තවත් අන්තවාදී ප්‍රහාරයකට රනිල්-රාජපක්ෂ කල්ලී හදයි! අන්තවාදීන්ට රාජ්‍ය අනුග්‍රහය! යනුවෙන් දේශපාලන බල ගැටුම සම්බන් ධයෙන් අප කල දුගුදුර අනාවරණය මෙන්ම ජාත්‍යන්තරවද ලංකාව ගමන් කරමින් සිටින අන්තවාදී දේශපාලන උපක්‍රම පිළිබඳව කල විග්‍රහයන් මෙන්ම අනතුරු ඇඟවිම් පිළිබඳව පාර්ලිමේන්තුවේ ප්‍රශ්න කිරිම හමුවේ ආණ්ඩුවේ නිරුවත් වි ඇති බව අප ආරක්ෂක තොරතුරු වාර්තාකරු අනාවරණය කරනවා. පාර්ලිමේන්තුවේ හදිසි ප්‍රශ්න කිරිම හමුවේ කුමන්ත්‍රණකරුවන් කලබලයට පත්ව ඇති බවද ඔහු අනාවරණය කළා.
ජාති ආගම් ඝට්ටනයක් හරහා සිදුවන තවත් පිපිරීමක් ගැන සඳහන් විදේශ බුද්ධි අංශ වාර්තාවක් සම්බන්ධයෙන් දෙස් විදෙස් මාධ්‍ය තොරතුරු අනාවරණය කර ඇති හෙයින් ඒ ගැන වහා තොරතුරු සොයා බලා මේ සභාව දැනුවත් කරන්නැයි විපක්ෂ නායක සජිත් ප්‍රේමදාස පාර්ලිමේන්තුවේදී (24) ඉල්ලීමක් කර සිටියා.
“ජාත්‍යන්තර බුද්ධි අංශ නිකුත් කර ඇති වාර්තාවක් ගැන දෙස් විදෙස් මාධ්‍යවල තොරතුරු සඳහන් වෙලා තියෙනවා. මේ රටේ විවිධ ජාති ආගම් අතර ඝට්ටනයක් ඇති වෙලා තවත් පිපිරීම් තත්ත්වයක් ගැන මේ වාර්තාවේ සඳහන් වන බව ප්‍රකාශ කරනවා.”
“මේක ඉතා භයානක කාරණයක්.ඒ වගේම ජාතික ආරක්ෂාවට බලපාන කාරණයක්. වහාම දේශපාලන පක්ෂ කැඳවලා මෙය ඇත්තක්ද බොරුවක්ද කියලා හොයන්න ඕන.පාස්කු ප්‍රහාරය සමග ඇති වූ ආරක්ෂක ව්‍යාකූලත්වය අපි දැක්කා. මේ සංවේදී කාරණය ගැන රජය අවධානය යොමු කරන්න ඕන. ඊට පස්සේ මේ සභාව දැනුවත් කිරිමට කටයුතු කළ යුතුයි.”
රටේ ජාතික ආරක්ෂාව සහ ජාතිවාද කෝලාහල සම්බන්ධයෙන් විදේශ බුද්ධි අංශයකින් කිසිම තොරතුරක් ලැබී නෑ.
සජිත්ගේ මෙම ප්‍රශ්ණ කිරිම හමුවේ ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් පාර්ලිමේන්තුවේදී කියා සිටියේ රටේ ජාතික ආරක්ෂාව සහ ජාතිවාද කෝලාහල සම්බන්ධයෙන් විදේශ බුද්ධි අංශයකින් කිසිම තොරතුරක් ලැබී නැති බවයි.මෙය තමා ප්‍රකාශ කරන්නේ වගකීමෙන් බවද ඔහු සඳහන් කර සිටියා.
“විවිධ කට කතා, ෆේස්බුක් පණිවිඩවලට උත්තර දිදී ඉන්න බැහැ. ඒ නිසා මේ සම්බන්ධයෙන් පාර්ලිමේන්තුවට කරුණු දක්වනවා. රටේ සමහර තැන් වල සමහර කණ්ඩායම් දේශපාලනික උත්තේජනය උඩ මේ රටේ ජාතිවාදී කලබල හා කෝලාහල ඇති කිරීමට විවිධ උත්සාහ ගන්න බව අපිට පැහැදිලිව නිරීක්ෂණය වනවා. ඒ කණ්ඩායම් ගැන රජයේ ආරක්ෂක අංශ රජය අවධානය යොමු කරලා තියෙනවා. මුලතිව් ප්‍රදේශයේ ඇන්තනී ජෙගනාදන් නැමැති පුද්ගලයකු කුරින්දි පුරාවිද්‍යා භූමිය ගැන විශේෂ අවධානය යොමු කරන කෙනෙක්. කතෝලික බැතිමතෙක්.ඔහුට මෙතන තියෙන ප්‍රශ්නය ගැන අපිට ප්‍රශ්නයක් තියෙනවා. ඔහු මෙතන ප්‍රශ්නයක් ඇති කරන්න විශේෂ උත්සාහයක් ගන්න බව පේනවා.” යනුවෙනි.
පාස්කුවේ අදුරු මතකය ….
2019 අප්‍රියෙල් 21 ප්‍රහාරය පසුපස රාජපක්ෂලා ප්‍රමුඛ අන්තවාදීන්ගේ මෙහෙයුම ගැනද අප මෙන්ම තවත් මාධ්‍ය සගයන් 2016 වසරේ සිටම අවස්ථා ගණනාවකදි අනාවරණය කරන්නට විය. අවසානයේ ප්‍රහාරයට දින 4ක් තිබියදි ඉන්දීය රෝ ඔත්තු සේවය මෙන්ම තවත් ඔත්තුකරුවන් රැසක්ම ප්‍රහාරය ගැන තොරතුරු අනාවරණය කලද ප්‍රහාරය සිදුවනතෙක්ම ජනාධිපතිවරයාගේ සිට ආරක්ෂක අංශ දක්වා නිහඩව සිටියේ මන්ද යන්න දැන් නොරහසකි.
මේ දියත් වන්නේ එහි දෙවනි ඉනිමයි. 21 ප්‍රහාරයට පාර කපමින් එවකට ජනපතිව සිටි සිරිසේන උන්නැහේ ආරාක්ෂක මණ්ඩලය තුල තමන්ව ඝාතනය කරන්නට පගරනැට්ටන් උත්සහ ගන්නා අකාරය පිළිබඳව කතා කරමින් කාලය කා දැමු අතර ගෝඨාභය බලයට ගෙන එම සදහා මෙන්ම සජිත් පරදවා පක්ෂයේ බලය සියතේ තබා ගැනිම සදහා දතකමින් සිටි කණ්ඩායම් ඉතාම සියුම්ව සිය මෙහෙයුම ගෙන ගිය බව දැන් රටම දනී.
මේ යන්නේ පරණ පාරෙමය. වෙනසකට ඇත්තේ එදා ජනපති පුටුවේ සිටි රාජපක්ෂ රූකඩය වු සිරිසේන වෙනුවට අද රනිල් රූකඩ නැට්ටා විමය.අනිත් අතට ජනතාව පන්නා දැමු ගෝඨාභය රාජපක්ෂ ජනාධිපතිවරයාගේ සමිපතම මෙන්ම රාජපක්ෂලාගේ මජර වැඩ සියල්ලක්ම මෙහෙයවනු ලැබු, පාස්කු ප්‍රහාරයේ පළමු චුදීතයා වන රාජ්‍ය බුද්ධී අංශ ප්‍රධානී සූරේෂ් සලේ හෙවත් සොනීක් ද තවමත් ජාතික ආරක්ෂාවට වගකියමින් සිටිමය. ඒ අනුව සතිපතා ජනතාවට විවිධ ආතල් දෙන ආණ්ඩුව සිය දේශපාලන කුමන්ත්‍රණය නිසිලෙස දියත් කරමින් සිටින බවද ඉතා පැහැදිලිය.
ජාතික ආරක්ෂාව පරණ පාරෙම….
හිටපු ජනාධිපති මෛත්‍රීපාල සිරිසේන, හිටපු ආරක්ෂක ලේකම් සහ තවත් හිටපු ආරක්ෂක සහ බුද්ධි අංශ නිලධාරීන් දෙදෙනෙකු ප්‍රහාර වැළැක්වීමට අපොහොසත් වීමෙන් වින්දිතයන්ගේ මූලික අයිතිවාසිකම් කඩ කර ඇති බවට ශ්‍රේෂ්ඨාධිකරණය ඒකමතිකව තීන්දු කල අතර ඛේදවාචකය වැළැක්වීමට ඔවුන් අපොහොසත් වීම නිසා විපතට පත් වූවන්ගේ පවුල්වලට ඩොලර් 850,000 කට ආසන්න මුදලක් ගෙවන ලෙස ඔවුන්ට නියෝග කරන ලදී.
එහිදි ලැබුන ප්‍රබලම තින්දුව වුයේ සවිස්තරාත්මක බුද්ධි අංශ යෝජනා කර තිබියදීත්, හිටපු ජනාධිපතිවරයා සහ ඔහුගේ ඉහළ ආරක්ෂක නිලධාරීන් ප්‍රහාර වැලැක්වීමට අපොහොසත් වූ බවයි. ඒ වනවිට ගෝඨාභයට මුවාවි ජනපතිකම හොරාගත් එවකට අග්‍රාමාත්‍යවරයාව සිටි වත්මන් ජනාධිපති රනිල් වික්‍රමසිංහට ධූරයේ සිටියදී ඔහුට හිමි මුක්තිය ලබාදී ඔහුට එරෙහි නඩු කටයුතු ඉදිරියට ගෙන යා නොහැකි බව අධිකරණය විසින් නිගමනය කරන ලදී.
අධිකරණ තින්දුව සම්බන්ධයෙන් එක්සත් ජාතීන්ගේ මානව හිමිකම් කාර්යාලය සිය ප්‍රසාදය පලකරමින් සදහන් කර සිටියේ රජය විසින් ජාත්‍යන්තර සහාය ඇතිව සහ වින්දිතයන්ගේ සහ ඔවුන්ගේ නියෝජිතයින්ගේ පූර්ණ සහභාගීත්වයෙන් පසු විපරම් ස්වාධීන පරීක්ෂණයක් ස්ථාපිත කළ යුතු අතර වගකිව යුතු සියලු දෙනාට එරෙහිව නීතිය ක්‍රියාත්මක කල යුතු බවයි.
නමුත් රනිල් රාජපක්ෂ මේ වනවිට අධිකරණයට බලපෑම් කරමින් සිටින අතර සාක්ෂී අතුරුදන් කිරිමේ මෙහෙයුමක්ද දියත් කර ඇත්තේ සිය කුප්‍රකට හොරු,ත්‍රාඩයන්ගේ බලය රැක ගැනිම සදහා ඊළඟ ප්‍රහාරයක් දියත් කිරිම සදහා බව නොරහසකි.
රාජපක්ෂ ජුන්ටාව ජාත්‍යන්තර ත්‍රස්තවාදයේ අයින්ද්‍රීය කොටස්කරුවෙකි!! පාස්කු ප්‍රහාරය ගෝඨාව ගේන්න කළ කුමන්ත්‍රණයක්…. ඇතුලු අපකල අනාවරණයන් කිහිපයක් පමණක් පහතින් කියවිමට හැකියාව ඇත.
පාස්කු ප්‍රහාරයට පාර කැපු සිරිසේනගේ ඩොලර් මිලියන 40 යේ නින්දිත දේශපාලන ගේම!
රාජ්‍ය බුද්ධි අංශය ප්‍රහාරය ගැන ජනපති දැනුවත් කරලා… දැන දැනම රටෙන් පැන්නේ අලුත් මෙහෙයුමකටද?
පූජිත්, හේමසිරි සහරාන්ගෙන් පඩි අරන්! ඇපදුන් මහේස්ත්‍රාත්වරිය ගැනන් සැකයක්…….
රාජපක්ෂලාගේ බුද්ධි වාර්තාව හමුදා ප්‍රධානින්ගෙ හාස්‍යයට… සමාජ ජාලා බොරු සියල්ලම වාර්තාවට ඇතුල් කරලා…
සිරිසේන බබා වෙයි! 21 ප්‍රහාරය ගැන කලින් දන්නේ නෑ… කුමන්ත්‍රණ කැල්ලත් හැලේ!
