් ගෝඨා ජනපති සටනට….
Lankanewsweb.today වෙබ් අඩවිය හරහා අපකල සියලුම අනාවරණයන් පහතින් කියවිමට ඔබට හැකියාව ඇත.
පාස්කු ඝාතනයේ මහ මොළකරුවන් බේරන්න දගලන දිවයින! ඝාතකයන්ට සහයදුන් X21!
පාස්කු ප්‍රහාරයේ සාක්ෂී කිහිපයක් හදිසීයේ අතුරුදහන්! අධිකරණයට දිලත් නෑ!
තවත් අන්තවාදී ප්‍රහාරයකට රනිල්-රාජපක්ෂ කල්ලී හදයි! අන්තවාදීන්ට රාජ්‍ය අනුග්‍රහය!
ජාතික ආරක්ෂාව පරණ පාරෙම! පාස්කුවේ අදුරු මතකය සහ සොනීක්ගේ දෙවැනි ඉනීම!
